ԵԿԴ/0252/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
08 մայիսի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Հ.ՄԵԼՔՈՆՅԱՆԻ
տուժողներ Ա.ՍԱՐԴԱՐՅԱՆԻ
Ա.ԱԶԱՐՅԱՆԻ
Հ.ԴԱՎԹՅԱՆԻ
տուժողների ներկ. Վ.ՄԱՐՏԻՐՈՍՅԱՆԻ
Ա.ԲԱՂԴԱՍԱՐՅԱՆԻ
ամբաստանյալ Ս.ԲԱՂԴԱՍԱՐՅԱՆԻ
պաշտպան Կ.ԽԱՉԱՏՐՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Սերգեյ Ռոբերտի Բաղդասարյանի՝ ծնված 25.10.1985թ. ԼՂՀ ք.Հադրութում, ազգությամբ հայ, ԼՂՀ քա-ղաքացի, ամուրի, բարձրագույն կրթությամբ, առողջ, չդատված, աշխատել է ԼՂՀ Հադրութի շրջվարչակազմում` որպես վարորդ, բնակվել է՝ ԼՂՀ, ք.Հադրութ, Կասպարովի փողոց, 6-րդ շենք, բնակարան հ. 4, արգելանքի տակ է 2012թ. օգոստոսի 10-ից, մեղադրվում է ՀՀ քրեական օրենս-գրքի 258-րդ հոդվածի 3-րդ մասի 5-րդ կետով։

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի ավագ քննիչ Է.Պետրոսյանը 10.08.2012թ. որոշմամբ ՀՀ քրեական օրենսգրքի 131-րդ հոդվածի 2-րդ մա-սի 6-րդ կետով հարուցել է թիվ 13147112 քրեական գործը և այն ընդունել իր վարույթ։
10.08.2012թ. ձերբակալվել է Ս.Բաղդասարյանը։
Քննիչի 11.08.2012թ. որոշմամբ Ս.Բաղդասարյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 131-րդ հոդվածի 2-րդ մասի 6-րդ կե-տով։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի 11.08.2012թ. որոշմամբ Ս.Բաղդասարյանի նկատմամբ` որպես խափանման միջոց, կիրառվել է կալանքը։
2012թ. դեկտեմբերի 25-ին թիվ 13147112 քրեական գործը մեղադրական եզրակացութ-յամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի (դատավոր Գ.Պողոսյան) 2012թ. դեկտեմբերի 26-ի որոշ-մամբ Սերգեյ Ռոբերտի Բաղդասարյանի վերաբերյալ ՀՀ քրեական օրենսգրքի 131-րդ հոդվածի 2-րդ մասի 6-րդ կետով քրեական գործն ընդունվել է վարույթ։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի (դատավոր Գ.Պողոսյան) 2013թ. հունվարի 14-ի որոշ-մամբ Սերգեյ Ռոբերտի Բաղդասարյանի վերաբերյալ ՀՀ քրեական օրենսգրքի 131-րդ հոդվածի 2-րդ մասի 6-րդ կետով քրեական գործը նշանակել է դատաքննության։
Ամբաստանյալ Ս.Բաղդասարյանին նախաքննության մարմնի կողմից ՀՀ քրեական օրենսգրքի 131-րդ հոդվածի 2-րդ մասի 6-րդ կետով մեղադրանք է առաջադրվել այն բանի հա-մար, որ նա. «2012թ. օգոստոսի 10-ին՝ ժամը 04։00-ի սահմաններում, Երևան քաղաքի Նաիրի կինոթատրոնի մոտ երկու անձանց` Անի Սարդարյանի և Արմինե Ազարյանի նկատմամբ բռնու-թյուն գործադրելու միջոցով նստեցրել է Սամանդ մակնիշի 4123 պ/հ-ի տաքսի ավտոմենքենան և բացահայտ առևանգել վերջիններիս»։
