Գործ թիվ ԵԿԴ/0059/01/13






ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան)`

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի կայազորի
զինվորական դատախազության
դատախազ` Արմինե Հարությունյանի,

2013թ. մայիսի 14-ին նույն դատարանում` դռնբաց դատական նիստում, քննեց քրեական գործն ըստ մե¬ղադ¬րանքի`

Վ ա չ ա գ ա ն Ա զ ա տ ի Ա ր ս ե ն յ ա ն ի `
(ծնված 1987թ. օգոստոսի 2-ին, Կոտայքի մարզի Զովունի գյուղում, ազ¬գութ¬յամբ հայ, ՀՀ քաղաքացի, ամուսնացած, խնամքին մինչև 14 տարեկան երկու անչափահաս, միջ¬նա¬կարգ կրթությամբ, ՀՀ ՊՆ թիվ 95532 զորամասի պայմա¬նագրային զինծա¬ռայող, զբաղեցնում է 3-րդ գումարտակի 3-րդ վաշտի մար¬տական ապահովման դասակի ԱԳՍ-17 ջոկի հաշ¬վարկի համարի պաշտոնը, կոչու¬մով ավագ սերժանտ, նախ¬կինում չդատապարտ¬ված, հաշվառված և բնակվում է Կո¬տայ¬քի մարզի Զովունի գյուղի 38-րդ փողոցի 17-րդ շենքի թիվ 5 բնակարանում)

1.Գործի դատավարական նախապատմությունը.
Թիվ 90205413 քրեական գործն հարուցվել է 2013թ. մարտի 18-ին ՀՀ քրեական օրենսգրքի 361-րդ հոդվածի 1-ին մասով նախատեսված հանցագործության հատկա¬նիշ¬նե¬րով Երևա¬նի կայազորի զինվորական դատախազությունում` պայմանագրային զինծառայող Վաչա¬գան Արսենյանի կողմից ծառայության չներկայանալու փաստի առ¬թիվ։
2013թ. մարտի 19-ից սույն քրեական գործի նախաքննությունը կատարվել է ՀՀ ՊՆ քննչական ծառայության 4-րդ կայազորային քննչական բաժնում։
2013թ. մարտի 15-ին, այնուհետև նաև` 2013թ. մարտի 28-ին Վաչագան Արսենյանը բերման է ենթարկվել ՀՀ ՊՆ Աբովյանի ՌՈ բաժին։
2013թ. ապրիլի 13-ին Վաչագան Արսենյանին մե¬ղադրանք է առաջադրվել ՀՀ քրեա¬կան օրենսգրքի 361-րդ հոդվածի 1-ին մասով, նրա նկատմամբ որպես խափանման միջոց է ընտրվել չհեռանալու մասին ստորագրություն։
2013թ. ապրիլի 19-ին քրեական գործն Վաչագան Արսենյանի նկատմամբ ՀՀ քրեա¬¬¬կան օրենսգրքի 361-րդ հոդվածի 1-ին մասով հաստատված մեղադրական եզրակացութ¬յամբ ու¬ղարկ¬վել է Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատա¬րան և 2013թ. ապրիլի 26-ին ընդունվել վարույթ։
2. Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաստատված հա¬մա¬րեց այն, որ սույն գործով ամբաստանյալ Վաչագան Արսենյանը, երեք օրից ավելի, բայց մեկ ամսից ոչ ավելի ժամա¬նա¬կով առանց հարգելի պատճառների ծա¬ռա¬յության չի ներկայացել, որպիսի գործողություններն արտահայտվել են հետևյա¬լում.
