ԵԿԴ/0009/01/13


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
07 մարտի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ռ.ԱՍԱՏՐՅԱՆԻ
ամբաստանյալ Ա.ՇՈՒՔՈՒՐՅԱՆԻ
պաշտպան Կ.ՄԱՆՈՒՉԱՐՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Աղաբեկ Դերենիկի Շուքուրյանի` ծնված 02.09.1980թ. Գեղարքունիքի մարզի Արծվանիստ գյուղում, ազ-գությամբ հայ, ՀՀ քաղաքացի, ամուսնացած, խնամքին 3 անձ, միջնակարգ կրթությամբ, առողջ, չի աշխատում, չդատված, բնակվում է` Գեղարքունիքի մարզ, գյուղ Արծվանիստ, 10-րդ փողոց, 3-րդ նրբանցք, տուն հ. 2, արգելանքի տակ չէ, մեղադրվում է ՀՀ քրեական օրենսգրքի 268-րդ հոդվածի 1-ին մասով:
Ամբաստանյալ Ա.Շուքուրյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա. ՙ2012թ. նոյեմբերի վերջին, կոնկրետ օրը պարզված չէ, Գեղարքունիքի մարզի Արծվանիստ գյուղ 10-րդ փողոց 3-րդ նրբանցք 2-րդ տուն հասցեում գտնվող իրենց առանձնատան հարակից հողամասում աճած կանեփ բույսի թփից քա-ղել է տերևներ, որոնցից առանց իրացնելու նպատակի` իր գործածման համար, չորացնելու և մանրացնելու եղանակով ապօրինի պատրաստել է մարիխուանա տեսակի թմրամիջոց, որի մի մասը տեղում ծխելու եղանակով գործածել է, իսկ մնացած` զգալի չափի 0.74 գրամ քաշով, չո-րացված մարիխուանա տեսակի թմրամիջոցը, խառնելով ծխախոտի հետ և դնելով թղթյա փա-թեթի մեջ, ապօրինի պահել է իր մոտ` կաշվե բաճկոնի աջ գրպանում, որը 2012թ. նոյեմբերի 29-ին` ժամը 1945-ին, մետրոպոլիտենի ՙԶորավար Անդրանիկ՚ կայարանում հայտնաբերվել է ՀՀ ոստիկանության մետրոպոլիտենի պահպանության բաժնի աշխատակիցների կողմից` Ա.Դ. Շուքուրյանի անձնական խուզարկության ժամանակ՚:
Ամբաստանյալ Ա.Շուքուրյանը` մինչև դատաքննությունն սկսվելը, միջնորդեց կիրառել արագացված դատական քննության կարգ և հայտարարեց, որ միջնորդությունը ներկայացնում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանք-ները:
Մեղադրողը դատարանի առաջարկությամբ փոխեց իր դիրքորոշումը և չառարկեց արա-գացված կարգ կիրառելու դեմ« թեպետ առարկել էր դրա դեմ մեղադրական եզրակացությունում:
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի համա-ձայն լինելու հանգամանքն ու հանգելով եզրակացության, որ մեղադրանքը, որի հետ համաձայն-վեց ամբաստանյալը, հիմնավորված է և հաստատվում է քրեական գործով հավաքված ապա-ցույցներով, գտնում է, որ ամբաստանյալ Ա.Շուքուրյանը կատարել է հանցանք` նախատեսված ՀՀ քրեական օրենսգրքի 268-րդ հոդվածի 1-ին մասով, որով և նա պետք է պատասխանատվու-թյան ենթարկվի:
Ամբաստանյալի նկատմամբ պատիժ նշանակելիս` պատժի տեսակն ու չափը որոշելիս, դատարանը հաշվի է առնում ինչպես նրա կատարած հանցագործության բնույթը, հանրության համար վտանգավորության աստիճանը և հետևանքները, նրա կողմից ապօրինի ձեռք բերված թմրամիջոցի տեսակն ու քանակը, այնպես էլ արագացված կարգով անցկացված դատաքննու-թյան ընթացքում ուսումնասիրված` նրա անձը բնութագրող տվյալներն ու պատասխանատվու-թյունը և պատիժը մեղմացնող ու ծանրացնող հանգամանքները:
Որպես ամբաստանյալ Ա.Շուքուրյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա խոստովանել է կատարած հանցան-քը, համաձայնվեց մեղադրանքի հետ և անկեղծորեն զղջաց կատարած հանցանքի համար, նրա խնամքին են գտնվում կինը և մինչև 14 տարեկան երկու երեխան:
Որպես ամբաստանյալի անձը բնութագրող տվյալª դատարանը հաշվի է առնում, որ նա նախկինում արատավորված չի եղել և առաջին անգամ է դատապարտվում:
Դատարանը նաև հաշվի է առնում այն հանգամանքը, որ հանձնաժողովային փորձաքն-նության 10.01.2013թ. հ. 02-13 եզրակացության համաձայն Աղաբեկ Շուքուրյանի մոտ թմրա-նյութերի գործածումը կրում է էպիզոդիկ բնույթ, ուստի հարկադիր բուժման կարիք չունի:
Ամբաստանյալի պատասխանատվությունն ու պատիժը ծանրացնող հանգամանքներ դատական քննությամբ չարձանագրվեցին:
Դատարանը, հաշվի առնելով ամբաստանյալի անձը բնութագրող տվյալները, նրա պա-տասխանատվությունն ու պատիժը մեղմացնող վերոգրյալ հանգամանքները և պատասխանա-տըվությունն ու պատիժը ծանրացնող հանգամանքների բացակայությունն ու ելնելով ՀՀ քրեա-կան օրենսգրքի 10-րդ և 61-րդ հոդվածներով սահմանված արդարության, պատասխանատվու-թյան անհատականացման ու պատիժ նշանակելու ընդհանուր սկզբունքներից, հանգում է հետե-վության, որ նա պետք է դատապարտվի կալանքի, որպիսի պատիժը սակայն ՀՀ քրեական օրենսգքրի 70-րդ հոդվածի կիրառմամբ պայմանականորեն չպետք է կիրառվի, նկատի ունենա-լով, որ նրա ուղղվելը հնարավոր է առանց պատիժը կրելուª հասարակությունից չմեկուսացնելու, սակայն նրա վարքագծի նկատմամբ հսկողություն սահմանելու միջոցով, ինչն անհրաժեշտ ու բավարար է նաև սոցիալական արդարությունը վերականգնելու և նրա կողմից նոր հանցագոր-ծությունների կատարումը կանխելու համար:
Միաժամանակ, հաշվի առնելով, որ ամբաստանյալը թեև առաջին անգամ կատարել է ոչ մեծ ծանրության հանցանք, սակայն նկատի ունենալով, որ նա հանցանքը կատարելուց հետո կամովին չի ներկայացել մեղայականով« դատարանը գտնում է, որ ՀՀ քրեական օրենսգրքի 72-րդ հոդվածի կիրառմամբª գործուն զղջալու հիմքով, ամբաստանյալին քրեական պատասխանա-տվությունից ազատելու վերաբերյալ պաշտպանի միջնորդությունն անհիմն է, և ամբաստան-յալը չի կարող նշված հիմքով ազատվել քրեական պատասխանատվությունից:
Քննության առնելով իրեղեն ապացույցների տնօրինման հարցը` դատարանը գտնում է, որ փորձաքննությունից հետո մնացած 0,73 գրամ քաշով ՙՉորացված մարիխուանա՚ տեսակի թմրամիջոցը պետք է ոչնչացվի:
Դատարանը, քննության առնելով խափանման միջոցի հարցը, գտնում է, որ ամբաստա-նյալի նկատմամբ կիրառված խափանման միջոցը` ստորագրությունª չհեռանալու մասին, մինչև դատավճռի օրինական ուժի մեջ մտնելը պետք է թողնվի անփոփոխ:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 119-րդ, 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Աղաբեկ Դերենիկի Շուքուրյանին ճանաչել մեղավոր ՀՀ քրեական օրենսգրքի 268-րդ հոդվածի 1-ին մասով և դատապարտել կալանքի 1 (մեկ) ամիս ժամկետով:
ՀՀ քրեական օրենսգրքի 70-րդ հոդվածի կիրառմամբ Ա.Շուքուրյանի նկատմամբ նշա-նակված պատիժը պայմանականորեն չկիրառել և սահմանել փորձաշրջան 6 (վեց) ամիս ժամկետով:
Իրեղեն ապացույցը` 0,73 գրամ քաշով ՙՉորացված մարիխուանա՚ տեսակի թմրամիջո-ցը, ոչնչացնել:
Ա.Շուքուրյանի նկատմամբ կիրառված խափանման միջոցը` ստորագրություն չհեռանա-լու մասին, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