Դատաքննությամբ մեղադրող Հ.Մելքոնյանը «Առաջադրված մեղադրանքը փոխելու» և «Որպես մեղադրյալ ներգրավելու մասին» 23.04.2013թ. որոշումներով փոխեց ամբաստանյալին առաջադրված մեղադրանքն ու ՀՀ քրեական օրենսգրքի 258-րդ հոդվածի 3-րդ մասի 5-րդ կետով նրան մեղադրանք առաջադրեց այն բանի համար, որ նա. «2012թ. օգոստոսի 10-ին` ժամը 03։00-ից 04։00-ն ընկած ժամանակահատվածում, լինելով ալկոհոլի ազդեցության տակ, Երևան քաղա-քի Մաշտոցի պողոտայի վրա գտնվող «Նաիրի» կինոթատրոնի մոտակայքում՝ հասարակական կարգը կոպիտ կերպով խախտելու դիտավորությամբ, առանց որևէ հիմնավոր պատճառի, ան-տեղի, իր գերակայությունը հասարակության մեջ ցուցադրելու և այդ եղանակով իր նպատակին հասնելու` Անի Սարդարյանի և Արմինե Ազարյանի հետ ժամանակ անցկացնելու համար, հրա-պարակայնորեն, այլ քաղաքացիների ներկայությամբ, շուրջ 10-15 րոպե տևողությամբ բարձրա-ձայն սեռական բնույթի հայհոյանքներ է տվել Ա.Սարդարյանի, Ա.Ազարյանի և Արմեն Դավթյա-նի հասցեին, ինչպես նաև` անհասցե, որը զուգորդվել է վերջիններիս նկատմամբ բռնություն գոր-ծադրելով, այն է` այդ ընթացքում գլխով հարվածել է Ա.Դավթյանի քթին, որից հետո ձեռքերով բազմաթիվ անգամ հարվածել է Ա.Սարդարյանի և Ա.Ազարյանի մարմինների տարբեր մասերին՝ պահանջելով նստել «Սամանդ» մակնիշի 4123 պետհամարանիշի տաքսի ավտոմեքենան, ան-տեսելով այդ կապակցությամբ նրանց կարծիքը, իսկ երբ վերջիններս, վախեցած լինելով Ս.Բաղ-դասարյանի նման ոչ իրավաչափ, հանցավոր վարքագծից, նստել են մեքենան, նրանց և շրջա-պատի մյուս անձանց նկատմամբ ցուցաբերելով բացառիկ ցինիզմ՝ Ս.Բաղդասարյանը՝ հասարա-կական կարգը կոպիտ կերպով խախտելու դիտավորությամբ մեքենայում շարունակել է բարձրա-ձայն տալ սեռական բնույթի հայհոյանքներ և հարվածել Ա.Սարդարյանին և Ա.Ազարյանին՝ ան-տեսելով հասարակության մեջ ընդունված իրավական և բարոյական նորմերը, խափանելով տաքսի մեքենայի վարորդի օրինաչափ, բնականոն աշխատանքի ընթացքը, ինչն արտահայտվել է վերջիններիս և հասարակության նկատմամբ բացահայտ անհարգալից վերաբերմունքով»։

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալ Ս.Բաղդասարյանը, 2012թ. օգոստոսի 10-ին` ժամը 03-ի սահմաններում, ընկերոջ` վկա Միքայել Քարամյանի հետ գնացել են ք.Երևանի Աբովյան փողոցում գտնվող «Ալեն-Էլեն» ակումբ, որտեղ ամբաստանյալը ծանոթացել է տուժող Արմինե Ազարյանի հետ։ Ակումբի փակվելուց հետո՝ ժամը 04-ի սահմաններում, ակումբից դուրս գալիս ամբաստանյալը տուժողներ Արմինե Ազարյանին և Անի Սարդարյանին առաջարկել է գնալ մեկ այլ տեղ և ժամանակ անցկացնել միասին։ Փողոցում ամբաստանյալին ու վկա Մ.Քա-րամյանին է մոտեցել մինչ այդ նույն ակումբում տուժողներ Ա.Ազարյանի և Ա.Սարդարյանի հետ ծանոթացած տուժող Արմեն Դավթյանն ու, նրանց հետ փոխանակվելով բջջային հեռախոսա-համարներով, ասել է, որ աղջիկներին կտանի մեկ այլ տեղ, այնուհետև կզանգահարի նրանց և կասի, թե որտեղ են, որպեսզի ամբաստանյալն ու վկա Մ.Քարամյանը միանան իրենց։ Որոշ ժա-մանակ անց, տուժող Ա.Դավթյանն ամբաստանյալին և վկա Մ.