Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

24 հունիսի 2013թ. ք. Երևան

ԵԿԴ-0032/01/13

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մասնակցությամբ`
մեղադրող,
Հայաստանի Հանրապետության /այսուհետ ՀՀ/
գլխավոր դատախազության ընդհանուր
բնույթի հանցագործությունների գործերով
վարչության ավագ դատախազ Մ. Մարտիրոսյանի,

պաշտպան Վ. Էլբակյանի,


դատարանում, դռնբաց դատական նիստում, քննեց գործն ըստ մեղադրանքի
Ռուբեն Սարգիսի Մանուկյանի`
ծնված 1981թ. օգոստոսի 06-ին Սիրիայի Հանրապետության Դամասկոս քաղաքում, հայ, երկքաղաքացի` Հայաստանի Հանրապետության և Սիրիայի Հանրապետության քաղաքացի, միջնակարգ կրթությամբ, ամուսնացած, խնամքին մինչև տասնչորս տարեկան մեկ երեխա և ավելի քան երեսունյոթ շաբաթվա հղիություն ունեցող կինը, աշխատում է «Ռիո Գրանդ» ՍՊ ընկերությունում որպես մենեջեր, նախկինում չդատված, բնութագրվում է դրական, կալանքի տակ է 14.03.2013թ.-ից, հաշվառված է Սիրիայի Հանրապետության Դամասկոս քաղաքի Սահետ Առնուզ շրջանի Ղմիան շենքի թիվ 2 բնակարանում, Հայաստանում բնակվել է ք. Երևան, Օհանովի փողոցի թիվ 68 շենքի թիվ 32 բնակարանում, մեղադրվում է ՀՀ քրեական օրենսգրքի 262-րդ հոդվածի 2-րդ մասի 5-րդ կետով։



Գործի դատավարական նախապատմությունը

Թիվ 69102913 քրեական գործը ՀՀ ոստիկանության ՔԳՎ ՀԿԳ քննության վարչությունում հարուցվել է 14.03.2013թ., ՀՀ քրեական օրենսգրքի 262-րդ հոդվածի 2-րդ մասի 5-րդ կետով, Ռուբեն Սարգիսի Մանուկյանի կողմից երկու և ավելի անձանց պոռնկությամբ զբաղվելուն նպաստելու դեպքի առթիվ։
Ամբաստանյալ Ռուբեն Սարգիսի Մանուկյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 262-րդ հոդվածի 2-րդ մասի 5-րդ կետով հետևյալ արարքի համար. «որ նա Երևան քաղաքում մարմնավաճառությամբ զբաղվող Լիանա Արթուրի Սամոդուրովայի, Գեղեցիկ Գառնիկի Մելյանի, Էմմա Կարապետի Կարապետյանի և Գայանե Գուրգենի Բաբայանի հետ ծանոթանալուց հետո, պայմանավորվածության համաձայն, գույքային օգուտ ստանալով նրանց կողմից պոռնկությամբ զբաղվելուն նպաստելու դիտավորությամբ, 2012թ. մարտից մինչև 2013թ. մարտ ամիսն ընկած ժամանակահատվածում, պարբերաբար, գումարի դիմաց սեռական հարաբերություն ունենալու համար կազմակերպել է վերջիններիս ինտիմ հանդիպումներն իր ծանոթ՝ արտերկրից Հայաստան ժամանած իր սիրիահայ հայրենակիցների հետ, և յուրաքանչյուր դեպքով հաճախորդ ապահովելու ծառայության դիմաց մարմնավաճառներից որպես միջնորդավճար՝ 10.000-ից 15.000-ական ՀՀ դրամ ստանալով, երկու և ավելի անձանց օգտագործելով, նպաստել է Լիանա Սամոդուրովայի և մյուսների պոռնկությամբ զբաղվելուն։»։
