Հիմնական
Գործի համար:
ԵԿԴ/0243/01/12
Վիճակագրական տողի համար :
1.1
Պատասխանող
Կարեն Գասպարյան Գագիկի
Դատավոր
Կենտրոն և Նորք-Մարաշ
Մնացական Մարտիրոսյան
Հոդվածներ
Կենտրոն և Նորք-Մարաշ
ՀՀ Քրեական դատավարության օրենսգիրք
Հոդված 450
Հոդված 462
Հոդված 463
Հոդված 464
Դատավոր
Կենտրոն և Նորք-Մարաշ
Մնացական Մարտիրոսյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Կենտրոն և Նորք-Մարաշ | 2013-01-15 | 12:00 | 4 | Կայացել է | ||
| Կենտրոն և Նորք-Մարաշ | 2012-12-27 | 14:00 | 4 | Կայացել է |
*
Դատական գործ N: ԵԿԴ/0243/01/12
Կենտրոն և Նորք-Մարաշ
Նոր քրեական գործ
| Երբ է գործը ստացվել | 20-12-2012 |
|---|---|
| Քրեական գործի համարը | 0243/01/12 |
| Ինչ կարգով է գործը ստացվել | Առաջին անգամ |
| Դատախազություն | ՀՀ Գլխավոր դատախազություն |
| Նախաքննական գործի համարը | 15112312 |
| Մեղադրական եզրակացության համառոտ բովանդակություն | Կարեն Գագիկի Գասպարյանը, ՀՀ քր. օր-ի 34-104 հոդվածի 1-ին մասով նախատեսված հանրորեն վտանգավոր արարք կատարելու համար հարկադրական բուժման մեջ գտնվելով ՀՀ ԱՆ <Հոգեբուժական բժշկական կենտրոն> ՓԲԸ-ի Նորքի հոգեբուժական կլինիկայում, 2012թ. հոկտեմբերի 04-ին, ժամր 12:35-ի սահմաններում նույն հոգեբուժական կլինիկայի 3-րդ բաժանմունքի մանիպուլացիոն աշխատասենյակում իր մոտ եղած ինքնաշեն սուր, ծակող գործիքով ե դանակով հարվածել է բժիշկ Գ.Պեդոյանի այտաքունքային շրջանին, ավագ բուժակ Ս.Հակոբյանի աջ վերին կոպի շրջանին ն բուժքույր Զ.Մելքոնյանի աջ դաստակի թիկնային մակերեսին Գ.Պեդոյանի առողջությանը դիտավորությամբ պատճառելով մարմնական վնասվածք այտաակնակապիճների շրջանների արյունազեղումների, աջ այտաքունքային շրջանների կտրված, քունքամկանի վնասմամբ վնասվածքի ձևով արտահայտված դեմքի անջնջելի այլանդակմամբ, Ս.Հակոբյանի առողջությանը դիտավորությամբ պատճաոելով միջին ծանրության վնաս առողջության տևական քայքայումով, աջ վերին կոպի ներսային մակերեսի միջանցիկ պատռված վերքի մկանների վնասումով, օրբիտայի պարունակության արտանկումով և ռետրոբուլբար հեմատոմա վնասվածքի ձևով, Զ.Մելքոնյանի առողջությանը դիտավորությամբ պատճառելով թեթն վնաս կարճատև քայքայումով, աջ ղաստակի 3-րդ ե 4–րդ միջմատային տարածության կտրած վնասվածքի ձևով։ |
| Մեղադրյալ | |
| Անձ | |
| Անուն | Կարեն |
| Ազգանուն | Գասպարյան |
| Հայրանուն | Գագիկի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Լրացուցիչ ինֆորմացիա | ԱՆՄԵՂՍՈՒՆԱԿ, գտնվում է Հոգեբուժական բժշկական կենտրոն ՓԲԸ-ում |
| Վիճակագրական տողի համարը | 1.1 |
| Չափահաս | Այո |
Մակագրել
| Երբ | 20-12-2012 |
|---|---|
| Նախագահող դատավոր | |
| Անուն | Մնացական |
| Ազգանուն | Մարտիրոսյան |
Ընդունվել է վարույթ
| Երբ | 20-12-2012 |
|---|---|
| Որոշումը ուղարկվել է կողմերին | 20-12-2012 |
| Ուղարկվել է հուշաթերթիկ/որոշումը | 20-12-2012 |
Նշանակվել է դատական քննություն
| Երբ | 27-12-2012 |
|---|---|
| Դատավարության կողմեր | Քրեական օրենքով արգելված արարք կատարած անձ |
| Դատավարության կողմեր | Պաշտպան |
| Դատավարության կողմեր | Տուժող |
| Դատավարության կողմեր | Տուժող |
| Դատավարության կողմեր | Տուժող |
| Դատավարության կողմեր | Մեղադրող |
| Դատավարության կողմեր | |
| Անուն | Կարեն |
| Ազգանուն | Գասպարյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Տիգրան |
| Ազգանուն | Աբրահամյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Զինա |
| Ազգանուն | Մելքոնյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Սիրակ |
| Ազգանուն | Հակոբյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Գարիկ |
| Ազգանուն | Պեդոյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Հովհաննես |
