Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

30 ապրիլի 2013թ. ք. Երևան

ԵԿԴ-0034/01/13

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մասնակցությամբ`
մեղադրող,
Երևանի Կենտրոն և Նորք-Մարաշ
վարչական շրջանների
դատախազության դատախազ Ն. Միքայելյանի,

պաշտպաններ Ռ. Բալոյանի,
Ռ. Թովմասյանի,
Ա. Եսայանի,

ամբաստանյալ Ս. Սեդոյանի օրինական
ներկայացուցիչ Ա. Սեդոյանի,

տուժողներ Էդ. Սիմոնյանի,
Ա. Ավդալյան,


դատարանում, դռնբաց դատական նիստում, քննեց գործն ըստ մեղադրանքի
1. Հենրիխ Հմայակի Մելքոնյանի`
ծնված 1987թ. օգոստոսի 04-ին Երևան քաղաքում, հայ, Հայաստանի Հանրապետության /այսուհետ ՀՀ/ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, չի աշխատում, բնութագրվում է դրական, հաշվառված է Երևանի Դավիթաշեն 5-րդ փողոցի թիվ 31 տանը, փաստացի բնակվում է Երևանի Անդրանիկի փողոցի թիվ 101 շենքի թիվ 21 բնակարանում, կալանքի տակ չէ, մեղադրվում է ՀՀ քրեական օրենսգրքի 178-րդ հոդվածի 2-րդ մասի 1-ին կետով,

2. Վաչե Կարենի Սարգսյանի`
ծնված 1994թ. մայիսի 26-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, չի աշխատում, հաշվառված է և բնակվում է Երևանի Մաշտոցի պողոտայի թիվ 37 շենքի թիվ 10 բնակարանում, կալանքի տակ չէ, մեղադրվում է ՀՀ քրեական օրենսգրքի 178-րդ հոդվածի 2-րդ մասի 1-ին կետով,

3. Սերգեյ Անրիի Սեդոյանի`
ծնված 1995թ. հուլիսի 20-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, չի աշխատում, բնութագրվում է դրական, հաշվառված է և բնակվում է Երևանի Կոնդ թաղամասի թիվ 9 տանը, կալանքի տակ չէ, մեղադրվում է ՀՀ քրեական օրենսգրքի 178-րդ հոդվածի 2-րդ մասի 1-ին կետով։


