ԵԿԴ/0250/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ռ.ՄԿՐՏՉՅԱՆԻ
մասնակցությամբ`
մեղադրողներ Գ.ՄԱՐԳԱՐՅԱՆԻ
Ն.ՄԻՔԱՅԵԼՅԱՆԻ
ամբաստանյալ Ե.ՄԵԼՔՈՆՅԱՆԻ
պաշտպան Ժ.ՕՀԱՆՅԱՆԻ

2013թ. հունիսի 6-ին դատարանում` դռնբաց դատական նիստում, քննեց գործն ըստ մե-ղադրանքի Երեմ Արտուշի Մելքոնյանի` ծնված 26.05.1962թ. Աբովյան քաղաքում, ազգությամբ հայ, ՀՀ քաղաքացի, իր հայտարարությամբ` ամուսնացած և միջնակարգ-մասնագիտական կըր-թությամբ, առողջ, դատվածություն չունեցող, Կոտայքի մարզի ընդհանուր իրավասության դա-տարանի 20.06.2012թ. դատավճռով ՀՀ քրեական օրենսգրքի 112-րդ հոդվածի 2-րդ մասի 14-րդ կետով դատապարտվել է ազատազրկման 6 տարի ժամկետով, բնակվել է` ք.Աբովյան, Երիտա-սարդական փողոց, 1-ին նրբանցք, 1-ին շենք, բնակարան հ. 19, սույն քրեական գործով Ե.Մել-քոնյանի նկատմամբ խափանման միջոց չի կիրառվել, ներկայումս պատիժ է կրում ՀՀ ԱՆ «Վարդաշեն» քրեակատարողական հիմնարկում, նախորդ քրեական գործով արգելանքի տակ է 2011թ. հոկտեմբերի 6-ից, մեղադրվում է ՀՀ քրեական օրենսգրքի 345-րդ հոդվածի 1-ին մասով։

Գործի դատավարական նախապատմությունը.