Վաչագան Արսենյանը, հանդիսանալով ՀՀ ՊՆ 95532 զորամասի պայմանագրային զին¬ծառայող, 3-րդ գումարտակի 3-րդ վաշտի մարտական ապահովման դասակի ԱԳՍ-17 ջոկի հաշ¬վարկի համար, կոչումով ավագ սերժանտ, պարտավոր լինելով ներկայանալ ծառայության, 2013թ. մարտի 12-ից մինչև 15-ը, մարտի 18-ից մինչև 29-ը, 2013թ. ապրիլի 2-ից մինչև 5-ը, ապրիլի 8-ից մինչև 12-ն ընկած ժա¬մա¬նա¬կահատվածում` 23 օր տևողությամբ, առանց հարգելի պատ¬ճառների ժամանակին չի ներկայացել ծառայության։
Վերոնշյալ հանցավոր արարքը կատարելու համար Վաչագան Արսենյանին մե¬ղադրանք է առա¬ջադրվել ՀՀ քրեական օրենսգրքի 361-րդ հոդվածի 1-ին մասով։
Առաջադրված մեղադրանքում ամբաստանյալ Վաչագան Արսենյանն իրեն լիովին մե¬ղավոր ճա¬նա¬չեց և Դատարանում վերահաստատեց, որ 2013թ. մարտի 12-ից մինչև 2013թ. ապ¬րի¬լի 12-ն ընկած ժամանակահատվածում, մոտ 23 օր տևողությամբ, առանց վերադաս հրամա¬նա¬տարության թույլտվության ծառայության չի ներկա¬յա¬ցել, ինչը, սակայն պատճառաբանեց ըն¬տանիքի սոցիալական խնդիրների առկայությամբ, որոնց մասին ղեկավարությանը չի տեղե¬կացրել։
Ամբաս¬տան¬յալ Վաչագան Արսենյանին առաջադրված մեղադրանքը, բացի իր իսկ խոստովանական ցուցմունքներից, Դատա¬րանը հաստատված համարեց դա¬տաքննության ընթաց¬քում պատ¬շաճ իրա¬վա¬կան ըն¬¬թա¬ցա¬կարգերի շրջա¬նակ¬նե¬րում հետա¬¬զոտ¬ված և գնահատ¬ված ներ¬քոհիշ¬յալ ապա¬ցույց¬ներով.
Գործով որպես վկա հարցաքննված` ՀՀ ՊՆ 95532 զորամասի 3-րդ գումարտակի հրամա¬նա¬տար, փոխգնդապես Խաչատուր Սահակյանի ցուցմունքով.
Վերջինս Դատարանում հայտնեց, որ 2013թ. մարտի 12-ին` առավոտյան, 3-րդ գումար¬տակի 3-րդ վաշտի 2-րդ դասակի հրամանատար Տիգրան Հովհան¬նիս¬յանն իրեն զեկուցել է, որ իր ղեկավարած վաշտի պայմանագրային զինծա¬ռայող« ավագ սերժանտ Վաչագան Արսեն¬յա¬նը ծառայության չի ներկայացել։ Այդ մասին զեկուցել է վերադաս հրամանատարությանը, իսկ Վաչագան Արսենյանը ծառայության է ներկայացել միայն 2013թ. ապրիլի 13-ին` ծառայութ¬յանը ժա¬մա¬նակին չներկայանալը պատճառաբանելով անձնական խնդիրների առկայությամբ։
Գործով որպես վկա հարցաքննված` նույն զորամասի 3-րդ գումարտակի 3-րդ վաշտի հրաձիգ, շարքային Կառլեն Կարապետյանի ցուց¬մունքով. Վեր¬ջինս Դա¬տա¬րանում հայտնեց, որ 2013թ. մարտի 12-ին` առավոտյան, պարզվել է, որ պայմանագրային զինծա¬ռայող Վաչա¬գան Արսենյանը ծառայության չի ներկայացել։ Հայտնեց, որ Վ.Արսենյանի կողմից ծառա¬յութ¬յան չներկայանալու պատճառների մասին որևէ տեղեկություն չունի` նշելով, որ ծառայության հետ կապված խնդիրներ նա զորամասում չի ունեցել, բոլորի հետ գտնվել է նորմալ փոխհա¬րա¬բերություններում։