2013թ. ապրիլի 10-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Ամբաստանյալ, երկքաղաքացի` Հայաստանի Հանրապետության և Սիրիայի Հանրապետության քաղաքացի Ռուբեն Սարգիսի Մանուկյանը, 2011թ.-ից մշտապես բնակություն հաստատելով Երևան քաղաքում, հաճախակի ընդունել է Սիրիայի Հանրապետությունում բնակվող, ազգությամբ հայ իր ընկերներին և ծանոթներին, որոնք պարբերաբար խնդրել են իրենց օգնել` մարմնավաճառներ գտնելու և նրանց ծառայություններից օգտվելու հարցում։ Վերոհիշյալ խնդրանքն իրագործելու և այդ եղանակով գումարներ վաստակելու նպատակով ամբաստանյալ Ռուբեն Մանուկյանը ծանոթություն է հաստատել Երևանում մարմնավաճառությամբ զբաղվող Լիանա Արթուրի Սամոդուրովայի, Գեղեցիկ Գառնիկի Մելյանի, Էմմա Կարապետի Կարապետյանի և Գայանե Գուրգենի Բաբայանի հետ, ապա նրանց հետ պայմանավորվածություն է ձեռք բերել` սիրիահայ հարուստ հաճախորդներով նրանց ապահովելու դեպքում իրեն միջնորդավճարներ տալու վերաբերյալ։
Ամբաստանյալ Ռուբեն Մանուկյանը նպատակ ունենալով գույքային օգուտ ստանալու համար երկու և ավելի մարմնավաճառներին օգտագործելով` նպաստել նրանց կողմից պոռնկությամբ զբաղվելուն, 2012թ. մարտից մինչև 2013թ. մարտն ընկած ժամանակահատվածում, գումարի դիմաց սեռական հարաբերություն ունենալու համար վերոհիշյալ մարմնավաճառներին ապահովել է հաճախորդներով` որպես այդպիսիք ներգրավելով արտերկրից Հայաստան ժամանած սիրիահայ իր ծանոթներին։ Կազմակերպելով նրանց ինտիմ հանդիպումները Երևանում գործող «Ռից», «Ծղոտներ», «Աստորիա» և այլ հյուրանոցային համալիրներում` յուրաքանչյուր դեպքով հաճախորդ ապահովելու ծառայության դիմաց վերոհիշյալ մարմնավաճառներից որպես միջնորդավճար Ռ. Մանուկյանը ստացել է 10.000-ից 15.000-ական ՀՀ դրամ գումարներ։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվեց, որ ամբաստանյալ Ռուբեն Մանուկյանը նախկինում դատված չի եղել, բնութագրվում է դրական, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջում է կատարածի համար, նրա խնամքին են գտնվում մինչև տասնչորս տարեկան երեխան (Մարիա Ռուբենի Մանուկյանը` ծնված 22.08.2006թ.-ին) և ավելի քան երեսունյոթ շաբաթվա հղիություն ունեցող կինը։ Վերջինիս կողմից ՀՀ դատական դեպարտամենտի թիվ 900005016010 հաշվին 2013թ. հունիսի 24-ին փոխանցվել է 200.000 /երկու հարյուր հազար/ ՀՀ դրամ` որպես Ռ. Մանուկյանի կողմից հանցավոր ճանապարհով ստացված օգուտի գումար։



Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Ռուբեն Սարգիսի Մանուկյանի ինքնախոստովանական ցուցմունքներով այն մասին, որ 2011թ.