Գործ թիվ ԵԿԴ/0256/01/12







ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դա¬տարանը (այսուհետ նաև` Դատարան),

նախագահությամբ դատավոր` Արշակ Վարդանյանի,

քարտուղարությամբ` Ժենյա Ավետիսյանի,
Հասմիկ Ջանազյանի,
Սուսաննա Պետրոսյանի և
Էլեն Ղուկասյանի,

մասնակցությամբ`

մեղադրող, Երևանի քաղաքի
դատախազության դատախազներ` Գևորգ Սարգսյանի և
Սուրեն Խաչատրյանի,
տուժողներ`

«ՎՏԲ-Հայաստան Բանկ» ՓԲ
ընկերության ներկայացուցիչ` Կամո Պետրոսյանի,

«Անելիք Բանկ» ՓԲ ընկերության
ներկայացուցիչ` Հովհաննես Աթանյանի,

պաշտպան(հանրային)` Անահիտ Եսայանի,

2013թ. հուլիսի 13-ին դռնբաց դատական նիստում քննեց քրեական գործն ըստ մե¬ղադ¬րանքի`

Հ ա ր ու թ յ ու ն Մ ու շ ե ղ ի Ղ ա զ ա ր յ ա ն ի `
(ծնված 1987թ. հոկտեմբերի 13-ին, Երևան քաղաքում, ազգութ¬յամբ հայ, ՀՀ քաղաքացի, միջնակարգ կրթությամբ, ամու¬րի, նախ¬կինում դատված, դատվածությունը չմարված, չի աշխա¬տել, հաշվառ¬ված է Երևանի Նոր Նորքի 9-րդ զանգվածի 16բ շենքի 4-րդ բնակարանում, փաստացի բնակվել է Կոտայքի մարզի Ջրվեժ գյուղի 20-րդ փողոցի թիվ 1 տանը, սույն գործով կալանքի տակ է 2012թ. հուլիսի 21-ից)

1. Գործի դատավարական նախապատմությունը.
Թիվ 59101112 քրեական գործն հարուցվել է 2012թ. հունիսի 1-ին` ՀՀ ոստիկանության ՔԳՎ Երևան քաղաքի քննչական վար¬չության ծանր հանցագործությունների քննության բաժնում ՀՀ քրեա¬կան օրենսգրքի 178-րդ հոդվածի 2-րդ մասի 2-րդ կետի հատկանիշներով` Հարություն Ղազարյանի կողմից խոշոր չափի գումարներ խարդախությամբ հափշտակելու դեպքի առթիվ։
2012թ. հուլիսի 2-ին Հարություն Ղազարյանը ներգրավվել է որպես մեղադրյալ ՀՀ քրեական օրենսգրքի 178-րդ հոդվածի 2-րդ մասի 2-րդ կետով, նրա նկատմամբ հայտարարվել է հե¬տախուզում` գտնվելու վայրն անհայտ լինելու պատճառաբանությամբ։
2012թ. հուլիսի 2-ին Երևանի Կենտրոն և Նորք-Մարաշ վարչական շրջանների ընդհանուր իրա¬վա¬սության դատարանը, բավարարելով նախաքննական մարմնի միջնորդությունը` հետախուզվող Հ.Ղազարյանի նկատմամբ որպես խափանման միջոց է կիրառել կալանավորումը։
2012թ. հուլիսի 21-ին Հ.Ղազարյանը հայտնաբերվել է։
2012թ. հուլիսի 24-ին, նույն դատարանը կրկնակի քննարկելով Հ.Ղազարյանի նկատ¬մամբ կա¬լան¬քը որպես խափանման միջոց ընտրելու հարցը, վերահաստատել է դատարանի 2012թ. հուլիսի 2-ի որոշումը` Հ.Ղազարյանի կալանավորման սկիզբն հաշվելով 2012թ. հուլիսի 21-ից։
2012թ. դեկտեմբերի 19-ին Հարություն Ղազարյանին առաջադրված մեղադրանքը փոփոխվել և լրացվել է, նրան նոր մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով` պայմանավորված դատաքիմիական, դատահետքաբանական և դատաապրանքա¬գի¬տա¬կան համալիր փորձաքննության արդյունքներով Հ.Ղազարյանի հափշտակած գումարի չափի հստա¬¬կեցմամբ։
2012թ. դեկտեմբերի 27-ին Հարություն Մուշեղի Ղազարյանի վերա¬բերյալ քրեական գործը ՀՀ քրեական օրենսգրքի 178-րդ հոդվածի 2-րդ մասի 2-րդ կետով հաստատված մեղադրա¬կան եզրա¬կա¬ցությամբ ուղարկվել է Երևանի Կենտրոն և Նորք-Մարաշ վարչական շրջանների ընդ¬հանուր իրավա¬սության դատա¬րան և 2013թ. հունվարի 8-ին ընդունվել վարույթ։
2013թ. հուլիսի 2-ին մեղադրողը, ղեկավարվելով ՀՀ քրեական դատա¬վա¬րական օրենսգրքի 309.1-րդ հոդվածի 3-րդ մասով նախատեսված լիազորությամբ, որոշում է կայաց¬րել ամբաս¬տան¬յալ Հարություն Ղազարյանին առաջադրված մեղադրանքը փոփոխելու և լրացնելու, վերջինիս ՀՀ քրեական օրենսգրքի 178-րդ հոդվածի 2-րդ մասի 2-րդ կետով նոր մեղադրանք առաջադրելու մասին` ըստ էության հստա¬կեց¬նելով հափշտակության արդյունքում տուժողներին պատ¬ճառված վնասի ընդ¬հանուր չափը (նախկինում առաջադրված 2.247.207 ՀՀ դրամի փոխարեն` 2.248.018.2 ՀՀ դրամ)։

2. Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դատարանն հաստատված հա¬մա¬րեց այն, որ Հարություն Ղազարյանը, տուժողների վստահությունը չարա¬շա¬հելու, ինչպես նաև խաբեության եղանակով խոշոր չափի գույք հափշտա¬¬կելու դիտա¬վո¬րությամբ, ոս¬կերչի մաս¬նագիտական որակներն օգտագործելով, Երևան քաղաքի Լա¬զոյի փողոցի թիվ 6 շենքի տանիքում պատ¬րաս¬տել է ոսկու քիչ պարունակությամբ, կեղծ ոսկյա շղթա¬ներ և կախազարդեր, որոնք «ՎՏԲ-Հայաստան բանկ» և «Անելիք Բանկ» ՓԲ ընկերությունների տարբեր մասնաճյուղերում գրավադնելու միջոցով ստացել է վարկեր և խաբեությամբ հափշտակել դրանց գումարները։
Այսպես, 2011թ. դեկտեմբերի 5-ին խաբեությամբ և չարաշահելով «ՎՏԲ-Հայաստան բանկ» ՓԲ ընկերության` Երևան քաղաքի Բադալ Մուրադյան 1 հասցեում գործող «Նորք» մասնաճյուղի աշխատա¬կից¬ների վստահությունը` գրավադրել է 77.100 դրամ արժողությամբ 5.37 գրամ ոսկու և արժեք չներ¬կա¬յաց¬նող պղնձի պարունակությամբ 16.10 գրամ քաշով շղթա, ինչպես նաև 7.430 դրամ արժողութ¬յամբ ոսկեջրած և ամբողջությամբ արծաթից պատրաստած 8.2 գրամ քաշով կախազարդ, և դրա դիմաց համարժեք վարկ ստանալու փոխարեն՝ խաբեությամբ ստացել է 24,3 գրամ հաստատուն քաշով ոսկուն համարժեք՝ 268.136 ՀՀ դրամ վարկ` հափշտակելով զգալի չափի՝ 183.606 ՀՀ դրամ գումար։
Բացի այդ, 2011թ. դեկտեմբերի 6-ին խաբեությամբ և չարաշահելով «Անելիք Բանկ» ՓԲ ընկե¬րության «Նոր Նորք» մասնաճյուղի աշխատակիցների վստահությունը, գրավադրել է 8.000 դրամ արժողությամբ ոսկեջրած և ամբողջությամբ արծաթից պատրաստած 8.65 գրամ քաշով կախա¬զարդ, ինչպես նաև 73.600 դրամ արժողությամբ 4.77 գրամ ոսկու և մնացածն արժեք չներկայաղնող պղնձից պատրաստված 16 գրամ քաշով շղթա, դրա դիմաց համարժեք վարկ ստանալու փոխարեն՝ խաբեութ¬յամբ ստացել է 24.65 գրամ հաստատուն քաշով ոսկուն համարժեք՝ 261.000 ՀՀ դրամ վարկ և հափշտակել զգալի չափի՝ 179.400 ՀՀ դրամ գումար։
Այնուհետև, 2011թ. դեկտեմբերի 13-ին խաբեությամբ և չարաշահելով «Անելիք Բանկ» ՓԲ ընկերության «Բաղրամյան» մասնաճյուղի աշխատակիցների վստահությունը, գրավադրել է 8.400 դրամ արժողությամբ ոսկեջրած և ամբողջությամբ արծաթից պատրաստած 9.1 գրամ քաշով կա¬խա¬զարդ, 8.300 դրամ արժողությամբ ոսկեջրած և ամբողջությամբ արծաթից պատրաստած 9.0 գրամ քաշով կախազարդ, 69.300 դրամ արժողությամբ 5.69 գրամ ոսկու և մնացածն արժեք չներ¬կա¬յաց¬նող պղնձի պարունակությամբ պատրաստած 12.55 գրամ քաշով շղթա, 136.500 դրամ արժողությամբ 8.74 գրամ ոսկու և մնացածն արժեք չներկայացնող պղնձի պարունակությամբ պատրաստած 27.7 գրամ քաշով շղթա, 142.000 դրամ արժողությամբ 8.94 գրամ ոսկու և մնացածն արժեք չներկայացնող պղնձի պարունակությամբ պատրաստած 27.55 գրամ քաշով շղթա, և դրանց համարժեք վարկ ստանալու փոխարեն՝ խաբեությամբ ստացել է 22.45 գրամ հաստատուն քաշով ոսկուն համարժեք՝ 968.000 ՀՀ դրամ վարկ և հափշտակել զգալի չափի՝ 603.500 ՀՀ դրամ գումար։
Բացի այդ, 2011թ. դեկտեմբերի 20-ին խաբեությամբ և չարաշահելով «Անելիք Բանկ» ՓԲ ընկերության «Բաղրամյան» մասնաճյուղի աշխատակիցների վստահությունը, գրավադրել է 10.400 դրամ արժողությամբ ոսկեջրած և ամբողջությամբ արծաթից պատրաստած 11.4 գրամ քաշով կա¬խազարդ, և դրա դիմաց համարժեք վարկ ստանալու փոխարեն՝ խաբեությամբ ստացել է 11.4 գրամ հաստատուն քաշով ոսկուն համարժեք՝ 165.000 ՀՀ դրամ վարկ և հափշտակել զգալի չափի՝ 154.600 ՀՀ դրամ գումար։
Ավելին, 2011թ. դեկտեմբերի 22-ին խաբեությամբ և չարաշահելով «Անելիք Բանկ» ՓԲ ըն¬կե¬րության «Նոր Նորք» մասնաճյուղի աշխատակիցների վստահությունը, գրավադրել է 10.000 դրամ արժողությամբ ոսկեջրած և ամբողջությամբ արծաթից պատրաստված 10.85 գրամ քաշով կախա¬զարդ, ինչպես նաև 10.700 դրամ արժողությամբ ոսկեջրած և ամբողջությամբ արծաթից պատ¬րաստված 11.6 գրամ քաշով կախազարդ, և դրանց դիմաց համարժեք վարկ ստանալու փոխարեն՝ խաբեությամբ ստացել է 22.45 գրամ հաստատուն քաշով ոսկուն համարժեք՝ 185.000 ՀՀ դրամ վարկ և հափշտակել զգալի չափի՝ 164.300 ՀՀ դրամ գումար։
Դրանից հետո, 2011թ. դեկտեմբերի 26-ին խաբեությամբ և չարաշահելով «ՎՏԲ-Հայաստան բանկ» ՓԲ ընկերության Երևան քաղաքի Բադալ Մուրադյան 1 հասցեում գործող «Նորք» մաս¬նաճյուղի աշխատակիցների վստահությունը, գրավադրել է 9.350 դրամ արժողությամբ ոսկեջրած և ամբողջությամբ արծաթից պատրաստած 10.35 գրամ քաշով կախազարդ, ինչպես նաև 10.300 դրամ արժողությամբ ոսկեջրած և ամբողջությամբ արծաթից պատրաստած 11.4 գրամ քաշով կախազարդ, և դրա դիմաց համարժեք վարկ ստանալու փոխարեն՝ խաբեությամբ ստացել է 21.75 գրամ հաստա¬տուն քաշով ոսկուն համարժեք՝ 245.604,3 ՀՀ դրամ վարկ և հափշտակել զգալի չափի՝ 225.954,3 ՀՀ դրամ գումար։
Բացի այդ, 2011թ. դեկտեմբերի 27-ին խաբեությամբ և չարաշահելով «ՎՏԲ-Հայաստան բանկ» ՓԲ ընկերության Երևան քաղաքի Ավան, Իսահակյան 3/1ա հասցեում գործող «Խորհրդա¬յին» մասնաճյուղի աշխատակիցների վստահությունը, խաբեությամբ գրավադրել է 10.600 դրամ արժո¬ղութ¬յամբ ոսկեջրած և ամբողջությամբ արծաթից պատրաստած 12.10 գրամ քաշով կախա¬զարդ, ինչպես նաև 7.700 դրամ արժողությամբ ոսկեջրած և ամբողջությամբ արծաթից պատրաստած 8.85 գրամ քաշով կախազարդ, և դրանց դիմաց համարժեք վարկ ստանալու փոխարեն՝ խաբեութ¬յամբ ստացել է 20.95 գրամ հաստատուն քաշով ոսկուն համարժեք՝ 230.583.1 ՀՀ դրամ վարկ և հափշտա¬կել զգալի չափի՝ 212.283,1 ՀՀ դրամ գումար։
Այնուհետև, 2011թ. դեկտեմբերի 27-ին խաբեությամբ և չարաշահելով «ՎՏԲ-Հայաստան բանկ» ՓԲ ընկերության Երևան քաղաքի Դրոյի 15 հասցեում գործող «Թիվ 10» մասնաճյուղի աշխա¬տա¬կիցների վստահությունը, գրավադրել է է 9.930 դրամ արժողությամբ ոսկեջրած և ամբողջությամբ արծաթից պատրաստած 10.9 գրամ քաշով կախազարդ, ինչպես նաև 9.600 դրամ արժողությամբ ոսկեջրած և ամբողջությամբ արծաթից պատրաստած 10.7 գրամ քաշով կախազարդ, և դրա դիմաց համարժեք վարկ ստանալու փոխարեն՝ խաբեությամբ ստացել է 21.6 գրամ հաստատուն քաշով ոսկուն համարժեք՝ 234.338,4 ՀՀ դրամ վարկ և հափշտակել զգալի չափի՝ 214.808,4 ՀՀ դրամ գումար։
Բացի այդ, 2011թ. դեկտեմբերի 30-ին խաբեությամբ և չարաշահելով «ՎՏԲ-Հայաստան բանկ» ՓԲ ընկերության Երևան քաղաքի Կիևյան 19 հասցեում գործող «Թիվ 3» մասնաճյուղի աշ¬խա¬տակիցների վստահությունը, գրավադրել է 67.500 դրամ արժողությամբ 5.52 գրամ ոսկու և արժեք չներկայացնող պղնձի պարունակությամբ 23.55 գրամ քաշով շղթա, ինչպես նաև 10.300 դրամ արժողությամբ ոսկեջրած և ամբողջությամբ արծաթից պատրաստած 11.35 գրամ քաշով կախա¬զարդ, և դրա դիմաց համարժեք վարկ ստանալու փոխարեն՝ խաբեությամբ ստացել է ընդհանուր 34.9 գրամ հաստատուն քաշով ոսկուն համարժեք՝ 387.366.4 ՀՀ դրամ վարկ և հափշտակել զգալի չափի՝ 309.566,4 ՀՀ դրամ գումար։
Վերոնշյալ հանցավոր արարքը կատարելու համար Հարություն Ղազարյանին մե¬ղադ¬րանք է առա¬ջադրվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
Ամբաստանյալ Հ.Ղազարյանը Դատարանում իրեն մեղավոր ճանաչեց մասնակի` ընդու¬նե¬լով, որ պատրաստել է ոսկու քիչ պարունակությամբ կեղծ ոսկյա շղթաներ և կախազարդեր, որոնք գրավադրել և վարկեր է ստացել «ՎՏԲ-Հայաստան բանկ» և «Անելիք Բանկ» ՓԲ ընկերությունների տարբեր մասնաճյուղերից։ Վիճարկեց պատրաստած զարդերում ոսկու պարունակության մասով փորձագիտական եզրակացության հետևությունները` պատճառաբանելով, որ դրանցում ոսկու պա¬րու¬նակությունն իրականում ավելի շատ է, քան նշված է այդ եզրակացություններում։ Նշեց, որ կա¬խա¬զար¬դերի եզրերն իրականում պատրաստել է ոչ թե արծա¬թից, այլ ոսկուց, կախա¬զարդերը ոչ թե ոսկեջրել, այլ պատել է 2-2.5 գրամ ոսկու շերտով։ Նշեց, որ վիճարկվող զարդերը ձուլելու դեպքում միայն հնարավոր կլիներ հստակ առանձնացնել դրանցում ոսկու իրական պարունակությունը, ինչի արդյուն¬քում իրեն առաջադրված մեղադրանքի ծավալում դրված հափշտակության չափը կնվազեր մոտ 600.000 ՀՀ դրամի չափով։ Այնուամենայնիվ, դատական վիճաբա¬նութ¬յունների փուլում, ամբաս¬տանյալ Հ.Ղա¬զար¬յանը փոխելով դիրքորոշումը, առաջադրված մեղադրան¬քում իրեն լիովին մեղավոր ճանաչեց, նաև մեղադրանքի ծավալում ընդգրկված գումարի չափով ընդունելով իր դեմ ներկայաց¬ված քաղաքացիական հայցերը։
Ամբաստանյալ Հարություն Ղազարյանի վերոնշյալ պատճառաբանությունն անհիմն է, հե¬տապնդում է նրա դեմ քաղաքացիական հայցերով ներկայացված գումարների վճարումից թեկուզ մասամբ խուսափելու նպատակ։ Նրան առաջադրված մեղադրանքը, բացի խոս¬տո¬վանական ցուց¬մունք¬ներից, Դատարանը հաստատված համարեց պատշաճ իրավա¬կան ընթա¬¬ցա¬կարգերի շրջա¬նակներում դատաքննությամբ հետազոտ¬ված հետևյալ ապա¬ցույց¬ների գնա¬հատման արդյուն¬քներով.

Տուժող «ՎՏԲ-Հայաստան Բանկ» ՓԲ ընկերությունից կատարված հափշտակության դրվագ.