Գործով որպես վկա հարցաքննված` ՀՀ ՊՆ 95532 զորամասի 3-րդ գումարտակի 3-րդ վաշտի 2-րդ դասակի հրամանատար, լեյտենանտ Տիգրան Խաչիկի Հովհաննիսյանի ցուցմուն¬քով. Վերջինս Դատարանում հայտնեց, որ 2013թ. մարտի 12-ին` առավոտյան, տողանի ժամա¬նակ ստուգել է իր հրամանատարության ներքո գտնվող դասակի անձնակազմի առկայությունը և պարզել, որ պայմանագրային զինծա¬ռայող« ավագ սերժանտ Վաչագան Արսենյանը ծառա¬յութ¬յան չի ներկայացել։ Տողանի ավարտից հետո այդ մասին զեկուցել է զորամասի հրամանա¬տա¬րութ¬յանը։ Այնուհետև տեղեկացել է, որ Վաչագան Արսենյանը բերման է ենթարկվել ՀՀ ՊՆ Աբով¬յանի ռազմական ոստիկանության բաժին, որտեղ պարտավորվել է ներկայանալ զորա¬մաս, սակայն դարձյալ ծառայության չի ներկայացել։ Դատարանում նշեց, որ Վաչագան Արսենյանը զորամասում ծառայության հետ կապված խնդիրներ չի ունեցել, բոլորի հետ գտնվել է նորմալ, կանոնադրային փոխհարաբերություններում։
Որպես ապացույց ճանաչված և գործին կցված փաստաթղթերի`
ա. ՀՀ Զինված ուժերի գլխավոր շտաբի պետի 2012թ. փետրվարի 13-ի թիվ 280 հրամանի առկայությամբ, համաձայն որի` Վաչագան Արսենյանը 2012թ. փետրվարի 13-ից երեք տարի ժամկետով պայմանագրային հիմունքներով ծառայության է նշանակվել ՀՀ ՊՆ թիվ 65532 զորամասում։
բ, 2013թ. մարտի 12-ի թիվ 993 զեկուցագրի, Վաչագան Արսենյանի կողմից ծա¬ռա¬յութ¬յան չներկայանալու վերա¬բերյալ զորամասի հրամանատարի կողմից կազմված երկու տեղեկանքների, Վաչագան Արսենյանի կողմից ծառայության չներկանալու վերաբերյալ թիվ 95532 զորամասի հրամանատարի 2013թ. մարտի 12-ի թիվ 43 և 2013թ. ապրիլի 13-ի թիվ 66 հրաման¬ների քաղվածքների առկայությամբ, որոնք հաստա¬տում են ամբաստանյալ Վ.Արսեն¬յանի կողմից 2013թ. մարտի 12-ից մինչև 2013թ. ապրիլի 12-ն ընկած ժամանա¬կահատ¬ածում 23 օր տևողությամբ ծառայության չներկա¬յանալու փաստը։

3. Դատարանի իրավական վերլուծությունները.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաստատված համարեց այն, որ պայմանագրային զինծառայող Վաչագան Արսենյանը 23 օր տևողությամբ առանց հարգելի պատճառների ժամանակին ծա¬ռա¬յության չի ներկայացել, այսինքն` կատարել է հանցա¬վոր արարք« որն համա¬պա¬տաս¬¬խանում է ՀՀ քրեական օրենսգրքի 361-րդ հոդվածի 1-ին մասով նախա¬տես¬ված հանցա¬գործության հատ¬կանիշ¬ներին, հետևաբար` վեր¬ջինս քրեա¬կան պա¬տաս¬¬խա¬նատ¬¬¬վության և պատժի ենթա¬¬կա է այդ հոդվածի համա¬պա¬տասխան մասով։
Ամբաստանյալ Վ.Արսենյանի նկատմամբ նշանակվող պատժի տեսակը և չափը որո¬շե¬լիս Դատարանն հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգնել սոցիալական արդարությունը, ուղղել պատժի ենթարկված անձին, ինչ¬պես նաև կան¬խել հանցագործությունները։ ՀՀ քրեական օրենսգրքի 10-րդ հոդվածի հա¬մա¬ձայն` հան¬ցանք կատարած անձի նկատմամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն արդարացի, համապա¬տասխանեն հան¬ցանքի ծան¬րութ¬յանը, այն կատա¬րելու հանգա¬մանք¬ներին, հանցավորի անձնա¬վո¬րութ¬յանը, անհրա¬ժեշտ և բավարար լինեն նրան ուղղելու և նոր հանցա¬գործությունները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պա¬տիժ, իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցագոր¬ծության՝ հանրության համար վտանգավորության աստիճանով և բնույթով, հան¬¬ցավորի անձը բնու¬թագրող տվյալներով, այդ թվում՝ պատասխանատվությունը և պատիժը մեղմաց¬նող կամ ծանրացնող հանգամանքներով։ ՀՀ քրեական օրենսգրքի 61-րդ հոդվածի 3-րդ մասի համա¬ձայն` հան¬ցագործության համար նախա¬տեսված պատիժներից առավել խիստը նշանակվում է, եթե նվազ խիստ տեսակը չի կարող ապա¬հովել պատժի նպատակ¬ները։