| Ազգանուն | Պալյան |
| Հասցե | --------------- |
| Սեռ | 0 |
| Ժամ | 14:00 |
| Նիստերի դահլիճի համարը | 4 |
| Նիստը | Կայացել է |
Նշանակվել է դատական նիստ/դատական քննություն
| Երբ | 15-01-2013 |
|---|---|
| Ժամ | 12:00 |
| Նիստերի դահլիճի համարը | 4 |
| Նիստը | Կայացել է |
Բժշկական բնույթի հարկադրական միջոցներ
| Ամսաթիվ | 15-01-2013 |
|---|---|
| Օրենսգիրք | Քրեական դատավարության օրենսգիրք |
| Հոդված | |
| Հոդված | |
| Հոդված | |
| Հոդված | |
| Որոշման բովանդակությունը | Ո Ր Ո Շ ՈՒ Մ ՔՐԵԱԿԱՆ ՕՐԵՆՔՈՎ ԱՐԳԵԼՎԱԾ ԱՐԱՐՔ ԿԱՏԱՐԱԾ ԱՆՁԻ ՆԿԱՏՄԱՄԲ ԲՇԺԿԱԿԱՆ ԲՆՈՒՅԹԻ ՀԱՐԿԱԴՐԱՆՔԻ ՄԻՋՈՑ ԿԻՐԱՌԵԼՈՒ ՄԱՍԻՆ Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով. նախագահող դատավոր` Մ. Մարտիրոսյան, քարտուղար` Ա. Հովհաննիսյան, մասնակցությամբ` դատախազ` Հայաստանի Հանրապետության /այսուհետ ՀՀ/ գլխավոր դատախազության պատիժների և հարկադրանքի միջոցների կիրառման օրինականության նկատմամբ հսկողություն իրականացնող վարչության պետի տեղակալ Հ. Պալյանի, պաշտպան Տ. Աբրահամյանի, օրինական ներկայացուցիչ Գ. Գասպարյանի, տուժողներ Զ. Մելքոնյանի, Ս. Հակոբյանի, Գ. Պեդոյան, 2013թ. հունվարի 15-ին, դատարանում, դռնբաց դատական նիստում քննելով ՀՀ քրեական օրենսգրքի 112-րդ հոդվածի 1-ին մասով, 113-րդ հոդվածի 1-ին մասով և 117-րդ հոդվածով նախատեսված հանրորեն վտանգավոր արարքներ կատարած Կարեն Գագիկի Գասպարյանի՝ ծնված 1978թ. հունվարի 07-ին Կոտայքի մարզի Եղվարդ քաղաքում, հայ, ՀՀ քաղաքացի, ամուսնացած, չի աշխատում, նախկինում չդատված, բնակվել է Կոտայքի մարզի Եղվարդ քաղաքի Նար-Դոսի 2-րդ նրբանցքի թիվ 4 տանը, նկատմամբ բժշկական բնույթի հարկադրական միջոց կիրառելու հարցը, Պ Ա Ր Զ Ե Ց Թիվ 15112312 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2012թ. հոկտեմբերի 11-ին, ՀՀ քրեական օրենսգրքի 117-րդ հոդվածով։ 2012թ. նոյեմբերի 12-ին որոշում է կայացվել Կ. Գասպարյանին ՀՀ քրեական օրենսգրքի 112-րդ հոդվածի 1-ին մասով, 113-րդ հոդվածի 1-ին մասով և 117-րդ հոդվածով որպես մեղադրյալ ներգրավելու մասին։ 2012թ. նոյեմբերի 13-ին Կ. Գասպարյանի նկատմամբ նշանակվել է ստացիոնար դատահոգեբուժական փորձաքննություն, որի թիվ 144 եզրակացության համաձայն` «Կարեն Գագիկի Գասպարյանը տառապել և տառապում է «Շիզոֆրենիա պարանոիդ ձև զառանցական համախտանիշ» հոգեկան հիվանդությամբ։ Այդ մասին են վկայում ինչպես անամնեստիկ տվյալները, այնպես էլ ներկա հետազոտման արդյունքները։ Իրավախախտումը կատարելիս փորձաքննվողը գտնվել է վերը նշված հիվանդագին խանգարված վիճակում, արարքը կատարել է զառանցական ապրումների ազդեցության տակ, որը զրկել է նրան իր գործողությունների վտանգավորությունը գիտակցելու և դրանք ղեկավարելու հնարավորությունից։ Ներկայումս նա նույնպես չի կարող գիտակցել իր գործողությունների վտանգավորությունը և ղեկավարել դրանք։ Ուստի իրեն վերագրվող արարքի նկատմամբ Կարեն Գագիկի Գասպարյանին հարկ է ճանաչել անմեղսունակ։ Իր ներկա հոգեկան վիճակով նա չի կարող մասնակցել դատաքննչական գործողություններին, բարձր սոցվտանգ է ներկայացնում ինչպես իր, այնպես էլ շրջապատի համար, կարիք ունի հարկադրական բուժման հատուկ հսկողության հոգեբուժական բաժանմունքի պայմաններում։»։ 2012թ. նոյեմբերի 29-ին որոշում է կայացվել Կարեն Գագիկի Գասպարյանի նկատմամբ բժշկական բնույթի հարկադրական միջոցներ կիրառելու վարույթ հարուցելու մասին։ Քննիչի 2012թ. դեկտեմբերի 06-ի որոշմամբ անմեղսունակ ճանաչված Կարեն Գագիկի Գասպարյանի նկատմամբ որպես անվտանգության միջոց է կիրառվել նրան հոգեբուժական հաստատությունում` ՀՀ ԱՆ «Հոգեբուժական բժշկական կենտրոն» ՓԲԸ-ի Նուբարաշենի կլինիկայի հատուկ հսկողության հոգեբուժական բաժանմունքում տեղավորելը։ 