-ից մշտապես բնակվում է Հայաստանում։ Սիրիայի Հանրապետությունից հաճախակի են Հայաստան այցելել իր ընկերները և ծանոթները, որոնք գրեթե միշտ ցանկացել են օգտվել մարմնավաճառների ծառայություններից։ Նրանց օգնելու համար ծանոթություն է հաստատել Երևանում մարմնավաճառությամբ զբաղվող Նիկայի, Գայանեի, Մարուշի և Նանոյի հետ, որոնց հայտնել է, որ կարող է նրանց ապահովել հաճախորդներով, քանի որ Սիրիայից հաճախակի են այցելում իր ընկերները և ծանոթները, որոնք ցանկանում են օգտվել մարմնավաճառների ծառայություններից։ Նիկայի, Գայանեի, Մարուշի և Նանոյի հետ եկել է համաձայնության, որ եթե հաճախորդները մարմնավաճառության ծառայությունից օգտվելու համար նրանց կվճարեն 60.000 ՀՀ դրամ գումար, ապա հաճախորդներով ապահովելու համար որպես միջնորդավճար իրեն պետք է վճարեն 15.000 ՀՀ դրամ գումար, իսկ 50.000 ՀՀ դրամ գումար վճարելու դեպքում` 10.000 ՀՀ դրամ գումար։ 2012թ. մարտից մինչև 2013թ. մարտն ընկած ժամանակահատվածում նշված մարմնավաճառներին հաճախակի ապահովել է Սիրիայից ժամանած հաճախորդներով, որոնց հանդիպումները հիմնականում կազմակերպվել են «Ռից» և «Ծղոտներ» հյուրանոցային համալիրներում։ Նրանց միջև սեռական հարաբերություններն ավարտվելուց հետո հաճախորդները մարմնավաճառներին վճարել են գումարները, որից հետո, մարմնավաճառներին ուղեկցելիս, հաճախորդներից թաքուն նրանցից ստացել է յուրաքանչյուր անգամ 10.000-ից 15.000-ական ՀՀ դրամ գումար` որպես միջնորդավճար։ Ինքը գործածել է 096-60-26-06 հեռախոսահամարը, որով հեռախոսակապի մեջ է եղել մարմնավաճառների հետ։
Դատարանում ամբաստանյալ Ռուբեն Մանուկյանը պնդեց իր նախաքննական ցուցմունքները, զղջաց կատարած արարքի համար և խնդրեց հաշվի առնել, որ գտնվել է և այժմ էլ գտնվում է ծանր վիճակում` հայրը մահացել է, մայրն ու մյուս հարազատները գտնվում են Սիրիայում և նրանց բնակավայրում պատերազմական գործողություններ են կատարվում։ Նրանց չի հաջողվել հեռանալ Սիրիայից, իսկ ինքը զրկված է նրանց օգնելու հնարավորությունից։ Բացի այդ, կինը գտնվում է հղի վիճակում և մի քանի օրից ծննդաբերելու է, սակայն ինքը գտնվելով կալանքի տակ` զրկված է կնոջն ու Սիրիայում բնակվող հարազատներին որևէ կերպ օգնելու հնարավորությունից։ Հայաստանում հարազատներ չունի, ուստի խնդրում է իր նկատմամբ մեղմ վարվել և իր նկատմամբ ընտրել ազատազրկման հետ չկապված պատիժ։
/դատական նիստի արձանագրություն, գ. թ. 35-37, 69, 83, 112-113/
Վկա Լիանա Արթուրի Սամոդուրովայի ցուցմունքներով այն մասին, որ շուրջ չորս տարի է զբաղվում է մարմնավաճառությամբ։ Շուրջ մեկ տարի վեց ամիս առաջ որպես հաճախորդի ծանոթացել է Ռուբենի հետ։ Նա իրեն պատմել է, որ ունի մարմնավաճառների խումբ, որոնց ապահովում է հաճախորդներով և դրա դիմաց նրանք իրեն վճարում են միջնորդավճարներ։ Ռուբենն իրեն ասել է, որ իր մոտ հաճախակի են այցելում սիրիահայեր, որոնց կարող է ապահովել որպես հաճախորդներ, որի դիմաց իրեն պետք է վճարի 10.000-ից 15.000 ՀՀ դրամ գումար։ Ինքը տվել է իր համաձայնությունը։ Դրանից հետո Ռուբենը պարբերաբար իրեն ապահովել է սիրիահայ հաճախորդներով, որի դիմաց նրան յուրաքանչյուր սեռական հարաբերության համար վճարել է 10.000-ից 