Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

11 հոկտեմբերի 2013թ. ք. Երևան

ԵԿԴ-0025/01/13

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մասնակցությամբ`
մեղադրողներ Ջ. Ֆարխոյանի,
Գ. Երեմյանի,
Վ. Բադալյանի,

պաշտպաններ Ա. Ալվանդյանի,
Լ. Սիմոնյանի,

տուժող Ռ. Հովսեփյանի,

տուժողի ներկայացուցիչ Ս. Խաչատրյանի,



դատարանում, դռնբաց դատական նիստում, քննեց գործն ըստ մեղադրանքի
1. Խաչիկ Անդրանիկի Բախբուդարյանի`
ծնված 1983թ. հուլիսի 1-ին Երևանում, հայ, ՀՀ քաղաքացի, բարձրագույն կրթությամբ, ամուսնացած, խնամքին մինչև տասնչորս տարեկան մեկ երեխա, նախկինում չդատված, բնութագրվում է դրական, աշխատում է ՀՀ ոստիկանության Երևան քաղաքի վարչության Կենտրոնականի բաժնում որպես քրեական հետախուզության բաժանմունքի օպերլիազոր, ոստիկանության կապիտան, հաշվառված է և բնակվել է ք.Երևան, Ռայնիսի փողոցի թիվ 5 շենքի թիվ 21 բնակարանում, կալանքի տակ է 18.12.2012թ.-ից, մեղադրվում է ՀՀ քրեական օրենսգրքի 309-րդ հոդվածի 2-րդ մասով և 314-րդ հոդվածով,




2. Արտակ Գարեգինի Բարսեղյանի`
ծնված 1985թ. օգոստոսի 28-ին Երևանում, հայ, ՀՀ քաղաքացի, բարձրագույն կրթությամբ, ամուսնացած, խնամքին մինչև տասնչորս տարեկան մեկ երեխա, նախկինում չդատված, բնութագրվում է դրական, աշխատում է ՀՀ ոստիկանության Երևան քաղաքի վարչության Կենտրոնականի բաժնում որպես քրեական հետախուզության բաժանմունքի օպերլիազոր, ոստիկանության կապիտան, հաշվառված է և բնակվել է ք.Երևան, Դավիթաշեն 3-րդ փողոցի թիվ 5 տանը, կալանքի տակ է 18.12.2012թ.-ից, մեղադրվում է ՀՀ քրեական օրենսգրքի 309-րդ հոդվածի 2-րդ մասով և 314-րդ հոդվածով,



Գործի դատավարական նախապատմությունը

Թիվ 12131812 քրեական գործը ՀՀ ոստիկանության ՔԳՎ Երևան քաղաքի քննչական վարչության Էրեբունու քննչական բաժնում հարուցվել է 2012թ. հոկտեմբերի 09-ին, ՀՀ քրեական օրենսգրքի 110-րդ հոդվածի 1-ին մասով, Ռոբերտ Կոնստանտինի Հովսեփյանի կողմից ինքնասպանության փորձ կատարելու փաստի առթիվ։
2012թ. հոկտեմբերի 24-ին թիվ 12131812 քրեական գործն ուղարկվել է ՀՀ հատուկ քննչական ծառայություն և 2012թ. հոկտեմբերի 25-ի որոշմամբ ընդունվել է ՀԿԳ ավագ քննիչի վարույթ։
Թիվ 62209912 քրեական գործը ՀՀ հատուկ քննչական ծառայությունում հարուցվել է թիվ 12131812 քրեական գործի նյութերով, 2012թ. նոյեմբերի 19-ին, ՀՀ քրեական օրենսգրքի 309-րդ հոդվածի 2-րդ մասով, ՀՀ ոստիկանության Կենտրոնականի բաժնի առանձին աշխատակիցների կողմից բռնությամբ զուգորդված պաշտոնեական լիազորություններն անցնելու դեպքի առթիվ։
Քննիչի նույն օրվա մեկ այլ որոշմամբ, թիվ 62209912 քրեական գործը միացվել է թիվ 12131812 քրեական գործին և նախաքննությունը շարունակվել է մեկ վարույթում` թիվ 12131812 քրեական գործի համարով։
Քննիչի 2013թ. փետրվարի 25-ի որոշմամբ, Ռոբերտ Կոնստանտինի Հովսեփյանի կողմից ինքնասպանության փորձ կատարելու վերաբերյալ թիվ 12131812 քրեական գործի մասը կարճվել է` հանցագործության դեպքի բացակայության պատճառաբանությամբ։
Քննիչի նույն օրվա մեկ այլ որոշմամբ, թիվ 12131812 քրեական գործից անջատվել է ոստիկանության առանձին աշխատակիցների կողմից պաշտոնեական կեղծիք և պաշտոնեական լիազորություններն անցնելու վերաբերյալ մասը, որին շնորհվել է թիվ 62209912 համարը։
Ամբաստանյալ Խաչիկ Անդրանիկի Բախբուդարյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 309-րդ հոդվածի 2-րդ մասով և 314-րդ հոդվածով հետևյալ արարքների համար. «որ նա հանդիսանալով պաշտոնատար անձ, կատարել է պաշտոնեական կեղծիք և իր լիազորությունների շրջանակից ակնհայտորեն դուրս եկող բռնությամբ զուգորդված գործողություններ, որով էական վնաս է պատճառել անձանց և պետության օրինական շահերին, որպիսի գործողությունները դրսևորվել են հետևյալում.
Այսպես, նա, աշխատելով ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժանմունքում որպես օպերլիազոր, հանդիսանալով իշխանության ներկայացուցչի գործառույթներ իրականացնող պաշտոնատար անձ, Կենտրոն վարչական շրջանի բնակարաններից գողություններ կատարելու կասկածանքով 2012 թվականի հոկտեմբերի 3-ին՝ ժամը 23-ի սահմաններում, նույն բաժանմունքի օպերլիազոր, ոստիկանության կապիտան Արտակ Բարսեղյանի հետ Երևանի Ռոստովյան փողոցի թիվ 52 հասցեում գտնվող առևտրի կրպակի մոտից, «Ոստիկանության մասին» ՀՀ օրենքի 29-րդ և 30-րդ հոդվածներով սահմանված ֆիզիկական ուժ կիրառելու հիմքերի բացակայության պայմաններում, բռնության գործադրմամբ ոստիկանության Կենտրոնականի բաժին բերման են ենթարկել գողություններ կատարելու համար նախկինում դատապարտված Ռոբերտ Հովսեփյանին և առանց արձանագրություն կազմելու ու ոստիկանության բաժին բերման ենթարկված անձանց հաշվառման գրքում գրանցելու տարել են իրենց աշխատասենյակ։ Օպերատիվ զրույցի ընթացքում, երբ Ռոբերտ Հովսեփյանը հայտարարել է, որ կատարված գողություններից տեղեկություններ չունի, Խաչիկ Բախբուդարյանը, Արտակ Բարսեղյանը և քննությամբ չպարզված ոստիկանության երկու աշխատակիցներ, ակնհայտորեն դուրս գալով իրենց պաշտոնեական լիազորությունների շրջանակից, Ռոբերտ Հովսեփյանին ապօրինի պահել են իրենց աշխատասենյակում, ձեռնաշղթայով կապել են նրա ձեռքերը և ծեծի ենթարկել՝ ոտքերով, ձեռքերով ու մահակով հարվածելով Ռոբերտ Հովսեփյանի դեմքին, մարմնի այլ մասերին, ստիպել խոստովանել նախկինում արձանագրված և չբացահայտված գողությունների մեջ նրա մասնակցությունը։ Վերջինիս ծեծի ենթարկելու ժամանակ Խաչիկ Բախբուդարյանը ձեռքերի ափերով հարվածել է Ռոբերտ Հովսեփյանի ականջներին, ինչի հետևանքով տեղի է ունեցել ձախ ականջի թմբկաթաղանթի տրավմատիկ թափածակում, և գործադրված բռնության հետևանքով Ռոբերտ Հովսեփյանի առողջությանը պատճառվել է միջին ծանրության վնաս՝ առողջության տևական քայքայումով։ Ռոբերտ Հովսեփյանը, չդիմանալով գործադրված բռնությանը, պատիվն ու արժանապատվությունը նվաստացնող վերաբերմունքին, խոստովանել է, թե ինքն է կատարել հիշյալ չբացահայտված գողությունները, որից հետո Խաչիկ Բախբուդարյանը և Արտակ Բարսեղյանը, կատարելով պաշտոնեական կեղծիք, կազմել են ակնհայտ կեղծ արձանագրություն՝ իբրև Ռոբերտ Հովսեփյանին ոստիկանության բաժին բերման են ենթարկել 2012 թվականի հոկտեմբերի 4-ին՝ ժամը 15-ին, և գրանցել բերման ենթարկված անձանց հաշվառման գրքում։
Այսպիսով, Խաչիկ Բախբուդարյանը, դիտավորությամբ կատարել է իր լիազորությունների շրջանակից ակնհայտորեն դուրս եկող բռնությամբ զուգորդված գործողություններ և պաշտոնեական կեղծիք, այսինքն՝ կատարել է ՀՀ քրեական օրենսգրքի 309-րդ հոդվածի 2-րդ մասով և 314-րդ հոդվածով նախատեսված հանցագործություն։»։
Ամբաստանյալ Արտակ Գարեգինի Բարսեղյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 309-րդ հոդվածի 2-րդ մասով և 314-րդ հոդվածով հետևյալ արարքների համար. «որ նա հանդիսանալով պաշտոնատար անձ, կատարել է պաշտոնեական կեղծիք և իր լիազորությունների շրջանակից ակնհայտորեն դուրս եկող բռնությամբ զուգորդված գործողություններ, որով էական վնաս է պատճառել անձանց և պետության օրինական շահերին, որպիսի գործողությունները դրսևորվել են հետևյալում.
Այսպես, նա, աշխատելով ոստիկանության Երևան քաղաքի վարչության Կենտրոնականի բաժնի քրեական հետախուզության բաժանմունքում որպես օպերլիազոր, հանդիսանալով իշխանության ներկայացուցչի գործառույթներ իրականացնող պաշտոնատար անձ, Կենտրոն վարչական շրջանի բնակարաններից գողություններ կատարելու կասկածանքով 2012 թվականի հոկտեմբերի 3-ին՝ ժամը 23-ի սահմաններում, նույն բաժանմունքի օպերլիազոր, ոստիկանության կապիտան Խաչիկ Բախբուդարյանի հետ Երևանի Ռոստովյան փողոցի թիվ 52 հասցեում գտնվող առևտրի կրպակի մոտից, «Ոստիկանության մասին» ՀՀ օրենքի 29-րդ և 30-րդ հոդվածներով սահմանված ֆիզիկական ուժ կիրառելու հիմքերի բացակայության պայմաններում, բռնության գործադրմամբ ոստիկանության Կենտրոնականի բաժին բերման են ենթարկել գողություններ կատարելու համար նախկինում դատապարտված Ռոբերտ Հովսեփյանին և առանց արձանագրություն կազմելու ու ոստիկանության բաժին բերման ենթարկված անձանց հաշվառման գրքում գրանցելու տարել են իրենց աշխատասենյակ։ Օպերատիվ զրույցի ընթացքում, երբ Ռոբերտ Հովսեփյանը հայտարարել է, որ կատարված գողություններից տեղեկություններ չունի, Արտակ Բարսեղյանը, Խաչիկ Բախբուդարյանը և քննությամբ դեռևս չպարզված ոստիկանության երկու աշխատակիցներ, ակնհայտորեն դուրս գալով իրենց պաշտոնեական լիազորությունների շրջանակից, Ռոբերտ Հովսեփյանին ապօրինի պահել են իրենց աշխատասենյակում, ձեռնաշղթայով կապել են նրա ձեռքերը և ծեծի ենթարկել՝ ոտքերով, ձեռքերով ու մահակով հարվածելով Ռոբերտ Հովսեփյանի դեմքին և մարմնի այլ մասերին, ստիպել խոստովանել նախկինում կատարված և չբացահայտված գողությունների մեջ նրա մասնակցությունը։ Վերջինիս ծեծի ենթարկելու ժամանակ Խաչիկ Բախբուդարյանը ձեռքերի ափերով հարվածել է Ռոբերտ Հովսեփյանի ականջներին, ինչի հետևանքով տեղի է ունեցել ձախ ականջի թմբկաթաղանթի տրավմատիկ թափածակում, և գործադրված բռնության հետևանքով Ռոբերտ Հովսեփյանի առողջությանը պատճառվել է միջին ծանրության վնաս՝ առողջության տևական քայքայումով։ Ռոբերտ Հովսեփյանը, չդիմանալով գործադրված բռնությանը, պատիվն ու արժանապատվությունը նվաստացնող վերաբերմունքին, խոստովանել է գողություններ կատարելու մի քանի դեպքեր, որից հետո Արտակ Բարսեղյանը և Խաչիկ Բախբուդարյանը կատարելով պաշտոնեական կեղծիք, կազմել են ակնհայտ կեղծ արձանագրություն՝ իբրև Ռոբերտ Հովսեփյանին ոստիկանության բաժին բերման են ենթարկել 2012 թվականի հոկտեմբերի 4-ին՝ ժամը 15-ին, և գրանցել բերման ենթարկված անձանց հաշվառման գրքում։
Այսպիսով, Արտակ Բարսեղյանը դիտավորությամբ կատարել է իր լիազորությունների շրջանակից ակնհայտորեն դուրս եկող բռնությամբ զուգորդված գործողություններ և պաշտոնեական կեղծիք, այսինքն՝ կատարել է ՀՀ քրեական օրենսգրքի 309-րդ հոդվածի 2-րդ մասով և 314-րդ հոդվածով նախատեսված հանցագործություն։»։
2013թ. մարտի 04-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
ՀՀ ոստիկանության Երևան քաղաքի վարչության Կենտրոնականի բաժնում, 2012թ. հոկտեմբերի 3-ին նախորդող ժամանակահատվածում, օպերատիվ տեղեկություններ են ստացվել այն մասին, որ գողություններ կատարելու համար նախկինում դատապարտված Ռոբերտ Հովսեփյանը Երևանի Կենտրոն վարչական շրջանի բնակարաններից գողություններ է կատարում։ Ստացված տեղեկությունները ստուգելու համար իրականացվել են համապատասխան օպերատիվ-հետախուզական միջոցառումներ։ 2012թ. հոկտեմբերի 3-ին, ժամը 22։00-ի սահմաններում, տեղեկանալով, որ Ռոբերտ Հովսեփյանը գտնվում է Երևանի Ռոստովյան փողոցում, ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժանմունքի օպերլիազորներ, ամբաստանյալներ Խաչիկ Բախբուդարյանը և Արտակ Բարսեղյանը գնացել են նշված վայր` Ռ. Հովսեփյանին բերման ենթարկելու համար։ Ժամը 22.30-ի սահմաններում, երբ Ռոբերտ Հովսեփյանը կանգնած է եղել Երևանի Ռոստովյան փողոցի թիվ 52 հասցեում գտնվող առևտրի կրպակի մոտ, ամբաստանյալներ Խաչիկ Բախբուդարյանը և Արտակ Բարսեղյանը, «Ոստիկանության մասին» ՀՀ օրենքի 29-րդ և 30-րդ հոդվածներով սահմանված` ֆիզիկական ուժ կիրառելու հիմքերի բացակայության պայմաններում, բռնության գործադրմամբ Ռոբերտ Հովսեփյանին պառկեցրել են գետնին, ձեռնաշղթայով կապել են ձեռքերը և նստեցնելով ավտոմեքենան՝ բերման են ենթարկել ՀՀ ոստիկանության Երևան քաղաքի վարչության Կենտրոնականի բաժին։ Առանց բերման ենթարկելու մասին արձանագրություն կազմելու և ոստիկանության բաժին բերման ենթարկված անձանց հաշվառման գրքում գրանցելու` ամբաստանյալներ Խ. Բախբուդարյանը և Ա. Բարսեղյանը տուժող Ռոբերտ Հովսեփյանին տարել են իրենց աշխատասենյակ, նրա հետ անցկացրել են օպերատիվ զրույց, հայտնել են իրենց ունեցած կասկածների մասին և պահանջել են խոստովանել չբացահայտված գողությունների դեպքերին նրա մասնակցելը։ Օպերատիվ զրույցի ընթացքում, երբ Ռոբերտ Հովսեփյանը հայտարարել է, որ գողություններ չի կատարել և գողություններից տեղեկություններ չունի` ամբաստանյալներ Խաչիկ Բախբուդարյանը և Արտակ Բարսեղյանն ակնհայտորեն դուրս գալով իրենց պաշտոնեական լիազորությունների շրջանակից` Ռոբերտ Հովսեփյանին ապօրինի պահել են աշխատասենյակում, ձեռնաշղթայով կապել են ձեռքերը և ծեծի ենթարկել` ոտքերով, ձեռքերով, մահակով հարվածելով նրա դեմքին և մարմնի այլ մասերին, ստիպել են խոստովանել նախկինում արձանագրված և չբացահայտված գողություններն իր կողմից կատարելու հանգամանքը։ Ամբաստանյալ Խ. Բախբուդարյանը ձեռքի ափով հարվածել է Ռ. Հովսեփյանի ձախ ականջին, որի հետևանքով տեղի է ունեցել ձախ ականջի թմբկաթաղանթի տրավմատիկ թափածակում և դրա արդյունքում Ռ. Հովսեփյանին պատճառվել է միջին ծանրության մարմնական վնասվածք։ Այդ ընթացքում Ռ. Հովսեփյանը ստացել է նաև բազմաթիվ քերծվածքներ և արյունազեղումներ, որոնք առանձին-առանձին վերցրած` առողջության թեթև վնասի հատկանիշներ չեն պարունակում։
Այնուհետև, ամբաստանյալներ Խաչիկ Բախբուդարյանը և Արտակ Բարսեղյանը կատարել են պաշտոնեական կեղծիք և կազմել են ակնհայտ կեղծ արձանագրություն այն մասին, իբրև թե Ռոբերտ Հովսեփյանին ՀՀ ոստիկանության Երևան քաղաքի վարչության Կենտրոնականի բաժին բերման են ենթարկել 2012թ. հոկտեմբերի 4-ին, ժամը 15։00-ին և այդ հանգամանքը գրանցել են բերման ենթարկված անձանց հաշվառման գրքում։
Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է հետևյալը.
- ամբաստանյալ Խաչիկ Բախբուդարյանը նախկինում դատված չի եղել, բնութագրվում է դրական, խնամքին ունի մինչև տասնչորս տարեկան մեկ երեխա, հանդիսանում է Հայաստանի ձյուդոյի ֆեդերացիայի կարգապահական հանձնաժողովի փոխնախագահը, ունի ձյուդոյի «սև գոտի 2-րդ դան» որակավորում,
- ամբաստանյալ Արտակ Բարսեղյանը նախկինում դատված չի եղել, բնութագրվում է դրական, խնամքին ունի մինչև տասնչորս տարեկան մեկ երեխա։

Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Տուժող Ռոբերտ Կոնստանտինի Հովսեփյանի ցուցմունքներով այն մասին, որ որևէ հիվանդությամբ չի տառապում, պարզապես ունի թույլ ներվեր։ 2012թ. հոկտեմբերի 3-ին, ժամը 23։00-ի սահմաններում, Քերոբ Սիմոնյանի, Վահան Թորոսյանի, Կարեն Մովսիսյանի և Ալբերտ Ղազարյանի հետ միասին, Երևանի Ռոստովյան փողոցում գտնվող առևտրի կրպակից գնումներ կատարելու ժամանակ, իրենց են մոտեցել մի խումբ անձինք և առանց ներկայանալու, որ ոստիկանության աշխատակիցներ են, բռնությամբ իրենց պառկեցրել են գետնին, ձեռնաշղթայով կապել են ձեռքերը և նստեցնելով ավտոմեքենաները՝ բերման են ենթարկել ՀՀ ոստիկանության Երևան քաղաքի վարչության Կենտրոնականի բաժին։ Օպերլիազորներ Խաչիկ Բախբուդարյանը, Արտակ Բարսեղյանը և երկու այլ աշխատակիցներ ոստիկանության բաժնի երկրորդ հարկում գտնվող աշխատասենյակում ծեծել են իրեն, ձեռքերով, ոտքերով և մահակով հարվածել են մարմնի տարբեր մասերին և այլ բռնի գործողություններով ստիպել են խոստովանել բնակարաններից կատարված գողությունների մեջ իր մասնակցությունը։ Նրանց փորձել է բացատրել, որ արդեն ուղղվել է, այլևս հանցագործություններ չի կատարում և այդ գողություններից տեղյակ չէ, սակայն Խաչիկ Բախբուդարյանը, Արտակ Բարսեղյանը և մյուս երկու ոստիկաններն իրեն չեն հավատացել և շարունակել են իրեն ծեծել։ Իր գլուխն Արտակ Բարսեղյանը սեղմել է ոտքերի միջև և զենքով հարվածներ է հասցրել իր գլխին։ Խաչիկ Բախբուդարյանը ձեռքերի ափով հարվածել է իր ականջին և վնասել թմբկաթաղանթը։ Ոստիկանության բաժնում գտնվող, կնոջ հագուստներ կրող հոմոսեքսուալիստ տղայի միջոցով սպառնացել են իր նկատմամբ բռնություններ գործադրել և նվաստացնել իրեն։ Չդիմանալով գործադրված բռնություններին, պատիվն ու արժանապատվությունը նվաստացնող վերաբերմունքին և հոգեբանական ճնշումներին՝ խոստովանել է, իբրև թե ինքն է կատարել գողությունները։
2012թ. հոկտեմբերի 4-ին, ժամը 13։00-ի սահմաններում, իրեն տեսել է քրեական հետախուզության բաժանմունքի պետ Արթուր Մկրտչյանը։ Նա տեղյակ է եղել, որ ինքը պատրաստակամություն է հայտնել խոստովանել, որ ինքն է կատարել գողությունները։ Վերջինիս թույլտվությամբ աշխատասենյակի հեռախոսից զանգահարել է տուն, խոսել է մոր հետ և խնդրել ոստիկանության բաժին ներկայացնել անձը հաստատող փաստաթուղթ։ Որոշ ժամանակ հետո քննիչն արձանագրել է իր խոստովանական ցուցմունքը և իրեն ձերբակալել է։ ՀՀ ոստիկանության ՁՊՎ տանելուց առաջ իրեն ուղեկցել են Արթուր Մկրտչյանի աշխատասենյակ։ Վերջինս մի քանի բաժակ կոնյակ է տվել և առաջարկել է խոստովանել նաև չբացահայտված այլ գողությունների դեպքեր։ ՁՊՎ-ում առանձին խուց տանելուց անմիջապես հետո մետաղի կտորով վնասել է ձեռքը, փորձել է այդ եղանակով իր վրա ուշադրություն հրավիրել, քանի որ ինքնախոստովանական ցուցմունքը տվել է բռնության արդյունքում և իրեն անհիմն են ձերբակալել։
/դատական նիստի արձանագրություն, հատոր 1, գ.թ. 25-28, 69-74, 192-193, 210-216, 280-283, հատոր 2, գ.թ. 49-55, 56-61, 198-201/
Վկա Նարինե Սրապիոնի Ասատրյանի ցուցմունքներով այն մասին, որ հանդիսանում է տուժող Ռոբերտ Հովսեփյանի մայրը։ 2012թ. հոկտեմբերի 3-ին, ժամը 20։00-ի սահմաններում, Ռոբերտ Հովսեփյանը տնից դուրս է եկել և խոստացել է երկու ժամից վերադառնալ, սակայն տուն չի վերադարձել և նրա գտնվելու վայրի մասին ինքը տեղեկություններ չի ունեցել։ Հոկտեմբերի 4-ին, ժամը 13։00-ի սահմաններում, Ռոբերտը զանգահարել է իրենց տան 010-64-83-65 հեռախոսահամարին, հայտնել է, որ գտնվում է ՀՀ ոստիկանության Կենտրոնականի բաժնում և խնդրել է բաժին ներկայացնել անձը հաստատող փաստաթուղթ։ Որդու խոսքը կիսատ է մնացել և այնպիսի տպավորություն է ստեղծվել, որ կարծես թե նրան թույլ չեն տվել երկար խոսել։ Վերցնելով որդու զինվորական գրքույկը՝ ամուսնու հետ գնացել են ՀՀ ոստիկանության Կենտրոնականի բաժին, որտեղ հերթապահը թերթելով բերման ենթարկված անձանց գրանցման գիրքը` ասել է, որ «Ռոբերտ Հովսեփյան» տվյալներով անձ բաժին չի բերվել։ Որոշակի ճշտումներից հետո պարզվել է, որ Ռոբերտ Հովսեփյանը ոստիկանության բաժնում է, սակայն իրեն թույլ չեն տվել տեսակցել նրա հետ։ Առանց որդուն տեսնելու, ժամը 22։00-ի սահմաններում գնացել է տուն, իսկ առավոտյան իրեն տեղեկացրել են, որ Ռոբերտը գտնվում է ՁՊՎ-ում։ Անմիջապես զանգահարել է Մարդու իրավունքների պաշտպանի գրասենյակ և տեղեկացրել, որ իր որդուն ապօրինի տարել են ՀՀ ոստիկանության Կենտրոնականի բաժին և մի ամբողջ օր ապօրինի պահել են այնտեղ։ Մարդու իրավունքների պաշտպանի գրասենյակի աշխատակիցներից տեղեկացել է, որ Ռոբերտին կասկածում են գողություններ կատարելու մեջ և նրա նկատմամբ բռնություն է կիրառվել։ Իմանալով, որ Ռոբերտին ՀՀ ոստիկանության ՁՊՎ-ից տարել են քննչական բաժին` գնացել և քննչական բաժնի միջանցքում, քննիչի աշխատասենյակ տանելու ժամանակ տեսել է նրան։ Ռոբերտի դեմքին եղել են կապտուկներ և քերծվածքներ։ Նա քայլել է դժվարությամբ և կողոսկրերը բռնած վիճակում։ Երբ փորձել է մոտենալ և գրկել Ռոբերտին` վերջինս ասել է. «Մամ, մի կպիր, կողերս ցավում են»։
2012թ. հոկտեմբերի 3-ին, ժամը 20։00-ի սահմաններում, երբ Ռոբերտը տնից դուրս է եկել` նրա մարմնի վրա որևէ վնասվածք չի եղել։
/դատական նիստի արձանագրություն, հատոր 1, գ.թ. 113-116/
Վկա Քերոբ Արթուրի Սիմոնյանի ցուցմունքներով այն մասին, որ 2012թ. հոկտեմբերի 3-ին, ժամը 22։00-ի սահմաններում, Ռոբերտ Հովսեփյանի, Կարեն Մովսիսյանի, Վահան Թորոսյանի և Ալբերտ Ղազարյանի հետ միասին, իր անձնական ավտոմեքենայով «Վստրեչի» խաչմերուկի ուղղությամբ գնալու ժամանակ ավտոմեքենան կանգնեցրել է Ռոստովյան փողոցում գտնվող առևտրի կրպակներից մեկի մոտ՝ ծխախոտ և գարեջուր գնելու համար։ Գնումներ կատարելու պահին մի խումբ անձինք հարձակվել են իրենց վրա, ոլորելով ձեռքերը՝ նստեցրել են ավտոմեքենան և տարել ՀՀ ոստիկանության Կենտրոնականի բաժին։ Ոստիկանության շենքի երկրորդ հարկի աշխատասենյակներից մեկում իրեն խուզարկել են և առգրավել 099-57-57-35 հեռախոսահամարով բջջային հեռախոսը։ Ոստիկանության աշխատակիցները պահանջել են խոստովանել, իբրև թե Ռոբերտ Հովսեփյանի հետ միասին բնակարաններից գողություններ է կատարել։ Մի ամբողջ օր իրեն պահել են ոստիկանության աշխատասենյակներից մեկում և ոչ մի կերպ չի կարողացել հարազատներին տեղյակ պահել իր գտնվելու վայրի մասին։ Հոկտեմբերի 4-ին, ժամը 12։00-ի սահմաններում, երբ ոստիկանների աշխատասենյակում մնացել է միայնակ, օգտվելով ստեղծված հնարավորությունից` աշխատասեղանի վրայից վերցրել է ոստիկաններից մեկի բջջային հեռախոսը, զանգահարել է իր հորեղբայր Սանթուր Սիմոնյանի 077-52-00-52 հեռախոսահամարին և տեղեկացրել նրան, որ գտնվում է ՀՀ ոստիկանության Կենտրոնականի բաժնում։ Ոստիկանությունում գտնվելու ժամանակ, երբ իրեն տարել են զուգարան, տեսել է Ռոբերտ Հովսեփյանին` ծեծված և արյունոտված վիճակում։ Մինչև ոստիկանության բաժին բերման ենթարկվելը` Ռ. Հովսեփյանը վնասվածք չի ունեցել։
2011 թվականից հաշվառված լինելով նարկոլոգիական դիսպանսերում՝ օրական ստացել է «մետադոն» տեսակի դեղամիջոց, սակայն 2012 թվականի հոկտեմբերի 4-ին նարկոլոգիական դիսպանսեր չի գնացել և դեղամիջոց չի ստացել՝ ոստիկանության բաժնում իրեն ապօրինի պահելու պատճառով։ Ինքը ոստիկանության աշխատակիցների հետ երբևէ չի համագործակցել։
/դատական նիստի արձանագրություն, հատոր 1, գ.թ.117-119/
Վկա Կարեն Սերյոժայի Մովսիսյանի ցուցմունքներով այն մասին, որ 2012թ. հոկտեմբերի 3-ին, ժամը 23։00-ի սահմաններում, Երևանի Ռոստովյան փողոցում գտնվող կրպակից գնումներ կատարելու ժամանակ իրեն, Ռոբերտ Հովսեփյանին, Քերոբ Սիմոնյանին, Վահան Թորոսյանին և Ալբերտ Ղազարյանին բերման են ենթարկել ՀՀ ոստիկանության Կենտրոնականի բաժին և ապօրինի պահել մինչև հոկտեմբերի 4-ը, ժամը 24։00-ը։ Խուզարկությամբ իրենից առգրավել են 091-74-12-65 հեռախոսահամարով իր բջջային հեռախոսը և հետաքրքրվել, թե ինչ գողություններ է կատարել։ Ոստիկանության բաժնում իր նկատմամբ բռնություն չի գործադրվել։ Դեպքի օրը ինքը եղել է ալկոհոլ գործածած վիճակում։ Մինչև ոստիկանության բաժին բերման ենթարկվելը Ռոբերտ Հովսեփյանի դեմքին վնասվածքներ և կապտուկներ չի տեսել։
/դատական նիստի արձանագրություն, հատոր 1, գ.թ.145-147/
Վկա Վահան Ալբերտի Թորոսյանի նախաքննական ցուցմունքով այն մասին, որ 2012թ. հոկտեմբերի 3-ին, ժամը 23։00-ի սահմաններում, Ռոբերտ Հովսեփյանի, Կարեն Մովսիսյանի, Ալբերտ Ղազարյանի և Քերոբ Սիմոնյանի հետ միասին, վերջինիս ավտոմեքենայով, Երևանի Ռոստովյան փողոցով ընթանալու ժամանակ, Քերոբ Սիմոնյանն ավտոմեքենան կանգնեցրել է կրպակներից մեկի մոտ՝ ծխախոտ և գարեջուր գնելու համար։ Գնումներ կատարելու ժամանակ, 6-ից 7 անձինք, առանց որևէ բան ասելու, հարձակվել են իրենց վրա, պառկեցրել են գետնին և ոլորելով ձեռքերը՝ նստեցրել են ավտոմեքենաներն ու տարել ՀՀ ոստիկանության Կենտրոնականի բաժին։ Երկրորդ հարկում գտնվող աշխատասենյակներից մեկում խուզարկել են իրեն և առգրավել 055-37-18-17 հեռախոսահամարով իր բջջային հեռախոսը։ Շուրջ մեկ օր իրեն պահել են ոստիկանությունում և ոչ մի կերպ չի կարողացել հարազատներին տեղյակ պահել իր գտնվելու վայրի մասին։ Մինչև ոստիկանության բաժին բերման ենթարկելը` Ռոբերտ Հովսեփյանի վրա մարմնական վնասվածքներ և կապտուկներ չեն եղել։
/հատոր 3, գ.թ.1-4/
Վկա Վահան Ալբերտի Թորոսյանը դատարանում ցուցմունք տվեց այն մասին, որ ոստիկանության բաժնում մնացել է ընդամենը 3 ժամ և գիշերն այնտեղ չի անցկացրել։ Բերման ենթարկվելիս` իրենք դիմադրություն ցույց չեն տվել և փախուստի չեն դիմել։ Հանգիստ նստել են ավտոմեքենան և գնացել ոստիկանության բաժին։ Ինքը քննիչին չի հայտնել, որ իրենց բռնի ուժով են տարել ոստիկանության բաժին։ Դեպքի օրը գտնվել է ակլոհոլ գործածած վիճակում։ Չի հիշում, թե օրվա որ ժամին են բերման ենթարկվել, սակայն հաստատապես հիշում է, որ դրսում մութ չի եղել։ Իր նախաքննական ցուցմունքը գրել է քննիչը, որն ամբողջությամբ չի կարդացել և ստորագրել է։ Իր հարցաքննության ժամանակ իր նկատմամբ բռնություն չի գործադրվել։
/դատական նիստի արձանագրություն/
Վկա Ֆեդիկ Բագրատի Ունուսյանի նախաքննական ցուցմունքով այն մասին, որ 2012թ. հոկտեմբերի 3-ին, ժամը 23։00-ի սահմաններում, երբ մութն ընկած է եղել և վառել է կրպակի լույսերը, գնումներ կատարելու համար իր կրպակին երիտասարդներ են մոտեցել։ Րոպեներ հետո մոտեցել են մի քանի ավտոմեքենաներ, որոնց միջից իջել են 7-ից 8 անձինք և «պառկեք» բղավելով՝ հարձակվել են այդ երիտասարդների վրա։ Նշված անձինք այդ երիտասարդներին պառկեցրել են գետնին, որից հետո նստեցրել են ավտոմեքենաները և տարել։ Գնորդների վրա հարձակվող անձինք չեն ներկայացել, որ իրենք ոստիկանության աշխատակիցներ են։ Որևէ խոսակցություն նրանց միջև չի եղել և գնորդներն այդ անձանց չեն դիմադրել։
