ԵԿԴ/0213/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
17 հունվարի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Հ.ՄՈՎՍԵՍՅԱՆԻ
տուժողի ներկ. Ն.ԿԱՐԱՊԵՏՅԱՆԻ
ամբաստանյալ Գ.ԿԱՐԱՊԵՏՅԱՆԻ
պաշտպան Ա.ՈՒՄՐՇԱՏՅԱՆԻ

դատարանում` դռնբաց դատական նիստում, քննեց գործն ըստ մեղադրանքի
Գառնիկ Սամվելի Կարապետյանի` ծնված 13.03.1987թ. ք.Երևանում, ազգությամբ հայ, ՀՀ քաղաքացի, ամուրի, իր հայտարարությամբª խնամքին մեկ անձ և 8-ամյա կրթու-թյամբ, վատառողջ, աշխատում է ՙԳորվետկա-Վան՚ ՍՊ ընկերությունումª որպես պահակ, դատվածություն չունեցող, բնակվում է` ք.Երևան, Գետառի փողոց, տուն հ. 12, արգելանքի տակ չէ, մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով:
Ամբաստանյալ Գ.Կապապետյանին ՀՀ քրեական օրենսգրքի 258-րդ հոդվածի 3-րդ մասի 1-ին կետով մեղադրանք է առաջադրվել այն բանի համար, որ նա. ՙ2012թ. հունվարի 05-ին ՙՋովանիա՚ ռեստորանային համալիրում մասնակցելով բարեկամուհու ծննդյան տա-րեդարձին և գտնվելով ալկոհոլի ազդեցության տակ` հեռախոսազրույց է ունեցել իր ծանոթ Գարիկ Թադևոսյանի հետ, որի ընթացքում խուլիգանական հայհոյանքներ է տվել վերջինիս հասցեին, ապա վերջինիցս պահանջել է հանդիպել:
Թադևոսյանների ընտանիքի անդամներից պարզաբանումներ ստանալու պատրվա-կով նրանց հանդիպման է կանչել Երևան քաղաքի Նար-Դոսի փողոցի 4 հասցեում գտնվող ավտոլվացման կետի հետնամաս: Նույն օրըª ժամը 23.30-ի սահմաններում, Գ.Կարապետ-յանը եղբորª Էդգար Կարապետյանի հետ քննությամբ չպարզված ավտոմեքենայով գնացել են ավտոլվացման կետի հետնամաս, ուր գնացել է նաև Գարիկ Թադևոսյանըª երկու եղբայր-ների և հոր հետ: Հանդիպելով միմյանց` առանց պարզաբանումների Գ.Կարապետյանը հրա-հըրել է կռիվ և Էդ.Կարապետյանի հետ դիտավորությամբ, կոպիտ կերպով խախտելով հա-սարակական կարգը և բացահայտ անհարգալից վերաբերմունք դրսևորելով հասարակութ-յան նկատմամբ, գիշերային ուշ ժամին, մարդաշատ բնակավայրում, բազմաթիվ քաղաքա-ցիների ներկայությամբ տվել են խուլիգանական բնույթի հայհոյանքներ, որը զուգորդվել է`
Սամվել, Գարիկ, Գնել, Գուրգեն Թադևոսյանների նկատմամբ բռնություն գործադրե-լու հետ, այն էª բազմաթիվ հարվածներ են հասցրել Թադևոսյաններին, նրանցից Գարիկ Թա-դևոսյանի առողջությանը պատճառելով թեթև վնասի հատկանիշներ չպարունակող վնաս-վածք,
գույքի վնասմամբ, այն է` պատռել են Գնել Թադևոսյանի բաճկոնը, պոկվել-կորել են նրա ոսկյա շղթան ու ժամացույցը:
Խուլիգանությունը տևել է շուրջ 10 րոպե և խափանվել է հավաքված քաղաքացիների միջամտությամբ, ինչպես նաև ոստիկանություն զանգահարելու մասին բնակիչների սպառ-նալիքի ազդեցությամբ՚:
Ամբաստանյալ Գ.Կարապետյանը, մինչև դատաքննությունն սկսվելը, միջնորդեց կի-րառել արագացված դատական քննության կարգ ու հայտարարեց, որ միջնորդությունը ներ-կայացնում է կամավոր` իր պաշտպանի հետ խորհրդակցելուց հետո, առաջադրված մեղա-դրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանքները:
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքը և հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է ու հաստատվում է քրեական գործով հավաք-ված ապացույցներով, գտնում է, որ ամբաստանյալ Գ.Կարապետյանը կատարել է հան-ցանք` նախատեսված ՀՀ քրեական օրենսգրքի 258 հոդվածի 3-րդ մասի 1-ին, որով և նա պետք է պատասխանատվության ենթարկվի:
Ամբաստանյալի նկատմամբ պատիժ նշանակելիս` պատժի չափը որոշելիս, դատա-րանը հաշվի է առնում ինչպես նրա կատարած արարքի բնույթը և հանրության համար վտանգավորության աստիճանը, այնպես էլ արագացված կարգով անցկացված դատաքննու-թյան ընթացքում ուսումնասիրված` նրա անձը բնութագրող տվյալներն ու պատասխանա-տվությունը և պատիժը մեղմացնող ու ծանրացնող հանգամանքները:
Որպես ամբաստանյալ Գ.Կարապետյանի պատասխանատվությունն ու պատիժը մեղմացնող հանգամանքներ` դատարանը հաշվի է առնում, որ նա երրորդ խմբի հաշմանդամ է, համաձայնվեց մեղադրանքի հետ և անկեղծորեն զղջաց կատարած հանցանքի համար:
Որպես ամբաստանյալի անձը բնութագրող տվյալª դատարանը հաշվի է առնում, որ նա բնութագրվում է դրական և որ նախկինում նույնպես կատարել է հանցագործություն:
Որպես ամբաստանյալի պատասխանատվությունն ու պատիժը ծանրացնող հանգա-մանք` դատարանը հաշվի է առնում, որ նա հանցանքը կատարել է ալկոհոլի ազդեցության տակ:
Դատարանը, նկատի ունենալով ամբաստանյալի անձը բնութագրող տվյալները, նրա պատասխանատվությունն ու պատիժը մեղմացնող հանգամանքները, հաշվի առնելով տու-ժողի ներկայացուցչի դիրքորոշումըª ամբաստանյալի պատասխանատվության և պատժի վե-րաբերյալ ու ելնելով ՀՀ քրեական օրենսգրքի 10-րդ և 61-րդ հոդվածներով սահմանված արդարության, պատասխանատվության անհատականացման և պատիժ նշանակելու ընդ-հանուր սկզբունքներից, հանգում է հետևության, որ ամբաստանյալ Գ.Կարապետյանի կա-տարած հանցագործության համար նախատեսված պատիժներից նվազ խիստ տեսակը չի կարող ապահովել պատժի նպատակները, և նա պետք է դատապարտվի ազատազրկման, որպիսի պատիժը սակայն ՀՀ քրեական օրենսգքրի 70-րդ հոդվածի կիրառմամբ պայմանա-կանորեն չպետք է կիրառվի, նկատի ունենալով, որ նրա ուղղվելը հնարավոր է առանց պա-տիժը կրելու, ինչն անհրաժեշտ ու բավարար է նաև սոցիալական արդարությունը վերա-կանգնելու և նրա կողմից նոր հանցագործությունների կատարումը կանխելու համար:
Տուժողի ներկայացուցիչը քաղաքացիական հայց չհարուցեց:
Քննության առնելով իրեղեն ապացույցի տնօրինման հարցը` դատարանը գտնում է, Գարիկ Թադևոսյանի բաճկոնը պետք է վերադարձվի նրան:
Դատարանը, քննության առնելով խափանման միջոցի հարցը, գտնում է, որ ամբաս-տանյալի նկատմամբ կիրառված խափանման միջոցը` ստորագրություն` չհեռանալու մասին, մինչև դատավճռի օրինական ուժի մեջ մտնելը, պետք է թողնվի անփոփոխ:
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 357-360-րդ, 365-րդ, 3753 հոդվածներով` դատարանը

Վ Ճ Ռ Ե Ց

Գառնիկ Սամվելի Կարապետյանին ճանաչել մեղավոր ՀՀ քրեական օրենսգրքի 258-րդ հոդվածի 3-րդ մասի 1-ին կետով և դատապարտել ազատազրկման 2 (երկու) տարի ժամկետով:
ՀՀ քրեական օրենսգրքի 70-րդ հոդվածի կիրառմամբ Գ.Կարապետյանի նկատմամբ նշանակված պատիժը պայմանականորեն չկիրառել և սահմանել փորձաշրջան 3 (երեք) տարի ժամկետով:
Իրեղեն ապացույց ճանաչված բաճկոնը վերադարձնել Գարիկ Թադևոսյանին:
Գ.Կարապետյանի նկատմամբ ընտրված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