Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

11 հունվարի 2013թ. ք. Երևան

ԵԿԴ-0239/01/12

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մասնակցությամբ`
մեղադրող,
Երևանի Կենտրոն և Նորք-Մարաշ վարչական
շրջանների դատախազության
ավագ դատախազ Գ. Մարգարյանի,

պաշտպան Տ. Աբրահամյանի,

տուժողների ներկայացուցիչներ Լ. Ներսիսյանի,
Ա. Պետրոսյանի,
Վ. Փերիխանյանի,
Ռ. Ավետիսյանի,
Ֆ. Մկրտչյան,
Մ. Ասատուրյան,
Մ. Արզումանյան,
Ա. Սարգսյան,
Մ. Անդրիասյան,
Լ. Հակոբյան,
Վ. Ասլիբեկյան,
Ա. Մկրտչյան,
Ա. Պետոյան,
Հ. Սահակյան,
Մ. Այվազյան,
Ա. Արշակյան,
Ս. Անտոնյան,
Ն. Արշակյան,
Գ. Իսկանդարյան,

դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի


Աշոտ Միհրանի Իսախանյանի`
ծնված 1975թ. հունվարի 15-ին Հրազդան քաղաքում, հայ, Հայաստանի Հանրապետության /այսուհետ ՀՀ/ քաղաքացի, բարձրագույն կրթությամբ, ամուրի, խնամքին ոչ ոք, նախկինում բազմիցս դատված`
1/ ՀՀ Տավուշի շրջանի ժողդատարանի 07.08.1996թ. դատավճռով, ՀՀ նախորդ քրեական օրենսգրքի 252-րդ հոդվածի «ա» կետով և 254-րդ հոդվածի «ա» կետով դատապարտվել է ազատազրկման երեք տարի ժամկետով,
2/ ՀՀ Հրազդանի շրջանի ժողդատարանի 03.12.1997թ. դատավճռով, ՀՀ նախորդ քրեական օրենսգրքի 171-րդ հոդվածի 1-ին մասով դատապարտվել է ուղղիչ աշխատանքների մեկ տարի ժամկետով,
3/ Երևանի Շենգավիթ համայնքի առաջին ատյանի դատարանի 13.07.2000թ. դատավճռով, ՀՀ նախորդ քրեական օրենսգրքի 89-րդ հոդվածի 1-ին մասով, 210-րդ հոդվածով և 213-րդ հոդվածի 2-րդ մասով, նույն օրենսգրքի 37-րդ հոդվածի կիրառմամբ դատապարտվել է ազատազրկման չորս տարի ժամկետով։ ՀՀ քրեական և զինվորական գործերով վերաքննիչ դատարանի 23.08.2000թ. դատավճռով, վերոհիշյալ դատավճիռը պատժի մասով փոփոխվել է և պատիժ է նշանակվել ազատազրկում` երեք տարի ժամկետով։ Երևանի Էրեբունի և Նուբարաշեն համայնքների առաջին ատյանի դատարանի 18.08.2003թ. որոշմամբ վերոհիշյալ հանցանքները համապատասխանեցվել են ՀՀ քրեական օրենսգրքի 178-րդ հոդվածի 1-ին մասին, 325-րդ հոդվածի 1-ին մասին, 317-րդ հոդվածին և պատիժ է նշանակվել ազատազրկում` երկու տարի ժամկետով,