Քարամյանին տեղեկացրել է, որ տուժողներ Ա.Ազարյանի և Ա.Սարդարյանի հետ գտնվում են «Նաիրի» կինոթատրոնի մոտա-կայքում։ Ամբաստանյալն ու վկա Մ.Քարամյանը տաքսի ավտոմեքենայով գնացել են նշված վայր, որտեղ տուժող Ա.Դավթյանը մոտեցել է ամբաստանյալին և ասել, որ աղջիկները չեն ցան-կանում նրանց հետ որևէ տեղ գնալ, ու որ նրանք տան վարձը վճարելու խնդիր և գումարի կարիք ունեն։ Ալկոհոլի ազդեցության տակ գտնված ամբաստանյալը, վրդովվելով և տուժող Ա.Դավթյա-նին պատասխանելով, որ նա գործ չունենա իրենց հետ, քանի որ ինքն աղջիկների հետ է պայ-մանավորվել, հայհոյել և վիճաբանել է տուժող Ա.Դավթյանի հետ ու քաշքշուկի ընթացքում գլխով հարվածել է վերջինիս դեմքին, որի պատճառով նա վայր է ընկել։ Չնայած շրջակայքում կանգ-նած են եղել տաքսի ավտոմեքենաներ, սակայն որևէ մեկը, այդ թվում՝ ամբաստանյալին սպասող տաքսի ավտոմեքենայի վարորդը, չեն միջամտել տեղի ունեցող վիճաբանությանը։ Այնուհետև, ամբաստանյալը մոտեցել է տուժողներ Ա.Սարդարյանին և Ա.Ազարյանին ու, բռնելով վերջինիս ձեռքը, քաշել և առաջարկել է նստել տաքսի ավտոմեքենան, միասին գնալ մեկ այլ տեղ ու շարու-նակել զվարճանալ։ Սակայն տուժող Ա.Ազարյանը չի համաձայնվել, որի պատճառով ամբաս-տանյալին միջամտել է տուժող Ա.Սարդարյանը, ում ամբաստանյալը հարվածել է բռունցքով և սկսել է բարձրաձայն սեռական բնույթի հայհոյանքներ տալ։ Տուժող Ա.Սարդարյանն իր հերթին հայհոյել է ամբաստանյալին, սակայն տեսնելով, որ տուժող Ա.Ազարյանը նստել է ավտոմեքե-նան, ինքն էլ է նստել նշված ավտոմեքենայի հետևի նստատեղին, ուր նստել է նաև ամբաստան-յալը, իսկ վկա Մ.Քարամյանը նստել է առջևի աջ նստատեղին։ Ամբաստանյալը, ասելով, որ աղ-ջիկներին տանելու են Ղարաբաղ, վարորդին տվել է նման հրահանգ, սակայն հասկանալով, որ իր ասածը որևէ մեկը լուրջ չի ընդունել՝ քաղաքի կենտրոնական հատվածում մի քանի պտույտնե-րից հետո վարորդին հրահանգել է իրենց տանել Ջրվեժ թաղամաս։ Քանի որ տուժող Ա.Սարդար-յանն առարկել է ամբաստանյալին, վերջինս շարունակելով հարվածել տուժողներին ու հայհոյել՝ վարորդից պահանջել է կանգնեցնել ավտոմեքենան, որից հետո տուժող Ա.Սարդարյանին առա-ջարկել է դուրս գալ ավտոմեքենայից։ Սակայն վերջինս դուրս չի եկել և տուժող Ա.Ազարյանի հետ շարունակել է խնդրել տուն տանել իրենց։ Ամբաստանյալը, վերջնականապես համոզվելով, որ նրանք չեն ցանկանում իրենց հետ որևէ տեղ գնալ, համաձայնվել է և Զեյթուն թաղամասում գտնվող «Երևան Սիթի» խանութի մոտ վարորդին խնդրել է կանգնեցնել ավտոմեքենան, որից իջ-նող տուժող Ա.Ազարյանին հրել է ոտքով։ Այդ պահին նրանց են մոտեցել տուժող Ա.Դավթյանի ահազանգով նշված վայր եկած ոստիկաններն ու նրանց հրավիրել ու բերման են ենթարկել ոս-տիկանության Կենտրոնականի բաժին։

Ապացույցների հետազոտում և գնահատում.

