Գործ թիվ ԵԿԴ/0027/01/13




Ո Ր Ո Շ ՈՒ Մ
քրեական գործի վարույթը կարճելու և քրեական
հետապնդումը դադարեցնելու մասին


« 7 ե մայիսի 2013թ. ք. Երևան


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի Կենտրոն
և Նորք-Մարաշ վարչական շրջանների
դատախազության դատախազ` Մամիկոն Գեղամյանի,
տուժողներ` Զարինա Գևորգյանի և
Եղսիկ Կիրակոսյանի,

պաշտպան(հանրային)` Արման Թամրազյանի,


նույն դատարանում` խորհրդակցական սենյակում, քննության առնելով քրեական գործն ըստ մեղադրանքի`
Մհեր Համլետի Պողոսյանի `
(ծնված 1972թ. մայիսի 11-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթութ¬յամբ, երկրորդ խմբի հաշ¬մանդամ է, չի աշխատել, նախկինում 9 անգամ դատապարտված, վերջին անգամ` Երևանի Կնետրոն և Նորք-Մարաշ վարչական շրջանների ընդհանուր իրավասության դատարանի 2010թ. հուլիսի 21-ի դատավճռի և արարքն համապատասխանեցվելու վերա¬բերյալ նույն դատարանի 2011թ. հունիսի 22-ի որոշմամբ ՀՀ քրեա¬կան օրենսգրքի 34-176-րդ հոդվածի 1-ին մասով դատապարտվել է ազատազրկման 2 տարի 3 ամիս ժամկետով, պատիժը կրելով` ազատվել է 2012թ. ապրիլի 26-ին, դատվա¬ծությունը չմարված, հաշվառված և բնակվել է Երևանի Ման¬թաշյան փողոցի 8-րդ շենքի 50-րդ բնակարանում, սույն գոր¬ծով արգելանքի տակ է 2012թ. դեկտեմբերի 10-ից),