4/ Երևանի Էրեբունի և Նուբարաշեն համայնքների առաջին ատյանի դատարանի 11.03.2002թ. դատավճռով, ՀՀ նախորդ քրեական օրենսգրքի 15-92-րդ հոդվածի 2-րդ մասով, 92-րդ հոդվածի 2-րդ մասով, 213-րդ հոդվածի 1-ին մասով, 210-րդ հոդվածով, նույն օրենսգրքի 37-րդ, 38-րդ և 39-րդ հոդվածների կիրառմամբ դատապարտվել է ազատազրկման չորս տարի ժամկետով։ Երևանի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանի 18.08.2003թ. որոշմամբ վերոհիշյալ հանցանքները համապատասխանեցվել են ՀՀ քրեական օրենսգրքի 213-րդ հոդվածի 1-ին մասին, 325-րդ հոդվածի 1-ին մասին, 317-րդ հոդվածին և պատիժ է նշանակվել ազատազրկում` երկու տարի ժամկետով,
5/ Երևանի Արաբկիր և Քանաքեռ-Զեյթուն համայնքների առաջին ատյանի դատարանի 06.04.2004թ. դատավճռով, ՀՀ քրեական օրենսգրքի 178-րդ հոդվածի 2-րդ մասի 3-րդ, 4-րդ կետերով դատապարտվել է ազատազրկման չորս տարի ժամկետով, 25.06.2004թ. պայմանական վաղաժամկետ ազատվել է պատժի` մեկ տարի տասնմեկ ամիս քսան օր չկրած մասի կրումից,
6/ ՀՀ Կոտայքի մարզի առաջին ատյանի դատարանի 16.05.2006թ. դատավճռով, ՀՀ քրեական օրենսգրքի 178-րդ հոդվածի 3-րդ մասի 3-րդ կետով, 235-րդ հոդվածի 1-ին մասով և 325-րդ հոդվածի 1-ին մասով, նույն օրենսգրքի 66-րդ և 67-րդ հոդվածների կիրառմամբ դատապարտվել է ազատազրկման հինգ տարի վեց ամիս ժամկետով,
7/ ՀՀ վերաքննիչ քրեական դատարանի 06.03.2007թ. դատավճռով, ՀՀ քրեական օրենսգրքի 266-րդ հոդվածի 2-րդ մասի 3-րդ կետով, 268-րդ հոդվածի 1-ին մասով, 34-271-րդ հոդվածի 1-ին մասով, նույն օրենսգրքի 66-րդ հոդվածի կիրառմամբ դատապարտվել է ազատազրկման յոթ տարի ժամկետով և տուգանքի` 100.000 /հարյուր հազար/ ՀՀ դրամ գումարի չափով։ Երևանի Էրեբունի և Նուբարաշեն համայնքների առաջին ատյանի դատարանի 02.02.2009թ. որոշմամբ ազատվել է ՀՀ քրեական օրենսգրքի 34-271-րդ հոդվածի 1-ին մասով նշանակված պատիժը կրելուց։ Նույն դատարանի 27.06.2011թ. որոշմամբ, ՀՀ Կոտայքի մարզի առաջին ատյանի դատարանի 16.05.2006թ. և ՀՀ քրեական և զինվորական գործերով վերաքննիչ դատարանի 06.03.2007թ. դատավճիռները վերանայվել են, ՀՀ քրեական օրենսգրքի 178-րդ հոդվածի 3-րդ մասի 3-րդ կետը համապատասխանեցվել է ՀՀ քրեական օրենսգրքի 178-րդ հոդվածի 2-րդ մասի 2-րդ կետին և ՀՀ քրեական օրենսգրքի 66-րդ հոդվածի 6-րդ մասի կիրառմամբ, պատիժ է նշանակվել ազատազրկում վեց տարի վեց ամիս ժամկետով։ Պատժի կրումից ազատվել է 04.05.2012թ.-ին` այն լրիվ կրելու արդյունքում, դատվածությունը չմարված, կալանքի տակ է 07.08.2012թ.-ից, հաշվառված է և բնակվել է Կոտայքի մարզի Հրազդան քաղաքի Ջրառատ թաղամասի թիվ 460 տանը, մեղադրվում է ՀՀ քրեական օրենսգրքի 34-178-րդ հոդվածի 2-րդ մասի 2-րդ կետով, 317-րդ հոդվածով և 325-րդ հոդվածի 1-ին մասով։