2012թ. դեկտեմբերի 11-ին քրեական գործն ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։ Գործի դատական քննությամբ պարզվեց հետևյալը. Կարեն Գագիկի Գասպարյանը, ՀՀ քրեական օրենսգրքի 34-104 հոդվածի 1-ին մասով նախատեսված հանրորեն վտանգավոր արարքն անմեղունակության վիճակում կատարելու համար Կոտայքի մարզի ընդհանուր իրավասության առաջին ատյանի դատարանի 19.03.2010թ. որոշմամբ հարկադրական բուժման մեջ գտնվելով ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայում, 2012թ. հոկտեմբերի 04-ին, ժամը 12։35-ի սահմաններում, նույն հոգեբուժական կլինիկայի 3-րդ բաժանմունքի աշխատասենյակում, իր մոտ եղած ինքնաշեն սուր, ծակող գործիքով և դանակով հարվածել է նույն կլինիկայի բժիշկ, տուժող Գարիկ Պեդոյանի այտաքունքային շրջանին, ավագ բուժակ, տուժող Սիրակ Հակոբյանի աջ վերին կոպի շրջանին և բուժքույր, տուժող Զինա Մելքոնյանի աջ դաստակի թիկնային մակերեսին՝ Գ.Պեդոյանի առողջությանը դիտավորությամբ պատճառել է միջին ծանրության մարմնական վնասվածք՝ այտաակնակապիճների շրջանների արյունազեղումների, աջ այտաքունքային շրջանների կտրված, քունքամկանի վնասմամբ վնասվածքի ձևով՝ արտահայտված դեմքի անջնջելի այլանդակմամբ, Ս. Հակոբյանի առողջությանը դիտավորությամբ պատճառել է միջին ծանրության վնաս՝ առողջության տևական քայքայումով, աջ վերին կոպի ներսային մակերեսի միջանցիկ պատռված վերքի մկանների վնասումով, օրբիտայի պարունակության արտանկումով և ռետրոբուլբար հեմատոմա վնասվածքի ձևով, Զ. Մելքոնյանի առողջությանը դիտավորությամբ պատճառել է թեթև վնաս՝ կարճատև քայքայումով, աջ դաստակի 3-րդ և 4-րդ միջմատային տարածության կտրած վնասվածքի ձևով։ Կարեն Գագիկի Գասպարյանի կատարած արարքները հիմնավորվում են քրեական գործի դատաքննությամբ հետազոտված հետևյալ ապացույցներով. Տուժող, ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի ավագ բուժակ Սիրակ Մարգարի Հակոբյանի ցուցմունքներով այն մասին, որ 2012թ. հոկտեմբերի 04-ին, ժամը 10։30-ի սահմաններում, ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի 3-րդ բաժանմունքի մանիպուլացիոն սենյակ է հրավիրել հարկադրական բուժման մեջ գտնվող Կարեն Գասպարյանին և կատարել է «Մոդիտեն-Դեպո» դեղամիջոցի ներարկում։ Որոշ ժամանակ անց, ժամը 12։30-ի սահմաններում, երբ բուժքույր Զինա Մելքոնյանի հետ գտնվել է նույն մանիպուլացիոն սենյակում, ներս է մտել Կարեն Գասպարյանը և հարցրել, թե ինչ դեղամիջոցի ներարկում է կատարվել իրեն։ Տեղեկանալով, որ կատարվել է հերթական ներարկումը՝ Կ.Գասպարյանը հարձակվել է իր վրա, ապա փորձել է ձախ ձեռքում գտնվող առարկայով վնասել իրեն, սակայն կարողացել է բռնել Կ. Գասպարյանի ձեռքը, որից հետո կիսով չափ թեքել է այն՝ փորձելով այդ կերպ ստիպել վերջինիս վայր գցել սուր առարկան, ինչը չի ստացվել և նույն պահին սուր ծակոց է զգացել աջ աչքի շրջանում։ Անմիջապես պարզ է դարձել, որ Կարեն Գասպարյանը հարվածել և վնասել է իրեն։ /դատական նիստի արձանագրություն, գ.թ. 95-97/ Տուժող, ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի բուժքույր Զինա Արծրունու Մելքոնյանի ցուցմունքներով այն մասին, որ 2012թ. հոկտեմբերի 04-ին, ժամը 12։30-ի սահմաններում, երբ ավագ բուժակ Սիրակ Հակոբյանի հետ գտնվել է ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի 3-րդ բաժանմունքում, նույն բաժանմունքի մանիպուլացիոն սենյակ է մտել հարկադրական բուժման մեջ գտնվող Կարեն Գասպարյանը և հարցրել է, թե Սիրակ Հակոբյանն ինչ դեղամիջոցի ներարկում է կատարել, որից անմիջապես հետո լսել է Ս. Հակոբյանի բղավոցը։ Բարձրացնելով գլուխը՝ տեսել է, որ Կարեն Գասպարյանը հարձակվել է Սիրակ Հակոբյանի վրա և փորձում է աջ ձեռքով հարված հասցնել նրան։ Չնկատելով Կ. Գասպարյանի