ԵԿԴ/0046/01/13







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«3» մայիսի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Կ.Կարապետյան
մեղադրող Ա.Գալստյան
պաշտպան Ա.Հովհաննիսյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Նարեկ Ռուբենի Իշխանյանի` ծնված 1994 թվականի հունիսի 4-ին Ուկրաինայի Հանրապետության Յագոդին քաղաքում, ազգությամբ հայ, ՀՀ քաղաքացի, ութամյա կրթությամբ, չամուսնացած, նախկինում դատապարտված, չի աշխատում, բնակվում է Աբովյան քաղաքի 6-րդ միկրոշրջանի 5ա շենքի 17-րդ բնակարանում, մեղադրանք է առաջադրվել ՀՀ քրեական օրենսգրքի 235-րդ հոդվածի 4-րդ մասով, խափանման միջոց է ընտրվել չհեռանալու մասին ստորագրությունը:
1. Գործի դատավարական նախապատմությունը.
2013 թվականի մարտի 20-ին ՀՀ ոստիկանության Կենտրոնականի քննչական բաժնի ավագ քննիչ Ս.Ավետիսյանի որոշմամբ ՀՀ քրեական օրենսգրքի 235-րդ հոդվածի 4-րդ մասի հատկանիշներով հարուցվել և վարույթ է ընդունվել թիվ 13133013 քրեական գործը:
2013 թվականի ապրիլի 8-ին ՀՀ ոստիկանության Կենտրոնականի քննչական բաժնի ավագ քննիչ Ս.Ավետիսյանի որոշմամբ թիվ 13133013 քրեական գործով Նարեկ Ռուբենի Իշխանյանին մեղադրանք է առաջադրվել ՀՀ քրեական օրենսգրքի 235-րդ հոդվածի 4-րդ մասով:
2013 թվականի ապրիլի 10-ին Նարեկ Ռուբենի Իշխանյանի վերաբերյալ թիվ 13133013 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0046/01/13 համարը:
Նարեկ Ռուբենի Իշխանյանին մեղադրանք է առաջադրվել ՀՀ քրեական օրենսգրքի 235-րդ հոդվածի 4-րդ մասով` այն արարքի համար, որ նա 2013 թվականի փետրվարի 13-ին ապօրինի կերպով կրել է սառը զենք հանդիսացող քաղաքացիական շեղբավոր, ընդհանուր նշանակության որսորդական ծալովի դանակ, որը նույն օրը` ժամը 23:30-ի սահմաններում Երևան քաղաքի Հյուսիսային պողոտա և Թումանյան փողոցների խաչմերուկում գործող «Հին Էրիվան» ռեստորանի մոտ հայտնաբերվել է ՀՀ ոստիկանության ՊՊԾ գնդի 4-րդ հատուկ գումարտակի ծառայողների կողմից:
2. Արագացված դատական քննություն.
Մինչ դատաքննությունն սկսելն ամբաստանյալ Նարեկ Ռուբենի Իշխանյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Նարեկ Ռուբենի Իշխանյանը կատարել է արարք` նախատեսված ՀՀ քրեական օրենսգրքի 235-րդ հոդվածի 4-րդ մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, եկավ հետևյալ եզրահանգման.
Նարեկ Իշխանյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Դատարանը միաժամանակ արձանագրում է, որ Նարեկ Իշխանյանի պատասխանատվությունն ու պատիժը մեղմացնող և ծանրացնող հանգամանքներ սույն քրեական գործում առկա չեն:
Ինչ վերաբերվում է Նարեկ Իշխանյանի նախկինում դատապարտված լինելուն, ապա Դատարանը հարկ է համարում նկատել, որ ռեցիդիվը գնահատելիս դրանք չեն կարող հաշվի առնվել, քանի որ այդ հանցանքները կատարելու ժամանակ նրա տասնութ տարին լրացած չի եղել:
Կատարած արարքի համար ամբաստանյալ Նարեկ Ռուբենի Իշխանյանը ենթակա է քրեական պատասխանատվության և պատժի:
Դատարանը, հաշվի առնելով Նարեկ Ռուբենի Իշխանյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքների բացակայությունը, ինչպես նաև այն, որ Նարեկ Ռուբենի Իշխանյանի կատարած արարքի համար ՀՀ քրեական օրենսգրքի 235-րդ հոդվածի 4-րդ մասի սանկցիայով նախատեսված է պատիժ նաև տուգանքի ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար նրա նկատմամբ պատիժ պետք է նշանակել տուգանքի ձևով:
Դատարանը գտնում է, որ Նարեկ Ռուբենի Իշխանյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2013 թվականի ապրիլի 8-ի որոշմամբ իրեղեն ապացույց ճանաչված` սառը զենք հանդիսացող ծալովի սևեռվող դանակը պետք է թողնել ՀՀ ոստիկանության տնօրինմանը:
Դատարանը գտնում է, որ դատական ծախսերն ամբաստանյալ Նարեկ Ռուբենի Իշխանյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Նարեկ Ռուբենի Իշխանյանին մեղավոր ճանաչել ՀՀ քրեական օրենսգրքի 235-րդ հոդվածի 4-րդ մասով և պատիժ նշանակել տուգանք` նվազագույն աշխատավարձի երկուհարյուրապատիկի չափով:
Նարեկ Ռուբենի Իշխանյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2013 թվականի ապրիլի 8-ի որոշմամբ իրեղեն ապացույց ճանաչված` սառը զենք հանդիսացող ծալովի սևեռվող դանակը թողնել ՀՀ ոստիկանության տնօրինմանը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