Գործի դատավարական նախապատմությունը

Թիվ 13146212 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2012թ. օգոստոսի 07-ին, ՀՀ քրեական օրենսգրքի 325-րդ հոդվածի 1-ին մասով, Աշոտ Միհրանի Իսախանյանի կողմից իրավունք վերապահող ակնհայտ կեղծ փաստաթուղթ պատրաստելու դեպքի առթիվ։
Ամբաստանյալ Աշոտ Միհրանի Իսախանյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 34-178-րդ հոդվածի 2-րդ մասի 2-րդ կետով, 317-րդ հոդվածով և 325-րդ հոդվածի 1-ին մասով հետևյալ արարքների համար. «որ նա օգտագործելու նպատակով համակարգչային եղանակով պատրաստել է իր տվյալներով լրացված իրավունք վերապահող ակնհայտ կեղծ փաստաթուղթ հանդիսացող` ՀՀ պաշտպանության նախարարության 4-րդ բանակային միավորման հրամանատարի և ՀՀ պաշտպանության նախարարության «Սյունիքի աշխարհազոր» կազմակերպության նախագահի վկայականները, ապա պաշտոնատար անձի կոչումն ինքնակամ յուրացնելով, 2012թ. մայիսի 31-ից օգոստոսի 06-ն ընկած ժամանակահատվածում, խաբեությամբ` ազատամարտիկ Ռոբերտ Նարիմանի Ղուկասյանին ֆինանսական աջակցություն ցուցաբերելու, վերջինիս գերեզմանաքարը պատրաստելու, ինչպես նաև ՀՀ զինված ուժերին ֆինանսական օգնություն ցուցաբերելու պատրվակով, միասնական հանցավոր մտադրությամբ միավորված` շարունակաբար փորձել է խարդախությամբ տարբեր կազմակերպություններից հափշտակել խոշոր չափի` 870.000 ՀՀ դրամ գումար, այն է`
2012թ. մայիսի 31-ին Երևանի քաղաքապետարան հասցեագրած դիմումով հանդես գալով հանգուցյալ ազատամարտիկ Ռոբերտ Նարիմանի Ղուկասյանի անունից, դիմում խնդրագրով` վիրահատության համար խնդրել է 100.000 ՀՀ դրամ փոխանցել «Արդշինինվեստբանկ» ՓԲ ընկերության իր հաշվեհամարին։ Երևանի քաղաքապետարանը բավարարել է հիշյալ դիմում-խնդրանքը, ապա` 2012թ. հունիսի 11-ին Ա.Իսախանյանի բանկային հաշվեհամարին է փոխանցել 100.000 ՀՀ դրամ գումարը, որը վերջինս կանխիկացրել և հափշտակել է։
2012թ. հունիսի 02-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության սոցիալական վարչության պետ` գնդապետի կոչումով, գրավոր դիմել է Երևան քաղաքի Կիևյան փողոցի թիվ 16 հասցեում գործող «Հայգյուղշիննախագիծ» ՓԲ ընկերություն և խնդրել է զոհված և վիրավորված ազատամարտիկների ընտանիքներին ֆինանսական աջակցություն ցուցաբերելու համար գումարներ փոխանցել «Արդշինինվեստբանկ» ՓԲ ընկերության իր հաշվեհամարին։ 2012թ. հուլիսի 03-ին «Հայգյուղշիննախագիծ» ՓԲ ընկերության հուլիսի 03-ին կայացած գործադիր մարմնի նիստում քննարկվել է Ա.Իսախանյանի դիմումը, կայացվել է դրական որոշում, ապա նրա բանկային հաշվեհամարին փոխանցվել է 50.000 ՀՀ դրամ, որը հետագայում Ա.Իսախանյանը կանխիկացրել է և խարդախությամբ հափշտակել։
2012թ. հունիսի 04-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Արմավիրի մարզի Արմավիր քաղաքի Մաշտոցի փողոցի թիվ 59 հասցեում գործող «Նոր Ակունք» փակ բաժնետիրական ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Նոր Ակունք» ՓԲ ընկերության կողմից հիշյալ դիմում-խնդրագիրը բավարարվել է և 2012թ. հուլիսի 10-ին Ա.Իսախանյանի բանկային հաշվեհամարին փոխանցվել է 100.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 05-ին «Երևանի պետական հենակետային բժշկական քոլեջ» պետական ոչ առևտրային կազմակերպություն հասցեագրած դիմումով հանդես գալով հանգուցյալ ազատամարտիկ Ռոբերտ Նարիմանի Ղուկասյանի անունից, դիմում խնդրագրով` վիրահատության համար խնդրել է գումար փոխանցել «Արդշինինվեստբանկ» ՓԲ ընկերության իր հաշվեհամարին։ «Երևանի պետական հենակետային բժշկական քոլեջ» պետական ոչ առևտրային կազմակերպությունը բավարարել է հիշյալ դիմում-խնդրանքը, ապա` 2012թ. հունիսի 11-ին Ա.Իսախանյանի բանկային հաշվեհամարին է փոխանցել 50.000 ՀՀ դրամ գումարը, որը վերջինս կանխիկացրել և հափշտակել է։
