Հիմնական
Գործի համար:
ԵԿԴ/0058/01/13
Վիճակագրական տողի համար :
6.2
Պատասխանող
Արթուր Հովսեփյան
Արթուր Հովսեփյան Էդուարդի
Արթուր Հովսեփյան
Դատավոր
Քրեական վերաքննիչ
Եվա Դարբինյան
Գագիկ Ավետիսյան
Լիլիթ Թադևոսյան
Կենտրոն և Նորք-Մարաշ
Մխիթար Պապոյան
Դատավոր
Քրեական վերաքննիչ
Եվա Դարբինյան
Գագիկ Ավետիսյան
Լիլիթ Թադևոսյան
Կենտրոն և Նորք-Մարաշ
Մխիթար Պապոյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Քրեական վերաքննիչ | 2013-10-15 | 14:00 | 2 | Կայացվել է | ||
| Կենտրոն և Նորք-Մարաշ | 2013-07-30 | 12:00 | 2 | Կայացել է | ||
| Կենտրոն և Նորք-Մարաշ | 2013-07-12 | 12:00 | 2 | Նշանակվել է դատական նիստ | ||
| Կենտրոն և Նորք-Մարաշ | 2013-06-21 | 12:00 | 2 | Նշանակվել է դատական նիստ | ||
| Կենտրոն և Նորք-Մարաշ | 2013-06-05 | 16:00 | 2 | Նշանակվել է դատական նիստ | ||
| Կենտրոն և Նորք-Մարաշ | 2013-05-18 | 15:30 | 2 | Կայացել է |
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՔՐԵԱԿԱՆ ՎԵՐԱՔՆՆԻՉ ԴԱՏԱՐԱՆ
Երևան քաղաքի Կենտրոն և Նորք-Մարաշ
վարչական շրջանների ընդհանուր իրավասության
դատարանի դատավճիռ գործ թիվ ԵԿԴ/0058/01/13
նախագահող դատավոր` Մ.Պապոյանի
Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
15 հոկտեմբերի 2013թ. ք.Երևան
ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
/այսուհետ` Վերաքննիչ դատարան/ հետևյալ կազմով`
ՆԱԽԱԳԱՀՈՂ ԴԱՏԱՎՈՐ` Ե.ԴԱՐԲԻՆՅԱՆ
ԴԱՏԱՎՈՐՆԵՐ` Գ.ԱՎԵՏԻՍՅԱՆ
Ս.ՉԻՉՈՅԱՆ
ՔԱՐՏՈՒՂԱՐՈՒԹՅԱՄԲ` Տ.Հակոբյանի
ՄԱՍՆԱԿՑՈՒԹՅԱՄԲ`
ԲՈՂՈՔ ԲԵՐԱԾ ԱՆՁ ԱՄԲԱՍՏԱՆՅԱԼ` Ա.Հովսեփյանի
ՊԱՇՏՊԱՆ` Հ.Բաղդասարյանի
ՄԵՂԱԴՐՈՂ` Ն.Միքայելյանի
Դռնբաց դատական նիստում, ամբաստանյալ` Արթուր Հովսեփյանի վերաքննիչ բողոքի հիման վրա, քննության առնելով քրեական գործն ըստ մեղադրանքի Արթուր Էդուարդի Հովսեփյանի` ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով,
Պ Ա Ր Զ Ե Ց
ԳՈՐԾԻ ԴԱՏԱՎԱՐԱԿԱՆ ՆԱԽԱՊԱՏՄՈՒԹՅՈՒՆԸ
1. 2013 թվականի փետրվարի 12-ին ՀՀ ոստիկանության Կենտրոնականի քննչական բաժնում ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նախատեսված հանցագործության հատկանիշներով հարուցվել է թիվ 13114813 քրեական գործը:
2. 2013 թվականի փետրվարի 14-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով:
3. 2013 թվականի մարտի 19-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով:
4. 2013 թվականի ապրիլի 23-ին Արթուր Էդուարդի Հովսեփյանի վերաբերյալ թիվ 13114813 քրեական գործը հաստատված մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան (այսուհետև` Դատարան):
5. Դատարանի 30.07.2013 թվականի դատավճռով Արթուր Հովսեփյանը մեղավոր է ճանաչվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և նրա նկատմամբ պատիժ է նշանակվել ազատազրկում` 3 (երեք) տարի ժամկետով` պատժի կրման սկիզբը հաշվելով 2013 թվականի փետրվարի 12-ից:
Արթուր Հովսեփյանի նկատմամբ ընտրված խափանման միջոցը` կալանավորումը, թողնվել է անփոփոխ` մինչև դատավճռի օրինական ուժի մեջ մտնելը:
6. Առաջին ատյանի դատարանի 30.07.2013թ. դատավճռի դեմ վերաքննիչ բողոք է բերել ամբաստանյալ Արթուր Հովսեփյանը:
7. Վերաքննիչ դատարանի 2013թ. սեպտեմբերի 3-ի որոշմամբ բողոքն ընդունվել է վարույթ և քրեական գործը նշանակվել է քննության վճռաբեկության կարգով:
8. Վերաքննիչ բողոքի դեմ գրավոր պատասխան չի ներկայացվել:
ԳՈՐԾԻ ՓԱՍՏԱԿԱՆ ՀԱՆԳԱՄԱՆՔՆԵՐԸ.
9. Արթուր Հովսեփյանին ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով մեղադրանք է առաջադրվել այն բանի համար, որ նա 2013 թվականի փետրվարի 12-ին` ժամը 13:00-ի սահմաններում, Երևան քաղաքի Վազգեն Սարգսյան փողոցի 2 հասցեում գործող <<Ամերիաբանկ>> ՓԲ ընկերության <<Կենտրոն>> մասնաճյուղի հարևանությամբ գտնվող Ստեփան Շահումյանի անվան հրապարակում կյանքի կամ առողջության համար ոչ վտանգավոր բռնություն գործադրելով` աջ ձեռքով հարվածել է Լուսինե Աշոտի Հովհաննիսյանի գլխի ետևի հատվածին, քաշքշել մազերից, իսկ ձախ ձեռքով քաշելով պայուսակի բռնակներից` փորձել է բացահայտ հափշտակել վերջինին պատկանող 4.000 ՀՀ դրամ արժողությամբ մուգ կապույտ գույնի արհեստական կաշվից պատրաստված կանացի պայուսակը, դրա մեջ եղած 1.500 ՀՀ դրամ արժողության սև գույնի արհեստական կաշվից պատրաստված կանացի դրամապանակը` 2.000 ՀՀ դրամով, 700 ՀՀ դրամ արժողությամբ սպիտակ հիմնագույնի և կարմիր պուտավոր արհեստական կաշվից պատրաստված կանացի հարդարման պարագաների պայուսակը, 200 ՀՀ դրամ արժողությամբ երկկողմանի ծալվող, արծաթագույն պլաստմասսե իրանով կանացի սանրը, սակայն իր կամքից անկախ հանգամանքներով հանցագործությունն ավարտին չի հասցրել, քանի որ տեսնելով Լուսինե Հովհաննիսյանի բղավոցից օգնության հասնող քաղաքացիներին վախեցել և հեռացել է:
ՎԵՐԱՔՆՆԻՉ ԲՈՂՈՔԻ ՀԻՄՔԵՐԸ, ՀԻՄՆԱՎՈՐՈՒՄՆԵՐԸ, ԵՎ ՊԱՀԱՆՋԸ.
10. Ամբաստանյալ Արթուր Հովսեփյանը վերաքննիչ բողոքով խնդրել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2013թ. հուլիսի 30-ի դատավճիռը պատժի մասով բեկանել, փոփոխել և, հաշվի առնելով իր հիվանդության հանգամանքը, որոշում կայացնել իրեն ազատ արձակելու վերաբերյալ:
ՎԵՐԱՔՆՆԻՉ ԴԱՏԱՐԱՆԻ ՊԱՏՃԱՌԱԲԱՆՈՒԹՅՈՒՆՆԵՐԸ ԵՎ ԵԶՐԱՀԱՆԳՈՒՄԸ.
11. Վերաքննիչ դատարանը, քննության առնելով ամբաստանյալ Արթուր Հովսեփյանի վերաքննիչ բողոքը` բողոքի հիմքերի և հիմնավորումների սահմաններում, լսելով նաև բողոքում ներկայացված հետևությունները հիմնավորելու մասին պաշտպանության կողմի պատճառաբանությունները, ինչպես նաև ուսումնասիրելով և վերլուծելով գործի նյութերը, դրանք գնահատելով իրենց համակցությամբ, հանգում է այն հետևության, որ ամբաստանյալի վերաքննիչ բողոքը պետք է մերժել` նկատի ունենալով, որ Դատարանը, հաշվի առնելով ամբաստանյալի կողմից կատարված հանցանքի ծանրությունը և ամբաստանյալի անձը, նշանակել է համապատասխան պատիժ և գտել է, որ ամբաստանյալը պետք կրի իր նկատմամբ նշանակված պատիժը:
12. Վերաքննիչ դատարանը, քննության առնելով ամբաստանյալ Ա.Հովսեփյանի նկատմամբ ՀՀ ԱԺ <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> 03.10.2013թ. որոշումը կիրառելու հարցը, հանգում է այն հետևության, որ ամբաստանյալ Ա.Հովսեփյանի նկատմամբ պետք է կիրառել ՀՀ ԱԺ <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> 03.10.2013թ. որոշումը, հետևյալ պատճառաբանությամբ.
03.10.2013թ. ՀՀ Ազգային Ժողովի կողմից ընդունվել է <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշում, որի 1-ին կետի 3-րդ ենթակետի համաձայն` << Պատժից ազատել, բացառությամբ սույն որոշման 8-րդ կետի 4-6-րդ ենթակետերով և 9-րդ կետով նախատեսված դեպքերի` այն անձանց, որոնց նկատմամբ նշանակվել է առավելագույնը երեք տարի ժամկետով ազատությունից զրկելու հետ կապված պատիժ>>:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 30.07.2013 թվականի դատավճռով Արթուր Հովսեփյանը մեղավոր է ճանաչվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և նրա նկատմամբ պատիժ է նշանակվել ազատազրկում` 3 (երեք) տարի ժամկետով:
Գործի նյութերով հիմնավորվել է, որ սույն քրեական գործով ամբաստանյալ Արթուր Հովսեփյանի նկատմամբ ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման կիրառման սահմանափակում նախատեսող որևէ նորմ առկա չէ:
Ելնելով վերը շարադրվածից Վերաքննիչ դատարանն գտնում է, որ Արթուր Հովսեփյանի նկատմամբ կիրառելի է ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 1-ին կետի 3-րդ ենթակետը:
ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 13-րդ կետի համաձայն`
<<Սույն որոշման կատարումը վերապահել`
1) Հայաստանի Հանրապետության ընդհանուր իրավասության առաջին ատյանի և վերաքննիչ քրեական դատարաններին`
ա. այն անձանց նկատմամբ, որոնց վերաբերյալ գործերը Հայաստանի Հանրապետության ընդհանուր իրավասության առաջին ատյանի կամ վերաքննիչ քրեական դատարաններում են, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն օրինական ուժի մեջ չեն մտել, (...)>>:
ՀՀ քրեական օրենսգրքի 82-րդ հոդվածի համաձայն`
<<Հանցանք կատարած անձն օրենսդիր մարմնի կողմից ընդունվող համաներման ակտով կարող է ազատվել քրեական պատասխանատվությունից, իսկ դատապարտյալը կարող է լրիվ կամ մասնակիորեն ազատվել ինչպես հիմնական, այնպես էլ լրացուցիչ պատժից, կամ պատժի չկրած մասը կարող է փոխարինվել ավելի մեղմ պատժատեսակով, կամ կարող է վերացվել դատվածությունը:>>:
Ելնելով վերոգրյալից` Վերաքննիչ դատարանը գտնում է, որ Արթուր Հովսեփյանի նկատմամբ պետք է կիրառել ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 1-ին կետի 3-րդ ենթակետը` վերջինիս նկատմամբ նշանակված 3 /երեք/ տարի ժամկետով ազատազրկում պատժից ազատել:
Նկատի ունենալով, որ ամբաստանյալ Ա.Հովսեփյանի նկատմամբ կիրառվում է ՀՀ ԱԺ կողմից 03.10.2013թ. ընդունված համաներման ակտը` Վերաքննիչ դատարանը նպատակահարմար չի գտնում անդրադառնալ վերաքննիչ բողոքի վերլուծությանը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 374-րդ, 393-394-րդ, 402-րդ, 412-րդ հոդվածներով` Վերաքննիչ դատարանը
Ո Ր Ո Շ Ե Ց
1. Ամբաստանյալ Արթուր Էդուարդի Հովսեփյանի վերաքննիչ բողոքը մերժել:
2. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2013թ. հուլիսի 30-ի դատավճիռը քրեական գործով ըստ մեղադրանքի Արթուր Էդուարդի Հովսեփյանի` ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով թողնել օրինական ուժի մեջ:
3. Ամբաստանյալ Արթուր Էդուարդի Հովսեփյանի նկատմամբ կիրառել ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 1-ին կետի 3-րդ ենթակետը և նրան ազատել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի թվականի հուլիսի 30-ի դատավճռով նշանակված 3 (երեք) տարի ժամկետով ազատազրկում պատժից:
4. Ամբաստանյալ Արթուր Էդուարդի Հովսեփյանի նկատմաբ կիրառված խափանման միջոց կալանավորումը վերացնել և նրան ազատել կալանքից դատական նիստի դահլիճում:
5. Որոշումը կարող է բողոքարկվել ՀՀ Վճռաբեկ դատարան հրապարակման պահից` մեկամսյա ժամկետում:
ՆԱԽԱԳԱՀՈՂ ԴԱՏԱՎՈՐ ստորագրություն
ԴԱՏԱՎՈՐՆԵՐ ստորագրություններ
Իսկականի հետ ճիշտ է
ՆԱԽԱԳԱՀՈՂ ԴԱՏԱՎՈՐ Ե. ԴԱՐԲԻՆՅԱՆ
ՔՐԵԱԿԱՆ ՎԵՐԱՔՆՆԻՉ ԴԱՏԱՐԱՆ
Երևան քաղաքի Կենտրոն և Նորք-Մարաշ
վարչական շրջանների ընդհանուր իրավասության
դատարանի դատավճիռ գործ թիվ ԵԿԴ/0058/01/13
նախագահող դատավոր` Մ.Պապոյանի
Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
15 հոկտեմբերի 2013թ. ք.Երևան
ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
/այսուհետ` Վերաքննիչ դատարան/ հետևյալ կազմով`
ՆԱԽԱԳԱՀՈՂ ԴԱՏԱՎՈՐ` Ե.ԴԱՐԲԻՆՅԱՆ
ԴԱՏԱՎՈՐՆԵՐ` Գ.ԱՎԵՏԻՍՅԱՆ
Ս.ՉԻՉՈՅԱՆ
ՔԱՐՏՈՒՂԱՐՈՒԹՅԱՄԲ` Տ.Հակոբյանի
ՄԱՍՆԱԿՑՈՒԹՅԱՄԲ`
ԲՈՂՈՔ ԲԵՐԱԾ ԱՆՁ ԱՄԲԱՍՏԱՆՅԱԼ` Ա.Հովսեփյանի
ՊԱՇՏՊԱՆ` Հ.Բաղդասարյանի
ՄԵՂԱԴՐՈՂ` Ն.Միքայելյանի
Դռնբաց դատական նիստում, ամբաստանյալ` Արթուր Հովսեփյանի վերաքննիչ բողոքի հիման վրա, քննության առնելով քրեական գործն ըստ մեղադրանքի Արթուր Էդուարդի Հովսեփյանի` ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով,
Պ Ա Ր Զ Ե Ց
ԳՈՐԾԻ ԴԱՏԱՎԱՐԱԿԱՆ ՆԱԽԱՊԱՏՄՈՒԹՅՈՒՆԸ
1. 2013 թվականի փետրվարի 12-ին ՀՀ ոստիկանության Կենտրոնականի քննչական բաժնում ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նախատեսված հանցագործության հատկանիշներով հարուցվել է թիվ 13114813 քրեական գործը:
2. 2013 թվականի փետրվարի 14-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով:
3. 2013 թվականի մարտի 19-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով:
4. 2013 թվականի ապրիլի 23-ին Արթուր Էդուարդի Հովսեփյանի վերաբերյալ թիվ 13114813 քրեական գործը հաստատված մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան (այսուհետև` Դատարան):
5. Դատարանի 30.07.2013 թվականի դատավճռով Արթուր Հովսեփյանը մեղավոր է ճանաչվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և նրա նկատմամբ պատիժ է նշանակվել ազատազրկում` 3 (երեք) տարի ժամկետով` պատժի կրման սկիզբը հաշվելով 2013 թվականի փետրվարի 12-ից:
Արթուր Հովսեփյանի նկատմամբ ընտրված խափանման միջոցը` կալանավորումը, թողնվել է անփոփոխ` մինչև դատավճռի օրինական ուժի մեջ մտնելը:
6. Առաջին ատյանի դատարանի 30.07.2013թ. դատավճռի դեմ վերաքննիչ բողոք է բերել ամբաստանյալ Արթուր Հովսեփյանը:
7. Վերաքննիչ դատարանի 2013թ. սեպտեմբերի 3-ի որոշմամբ բողոքն ընդունվել է վարույթ և քրեական գործը նշանակվել է քննության վճռաբեկության կարգով:
8. Վերաքննիչ բողոքի դեմ գրավոր պատասխան չի ներկայացվել:
ԳՈՐԾԻ ՓԱՍՏԱԿԱՆ ՀԱՆԳԱՄԱՆՔՆԵՐԸ.