Ամբաստանյալ Ս.Բաղդասարյանի ցուցմունքի համաձայն՝ 2012թ. օգոստոսի 10-ին` ժամը 03-ի սահմաններում, ընկերոջ՝ վկա Միքայել Քարամյանի հետ միասին գնացել են ք.Երևանի Աբովյան փողոցում գտնվող «Ալեն-Էլեն» ակումբ, որտեղ պարի է հրավիրել տուժող Ա.Ազարյա-նին և նրան առաջարկել է միասին ժամանակ անցկացնելու համար գնալ մեկ այլ տեղ։ Ժամը 04-ի սահմաններում, երբ ակումբի փակվելուց հետո ընկերոջ՝ Մ.Քարամյանի հետ ցանկացել են իջ-նել դուրս, վերելակի մոտ հանդիպել են աղջիկներին՝ Ա.Սարդարյանին, Ա.Ազարյանին, և նրանց հետ եղած Արմեն Դավթյանին։ Կրկին նույն ցանկությամբ դիմել է աղջիկներին, սակայն նրանք առաջարկել են իրենց սպասել դրսում։ Փողոցում իրենց է մոտեցել Ա.Դավթյանն ու ասել է, որ աղ-ջիկներին կտանի կտեղավորի, որից հետո կզանգահարի իրենց, որպեսզի միանան նրանց։ Դրա համար նրա հետ փոխանակվել են բջջային հեռախոսահամարներով և որոշ ժամանակ անց Ա.Դավթյանը տեղեկացրել է, որ իրենք գտնվում են «Նաիրի» կինոթատրոնի մոտ։ Ընկերոջ հետ միասին տաքսի ավտոմեքենայով գնացել են «Նաիրի» կինոթատրոնի մոտ, որտեղ իրենց է մո-տեցել Ա.Դավթյանն ու ասել, որ աղջիկները խնդիր ունեն` տան վարձը վճարելու համար փողի կարիք ունեն, և իրենց հետ չեն ուզում որևէ տեղ գնալ։ Վրդովվելով և պատասխանելով, որ նրա հետ ոչինչ չի խոսել, այլ պայմանավորվել է աղջիկների հետ, սկսել է վիճել նրա հետ ու հայհոյել, իսկ առաջացած քաշքշուկի ընթացքում գլխով կպել է Արմենի դեմքին։ Քանի որ երկուսով էլ գտնվել են ալկոհոլի ազդեցության տակ, ընկել են գետնին։ Կանգնելով ոտքի, Արմենը հեռացել է, և այդ պահին Ա.Սարդարյանն իր հասցեին սեռական բնույթի հայհոյանք է տվել, որի պատճա-ռով ինքն էլ նրան է հայհոյել և, մոտենալով ու բռնելով Արմինեի ձեռքից, նրան քաշել է դեպի ավ-տոմեքենան։ Այնուհետև աղջիկների հետ միասին նստել են տաքսի ավտոմեքենայի հետևի նստատեղին, իսկ ընկերը՝ վարորդի կողքի նստատեղին և շարժվել են։ Ավտոմեքենայի մեջ հայ-հոյել և ապտակել է Անիին և, վարորդին խնդրելով կանգնել, Անիին առաջարկել է իջնել, սակայն նա դուրս չի եկել ավտոմեքենայից։ Վարորդին հրահանգել է իրենց տանել Ղարաբաղ, սակայն դա լուրջ չի ընդունվել և դրանից հետո նրան ասել է, որ իրենց տանի Ջրվեժ թաղամաս։ Ճանա-պարհին հասկանալով, որ աղջիկները չեն ցանակնում իրենց հետ որևէ տեղ գնալ ու շարունակել զվարճանալ, նրանց տարել և իջեցրել են նրանց նշած վայրում՝ Զեյթուն թաղամասում գտնվող «Երևան Սիթի» խանութի մոտ։ Ավտոմեքենայից դուրս եկող Արմինեին հրել է ոտքով, և այդ պա-հին իրենց են մոտեցել ոստիկաններն ու տարել ոստիկանության Կենտրոնականի բաժին։