Գործի դատավարական նախապատմությունը
Թիվ 15108912 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2012թ. սեպտեմբերի 25-ին, ՀՀ քրեական օրենսգրքի 178-րդ հոդվածի 2-րդ մասի 1-ին կետով, Հենրիխ Հմայակի Մելքոնյանի, Վաչե Կարենի Սարգսյանի և Սերգեյ Անրիի Սեդոյանի կողմից նախնական համաձայնությամբ զգալի չափերով խարդախություն կատարելու դեպքի առթիվ։
Քննիչի 2013թ. մարտի 18-ի որոշմամբ, Դավիթ Գագիկի Կիրակոսյանի կողմից խարդախություն կատարելու մասով քրեական հետապնդում չի իրականացվել` հանցակազմի բացակայության պատճառաբանությամբ։
Նույն որոշմամբ, Հենրիխ Մելքոնյանի, Սերգեյ Սեդոյանի և Վաչե Սարգսյանի կողմից խարդախությամբ Երևանի Գուրգեն Մահարու թիվ 1/3 հասցեում գործող բենզալցակայանում 9000 ՀՀ դրամ գումարով, «Ֆլեշ» ՍՊ ընկերությանը պատկանող, 20 լիտր տարողությամբ բենզինի կեղծ կտրոն իրացնելու փորձ կատարելու մասով քրեական հետապնդում չի իրականացվել` հանցակազմի բացակայության պատճառաբանությամբ։
Քննիչի նույն օրվա մեկ այլ որոշմամբ, Հենրիխ Մելքոնյանի և Վաչե Սարգսյանի կողմից Սերգեյ Սեդոյանին հանցանքի կատարմանը ներգրավելու և Հ. Մելքոնյանի, Վ. Սարգսյանի, Ս. Սեդոյանի կողմից Արտաշատ քաղաքի բենզալցակայաններում խաբեությամբ կեղծ կտրոններ իրացնելու մասով քրեական հետապնդում չի իրականացվել` հանցակազմի բացակայության պատճառաբանությամբ։
Ամբաստանյալ Հենրիխ Հմայակի Մելքոնյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 1-ին կետով հետևյալ արարքի համար. «որ նա խարդախությամբ խոշոր չափի գումարներ հափշտակելու դիտավորությամբ նախնական համաձայնության գալով Վաչե Կարենի Սարգսյանի և Սերգեյ Անրիի Սեդոյանի հետ, գործելով միասնական հանցավոր դիտավորությամբ 2012թ. սեպտեմբեր ամսին «Ֆլեշ» ՍՊ ընկերության կենտրոնական գրասենյակից գնել են մեկ հատ վառելիքի լիցքավորման 20 լիտր չափաքանակով R20292187 համարի կտրոն, որից գունավոր տպիչ սարքի միջոցով 2012թ. սեպտեմբեր ամսին պատրաստել են «Ֆլեշ» ՍՊ ընկերությանը պատկանող վառելիքի լիցքավորման 20 լիտր չափաքանակով կեղծ կտրոններ և չարաշահելով Երևան քաղաքի Պռոշյան փողոցում գործող «Ռանօյլ» բենզալցակայանի աշխատակից Արման Ավդալյանի, ինչպես նաև Երևան քաղաքի Անդրանիկի 93 հասցեում գործող «Ֆլեշ» բենզալցակայանի աշխատակից Էդուարդ Հովսեփի Սիմոնյանի վստահությունը` 2012թ. սեպտեմբերի սկզբներին յուրաքանչյուրը 9000 ՀՀ դրամով իրացրել են չորս հատ «Ֆլեշ» ՍՊ ընկերությանը պատկանող վառելիքի լիցքավորման 20 լիտր չափաքանակով կեղծ կտրոններ՝ Ա. Ավդալյանի և Է. Սիմոնյանին պատճառելով ընդհանուր զգալի չափի գույքային վնաս։»։
Ամբաստանյալ Վաչե Կարենի Սարգսյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 1-ին կետով հետևյալ արարքի համար. «որ նա խարդախությամբ գումարներ հափշտակելու դիտավորությամբ նախնական համաձայնության գալով Հենրիխ Հմայակի Մելքոնյանի և Սերգեյ Անրիի Սեդոյանի հետ, գործելով միասնական հանցավոր դիտավորությամբ 2012թ. սեպտեմբեր ամսին «Ֆլեշ» ՍՊ ընկերության կենտրոնական գրասենյակից գնել են մեկ հատ վառելիքի լիցքավորման 20 լիտր չափաքանակով R20292187 համարի կտրոն, որից գունավոր տպիչ սարքի միջոցով 2012թ. սեպտեմբեր ամսին պատրաստել են «Ֆլեշ» ՍՊ ընկերությանը պատկանող վառելիքի լիցքավորման 20 լիտր չափաքանակով կեղծ կտրոններ և չարաշահելով Երևան քաղաքի Պռոշյան փողոցում գործող «Ռանօյլ» բենզալցակայանի աշխատակից Արման Ավդալյանի, ինչպես նաև Երևան քաղաքի Անդրանիկի 93 հասցեում գործող «Ֆլեշ» բենզալցակայանի աշխատակից Էդուարդ Հովսեփի Սիմոնյանի վստահությունը` 2012թ. սեպտեմբերի սկզբներին յուրաքանչյուրը 9000 ՀՀ դրամով իրացրել են չորս հատ «Ֆլեշ» ՍՊ ընկերությանը պատկանող վառելիքի լիցքավորման 20 լիտր չափաքանակով կեղծ կտրոններ՝ Ա. Ավդալյանին և Է. Սիմոնյանին պատճառելով ընդհանուր զգալի չափի գույքային վնաս։»։
