ԵԿԴ/0202/01/12




ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«26» հուլիսի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)


Նախագահող դատավոր
դատական նիստերի քարտուղար
մեղադրողներ


պաշտպաններ






Մ.Պապոյան
Կ.Կարապետյան
Կ.Փիլոյան
Ա.Գրիգորյան
Հ.Այվազյան
Ե.Սարգսյան
Վ.Գևորգյան
Լ.Սահակյան
Ե.Վարոսյան
Ռ.Բաբայան
Ռ.Բալոյան
Ա.Այվազյան


դռնբաց դատական նիստում քննեց քրեական գործն ըստ մեղադրանքի`
Սվետլանա Զավենի Գևորգյանի` ծնված 1940 թվականի մարտի 8-ին Ադրբեջանի Հանրապետությունում, ազգությամբ հայ, ՀՀ քաղաքացի, բարձրագույն կրթությամբ, գիտությունների թեկնածու, ամուսնացած, նախկինում չդատապարտված, աշխատել է Երևանի Գեղարվեստի պետական ակադեմիայում` որպես ուսումնագիտական գծով պրոռեկտոր, բնակվում է Երևան քաղաքի Փափազյան փողոցի 24-րդ շենքի 21-րդ բնակարանում, մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով, որպես խափանման միջոց է ընտրվել չհեռանալու մասին ստորագրությունը,
Հայկ Ստեփանի Փայասլյանի` ծնված 1953 թվականի օգոստոսի 9-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, գիտությունների թեկնածու, ամուսնացած, նախկինում չդատապարտված, աշխատել է Երևանի Գեղարվեստի պետական ակադեմիայում` որպես համակարգչային գրաֆիկայի և դեկորատիվ կիրառական արվեստի ամբիոնի վարիչ, բնակվել է Երևան քաղաքի Զաքիյան փողոցի 8-րդ շենքի 26-րդ բնակարանում, մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով, արգելանքի տակ է 2012 թվականի հուլիսի 26-ից,
Խաչիկ Սուրենի Ազիզյանի` ծնված 1948 թվականի հունիսի 19-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, գիտությունների թեկնածու, ամուսնացած, նախկինում չդատապարտված, աշխատել է Երևանի Գեղարվեստի պետական ակադեմիայում` որպես կերպարվեստի ֆակուլտետի դեկան, բնակվում է Երևան քաղաքի Հր.Քոչար փողոցի 13-րդ շենքի 100-րդ բնակարանում, մեղադրանք է առաջադրվել ՀՀ քրեական օրենսգրքի 313-րդ հոդվածի 1-ին մասով, որպես խափանման միջոց է ընտրվել չհեռանալու մասին ստորագրությունը,
Արայիկ Լենիկի Ֆահրադյանի` ծնված 1967 թվականի հունիսի 27-ին Երևան քաղաքում, ազգությամբ հայ, ՀՀ քաղաքացի, միջին-մասնագիտական կրթությամբ, ամուսնացած, նախկինում չդատապարտված, չի աշխատում, բնակվում է Երևան քաղաքի Կիևյան փողոցի 1բ շենքի 26-րդ բնակարանում, մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը, և
Արմինե Էդիկի Ենոքյանի` ծնված 1969 թվականի մարտի 17-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, դատվածություն չունեցող, աշխատում է «Արփ-Ռադիո» ՓԲ ընկերությունում` որպես տնօրեն, բնակվում է Երևան քաղաքի Կիևյան փողոցի 1բ շենքի 26-րդ բնակարանում, մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը:
1. Գործի դատավարական նախապատմությունը.
2012 թվականի հուլիսի 26-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ ՀՀ քրեական օրենսգրքի 311-րդ հոդվածի 4-րդ մասի 2-րդ կետով և 313-րդ հոդվածի 1-ին մասով նախատեսված հանցագործությունների հատկանիշներով հարուցվել և վարույթ է ընդունվել թիվ 69106612 քրեական գործը:
2012 թվականի հուլիսի 26-ին ՀՀ ոստիկանության քննչական գլխավոր վարչության ՀԿԳ քննության վարչության պետ Վ.Հարությունյանի որոշմամբ թիվ 69106612 քրեական գործի նախաքննությունը հանձնարարվել է քննչական խմբին, որի կազմում ընդգրկվել են ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանը, ավագ քննիչ Էդ.Շահինյանը և քննիչ Շ.Ղազարյանը:
2012 թվականի հուլիսի 26-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ թիվ 69106612 քրեական գործն ընդունվել է վարույթ:
2012 թվականի հուլիսի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ թիվ 69106612 քրեական գործով Հայկ Ստեփանի Փայասլյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով:
2012 թվականի օգոստոսի 1-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ թիվ 69106612 քրեական գործով Սվետլանա Զավենի Գևորգյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով:
2012 թվականի օգոստոսի 1-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ թիվ 69106612 քրեական գործով Խաչիկ Սուրենի Ազիզյանին մեղադրանք է առաջադրվել ՀՀ քրեական օրենսգրքի 313-րդ հոդվածի 1-ին մասով:
2012 թվականի հոկտեմբերի 1-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ թիվ 69106612 քրեական գործով Արմինե Էդիկի Ենոքյանին մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով:
2012 թվականի հոկտեմբերի 1-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ թիվ 69106612 քրեական գործով Արայիկ Լենիկի Ֆահրադյանին մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով:
2012 թվականի հոկտեմբերի 30-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ թիվ 69106612 քրեական գործով Ավետիք Ավետիսյանի նկատմամբ քրեական հետապնդում չի իրականացվել` վերջինի արարքում հանցակազմի բացակայության պատճառաբանությամբ:
2012 թվականի հոկտեմբերի 31-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ թիվ 69106612 քրեական գործով Սվետլանա Զավենի Գևորգյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով:
2012 թվականի հոկտեմբերի 31-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Էդ.Պողոսյանի որոշմամբ թիվ 69106612 քրեական գործով Հայկ Ստեփանի Փայասլյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով:
2012 թվականի նոյեմբերի 9-ին Սվետլանա Զավենի Գևորգյանի, Հայկ Ստեփանի Փայասլյանի, Խաչիկ Սուրենի Ազիզյանի, Արայիկ Լենիկի Ֆահրադյանի և Արմինե Էդիկի Ենոքյանի վերաբերյալ թիվ 69106612 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որտեղ քրեական գործին շնորհվել է ԵԿԴ/0202/01/12 համարը:
Սվետլանա Զավենի Գևորգյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով` այն արարքի համար, որ նա, աշխատելով Երևանի գեղարվեստի պետական ակադեմիայում` որպես ուսումնագիտական գծով պրոռեկտոր, ի պաշտոնե ակադեմիայի ռեկտորի` 2012 թվականի մայիսի 3-ի թիվ 77 հրամանով ընդգրկվելով 2012-2013 թվականների ուսումնական տարվա ընդունելության քննությունների ընդունող հանձնաժողովի կազմում` որպես հանձնաժողովի նախագահի տեղակալ, հանդիսանալով առանձին լիազորությամբ կազմակերպական-տնօրինչական գործառույթ իրականացնող պաշտոնատար անձ, նույն հանձնաժողովի պատասխանատու քարտուղար Հայկ Փայասլյանի հետ նախնական համաձայնությամբ, իրենց պաշտոնեական դիրքն օգտագործելով ակադեմիայի դիմորդ Էդուարդ Բարբարյանի օգտին գործողություններ կատարելուն նպաստելու, այն է` վերջինի քննությունների արդյունքներն ակադեմիա ընդունվելու համար անցողիկ միավորներով ապահովելու միջոցով ակադեմիա ընդունելու համար 2012 թվականի ապրիլին ակադեմիայի կերպարվեստի ֆակուլտետի դեկան Խաչիկ Ազիզյանի միջնորդությամբ ընդունել են Էդուարդ Բարբարյանի ծնողներից` Արմինե Ենոքյանից և Արայիկ Ֆահրադյանից, առանձնապես խոշոր չափերի` 1.371.510 ՀՀ դրամին համարժեք 3.500 ԱՄՆ դոլար կաշառք ստանալու առաջարկը, իսկ 2012 թվականի մայիսին Խաչիկ Ազիզյանի միջոցով Արմինե Ենոքյանից և Արայիկ Ֆահրադյանից ստացել են առանձնապես խոշոր չափերի` 1.371.510 ՀՀ դրամին համարժեք 3.500 ԱՄՆ դոլար կաշառք: Այնուհետև` ընդունելության քննությունների ավարտից հետո, Խաչիկ Ազիզյանից տեղեկանալով Էդուարդ Բարբարյանի` վճարովի համակարգ ընդունվելու կապակցությամբ ծնողների դժգոհության և կաշառքի գումարից 2.500 ԱՄՆ դոլարը վերադարձնելու նրանց պահանջի մասին` ավելորդ խոսակցություններից զերծ մնալու նպատակով, կրկին Խաչիկ Ազիզյանի միջոցով 2012 թվականի հուլիսի 20-ին 1.030.300 ՀՀ դրամին համարժեք 2.500 ԱՄՆ դոլար վերադարձրել են Արայիկ Ֆահրադյանին:
Հայկ Ստեփանի Փայասլյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով` այն արարքի համար, որ նա, աշխատելով Երևանի գեղարվեստի պետական ակադեմիայում` որպես համակարգչային գրաֆիկայի և դեկորատիվ կիրառական արվեստի ամբիոնի վարիչ, ի պաշտոնե ակադեմիայի ռեկտորի` 2012 թվականի մայիսի 3-ի թիվ 77 հրամանով ընդգրկվելով 2012-2013 թվականների ուսումնական տարվա ընդունելության քննությունների ընդունող հանձնաժողովի կազմում` որպես հանձնաժողովի պատասխանատու քարտուղար, հանդիսանալով առանձին լիազորությամբ կազմակերպական-տնօրինչական գործառույթ իրականացնող պաշտոնատար անձ, նույն հանձնաժողովի նախագահի տեղակալ Սվետլանա Գևորգյանի հետ նախնական համաձայնությամբ, իրենց պաշտոնեական դիրքն օգտագործելով, ակադեմիայի դիմորդ Էդուարդ Բարբարյանի օգտին գործողություններ կատարելուն նպաստելու, այն է` վերջինի քննությունների արդյունքներն ակադեմիա ընդունվելու համար անցողիկ միավորներով ապահովելու միջոցով ակադեմիա ընդունելու համար 2012 թվականի ապրիլին ակադեմիայի կերպարվեստի ֆակուլտետի դեկան Խաչիկ Ազիզյանի միջնորդությամբ ընդունել են Էդուարդ Բարբարյանի ծնողներից` Արմինե Ենոքյանից և Արայիկ Ֆահրադյանից, առանձնապես խոշոր չափերի` 1.371.510 ՀՀ դրամին համարժեք 3.500 ԱՄՆ դոլար կաշառք ստանալու առաջարկը, իսկ 2012 թվականի մայիսին Խաչիկ Ազիզյանի միջոցով Արմինե Ենոքյանից և Արայիկ Ֆահրադյանից ստացել են առանձնապես խոշոր չափերի` 1.371.510 ՀՀ դրամին համարժեք 3.500 ԱՄՆ դոլար կաշառք: Այնուհետև` ընդունելության քննությունների ավարտից հետո, Խաչիկ Ազիզյանից տեղեկանալով Էդուարդ Բարբարյանի` վճարովի համակարգ ընդունվելու կապակցությամբ ծնողների դժգոհության և կաշառքի գումարից 2.500 ԱՄՆ դոլարը վերադարձնելու նրանց պահանջի մասին` ավելորդ խոսակցություններից զերծ մնալու նպատակով, կրկին Խաչիկ Ազիզյանի միջոցով 2012 թվականի հուլիսի 20-ին 1.030.300 ՀՀ դրամին համարժեք 2.500 ԱՄՆ դոլար վերադարձրել են Արայիկ Ֆահրադյանին:
Խաչիկ Սուրենի Ազիզյանին մեղադրանք է առաջադրվել ՀՀ քրեական օրենսգրքի 313-րդ հոդվածի 1-ին մասով` այն արարքի համար, որ նա, հանդիսանալով Երևանի գեղարվեստի պետական ակադեմիայի կերպարվեստի ֆակուլտետի դեկան, ներկայանալով ակադեմիայի 2012-2013 թվականների ուսումնական տարվա դիմորդ Էդուարդ Բարբարյանի ծնողների` Արմինե Ենոքյանի և Արայիկ Ֆահրադյանի անունից, նպաստել է վերջինների և ակադեմիայի ուսումնագիտական գծով պրոռեկտոր, ընդունելության քննությունների ընդունող հանձնաժողովի նախագահի տեղակալ Սվետլանա Գևորգյանի միջև Էդուարդ Բարբարյանին ակադեմիա ընդունելու համար կաշառքի առարկայի բնույթի ու չափի մեջ համաձայնության գալուն և Սվետլանա Գևորգյանի ու ընդունելության քննությունների ընդունող հանձնաժողովի պատասխանատու քարտուղար Հայկ Փայասլյանի` առանձնապես խոշոր չափերի` 1.371.510 ՀՀ դրամին համարժեք 3.500 ԱՄՆ դոլար կաշառք ստանալուն: Այսպես. Խաչիկ Ազիզյանը 2012-2013 թվականների ուսումնական տարվա դիմորդ Էդուարդ Բարբարյանին ակադեմիա ընդունելու համար վերջինի ծնողների` Արմինե Ենոքյանի և Արայիկ Ֆահրադյանի խնդրանքով ակադեմիայի պրոռեկտոր, ի պաշտոնե ակադեմիայի ռեկտոր Արամ Իսաբեկյանի 2012 թվականի մայիսի 3-ի թիվ 77 հրամանով 2012-2013 թվականների ուսումնական տարվա ընդունելության քննությունների ընդունող հանձնաժողովի նախագահի տեղակալ Սվետլանա Գևորգյանին ներկայացել է նրանց անունից և որպես վերջինների միջև կապող օղակ, Սվետլանա Գևորգյանի հետ բանակցել է կաշառքի առարկայի բնույթի ու չափի մասին: Ստանալով Սվետլանա Գևորգյանի համաձայնությունը` Արմինե Ենոքյանին և Արայիկ Ֆահրադյանին հայտնել է Սվետլանա Գևորգյանի` 3.500 ԱՄՆ դոլար կաշառքի պահանջի մասին: Խաչիկ Ազիզյանը 2012 թվականի մայիսին Երևան քաղաքի Իսահակյան 36 հասցեում գտնվող Երևանի գեղարվեստի պետական ակադեմիայի վարչական շենքի իր աշխատասենյակում Արմինե Ենոքյանից վերցրել և նույն օրը կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն անմիջականորեն փոխանցել է Սվետլանա Գևորգյանին և որպես միջնորդ կաշառքի գումարից ստացել է 1.000 ԱՄՆ դոլար:
Արայիկ Լենիկի Ֆահրադյանին մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով` այն արարքի համար, որ նա, առանձնապես խոշոր չափերի կաշառք տալու շուրջ նախնական համաձայնության գալով կնոջ` Արմինե Ենոքյանի հետ, նրա որդուն` Էդուարդ Բարբարյանի օգտին գործողություններ կատարելու` վերջինին Երևանի գեղարվեստի պետական ակադեմիա ընդունելու դիմաց, 2012 թվականի ապրիլին միջնորդի` ակադեմիայի կերպարվեստի ֆակուլտետի դեկան Խաչիկ Ազիզյանի միջոցով խոստացել է առանձին պաշտոնատար անձանց տալ առանձնապես խոշոր չափերի կաշառք: Կաշառքի միջնորդ Խաչիկ Ազիզյանի միջոցով պաշտոնատար անձանց հետ կաշառքի առարկայի բնույթի ու չափի մեջ համաձայնության գալուց հետո` 2012 թվականի մայիսին, Երևան քաղաքի Իսահակյան 36-րդ հասցեում գտնվող Երևանի գեղարվեստի պետական ակադեմիայի վարչական շենքում կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն անմիջականորեն տվել են Խաչիկ Ազիզյանին` պաշտոնատար անձինք հանդիսացող, ընդունելության քննությունների ընդունող հանձնաժողովի նախագահի տեղակալ Սվետլանա Գևորգյանին և նույն հանձնաժողովի պատասխանատու քարտուղար Հայկ Փայասլյանին փոխանցելու համար: Խաչիկ Ազիզյանը նույն օրը կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն անմիջականորեն փոխանցել է Սվետլանա Գևորգյանին:
Արմինե Էդիկի Ենոքյանին մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով` այն արարքի համար, որ նա, առանձնապես խոշոր չափերի կաշառք տալու շուրջ նախնական համաձայնության գալով ամուսնու` Արայիկ Ֆահրադյանի հետ, որդու` Էդուարդ Բարբարյանի օգտին գործողություններ կատարելու` վերջինին Երևանի գեղարվեստի պետական ակադեմիա ընդունելու դիմաց, 2012 թվականի ապրիլին միջնորդի` ակադեմիայի կերպարվեստի ֆակուլտետի դեկան Խաչիկ Ազիզյանի միջոցով խոստացել է առանձին պաշտոնատար անձանց տալ առանձնապես խոշոր չափերի կաշառք: Կաշառքի միջնորդ Խաչիկ Ազիզյանի միջոցով պաշտոնատար անձանց հետ կաշառքի առարկայի բնույթի ու չափի մեջ համաձայնության գալուց հետո` 2012 թվականի մայիսին, Երևան քաղաքի Իսահակյան 36-րդ հասցեում գտնվող Երևանի գեղարվեստի պետական ակադեմիայի վարչական շենքում կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն անմիջականորեն տվել են Խաչիկ Ազիզյանին` պաշտոնատար անձինք հանդիսացող, ընդունելության քննությունների ընդունող հանձնաժողովի նախագահի տեղակալ Սվետլանա Գևորգյանին և նույն հանձնաժողովի պատասխանատու քարտուղար Հայկ Փայասլյանին փոխանցելու համար: Խաչիկ Ազիզյանը նույն օրը կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն անմիջականորեն փոխանցել է Սվետլանա Գևորգյանին:
2. Ապացույցների հետազոտում և գնահատում.