9. Արթուր Հովսեփյանին ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով մեղադրանք է առաջադրվել այն բանի համար, որ նա 2013 թվականի փետրվարի 12-ին` ժամը 13:00-ի սահմաններում, Երևան քաղաքի Վազգեն Սարգսյան փողոցի 2 հասցեում գործող <<Ամերիաբանկ>> ՓԲ ընկերության <<Կենտրոն>> մասնաճյուղի հարևանությամբ գտնվող Ստեփան Շահումյանի անվան հրապարակում կյանքի կամ առողջության համար ոչ վտանգավոր բռնություն գործադրելով` աջ ձեռքով հարվածել է Լուսինե Աշոտի Հովհաննիսյանի գլխի ետևի հատվածին, քաշքշել մազերից, իսկ ձախ ձեռքով քաշելով պայուսակի բռնակներից` փորձել է բացահայտ հափշտակել վերջինին պատկանող 4.000 ՀՀ դրամ արժողությամբ մուգ կապույտ գույնի արհեստական կաշվից պատրաստված կանացի պայուսակը, դրա մեջ եղած 1.500 ՀՀ դրամ արժողության սև գույնի արհեստական կաշվից պատրաստված կանացի դրամապանակը` 2.000 ՀՀ դրամով, 700 ՀՀ դրամ արժողությամբ սպիտակ հիմնագույնի և կարմիր պուտավոր արհեստական կաշվից պատրաստված կանացի հարդարման պարագաների պայուսակը, 200 ՀՀ դրամ արժողությամբ երկկողմանի ծալվող, արծաթագույն պլաստմասսե իրանով կանացի սանրը, սակայն իր կամքից անկախ հանգամանքներով հանցագործությունն ավարտին չի հասցրել, քանի որ տեսնելով Լուսինե Հովհաննիսյանի բղավոցից օգնության հասնող քաղաքացիներին վախեցել և հեռացել է:
ՎԵՐԱՔՆՆԻՉ ԲՈՂՈՔԻ ՀԻՄՔԵՐԸ, ՀԻՄՆԱՎՈՐՈՒՄՆԵՐԸ, ԵՎ ՊԱՀԱՆՋԸ.
10. Ամբաստանյալ Արթուր Հովսեփյանը վերաքննիչ բողոքով խնդրել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2013թ. հուլիսի 30-ի դատավճիռը պատժի մասով բեկանել, փոփոխել և, հաշվի առնելով իր հիվանդության հանգամանքը, որոշում կայացնել իրեն ազատ արձակելու վերաբերյալ:
ՎԵՐԱՔՆՆԻՉ ԴԱՏԱՐԱՆԻ ՊԱՏՃԱՌԱԲԱՆՈՒԹՅՈՒՆՆԵՐԸ ԵՎ ԵԶՐԱՀԱՆԳՈՒՄԸ.
11. Վերաքննիչ դատարանը, քննության առնելով ամբաստանյալ Արթուր Հովսեփյանի վերաքննիչ բողոքը` բողոքի հիմքերի և հիմնավորումների սահմաններում, լսելով նաև բողոքում ներկայացված հետևությունները հիմնավորելու մասին պաշտպանության կողմի պատճառաբանությունները, ինչպես նաև ուսումնասիրելով և վերլուծելով գործի նյութերը, դրանք գնահատելով իրենց համակցությամբ, հանգում է այն հետևության, որ ամբաստանյալի վերաքննիչ բողոքը պետք է մերժել` նկատի ունենալով, որ Դատարանը, հաշվի առնելով ամբաստանյալի կողմից կատարված հանցանքի ծանրությունը և ամբաստանյալի անձը, նշանակել է համապատասխան պատիժ և գտել է, որ ամբաստանյալը պետք կրի իր նկատմամբ նշանակված պատիժը:
12. Վերաքննիչ դատարանը, քննության առնելով ամբաստանյալ Ա.Հովսեփյանի նկատմամբ ՀՀ ԱԺ <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> 03.10.2013թ. որոշումը կիրառելու հարցը, հանգում է այն հետևության, որ ամբաստանյալ Ա.Հովսեփյանի նկատմամբ պետք է կիրառել ՀՀ ԱԺ <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> 03.10.2013թ. որոշումը, հետևյալ պատճառաբանությամբ.
03.10.2013թ. ՀՀ Ազգային Ժողովի կողմից ընդունվել է <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշում, որի 1-ին կետի 3-րդ ենթակետի համաձայն` << Պատժից ազատել, բացառությամբ սույն որոշման 8-րդ կետի 4-6-րդ ենթակետերով և 9-րդ կետով նախատեսված դեպքերի` այն անձանց, որոնց նկատմամբ նշանակվել է առավելագույնը երեք տարի ժամկետով ազատությունից զրկելու հետ կապված պատիժ>>:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 30.07.2013 թվականի դատավճռով Արթուր Հովսեփյանը մեղավոր է ճանաչվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և նրա նկատմամբ պատիժ է նշանակվել ազատազրկում` 3 (երեք) տարի ժամկետով:
Գործի նյութերով հիմնավորվել է, որ սույն քրեական գործով ամբաստանյալ Արթուր Հովսեփյանի նկատմամբ ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման կիրառման սահմանափակում նախատեսող որևէ նորմ առկա չէ:
Ելնելով վերը շարադրվածից Վերաքննիչ դատարանն գտնում է, որ Արթուր Հովսեփյանի նկատմամբ կիրառելի է ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 1-ին կետի 3-րդ ենթակետը:
ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 13-րդ կետի համաձայն`
<<Սույն որոշման կատարումը վերապահել`
1) Հայաստանի Հանրապետության ընդհանուր իրավասության առաջին ատյանի և վերաքննիչ քրեական դատարաններին`
ա. այն անձանց նկատմամբ, որոնց վերաբերյալ գործերը Հայաստանի Հանրապետության ընդհանուր իրավասության առաջին ատյանի կամ վերաքննիչ քրեական դատարաններում են, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն օրինական ուժի մեջ չեն մտել, (...)>>:
ՀՀ քրեական օրենսգրքի 82-րդ հոդվածի համաձայն`
<<Հանցանք կատարած անձն օրենսդիր մարմնի կողմից ընդունվող համաներման ակտով կարող է ազատվել քրեական պատասխանատվությունից, իսկ դատապարտյալը կարող է լրիվ կամ մասնակիորեն ազատվել ինչպես հիմնական, այնպես էլ լրացուցիչ պատժից, կամ պատժի չկրած մասը կարող է փոխարինվել ավելի մեղմ պատժատեսակով, կամ կարող է վերացվել դատվածությունը:>>:
Ելնելով վերոգրյալից` Վերաքննիչ դատարանը գտնում է, որ Արթուր Հովսեփյանի նկատմամբ պետք է կիրառել ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 1-ին կետի 3-րդ ենթակետը` վերջինիս նկատմամբ նշանակված 3 /երեք/ տարի ժամկետով ազատազրկում պատժից ազատել:
Նկատի ունենալով, որ ամբաստանյալ Ա.Հովսեփյանի նկատմամբ կիրառվում է ՀՀ ԱԺ կողմից 03.10.2013թ. ընդունված համաներման ակտը` Վերաքննիչ դատարանը նպատակահարմար չի գտնում անդրադառնալ վերաքննիչ բողոքի վերլուծությանը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 374-րդ, 393-394-րդ, 402-րդ, 412-րդ հոդվածներով` Վերաքննիչ դատարանը
Ո Ր Ո Շ Ե Ց
1. Ամբաստանյալ Արթուր Էդուարդի Հովսեփյանի վերաքննիչ բողոքը մերժել:
2. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2013թ. հուլիսի 30-ի դատավճիռը քրեական գործով ըստ մեղադրանքի Արթուր Էդուարդի Հովսեփյանի` ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով թողնել օրինական ուժի մեջ:
3. Ամբաստանյալ Արթուր Էդուարդի Հովսեփյանի նկատմամբ կիրառել ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 1-ին կետի 3-րդ ենթակետը և նրան ազատել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի թվականի հուլիսի 30-ի դատավճռով նշանակված 3 (երեք) տարի ժամկետով ազատազրկում պատժից:
4. Ամբաստանյալ Արթուր Էդուարդի Հովսեփյանի նկատմաբ կիրառված խափանման միջոց կալանավորումը վերացնել և նրան ազատել կալանքից դատական նիստի դահլիճում:
5. Որոշումը կարող է բողոքարկվել ՀՀ Վճռաբեկ դատարան հրապարակման պահից` մեկամսյա ժամկետում:
ՆԱԽԱԳԱՀՈՂ ԴԱՏԱՎՈՐ ստորագրություն
ԴԱՏԱՎՈՐՆԵՐ ստորագրություններ
Իսկականի հետ ճիշտ է
ՆԱԽԱԳԱՀՈՂ ԴԱՏԱՎՈՐ Ե. ԴԱՐԲԻՆՅԱՆ
ԵԿԴ/0058/01/13
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ
ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
«30» հուլիսի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)
Նախագահող դատավոր
դատական նիստերի քարտուղար
մեղադրող
տուժող
պաշտպան
Մ.Պապոյան
Կ.Կարապետյան
Ն.Միքայելյան
Լ.Հովհաննիսյան
Հ.Բաղդասարյան
դռնբաց դատական նիստում քննեց քրեական գործն ըստ մեղադրանքի`
Արթուր Էդուարդի Հովսեփյանի` ծնված 1974 թվականի հոկտեմբերի 13-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում չդատապարտված, հաշվառված է Երևան քաղաքի Դավթաշեն 1-ին թաղամասի 30-րդ շենքի 36-րդ բնակարանում, մշտական բնակության վայր չունի, ժամանակավորապես բնակվել է Երևան քաղաքի Բաղրամյան պողոտայի 70-րդ տան հարևանությամբ գտնվող կիսակառույց շինությունում, մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով, արգելանքի տակ է 2013 թվականի փետրվարի 12-ից:
1. Գործի դատավարական նախապատմությունը.
2013 թվականի փետրվարի 12-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 13114813 քրեական գործը:
2013 թվականի փետրվարի 14-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով:
2013 թվականի մարտի 19-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով:
2013 թվականի ապրիլի 23-ին Արթուր Էդուարդի Հովսեփյանի վերաբերյալ թիվ 13114813 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0058/01/13 համարը:
Արթուր Էդուարդի Հովսեփյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով` այն արարքի համար, որ նա, 2013 թվականի փետրվարի 12-ին` ժամը 13:00-ի սահմաններում, Երևան քաղաքի Վազգեն Սարգսյան փողոցի 2 հասցեում գործող «Ամերիաբանկ» ՓԲ ընկերության «Կենտրոն» մասնաճյուղի հարևանությամբ գտնվող Ստեփան Շահումյանի անվան հրապարակում կյանքի կամ առողջության համար ոչ վտանգավոր բռնություն գործադրելով` աջ ձեռքով հարվածել է Լուսինե Աշոտի Հովհաննիսյանի գլխի ետևի հատվածին, քաշքշել մազերից, իսկ ձախ ձեռքով քաշելով պայուսակի բռնակներից` փորձել է բացահայտ հափշտակել վերջինին պատկանող 4.000 ՀՀ դրամ արժողությամբ մուգ կապույտ գույնի արհեստական կաշվից պատրաստված կանացի պայուսակը, դրա մեջ եղած 1.500 ՀՀ դրամ արժողության սև գույնի արհեստական կաշվից պատրաստված կանացի դրամապանակը` 2.000 ՀՀ դրամով, 700 ՀՀ դրամ արժողությամբ սպիտակ հիմնագույնի և կարմիր պուտավոր արհեստական կաշվից պատրաստված կանացի հարդարման պարագաների պայուսակը, 200 ՀՀ դրամ արժողությամբ երկկողմանի ծալվող, արծաթագույն պլաստմասսե իրանով կանացի սանրը, սակայն իր կամքից անկախ հանգամանքներով հանցագործությունն ավարտին չի հասցրել, քանի որ տեսնելով Լուսինե Հովհաննիսյանի բղավոցից օգնության հասնող քաղաքացիներին վախեցել է և հեռացել:
2. Ապացույցների հետազոտում և գնահատում.
Դատական քննության ընթացքում ամբաստանյալ Արթուր Հովսեփյանն առաջադրված մեղադրանքում իրեն մեղավոր չճանաչեց և օգտվելով իր իրավունքից` հրաժարվեց ցուցմունք տալ: Սակայն նախնական քննության ընթացքում տված ցուցմունքները հրապարակելուց հետո հայտնեց, որ դեպքի օրն ինքը Լուսինե Հովհաննիսյանին չի հարվածել: Ինքը մեկ ձեռքով բռնել է նրա մազերից, իսկ մյուս ձեռքով` նրա պայուսակից, որպեսզի նա իրեն չհարվածի: Նա իրեն ծիծաղելով ասել է. «Առ քեզ 1.000 դրամ, տամ քեզ 1.000 դրամ»:
Նախնական քննության ընթացքում Արթուր Հովսեփյանը ցուցմունք է տվել այն մասին, որ ինքը հաշվառված է Երևան քաղաքի Դավիթաշեն 1-ին թաղամասի 30-րդ շենքի 36-րդ բնակարանում, սակայն նշված բնակարանն ինքը շուրջ չորս տարի առաջ վաճառել է, իսկ գումարը ծախսել է: Ինքը մշտական բնակչության վայր չունի, սակայն բնակվում է Երևան քաղաքի Բաղրամյան պողոտայի 70-րդ տան հարևանությամբ գտնվող կիսակառույց շինությունում: 2013 թվականի փետրվարի 12-ին` ժամը 07:00-ին, ինքը դուրս է եկել կիսակառույց շինությունից և գնացել է Երևան քաղաքի Կենտրոն վարչական շրջան: Երկար ժամանակ ոտքով շրջելուց հետո, ինքը հասել է Երևան քաղաքի Ստեփան Շահումյանի անվան հրապարակի մոտ և նստել նստարանին: Նշված օրը` ժամը 13:00-ի սահմաններում, երբ ինքը նշված վայրում նստարանին նստած է եղել, իր դիմացով անցել են երեք աղջիկներ, որոնցից մեկը սկսել է ծաղրել իրեն` ասելով, թե ինչու է ինքն ամեն օր նստում այդ նստարանին, թե ինչ է ցանկանում նրանցից, սակայն ինքը նրանցից ոչինչ չի ցանկացել: Իրեն անգամ թվացել է, որ այդ աղջիկը պայուսակից ինչ որ բան է ցանկացել հանել և տալ իրեն, իր կարծիքով գումար է ցանկացել տալ` կարծելով, թե ինքը մուրացկան է, սակայն ինքը երբեք մուրացկանությամբ չի զբաղվել: Կամ էլ նա ցանկացել է պայուսակից հանել բջջային հեռախոս կամ լուսանկարչական ապարատը և լուսանկարել իրեն: Այդ պահին ինքը մոտեցել է այդ աղջկան, որպեսզի տեսնի, թե ինչ է ցանկացել նա տալ իրեն, սակայն այդ աղջիկը ծիծաղելով շարունակել է ճանապարհը: Ինքը գնալով նրա ետևից բռնել է այդ աղջկա մազերից և քաշքշելով մազերից հարցրել է, թե նա ինչ է ցանկանում իրենից, քանի որ ինքը խելոք նստած է եղել, իսկ նա ծաղրել է իրեն, այսինքն` նայելով իր կողմը ծիծաղել է իր վրա և ինքը մտածել է, որ նա ծաղրել է իրեն: Այդ աղջիկը սկսել է բղավել, որպեսզի ինքը բաց թողնի նրան, և ինքն էլ նրան բաց է թողել և գնացել է դեպի Հանրապետության հրապարակի կողմը: Դրանից քիչ հետո, Հանրապետության հրապարակի հարևանությամբ գտնվող Հակոբ Պարոնյանի անվան թատրոնի շենքի մոտ իրեն մոտեցել են ոստիկանության աշխատակիցները և տարել են ոստիկանության բաժին: Ինքն այդ աղջկան չի հարվածել, միգուցե բռնել և քաշել է նրա մազերից, հնարավոր է, որ նաև հայհոյանքներ տված լինի նրա հասցեին, սակայն ներկայում չի հիշում: Ինքը բռնել և քաշել է այդ աղջկա մազերից ոչ թե նրա ձեռքից պայուսակը հափշտակելու համար, այլ իրեն ծաղրելու համար: Ինքը քաշել է այդ աղջկա պայուսակից, որպեսզի տեսնի, թե նա ինչ է ցանկացել հանել պայուսակից և տալ իրեն, սակայն տեսնելով, որ հեռվից մարդիկ են մոտեցել, բաց է թողել այդ աղջկա մազերը և պայուսակի բռնակը ու հեռացել:
Տուժող Լուսինե Հովհաննիսյանը դատական քննության ընթացքում ցուցմունք տվեց այն մասին, որ 2013 թվականի փետրվարի 12-ին` ժամը 13:00-ի սահմաններում, ինքն իր ընկերուհիների` Ալմաստ Ամիրյանի և Անի Դավթյանի հետ, եղել է Երևան քաղաքի Ստեփան Շահումյանի անվան հրապարակում: Այդ ժամանակ նշված վայրում գտնվող նստարանին նստած է եղել Արթուր Հովսեփյանը: Իրենք զրուցելով քայլել են նրա մոտով, իսկ նա ետևից մոտեցել է իրեն, հարվածել է իր գլխին, բռնել իր մազերից, քաշքշել այն և փորձել է խլել իր պայուսակը: Այդ ժամանակ իր ընկերուհիներն Արթուրին ասել են, որպեսզի նա բաց թողնի իրեն, իսկ հետո օգնություն են կանչել: Իրենց ձայներից հեռվում կանգնած անծանոթ տղաները վազելով մոտեցել են իրենց և Արթուրը բաց է թողել իր մազերը ու գնացել: Իր պայուսակի մեջ եղել են դրամապանակ, կոսմետիկա, զարդատուփ, հարդարման միջոցներ և 2.000 ՀՀ դրամ:
Վկա Ալմաստ Ամիրյանը դատական քննության ընթացքում ցուցմունք տվեց այն մասին, որ ինքն աշխատել է Գրիգոր Լուսավորիչ փողոցում գտնվող «Ամերիա բանկ» ՓԲ ընկերությունում: 2013 թվականի փետրվարի սկզբներին` ժամը 13:00-ի սահմաններում, ինքն իր ընկերուհիների` Լուսինե Հովհաննիսյանի և Անի Դավթյանի հետ, զբոսնել է Ստեփան Շահումյանի անվան հրապարակում: Այդ ժամանակ Արթուր Հովսեփյանը հարվածել է Լուսինեի գլխին, ուժեղ քաշել նրա մազերից և փորձել խլել նրա պայուսակը: Իրենք սկսել են բղավել, որի պատճառով երկու երիտասարդներ են մոտեցել և Արթուրը բաց է թողել Լուսինեի մազերից ու նստել նստարանին:
Վկա Անի Դավթյանը նախնական քննության ընթացքում ցուցմունք է տվել այն մասին, որ 2013 թվականի փետրվարի 12-ին` ժամը 12:30-ի սահմաններում, ինքը, Լուսինե Հովհաննիսյանը և Ալմաստ Ամիրյանը Երևան քաղաքի Գրիգոր Լուսավորչ փողոցի 9 հասցեում գտնվող «Ամերիա բանկ» ՓԲ ընկերության վարչական շենքից ոտքով գնացել են Երևան քաղաքի Ստեփան Շահումյանի անվան հրապարակի հարևանությամբ գտնվող «Պարմա» սուպերմարկետ: Այնուհետև` ժամը 13:00-ի սահմաններում, քայլելով ցանկացել են վերադառնալ «Ամերիա բանկ» ՓԲ ընկերության վերը նշված շենք: Այդ ժամանակ` Ստեփան Շահումյանի անվան հրապարակում գտնվող նստարանին նկատել են նստած իրենց անծանոթ մի տղամարդու, ով թափառաշրջիկի տպավորություն է թողել: Նշված անձի կողքով անցնելուց հետո, նա վազելով թիկունքի կողմից մոտեցել է Լուսինեին, ձեռքով հարվածել է նրա գլխին, բռնել նրա մազերից և սկսել քաշքշել, իսկ մյուս ձեռքով բռնել է Լուսինեի պայուսակի բռնակից և փորձել խլել պայուսակը, սակայն Լուսինեն երկու ձեռքերով ամուր բռնել է պայուսակը, որպեսզի նա չկարողանա վերցնել այն, քանի որ նրա գործողություններն ուղղված են եղել Լուսինեի պայուսակը և դրանում եղած պարունակությունը հափշտակելուն: Լուսինեն սկսել է բղավել, որպեսզի այդ տղամարդը բաց թողնի նրա պայուսակն ու մազերը և հեռանա, իսկ դրան հակառակ այդ անձը շարունակել է քաշքշել Լուսինեի պայուսակից` փորձելով այն վերցնել Լուսինեի ձեռքից: Այդ պահին, ինքն ու Ալմաստը նկատելով դիմացից դեպի իրենց կողմը քայլող անծանոթ երկու երիտասարդների, խնդրել են նրանց օգնել Լուսինեին: Այդ երկու երիտասարդները, տեսնելով թափառաշրջիկ տղամարդու գործողությունները, 7-8 մետր հեռավորությունից բղավել են նրա վրա, որպեսզի նա բաց թողնի պայուսակը և հեռանա: Նրանց բղավոցներից հետո թափառաշրջիկը ևս մի քանի անգամ քաշքշել է Լուսինեի պայուսակից, սակայն չկարողանալով վերցնել պայուսակը և տեսնելով, որ նշված երկու երիտասարդներն արդեն մոտենում են նրան, ստիպված բաց է թողել Լուսինեի մազերը և պայուսակը ու հեռացել: Նա գնացել և նստել է այն նույն նստարանին, որտեղ նստած է եղել մինչ իրենց մոտենալը: Թափառաշրջիկ տղամարդը Լուսինեի մազերից և պայուսակից քաշելու ընթացքում հայերեն և ռուսերեն լեզվով ցածր ձայնով ինչ-որ բառեր է արտաբերել, սակայն ինքը չի հասկացել դրանց իմաստը: Նշված երկու երիտասարդները բուն միջադեպին չեն միջամտել, այդ տղամարդուն չեն մոտեցել և չեն հարվածել, նրա հետ կոնֆլիկտ չեն ունեցել, սակայն այդ թափառաշրջիկ տղամարդը հատկապես վախեցել է այդ երկու երիտասարդների բղավոցից և իրենց մոտենալուց, որով էլ պայմանավորված բաց է թողել Լուսինեի մազերը և պայուսակը: Դրանից մոտ 10 րոպե անց Լուսինեն զանգահարել է 1-02 համարով և պատմել տեղի ունեցածի մասին: Դեպքից հետո այդ թափառաշրջիկ տղամարդը նստարանից վեր է կացել և Վազգեն Սարգսյան փողոցով քայլել դեպի Հանրապետության հրապարակի ուղղությամբ: Դեպքից մոտ 1 ժամ հետո ՀՀ ոստիկանության Կենտրոնականի բաժնում ինքը տեսել է վերը նշված անձին և տեղեկացել, որ նա Արթուր Հովսեփյանն է: Մինչ վերը նշված միջադեպը, ինքը, Լուսինեն և Ալմաստը Արթուրին չեն ծաղրել, չեն հարցրել նրան, թե ինչու է նստել նստարանին, իսկ Լուսինեն չի փորձել պայուսակից որևէ իր կամ գումար հանել և տալ նրան:
Վկա Յուրա Հարությունյանը դատական քննության ընթացքում ցուցմունք տվեց այն մասին, որ ինքն աշխատում է ՀՀ ոստիկանության Երևան քաղաքի վարչության ՊՊԾ գնդի 1-ին գումարտակում` որպես ոստիկան: 2013 թվականի փետրվարին (օրը չի հիշում)` կեսօրին, ՀՀ ոստիկանության Երևան քաղաքի վարչության հերթապահ մասից իրեն և Գագիկ Ավագյանին հանձնարարվել է, որպեսզի գնան Երևան քաղաքի Ստեփան Շահումյանի անվան հրապարակ: Իրենք գնացել են նշված վայր և զանգահարել են ՀՀ ոստիկանության Երևան քաղաքի վարչության օպերատիվ կառավարման կենտրոն, որտեղից իրենց ասել են Լուսինեի հեռախոսահամարը: Ինքը զանգահարել է նրան, ով պատմել է կատարվածի մասին և նկարագրել է ամբաստանյալի արտաքինը: Դրանից հետո Հակոբ Պարոնյանի անվան թատրոնի դիմաց իրենք հայտնաբերել են Լուսինեի նկարագրած անձին, ով եղել է Արթուր Հովսեփյանը: Այդ ժամանակ Արթուրը հանգիստ քայլելով գնալիս է եղել դեպի Հանրապետության հրապարակ:
Վկա Գագիկ Ավագյանը նախնական քննության ընթացքում ցուցմունք է տվել այն մասին, որ ինքն աշխատում է ՀՀ ոստիկանության Երևան քաղաքի վարչության ՊՊԾ գնդի 1-ին գումարտակի 1-ին վաշտի 1-ին դասակում` որպես դասակի հրամանատարի օգնական: 2013 թվականի փետրվարի 12-ին թիվ 0110 պարեկային ավտոմեքենայով ոստիկանության ՊՊԾ գնդի աշխատակիցներ Սպարտակ Ղազարյանի և Յուրա Հարությունյանի հետ ծառայություն են իրականացրել Երևան քաղաքի Կենտրոն վարչական շրջանում: Նույն օրը` ժամը 13:30-ի սահմաններում, ՀՀ ոստիկանության Երևան քաղաքի վարչության օպերատիվ կառավարման կենտրոնից տեղեկություն են ստացել, որպեսզի շտապ մոտենան Երևան քաղաքի Շահումյանի անվան հրապարակ: Հաղորդում ստանալուց շուրջ 2-3 րոպե անց, իրենք ավտոմեքենայով գնացել են նշված հրապարակ: Այդ ընթացքում հերթապահն իրենց ռադիոկապով հայտնել է, որ Ստեփան Շահումյանի անվան հրապարակում ինչ-որ մեկը ցանկացել է կողոպտել մի աղջկա և Յուրա Հարությունյանին փոխանցել է այդ աղջկա բջջային հեռախոսահամարը: Դրանից անմիջապես հետո Յուրա Հարությունյանը հեռախոսազրույց է ունեցել մինչ այդ իրեն անծանոթ Լուսինե Հովհաննիսյանի հետ, ով Յուրա Հարությունյանին հայտնել է հանցագործի արտաքին տվյալները: Դրանից 2-3 րոպե անց Երևան քաղաքի Վազգեն Սարգսյան փողոցում գտնվող Հակոբ Պարոնյանի անվան թատրոնի շենքի մոտ իրենք նկատել են Լուսինեի կողմից նկարագրած տղամարդուն և նրան բերման ենթարկել ՀՀ ոստիկանության Կենտրոնականի բաժին: Մինչ ոստիկանության բաժին գնալը Երևան քաղաքի Գրիգոր Լուսավորիչի փողոցի 9 հասցեում գտնվող «Ամերիա բանկ» ՓԲ ընկերության շենքի մոտ հանդիպել են Լուսինեին, ով տեսնելով ավտոմեքենայի մեջ նստած տղամարդուն, անմիջապես ճանաչել է նրան և հայտնել, որ հենց այդ տղամարդն է ցանկացել հափշտակել նրա ձեռքի պայուսակը և դրա մեջ եղած պարունակությունը: ՀՀ ոստիկանության Կենտրոնականի բաժնում պարզվել է, որ բերման ենթարկված անձը հանդիսանում է Արթուր Էդուարդի Հովսեփյանը:
Քննչական փորձարարություն կատարելու մասին 2013 թվականի մարտի 15-ի արձանագրության համաձայն` 2013 թվականի մարտի 15-ին` ժամը 16:20-ին, ՀՀ ոստիկանության Կենտրոնականի քննչական բաժնից «ՎԱԶ 2107» մակնիշի ավտոմեքենայով տուժող` Լուսինե Հովհաննիսյանի մատնանշած երթուղիով մեկնել են դեպքի վայր` Երևան քաղաքի Վազգեն Սարգսյան փողոցի 2-րդ հասցեում գործող «Ամերիաբանկ» ՓԲ ընկերության «Կենտրոն» մասնաճյուղի հարևանությամբ գտնվող Ստեփան Շահումյանի անվան հրապարակ: Հրապարակը նշված հատվածում ունի 70 մետր երկարություն և 35 մետր լայնություն: Հրապարակի միջնամասում առկա է 65x76 մետր չափերի կանաչապատ տարածք, որն ամբողջությամբ ծածկված է խոտով, բացի այդ, կանաչապատ տարածքում առկա են նաև այլ բույսեր` թփեր: Նշված կանաչապատ տարածքի ետնամասում գտնվում է Ստեփան Շահումյանի արձանը: Կանաչապատ տարածքի առջևի հատվածում առկա է 70x9 մետր չափերի հրապարակ, որի հատակը պատված է բետոնե սալիկներով և շրջապատված եզրաքարերով: Դեմքով դեպի Ստեփան Շահումյանի արձանին նայելիս` հրապարակի և կանաչապատ հատվածի եզրագծում միմյանցից 4 մետր հեռավորության վրա հաջորդաբար տեղադրված են թվով 6 հատ նստարաններ: Ստեփան Շահումյանի արձանին դեմքով նայելիս` ձախ կողմից առաջին նստարանը տեղադրված է Վազգեն Սարգսյան փողոցի բանուկ մասից 7 մետր հեռավորության վրա: Նշված նստարանի ձախ և աջ կողմերում հրապարակի ուղղահայաց գտնվում է Վազգեն Սարգսյան փողոցը: Դեպքի վայրում տուժող Լուսինե Հովհաննիսյանը, մատնացույց անելով Վազգեն Սարգսյան փողոցի և հրապարակին հարող հետիոտնի անցումի համար նախատեսված ճանապարհը, հայտարարեց, որ 2013 թվականի փետրվարի 12-ին` ժամը 13:00-ի սահմաններում, նշված անցումով անցնելով փողոցը, ինքը և իր երկու ընկերուհիները շարունակել են քայլել հրապարակի նշված հատվածով: Մատնացույց անելով Ստեփան Շահումյանի արձանին դեմքով նայելու դեպքում, հրապարակի ձախ կողմում տեղադրված առաջին նստարանը, Լուսինե Հովհաննիսյանը հայտարարել է, որ նշված նստարանին է նստած եղել Արթուր Հովսեփյանը, երբ իրենք անցել են հրապարակի մոտով: Մատնացույց անելով, նշել է առաջին նստարանից 4 մետր դեպի առաջ և փողոցի անկյունից 8 մետր դեպի նստարանի կողմի հատվածը, Լուսինե Հովհաննիսյանը հայտարարել է, որ 2013 թվականի փետրվարի 12-ին` ժամը 13:00-ի սահմաններում, հենց նշված վայրում է Արթուր Հովսեփյանն աջ ձեռքով հարվածել իր գլխի ետևի հատվածին, քաշքշել մազերից, իսկ ձախ ձեռքով քաշել է պայուսակի բռնակներից, փորձել է հափշտակել պայուսակը և դրանում եղած պարունակությունը:
Փորձագետի 2013 թվականի փետրվարի 13-ի թիվ 399 եզրակացության համաձայն` Լուսինե Հովհաննիսյանի մոտ փորձաքննության պահին մարմնական վնասվածքներ չեն հայտնաբերվել:
Փորձագետի 2013 թվականի մարտի 5-ի թիվ 113-ԱՊ եզրակացության համաձայն` փորձաքննությանը տրամադրված ապրանքատեսակների միջին շուկայական արժեքը 2013 թվականի փետրվարի 12-ի դրությամբ, առկա ապրանքային վիճակի հաշվառմամբ, գնահատվում են` պայուսակը` 4.000 ՀՀ դրամ, դրամապանակը` 1.500 ՀՀ դրամ, հարդարման պարագաների պայուսակը` 700 ՀՀ դրամ, սանրը` 200 ՀՀ դրամ:
2013 թվականի մարտի 26-ի ամբուլատոր դատահոգեբուժական փորձաքննության թիվ 136/13 եզրակացության համաձայն` Արթուր Էդուարդի Հովսեփյանը տառապում է «Շիզոֆրենիա, պարանոիդ ձև» խրոնիկական հոգեկան հիվանդությամբ: Հիվանդությունը, սակայն 1999 թվականից ի վեր գտնվում է կայուն ռեմիսիայի շրջանում, ինչը թեև ինչպես իրավախախտումը կատարելու պահին, այնպես էլ ներկայում չի զրկել նրան իր գործողությունների համար իրեն հաշիվ տալու հնարավորությունից, սակայն հաշվի առնելով փորձաքննվողի մոտ քննադատական ունակությունների անբավարարությունը, իր մղումներն անմիջական իրագործելու հակվածությունը, սեփական գործողությունների հետևանքները կանխատեսելու ունակության անբավարարությունը, էապես սահմանափակել է նրա հնարավորությունները ղեկավարելու իր գործողությունները: Ուստի Արթուր Էդուարդի Հովսեփյանին կատարածի նկատմամբ հարկ է ճանաչել սահմանափակ մեղսունակ: Իր ներկա հոգեկան վիճակով նա կարող է մասնակցել քննչական գործողություններին: Դատապարտվելու դեպքում կարիք ունի նյարդահոգեբույժի հսկողության կալանավայրի պայմաններում:
Իրեղեն ապացույց ճանաչելու մասին 2013 թվականի մարտի 11-ի որոշման համաձայն` մուգ կապույտ գույնի կաշվե պայուսակը, սև գույնի կաշվե դրամապանակը, 2 հատ 1.000 ՀՀ դրամանոց թղթադրամները և հարդարման պարագաներն իրենց տուփով ճանաչվել են իրեղեն ապացույց և ի պահ հանձնվել տուժող Լուսինե Հովհաննիսյանին:
ՀՀ ոստիկանության ինֆորմացիոն կենտրոնի պահանջագրի համաձայն` Արթուր Հովսեփյանը նախկինում դատապարտված չի եղել:
Ձերբակալման 2013 թվականի փետրվարի 12-ի արձանագրության համաձայն` 2013 թվականի փետրվարի 12-ին` ժամը 16:00-ին, Արթուր Հովսեփյանը ձերբակալվել է:
Կալանավորումը որպես խափանման միջոց կիրառելու միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2013 թվականի փետրվարի 14-ի որոշման համաձայն` Արթուր Հովսեփյանի նկատմամբ որպես խափանման միջոց կիրառվել է կալանավորումը, կալանավորման սկիզբը հաշվվել է 2013 թվականի փետրվարի 12-ից:
Դատարանը գտնում է, որ մտացածին են և գործով ձեռք բերված օբյեկտիվ տվյալներով հերքվում են ամբաստանյալ Արթուր Հովսեփյանի ցուցմունքներն այն մասին, որ ինքը Լուսինե Հովհաննիսյանին չի հարվածել և հափշտակություն կատարելու մտադրություն չի ունեցել, այլ մեկ ձեռքով բռնել է նրա մազերից, իսկ մյուս ձեռքով` նրա պայուսակից, որպեսզի նա իրեն չհարվածի:
Վերոգրյալ ապացույցները վերլուծելու և գնահատելու արդյունքում Դատարանը հաստատված է համարում գործի լուծման համար նշանակություն ունեցող հետևյալ փաստերը.
-2013 թվականի փետրվարի 12-ին` ժամը 13:00-ի սահմաններում, Արթուր Հովսեփյանը և Լուսինե Հովհաննիսյանը գտնվել են Երևան քաղաքի Ստեփան Շահումյանի անվան հրապարակում,
-Լուսինե Հովհաննիսյանն ուսին գցած է եղել կանացի պայուսակ,
-Արթուր Հովսեփյանը ցանկացել է տիրանալ Լուսինե Հովհաննիսյանի պայուսակին և դրանում եղած իրերին,
-Արթուր Հովսեփյանը ետևից մոտեցել է Լուսինե Հովհաննիսյանին, հարվածել նրա գլխին, քաշքշել նրա մազերից և քաշել պայուսակը,
-Լուսինե Հովհաննիսյանը բռնել է պայուսակը և բղավել,
-Լուսինե Հովհաննիսյանի բղավոցի արդյունքում փորձել են օգնության հասնել քաղաքացիները, որի պատճառով Արթուր Հովսեփյանը թողել է Լուսինեի մազերը և նրա պայուսակը ու հեռացել,
-Լուսինե Հովհաննիսյանի պայուսակը և դրանում եղած իրերն ու գումարը, ընդհանուր առմամբ կազմել են 8.400 ՀՀ դրամ,
- Լուսինե Հովհաննիսյանի կյանքին և առողջությանը վնաս չի պատճառվել,
-Արթուր Հովսեփյանը վատառողջ է և նախկինում դատապարտված չի եղել,
-Արթուր Հովսեփյանն արգելանքի տակ է 2013 թվականի փետրվարի 12-ից:
3. Դատարանի իրավական վերլուծությունները.
