ԵԿԴ/0024/01/13


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
02 ապրիլի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Վ.ՄԻԼԻՏՈՆՅԱՆԻ
ամբաստանյալ Ա.ԿԻՐԱԿՈՍՅԱՆԻ
պաշտպան Ն.ՄԵՀՐԱԲՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Անդրանիկ Բեռլինի Կիրակոսյանի` ծնված 16.03.1969թ. ք.Աշտարակում, ազգությամբ հայ, ՀՀ քաղաքացի, ամուսնացած, խնամքին 7 անձ, միջնակարգ կրթությամբ, երրորդ խմբի հաշմանդամ, չի աշխա-տել, դատվածություն չունեցող, բնակվել է` Կոտայքի մարզ, գյուղ Պռոշյան, Երևանյան թաղա-մաս, 9-րդ շենք, բնակարան հ. 2, արգելանքի տակ է 2012թ. սեպտեմբերի 28-ից, մեղադրվում է ՀՀ քրեական օրենսգրքի 266-րդ հոդվածի 4-րդ մասով ու 268-րդ հոդվածի 2-րդ մասի 2-րդ կետով:
Ամբաստանյալ Ա.Կիրակոսյանին ՀՀ քրեական օրենսգրքի 266-րդ հոդվածի 4-րդ մասով ու 268-րդ հոդվածի 2-րդ մասի 2-րդ կետով մեղադրանք է առաջադրվել այն բանի համար, որ նա. ՙ2012 թվականի սեպտեմբեր ամսին Երևան քաղաքի Իսակովի պողոտայում գտնվող ՙԿենտրո-նական ավտոկայարան՚-ի տարածքիցª գործով չպարզված անձից, առանց իրացնելու նպատա-կի` ապօրինի, ձեռք է բերել և պահել չպարզված քանակի ափիոն տեսակի թմրամիջոց, ինչպես նաևª թմրամիջոց պատրաստելու նպատակով նույն անձից ձեռք է բերել և պահել չպարզված քա-նակի պրեկուրսոր` քացախաթթվի անհիդրիդ, որոնց մի մասն օգտագործել է անձամբ, իսկ մնա-ցածը` խոշոր չափ հանդիսացող 0.53 գրամ հաստատուն քաշով ափիոն տեսակի թմրամիջոցը, և 2.5մլ. /0,002315 կգ/ քաշով պրեկուրսորը ապօրինի պահել իր տաբատի գրպաններում, որը հայտնաբերվել է 28.09.2012թ.ª ժամը 18.30-ին, Երևան-Աշտարակ մայրուղու սկզբնամասից նրան ոստիկանության աշխատակիցների կողմից բերման ենթարկելու արդյունքում անձնական խու-զարկություն կատարելու ժամանակ՚:
Ամբաստանյալ Ա.Կիրակոսյանըª մինչև դատաքննությունն սկսվելը, միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայացնում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանք-ները:
Մեղադրողը դատարանի առաջարկությամբ փոխեց իր դիրքորոշումը և չառարկեց արա-գացված կարգ կիրառելու դեմ« թեպետ առարկել էր դրա դեմ մեղադրական եզրակացությունում:
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի համա-ձայն լինելու հանգամանքն ու հանգելով եզրակացության, որ մեղադրանքը, որի հետ համաձայն-վեց ամբաստանյալը, հիմնավորված է և հաստատվում է քրեական գործով հավաքված ապա-ցույցներով, գտնում է, որ ամբաստանյալ Ա.Կիրակոսյանը կատարել է հանցանքներ` նախա-տեսված ՀՀ քրեական օրենսգրքի 266-րդ հոդվածի 4-րդ մասով ու 268-րդ հոդվածի 2-րդ մասի 2-րդ կետով, որոնցով և նա պետք է պատասխանատվության ենթարկվի:
Ամբաստանյալի նկատմամբ պատիժ նշանակելիս` պատիժների տեսակն ու չափը որոշե-լիս, դատարանը հաշվի է առնում ինչպես նրա կատարած արարքների բնույթը և հանրության համար վտանգավորության աստիճանը, այնպես էլ արագացված կարգով անցկացված դատա-քննության ընթացքում ուսումնասիրված` նրա անձը բնութագրող տվյալներն ու պատասխանա-տըվությունը և պատիժը մեղմացնող ու ծանրացնող հանգամանքները:
Որպես ամբաստանյալ Ա.Կիրակոսյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա համաձայնվեց մեղադրանքի հետ և անկեղծորեն զղջաց կատարած հանցանքների համար, երրորդ խմբի հաշմանդամ է, նրա խնամ-քին են գտնվում երկրորդ խմբի հաշմանդամ հայրն ու երրորդ խմբի հաշմանդամ մայրը, չաշ-խատող կինը և չորս երեխան, որոնցից մեկն ուսանող է, երկուսըª անչափահաս, իսկ մեկըª մինչև 14 տարեկան:
Որպես ամբաստանյալ Ա.Կիրակոսյանի անձը բնութագրող տվյալ` դատարանը հաշվի է առնում, որ նա բնութագրվում է դրական և որ նախկինում նույնպես կատարել է դիտավորյալ հանցագործություն:
Ամբաստանյալի պատասխանատվությունն ու պատիժը ծանրացնող հանգամանքներ դատական քննությամբ չարձանագրվեցին:
Միաժամանակ, նկատի ունենալով, որ ՙԴատանարկոլոգիական ամբուլատոր փորձաքն-նության՚ 15.11.2012թ. հմ. 226-12 եզրակացության համաձայն Ա.Կիրակոսյանը տառապում է ՙԱփիոնային թմրամոլություն՚ ախտորոշմամբ և ունի հարկադիր բուժման կարքի, որի համար հակացուցումներ չկան, դատարանը գտնում է, որ նրա նկատմամբª ըստ ազատազրկումը կրելու վայրի, պատժի կատարման հետ միացված պետք է նշանակվի հարկադիր բուժում թմրամոլութ-յունից:
Քննության առնելով իրեղեն ապացույցների տնօրինման հարցը` դատարանը գտնում է, որ փորձաքննության կատարումից հետո մնացած` 0.48գ քաշով ՙԱփիոն՚ տեսակի թմրամիջոցը և 1.6 մլ ծավալով քացախաթթվի անհիդրիդը պետք է վերադարձվեն սույն քրեական գործից ան-ջատված գործով վարույթն իրականացնող մարմնինª հետագայում անջատված քրեական գոր-ծով դրանք տնօրինելու համար:
Դատարանը, քննության առնելով խափանման միջոցի հարցը, գտնում է, որ ամբաստան-յալի նկատմամբ կիրառված խափանման միջոցը` կալանավորումը, պետք է թողնվի անփոփոխ` մինչև դատավճռի օրինական ուժի մեջ մտնելը:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 119-րդ, 357-րդ, 359-րդ, 360-րդ ու 3753 հոդվածներով` դատարանը