2012թ. հունիսի 17-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Կոտայքի մարզի Հրազդան քաղաքում գործող «Խորդա» սահմանափակ պատասխանատվությամբ ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Խորդա» ՍՊ ընկերության կողմից հիշյալ դիմում-խնդրագիրը բավարարվել է և 2012թ. հունիսի 26-ին Ա.Իսախանյանի բանկային հաշվեհամարին փոխանցվել է 10.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Արարատի մարզի Հայանիստ գյուղում գործող «Մելորացիա» փակ բաժնետիրական ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Մելորացիա» ՓԲ ընկերության կողմից հիշյալ դիմում-խնդրագիրը բավարարվել է և 2012թ. հուլիսի 12-ին Ա.Իսախանյանի բանկային հաշվեհամարին փոխանցվել է 30.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Տավուշի մարզի Հաղթանակ գյուղում գործող «Դեբեդ Աղստև» փակ բաժնետիրական ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Դեբեդ Աղստև» ՓԲ ընկերության կողմից հիշյալ դիմում-խնդրագիրը բավարարվել է և 2012թ. հունիսի 28-ին Ա.Իսախանյանի բանկային հաշվեհամարին փոխանցվել է 30.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Երևան քաղաքի Արմենակյան փողոցի 121/7 հասցեում գործող «Նաիրի բիզնես տուր» սահմանափակ պատասխանատվությամբ ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Նաիրի բիզնես տուր» ՍՊ ընկերության կողմից հիշյալ դիմում-խնդրագիրը բավարարվել է և 2012թ. հուլիսի 03-ին Ա.Իսախանյանի բանկային հաշվեհամարին փոխանցվել է 20.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Երևան քաղաքի Իսրայելյան փողոցի թիվ 39 հասցեում գործող «ՀԱԷԿ-ի շինարարություն» փակ բաժնետիրական ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «ՀԱԷԿ-ի շինարարություն» ՓԲ ընկերության կողմից հիշյալ դիմում-խնդրագիրը բավարարվել է և 2012թ. հոնիսի 19-ին Ա.Իսախանյանի բանկային հաշվեհամարին փոխանցվել է 50.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Երևան քաղաքի Վարդանանց փողոցի փակուղի թիվ 8 հասցեում գործող «Հայջրմուղկոյուղի» փակ բաժնետիրական ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Հայջրմուղկոյուղի» ՓԲ ընկերության կողմից հիշյալ դիմում-խնդրագիրը բավարարվել է և 2012թ. հունիսի 28-ին Ա.Իսախանյանի բանկային հաշվեհամարին փոխանցվել է 50.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Երևան քաղաքի Արմենակյան փողոցի թիվ 125 հասցեում գործող «Սևան-Հրազդանյան ջրառ» փակ բաժնետիրական ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Սևան-Հրազդանյան ջրառ» ՓԲ ընկերության կողմից հիշյալ դիմում-խնդրագիրը բավարարվել է և 2012թ. հուլիս 12-ին Ա.Իսախանյանի բանկային հաշվեհամարին փոխանցվել է 50.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Երևան քաղաքի Արին-Բերդի փողոցի 3-րդ նրբանցքի թիվ 3 հասցեում գործող «Երևանի ջերմաէլեկտրակենտրոն» փակ բաժնետիրական ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Երևանի ջերմաէլեկտրակենտրոն» ՓԲ ընկերության կողմից հիշյալ դիմում-խնդրագիրը բավարարվել է և 2012թ. հունիսի 19-ին Ա.