Վերը նշված փաստերի հիման վրա Դատարանը գալիս է այն եզրահանգման, որ 2013 թվականի փետրվարի 12-ին` ժամը 13:00-ի սահմաններում, Երևան քաղաքի Ստեփան Շահումյանի անվան հրապարակում, Արթուր Էդուարդի Հովսեփյանը, Լուսինե Հովհաննիսյանի առողջության համար ոչ վտանգավոր բռնություն գործադրելով, ցանկացել է բացահայտ հափշտակել վերջինի պայուսակը և դրանում եղած իրերն ու գումարը, որոնց ընդհանուր արժեքը կազմել է 8.400 ՀՀ դրամ, սակայն իր կամքից անկախ հանգամանքներով այն ավարտին չի հասցրել, քանի որ տեսնելով Լուսինե Հովհաննիսյանի բղավոցից օգնության հասնող քաղաքացիներին, հեռացել է: Այսինքն` Արթուր Էդուարդի Հովսեփյանը կատարել է ուրիշի գույքի բացահայտ հափշտակություն, որը զուգորդվել է Լուսինե Հովհաննիսյանի առողջության համար ոչ վտանգավոր բռնություն գործադրելով, ինչը համապատասխանում է ՀՀ քրեական օրենսգրքի 34-176-րդ հոդվածի 2-րդ մասի 4-րդ կետի հատկանիշներին:
Ապացուցված է Արթուր Էդուարդի Հովսեփյանի մեղավորությունը ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նախատեսված արարքը կատարելու մեջ:
Դատարանը գտնում է, որ Արթուր Հովսեփյանի պատասխանատվությունն ու պատիժը մեղմացնող հանգամանքներ են սահմանափակ մեղսունակ լինելը և նախկինում դատապարտված` արատավորված չլինելը:
Դատարանն արձանագրում է, որ Արթուր Հովսեփյանի անձը դրականորեն բնութագրող և պատասխանատվությունն ու պատիժը ծանրացնող հանգամանքներ սույն քրեական գործում առկա չեն:
Կատարած արարքի համար ամբաստանյալ Արթուր Հովսեփյանը ենթակա է քրեական պատասխանատվության և պատժի:
Դատարանը, հաշվի առնելով Արթուր Հովսեփյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, պատասխանատվությունն ու պատիժը մեղմացնող հանգամանքները, նրան դրականորեն բնութագրող տվյալների և պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Արթուր Հովսեփյանի կատարած արարքի համար ՀՀ քրեական օրենսգրքի 176-րդ հոդվածի 2-րդ մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Արթուր Հովսեփյանի պատժի կրման սկիզբը պետք է հաշվել 2013 թվականի փետրվարի 12-ից, քանի որ նա ձերբակալվել է այդ օրը, իսկ 2011 թվականի փետրվարի 14-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արթուր Հովսեփյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2013 թվականի մարտի 11-ի որոշմամբ իրեղեն ապացույց ճանաչված իրերը պետք է թողնել Լուսինե Հովհանիսյանի տնօրինությանը:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերն ամբաստանյալ Արթուր Հովսեփյանից ենթակա չեն բռնագանձման, քանի որ տուժող Լուսինե Հովհաննիսյանին պատկանող` իրեղեն ապացույց ճանաչված իրերը պետք է թողնվեն նրա տնօրինությանը: Ավելին` տուժողը հայտնել է, որ ամբաստանյալից որևէ պահանջ չունի: Բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մաuի 2-6-րդ կետերով նախատեսված դատական ծախսերը, քանի որ 6-րդ կետով նախատեսված դատական ծախսեր ընդհանրապես չկան, իսկ 2-5-րդ կետերով նախատեսված ծախսերի վերաբերյալ տվյալները բացակայում են, ավելին` նման պահանջ Դատարան չի ներկայացվել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը
ՎՃՌԵՑ
Արթուր Էդուարդի Հովսեփյանին մեղավոր ճանաչել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և պատիժ նշանակել ազատազրկում` 3 (երեք) տարի ժամկետով` պատժի կրման սկիզբը հաշվելով 2013 թվականի փետրվարի 12-ից:
Արթուր Էդուարդի Հովսեփյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո 2013 թվականի մարտի 11-ի որոշմամբ իրեղեն ապացույց ճանաչված իրերը թողնել Լուսինե Աշոտի Հովհանիսյանի տնօրինությանը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:
ԴԱՏԱՎՈՐ Մ.ՊԱՊՈՅԱՆ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ
ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
«30» հուլիսի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)
Նախագահող դատավոր
դատական նիստերի քարտուղար
մեղադրող
տուժող
պաշտպան
Մ.Պապոյան
Կ.Կարապետյան
Ն.Միքայելյան
Լ.Հովհաննիսյան
Հ.Բաղդասարյան
դռնբաց դատական նիստում քննեց քրեական գործն ըստ մեղադրանքի`
Արթուր Էդուարդի Հովսեփյանի` ծնված 1974 թվականի հոկտեմբերի 13-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում չդատապարտված, հաշվառված է Երևան քաղաքի Դավթաշեն 1-ին թաղամասի 30-րդ շենքի 36-րդ բնակարանում, մշտական բնակության վայր չունի, ժամանակավորապես բնակվել է Երևան քաղաքի Բաղրամյան պողոտայի 70-րդ տան հարևանությամբ գտնվող կիսակառույց շինությունում, մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով, արգելանքի տակ է 2013 թվականի փետրվարի 12-ից:
1. Գործի դատավարական նախապատմությունը.
2013 թվականի փետրվարի 12-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 13114813 քրեական գործը:
2013 թվականի փետրվարի 14-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով:
2013 թվականի մարտի 19-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով:
2013 թվականի ապրիլի 23-ին Արթուր Էդուարդի Հովսեփյանի վերաբերյալ թիվ 13114813 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0058/01/13 համարը:
Արթուր Էդուարդի Հովսեփյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով` այն արարքի համար, որ նա, 2013 թվականի փետրվարի 12-ին` ժամը 13:00-ի սահմաններում, Երևան քաղաքի Վազգեն Սարգսյան փողոցի 2 հասցեում գործող «Ամերիաբանկ» ՓԲ ընկերության «Կենտրոն» մասնաճյուղի հարևանությամբ գտնվող Ստեփան Շահումյանի անվան հրապարակում կյանքի կամ առողջության համար ոչ վտանգավոր բռնություն գործադրելով` աջ ձեռքով հարվածել է Լուսինե Աշոտի Հովհաննիսյանի գլխի ետևի հատվածին, քաշքշել մազերից, իսկ ձախ ձեռքով քաշելով պայուսակի բռնակներից` փորձել է բացահայտ հափշտակել վերջինին պատկանող 4.000 ՀՀ դրամ արժողությամբ մուգ կապույտ գույնի արհեստական կաշվից պատրաստված կանացի պայուսակը, դրա մեջ եղած 1.500 ՀՀ դրամ արժողության սև գույնի արհեստական կաշվից պատրաստված կանացի դրամապանակը` 2.000 ՀՀ դրամով, 700 ՀՀ դրամ արժողությամբ սպիտակ հիմնագույնի և կարմիր պուտավոր արհեստական կաշվից պատրաստված կանացի հարդարման պարագաների պայուսակը, 200 ՀՀ դրամ արժողությամբ երկկողմանի ծալվող, արծաթագույն պլաստմասսե իրանով կանացի սանրը, սակայն իր կամքից անկախ հանգամանքներով հանցագործությունն ավարտին չի հասցրել, քանի որ տեսնելով Լուսինե Հովհաննիսյանի բղավոցից օգնության հասնող քաղաքացիներին վախեցել է և հեռացել:
2. Ապացույցների հետազոտում և գնահատում.
Դատական քննության ընթացքում ամբաստանյալ Արթուր Հովսեփյանն առաջադրված մեղադրանքում իրեն մեղավոր չճանաչեց և օգտվելով իր իրավունքից` հրաժարվեց ցուցմունք տալ: Սակայն նախնական քննության ընթացքում տված ցուցմունքները հրապարակելուց հետո հայտնեց, որ դեպքի օրն ինքը Լուսինե Հովհաննիսյանին չի հարվածել: Ինքը մեկ ձեռքով բռնել է նրա մազերից, իսկ մյուս ձեռքով` նրա պայուսակից, որպեսզի նա իրեն չհարվածի: Նա իրեն ծիծաղելով ասել է. «Առ քեզ 1.000 դրամ, տամ քեզ 1.000 դրամ»:
Նախնական քննության ընթացքում Արթուր Հովսեփյանը ցուցմունք է տվել այն մասին, որ ինքը հաշվառված է Երևան քաղաքի Դավիթաշեն 1-ին թաղամասի 30-րդ շենքի 36-րդ բնակարանում, սակայն նշված բնակարանն ինքը շուրջ չորս տարի առաջ վաճառել է, իսկ գումարը ծախսել է: Ինքը մշտական բնակչության վայր չունի, սակայն բնակվում է Երևան քաղաքի Բաղրամյան պողոտայի 70-րդ տան հարևանությամբ գտնվող կիսակառույց շինությունում: 2013 թվականի փետրվարի 12-ին` ժամը 07:00-ին, ինքը դուրս է եկել կիսակառույց շինությունից և գնացել է Երևան քաղաքի Կենտրոն վարչական շրջան: Երկար ժամանակ ոտքով շրջելուց հետո, ինքը հասել է Երևան քաղաքի Ստեփան Շահումյանի անվան հրապարակի մոտ և նստել նստարանին: Նշված օրը` ժամը 13:00-ի սահմաններում, երբ ինքը նշված վայրում նստարանին նստած է եղել, իր դիմացով անցել են երեք աղջիկներ, որոնցից մեկը սկսել է ծաղրել իրեն` ասելով, թե ինչու է ինքն ամեն օր նստում այդ նստարանին, թե ինչ է ցանկանում նրանցից, սակայն ինքը նրանցից ոչինչ չի ցանկացել: Իրեն անգամ թվացել է, որ այդ աղջիկը պայուսակից ինչ որ բան է ցանկացել հանել և տալ իրեն, իր կարծիքով գումար է ցանկացել տալ` կարծելով, թե ինքը մուրացկան է, սակայն ինքը երբեք մուրացկանությամբ չի զբաղվել: Կամ էլ նա ցանկացել է պայուսակից հանել բջջային հեռախոս կամ լուսանկարչական ապարատը և լուսանկարել իրեն: Այդ պահին ինքը մոտեցել է այդ աղջկան, որպեսզի տեսնի, թե ինչ է ցանկացել նա տալ իրեն, սակայն այդ աղջիկը ծիծաղելով շարունակել է ճանապարհը: Ինքը գնալով նրա ետևից բռնել է այդ աղջկա մազերից և քաշքշելով մազերից հարցրել է, թե նա ինչ է ցանկանում իրենից, քանի որ ինքը խելոք նստած է եղել, իսկ նա ծաղրել է իրեն, այսինքն` նայելով իր կողմը ծիծաղել է իր վրա և ինքը մտածել է, որ նա ծաղրել է իրեն: Այդ աղջիկը սկսել է բղավել, որպեսզի ինքը բաց թողնի նրան, և ինքն էլ նրան բաց է թողել և գնացել է դեպի Հանրապետության հրապարակի կողմը: Դրանից քիչ հետո, Հանրապետության հրապարակի հարևանությամբ գտնվող Հակոբ Պարոնյանի անվան թատրոնի շենքի մոտ իրեն մոտեցել են ոստիկանության աշխատակիցները և տարել են ոստիկանության բաժին: Ինքն այդ աղջկան չի հարվածել, միգուցե բռնել և քաշել է նրա մազերից, հնարավոր է, որ նաև հայհոյանքներ տված լինի նրա հասցեին, սակայն ներկայում չի հիշում: Ինքը բռնել և քաշել է այդ աղջկա մազերից ոչ թե նրա ձեռքից պայուսակը հափշտակելու համար, այլ իրեն ծաղրելու համար: Ինքը քաշել է այդ աղջկա պայուսակից, որպեսզի տեսնի, թե նա ինչ է ցանկացել հանել պայուսակից և տալ իրեն, սակայն տեսնելով, որ հեռվից մարդիկ են մոտեցել, բաց է թողել այդ աղջկա մազերը և պայուսակի բռնակը ու հեռացել:
Տուժող Լուսինե Հովհաննիսյանը դատական քննության ընթացքում ցուցմունք տվեց այն մասին, որ 2013 թվականի փետրվարի 12-ին` ժամը 13:00-ի սահմաններում, ինքն իր ընկերուհիների` Ալմաստ Ամիրյանի և Անի Դավթյանի հետ, եղել է Երևան քաղաքի Ստեփան Շահումյանի անվան հրապարակում: Այդ ժամանակ նշված վայրում գտնվող նստարանին նստած է եղել Արթուր Հովսեփյանը: Իրենք զրուցելով քայլել են նրա մոտով, իսկ նա ետևից մոտեցել է իրեն, հարվածել է իր գլխին, բռնել իր մազերից, քաշքշել այն և փորձել է խլել իր պայուսակը: Այդ ժամանակ իր ընկերուհիներն Արթուրին ասել են, որպեսզի նա բաց թողնի իրեն, իսկ հետո օգնություն են կանչել: Իրենց ձայներից հեռվում կանգնած անծանոթ տղաները վազելով մոտեցել են իրենց և Արթուրը բաց է թողել իր մազերը ու գնացել: Իր պայուսակի մեջ եղել են դրամապանակ, կոսմետիկա, զարդատուփ, հարդարման միջոցներ և 2.000 ՀՀ դրամ:
Վկա Ալմաստ Ամիրյանը դատական քննության ընթացքում ցուցմունք տվեց այն մասին, որ ինքն աշխատել է Գրիգոր Լուսավորիչ փողոցում գտնվող «Ամերիա բանկ» ՓԲ ընկերությունում: 2013 թվականի փետրվարի սկզբներին` ժամը 13:00-ի սահմաններում, ինքն իր ընկերուհիների` Լուսինե Հովհաննիսյանի և Անի Դավթյանի հետ, զբոսնել է Ստեփան Շահումյանի անվան հրապարակում: Այդ ժամանակ Արթուր Հովսեփյանը հարվածել է Լուսինեի գլխին, ուժեղ քաշել նրա մազերից և փորձել խլել նրա պայուսակը: Իրենք սկսել են բղավել, որի պատճառով երկու երիտասարդներ են մոտեցել և Արթուրը բաց է թողել Լուսինեի մազերից ու նստել նստարանին:
Վկա Անի Դավթյանը նախնական քննության ընթացքում ցուցմունք է տվել այն մասին, որ 2013 թվականի փետրվարի 12-ին` ժամը 12:30-ի սահմաններում, ինքը, Լուսինե Հովհաննիսյանը և Ալմաստ Ամիրյանը Երևան քաղաքի Գրիգոր Լուսավորչ փողոցի 9 հասցեում գտնվող «Ամերիա բանկ» ՓԲ ընկերության վարչական շենքից ոտքով գնացել են Երևան քաղաքի Ստեփան Շահումյանի անվան հրապարակի հարևանությամբ գտնվող «Պարմա» սուպերմարկետ: Այնուհետև` ժամը 13:00-ի սահմաններում, քայլելով ցանկացել են վերադառնալ «Ամերիա բանկ» ՓԲ ընկերության վերը նշված շենք: Այդ ժամանակ` Ստեփան Շահումյանի անվան հրապարակում գտնվող նստարանին նկատել են նստած իրենց անծանոթ մի տղամարդու, ով թափառաշրջիկի տպավորություն է թողել: Նշված անձի կողքով անցնելուց հետո, նա վազելով թիկունքի կողմից մոտեցել է Լուսինեին, ձեռքով հարվածել է նրա գլխին, բռնել նրա մազերից և սկսել քաշքշել, իսկ մյուս ձեռքով բռնել է Լուսինեի պայուսակի բռնակից և փորձել խլել պայուսակը, սակայն Լուսինեն երկու ձեռքերով ամուր բռնել է պայուսակը, որպեսզի նա չկարողանա վերցնել այն, քանի որ նրա գործողություններն ուղղված են եղել Լուսինեի պայուսակը և դրանում եղած պարունակությունը հափշտակելուն: Լուսինեն սկսել է բղավել, որպեսզի այդ տղամարդը բաց թողնի նրա պայուսակն ու մազերը և հեռանա, իսկ դրան հակառակ այդ անձը շարունակել է քաշքշել Լուսինեի պայուսակից` փորձելով այն վերցնել Լուսինեի ձեռքից: Այդ պահին, ինքն ու Ալմաստը նկատելով դիմացից դեպի իրենց կողմը քայլող անծանոթ երկու երիտասարդների, խնդրել են նրանց օգնել Լուսինեին: Այդ երկու երիտասարդները, տեսնելով թափառաշրջիկ տղամարդու գործողությունները, 7-8 մետր հեռավորությունից բղավել են նրա վրա, որպեսզի նա բաց թողնի պայուսակը և հեռանա: Նրանց բղավոցներից հետո թափառաշրջիկը ևս մի քանի անգամ քաշքշել է Լուսինեի պայուսակից, սակայն չկարողանալով վերցնել պայուսակը և տեսնելով, որ նշված երկու երիտասարդներն արդեն մոտենում են նրան, ստիպված բաց է թողել Լուսինեի մազերը և պայուսակը ու հեռացել: Նա գնացել և նստել է այն նույն նստարանին, որտեղ նստած է եղել մինչ իրենց մոտենալը: Թափառաշրջիկ տղամարդը Լուսինեի մազերից և պայուսակից քաշելու ընթացքում հայերեն և ռուսերեն լեզվով ցածր ձայնով ինչ-որ բառեր է արտաբերել, սակայն ինքը չի հասկացել դրանց իմաստը: Նշված երկու երիտասարդները բուն միջադեպին չեն միջամտել, այդ տղամարդուն չեն մոտեցել և չեն հարվածել, նրա հետ կոնֆլիկտ չեն ունեցել, սակայն այդ թափառաշրջիկ տղամարդը հատկապես վախեցել է այդ երկու երիտասարդների բղավոցից և իրենց մոտենալուց, որով էլ պայմանավորված բաց է թողել Լուսինեի մազերը և պայուսակը: Դրանից մոտ 10 րոպե անց Լուսինեն զանգահարել է 1-02 համարով և պատմել տեղի ունեցածի մասին: Դեպքից հետո այդ թափառաշրջիկ տղամարդը նստարանից վեր է կացել և Վազգեն Սարգսյան փողոցով քայլել դեպի Հանրապետության հրապարակի ուղղությամբ: Դեպքից մոտ 1 ժամ հետո ՀՀ ոստիկանության Կենտրոնականի բաժնում ինքը տեսել է վերը նշված անձին և տեղեկացել, որ նա Արթուր Հովսեփյանն է: Մինչ վերը նշված միջադեպը, ինքը, Լուսինեն և Ալմաստը Արթուրին չեն ծաղրել, չեն հարցրել նրան, թե ինչու է նստել նստարանին, իսկ Լուսինեն չի փորձել պայուսակից որևէ իր կամ գումար հանել և տալ նրան:
Վկա Յուրա Հարությունյանը դատական քննության ընթացքում ցուցմունք տվեց այն մասին, որ ինքն աշխատում է ՀՀ ոստիկանության Երևան քաղաքի վարչության ՊՊԾ գնդի 1-ին գումարտակում` որպես ոստիկան: 2013 թվականի փետրվարին (օրը չի հիշում)` կեսօրին, ՀՀ ոստիկանության Երևան քաղաքի վարչության հերթապահ մասից իրեն և Գագիկ Ավագյանին հանձնարարվել է, որպեսզի գնան Երևան քաղաքի Ստեփան Շահումյանի անվան հրապարակ: Իրենք գնացել են նշված վայր և զանգահարել են ՀՀ ոստիկանության Երևան քաղաքի վարչության օպերատիվ կառավարման կենտրոն, որտեղից իրենց ասել են Լուսինեի հեռախոսահամարը: Ինքը զանգահարել է նրան, ով պատմել է կատարվածի մասին և նկարագրել է ամբաստանյալի արտաքինը: Դրանից հետո Հակոբ Պարոնյանի անվան թատրոնի դիմաց իրենք հայտնաբերել են Լուսինեի նկարագրած անձին, ով եղել է Արթուր Հովսեփյանը: Այդ ժամանակ Արթուրը հանգիստ քայլելով գնալիս է եղել դեպի Հանրապետության հրապարակ:
Վկա Գագիկ Ավագյանը նախնական քննության ընթացքում ցուցմունք է տվել այն մասին, որ ինքն աշխատում է ՀՀ ոստիկանության Երևան քաղաքի վարչության ՊՊԾ գնդի 1-ին գումարտակի 1-ին վաշտի 1-ին դասակում` որպես դասակի հրամանատարի օգնական: 2013 թվականի փետրվարի 12-ին թիվ 0110 պարեկային ավտոմեքենայով ոստիկանության ՊՊԾ գնդի աշխատակիցներ Սպարտակ Ղազարյանի և Յուրա Հարությունյանի հետ ծառայություն են իրականացրել Երևան քաղաքի Կենտրոն վարչական շրջանում: Նույն օրը` ժամը 13:30-ի սահմաններում, ՀՀ ոստիկանության Երևան քաղաքի վարչության օպերատիվ կառավարման կենտրոնից տեղեկություն են ստացել, որպեսզի շտապ մոտենան Երևան քաղաքի Շահումյանի անվան հրապարակ: Հաղորդում ստանալուց շուրջ 2-3 րոպե անց, իրենք ավտոմեքենայով գնացել են նշված հրապարակ: Այդ ընթացքում հերթապահն իրենց ռադիոկապով հայտնել է, որ Ստեփան Շահումյանի անվան հրապարակում ինչ-որ մեկը ցանկացել է կողոպտել մի աղջկա և Յուրա Հարությունյանին փոխանցել է այդ աղջկա բջջային հեռախոսահամարը: Դրանից անմիջապես հետո Յուրա Հարությունյանը հեռախոսազրույց է ունեցել մինչ այդ իրեն անծանոթ Լուսինե Հովհաննիսյանի հետ, ով Յուրա Հարությունյանին հայտնել է հանցագործի արտաքին տվյալները: Դրանից 2-3 րոպե անց Երևան քաղաքի Վազգեն Սարգսյան փողոցում գտնվող Հակոբ Պարոնյանի անվան թատրոնի շենքի մոտ իրենք նկատել են Լուսինեի կողմից նկարագրած տղամարդուն և նրան բերման ենթարկել ՀՀ ոստիկանության Կենտրոնականի բաժին: Մինչ ոստիկանության բաժին գնալը Երևան քաղաքի Գրիգոր Լուսավորիչի փողոցի 9 հասցեում գտնվող «Ամերիա բանկ» ՓԲ ընկերության շենքի մոտ հանդիպել են Լուսինեին, ով տեսնելով ավտոմեքենայի մեջ նստած տղամարդուն, անմիջապես ճանաչել է նրան և հայտնել, որ հենց այդ տղամարդն է ցանկացել հափշտակել նրա ձեռքի պայուսակը և դրա մեջ եղած պարունակությունը: ՀՀ ոստիկանության Կենտրոնականի բաժնում պարզվել է, որ բերման ենթարկված անձը հանդիսանում է Արթուր Էդուարդի Հովսեփյանը:
Քննչական փորձարարություն կատարելու մասին 2013 թվականի մարտի 15-ի արձանագրության համաձայն` 2013 թվականի մարտի 15-ին` ժամը 16:20-ին, ՀՀ ոստիկանության Կենտրոնականի քննչական բաժնից «ՎԱԶ 2107» մակնիշի ավտոմեքենայով տուժող` Լուսինե Հովհաննիսյանի մատնանշած երթուղիով մեկնել են դեպքի վայր` Երևան քաղաքի Վազգեն Սարգսյան փողոցի 2-րդ հասցեում գործող «Ամերիաբանկ» ՓԲ ընկերության «Կենտրոն» մասնաճյուղի հարևանությամբ գտնվող Ստեփան Շահումյանի անվան հրապարակ: Հրապարակը նշված հատվածում ունի 70 մետր երկարություն և 35 մետր լայնություն: Հրապարակի միջնամասում առկա է 65x76 մետր չափերի կանաչապատ տարածք, որն ամբողջությամբ ծածկված է խոտով, բացի այդ, կանաչապատ տարածքում առկա են նաև այլ բույսեր` թփեր: Նշված կանաչապատ տարածքի ետնամասում գտնվում է Ստեփան Շահումյանի արձանը: Կանաչապատ տարածքի առջևի հատվածում առկա է 70x9 մետր չափերի հրապարակ, որի հատակը պատված է բետոնե սալիկներով և շրջապատված եզրաքարերով: Դեմքով դեպի Ստեփան Շահումյանի արձանին նայելիս` հրապարակի և կանաչապատ հատվածի եզրագծում միմյանցից 4 մետր հեռավորության վրա հաջորդաբար տեղադրված են թվով 6 հատ նստարաններ: Ստեփան Շահումյանի արձանին դեմքով նայելիս` ձախ կողմից առաջին նստարանը տեղադրված է Վազգեն Սարգսյան փողոցի բանուկ մասից 7 մետր հեռավորության վրա: Նշված նստարանի ձախ և աջ կողմերում հրապարակի ուղղահայաց գտնվում է Վազգեն Սարգսյան փողոցը: Դեպքի վայրում տուժող Լուսինե Հովհաննիսյանը, մատնացույց անելով Վազգեն Սարգսյան փողոցի և հրապարակին հարող հետիոտնի անցումի համար նախատեսված ճանապարհը, հայտարարեց, որ 2013 թվականի փետրվարի 12-ին` ժամը 13:00-ի սահմաններում, նշված անցումով անցնելով փողոցը, ինքը և իր երկու ընկերուհիները շարունակել են քայլել հրապարակի նշված հատվածով: Մատնացույց անելով Ստեփան Շահումյանի արձանին դեմքով նայելու դեպքում, հրապարակի ձախ կողմում տեղադրված առաջին նստարանը, Լուսինե Հովհաննիսյանը հայտարարել է, որ նշված նստարանին է նստած եղել Արթուր Հովսեփյանը, երբ իրենք անցել են հրապարակի մոտով: Մատնացույց անելով, նշել է առաջին նստարանից 4 մետր դեպի առաջ և փողոցի անկյունից 8 մետր դեպի նստարանի կողմի հատվածը, Լուսինե Հովհաննիսյանը հայտարարել է, որ 2013 թվականի փետրվարի 12-ին` ժամը 13:00-ի սահմաններում, հենց նշված վայրում է Արթուր Հովսեփյանն աջ ձեռքով հարվածել իր գլխի ետևի հատվածին, քաշքշել մազերից, իսկ ձախ ձեռքով քաշել է պայուսակի բռնակներից, փորձել է հափշտակել պայուսակը և դրանում եղած պարունակությունը:
Փորձագետի 2013 թվականի փետրվարի 13-ի թիվ 399 եզրակացության համաձայն` Լուսինե Հովհաննիսյանի մոտ փորձաքննության պահին մարմնական վնասվածքներ չեն հայտնաբերվել:
Փորձագետի 2013 թվականի մարտի 5-ի թիվ 113-ԱՊ եզրակացության համաձայն` փորձաքննությանը տրամադրված ապրանքատեսակների միջին շուկայական արժեքը 2013 թվականի փետրվարի 12-ի դրությամբ, առկա ապրանքային վիճակի հաշվառմամբ, գնահատվում են` պայուսակը` 4.000 ՀՀ դրամ, դրամապանակը` 1.500 ՀՀ դրամ, հարդարման պարագաների պայուսակը` 700 ՀՀ դրամ, սանրը` 200 ՀՀ դրամ:
2013 թվականի մարտի 26-ի ամբուլատոր դատահոգեբուժական փորձաքննության թիվ 136/13 եզրակացության համաձայն` Արթուր Էդուարդի Հովսեփյանը տառապում է «Շիզոֆրենիա, պարանոիդ ձև» խրոնիկական հոգեկան հիվանդությամբ: Հիվանդությունը, սակայն 1999 թվականից ի վեր գտնվում է կայուն ռեմիսիայի շրջանում, ինչը թեև ինչպես իրավախախտումը կատարելու պահին, այնպես էլ ներկայում չի զրկել նրան իր գործողությունների համար իրեն հաշիվ տալու հնարավորությունից, սակայն հաշվի առնելով փորձաքննվողի մոտ քննադատական ունակությունների անբավարարությունը, իր մղումներն անմիջական իրագործելու հակվածությունը, սեփական գործողությունների հետևանքները կանխատեսելու ունակության անբավարարությունը, էապես սահմանափակել է նրա հնարավորությունները ղեկավարելու իր գործողությունները: Ուստի Արթուր Էդուարդի Հովսեփյանին կատարածի նկատմամբ հարկ է ճանաչել սահմանափակ մեղսունակ: Իր ներկա հոգեկան վիճակով նա կարող է մասնակցել քննչական գործողություններին: Դատապարտվելու դեպքում կարիք ունի նյարդահոգեբույժի հսկողության կալանավայրի պայմաններում:
Իրեղեն ապացույց ճանաչելու մասին 2013 թվականի մարտի 11-ի որոշման համաձայն` մուգ կապույտ գույնի կաշվե պայուսակը, սև գույնի կաշվե դրամապանակը, 2 հատ 1.000 ՀՀ դրամանոց թղթադրամները և հարդարման պարագաներն իրենց տուփով ճանաչվել են իրեղեն ապացույց և ի պահ հանձնվել տուժող Լուսինե Հովհաննիսյանին:
ՀՀ ոստիկանության ինֆորմացիոն կենտրոնի պահանջագրի համաձայն` Արթուր Հովսեփյանը նախկինում դատապարտված չի եղել:
Ձերբակալման 2013 թվականի փետրվարի 12-ի արձանագրության համաձայն` 2013 թվականի փետրվարի 12-ին` ժամը 16:00-ին, Արթուր Հովսեփյանը ձերբակալվել է:
Կալանավորումը որպես խափանման միջոց կիրառելու միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2013 թվականի փետրվարի 14-ի որոշման համաձայն` Արթուր Հովսեփյանի նկատմամբ որպես խափանման միջոց կիրառվել է կալանավորումը, կալանավորման սկիզբը հաշվվել է 2013 թվականի փետրվարի 12-ից:
Դատարանը գտնում է, որ մտացածին են և գործով ձեռք բերված օբյեկտիվ տվյալներով հերքվում են ամբաստանյալ Արթուր Հովսեփյանի ցուցմունքներն այն մասին, որ ինքը Լուսինե Հովհաննիսյանին չի հարվածել և հափշտակություն կատարելու մտադրություն չի ունեցել, այլ մեկ ձեռքով բռնել է նրա մազերից, իսկ մյուս ձեռքով` նրա պայուսակից, որպեսզի նա իրեն չհարվածի:
Վերոգրյալ ապացույցները վերլուծելու և գնահատելու արդյունքում Դատարանը հաստատված է համարում գործի լուծման համար նշանակություն ունեցող հետևյալ փաստերը.
-2013 թվականի փետրվարի 12-ին` ժամը 13:00-ի սահմաններում, Արթուր Հովսեփյանը և Լուսինե Հովհաննիսյանը գտնվել են Երևան քաղաքի Ստեփան Շահումյանի անվան հրապարակում,
-Լուսինե Հովհաննիսյանն ուսին գցած է եղել կանացի պայուսակ,
-Արթուր Հովսեփյանը ցանկացել է տիրանալ Լուսինե Հովհաննիսյանի պայուսակին և դրանում եղած իրերին,
-Արթուր Հովսեփյանը ետևից մոտեցել է Լուսինե Հովհաննիսյանին, հարվածել նրա գլխին, քաշքշել նրա մազերից և քաշել պայուսակը,
-Լուսինե Հովհաննիսյանը բռնել է պայուսակը և բղավել,
-Լուսինե Հովհաննիսյանի բղավոցի արդյունքում փորձել են օգնության հասնել քաղաքացիները, որի պատճառով Արթուր Հովսեփյանը թողել է Լուսինեի մազերը և նրա պայուսակը ու հեռացել,
-Լուսինե Հովհաննիսյանի պայուսակը և դրանում եղած իրերն ու գումարը, ընդհանուր առմամբ կազմել են 8.400 ՀՀ դրամ,
- Լուսինե Հովհաննիսյանի կյանքին և առողջությանը վնաս չի պատճառվել,
-Արթուր Հովսեփյանը վատառողջ է և նախկինում դատապարտված չի եղել,
-Արթուր Հովսեփյանն արգելանքի տակ է 2013 թվականի փետրվարի 12-ից:
3. Դատարանի իրավական վերլուծությունները.