Տուժողի ներկայացուցիչ Կամո Պետրոսյանի ցուցմունքով. Վերջինս Դատարանում հայտնեց, որ Հարություն Ղազարյանի կատարված հանցագործության` կեղծ զարդեր պատրաստելու, բանկի մասնաճյուղեր ներկայացնելու, վարկեր ստանալու և վարկի գումարները խաբեությամբ հափշտա¬կելու հետևանքով «ՎՏԲ-Հայաստան Բանկ» ՓԲ ընկերությանը պատճառվել է 2.326.364 ՀՀ դրամի վնաս։ Դատարանում ներկայացրեց 2.326.364 ՀՀ դրամի քաղաքացիական հայց` խնդրելով այն բռնա¬գանձել ամբաստանյալ Հ.Ղազարյանից։
Նույն բանկի «Նորք» մասնաճյուղի վարկային մասնագետ, վկա Քրիստինե Ղուլախսզյանի ցուցմունքով։ Վերջինս, Դատարանում ըստ էության վերահաստատելով նախաքննական ցուցմունք¬ները, հայտնեց, որ 2011թ. դեկտեմբերի 26-ին` ժամը 15-ի սահմաններում, իրենց մասնաճյուղ է եկել Հարություն Ղազարյանը և մոտենալով ոսկերիչ Սերգեյ Բաղդասարյանին` ներկայացրել երկու կախազարդ։ Ոսկերիչը կախազարդերը ստուգելուց հետո կազմել է գնահատման ակտ, համաձայն որի` 2 կախազարդերն էլ պատրաստված են 750 հարգի ոսկուց։ Կախազարդերի ընդհանուր քաշը կազմել է մոտ 21 գրամ։ Գնահատման ակտի հիման վրա ինքը կազմել է վարկային պայմանագիր, որը ստորագրվել է կառավարչի տեղակալի և Հարություն Ղազարյանի կողմից։ Հ.Ղազարյանին տրամադրվելիք 268.800 ՀՀ դրամից պահել են 3 ամսվա տոկոսները, սպասարկման վճարը և կանխիկացման գումարը` ընդհանուր գումարի 0,2 տոկոսի չափով։ Հ.Ղազարյանը ստացել է 245.604 ՀՀ դրամ վարկ։ 2011թ. դեկտեմբերի վերջերին աշխա¬տանքի վայրում ընդհանուր խոսակցութ¬յուններից տեղեկացել է, որ Հ.Ղազարյանի գրավադրած զարդերը կեղծ են։ Այդ ժամանակ էլ իմացել է, որ 2012թ. դեկտեմբերի 5-ին Հ.Ղազարյանն իրենց մասնաճյուղում կրկին գրավադրել է նաև կախազարդ և շղթա։ 2012թ. հունվարին բանկի գլխամասից ներքին աուդիտի աշխատակիցներն եկել են իրենց մասնաճյուղ և Հ.Ղազարյանի գրավադրած զարդերով պարկերը իր, ոսկերիչ Սերգեյի և կառավարիչ Մհեր Սարգսյանի ներկայությամբ բացելով՝ զարդերը կրկին անգամ ստուգել և պարզել են, որ դրանք միայն արտաքինից են ոսկյա, ներսում այլ մետաղ է։
Նույն բանկի «Խորհրդային» մասնաճյուղի ոսկերիչ, վկա Հայկ Սեդրակյանի ցուցմունքով. Վերջինս Դատարանում նշեց, որ 2011թ. դեկտեմբերի 27-ին` ցերեկը, իրենց մասնաճյուղ է այցելել Հարություն Ղազարյանը և ներկայացրել երկու կախազարդ` խնդրելով այն ընդունել որպես գրավ և նրան վարկ տրամադրել։ Նշված 2 կախազարդերը ստուգել և գնահատել է 252.000 դրամ։ Այնուհետև կազմել է գնահատման ակտ, որը փոխանցել է վարկային մասնագետին` վարկային և գրավի պայմանագիր կազմելու համար։ Դրանից հետո Հ.Ղազարյանը ձևակերպված փաստաթղթե¬րով գնացել է դրամարկղ և ստացել վարկի գումարը։ 2012թ. հունվարին իրենց բանկի գլխամասից ներքին աուդիտի աշխատակիցները եկել և ստուգել են Հ.Ղազարյանի գրավադրած զար¬դերը` պարզելով, որ դրանք կեղծ են։
Նույն բանկի «Խորհրդային» մասնաճյուղի վարկային մասնագետ, վկա Արմեն Համբար¬ձում¬յանի ցուցմունքով. Վերջինս Դատարանում հայտնեց, որ 2011թ. դեկտեմբերի 27-ին` ժամը 15։30-ի սահմաններում, բանկ է եկել Հարություն Ղազարյանը, ով մոտենալով ոսկերիչ Հայկ Սեդրակ¬յանին` ներկայացրել է երկու կախազարդ` դրանք գրավադնելու և վարկ ստանալու համար։ Ոսկերիչը դրանց վերաբերյալ կազմել է գնահատման ակտ։ Զարդերի ընդհանուր արժեքը կազմել է 252.160 դրամ։ Գնահատման ակտի հիման վրա ինքը կազմել է վարկային և գրավի պայմանագիր` 2 օրի¬նա¬կից, որոնք ստորագրվել են բանկի կառավարչի և Հ.Ղազարյանի կողմից։ Դրանից հետո Հ.Ղազար¬յանը դրամարկղից ստացել է 230.583 ՀՀ դրամ վարկ և հեռացել։
Նույն բանկի «Նորք» «Խորհրդային» մասնաճյուղի ոսկերիչ-մասնագետ, վկա Սերգեյ Բաղ¬դա¬¬սարյանի` Դատարանում հրապարակված և հետազոտված ցուցմունքով` այն մասին, որ 2011թ. դեկտեմբերի 5-ին` կեսօրին, իրենց մասնաճյուղ է եկել Հարություն Ղազարյանը, գրավադրման համար իրեն է ներկայացրել ոսկյա շղթա և կախազարդ։ Շղթան և կախազարդը համապատաս¬խանել են 750 հարգի ոսկուն, որոնց ընդհանուր քաշը կազմել է 24.4 գրամ։ Դրանք գնահատել է 292.820 դրամ։ Այնուհետև կազմել է գնահատման ակտ, որը փոխանցել է վարկային մասնագետին` վարկային և գրավի պայմանագրեր կազմելու համար։ 2011թ. դեկտեմբերի 26-ին Հ.Ղազարյանը նորից է եկել իրենց մասնաճյուղ և գրավադրել ևս երկու ոսկյա կախազարդ։ Երկու կախազարդերն էլ եղել են 750 հարգի ոսկուց և կշռել են ընդհանուր 21,7 գրամ։ Կախազարդերը միասին գնահատել է 268.800 դրամ։ Այնուհետև բանկի գլխամասից հայտնել են, որ Հ.Ղազարյանի գրավադրած զարդերը կեղծ են։ Ներքին աուդիտի աշխատակիցների հետ միասին Հ.Ղազարյանի գրավադրած զարդերի փաթեթները բացել և զարդերը ենթարկել են ստուգման արդեն խորը խարտման միջոցով, որի արդ¬յուն¬¬քում պարզվել է, որ զարդերը միայն արտաքինից են ոսկուց, ներսում այլ մետաղ է։
Նույն բանկի «թիվ 10» մասնաճյուղի ոսկերիչ-մասնագետ, վկա Վոլոդյա Սարգսյանի` Դատարանում հրապարակված և հետազոտված ցուցմունքով` այն մասին, որ 2011թ. դեկտեմբերի 27-ին ցերեկը, իրենց մասնաճյուղ է եկել Հարություն Ղազարյանը և ներկայացրել ոսկյա երկու կախազարդ։ Դրանք ստուգել և գնահատել է 256.000 դրամ։ Այնուհետև կազմել է գնահատման ակտ, որը փոխանցել է վարկային մասնագետին` վարկային և գրավի պայմանագիր կազմելու համար։ 2012թ. հունվարին իրենց բանկի գլխամասից ներքին աուդիտի աշխատակիցները ստուգել են Հ.Ղազարյանի գրավադրած այդ զարդերն ու պարզել, որ դրանք կեղծ են։
Նույն բանկի «թիվ 10» մասնաճյուղի վարկային մասնագետ, վկա Արթուր Անդրեասյանի ցուցմունքով. Վերջինս Դատարանում հայտնեց, որ 2011թ. դեկտեմբերի 27-ին` ցերեկը, իրենց մասնաճյուղ է եկել Հարություն Ղազարյանը, ներկայացրել երկու կախազարդ, որոնք ոսկերիչը ստուգել և գնահատել է 256.000 ՀՀ դրամ։ Գնահատման ակտի հիման վրա ինքը կազմել է վարկային և գրավի պայմանագիր, որոնք ստորագրել են բանկի կառավարիչը և Հարություն Ղազարյանը։ Այնուհետև Հ.Ղազարյանը, ստանալով վարկը, հեռացել է։ Հ.Ղազարյանին տրամադրվել է վարկ 230.000 ՀՀ դրամի չափով, քանի որ սկզբնական գումարից պահվել են 3 ամսվա տոկոսները, սպասարկման վճարը և կանխիկացման գումարը` ընդհանուր գումարի 0,2 տոկոսի չափով։ Հ.Ղազարյանը կախա¬զարդերը գրավադրել է 6 ամսով։ 2011թ. դեկտեմբերի վերջերին իրենց մասնաճյուղի կառավա¬րիչից տեղեկացել է, որ Հ.Ղազարյանը «Անելիք Բանկ» ՓԲ ընկերության այլ մասնաճյուղում ևս զարդ է գրավադրել և պարզվել է, որ դրանք կեղծ են։ 2012թ. հունվարին իրենց բանկի գլխամասից ներքին աուդիտի աշխատակիցները եկել և Հ.Ղազարյանի գրավադրած զարդերով պարկը բացելով և կախա¬զարդերն առավել մանրակրկիտ ստուգելով` պարզել են, որ դրանք միայն արտաքինից են ոսկյա, իսկ ներսում այլ մետաղ է։
Նույն բանկի «թիվ 3» մասնաճյուղի ոսկերիչ-մասնագետ, վկա Յուրիկ Հարությունյանի ցուցմունքով. Վերջինս Դատարանում հայտնեց, որ 2011թ. դեկտեմբերի 30-ին` ցերեկը, իրենց մասնաճյուղ է եկել Հարություն Ղազարյանը և գրավադրման համար ներկայացրել է կախազարդ և շղթա։ Ինքը զարդերը ստուգելուց հետո գնահատել է կախազարդը՝ 157.680 ՀՀ դրամ, շղթան` 262.200 ՀՀ դրամ։ Ընդհանուր արժեքը կազմել է 419.880 ՀՀ դրամ, որի դիմաց Հ.Ղազարյանը ստացել է վարկ 419.000 ՀՀ դրամի չափով։ 2012թ. հունվարին իրենց բանկի գլխամասի ներքին աուդիտի աշխատա¬կիցներից տեղեկացել է, որ Հ.Ղազարյանի գրավադրած ոսկյա զարդերը կեղծ են։
Դատահետքաբանական, դատաքիմիական և դատաապրանքագիտական համալիր փոր¬ձաքննության 2012թ. նոյեմբերի 29-ի թիվ 12-1985 եզրակացությամբ` այն մասին, որ «ՎՏԲ-Հայաս¬տան Բանկ» ՓԲ ընկերության տրամադրած 16,10 գրամ քաշով շղթայում պարունակվում է 5,37 գրամ 695 հարգի ոսկու համաձուլվածք։
- 23,55 գրամ ընդհանուր քաշով շղթայում պարունակվում է 5,52 գրամ 594 հարգի ոսկու հա¬մա¬ձուլվածք։
Փորձաքննությանը տրամադրված փաթեթներում առկա կախազարդերը պատրաստված են որպես հիմնական մետաղների համաձուլվածք հանդիսացող 925 հարգի արծաթի համաձուլվածքից, որոնց մակերեսները ոսկեջրված են։
Փորձաքննությանը ներկայացված թիվ 2 փաթեթում (27.12.2011թ. «թիվ 10» մասնաճյուղ) գտնվող երկու կախազարդերի գլխիկային հատվածներոմ առկա օղակների տարրերի մակերեսներին առկա է «750» դրոշմվածքը։
թիվ 3 փաթեթում (26.12.2011թ. «Նորք» մասնաճյուղ) գտնվող երկու կախազարդերի գլխի¬կա¬յին հատվածներում առկա օղակների տարրերի մակերեսներին առկա են՝ «750», իսկ մյուսի վրա «*750» դրոշմվածքները։
թիվ 4 փաթեթում (05.12.2011թ. «Նորք» մասնաճյուղ) գտնվող շղթայի փականից դեպի ներքև գտնվող լայնական մակերեսներին և կախազարդի գլխիկային հատվածում առկա օղակաձև տարրի մակերեսներին առկա է «18K» դրոշմվածքները։
թիվ 5 փաթեթում (30.12.2011թ. «թիվ 3» մասնաճյուղ) գտնվող շղթայի փականից դեպի ներքև գտնվող լայնական մակերեսներին առկա է«*585», իսկ կախազարդի գլխիկային հատվածում առկա օղակաձև տարրի մակերեսներին առկա է «750» դրոշմվածքները։
Փորձաքննության տրամադրված օբյեկտների բաղադրակազմում պարունակվող թանկարժեք մետաղների միջին շուկայական արժեքները որոշմամբ առաջադրված օրերի դրությամբ հետևյալն են՝ թիվ 2 փաթեթում 10.9 գրամ քաշով կախազարդի մեջ առկա 10.9 գրամ արծաթի արժեքն է 4150 դրամ, իսկ ոսկեջրման արժեքը՝ 5780 դրամ։ 10.7 գրամ քաշով կախազարդի մեջ առկա 10.7 գրամ արծաթի արժեքն է 4000 դրամ, իսկ ոսկեջրման արժեքը՝ 5600 դրամ։
Թիվ 3 փաթեթում 10.35 գրամ քաշով կախազարդի մեջ առկա 10.35 գրամ արծաթի արժեքն է 3900 դրամ, իսկ ոսկեջրման արժեքը՝ 5450 դրամ։ 11.4 գրամ քաշով կախազարդի մեջ առկա 11.4 գրամ արծաթի արժեքն է 4300 դրամ, իսկ ոսկեջրման արժեքը՝ 6000 դրամ։
Թիվ 4 փաթեթում 16.10 գրամ քաշով շղթայի մեջ առկա 695 հարգի 5.37 գրամ ոսկու արժեքն է 77.000 դրամ, այն պատրաստված է որպես հիմնական մետաղի համաձուլվածք հանդիսացող պղնձից, որն առկա քանակական պարունակությամբ իրենից արժեք չի ներկայացնում։ 8.2 գրամ քաշով կախազարդի մեջ առկա 8.2 գրամ արծաթի արժեքն է 3100 դրամ, իսկ ոսկեջրման արժեքը՝ 4330 դրամ։
Թիվ 5 փաթեթում 23.55 գրամ քաշով շղթայի մեջ առկա 594 հարգի 5.52 գրամ ոսկու արժեքն է 67.500 դրամ, այն պատրաստված է որպես հիմնական մետաղի համաձուլվածք հանդիսացող պղնձից, որն առկա քանակական պարունակությամբ իրենից արժեք չի ներկայացնում։ 11.35 գրամ քա¬շով կախազարդի մեջ առկա 11.35 գրամ արծաթի արժեքն է 4.300 դրամ, իսկ ոսկեջրման արժեքը՝ 6.000 դրամ։
Դատահետքաբանական, դատաքիմիական և դատաապրանքագիտական համալիր փոր¬ձաքննության 2012թ. դեկտեմբերի 17-ի թիվ 12-1985/1 եզրակացությամբ` այն մասին, որ «ՎՏԲ-Հայաստան Բանկ» ՓԲ ընկերության «Խորհրդային» մասնաճյուղի տրամադրած փաթեթ 6-ում առկա թվով 2 շրջանաձև 12,10 գրամ և 8,85 քաշով կախազարդերը պատրաստված են որպես հիմնական մետաղների համաձուլվածք հանդիսացող 925 հարգի արծաթի համաձուլվածքից, որոնց մակերեսները ոսկեջրված են։
Փորձաքննության ներկայացված կախազարդերից մեկի հետին մակերեսին առկա է դժվար ընթեռնելի «18K» գրառումը, իսկ մյուս կախազարդի օղակի վրա առկա է «*750» դաջվածքը։
Փորձաքննությանը տրամադրված օբյեկտների միջին շուկայական արժեքները 27.12.2011թ. դրությամբ հետևյալն են՝ 12.10 գրամ քաշով կախազարդի մեջ առկա 12.10 գրամ արծաթի արժեքն է 4.400 դրամ, իսկ ոսկեջրման արժեքը՝ 6.200 դրամ։ 8.85 գրամ քաշով կախազարդի մեջ առկա 8.85 գրամ արծաթի արժեքն է 3.200 դրամ, իսկ ոսկեջրման արժեքը՝ 4.500 դրամ։