Ամբաստանյալ Սվետլանա Գևորգյանը դատական քննության ընթացքում առաջադրված մեղադրանքում իրեն մեղավոր չճանաչեց և ցուցմունք տվեց այն մասին, որ աշխատել է Երևանի գեղարվեստի պետական ակադեմիայում (այսուհետ` Ակադեմիա), որպես ուսումնամեթոդական գծով պրոռեկտոր: Գործող օրենսդրության համաձայն` ընդունելության քննությունների կազմակերպման նպատակով յուրաքանչյուր տարի հաստատվում են Ընդունող հանձնաժողովի և Քննական (գնահատող) հանձնաժողովների կազմերը: Ակադեմիայում 2012-2013 թվականների ուսումնական տարվա ընդունելության քննությունները սկսվել են 2012 թվականի հուլիսի 3-ին և վերջացել 2012 թվականի հուլիսի 8-ին: Նշված ուսումնական տարվա ընդունելության քննությունների Ընդունող հանձնաժողովի նախագահը եղել է Ակադեմիայի ռեկտոր Արամ Իսաբեկյանը, նախագահի տեղակալը եղել է ինքը, իսկ պատասխանատու քարտուղարը` Ակադեմիայի համակարգչային գրաֆիկայի և դեկորատիվ կիրառական արվեստի ամբիոնի վարիչ Հայկ Փայասլյանը: Հանձնաժողովի նախագահի բացակայության դեպքում ինքը փոխարինել է նրան: Ակադեմիայում ընդունելության քննություններն անցկացվում են տարբեր մասնաշենքերում` Երևան քաղաքի Իսահակյան փողոցի թիվ 36 հասցեում և Երևան քաղաքի Ջրաշատ փողոցի թիվ 1 հասցեում: Ընդունող հանձնաժողովի բոլոր անդամներն ունեն հավասար իրավունքներ և բոլորն էլ մասնակցում են քվեարկությանը: Ինքն Ընդունող հանձնաժողովի կազմում հիմնականում կատարում է նախագահի հանձնարարությունները, սակայն, որպես կանոն, ինքը որևէ գործառույթ չի կատարում: Ընդունող հանձնաժողովի նախագահն է հանձնարարում հանձնաժողովի անդամներին, թե ով ինչ գործառույթով պետք է զբաղվի, իսկ պատասխանատու քարտուղարն ավելի շատ պարտականություններ ունի և հանձնաժողովի մյուս անդամների նկատմամբ որևէ իրավասություն չունի: Ընդունող հանձնաժողովի պատասխանատու քարտուղարի պարտականությունն է ապահովել քննությունների բնականոն ընթացքը, մասնավորապես` դիմորդների համար ապահովել ներկեր, տախտակներ, ջուր և այլն: Ընդունող հանձնաժողովի պատասխանատու քարտուղարի աշխատակիցներն են եղել Շուշանիկը, Էմման, Ռուզաննան և պարետները: Դիզայնի բաժնում քննություն տվող դիմորդների աշխատանքները ստուգվել և գնահատվել են համապատասխան Քննական հանձնաժողովի կողմից, որի նախագահը եղել է Ակադեմիայի «Դիզայնի» ամբիոնի վարիչ Գագիկ Գևորգյանը, ով իր եղբայրն է, իսկ անդամները եղել են Ակադեմիայի «Գեղանկարի» ամբիոնի դասախոս Ժորա Հայրապետյանը և Ակադեմիայի «Գծանկարի» ամբիոնի դասախոս Արմեն Կանայանը, որոնց նկատմամբ ինքը, որպես պրոռեկտոր, ունեցել է կարգադրիչ լիազորություն, իսկ որպես Ընդունող հանձնաժողովի նախագահի տեղակալ որևէ լիազորություն չի ունեցել: Ինչ վերաբերում է Հայկին, ապա նա, թե որպես ամբիոնի վարիչ և, թե որպես Ընդունող հանձնաժողովի պատասխանատու քարտուղար, որևէ կարգադրիչ լիազորություն չի ունեցել: Քննական հանձնաժողովը ամբողջովին անկախ է և ինքը որևէ միտում չի ունեցել ինչ-որ ձևով գնահատման հարցում նպաստելու նրանց: Ակադեմիայի աշխատակազմը 2012 թվականի հուլիսի 2-ից գտնվել է արձակուրդում և ինքը, որպես պրոռեկտոր, նրանց նկատմամբ որևէ կարգադրիչ լիազորություն չի ունեցել և ինքն իր լիազորությունները չէր կարող չարաշահել: Ընդունող հանձնաժողովը իրավունք չունի միջամտելու գնահատականների նշանակմանը: Քննությունների ավարտից հետո Քննական հանձնաժողովն անմիջապես գնահատել է դիմորդների աշխատանքները և գնահատականների ցուցակները փակցվել են համապատասխան վայրում: Քննությունների ավարտի հաջորդ օրը` 2012 թվականի հուլիսի 9-ին, դիմորդներն իրավունք են ունեցել բողոքարկելու քննությունների արդյունքները: Ընդունող հանձնաժողովի իրավասությունն է ամփոփել քննությունների արդյունքները, իսկ Ընդունող հանձնաժողովի պատասխանատու քարտուղարը Քննական հանձնաժողովի կողմից նշանակված գնահատականները ներկայացնում է համակարգչային օպերատորին, ով այն մուտքագրում է համակարգչի մեջ, որից հետո համակարգիչն համապատասխան ծրագրի միջոցով, ըստ քննությունների արդյունքների, դիմորդներին դասավորում է ըստ հերթականության` բարձրից ցածր: Ակադեմիայում գործել է նաև Բողոքարկման հանձնաժողով, որը բաղկացած է եղել մեկ անդամից, սակայն բողոքարկման ժամանակ ներկա է գտնվում նաև Քննական հանձնաժողովի նախագահը: Բողոքարկման դեպքում դիմորդն իրավունք ունի հրավիրել մասնագետ, ում Քննական հանձնաժողովի նախագահը պարտավոր է բացատրություն տալ նշանակված գնահատականի վերաբերյալ: Բողոքարկման դիմումները տրվում են Ընդունող հանձնաժողովի պատասխանատու քարտուղարին, ով դրանք ներկայացնում է Ընդունող հանձնաժողովի նախագահին: 2012 թվականի հուլիսի 4-ին կամ 5-ին Երևան քաղաքի Իսահակյան փողոցի թիվ 36 հասցեում գտնվող վարչական շենքի միջանցքում ինքը հանդիպել է Ակադեմիայի կերպարվեստի ֆակուլտետի դեկան Խաչիկ Ազիզյանին, ով ասել է, որ նրա բարեկամի երեխան` Էդուարդ Բարբարյանը քննություն է հանձնում դիզայնի բաժնում, և հարցրել, թե կարող են տեղեկանալ ինչպես է նա քննական առաջադրանքը կատարում: Դիզայնի բաժնում ընդունելության քննություններն անցկացվել են Երևան քաղաքի Ջրաշատ փողոցի թիվ 1 հասցեում գտնվող վարչական շենքում, որի պատճառով ինքը Հայկին խնդրել է պարզել, ինչպես Ակադեմիայի աշխատակիցներ Լուսինե Բեջանյանի դստեր, Բաբկեն Գրիգորյանի թոռնուհու, այնպես էլ Էդուարդի կողմից քննական աշխատանքների ընթացքի մասին: Հայկը զանգահարել է Ավետիք Ավետիսյանին, ով եղել է վերը նշված մասնաշենքում կազմակերպված ընդունելության քննությունների պատասխանատուն, և նրանից պարզել, թե ինչպես են նրանք նկարում, որից հետո իրեն ասել է, որ նրանք վատ չեն նկարում, սակայն առավել շնորհալի է Էդուարդը: Վերը նշված անձինք ընդունվել են Ակադեմիայի համապատասխան ֆակուլտետի վճարովի բաժինը և նրանցից ոչ մեկը քննությունների արդյունքները չեն բողոքարկել: 2012 թվականի հուլիսի 18-ին կամ 19-ին Խաչիկը գնացել է