ձեռքում եղած առարկան` շտապ մոտեցել է նրան, ապա երկու ձեռքով բռնելով վերջինիս` սկսել է հետ քաշել և փորձել է ազատել Ս. Հակոբյանին Կ. Գասպարյանի հարձակումից։ Դրանից հետո, երբ հաջողվել է Ս. Հակոբյանին ազատել Կ. Գասպարյանից, նկատել է, որ Ս. Հակոբյանի աջ աչքը վնասված է և արյունահոսում է։ Որոշ ժամանակ անց դուրս գալով միջանցք՝ նկատել է, թե ինչպես է Կարեն Գասպարյանը հարձակվել բժիշկ Գարիկ Պեդոյանի վրա և աջ ձեռքով հարված է հասցրել վերջինիս աջ քունքաճակատային շրջանին։ Չի նկատել և չի զգացել, թե որ պահին է Կ. Գասպարյանը վնասվածքներ պատճառել իր աջ դաստակի շրջանին։ Իր կարծիքով Կ. Գասպարյանն այդ վնասվածքները պատճառել է այն նույն ժամանակ, երբ ինքը փորձել է օգնել Սիրակ Հակոբյանին։ /դատական նիստի արձանագրություն, գ.թ. 90-92, 175-176/ Տուժող, ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի բժիշկ Գարիկ Արտյոմի Պեդոյանի նախաքննական ցուցմունքներով այն մասին, որ 2012թ. հոկտեմբերի 04-ին, ժամը 12։20-ի սահմաններում, երբ գտնվել է ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի 3-րդ բաժանմունքում գտնվող իր աշխատասենյակում, լսել է բուժքույր Զինա Մելքոնյանի բղավոցները, անհասկանալի կոչերը։ Շտապ աշխատասենյակից դուրս է եկել միջանցք, որտեղ նկատել է իրենից շուրջ 3-ից 4 մետր հեռավորության վրա կանգնած, նույն բաժանմունքում հարկադրական բուժման մեջ գտնվող Կարեն Գասպարյանին, որը ձեռքերն առաջ պարզած պահանջել է չմոտենալ իրեն։ Այնուհետև Կ.Գասպարյանի աջ ձեռքում նկատել է երկար, սուր, նեղ և տափակ շեղբ ունեցող առարկա և ենթադրելով, որ վերջինս ցանկանում է ինքն իրեն վնասել՝ խնդրել է, որ վայր գցի ձեռքում առկա իրը և նման բան չանի։ Նույն պահին Կ. Գասպարյանը կտրուկ հարձակվել է իր վրա և աջ ձեռքում եղած առարկայով ուժգին հարվածել իր աջ քունքաճակատային շրջանին։ /գ.թ. 100-101, 170/ Վկա Անահիտ Խաչիկի Օհանյանի ցուցմունքներով այն մասին, որ 2012թ. հոկտեմբերի 04-ին, ժամը 12։30-ի սահմաններում, երբ գտնվել է ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի 3-րդ բաժանմունքի իր աշխատասենյակում, լսել է օգնության ձայներ։ Իր աշխատասենյակից դուրս է եկել միջանցք, որտեղ նկատել է հարկադրական բուժման մեջ գտնվող Կարեն Գասպարյանին։ Նա կանգնած է եղել միջանցքում՝հիվանդասենյակի մուտքի առջև և նրա երկու ձեռքերում եղել են մեկական ծակող-կտրող առարկաներ։ Այնուհետև, նույն բաժանմունքի մանիպուլացիոն սենյակում նկատել է ավագ բուժակ Սիրակ Հակոբյանին և բուժքույր Զինա Մելքոնյանին։ Մոտենալով նրանց՝ տեսել է, որ Սիրակ Հակոբյանի աջ աչքը, իսկ Զինա Մելքոնյանի աջ դաստակն ամբողջությամբ արյունոտված են։ Դրանից հետո հանդիպել է բժիշկ Գարիկ Պեդոյանին և նկատել է, որ վերջինիս աջ քունքաճակատային շրջանին առկա է վնասվածք։ Հետագայում տեղեկացել է, որ Զ.Մելքոնյանին, Ս.Հակոբյանին և Գ.Պեդոյանին մարմնական վնասվածքներ է պատճառել Կ.Գասպարյանը` իր մոտ եղած ինքնաշեն դանակով և ծակող-կտրող առարկայով։ /դատական նիստի արձանագրություն, գ.թ. 114-115/ Վկա Սիրան Անդրանիկի Գևորգյանի ցուցմունքներով այն մասին, որ 2012թ. հոկտեմբերի 04-ին, ժամը 12։30-ի սահմաններում, երբ գտնվել է ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի 3-րդ բաժանմունքում, լսել է Զինա Մելքոնյանի բղավոցը, որից հետո հիվանդապահ Կամսար Բոյախչյանի հետ շտապել է մանիպուլացիոն սենյակ։ Այնտեղ նկատել է, որ ավագ բուժակ Սիրակ Հակոբյանը ձեռքով աջ աչքը բռնած կանգնած է սենյակում, իսկ Զինա Մելքոնյանը երկու ձեռքով բռնել է հարկադրական բուժման մեջ գտնվող Կարեն Գասպարյանին։ Վերջինս ամեն կերպ փորձել է հարձակվել Սիրակ Հակոբյանի վրա։ Կամսար Բոյախչյանի օգնությամբ հաջողվել է Կարեն Գասպարյանին դուրս բերել սենյակից։ Նույն պահին վերջինիս երկու ձեռքերում նկատել է երկար, նեղ, տափակ շեղբով, հացի խմորից պատրաստված բռնակով առարկա և շախմատի խաղաքարից պատրաստված բռնակով ծակող-կտրող մեկ այլ առարկա։ Այնուհետև, Կ.