Տուժող «Անելիք Բանկ» ՓԲ ընկերությունից կատարված հափշտակության դրվագ

Տուժողի ներկայացուցիչ Հովհաննես Աթանյանի ցուցմունքով. Վերջինս Դատարանում հայտ¬նեց, որ Հարություն Ղազարյանի կատարված հանցագործության` կեղծ զարդեր պատրաստելու, իրենց բանկի մասնաճյուղեր ներկայացնելու, վարկեր ստանալու և վարկի գումարները խաբեությամբ հափշտակելու հետևանքով «Անելիք Բանկ» ՓԲ ընկերությանը պատճառվել է 2.931.923.20 ՀՀ դրամի վնաս` խնդրելով այն բռնագանձել ամբաստանյալ Հ.Ղազարյանից։ Նշեց նաև, որ բռնագանձումը պետք է տարածել նախևառաջ բանկում վերջինիս գրավադրած ոսկյա զարդերի վրա` փոր¬ձաքննութ¬յամբ պարզված ոսկու արժեքին համապատասխան։
Նույն բանկի «Բաղրամյան» մասնաճյուղի ոսկերիչ-մասնագետ, վկա Գրիշա Սարգսյանի ցուցմունքով. Վերջինս Դատարանում վերահաստատելով նախաքննական ցուցմունքը, հայտնեց, որ 2011թ. դեկտեմբերի 13-ին` ժամը 12-ի սահմաններում, իրենց մասնաճյուղ է եկել Հարություն Ղազար¬յանը, ով գրավադրման համար իրեն է ներկայացրել ոսկյա 3 շղթաներ և 2 կախազարդեր, որոնք ստուգել է` քարի վրա քսելով և հարգ որոշող հակազդուկներով։ Շղթաներից երկուսը 750 հարգի ոսկուց էին, համապատասխանաբար` 27,5 գրամ և 27,6 գրամ քաշերով, իսկ երրորդը` 583 հարգի ոսկուց էր, 12,6 գրամ քաշով։ 750 հարգի ոսկյա զարդերի 1 գրամը հաշվարկել է 13.500 ՀՀ դրամով, իսկ 583 հարգի զարդինը` 10.500 ՀՀ դրամով` ընդհանուր գնահատելով 1.105.600 ՀՀ դրամ։ Իրենց բանկում տրվում է գնահատված արժեքի 90 տոկոսը` 6 ամսով գրավադնելու դեպքում և տվյալ դեպքում այն կազմել է 995.000 ՀՀ դրամ։ Այդ մասին կազմել է գնահատման ակտ, որը փոխանցել է վարկային մասնագետին` վարկային և գրավի պայմանագրեր կազմելու համար։ Հ.Ղազարյանի ներկայությամբ զարդերը դրել է թափանցիկ պոլիէթիլենային տոպրակի մեջ և կապարակնքել։ Այնու¬հետև այդ փաթեթը հանձնել է գանձապահին` պահոց տանելու համար։ Հ.Ղազարյանը իրենց մաս¬նաճյուղ կրկին եկել է 2011թ. դեկտեմբերի 20-ին` ժամը 16։30-ի սահմաններում։ Վերջինս իրեն ներ¬կայացրել է ոսկյա կլոր կախազարդ, որը նմանատիպ էր նախկինում գրավադրած 2 կախա¬զար¬դերին։ Այն ստուգել է` քարի վրա քսելով և հարգ որոշող հակազդուկ նյութ կաթացնելով։ Այն 750 հարգի ոսկուց էր, մոտ 14 գրամ քաշով։ Դրա արժեքը հաշվարկել է մեկ գրամը 13.500 դրամով և ընդհանուր արժեքը կազմել է 189.000 ՀՀ դրամ։ Սակայն Հ.Ղազարյանին վարկ է տրամադրվել գնահատված զարդի արժեքի 90 տոկոսի` 170.000 ՀՀ դրամի չափով։ Այդ մասին կազմել է գնահատման ակտ, որի հիման վրա վարկային մասնագետը կազմել է վարկային և գրավի պայմանագրերը։ Այդ ընթացքում Հ.Ղազարյանի ներկայությամբ զարդը դրել է թափանցիկ պոլիէթիլենային պարկի մեջ, կապարակնքել։ Այդ փաթեթը հանձնել է գանձապահին` պահոց տանե¬լու համար։ 2012թ. գարնանը «Անելիք» բանկի գլխամասից հայտնել են, որ Հ.Ղազարյանը կեղծ զարդեր է գրավադրել այլ բանկում։
Նույն բանկի «Բաղրամյան» մասնաճյուղի բանկային և ֆինանսական գործառնությունների իրականացման բաժնի գլխավոր մասնագետ, վկա Արսեն Ավագյանի ցուցմունքով. Վերջինս Դատարանում հայտնեց, որ Հարություն Ղազարյանը 2011թ. դեկտեմբերի 13-ին իրենց մասնաճյու¬ղում գրավադրել է 3 շղթաներ և 2 կախազարդ, որոնք գնահատվել են 1.105.600 ՀՀ դրամ։ Գնահատման ակտի հիման վրա կազմվել են վարկային և գրավային պայմանագրեր։ Հ.Ղազարյանի փաստացի դրամարկղից ստացել է վարկ 968.440 ՀՀ դրամի չափով, քնաի որ վերջինիս ցանկությամբ նրան տրամադրվող վարկից պահվել է 1 ամսվա տոկոսը` 18.600 ՀՀ դրամ և 7.960 ՀՀ դրամ` որպես կոմիսիոն վճար։ 2011թ. դեկտեմբերի 20-ին Հ.Ղազարյանը կրկին գրավադրել է ոսկյա կախա¬զարդ, որը ոսկերիչը գնահատել է 189.000 ՀՀ դրամ, որի 90 տոկոսը կազմել է 170.000 ՀՀ դրամ։ Նշված գումարից Հ.Ղազարյանի համաձայնությամբ պահվել են 3.200 ՀՀ դրամ` որպես 1 ամսվա տոկոս և 1.360 ՀՀ դրամ` որպես կոմիսիոն վճար։ Դրանից հետո Հ.Ղազարյանը, դրամարկղից ստանալով 165.440 ՀՀ դրամ գումար, հեռացել է։
Նույն բանկի «Նոր Նորք» մասնաճյուղի բանկային և ֆինանսական գործառնությունների բաժ¬նի մասնագետ, վկա Նաիրա Օհանջանյանի ցուցմունքով` այն մասին, որ 2011թ. դեկտեմբերի 6-ին` ժամը 12։30-ի սահմաններում, իրենց մասնաճյուղ է եկել Հարություն Ղազարյանը։ Վերջինս ոսկե¬րիչ Վլադիմիր Աբրահամյանին ներկայացրել է ոսկյա շղթա և կախազարդ, որոնք գնահա¬տվել են 310.500 դրամ։ Գնահատման այդ ակտի հիման վրա ինքը կազմել է վարկային և գրավի պայմա¬նագրեր։ Հ.Ղազարյանի ցանկությամբ տրամադրվող գումարից պահվել են 3 ամսվա տոկոսները, ընդհանուր` 15.303 ՀՀ դրամ գումար և 2.232 ՀՀ դրամ` որպես կոմիսիոն վճար։ Հ.Ղազարյանը դրա¬մարկղից փաստացի ստացել է 261.465 ՀՀ դրամ գումար։ 2011թ. դեկտեմբերի 22-ին` ժամը 12։30-ի սահ¬¬ման¬ներում, Հ.Ղազարյանն իրենց բանկում կրկին գրավադրել է երկու կախազարդ, որոնք ոսկերիչը գնահատել է 220.650 ՀՀ դրամ, որի 90 տոկոսը կազմել է 198.000 ՀՀ դրամ։ Գնահատման ակտի հիման վրա ինքը կազմել է վարկային և գրավի պայմանագրեր։ Նշված գումարից Հ.Ղազար¬յանի համաձայնությամբ պահվել են 3 ամսվա տոկոսները` 10.860 ՀՀ դրամի չափով և 1.584 ՀՀ դրամ` որպես կոմիսիոն վճար և որպես վարկ վերջինս դրա¬մարկղից ստացել է 185.556 ՀՀ դրամ գումար։ Հ.Ղազարյանի և բանկի միջև 2011թ. դեկտեմբերի 6-ի և 2011թ. դեկտեմբերի 22-ի կնքված վարկային և գրավի պայմա¬նագրերը ստորագրել են ինքը, Հ.Ղազարյանը, վար¬կային բաժնի պետը և մասնաճյու¬ղի կառավարիչը։
Նույն բանկի «Նոր Նորքի» մասնաճյուղի ոսկերիչ-մասնագետ, վկա Վլադիմիր Միքայելի Աբրահամյանի` Դատարանում հրապարակված և հետազոտված ցուցմունքով` այն մասին, որ 2011թ. դեկտեմբերի 6-ի կեսօրին իրենց մասնաճյուղ է եկել Հարություն Ղազարյանը և ներկայացրել ոսկյա շղթա և կախազարդ։ Նշված երկու զարդերն ստուգել և գնահատել է 279.000 ՀՀ դրամ։ Այնու¬հետև Հ.Ղազարյանը 2011թ. դեկտեմբերի 22-ին` կեսօրին, կրկին եկել է իրենց մասնաճյուղ և ներկայացրել ոսկյա 2 կախազարդեր։ Դրանք ստուգել է և գնահատել 220.650 ՀՀ դրամ։ Սակայն Հ.Ղազարյանին որպես վարկ տրամադրվել է զարդերի գնահատված արժեքի 90 տոկոսի` 198.000 ՀՀ դրամի չափով։ Այդ մասին կազմել է գնահատման ակտ, որի հիման վարկային մասնագետը կազմել է վարկային և գրավի պայմանագրերը։ Այդ ընթացքում ինքը Հ.Ղազարյանի ներկայությամբ զարդերը դրել է թափանցիկ պոլիէթիլենային տոպրակի մեջ, կապարակնքել այն։ Այնուհետև այդ փաթեթը փոխանցել է գանձապահին` պահոց հանձնելու համար։
Դատահետքաբանական, դատաքիմիական և դատաապրանքագիտական համալիր փորձաքննության 2012թ. դեկտեմբերի 17-ի թիվ 12-3387 եզրակացությամբ այն մասին, որ «Անելիք Բանկ» ՓԲ ընկերության տրամադրված 16,00 գրամ ընդհանուր քաշով շղթայում պարունակվում է 4,77 գրամ 748 հարգի ոսկու համաձուլվածք։
- 12,55 գրամ ընդհանուր քաշով շղթայում պարունակվում է 5,69 գրամ 590 հարգի ոսկու համաձուլվածք։
- 27,7 գրամ ընդհանուր քաշով շղթայում պարունակվում է 8,74 գրամ 757 հարգի ոսկու համաձուլվածք։
- 27,55 գրամ ընդհանուր քաշով շղթայում պարունակվում է 8,94 գրամ 770 հարգի ոսկու համաձուլվածք։
Փորձաքննությանը տրամադրված փաթեթ 1-ում (Նոր Նորք մասնաճյուղ, 22.12.2011թ.) առկա թվով 2 շրջանաձև 10,85 գրամ և 11,6 գրամ, փաթեթ 2-ում առկա (Նոր Նորք մասնաճյուղ, 06.12.2011թ.) թվով 1 շրջանաձև 8,65 գրամ, փաթեթ 3-ում առկա (Բաղրամյան մասնաճյուղ, 20.12.2011թ.) թվով 1 շրջանաձև 11,4 գրամ, փաթեթ 4-ում առկա (Բաղրամյան մասնաճյուղ, 20.12.2011թ.) թվով 2 շրջանաձև 9,1 գրամ և 9,0 գրամ քաշերով կախազարդերը պատրաստված են որպես հիմնական մետաղների համաձուլվածք հանդիսացող 925 հարգի արծաթի համաձուլվածք¬նե¬րից, որոնց մակերեսները ոսկեջրված են։
Փորձաքննությանը ներկայացված թիվ 1 փաթեթում գտնվող երկու կախազարդերից արտա¬քինից կապտավուն երանգի կախազարդի օղակի մակերեսին առկա է «750» դաջվածքը, իսկ արտա¬քինից սև գույնի կախազարդի հետին մակերեսի վրա առկա է «18K» գրառումը։
Թիվ 2 փաթեթում գտնվող կախազարդի և շղթայի վրա առկա են «18K» գրառումները։
թիվ 3 փաթեթում գտնվող երկու կախազարդի գլխիկային հատվածում հագցված օղակի մակերեսին առկա է«*750» դաջվածքը։
