Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

10 հունիսի 2013թ. ք. Երևան

ԵԿԴ-0053/01/13

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մասնակցությամբ`
մեղադրող,
Երևանի Կենտրոն և Նորք-Մարաշ վարչական
շրջանների դատախազի տեղակալ Ա. Գալստյանի,

պաշտպաններ Ա. Խաչատրյանի,
Հ. Բաղդասարյանի,



դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
Արսեն Հայկի Մարգարյանի`
ծնված 1974թ. օգոստոսի 12-ին Արարատի մարզի Ոսկետափ գյուղում, հայ, Հայաստանի Հանրապետության /այսուհետ ՀՀ/ քաղաքացի, բարձրագույն կրթությամբ, ամուսնալուծված, խնամքին են չորս զավակները, որոնցից երեքն անչափահաս են, որոնցից երկուսը` մինչև տասնչորս տարեկան են, իսկ խնամքին գտնվող չափահաս զավակն առաջին խմբի հաշմանդամ է, նախկինում դատված` ՀՀ Արարատի մարզի առաջին ատյանի դատարանի 2005թ. մարտի 28-ի դատավճռով, ՀՀ քրեական օրենսգրքի 113-րդ հոդվածի 1-ին մասով, 235-րդ հոդվածի 1-ին մասով, նույն օրենսգրքի 66-րդ հոդվածի կիրառմամբ դատապարտվել է ազատազրկման 1 /մեկ/ տարի 5 /հինգ/ ամիս 25 /քսանհինգ/ օր ժամկետով և տուգանքի` 100.000 /հարյուր հազար/ ՀՀ դրամ գումարի չափով։ ՀՀ քրեական օրենսգրքի 70-րդ հոդվածի կիրառմամբ, նշանակված պատիժը պայմանականորեն չի կիրառվել և սահմանվել է փորձաշրջան 1 /մեկ/ տարի ժամկետով, դատվածությունը մարված, բնութագրվում է դրական, 13.03.2013թ. ձերբակալվել է, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 15.03.2013թ. որոշմամբ որպես խափանման միջոց է ընտրվել կալանավորումը, այն փոխարինվել է գրավով և նույն օրն ազատ է արձակվել` անազատության մեջ մնալով 3 /երեք/ օր, հաշվառված է Արարատի մարզի Ոսկետափ գյուղի Արցախի փողոցի թիվ 32 տանը, փաստացի բնակվում է Երևանի Նոր-Արեշ 15-րդ փողոցի թիվ 20 տանը, մեղադրվում է ՀՀ քրեական օրենսգրքի 235-րդ հոդվածի 1-ին մասով։



Գործի դատավարական նախապատմությունը

Թիվ 13130413 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2013թ. մարտի 13-ին, ՀՀ քրեական օրենսգրքի 235-րդ հոդվածի 1-ին մասով, Արսեն Մարգարյանի կողմից ապօրինի հրազեն և ռազմամթերք ձեռք բերելու և կրելու դեպքի առթիվ։
Ամբաստանյալ Արսեն Հայկի Մարգարյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 235-րդ հոդվածի 1-ին մասով հետևյալ արարքի համար. «որ նա ապօրինի կերպով ձեռք է բերել և կրել հրազեն հանդիսացող` 6,35 մմ տրամաչափի գործարանային արտադրության ջնջված համարով 1906թ. նմուշի «Բրաունինգ» տեսակի ատրճանակ և ռազմամթերք հանդիսացող` 6,35 մմ տրամաչափի գործարանային արտադրության մեկ փամփուշտ, որոնք հայտնաբերվել են ՀՀ ոստիկանության աշխատակիցների կողմից 2013թ. մարտի 13-ին Ա.Մարգարյանի կողմից վարձակալած` Երևան քաղաքի Մյասնիկյան պողոտայի թիվ 2 հասցեում գործող «Բելաջիո» հյուրանոցային համալիրի «Ֆորում 2» սենյակում կատարված զննության ընթացքում։»։
2013թ. ապրիլի 17-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։
Մեղադրողը մեղադրական եզրակացությունում չի առարկել դատական քննության արագացված կարգ կիրառելու դեմ։


Արագացված դատական քննություն

Ամբաստանյալ Արսեն Հայկի Մարգարյանը միջնորդեց դատական քննությունն անցկացնել արագացված կարգով։ Նա հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ Արսեն Հայկի Մարգարյանը կատարել է ՀՀ քրեական օրենսգրքի 235-րդ հոդվածի 1-ին մասով նախատեսված արարք։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվեց, որ ամբաստանյալ Արսեն Մարգարյանն իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջում է կատարածի համար, բնութագրվում է դրական, նրա խնամքին են չորս զավակները, որոնցից երեքն անչափահաս են, որոնցից երկուսը` մինչև տասնչորս տարեկան են, իսկ խնամքին գտնվող չափահաս զավակն առաջին խմբի հաշմանդամ է։