Իսախանյանի բանկային հաշվեհամարին փոխանցվել է 100.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Արմավիրի մարզի Արմավիր քաղաքի Երևանյան փողոցի թիվ 30 հասցեում գործող «Ախուրյան-Արաքս-Ջրառ» փակ բաժնետիրական ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Ախուրյան-Արաքս-Ջրառ» ՓԲ ընկերության կողմից հիշյալ դիմում-խնդրագիրը բավարարվել է և 2012թ. հուլիսի 12-ին Ա.Իսախանյանի բանկային հաշվեհամարին փոխանցվել է 50.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Կոտայքի մարզի Եղվարդի քաղաքապետարան և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ Եղվարդի քաղաքապետարանի կողմից հիշյալ դիմում-խնդրագիրը բավարարվել է և 2012թ. հունիսի 27-ին Ա.Իսախանյանի բանկային հաշվեհամարին փոխանցվել է 20.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Արմավիրի մարզի Մեծամորի քաղաքապետարան և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ Մեծամորի քաղաքապետարանի կողմից հիշյալ դիմում-խնդրագիրը բավարարվել է և 2012թ. հուլիսի 19-ին Ա.Իսախանյանի բանկային հաշվեհամարին փոխանցվել է 30.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հունիսի 18-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Երևան նքաղաքի Կիևյան փողոցի թիվ 2 հասցեում գործող «Ատլանտա» սահմանափակ պատասխանատվությամբ ընկերություն և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ «Ատլանտա» ՍՊ ընկերության կողմից հիշյալ դիմում-խնդրագիրը բավարարվել է և 2012թ. հուլիսի 18-ին Ա.Իսախանյանի բանկային հաշվեհամարին փոխանցվել է 20.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. հուլիսի 12-ին հանդես գալով որպես ՀՀ պաշտպանության նախարարության «Սյունիքի աշխարհազոր» կազմակերպության հարամանատար` գնդապետի կոչումով, գրավոր դիմել է Արմավիրի մարզի Արմավիրի քաղաքապետարան և խնդրել զոհված ազատամարտիկ Ռոբերտ Նարիմանի Ղուկասյանի գերեզմանաքարը պատրաստելու համար ֆինանսական օգնություն ցուցաբերել։ Արմավիրի քաղաքապետարանի կողմից հիշյալ դիմում-խնդրագիրը բավարարվել է և 2012թ. հուլիսի 21-ին Ա.Իսախանայանի բանկային հաշվեհամարին փոխանցվել է 50.000 ՀՀ դրամ, որը հետագայում վերջինս կանխիկացրել է և խարդախությամբ հափշտակել։
2012թ. օգոստոսի 04-ին համակարգչային եղանակով պատրաստել է իր տվյալներով լրացված իրավունք վերապահող ակնհայտ կեղծ փաստաթուղթ հանդիսացող` ՀՀ պաշտպանության նախարարության 4-րդ բանակային միավորման հրամանատարի թիվ 0124 համարի և ՀՀ պաշտպանության նախարարության «Սյունիքի աշխարհազոր» կազմակերպության նախագահի թիվ 14203 համարի վկայականները, ապա պաշտոնատար անձի կոչումն ինքնակամ յուրացնելով, հափշտակություն կատարելու նպատակով 2012թ. օգոստոսի 06-ին, ժամը 15.00-ի սահմաններում այցելել է Երևան քաղաքի Կառավարության թիվ 2 մասնաշենքում գործող «Նոյյան տապան» և Աբովյան փողոցի թիվ 23 հասցեում գործող «Փոքր Փարիզ» սահմանափակ պատասխանատվությամբ ընկերությունների գրասենյակներ և ՀՀ զինված ուժերին անհրաժեշտ ֆինանսական աջակցություն ցուցաբերելու համար խնդրել է ընդհանուր 60.000 ՀՀ դրամ գումար փոխանցել իր բանկային հաշվեհամարին, սակայն մերժում ստանալով հանցագործությունն ավարտին չի հասցրել իր կամքից անկախ հանգամանքներով։»։
2012թ. դեկտեմբերի 17-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Արագացված դատական քննություն