թիվ 4 փաթեթում թվով երկու կախազարդերի հետին մակերեսներին, ինչպես նաև երկու շղթա¬ների ամրացման օղակների շրջաններում առկա են «18K» գրառումները, իսկ շղթայի վրա՝ «14K» գրառումը։
Փորձաքննությանը տրամադրված օբյեկտների բաղադրակազմում պարունակվող թան¬կարժեք մետաղների միջին շուկայական արժեքները հափշտակության օրերի դրությամբ հետևյալն են՝
Թիվ 1 փաթեթում 10.85 գրամ քաշով կախազարդի մեջ առկա 10.85 գրամ արծաթի արժեքն է 4.200 դրամ, իսկ ոսկեջրման արժեքը՝ 5.800 դրամ։ 11.6 գրամ քաշով կախազարդի մեջ առկա 11.6 գրամ արծաթի արժեքն է 4.500 դրամ, իսկ ոսկեջրման արժեքը՝ 6.200 դրամ։
Թիվ 2 փաթեթում 8.65 գրամ քաշով կախազարդի մեջ առկա 8.65 գրամ արծաթի արժեքն է 3.350 դրամ, իսկ ոսկեջրման արժեքը՝ 4.650 դրամ։ 16.00 գրամ քաշով կախազարդի մեջ առկա 748 հարգի 4.77 գրամ ոսկու արժեքն է 73.600 դրամ, այն պատրաստված է որպես հիմնական մետաղի համաձուլվածք հանդիսացող պղնձից, որն առկա քանակական պարունակությամբ իրենից արժեք չի ներկայացնում։
Թիվ 3 փաթեթում 11.4 գրամ քաշով կախազարդի մեջ առկա 11.4 գրամ արծաթի արժեքն է 4.400 դրամ, իսկ ոսկեջրման արժեքը՝ 6.000 դրամ։
Թիվ 4 փաթեթում 9.1 գրամ քաշով կախազարդի մեջ առկա 9.1 գրամ արծաթի արժեքն է 3.500 դրամ, իսկ ոսկեջրման արժեքը` 4900 դրամ, 9.0 գրամ քաշով կախազարդի մեջ առկա 9.01 գրամ արծաթի արժեքն է 3.500 դրամ, իսկ ոսկեջրման արժեքը` 4800 դրամ։ 12.55 գրամ շղթայի մեջ առկա 590 հարգի 5.69 գրամ ոսկու արժեքն է 69.300 դրամ, այն պատրաստված է որպես հիմնական մետաղի համաձուլվածք հանդիսացող պղնձից, որն առկա քանակական պարունակությամբ իրենից արժեք չի ներկայացնում։ 27.7 գրամ շղթայի մեջ առկա 757 հարգի 8.74 գրամ ոսկու արժեքն է 136.500 դրամ, այն պատրաստված է որպես հիմնական մետաղի համաձուլվածք հանդիսացող պղնձից, որն առկա քանակական պարունակությամբ իրենից արժեք չի ներկայացնում։ 27.55 գրամ շղթայի մեջ առկա 770 հարգի 8.94 գրամ ոսկու արժեքն է 142.000 դրամ, այն պատրաստված է որպես հիմնական մետաղի համաձուլվածք հանդիսացող պղնձից, որն առկա քանակական պարունակությամբ իրենից արժեք չի ներկայացնում։
Դատաքիմիական և դատատեխնիկական համալիր փորձաքննության 2012թ. նոյեմբերի 19-ի թիվ 12-2782 եզրակացությամբ, համաձայն որի` փորձաքննությանը ներկայացված թվով 2 գդալների վրա առկա կանաչ գույնի նյութի հետքերն հանդիսանում են քրոմի օքսիդի /փարիզյան կանաչ/ հետ¬քեր։
- ներկայացված 96,254 գրամ ընդհանուր քաշով թվով 3 տարբեր չափսերի թիթեղները հան¬դիսանում են պղինձ-ցինկ՝ արույր համաձուլվածք։
- ներկայացված 8,358 գրամ քաշով սպիտակ գույնի ծալված մետաղյա թիթեղը հանդիսանում է կադմիումի թիթեղ։
- ներկայացված թվով 3 կերամիկական բաժակների մեջ առկա են պղնձի, ցինկի և արծաթի հետքեր։
- ներկայացված 5,761 գրամ քաշով ուղղանկյունաձև ձողը պատրաստված է պղինձ-ցինկ՝ արույր համաձուլվածքից, որի մեջ առկա է արծաթ (Ag) 5.6%, ոսկի (Aս) 0.3%։
- ներկայացված 4,266 գրամ ընդհանուր քաշով թվով 2 հատ ծալված մետաղյա ձողերը պատրաստված են պղինձ-ցինկ՝ արույր համաձուլվածքից, որի մեջ առկա է արծաթ (Ag) 5.6%, ոսկի (Aս) 0.3%։
- ներկայացված 2,365 գրամ ընդհանուր քաշով օվալաձև մետաղի կտորը պատրաստված է պղինձ-ցինկ՝ արույր համաձուլվածքից, որի մեջ առկա է արծաթ (Ag) 5.6%, ոսկի (Aս) 0.1%։
- ներկայացված 10,766 գրամ ընդհանուր քաշով ծալված մետաղյա բարակ 12 թիթեղները հանդիսանում են պղնձի թիթեղներ։
- ներկայացված սև 2 սալիկների վրա առկա են ոսկու, արծաթի, պլատինի, կադմիումի, պալադիումի, պղնձի, ցինկի, նիկելի, կոբալտի, քրոմի հետքեր։
Փորձաքննությանը ներկայացված կարմիր կափարիչով փակված «Արտֆուդ տոմա¬տի մա¬ծուկ, 530 գ» պիտակի գրառումներով ապակյա տարայում 348 միլիլիտր ծավալով անգույն թափան¬ցիկ հեղուկն հանդիսանում է նատրիումի կամ կալիումի հիմնային լուծույթ։
- 0,5 լիտր ծավալի համար նախատեսված պոլիմերային կափարիչով փակված ապակյա տարայում առկա 118 միլիլիտր ծավալով պղտոր, բաց կանաչավուն երանգի հեղուկն հանդիսանում է մեխանիկական խառնուրդներով աղտոտված ջուր։
- «Բոնդյուել» պիտակի գրառումամբ ապակյա տարայում առկա 560 միլիլիտր ծավալով անգույն թափանցիկ հեղուկն հանդիսանում է թթուների խառնուրդ և պարունակում է ծծմբական և քլորաջրածնական թթուներ։
- «1000» գրառմամբ կպչուն թղթով թափանցիկ պոլիէթիլենային փակվող տոպրակում առկա 55,091 գրամ քաշով սպիտակ փոշենման զանգվածն հանդիսանում է քլոր և բրոմ պարու¬նա¬կող միացություն։
- Հանգույցով կապված պոլիմերային տոպրակում առկա 231,64 գրամ քաշով սպիտակ փոշենման զանգվածն հանդիսանում է կալցիումի սուլֆատ։
- Թափանցիկ, փակվող պոլիմերային փաթեթում, որի վրա առկա է «բոռնի» գրառումը, պարու¬նակվող 62,628 գրամ քաշով սպիտակ բյուրեղական զանգվածն հանդիսանում է բորաթթու։
Փորձաքննությանը ներկայացված վերոնշյալ գործիքները, իրերը, առարկաները և նյութերը կարող են օգտագործվել ոսկերչության, արծաթագործության մեջ։
Դատարանի նախաձեռնությամբ հրավիրված և հարցաքննված փորձագետ Յուրի Ավետիս¬յանի ցուցմունքով, համաձայն որի` դատահետքաբանական, դատաքիմիական և դատաապրան¬քա¬գիտական համալիր փորձաքննության եզրակացությունները տրված են գիտականորեն հիմնավոր¬ված մեթոդիկայի հիման վրա, հետևությունները համապատասխանում են հետազո¬տութ¬յունների արդյունք¬նե¬րին։ Իրենց հետազոտման է ներկայացվել երկու խումբ հետազոտելի նմուշներ, 1-ին խումբը` շղթաներ և թևնոցներ, իսկ երկրորդ խումբը` կախազարդեր։ Ըստ պատրաստման եղանակի` դրանք տարբերվել են, մասնավորապես` շղթաները պատրաստված էին ոսկեպատման եղանակով, միջուկն ավելի էժան մետաղից էր, որը պատված էր ոսկու շերտով։ Կախազարդերը պատրաստված էին որպես հիմնական մետաղ հանդիսացող արծաթի համաձուլվածքից, որը ոչ թե ոսկե¬պատված, այլ քիմիական եղանակով ոսկեջրված էր։ Շղթաներում ոսկու պարունակությունը պար¬զելու համար բանկերում ի պահ հանձնված տարբեր զարդերից կտրման եղանակով վերցվել են նմուշներ, որոնք հետազոտվել են հատուկ մասնագիտական եղանակով։ Բանկերում նախ` կշռվել է ամբողջ շղթան, այնուհետև` յուրաքանչյուր շղթայի մի քանի տեղամասերից կտրված հատվածները կշռվել են առանձին-առանձին, որից հետո լաբորատորիայում դրանցից առանձնացվել են այլ մետաղներն ու մաթեմա¬տի¬կական եղանակով հաշվարկվել արդեն ընդհանուր շղթայում առկա ոսկու քաշը և արժեքը։ Փորձագետ Յու.Ավետիսյանը նաև նշեց, որ զարդերում ոսկու պարունա¬կութ¬յունը որոշվել է միջի¬նաց¬ված հետազոտության հիման վրա, սակայն փորձագիտական հետազոտություններն անցկացվել են ոճ միայն մանրադիտ¬ակային, այլև ֆլորիսցենտային եղանակներով` բացառելով ստացված արդյունք¬ներում որևէ սխալի հնարավորությունը։ Նշեց նաև, որ հետազոտելի բոլոր զար¬դերի մետաղական բաղադրակազմը, տվյալ դեպքում` ոսկու և այլ մետաղների քաշը, որոշվել է նաև «NITON XL3 73686» ռենտգենյան անալիզա¬տորի միջոցով։ Հայտնեց նաև, որ ձուլելու եղանակով հնարավոր է բոլոր զարդերից առանձնացնել դրանցում առկա ոսկու ողջ պարունա¬կութ¬յունը, սա¬կայն, միևնույն է, ոսկու զանգվածը կմնա անփոփոխ և կհամապատասխանի փոր¬ձաքննութ¬յուններով արդեն իսկ ներկայացրած արդյունքներին։
Իրեղեն ապացույց ճանաչված, «ՎՏԲ-Հայաստան Բանկ» ՓԲ ընկերության «Խորհրդային» մասնաճյուղում 27.12.2011թ. գրավադրված 2 կախազարդերի, 27.12.2011թ. «թիվ 10» մասնաճյուղում գրավադրված 2 կախազարդերի, «Նորք» մասնաճյուղում 26.12.2011թ. գրավադրված 2 կախազար¬դերի և 05.12.2011թ. գրավադրված շղթայի ու կախազարդի, «Կիևյան» մասնաճյուղում 30.12.2011թ. գրավադրված շղթայի ու կախազարդի, ինչպես նաև «Անելիք Բանկ» ՓԲ ընկերության «Նոր Նորք» մասնաճյուղում 06.12.2011թ. գրավադրված կախազարդի ու շղթայի, «Բաղրամյան» մասնաճյուղում 13.12.2011թ. գրավադրված 2 կախազարդերի և 3 շղթաների, նույն մասնաճյողում 20.12.2011թ. գրա¬վադրված կախազարդի, «Նոր Նորք» մասնաճյուղում 22.12.2011թ. գրավադրված 2 կախազարդերի առկայությամբ։
Որպես ապացույց ճանաչված և քրեական գործին կցված փաստաթղթերի` «Անելիք Բանկ» և «ՎՏԲ-Հայաստան Բանկ» ՓԲ ընկերություններից առգրավված` գործով ամբաստանյալ Հարություն Ղազարյանի անվամբ կազմված վարկային գործերի առկայությամբ։