Անչափահաս ամբաստանյալ Սերգեյ Անրիի Սեդոյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 1-ին կետով հետևյալ արարքի համար. «որ նա խարդախությամբ գումարներ հափշտակելու դիտավորությամբ նախնական համաձայնության գալով Հենրիխ Հմայակի Մելքոնյանի և Վաչե Կարենի Սարգսյանի հետ, գործելով միասնական հանցավոր դիտավորությամբ 2012թ. սեպտեմբեր ամսին «Ֆլեշ» ՍՊ ընկերության կենտրոնական գրասենյակից գնել են մեկ հատ վառելիքի լիցքավորման 20 լիտր չափաքանակով R20292187 համարի կտրոն, որից գունավոր տպիչ սարքի միջոցով 2012թ. սեպտեմբեր ամսին պատրաստել են «Ֆլեշ» ՍՊ ընկերությանը պատկանող վառելիքի լիցքավորման 20 լիտր չափաքանակով կեղծ կտրոններ և չարաշահելով Երևան քաղաքի Պռոշյան փողոցում գործող «Ռանօյլ» բենզալցակայանի աշխատակից Արման Ավդալյանի, ինչպես նաև Երևան քաղաքի Անդրանիկի 93 հասցեում գործող «Ֆլեշ» բենզալցակայանի աշխատակից Էդուարդ Հովսեփի Սիմոնյանի վստահությունը` 2012թ. սեպտեմբերի սկզբներին յուրաքանչյուրը 9000 ՀՀ դրամով իրացրել են չորս հատ «Ֆլեշ» ՍՊ ընկերությանը պատկանող վառելիքի լիցքավորման 20 լիտր չափաքանակով կեղծ կտրոններ՝ Ա. Ավդալյանին և Է. Սիմոնյանին պատճառելով ընդհանուր զգալի չափի գույքային վնաս։»։
25.03.2013թ. քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Ամբաստանյալ Հենրիխ Հմայակի Մելքոնյանը, խարդախությամբ գումարներ հափշտակելու դիտավորությամբ, նախնական համաձայնության գալով ամբաստանյալներ Վաչե Կարենի Սարգսյանի և Սերգեյ Անրիի Սեդոյանի հետ, գործելով միասնական հանցավոր դիտավորությամբ, 2012թ. սեպտեմբերին, Երևանում, «Ֆլեշ» ՍՊ ընկերության կենտրոնական գրասենյակից գնել են 20 լիտր բենզինի լիցքավորման, R20292187 համարի մեկ հատ կտրոն, որի օգտագործմամբ, գունավոր տպիչ սարքի միջոցով պատրաստել են «Ֆլեշ» ՍՊ ընկերությանը պատկանող, 20 լիտր բենզինի լիցքավորման կեղծ կտրոններ։
Այնուհետև, 2012թ. սեպտեմբերի սկզբներին, ամբաստանյալներ Հենրիխ Մելքոնյանը, Վաչե Սարգսյանը և անչափահաս ամբաստանյալ Սերգեյ Սեդոյանը, չարաշահելով տուժողներ, Երևան քաղաքի Պռոշյան փողոցում գործող, «Ռան Օյլ» անվանումով բենզալցակայանի աշխատակից Արման Ավդալյանի և Երևան քաղաքի Անդրանիկի փողոցի թիվ 93 հասցեում գործող, «Ֆլեշ» անվանումով բենզալցակայանի աշխատակից Էդուարդ Հովսեփի Սիմոնյանի վստահությունը, յուրաքանչյուրը 9000 ՀՀ դրամ գումարով նրանց են իրացրել «Ֆլեշ» ՍՊ ընկերությանը պատկանող, 20 լիտր բենզինի լիցքավորման, ընդհանուր քանակով չորս հատ կեղծ կտրոններ՝ տուժողներ Ա. Ավդալյանին և Է. Սիմոնյանին պատճառելով 36.000 ՀՀ դրամ ընդհանուր գումարի, այսինքն զգալի չափի գույքային վնաս։
Տուժող Էդուարդ Սիմոնյանին պատճառված գույքային վնասն ամբողջությամբ վերականգնվել է։
Ամբաստանյալներից յուրաքանչյուրի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է հետևյալը.
1. Ամբաստանյալ Հենրիխ Մելքոնյանը նախկինում դատված չի եղել, բնութագրվում է դրական, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջացել է կատարածի համար, հանցագործությամբ տուժող Էդուարդ Սիմոնյանին պատճառված գույքային վնասը կամովին հատուցել է,
2. Ամբաստանյալ Վաչե Սարգսյանը նախկինում դատված չի եղել, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջացել է կատարածի համար, հանցագործությամբ տուժող Էդուարդ Սիմոնյանին պատճառված գույքային վնասը կամովին հատուցել է,
3. Անչափահաս ամբաստանյալ Սերգեյ Սեդոյանը ծնվել է 1995թ. հուլիսի 20-ին Երևանում, բնակվում է ծնողների հետ միասին։ Նրա դաստիարակութ¬յամբ և խնամքով զբաղվում են ծնողները, մայրը` Արևիկ Ղազարյանը և հայրը` Անրի Սեդոյանը։ Նրանց ընտանիքը բավարար չափով նյութապես ապահովված է, Ս. Սեդոյանի կյանքի և դաստիարակության պայմանները բարվոք են, հոգեկան զարգացման աստիճանը և ընդհանուր զարգացման վիճակը` բավարար, նախկինում դատված չի եղել, բնութագրվում է դրական, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջացել է կատարածի համար, հանցանքը կատարել է անչափահաս տարիքում` տասնյոթ տարեկան հասակում, հանցագործությամբ տուժող Էդուարդ Սիմոնյանին պատճառված գույքային վնասը կամովին հատուցել է։
Համաձայն ՀՀ ոստիկանության Ինտերպոլի ազգային կենտրոնական բյուրոյի 10.04.2013թ. թիվ 9/A-1296-PER/314/86/2013 գրության` 17.07.2012թ. Ռուսաստանի Դաշնության Ինտերպոլի ազգային կենտրոնական բյուրոյի Վոլգոգրադի մասնաճյուղից տեղեկատվություն է ստացվել այն մասին, որ Վոլգոգրադի երկրամասի իրավապահ մարմինների կողմից, Ս. Սեդոյանի և չորս այլ անձանց վերաբերյալ քննություն է իրականացվում ավտոմեքենայից փողերի գողացման փաստի առթիվ։
Քրեական գործի նախաքննության ընթացքում, «Հայաստանի Հանրապետության փորձագիտական կենտրոն» ՊՈԱԿ-ում կատարվել է փաստաթղթաբանական փորձաքննություն, որի արժեքը կազմել է 27.600 /քսանյոթ հազար վեց հարյուր/ ՀՀ դրամ գումար։

Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Հենրիխ Հմայակի Մելքոնյանի ինքնախոստովանական ցուցմունքներով այն մասին, որ խարդախությամբ գումար աշխատելու նպատակով, 2012թ. սեպտեմբերին, Վաչե Կարենի Սարգսյանի և Սերգեյ Անրիի Սեդոյանի հետ «Ֆլեշ» ՍՊ ընկերության կենտրոնական գրասենյակից գնել են 20 լիտր բենզինի լիցքավորման R20292187 համարի մեկ կտրոն։ 2012թ. սեպտեմբերին, այդ կտրոնով, գունավոր տպիչ սարքի միջոցով պատրաստել են «Ֆլեշ» ՍՊ ընկերությանը պատկանող, 20 լիտր բենզինի լիցքավորման կեղծ կտրոններ, որոնցից երկուսը 18.000 ՀՀ դրամ գումարով, յուրաքանչյուրը՝ 9000 ՀՀ դրամով վաճառել են Երևան քաղաքի Անդրանիկի փողոցի թիվ 93 հասցեում գործող «Ֆլեշ» բենզալցակայանի աշխատակից Էդուարդ Սիմոնյանին, իսկ մյուս երկուսը` նույն եղանակով և գումարով վաճառել են Երևան քաղաքի Պռոշյան փողոցում գործող «Ռան Oյլ» բենզալցակայանի աշխատակից Արման Ավդալյանին։
/դատական նիստի արձանագրություն, գ.թ. 50-51, 113, 138-139/
Ամբաստանյալ Վաչե Կարենի Սարգսյանի ինքնախոստովանական ցուցմունքներով այն մասին, որ խարդախությամբ գումարներ աշխատելու նպատակով, Հենրիխ Հմայակի Մելքոնյանի և Սերգեյ Անրիի Սեդոյանի հետ նախապես պայմանավորվածության համաձայն, 2012թ. սեպտեմբերին, «Ֆլեշ» ՍՊ ընկերության կենտրոնական գրասենյակից գնել են 20 լիտր բենզինի լիցքավորման R20292187 համարի մեկ կտրոն։ 2012թ. սեպտեմբերին, գունավոր տպիչ սարքի միջոցով այդ կտրոնով պատրաստել են բենզինի լիցքավորման կեղծ կտրոններ, որոնցից երկուսը 18.000 ՀՀ դրամ գումարով, յուրաքանչյուրը 9000 ՀՀ դրամով վաճառել են Երևան քաղաքի Անդրանիկի փողոցի թիվ 93 հասցեում գործող «Ֆլեշ» բենզալցակայանի աշխատակից Էդուարդ Սիմոնյանին, իսկ մյուս երկուսը, նույն եղանակով և գումարով վաճառել են Երևան քաղաքի Պռոշյան փողոցում գործող «Ռան Օյլ» բենզալցակայանի աշխատակից Արման Ավդալյանին։
/դատական նիստի արձանագրություն, գ.թ. 56-57, 110, 149-150/
Անչափահաս ամբաստանյալ Սերգեյ Անրիի Սեդոյանի ինքնախոստովանական ցուցմունքներով այն մասին, որ 2012թ. սեպտեմբերին, Վաչե Կարենի Սարգսյանի և Հենրիխ Հմայակի Մելքոնյանի հետ, «Ֆլեշ» ՍՊ ընկերության կենտրոնական գրասենյակից գնել են 20 լիտր բենզինի լիցքավորման R20292187 համարի կտրոն։ 2012թ. սեպտեմբերին, գունավոր տպիչ սարքի միջոցով այդ կտրոնով պատրաստել են բենզինի լիցքավորման կեղծ կտրոններ, որոնցից երկուսը 18.000 ՀՀ դրամ գումարով, յուրաքանչյուրը՝ 9000 ՀՀ դրամով վաճառել են Երևան քաղաքի Անդրանիկի փողոցի թիվ 93 հասցեում գործող «Ֆլեշ» բենզալցակայանի աշխատակից Էդուարդ Սիմոնյանին, իսկ մյուս երկուսը, նույն եղանակով և գումարով վաճառել են Երևան քաղաքի Պռոշյան փողոցում գործող «Ռան Օյլ» բենզալցակայանի աշխատակից Արման Ավդալյանին։
/դատական նիստի արձանագրություն, գ.թ. 82-84, 116, 148/
Տուժող Էդուարդ Հովսեփի Սիմոնյանի ցուցմունքներով այն մասին, որ աշխատել է Երևան քաղաքի Անդրանիկի փողոցի թիվ 93 հասցեում գործող «Ֆլեշ» բենզալցակայանում որպես լիցքավորող։ 2012թ. սեպտեմբերի սկզբներին իրեն է մոտեցել Սերգեյ Սեդոյանը և չարաշահելով իր վստահությունը, յուրաքանչյուրը 9000 ՀՀ դրամ գումարով վաճառել է «Ֆլեշ» ՍՊ ընկերությանը պատկանող, յուրաքանչյուրը` 20 լիտր բենզինի լիցքավորման երկու կեղծ կտրոններ։ Նշված կտրոնները գնել է իր անձնական օգտագործման համար և ընկերությանը չի հանձնել։ Ամբաստանյալների նկատմամբ պարտք ու պահանջ չունի։