Աղջիկներին առևանգելու նպատակ չի ունեցել և բացառիկ ցինիզմ չի դրսևորել, այլ գտնը-վելով ալկոհոլի ազդեցության տակ` ցանկացել է նրանց հետ ժամանակ անցկացնել և զվարճա-նալ։
Տուժող Անի Սարդարյանի ցուցմունքի համաձայն՝ 2012թ. օգոստոսի 10-ին` ժամը 24-ի սահմաններում, ընկերուհու՝ Արմինե Ազարյանի հետ միասին գնացել են «Ալեն Էլեն» ժաման-ցային կենտրոն, որտեղ ծանոթացել են Արմեն Դավթյանի հետ, ով իրենց «շամպայն» է հյուրա-սիրել։ Երբ վերջինիս հետ պարելիս են եղել, մոտեցել է ամբաստանյալը և ցանկացել է պարել Արմինեի հետ, բայց վերջինս մերժել է նրան։ Ժամը 03-ի սահմաններում Արմինեի և Արմենի հետ դուրս են եկել ակումբից։ Փողոցում իրենց են մոտեցել ամբաստանյալն ու նրա ընկեր Միքայել Քարամյանը, Արմենի հետ փոխանակվել են հեռախոսահամարներով, ինչ-որ բան են զրուցել, որից հետո վերջինս որոշել է իրենց տուն ուղեկցել։ Տաքսի ավտոմեքենայով «Օպերա»-ի մոտով անցնելիս որոշել են զբոսնել, որի համար իջել են ավտոմեքենայից, երեքով քայլել են, նստել են նստարանին և զրուցել են, որի ընթացքում Արմենին պատմել են, որ վարձակալությամբ են բնակ-վում ու տան վարձը` 70.000 դրամը, դեռ չեն վճարել։ Դրանից հետո, երբ ոտքով բարձրացել են դեպի կինոթատրոն «Նաիրի», Արմենը զանգահարել է ամբաստանյալին և ասել իրենց տեղը։ Քիչ անց ամբաստանյալը և նրա ընկերը տաքսի ավտոմեքենայով եկել են իրենց մոտ, ամբաս-տանյալն ինչ-որ բան է զրուցել Արմենի հետ, որից հետո գլխով հարվածել է նրա դեմքին, որի պատճառով վերջինս ընկել է։ Դրանից հետո ամբաստանյալը, բռնելով Արմինեի ձեռքն ու տա-նելով դեպի տաքսի ավտոմեքենան, առաջարկել է միասին ժամանակ անցկացնել, սակայն վեր-ջինս հրաժարվել է։ Տեսնելով դա, միջամտել է ամբաստանյալին, սակայն նա հայհոյել և հար-վածել է իրեն, որի պատճառով ինքն էլ նրան է հայհոյել։ Սկսվել է վիճաբանություն և ամբաս-տանյալը, սեռական բնույթի հայհոյանքներ տալով ու առաջարկելով նստել ավտոմեքենան, ծե-ծել է իրենց։ Իրավիճակը դարձել է անկառավարելի, որի համար նստել են