ԵԿԴ/0244/01/12
Ո Ր Ո Շ ՈՒ Մ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

03 մայիսի 2013թ. ք.Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ` Ա.ԴԱՆԻԵԼՅԱՆ
ԴԱՏԱՎՈՐՆԵՐ` Ա.ԽԱՉԱՏՐՅԱՆ
Լ.ԹԱԴԵՎՈՍՅԱՆ

ՔԱՐՏՈՒՂԱՐՈՒԹՅԱՄԲ` Մ.ՄԱՀՏԵՍՅԱՆԻ

ՄԱՍՆԱԿՑՈՒԹՅԱՄԲ`

ՄԵՂԱԴՐՈՂ` Գ.ՏԻԳՐԱՆՅԱՆԻ

ՊԱՇՏՊԱՆ` Կ.ՂԱԶԱՐՅԱՆԻ

ԱՄԲԱՍՏԱՆՅԱԼ` Հ.ՀԱՋԻ-ՀԱԿՈԲՅԱՆԻ


Դռնբաց դատական նիստում քննության առնելով պաշտպանի վերաքննիչ բողոքը` Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 04.02.2013թ. դատավճռի դեմ.

Պ Ա Ր Զ Ե Ց

Գործի դատավարական նախապատմությունը.

2012թ. սեպտեմբերի 8-ին հարուցված թիվ 58208412 քրեական գործի նախաքննության ընթացքում.
2012թ. սեպտեմբերի 11-ին որոշում է կայացվել Հակոբ Երվանդի Հաջի-Հակոբյանին ՀՀ քրեական օրենսգրքի 311-րդ հոդվածի 1-ին մասով, որպես մեղադրյալ ներգրավելու մասին:
2012թ. դեկտեմբերի 12-ին որոշում է կայացվել Հակոբ Երվանդի Հաջի-Հակոբյանին առաջադրված մեղադրանքը փոփոխելու և լրացնելու մասին:
2012թ. դեկտեմբերի 12-ին որոշում է կայացվել Հակոբ Երվանդի Հաջի-Հակոբյանին ՀՀ քրեական օրենսգրքի 311-րդ հոդվածի 1-ին մասով, որպես մեղադրյալ ներգրավելու մասին:
2012թ. դեկտեմբերի 12-ին որոշում է կայացվել սույն գործով Անժելա Օվանեսյանի կողմից 12 դրվագներով կաշառք ստանալուն օժանդակելու վերաբերյալ կարճել` վերջինիս կողմից գործուն զղջալու հիմքով:
2012թ. դեկտեմբերի 12-ին որոշում է կայացվել սույն գործով Նանե Ղավալբաբունցի կողմից 12 դրվագներով կաշառքի միջնորդություններ կատարելու վերաբերյալ կարճել` վերջինիս կողմից գործուն զղջալու հիմքով:
2012թ. դեկտեմբերի 12-ին որոշում է կայացվել քրեական գործով վարույթի մասը` Մարինե Հայրապետյանի, Շուշան Ռամազյանի, Արմինե Բոզկուրտի, Շառլոտա Առաքելյանի, Գևորգ Սաֆարյանի, Աննա Կոբալյանի, Արսինե Արսենյանի և Գոհար Բաղդասարյանի կողմից կաշառք տալու վերաբերյալ, կարճել` վերջիններիս կողմից գործուն զղջալու հիմքով:
2012թ. դեկտեմբերի 12-ին որոշում է կայացվել Լուսինե Գրիգորյանի կողմից Հակոբ Հաջի-Հակոբյանին կաշառք ստանալուն օժանդակելու վերաբերյալ քրեական գործով վարույթի մասը կարճել Լուսինե Գրիգորյանի արարքում հանցակազմի բացակայության հիմքով:
2012թ. դեկտեմբերի 12-ին որոշում է կայացվել քրեական գործով վարույթի մասը Մարուսյա Հարությունյանի, Վարսենիկ Թորոսյանի, Մարգարիտ Գրիգորյանի, Նունե Սոխակյանի, Զինա Միքայելյանի, Անահիտ Հարությունյանի, Արա Հուսիկյանի, Մարիանա Էրիկյան-Խաչատրյանի, Քրիստինե Սարգսյանի, Մարիամ Գյուլումյանի, Կարեն Մանուկյանի, Անահիտ Բալայանի, Կարինե Կիրակոսյանի, Ալվարդ Գրիգորյանի, Արթուր Հարությունյանի, Հերմինե Հովհաննիսյանի, Հասմիկ Ալթունյանի, Ռիտա Նասոյանի, Ֆլորա Գևորգյանի, Մարինա Կրպիկյանի, Վարսենիկ Մկրտչյանի, Ավետիք Հակոբյանի, Մարինե Նիկոյանի, Կարինա Ավագյանի, Աիդա Սուքիասյանի, Գագիկ Մուշեղյանի, Անահիտ Մկրտչյանի, Մնացական Գևորգյանի, Ալինա Ավետիսյանի, Հասմիկ Մանուկյանի, Երանուհի Գրիգորյանի, Գոհար Չաուշյանի, Աբգար Սերյինյանի, Արփիկ Առաքելյանի, Սուսաննա Մխիթարյանի, Իրինա Մխիթարյանի, Ժենյա Սառիկյանի, Ամալյա Հովհաննիսյանի, Ջուլետա Գրիգորյանի, Էմմա Թադևոսյանի, Աննա Մադոյանի, Նունե Ներսիսյանի, Մարիետա Կարապետյանի, Լուսինե Բաբայանի, Անժելա Թումանյանի, Դիմիտրա Պետրոսյանի, Սվետլանա Ոսկանյանի և Լենա Ավագյանի կողմից Նանե Ղավալբաբունցի միջնորդությամբ կաշառք տալու և Հակոբ Հաջի-Հակոբյանի կողմից` Անժելա Օվանեսյանի օժանդակությամբ կաշառք ստանալու վերաբերյալ, կարճելու մասին` նշված անձանց արարքում հանցակազմերի բացակայության հիմքով:
2012թ. դեկտեմբերի 18-ին քրեական գործը մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատարան:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 04.02.2013թ. դատավճռով` դատական քննության արագացված կարգի կիրառմամբ.
Հակոբ Երվանդի Հաջի-Հակոբյանը ճանաչվել է մեղավոր ՀՀ քրեական օրենսգրքի 311-րդ հոդվածի 1-ին մասով /11 դրվագով/ նախատեսված հանցագործությունների կատարման մեջ, նրա նկատմամբ նշանակվել է պատիժ`
ՀՀ քրեական օրենսգրքի 311-րդ հոդվածի 1-ին մասով նախատեսված 11 /տասնմեկ/ դրվագներից յուրաքանչյուրով` ազատազրկում 6 /վեց/ ամիս ժամկետով:
Կիրառվել է ՀՀ քրեական օրենսգրքի 66-րդ հոդվածի 3-րդ մասը, նշանակված պատիժները մասնակիորեն գումարելով` Հակոբ Երվանդի Հաջի-Հակոբյանի նկատմամբ վերջնական պատիժ է նշանակվել ազատազրկում 2 /երկու/ տարի ժամկետով` դիվանագիտական պաշտոններ զբաղեցնելու իրավունքից զրկելով 2 /երկու/ տարի ժամկետով:
Հակոբ Հաջի-Հակոբյանի պատժի կրման սկիզբը հաշվվել է 2012թ. սեպտեմբերի 9-ից, նրա նկատմամբ որպես խափանման միջոց ընտրված կալանավորումը թողնվել է անփոփոխ` մինչև սույն դատավճիռն օրինական ուժի մեջ մտնելը:
Վճռվել է. նաև.
Իրեղեն ապացույց ճանաչված և գործին կցված փաստաթղթերը` Անժելա Օվանեսյանի շահագործած 995-593719917 բջջային հեռախոսահամարից կատարված կարճ հաղորդագրությունների վերծանումները, ՀՀ արտաքին գործերի նախարարությունից առգրավված՝ Ռուզաննա Հարությունյանի, Արփինե Խանամիրյանի, Մարինե Հայրապետյանի, Շուշան Ռամազյանի, Արմինե Խաչատրյանի /Բոզկուրտի/, Արփեն Պետրոսյանի, Շառլոտա Առաքելյանի, Գևորգ Սաֆարյանի, Աննա Կոբալյանի, Վազգուհի /Արսինե/ Արսենյանի, Վիտալի Բեգլարյանի և Գոհար Բաղդասարյանի անվամբ ՀՀ վերադարձի վկայականներ տրամադրելու հիմք հանդիսացող փաստաթղթերի և տրված վերադարձի վկայականների պատճենները, ինչպես նաև ՚Կոնվերս բանկՙ ՓԲ ընկերությանից ստացված վճարային փաստաթղթերը պահել քրեական գործում` գործի պահպանման ողջ ժամանակահատվածում:
Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 04.02.2013թ. դատավճռի դեմ վերաքննիչ բողոք է բերել պաշտպանը:

Գործի փաստական հանգամանքները.

Ամբաստանյալ Հակոբ Հաջի-Հակոբյանը, 2008թ. մարտից մինչև 2011թ. հուլիսն աշխատելով Վրաստանում Հայաստանի Հանրապետության գլխավոր հյուպատոս, իսկ 2011թ. հուլիսից մինչև 2012թ. սեպտեմբերի 9-ը հանդիսանալով Հայաստանի Հանրապետության արտաքին գործերի նախարարության հյուպատոսական վարչության պետ՝ պաշտոնատար անձ, գործելով պաշտոնական լիազորությունների շրջանակներում, շահադիտական դրդումներից ելնելով, ՚Հայաստանի Հանրապետության վերադարձի վկայականը տալու կարգՙ-ի պահանջների խախտմամբ՝ առանց ՀՀ ԱԳՆ հարցում ուղարկելու և պատասխան ստանալու, Թուրքիայի Հանրապետությունից Հայաստան վերադարձող և անձը հաստատող փաստաթղթեր չունեցող կամ փաստաթղթերի հետ խնդիրներ ունեցող ՀՀ քաղաքացիներին 1-2 օրվա ընթացքում վերադարձի վկայական տրամադրելու համար՝ Վրաստանում ՀՀ գլխավոր հյուպատոսի օգնական՝ Անժելա Գեորգիի Օվանեսյանի և Վրաստանի Բաթում քաղաքում բնակվող ՀՀ քաղաքացի՝ Նանե Գավրուշի Ղավալբաբունցի միջնորդությամբ և օժանդակությամբ, վերադարձի վկայական հայցող քաղաքացիներից, բացի օրենքով նախատեսված պետտուրքի գումարից, որպես կաշառք պահանջել և ստացել է 100-ական ԱՄՆ դոլարի չափով հավելյալ գումարներ:
Ընդ որում, իր կողմից սահմանած վերոհիշյալ մեխանիզմով իրականացնելով հանցավոր գործունեություն և Վրաստանում ՀՀ գլխավոր հյուպատոսի պաշտոնը զբաղեցնելու ընթացքում օգնականից՝ Անժելա Օվանեսյանից անմիջականորեն ստանալով առաջադրված պայմաններով տրված վերադարձի վկայականների դիմաց, որպես կաշառք ստացած գումարները՝ յուրաքանչյուր վկայականի համար 100 ԱՄՆ դոլար հավելյալ գումար, այնուհետև, 2011թ. հուլիսին ՀՀ ԱԳՆ հյուպատոսական վարչության պետի պաշտոնում նշանակվելուց հետո, Անժելա Օվանեսյանին կարգադրել է նույն մեխանիզմով շարունակել հանցավոր գործունեությունը, սակայն դա իրականացնել գլխավոր հյուպատոսի պաշտոնում նշանակված անձանցից գաղտնի, իսկ ստացված հավելյալ գումարները կնոջ՝ Լուսինե Գրիգորյանի անվամբ բանկային փոխանցումներով պարբերաբար ուղարկել իրեն:
Ի կատարումն հանցավոր կարգադրությանը, Վրաստանում ՀՀ գլխավոր հյուպատոսի օգնական Անժելա Օվանեսյանը, շարունակել է համագործակցել Բաթում քաղաքի բնակիչ, ՀՀ քաղաքացի Նանե Ղավալբաբունցի հետ և վերջինիս միջնորդությամբ վերադարձի վկայական տալու համար պահանջել և ստացել է 100-ական ԱՄՆ դոլար հավելյալ գումար, որոնք պարբերաբար ՚արագ փոստՙ համակարգով բանկային փոխանցումներով ուղարկել է Հայաստան՝ Հակոբ Հաջի-Հակոբյանի կնոջ՝ Լուսինե Գրիգորյանի անվամբ կամ էլ առձեռն տվել է Հակոբ Հաջի-Հակոբյանին՝ Բաթում կատարած այցելությունների ժամանակ: Նանե Ղավալբաբունցն, իր հերթին, վերադարձի վկայական ստանալու հարցը կարգավորելու խնդրանքով իրեն դիմած ՀՀ քաղաքացիներից պահանջել և ստացել է՝ 200-250-ական ԱՄՆ դոլար, որից վճարելով պետտուրքի և Հակոբ Հաջի-Հակոբյանի ցուցումով՝ Անժելա Օվանեսյանի կողմից որպես կաշառք պահանջված գումարները, մնացորդը պահել է իրեն:
Այսպես՝
- Թուրքիայի տարածքում անձնագիրը կորցրած և 2012թ. օգոստոսի 8-ին Թուրքիայից Հայաստան վերադարձող ՀՀ քաղաքացի՝ Ռուզաննա Վրեժի Հարությունյանի տվյալներով Բաթումում ՀՀ գլխավոր հյուպատոսությունից վերադարձի վկայական ստանալու համար վերջինիս՝ ազգությամբ վրացի ընկերը դիմել է Նանե Ղավալբաբունցին, ով այդ հարցը մեկ օրվա ընթացքում կարգավորելու համար պահանջել և ստացել է 200 ԱՄՆ դոլար գումար, որից, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է 167 ԱՄՆ դոլար՝ 67 ԱՄՆ դոլար՝ որպես պետտուրքի, իսկ 100 ԱՄՆ դոլար՝ որպես կաշառքի գումար, և ստանալով նշված անձի անվամբ վերադարձի վկայականը, այն փոխանցել է վերջինիս: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- Թուրքիայի տարածքում անձնագիրը կորցրած և 2012թ. օգոստոսի 12-ին Թուրքիայից Հայաստան վերադարձող ՀՀ քաղաքացի՝ Արփինե Կարենի Խանամիրյանի տվյալներով Բաթումում ՀՀ գլխավոր հյուպատոսությունից վերադարձի վկայական ստանալու համար վերջինիս մորաքույրը՝ Սվետլանա Եպրիկյանը դիմել է Նանե Ղավալբաբունցին, ով այդ հարցը մեկ օրվա ընթացքում