Գործ թիվ ԵԿԴ/0031/01/13






ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը ( այսուհետ` Դատարան )`


նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի Կենտրոն
և Նորք-Մարաշ վարչական
շրջանների դատախազի
տեղակալ` Աշոտ Գալստյանի,

պաշտպան (հանրային)` Ալիկ Ստեփանյանի,


2013թ. ապրիլի 26-ին նույն դատարանում` դռնբաց դատական նիստում, արա¬գաց¬ված դատական քննության կարգով քննեց քրեական գործն ըստ մե¬ղադ¬րանքի`

Կ ո ր յ ու ն Յ ու ր ի ի Գ ա լ ս տ յ ա ն ի`
(ծնված 1983թ. հոկտեմբերի 20-ին, Երևան քաղաքում, ազ¬գութ¬յամբ հայ, ՀՀ քաղաքացի, ամուրի, միջնակարգ կրթութ¬¬յամբ, աշխատում է «Պրոֆալ» ՍՊ ընկերությունում` որ¬պես վարորդ, նախ¬կինում չդատա¬պարտ¬ված, հաշվառ¬ված է Երևանի Բագրատունյաց 47-րդ շենքի 25-րդ բնակա¬րանում, փաստացի բնակվում է Երևանի 15-րդ թաղամասի Բաշինջաղյան 2-րդ նրբանցքի 10-րդ շենքի 16-րդ բնակա¬րանում)

1.Գործի դատավարական նախապատմությունը.
Թիվ 13200213 քրեական գործն հարուցվել է 2013թ. փետրվարի 7-ին Երևանի Կենտրոն և Նորք-Մարաշ վարչական շրջանների դատախազությունում ՀՀ քրեական օրենսգրքի 258-րդ հոդ¬վածի 3-րդ մասի 2-րդ կետի հատ¬կանիշներով` ՀՀ ոստիկանության աշխատակից Էդգար Գրի¬գոր¬յանի զեկուցագրի կապակցությամբ նախապատ¬րաստված նյութերի քննարկման արդյունք¬ներով։
2013թ. փետրվարի 8-ին նախաքննությունը կատարվել է ՀՀ ոստիկանության ՔԳՎ Երևանի Կենտրո¬նականի քննչական բաժնում։
2013թ. փետրվարի 12-ին նախաքննական մարմինը որպես խա¬¬փան¬ման միջոց չհեռանալու վերաբերյալ ստորագրություն է ընտրել վերոնշյալ հանցանքը կատարելու կասկածանքով դեռևս 2013թ. հունվարի 31-ին «Շտապօգնություն» ՊՓԲ ընկերությունից բերման ենթարկված Կորյուն Գալստյանի նկատմամբ։
2013թ. փետրվարի 19-ին Կորյուն Գալստյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 2-րդ կետով։
2013թ. մարտի 19-ին քրեական գործը Կորյուն Գալստյանի նկատմամբ ՀՀ քրեա¬կան օրենսգրքի 258-րդ հոդվածի 3-րդ մասի 2-րդ կետով կազմված մե¬ղադրա¬կան եզրակացութ¬յամբ ուղարկվել է Երևանի Կենտրոն և Նորք-Մարաշ վարչական շրջան¬ների ընդհանուր իրավա¬սութ¬յան դատա¬րան և 2013թ. մարտի 21-ին ընդունվել վարույթ։