ՀՀ գլխավոր դատախազության պետական շահերի պաշտպանության վարչության դա-տախազ Ռ.Դանիելյանը 26.06.2012թ. որոշմամբ ՀՀ քրեական օրենսգրքի 345-րդ հոդվածի 1-ին մասով հարուցել է թիվ 61203212 քրեական գործը։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի ավագ քննիչ Ն.Բարսեղյանը 04.07.2012թ. որոշմամբ թիվ 61203212 քրեական գործն ընդունել է իր վարույթ։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Վ.Ասատրյանը 27.07.2012թ. որոշմամբ թիվ 61203212 քրեական գործն ընդունել է իր վա-րույթ։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի ավագ քննիչ Ն.Բարսեղյանը 14.08.2012թ. որոշմամբ թիվ 61203212 քրեական գործն ընդունել է իր վարույթ։
ՀՀ ՀՔԾ ՀԿԳ քննիչ Կ.Թորոսյանը 10.09.2012թ. որոշմամբ թիվ 61203212 քրեական գործն ընդունել է իր վարույթ։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի ավագ քննիչ Ն.Բարսեղյանը 14.11.2012թ. որոշմամբ թիվ 61203212 քրեական գործն ընդունել է իր վարույթ։
Քննիչի 14.12.2012թ. որոշմամբ Ե.Մելքոնյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 345-րդ հոդվածի 1-ին մասով։
2012թ. դեկտեմբերի 21-ին թիվ 61203212 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրա-վասության առաջին ատյանի դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան առաջին ատյանի դատարանի (դատավոր Գ.Պողոսյան) 2012թ. դեկտեմբերի 24-ի որոշ-մամբ Երեմ Մելքոնյանի վերաբերյալ ՀՀ քրեական օրենսգրքի 345-րդ հոդվածի 1-ին մասով քրեական գործն ընդունվել է վարույթ, իսկ 2013թ. հունվարի 9-ի որոշմամբ նշանակվել է դատա-քննության։
Ամբաստանյալ Ե.Մելքոնյանին ՀՀ քրեական օրենսգրքի 345-րդ հոդվածի 1-ին մասով մե-ղադրանք է առաջադրվել այն բանի համար, որ նա. «արգելանքի տակ գտնվող և իրեն վստահ-ված «Ֆոլկսվագեն տուարեգ» մակնիշի 15 ՍԼ 681 պետհամարանիշի ավտոմեքենան թաքցրել է ՀՀ ԱՆ դատական ակտերի հարկադիր կատարման ծառայության աշխատակիցներից։
Այսպես. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում քննված` ըստ հայցի «Յունիկան» ՓԲ ընկերության ընդդեմ Թադևոս Բոջուկյանի և Կարեն Բեգլարյանի` վարկային պարտավորության 7.291.387 ՀՀ դրամ գումարը բռնագանձելու պահանջի մասին քաղաքացիական գործով պատասխանողին պատ-կանող և գրավի առարկա հանդիսացող «Ֆոլկսվագեն տուարեգ» մակնիշի 15 ՍԼ 681 պետհա-մարանիշի ավտոմեքենայի նկատմամբ՝ որպես հայցի ապահովման միջոց, արգելանք կիրառելու վերաբերյալ դատարանի 2010թ. ապրիլի 30-ի որոշմամբ տրված կատարողական թերթի հիման վրա 2010թ. մայիսի 26-ին հարուցված 01/02-1835/10 կատարողական վարույթի ընթացքում պար-զըվել է, որ նախավճարի պայմանագրի հիման վրա Թադևոս Բոջուկյանը գրավի առարկա ավ-տոմեքենան հանձնել է Անահիտ Ժորժիկի Մելքոնյանին, որից հետո կատարողական գործողու-թյունների արդյունքում 2010թ. օգոստոսի 17-ին վարույթն ավարտվել է։
Բռնագանձման վճռի հիման վրա 2011թ. փետրվարի 02-ին վերսկսված կատարողական վարույթի շրջանակներում ձեռնարկված միջոցառումների արդյունքում գրավի առարկա ավտո-մեքենան 2011թ. մարտի 11-ին ՀՀ ԱՆ դատական ակտերի հարկադիր կատարման ծառայութ-յան Կենտրոն և Նորք-Մարաշ բաժնի աշխատակիցների կողմից Աշտարակի խճուղու սկզբնա-մասից հայտնաբերվել և առգրավվել է այն փաստացի օգտագործող Երեմ Մելքոնյանից` Անա-հիտ Մելքոնյանի ամուսնուց, իսկ 2011թ. օգոստոսի 18-ին տրանսպորտային միջոցի վրա արգե-լանք դնելու մասին արձանագրությամբ հարկադիր կատարող Արմեն Մակյանը առգրավված «Ֆոլկսվագեն տուարեգ» մակնիշի ավտոմեքենան ի պահ է հանձնել այն փաստացի օգտագոր-ծող Երեմ Մելքոնյանին, սակայն վերջինս դրանից հետո վերոհիշյալ «Ֆոլկսվագեն տուարեգ» մակնիշի ավտոմեքենան թաքցրել է»։

Դատարանի կողմից հաստատված հանգամանքները.