Գասպարյանը միջանցքում պարզել է երկու ձեռքերը և պահանջել է չմոտենալ։ Նույն պահին իր աշխատասենյակից միջանցք է դուրս եկել բժիշկ Գարիկ Պեդոյանը և Կ. Գասպարյանին խնդրել է չվնասել ինքն իրեն, սակայն Կարեն Գասպարյանը հարձակվել է Գարիկ Պեդոյանի վրա, ապա իր աջ ձեռքում եղած երկար, նեղ, տափակ շեղբով, հացի խմորից պատրաստված բռնակով առարկայով հարվածել է նրա աջ քունքաճակատային շրջանին և պատճառել է վնասվածք։ Դեպքից հետո տեղեկացել է, որ Կ. Գասպարյանն իր մոտ եղած սուր, ծակող-կտրող ինքնաշեն առարկաներով մարմնական վնասվածքներ է պատճառել նաև Զինա Մելքոնյանին և Սիրակ Հակոբյանին։ /դատական նիստի արձանագրություն, գ.թ. 116-117/ Վկա Կամսար Շիլերի Բոյախչյանի ցուցմունքներով այն մասին, որ 2012թ. հոկտեմբերի 04-ին, ժամը 12։30-ի սահմաններում, երբ գտնվել է ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի 3-րդ բաժանմունքում, լսել է Զինա Մելքոնյանի բղավոցը և հիվանդապահ Սիրան Գևորգյանի հետ շտապել է մանիպուլացիոն սենյակ։ Այնտեղ նկատել է, որ ավագ բուժակ Սիրակ Հակոբյանը ձեռքով աջ աչքը բռնած կանգնած է սենյակում, իսկ Զինա Մելքոնյանը երկու ձեռքով բռնել է հարկադրական բուժման մեջ գտնվող Կարեն Գասպարյանին։ Վերջինս ամեն կերպ փորձել է հարձակվել Ս. Հակոբյանի վրա։ Սիրան Գևորգյանի օգնությամբ հաջողվել է Կարեն Գասպարյանին դուրս բերել սենյակից։ Նույն պահին վերջինիս երկու ձեռքերում նկատել է երկար, նեղ, տափակ շեղբով, հացի խմորից պատրաստված բռնակով առարկա և շախմատի խաղաքարից պատրաստված բռնակով ծակող-կտրող մեկ այլ առարկա։ Այնուհետև Կ. Գասպարյանը միջանցքում պարզել է երկու ձեռքերը և պահանջել է չմոտենալ։ Նույն պահին իր աշխատասենյակից միջանցք է դուրս եկել բժիշկ Գարիկ Պեդոյանը և տեսնելով Կ.Գասպարյանին` խնդրել է, որ վերջինս ինքն իրեն չվնասի և վայր գցի ձեռքում եղած առարկան։ Դրանից հետո մտավախություն ունենալով, որ Կ.Գասպարյանը կարող է դիմել փախուստի՝ մոտեցել է բաժանմունքի մուտքի դռանը, որպեսզի ստուգի այն կողպված է, թե ոչ։ Այնուհետև շրջվելով դեպի Գ.Պեդոյանը՝ նկատել է, որ վերջինս ձեռքով բռնել է աջ քունքաճակատային շրջանը, որից հետո տեղեկացել է, որ Կարեն Գասպարյանը սուր, ծակող-կտրող առարկաներով մարմնական վնասվածքներ է պատճառել ոչ միայն Զինա Մելքոնյանին և Սիրակ Հակոբյանին, այլ նաև` Գարիկ Պեդոյանին։ /դատական նիստի արձանագրություն, գ.թ. 118-119/ Վկա Նորա Սելիմի Գալստյանի ցուցմունքներով այն մասին, որ 2012թ. հոկտեմբերի 04-ին, ժամը 12։30-ի սահմաններում, երբ գտնվել է ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի հոգեբուժական կլինիկայի 3-րդ բաժանմունքում, լսել է Զ. Մելքոնյանի բղավոցը և շտապել է մանիպուլացիոն սենյակ։ Այնտեղ նկատել է, որ ավագ բուժակ Սիրակ Հակոբյանը ձեռքով աջ աչքը բռնած կանգնած է սենյակում, իսկ Զինա Մելքոնյանը երկու ձեռքով բռնել է հարկադրական բուժման մեջ գտնվող Կարեն Գասպարյանին։ Վերջինս ամեն կերպ փորձել է հարձակվել Սիրակ Հակոբյանի վրա։ Հիվանդապահներ Սիրան Գևորգյանի և Կամսար Բոյախչյանի օգնությամբ հաջողվել է Կարեն Գասպարյանին դուրս բերել սենյակից, որից հետո վերջինիս երկու ձեռքերում նկատել է երկար, նեղ, տափակ շեղբով դանակ և շախմատի խաղաքարից պատրաստված բռնակով ծակող-կտրող առարկա։ Այնուհետև, Կ. Գասպարյանը միջանցքում պարզել է երկու ձեռքերը և պահանջել է չմոտենալ։ Նույն պահին իր աշխատասենյակից միջանցք է դուրս եկել բժիշկ Գարիկ Պեդոյանը և տեսնելով Կարեն Գասպարյանին` խնդրել է, որ վերջինս ինքն իրեն չվնասի և վայր գցի ձեռքում եղած առարկան։ Այդ պահին Կարեն Գասպարյանը հարձակվել է Գարիկ Պեդոյանի վրա և աջ ձեռքում եղած երկար, նեղ, տափակ շեղբով դանակով հարվածել է Գ. Պեդոյանի աջ քունքաճակատային շրջանին և պատճառել է վնասվածք։ Նույն օրը տեղեկացել է, որ Կ. Գասպարյանն իր մոտ եղած ինքնաշեն դանակով և սուր, ծակող-կտրող առարկայով մարմնական վնասվածքներ է պատճառել նաև Զինա Մելքոնյանին և Սիրակ Հակոբյանին։ /դատական նիստի արձանագրություն, գ.