/դատական նիստի արձանագրություն, գ.թ. 74-75/
Տուժող Արման Արմենի Ավդալյանի նախաքննական ցուցմունքով այն մասին, որ աշխատել է «Ռան Օյլ» բենզալցակայաններում որպես լիցքավորող։ 2012թ. սեպտեմբերի 4-ի կամ 5-ի գիշերը, Երևան քաղաքի Պռոշյան փողոցում գտնվող բենզալցակայանում իրեն են մոտեցել երկու երիտասարդներ և առաջարկել են 18.000 ՀՀ դրամ գումարով, յուրաքանչյուրը` 9000 ՀՀ դրամով գնել «Ֆլեշ» ՍՊԸ-ին պատկանող, 20 լիտր բենզինի երկու կտրոններ։ Ինքը համաձայնվել է և նրանց վճարելով 18.000 ՀՀ դրամ գումար` գնել է նշված երկու կտրոնները։ Առավոտյան պարզել է, որ այդ կտրոնները կեղծ են։ Կտրոնները գնել է իր համար և դրանց դիմաց վճարել է իր անձնական գումարով։
/գ.թ. 99-100/
Վկա Հովհաննես Սմբատի Սիմոնյանի ցուցմունքներով այն մասին, որ աշխատել է «ՄՀՄ գրատուն» ՍՊ ընկերությունում որպես օպերատոր և գրաֆիկական դիզայնի բնագավառում ընդունել է պատվերներ։ 2012թ. օգոստոսի 31-ին աշխատանքի վայրում իրեն են մոտեցել երկու երիտասարդներ, որոնք ցույց են տվել իրենց մոտ առկա, «Ֆլեշ» ՍՊԸ-ի լոգոտիպի պատճենահանված տարբերակը, խնդրել են առանց չափերի փոփոխության, ոսկեգույն «Օրակալ» /«ORACAl»/ թղթի վրա ստանալ նույն պատկերը։ Նրանք խնդրել են, որ գործն ավարտվի նույն օրը, սակայն ինքը նրանց պատասխանել է, որ պատվերը պատրաստ կլինի միայն հաջորդ օրը։ Պատվերի դիմաց նրանք վճարել են 500 ՀՀ դրամ գումար։ Նշված երիտասարդների կողմից տրված պատկերով հնարավոր չի եղել ստանալ գրաֆիկական պատկերը և ինքը համացանցի «Գուգլ» /«Google»/ կայքում գտել է «Ֆլեշ» ՍՊ ընկերության լոգոտիպի նկարը, որը ներբեռնել է համակարգչի մեջ, «Ֆոտոշոփ» /«Photoshop»/ ծրագրի միջոցով կատարել է գունային կարգավորումներ, որից հետո այն բացել է «Քորել Դրոու» /«Corel Draw»/ ծրագրի մեջ, ստացել է գրաֆիկական պատկերը և «լոգո ֆլեշ» /«logo flesh»/ անվամբ պահպանել է համակարգչի աշխատանքային սեղանի վրա։ Քանի որ հաջորդ օրն աշխատանքի չի եկել, խնդրել է իր աշխատանքային ընկեր Լևոն Կուրղինյանին, որպեսզի վերջինս իր կողմից ստացված պատկերը հանձնի պատվիրատուին։ Պատվերն ընդունելիս` այդ երիտասարդները խնդրել են իրեն, որպեսզի «A5» ձևաչափի թղթի վրա ստանա հնարավորինս շատ օրինակներ։ Իր կողմից պատրաստված «լոգո ֆլեշ» /«logo flesh»/ ֆայլում տեղավորել է վաթսուն հատ լոգոտիպ, որն էլ Լ. Կուրղինյանը հանձնել է նշված երիտասարդներին։
/դատական նիստի արձանագրություն, գ.թ. 144-145/
Վկա Լևոն Մնացականի Կուրղինյանի ցուցմունքներով այն մասին, որ աշխատել է «ՄՀՄ գրատուն» ՍՊ ընկերությունում որպես համակարգչային օպերատոր և գրաֆիկական դիզայնի բնագավառում պատվերներ է ընդունել։ 2012թ.օգոստոսի 31-ին, ժամը 18։00-ի սահմաններում, աշխատանքի վայրում իր գործընկեր Հովհաննեսին մոտեցել են երկու երիտասարդներ և խնդրել են իրենց մոտ գտնվող նմուշից նմանատիպ օրինակներ ստանալ։ Հովհաննեսը ստացել է նշված գրաֆիկական պատկերը, որը «լոգո ֆլեշ» /«logo flesh»/ անվամբ պահպանել է համակարգչի աշխատանքային սեղանի վրա։ «A5» ձևաչափի վրա ստացել է վաթսուն հատ «Ֆ» տառով լոգոտիպ, պահպանել է «լոգո ֆլեշ» /«logo flesh»/ ֆայլում, որն էլ հաջորդ օրը Հովհաննեսի խնդրանքով ինքը հանձնել է նշված երկու երիտասարդներին։