Սույն գործով Դատարանը որպես ամբաստանյալ Վաչագան Արսենյանի անձը բնու¬թագրող տվյալներ է գնահատում վերջինիս երիտասարդ լինելը (ըստ 2008թ. հոկտեմբերի 3-ին տրված AH սե¬րիայի 0675523 համարի անձնագրի` ծնվել է 1987թ. օգոստոսի 2-ին), նախկինում դա¬տա¬պարտված չլինելը (ՀՀ ոստիկանության ինֆորմացիոն կենտրոն 2013թ. ապրիլի 15-ի դրութ¬յամբ կատարված հարցման արդյունքներով), իսկ որպես պատիժը և պատասխանատ¬վութ¬յունը մեղմացնող հանգամանք է դիտում խնամքին մինչև տասնչորս տարեկան երկու անչափահաս երեխաների` 2011թ. մայիսի 29-ին ծնված Միլենա Վաչագանի Արսենյանի ( ըստ 2011թ. մայիսի 31-ին տրված ԱԲ սերիայի թիվ 111559 ծննդյան վկայականի պատճենի) և 2010թ. հունվարի 13-ին ծնված Էլեն Վաչագանի Արսենյանի ( ըստ 2010թ. հունվարի 18-ին տրված ԱԲ սերիայի թիվ 045324 ծննդյան վկայականի պատճենի) առկայությունը։
Ամբաստանյալ Վ.Արսենյանի նկատմամբ պատիժ նշանակելիս Դատարանն հաշվի է առնում նաև այն, որ վերջինս ծառայության վայրում բնութագրվում է բացասաբար ( ըստ ՀՀ ՊՆ 95532 զորամասի հրամանատար Ա.Սիմոնյանի կողմից 2013թ. մարտի 13-ին տրված բնու¬թագրի)։
Ամբաստանյալ Վ.Արսենյանի պատասխանատվությունն ու պա¬տիժը ծանրացնող հան¬գա¬մանքներ Դատարանը չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տան¬յալ¬ Վ.Արսենյանի նկատմամբ նշանակվող պատժի նշանակման հարցերին` Դատա¬րանը փաս¬¬տում է, որ ՀՀ քրեա¬կան օրենսգրքի 361-րդ հոդվածի 1-ին մասով սահմանված հանցա¬կազ¬մի պատ¬ժամասն այլընտրանքային է, նախա¬տեսում է պատժատեսակներ կալանքի կամ որո¬շակի ժամ¬կետով կարգապահական գումարտակում պահելու տեսքով, հետևա¬բար` քննարկման ենթակա է նշանակվող պատ¬ժատեսակի ընտ¬րության, պատժաչափի, ինչպես նաև պատիժը ռեալ կրելու կամ չկրելու (ՀՀ քրեական օրենսգրքի 70-րդ հոդվածի կիրառում) հար¬ցերը։
ՀՀ քրեական օրենսգրքի 57-րդ հոդվածի 2-րդ մասի համաձայն` կալանք չի նշա¬նակվում դատավճիռը կայացնելու պահին (….) խնամքին մինչև ութ տարեկան երեխա ունե¬ցող անձանց նկատմամբ։
Տվյալ դեպքում, նկատի ունենալով, որ Վ.Արսենյանի խնամքին են գտնվում մինչև ութ տարեկան երկու երեխաները` ՀՀ քրեական օրենսգրքի վերոնշյալ ուժով ամբաստանյալ Վա¬չագան Արսենյանի նկատ¬մամբ ՀՀ քրեական օրենսգրքի 61-րդ հոդվածի 3-րդ մասով նախա¬տեսված` նվազ խիստ պատժատեսակը նշանակելու սկզբունքը չի գործում, նրա նկատ¬մամբ կարող է նշանակվել պատիժ` բացա¬ռա¬պես որո¬շակի ժամկետով կարգապահական գումարտա¬կում պահելու ձևով։
Ինչ վերաբերվում է Վ.Արսենյանի նկատմամբ նշանակվող պատիժը ռեալ կրելու կամ չկրելու (ՀՀ քրեական օրենսգրքի 70-րդ հոդվածի կիրառում) հար¬ցին, ապա տվյալ հարցը քննարկելիս Դատարանը հաշվի է առնում հետևյալը.