թ. 172-173/ Դատաբժշկական փորձաքննության 17.10.2012թ. թիվ 3154 եզրակացությամբ, որի համաձայն` «Զ. Մելքոնյանի ստացած մարմնական վնասվածքները` աջ դաստակի և ակնակապճի ճանկռվածքների, աջ վերին և ստորին կոպերի արյունազեղումների, աջ դաստակի 3-րդ 4-րդ միջմատային տարածության կտրած վերքի ձևով, պատճառվել են. արյունազեղումները բութ առարկաներով, ճանկռվածքներն ու կտրած վերքը սուր կտրող գործիքով կամ առարկայով, այդ թվում նաև ներկայացված ինքնաշեն դանակով, հնարավոր է որոշման մեջ նշված ժամկետում, որոնցից արյունազեղումներն ու ճանկռվածքները առողջության թեթև վնասի հատկանիշներ չեն պարունակում, իսկ կտրած վերքը պատճառել է առողջությանը թեթև վնաս` առողջության կարճատև քայքայումով, նկատի ունենալով վնասվածքի հետ անմիջական կապի մեջ եղած հետևանքների տևողությունը ոչ պակաս 6 օրից և ոչ ավելի 21 օրից։»։ /գ.թ. 146-147/ Դատաբժշկական փորձաքննության 18.10.2012թ. թիվ 1409/հ եզրակացությամբ, որի համաձայն` «1.2. Ս.Հակոբյանի ստացած մարմնական վնասվածքները ըստ բժշկական փաստաթղթերի տվյալների` աջ վերին կոպի ներսային մակերեսի միջանցիկ պատռված վերքի` մկանների վնասումով, օրբիտայի պարունակության արտանկումով և ռետրոբուլբար հեմատոմայի ձևով, հասցվել են սուր կտրող գործիքով կամ առարկայով, այդ թվում նաև ներկայացված ինքնաշեն դանակով, հնարավոր է որոշման մեջ նշված ժամկետում, պատճառվել է առողջությանը միջին ծանրության վնաս` առողջության տևական քայքայումով, նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը 21 օրից ավելի։ 3. Վնասվածքը ստանալու պահին Ս. Հակոբյանը մարմնի առաջային մակերեսով ուղղված է եղել դեպի ներգործող գործիքի ծայրը։»։ /գ.թ. 121-122/ Դատաբժշական փորձաքննության 11.10.2012թ. թիվ 3131 եզրակացությամբ, որի համաձայն` «Քաղ. Գ. Պեդոյանի մարմնական վնասվածքը, ըստ բժշկական փաստաթղթերի և օբյեկտիվ ուսումնասիրության տվյալների` այտաակնակապիճների շրջանների արյունազեղումների, աջ այտաքունքային շրջանների կտրված, քունքամկանի վնասմամբ` վերքի ձևով, հասցվել են` սուր, կտրող գործիքով, հնարավոր է` որոշման մեջ նշված ժամկետին, որոնք առաջացրել են առողջությանը միջին ծանրության վնաս` առողջության տևական քայքայումով, նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը` 21 օրից ավելի։ Հարկ է նշել, որ` նշված վերքի ապաքինումից հետո, վերջինիս տեղում, քաղ. Գ. Պեդոյանի մոտ կմնա` դեմքի շրջանի կայուն, անջնջելի սպի։»։ /գ.թ. 109-110/ Գեղագիտական փորձաքննության 29.10.2012թ. թիվ 3131 եզրակացությամբ, որի համաձայն` «Գ.Պեդոյանի դեմքի սպին որպես այդպիսին անջնջելի է և բերում է դեմքի այլանդակման, քանի որ դեմքի վնասվածքները համարվում են այլանդակող, եթե ընդգրկում են երկու և ավելի անատոմիական միավոր, ինչը առկա է տվյալ դեպքում։»։ /գ.