4. Դատարանի իրավական վերլուծություններ.
Պատշաճ իրավական ընթացակարգերի շրջանակներում գնա¬հատելով դա¬տաքննութ¬¬¬յամբ հետազոտված վերոնշյալ ապացույցները` Դա¬տա¬¬րանը հաստատված է հա¬մարում այն, որ ամբաս¬տանյալ Հարություն Ղազարյանը խաբեության, ինչպես նաև տուժողների վստահությունը չարա¬շա¬հելու եղանակներով հափշտակել է վերջիններիս խոշոր չափի գույքը, այ¬սինքն` մեղավորությամբ կատարել է հան¬ցա¬վոր արարք« որն համա¬պա¬տաս¬խա¬նում է ՀՀ քրեական օրենսգրքի 178-րդ հոդ¬վածի 2-րդ մասի 2-րդ կետով նախատեսված հանցա¬գործութ¬յան հատ¬կանիշ¬ներին, հետևաբար` նա քրեական պատասխանատվության և պատժի ենթակա է նշված հոդվածի համապատասխան մասով։
Ամբաստանյալ Հարություն Ղազարյանի նկատմամբ պատիժ նշա¬նակելիս Դատա¬րանն հաշվի է առ¬¬նում հետևյա¬լը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգնել սոցիալական արդարությունը, ուղղել պատժի ենթարկված անձին, ինչպես նաև կանխել հան¬ցագործությունները։ ՀՀ քրեական օրենսգրքի 10-րդ հոդվածի համա¬ձայն` հան¬ցանք կատարած անձի նկատմամբ կիրառվող պատիժը և քրեաիրա¬վական ներգոր¬ծության այլ միջոց¬ները պետք է լի¬նեն արդարացի, համապա¬տասխանեն հանցանքի ծան¬րութ¬յանը, այն կատարելու հանգա¬մանք¬նե¬րին, հանցավորի անձնա¬վորութ¬յանը, անհրա¬ժեշտ և բավա¬րար լինեն նրան ուղ¬ղելու և նոր հանցա¬գոր¬ծությունները կանխելու համար։
ՀՀ քրեական օրենսգրքի 61-րդ հոդվածի 1-ին և 2-րդ մասերն սահմանում են, որ հան¬ցա¬գոր¬ծության համար մեղավոր ճանաչված անձի նկատմամբ նշանակվում է արդա¬րացի պատիժ, իսկ պատժի տեսակը և չափը որոշվում են հանցագոր¬ծության՝ հան¬րութ¬յան հա¬մար վտան¬գավորության աստիճանով և բնույթով, հանցավորի անձը բնու¬թագրող տվյալ¬ներով, այդ թվում՝ պատասխանատ¬վությունն ու պատիժը մեղմացնող և/կամ ծան¬րաց¬¬նող հանգամանք¬նե¬րով։ Նույն հոդվածի 3-րդ մասի համաձայն` հանցագործության համար նա¬խա¬տեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։
Դատարանը սույն գործով որպես ամբաստանյալ Հարություն Ղազարյանի անձը դրականո¬րեն բնու¬թագրող տվյալներ է գնահատում վերջինիս երիտասարդ լինելը (ըստ AG սերիայի 0431492 համարի անձնագրի լուսապատճենի` ծնվել է 1987թ. հոկտեմբերի 13-ին), իսկ որպես պատաս¬խա¬նատ¬վությունն ու պատիժը մեղմացնող հան¬գա¬մանքներ` քննվող դեպքի բոլոր ման¬րա¬մասները բացահայտելուն ակտիվորեն աջակցելը, իրեն լիովին մե¬ղավոր ճանաչելը և ան¬կեղ¬¬ծորեն զղջալը։
Դատարանը որպես ամբաստանյալ Հ.Ղազարյանի պատասխանատվությունը և պա¬տիժը ծան¬րաց¬նող հանգամանք է գնահատում հանցանքը կատարելու ռեցիդիվը` հաշվի առնելով այն, որ վերջինս 2011թ. սեպ¬տեմբերի 30-ին ՀՀ քրեական օրենսգրքի 178-րդ հոդվածի 2-րդ մասի 1-րդ կետով նախատեսված հան¬ցագործության կատարման համար դատապարտվել է 3 (երեք) տարի ժամկետով ազատազրկման։ Նույն այդ դատավճռով «ՀՀ անկախության հռչակման 20-րդ տարեդարձի կապակ¬ցությամբ հա¬մա¬¬նե¬րում հայտարարելու մասին» ՀՀ Ազգային ժողովի 2011թ. մայիսի 26-ի որոշման 1-ին մասի 1-ին կետի կիրառմամբ Հարություն Ղազարյանն ազատվել է նշա¬նակ¬ված պատժ¬ի կրումից։ (ըստ դատվա¬ծութ¬յան վերաբերյալ տե¬ղե¬կանքի, ինչպես նաև Երևանի Արաբկիր և Քանաքեռ-Զեյթուն վարչական շրջանների ընդհանուր իրավա¬սութ¬յան դատա¬րանի` 2011թ. սեպ¬տեմբերի 30-ին թիվ ԵԱՔԴ0021/01/11 քրեական գործով կայաց¬րած դա¬տավճռի)։ Փաս¬տո¬րեն, դատ¬վածությունը դեռևս չմա¬րված` Հարություն Ղազարյանը կատարել է սույն գործով նրան վերագրվող միջին ծանրության նոր (համասեռ) դիտավորյալ հանցա¬գործութ¬յուն։
Դատարանը ամբաստանյալ Հ.Ղազարյանի պատասխա¬նատվութ¬յունն ու պատիժը ծան¬րաց¬նող կամ մեղմացնող այլ հանգամանքներ չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տան¬յալ Հ.Ղազարյանի նկատմամբ նշանակվող պատժի տե¬սակին և այն կրելու անհրա¬ժեշտութ¬յան հար¬ցին` Դա¬տա¬րանը փաստում է, որ ՀՀ քրեական օրենսգրքի 178-րդ հոդվածի 2-րդ մասով սահման¬ված հանցա¬կազմի պատ¬ժամասը նախատեսում է այլընտրան¬քային պատժատե¬սակներ` տու¬գանք կամ ազա¬տազրկում` որոշակի ժամկե¬տով, հետևա¬բար` պատժի նպա¬տակ¬ներն ապահովելու տես¬անկյու¬¬¬¬նով քննարկման ենթակա է ամբաս¬տան¬յա¬լի նկատմամբ նշանակվող պատ¬ժատեսակի ընտ¬րության, պատժաչափի, իսկ ազատազրկման դատա¬պարտելու դեպքում` նաև պատիժը ռեալ կրելու կամ չկրելու (ՀՀ քրեա¬կան օրենսգրքի 70-րդ հոդվածի կիրառման) հար¬ցերը։
Հաշվի առնելով ամբաստանյալի կատարած հանցագոր¬ծության¬ բնույթն ու վտանգա¬վո¬րութ¬յան աստիճանը, տուժողներին պատճառված վնասը չհատուցելու հանգամանքը, հանցանքը կա¬տա¬րելու (հասարակ) ռեցիդիվի առկայությունը և ՀՀ քրեական օրենսգրքի 67.1 հոդվածի կարգով պատիժ նշանակելու անհրաժեշտությունը, ինչ¬պես նաև ՀՀ քրեա¬կան օրենսգրքի 64-րդ հոդ¬վածի տեսանկյու¬նով բացառիկ հան¬գա¬մանքների բա¬ցա¬¬կայությունը` Դա¬տա¬րանը գտնում է, որ պատժի նպատակ¬ներն ա¬պա¬¬հովելու տեսանկյունով ՀՀ քրեա¬կան օրենսգրքի 61-րդ հոդվածի 3-րդ մասով սահմանված` նվազ խիստ պատիժը նշանակելու կանոնը ամբաս¬¬տանյալ Հ.Ղազարյանի նկատ¬մամբ կիրառելի չէ, նրա նկատ¬մամբ պետք է նշա¬նակվի պատիժ բացառապես ազա¬տազրկման ձևով։ Նույն պատճառա¬բա¬¬նությամբ Դատա¬րանն ար¬ձա¬¬նագրում է նաև, որ բացա¬կայում է ամբաս¬տան¬¬յալի նկատմամբ ազա¬¬տազրկման ձևով նշա¬նակվող պատիժը պայմա¬նա¬¬կա¬նորեն չկիրա¬ռելու, ազա¬տազրկման նվա¬զա¬գույն չափից ավելի ցածր պատիժ նշանակելու հիմքերը։
Հաշվի առնելով չափահաս տարիքում կատարած դիտավորյալ հանցա¬գոր¬ծության համար դատ¬վա¬ծության առկայության փաստը և քննարկելով հանցագոր¬ծություն¬ների ռե¬ցի¬դիվը որպես պատիժ նշանակելու հատուկ կարգ սույն գործով ամբաս¬տանյալ Հարություն Ղազարյանի նկատ¬մամբ կիրառելու հարցը` Դատարանը փաստում է, որ` 2011թ. մայիսի 23-ին ՀՀ քրեական օրենսգրքում 67.1-րդ հոդվածի լրացում կատա¬րելով` օրենսդիրը սահմանել է հան¬ցա¬գործությունների ռեցի¬դիվի դեպքում պատիժ նշա¬նա¬¬կե¬լու հա¬տուկ կարգ, թեև մինչ այդ ռեցի¬դիվը ՀՀ քրեական օրենսգրքի 63-րդ հոդվածով սահ¬ման¬ված բացա¬¬ռապես պատասխանատ¬վութ¬յունը և պատիժը խստաց¬¬նող հանգա¬մանք էր։
ՀՀ քրեական օրենսգրքի 22-րդ հոդվածի մեկնաբանմամբ` հանցագործությունների ռեցի¬դիվ է համարվում դիտավորությամբ հանցանք կատարելն այն անձի կողմից, ով դատ¬վա¬ծություն ունի նախ¬կինում դիտավորությամբ կատարած հանցանքի համար։ Նույն հոդվածի 1-ին մասի հա¬մա¬ձայն` հանցագործությունների ռեցիդիվ է համարվում դիտավորությամբ հանցանք կատարելն այն ան¬¬ձի կողմից, ով դատվածություն ունի նախկինում դիտավորությամբ կատարված հանցանքի հա¬մար։
