ԵԿԴ/0036/01/13







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«18» ապրիլի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Կ.Կարապետյան
մեղադրող Լ.Չարխիֆալակյան
պաշտպան Վ.Մնացականյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Դավիթ Գարսևանի Մելիք-Ստեփանյանի` ծնված 1954 թվականի փետրվարի 6-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, նախկինում չդատապարտված, չամուսնացած, անհատ ձեռնարկատեր, հաշվառված է Երևան քաղաքի Մաշտոցի պողոտայի 15-րդ շենքի 18-րդ բնակարանում, մեղադրանք է առաջադրվել ՀՀ քրեական օրենսգրքի 34-153-րդ հոդվածով, խափանման միջոց է ընտրվել չհեռանալու մասին ստորագրությունը:
1. Գործի դատավարական նախապատմությունը.
2013 թվականի մարտի 5-ին ՀՀ ոստիկանության Կենտրոնականի քննչական բաժնի ավագ քննիչ Է.Պետրոսյանի որոշմամբ ՀՀ քրեական օրենսգրքի 34-153-րդ հոդվածով հարուցվել և վարույթ է ընդունվել թիվ 13127513 քրեական գործը:
2013 թվականի մարտի 25-ին ՀՀ ոստիկանության Կենտրոնականի քննչական բաժնի ավագ քննիչ Է.Պետրոսյանի որոշմամբ թիվ 13127513 քրեական գործով Դավիթ Գարսևանի Մելիք-Ստեփանյանին մեղադրանք է առաջադրվել ՀՀ քրեական օրենսգրքի 34-153-րդ հոդվածով:
2013 թվականի մարտի 26-ին Դավիթ Գարսևանի Մելիք-Ստեփանյանի վերաբերյալ թիվ 13127513 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0036/01/13 համարը:
Դավիթ Գարսևանի Մելիք-Ստեփանյանին մեղադրանք է առաջադրվել ՀՀ քրեական օրենսգրքի 34-153-րդ հոդվածով` այն արարքի համար, որ նա 2013 թվականի փետրվարի 18-ին` ժամը 17:15-ի սահմաններում, ՀՀ նախագահի ընտրությունների ընթացքում, Երևան քաղաքի Ամիրյան 26 հասցեում գտնվող Երևանի թատրոնի և կինոյի պետական ինստիտուտի վարչական մասնաշենքում տեղակայված թիվ 9/18 ընտրատեղամասում Գուրգեն Արտաշեսի Ղազախեցյանի անձնագիրն օգտագործելու միջոցով վերջինի փոխարեն փորձել է քվեարկել, սակայն հանցագործությունն ավարտին չի հասցրել իր կամքից անկախ հանգամանքներով, քանի որ միջամտել է նույն ընտրատեղամասում ՀՀ նախագահի թեկնածու Րաֆֆի Հովհաննիսյանի վստահված անձը` Աբգար Սարգսյանը:
2. Արագացված դատական քննություն.
Մինչ դատաքննությունն սկսելն ամբաստանյալ Դավիթ Գարսևանի Մելիք-Ստեփանյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Դավիթ Գարսևանի Մելիք-Ստեփանյանը կատարել է արարք` նախատեսված ՀՀ քրեական օրենսգրքի 34-153-րդ հոդվածով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը և բնութագիրը, եկավ հետևյալ եզրահանգման.
Դավիթ Մելիք-Ստեփանյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Դավիթ Մելիք-Ստեփանյանի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Դավիթ Մելիք-Ստեփանյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Դավիթ Մելիք-Ստեփանյանը ենթակա է քրեական պատասխանատվության և պատժի:
Դատարանը, հաշվի առնելով Դավիթ Մելիք-Ստեփանյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքը, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Դավիթ Մելիք-Ստեփանյանի կատարած արարքի համար ՀՀ քրեական օրենսգրքի 34-153-րդ հոդվածով նախատեսված է պատիժ նաև տուգանքի ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար նրա նկատմամբ պատիժ պետք է նշանակել տուգանքի ձևով:
Դատարանը գտնում է, որ Դավիթ Մելիք-Ստեփանյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ դատական ծախսերն ամբաստանյալ Դավիթ Գարսևանի Մելիք-Ստեփանյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Դավիթ Գարսևանի Մելիք-Ստեփանյանին մեղավոր ճանաչել ՀՀ քրեական օրենսգրքի 34-153-րդ հոդվածով և պատիժ նշանակել տուգանք` նվազագույն աշխատավարձի վեցհարյուրապատիկի չափով:
Դավիթ Գարսևանի Մելիք-Ստեփանյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