Դատարանի իրավական վերլուծությունները

Առաջադրված մեղադրանքն ամբաստանյալ Արսեն Հայկի Մարգարյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ամբաստանյալ Արսեն Հայկի Մարգարյանի կողմից, նրա մեղավորությամբ, ապօրինի կերպով հրազեն, ռազմամթերք ձեռք բերելը և պահելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 235-րդ հոդվածի 1-ին մասով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Արսեն Հայկի Մարգարյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա իրեն լիովին մեղավոր ճանաչելով և նախաքննության ընթացքում տալով ինքնախոստովանական ցուցմունքներ` անկեղծորեն զղջում է կատարածի համար, բնութագրվում է դրական, նրա խնամքին են չորս զավակները, որոնցից երեքն անչափահաս են, որոնցից երկուսը` մինչև տասնչորս տարեկան են, իսկ խնամքին գտնվող չափահաս զավակն առաջին խմբի հաշմանդամ է։
Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում պատիժ նշանակելու պահին հանցավորի խնամքին մինչև տասնչորս տարեկան երկու երեխայի առկայությունը, իսկ նրա պատասխանատվությունը և պատիժը ծանրացնող հանգամանքներ դատարանը չի արձանագրում։
Հաշվի առնելով, որ ամբաստանյալ Արսեն Հայկի Մարգարյանի խնամքին, դատավճիռ կայացնելու պահին կա մինչև ութ տարեկան երեխա` Վազգեն Արսենի Մարգարյանը, ծնված 27.10.2007թ.-ին, դատարանը գտնում է, որ ՀՀ քրեական օրենսգրքի 57-րդ հոդվածի 2-րդ մասի համաձայն, կալանքը որպես պատիժ Ա. Մարգարյանի նկատմամբ նշանակվել չի կարող։ Հետևաբար, իր կատարած` Հայաստանի Հանրապետության քրեական օրենսգրքի 235-րդ հոդվածի 1-ին մասով նախատեսված հանցագործության համար ամբաստանյալ Ա. Մարգարյանը ենթակա է պատժի ազատազրկման ձևով։
Միաժամանակ, ՀՀ քրեական օրենսգրքի 69-րդ հոդվածի 3-րդ մասի կիրառմամբ, ազատազրկման ձևով նշանակված պատժին հաշվակցման է ենթակա Արսեն Մարգարյանին կալանքի տակ պահելու երեք օրը։
Դատարանը գտնում է, որ իր նկատմամբ նշանակված պատիժն ամբաստանյալ Արսեն Մարգարյանը պետք է կրի, քանի որ դրան խոչընդոտող հանգամանքներ առկա չեն։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 13.03.2013թ. և 15.04.2013թ. որոշումներով իրեղեն ապացույցներ ճանաչված, ամբաստանյալ Արսեն Մարգարյանի վերնաշապիկը պետք է վերադարձնել նրան, իսկ 6,35մմ տրամաչափի, գործարանային արտադրության, ջնջված համարով, 1906թ. նմուշի «Բրաունինգ» տեսակի ատրճանակը պետք է թողնել ՀՀ ոստիկանության տնօրինմանը։
Քննարկելով խափանման միջոցի հարցը` դատարանը գտնում է, որ ամբաստանյալ Արսեն Մարգարյանի նկատմամբ որպես կալանավորման այլընտրանքային խափանման միջոց գրավը պետք է թողնել անփոփոխ` մինչև դատավճռի օրինական ուժի մեջ մտնելը, որից հետո, գրավի գումար հանդիսացող 500.000 /հինգ հարյուր հազար/ ՀՀ դրամը, մուծված 15.03.2013թ. Կարեն Գեղամի Պողոսյանի կողմից` Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի թիվ 900013298014 հաշվին, ենթակա է վերադարձման այդ գումարը վճարած Կարեն Պողոսյանին։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 357-360-րդ, 364-366-րդ, 369-373-րդ, 3751-3754-րդ հոդվածներով, դատարանը`


Վ Ճ Ռ Ե Ց

Ամբաստանյալ Արսեն Հայկի Մարգարյանին մեղավոր ճանաչել Հայաստանի Հանրապետության քրեական օրենսգրքի 235-րդ հոդվածի 1-ին մասով նախատեսված հանցանքում և դատապարտել ազատազրկման 6 /վեց/ ամիս ժամկետով։
ՀՀ քրեական օրենսգրքի 69-րդ հոդվածի 3-րդ մասի կիրառմամբ հաշվակցելով կալանքի տակ պահելու 3 /երեք/ օրը` ամբաստանյալ Արսեն Մարգարյանի նկատմամբ պատիժ նշանակել ազատազրկում 5 /հինգ/ ամիս 27 /քսանյոթ/ օր ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով կալանավորման պահից։
Կալանավորման այլընտրանքային խափանման միջոց գրավը թողնել անփոփոխ` մինչև դատավճռի օրինական ուժի մեջ մտնելը, որից հետո, գրավի գումար հանդիսացող 500.000 /հինգ հարյուր հազար/ ՀՀ դրամը, մուծված 15.03.2013թ. Կարեն Գեղամի Պողոսյանի կողմից` Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի թիվ 900013298014 հաշվին, հետ վերադարձնել Կարեն Պողոսյանին։
Դատավճռի օրինական ուժի մեջ մտնելուց հետո, 13.03.2013թ. և 15.04.2013թ. որոշումներով իրեղեն ապացույցներ ճանաչված, ամբաստանյալ Արսեն Մարգարյանի վերնաշապիկը վերադարձնել Ա. Մարգարյանին, իսկ 6,35մմ տրամաչափի, գործարանային արտադրության, ջնջված համարով, 1906թ. նմուշի «Բրաունինգ» տեսակի ատրճանակը թողնել ՀՀ ոստիկանության տնօրինմանը։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։
Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։

ԴԱՏԱՎՈՐ` Մ. ՄԱՐՏԻՐՈՍՅԱՆ