Պ Ա Ր Զ Ե Ց`

Թիվ 15130212 քրեական գործն հարուցվել է 2012թ. դեկտեմբերի 10-ին ՀՀ ոստիկանության Կենտրոնականի քննչական բաժնում ՀՀ քրեական օրենսգրքի 34-177-րդ հոդվածի 2-րդ մասի 2-րդ կետի և ՀՀ քրեական օրենսգրքի 34-177-րդ հոդվածի 1-ին մասի հատկանիշներով` գործով տուժող ճանաչված Զարինա Գևորգյանի և Եղսիկ Կիրակոսյանի հաղորդման հիման վրա նախա¬պատ¬րաստված նյութերի քննարկման արդյունքներով։
2012թ. դեկտեմբերի 10-ին վերոնշյալ հանցանքների կատարման կասկածանքով ձեր¬բա¬կալ¬վել է նույն օրը ՀՀ ոստիկանության Կենտրոնականի բաժին բերման ենթարկված Մհեր Պողոս¬յանը։
2012թ. դեկտեմբերի 13-ին Մհեր Պողոսյանին մեղադրանք է առաջադրվել ՀՀ քրեական օրենսգրքի 34-177-րդ հոդվածի 2-րդ մասի 2-րդ կետով և ՀՀ քրեական օրենսգրքի 34-177-րդ հոդ¬վածի 1-ին մասով, նրա նկատմամբ նույն օրը Երևանի Կենտրոն և Նորք-Մարաշ վարչական շրջան¬ների ընդհանուր իրավասության դատարանը որպես խափանման միջոց է ընտրել կալանա¬վորում։
2013թ. փետրվարի 22-ին Մհեր Պողոսյանին առաջարված մեղադրանքը փոփոխվել է, նրան վերջնական մեղադրանք է առաջադրվել ՀՀ քրեական օրենսգրքի 34-177-րդ հոդվածի 1-ին մասով (երկու դրվագով), այսինքն` սույն քրեական գործը հանրայինից վեր է ածվել մասնավոր հետապնդման գործի (մեղադրյալ Մ.Պողոսյանի նկատմամբ ընտրված խափանման միջոց կա¬լան¬քը չի փոփոխվել)։
2013թ. մարտի 6-ին մասնավոր մեղադրանքի վերաբերյալ սույն քրեական գործը Մհեր Պողոսյանի նկատմամբ ՀՀ քրեական օրենսգրքի 34-177-րդ հոդվածի 1-ին մասով (երկու դրվագ¬ով) հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավա¬սութ¬յան դատա¬րան և 2013թ. մարտի 11 -ին ընդունվել վարույթ։
2013թ. մարտի 26-ին որոշում է կայացվել սույն քրեական գործով դատական քննություն նշա¬նակելու մասին, որով անփոփոխ է թողնվել ամբաստանյալ Մ.Պողոսյանի նկատմամբ դեռևս մինչդատական վարույթում ընտրված խափանման միջոց կալանավորումը։
Համաձայն Մհեր Պողոսյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս մեղադրանք է առա¬ջադրվել նրանում, որ նա 2012թ. դեկտեմբերի 10-ին` ժամը 16։30-ի սահմաններում Երևանի Խորենացի 24 հասցեում գործող «Ոսկու աշխարհե տոնավաճառի վաճառողուհի Զարինա Գևորգյանի 66 Ա տաղավարից փորձել է գաղտնի հափշտակել վերջինիս պատ¬կանող զգալի չափի` 229.500 ՀՀ դրամ արժո¬ղությամբ ոսկյա մատանին և մեկ զույգ ականջօղերը, սակայն, հանդիպելով տուժող Զ.Գևորգյանի դիմադրությանը, դիմել է փախուստի և հանցագործությունն ավարտին չի հասցրել իր կամքից անկախ հանգամանքներով, որի համար նախաքննական մարմինը նրան մեղադրանք է առաջադրել ՀՀ քրեական օրենսգրքի 34-177-րդ հոդվածի 1-ին մասով։
Բացի այդ, Մ.Պողոսյանը նույն օրը` ժամը 17։30-ի սահմաններում, այդ տոնա¬վաճառի մեկ այլ վաճառողուհի Եղսիկ Կիրակոսյանի Ո3 և Ո4 տաղավարներից փորձել է գաղտնի հափշտակել վերջինիս պատկանող զգալի չափի` 51.500 ՀՀ դրամ արժողությամբ մեկ զույգ ոսկյա ականջօղերը, սակայն, հանդիպելով տուժող Ե.Կիրակոսյանի դիմադրությանը, դիմել է փախուստի և հանցագոր¬ծութ¬յունն ավարտին չի հասցրել իր կամքից անկախ հանգամանքներով, որի համար նրան մե¬ղադրանք է առաջադրվել ՀՀ քրեական օրենսգրքի 34-177-րդ հոդվածի 1-ին մասով։