/հատոր 1, գ.թ.194-195/
Վկա Ֆեդիկ Բագրատի Ունուսյանը դատարանում ցուցմունք տվեց այն մասին, որ դեպքի օրը, մի խումբ տղաներ ցանկացել են գնումներ կատարել իր կրպակից, սակայն այդ պահին մոտեցել են մի խումբ տղաներ և վիճաբանություն է սկսվել։ Չի տեսել, որ ինչ-որ մեկը փախուստի դիմի։ Չի լսել նաև, որ այդ անձինք ներկայանան, որ ոստիկանության աշխատակիցներ են։ Նախաքննության ժամանակ քննիչն է իրեն պատմել իրողությունը և ինքը հավատալով իրավապահ մարմիններին` ստորագրել է իր ցուցմունքի տակ։ Հարցաքննության ժամանակ քննիչի կողմից սպառնալիքներ չեն եղել։ Իր հիշելով դեպքի օրը դրսում լույս է եղել։ Հնարավոր է, որ էլեկտրական լուսավորություն է եղել կամ արևի և լուսնի լուսավորումն է եղել։ Ամեն դեպքում տեսանելի է եղել։
/դատական նիստի արձանագրություն/
Վկա Սանթուր Վաչագանի Սիմոնյանի ցուցմունքներով այն մասին, որ 2012թ. հոկտեմբերի 4-ին, ժամը 11։00-ի սահմաններում, իր 077-52-00-52 հեռախոսահամարին 098-96-10-96 հեռախոսահամարից զանգահարել է իր եղբոր որդի Քերոբ Սիմոնյանը և տեղեկացրել, որ գտնվում է ՀՀ ոստիկանության Կենտրոնականի բաժնում։ Այդ մասին անմիջապես հեռախոսով տեղյակ է պահել իր եղբորը` Քերոբի հորը։ Վերջինս Նարկոլոգիական կլինիկայում սպասել է Քերոբին, որպեսզի նա ներկայանա կլինիկա` դեղաբաժին ստանալու համար։ Եղբայրը հայտնել է, որ Քերոբը գիշերը տուն չի եկել։ 098-96-10-96 հեռախոսահամարից նախկինում իրեն չեն զանգահարել և այդ հեռախոսահամարն իրեն անծանոթ է։
/դատական նիստի արձանագրություն, հատոր 1, գ.թ. 273-274/
Վկա, ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժանմունքի ավագ օպերլիազոր Սամվել Լյուդվիգի Առաքելյանի նախաքննական ցուցմունքով այն մասին, որ իր աշխատասենյակի հեռախոսահամարն է 53-54-51։ Այդ հեռախոսահամարից օգտվել են նաև քրեական հետախուզության բաժանմունքի այլ աշխատասենյակներում տեղադրված հեռախոսներից, իսկ իր բջջային հեռախոսի հեռախոսահամարն է` 098-96-10-96։ 2012թ. հոկտեմբերի 4-ին տեղեկացել է, որ գողություն կատարելու կասկածանքով ոստիկանության բաժին բերման են ենթարկվել հինգ անձինք։ Նրանցից ճանաչել է միայն Քերոբ Սիմոնյանին, ում հետ ունեցել է օպերատիվ զրույց։ Վերջինիս հորեղբայր Սանթուր Սիմոնյանին չի ճանաչել, երբևէ նրան չի զանգահարել։ Ինքը չգիտի, թե ինչ հանգամանքներում է իր 098-96-10-96 հեռախոսահամարից 2012թ. հոկտեմբերի 4-ին, ժամը 11։42։49-ին և 11։43։35-ին ելքային հեռախոսազանգեր կատարվել Սանթուր Սիմոնյանի 077-52-00-52 հեռախոսահամարին։
/հատոր 1, գ.թ. 275-277/
Վկա Սամվել Լյուդվիգի Առաքելյանը դատարանում ցուցմունք տվեց այն մասին, որ 2012թ. հոկտեմբերի 4-ի առավոտյան, ոստիկանության բաժնում տեղի ունեցած խորհրդակցությունից հետո տեղեկացել է, որ Ռոբերտ Հովսեփյանին և մի խումբ անձանց պետք է բերման ենթարկեն և նրանց մեջ է լինելու նաև Քերոբ Սիմոնյանը։ Ինքը Ք. Սիմոնյանին ճանաչում է շատ վաղուց և նա համագործակցել է իր հետ։ Այնուհետև տեղեկացել է, որ ժամը 15։00-ից 15։30-ի սահմաններում Ք. Սիմոնյանին բերման են ենթարկել ոստիկանության բաժին։ Նրա հետ իրականացրել է համապատասխան աշխատանքներ` դեպքի հանգամանքները պարզելու համար։ Քերոբից տեղեկացել է, որ Ռոբերտ Հովսեփյանը մի շարք հանցագործություններ է կատարում, այդ թվում` բնակարանային գողություններ։ Նույն օրը երեկոյան, Քերոբ Սիմոնյանը և նրա երեք ընկերներն ազատ են արձակվել, իսկ Ռոբերտը` ձերբակալվել է։ Նշված օրը, մինչև նրանց բերման ենթարկելը, ինքը զանգահարել է Ք. Սիմոնյանին, սակայն հեռախոսազանգին պատասխանել է անծանոթ տղամարդ, որին խնդրել է փոխանցել Քերոբին` կապնվել իր հետ կամ գալ ոստիկանության բաժին։ Նախաքննության ժամանակ հարցաքննվելիս` չի հայտնել իր և Քերոբի միջև առկա կապի մասին, քանի որ դա համարել է ծառայողական գաղտնիք։ Բացի այդ հանգամանքից` իր նախաքննական ցուցմունքում նշված մյուս տեղեկություններն ամբողջությամբ համապատասխանում են իրականությանը։
/դատական նիստի արձանագրություն/
Դատաբժշկական փորձաքննության 2012թ. նոյեմբերի 09-ի թիվ 3087 եզրակացությամբ, որի համաձայն` «Ռ.Հովսեփյանի ստացած մարմնական վնասվածքները՝ ձախ ականջի թմբկաթաղանթի տրավմատիկ թափածակման, քթի մեջքի, աջ արմնկային հոդի հետին մակերեսի, ձախ նախաբազկի ստորին երրորդի դրսային մակերեսի, զույգ նախաբազուկների առաջային, միջին, ստորին մակերեսների, որովայնի առաջային մակերեսի քերծվածքների, ձախ բազկի վերին երրորդի առաջային մակերեսի, ձախ բազկի միջին երրորդի հետին մակերեսի, ձախ թիակային շրջանի դրսային մակերեսի, կրծքավանդակի հետին մակերեսի, կրծքավանդակի աջ կեսի, աջ բազկի միջին երրորդի հետին մակերեսի, ձախ սրունքի վերին երրորդի հետին մակերեսի արյունազեղումների ձևերով հասցվել են բութ, կոշտ առարկաներով, որոնք, ընդհանուր վերցրած, պատճառել են առողջությանը միջին ծանրության վնաս՝ առողջության տևական քայքայումով, նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը 21 օրից ավելի։ Իսկ առանձին-առանձին վերցրած արյունազեղումները առողջության թեթև վնասի հատկանիշներ չեն պարունակում, իսկ թմբկաթաղանթի տրավմատիկ թափածակումը պատճառել է առողջությանը միջին ծանրության վնաս՝ առողջության տևական քայքայումով։ Վերը նշված վնասվածքները` ականջի թմբկաթաղանթի թափածակումը անմիջական հարվածի /բարոտրավմաի/ հետևանք է, իսկ արյունազեղումները և քերծվածքները կարող էին առաջանալ ինչպես վայր ընկնելուց, այնպես էլ ոստիկանության աշխատակիցների կողմից նշված պայմաններում։»։
/հատոր 1, գ.թ. 231-233/
Պաշտպան Լ. Սիմոնյանի միջնորդությամբ դատարանում հարցաքննված փորձագետ Աշոտ Դալլաքյանը ցուցմունք տվեց այն մասին, որ Ռ.Հովսեփյանի նկատմամբ կատարված դատաբժշկական փորձաքննությունը երկար է տևել, քանի որ ինքը քիթ-կոկորդ-ականջաբանից պահանջել է մանրամասն բացատրություն, սակայն այն չի ստացել և ստիպված է եղել նոյեմբերի 9-ին փակել եզրակացությունը։ Քիթ-կոկորդ-ականջաբանի բացատրությունը կարող էր էական նշանակություն ունենալ, քանի որ սկզբնական պատասխանում նշվել էր միայն թափածակումը, սակայն նշված չի եղել, թե այդ թափածակման շրջանում արյունազեղում եղել է, թե ոչ։ Այդ բացատրության առկայության դեպքում փորձաքննության հետևություններ բաժնում իր կողմից կարող էր նշվել թափածակման վաղեմությունը։ Տուժողի ականջն ինքը չի ուսումնասիրել։ Նրա գանգատների հիման վրա տվել է ուղեգիր, որպեսզի նեղ մասնագետի կողմից զննություն կատարվի։ Կատարվել է ռենտգեն հետազոտություն, որի արդյունքում տրավմատիկ փոփոխություններ չեն հայտնաբերվել։ Քիթ-կոկորդ-ականջաբանի կողմից հայտնաբերվել է հետտրավմատիկ պատռվածք, որը կարող է առաջանալ անմիջական հարվածի հետևանքով։ Փորձաքննության ժամանակ տուժողն ասել է, որ ոստիկաններն են իրեն հարվածել, բայց չի ասել, թե կոնկրետ ով է հարվածել։ Ականջի թմբկաթաղանթը նուրբ, էլաստիկ թաղանթ է, որը գտնվում է միջին ականջիկի մեջ և վակում առաջանալու արդյունքում կարող է պատռվել։ Տուժողի մյուս վնասվածքներն ունեցել են տարբեր մակերեսներ և կարող էին առաջանալ վայր ընկնելու և գլորվելու արդյունքում, սակայն մարմնի մի կողմի վրա ընկնելու հետևանքով այդ վնասվածքները չէին կարող առաջանալ։
Իր կողմից բացթողում է եղել` վարույթն իրականացնող մարմնին չի հայտնել, որ նեղ մասնագետի բացատրությունն անհրաժեշտ է թափածակման ստույգ տեղակայությունը ճշտելու համար։ Գտնում է, որ եթե առկա լինի քիթ-կոկորդ-ականջաբանի 18.10.2012թ. բացատրությունը, ապա կարող է տրվել լրացուցիչ եզրակացություն։
/դատական նիստի արձանագրություն/
Պաշտպան Լ. Սիմոնյանի միջնորդությամբ, դատական քննության ընթացքում նշանակվել է դատաբժշկական լրացուցիչ փորձաքննություն և պարզաբանման համար փորձագետին առաջադրվել են հետևյալ հարցերը.
1. Տուժող Ռոբերտ Հովսեփյանի ականջի թմբկաթաղանթի տրավմատիկ թափածակման (վնասվածքի) վաղեմության ժամկետը համապատասխանում է նրա կողմից նկարագրված դեպքի օրվան, թե ոչ։
2. Տուժող Ռոբերտ Հովսեփյանի ականջի թմբկաթաղանթի տրավմատիկ թափածակման վնասվածքը կարող է առաջանալ երկու ձեռքերի ափերով երկու ականջներին միաժամանակյա հարվածի հետևանքով, թե ոչ։
Դատաբժշկական լրացուցիչ փորձաքննության 2013թ. հուլիսի 31-ի թիվ 2237 եզրակացության համաձայն`
«1. Ռ. Հովսեփյանը դատաբժշկական փորձաքննության է ենթարկվել դեպքից 3 օր անց և նրան տրվել է քիթ-կոկորդ-ականջաբանի խորհրդատվության ուղեգիր։ Քիթ-կոկորդ-ականջաբանի կողմից Ռ. Հովսեփյանը խորհրդատվության է ենթարկվել դեպքից շուրջ 15 օր հետո և նրա կողմից տրված խորհրդատվության թերթիկում վնասվածքի` թմբկաթաղանթի թափածակման վաղեմության մասին գրառումներ չեն կատարվել, այսինքն չի որոշվել թափածակման վաղեմությունը։
Ուստի ելնելով վերոգրյալից, ինչպես նաև այլ բժշկական փաստաթղթերի բացակայության պատճառով առաջնային փորձաքննության ընթացքում, ինչպես նաև ներկայիս փորձաքննությամբ ձախ թմբկաթաղանթի թափածակման վաղեմությունը որոշել հնարավոր չէ։
2. Եթե երկու ափերով նույն ուժով միաժամանակ ականջախեցիների շրջաններում հասցվեն հերմետիկ հարվածներ, կարող են առաջանալ թմբկաթաղանթների երկկողմանի պատռվածքներ` թափածակումներ, իսկ ափերից որևիցե մեկի ոչ հերմետիկության դեպքում վնասվում է միայն մեկ ականջի թմբկաթաղանթը։»։
/դատական նիստի արձանագրություն/
ՀՀ ոստիկանության Երևան քաղաքի վարչության ՁՊՎ-ում Ռոբերտ Հովսեփյանին բուժզննության ենթարկելու վերաբերյալ կազմված փաստաթղթերով, որոնց համաձայն` 2012թ. հոկտեմբերի 4-ին, ժամը 22.30-ին, ՀՀ ոստիկանության Երևան քաղաքի վարչության ՁՊՎ ընդունվելու ժամանակ, Ռոբերտ Հովսեփյանը ենթարկվել է բուժզննության և արձանագրվել է, որ նրա ձախ աչքի տակ առկա է կապտուկ, իսկ ձախ այտին, ուսին և ձախ ձեռքի տակ առկա են կարմրավուն հետքեր։ Վերքերը մշակվել են յոդով, վիրակապվել և տրվել է ցավազրկող։ Բացի այդ, 2012թ. հոկտեմբերի 4-ին, ժամը 23։36-ից մինչև 23։55-ն ընկած ժամանակահատվածում, Շտապբուժօգնության անձնակազմը ՀՀ ոստիկանության Երևան քաղաքի վարչության ՁՊՎ-ում բժշկական օգնություն է ցույց տվել Ռոբերտ Հովսեփյանին և արձանագրել, որ նրա ձախ նախաբազկի շրջանում առկա են բազմաթիվ քերծված վերքեր և նրա բերանից ալկոհոլի հոտ է եկել։
Արձանագրված վնասվածքների վերաբերյալ վարույթն իրականացնող մարմնին տրվել է իրազեկում։
/հատոր 1 գ.թ. 57-59, 80, 169-170. 179-180, 184-186/