15.000-ական ՀՀ դրամ գումար` որպես միջնորդավճար։ Յուրաքանչյուր հանդիպման ժամանակ Ռուբենը ներկա է եղել։ Հաճախորդի հետ սեռական հարաբերությունն ավարտվելուց հետո նա իրեն ուղեկցել է, որի ընթացքում, հաճախորդից թաքուն Ռուբենին յուրաքանչյուր անգամ վճարել է 10.000-ից 15.000-ական ՀՀ դրամ գումար։ Ռուբենի պահանջով իր հեռախոսահամարը չի փոխանցել հաճախորդներին, որպեսզի ցանկացած հանդիպման ժամանակ նա ներկա լինի։ Ժամանակի ընթացքում Ռուբենի հետ ծանոթացրել է նաև մարմնավաճառությամբ զբաղվող Նանոյին, որը նույնպես հաճախորդներով ապահովելու համար Ռուբենին վճարել է 10.000 ՀՀ դրամ գումար։ Ռուբենն իրեն հաճախակի զանգահարել է 096-60-26-06 հեռախոսահամարից իր 099-58-44-48 հեռախոսահամարին։ Մարմնավաճառների շրջանում իրեն ճանաչում են Նիկա անունով։
/դատական նիստի արձանագրություն, գ. թ. 23-26, 60-62, 86-87/
Վկա Գեղեցիկ Գառնիկի Մելյանի նախաքննական ցուցմունքներով այն մասին, որ շուրջ երկու ամիս զբաղվում է մարմնավաճառությամբ։ 2013թ. փետրվարին, Ռուբենը 096-60-26-06 հեռախոսահամարից զանգահարել է իր 096-67-93-90 հեռախոսահամարին, որից հետո հանդիպել են և սեռական հարաբերություն ունեցել իրար հետ։ Ռուբենն իրեն ասել է, որ իրեն կապահովի հաճախորդներով, որի դիմաց նրան պետք է վճարի միջնորդավճար։ Շուրջ 10 օր անց Ռուբենն իրեն ապահովել է հաճախորդով, որի անունը եղել է Անտոն։ Վերջինիս հետ ունեցել է սեռական հարաբերություն, որի դիմաց նրանից ստացել է 55.000 ՀՀ դրամ գումար, որից 10.000 ՀՀ դրամը տվել է Ռուբենին` որպես միջնորդավճար։ Մարմնավաճառների շրջանում իրեն ճանաչում են Նանո անունով։
/գ. թ. 31-32, 88-89/
Վկա Գեղեցիկ Գառնիկի Մելյանն իր վերոհիշյալ ցուցմունքը պնդել է նաև ամբաստանյալ Ռուբեն Սարգիսի Մանուկյանի հետ առերես հարցաքննության ժամանակ։
/գ.թ. 63-64/
Վկա Էմմա Կարապետի Կարապետյանի ցուցմունքներով այն մասին, որ շուրջ հինգ ամիս զբաղվում է մարմնավաճառությամբ։ 2013թ. փետրվարին Ռուբենը, որը ներկայացել է Ռաֆի անունով, 096-60-26-06 հեռախոսահամարից զանգահարել է իր 093-185-186 հեռախոսահամարին։ Դրանից հետո նրա կանչով հանդիպել է Անտոնի հետ, որի հետ ունեցել է սեռական հարաբերություն։ Նույն ժամանակ Ռուբենն իրեն առաջարկել է, որ հաճախորդներ լինելու դեպքում կկանչի իրեն, որի դիմաց, որպես միջնորդավճար նրան պետք է վճարի 10.000 ՀՀ դրամ գումար։ Ինքը տվել է իր համաձայնությունը, որից հետո Ռուբենը մինչև 2013թ. մարտն ընկած ժամանակահատվածում, 4-ից 5 անգամ իրեն ապահովել է հաճախորդներով։ Ինքը Ռուբենին վճարել է որպես միջնորդավճար 2-ից 3 անգամ` յուրաքանչյուր անգամ 10.000-ական ՀՀ դրամ գումարի չափով, քանի որ մնացած դեպքերում իրեն գումար է հարկավոր եղել։ Մարմնավաճառների շրջանում իրեն ճանաչում են Էլեն, Մարուշ, Մարի և Էմիլյա անուններով։