իր աշխատասենյակ և ասել, որ Էդուարդը և նրա ծնողները շատ դժգոհ են նշանակված գնահատականներից, երեխան նյարդային է, լարված, պատռել է բոլոր աշխատանքները և ասել, որ այլևս Ակադեմիա չի գնա: Այդ ժամանակ ինքը Խաչիկին հարցրել է, որ եթե նրանք դժգոհ են նշանակված գնահատականներից, ապա ինչու չեն բողոքարկել, իսկ Խաչիկը պատասխանել է, որ դրա մեղավորը նա է, քանի որ նա չի թույլ տվել, որպեսզի նրանք բողոքարկեն: Խաչիկն իրեն խնդրել է, որպեսզի հնարավորության դեպքում Էդուարդի համար անվճար լրացուցիչ տեղ ապահովել, իսկ ինքն ասել է, որ դա հնարավոր չէ: Դրանից հետո ինքը Խաչիկին չի տեսել: 2012 թվականի հունիսի 26-ի առավոտյան Խաչիկը զանգահարել է իրեն և ասել, որ նա գնում է ՀՀ ոստիկանության ԿՀԴՊ գլխավոր վարչություն: Նույն օրը` ժամը 17:00-ի սահմաններում, ՀՀ ոստիկանության ԿՀԴՊ գլխավոր վարչության աշխատակիցները գնացել են իր տուն և իրեն նույնպես հրավիրել ոստիկանություն: Ոստիկանությունում մի քանի ժամ տարբեր թեմաներից իր հետ խոսելուց հետո, իրեն ասել են, որ Խաչիկը ցուցմունք է տվել, թե իբր նա մեծ գումար է տվել իրեն` Էդուարդին Ակադեմիա ընդունելու համար, իսկ ինքը պատասխանել է, որ այդպիսի բան չի եղել: Այնուհետև` ինքը ցուցմունք է տվել, որից հետո իր և Խաչիկի միջև կատարվել է առերես հարցաքննություն, իսկ 2012 թվականի հունիսի 27-ին` ժամը 04:00-ին, իրեն թույլատրել են տուն գնալ: Իր կարծիքով Խաչիկն իր դեմ մեղադրող ցուցմունքներ է տալիս այդ դրությունից փրկվելու պատճառով: Էդուարդին ոչ ոք չի օգնել և բոլոր դիմորդները ստացել են կատարած աշխատանքներին համապատասխան գնահատականներ: Եթե իրեն գումար տային կամ ցանկություն լիներ որևէ դիմորդի օգնել, ապա ինքն առաջին հերթին կդիմեր իր եղբորը, ինչպես նաև Քննական հանձնաժողովի մյուս անդամներին, ովքեր գնահատում են քննական աշխատանքները, այլ ոչ թե Հայկին: Իր աշխատասենյակում իր և Խաչիկի միջև, Հայկի ներկայությամբ, գումար վերադարձնելու մասին որևէ խոսակցություն չի եղել, դա սուտ է:
Ամբաստանյալ Սվետլանա Գևորգյանը դատական քննության ընթացքում լրացուցիչ ցուցմունք տվեց այն մասին, որ 2012 թվականի հուլիսի 18-ին կամ 19-ին, երբ ինքն ու Խաչիկն իր աշխատասենյակում զրուցել են Էդուարդի վերաբերյալ, իր աշխատասենյակ է եկել Հայկը: Այդ ժամանակ Խաչիկն ասել է, որ նրա բարեկամը նրան բավականին օգնել է և նա պարտքի զգացում ունի և այդ երեխային` Էդուարդին օգնելու փոխարեն թյուրիմացության մեջ է գցել: Ինքը Խաչիկին ասել է, որ պարտքը վերադարձնելը լավ բան է, սակայն ինքը նրան օգնել չի կարող, իսկ Հայկն այդ ժամանակ իրենց խոսակցությունը չէր կարող լսել, քանի որ նա ողջ ընթացքում խոսել է հեռախոսով, իսկ ավարտելուց անմիջապես հետո ասել է. «կներեք, պարտքը տալը լավ բան է» ու դուրս է գնացել:
Ամբաստանյալ Հայկ Փայասլյանը դատական քննության ընթացքում առաջադրված մեղադրանքում իրեն մեղավոր չճանաչեց և ցուցմունք տվեց այն մասին, որ աշխատել է Ակադեմիայի համակարգչային գրաֆիկա, դեկորատիվ կիրառական արվեստի ամբիոնի վարիչ: Որպես նշված ամբիոնի վարիչ իր լիազորությունները, իրավունքներն ու պարտականությունները որևէ առնչություն չունեն Ակադեմիայի ընդունելության քննությունների և իրեն առաջադրված մեղադրանքի հետ: Ակադեմիայի 2012-2013 թվականների ուսումնական տարվա ընդունելության քննությունների Ընդունող հանձնաժողովի պատասխանատու քարտուղարը եղել է ինքը: Գործող օրենսդրության համաձայն` Ընդունող հանձնաժողովի պատասխանատու քարտուղարը ստուգում է զորակոչային տարիք ունեցող արական սեռի դիմորդների զինվորական հաշվառման փաստաթղթային նշումները, տարկետման իրավունքի կամ չզորակոչվելու պատճառի վերաբերյալ ժամկետային զինվորական ծառայության ավարտի մասին տեղեկանքը և թույլատրում ընդունել փաստաթղթերը, ստուգում է ընդունելության դիմում հայտը, այն հաստատում ստորագրությամբ, տալիս է ստացական փաստաթղթեր ընդունվելու մասին, դիմորդը հանձնելով ընդունելության դիմում հայտը և փաստաթղթերը` ստորագրում է գրանցման մատյանում, դիմորդին հայտնում է քննական թերթիկ ստանալու օրը, ընդունելության դիմում հայտերը, դրանց գրանցման հաջորդ օրը հաստատվում է թեստավորման կենտրոնում, գրանցման մատյանում նշվում է հանձման ժամկետը, ընդունելության դիմում հայտերի, մեդալակիրների, միջազգային մրցույթներին հաղթողների և բանակից զորացրվածների թիվը: Ընդունելության դիմում հայտը ետ վերցնելու կամ դրանում փոփոխություն կատարելու համար դիմորդը դիմում է ընդունող հանձնաժողովի պատասխանատու քարտուղարին, պատասխանատու քարտուղարը ներկայացնում է ԲՈւՀ ընդունող հանձնաժողովին ու թույլտվություն տալիս վավերացնելու նոր դիմում-հայտ ԲՈւՀ-ի կնիքով: Ընդունելության դիմում-հայտերի ընդունման ժամկետի ավարտից հետո ընդունող հանձնաժողովի պատասխանատու քարտուղարը թեստավորման կենտրոնին ներկայացնում է ընդունելության դիմում-հայտերի թիվը, քննությունների թիվը, քննությունների համար վճարված ընդհանուր գումարը, քննությունների վարձից ազատված դիմորդների թիվը: Ընդունող հանձնաժողովի պատասխանատու քարտուղարը դիմորդների արտոնությունները հաստատող փաստաթղթերի կրկնօրինակները մինչև տվյալ տարվա հուլիսի 10-ը հանձնում է գնահատման և թեստավորման կենտրոնին: Դիմորդը քննական թերթիկը կորցնելու մասին դիմում է ներկայացնում ընդունող հանձնաժողովի պատասխանատու քարտուղարին, ով դրա մասին անմիջապես զեկուցում է ընդունող հանձնաժողովի նախագահին: Ընդունող հանձնաժողովի պատասխանատու քարտուղարը գնահատման և թեստավորման կենտրոնից ստանում և 24 ժամվա ընթացքում դիմորդին է տալիս նոր քննական թերթիկ: Բողոքարկման համար դիմորդը դիմում է ներկայացնում պատասխանատու քարտուղարին, դիմումների ընդունման ժամկետի ավարտից հետո պատասխանատու քարտուղարը դիմումները հանձնում է քննական հանձնաժողովի նախագահին, պատասխանատու քարտուղարը հուլիսի 21-ին գնահատման և թեստավորման կենտրոնին է ներկայացնում