Վերը նշված փաստերի հիման վրա Դատարանը գալիս է այն եզրահանգման, որ 2013 թվականի փետրվարի 12-ին` ժամը 13:00-ի սահմաններում, Երևան քաղաքի Ստեփան Շահումյանի անվան հրապարակում, Արթուր Էդուարդի Հովսեփյանը, Լուսինե Հովհաննիսյանի առողջության համար ոչ վտանգավոր բռնություն գործադրելով, ցանկացել է բացահայտ հափշտակել վերջինի պայուսակը և դրանում եղած իրերն ու գումարը, որոնց ընդհանուր արժեքը կազմել է 8.400 ՀՀ դրամ, սակայն իր կամքից անկախ հանգամանքներով այն ավարտին չի հասցրել, քանի որ տեսնելով Լուսինե Հովհաննիսյանի բղավոցից օգնության հասնող քաղաքացիներին, հեռացել է: Այսինքն` Արթուր Էդուարդի Հովսեփյանը կատարել է ուրիշի գույքի բացահայտ հափշտակություն, որը զուգորդվել է Լուսինե Հովհաննիսյանի առողջության համար ոչ վտանգավոր բռնություն գործադրելով, ինչը համապատասխանում է ՀՀ քրեական օրենսգրքի 34-176-րդ հոդվածի 2-րդ մասի 4-րդ կետի հատկանիշներին:
Ապացուցված է Արթուր Էդուարդի Հովսեփյանի մեղավորությունը ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նախատեսված արարքը կատարելու մեջ:
Դատարանը գտնում է, որ Արթուր Հովսեփյանի պատասխանատվությունն ու պատիժը մեղմացնող հանգամանքներ են սահմանափակ մեղսունակ լինելը և նախկինում դատապարտված` արատավորված չլինելը:
Դատարանն արձանագրում է, որ Արթուր Հովսեփյանի անձը դրականորեն բնութագրող և պատասխանատվությունն ու պատիժը ծանրացնող հանգամանքներ սույն քրեական գործում առկա չեն:
Կատարած արարքի համար ամբաստանյալ Արթուր Հովսեփյանը ենթակա է քրեական պատասխանատվության և պատժի:
Դատարանը, հաշվի առնելով Արթուր Հովսեփյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, պատասխանատվությունն ու պատիժը մեղմացնող հանգամանքները, նրան դրականորեն բնութագրող տվյալների և պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Արթուր Հովսեփյանի կատարած արարքի համար ՀՀ քրեական օրենսգրքի 176-րդ հոդվածի 2-րդ մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Արթուր Հովսեփյանի պատժի կրման սկիզբը պետք է հաշվել 2013 թվականի փետրվարի 12-ից, քանի որ նա ձերբակալվել է այդ օրը, իսկ 2011 թվականի փետրվարի 14-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արթուր Հովսեփյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2013 թվականի մարտի 11-ի որոշմամբ իրեղեն ապացույց ճանաչված իրերը պետք է թողնել Լուսինե Հովհանիսյանի տնօրինությանը:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերն ամբաստանյալ Արթուր Հովսեփյանից ենթակա չեն բռնագանձման, քանի որ տուժող Լուսինե Հովհաննիսյանին պատկանող` իրեղեն ապացույց ճանաչված իրերը պետք է թողնվեն նրա տնօրինությանը: Ավելին` տուժողը հայտնել է, որ ամբաստանյալից որևէ պահանջ չունի: Բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մաuի 2-6-րդ կետերով նախատեսված դատական ծախսերը, քանի որ 6-րդ կետով նախատեսված դատական ծախսեր ընդհանրապես չկան, իսկ 2-5-րդ կետերով նախատեսված ծախսերի վերաբերյալ տվյալները բացակայում են, ավելին` նման պահանջ Դատարան չի ներկայացվել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը
ՎՃՌԵՑ
Արթուր Էդուարդի Հովսեփյանին մեղավոր ճանաչել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և պատիժ նշանակել ազատազրկում` 3 (երեք) տարի ժամկետով` պատժի կրման սկիզբը հաշվելով 2013 թվականի փետրվարի 12-ից:
Արթուր Էդուարդի Հովսեփյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո 2013 թվականի մարտի 11-ի որոշմամբ իրեղեն ապացույց ճանաչված իրերը թողնել Լուսինե Աշոտի Հովհանիսյանի տնօրինությանը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:
ԴԱՏԱՎՈՐ Մ.ՊԱՊՈՅԱՆ
Դատական գործ N: ԵԿԴ/0058/01/13
Կենտրոն և Նորք-Մարաշ
Նոր քրեական գործ
| Երբ է գործը ստացվել | 23-04-2013 |
|---|---|
| Քրեական գործի համարը | 0058/01/13 |
| Ինչ կարգով է գործը ստացվել | Առաջին անգամ |
| Դատախազություն | Կենտրոն և Նորք-Մարաշ վարչական շրջանների դատախազություն |
| Նախաքննական գործի համարը | 13114813 |
| Մեղադրական եզրակացության համառոտ բովանդակություն | Արթուր Հովսեփյանին մեղադրանք է առաջադրվել այն բանի համար, որ նա 2013թ. փետրվարի 12-ին, ժամր 13.00-ի սահմաններում Երևան քաղաքի Վազգեն Սայպսյան վաղոցի 2 հասցեում գործող «Ամերիաբանկ» ՓԲԸ-ի «Կենտրոն» մասնաճյուղի հարևանությամբ գտնվող Ստեփան Շահումյանի անվան հրապարակում կյանքի կամ առողջության համար ոչ վտանգավոր բռնություն գործադրելով՝ աջ ձեռքով հարվածել է Լուսինե Աշոտի Հովհաննիսյանի գլխի հետևի հատվածին, քաշքշել մաղերից, իսկ ձախ ձեռքով քաշելով պայուսակի բռնակներից՝ փորձել է բացահայտ հավւշտակել վերջինիս պատկանող 4000 ՀՀ դրամ արժողությամբ մուգ կապույտ գույնի արհեստական կաշվից պատրաստված կանացի պայուսակր, դրա մեջ եղած 1500 ՀՀ դրամ արժողությամբ սև գույնի արհեստական կաշվից պատրաստված կանացի դրամապանակր՝ 2000 ՀՀ դրամ գումարով, 700 ՀՀ դրամ արժողությամբ սպիտակ հիմնագույնի և կարմիր պուտավոր արհեստական կաշվից պատրաստված կանացի հարդարման պարագաների պայուսակր, 200 ՀՀ դրամ արժողությամբ երկկողմանի ծալվող, արծաթագույն պլաստմասյա իրանով կանացի սանրր, սակայն իր կամքից անկախ հանգամանքներով հանցագործությունն ավարտին չի հասցրել, քանի որ տեսնելով Լ. Հովհաննիսյանի բղավոցներից օգնության հասնող քաղաքացիներին, վախեցել է և հեռացել։ |
| Մեղադրյալ | |
| Անձ | |
| Անուն | Արթուր |
| Ազգանուն | Հովսեփյան |
| Հայրանուն | Էդուարդի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Լրացուցիչ ինֆորմացիա | Ա. Հովսեփյանի զինգրքույկը |
| Հոդված_1 | |
| Հոդված | 34-176 Մաս 2 Կետ 4 |
| Վիճակագրական տողի համարը | 6.2 |
| Չափահաս | Այո |
Մակագրել
| Երբ | 25-04-2013 |
|---|---|
| Նախագահող դատավոր | |
| Անուն | Մխիթար |
| Ազգանուն | Պապոյան |
Ընդունվել է վարույթ
| Երբ | 26-04-2013 |
|---|---|
| Որոշումը ուղարկվել է կողմերին | 26-04-2013 |
| Ուղարկվել է հուշաթերթիկ/որոշումը | 26-04-2013 |
Նշանակվել է դատական քննություն
| Երբ | 18-05-2013 |
|---|---|
| Դատավարության կողմեր | Մեղադրող |
| Դատավարության կողմեր | Մեղադրյալ |
| Դատավարության կողմեր | Տուժող |
| Դատավարության կողմեր | |
| Անուն | Ն. |
| Ազգանուն | Միքայելյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Արթուր |
| Ազգանուն | Հովսեփյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Լուսինե |
| Ազգանուն | Հովհաննիսյան |
| Հասցե | --------------- |
| Սեռ | 2 |
| Ժամ | 15:30 |
| Նիստերի դահլիճի համարը | 2 |
| Նիստը | Կայացել է |
Նշանակվել է դատական նիստ/դատական քննություն
| Երբ | 05-06-2013 |
|---|---|
| Ժամ | 16:00 |
| Նիստերի դահլիճի համարը | 2 |
| Նիստը | Կայացել է |
Նշանակվել է դատական նիստ/դատական քննություն
| Երբ | 21-06-2013 |
|---|---|
| Ժամ | 12:00 |
| Նիստերի դահլիճի համարը | 2 |
| Նիստը | Չի կայացել |
| Չկայացման պատճառը | Նախագահող դատավորի` վատառողջ լինելու պատճառով |
Նշանակվել է դատական նիստ/դատական քննություն
| Երբ | 12-07-2013 |
|---|---|
| Ժամ | 12:00 |
| Նիստերի դահլիճի համարը | 2 |
| Նիստը | Կայացել է |
Նշանակվել է դատական նիստ/դատական քննություն
| Երբ | 30-07-2013 |
|---|---|
| Ժամ | 12:00 |
| Նիստերի դահլիճի համարը | 2 |
| Նիստը | Կայացել է |
Կայացվել է դատավճիռ
| Ամսաթիվ | 30-07-2013 |
|---|
Մեղադրական
| Մեղադրյալ | |
|---|---|
| Անուն | Արթուր |
| Ազգանուն | Հովսեփյան |
| Հասցե | --------------- |
| Սեռ | 1 |
| Ամսաթիվ | 30-07-2013 |
| Օրենսգիրք | Քրեական օրենսգիրք |
| Առավել ծանր հանցագործության հոդված | |
| Առավել ծանր հանցագործության հոդվածով | Դատապարտվել է |
| Հիմնական պատիժ | Որոշակի ժամկետով ազատազրկում |
Դատական ակտ
| Դատական ակտի բովանդակությունը | ԵԿԴ/0058/01/13 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ ԴԱՏԱՎՃԻՌ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ «30» հուլիսի 2013թ. ք.Երևան Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան) Նախագահող դատավոր դատական նիստերի քարտուղար մեղադրող տուժող պաշտպան Մ.Պապոյան Կ.Կարապետյան Ն.Միքայելյան Լ.Հովհաննիսյան Հ.Բաղդասարյան դռնբաց դատական նիստում քննեց քրեական գործն ըստ մեղադրանքի` Արթուր Էդուարդի Հովսեփյանի` ծնված 1974 թվականի հոկտեմբերի 13-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում չդատապարտված, հաշվառված է Երևան քաղաքի Դավթաշեն 1-ին թաղամասի 30-րդ շենքի 36-րդ բնակարանում, մշտական բնակության վայր չունի, ժամանակավորապես բնակվել է Երևան քաղաքի Բաղրամյան պողոտայի 70-րդ տան հարևանությամբ գտնվող կիսակառույց շինությունում, մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով, արգելանքի տակ է 2013 թվականի փետրվարի 12-ից: 1. Գործի դատավարական նախապատմությունը. 2013 թվականի փետրվարի 12-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 13114813 քրեական գործը: 2013 թվականի փետրվարի 14-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով: 2013 թվականի մարտի 19-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով: 2013 թվականի ապրիլի 23-ին Արթուր Էդուարդի Հովսեփյանի վերաբերյալ թիվ 13114813 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0058/01/13 համարը: Արթուր Էդուարդի Հովսեփյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով` այն արարքի համար, որ նա, 2013 թվականի փետրվարի 12-ին` ժամը 13:00-ի սահմաններում, Երևան քաղաքի Վազգեն Սարգսյան փողոցի 2 հասցեում գործող «Ամերիաբանկ» ՓԲ ընկերության «Կենտրոն» մասնաճյուղի հարևանությամբ գտնվող Ստեփան Շահումյանի անվան հրապարակում կյանքի կամ առողջության համար ոչ վտանգավոր բռնություն գործադրելով` աջ ձեռքով հարվածել է Լուսինե Աշոտի Հովհաննիսյանի գլխի ետևի հատվածին, քաշքշել մազերից, իսկ ձախ ձեռքով քաշելով պայուսակի բռնակներից` փորձել է բացահայտ հափշտակել վերջինին պատկանող 4.000 ՀՀ դրամ արժողությամբ մուգ կապույտ գույնի արհեստական կաշվից պատրաստված կանացի պայուսակը, դրա մեջ եղած 1.500 ՀՀ դրամ արժողության սև գույնի արհեստական կաշվից պատրաստված կանացի դրամապանակը` 2.000 ՀՀ դրամով, 700 ՀՀ դրամ արժողությամբ սպիտակ հիմնագույնի և կարմիր պուտավոր արհեստական կաշվից պատրաստված կանացի հարդարման պարագաների պայուսակը, 200 ՀՀ դրամ արժողությամբ երկկողմանի ծալվող, արծաթագույն պլաստմասսե իրանով կանացի սանրը, սակայն իր կամքից անկախ հանգամանքներով հանցագործությունն ավարտին չի հասցրել, քանի որ տեսնելով Լուսինե Հովհաննիսյանի բղավոցից օգնության հասնող քաղաքացիներին վախեցել է և հեռացել: 2. Ապացույցների հետազոտում և գնահատում. Դատական քննության ընթացքում ամբաստանյալ Արթուր Հովսեփյանն առաջադրված մեղադրանքում իրեն մեղավոր չճանաչեց և օգտվելով իր իրավունքից` հրաժարվեց ցուցմունք տալ: Սակայն նախնական քննության ընթացքում տված ցուցմունքները հրապարակելուց հետո հայտնեց, որ դեպքի օրն ինքը Լուսինե Հովհաննիսյանին չի հարվածել: Ինքը մեկ ձեռքով բռնել է նրա մազերից, իսկ մյուս ձեռքով` նրա պայուսակից, որպեսզի նա իրեն չհարվածի: Նա իրեն ծիծաղելով ասել է. «Առ քեզ 1.000 դրամ, տամ քեզ 1.000 դրամ»: Նախնական քննության ընթացքում Արթուր Հովսեփյանը ցուցմունք է տվել այն մասին, որ ինքը հաշվառված է Երևան քաղաքի Դավիթաշեն 1-ին թաղամասի 30-րդ շենքի 36-րդ բնակարանում, սակայն նշված բնակարանն ինքը շուրջ չորս տարի առաջ վաճառել է, իսկ գումարը ծախսել է: Ինքը մշտական բնակչության վայր չունի, սակայն բնակվում է Երևան քաղաքի Բաղրամյան պողոտայի 70-րդ տան հարևանությամբ գտնվող կիսակառույց շինությունում: 2013 թվականի փետրվարի 12-ին` ժամը 07:00-ին, ինքը դուրս է եկել կիսակառույց շինությունից և գնացել է Երևան քաղաքի Կենտրոն վարչական շրջան: Երկար ժամանակ ոտքով շրջելուց հետո, ինքը հասել է Երևան քաղաքի Ստեփան Շահումյանի անվան հրապարակի մոտ և նստել նստարանին: Նշված օրը` ժամը 13:00-ի սահմաններում, երբ ինքը նշված վայրում նստարանին նստած է եղել, իր դիմացով անցել են երեք աղջիկներ, որոնցից մեկը սկսել է ծաղրել իրեն` ասելով, թե ինչու է ինքն ամեն օր նստում այդ նստարանին, թե ինչ է ցանկանում նրանցից, սակայն ինքը նրանցից ոչինչ չի ցանկացել: Իրեն անգամ թվացել է, որ այդ աղջիկը պայուսակից ինչ որ բան է ցանկացել հանել և տալ իրեն, իր կարծիքով գումար է ցանկացել տալ` կարծելով, թե ինքը մուրացկան է, սակայն ինքը երբեք մուրացկանությամբ չի զբաղվել: Կամ էլ նա ցանկացել է պայուսակից հանել բջջային հեռախոս կամ լուսանկարչական ապարատը և լուսանկարել իրեն: Այդ պահին ինքը մոտեցել է այդ աղջկան, որպեսզի տեսնի, թե ինչ է ցանկացել նա տալ իրեն, սակայն այդ աղջիկը ծիծաղելով շարունակել է ճանապարհը: Ինքը գնալով նրա ետևից բռնել է այդ աղջկա մազերից և քաշքշելով մազերից հարցրել է, թե նա ինչ է ցանկանում իրենից, քանի որ ինքը խելոք նստած է եղել, իսկ նա ծաղրել է իրեն, այսինքն` նայելով իր կողմը ծիծաղել է իր վրա և ինքը մտածել է, որ նա ծաղրել է իրեն: Այդ աղջիկը սկսել է բղավել, որպեսզի ինքը բաց թողնի նրան, և ինքն էլ նրան բաց է թողել և գնացել է դեպի Հանրապետության հրապարակի կողմը: Դրանից քիչ հետո, Հանրապետության հրապարակի հարևանությամբ գտնվող Հակոբ Պարոնյանի անվան թատրոնի շենքի մոտ իրեն մոտեցել են ոստիկանության աշխատակիցները և տարել են ոստիկանության բաժին: Ինքն այդ աղջկան չի հարվածել, միգուցե բռնել և քաշել է նրա մազերից, հնարավոր է, որ նաև հայհոյանքներ տված լինի նրա հասցեին, սակայն ներկայում չի հիշում: Ինքը բռնել և քաշել է այդ աղջկա մազերից ոչ թե նրա ձեռքից պայուսակը հափշտակելու համար, այլ իրեն ծաղրելու համար: Ինքը քաշել է այդ աղջկա պայուսակից, որպեսզի տեսնի, թե նա ինչ է ցանկացել հանել պայուսակից և տալ իրեն, սակայն տեսնելով, որ հեռվից մարդիկ են մոտեցել, բաց է թողել այդ աղջկա մազերը և պայուսակի բռնակը ու հեռացել: Տուժող Լուսինե Հովհաննիսյանը դատական քննության ընթացքում ցուցմունք տվեց այն մասին, որ 2013 թվականի փետրվարի 12-ին` ժամը 13:00-ի սահմաններում, ինքն իր ընկերուհիների` Ալմաստ Ամիրյանի և Անի Դավթյանի հետ, եղել է Երևան քաղաքի Ստեփան Շահումյանի անվան հրապարակում: Այդ ժամանակ նշված վայրում գտնվող նստարանին նստած է եղել Արթուր Հովսեփյանը: Իրենք զրուցելով քայլել են նրա մոտով, իսկ նա ետևից մոտեցել է իրեն, հարվածել է իր գլխին, բռնել իր մազերից, քաշքշել այն և փորձել է խլել իր պայուսակը: Այդ ժամանակ իր ընկերուհիներն Արթուրին ասել են, որպեսզի նա բաց թողնի իրեն, իսկ հետո օգնություն են կանչել: Իրենց ձայներից հեռվում կանգնած անծանոթ տղաները վազելով մոտեցել են իրենց և Արթուրը բաց է թողել իր մազերը ու գնացել: Իր պայուսակի մեջ եղել են դրամապանակ, կոսմետիկա, զարդատուփ, հարդարման միջոցներ և 2.000 ՀՀ դրամ: Վկա Ալմաստ Ամիրյանը դատական քննության ընթացքում ցուցմունք տվեց այն մասին, որ ինքն աշխատել է Գրիգոր Լուսավորիչ փողոցում գտնվող «Ամերիա բանկ» ՓԲ ընկերությունում: 2013 թվականի փետրվարի սկզբներին` ժամը 13:00-ի սահմաններում, ինքն իր ընկերուհիների` Լուսինե Հովհաննիսյանի և Անի Դավթյանի հետ, զբոսնել