/գ. թ. 47-49, 100-101/
Վկա Էմմա Կարապետի Կարապետյանն իր վերոհիշյալ ցուցմունքը պնդել է նաև ամբաստանյալ Ռուբեն Սարգիսի Մանուկյանի հետ առերես հարցաքննության ժամանակ։
/գ.թ. 54-56/
Վկա Գայանե Գուրգենի Բաբայանի ցուցմունքներով այն մասին, որ 2011թ. հուլիսից զբաղվում է մարմնավաճառությամբ։ 2013թ. մարտի սկզբներին, մարմնավաճառությամբ զբաղվող իր ընկերուհի Էմման, որին դիմում են Էմիլյա անունով, իրեն պատմել է, որ սիրիահայ Ռաֆին պարբերաբար իրեն ապահովել է հաճախորդներով, որի դիմաց, որպես միջնորդավճար նրան վճարել է 10.000-ական ՀՀ դրամ գումար։ 2013թ. մարտի 4-ին Էմիլյան զանգահարել է իրեն և հայտնել, որ Ռաֆին իրենց համար հաճախորդներ է գտել։ Էմիլյայի հետ գնացել է «Ռից» հյուրանոց, որտեղ հանդիպել և ծանոթացել է Ռաֆիի հետ։ Նույն ժամանակ ինքը և Էմիլյան սեռական հարաբերություններ են ունեցել մեկական հաճախորդի հետ, նրանցից ստացել են 40.000-ական ՀՀ դրամ գումար, որից 10.000-ական ՀՀ դրամ գումարները տվել են Ռաֆիին` հաճախորդներ ապահովելու համար որպես միջնորդավճար։ Նույն օրը Ռաֆին վերցրել է իր 095-60-33-10 հեռախոսահամարը` հետագայում հաճախորդ լինելու դեպքում 10.000 ՀՀ դրամ միջնորդավճարով իրեն կանչելու համար։ 2013թ. մարտի 13-ին Ռուբենը 096-60-26-06 հեռախոսահամարից զանգահարել է իրեն, կանչել է «Ռից» հյուրանոց, որտեղ հանդիպել է հաճախորդի հետ։ Ռաֆին իրեն հայտնել է, որ չի կարող սպասել, իսկ միջնորդավճարն իրենից վերցնելու համար կզանգահարի և կհանդիպի հաջորդ օրը։ Ինքը հաճախորդի հետ սեռական հարաբերություն է ունեցել և նրանից վերցրել է 40.000 ՀՀ դրամ գումար։ Հաջորդ օրը Ռաֆին զանգահարել և իր հետ հանդիպել է իրենց շենքի բակում, որտեղ նրան տվել է 10.000 ՀՀ դրամ գումարի չափով միջնորդավճարը։ Հետագայում տեղեկացել է, որ Ռաֆին հանդիսանում է Ռուբենը։
/գ.թ. 51-52, 102-103/
Վկա Գայանե Գուրգենի Բաբայանն իր վերոհիշյալ ցուցմունքը պնդել է նաև ամբաստանյալ Ռուբեն Սարգիսի Մանուկյանի հետ առերես հարցաքննության ժամանակ։
/գ.թ. 57-59/
Անձին խուզարկության ենթարկելու մասին 2013թ. մարտի 14-ի արձանագրությամբ, որի համաձայն` Ռուբեն Սարգիսի Մանուկյանի անձնական խուզարկությամբ, նրա մոտից հայտնաբերվել է «Նոկիա» մոդելի բջջային հեռախոս և 213.460 ՀՀ դրամ գումար։
Ըստ Ռուբեն Սարգիսի Մանուկյանի հայտարարության` իր անձնական խուզարկությամբ հայտնաբերված գումարներից 10.000 ՀՀ դրամը, նույն օրը երեկոյան, որպես միջնորդավճար ստացել է մարմնավաճառությամբ զբաղվող Գայանեից` նախորդ օրը նրան հաճախորդով ապահովելու համար։
/գ. թ. 15/