Առգրավում կատարելու մասին 2012թ. հոկտեմբերի 31-ի արձանագրությամբ, որի համաձայն` Երևանի «Շտապբուժօգնություն» ՓԲԸ-ից առգրավվել և որպես այլ փաստաթուղթ` ապացույց են ճանաչվել 2012թ. հոկտեմբերի 4-ին, ՀՀ ոստիկանության ՁՊՎ-ում և 2012թ. հոկտեմբերի 6-ին, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում Ռոբերտ Հովսեփյանին բժշկական օգնություն ցուցաբերելու վերաբերյալ թիվ 481 և 238 կանչի թերթիկները։ Թիվ 481 կանչի թերթիկի համաձայն` Ռոբերտ Հովսեփյանի ձախ նախաբազկի շրջանում առկա են եղել բազմաթիվ քերծված վերքեր, բերանից եկել է ալկոհոլի հոտ, իսկ թիվ 238 թերթիկի համաձայն` Ռոբերտ Հովսեփյանը գանգատվել է կրծքավանդակի ձախ կողմի շրջանի և ձախ ականջի ցավերից, շնչելու դժվարությունից, ինչի պատճառը, ըստ Ռ. Հովսեփյանի հայտարարության` հանդիսացել է ծեծը։
/հատոր 1, գ.թ. 122-124, հատոր 2, գ.թ. 152-155/
Անձնական խուզարկության ենթարկելու մասին 2012թ. հոկտեմբերի 04-ի արձանագրությամբ, որի համաձայն` Վահան Ալբերտի Թորոսյանի անձնական խուզարկությամբ, նրա տաբատի ձախ գրպանից հայտնաբերվել է «Ալքաթել» մոդելի, 357259035592 գործարանային համարով բջջային հեռախոս, որի մեջ տեղադրված է եղել 055-37-18-17 հեռախոսահամարը։
/հատոր 1, գ.թ. 42/
Անձնական խուզարկության ենթարկելու մասին 2012թ. հոկտեմբերի 04-ի արձանագրությամբ, որի համաձայն` Ալբերտ Միքայելի Ղազարյանի անձնական խուզարկությամբ հայտնաբերվել է «Սամսունգ» մոդելի, 358949017545019 գործարանային համարով բջջային հեռախոս, որի մեջ տեղադրված է եղել 091-70-58-10 հեռախոսահամարը։
/հատոր 1, գ.թ. 44/
Անձնական խուզարկության ենթարկելու մասին 2012թ. հոկտեմբերի 04-ի արձանագրությամբ, որի համաձայն` Քերոբ Արթուրի Սիմոնյանի անձնական խուզարկությամբ հայտնաբերվել է «Նոկիա» մոդելի, 352287044559915 գործարանային համարով բջջային հեռախոս, որի մեջ տեղադրված է եղել 099-57-57-35 հեռախոսահամարը։
/հատոր 1, գ.թ. 46/
Անձնական խուզարկության ենթարկելու մասին 2012թ. հոկտեմբերի 04-ի արձանագրությամբ, որի համաձայն` Կարեն Սերյոժայի Մովսիսյանի անձնական խուզարկությամբ հայտնաբերվել է «Սամսունգ» մոդելի, 35321504105936/8 գործարանային համարով բջջային հեռախոս, որի մեջ տեղադրված է եղել 091-74-12-65 հեռախոսահամարը։
/հատոր 1, գ.թ. 48/
Անձնական խուզարկության ենթարկելու մասին 2012թ. դեկտեմբերի 18-ի արձանագրությամբ, որի համաձայն` ամբաստանյալ Խաչիկ Բախբուդարյանի անձնական խուզարկությամբ հայտնաբերվել և առգրավվել է «Սամսունգ» մոդելի բջջային հեռախոս՝ 091-99-77-44 և 098-99-77-44 հեռախոսաքարտերով։
/հատոր 2, գ.թ. 146/
Անձնական խուզարկության ենթարկելու մասին 2012թ. դեկտեմբերի 18-ի արձանագրությամբ, որի համաձայն` ամբաստանյալ Արտակ Բարսեղյանի անձնական խուզարկությամբ հայտնաբերվել և առգրավվել է «Սամսունգ» մոդելի բջջային հեռախոս՝ 094-000-804 և 055-75-44-04 հեռախոսաքարտերով և «Ալքաթել» մոդելի բջջային հեռախոս` 095-55-32-28 հեռախոսաքարտով։
/հատոր 2 գ.թ.147/
Որպես այլ փաստաթուղթ` ապացույց ճանաչված, «Ղ-Տելեկոմ», «Արմենտել» և «Օրանժ Արմենիա» ՓԲ ընկերություններից ստացված, տուժող Ռոբերտ Հովսեփյանի բնակարանի 010-64-83-65, վկաներ Ալբերտ Ղազարյանի 091-70-58-10, Վահան Թորոսյանի 055-37-18-17, Կարեն Մովսիսյանի 091-74-12-65, Քերոբ Սիմոնյանի 099-57-57-35, Սանթուր Սիմոնյանի 077-52-00-52, ամբաստանյալներ Խաչիկ Բախբուդարյանի 091-99-77-44 և Արտակ Բարսեղյանի 094-00-48-04 հեռախոսահամարների 2012թ. հոկտեմբերի 3-ից մինչև 2012թ. հոկտեմբերի 7-ն ընկած ժամանակահատվածի մուտքային և ելքային հեռախոսազանգերի վերծանումներով, բաժանորդների վերաբերյալ տվյալներով, դրանց տեղանշման վերաբերյալ տեղեկությունները պարունակող էլեկտրոնային կրիչներով և վերծանումներով, որոնց համաձայն`
2012թ. հոկտեմբերի 4-ին, ժամը 13։10։27-ին, Ռոբերտ Հովսեփյանի բնակարանի 010-64-83-65 հեռախոսահամարին կատարվել է մուտքային հեռախոսազանգ ՀՀ ոստիկանության Կենտրոնականի բաժնի քրեական հետախուզության բաժանմունքի 010-53-54-81 հեռախոսահամարից և տեղի է ունեցել 55 վայրկյան տևողությամբ հեռախոսային խոսակցություն, որով հիմնավորվում է, որ տուժող Ռոբերտ Հովսեփյանը ՀՀ ոստիկանության Երևան քաղաքի վարչության Կենտրոնականի բաժին բերման է ենթարկվել ոչ թե 2012թ. հոկտեմբերի 4-ին, ժամը 15։00-ին, այլ` ավելի վաղ։
2012թ. հոկտեմբերի 3-ին, վկա Ալբերտ Ղազարյանի 091-70-58-10 հեռախոսահամարին վերջին մուտքային հեռախոսազանգը կատարվել է ժամը 22։30։15-ին, որից հետո այդ հեռախոսահամարից խոսակցություններ չեն եղել, գրանցվել է «Միշտ կապի մեջ» ծառայության 091-00-06-03 հեռախոսահամարը, իսկ կատարված մուտքային հեռախոսազանգերը սպասարկել է թիվ 10687 YE68 կայանը, որն ապահովում է նաև Երևանի Իսրայելյան փողոցի թիվ 41 հասցեում գտնվող, ՀՀ ոստիկանության Երևան քաղաքի վարչության Կենտրոնականի բաժնի շենքի ռադիոծածկույթը։ Այսինքն՝ այդ ժամից սկսած, վերոհիշյալ հեռախոսը գտնվել է ՀՀ ոստիկանության Երևան քաղաքի վարչության Կենտրոնականի բաժնում, որով հիմնավորվում է, որ Ռոբերտ Հովսեփյանը և մյուսները ՀՀ ոստիկանության Երևան քաղաքի վարչության Կենտրոնականի բաժին բերման են ենթարկվել ոչ թե 2012թ. հոկտեմբերի 4-ին, ժամը 15։00-ին, ինչպես նշված է բերման ենթարկելու մասին արձանագրություններում, այլ` 2012թ. հոկտեմբերի 3-ին, ժամը 23։00-ի սահմաններում։
2012թ. հոկտեմբերի 3-ին, վկա Քերոբ Սիմոնյանի 099-57-57-35 հեռախոսահամարին վերջին մուտքային հեռախոսազանգը կատարվել է ժամը 22։28։08-ին, որից հետո այդ հեռախոսահամարից խոսակցություններ չեն եղել, գրանցվել է «Միշտ կապի մեջ» ծառայության 091-00-06-03 հեռախոսահամարը, որի մուտքային հեռախոսազանգերը սպասարկել է թիվ 10687 YE68 կայանը, որն ապահովում է նաև Երևանի Իսրայելյան փողոցի թիվ 41 հասցեում գտնվող, ՀՀ ոստիկանության Երևան քաղաքի վարչության Կենտրոնականի բաժնի շենքի ռադիոծածկույթը։ Այսինքն՝ վերոհիշյալ հեռախոսը գտնվել է ՀՀ ոստիկանության Երևան քաղաքի վարչության Կենտրոնականի բաժնում, որով հիմնավորվում է, որ Ռոբերտ Հովսեփյանը և մյուսները ՀՀ ոստիկանության Երևան քաղաքի վարչության Կենտրոնականի բաժին բերման են ենթարկվել ոչ թե 2012թ. հոկտեմբերի 4-ին, ժամը 15։00-ին, այլ` 2012թ. հոկտեմբերի 3-ին, ժամը 23։00-ի սահմաններում։
2012թ. հոկտեմբերի 3-ին, վկա Վահան Թորոսյանի 055-37-18-17 հեռախոսահամարին վերջին հեռախոսազանգը կատարվել է ժամը 23։02-ին, որից հետո հեռախոսային խոսակցություններ տեղի չեն ունեցել։ 2012թ. հոկտեմբերի 4-ին, ժամը 11։43-ից մինչև ժամը 12։16-ն ընդունվել են 12 կարճ հաղորդագրություններ, կապը հաստատվել է Երևանի Մաշտոցի պողոտայի թիվ 2/2 հասցեում տեղադրված կայանի միջոցով, որն ապահովել է նաև Երևանի Իսրայելյան փողոցի թիվ 41 հասցեում գտնվող, ՀՀ ոստիկանության Երևան քաղաքի վարչության Կենտրոնականի բաժնի շենքի ռադիոծածկույթը։ Այսինքն՝ վերոհիշյալ հեռախոսը գտնվել է ՀՀ ոստիկանության Երևան քաղաքի վարչության Կենտրոնականի բաժնում, ինչը վկայում է այն մասին, որ Ռոբերտ Հովսեփյանը, Վահան Թորոսյանը և մյուսները ՀՀ ոստիկանության Երևան քաղաքի վարչության Կենտրոնականի բաժին բերման են ենթարկվել ոչ թե 2012թ. հոկտեմբերի 4-ին, ժամը 15։00-ին, այլ` 2012թ. հոկտեմբերի 3-ին, ժամը 23։00-ի սահմաններում։
2012թ. հոկտեմբերի 4-ին, ժամը 00։21։47-ին, 00։21։58-ին, 00։44։08-ին և 01։05։11-ին Կարեն Մովսիսյանի 091-74-12-65 հեռախոսահամարին կատարված հեռախոսազանգերը սպասարկել է Երևան քաղաքի Լեոյի փողոցի թիվ 54 հասցեում տեղակայված թիվ YE68 կայանը, որն ապահովում է նաև Երևանի Իսրայելյան փողոցի թիվ 41 հասցեում գտնվող, ՀՀ ոստիկանության Երևան քաղաքի վարչության Կենտրոնականի բաժնի ռադիոծածկույթը։ Ժամը 07։01։53-ի դրությամբ նշված հեռախոսահամարն անջատված է եղել, իսկ այդ ժամանակահատվածում ընդունված հաղորդագրությունները սպասարկել են Երևանի Լեոյի փողոցի թիվ 54, Մաշտոցի պողոտայի թիվ 2/2 հասցեներում և «Հրազդան» մարզադաշտում տեղակայված թիվ YE68, YE143, YE23 կայանները, որոնք ապահովել են նաև Երևանի Իսրայելան փողոցի թիվ 41 հասցեում գտնվող, ՀՀ ոստիկանության Երևան քաղաքի վարչության Կենտրոնականի բաժնի շենքի ռադիոծածկույթը։
2012թ. հոկտեմբերի 4-ին, ժամը 11։42։49-ին և 11։43։35-ին, վկա Սանթուր Սիմոնյանի 077-52-00-52 հեռախոսահամարին, ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժանմունքի ավագ օպերլիազոր, վկա Սամվել Առաքելյանի 098-96-10-96 հեռախոսահամարից կատարվել են մուտքային հեռախոսազանգեր, համապատասխանաբար` 14 և 17 վայրկյան տևողությամբ։
Ամբաստանյալ Արտակ Բարսեղյանի 094-00-48-04 հեռախոսահամարից 2012թ. հոկտեմբերի 4-ին, ժամը 00։09։35-ին, 02։30։46-ին, 02։32։47-ին, 04։32։23-ին կատարվել են ելքային, իսկ ժամը 00։00։52-ին, 00։26։27-ին, 02։05։22-ին, 04։31։18-ին, 05։20։43-ին, 09։31։04-ին և 10։46։51-ին՝ մուտքային հեռախոսազանգեր։ Դրանք սպասարկել են Երևան քաղաքի Պարոնյան փողոցի թիվ 4 հասցեում տեղակայված, թիվ 28305210011106, 28305210011103 և 28305210612005 կայանները, որոնք ապահովում են նաև Երևանի Իսրայելյան փողոցի թիվ 41 հասցեում գտնվող, ՀՀ ոստիկանության Երևան քաղաքի վարչության Կենտրոնականի բաժնի շենքի ռադիոծածկույթը, որով հիմնավորվում է, որ 2012թ. հոկտեմբերի 3-ի լույս 4-ի գիշերը, ամբաստանյալ Արտակ Բարսեղյանը գտնվել է ՀՀ ոստիկանության Երևան քաղաքի վարչության Կենտրոնականի բաժնում։
Ամբաստանյալ Խաչիկ Բախբուդարյանի 091-99-77-44 հեռախոսահամարից 2012 թվականի հոկտեմբերի 4-ին, ժամը 00։52։36-ին, 00։53։28-ին, 00։54։35-ին, 07։13։22-ին և 09։10։58-ին կատարվել են մուտքային և ելքային հեռախոսազանգեր, որոնք սպասարկել է թիվ YE68 կայանը, որը տեղակայված է Երևան քաղաքի Լեոյի փողոցի թիվ 54 հասցեում և ապահովում է նաև Երևանի Իսրայելյան փողոցի թիվ 41 հասցեում գտնվող, ՀՀ ոստիկանության Երևան քաղաքի վարչության Կենտրոնականի բաժնի շենքի ռադիոծածկույթը։ Այսինքն՝ ամբաստանյալ Խ. Բախբուդարյանն այդ ժամերին գտնվել է ՀՀ ոստիկանության Երևան քաղաքի վարչության Կենտրոնականի բաժնում։
/հատոր 1, գ.թ.199-206, 234-235, 244-272, հատոր 2, գ.թ. 65, 75, 76-102, 105-114, 150-151, 152-155, 245-246/
Որպես այլ փաստաթուղթ` ապացույց ճանաչված, ՀՀ ԱՆ «Հոգեբուժական բժշկական կենտրոն» ՓԲԸ-ի նարկոլոգիական կլինիկայի 2012 թվականի նոյեմբերի 08-ի թիվ 3098 գրությամբ, որի համաձայն` Քերոբ Արթուրի Սիմոնյանը նարկոլոգիական կլինիկայում հաշվառվել է 2010թ. մարտի 23-ին, «Հոգեկան և վարքային խանգարումներ ափիոնատիպ նյութերի գործածման հետևանքով։ Կախվածության համախտանիշ» ախտորոշմամբ։ 2011թ. նոյեմբերի 1-ից Քերոբ Սիմոնյանը ստացել է մեթադոնային փոխարինող բուժում` յուրաքանչյուր օր այցելելով նարկոլոգիական կլինիկայի կողմից իրականացվող մեթադոնային փոխարինող բուժման ծրագրի բաժանմունք և տեղում ընդունելով մեթադոնային փոխարինող բուժման ծրագրի բժիշկ-նարկոլոգների կողմից նշանակված մեթադոնի հիդրոքլորիդի օրական բուժական դեղաչափը։ 2012թ. հոկտեմբերի 4-ին Քերոբ Սիմոնյանը չի ընդունել մեթադոնի հիդրոքլորիդի օրական բուժական դեղաչափը, քանի որ չի ներկայացել մեթադոնային փոխարինող բուժման ծրագրի բաժանմունք։