թ. 164/ Ստացիոնար դատահոգեբուժական փորձաքննության 28.11.2012թ. թիվ 144 եզրակացությամբ, որի համաձայն` «Կարեն Գագիկի Գասպարյանը տառապել և տառապում է «Շիզոֆրենիա պարանոիդ ձև զառանցական համախտանիշ» հոգեկան հիվանդությամբ։ Այդ մասին են վկայում ինչպես անամնեստիկ տվյալները, այնպես էլ ներկա հետազոտման արդյունքները։ Իրավախախտումը կատարելիս փորձաքննվողը գտնվել է վերը նշված հիվանդագին խանգարված վիճակում, արարքը կատարել է զառանցական ապրումների ազդեցության տակ, որը զրկել է նրան իր գործողությունների վտանգավորությունը գիտակցելու և դրանք ղեկավարելու հնարավորությունից։ Ներկայումս նա նույնպես չի կարող գիտակցել իր գործողությունների վտանգավորությունը և ղեկավարել դրանք։ Ուստի իրեն վերագրվող արարքի նկատմամբ Կարեն Գագիկի Գասպարյանին հարկ է ճանաչել անմեղսունակ։ Իր ներկա հոգեկան վիճակով նա չի կարող մասնակցել դատաքննչական գործողություններին, բարձր սոցվտանգ է ներկայացնում ինչպես իր, այնպես էլ շրջապատի համար, կարիք ունի հարկադրական բուժման հատուկ հսկողության հոգեբուժական բաժանմունքի պայմաններում։»։ /գ.թ. 200-203/ Իրեղեն ապացույցներ ճանաչված, խմորից պատրաստված ինքնաշեն դանակով և շախմատի խաղաքարից պատրաստված ծակող-կտրող ինքնաշեն առարկայով։ /գ.թ. 249-250/ Այսպիսով, դատարանը հետազոտելով նախաքննության և դատաքննության ընթացքում ձեռք բերված ապացույցները` գտնում է, որ Կարեն Գագիկի Գասպարյանի կողմից ՀՀ քրեական օրեսգրքի 112-րդ հոդվածի 1-ին մասով, 113-րդ հոդվածի 1-ին մասով և 117-րդ հոդվածով նախատեսված հանրորեն վտանգավոր արարքներ կատարելն ապացուցված է։ Նշված արարքները կատարելու պահին Կարեն Գագիկի Գասպարյանը գտնվել է անմեղսունակության վիճակում, որը զրկել է նրան իր գործողությունների համար հաշիվ տալու և այդ գործողությունները ղեկավարելու հնարավորությունից։ Ներկայումս նույնպես Կարեն Գագիկի Գասպարյանն անմեղսունակության վիճակում է։ ՀՀ քրեական օրենսգրքի 25-րդ հոդվածի համաձայն` «1. Քրեական պատասխանատվության ենթակա չէ այն անձը, ով հանրության համար վտանգավոր արարք կատարելու պահին գտնվել է անմեղսունակության վիճակում, այսինքն՝ քրոնիկ հոգեկան հիվանդության, հոգեկան գործունեության ժամանակավոր խանգարման, տկարամտության կամ հոգեկան այլ հիվանդագին վիճակի հետևանքով չէր կարող գիտակցել իր գործողության (անգործության) վտանգավորությունը կամ ղեկավարել դա։ 2. Հանրության համար վտանգավոր արարքն անմեղսունակության վիճակում կատարած անձի նկատմամբ դատարանը կարող է նշանակել բժշկական բնույթի հարկադրանքի միջոցներ։ (…)»։ Նույն օրենսգրքի 97-րդ հոդվածի համաձայն` «1. Բժշկական բնույթի հարկադրանքի միջոցներ դատարանը կարող է նշանակել այն անձի նկատմամբ՝ 1) ով սույն օրենսգրքի Հատուկ մասի հոդվածով նախատեսված արարքը կատարել է անմեղսունակության վիճակում. (…) 2. Բժշկական բնույթի հարկադրանքի միջոցները սույն հոդվածի առաջին մասում նշված անձանց նկատմամբ նշանակվում են միայն այն դեպքերում, երբ հոգեկան խանգարումները կապված են այդ անձանց կողմից այլ էական վնաս պատճառելու հնարավորության կամ իր կամ այլ անձանց համար վտանգավորության հետ։ (…)»։ Նույն օրենսգրքի 98-րդ հոդվածի համաձայն` «1. Բժշկական բնույթի հարկադրանքի միջոցներ են՝ 1) հոգեբույժի մոտ արտահիվանդանոցային հսկողությունը և հարկադիր բուժումը. 2) հոգեբուժական կազմակերպությունների ընդհանուր հսկողության հոգեբուժական բաժանմունքում հարկադիր բուժումը. 3) հոգեբուժական հիվանդանոցի հատուկ տիպի հոգեբուժական բաժանմունքում հարկադիր բուժումը։ (…)»։ Նույն օրենսգրքի 100-րդ հոդվածի համաձայն` «1. Հոգեբուժական կազմակերպությունների ընդհանուր հսկողության հոգեբուժական բաժանմունքում դատարանի որոշմամբ հարկադիր բուժում կարող է նշանակվել, եթե անձի հոգեկան խանգարման վիճակը պահանջում է բուժման, խնամքի և հսկողության այնպիսի պայմաններ, որոնք կարող են իրականացվել միայն հիվանդանոցային ձևով։ 2. Հոգեբուժական հիվանդանոցի հատուկ տիպի հոգեբուժական բաժանմունքում դատարանի որոշմամբ հարկադիր բուժում կարող է նշանակվել այն անձի նկատմամբ, որը հոգեկան վիճակով վտանգավոր է իր և այլ անձանց համար և պահանջում է մշտական հսկողություն։»։ Նույն օրենսգրքի 101-րդ հոդվածի համաձայն` «1. Բժշկական