Ամբաստանյալ Աշոտ Միհրանի Իսախանյանը միջնորդեց դատական քննությունն անցկացնել արագացված կարգով։ Նա հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Մեղադրող Գ. Մարգարյանը միջնորդության դեմ չառարկեց։
Տուժողների ներկայացուցիչներ Ա. Պետրոսյանը, Ռ. Ավետիսյանը, Լ. Ներսիսյանը և Վ. Փերիխանյանը միջնորդության դեմ չառարկեցին։
2013թ. հունվարի 10-ին և հունվարի 11-ին դատարան են ստացվել տուժող Արմավիրի քաղաքապետարանի ներկայացուցիչ Ա. Մկրտչյանի, տուժող «Երևան» հիմնադրամ հասարակական կազմակերպության ներկայացուցիչ Ա. Ղազարյանի, տուժող «Նոր Ակունք» ՓԲ ընկերության ներկայացուցիչ Ա. Սարգսյանի դիմումները, որոնցով խնդրել են դատական նիստերն անցկացնել իրենց բացակայությամբ։ 2013թ. հունվարի 09-ին դատարան է ստացվել նաև տուժող Եղվարդի քաղաքային համայնքի ներկայացուցիչ Ն. Արշակյանի դիմումը, որով հայտնել է, որ ամբաստանյալի նկատմամբ պահանջ չունի և խնդրում է դատական նիստերն անցկացնել իր բացակայությամբ։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ Աշոտ Միհրանի Իսախանյանը կատարել է ՀՀ քրեական օրենսգրքի 34-178-րդ հոդվածի 2-րդ մասի 2-րդ կետով, 317-րդ հոդվածով և 325-րդ հոդվածի 1-ին մասով նախատեսված արարքներ։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվեց, որ ամբաստանյալ Աշոտ Միհրանի Իսախանյանի կատարած հանցագործություններից յուրաքանչյուրի համար պատիժ նշանակելիս` առկա է հանցագործությունների առանձնապես վտանգավոր ռեցիդիվ։
Տուժող «Մելիորացիա» ՓԲ ընկերության կողմից 03.10.2012թ. քաղաքացիական հայց է ներկայացվել ամբաստանյալի դեմ, որի համաձայն` վերջինս պահանջել է ամբաստանյալ Աշոտ Իսախանյանից հօգուտ «Մելիորացիա» ՓԲ ընկերության բռնագանձել 30.000 /երեսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Տուժող «Երևան» հիմնադրամ հասարակական կազմակերպության կողմից 11.01.2013թ. քաղաքացիական հայց է ներկայացվել ամբաստանյալի դեմ, որի համաձայն` վերջինս պահանջել է ամբաստանյալ Աշոտ Իսախանյանից հօգուտ «Երևան» հիմնադրամ հասարակական կազմակերպության բռնագանձել 100.000 /հարյուր հազար/ ՀՀ դրամ գումար` որպես հանցագործության հետևանքով պատճառված վնասի հատուցում։