Վ Ճ Ռ Ե Ց

Անդրանիկ Բեռլինի Կիրակոսյանին ճանաչել մեղավոր ՀՀ քրեական օրենսգրքի 266-րդ հոդվածի 4-րդ մասով ու 268-րդ հոդվածի 2-րդ մասի 2-րդ կետով և ՀՀ քրեական օրենսգրքի 266-րդ հոդվածի 4-րդ մասով նրան դատապարտել 100.000 (մեկ հարյուր հազար) դրամ տուգանքի, իսկ 268-րդ հոդվածի հոդվածի 2-րդ մասի 2-րդ կետով` ազատազրկման 9 (ինը) ամիս ժամկետով:
ՀՀ քրեական օրենսգրքի 66-րդ հոդվածի 3-րդ մասի համաձայն` պատիժները լրիվ գու-մարելու միջոցով, որպես վերջնական պատիժ` նշանակել ազատազրկում 9 (ինը) ամիս ժամկետով և 100.000 (մեկ հարյուր հազար) դրամ տուգանք, որպիսի պատիժը պետք է կրի ՀՀ ԱՆ համապատասխան քրեակատարողական հիմնարկում:
Իրեղեն ապացույցը` 0.48գ քաշով ՙԱփիոն՚ տեսակի թմրամիջոցը և 1.6 մլ ծավալով քա-ցախաթթվի անհիդրիդը, վերադարձնել սույն քրեական գործից անջատված գործով վարույթն իրականացնող մարմնինª հետագայում անջատված քրեական գործով դրանք տնօրինելու համար:
Ա.Կիրակոսյանի նկատմամբ` ըստ ազատազրկումը կրելու վայրի, պատժի կատարման հետ միացված նշանակել հարկադիր բուժում թմրամոլությունից:
Պատժի կրման սկիզբը հաշվել 2012թ. սեպտեմբերի 28-ից:
Ա.Կիրակոսյանի նկատմամբ կիրառված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