2. Առաջադրված մեղադրանքի բովանդակությունը.
Նախաքննական մարմինն ամբաստանյալ Կորյուն Գալստյանին մեղադրանք է առաջադրել այն բանի համար, որ նա «գտնվելով ալկոհոլ օգտագործած վիճակում, 2013թ. հունվարի 31-ին` ժամը 3.00-ի սահմաններում, Երևան քաղաքի Ձորափի 40 հասցեում գտնվող «Շտապ բուժօգնութ¬յուն» ՊՓԲ ընկերության վարչական շենքում շուրջ 2-3 րոպե տևողությամբ դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով բուժանձնակազմի և ներկա գտնվող այլ քաղաքացիների նկատմամբ, նախ` մաս¬նաշենքի առաջին հարկում գտնվող բժշկի աշխատասենյակում, ապա` նաև հիվանդանոցի միջանց¬քում աղմկել և բարձրաձայն տվել է հայհոյանքներ, որը զուգորդվել է ներկաների նկատ¬մամբ բռնություն գործադրելու սպառնալիքով, այնուհետև` անտեսելով խուլիգանական գործողությունները դադարեցնելուն ուղղված հասարակական կարգի խախտումը խափանող իշխանության ներկայացուցիչ հանդիսացող ոստիկանության ծառայողներ Էդգար Գրիգորյանի ու Սուրեն Աբովյանի դիտողությունները, արդեն «Շտապ բուժօգնություն» ՊՓԲ ընիկերության մասնաշենքի բակում շարունակել է բարձրաձայն հայհոյանքները և բռնություն գործադրելով` դիմադրություն է ցույց տվել վերջիններիս` փորձելով դուրս պրծնել մասնավորապես Էդգար Գրիգոր¬յանի ձեռքից, որի ընթացքում ձեռքով և ոտքով հարվածներ է հասցրել վերջինիս»։
Վերոնշյալ հանցավոր արարքը կատարելու համար Կորյուն Գալստյանին մեղադ¬րանք է առա¬ջադրվել ՀՀ քրեական օրենսգրքի 258-րդ հոդվածի 3-րդ մասի 2-րդ կետով։

3. Արագացված դատական քննություն.
Մինչ դատաքննություն սկսելն ամբաստանյալ Կորյուն Գալստյանը միջնորդեց գործը քննել դատա¬կան քննության արագացված կարգով` հայտարարելով, որ վերը նշված միջ¬նոր¬¬դությունը ներկա¬յացնում է կամավոր, նախա¬պես խորհրդակցելով իր պաշտպանի հետ, գիտակ¬ցում է արա¬գացված կարգով դատաքննութ¬յուն անցկացնելու իրավական հետևանք¬ները։ Ամբաստանյալն հայտարարեց նաև, որ առաջադրված մե¬ղադրանքն իրեն պարզ և հասկանալի է, համաձայն է դրա հետ, ավելին` առա¬ջադրված մեղադրանքում իրեն լիովին մեղավոր է ճանա¬չում։ Մեղադրողը, Դատա¬րանում վերահաստատելով մեղադրա¬կան եզրա¬կացությամբ հայտնած իր դիրքորոշումը, գործն արագացված դատաքննության կարգով քննելու դեմ չա¬ռարկեց։
Քննության առնելով ամբաստանյալ Կորյուն Գալստյանի վերոնշյալ միջնոր¬դութ¬յունը, հաշվի առնելով մեղադրողի դիրքորոշումը, ինչպես նաև այն, որ ամբաստանյալը գի¬տակցում է նման կարգով գործը քննելու իրավական հետևանքները, փաստելով, որ առկա են ՀՀ քրեական դատա¬վա¬րության օրենսգրքի 375.1 և 375.2 հոդվածներով նախա¬տեսված հիմ¬քն ու պայմանները` Դատա¬րա¬նը, համապա¬տաս¬¬խան որոշման կայացմամբ, գործը քննեց արա¬գաց¬ված դա¬տաքննության կար¬գով։