ավտոմեքենան։ Ամ-բաստանյալի ընկերը` Միքայելը, չի խառնվել ծեծին և նստել է ավտոմեքենայի առջևի աջ նստա-տեղին, իսկ ամբաստանյալը նստել է իրենց մոտ` հետևի նստատեղին և շարունակել է հայհոյել ու հարվածել իրենց։ Նրան խնդրել են իրենց իջեցնել, սակայն նա հրաժարվել է և վարորդին ասել է, որ իրենց տանի Ղարաբաղ, սակայն դա լուրջ չի ընդունվել։ Քաղաքում պտույտներ են կատարել, և այդ ընթացքում Արմենին կարճ հաղորդագրություն է ուղարկել ու խնդրել է օգնել իրենց։ Երբ հասել են Զեյթուն թաղամասում գտնվող «Երևան Սիթի» խանութի մոտ, ամբաստան-յալին կրկին ասել են, որ ցանկանում են իջնել։ Այս անգամ նա համաձայնվել է և երբ դուրս են եկել ավտոմեքենայից, իրենց է մոտեցել մեկ այլ տաքսի ավտոմեքենա, որի մեջ նկատել են Ար-մենին։ Այդ պահին իրենց են մոտեցել ոստիկաններն ու բոլորին հրավիրել են ոստիկանության բաժին։
Ամբաստանյալն իրենց չի առևանգել, բռնի չի նստեցրել ավտոմեքենան, ուղղակի նա սթափ չի եղել և ցանկացել է իրենց հետ շարունակել զվարճանալ, սակայն մերժել են նրան, որի համար էլ տեղի է ունեցել կատարվածը։
Եթե Արմենը ոստիկանություն չդիմեր, իրենք հաստատ ոստիկանություն չէին կանչի։
Տուժող Արմինե Ազարյանի նույնաբովանդակ ցուցմունքի համաձայն՝ 2012թ. օգոստոսի 10-ին` ժամը 04-ի սահմաններում, «Նաիրի» կինոթատրոնի մոտ ամբաստանյալը վիճաբանել է Ա.Դավթյանի հետ, սեռական բնույթի հայհոյանքներ է տվել և գլխով հարվածել է նրա դեմքին։ Դրանից հետո նա, հայհոյանքներ տալով, հարվածներ է հասցրել է նաև իրեն և Ա.Սարդարյա-նին, ու դա տևել է մոտ 10-12 րոպե։ Ամբաստանյալն իրենց հայհոյել և հարվածներ է հասցրել նաև տաքսի ավտոմեքենայում, սակայն նա իրենց չի առևանգել, այլ ցանկացել է իրենց հետ ժա-մանակ անցկացնել և երբ խնդրել են իրենց իջեցնել, նա համաձայնվել է ու «Երևան Սիթի» խա-նութի մոտ իջել են ավտոմեքենայից։
Տուժող Արմեն Դավթյանի նույնաբովանդակ ցուցմունքի համաձայն՝ 2012թ. օգոստոսի 10-ին` ժամը 04-ի սահմաններում, «Նաիրի» կինոթատրոնի մոտ ամբաստանյալը վիճաբանել է իր հետ, քաշքշել և գլխով հարվածել է քթին, որի պատճառով ընկել է գետնին և որոշ ժամանակ կոր-ցըրել է գիտակցությունը։ Դրանից հետո նկատել է, որ ամբաստանյալը, ձեռքերով հարվածելով Անիին, նրան տարել է դեպի տաքսի ավտոմեքենան, որով նա, նրա ընկերը, Անին և Արմինեն