Վերոհիշյալ գրությանը կից ներկայացվել են նաև Ք. Սիմոնյանի` 2012թ. սեպտեմբեր-հոկտեմբեր ամիսների նշանակման թերթիկների պատճենները, որոնց համաձայն` Քերոբ Սիմոնյանը միայն 2012թ. հոկտեմբերի 4-ին չի ներկայացել նարկոլոգիական կլինիկա։
/հատոր 1, գ.թ. 241-243, հատոր 2, գ.թ. 152-155/
Որպես այլ փաստաթուղթ` ապացույց ճանաչված, անձին ոստիկանության բաժին բերման ենթարկելու մասին 2012թ. հոկտեմբերի 04-ի արձանագրությամբ, որի համաձայն` 2012թ. հոկտեմբերի 04-ին, ժամը 15։00-ին, Ռոբերտ Կոնստանտինի Հովսեփյանը, Երևանի Ռոստովյան փողոցի թիվ 44 տան դիմացից բերման է ենթարկվել ՀՀ ոստիկանության Երևան քաղաքի վարչության Կենտրոնականի բաժին, իսկ նրա` մարմնական վնասվածքներ ունենալու վերաբերյալ նշումներ արձանագրության մեջ չեն կատարվել։
/հատոր 1, գ.թ. 39, հատոր 2, գ.թ. 152-155/
Իրեղեն ապացույցներ ճանաչված, ամբաստանյալ Խաչիկ Բախբուդարյանի` 091-99-77-44 և 098-99-77-44 հեռախոսաքարտերով «Սամսունգ» մոդելի բջջային հեռախոսով և ամբաստանյալ Արտակ Բարսեղյանի` 094-00-48-04, 055-75-44-04 և 095-55-32-28 հեռախոսաքարտերով «Սամսունգ» և «Ալքաթել» մոդելների բջջային հեռախոսներով։
/հատոր 2, գ.թ. 245-246/
Առաջադրված մեղադրանքում ամբաստանյալ Խաչիկ Անդրանիկի Բախբուդարյանն իրեն մեղավոր չի ճանաչել և ցուցմունքներ է տվել այն մասին, որ 2007թ.-ից ծառայում է ՀՀ ոստիկանության Երևան քաղաքի վարչության Կենտրոնականի բաժնում` որպես օպերլիազոր։ 2012թ.-ից բնակարանային գողությունների աճ է նկատվել Կենտրոն վարչական շրջանում, որի կապակցությամբ կատարվել են մի շարք գործողություններ։ Այնուհետև տեղեկացել են, որ Երևանի Թումանյան փողոցի 1-ին անցուղու 2-րդ նրբանցքի թիվ 28 շենքի թիվ 4 բնակարանի բնակիչ Ռ. Հովսեփյանը վերջերս է ազատվել պատժի կրումից և շարունակում է գողություններ կատարել։
2012թ. հունիսի 4-ին, Ռ. Հովսեփյանի վերաբերյալ կազմվել է օպերատիվ գործ, որի շրջանակներում կատարվել են համապատասխան գործողություններ։ Դրանից հետո, դատարանի որոշման հիման վրա գաղտնալսվել են Ռ. Հովսեփյանի հեռախոսային խոսակցությունները և պարզվել է, որ Ռ. Հովսեփյանը Կենտրոն վարչական շրջանի բնակարաններից գողություններ է կատարել։ Այնուհետև Ռ. Հովսեփյանի նկատմամբ իրականացվել է «արտաքին դիտում» օպերատիվ-հետախուզական միջոցառումը, որից հետո տեղեկություն է ստացվել այն մասին, որ հոկտեմբերի 4-ին նա գտնվելու է Երևանի Ռոստովյան փողոցի վրա։ Այդ մասին անմիջապես զեկուցել են բաժանմունքի պետին, կազմվել է օպերատիվ խումբ, որից հետո գնացել են դեպքի վայր։ Ավտոմեքենայից իջնելով` ներկայացել են, որ ոստիկանության աշխատակիցներ են, որից հետո Ռոբերտը դիմել է փախուստի։ Ինքն ու Արտակը վազել են նրա հետևից։ Նա չի ենթարկվել իրենց օրինական պահանջներին և փորձել է հագուստը հանելու միջոցով փախչել` բղավելով, որ չի գալու։ Իրենք փորձել են ֆիզիկական ուժի միջոցով նրան բերել ավտոմեքենայի կողմը, սակայն չի ստացվել։ Այդ ժամանակ Ռոբերտը վայր է ընկել, որից հետո ոլորել են նրա ձեռքերը և նստեցնելով Քերոբի ավտոմեքենան` տարել են ոստիկանության բաժին։ Այնտեղ իրենց դիմավորել է բաժանմունքի պետ Արթուր Մկրտչյանը, որը տեսնելով Ռոբերտին` հարցրել է, թե ինչ է պատահել, քանի որ Ռոբերտի դեմքը քաշքշուկի պատճառով կարմրած է եղել։ Իրենք պատասխանել են, որ Ռոբերտը փորձել է փախուստի դիմել։ Ա. Մկրտչյանը հանձնարարել է համապատասխան գրանցում կատարել և զեկուցագիր գրել կատարվածի մասին։ Ռ. Հովսեփյանին բարձրացրել են աշխատասենյակ, կազմել են բերման ենթարկելու մասին արձանագրություն և խուզարկել են նրան։ Դրանից հետո նրան իջեցրել են հերթապահ մաս, գրանցել են բերման ենթարկվածների վերաբերյալ համապատասխան մատյանում, որից հետո կրկին բարձրացրել են աշխատասենյակ։ Այնուհետև Ռոբերտի հետ կատարվել է օպերատիվ զրույց, որի ժամանակ նա խոստովանել է, որ Երևանի Կենտրոն վարչական շրջանի շուրջ 7 բնակարաններից գողություններ է կատարել։ Դրանից հետո հրավիրել են քննիչին և վերջինս հարցաքննել է Ռոբերտին, որից հետո նրան տարել են ՀՀ ոստիկանության ՁՊՎ։ Հոկտեմբերի 6-ին, ինքը, Արտակը և Սերգեյ Բասոյանը գնացել են ՀՀ ոստիկանության ՁՊՎ` Ռ. Հովսեփյանին քննչական բաժին ուղեկցելու համար, քանի որ այդ օրը նրան պետք է ներկայացնեին դատաբժշկի մոտ։ Այնտեղ տեղեկացել է, որ Ռ. Հովսեփյանը փորձել է ինքնավնասում կատարել։ ՀՀ ոստիկանության ՁՊՎ-ում են եղել նաև Մարդու իրավունքների պաշտպանի գրասենյակի աշխատակիցները, որոնք ինչ-որ գործողություններ են կատարել Ռոբերտի հետ։ Նրանց ներկայությամբ Ռոբերտն ասել է, որ իրեն ծեծի ենթարկող ոստիկանները ինքը և Արտակը չեն եղել։ Դրանից հետո Ռոբերտին տարել են դատաբժշկի մոտ։ Այնտեղ իրենց է մոտեցել Ռոբերտի փաստաբանը և ասել. «Տղեք, կարաք էս գողությունները ջրեք, որ բաժնի վրա չբողոքի»։ Ինքը պատասխանել է, որ ոչնչով չի կարող օգնել։ Դրանից հետո Ռոբերտին տարել են դատարան` նրա նկատմամբ կալանավորումը որպես խափանման միջոց ընտրելու համար։ Դատարանում Ռոբերտը ոչ ադեկվատ շարժումներ է կատարել և ցանկացել է ինքնավնասում կատարել։
2012թ. հոկտեմբերի 4-ին, ժամը 13։00-ի սահմաններում, իրենց աշխատասենյակից որևէ մեկը չի զանգահարել Ռոբերտի ծնողներին և անձը հաստատող փաստաթուղթ չի պահանջել։ Հնարավոր է, որ դա եղել է ստուգողական զանգ, որպեսզի պարզեն, թե Ռոբերտը տանն է, թե ոչ։
Մինչև նշված դեպքը` տուժողին չի ճանաչել։ Ինքը որևէ պատճառ չի ունեցել, որպեսզի ստիպի նրան խոստովանել կատարված գողությունները։
/դատական նիստի արձանագրություն, հատոր 1, գ.թ. 220-223, հատոր 2, գ.թ. 49-55, 120, 135, 159-160/
Առաջադրված մեղադրանքում ամբաստանյալ Արտակ Գարեգինի Բարսեղյանն իրեն մեղավոր չի ճանաչել և ցուցմունքներ է տվել այն մասին, որ 2002թ.-ից ծառայում է ոստիկանության համակարգում։ 2009թ.-ից աշխատում է ՀՀ ոստիկանության Երևան քաղաքի վարչության Կենտրոնականի բաժնում` որպես քրեական հետախուզության բաժանմունքի օպերլիազոր։ 2012թ. մայիսից Կենտրոն վարչական շրջանում նկատվել է բնակարանային գողությունների աճ։ Համապատասխան գործողությունների արդյունքում Ռ. Հովսեփյանի վերաբերյալ կազմվել է օպերատիվ գործ, գաղտնալսվել են նրա հեռախոսային խոսակցությունները։ 2012թ. հոկտեմբերի 4-ին տեղեկություն է ստացել այն մասին, որ Ռոբերտը և նրա ընկերները գտնվում են Երևանի Ռոստովյան փողոցում։ Բաժանմունքի պետ Արթուր Մկրտչյանի կողմից կազմվել է օպերատիվ խումբ, որից հետո գնացել են նշված վայր։ Այնտեղ մոտեցել են նրանց, ներկայացել են որպես ոստիկանության աշխատողներ։ Ալբերտն ու Ռոբերտը դիմել են փախուստի։ Ինքը, Խաչիկը և մեկ այլ օպերլիազոր, որին չի հիշում, բռնել են Ռ. Հովսեփյանին։ Նա անընդհատ ցանկացել է դուրս պրծնել իրենց ձեռքերից։ Այդ ժամանակ օգտագործվել է մարտավարական հնարք և Ռոբերտը վայր է ընկել, որից հետո նրան նստեցրել են Քերոբի ավտոմեքենան և տարել են ոստիկանության բաժին։ Այնտեղ իրենց դիմավորել է բաժանմունքի պետ Արթուր Մկրտչյանը, որը տեսնելով, որ Ռոբերտի դեմքը կարմրած է` հարցրել է, թե ինչ է պատահել։ Ռոբերտը պատասխանել է, որ ընկել է։ Ա. Մկրտչյանը հանձնարարել է զեկուցագիր գրել կատարվածի վերաբերյալ։ Այնուհետև Ռ. Հովսեփյանին բարձրացրել են աշխատասենյակ, գրել են համապատասխան զեկուցագիր, հերթապահ մասում գրանցել են նրան, որից հետո նրա հետ անցկացրել են օպերատիվ զրույց` 2 ժամ տևողությամբ։ Ռ. Հովսեփյանը պատմել է կատարած գողությունների մասին։ Դրանից հետո հրավիրել են քննիչին, որը հարցաքննել է Ռոբերտին։ Ինքը հարցաքննության ժամանակ պարբերաբար մտել է աշխատասենյակ, քանի որ Ռոբերտը իրեն վատ է զգացել և անընդհատ նրան ուղեկցել է զուգարան։ Հարցաքննությունից հետո Ռոբերտին տարել են ՀՀ ոստիկանության ՁՊՎ, իսկ հաջորդ օրը նրան տարել են դատաբժշկի մոտ, նարկոլոգիական դիսպանսեր և այլ քննչական գործողությունների։ Այդ ընթացքում Ռոբերտը մի քանի փաստաբան է փոխել, այնուհետև որպես պաշտպան ներգրավվել է փաստաբան Սարգիս Խաչատրյանին։ Վերջինս իրենց ասել է, որ գործը փակելու դեպքում Ռոբերտին կասի, որ չբողոքի։ Իրենք պատասխանել են, որ իրենք չեն կարող գործ փակել։
Ինքը որևէ պատճառ չի ունեցել Ռոբերտին ծեծելու համար, քանի որ իրենց միջև թշամություն չի եղել։ Մինչև նշված դեպքը` տուժողին չի ճանաչել և նրան առաջին անգամ տեսել է բերման ենթարկելիս։
/դատական նիստի արձանագրություն, հատոր 1, գ.թ. 226-230, հատոր 2, գ.թ. 56-61, 161-162/
Պաշտպանության կողմի միջնորդությամբ դատարանում որպես վկա հարցաքննված ներքոհիշյալ անձինք ցուցմունք տվեցին հետևյալի մասին.
Վկա Արթուր Խաչիկի Մկրտչյանը դատարանին հայտնեց, որ ՀՀ ոստիկանության Երևան քաղաքի վարչության Կենտրոնականի բաժնում աշխատել է շուրջ 10 տարի և այդ ընթացքում Ռոբերտ Հովսեփյանը պարբերաբար հայտնվել է ոստիկանության բաժնում։ 2012թ. հոկտեմբերի 04-ին, Ռ. Հովսեփյանին բերման ենթարկելու համար ստեղծվել է օպերատիվ խումբ։ Ստացվել է ստույգ տեղեկություն այն մասին, որ Ռոբերտն այդ օրը լինելու է Էրեբունի վարչական շրջանում` Ռոստովյան փողոցի վրա։ Երբ Ռ. Հովսեփյանին բերման են ենթարկել ոստիկանության բաժին` ինքը գտնվել է ոստիկանության բաժնի բակում։ Ռ. Հովսեփյանի դեմքին նկատել է կարմիր հետքեր։ Ինքը հարցրել է աշխատակիցներին, թե ինչ է պատահել Ռ. Հովսեփյանի հետ։ Նրանք պատասխանել են, որ Ռ. Հովսեփյանը բերման ենթարկվելու ժամանակ դիմել է փախուստի, վազելուց հետո վայր է ընկել և ստացել է այդ վնասվածքը։ Ինքը հարցրել է Ռոբերտին, թե արդյոք ճիշտ են ասում աշխատակիցները։ Ռոբերտը պատասխանել է, որ ճիշտ են ասում։
Ռ. Հովսեփյանին ուղեկցել են աշխատասենյակ և կազմվել է համապատասխան արձանագրություն, ինչպես նաև գրվել է զեկուցագիր` նրա կողմից ստացած մարմնական վնասվածքների վերաբերյալ։ Դրանից հետո բաժնի աշխատակիցները շուրջ մեկուկես ժամ նրա հետ օպերատիվ աշխատանք են կատարել։ Քանի որ արդեն իսկ հարուցված է եղել քրեական գործ` բնակարանային գողություններ կատարելու դեպքի առթիվ, քննիչին հրավիրել են բաժին և ասել, որ տվյալ բնակարանների գողությունը կատարել է Ռ. Հովսեփյանը և վերջինս խոստովանում է դրանք։
Քերոբ Սիմոնյանը նույնպես իրենց տեսադաշտում է գտնվել և կատարելով մի շարք հանցագործություններ` բազմիցս հայտնվել է ոստիկանության բաժնում։ Չի կարող բարձրաձայնել, թե Քերոբը համագործակցել է իրենց աշխատակիցների հետ, թե ոչ։ Որևէ պատճառ չի եղել` տվյալ անձանց բերման ենթարկելու մասին արձանագրությունների ամսաթվերը փոխելու համար։ Բերման ենթարկվածներն իր հիշելով եղել են հինգը, որոնցից միայն Ռոբերտ Հովսեփյանն է ձերբակալվել, իսկ մյուսները հարցաքննությունից հետո ազատ են արձակվել։ Օպերատիվ աշխատանքներ կատարելիս` համասեռամոլներ ոստիկանության բաժին չեն բերվել և բերման ենթարկվածների նկատմամբ համասեռամոլների միջոցով ճնշումներ չեն գործադրվել։ Իր հարցին Ռ. Հովսեփյանը պատասխանել է, որ գողությունները կատարել է ինքը և միայնակ։ Այդ ժամանակահատվածում իրականացվել է «հեռախոսային խոսակցությունների վերահսկում» օպերատիվ-հեռախուզական միջոցառումը և ինքը նպատակահարմար չի գտել օպերատիվ մշակման մեջ գտնվող անձին ծանուցագրով հրավիրել ոստիկանության բաժին։ Մինչև Ռ. Հովսեփյանին բերման ենթարկելը` իր հանձնարարությամբ օպերլիազորներից մեկը զանգահարել է Ռոբերտ Հովսեփյանի բնակարան, որպեսզի պարզեն, թե նա տանն է գտնվում, թե ոչ։