2013թ. մայիսի 7-ին կայացած դատական նիստի ընթացքում տուժողներ Զարինա Գևորգ¬յանը և Եղսիկ Կիրակոսյանը, ծանոթացվելով իրեն իրավունքներին և պարտականութ¬յուն¬նե¬րին, հայտնեցին, որ հաշտվել են ամբաս¬տանյալ Մ.Պողոսյանի հետ, գիտակցում են հաշտության իրավական հետևանքները` այն, որ քրեական գործի վարույթն այդ պարագայում ենթակա է կարճման, իսկ Մ.Պողոսյանի նկատմամբ հարուցված քրեական հետապնդումը` դադա¬րեցման։
Ամբաստանյալ Մ.Պողոսյանն իր նկատմամբ հարուցված հետապնդումը վերնոշյալ ոչ ար¬դարացնող հիմքով դադարեցնելու դեմ չառարկեց։
Դատարանը, հաշվի առնելով դատական նիստի ընթացքում հարցաքննված տուժողներ Եղսիկ Կիրա¬կոս¬յանի և Զարինա Գևորգյանի վերոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք(հիմք), որի պայմաններում քրեական գործի վարույթն ենթակա է կարճման, իսկ ամբաստանյալ Մ.Պողոսյանի նկատմամբ հարուցված քրեա¬կան հետապնդումը` դադարեցման, որպիսի հետևության հանգեց խորհրդակցական սենյակ հեռա¬ նալով` հետևյալ իրավական վերլու¬ծութ¬յունների արդյունքներով.
ՀՀ քրեական դտավարական օրենսգրքի 33-րդ հոդվածի համաձայն` մասնավոր մե¬ղադրան¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 177-րդ հոդվածի 1-ին մասով նախատեսված հանցագործությունների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցական սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանքներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Մհեր Պողոսյանի նկատմամբ։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փանման միջոցը վերացվում է, երբ վերանում է դրա անհրաժեշտությունը, հետևաբար` վե¬րոնշյալ տրամաբանությամբ ամբաստանյալ Մ.Պողոսյանի նկատմամբ ընտրված խափան¬ման միջոց կալանքը ենթակա է վերացման, իսկ վերջինս` անհապաղ ազատ արձակման։
Դատարանը գտնում է, որ իրեղեն ապացույց ճանաչված և տուժող Եղսիկ Կիրակոսյանին ի պահ հանձնված մեկ զույգ ոսկյա ականջօղերը, ինչպես նաև տուժող Զարինա Գևորգյանին ի պահ հանձնված ոսկյա մատանին ու մեկ զույգ ոսկյա ականջօղերն անհրաժեշտ է թողնել վեր¬ջիններիս տնօրինությանը։ Տվյալ պատճառաբանությամբ, ինչպես նաև հաշվի առնելով, որ սույն քրեական գործով քաղաքացիական հայց չի ներկայացվել` Դատարանը հանցագործությամբ տուժողներին պատճառված վնասի հատուցման հարցն համարում է լուծված։
Դատարանն արձանագրում է նաև, որ սույն գործով ամբաստանյալ Մ.Պողոսյանի շար¬ժա¬կան կամ անշարժ գույքի նկատմամբ արգելանքի որևէ միջոց չի կիրառվել։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 119-րդ, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Ամբաստանյալ Մհեր Համլետի Պողոսյանի նկատմամբ ՀՀ քրեական օրենսգրքի 34-177-րդ հոդվածի 1-ին մասով (2 դրվագներով) հարուցված քրեա¬կան հետապնդումը դադարեցնել, թիվ ԵԿԴ/0027/01/13 քրեական գործի վարույթը կարճել` վերջինիս հետ տուժողներ Եղսիկ Կիրա¬կոս¬յանի և Զարինա Գևորգյանի հաշտության հիմ¬քով։
2. Ամբաստանյալ Մհեր Համլետի Պողոսյանի նկատմամբ որպես խափանման միջոց ընտրված կալանքը վերացնել, նրան դատական նիստերի դահլիճում անհապաղ ազատ արձակել։
3. Իրեղեն ապացույց ճանաչված, տուժող Եղսիկ Կիրակոսյանին պահ հանձնված մեկ զույգ ոսկյա ականջօղերը, ինչպես նաև տուժող Զարինա Գևորգյանին ի պահ հանձնված ոսկյա մա¬տանին և մեկ զույգ ոսկյա ականջօղերը թողնել վերջիններիս տնօրինությանը։
4. Տուժողներին պատճառված վնասի հատուցման հարցն համարել լուծված։
5. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկվել ՀՀ քրեական վերաքննիչ դատարան` հրապարակման օրվանից մեկամսյա ժամ¬կետում։


ԴԱՏԱՎՈՐ` Ա.ՎԱՐԴԱՆՅԱՆ