ՀՀ քրեական օրենսգրքի 70-րդ հոդվածի 1-ին մասի համաձայն` եթե դատարանը կա¬լանքի, ազատազրկման կամ կարգապահական գումարտակում պահելու ձևով պատիժ նշա¬նակելիս հանգում է հետևության, որ դատապարտյալի ուղղվելն հնարավոր է առանց պա¬տիժը կրելու, ապա կարող է որո¬շում կայացնել այդ պատիժը պայմանականորեն չկիրառելու մասին։ Նույն հոդվածի 2-րդ մասի համա¬ձայն` պատիժը պայմանականորեն չկիրառելիս դատա¬րանը հաշվի է առնում հանցավորի անձը բնութագրող տվյալները, պատաս¬խա¬նատվութ¬յունը և պատիժը մեղմացնող և ծանրացնող հանգա¬մանք¬ները։
ՀՀ քրեական օրենսգրքի վերոնշյալ դրույթների մեկնաբանությունից ակնհայտ է, որ պա¬տիժը պայմանականորեն չկիրառելու հետ կապված ինչպես հանցագործությունների տեսակ¬նե¬րի, հանցավոր արարքի վտանգավորության աստիճանի ու բնույթի, այնպես էլ անձանց շրջա¬նակի հետ կապ¬ված որևէ հատուկ սահմանափակում օրենսդիրը չի նախատեսել, այսինքն` պատի¬ժը պայմանականորեն չկի¬րա¬ռելու հիմք է համարվում դատարանի համոզ¬վածությունն առ այն, որ դատապարտյալի ուղղվելն հնա¬րավոր է առանց որոշակի պատժա¬տեսակները ռեալ կրե¬լու (նման մեկնաբանություն է արել նաև ՀՀ Վճռաբեկ դատա¬րանը Հասմիկ Պետրոսյանի վերա¬բերյալ թիվ ԱՐԱԴ/0050/01/08 քրեական գործով 2009թ. հունիսի 29-ին կայացրած որոշ¬մամբ)։
Դատարանի այդ համոզվածությունը կարող է կայանալ պատասխանատվությունը և պա¬տիժը մեղմացնող, ՀՀ քրեական օրենսգրքի 62-րդ հոդվածով նախատեսված (ինչպես նաև չնախատեսված, բայց Դատարանի համոզմամբ այդ¬պիսին դիտարկվող) և 63-րդ հոդվածում սպառիչ թվարկված, պա¬տաս¬խանատվությունը և պատիժը ծանրացնող հանգամանքների գնա¬հատման արդյունքներով։
Հաշվի առնելով ամբաստանյալ Վաչագան Արսենյանի անձը դրականորեն բնութագրող տվյալ¬ները, մաս¬նավորապես` երիտասարդ և ամուսնացած լինելը, նրա պատասխա¬նատ¬վութ¬յունը և պատիժը մեղմացնող հանգամանքները` խնամքին երկու մանկահասակ երեխայի առկա¬յութ¬յունը, նախկինում դա¬տա¬պարտված չլինելը, անկեղծորեն զղջալն ու առա¬ջադրված մեղադրանքում իրեն մեղավոր ճանաչելը, նրան վերագրվող հանցագոր¬ծութ¬յան բնույթն ու վտանգա¬վորության աստի¬ճանը, պատասխանատվությունն ու պա¬տիժը ծանրացնող հանգա¬մանքների բացակայությունը, ինչպես նաև այն, որ ամբաստանյալ Վ.Արսենյանի խնամքին մինչև 8 տարեկան երեխաների առկայությունը խոչընդոտում է նվազ խիստ պատժատեսակի` կալանքի նշանակմանը, տվյալ դեպքում գործում է ի վնաս նրա` Դատարանը հանգում է այն համոզվա¬ծության, որ ամբաստանյալ Վ.