թափուր տեղերի մրցույթի դիմումների հայտերը: Ակնհայտ է, որ ընդունող հանձնաժողովի պատասխանատու քարտուղարը օժտված է բացառապես տեխնիկական, կազմակերպական լիազորություններով, որոնց միջոցով ապահովում է քննությունների ընթացքի տեխնիկական կողմը, ակնհայտ է նաև, որ պատասխանատու քարտուղարը որևէ առնչություն չունի բուն քննական պրոցեսի, մասնավորապես դիմորդների կողմից համապատասխան առաջադրանքները կատարելու, նրանց աշխատանքների գնահատման հետ: Պատասխանատու քարտուղարը օժտված չէ որևէ լիազորությամբ, որի օգտագործմամբ նույնիսկ տեսականորեն հնարավորություն ունենա որևէ կերպ նպաստելու դիմորդի կողմից քննության ժամանակ կատարած աշխատանքի դիմաց նշանակվող գնահատականների բարձրացման կամ իջեցման վրա: Հետևաբար` Էդուարդ Բարբարյանի պարագայում ինքը ևս հանդիսանալով Ընդունող հանձնաժողովի պատասխանատու քարտուղար անգամ ենթադրյալ մեծագույն ցանկության պարագայում որևէ կերպ չէր կարող ազդեցություն ունենալ դիմորդի քննությունների արդյունքների վրա: Ինքը համոզված է, որ իրեն առաջադրված մեղադրանքն իր հետ որևէ առնչություն չունի: 2012 թվականի հուլիսի 26-ին` ժամը 08:30-ի սահմաններում, ՀՀ ոստիկանության ԿՀԴՊ գլխավոր վարչության աշխատակիցներն իրեն տարել են ոստիկանություն, որտեղ ողջ ընթացքում ինքը գտնվել է անազատության մեջ, իսկ հաջորդ օրը կազմվել է իրեն ձերբակալելու մասին արձանագրություն: Ինքը պնդում է նախնական քննության ընթացքում 2012 թվականի հոկտեմբերի 10-ին և 2012 թվականի հոկտեմբերի 15-ին իր տված ցուցմունքները:
Ամբաստանյալ Հայկ Փայասլյանը նախնական քննության ընթացքում` 2012 թվականի հուլիսի 26-ին, որպես կասկածյալ ցուցմունք է տվել այն մասին, որ աշխատում է Ակադեմիայում` որպես ամբիոնի վարիչ: 2012-2013 թվականների ուսումնական տարվա ընդունելության քննությունների Ընդունող հանձնաժողովի պատասխանատու քարտուղարը եղել է ինքը: Ինքը Էդուարդ Բարբարյանին և նրա ծնողներին չի ճանաչում, նրանց հետ անձամբ կամ որևէ միջնորդի միջոցով երբևէ առնչություն չի ունեցել, առավել ևս Էդուարդ Բարբարյանին Ակադեմիա ընդունելու հարցում որևէ միջամտություն չի ունեցել և որևէ գումար չի ստացել: Ինքը տեղյակ չէ, թե ինչ 3.500 ԱՄՆ դոլարի մասին է Խաչիկ Ազիզյանը հայտնել: Ինքը որևէ դիմորդից կամ ծնողներից գումար չի վերցրել և չի պահանջել, որևէ դիմորդի օգտին գործողություն չի կատարել: Մոտ 10 օր առաջ Սվետլանա Գևորգյանի աշխատասենյակում նրա և Խաչիկի միջև ինչ-որ դիմորդի հետ կապված խոսակցություն է եղել, որի մանրամասներն ինքը չի հիշում, միայն կարող է ասել, որ դրա նախորդ օրն իր հետ ունեցած հեռախոսազրույցի ժամանակ Ավետիք Ավետիսյանը նույնպես ասել է, որ Խաչիկը ինչ-որ դիմորդի հետ կապված խնդիրներ ունի, սակայն, բացի նշվածից իրեն Ավետիքն այլ բան չի հայտնել և ինքն ընդհանրապես տեղյակ չէ: Ինչ վերաբերում է Խաչիկի հետ նշված օրը, այսինքն` մոտ 10 օր առաջ Սվետլանայի աշխատասենյակում եղած խոսակցությունից հետո Երևան քաղաքի Զաքիյան փողոց գնալու և դրանից հետո իր կողմից նրան տուն ուղեկցելուն, ապա նման բան եղել է, սակայն ինքը նրան որևէ գումար, մասնավորապես 1.500 ԱՄՆ դոլար չի տվել, իրենց միջև որևէ գումարի կամ դիմորդի վերաբերյալ խոսակցություն չի եղել: Սվետլանայի հետ նույնպես ինքը որևէ գումարի վերաբերյալ չի խոսել, նա իրեն որևէ դիմորդից կամ ծնողներից գումար վերցնելու կամ վերադարձնելու մասին ոչինչ չի ասել: Ինքը Խաչիկի հետ գտնվում է նորմալ աշխատանքային հարաբերությունների մեջ, իրենց միջև թշնամանք կամ բարեկամություն չկա և իր համար անհասկանալի է, թե ինչու է Խաչիկը նման տեղեկություն հայտնել, որը չի համապատասխանում իրականությանը:
Ամբաստանյալ Հայկ Փայասլյանը նախնական քննության ընթացքում` 2012 թվականի օգոստոսի 6-ին որպես մեղադրյալ ցուցմունք է տվել այն մասին, որ 091-40-74-75 հեռախոսահամարն իրեն է և այն օգտագործում է միայն ինքը: 094-51-60-52 հեռախոսահամարը պատկանել է Ավետիք Ավետիսյանին, ով աշխատում է Ակադեմիայում` որպես դեկան:
Ամբաստանյալ Հայկ Փայասլյանը նախնական քննության ընթացքում` 2012 թվականի հոկտեմբերի 10-ին, որպես մեղադրյալ լրացուցիչ ցուցմունք է տվել այն մասին, որ քննությունների ընթացքում, չի հիշում երկրորդ, թե երրորդ օրը, Սվետլանան իրեն խնդրել է, որպեսզի ինքը Ավետիքից իմանա, թե դիմորդ Էդուարդ Բարբարյանը դիզայնից ինչպես է նկարում: Ինքը զանգահարել է Ավետիքին և հաղորդել Սվետլանայի խնդրանքը: Որոշ ժամանակ հետո Ավետիքն ասել է, որ կողքից նայել է և տեսել, որ դիմորդը պատրաստված է և լավ է աշխատել: Ինքն այդ նույնը հաղորդել է Սվետլանային, ով ասել է, որ Խաչիկն է խնդրել իմանալ նրա վիճակի մասին, քանի որ Էդուարդը նրա բարեկամն է: Այնուհետև, երբ ինքը ընդունել է բողոքները, Սվետլանան զանգահարել է իրեն և հարցրել, թե այդ դիմորդը բողոքարկել է, թե ոչ, իսկ ինքը պատասխանել է, որ ընդամենը երկու բողոք կա, իսկ այդ դիմորդը չի բողոքարկել: Հաջորդ անգամ ինքն այդ դիմորդի մասին լսել է այն օրը, երբ իրեն զանգահարել է Ավետիքը և ասել, որ դիմորդի հարազատները զայրացած են Խաչիկի վրա: Պարզվել է, որ Խաչիկը գումար է վերցրել և խոստացել է ընդունել Ակադեմիա: Սկզբում ինքը չի հիշել այդ դիմորդին, իսկ հետո, երբ հիշել է, Ավետիքին հիշեցրել է, որ այդ դիմորդի համար երկու անգամ Սվետլանան է խնդրել իմանալ նրա մասնագիտական մակարդակի, պատրաստվածության վիճակի մասին: Այդ ժամանակ Ավետիքն ասել է, որ հարազատները ուզում են գնալ ռեկտորի մոտ: Քանի որ ինքն իմացել է, որ ռեկտորը քաղաքում չի եղել, ասել է, որ թող չգնան: Բացի այդ, ինքն է ցանկացել այդ մասին տեղյակ պահել ռեկտորին, քանի որ ռեկտորն իրեն խիստ զգուշացրել է ամեն ինչի մասին տեղյակ պահել նրան: Ռեկտորը վերադառնալու էր 2012 թվականի հուլիսի 25-ին: Ավետիքի զանգահարելու հաջորդ օրը Խաչիկը մոտեցել է իրեն և հարցրել արդյոք հնարավոր է լրացուցիչ անվճար տեղեր բերել իր բարեկամին օգնելու