4. Դատարանի իրավական վերլուծությունները.
ՀՀ քրեական օրենսգրքի 258-րդ հոդվածի 3-րդ մասի 2-րդ կետով ամբաստանյալ Կոր¬յուն Գալստյանին առա¬¬ջադրված մեղադրանքը, բացի վերջինիս խոս¬տովանական ցուցմունքներից, Դատարանն հաս¬տատված հա¬մա¬րեց վկաներ Էդգար Գրիգորյանի, Սուրեն Աբով¬յանի, Արտակ Ասատրյա¬նի, Արշակ Սեդրակյանի, Զավեն Քոչարյանի, Ռաֆայել Բարսեղյանի նախաքննա¬կան ցուցմունք¬ներով։
Նախաքննությամբ ձեռք բերված վերոնշյալ ապացույցները գնահատելիս` Դատարա¬նը եկավ այն հետևության, որ ամբաստանյալ Կորյուն Գալստյանին առաջադրված մեղադ¬րանքի հիմքում դրված այդ ապա¬ցույցներն ըստ էության հա¬մա¬պա¬տաս¬խանում են ՀՀ քրեա¬կան դատա¬վարութ¬յան օրենսգրքով սահմանված թույլատրելիության և վերա¬բերե¬լիության, իսկ համակ¬ցութ¬¬¬յամբ գործի ճիշտ լուծման տեսանկյու¬նով` բավարա¬րութ¬յան չափա¬նիշներին։
Դատա¬րա¬նը հաստատված է համարում այն, որ ամբաստանյալ Կորյուն Գալստյանը նրան մեղ¬սագրվող հանցավոր արարքը` խուլիգանությունը, որը զուգորդվել է բռնություն գործադրելու սպառնալիքով, ապա` նաև հասարակական կարգի խախտումը խափանող ոստիկանության աշ¬խա¬տակիցների նկատմամբ դիմադրություն ցույց տալով, ՀՀ քրեա¬կան օրենսգրքի 258-րդ հոդ¬վածի 3-րդ մասի 2-րդ կետով որակված է ճիշտ, ամբաստանյալը քրեա¬կան պատաս¬խա¬նատ¬վության ու պատժի ենթակա է վերոնշյալ հոդվածով (համապատասախան մասով և կետով)։
Ամբաստանյալ Կորյուն Գալստյանի նկատ¬մամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը, ուղղել պատժի ենթարկված անձին, ինչպես նաև կանխել հանցա¬գոր¬ծությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն արդարացի, համապա¬տասխանեն հանցանքի ծան¬րությանը, այն կա¬տա¬րելու հան¬գա¬մանքներին, հանցավորի անձնա¬վորությանը, անհրա¬ժեշտ և բավարար լինեն նրան ուղղելու և նոր հանցա¬գործությունները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցա¬գործության՝ հանրության համար վտան¬գավորության աստիճանով և բնույթով, հանցավորի անձը բնու¬թագրող տվյալներով, այդ թվում՝ պատասխանատվությունը և պատիժը մեղմաց¬նող և/կամ ծանրացնող հան¬գա¬մանքներով։ ՀՀ քրեական օրենսգրքի 61-րդ հոդվածի 3-րդ մասի համա¬ձայն` հանցագործության համար նախատեսված պատիժ¬ներից առավել խիստը նշանակվում է, եթե նվազ խիստ տեսակը չի կարող ապահովել պատժի նպա¬տակ¬ները։
Օրենքի և դատարանի առջև հավասարության սկզբունքն ամրագրած ՀՀ քրեական դատավա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գործով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակտի հիմնա¬վո¬րումները, այդ թվում՝ օրենքի մեկնաբա¬նութ¬յուն¬ները, պարտադիր են դատարանի համար նույնանման փաստական հանգամանք¬ներով գործի քննության ժամանակ։
ՀՀ Վճռաբեկ դատարանը, Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախատեսված նորմը, նշել է, որ այն Դատարանին օժտել է անձի պատասխա¬նատվությունը մեղմաց¬նող հանգամանքների կիրառման լայն հայեցողությամբ, քանի որ պա¬տիժ նշանակելիս Դատարանը կարող է հաշվի առնել նաև մեղմացնող այնպիսի հանգա¬մանք¬ներ, որոնք նույն հոդվածի առաջին մասում նշված չեն։