հե-ռացել են։ Մեկ այլ տաքսի ավտոմեքենայով հետևել է նրանց և, ճանապարհին զանգահարելով ոստիկանության Կենտրոնի բաժնում աշխատող ընկերոջը, հաղորդել է կատարվածի մասին։ Դրանից հետո, երբ ամբաստանյալին և մյուսներին տեղափոխող տաքսի ավտոմեքենան կանգ-նել է Զեյթուն թաղամասում գտնվող «Երևան Սիթի» խանութի մոտ, մոտեցել են նաև ոստիկան-ներն ու իրենց բերման են ենթարկել։
Վկա՝ Միքայել Քարամյանի նույնաբովանդակ ցուցմունքի համաձայն՝ 2012թ. օգոստոսի 10-ին` ժամը 04-ի սահմաններում, «Նաիրի» կինոթատրոնի մոտ ամբաստանյալը վիճաբանել է Անիի և Արմինեի հետ ու լսվել են սեռական բնույթի հայհոյանքներ։ Ամբաստանյալը նաև ապ-տակել է Անիին, քանի որ վերջինս սեռական բնույթի հայհոյանք է տվել նրա հասցեին։ Փողոցում նկատել է 3-4 անցորդի և կանգնած ավտոմեքենաներ, սակայն որևէ մեկը չի մոտեցել իրենց։ Այնուհետև, տաքսի ավտոմեքենայով աղջիկների հետ գնացել են դեպի Ջրվեժ, քանի որ ամբաս-տանյալն ասել է, որ Ջրվեժում լավ տեղ կա, կարող են նստել, ավելի մոտիկից ծանոթանալ և շփվել աղջիկների հետ, սակայն նրանք չեն ցանկացել և խնդրել են իջեցնել իրենց։ Համաձայն-վելով նրանց հետ, Զեյթուն թաղամասում գտնվող «սուպերմարկետ»-ի մոտ իջեցրել են նրանց, սակայն այդ պահին մոտեցել են ոստիկաններն ու իրենց տարել են ոստիկանության բաժին։
Վկա Տիգրան Հակոբյանի ցուցմունքի համաձայն՝ 2012թ. օգոստոսի 10-ին` ժամը 04-ի սահմաններում, Աբովյան փողոցում իր վարած տաքսի ավտոմեքենան են նստել ոգելից խմիչք օգտագործած Սերգեյն ու Միքայելը և պատվիրել են ուղևորվել դեպի «Նաիրի» կինոթատրոն, որի մոտ նրանք իջել են, 10-15 րոպե հետո վերադարձել են երկու աղջկա հետ, և Սերգեյը կատա-կով պատվիրել է ուղևորվել Ղարաբաղ։ Այնուհետև նա ասել է, որ իրենց տանի Ջրվեժ թաղա-մաս։ Աղջիկները չեն ցանկացել գնալ Ջրվեժ, որի համար ամբաստանյալը վիճել է նրանց հետ, և ավտոմեքենայի սրահի հետևի մասից, որտեղ նստած են եղել ամբաստանյալն ու աղջիկները, լսել է հայհոյանքներ և ապտակի ձայն։ Երբ հասել են Մասիվ, ամբաստանյալի պահանջով փո-խել է ուղղությունը և գնացել են Զեյթուն թաղամասում գտնվող «Երևան Սիթի» խանութի մոտ, որտեղ աղջիկներն իջել են ավտոմեքենայից, սակայն այդ պահին մոտեցել են ոստիկաններն ու իրենց տարել են ոստիկանության Կենտրոնի բաժին։

Դատարանի վերլուծություն.