է Ստեփան Շահումյանի անվան հրապարակում: Այդ ժամանակ Արթուր Հովսեփյանը հարվածել է Լուսինեի գլխին, ուժեղ քաշել նրա մազերից և փորձել խլել նրա պայուսակը: Իրենք սկսել են բղավել, որի պատճառով երկու երիտասարդներ են մոտեցել և Արթուրը բաց է թողել Լուսինեի մազերից ու նստել նստարանին: Վկա Անի Դավթյանը նախնական քննության ընթացքում ցուցմունք է տվել այն մասին, որ 2013 թվականի փետրվարի 12-ին` ժամը 12:30-ի սահմաններում, ինքը, Լուսինե Հովհաննիսյանը և Ալմաստ Ամիրյանը Երևան քաղաքի Գրիգոր Լուսավորչ փողոցի 9 հասցեում գտնվող «Ամերիա բանկ» ՓԲ ընկերության վարչական շենքից ոտքով գնացել են Երևան քաղաքի Ստեփան Շահումյանի անվան հրապարակի հարևանությամբ գտնվող «Պարմա» սուպերմարկետ: Այնուհետև` ժամը 13:00-ի սահմաններում, քայլելով ցանկացել են վերադառնալ «Ամերիա բանկ» ՓԲ ընկերության վերը նշված շենք: Այդ ժամանակ` Ստեփան Շահումյանի անվան հրապարակում գտնվող նստարանին նկատել են նստած իրենց անծանոթ մի տղամարդու, ով թափառաշրջիկի տպավորություն է թողել: Նշված անձի կողքով անցնելուց հետո, նա վազելով թիկունքի կողմից մոտեցել է Լուսինեին, ձեռքով հարվածել է նրա գլխին, բռնել նրա մազերից և սկսել քաշքշել, իսկ մյուս ձեռքով բռնել է Լուսինեի պայուսակի բռնակից և փորձել խլել պայուսակը, սակայն Լուսինեն երկու ձեռքերով ամուր բռնել է պայուսակը, որպեսզի նա չկարողանա վերցնել այն, քանի որ նրա գործողություններն ուղղված են եղել Լուսինեի պայուսակը և դրանում եղած պարունակությունը հափշտակելուն: Լուսինեն սկսել է բղավել, որպեսզի այդ տղամարդը բաց թողնի նրա պայուսակն ու մազերը և հեռանա, իսկ դրան հակառակ այդ անձը շարունակել է քաշքշել Լուսինեի պայուսակից` փորձելով այն վերցնել Լուսինեի ձեռքից: Այդ պահին, ինքն ու Ալմաստը նկատելով դիմացից դեպի իրենց կողմը քայլող անծանոթ երկու երիտասարդների, խնդրել են նրանց օգնել Լուսինեին: Այդ երկու երիտասարդները, տեսնելով թափառաշրջիկ տղամարդու գործողությունները, 7-8 մետր հեռավորությունից բղավել են նրա վրա, որպեսզի նա բաց թողնի պայուսակը և հեռանա: Նրանց բղավոցներից հետո թափառաշրջիկը ևս մի քանի անգամ քաշքշել է Լուսինեի պայուսակից, սակայն չկարողանալով վերցնել պայուսակը և տեսնելով, որ նշված երկու երիտասարդներն արդեն մոտենում են նրան, ստիպված բաց է թողել Լուսինեի մազերը և պայուսակը ու հեռացել: Նա գնացել և նստել է այն նույն նստարանին, որտեղ նստած է եղել մինչ իրենց մոտենալը: Թափառաշրջիկ տղամարդը Լուսինեի մազերից և պայուսակից քաշելու ընթացքում հայերեն և ռուսերեն լեզվով ցածր ձայնով ինչ-որ բառեր է արտաբերել, սակայն ինքը չի հասկացել դրանց իմաստը: Նշված երկու երիտասարդները բուն միջադեպին չեն միջամտել, այդ տղամարդուն չեն մոտեցել և չեն հարվածել, նրա հետ կոնֆլիկտ չեն ունեցել, սակայն այդ թափառաշրջիկ տղամարդը հատկապես վախեցել է այդ երկու երիտասարդների բղավոցից և իրենց մոտենալուց, որով էլ պայմանավորված բաց է թողել Լուսինեի մազերը և պայուսակը: Դրանից մոտ 10 րոպե անց Լուսինեն զանգահարել է 1-02 համարով և պատմել տեղի ունեցածի մասին: Դեպքից հետո այդ թափառաշրջիկ տղամարդը նստարանից վեր է կացել և Վազգեն Սարգսյան փողոցով քայլել դեպի Հանրապետության հրապարակի ուղղությամբ: Դեպքից մոտ 1 ժամ հետո ՀՀ ոստիկանության Կենտրոնականի բաժնում ինքը տեսել է վերը նշված անձին և տեղեկացել, որ նա Արթուր Հովսեփյանն է: Մինչ վերը նշված միջադեպը, ինքը, Լուսինեն և Ալմաստը Արթուրին չեն ծաղրել, չեն հարցրել նրան, թե ինչու է նստել նստարանին, իսկ Լուսինեն չի փորձել պայուսակից որևէ իր կամ գումար հանել և տալ նրան: Վկա Յուրա Հարությունյանը դատական քննության ընթացքում ցուցմունք տվեց այն մասին, որ ինքն աշխատում է ՀՀ ոստիկանության Երևան քաղաքի վարչության ՊՊԾ գնդի 1-ին գումարտակում` որպես ոստիկան: 2013 թվականի փետրվարին (օրը չի հիշում)` կեսօրին, ՀՀ ոստիկանության Երևան քաղաքի վարչության հերթապահ մասից իրեն և Գագիկ Ավագյանին հանձնարարվել է, որպեսզի գնան Երևան քաղաքի Ստեփան Շահումյանի անվան հրապարակ: Իրենք գնացել են նշված վայր և զանգահարել են ՀՀ ոստիկանության Երևան քաղաքի վարչության օպերատիվ կառավարման կենտրոն, որտեղից իրենց ասել են Լուսինեի հեռախոսահամարը: Ինքը զանգահարել է նրան, ով պատմել է կատարվածի մասին և նկարագրել է ամբաստանյալի արտաքինը: Դրանից հետո Հակոբ Պարոնյանի անվան թատրոնի դիմաց իրենք հայտնաբերել են Լուսինեի նկարագրած անձին, ով եղել է Արթուր Հովսեփյանը: Այդ ժամանակ Արթուրը հանգիստ քայլելով գնալիս է եղել դեպի Հանրապետության հրապարակ: Վկա Գագիկ Ավագյանը նախնական քննության ընթացքում ցուցմունք է տվել այն մասին, որ ինքն աշխատում է ՀՀ ոստիկանության Երևան քաղաքի վարչության ՊՊԾ գնդի 1-ին գումարտակի 1-ին վաշտի 1-ին դասակում` որպես դասակի հրամանատարի օգնական: 2013 թվականի փետրվարի 12-ին թիվ 0110 պարեկային ավտոմեքենայով ոստիկանության ՊՊԾ գնդի աշխատակիցներ Սպարտակ Ղազարյանի և Յուրա Հարությունյանի հետ ծառայություն են իրականացրել Երևան քաղաքի Կենտրոն վարչական շրջանում: Նույն օրը` ժամը 13:30-ի սահմաններում, ՀՀ ոստիկանության Երևան քաղաքի վարչության օպերատիվ կառավարման կենտրոնից տեղեկություն են ստացել, որպեսզի շտապ մոտենան Երևան քաղաքի Շահումյանի անվան հրապարակ: Հաղորդում ստանալուց շուրջ 2-3 րոպե անց, իրենք ավտոմեքենայով գնացել են նշված հրապարակ: Այդ ընթացքում հերթապահն իրենց ռադիոկապով հայտնել է, որ Ստեփան Շահումյանի անվան հրապարակում ինչ-որ մեկը ցանկացել է կողոպտել մի աղջկա և Յուրա Հարությունյանին փոխանցել է այդ աղջկա բջջային հեռախոսահամարը: Դրանից անմիջապես հետո Յուրա Հարությունյանը հեռախոսազրույց է ունեցել մինչ այդ իրեն անծանոթ Լուսինե Հովհաննիսյանի հետ, ով Յուրա Հարությունյանին հայտնել է հանցագործի արտաքին տվյալները: Դրանից 2-3 րոպե անց Երևան քաղաքի Վազգեն Սարգսյան փողոցում գտնվող Հակոբ Պարոնյանի անվան թատրոնի շենքի մոտ իրենք նկատել են Լուսինեի կողմից նկարագրած տղամարդուն և նրան բերման ենթարկել ՀՀ ոստիկանության Կենտրոնականի բաժին: Մինչ ոստիկանության բաժին գնալը Երևան քաղաքի Գրիգոր Լուսավորիչի փողոցի 9 հասցեում գտնվող «Ամերիա բանկ» ՓԲ ընկերության շենքի մոտ հանդիպել են Լուսինեին, ով տեսնելով ավտոմեքենայի մեջ նստած տղամարդուն, անմիջապես ճանաչել է նրան և հայտնել, որ հենց այդ տղամարդն է ցանկացել հափշտակել նրա ձեռքի պայուսակը և դրա մեջ եղած պարունակությունը: ՀՀ ոստիկանության Կենտրոնականի բաժնում պարզվել է, որ բերման ենթարկված անձը հանդիսանում է Արթուր Էդուարդի Հովսեփյանը: Քննչական փորձարարություն կատարելու մասին 2013 թվականի մարտի 15-ի արձանագրության համաձայն` 2013 թվականի մարտի 15-ին` ժամը 16:20-ին, ՀՀ ոստիկանության Կենտրոնականի քննչական բաժնից «ՎԱԶ 2107» մակնիշի ավտոմեքենայով տուժող` Լուսինե Հովհաննիսյանի մատնանշած երթուղիով մեկնել են դեպքի վայր` Երևան քաղաքի Վազգեն Սարգսյան փողոցի 2-րդ հասցեում գործող «Ամերիաբանկ» ՓԲ ընկերության «Կենտրոն» մասնաճյուղի հարևանությամբ գտնվող Ստեփան Շահումյանի անվան հրապարակ: Հրապարակը նշված հատվածում ունի 70 մետր երկարություն և 35 մետր լայնություն: Հրապարակի միջնամասում առկա է 65x76 մետր չափերի կանաչապատ տարածք, որն ամբողջությամբ ծածկված է խոտով, բացի այդ, կանաչապատ տարածքում առկա են նաև այլ բույսեր` թփեր: Նշված կանաչապատ տարածքի ետնամասում գտնվում է Ստեփան Շահումյանի արձանը: Կանաչապատ տարածքի առջևի հատվածում առկա է 70x9 մետր չափերի հրապարակ, որի հատակը պատված է բետոնե սալիկներով և շրջապատված եզրաքարերով: Դեմքով դեպի Ստեփան Շահումյանի արձանին նայելիս` հրապարակի և կանաչապատ հատվածի եզրագծում միմյանցից 4 մետր հեռավորության վրա հաջորդաբար տեղադրված են թվով 6 հատ նստարաններ: Ստեփան Շահումյանի արձանին դեմքով նայելիս` ձախ կողմից առաջին նստարանը տեղադրված է Վազգեն Սարգսյան փողոցի բանուկ մասից 7 մետր հեռավորության վրա: Նշված նստարանի ձախ և աջ կողմերում հրապարակի ուղղահայաց գտնվում է Վազգեն Սարգսյան փողոցը: Դեպքի վայրում տուժող Լուսինե Հովհաննիսյանը, մատնացույց անելով Վազգեն Սարգսյան փողոցի և հրապարակին հարող հետիոտնի անցումի համար նախատեսված ճանապարհը, հայտարարեց, որ 2013 թվականի փետրվարի 12-ին` ժամը 13:00-ի սահմաններում, նշված անցումով անցնելով փողոցը, ինքը և իր երկու ընկերուհիները շարունակել են քայլել հրապարակի նշված հատվածով: Մատնացույց անելով Ստեփան Շահումյանի արձանին դեմքով նայելու դեպքում, հրապարակի ձախ կողմում տեղադրված առաջին նստարանը, Լուսինե Հովհաննիսյանը հայտարարել է, որ նշված նստարանին է նստած եղել Արթուր Հովսեփյանը, երբ իրենք անցել են հրապարակի մոտով: Մատնացույց անելով, նշել է առաջին նստարանից 4 մետր դեպի առաջ և փողոցի անկյունից 8 մետր դեպի նստարանի կողմի հատվածը, Լուսինե Հովհաննիսյանը հայտարարել է, որ 2013 թվականի փետրվարի 12-ին` ժամը 13:00-ի սահմաններում, հենց նշված վայրում է Արթուր Հովսեփյանն աջ ձեռքով հարվածել իր գլխի ետևի հատվածին, քաշքշել մազերից, իսկ ձախ ձեռքով քաշել է պայուսակի բռնակներից, փորձել է հափշտակել պայուսակը և դրանում եղած պարունակությունը: Փորձագետի 2013 թվականի փետրվարի 13-ի թիվ 399 եզրակացության համաձայն` Լուսինե Հովհաննիսյանի մոտ փորձաքննության պահին մարմնական վնասվածքներ չեն հայտնաբերվել: Փորձագետի 2013 թվականի մարտի 5-ի թիվ 113-ԱՊ եզրակացության համաձայն` փորձաքննությանը տրամադրված ապրանքատեսակների միջին շուկայական արժեքը 2013 թվականի փետրվարի 12-ի դրությամբ, առկա ապրանքային վիճակի հաշվառմամբ, գնահատվում են` պայուսակը` 4.000 ՀՀ դրամ, դրամապանակը` 1.500 ՀՀ դրամ, հարդարման պարագաների պայուսակը` 700 ՀՀ դրամ, սանրը` 200 ՀՀ դրամ: 2013 թվականի մարտի 26-ի ամբուլատոր դատահոգեբուժական փորձաքննության թիվ 136/13 եզրակացության համաձայն` Արթուր Էդուարդի Հովսեփյանը տառապում է «Շիզոֆրենիա, պարանոիդ ձև» խրոնիկական հոգեկան հիվանդությամբ: Հիվանդությունը, սակայն 1999 թվականից ի վեր գտնվում է կայուն ռեմիսիայի շրջանում, ինչը թեև ինչպես իրավախախտումը կատարելու պահին, այնպես էլ ներկայում չի զրկել նրան իր գործողությունների համար իրեն հաշիվ տալու հնարավորությունից, սակայն հաշվի առնելով փորձաքննվողի մոտ քննադատական ունակությունների անբավարարությունը, իր մղումներն անմիջական իրագործելու հակվածությունը, սեփական գործողությունների հետևանքները կանխատեսելու ունակության անբավարարությունը, էապես սահմանափակել է նրա հնարավորությունները ղեկավարելու իր գործողությունները: Ուստի Արթուր Էդուարդի Հովսեփյանին կատարածի նկատմամբ հարկ է ճանաչել սահմանափակ մեղսունակ: Իր ներկա հոգեկան վիճակով նա կարող է մասնակցել քննչական գործողություններին: Դատապարտվելու դեպքում կարիք ունի նյարդահոգեբույժի հսկողության կալանավայրի պայմաններում: Իրեղեն ապացույց ճանաչելու մասին 2013 թվականի մարտի 11-ի որոշման համաձայն` մուգ կապույտ գույնի կաշվե պայուսակը, սև գույնի կաշվե դրամապանակը, 2 հատ 1.000 ՀՀ դրամանոց թղթադրամները և հարդարման պարագաներն իրենց տուփով ճանաչվել են իրեղեն ապացույց և ի պահ հանձնվել տուժող Լուսինե Հովհաննիսյանին: ՀՀ ոստիկանության ինֆորմացիոն կենտրոնի պահանջագրի համաձայն` Արթուր Հովսեփյանը նախկինում դատապարտված չի եղել: Ձերբակալման 2013 թվականի փետրվարի 12-ի արձանագրության համաձայն` 2013 թվականի փետրվարի 12-ին` ժամը 16:00-ին, Արթուր Հովսեփյանը ձերբակալվել է: Կալանավորումը որպես խափանման միջոց կիրառելու միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2013 թվականի փետրվարի 14-ի որոշման համաձայն` Արթուր Հովսեփյանի նկատմամբ որպես խափանման միջոց կիրառվել է կալանավորումը, կալանավորման սկիզբը հաշվվել է 2013 թվականի փետրվարի 12-ից: Դատարանը գտնում է, որ մտացածին են և գործով ձեռք բերված օբյեկտիվ տվյալներով հերքվում են ամբաստանյալ Արթուր Հովսեփյանի ցուցմունքներն այն մասին, որ ինքը Լուսինե Հովհաննիսյանին չի հարվածել և հափշտակություն կատարելու մտադրություն չի ունեցել, այլ մեկ ձեռքով բռնել է նրա մազերից, իսկ մյուս ձեռքով` նրա պայուսակից, որպեսզի նա իրեն չհարվածի: Վերոգրյալ ապացույցները վերլուծելու և գնահատելու արդյունքում Դատարանը հաստատված է համարում գործի լուծման համար նշանակություն ունեցող հետևյալ փաստերը. -2013 թվականի փետրվարի 12-ին` ժամը 13:00-ի սահմաններում, Արթուր Հովսեփյանը և Լուսինե Հովհաննիսյանը գտնվել են Երևան քաղաքի Ստեփան Շահումյանի անվան հրապարակում, -Լուսինե Հովհաննիսյանն ուսին գցած է եղել կանացի պայուսակ, -Արթուր Հովսեփյանը ցանկացել է տիրանալ Լուսինե Հովհաննիսյանի պայուսակին և դրանում եղած իրերին, -Արթուր Հովսեփյանը ետևից մոտեցել է Լուսինե Հովհաննիսյանին, հարվածել նրա գլխին, քաշքշել նրա մազերից և քաշել պայուսակը, -Լուսինե Հովհաննիսյանը բռնել է պայուսակը և բղավել, -Լուսինե Հովհաննիսյանի բղավոցի արդյունքում փորձել են օգնության հասնել քաղաքացիները, որի պատճառով Արթուր Հովսեփյանը թողել է Լուսինեի մազերը և նրա պայուսակը ու հեռացել, -Լուսինե Հովհաննիսյանի պայուսակը և դրանում եղած իրերն ու գումարը, ընդհանուր առմամբ կազմել են 8.400 ՀՀ դրամ, - Լուսինե Հովհաննիսյանի կյանքին և առողջությանը վնաս չի պատճառվել, -Արթուր Հովսեփյանը վատառողջ է և նախկինում դատապարտված չի եղել, -Արթուր Հովսեփյանն արգելանքի տակ է 2013 թվականի փետրվարի 12-ից: 3. Դատարանի իրավական վերլուծությունները. Վերը նշված փաստերի հիման վրա Դատարանը գալիս է այն եզրահանգման, որ 2013 թվականի փետրվարի 12-ին` ժամը 13:00-ի սահմաններում, Երևան քաղաքի Ստեփան Շահումյանի անվան հրապարակում, Արթուր Էդուարդի Հովսեփյանը, Լուսինե Հովհաննիսյանի առողջության համար ոչ վտանգավոր բռնություն գործադրելով, ցանկացել է բացահայտ հափշտակել վերջինի պայուսակը և դրանում եղած իրերն ու գումարը, որոնց ընդհանուր արժեքը կազմել է 8.400 ՀՀ դրամ, սակայն իր կամքից անկախ հանգամանքներով այն ավարտին չի հասցրել, քանի որ տեսնելով Լուսինե Հովհաննիսյանի բղավոցից օգնության հասնող քաղաքացիներին, հեռացել է: Այսինքն` Արթուր Էդուարդի Հովսեփյանը կատարել է ուրիշի գույքի բացահայտ հափշտակություն, որը զուգորդվել է Լուսինե Հովհաննիսյանի առողջության համար ոչ վտանգավոր բռնություն գործադրելով, ինչը համապատասխանում է ՀՀ քրեական օրենսգրքի 34-176-րդ հոդվածի 2-րդ մասի 4-րդ կետի հատկանիշներին: Ապացուցված է Արթուր Էդուարդի Հովսեփյանի մեղավորությունը ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նախատեսված արարքը կատարելու մեջ: Դատարանը գտնում է, որ Արթուր Հովսեփյանի պատասխանատվությունն ու պատիժը մեղմացնող հանգամանքներ են սահմանափակ մեղսունակ լինելը և նախկինում դատապարտված` արատավորված չլինելը: Դատարանն արձանագրում է, որ Արթուր Հովսեփյանի անձը դրականորեն բնութագրող և պատասխանատվությունն ու պատիժը ծանրացնող հանգամանքներ սույն քրեական գործում առկա չեն: Կատարած արարքի համար ամբաստանյալ Արթուր Հովսեփյանը ենթակա է քրեական պատասխանատվության և պատժի: Դատարանը, հաշվի առնելով Արթուր Հովսեփյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, պատասխանատվությունն ու պատիժը մեղմացնող հանգամանքները, նրան դրականորեն բնութագրող տվյալների և պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Արթուր Հովսեփյանի կատարած արարքի համար ՀՀ քրեական օրենսգրքի 176-րդ հոդվածի 2-րդ մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի: ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Արթուր Հովսեփյանի պատժի կրման սկիզբը պետք է հաշվել 2013 թվականի փետրվարի 12-ից, քանի որ նա ձերբակալվել է այդ օրը, իսկ 2011 թվականի փետրվարի 14-ին նրա նկատմամբ որպես խափանման միջոց ընտրվել է կալանավորումը: Դատարանը գտնում է, որ Արթուր Հովսեփյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը: Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2013 թվականի մարտի 11-ի որոշմամբ իրեղեն ապացույց ճանաչված իրերը պետք է թողնել Լուսինե Հովհանիսյանի տնօրինությանը: Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերն ամբաստանյալ Արթուր Հովսեփյանից ենթակա չեն բռնագանձման, քանի որ տուժող Լուսինե Հովհաննիսյանին պատկանող` իրեղեն ապացույց ճանաչված իրերը պետք է թողնվեն նրա տնօրինությանը: Ավելին` տուժողը հայտնել է, որ ամբաստանյալից որևէ պահանջ չունի: Բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մաuի 2-6-րդ կետերով նախատեսված դատական ծախսերը, քանի որ 6-րդ կետով նախատեսված դատական ծախսեր ընդհանրապես չկան, իսկ 2-5-րդ կետերով նախատեսված ծախսերի վերաբերյալ տվյալները բացակայում են, ավելին` նման պահանջ Դատարան չի ներկայացվել: Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը ՎՃՌԵՑ Արթուր Էդուարդի Հովսեփյանին մեղավոր ճանաչել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և պատիժ նշանակել ազատազրկում` 3 (երեք) տարի ժամկետով` պատժի կրման սկիզբը հաշվելով 2013 թվականի փետրվարի 12-ից: Արթուր Էդուարդի Հովսեփյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը: Դատավճիռն օրինական ուժի մեջ մտնելուց հետո 2013 թվականի մարտի 11-ի որոշմամբ իրեղեն ապացույց ճանաչված իրերը թողնել Լուսինե Աշոտի Հովհանիսյանի տնօրինությանը: Դատական ծախսերի հարցը համարել լուծված: Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում: ԴԱՏԱՎՈՐ Մ.ՊԱՊՈՅԱՆ |