Դատաքննությամբ պարզվեց, որ «Տրանսպորտային միջոցի վրա արգելանք դնելու մա-սին» ՀՀ ԱՆ դատական ակտերի հարկադիր կատարումն ապահովող ծառայության Կենտրոն և Նորք-Մարաշ բաժնի հարկադիր կատարող՝ վկա, Արմեն Մակյանի կողմից 18.08.2012թ. կազմը-ված արձանագրության համաձայն արգելանք է դրվել «Ֆոլկսվագեն Տուարեգ» մակնիշի 15ՍԼ 681 պետհամարանիշով ավտոմեքենանի վրա, այն ի պահ է հանձնել ամբաստանյալին, ով պար-տավորվել է պահպանել նշված գույքն ու նախազգուշացվել է այն թաքցնելու համար նախա-տեսված քրեական պատասխանատվության մասին։ Չնայած դրան, ամբաստանյալը թաքցրել է իրեն ի պահ հանձնված «Ֆոլկսվագեն Տուարեգ» մակնիշի 15ՍԼ681 պետհամարանիշով ավտո-մեքենան և, պատճառաբանելով, որ այն խափանվել է Սյունիքի մարզում, հայտարարել է, որ չի հիշում, թե վերանորոգելու համար ընկերներից ում մոտ է այն թողել։
ՀՀ ոստիկանության Սյունիքի մարզային վարչության Գորիսի և Սիսիանի բաժնների կող-մից ձեռնարկված օպերատիվ-հետախուզական միջոցառումների արդյունքում վերը նշված ավ-տոմեքենան չի հայտնաբերվել։

Ապացույցների հետազոտում և գնահատում.