Դատարանի իրավական վերլուծությունները

Առաջադրված մեղադրանքն ամբաստանյալ Աշոտ Միհրանի Իսախանյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ամբաստանյալ Աշոտ Միհրանի Իսախանյանի կողմից, նրա մեղավորությամբ, խոշոր չափերով խարդախության փորձ կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 34-178-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Աշոտ Միհրանի Իսախանյանի կողմից, նրա մեղավորությամբ, պաշտոնատար անձի կոչումն ինքնակամ յուրացնելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 317-րդ հոդվածով նախատեսված հանցագործության հատկանիշներին։
Ապացուցված է նաև ամբաստանյալ Աշոտ Միհրանի Իսախանյանի կողմից, նրա մեղավորությամբ, իրավունք վերապահող պաշտոնական փաստաթղթեր կեղծելը` իր կողմից անձամբ դրանք օգտագործելու նպատակով, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 325-րդ հոդվածի 1-ին մասով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Աշոտ Միհրանի Իսախանյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցագործությունների առանձնապես վտանգավոր ռեցիդիվը։
Քննարկելով ամբաստանյալի նկատմամբ պատիժ նշանակելու հարցը` դատարանը գտնում է հետևյալը.
ՀՀ քրեական օրենսգրքի 22-րդ հոդվածի համաձայն`
«1. Հանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար։
(…)
3. Հանցագործությունների ռեցիդիվն առանձնապես վտանգավոր է համարվում անձի կողմից՝
1) դիտավորությամբ այնպիսի հանցանք կատարելու դեպքում, որի համար նա դատապարտվում է ազատազրկման, եթե անձը նախկինում երեք անգամից ոչ պակաս ցանկացած հաջորդականությամբ ազատազրկման է դատապարտվել միջին ծանրության դիտավորյալ հանցագործության, ծանր կամ առանձնապես ծանր հանցագործության համար.
(…)»։
ՀՀ քրեական օրենսգրքի 65-րդ հոդվածի 3-րդ մասի համաձայն`
«Հանցափորձի համար ազատազրկման ձևով պատժի ժամկետը չի կարող գերազանցել սույն օրենսգրքի Հատուկ մասի համապատասխան հոդվածով կամ հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի երեք քառորդը։»։
Նույն հոդվածի 4.1 մասի համաձայն`
«Սույն հոդվածի երկրորդ և երրորդ մասերով նախատեսված կանոնները չեն կիրառվում հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս։»։
ՀՀ քրեական օրենսգրքի 67.1 հոդվածի համաձայն`
«1. Հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս հաշվի են առնվում կատարված հանցագործությունների քանակը, բնույթը և ծանրությունը, այն հանգամանքները, որոնց հետևանքով նախկին պատիժը բավարար չի եղել մեղավորի ուղղման համար, ինչպես նաև նոր հանցագործության բնույթը, ծանրությունը և հետևանքները։
(…)
Հանցագործությունների առանձնապես վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երեք քառորդից։»։
ՀՀ քրեական դատավարության օրենսգրքի 3753 հոդվածի 6-րդ մասի համաձայն`
«Դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից` ապա առավել մեղմ պատիժը։»։
Հետևաբար, իր կատարած, Հայաստանի Հանրապետության քրեական օրենսգրքի 34-178-րդ հոդվածի 2-րդ մասի 2-րդ կետով նախատեսված հանցագործության կատարման համար ամբաստանյալ Աշոտ Իսախանյանը ենթակա է պատժի ազատազրկման ձևով, որը չի կարող նվազ լինել երկու տարի վեց ամիս ժամկետով ազատազրկումից, քանի որ դատական քննության արագացված կարգի կիրառման դեպքում, այդ հոդվածի սանկցիայով, որպես առավելագույն պատիժ սահմանված է ազատազրկում երեք տարի չորս ամիս ժամկետով։ Հայաստանի Հանրապետության քրեական օրենսգրքի 325-րդ հոդվածի 1-ին մասով և 317-րդ հոդվածով նախատեսված յուրաքանչյուր հանցագործության կատարման համար ամբաստանյալ Աշոտ Իսախանյանը ենթակա է պատժի ազատազրկման ձևով, որը չի կարող նվազ լինել մեկ տարի ժամկետով ազատազրկումից, քանի որ դատական քննության արագացված կարգի կիրառման դեպքում, այդ հոդվածների սանկցիայով, որպես առավելագույն պատիժ սահմանված է ազատազրկում մեկ տարի չորս ամիս ժամկետով։
Դատարանը գտնում է, որ իր նկատմամբ նշանակված պատիժն ամբաստանյալ Աշոտ Իսախանյանը պետք է կրի, քանի որ դրան խոչընդոտող հանգամանքներ առկա չեն։
Քննարկելով «Երևան» հիմնադրամ հասարակական կազմակերպության և «Մելիորացիա» ՓԲ ընկերության քաղաքացիական հայցերը` դատարանը գտնում է, որ քաղաքացիական հայցվորներ «Երևան» հիմնադրամ հասարակական կազմակերպության և «Մելիորացիա» ՓԲ ընկերության հայցերը ենթակա են բավարարման. ամբաստանյալ, քաղաքացիական պատասխանող Աշոտ Միհրանի Իսախանյանից հօգուտ տուժող «Երևան» հիմնադրամ հասարակական կազմակերպության բռնագանձման է ենթակա 100.000 /հարյուր հազար/ ՀՀ դրամ գումար` որպես հանցագործության հետևանքով պատճառված վնասի հատուցում,
ամբաստանյալ, քաղաքացիական պատասխանող Աշոտ Միհրանի Իսախանյանից հօգուտ տուժող, քաղաքացիական հայցվոր «Մելիորացիա» ՓԲ ընկերության բռնագանձման է ենթակա 30.000 /երեսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Քննարկելով գույքի վրա դրված կալանքի հարցը` դատարանը գտնում է, որ ամբաստանյալ Աշոտ Միհրանի Իսախանյանի գույքի վրա նախաքննության մարմնի 22.11.2012թ. որոշմամբ դրված կալանքը պետք է թողնել անփոփոխ` մինչև դատավճռի կատարումը։
Քննարկելով իրեղեն ապացույցի հարցը` դատարանը գտնում է, որ դատավճռի օրինական ուժի մեջ մտնելուց հետո, 24.11.2012թ. որոշմամբ իրեղեն ապացույց ճանաչված, ՀՀ պաշտպանության նախարարության 4-րդ բանակային միավորման հրամանատարի թիվ 0124 և ՀՀ պաշտպանության նախարարության «Սյունիքի աշխարհազոր» կազմակերպության նախագահի թիվ 14203 վկայականները պետք է պահել քրեական գործի հետ միասին։
Քննարկելով խափանման միջոցի հարցը` դատարանը գտնում է, որ ամբաստանյալ Աշոտ Իսախանյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 154-րդ, 357-360-րդ, 364-365-րդ, 367-րդ, 369-373-րդ, 3751-3754-րդ հոդվածներով, դատարանը`