Որպես ամբաստանյալ Կորյուն Գալստյանի պատասխանատվությունը և պատիժը մեղ¬մաց¬նող հանգամանքներ` Դատարանն հաշվի է ա¬ռնում անկեղծորեն զղջալն ու դեռևս մինչդատական վարույթից իրեն լիովին մեղավոր ճանաչելը, աշխատանքի վայրում դրականորեն բնութագրվելը (ըստ «ՊՐՈՖԱԼ» ՍՊ ընկերության տնօրեն Ա.Սահակյանի` 2013թ. ապրիլի 22-ին տրված բնու¬թագրի), իսկ որպես նրա անձը դրականորեն բնութագրող տվյալներ` նախ¬կինում դատապարտված չլինելը, երիտասարդ լինելը (ըստ AN սերիայի 0271647 համարի անձնագրի` ծնվել է 1983թ. հոկ¬տեմբերի 20-ին)։
Սթափության վիճակի զննման վերա¬բերյալ 2013թ. հունվարի 31-ի թիվ 100295 արձա¬նագրութ¬յան համաձայն` հանցանքը կատարելիս ամբաստանյալ Կորյուն Գալստյանը գտնվել է 3-րդ աստիճանի ալկոհոլի ազդեցության տակ։
Թեև վերոնշյալ հանգամանքը նախատեսված է պատասխանատվությունը և պատիժը ծան¬րացնող, ՀՀ քրեական օրենսգրքի 63-րդ հոդվածի 1-ին մասում սպառիչ թվարկված հանգա¬մանքների ցանկում, սակայն նույն հոդվածի 2-րդ մասի համաձայն` ելնելով հանցագործության բնույթից Դատարանը կարող է վերոնշյալ հանգամանքը ծանրացնող չհա¬մարել։
Ալկոհոլի ազդեցության տակ հանցանք կատարելը սույն գործով որպես ծանրացնող հան¬գա¬մանք գնահատելու հարցը քննարկելիս` Դատարանը կիրառելի է համարում Դ.Հով¬հաննիսյա¬նի վերաբերյալ ՀՀ Վճռաբեկ դատարանի 2009թ. դեկտեմբերի 18-ի թիվ ԵԱՔԴ/0078/01/09 որոշման մեջ արտահայ¬տած մեկնաբանությունը, համաձայն որի` այն որպես պատասխանատվությունը և պատիժը ծանրացնող հանգամանք գնահատելու համար դա¬¬տա¬¬րանը պարտավոր է հանգա¬մա¬նորեն պարզել և հաշվի առնել, թե հանցավոր արարքն իր բնույ¬թով կապվա՞ծ է արդյոք հանցանք կատարած անձի՝ ալկոհոլ օգտագործած լինելու հետ, այսինքն` ալկոհոլի օգտագոր¬ծումն հան¬ցանքը կատարելուն նպաստող պայման հան¬դիսացել է, թե` ոչ։
Ելնելով ամբաստանյալ Կորյուն Գալստյանին մեղսագրվող արարքի բնույթից, քննվող դեպքի հանգաման¬քներից` Դատարանը գտնում է, որ ալկոհոլի օգտա¬գործումը նախորդել և նպաստել է խուլի¬¬գա¬նութ¬յան կա¬տար¬մանը, ուստի ալկոհոլի օգտագործումը գնահա¬տում է որպես ամբաս¬տանյալ Կ.Գալստյանի պատասխանատվությունը և պա¬տիժը ծանրացնող հանգա¬մանք։
Ամբաստանյալ Կորյուն Գալստյանի պատասխանատվությունն ու պատիժը ծանրացնող այլ հան¬գա¬մանքներ Դատարանը չարձանագրեց։
Վերոնշյալ հանգա¬մանք¬ներն հաստատվել են քրեական գործի նյութերում առկա փաս¬տա¬կան տվյալ¬ներով, իրական են, համապատասխանաբար` նվազեցնում և բարձրացնում են ամբաս¬տանյալ Կ.Գալստյանի հան¬րային վտանգա¬վո¬րությունը։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ Կ.Գալստյանի նկատմամբ նշանակվող պատժի տե¬սակի ընտրության խնդրին` Դատարանը փաս¬տում է, որ ՀՀ քրեական օրենսգրքի 258-րդ հոդվածի 3-րդ մասով սահման¬ված հանցա¬կազմի պատ¬ժամասը նախատեսում է այլընտրան¬քային պատժատե¬սակներ` տու¬գանք կամ ազա¬տազրկում` որոշակի ժամկե¬տով, հետևա¬բար` պատժի նպա¬տակ¬ներն ապահովելու տես¬անկյու¬¬¬¬նով քննարկման ենթակա է ամբաս¬տան¬յա¬լի նկատմամբ նշանակվող պատ¬ժատեսակի ընտ¬րության, պատժաչափի, իսկ ազատազրկման դատա¬պարտելու դեպքում` նաև պատիժը ռեալ կրելու կամ չկրելու (ՀՀ քրեա¬կան օրենսգրքի 70-րդ հոդվածի կիրառման) հար¬ցերը։