ՀՀ քրեական օրենսգրքի 84-րդ հոդվածի համաձայն` անձը դատվածություն ունեցող է հա¬մար¬¬վում մեղադրական դատավճիռն օրինական ուժի մեջ մտնելու օրվանից մինչև դատ¬վա¬ծությունը մարվելու կամ հանվելու պահը, ընդ որում` դատվածության ժամկետի հոսքը սկսվում է նշանակված պատիժը կրելու ավարտից կամ պատիժը կրելուց ազատ¬վելու պահից։
Սույն գործով իրեն մեղսագրվող արարքներն ամբաստանյալ Հ.Ղազարյանը կա¬տա¬րել է 2011թ. դեկտեմբեր ամսվա ընթացքում, այսինքն` 2011թ. մայիսի 23-ին ՀՀ քրեական օրենսգրքում 67.1-րդ հոդ¬վա¬ծի լրացում կատա¬րելուց հետո, հետևաբար` նրա նկատմամբ պատիժը պետք է նշա¬նակվի 67.1 հոդ¬վա¬ծով սահմանված կանոններով, ինչը բխում է ՀՀ քրեական օրենսգրքի 12-րդ հոդ¬վածի պահանջից։
ՀՀ քրեական օրենսգքրի 67.1 հոդվածի համաձայն` հանցագործությունների ռեցիդիվի, վտան¬¬գավոր և առանձնապես վտանգավոր ռեցիդիվի դեպքում պատիժ նշանակելիս անհրա¬ժեշտ է հաշ¬վի առնել կատարված հանցագործությունների բնույթը, քանակը, և ծան¬րության աստի¬ճանը, այն հանգա¬մանք¬ները, որոնց հետևանքով նախկին պատիժը բավարար չի եղել մեղավորի ուղղման համար, ինչպես նաև նոր հանցագործության բնույթը, ծանրությունը և հետևանքները։
Նույն հոդվածի 2-րդ մասի համաձայն` հանցագործության ռեցիդիվի համար նշանակված պա¬տիժը չի կարող պակաս լինել սույն օրենսգրքի Հատուկ մասի համապա¬տաս¬խան հոդվածի սանկցիա¬յով նախատեսված առավելագույն պատժի կեսից…..։
Վերոնշյալ իրավական վերլուծությունների լույսի ներքո Դատարանը փաստում է, որ տվյալ դեպքում հանցա¬գոր¬ծությանների ռեցիդիվը Դատարանը պետք է հաշվի առնի ոչ միայն որպես ամբաս¬տանյալ Հ.Ղազարյանի պատասխանատվությունն ու պա¬տիժը ծան¬րացնող հանգամանք, այլև վերջինիս նկատմամբ պատիժ նշանակելու հա¬տուկ կարգի կիրա¬ռումն հիմնավորող փաս¬տարկ։ Ընդ որում, տվյալ դեպքում ամբաստանյալ Հ.Ղազարյանի նկատմամբ ազատազրկման ձևով նշա¬նակված պատիժը չի կարող 2 տարի 6 ամսից պակաս լինել։
Պատժի նպատակներն ապահո¬վելու տեսանկյու¬նով Դատարանը գտնում է, որ ամբաս¬տան¬յալ Հարություն Ղազարյանն իր նկատմամբ ազատազրկման ձևով նշա¬նակվող պա¬տիժը պետք է կրի, այն ար¬դա¬¬րացի և անհրաժեշտ է նրան ուղղելու, նոր հան¬ցագոր¬ծությունների կատա¬րումը կանխելու հա¬մար, իսկ նրա անձը բնութագրող, պատաս¬խանատվությունն ու պատիժը մեղ¬մացնող և ծանրացնող հանգամանքներն անհրաժեշտ է հաշվի առնել նրան մեղսագրվող արարքի համար պատժաչափ սահմա¬նելիս(ՀՀ քրեական օրենսգրքի 67.1-րդ հոդվածի վերապահումով)։
Քննարկելով ամբաստանյալ Հարություն Ղազարյանի նկատ¬մամբ ընտրված խափանման միջոց կա¬լա¬¬նա¬վորման հարցը, հաշվի առնելով նաև վերջինիս ռեալ պատժի` ազատազրկման դատա¬պար¬տելու հանգամանքը` Դատարանը գտնում է, որ այն անհրաժեշտ է թողնել անփոփոխ` մինչև դա¬տավճիռն օրինական ուժի մեջ մտնելը։ Միաժամանակ անդրա¬դառնալով պատժի կրման սկիզբն հաշ¬վարկելու և անազատության մեջ պահվելու ժամկետը նշանակվող պատ¬ժին հաշ¬վակցելու հար¬ցե¬րին` Դատա¬րանը գտնում է, որ ամբաստանյալ Ղազարյանի պատժի կրման սկիզբն անհրա¬ժեշտ է հաշվարկել նրան փաս¬տա¬ցի արգելանքի վերց¬նելու պահից` 2012թ. հուլիսի 21-ից, որի դեպ¬քում նրան կալանքի տակ պա¬հելու ժամկետը լրացուցիչ հաշ¬վակցելու անհրա¬ժեշտութ¬¬յունը վե¬րա¬նում է, քա¬նի որ հաշ¬վակցման ենթա¬կա ժամկետն ինքնին ընդգրկում է 2012թ. հուլիսի 21-ից մինչև սույն դա¬տավճիռն օրինական ուժի մեջ մտնելն ըն¬կած ժամանակա¬հատվածը։
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դա¬տավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների, դա¬տա¬¬կան ծախսերի, գույքի նկատմամբ կիրառված (կիրառվելիք) արգելանքի, քաղա¬¬քա¬ցիական հայ¬ցի հար¬ցերին։
Անդրադառնալով տուժողներին պատճառված գույքային վնասի հատուցման խնդրին` Դա¬տարանը գտնում է, որ տուժող (քաղաքացիական հայցվոր) «Անելիք բանկ» ՓԲ ընկերության ներկայացրած 2.931.923 ՀՀ դրամի քաղաքացիական հայցն անհրաժեշտ է բավարարել մասնակի` հանցագործությամբ անմիջականորեն պատ¬ճառված գույքային վնասի` 1.101.800 (մեկ միլիոն հարյուր մեկ հազար ութ հարյուր) ՀՀ դրամի չա¬փով, այն, որպես հանցա¬գոր¬ծութ¬յամբ պատ¬ճառ¬ված գույքային վնաս, բռնա¬գանձել Հարություն Մուշեղի Ղա¬զար¬յանից։
Դատարանը գտնում է նաև, որ տուժող (քաղաքացիական հայցվոր) «ՎՏԲ-Հայաստան բանկ» ՓԲ ընկերության ներկայացրած 2.326.364 ՀՀ դրամի քաղա¬քա¬ցիական հայցն անհրաժեշտ է բավարարել մասնակի` հանցագործությամբ անմիջա¬կա¬նո¬րեն պատ¬ճառված գույքային վնասի` 1.146.218,2 (մեկ միլիոն հարյուր քառասունվեց հազար երկու հարյուր տասնութ) ՀՀ դրամ 20 (քսան) լումայի չափով։
Վարկի տոկոսադրույքների վերաբերյալ մասով վերոնշյալ քաղա¬քացիական հայցերը պետք է թողնել առանց քննության` պարզաբանելով քա¬ղա¬¬քացիա¬դատա¬վա¬րական կար¬գով դատարան դիմելու տուժողների իրա¬վունքը։
Անդրադառնալով իրեղեն ապացույցների տնօրինման խնդրին` Դատարանը գտնում է, որ գործով իրեղեն ապացույց ճանաչված և տուժող «ՎՏԲ-Հայաստան Բանկ» ՓԲ ընկերությանը դեռևս մինչդատական վարույթի ընթացքում ի պահ հանձնված ութ կախազարդերն ու երկու շղթաները, ինչպես նաև տուժող «Անելիք Բանկ» ՓԲ ընկե¬րութ¬յանը դեռևս մինչդատական վարույթի ընթացքում ի պահ հանձնված հանձնված վեց կախազարդերն ու չորս շղթաները` դրանցում պարունակվող թան¬կարժեք մե¬տաղ¬ներներով հանդերձ, անհրաժեշտ է ուղղել նրանցից յուրաքանչյուրին պատճառված վնասների (քաղա¬քա¬¬ցիա¬կան հայցերի) հատուցմանը` դատաքննության ընթացքում զննման նպա¬տակով տուժողներից պահանջված այդ իրերը սույն դատական ակտի օրինական ուժի մեջ մտնելուց հետո վերադարձնելով նրանցից յուրաքանչյուրին։
Դատական այլ ծախսերի խնդրին անդրադառնալով` Դատարանը գտնում է, որ որպես դատա¬կան ծախս` Հարություն Ղազարյանից հօգուտ պե¬տա¬¬կան բյուջեի անհրաժեշտ է բռնա¬¬գանձել սույն գործով նշանակված փորձաքննությունների (դատահետքաբա¬նական, դատաքիմիական և դատատեխնիկական համալիր փորձաքննության 2012թ. նոյեմբերի 19-ի թիվ 12-2782, 2012թ. նոյեմ¬բերի 29-ի թիվ 12-1985, 2012թ. դեկտեմբերի 17-ի թիվ 12-3387, 2012թ. դեկտեմբերի 17-ի թիվ 12-1985/1 եզրակացություններ) կատար¬ման համար կա¬տար¬ված ծախսը` ընդհանուր 364.110 (երեք հարյուր վաթսունչորս հազար հարյուր տաս) ՀՀ դրամ գումար։
Գնահատելով և ամփոփելով դատաքննությամբ հետազոտված ապացույց¬ները, ղեկավար¬վելով ՀՀ քրեական դատա¬վա¬¬րա¬կան օրենսգրքի 119-րդ, 357-360-րդ, 364-365-րդ, 369-373-րդ հոդված¬ներով, Դատա¬րանը
Վ Ճ Ռ Ե Ց ՝