բնույթի հարկադրանքի միջոց նշանակելիս դատարանը հաշվի է առնում անձի հոգեկան հիվանդությունը, նրա կատարած արարքի բնույթն ու հանրության համար վտանգավորության աստիճանը։ 2. Անձի առողջանալու կամ նրա հիվանդության բնույթի այնպիսի փոփոխության դեպքում, երբ վերանում է բժշկական բնույթի հարկադրանքի միջոց կիրառելու անհրաժեշտությունը, դատարանը բժշկական հաստատության եզրակացության հիման վրա որոշում է կայացնում դրանց կիրառումը դադարեցնելու մասին։ 3. Բժշկական հաստատության եզրակացության հիման վրա դատարանը կարող է որոշում կայացնել նաև բժշկական բնույթի հարկադրանքի միջոցի տեսակը փոխելու մասին։»։ ՀՀ քրեական դատավարության օրենսգրքի 450-րդ հոդվածի համաձայն` «1. Բժշկական բնույթի հարկադրական միջոցները դատարանը կիրառում է այն անձանց նկատմամբ, ովքեր քրեական օրենքով չթույլատրված արարքը կատարել են անմեղսունակ վիճակում, եթե այդ անձինք շարունակում են վտանգավոր լինել հասարակության համար։ 2. Բժշկական բնույթի հարկադրական միջոցներ կիրառելու մասին գործերով վարույթի կարգը որոշվում է սույն օրենսգրքի ընդհանուր կանոններով և սույն գլխի հոդվածներով։»։ Նույն օրենսգրքի 464-րդ հոդվածի համաձայն` «1. Անձի կողմից քրեական օրենքով չթույլատրված արարքն անմեղսունակության վիճակում կատարելն ապացուցված համարելով` դատարանը որոշում է կայացնում անձին քրեական պատասխանատվությունից և պատժից ազատելու ու նրա նկատմամբ բժշկական բնույթի հարկադրական միջոցներ կիրառելու մասին։ (…)»։ Նկատի ունենալով, որ ապացուցված է Կարեն Գագիկի Գասպարյանի կողմից քրեական օրենքով արգելված արարքներն անմեղսունակության վիճակում կատարելը` դատարանը գտնում է, որ Կարեն Գագիկի Գասպարյանին պետք է ազատել քրեական պատասխանատվությունից և պատժից ու նրա նկատմամբ պետք է կիրառել բժշկական բնույթի հարկադրանքի միջոց` նրան տեղավորելով հոգեբուժական կազմակերպությունների հատուկ տիպի հոգեբուժական բաժանմունքում։ Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։ Քննարկելով իրեղեն ապացույցների հարցը` դատարանը գտնում է, որ որոշումն օրինական ուժի մեջ մտնելուց հետո, իրեղեն ապացույցներ ճանաչված, խմորից պատրաստված ինքնաշեն դանակը և շախմատի խաղաքարից պատրաստված ծակող-կտրող ինքնաշեն առարկան պետք է ոչնչացնել։ Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 450-րդ, 462-464-րդ հոդվածներով՝ դատարանը Ո Ր Ո Շ Ե Ց ՀՀ քրեական օրենսգրքի 112-րդ հոդվածի 1-ին մասով, 113-րդ հոդվածի 1-ին մասով և 117-րդ հոդվածով նախատեսված քրեական օրենքով չթույլատրված արարքներն անմեղսունակության վիճակում կատարած Կարեն Գագիկի Գասպարյանին ազատել քրեական պատասխանատվությունից և պատժից ու նրա նկատմամբ կիրառել բժշկական բնույթի հարկադրանքի միջոց` նրան տեղավորելով հոգեբուժական կազմակերպությունների հատուկ տիպի հոգեբուժական բաժանմունքում։ Կարեն Գագիկի Գասպարյանի նկատմամբ ընտրված անվտանգության միջոց հոգեբուժական հիվանդանոցում տեղավորելը թողնել անփոփոխ` մինչև որոշման օրինական ուժի մեջ մտնելը։ Որոշումն օրինական ուժի մեջ մտնելուց հետո, իրեղեն ապացույցներ ճանաչված, խմորից պատրաստված ինքնաշեն դանակը և շախմատի խաղաքարից պատրաստված ծակող-կտրող ինքնաշեն առարկան ոչնչացնել։ Որոշումը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։ ԴԱՏԱՎՈՐ` Մ. ՄԱՐՏԻՐՈՍՅԱՆ |
Դատական ակտ
| Դատական ակտի բովանդակությունը | * |
|---|---|
| Դատական ակտի ամսաթիվը | 15-01-2013 |
Դատավճռի, որոշման կատարում
| Ամսաթիվ | 25-02-2013 |
|---|
Գործը հանձնվել է գրասենյակ
| Գործը հանձնվել է գրասենյակ | 14-03-2013 |
|---|---|
| Էջերի քանակ | 275, 101 |
Գործը հանձնվել է դատարանի արխիվ
| Ամսաթիվ | 14-03-2013 |
|---|---|
| Էջերի քանակը | 275, 101 |