Բացառում է, որ Ռ. Հովսեփյանն այդ ընթացքում գտնվել է ոստիկանության բաժնում։ Ինքը տեղյակ է եղել, որ Ռ. Հովսեփյանն անձնագիր չունի, ուստի չէին կարող նրա անձնագիրը պահանջելու նպատակով զանգահարեին նրանց տուն։
2012թ. հոկտեմբերի 03-ին, ժամը 22։00-ին Ռ. Հովսեփյանը ոստիկանության բաժնում չի եղել։ Նա բերվել է ոստիկանության բաժին 2012թ. հոկտեմբերի 04-ին, ժամը 15։00-ի սահմաններում։ Ռ. Հովսեփյանին ծեծելու հրահանգ որևէ մեկին չի տվել։
/դատական նիստի արձանագրություն/
Վկա Նիկոլայ Գագիկի Բարսեղյանը դատարանին հայտնեց, որ աշխատում է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում որպես ավագ քննիչ։ Իր վարույթում քննված քրեական գործի շրջանակներում Ռոբերտ Հովսեփյանին մեղադրանք է առաջադրել գողություն կատարելու համար։ Վերջինս իր կանչով չի ներկայացել, այլ բերման է ենթարկվել ոստիկանության կողմից։ Իր հիշելով հենց բերման ենթարկվելու օրը նրան հարցաքննել է որպես կասկածյալ։ Չի հիշում, թե Ռ. Հովսեփյանի մարմնի վրա արտասովոր հետքեր նկատել է, թե ոչ։
Արտակ Բարսեղյանը չէր կարող թելադրեր Ռ. Հովսեփյանի ցուցմունքը, քանի որ ցուցմունքը գրվում է հարցաքննվողի կողմից կամ նրա խնդրանքով կարող է գրվել քննիչի կողմից։ Բացի այդ, օպերլիազորին չէր կարող հայտնի լինել Ռ. Հովսեփյանի կատարած գողությունների մանրամասները, ինչպես նաև հարցաքննություններին որևէ այլ անձ չի կարող մասնակցել։ Գտնում է, որ եթե Ռ. Հովսեփյանի նկատմամբ բռնություն գործադրված լիներ, ապա նա այդ մասին կնշեր իր ցուցմունքի մեջ։
Որպես կասկածյալ հարցաքննվելիս` Ռ. Հովսեփյանը հրաժարվել է պաշտպան ունենալուց և միայն հաջորդ օրն է պաշտպան ներգրավվել։ Նախաքննության ավարտից առաջ մեղադրանքի ծավալը փոփոխվել է, քանի որ ապացույցները բավարար չեն եղել և մեղադրանքն առաջադրվել է այն դրվագով, որով ապացույցները հիմնավոր և բավարար են եղել։
/դատական նիստի արձանագրություն/
Վկա Էդգար Վահանի Նիկողոսյանը դատարանին հայտնեց, որ աշխատում է ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժնում` որպես օպերլիազոր։ 2012թ. հոկտեմբերի 04-ին, չի հիշում, թե ում հանձնարարությամբ, օպերատիվ խմբով գնացել են Երևանի Ռոստովյան փողոց։ Բերման ենթարկվողները եղել են հինգը։ Ինքը և օպեր-լիազոր Հրանտ Հարությունյանը բերման են ենթարկել Քերոբ Սիմոնյանին։ Հաստատապես հիշում է, որ բերման ենթարկելու գործողությունը տեղի է ունեցել 2012թ. հոկտեմբերի 04-ին, ժամը 14։00-ի սահմաններում։ Նույն ամսաթվով և ժամով էլ կազմվել է բերման ենթարկելու մասին արձանագրությունը։ Օպերատիվ խմբի մեջ եղել է ինքը, Հրանտ Հարությունյանը, Արտակ Բարսեղյանը, Խաչիկ Բախբուդարյանը և այլ աշխատակիցներ։ Իրենց մոտենալուց հետո իրարանցում է սկսվել։ Ինքը և Հրանտը Քերոբին մոտեցրել են, որպեսզի նստեցնեն ավտոմեքենան, որի ընթացքում քաշքշուկ է նկատել, բայց իրենց ուշադրությունը կենտրոնացած է եղել Քերոբի վրա։ Վերջինիս ավտոմեքենան նստեցնելիս` իր վկայականն ընկել է գետնին, որը վերցրել և վերադարձրել է ավտոլվացման կետի աշխատակից Հենրիխ Գրիգորյանը։ Բերման ենթարկելիս` նրանց վրա մարմնական վնասվածքներ առկա չեն եղել։ Քերոբ Սիմոնյանը ոստիկանության բաժնում մնացել է մոտավորապես մեկ ժամ։ Ռ. Հովսեփյանը նույնպես բերման է ենթարկվել նշված օրը։ Նրան մի պահ տեսել է ոստիկանության բաժնում, սակայն նրա մարմնի վրա որևէ վնասվածք չի նկատել։
/դատական նիստի արձանագրություն/
Վկա Հրանտ Ավետիքի Հարությունյանը դատարանին հայտնեց, որ աշխատում է ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժնում` որպես օպերլիազոր։ 2012թ. հոկտեմբերի 04-ին, ժամը 14։00-ի սահմաններում, քրեական հետախուզության բաժնի պետի հանձնարարությամբ, ինքը և օպերլիազոր Էդգար Նիկողոսյանը բերման են ենթարկել Քերոբ Սիմոնյանին։ Հիշում է, որ նրան բերման ենթարկելու ժամանակ Է. Նիկողոսյանի ծառայողական վկայականը վայր է ընկել, որը գետնից վերցրել և նրան վերադարձրել է մի տղամարդ, որի տվյալները չի հիշում, քանի որ ինքը Քերոբի հետ գտնվել է ավտոմեքենայի մեջ։ Նկատել է նաև, որ երբ մոտեցել են նրանց և ներկայացել որպես ոստիկանության աշխատակիցներ` Ռոբերտը փորձել է փախուստի դիմել և խառնաշփոթ է ստեղծվել։ Ռ. Հովսեփյանին բերման են ենթարկել ժամը 14։00-ի սահմաններում։ Կազմվել է համապատասխան արձանագրություն և հանձնվել քննիչին։ Ինքը ոստիկանությունում աշխատում է շուրջ երկու տարի և չի կարող շփոթել օրը կամ ժամը։ Տուժողին նկատել է նաև ոստիկանության բաժնի միջանցքում։ Նրա հագուստը պատռված է եղել դեռևս Ռոստովյան փողոցում։ 2012թ. հոկտեմբերի 3-ին, Քերոբ Սիմոնյանին կամ տուժողին չի տեսել ոստիկանության բաժնում կամ դրա մոտակայքում։
/դատական նիստի արձանագրություն/
Վկա Լենդրուշ Բաբկենի Զոհրաբյանը դատարանին հայտնեց, որ աշխատում է ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժնում` որպես օպերլիազոր։ 2012թ. հոկտեմբերի 4-ին, ժամը 14։00-ի սահմաններում, օպերլիազոր Ս. Բասոյանի հետ միասին, քրեական հետախուզության բաժնի պետի հանձնարարությամբ գնացել են Երևանի Ռոստովյան փողոց` անձանց բերման ենթարկելու համար։ Ինքը, օպերլիազոր Ս. Բասոյանի հետ միասին բերման են ենթարկել Ալբերտ Ղազարյանին։ Իրենց հետ միասին եղել են նաև օպերլիազորներ Արտակ Բարսեղյանը, Խաչիկ Բաղբուդարյանը, Ավետիք Նիկողոսյանը և Էդգար Կարապետյանը։ Իրենք պատշաճ կարգով ներկայացել են, որ ոստիկանության աշխատակիցներ են, որից հետո բերման ենթարկվողները փորձել են փախուստի դիմել։ Ինքը և Ս. Բասոյանը բռնել են Ալբերտ Ղազարյանին և տարել ոստիկանության բաժին։ Ալբերտը բերման ենթարկվելիս` դիմադրություն ցույց չի տվել։ Իրենք որևէ պատճառ չեն ունեցել` բերման ենթարկելու մասին արձանագրության մեջ այլ ամսաթիվ նշելու համար։ 2012թ. հոկտեմբերի 3-ին տուժողին կամ նրա հետ բերման ենթարկված անձանց ոստիկանության բաժնում չի տեսել։
/դատական նիստի արձանագրություն/
Վկա Սերգեյ Մանվելի Բասոյանը դատարանին հայտնեց, որ աշխատում է ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժնում` որպես օպերլիազոր։ 2012թ. հոկտեմբերի 4-ին, ժամը 14։00-ի սահմաններում, քրեական հետախուզության բաժնի պետի հանձնարարությամբ կազմել են օպերատիվ խումբ և գնացել Երևանի Ռոստովյան փողոց։ Նշված վայրում, երբ ավտոմեքենայից իջել են, հավաքված անձանց մոտ խառնաշփոթ է ստեղծվել։ Իրենք ներկայացել են որպես ոստիկանության աշխատակիցներ և վկայական են ցույց տվել, իսկ բերման ենթարկվողները փորձել են փախուստի դիմել։ Իրենց աշխատակիցներից եղել են նաև Արտակ Բարսեղյանը, Խաչիկ Բախբուդարյանը, Լենդրուշ Զոհրաբյանը, Էդգար Կարապետյանը, Ավետիք Նիկողոսյանը, Էդգար Նիկողոսյանը և Հրանտ Հարությունյանը։ Վերոհիշյալ անձանց բերման ենթարկելիս` դիմադրություն ցույց է տվել միայն Ռոբերտը, բայց մանրամասն չի տեսել, քանի որ իրենք բերման են ենթարկել Ալբերտ Ղազարյանին։ Ոստիկանության բաժնի միջանցքում տեսել է Ռոբերտին։ Նա եղել է նորմալ վիճակում և նրա վրա արյան հետքեր չի նկատել։ Իրենք որևէ պատճառ չեն ունեցել` բերման ենթարկելու մասին արձանագրության մեջ այլ տվյալներ նշելու համար։ 2012թ. հոկտեմբերի 3-ին, Ռոբերտին կամ նրա հետ բերման ենթարկված անձանց ոստիկանության բաժնում չի տեսել։
/դատական նիստի արձանագրություն/
Վկա Էդգար Ռոբերտի Կարապետյանը դատարանին հայտնեց, որ աշխատում է ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժնում` որպես օպերլիազոր։ 2012թ. հոկտեմբերի 04-ին, ժամը 14։00-ից 15։00-ի սահմաններում, Երևանի Ռոստովյան փողոցից բերման են ենթարկել անձանց։ Ինքը և Ավետիք Նիկողոսյանը բերման են ենթարկել Վահան Թորոսյանին, որի վերաբերյալ կազմվել է համապատասխան արձանագրություն։ Հաստատապես հիշում է, որ նրանց բերման են ենթարկել 2012թ. հոկտեմբերի 4-ին։ Բացառվում է, որ արձանագրության ամսաթիվը սխալ լրացրած լինեն։ Բերման ենթարկվելիս` նրանք ամեն կերպ փորձել են փախուստի դիմել։ Իրենք ներկայացել են, որ ոստիկանության աշխատակիցներ են և ցույց են տվել իրենց ծառայողական վկայականները։ Իրենց աշխատակիցներից մեկի վկայականը ընկել է գետնին, որը վերցրել և տվել է այդտեղ գտնվող քաղաքացիներից մեկը։
/դատական նիստի արձանագրություն/
Վկա Ավետիք Վահանի Նիկողոսյանը դատարանին հայտնեց, որ աշխատում է ՀՀ ոստիկանության Երևան քաղաքի վարչության Կենտրոնականի բաժնի քրեական հետախուզության բաժնում` որպես օպերլիազոր։ 2012թ. հոկտեմբերի 04-ին, ժամը 14։00-ի սահմաններում, քրեական հետախուզության բաժնի պետի հանձնարարությամբ գնացել են Երևանի Ռոստովյան փողոց` բնակարանային գողություններ կատարելու կասկածանքով հինգ անձանց բերման ենթարկելու համար։ Մոտեցել են նրանց, ներկայացել են որպես ոստիկանության աշխատակիցներ, սակայն բերման ենթարկվողները փորձել են փախուստի դիմել։ Իր հետ միասին եղել են նաև օպերլիազորներ Արտակ Բարսեղյանը, Խաչիկ Բախբուդարյանը, Սերգեյ Բասոյանը, Էդգար Կարապետյանը, Էդգար Նիկողոսյանը և Հրանտ Հարությունյանը։ Հաստատապես հիշում է, որ նրանց բերման են ենթարկել 2012թ. հոկտեմբերի 4-ին և որևէ պատճառ չի եղել` արձանագրության մեջ այլ ամսաթիվ նշելու համար։ Բերման ենթարկվողների նկատմամբ որևէ բռնություն չի գործադրվել։ Բերման ենթարկվելիս` նրանք փորձել են փախուստի դիմել։ Ոստիկանության բաժնում տեսել է տուժողին։ Նա գտնվել է նորմալ վիճակում և նրա վրա բռնության հետքեր չեն եղել։
/դատական նիստի արձանագրություն/
Վկա Հենրիխ Գեորգիի Գրիգորյանը դատարանին հայտնեց, որ 2012թ. հոկտեմբերին, կնոջ հետ միասին իրենց երեխային տարել են Երևանի Մուրացանի փողոցում գտնվող պոլիկլինիկա` պատվաստումներ կատարելու համար։ Այդ օրերին ինքն աշխատել է պոլիկլինիկայից մի փոքր հեռու գտնվող ավտոլվացման կետում։ Պատվաստումը կատարելուց հետո միասին քայլել են դեպի կանգառ, որպեսզի տուն գնան։ Նկատել են, որ այդ տարածքում գտնվող կրպակի մոտ մի քանի ավտոմեքենաներ են կանգնել, որոնց մեջ գտնվող անձինք բղավել են, որ ոստիկանությունից են։ Ինքը ճանաչել է ոստիկաններից մեկին, որն իր ավտոմեքենան հաճախակի լվացել է ավտոլվացման կետում։ Նկատել է, որ նրա վկայականը վայր է ընկել, որը գետնից վերցրել և տվել է նրան։ Այդ դեպքը տեղի է ունեցել կեսօրին, մոտավորապես ժամը 14։00-ի սահմաններում։
/դատական նիստի արձանագրություն/