Զննություն կատարելու մասին 2013թ. մարտի 26-ի արձանագրությամբ, որի համաձայն` Ռուբեն Սարգիսի Մանուկյանի անձնական խուզարկությամբ հայտնաբերված բջջային հեռախոսը «Նոկիա» մոդելի է, որի մեջ տեղադրված է 096-602-606 և 098-55-09-35 հեռախոսաքարտերը։ Բջջային հեռախոսի հեռախոսագրքույկում «Sh Nana Nikka» անվան տակ գրանցված է 096-67-93-90 հեռախոսահամարը, «SH NIKKA» անվան տակ` 099-58-44-48 հեռախոսահամարը, «Sh Marishka Arm» անվան տակ` 093-188-186 հեռախոսահամարը, «Sh Gayane Maris» անվան տակ` 095-603-310 հեռախոսահամարը։
Ռուբեն Սարգիսի Մանուկյանն իր 096-602-606 հեռախոսահամարից պարբերաբար հեռախոսակապի մեջ է եղել 099-58-44-48, 093-188-186, 095-603-310 հեռախոսահամարները գործածած, համապատասխանաբար` Նիկայի, Մարիշկայի և Գայանեյի հետ։
Ռուբեն Սարգիսի Մանուկյանի անձնական խուզարկությամբ հայտնաբերվել է 213.460 ՀՀ դրամ գումար, որոնք եղել են 6 հատ 20.000-անոց, 8 հատ 10.000-անոց, 1 հատ 5.000-անոց, 7 հատ 1.000-անոց թղթադրամներով և 1 հատ 500-անոց, 3 հատ 200-անոց, 3 հատ 100-անոց, 1 հատ 50-անոց, 1 հատ 10-անոց մետաղադրամներով։
/գ. թ. 97-99/
Որպես այլ փաստաթուղթ` ապացույց ճանաչված, Լիանա Արթուրի Սամոդուրովայի 2013թ. մարտի 14-ի բացատրությամբ այն մասին, որ շուրջ 1 տարի 6 ամիս առաջ որպես հաճախորդի ծանոթացել է Ռուբենի հետ, որը մինչև 2013թ. մարտ ամիսը պարբերաբար իրեն ապահովել է հաճախորդներով, որի դիմաց, յուրաքանչյուր անգամ նրան վճարել է 10.000-ից 15.000-ական ՀՀ դրամ գումար` որպես միջնորդավճար։
/գ. թ. 7-8, 118-120/
Որպես այլ փաստաթուղթ` ապացույց ճանաչված, Գեղեցիկ Գառնիկի Մելյանի 2013թ. մարտի 14-ի բացատրությամբ այն մասին, որ 2013թ. մարտին, Ռուբենն իրեն ապահովել է հաճախորդով, որի դիմաց նրան վճարել է 10.000 ՀՀ դրամ գումար` որպես միջնորդավճար։
/գ. թ. 5-6, 118-120/
Որպես այլ փաստաթուղթ` ապացույց ճանաչված, Էմմա Կարապետի Կարապետյանի 2013թ. մարտի 14-ի բացատրությամբ այն մասին, որ 2013թ. փետրվարից մարտն ընկած ժամանակահատվածում, Ռուբենը պարբերաբար իրեն ապահովել է հաճախորդներով, որի դիմաց, յուրաքանչյուր անգամ նրան վճարել է 10.000-ական ՀՀ դրամ գումար` որպես միջնորդավճար։
/գ. թ. 11-12, 118-120/
Որպես այլ փաստաթուղթ` ապացույց ճանաչված, Գայանե Գուրգենի Բաբայանի 2013թ. մարտի 14-ի բացատրությամբ այն մասին, որ 2013թ. մարտին, Ռուբենն իրեն ապահովել է հաճախորդներով, որի դիմաց, յուրաքանչյուր անգամ նրան վճարել է 10.000-ական ՀՀ դրամ գումար` որպես միջնորդավճար։
/գ. թ. 18, 118-120/
Որպես այլ փաստաթուղթ` ապացույց ճանաչված, Ռուբեն Սարգիսի Մանուկյանի 2013թ. մարտի 14-ի բացատրությամբ այն մասին, որ 2013թ. մարտից մինչև 2013թ. մարտն ընկած ժամանակահատվածում, Նիկայի, Նանոյի, Մարուշի և Գայանեի համար շուրջ 30 անգամ ապահովել է սիրիահայ հաճախորդներով և յուրաքանչյուր սեռական հարաբերության համար այդ մարմնավաճառներից ստացել է 10.000-ից 15.000 ՀՀ դրամ գումար` որպես միջնորդավճար։
/գ. թ. 16-17, 118-120/



Դատարանի իրավական վերլուծությունները.