Դատաքննությամբ ամբաստանյալ Ե.Մելքոնյանն իրեն մեղավոր չճանաչեց՝ պատճառա-բանելով, որ «Ֆոլկսվագեն Տուարեգ» մակնիշի 15ՍԼ681 պետհամարանիշով ավտոմեքենան չի թաքցրել, այն պատկանում է իրեն, հետևաբար՝ իմաստ չէր կարող ունենալ այն թաքցնելը և, բացի դա որևէ մեկն իրենից չի պահանջել հանձնել այն։
Ամբաստանյալ Ե.Մելքոնյանի ցուցմունքի համաձայն՝ «Ֆոլկսվագեն Տուարեգ» մակնիշի 15ՍԼ681 պետհամարանիշով ավտոմեքենան ինքը գնել է օրինական կարգով և դրա դիմաց վճարել է 8.500.000 դրամ։ Այն ի պահ է հանձնվել իրեն և տեղյակ է եղել, որ դրա վերաբերյալ գործ է քննվում դատարանում ու համոզված է եղել, որ դատարանն իրեն կճանաչի բարեխիղճ գնորդ։ Այդ իսկ պատճառով նշված ավտոմեքենան պահել է իր մոտ, սակայն չի թաքցրել։ Թեև նախաքննության ընթացքում հայտնել է, որ այն խափանվել է և գտնվում է Սյունիքի մարզում, սակայն իրականում այն՝ խափանվելուց հետո, ք.Գորիսից տեղափոխել է ք.Աբովյան և կանգ-նեցրել ընկերոջ ավտոտնակում։
Վկա` ՀՀ ԱՆ ԴԱՀԿ ծառայության աշխատակից, Արմեն Մակյանի ցուցմունքի համա-ձայն՝ Կենտրոն և Նորք-Մարաշ Վարչական շրջանների ընդհանուր իրավասության դատարանի վճռի հիման վրա հարուցված կատարողական վարույթի շրջանակներում 2011թ. մարտի 11-ին Աշտարակի խճուղու սկզբնամասից հայտնաբերվել և այն փաստացի օգտագործող ամբաս-տանյալից առգրավվել է «Ֆոլկսվագեն տուարեգ» մակնիշի 15ՍԼ681 պետհամարանիշով ավտո-մեքենան, որը տեղափոխվել է ՀՀ ԱՆ դատական ակտերի հարկադիր կատարման ծառայության համապատասխան տարածք։ 2011թ. օգոստոսի 18-ին կազմել է նշված տրանսպորտային միջո-ցի վրա արգելանք դնելու մասին արձանագրություն, և ավտոմեքենան ի պահ է հանձնել ամ-բաստանյալին, ում նախազգուշացվել է այն թաքցնելու համար նախատեսված քրեական պա-տասխանատվության մասին։
Հետագայում՝ կատարողական գործողությունների ընթացքում, «Վարդաշեն» քրեակա-տարողական հիմնարկից ստացել են ամբաստանյալի բացատրությունն այն մասին, որ խա-փանվելու պատճառով վերը նշված ավտոմեքենան նա թողել է Սյունիքի մարզում, սակայն չի հիշում, թե ում մոտ։
Վկա՝ ամբաստանյալի որդի, Աշոտ Մելքոնյանի ցուցմունքի համաձայն՝ 2008թ. հոկտեմ-բեր ամսին իր ամուսնության կապակցությամբ ծնողներն իրեն նվիրել են «Ֆոլկսվագեն Տու-արեգ» մակնիշի 15ՍԼ681 պետհամարանիշով ավտոմեքենան։ Որոշ ժամանակ անց տեղեկացել է, որ նշված ավտոմեքենան վարկով է ձեռք բերված և վարկի հետ կապված խնդիրներ են առա-ջացել։ Այնուհետև, նշված ավտոմեքենան դատական ակտերի հարկադիր կատարման ծառա-յության աշխատակիցներն ի պահ են հանձնել հորը` Ե.Մելքնյանին, ով այդ ավտոմեքենայով գնացել է Սյունիքի մարզի Գորիս քաղաք, որից հետո ավտոմեքենան չի տեսել և դրա գտնվելու վայրի մասին որևէ տեղեկություն չունի։
Վկա՝ ամբաստանյալի կին, Անահիտ Մելքոնյանի ցուցմունքի համաձայն՝ 2008թ. ինքն ու ամուսինը՝ Ե.Մելքոնյանը, որդու ամուսնության կապակցությամբ նրան նվիրել են «Ֆոլկսվագեն Տուարեգ» մակնիշի 15ՍԼ681 պետհամարանիշով ավտոմեքենան, որը ձևակերպված է եղել վար-կային պայմանագրով և պարտավորվել են ամիս-ամիս մարել բանկի գումարները։ Հետագայում ֆինանսական խնդիրներ են առաջացել իրենց և ավտոմեքենայի նախկին սեփականատերերի միջև ու սկսվել են դատական վեճեր, ինչի արդյունքում 2011թ. մարտ ամսին ՀՀ ԱՆ դատական ակտերի հարկադիր կատարման ծառայության աշխատակիցներն իր ամուսնուց առգրավել են նշված ավտոմեքենան և 2011թ. օգոստոսի 18-ին այն ի պահ են հանձնել նրան՝ չվաճառելու, չօտարելու, չթաքցնելու և չփոփոխելու պայմանով։ Մոտ մեկ ամիս անց ամուսինը նշված ավտո-մեքենայով մեկնել է Գորիս քաղաք, որտեղից վերադառնալիս ամուսնուն բերման են ենթարկել ոստիկանություն, և ավտոմեքենայի գտնվելու մասին ինքը որևէ տեղեկություն չունի։
«Ավտոտնակի զննում կատարելու վերաբերյալ» 08.08.2012թ. արձանագրության համա-ձայն՝ Անահիտ Մելքոնյանին պատկանող՝ ք.Աբովյանի Երիտասարդական փողոցի 1/1 շենքի հարևանությամբ գտնվող, ավտոտնակում որևէ ավտոմեքենա չի հայտնաբերվել։
Որպես այլ փաստաթուղթ՝ ապացույց ճանաչված.
«Տրանսպորտային միջոցի վրա արգելանք դնելու մասին» ՀՀ ԱՆ դատական ակտերի հարկադիր կատարումն ապահովող ծառայության Կենտրոն և Նորք-Մարաշ բաժնի հարկադիր կատարող Ա.Մակյանի կողմից 18.08.2012թ. կազմված արձանագրության համաձայն՝ արգելանք է դրվել «Ֆոլկսվագեն Տուարեգ» մակնիշի 15ՍԼ681 պետհամարանիշով ավտոմեքենանի վրա, այն ի պահ է հանձնել Ե.Մելքոնյանին, ով պարտավորվել է պահպանել նշված ավտոմեքենան և նախազգուշացվել է այն թաքցնելու համար նախատեսված քրեական պատասխանատվության մասին,
ՀՀ ոստիկանության Սյունիքի մարզային վարչության Սիսիանի բաժնի 24.08.2012թ. թիվ 103/1-3095 և Գորիսի բաժնի 10.09.2012թ. թիվ 102-2/2-2689 գրությունների համաձայն՝ նշված բաժինների կողմից ձեռնարկվել են օպերատիվ-հետախուզական միջոցառումներ՝ «Ֆոլկսվագեն Տուարեգ» մակնիշի 15ՍԼ681 պետհամարանիշով ավտոմեքենան հայտնաբերելու համար։
«Արգելանքի վերցված գույքը ներկայացնելու մասին» 18.03.2013թ. արձանագրության համաձայն՝ ամբաստանյալի որդին՝ Ա.Մելքոնյանը, 18.03.2013թ.՝ ժամը 1530-ին, ԴԱՀԿ ծառա-յություն է ներկայացրել ամբաստանյալին ի պահ հանձնված «Ֆոլկսվագեն Տուարեգ» մակնիշի 15ՍԼ681 պետհամարանիշով ավտոմեքենան։