Դատարանի իրավական վերլուծությունները.

Վերլուծելով ամբաստանյալներ Խաչիկ Բախբուդարյանի և Արտակ Բարսեղյանի նախաքննական և դատաքննական ցուցմունքները, համադրելով դրանք քրեական գործի դատական քննությամբ ձեռք բերված և հետազոտված ապացույցների հետ, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալներ Խաչիկ Բախբուդարյանի և Արտակ Բարսեղյանի ցուցմունքները` տուժողին օրենքով սահմանված կարգով` իրենց կողմից կազմված փաստաթղթերում նշված ժամկետում բերման ենթարկելու, նրան ծեծի չենթարկելու և վնասվածք չպատճառելու մասին, իրականությանը չեն համապատասխանում, արժանահավատ չեն, քրեական պատասխանատվությունից և պատժից խուսափելու նպատակ են հետապնդում և հերքվում են վերոհիշյալ ապացույցներով։
Այդ վերլուծության արդյունքում դատարանը գտնում է նաև, որ վկաներ Սամվել Առաքելյանի, Արթուր Մկրտչյանի, Էդգար Նիկողոսյանի, Հրանտ Հարությունյանի, Լենդրուշ Զոհրաբյանի, Սերգեյ Բասոյանի, Էդգար Կարապետյանի, Ավետիք Նիկողոսյանի, Հենրիխ Գրիգորյանի դատաքննական ցուցմունքները` տուժողին 2012թ. հոկտեմբերի 04-ին, ժամը 15։00-ի սահմաններում բերման ենթարկելու մասին, վկաներ Վահան Թորոսյանի և Ֆեդիկ Ունուսյանի դատաքննական ցուցմունքներն իրականությանը չեն համապատասխանում, արժանահավատ չեն, քրեական պատասխանատվությունից և պատժից խուսափելու հարցում ամբաստանյալներին օգնելու նպատակ են հետապնդում և հերքվում են արդեն իսկ նշված ապացույցներով։
Վերլուծելով ամբաստանյալներ Խաչիկ Անդրանիկի Բախբուդարյանին և Արտակ Գարեգինի Բարսեղյանին առաջադրված մեղադրանքները, նրանց ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Խաչիկ Անդրանիկի Բախբուդարյանի կողմից, նրա մեղավորությամբ, որպես պաշտոնատար անձ դիտավորությամբ այնպիսի գործողություններ կատարելը, որոնք ակնհայտորեն դուրս են եկել նրա լիազորությունների շրջանակից, էական վնաս են պատճառել անձի և պետության օրինական շահերին և զուգորդվել են բռնություն գործադրելով` ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 309-րդ հոդվածի 2-րդ մասով նախատեսված հանցագործության հատկանիշներին։
Ապացուցված է նաև ամբաստանյալ Խաչիկ Անդրանիկի Բախբուդարյանի կողմից, նրա մեղավորությամբ, պաշտոնեական կեղծիք կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 314-րդ հոդվածով նախատեսված հանցագործության հատկանիշներին։
Ամբաստանյալ Արտակ Գարեգինի Բարսեղյանի կողմից, նրա մեղավորությամբ, որպես պաշտոնատար անձ դիտավորությամբ այնպիսի գործողություններ կատարելը, որոնք ակնհայտորեն դուրս են եկել նրա լիազորությունների շրջանակից, էական վնաս են պատճառել անձի և պետության օրինական շահերին և զուգորդվել են բռնություն գործադրելով` ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 309-րդ հոդվածի 2-րդ մասով նախատեսված հանցագործության հատկանիշներին։
Ապացուցված է նաև ամբաստանյալ Արտակ Գարեգինի Բարսեղյանի կողմից, նրա մեղավորությամբ, պաշտոնեական կեղծիք կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 314-րդ հոդվածով նախատեսված հանցագործության հատկանիշներին։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Խաչիկ Անդրանիկի Բախբուդարյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, հանդիսանում է Հայաստանի ձյուդոյի ֆեդերացիայի կարգապահական հանձնաժողովի փոխնախագահը, ունի ձյուդոյի «սև գոտի 2-րդ դան» որակավորում։ Որպես ամբաստանյալի պատասխանատվությունը և պատիժը մեղմացնող հանգամանք դատարանի հաշվի է առնում պատիժ նշանակելու պահին նրա խնամքին մինչև տասնչորս տարեկան մեկ երեխայի (Ագապի Խաչիկի Բախբուդարյանը` ծնված 02.07.2007թ.-ին) առկայությունը։ Նրա պատասխանատվությունը և պատիժը ծանրացնող հանգամանքներ առկա չեն։
Ամբաստանյալ Խաչիկ Անդրանիկի Բախբուդարյանն իր կատարած` Հայաստանի Հանրապետության քրեական օրենսգրքի 309-րդ հոդվածի 2-րդ մասով նախատեսված հանցագործության համար ենթակա է պատժի ազատազրկման ձևով, որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով։
Հաշվի առնելով գործի հանգամանքները` դատարանը գտնում է, որ ամբաստանյալ Խաչիկ Անդրանիկի Բախբուդարյանն իր կատարած` Հայաստանի Հանրապետության քրեական օրենսգրքի 314-րդ հոդվածով նախատեսված հանցագործության համար ենթակա է պատժի այդ հանցագործության համար նախատեսված պատիժներից առավել խիստ պատժի` ազատազրկման ձևով, որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով, քանի որ պատժի նվազ խիստ տեսակ տուգանքը չի կարող ապահովել պատժի նպատակները։
Քննարկելով նշանակված հիմնական պատիժը` ազատազրկումն ամբաստանյալ Խաչիկ Անդրանիկի Բախբուդարյանի կողմից կրելու հարցը` դատարանը գտնում է հետևյալը.
«Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման 1-ին կետի 3-րդ ենթակետի համաձայն` որոշվել է.
«1. Պատժից ազատել, բացառությամբ սույն որոշման 8-րդ կետի 4-6-րդ ենթակետերով եւ 9-րդ կետով նախատեսված դեպքերի`
(…)
3) այն անձանց, որոնց նկատմամբ նշանակվել է առավելագույնը երեք տարի ժամկետով ազատությունից զրկելու հետ կապված պատիժ։»։
Նույն որոշման 10-րդ կետի համաձայն`
«Համաներման որոշումը չի ազատում դատարանների դատավճիռներով նշանակված լրացուցիչ պատիժներից։»։
Նույն որոշման 20-րդ կետի համաձայն`
«Հանցագործությունների և դատավճիռների համակցության դեպքերում համաներումը կիրառվում է վերջնական պատժի նկատմամբ՝ հանցագործությունների կամ դատավճիռների համակցության կանոններով այն սահմանելուց հետո՝ սակայն հաշվի առնելով սույն որոշման 5-րդ և 6-րդ կետերով նախատեսված կանոնները։»։
Հետևաբար, դատարանը գտնում է, որ սույն դատավճռով Խաչիկ Անդրանիկի Բախբուդարյանի նկատմամբ ենթակա է կիրառման «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2013թ. հոկտեմբերի 03-ի որոշումը և հանցագործությունների համակցության դեպքում, առավելագույնը երեք տարի ժամկետով ազատությունից զրկելու հետ կապված պատիժ նշանակելիս` նա ենթակա է այդ պատժից ազատման։
Միաժամանակ, ՀՀ քրեական օրենսգրքի 66-րդ հոդվածի 5-րդ մասի կիրառմամբ, մասնակիորեն գումարման է ենթակա ամբաստանյալ Խ. Բախբուդարյանի նկատմամբ որպես լրացուցիչ պատիժ նշանակված, որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկումը։
Ամբաստանյալ Արտակ Գարեգինի Բարսեղյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական։ Որպես ամբաստանյալի պատասխանատվությունը և պատիժը մեղմացնող հանգամանք դատարանի հաշվի է առնում պատիժ նշանակելու պահին նրա խնամքին մինչև տասնչորս տարեկան մեկ երեխայի (Գագիկ Արտակի Բարսեղյանը` ծնված 29.07.2010թ.-ին) առկայությունը, իսկ նրա պատասխանատվությունը և պատիժը ծանրացնող հանգամանքներ առկա չեն։
Ամբաստանյալ Արտակ Գարեգինի Բարսեղյանն իր կատարած` Հայաստանի Հանրապետության քրեական օրենսգրքի 309-րդ հոդվածի 2-րդ մասով նախատեսված հանցագործության համար ենթակա է պատժի ազատազրկման ձևով, որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով։
Հաշվի առնելով գործի հանգամանքները` դատարանը գտնում է, որ ամբաստանյալ Արտակ Գարեգինի Բարսեղյանն իր կատարած` Հայաստանի Հանրապետության քրեական օրենսգրքի 314-րդ հոդվածով նախատեսված հանցագործության համար ենթակա է պատժի այդ հանցագործության համար նախատեսված պատիժներից առավել խիստ պատժի` ազատազրկման ձևով, որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով, քանի որ պատժի նվազ խիստ տեսակ տուգանքը չի կարող ապահովել պատժի նպատակները։
Քննարկելով նշանակված հիմնական պատիժը` ազատազրկումն ամբաստանյալ Արտակ Գարեգինի Բարսեղյանի կողմից կրելու հարցը` դատարանը գտնում է, որ սույն դատավճռով Արտակ Բարսեղյանի նկատմամբ ենթակա է կիրառման «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2013թ. հոկտեմբերի 03-ի որոշումը և հանցագործությունների համակցության դեպքում, առավելագույնը երեք տարի ժամկետով ազատությունից զրկելու հետ կապված պատիժ նշանակելիս` նա ենթակա է այդ պատժից ազատման։
Միաժամանակ, ՀՀ քրեական օրենսգրքի 66-րդ հոդվածի 5-րդ մասի կիրառմամբ, մասնակիորեն գումարման է ենթակա ամբաստանյալ Ա. Բարսեղյանի նկատմամբ որպես լրացուցիչ պատիժ նշանակված, որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկումը։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 25.01.2013թ. որոշմամբ իրեղեն ապացույցներ ճանաչված «Սամսունգ» մոդելի բջջային հեռախոսը` 091-99-77-44 հեռախոսաքարտով պետք է վերադարձնել ամբաստանյալ Խաչիկ Բախբուդարյանին, իսկ «Սամսունգ» և «Ալքաթել» մոդելների բջջային հեռախոսները` 094-00-48-04, 055-75-44-04 և 095-55-32-28 հեռախոսաքարտերով` պետք է վերադարձնել ամբաստանյալ Արտակ Բարսեղյանին։
Քննարկելով խափանման միջոցի հարցը` դատարանը գտնում է, որ ամբաստանյալներից յուրաքանչյուրի` Խաչիկ Բախբուդարյանի և Արտակ Բարսեղյանի նկատմամբ որպես խափանման միջոց կալանավորումը պետք է վերացնել և նրանց անհապաղ պետք է ազատել կալանքից դատական նիստերի դահլիճում։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 357-360-րդ, 364-365-րդ, 369-373-րդ հոդվածներով, դատարանը`