Դատարանը, վերլուծելով ամբաստանյալին առաջադրված մեղադրանքն ու համակցու-թյան մեջ գնահատելով դատաքննությամբ հետազոտված ապացույցները, գործի հանգամանք-ների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաստի ապացույց-ների բավարար ամբողջությամբ հաստատվում է, որ ամբաստանյալը դիտավորությամբ կոպիտ կերպով խախտել է հասարակական կարգը« որն արտահայտվել է հասարակության նկատմամբ բացահայտ անհարգալից վերաբերմունքով և զուգորդվել է անձանց նկատմամբ բռնություն գոր-ծադրելով ու բացառիկ ցինիզմով, այսինքն՝ կատարել է հանցագործություն` նախատեսված ՀՀ քրեական օրենսգրքի 258-րդ հոդվածի 3-րդ մասի 5-րդ կետով, որով և նա պետք է պատասխա-նատվության ենթարկվի։
Ինչ վերաբերվում է ամբաստանյալի այն պատճառաբանությանը, որ իր կատարած հան-ցագործությունը չի զուգորդվել բացառիկ ցինիզմով, ապա դատարանը գտնում է, որ այն անհիմն է, և նշված պատճառաբանությամբ նա ցանկանում է խուսափել ավելի ծանր հանցագործության համար պատասխանատվությունից ու պատժից։
Ամբաստանյալի նկատմամբ պատիժ նշանակելիս` պատժի տեսակն ու չափը որոշելիս, դատարանը հաշվի է առնում ինչպես նրա կատարած հանցագործության բնույթը, հանրության համար վտանգավորության աստիճանը և հետևանքները, այնպես էլ նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանքնե-րը։
Որպես ամբաստանայլի պատասխանատվությունն ու պատիժը մեղմացնող հանգա-մանք` դատարանը հաշվի է առնում, որ նա առաջին անգամ է դատապարտվում, մասնակիորեն խոստովանեց կատարած արարքը և զղջաց դրա համար, տուժողները ներել են նրան և խնդրե-ցին մեղմ պատիժ նշանակել։
Որպես ամբաստանյալի պատասխանատվությունն ու պատիժը ծանրացնող հանգա-մանք` դատարանը հաշվի է առնում, որ նա հանցանքը կատարել է ալկոհոլի ազդեցության տակ։
Որպես ամբաստանյալի անձը բնութագրող տվյալ` դատարանը հաշվի է առնում, որ նա բնութագրվում է դրական։
Դատարանը, հաշվի առնելով գործի փաստական և վերը նշված հանգամանքները և ելնե-լով ՀՀ քրեական օրենսգրքի 10-րդ, 48-րդ ու 61-րդ հոդվածներով սահմանված` արդարության, պատասխանատվության անհատականացման և պատիժ նշանակելու ընդհանուր սկզբունքնե-րից, փաստելով, որ ՀՀ քրեական օրենսգրքի 258-րդ հոդվածի 3-րդ մասի սանկցիայով նախա-տեսված է նաև պատժի նվազ խիստ տեսակ՝ տուգանք, հանգում է հետևության, որ կատարած հանցագործության համար ամբաստանյալը պետք է դատապարտվի ազատազրկման և կրի նշանակված պատիժը, քանի որ նրա ուղղվելը հնարավոր չէ առանց պատիժը կրելու, ինչը նաև անհրաժեշտ ու բավարար միջոց է` սոցիալական արդարությունը վերականգնելու և նրա կողմից նոր հանցագործությունների կատարումը կանխելու համար։
Քննության առնելով խափանման միջոցի հարցը` դատարանը գտնում է, որ ամբաստան-յալի նկատմամբ կիրառված խափանման միջոցը պետք է թողնվի անփոփոխ։
Տուժողները քաղաքացիական հայցեր չհարուցեցին։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 357-360-րդ, 365-րդ և 369-372-րդ հոդվածներով` դատարանը

Վ Ճ Ռ Ե Ց

Սերգեյ Ռոբերտի Բաղդասարյանին ճանաչել մեղավոր ՀՀ քրեական օրենսգրքի 258-րդ հոդվածի 3-րդ մասի 5-րդ կետով և դատապարտել ազատազրկման 9 (ինը) ամիս ժամկետով, որպիսի պատիժը պետք է կրի ՀՀ ԱՆ համապատասխան քրեակատարողական հիմնարկում։
Ս.Բաղդասարյանի նկատմամբ կիրառված խափանման միջոցը թողնել անփոփոխ և պատժի կրման սկիզբը հաշվել 2012թ. օգոստոսի 10-ից։
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