կարգավորելու համար պահանջել և ստացել է 200 ԱՄՆ դոլար գումար, որից հյուպատոսությունում վճարելով պետտուրքի գումարը՝ 67 ԱՄՆ դոլարի չափով, այնուհետև, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է 100 ԱՄՆ դոլար՝ որպես կաշառքի գումար, և ստանալով նշված անձի անվամբ վերադարձի վկայականը, այն փոխանցել է վերջինիս: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- Թուրքիայի տարածքում անձնագիրը կորցրած և Թուրքիայի Ստամբուլ քաղաքում ծննդաբերած՝ Հայաստան վերադառնալու ցանկություն ունեցող ՀՀ քաղաքացի՝ Մարինե Կարապետի Հայրապետյանը, Բաթումում ՀՀ գլխավոր հյուպատոսությունից որդու՝ Մաքսիմ Հակոբի Հակոբյանի տվյալներով վերադարձի վկայական ստանալու համար Ստամբուլում բնակվող ընկերուհու միջոցով 2012թ. օգոստոսի սկզբին դիմել է Նանե Ղավալբաբունցին, ով այդ հարցը մի քանի օրվա ընթացքում կարգավորելու համար պահանջել և 10.08.2012թ. ստացել է 300 ԱՄՆ դոլար գումար, որից, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է պետտուրքի գումարը՝ 67 ԱՄՆ դոլարի չափով և 100 ԱՄՆ դոլար՝ որպես կաշառքի գումար, որից հետո ստանալով վերադարձի վկայականը, ավտոբուսով ուղարկել է Մարինե Հայրապետյանին: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- Բացի այդ, Թուրքիայի տարածքում անձնագիրը կորցրած ՀՀ քաղաքացի՝ Շուշան Քերոբի Ռամազյանը, Բաթումում ՀՀ գլխավոր հյուպատոսությունից իր տվյալներով վերադարձի վկայական ստանալու համար 2012թ. օգոստոսի սկզբին Ստամբուլում գործող օֆիսում աշխատող ոմն Գագիկի միջոցով դիմել է Նանե Ղավալբաբունցին, ով այդ հարցը մի քանի օրվա ընթացքում կարգավորելու համար պահանջել և ստացել է 170 ԱՄՆ դոլար գումար, որից, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է 167 ԱՄՆ դոլար՝ 67 ԱՄՆ դոլար՝ որպես պետտուրքի, իսկ 100 ԱՄՆ դոլար՝ որպես կաշառքի գումար, և ստանալով նշված անձի անվամբ վերադարձի վկայականը, այն 2012թ. օգոստոսի 29-ին ավտոբուսով ուղարկել է վերջինիս: Անժելա Օվանեսյանն, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- Թուրքիայի տարածքում գտնվող և կացության ժամկետի խախտման հետևանքով անձնագրային խնդիրներ ունեցող ՀՀ քաղաքացի՝ Արմինե Անուշավանի Բոզկուրտը /Խաչատրյանը/, Բաթումում ՀՀ գլխավոր հյուպատոսությունից իր տվյալներով վերադարձի վկայական ստանալու համար 2011թ. սեպտեմբերին Ստամբուլում բնակվող ընկերուհու միջոցով դիմել է Նանե Ղավալբաբունցին, ով այդ հարցը մի քանի օրվա ընթացքում կարգավորելու համար պահանջել և ստացել է 200 ԱՄՆ դոլար գումար, որից, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է 167 ԱՄՆ դոլար՝ 67 ԱՄՆ դոլար՝ որպես պետտուրքի, իսկ 100 ԱՄՆ դոլար՝ որպես կաշառքի գումար, և ստանալով նշված անձի անվամբ վերադարձի վկայականը, այն ավտոբուսով ուղարկել է վերջինիս: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- Թուրքիայի տարածքում գտնվող և կացության ժամկետի խախտման հետևանքով անձնագրային խնդիրներ ունեցող ՀՀ քաղաքացի՝ Արփեն Անդրանիկի Պետրոսյանի տվյալներով Բաթումում ՀՀ գլխավոր հյուպատոսությունից վերադարձի վկայական ստանալու համար վերջինիս որդին՝ Արթուր Վիկտորի Պետրոսյանը, 2012թ. մայիսի սկզբին դիմել է Նանե Ղավալբաբունցին, ով այդ հարցը մեկ օրվա ընթացքում կարգավորելու համար պահանջել և ստացել է 150 ԱՄՆ դոլար գումար, որից հյուպատոսությունում վճարելով պետտուրքի այդ ժամանակվա գումարը՝ 27 ԱՄՆ դոլարի չափով, այնուհետև, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է 100 ԱՄՆ դոլար՝ որպես կաշառքի գումար, և ստանալով նշված անձի անվամբ վերադարձի վկայականը, այն փոխանցել է վերջինիս: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս։