Վ Ճ Ռ Ե Ց

1. Ամբաստանյալ Խաչիկ Անդրանիկի Բախբուդարյանին մեղավոր ճանաչել Հայաստանի Հանրապետության քրեական օրենսգրքի 309-րդ հոդվածի 2-րդ մասով, 314-րդ հոդվածով նախատեսված հանցանքներում և դատապարտել. ՀՀ քրեական օրենսգրքի 309-րդ հոդվածի 2-րդ մասով` ազատազրկման 2 /երկու/ տարի 6 /վեց/ ամիս ժամկետով` որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով` 2 /երկու/ տարի ժամկետով, 314-րդ հոդվածով` ազատազրկման 1 /մեկ/ տարի ժամկետով, որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով` 2 /երկու/ տարի ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Խաչիկ Բախբուդարյանի նկատմամբ պատիժ նշանակել ազատազրկում 3 /երեք/ տարի ժամկետով` որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով` 3 /երեք/ տարի ժամկետով։
Համաներման ակտի` «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2013թ. հոկտեմբերի 03-ի որոշման 1-ին կետի 3-րդ ենթակետի կիրառմամբ ամբաստանյալ Խաչիկ Անդրանիկի Բախբուդարյանին ազատել հիմնական պատժի` ազատազրկման կրումից։
Խաչիկ Բախբուդարյանի նկատմամբ ընտրված խափանման միջոց կալանավորումը վերացնել և նրան անհապաղ ազատել կալանքից դատական նիստերի դահլիճում։
2. Ամբաստանյալ Արտակ Գարեգինի Բարսեղյանին մեղավոր ճանաչել Հայաստանի Հանրապետության քրեական օրենսգրքի 309-րդ հոդվածի 2-րդ մասով, 314-րդ հոդվածով նախատեսված հանցանքներում և դատապարտել. ՀՀ քրեական օրենսգրքի 309-րդ հոդվածի 2-րդ մասով` ազատազրկման 2 /երկու/ տարի 6 /վեց/ ամիս ժամկետով` որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով` 2 /երկու/ տարի ժամկետով, 314-րդ հոդվածով` ազատազրկման 1 /մեկ/ տարի ժամկետով, որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով` 2 /երկու/ տարի ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Արտակ Բարսեղյանի նկատմամբ պատիժ նշանակել ազատազրկում 3 /երեք/ տարի ժամկետով` որոշակի պաշտոններ, այն է` պետական և տեղական ինքնակառավարման մարմիններում, կազմակերպություններում, պետական իշխանության ներկայացուցչի գործառույթներ իրականացնելու հետ կապված պաշտոններ զբաղեցնելու իրավունքից զրկելով` 3 /երեք/ տարի ժամկետով։
Համաներման ակտի` «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2013թ. հոկտեմբերի 03-ի որոշման 1-ին կետի 3-րդ ենթակետի կիրառմամբ ամբաստանյալ Արտակ Գարեգինի Բարսեղյանին ազատել հիմնական պատժի` ազատազրկման կրումից։
Արտակ Բարսեղյանի նկատմամբ ընտրված խափանման միջոց կալանավորումը վերացնել և նրան անհապաղ ազատել կալանքից դատական նիստերի դահլիճում։
Դատավճռի օրինական ուժի մեջ մտնելուց հետո, իրեղեն ապացույցներ ճանաչված, «Սամսունգ» մոդելի բջջային հեռախոսը` 091-99-77-44 հեռախոսաքարտով վերադարձնել ամբաստանյալ Խաչիկ Բախբուդարյանին, իսկ «Սամսունգ» և «Ալքաթել» մոդելների բջջային հեռախոսները` 094-00-48-04, 055-75-44-04 և 095-55-32-28 հեռախոսաքարտերով` վերադարձնել ամբաստանյալ Արտակ Բարսեղյանին։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։

ԴԱՏԱՎՈՐ` Մ. ՄԱՐՏԻՐՈՍՅԱՆ