Վերլուծելով ամբաստանյալ Ռուբեն Սարգիսի Մանուկյանին առաջադրված մեղադրանքը, նրա ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Ռուբեն Սարգիսի Մանուկյանի կողմից, նրա մեղավորությամբ, գույքային օգուտ ստանալով` պոռնկությամբ զբաղվելուն նպաստելը, որը կատարվել է երկուսից ավելի անձանց օգտագործելով` ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 262-րդ հոդվածի 2-րդ մասի 5-րդ կետով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Ռուբեն Սարգիսի Մանուկյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջում է կատարածի համար, նրա խնամքին է գտնվում ավելի քան երեսունյոթ շաբաթվա հղիություն ունեցող կինը։ Ամբաստանյալ Ռ. Մանուկյանի կին Գոհար Դավիթի Թովմասյանի կողմից ՀՀ դատական դեպարտամենտի թիվ 900005016010 հաշվին 2013թ. հունիսի 24-ին փոխանցվել է 200.000 /երկու հարյուր հազար/ ՀՀ դրամ` որպես Ռ. Մանուկյանի կողմից հանցավոր ճանապարհով ստացված օգուտի գումար։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում պատիժ նշանակելու պահին նրա խնամքին մինչև տասնչորս տարեկան մեկ երեխայի և ավելի քան երեսունյոթ շաբաթվա հղիություն ունեցող կնոջ առկայությունը, իսկ նրա պատասխանատվությունը և պատիժը ծանրացնող հանգամանքներ առկա չեն։
Ամբաստանյալ Ռուբեն Սարգիսի Մանուկյանն իր կատարած` Հայաստանի Հանրապետության քրեական օրենսգրքի 262-րդ հոդվածի 2-րդ մասի 5-րդ կետով նախատեսված հանցագործության համար ենթակա է պատժի ազատազրկման ձևով` առանց գույքի բռնագրավման և առանց որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու, քանի որ հանցագործությունը կատարելիս` որևէ պաշտոն նա չի զբաղեցրել կամ որոշակի գործունեությամբ չի զբաղվել, որն օգտագործած լիներ այդ արարքը կատարելիս։
Քննարկելով այն հարցը, թե արդյոք ամբաստանյալ Ռուբեն Մանուկյանը պետք է կրի իր նկատմամբ նշանակված պատիժը, դատարանը գտնում է հետևյալը.
ՀՀ քրեական օրենսգրքի 70-րդ հոդվածի համաձայն` եթե դատարանը կալանքի, ազատազրկման, կարգապահական գումարտակում պահելու ձևով պատիժ նշանակելով հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին։
ՀՀ վճռաբեկ դատարանն իր` 2007թ. հունիսի 12-ի թիվ ՎԲ-124/07 որոշմամբ ՀՀ քրեական օրենսգրքի 70-րդ հոդվածի կիրառման կապակցությամբ արտահայտել է այն իրավական դիրքորոշումը, որ վկայակոչված հոդվածի կիրառումը հանցագործության տեսակի հետ կապված որևէ սահմանափակման չի ենթարկվում և դրա կիրառումը սահմանափակված չէ նաև հանցավոր արարքի վտանգավորության աստիճանով ու բնույթով, ինչպես նաև անձանց շրջանակով, որոնց նկատմամբ այն չի կարող կիրառվել։ ՀՀ վճռաբեկ դատարանը միաժամանակ նշել է. «ՀՀ քրեական օրենսգրքի 70-րդ հոդվածի կիրառման հիմնական պայմանը պատճառաբանված լինելն է։ Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող բոլոր հանգամանքները։ Կարևորն այն է, որ հանգի հիմնավոր եզրակացության, որ դատապարտյալի ուղղումը հնարավոր է առանց նշանակված պատիժը կրելու»։
ՀՀ վճռաբեկ դատարանը մեկ այլ` 2008թ. փետրվարի 1-ի թիվ ՎԲ-01/08 որոշմամբ նշել է, որ պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենսգրքի 70-րդ հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում, այսինքն` պատիժը պայմանականորեն չկիրառելու մասին որոշում կայացնելիս իրավասու դատարանը յուրաքանչյուր դեպքում պետք է քննարկի նաև պատժի` սոցիալական արդարության վերականգնման և պատժի ենթարկված անձի ուղղվելու նպատակների իրացման հարցը։