Վ Ճ Ռ Ե Ց

Ամբաստանյալ Աշոտ Միհրանի Իսախանյանին մեղավոր ճանաչել Հայաստանի Հանրապետության քրեական օրենսգրքի 34-178-րդ հոդվածի 2-րդ մասի 2-րդ կետով, 317-րդ հոդվածով և 325-րդ հոդվածի 1-ին մասով նախատեսված հանցանքներում և դատապարտել. ՀՀ քրեական օրենսգրքի 34-178-րդ հոդվածի 2-րդ մասի 2-րդ կետով` ազատազրկման 3 /երեք/ տարի ժամկետով, 325-րդ հոդվածի 1-ին մասով` ազատազրկման 1 /մեկ/ տարի ժամկետով, 317-րդ հոդվածով` ազատազրկման 1 /մեկ/ տարի ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Աշոտ Միհրանի Իսախանյանի նկատմամբ պատիժ նշանակել ազատազրկում 4 /չորս/ տարի ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. օգոստոսի 07-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Քաղաքացիական հայցվոր «Երևան» հիմնադրամ հասարակական կազմակերպության հայցը բավարարել. ամբաստանյալ Աշոտ Միհրանի Իսախանյանից հօգուտ տուժող «Երևան» հիմնադրամ հասարակական կազմակերպության բռնագանձել 100.000 /հարյուր հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Քաղաքացիական հայցվոր «Մելիորացիա» ՓԲ ընկերության հայցը բավարարել. ամբաստանյալ Աշոտ Միհրանի Իսախանյանից հօգուտ տուժող «Մելիորացիա» ՓԲ ընկերության բռնագանձել 30.000 /երեսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Ամբաստանյալ Աշոտ Միհրանի Իսախանյանի գույքի վրա նախաքննության մարմնի 22.11.2012թ. որոշմամբ դրված կալանքը թողնել անփոփոխ` մինչև դատավճռի կատարումը։
Դատավճռի օրինական ուժի մեջ մտնելուց հետո, 24.11.2012թ. որոշմամբ իրեղեն ապացույց ճանաչված, ՀՀ պաշտպանության նախարարության 4-րդ բանակային միավորման հրամանատարի թիվ 0124 և ՀՀ պաշտպանության նախարարության «Սյունիքի աշխարհազոր» կազմակերպության նախագահի թիվ 14203 վկայականները պահել քրեական գործի հետ միասին։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։
Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։


ԴԱՏԱՎՈՐ` Մ. ՄԱՐՏԻՐՈՍՅԱՆ