Դատարանի վերլուծություն.

Դատարանը, վերլուծելով ամբաստանյալին առաջադրված մեղադրանքն ու համակցութ-յան մեջ գնահատելով դատաքննությամբ հետազոտված ապացույցները, գործի հանգամանք-ների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաստի ապացույց-ների բավարար ամբողջությամբ հաստատվում է, որ ամբաստանյալը թաքցրել է արգելանքի տակ գտնվող գույքը, այսինքն՝ կատարել է հանցագործություն՝ նախատեսված ՀՀ քրեական օրենսգրքի 345-րդ հոդվածի 1-ին մասով, որով և նա պետք է պատասխանատվության ենթարկ-վի։
Ամբաստանյալի նկատմամբ պատիժ նշանակելիս` պատժի տեսակն ու չափը որոշելիս, դատարանը հաշվի է առնում ինչպես նրա կատարած արարքի բնույթը և հանրության համար վտանգավորության աստիճանը, այնպես էլ նրա անձը բնութագրող տվյալներն ու պատասխա-նատվությունը և պատիժը մեղմացնող ու ծանրացնող հանգամանքները։
Որպես ամբաստանյալի պատասխանատվությունն ու պատիժը մեղմացնող հանգա-մանք` դատարանը հաշվի է առնում, որ նա կամովին՝ որդու միջոցով, ներկայացրել է թաքցրած գույքը։
Ամբաստանյալի պատասխանատվությունն ու պատիժը ծանրացնող հանգամանքներ դատական քննությամբ չարձանագրվեցին։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 357-360-րդ, 365-րդ և 369-372-րդ հոդվածներով` դատարանը

Վ Ճ Ռ Ե Ց

Երեմ Արտուշի Մելքոնյանին ճանաչել մեղավոր ՀՀ քրեական օրենսգրքի 345-րդ հոդվա-ծի 1-ին մասով և դատապարտել 300.000 (երեք հարյուր հազար) դրամ տուգանքի։
ՀՀ քրեական օրենսգրքի 66-րդ հոդվածի 4-րդ մասի համաձայն` սույն դատավճռով և Կո-տայքի մարզի ընդհանուր իրավասության դատարանի 20.06.2012թ. դատավճռով նշանակված պատիժները լրիվ գումարելու միջոցով, որպես վերջնական պատիժ՝ նշանակել ազատազրկում 6 (վեց) տարի ժամկետով և 300.000 (երեք հարյուր հազար) դրամ տուգանք՝ պատժի կրման սկիզբը թողնելով նույնը։
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