Հաշվի առնելով վերոգրյալը և այն հանգամանքները, որ Ռուբեն Մանուկյանը նախկինում դատված չի եղել, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջում է կատարածի համար, պատիժ նշանակելու պահին նրա խնամքին են գտնվում մինչև տասնչորս տարեկան երեխան և ավելի քան երեսունյոթ շաբաթվա հղիություն ունեցող կինը, վերջինիս կողմից ՀՀ դատական դեպարտամենտի թիվ 900005016010 հաշվին 2013թ. հունիսի 24-ին փոխանցվել է 200.000 /երկու հարյուր հազար/ ՀՀ դրամ` որպես Ռ. Մանուկյանի կողմից հանցավոր ճանապարհով ստացված օգուտի գումար, հաշվի առնելով նաև ամբաստանյալի պատասխանատվությունն ու պատիժը ծանրացնող հանգամանքների բացակայությունը` դատարանը գտնում է, որ ամբաստանյալ Ռուբեն Մանուկյանի կողմից կատարված հանցագործության` հանրության համար վտանգավորության աստիճանը նվազել է և հնարավոր է հանգել հետևության, որ նրա ուղղվելը հնարավոր է առանց նրա նկատմամբ նշանակվող ազատազրկման ձևով պատիժը կրելու։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով ամբաստանյալ Ռուբեն Մանուկյանի գույքի վրա դրված կալանքի հարցը` դատարանը գտնում է, որ ամբաստանյալ Ռուբեն Սարգիսի Մանուկյանի գույքի վրա նախաքննության մարմնի 19.03.2013թ. և 02.04.2013թ. որոշումներով դրված կալանքը պետք է վերացնել, իսկ ամբաստանյալ Ռուբեն Սարգիսի Մանուկյանի կին Գոհար Դավիթի Թովմասյանի կողմից ՀՀ դատական դեպարտամենտի թիվ 900005016010 հաշվին 2013թ. հունիսի 24-ին փոխանցված 200.000 /երկու հարյուր հազար/ ՀՀ դրամ գումարը` որպես եկամուտ պետք է հանձնել Հայաստանի Հանրապետությանը։
Քննարկելով խափանման միջոցի հարցը` դատարանը գտնում է, որ ամբաստանյալ Ռուբեն Մանուկյանի նկատմամբ ընտրված խափանման միջոց կալանավորումը պետք է փոփոխել, խափանման միջոց պետք է ընտրել չհեռանալու մասին ստորագրությունը և նրան ազատ արձակել դատական նիստերի դահլիճում։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 134-138-րդ, 357-360-րդ, 364-365-րդ, 369-373-րդ հոդվածներով, դատարանը`


Վ Ճ Ռ Ե Ց

Ամբաստանյալ Ռուբեն Սարգիսի Մանուկյանին մեղավոր ճանաչել Հայաստանի Հանրապետության քրեական օրենսգրքի 262-րդ հոդվածի 2-րդ մասի 5-րդ կետով նախատեսված հանցանքում և դատապարտել ազատազրկման 3 /երեք/ տարի ժամկետով` առանց գույքի բռնագրավման և առանց որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու։
ՀՀ քրեական օրենսգրքի 70-րդ հոդվածի կիրառմամբ, ամբաստանյալ Ռուբեն Մանուկյանի նկատմամբ պատիժը պայմանականորեն չկիրառել` սահմանելով փորձաշրջան 3 /երեք/ տարի ժամկետով։ Ռուբեն Մանուկյանին պարտավորեցնել չփոխել մշտական բնակության վայրը` նրա վարքագծի նկատմամբ վերահսկողությունը դնելով ՀՀ արդարադատության նախարարության քրեակատարողական վարչության այլընտրանքային պատիժների կատարման բաժնի վրա։
Խափանման միջոց կալանավորումը փոփոխել, խափանման միջոց ընտրել չհեռանալու մասին ստորագրությունը` մինչև դատավճռի օրինական ուժի մեջ մտնելը և Ռուբեն Մանուկյանին ազատ արձակել դատական նիստերի դահլիճում։
Ամբաստանյալ Ռուբեն Մանուկյանի գույքի վրա նախաքննության մարմնի 19.03.2013թ. և 02.04.2013թ. որոշումներով դրված կալանքը վերացնել։
Ամբաստանյալ Ռուբեն Սարգիսի Մանուկյանի կին Գոհար Դավիթի Թովմասյանի կողմից ՀՀ դատական դեպարտամենտի թիվ 900005016010 հաշվին 2013թ. հունիսի 24-ին փոխանցված 200.000 /երկու հարյուր հազար/ ՀՀ դրամ գումարը որպես եկամուտ հանձնել Հայաստանի Հանրապետությանը։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ` Մ. ՄԱՐՏԻՐՈՍՅԱՆ