|---|---|
| Դատական ակտի ամսաթիվը | 30-07-2013 |
Գործը հանձնվել է գրասենյակ
| Գործը հանձնվել է գրասենյակ | 26-08-2013 |
|---|---|
| Էջերի քանակ | 204, 87 |
| Գործին կից նյութերը | Ա.Հովսեփյանի զինգրքույկը |
Գործն ուղարկվել է
| Գործը ուղարկվել է | 26-08-2013 |
|---|---|
| Էջերի քանակը | 204, 87 |
| Գործին կից նյութերը | Ա.Հովսեփյանի զինգրքույկը |
| ՈՒր(դատարան) | Քրեական վերաքննիչ |
| Ելքի գրության համարը | Ե-22679 |
Գործը բողոքարկվել է
| Ամսաթիվ | 27-08-2013 |
|---|
Գործը ստացվել է (կատարումն ապահովելու համար, և ... )
| Ամսաթիվ | 02-12-2013 |
|---|
Դատավճռի, որոշման կատարում
| Ամսաթիվ | 04-12-2013 |
|---|---|
| Այլ նշումներ | դատավոր` Մակյան |
Գործը հանձնվել է գրասենյակ
| Գործը հանձնվել է գրասենյակ | 07-02-2014 |
|---|---|
| Էջերի քանակ | 203, 138 |
Գործը հանձնվել է դատարանի արխիվ
| Ամսաթիվ | 10-02-2014 |
|---|---|
| Էջերի քանակը | 203, 138 |
Դատական գործ N: ԵԿԴ/0058/01/13
Քրեական վերաքննիչ
Ստացվել է վերաքննիչ բողոք
| Ամսաթիվ | 06-08-2013 |
|---|---|
| Ամսաթիվ | 05-08-2013 |
| Բողոքը բերող անձը | |
| Անուն | Արթուր |
| Ազգանուն | Հովսեփյան |
| Հասցե | --------------- |
| Սեռ | 0 |
| Բողոքի բովանդակությունը | Արթուր Հովսեփյան Վերանայել Կենտրոն և Նորք-Մարաշ վարչական շրջանների ընդհանուր իրավասության դատարանի` Արթուր Էդուարդի Հովսեփյանի /ՀՀ քր. օր-ի 34-176 հոդ. 2-րդ մասի 4-րդ կետով - ազատազրկում 3 տարի ժամկետով / վերաբերյալ 30.07.2013թ. դատավճիռը և նշանակել ավելի մեղմ պատիժ կամ իրեն ազատ արձակել : |
| Բողոքի ստացման կարգը | Հանձնվել է փոստին |
| Չափահաս | Այո |
| Բողոքը ստացվել է | Գործն ըստ էության լուծող դատական ակտի դեմ |
Մակագրել
| Ամսաթիվ | 12-08-2013 |
|---|---|
| Նախագահող դատավոր | |
| Անուն | Եվա |
| Ազգանուն | Դարբինյան |
| Դատավոր | |
| Անուն | Գագիկ |
| Ազգանուն | Ավետիսյան |
| Դատավոր | |
| Անուն | Լիլիթ |
| Ազգանուն | Թադևոսյան |
Քրեական գործի մուտքագրում
| Ամսաթիվ | 27-09-2013 |
|---|---|
| Կից փաստաթղթեր և իրեղեն ապացույց | չկա |
Ընդունվել է վարույթ
| Ամսաթիվ | 03-09-2013 |
|---|
Նշանակվել է դատական քննություն
| Երբ | 17-09-2013 |
|---|---|
| Ժամ | 12:00 |
| Նիստերի դահլիճի համարը | 2 |
| Նիստը | Կայացվել է |
| Պատճառը | պաշտպանի չներկայանալու պատճառով |
Նշանակվել է դատական քննություն
| Երբ | 25-09-2013 |
|---|---|
| Ժամ | 14:00 |
| Նիստերի դահլիճի համարը | 2 |
| Նիստը | Կայացվել է |
| Պատճառը | մեկ այլ նիստով ծանրաբեռնված լինելու պատճառով |
Նշանակվել է դատական քննություն
| Երբ | 15-10-2013 |
|---|---|
| Ժամ | 14:00 |
| Նիստերի դահլիճի համարը | 2 |
| Նիստը | Կայացվել է |
Վերաքննիչ բողոքը մերժվել է և ստորադաս դատարանի դատական ակտը թողնվել է անփոփոխ
| Անփոփոխ թողնված դատական ակտը | Պատճառաբանվել է |
|---|---|
| Ամսաթիվ | 15-10-2013 |
| Ամբաստանյալ | |
| Անուն | Արթուր |
| Ազգանուն | Հովսեփյան |
| Հասցե | --------------- |
| Սեռ | 0 |
| Քր. դատ. օր. հոդված | |
| Քր. դատ. օր. հոդված | |
| Այլ նշումներ | կիրառվել է համաներման 1-ին կետի 3-րդ ենթակետը |
| Քր.օր. հոդված |
Դատական ակտ
| Դատական ակտ | ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՔՐԵԱԿԱՆ ՎԵՐԱՔՆՆԻՉ ԴԱՏԱՐԱՆ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի դատավճիռ գործ թիվ ԵԿԴ/0058/01/13 նախագահող դատավոր` Մ.Պապոյանի Ո Ր Ո Շ ՈՒ Մ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 15 հոկտեմբերի 2013թ. ք.Երևան ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ /այսուհետ` Վերաքննիչ դատարան/ հետևյալ կազմով` ՆԱԽԱԳԱՀՈՂ ԴԱՏԱՎՈՐ` Ե.ԴԱՐԲԻՆՅԱՆ ԴԱՏԱՎՈՐՆԵՐ` Գ.ԱՎԵՏԻՍՅԱՆ Ս.ՉԻՉՈՅԱՆ ՔԱՐՏՈՒՂԱՐՈՒԹՅԱՄԲ` Տ.Հակոբյանի ՄԱՍՆԱԿՑՈՒԹՅԱՄԲ` ԲՈՂՈՔ ԲԵՐԱԾ ԱՆՁ ԱՄԲԱՍՏԱՆՅԱԼ` Ա.Հովսեփյանի ՊԱՇՏՊԱՆ` Հ.Բաղդասարյանի ՄԵՂԱԴՐՈՂ` Ն.Միքայելյանի Դռնբաց դատական նիստում, ամբաստանյալ` Արթուր Հովսեփյանի վերաքննիչ բողոքի հիման վրա, քննության առնելով քրեական գործն ըստ մեղադրանքի Արթուր Էդուարդի Հովսեփյանի` ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով, Պ Ա Ր Զ Ե Ց ԳՈՐԾԻ ԴԱՏԱՎԱՐԱԿԱՆ ՆԱԽԱՊԱՏՄՈՒԹՅՈՒՆԸ 1. 2013 թվականի փետրվարի 12-ին ՀՀ ոստիկանության Կենտրոնականի քննչական բաժնում ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նախատեսված հանցագործության հատկանիշներով հարուցվել է թիվ 13114813 քրեական գործը: 2. 2013 թվականի փետրվարի 14-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով: 3. 2013 թվականի մարտի 19-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Հ.Սարգսյանի որոշմամբ թիվ 13114813 քրեական գործով Արթուր Էդուարդի Հովսեփյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով: 4. 2013 թվականի ապրիլի 23-ին Արթուր Էդուարդի Հովսեփյանի վերաբերյալ թիվ 13114813 քրեական գործը հաստատված մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան (այսուհետև` Դատարան): 5. Դատարանի 30.07.2013 թվականի դատավճռով Արթուր Հովսեփյանը մեղավոր է ճանաչվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և նրա նկատմամբ պատիժ է նշանակվել ազատազրկում` 3 (երեք) տարի ժամկետով` պատժի կրման սկիզբը հաշվելով 2013 թվականի փետրվարի 12-ից: Արթուր Հովսեփյանի նկատմամբ ընտրված խափանման միջոցը` կալանավորումը, թողնվել է անփոփոխ` մինչև դատավճռի օրինական ուժի մեջ մտնելը: 6. Առաջին ատյանի դատարանի 30.07.2013թ. դատավճռի դեմ վերաքննիչ բողոք է բերել ամբաստանյալ Արթուր Հովսեփյանը: 7. Վերաքննիչ դատարանի 2013թ. սեպտեմբերի 3-ի որոշմամբ բողոքն ընդունվել է վարույթ և քրեական գործը նշանակվել է քննության վճռաբեկության կարգով: 8. Վերաքննիչ բողոքի դեմ գրավոր պատասխան չի ներկայացվել: ԳՈՐԾԻ ՓԱՍՏԱԿԱՆ ՀԱՆԳԱՄԱՆՔՆԵՐԸ. 9. Արթուր Հովսեփյանին ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով մեղադրանք է առաջադրվել այն բանի համար, որ նա 2013 թվականի փետրվարի 12-ին` ժամը 13:00-ի սահմաններում, Երևան քաղաքի Վազգեն Սարգսյան փողոցի 2 հասցեում գործող <<Ամերիաբանկ>> ՓԲ ընկերության <<Կենտրոն>> մասնաճյուղի հարևանությամբ գտնվող Ստեփան Շահումյանի անվան հրապարակում կյանքի կամ առողջության համար ոչ վտանգավոր բռնություն գործադրելով` աջ ձեռքով հարվածել է Լուսինե Աշոտի Հովհաննիսյանի գլխի ետևի հատվածին, քաշքշել մազերից, իսկ ձախ ձեռքով քաշելով պայուսակի բռնակներից` փորձել է բացահայտ հափշտակել վերջինին պատկանող 4.000 ՀՀ դրամ արժողությամբ մուգ կապույտ գույնի արհեստական կաշվից պատրաստված կանացի պայուսակը, դրա մեջ եղած 1.500 ՀՀ դրամ արժողության սև գույնի արհեստական կաշվից պատրաստված կանացի դրամապանակը` 2.000 ՀՀ դրամով, 700 ՀՀ դրամ արժողությամբ սպիտակ հիմնագույնի և կարմիր պուտավոր արհեստական կաշվից պատրաստված կանացի հարդարման պարագաների պայուսակը, 200 ՀՀ դրամ արժողությամբ երկկողմանի ծալվող, արծաթագույն պլաստմասսե իրանով կանացի սանրը, սակայն իր կամքից անկախ հանգամանքներով հանցագործությունն ավարտին չի հասցրել, քանի որ տեսնելով Լուսինե Հովհաննիսյանի բղավոցից օգնության հասնող քաղաքացիներին վախեցել և հեռացել է: ՎԵՐԱՔՆՆԻՉ ԲՈՂՈՔԻ ՀԻՄՔԵՐԸ, ՀԻՄՆԱՎՈՐՈՒՄՆԵՐԸ, ԵՎ ՊԱՀԱՆՋԸ. 10. Ամբաստանյալ Արթուր Հովսեփյանը վերաքննիչ բողոքով խնդրել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2013թ. հուլիսի 30-ի դատավճիռը պատժի մասով բեկանել, փոփոխել և, հաշվի առնելով իր հիվանդության հանգամանքը, որոշում կայացնել իրեն ազատ արձակելու վերաբերյալ: ՎԵՐԱՔՆՆԻՉ ԴԱՏԱՐԱՆԻ ՊԱՏՃԱՌԱԲԱՆՈՒԹՅՈՒՆՆԵՐԸ ԵՎ ԵԶՐԱՀԱՆԳՈՒՄԸ. 11. Վերաքննիչ դատարանը, քննության առնելով ամբաստանյալ Արթուր Հովսեփյանի վերաքննիչ բողոքը` բողոքի հիմքերի և հիմնավորումների սահմաններում, լսելով նաև բողոքում ներկայացված հետևությունները հիմնավորելու մասին պաշտպանության կողմի պատճառաբանությունները, ինչպես նաև ուսումնասիրելով և վերլուծելով գործի նյութերը, դրանք գնահատելով իրենց համակցությամբ, հանգում է այն հետևության, որ ամբաստանյալի վերաքննիչ բողոքը պետք է մերժել` նկատի ունենալով, որ Դատարանը, հաշվի առնելով ամբաստանյալի կողմից կատարված հանցանքի ծանրությունը և ամբաստանյալի անձը, նշանակել է համապատասխան պատիժ և գտել է, որ ամբաստանյալը պետք կրի իր նկատմամբ նշանակված պատիժը: 12. Վերաքննիչ դատարանը, քննության առնելով ամբաստանյալ Ա.Հովսեփյանի նկատմամբ ՀՀ ԱԺ <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> 03.10.2013թ. որոշումը կիրառելու հարցը, հանգում է այն հետևության, որ ամբաստանյալ Ա.Հովսեփյանի նկատմամբ պետք է կիրառել ՀՀ ԱԺ <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> 03.10.2013թ. որոշումը, հետևյալ պատճառաբանությամբ. 03.10.2013թ. ՀՀ Ազգային Ժողովի կողմից ընդունվել է <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշում, որի 1-ին կետի 3-րդ ենթակետի համաձայն` << Պատժից ազատել, բացառությամբ սույն որոշման 8-րդ կետի 4-6-րդ ենթակետերով և 9-րդ կետով նախատեսված դեպքերի` այն անձանց, որոնց նկատմամբ նշանակվել է առավելագույնը երեք տարի ժամկետով ազատությունից զրկելու հետ կապված պատիժ>>: Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 30.07.2013 թվականի դատավճռով Արթուր Հովսեփյանը մեղավոր է ճանաչվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և նրա նկատմամբ պատիժ է նշանակվել ազատազրկում` 3 (երեք) տարի ժամկետով: Գործի նյութերով հիմնավորվել է, որ սույն քրեական գործով ամբաստանյալ Արթուր Հովսեփյանի նկատմամբ ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման կիրառման սահմանափակում նախատեսող որևէ նորմ առկա չէ: Ելնելով վերը շարադրվածից Վերաքննիչ դատարանն գտնում է, որ Արթուր Հովսեփյանի նկատմամբ կիրառելի է ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 1-ին կետի 3-րդ ենթակետը: ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 13-րդ կետի համաձայն` <<Սույն որոշման կատարումը վերապահել` 1) Հայաստանի Հանրապետության ընդհանուր իրավասության առաջին ատյանի և վերաքննիչ քրեական դատարաններին` ա. այն անձանց նկատմամբ, որոնց վերաբերյալ գործերը Հայաստանի Հանրապետության ընդհանուր իրավասության առաջին ատյանի կամ վերաքննիչ քրեական դատարաններում են, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն օրինական ուժի մեջ չեն մտել, (...)>>: ՀՀ քրեական օրենսգրքի 82-րդ հոդվածի համաձայն` <<Հանցանք կատարած անձն օրենսդիր մարմնի կողմից ընդունվող համաներման ակտով կարող է ազատվել քրեական պատասխանատվությունից, իսկ դատապարտյալը կարող է լրիվ կամ մասնակիորեն ազատվել ինչպես հիմնական, այնպես էլ լրացուցիչ պատժից, կամ պատժի չկրած մասը կարող է փոխարինվել ավելի մեղմ պատժատեսակով, կամ կարող է վերացվել դատվածությունը:>>: Ելնելով վերոգրյալից` Վերաքննիչ դատարանը գտնում է, որ Արթուր Հովսեփյանի նկատմամբ պետք է կիրառել ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 1-ին կետի 3-րդ ենթակետը` վերջինիս նկատմամբ նշանակված 3 /երեք/ տարի ժամկետով ազատազրկում պատժից ազատել: Նկատի ունենալով, որ ամբաստանյալ Ա.Հովսեփյանի նկատմամբ կիրառվում է ՀՀ ԱԺ կողմից 03.10.2013թ. ընդունված համաներման ակտը` Վերաքննիչ դատարանը նպատակահարմար չի գտնում անդրադառնալ վերաքննիչ բողոքի վերլուծությանը: Ելնելով վերոգրյալից և ղեկավարվելով ՀՀ քրեական դատավարության օրենսգրքի 374-րդ, 393-394-րդ, 402-րդ, 412-րդ հոդվածներով` Վերաքննիչ դատարանը Ո Ր Ո Շ Ե Ց 1. Ամբաստանյալ Արթուր Էդուարդի Հովսեփյանի վերաքննիչ բողոքը մերժել: 2. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2013թ. հուլիսի 30-ի դատավճիռը քրեական գործով ըստ մեղադրանքի Արթուր Էդուարդի Հովսեփյանի` ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով թողնել օրինական ուժի մեջ: 3. Ամբաստանյալ Արթուր Էդուարդի Հովսեփյանի նկատմամբ կիրառել ՀՀ Ազգային Ժողովի` 03.10.2013թ. <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> որոշման 1-ին կետի 3-րդ ենթակետը և նրան ազատել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի թվականի հուլիսի 30-ի դատավճռով նշանակված 3 (երեք) տարի ժամկետով ազատազրկում պատժից: 4. Ամբաստանյալ Արթուր Էդուարդի Հովսեփյանի նկատմաբ կիրառված խափանման միջոց կալանավորումը վերացնել և նրան ազատել կալանքից դատական նիստի դահլիճում: 5. Որոշումը կարող է բողոքարկվել ՀՀ Վճռաբեկ դատարան հրապարակման պահից` մեկամսյա ժամկետում: ՆԱԽԱԳԱՀՈՂ ԴԱՏԱՎՈՐ ստորագրություն ԴԱՏԱՎՈՐՆԵՐ ստորագրություններ Իսկականի հետ ճիշտ է ՆԱԽԱԳԱՀՈՂ ԴԱՏԱՎՈՐ Ե. ԴԱՐԲԻՆՅԱՆ |
|---|---|
| Դատական ակտի ամսաթիվը | 15-10-2013 |
Գործը հանձնվել է գրասենյակ
| Ամսաթիվ | 22-11-2013 |
|---|---|
| Էջերի քանակը | 1-204,2-132 |
Գործն ուղարկվել է
| Գործն ուղարկվել է | 22-11-2013 |
|---|---|
| Էջերի քանակը | 204, 132 |
| Ուր | Կենտրոն և Նորք-Մարաշ |
| Գրության համարը | Ե-20905/13 |