համար, իսկ ինքը պատասխանել է, որ անվճար տեղեր իրենց չեն հատկացրել: Այդ օրը մի քանի անգամ Խաչիկը մոտեցել է իրեն և Սվետլանային ու խնդրել է մի բան անել, որպեսզի այդ դիմորդն անցնի անվճար, նա նույնիսկ խոստովանել է, որ գումար է վերցրել, քանի որ գումարային մեծ խնդիրներ ունի: Քանի որ ռեկտորը քաղաքում չի եղել, ինքը խորհուրդ է տվել, որ եթե գումար է վերցրել, ապա թող վերադարձնի: Ինքը սպասել է ռեկտորին, որ այդ մասին տեղյակ պահի նրան, որից հետո ռեկտորը կկայացներ համապատասխան որոշում, քանի որ դա լուրջ խնդիր` «թեմա» է Ակադեմիայի համար, որովհետև ինքը չի ցանկացել աղմուկ լինի մինչև ռեկտորի վերադառնալը: Նույն օրն աշխատանքն ավարտելուց հետո ինքը ցանկացել է գնալ Աբովյան քաղաք: Այդ ժամանակ Խաչիկն իրեն հարցրել է, թե ուր է ինքը գնում, իսկ ինքը պատասխանել է ցանկանում է գնալ տուն, որից հետո Աբովյան քաղաք: Խաչիկն իր հետ գնացել է իր տան բակ, որտեղ նա մնացել է մեքենայի մեջ, իսկ ինքը բարձրացել է տուն, հիգիենայի հետ կապված որոշ գործողություներ կատարել, դուրս եկել տանից, Խաչիկին տարել նրա ուզած տեղը և գնացել Աբովյան քաղաք: Այժմ հասկանում է, թե ինչպես է Խաչիկը այդ օրվա միջադեպը հիշում և ասում, որ ինքը տանից գումար է տվել նրան: 2012 թվականի հուլիսի 25-ին` ժամը 16:00-ի սահմաններում, ռեկտորը զանգահարել է իրեն, և իրենք պայմանավորվել են հաջորդ օրը` ժամը 11:00-ին, հանդիպել Ակադեմիայում, քանի որ ինքը պատմելու էր Խաչիկի դեպքը և այլ տեղեկություններ: Նույն օրը` երեկոյան, զանգահարել է Խաչիկը և ասել է, որ ուզում է իրեն տեսնել և խորհրդակցել: Ինքը հարցրել է, թե հնարավոր չէ արդյոք հեռախոսով հայտնել, իսկ նա ասել է, որ ցանկանում է իրեն տեսնել: Նա արդեն իմացել էր, որ ռեկտորը եկել է, և ինքն այդ մասին պատմելու է ռեկտորին, խնդրել է, որ ինքը չասի, սակայն ինքն ասել է, որ դա չի լինի: Ինքն ու Խաչիկը հանդիպել են իրենց շենքի դիմացի փողոցում, և նա իրեն ասել է, որ այդ դիմորդի ծնողները մնացած գումարն են ուզում: Ինքը նորից կրկնել է, որ գումարը նա վերադարձնի: Եթե ինքը որևէ գումարային հարցերում խառնված լիներ, ապա երբեք որևէ մեկի հետ, այդ թվում նաև Խաչիկի կամ Սվետլանայի հետ բացահայտ այդ հարցով հեռախոսով չէր խոսի: Ինքն այնքան մաքուր և վստահ է եղել, որ իր մտքով անգամ չի էլ անցել, որ այդ խոսակցությունները կարող են մեկնաբանվել ի վնաս իրեն: Իրենք խոսել են Խաչիկի արածների մասին և նույնիսկ ասվել է, թե հիմա թող տեսնեն, թե իրենք, որքան մաքուր են: Խաչիկը, լինելով հանձնաժողովի անդամ, կարող էր անմիջականորեն խնդրել առարկայական հանձնաժողովի անդամներին, որը չի արել: Նա ասելով, որ նրա բարեկամն է, իրենց կողմից հետաքրքրվելով այդ դիմորդի մասին և իմանալով, որ լավ է կատարում քննական աշխատանքները, հանգստացել է, իսկ վերջում կանգնելով փաստի առջև, որոշել է իրենց վրա բարդել նրա արածը: Ինչ վերաբերում է ցուցակներին, ապա Ակադեմիայի 1-ին մասնաշենքի դիմորդների ցուցակը հսկվում է ռեկտորի կողմից, որի պատճառով այն անվանվում է ռեկտորի ցուցակ, իսկ 2-րդ մասնաշենքինը` Սվետլանայի և Ավետիքի կողմից, որի պատճառով այն անվանվում է Սվետլանայի ցուցակ: Սվետլանայի ցուցակի դիմորդներից են եղել Ակադեմիայի աշխատակիցներ Բաբկեն Գրիգորյանի թոռը, Լուսինեի աղջիկը և Խաչիկի բարեկամը: Ակադեմիայի աշխատակիցների հարազատների և բարեկամների նկատմամբ եղել է բարյացակամ մոտեցում: Խաչիկի կողմից դիմորդի ծնողներից գումար վերցնելու մասին ինքը տեղեկացել է Ավետիքի զանգից հետո, իսկ այդ ժամանակ քննություններն ավարտված են եղել: Ինչ վերաբերում է այն հանգամանքին, որ Խաչիկը ցուցմունք է տվել այն մասին, թե իբր Սվետլանան իրեն ասել է, որ ինքն այդ գումարը տա Խաչիկին, ապա դա զրպարտանք է, քանի որ ոչ Սվետլանան և ոչ էլ Խաչիկը իրեն գումար չեն տվել: Իսկ ինչ վերաբերում է այն խոսքին, որ ինքն ասում է. «Բոլորս էլ կանք այդ թեմայում», դա իր խոսակցականն է և ինքը «թեմա» բառի տակ ի նկատի ունի այն հարցը, որն առաջանում է անկախ քննություններից: Դա իր գործածական բառն է, որն իմաստավորված է, որպես «խնդիր», «հարց» և լավ, և վատ իմաստներով: Քննության ժամանակ յուրաքանչյուր աղմկոտ հարց, դա թեմա է Ակադեմիայի համար: Հեռախոսային խոսակցության ժամանակ, երբ ինքը Խաչիկին հարցնում է գումարը վերադարձրել է, թե ոչ, քանի որ ինքն ասել է, թե ճիշտը գումարը ետ վերադարձնելն է, իսկ Սվետլանան այդ կարծիքին չէր: Գումար ետ վերադարձնելն իր դիրքորոշումն է եղել, որպեսզի ժամանակ շահեր մինչ ռեկտորը վերադառնար գործուղումից և համապատասխան միջոցառումներ ձեռք առներ:
Ամբաստանյալ Հայկ Փայասլյանը նախնական քննության ընթացքում` 2012 թվականի հոկտեմբերի 15-ին, որպես մեղադրյալ լրացուցիչ ցուցմունք է տվել այն մասին, որ ինքը լսել է քննիչի կողմից ներկայացված ձայնագրությունները, մասնավորապես` «5-666-12_18-27-47_18.07.2012_37491407475_out_093871161» ֆայլի ձայնագրությունը, որի կապակցությամբ կարող է հայտնել, որ դրանում իրոք ինքն ու Խաչիկ Ազիզյանն են խոսում, իսկ ինչ վերաբերվում է խոսակցության բովանդակության մանրամասնելուն, ապա ինքն անհանգստացած չի եղել և հնարավոր է, որ ինքը զանգահարած լինի կամ նա զանգահարած լինի: Խաչիկը պատմում է նրա գործողությունների մասին կապված դիմորդի ծնողների հետ, որի մասին ինքը նշել է իր նախկին ցուցմունքում: Այդ օրերի ընթացքում Խաչիկն իր հետ հաճախ է շփվել և խոսակցությունից երևում է, որ նա է խառնված և ցանկանում է արդարանալ, որովհետև նա իրենց այդ դիմորդին ներկայացրել է որպես բարեկամ, իսկ իրականում գումար է վերցրել, որի պատճառով խայտառակվել է: Ինքը լսել է նաև «5-666-12_20-21-13_17.07.2012_91407475_in_094516052.wav» ֆայլի ձայնագրությունը, որի կապակցությամբ կարող է հայտնել, որ դրանում իրոք ինքն է խոսում, իսկ ինչ վերաբերվում է խոսակցության բովանդակության մանրամասնելուն, ապա երբ Ավետիք Ավետիսյանն իրեն հարցնում է