/դատական նիստի արձանագրություն, գ.թ. 137/
Վկա Ռազմիկ Գարեգինի Սուքիասյանի նախաքննական ցուցմունքով այն մասին, որ 2012թ.-ի հուլիսից աշխատել է «Ռան Օյլ» բենզալցակայաններում որպես լիցքավորող, իսկ 2012թ. օգոստոսի վերջերին, Արման Ավդալյանի հետ աշխատել են Երևան քաղաքի Պռոշյան փողոցում գործող «Ռան Օյլ» բենզալցակայանում։ 2012թ. օգոստոսի վերջերին կամ սեպտեմբերի սկզբներին, Արմանից տեղեկացել է, որ նախորդ օրը, երեկոյան վերջինիս մոտեցել են երկու անծանոթ երիտասարդներ, որոնցից 18.000 ՀՀ դրամ գումարով նա գնել է «Ֆլեշ» ընկերությանը պատկանող, 20 լիտր տարողությամբ բենզինի երկու կեղծ կտրոններ։ Կտրոնները գնելիս` Արմանը չի իմացել, որ դրանք կեղծ են։
/գ.թ. 146-147/
Դատափաստաթղթաբանական փորձաքննության 2012թ. նոյեմբերի 27-ի թիվ 36181201 եզրակացությամբ, որի համաձայն`
«1. Փորձաքննությանը տրամադրված «Flash» ՍՊԸ-ին պատկանող բենզինի 20լ տարողությամբ թվով երեք կտրոնների հակառակ կողմում առկա ուղղանկյունաձև շտամպի դրոշմները կատարվել է համակարգչին կից գունավոր շիթային տպիչ սարքով։
2. Փորձաքննությանը տրամադրված «Flash» ՍՊԸ-ին պատկանող բենզինի 20լ տարողությամբ թվով երեք կտրոններն ամբողջությամբ կատարվել են համակարգչին կից գունավոր շիթային տպիչ սարքով։ Այնուհետև «Ֆ» տառի տեսք ունեցող շատ բարակ (≈ 7 x 103 մմ հաստությամբ) և ոսկեգույն երանգ ունեցող նրբաթիթեղները փակցվել են կտրոնների վերին ձախ մասում` «Ֆ» տառի տեսք ունեցող պատկերի հատվածում։»։
/գ.թ. 159-161/
Անչափահաս ամբաստանյալ Ս. Սեդոյանի մասնակցությամբ 2012թ. սեպտեմբերի 25-ին կազմված արձանագրությամբ, որի համաձայն` անչափահաս ամբաստանյալ Ս. Սեդոյանը մատնանշել է Երևան քաղաքի Անդրանիկի փողոցի թիվ 93ա հասցեում գործող «Ֆլեշ» բենզալցակայանը և հայտարարել, որ 2012թ. սեպտեմբերի 2-ի կամ 3-ի ցերեկը, կոնկրետ ժամը չի հիշում, այդ բենզալցակայանի աշխատակից Էդուարդ Սիմոնյանին, յուրաքանչյուրը 9000 ՀՀ դրամ գումարով վաճառել է «Ֆլեշ» ՍՊ ընկերությանը պատկանող, 20 լիտր տարողությամբ բենզինի լիցքավորման երկու կեղծ կտրոններ։
Ըստ Էդուարդ Սիմոնյանի բանավոր հայտարարության` ինքը ճանաչում է նշված երիտասարդին։ Վերջինս նշված ժամանակահատվածում իրեն վաճառել է «Ֆլեշ» ՍՊ ընկերությանը պատկանող, 20 լիտր տարողությամբ բենզինի լիցքավորման երկու կեղծ կտրոններ։ Ինքը տեղյակ չի եղել, որ նշված կտրոնները կեղծ են։ Հետագայում պարզելով, որ դրանք կեղծ են` այն պատռել և գցել է աղբամանը։
/գ.թ. 37-38/
Որպես այլ փաստաթուղթ` ապացույց ճանաչված, Լևոն Մնացականի Կուրղինյանի կողմից ներկայացված լազերային սկավառակով, որի համաձայն` նշված սկավառակում «Նեռո» /«Nero»/ համակարգչային ծրագրի միջոցով ձայնագրված է «Լոգո ֆլեշ սի դի էր» /«logo flesh cdr»/ անվանմամբ վեկտորային գրաֆիկական պատկեր պարունակող ֆայլ, որն իրենից ներկայացնում է «A5» ձևաչափում, վաթսուն հատ «Ֆ» տառի պատկերով վեկտորային գրաֆիկական պատկեր։
/գ.թ.176/
Իրեղեն ապացույց ճանաչված, «Ֆլեշ» ՍՊ ընկերությանը պատկանող, յուրաքանչյուրը 20լ բենզինի լիցքավորման համար նախատեսված, երեք հատ կեղծ կտրոններով։
/գ.թ. 177/