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- Թուրքիայի տարածքում անձնագիրը կորցրած ՀՀ քաղաքացի՝ Շառլոտա Հովհաննեսի Առաքելյանը, Բաթումում ՀՀ գլխավոր հյուպատոսությունից իր տվյալներով վերադարձի վկայական ստանալու համար 2012թ. հունիսին Ստամբուլում գործող օֆիսում աշխատող ոմն Գագիկի միջոցով դիմել է Նանե Ղավալբաբունցին, ով այդ հարցը մի քանի օրվա ընթացքում կարգավորելու համար պահանջել և ստացել է 200 ԱՄՆ դոլար գումար, որից, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է 167 ԱՄՆ դոլար՝ 67 ԱՄՆ դոլար՝ որպես պետտուրքի, իսկ 100 ԱՄՆ դոլար՝ որպես կաշառքի գումար, և չորս օր անց ստանալով նշված անձի անվամբ վերադարձի վկայականը, այն ավտոբուսով ուղարկել է նրան: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- 2012թ. հունիսի 27-ին Թուրքիայից Հայաստան վերադարձող ՀՀ քաղաքացի՝ Գևորգ Սմբատի Սաֆարյանը, ՀՀ անձնագրում դրոշմված՝ Թուրքիայի մուտքի կնիքի հետ կապված խնդիրներ ունենալու պատճառով, Բաթումում ՀՀ գլխավոր հյուպատոսությունից իր տվյալներով վերադարձի վկայական ստանալու համար դիմել է Նանե Ղավալբաբունցին, ով այդ հարցը մեկ օրվա ընթացքում կարգավորելու համար պահանջել և ստացել է 150 ԱՄՆ դոլար գումար, որից, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է 127 ԱՄՆ դոլար՝ 27 ԱՄՆ դոլար՝ որպես պետտուրքի, իսկ 100 ԱՄՆ դոլար՝ որպես կաշառքի գումար, և ստանալով նշված անձի անվամբ վերադարձի վկայականը, այն փոխանցել է նրան: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- Թուրքիայի տարածքում անձնագիրը և անձնական գումարները կորցրած ՀՀ քաղաքացի՝ Աննա Արամիկի Կոբալյանը, Բաթումում ՀՀ գլխավոր հյուպատոսությունից իր տվյալներով վերադարձի վկայական ստանալու համար 2012թ. մայիսին Ստամբուլ քաղաքում դիմել է ընկերուհուն՝ Նանե Ղավալբաբունցին, ով մի քանի օրվա ընթացքում կարգավորել է ինչպես ՀՀ վերադարձի վկայական ստանալու, այնպես էլ՝ Ստամբուլ-Երևան ուղերթի տոմսի ձեռք բերման հարցերը, որի դիմաց Հայաստան հասնելուց հետո վերջինիս պահանջով ուղարկել է 200 ԱՄՆ դոլար:
Նանե Ղավալբաբունցը, իր հերթին, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է 167 ԱՄՆ դոլար՝ 67 ԱՄՆ դոլար՝ որպես պետտուրքի, իսկ 100 ԱՄՆ դոլար՝ որպես կաշառքի գումար, և ստանալով Աննա Կոբալյանի անվամբ վերադարձի վկայականը, այն ավտոբուսով ուղարկել է վերջինիս: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- 2011թ. նոյեմբերի 29-ին Թուրքիայից Հայաստան վերադարձող ՀՀ քաղաքացի՝ Արսինե /Վազգուհի/ Հարությունի Արսենյանը, ՀՀ անձնագրում դրոշմված՝ Թուրքիայի մուտքի կնիքի հետ կապված խնդիրներ ունենալու պատճառով, Բաթումում ՀՀ գլխավոր հյուպատոսությունից իր և այդ պահին նույն խնդրի առջև կանգնած և համապատասխան գումար չունեցող ՀՀ քաղաքացի՝ Վիտալի Օնիկի Բեգլարյանի տվյալներով, վերադարձի վկայականներ ստանալու համար, վերջինիս խնդրանքով, դիմել է Նանե Ղավալբաբունցին, ով այդ հարցը մեկ օրվա ընթացքում կարգավորելու համար պահանջել և Արսինե Արսենյանից ստացել է 200-ական ԱՄՆ դոլար գումար՝ ընդհանուր 400 ԱՄՆ դոլար, որից, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, յուրաքանչյուր դեպքով վերջինիս վճարել է 127-ական ԱՄՆ դոլար՝ 27 ԱՄՆ դոլար՝ որպես պետտուրքի, իսկ 100 ԱՄՆ դոլար՝ որպես կաշառքի գումար, և ստանալով նշված անձանց անվամբ վերադարձի վկայականները, փոխանցել է նրանց: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:
- Վրաց-թուրքական Սարպի հսկիչ-անցագրային կետի տարածքում անձնագիրը կորցրած ՀՀ քաղաքացի՝ Գոհար Հովհաննեսի Բաղդասարյանը, Բաթումում ՀՀ գլխավոր հյուպատոսությունից իր տվյալներով վերադարձի վկայական ստանալու համար 2011թ. հուլիսի 31-ին դիմել է Նանե Ղավալբաբունցին, ով այդ հարցը մեկ օրվա ընթացքում կարգավորելու համար պահանջել և ստացել է 200 ԱՄՆ դոլար գումար, որից, ըստ Հակոբ Հաջի-Հակոբյանի ցուցումով՝ Անժելա Օվանեսյանի հետ ձեռք բերված նախնական համաձայնության, վերջինիս վճարել է 127 ԱՄՆ դոլար՝ 27 ԱՄՆ դոլար՝ որպես պետտուրքի, իսկ 100 ԱՄՆ դոլար՝ որպես կաշառքի գումար, և ստանալով նշված անձի անվամբ վերադարձի վկայականը, այն փոխանցել է վերջինիս: Անժելա Օվանեսյանը, իր հերթին, կատարելով Հակոբ Հաջի-Հակոբյանի ցուցումը, որպես կաշառք ստացած գումարը փոխանցել է վերջինիս:
Վերոնշյալ հանցավոր արարքը կատարելու համար նախաքննական մարմինը Հակոբ Հաջի-Հակոբյանին մեղադրանք է առաջադրել ՀՀ քրեական օրենսգրքի 311-րդ հոդվածի 1-ին մասով:

Վերաքննիչ բողոքի հիմքերը, հիմնավորումները և պահանջը.

Պաշտպանը վկայակոչելով իր իսկ վերաքննիչ բողոքում նշված պատճառաբանությունները, խնդրել է Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 04.02.2013թ. դատավճիռը պատժի մասով բեկանել և կայացնել որոշում` Հակոբ Հաջի Հակոբյանի նկատմամբ նշանակելով առավել նվազ խիստ պատժատեսակ` տուգանք կամ ազատազրկման ձևով առավել նվազ խիստ պատժաչափ և ՀՀ քրեական օրենսգրքի 70-րդ հոդվածի կիրառմամբ այն պայմանականորեն չկիրառել:
Բողոքը ներկայացվել է հետևյալ հիմնավորումներով.
Գտնում է, որ դատարանի դատավճիռը պետք է բեկանվի պատժի մասով, քանզի այն չափազանց խիստ է և չի բխում արդարադատության շահերից, պատժի իրական նպատակներից:
ՀՀ Վճռաբեկ դատարանը ՀՀ քր. օր-ի 70-րդ հոդվածի կիրառման կապակցությամբ արտահայտելով իր իրավական դիրքորոշումը, իր 01.02.2008թ. թիվ ՎԲ-01/08 որոշման մեջ նշել է, որ ՀՀ քր. օր-ի 70-րդ հոդվածի կիրառումը հանցագործության տեսակի հետ կապված որևէ սահմանափակման չի ենթարկվում և դրա կիրառումը սահմանափակված չէ նաև հանցավոր արարքի վտանգավորության աստիճանով ու բնույթով, ինչպես նաև անձանց շրջանակով, որոնց նկատմամբ այն չի կարող կիրառվել: Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող բոլոր տվյալները:
Կոնկրետ պատժաչափով կոնկրետ պատճատեսակի նշանակումը և արդեն իսկ նշանակված պատիժը կրելու անհրաժեշտության հարցի լուծումը իրենից ներկայացնում են պատժի հարցերի դատական լուծման գործընթացի ինքնուրույն և հաջորդական փուլեր: Այսինքն դատարանը նախ և առաջ որոշում է ամբաստանյալի պատժի ենթակա լինելու հարցը, այնուհետև դրա տեսակը և չափը, որից հետո որոշում` ամբաստանյալն արդյոք պետք է կրի իր նկատմամբ նշանակված պատիժը, թե ոչ հաշվի առնելով նշանակված պատիժն առանց փաստացի կրելու պատժի նպատակներին հասնելու հնարավորության հանգամանքը:
Պատիժը նշանակելիս և այն կրելու նպատակահարմարության հարցը քննելիս դատարանը հաշվի է առնում նաև ՀՀ քր. օր-ի 62-րդ և 63-րդ հոդվածներով նախատեսված պատասխանատվությունն ու պատիժը մեղմացնող և ծանրացնող հանգամանքները: Հանցակազմի սահմաններից դուրս գտնվելով` դրանք բնութագրում են ինչպես կատարած հանցագործությունը այնպես էլ հանցավորի անձնավորությունը հնարավորություն են տալիս պատկերացում կազմել հանցավորի անձնավորության և հանցագործության` հանրության համար վտանգավորության աստիճանի մասին` համապատասխանաբար բարձրացնելով կամ իջեցնելով պատժաչափը: Դրանց գնահատմամբ է հնարավոր յուրաքանչյուր կոնկրետ գործով անհատական մոտեցում ցուցաբերել` ինչպես պատժի տեսակը և չափը որոշելիս, այնպես էլ այն կրելու նպատակահարմարության հարցը լուծելիս:
Համաձայն ՀՀ քր. օր. 70-րդ հոդվածի 2-րդ կետի պատիժը պայմանականորեն չկիրառելիս դատարանը հաշվի է առնում հանցավորի անձը բնութագրող տվյալները, պատասխանատվությունը և պատիժը մեղացնող և ծանրացնող հանգամանքները:
Պատիժը պայմանականորեն չկիրառելու մասին որոշում կայացնելիս իրավասու դատարանը յուրաքանչյուր դեպքում պետք է քննարկվի նաև պատժի` սոցիալական արդարության վերականգնման և պատժի ենթարկաված անձի ուղղվելու նպատակների իրացման հարցը:
Սոցիալական արդարությունը վերականգնելու և պատժի ենթարկված անձի ուղղվելու մասին կարող է վկայել հանցագործությունից հետո հանցավորի դրսևորած վարքագիծը:
Գտնում է, որ դատավճիռը պատժի մասով չափազանց խիստ է և չի բխում գործի հանգամանքներից, պատժի նպատակներից:
Տվյալ դեպքում, հիմքեր չկային Հակոբ Հաջի Հակոբյանի նկատմամբ առավել նվազ խստությամբ պատժատեսակ` տուգանք չնշանակելու կամ ՀՀ քրեական օրենսգրքի 70-րդ հոդվածի կիրառմամբ, նշանակված ազատազրկման ձևով պատիժը պայամանականորեն չկիրառելու համար, ավելին հենց այդպիսի պատժատեսակը կբխեր պատժի իրական նպատակներից և արդարադատության շահերից:

Վերաքննիչ դատարանի պատճառաբանությունները և եզրահանգումը.

Վերաքննիչ բողոքում նշված հիմքերի և հիմնավորումների սահմաններում վերլուծելով գործի նյութերը, վերաքննիչ դատարանը հանգում է այն հետևության, որ պաշտպանի վերաքննիչ բողոքը պետք է մերժել հետևյալ պատճառաբանությամբ:
ՀՀ քրեական օրենսգրքի 10-րդ հոդվածի 1-ին մասի համաձայն. ՚Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի՝ համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համարՙ:
ՀՀ քրեական օրենսգրքի 48-րդ հոդվածի 1-ին մասի համաձայն. ՚Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբՙ:
Նույն հոդվածի 2-րդ մասի համաձայն. ՚Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործություններըՙ:
ՀՀ քրեական օրենսգրքի 61-րդ հոդվածով սահմանված են պատիժ նշանակելու ընդհանուր սկզբունքները:
Վերոհիշյալ հոդվածի 1-ին մասի համաձայն. ՚Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթներըՙ:
Նույն հոդվածի 2-րդ մասի համաձայն. ՚Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներովՙ:
Նույն հոդվածի 3-րդ մասի համաձայն. ՚Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակներըՙ:
ՀՀ քրեական օրենսգրքի 70-րդ հոդվածի 1-ին մասի համաձայն. ՚Եթե դատարանը, կալանքի, ազատազրկման կամ կարգապահական գումարտակում պահելու ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին /…/ՙ:
Նույն հոդվածի 2-րդ մասի համաձայն. ՚Պատիժը պայմանականորեն չկիրառելիս դատարանը հաշվի է առնում հանցավորի անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքներըՙ:
Նույն հոդվածի 3-րդ մասի համաձայն. ՚Պատիժը պայմանականորեն չկիրառելիս դատարանը սահմանում է փորձաշրջան՝ մեկից հինգ տարի ժամկետովՙ:
՚/…/ՀՀ քրեական օրենսգրքի 70-րդ հոդվածով ամրագրված` պատիժը պայմանականորեն չկիրառելու չափանիշները սպառիչ չեն: Պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենսգրքի 70-րդ հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում, համաձայն որի` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
Այլ կերպ՝ պատիժը պայմանականորեն չկիրառելու մասին որոշում կայացնելիս դատարանը պատժի չկիրառման յուրաքանչյուր դեպքում պետք է քննարկի նաև պատժի՝ սոցիալական արդարության վերականգնման ենթարկված անձի ուղղվելու նպատակների իրացման հարցը /տես ՀՀ Վճռաբեկ դատարանի 2009թ. հունիսի 2-ի` Հ.Սահակյանի վերաբերյալ գործով ԵՔՐԴ/0571/01/08 որոշման 17-րդ կետը/:
՚/…/ Պատիժը կարող է պայմանականորեն չկիրառվել, եթե առկա է դատարանի համոզվածությունը, վստահությունն առանց ռեալ /իրական/ պատիժ նշանակելու դատապարտյալի ուղղվելու հնարավորության մասին: Դատարանը նման հետևության հանգում է միայն օբյեկտիվ գոյություն ունեցող տվյալների վերլուծության հիման վրա, որոնք բնութագրում են արարքը, հանցավորի անձը և վկայում են պատիժը պայմանականորեն չկիրառելու հիմքերի առկայության մասին:
/…/ Չնայած պատիժը պայմանականորեն չկիրառելու հետ կապված ՀՀ քրեական օրենսգիրքը ինչպես հանցագործությունների, այնպես էլ անձանց շրջանակի որևէ սահմանափակում չի նախատեսել, դատարանը պարտավոր է, ղեկավարվելով ՀՀ քրեական օրենսգրքի 61-րդ հոդվածով նախատեսված պատիժ նշանակելու ընդհանուր սկզբունքներով, հաշվի առնել նաև հանցագործության հանրության համար վտանգավորության աստիճանն ու բնույթը: Դատարանի կողմից նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության վտանգավորության աստիճանին ու բնույթին /…/ՙ /տես ՀՀ Վճռաբեկ դատարանի 2007թ. նոյեմբերի 30-ի Կ.Հարությունյանի վերաբերյալ գործով ՎԲ-201/07 որոշումը/:
՚/…/ Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում նաև ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունն ու պատիժը մեղմացնող և ծանրացնող հանգամանքները: Հանցակազմի սահմաններից դուրս գտնվելով, դրանք բնութագրում են ինչպես կատարված հանցագործությունը, այնպես էլ հանցավորի անձնավորությունը, հնարավորություն են տալիս պատկերացում կազմել հանցավորի անձնավորության և հանցագործության` հանրության համար վտանգավորության աստիճանի մասին` համապատասխանաբար բարձրացնելով կամ իջեցնելով այն:
Դրանց գնահատմամբ է հնարավոր յուրաքանչյուր կոնկրետ գործով անհատական մոտեցում ցուցաբերել` ինչպես պատժի տեսակը և չափը որոշելիս, այնպես էլ այն կրելու նպատակահարմարության հարցը լուծելիս:
Քրեական օրենքի Ընդհանուր մասի վերը թվարկված դրույթներից հետևում է, որ հանցագործության համար մեղավոր ճանաչված անձի նկատմամբ ինչպես պատժատեսակի և պատժաչափի, այնպես էլ նշանակված պատիժը կրելու նպատակահարմարության վերաբերյալ դատարանի կողմից կայացված որոշումը պետք է հիմնված լինի կատարած հանցագործության, դրա առանձնահատկությունների, գործի կոնկրետ հանգամանքների, հանցավորի անձի, պատասխանատվությունը և պատիժը մեղմացնող կամ ծանրացնող հանգամանքների բազմակողմանի գնահատման վրա` նպատակ ունենալով ապահովել ՀՀ քրեական օրենսգրքի 48-րդ հոդվածի 2-րդ մասում նշված պատժի նպատակների իրագործման հնարավորությունը /տես ՀՀ Վճռաբեկ դատարանի 2007թ. հոկտեմբերի 26-ի` Թ.Տեր-Գրիգորյանի վերաբերյալ գործով ՎԲ-192/07 որոշումը/:
՚/…/Դատարանի լայն հայեցողության շրջանակներում է նաև անձի պատասխանատվությունը մեղմացնող հանգամանքների կիրառման հարցը, քանի որ համաձայն ՀՀ քրեական օրենսգրքի 62-րդ հոդվածի 2-րդ մասի՝ պատիժ նշանակելիս դատարանը կարող է հաշվի առնել նաև մեղմացնող այլ հանգամանքներ, որոնք նշված չեն նույն հոդվածի առաջին մասում: Այնուհանդերձ, դատարանի այս լիազորությունը բացարձակ չէ, և որպես մեղմացնող հաշվի առնվող հանգամանքները պետք է բավարարեն որոշակի չափանիշների: Դրանք են.
ա/ հանգամանքը պետք է իրական լինի, այսինքն՝ գործով ձեռք բերված ապացույցները պետք է հաստատեն դրա առկայությունը
բ/ այն պետք է ողջամտորեն նվազեցրած լինի անձի կամ նրա կատարած արարքի հանրային վտանգավորությունը
գ/ այն հաստատված ճանաչելիս դատարանը պետք է պահպանի ապացուցման ընդհանուր քրեադատավարական կանոնները. հանգամանքի առկայությունը հաստատող ապացույցները պետք է վերաբերելի և թույլատրելի լինեն, դրանք պետք է հետազոտված լինեն դատաքննության ընթացքում, ինչպես նաև պետք է պահպանվեն ապացույցների ստուգման և գնահատման օրենսդրական պահանջներըՙ /տես ՀՀ Վճռաբեկ դատարանի 2007թ. հունիսի 1-ի` Պ.Բայրամյանի վերաբերյալ գործով ՎԲ-84/07 որոշումը/:
ՀՀ քրեական դատավարության օրենսգրքի 360-րդ հոդվածի 1-ին մասի համաձայն. ՚Դատավճիռ կայացնելիս դատարանը ներկայացված հաջորդականությամբ լուծում է հետևյալ հարցերը`/…/
6/ ենթակա է արդյոք պատժի ամբաստանյալն իր կատարած հանցանքի համար.
7/ ինչ պատիժ պետք է նշանակվի ամբաստանյալի նկատմամբ.
8/ ամբաստանյալն արդյոք պետք է կրի իր նկատմամբ նշանակված պատիժը/…/ՙ:
Վերաքննիչ դատարանն արձանագրում է, որ ընդհանուր իրավասության առաջին ատյանի դատարանը պատիժ նշանակելիս հաշվի է առել ինչպես ամբաստանյալի կողմից կատարած հանցագործությունների բնույթն ու հասարակական վտանգավորության աստիճանը, այնպես էլ ամբաստանյալի անձը բնութագրող, պատասխանատվությունը և պատիժը մեղմացնող և ծանրացնող հանգամանքները:
Քննության առնելով ամբաստանյալ Հակոբ Հաջի-Հակոբյանի նկատմամբ նշանակված պատժի հարցը` վերաքննիչ դատարանը հաշվի է առնում կատարած հանցագործությունների բնույթը և հասարակական վտանգավորության աստիճանը, կատարման հանգամանքները, դատական ակտում շարադրված ամբաստանյալի անձը բնութագրող ու պատասխանատվությունը և պատիժը մեղմացնող հանգամանքներն այն, որ վերջինս դատարանում անկեղծորեն զղջացել ու իրեն լիովին մեղավոր է ճանաչել, ունի բարձրագույն կրթություն, նախկինում դատապարտված չէ, ամուսնացած է, համաձայն ՀՀ Երևանի Կենտրոն վարչական շրջանի ՚Կենտրոն-1ՙ համատիրության նախագահի կողմից 2012թ. հոկտեմբերի 1-ին տրված տեղեկանքի` ամբաստանյալի խնամքին են գտնվում կինը` Լուսինե Գրիգորյանը, անչափահաս երեխաները` 1995թ. օգոստոսի 13-ին ծնված դուստրը` Մարիամ Հակոբի Հաջի-Հակոբյանը /ծննդյան վկայական թիվ 053554/, 1998թ. նոյեմբերի 15-ին ծնված որդին` Երվանդ Հակոբի Հաջի-Հակոբյանը, /ծննդյան վկայական ԱԱ 022136/, թոշակառու ծնողները` հայրը` Երվանդ Հաջի-Հակոբյանը և վատառողջ մայրը` Լարիսա Կարապետյանը /ըստ թիվ 2 բուժմիավորում ՓԲԸ-ի կողմից 2012թ. հոկտեմբերի 1-ին տրված տեղեկանքի/, այն, որ վերջինս բազմանդամ ընտանիքի միակ կերակրողն է, բնակության և աշխատանքի վայրերում բնութագրվում է դրականորեն /համապատասխանաբար` 2012թ. հոկտեմբերի 1-ին ՀՀ Երևան ՚Կենտրոնՙ վարչական շրջանի ՚Կենտրոն-1ՙ համատիրության նախագահ Ս.Ներսիսյանի և 2012թ. հոկտեմբերի 16-ին ՀՀ արտաքին գործերի նախարարի տեղակալ Ս.Մանասարյանի տրամադրած բնութագրերի համաձայն/, մասնակցել է արցախյան ազատամարտին, ՀՀ պաշտպանության նախարար Ս.Օհանյանի 2011թ. նոյեմբերի 11-ին թիվ 1365 հրամանով պարգևատրվել է ՚Գարեգին Նժդեհՙ մեդալով /համաձայն` թիվ 2950 վկայականի/, երկարամյա բարեխիղճ աշխատանքի համար 2011թ. օգոստոսի 31-ին արժանացել է ՀՀ արտաքին գործերի նախարար Է.Նալբանդյանի շնորհակալագրին, ինչպես նաև պատասխանատվությունը և պատիժը ծանրացնող հանգամանքներ չարձանագրելը:
Հարկ է նշել, որ տվյալ դեպքում, ամբաստանյալ Հակոբ Հաջի-Հակոբյանի նկատմամբ ՀՀ քրեական օրենսգրքի 311-րդ հոդվածի 1-ի մասի սանկցիայի շրջանակներում /տասնմեկ դրվագով/, ՀՀ քրեական օրենսգրքի 66-րդ հոդվածով ամրագրված կանոնների կիրառմամբ` նշանակվել է ազատազրկման ձևով վերջնական պատիժ` 2 /երկու/ տարի ժամկետով:
Նման պայմաններում, պաշտպանի վերաքննիչ բողոքի հիման վրա, անդրադառնալով ամբաստանյալ Հակոբ Հաջի-Հակոբյանի նկատմամբ նշանակվածից ավելի ցածր պատիժ` /տուգանքի ձևով/ նշանակելու, ինչպես նաև ազատազրկման ձևով նշանակված պատիժը պայմանականորեն չկիրառելու հնարավորությանը, վերաքննիչ դատարանը հանգում է այն հետևության, որ տվյալ դեպքում, վերը շարադրված հանգամանքների առկայության պայմաններում, ամբաստանյալ Հակոբ Հաջի-Հակոբյանի նկատմամբ նշանակվածից ավելի ցածր պատիժ նշանակելը, ինչպես նաև ազատազրկման ձևով նշանակված պատիժը` 2 /երկու/ տարի ժամկետով ազատազրկումը, պայմանականորեն չկիրառելը, չի կարող ապահովել պատժի նպատակների իրագործման հնարավորությունը:
Հիմք ընդունելով վերոգրյալը, վերաքննիչ դատարանը գտնում է, որ տվյալ դեպքում, ընդհանուր իրավասության առաջին ատյանի դատարանն ամբաստանյալ Հակոբ Հաջի- Հակոբյանի նկատմամբ նշանակված պատժատեսակի և չափի, ինչպես նաև այն ռեալ կրելու նպատակահարմարության հարցում հանգել է ճիշտ եզրակացության, հետևաբար սույն գործով վիճարկվող դատական ակտը բեկանելու և փոփոխելու հիմքեր չկան:
Նման պայմաններում, վերը շարադրված հանգամանքների առկայության պայմաններում, պաշտպանի վերաքննիչ բողոքում բերված պատաճառաբանություններն անհիմն են և այն բավարարելու առումով որևէ իրավական հետևանք առաջացնել չեն կարող:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 393-394-րդ հոդվածներով, վերաքննիչ դատարանը

Ո Ր Ո Շ Ե Ց


Հակոբ Երվանդի Հաջի-Հակոբյանի նկատմամբ ՀՀ քրեական օրենսգրքի 311-րդ հոդվածի 1-ին մասով /11 դրվագով/, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 04.02.2013թ. դատավճիռը թողնել օրինական ուժի մեջ, իսկ պաշտպանի վերաքննիչ բողոքը մերժել:
Սույն որոշումը կարող է բողոքարկվել ՀՀ վճռաբեկ դատարան` հրապարակվելու պահից մեկամսյա ժամկետում:


ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ


Իսկականի հետ ճիշտ է.


ՆԱԽԱԳԱՀՈՂ ԴԱՏԱՎՈՐ` Ա.ԴԱՆԻԵԼՅԱՆ