ԵԿԴ/0063/01/13


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
30 հուլիսի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ա.ԳԱԼՍՏՅԱՆԻ ամբաստանյալ Ս.ՎԱՐԴԱՆՅԱՆԻ
պաշտպան Ա.ՕՀԱՆՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Սարգիս Արայի Վարդանյանի` ծնված 22.08.1992թ. ք.Երևանում, ազգությամբ հայ, ՀՀ քաղաքացի, ամուսնացած, իր հայտարարությամբ` որպես ֆինանսական մասնագետ աշխատում է «Հայ-Ռուսգազարդ» ՓԲ ընկերության Քանաքեռի մասնաճյուղում և բարձրագույն կրթությամբ, առողջ, չդատված, բնակվում է` ք.Երևան, Սայաթ-Նովա փողոց, 12-րդ շենք, բնակարան հ. 9, ար-գելանքի տակ չէ, մեղադրվում է ՀՀ քրեական օրենսգրքի 268-րդ հոդվածի 1-ին մասով։
Ամբաստանյալ Ս.Վարդանյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա. «առանց իրացնելու նպատակի` իր գոր-ծածման համար, ապօրինի ձեռք է բերել և ընկերոջ` Նարեկ Նվերի Չախոյանի կողմից շահա-գործվող «Մերսեդես» մակնիշի 008 ՈՈ 02 պետհամարանիշի ավտոմեքենայի սրահում պահել է զգալի չափի` 0.51 գրամ, «չորացված մարիխուանա» տեսակի թմրամիջոց, որը 2013թ. մարտի 15-ին հայտնաբերվել է ՀՀ ոստիկանության Կենտրոնականի բաժնի աշխատակիցների կողմից` հիշյալ ավտոմեքենայի զննության ընթացքում»։
Ամբաստանյալ Ս.Վարդանյանը` մինչև դատաքննությունն սկսվելը, միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայացնում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանք-ները։
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի համա-ձայն լինելու հանգամանքն ու հանգելով եզրակացության, որ մեղադրանքը, որի հետ համաձայն-վեց ամբաստանյալը, հիմնավորված է և հաստատվում է քրեական գործով հավաքված ապա-ցույցներով, գտնում է, որ ամբաստանյալ Ս.Վարդանյանը կատարել է հանցանք` նախատեսված ՀՀ քրեական օրենսգրքի 268-րդ հոդվածի 1-ին մասով, որով և նա պետք է պատասխանատվու-թյան ենթարկվի։
Ամբաստանյալի նկատմամբ պատիժ նշանակելիս` պատժի տեսակն ու չափը որոշելիս, դատարանը հաշվի է առնում ինչպես նրա կատարած հանցագործության բնույթը, հանրության համար վտանգավորության աստիճանը և հետևանքները, նրա կողմից ապօրինի ձեռք բերված թմրամիջոցի տեսակն ու քանակը, այնպես էլ արագացված կարգով անցկացված դատաքննու-թյան ընթացքում ուսումնասիրված` նրա անձը բնութագրող տվյալներն ու պատասխանատվու-թյունը և պատիժը մեղմացնող ու ծանրացնող հանգամանքները։
Որպես ամբաստանյալ Ս.Վարդանյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա առաջին անգամ է դատապարտվում, խոստովանել է կատարած հանցանքը, համաձայնվեց մեղադրանքի հետ և անկեղծորեն զղջաց կատարած հանցանքի համար։
Որպես ամբաստանյալի անձը բնութագրող տվյալներ՝ դատարանը հաշվի է առնում, որ նա երիտասարդ է, հանացագործությունը կատարելուց հետո՝ 17.05.2013թ-ին, ամուսնացել է, և որ փորձաքննությամբ նրա մազի ու մեզի փորձանմուշներում թմրամիջոցներ չեն հայտնաբեր-վել։
Ամբաստանյալի պատասխանատվությունը և պատիժը ծանրացնող հանգամանքներ դա-տական քննությամբ չարձանագրվեցին։
Դատարանը, հաշվի առնելով ամբաստանյալի անձը բնութագրող տվյալները, նրա պա-տասխանատվությունն ու պատիժը մեղմացնող վերոգրյալ հանգամանքները, պատասխանա-տըվությունը և պատիժը ծանրացնող հանգամանքների բացակայությունն ու ելնելով ՀՀ քրեա-կան օրենսգրքի 10-րդ և 61-րդ հոդվածներով սահմանված արդարության, պատասխանատվու-թյան անհատականացման ու պատիժ նշանակելու ընդհանուր սկզբունքներից, հանգում է հետե-վության, որ նա պետք է դատապարտվի կալանքի, որպիսի պատիժը սակայն ՀՀ քրեական օրենսգքրի 70-րդ հոդվածի կիրառմամբ պայմանականորեն չպետք է կիրառվի, նկատի ունե-նալով, որ նրա ուղղվելը հնարավոր է առանց պատիժը կրելու՝ հասարակությունից չմեկուսաց-նելու, սակայն նրա վարքագծի նկատմամբ հսկողություն սահմանելու միջոցով, ինչն անհրա-ժեշտ ու բավարար է նաև սոցիալական արդարությունը վերականգնելու և նրա կողմից նոր հան-ցագործությունների կատարումը կանխելու համար։
Քննության առնելով իրեղեն ապացույցների տնօրինման հարցը` դատարանը գտնում է, որ փորձաքննությունից հետո մնացած 0,50 գրամ ընդհանուր քաշով «Չորացված մարիխու-անա» տեսակի թմրամիջոցը պետք է վերադարձվի ՀՀ ոստիկանության ՔԳՎ Երևան քաղաի ՔՎ Կնետրոնականի քննչական բաժին՝ նույն բաժնում քննվող թիվ 13131213 քրեական գործով հե-տագայում տնօրինելու համար։
Դատարանը, քննության առնելով խափանման միջոցի հարցը, գտնում է, որ ամբաստա-նյալի նկատմամբ կիրառված խափանման միջոցը` ստորագրություն՝ չհեռանալու մասին, մինչև դատավճռի օրինական ուժի մեջ մտնելը պետք է թողնվի անփոփոխ։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Սարգիս Արայի Վարդանյանին ճանաչել մեղավոր ՀՀ քրեական օրենսգրքի 268-րդ հոդ-վածի 1-ին մասով և դատապարտել կալանքի 2 (երկու) ամիս ժամկետով։
ՀՀ քրեական օրենսգրքի 70-րդ հոդվածի կիրառմամբ Ս.Վարդանյանի նկատմամբ նշա-նակված պատիժը պայմանականորեն չկիրառել և սահմանել փորձաշրջան 1 (մեկ) տարի ժամ-կետով։
Իրեղեն ապացույցը` 0,50 գրամ ընդհանուր քաշով «Չորացված մարիխուանա» տեսակի թմրամիջոցը, վերադարձնել ՀՀ ոստիկանության ՔԳՎ Երևան քաղաի ՔՎ Կնետրոնականի քննչական բաժին՝ նույն բաժնում քննվող թիվ 13131213 քրեական գործով հետագայում տնօրի-նելու համար։
Ս.Վարդանյանի նկատմամբ կիրառված խափանման միջոցը` ստորագրություն՝ չհեռա-նալու մասին, թողնել անփոփոխ` մինչև դատավճռի օրինական ուժի մեջ մտնելը։
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