Դատարանի իրավական վերլուծությունները


Վերլուծելով ամբաստանյալներ Հենրիխ Հմայակի Մելքոնյանին, Վաչե Կարենի Սարգսյանին և անչափահաս ամբաստանյալ Սերգեյ Անրիի Սեդոյանին առաջադրված մեղադրանքը, նրանց ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Հենրիխ Հմայակի Մելքոնյանի կողմից, նրա մեղավորությամբ, մի խումբ անձանց կողմից նախնական համաձայնությամբ խարդախություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցագործության հատկանիշներին։
Ամբաստանյալ Վաչե Կարենի Սարգսյանի կողմից, նրա մեղավորությամբ, մի խումբ անձանց կողմից նախնական համաձայնությամբ խարդախություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցագործության հատկանիշներին։
Անչափահաս ամբաստանյալ Սերգեյ Անրիի Սեդոյանի կողմից, նրա մեղավորությամբ, մի խումբ անձանց կողմից նախնական համաձայնությամբ խարդախություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցագործության հատկանիշներին։
Ուսումնասիրելով ամբաստանյալներից յուրաքանչյուրի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները` ամբաստանյալ Հենրիխ Հմայակի Մելքոնյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջացել է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում հանցագործությամբ տուժող Էդուարդ Սիմոնյանին պատճառված գույքային վնասը կամովին հատուցելը, իսկ ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Հենրիխ Հմայակի Մելքոնյանն իր կատարած` Հայաստանի Հանրապետության քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցագործության համար ենթակա է պատժի տուգանքի ձևով։
Դատարանը գտնում է, որ իր նկատմամբ նշանակված պատիժն ամբաստանյալ Հենրիխ Մելքոնյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Վաչե Կարենի Սարգսյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջացել է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում հանցագործությամբ տուժող Էդուարդ Սիմոնյանին պատճառված գույքային վնասը կամովին հատուցելը, իսկ ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Վաչե Կարենի Սարգսյանն իր կատարած` Հայաստանի Հանրապետության քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցագործության համար ենթակա է պատժի տուգանքի ձևով։
Դատարանը գտնում է, որ իր նկատմամբ նշանակված պատիժն ամբաստանյալ Վաչե Սարգսյանը պետք է կրի, քանի որ դրան խոչընդոտող հանգամանքներ առկա չեն։
Անչափահաս ամբաստանյալ Սերգեյ Անրիի Սեդոյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջացել է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանքներ դատարանը հաշվի է առնում հանցանք կատարելու պահին հանցավորի անչափահաս` տասնյոթ տարեկան լինելը և հանցագործությամբ տուժող Էդուարդ Սիմոնյանին պատճառված գույքային վնասը կամովին հատուցելը, իսկ ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Անչափահաս ամբաստանյալ Սերգեյ Անրիի Սեդոյանն իր կատարած` Հայաստանի Հանրապետության քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցագործության համար ենթակա է պատժի տուգանքի ձևով։
Դատարանը գտնում է, որ իր նկատմամբ նշանակված պատիժն ամբաստանյալ Սերգեյ Սեդոյանը պետք է կրի, քանի որ դրան խոչընդոտող հանգամանքներ առկա չեն։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ 05.02.2013թ. որոշմամբ իրեղեն ապացույց ճանաչված, «Ֆլեշ» ՍՊ ընկերությանը պատկանող, յուրաքանչյուրը 20լ բենզինի լիցքավորման համար նախատեսված, երեք հատ կեղծ կտրոնները պետք է պահել քրեական գործի հետ միասին։
Քննարկելով խափանման միջոցների հարցը` դատարանը գտնում է, որ ամբաստանյալներ Հենրիխ Մելքոնյանի և Վաչե Սարգսյանի նկատմամբ որպես խափանման միջոց չհեռանալու մասին ստորագրությունն ընտրված է ճիշտ և վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։ Անչափահաս ամբաստանյալ Սերգեյ Սեդոյանի նկատմամբ որպես խափանման միջոց հսկողության հանձնելն ընտրված է ճիշտ և վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է հետևյալը.
ՀՀ քրեական դատավարության օրենսգրքի 168-րդ հոդվածի 1-ին մասի 3-րդ կետի համաձայն`
«1. Դատական ծախսերը բաղկացած են`
(…)
3) մասնագետի, փորձագետի, թարգմանչի վարձատրության գումարներից.
(…)»։
Նույն օրենսգրքի 169-րդ հոդվածի 4-րդ մասի համաձայն` «Անչափահասին դատապարտելու դեպքում դատական ծախսերը կարող են դրվել նրա օրինական ներկայացուցչի վրա։»։
Հետևաբար, ամբաստանյալներ Հենրիխ Հմայակի Մելքոնյանից, Վաչե Կարենի Սարգսյանից և անչափահաս ամբաստանյալ Սերգեյ Անրիի Սեդոյանի օրինական ներկայացուցիչ Անրի Մանուկի Սեդոյանից, համապարտորեն, հօգուտ ՀՀ պետական բյուջեի բռնագանձման է ենթակա փաստաթղթաբանական փորձաքննության կատարման արժեք հանդիսացող 27.600 /քսանյոթ հազար վեց հարյուր/ ՀՀ դրամ գումարը` որպես դատական ծախս։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-169-րդ, 357-360-րդ, 364-366-րդ, 369-373-րդ, 439-442-րդ հոդվածներով, դատարանը`