Արսենյանի ուղղվե¬լը և նոր հանցա¬գործությունների կանխելն հնա¬րավոր է նրա նկատմամբ որոշակի ժամկետով կարգապահական գումարտակում պահելու ձևով նշանակվող պա¬տիժը պայմա¬նա¬կանորեն չկիրառելու և միաժամանակ ողջամիտ, տվյալ դեպքում՝ մեկ տարի ժամ¬կետով փոր¬ձաշրջան սահմա¬նելու պայմաններում։ Այդ պատիժն է արդա¬րացի ու միա¬ժա¬¬մանակ անհրաժեշտ ամբաս¬տան¬յալ Վ.Արսենյանի ուղղելու և հնա¬րավոր նոր հանցա¬գոր¬ծութ¬յունները կան¬խելու հա¬մար։
Ամբաստանյալ Վ.Արսենյանի նկատմամբ որպես խա¬¬¬փանման միջոց ընտրված չհեռանալու մասին հարցը քննարկելիս` Դատա¬րանը գտնում է, որ այն անհրա¬ժեշտ է թողնել անփոփոխ` մինչև սույն դատավճռի օրինական ուժի մեջ մտնե¬լը։
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դա¬տավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների, դա¬տական ծախսերի, գույքի նկատմամբ կիրառված (կիրառվելիք) արգելանքի, քաղա¬¬քա¬ցիական հայ¬ցի հարցերին։ Դատարանն արձանագրում է, որ դատական ծախսերն հիմնավորող ապացույցները, ինչպես նաև իրեղեն ապա¬ցույցները քրեական գործում բացակայում են, Վ.Արսենյանի գույքի նկատմամբ արգելանք չի կիրառվել, քրեական գործով քաղա¬քա¬ցիական հայց չի ներկայացվել։
Գնահատելով դատաքննությամբ հետազոտված ապացույց¬ները, ուսումնասիրելով ամ¬բաս¬¬տան¬յալի անձը բնութագրող տվյալները, պատասխանատ¬վութ¬յունն ու պատիժը մեղ¬մացնող հան¬գամանքները, ղեկավարվելով ՀՀ քրեական դատավա¬րա¬կան օրենսգրքի 357-360, 364-365, 369-375 հոդված¬ներով,

Վ Ճ Ռ Ե Ց ՝

Վաչագան Ազատի Արսենյանին ճանաչել մեղավոր ՀՀ քրեական օրենսգրքի 361-րդ հոդվածի 1-ին մասով նախատեսված հանցա¬գործության կատարման մեջ, նրա նկատմամբ նշանակել պատիժ` կագապահական գումարտակում պահելու ձևով 6 (վեց) ամիս ժամկետով։
ՀՀ քրեական օրենսգրքի 70-րդ հոդվածի կիրառմամբ` Վաչագան Ազատի Արսենյանի նկատ¬մամբ կագապահական գումարտակում պահելու ձևով նշա¬նակված պատիժը պայմա¬նա¬կանորեն չկիրառել և սահ¬մանել փոր¬ձաշրջան 1 (մեկ) տարի ժամկետով։
Վաչագան Արսենյանի նկատմամբ որպես խափանման միջոց ընտրված չհեռանալու մա¬սին ստո¬րագրությունը վերացնել` սույն դատավճիռն օրինական ուժի մեջ մտնելուց հետո։
Դատական ծախսերի հարցն համարել լուծված։
Դատավճիռը կարող է բողոքարկվել Հայաստանի Հանրապետության վերաքննիչ քրեա¬կան դատարան հրապարակման օրվանից մե¬կամսյա ժամկետում։


ԴԱՏԱՎՈՐ՝ Ա.ՎԱՐԴԱՆՅԱՆ