Հաշվի առնելով ամբաստանյալ Կորյուն Գալստյանի անձը բնութագրող տվյալները, նրա պատաս¬խա¬նատվությունն ու պատիժը մեղմացնող վերը շարադրված հանգա¬մանք¬¬ները, այդ թվում` նախկինում դատապարտված չլինելը, անկեղծորեն զղջալն ու իրեն լիովին մեղավոր ճանաչելը, ինչպես նաև ղեկավարվելով ՀՀ քրեական օրենսգրքի 61-րդ հոդ¬վածի 3-րդ մասի ուղղակի պահան¬ջով` Դատարանը գտնում է, որ վերջինիս նկատմամբ անհրաժեշտ է նշանակել ՀՀ քրեա¬կան օրենսգրքի 258-րդ հոդվածի 3-րդ մասով նախա¬տես¬ված պատժա¬տե¬սակ¬ներից նվազ խիստը` տու¬գանքը։ Դատարանի համոզմամբ ալկոհոլի օգտագործումն իբրև ամբաստանյալ Կ.Գալստյանի պա¬տաս¬խանատվություն ու պատիժը ծանրաց¬նող հանգամանքն անհրաժեշտ է հաշվի առնել հատ¬կապես նվազ խիստ պատժի` տուգանքի նշանակման ժամանակ` տուգանքի չափը սահ¬մա¬նելիս։ Այդ պա¬տիժն է արդարացի ու ինքնին բավարար ամբաստանյալ Կ.Գալստյանին ուղղելու և նոր հանցա¬գոր¬ծությունները կանխելու հա¬մար։
Ամբաստանյալ Կորյուն Գալստյանի նկատմամբ որպես խա¬¬¬փանման միջոց ընտրված չհե¬ռա¬¬նալու մասին ստորագրության հարցը քննարկելիս` Դատա¬րանը գտնում է, որ այն անհրա¬ժեշտ է վերացնել` սույն դատավճռի օրինական ուժի մեջ մտնե¬լուց հետո։
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դա¬տավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների, դա¬տական ծախ¬սերի, գույքի նկատմամբ կիրառված (կիրառվելիք) արգելանքի, քաղա¬¬քա¬ցիական հայ¬ցի հարցերին։ Վերոնշյալի կապակցությամբ Դատարանն արձանագրում է, որ ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով թվարկված դատական ծախսերը, ՀՀ քրեական դատավարական օրենսգրքի 375.3 հոդվածի 8-րդ մասի ուժով, ամբաս¬տան¬յալ Հ.Գալստյանից բռնա¬գա¬նձ¬ման ենթակա չեն, վերջինիս գույքի նկատմամբ արգելանք չի կիրառ¬վել, քրեական գործով քաղաքա¬ցիական հայց չի ներկայացվել, իրեղեն ապացույցներ չկան։
Գնահատելով մեղադրանքի հիմքում դրված ապացույց¬ները, ուսումնասիրելով ամբաս¬տան¬յալ¬ի անձը բնութագրող տվյալները, պատասխանատ¬վութ¬յունն ու պատիժը մեղ¬մացնող և ծան¬րաց¬նող հան¬գամանքները, ղեկավարվելով ՀՀ քրեական դատավա¬րա¬կան օրենսգրքի 357-360-րդ, 364-365-րդ, 369-373-րդ, ինչպես նաև 375.1-375.4-րդ հոդված¬ներով, Դատա¬րանը

Վ Ճ Ռ Ե Ց ՝
Կորյուն Յուրիի Գալստյանին ճանաչել մեղավոր ՀՀ քրեական օրենսգրքի 258-րդ հոդ¬վածի 3-րդ մասի 2-րդ կետով նախատեսված հանցագործության կատարման մեջ, նրա նկատ¬մամբ նշա¬նակել պատիժ` տուգանք 500.000 (հինգ հարյուր հազար) ՀՀ դրամի չափով։
Կորյուն Գալստյանի նկատմամբ որպես խափանման միջոց ընտրված չհեռանալու վե¬րա¬¬բերյալ ստորագրությունը վերացնել` սույն դատավճիռն օրինական ուժի մեջ մտնելուց հետո։
Դատական ծախսերի հարցն համարել լուծված։
Դատավճիռը հրապարակման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան` բացառությամբ ՀՀ քրեական դատա¬վարության օրենսգրքի 395-րդ հոդ¬¬վածի 1-ին կետով նախատեսված հիմքի։


ԴԱՏԱՎՈՐ՝ Ա.ՎԱՐԴԱՆՅԱՆ