Հարություն Մուշեղի Ղազարյանին ճանաչել մեղավոր ՀՀ քրեական օրենսգրքի 178-րդ հոդ¬վածի 2-րդ մասի 2-րդ կետով նախատեսված հանցա¬գործության կատարման մեջ, նրա նկատ¬¬մամբ նշանակել պատիժ` ազատազրկում 3 (երեք) տարի ժամկետով։
Հարություն Ղազարյանի պատժի կրման սկիզբն հաշվել 2012թ. հուլիսի 21-ից, որպես խա¬փանման միջոց ընտրված կալանա¬վորումը թողնել անփոփոխ` մինչև սույն դատավճիռն օրինա¬կան ուժի մեջ մտնելը։
Տուժող (քաղաքացիական հայցվոր) «Անելիք բանկ» ՓԲ ընկերության ներկայացրած 2.931.923 ՀՀ դրամի քաղաքացիական հայցը բավարարել մասնակի` հանցագործությամբ անմիջականորեն պատ¬ճառված գույքային վնասի` 1.101.800 (մեկ միլիոն հարյուր մեկ հազար ութ հարյուր) ՀՀ դրամի չա¬փով, այն, որպես հանցա¬գոր¬ծութ¬յամբ պատ¬ճառ¬ված գույքային վնաս, բռնա¬գանձել Հարություն Մուշեղի Ղա¬զար¬յանից։ Վարկի տոկո¬սադրույքների վերաբերյալ մասով քաղաքացիական հայցը թողնել առանց քննութ¬յան` պարզաբանելով քա¬ղա¬¬քացիա¬դատա¬վա¬րական կարգով դատարան դիմելու տուժողի իրա¬վուն¬քը։
Տուժող (քաղաքացիական հայցվոր) «ՎՏԲ-Հայաստան բանկ» ՓԲ ընկերության ներկայացրած 2.326.364 ՀՀ դրամի քաղա¬քա¬ցիական հայցը բավարարել մասնակի` հանցագործությամբ անմիջա¬կա¬նո¬րեն պատ¬ճառված գույքային վնասի` 1.146.218,2 (մեկ միլիոն հարյուր քառասունվեց հազար երկու հարյուր տասնութ) ՀՀ դրամ 20 (քսան) լումայի չափով։ Վարկի տոկոսադրույքների վերա¬բերյալ մասով քաղա¬քացիական հայցը թողնել առանց քննության` պարզաբանելով քա¬ղա¬¬քացիա¬դատա¬վա¬րական կար¬գով դատարան դիմելու տուժողի իրա¬վունքը։
Գործով իրեղեն ապացույց ճանաչված և տուժող «ՎՏԲ-Հայաստան Բանկ» ՓԲ ընկերությանն ի պահ հանձնված ութ կախազարդերն ու երկու շղթաները, ինչպես նաև տուժող «Անելիք Բանկ» ՓԲ ընկե¬րութ¬յանն ի պահ հանձնված վեց կախազարդերն ու չորս շղթաները` դրանցում պարունակվող թան¬կարժեք մե¬տաղ¬ներներով հանդերձ, ուղղել նրանցից յուրաքանչյուրին պատճառված վնասների (քաղա¬քա¬¬ցիա¬կան հայցերի) հատուցմանը։
Որպես դատական ծախս` Հարություն Մուշեղի Ղազարյանից հօգուտ պետական բյուջեի բռնա¬գանձել 364.110 (երեք հարյուր վաթսունչորս հազար հարյուր տաս) ՀՀ դրամ գումար։
Դատավճիռը հրապարակման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան։


ԴԱՏԱՎՈՐ՝ Ա.ՎԱՐԴԱՆՅԱՆ