Վ Ճ Ռ Ե Ց

1. Ամբաստանյալ Հենրիխ Հմայակի Մելքոնյանին մեղավոր ճանաչել Հայաստանի Հանրապետության քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցանքում և դատապարտել տուգանքի նվազագույն աշխատավարձի ութհարյուրապատիկի` 800.000 /ութ հարյուր հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
2. Ամբաստանյալ Վաչե Կարենի Սարգսյանին մեղավոր ճանաչել Հայաստանի Հանրապետության քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցանքում և դատապարտել տուգանքի նվազագույն աշխատավարձի ութհարյուրապատիկի` 800.000 /ութ հարյուր հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
3. Անչափահաս ամբաստանյալ Սերգեյ Անրիի Սեդոյանին մեղավոր ճանաչել Հայաստանի Հանրապետության քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցանքում և դատապարտել տուգանքի նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամ գումարի չափով։
Խափանման միջոց հսկողության հանձնելը թողնել անփոփոխ` մինչև դատավճռի օրինական ուժի մեջ մտնելը։
Դատավճռի օրինական ուժի մեջ մտնելուց հետո, 05.02.2013թ. որոշմամբ իրեղեն ապացույց ճանաչված, «Ֆլեշ» ՍՊ ընկերությանը պատկանող, յուրաքանչյուրը 20լ բենզինի լիցքավորման համար նախատեսված, երեք հատ կեղծ կտրոնները պահել քրեական գործի հետ միասին։
Ամբաստանյալներ Հենրիխ Հմայակի Մելքոնյանից, Վաչե Կարենի Սարգսյանից և անչափահաս ամբաստանյալ Սերգեյ Անրիի Սեդոյանի օրինական ներկայացուցիչ Անրի Մանուկի Սեդոյանից, համապարտորեն, հօգուտ ՀՀ պետական բյուջեի բռնագանձել 27.600 /քսանյոթ հազար վեց հարյուր/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ` Մ. ՄԱՐՏԻՐՈՍՅԱՆ