Էդուարդ Բարբարյանի մասին, ինքն իրոք չի հիշում, իսկ հետո հիշել է, որ նա Սվետլանա Գևորգյանի ցանկում է եղել: Ինչ վերաբերում է այն հանգամանքին, որ ինքն ասում է, որ գումարը տվել է Սվետլանային, ապա հնարավոր է, որ ինքը պահի տակ ենթադրություն է արել, համենայնդեպս իր ենթադրությունը կամ ասածը վկայում է այն մասին, որ ինքը որևէ բանից տեղյակ չէ և որևէ գումարային հարցերի մեջ խառնված չի եղել: Իսկ ինչ վերաբերում է Ավետիքի հարցին, թե իրենք կապ չունեն, իսկ ինքը պատասխանում է, որ իրենք կապ ունեն, ապա ինչպես ինքը նշել է նախկին ցուցմունքում, խոսքը եղել է Սվետլանայի ցուցակի մասին: Ինքը լսել է նաև «5-666-12_20-45-03_17.07.2012_ 94516052_in_091407475.wav» ֆայլի ձայնագրությունը, որում երբ Ավետիքը ասում է, որ ծնողները պատրաստվում են մտնել ռեկտորի մոտ, իսկ ինքն ասում է, որ թեմա է բացվում, ապա դա ասելով ինքը նկատի է ունեցել այն, որ ռեկտորի հանձնարությամբ յուրաքանչյուրի խնդրի մասին ինքը պետք է նրան անձամբ տեղյակ պահեր, իսկ այդ ժամանակ նա քաղաքում չի եղել, և ինքը սպասել է մինչև նրա վերադարձը, որպեսզի այդ մասին նրան անձամբ հայտնի, ինչը չի նշանակում, որ ինքն Ավետիքին հորդորել է այն թաքցնել ռեկտորից: Ինքը լսել է նաև «5-666-12_20-51-44_17.07.2012_94516052_ out_091407475.wav» ֆայլի ձայնագրությունը, որի կապակցությամբ հայտնում է, որ երբ ինքն ասում է, որ «դա հաստատ կար, այն երեքից մեկը դա էր», ապա դա ասելով ինքը կրկին նկատի է ունեցել Սվետլանայի ասածները` իրենց կոլեգաների երեխաների վերաբերյալ: Ինքը կրկին նշում է, որ Սվետլանայի խնդրանքով Ավետիքը նայել է այդ դիմորդի աշխատանքները և նրա մակարդակի մասին կարծիք հայտնել, որ պատրաստված դիմորդ է: Բնական է, որ ինքը լսելով, որ դիմորդի ծնողները գումար են տվել Խաչիկին ասում է, որ դա արդեն թեմա է բացվում և ի տարբերություն Ավետիքի, ինքն ավելի լուրջ է դա ընդունել և մտածել, որ դա խնդիր է Ակադեմիայի և իրենց համար: Ինքն անհանգստացել է այն հանգամանքի կապակցությամբ, որ իրենց անուններն էլ կարող է շոշափվել որպես հանձնաժողովի անդամներ և դրա համար ինքն է ցանկացել անձամբ այդ մասին ասել ռեկտորին: Ինքը չի կարող ասել, թե «5-666-12_20-45-03_17.07.2012_94516052_in_091407475.wav» ֆայլի ձայնագրության մեջ Ավետիքը ասելով, որ «եթե նրանք անազնիվ են, ապա իրենք հարյուրապատիկ անազնիվ են», որտեղ խոսքը վերաբերել է ոչ թե Խաչիկին, այլ Սվետլանային, ապա ինչ է նա նկատի ունեցել: Իրենց խոսակցությունից երևում է, որ խոսքը հենց իրենց ազնվության մասին է, միգուցե իր ցուցմունքում ինքը բառացիորեն չի կարողացել Ավետիքի ասածները նշել, սակայն ընդհանուր իմաստով այն նույնն է: Ինքը Խաչիկին ճանաչում է մոտ քսան տարի և նրա հետ որևէ թշնամական հարաբերություններ չի ունեցել, այլ եղել է նորմալ աշխատանքային հարաբերություններ և այդ քսան տարիների ընթացքում որևէ հարցով չի դիմել: Նա այս դեպքում դիմել է իր օգնությանը իր կարծիքով այն պատճառով, քանի որ ինքը պետք է տեղյակ պահեր ռեկտորին: Ինչպես ինքը նշել է նախորդ ցուցմունքում, Խաչիկը զանգահարել է իրեն և ասել, որ ցանկանում է հանդիպել և ինքն այդ պատճառով մի քանի անգամ զանգահարել է, որպեսզի պարզի, թե ինչ է եղել, քանի որ ինքն էլ պետք է դուրս գնար տանից և ցանկացել է պարզել, թե նա գալիս է, թե ոչ, ինչպես նաև հեռախոսով հարցրել է, թե արդյոք հնարավոր չէ հեռախոսով հարցնել: Եղել են դեպքեր, որ ինքը կարճ ժամանակով մտել և դուրս է եկել քննասենյակներ, որտեղ գնահատվել են աշխատանքները, սակայն ինքը որևէ միջամտություն չի կատարել: Ինչ վերաբերում է իր` ներս մտնելու իրավունքին, ապա ինքը կարող էր մտնել և դուրս գար: Ինչ վերաբերում է իր կողմից մատիտով գրառումներ կատարելուն, ապա իր տված ցուցակներում գնահատականները նշանակել են հանձնաժողովի անդամները մատիտով կամ գրիչով և տարել են ընդունող հանձնաժողովի սենյակ, որտեղ այդ արդյունքները թելադրվել է Շուշանիկ Կարապետյանին, որպեսզի անցկացվի տեղեկագրերում, որից հետո հանձնաժողովի անդամները և նախագահը ստորագրել են տեղեկագրերը, որոնք էլ ինքը պատճենահանել է և հաջորդ օրը փակցրել ցուցափեղկերին:
Ամբաստանյալ Հայկ Փայասլյանը նախնական քննության ընթացքում` 2012 թվականի հոկտեմբերի 31-ին, որպես մեղադրյալ ցուցմունք է տվել այն մասին, որ ինքը կաշառք չի ստացել: Խաչիկ Ազիզյանն իրեն որևէ բանի մասին չի խնդրել, դրա դիմաց գումար չի տվել և ինքը նրան գումար չի վերադարձրել: Նույնը վերաբերում է նաև Սվետլանա Գևորգյանին, նա էլ իրեն գումար չի տվել և իրեն չի ասել, որպեսզի ինքը Խաչիկին գումար տա: Այդ ամենը սուտ է, Սվետլանան իրեն ընդամենը խնդրել է հետաքրքրվել դիմորդի կողմից կատարվող աշխատանքների վերաբերյալ` ասելով, որ նա Խաչիկի ծանոթն է, բարեկամը:
Ամբաստանյալ Խաչիկ Ազիզյանը դատական քննության ընթացքում առաջադրված մեղադրանքում իրեն մեղավոր ճանաչեց և ցուցմունք տվեց այն մասին, որ աշխատել է Ակադեմիայի կերպարվեստի ֆակուլտետի դեկան: Ակադեմիայի 2012-2013 թվականների ուսումնական տարվա ընդունելության քննությունների ժամանակ ինքը եղել է Ընդունող հանձնաժողովի անդամ, ինչպես նաև եղել է գունանկարչություն և գրաֆիկա բաժինների քննական հանձնաժողովի անդամ: 2011 թվականի դեկտեմբերին կամ 2012 թվականի հունվարին Գասպար Մելքոնյանն իրեն ասել է, որ նրա ընկերոջ երեխան` Էդուարդ Բարբարյանը ցանկանում է ընդունվել Ակադեմիա, որի կապակցությամբ նրանք ցանկանում են Էդուարդի նկարած նկարները ցույց տան իրեն: Նրանք ցույց են տվել Էդուարդի նկարները, որոնք ինքը նայելուց հետո ասել է, որ նա շնորհալի երեխա է, սակայն դեռ թույլ է և պետք է պարապի: Ինքը նրանց խորհուրդ է տվել, որպեսզի Էդուարդը պարապի Կարեն Գասպարյանի և Արթուր Թարմինյանի մոտ: Այնուհետև` 2012 թվականի ապրիլին, Էդուարդի ծնողները` Արայիկը և Արմինեն, գնացել են իր մոտ և ասել, որ Ակադեմիա ընդունվելու համար կարող են 3.500 ԱՄՆ դոլար տալ, իսկ ինքն ասել է, որ մեկ օր հետո կզանգահարի և կասի կարող է նման բան լինել, թե ոչ: Դրանից 1-2 օր հետո ինքը գնացել է Սվետլանա Գևորգյանի մոտ և ասել, որ դիզայնի բաժին ընդունվելու համար Էդուարդի ծնողներն առաջարկում են 3.500 ԱՄՆ դոլար տալ, որին Սվետլանան համաձայնել է: 2012 թվականի մայիսին կամ հունիսին ինքը նրանց տեղեկացրել է, որ նշված գումարը բերեն: Այնուհետև Արմինեն եկել է իր աշխատասենյակ, պայուսակից հանել գումարը և տվել իրեն: Նրա գնալուց հետո ինքը գնացել է Սվետլանայի աշխատասենյակ և վերցրած գումարը տվել նրան, իսկ նա ասել է, որ այդ գումարից 1.000 ԱՄՆ դոլարը վերցնի իրեն: Ինքը Սվետլանային ասել է նաև Էդուարդի անունը, ազգանունը և այն բաժնի անվանումը, որտեղ պետք է նա ընդունվեր: Ինքը Հայկ Փայասլյանին գումար չի տվել, և Էդուարդի մասին նրան տեղյակ չի պահել: Այնուհետև Էդուարդն ընդունվել է վճարովի բաժին, որի կապակցությամբ Էդուարդն ու նրա ծնողները դժգոհել են, իսկ ինքը նրանց ասել է, որ ինքը նրանց խոստացել է, որպեսզի նա ընդունվի Ակադեմիա, վճարովի կամ անվճար լինելու մասին ինքը խոսք չի տվել: Սվետլանա Գևորգյանն օգնել է, որպեսզի Էդուարդն ընդունվի Ակադեմիա, սակայն ինքը նրան չի հարցրել, թե ինչպես է նա օգնել: Այնուհետև Արայիկը զանգահարել կամ հանդիպել է իրեն և ասել, որ տված գումարից 2.500 ԱՄՆ դոլարը պետք է վերադարձնեն: Այդ ժամանակ ինքը նրան հարցրել է, թե մնացած 1.000 ԱՄՆ դոլարն էլ ինչու չեն ուզում, իսկ նա պատասխանել է, որ 1.000 ԱՄՆ դոլարը ետ չեն պահանջում, քանի որ Էդուարդն ընդունվել է Ակադեմիա: Դրանից հետո ինքը գնացել է Սվետլանայի աշխատասենյակ և ասել, որ Էդուարդի ծնողները տված գումարից 2.500 ԱՄՆ դոլարը ետ են պահանջում: Այդ ժամանակ Սվետլանան կանչել է Հայկին, և որոշվել է գումարը ետ տալ, որպեսզի անախորժություններ չլինեն: Սվետլանան Հայկին առաջարկել է, որպեսզի 1.500 ԱՄՆ դոլարը նա տա, իսկ իրեն ասել է, որ իր մոտ եղած 1.000 ԱՄՆ դոլարն էլ ինքը տա: Այսինքն` Սվետլանան բառացի ասել է. «Հայկ 1.500 դոլարը դու տուր, Խաչիկ դու էլ քո մոտ եղած 1.000 դիր վրան և 2.500 տուր ծնողներին»: Դրանից հետո Ինքն ու Հայկը գնացել են նրա տուն, Հայկն իրեն տվել է 1.500 ԱՄՆ դոլար, որին ինքն ավելացրել է իր մոտ եղած 1.000 ԱՄՆ դոլարը և 2012 թվականի հուլիսի 20-ին այն տվել Արայիկին: Այնուհետև Հայկը զանգահարել է իրեն և հարցրել, թե ինքը գումարը տվել է, թե ոչ, իսկ ինքը պատասխանել է, որ այո: 2012 թվականի հուլիսի 25-ին Արայիկը կրկին զանգահարել է իրեն և ասել, որ մնացած 1.000 ԱՄՆ դոլարն էլ պետք է վերադարձնեն, իսկ ինքը նրան ասել է, որ հաջորդ օրը կպատասխանի: Այդ ժամանակ ինքը ցանկացել է հանդիպել Հայկի հետ և այդ մասին ասել նրան: Սակայն հաջորդ օրը` 2012 թվականի հուլիսի 26-ին` մինչև կեսօր, իրեն հրավիրել են ոստիկանություն: Այդ ժամանակ ինքը զանգահարել է Սվետլանային և ասել, որ իրեն կանչել են ոստիկանություն, այնուհետև` ինքը զանգահարել է իր ընկերոջը` Ժորա Հայրապետյանին, որպեսզի նա այդ մասին տեղյակ պահի իր ընկերներին: Ոստիկանությունում իրեն որևէ մեկը չի վախեցրել և չի ահաբեկել, ինքը եղել է լարված և շատ անհանգիստ, սակայն դա չի նշանակում, որ ինքը ստիպողաբար կեղծ ցուցմունք է գրել: Ոստիկանությունում իրեն մի քանի քննիչ են քննել, որը տևել է մի քանի ժամ: Ինքը սկզբում ասել է, որ այդպիսի բան չի եղել, սակայն հետո, երբ ցույց են տվել փաստերը` հեռախոսային լսումները և ծնողների բացատրությունները, ինքը մտածել է, որ լավ կլինի ճիշտը ասել: Սկզբում իրեն տարել են ՀՀ ոստիկանության ԿՀԴՊ գլխավոր վարչություն, որտեղ իր մոտից վերցրել են իր հեռախոսը և այն ետ վերադարձրել այնտեղից դուրս գալու ժամանակ` ժամը 24:00-ին: Այնուհետև իրեն ուղեկցել են քննչական վարչություն, իսկ ժամը 03:00-ի սահմաններում քննիչն իրեն ասել է, որ ինքն ազատ և կարող է գնալ տուն: Իրենց ֆակուլտետում ընդունվելու համար դիմողների գնահատականների նշանակմանը Հայկը որևէ դերակատարում չունի: Աշխատանքները գնահատելուց հետո քննական հանձնաժողովի անդամները մոտենում են Հայկին և նրան հայտնում յուրաքանչյուր դիմորդի թվանշանները, իսկ նա գրանցում է դրանք: Դիզայնի բաժնի քննական հանձնաժողովի նախագահը եղել է Գագիկ Գևորգյանը, ով Սվետլանայի եղբայրն է: Ընդունելության քննությունների ժամանակ, որպես ընդունող հանձնաժողովի պատասխանատու քարտուղար, Հայկը զբաղվել է ընդունելության քննությունների փաստաթղթային և տնտեսական աշխատանքներով, ապահովել է կապը նախարարության հետ, իսկ Սվետլանան իրականացրել է ընդհանուր ղեկավարումը:
Ամբաստանյալ Արայիկ Ֆահրադյանը դատական քննության ընթացքում` առաջադրված մեղադրանքում իրեն մեղավոր չճանաչեց, իսկ դատական վիճաբանությունների ժամանակ իրեն մեղավոր ճանաչեց և զղջաց կատարածի համար: Արայիկ Ֆահրադյանը դատական քննության ընթացքում ցուցմունք տվեց այն մասին, որ 2008 թվականին ամուսնացել է Արմինե Ենոքյանի հետ: Էդուարդ Բարբարյանը Արմինեի որդին է և ապրում է իրենց հետ: Էդուարդը ցանկացել է ընդունվել Ակադեմիա, որի կապակցությամբ ինքն իր տան անդամներին ասել է, որ Գասպար անունով ծանոթ ունի, ով նկարիչ է: Արմինեն ասել է, որ ինքը Գասպարին խնդրի, որպեսզի նա Էդուարդի նկարած նկարները նայի: Ինքը գնացել է Գասպարի մոտ և նրան ցույց տվել Էդուարդի նկարները, սակայն նա ասել, որ չի կարող ասել նա կընդունվի, թե ոչ, ինչպես նաև ասել է, որ Խաչիկ անունով ընկեր ունի, ով աշխատում է Ակադեմիայում` որպես դեկան: Իրենք Էդուարդի նկարած նկարները ցույց են տվել նաև Խաչիկ Ազիզյանին, ով ասել, որ նա պետք է պարապի, այլապես առնաց պարապելու չի կարող Ակադեմիա ընդունվել: Խաչիկը պայմանավորվել է Կարեն Գասպարյանի և Արթուր Թարմինյանի հետ, ովքեր Էդուարդի հետ պարապել են: Մոտ 25 օր պարապելուց հետո Էդուարդի ոտքը կոտրվել է, որի պատճառով Արմինեն խնդրել է դասախոսներին, որպեսզի նրանք գան իրենց տուն և Էդուարդի հետ պարապեն իրենց տանը: Կարենը և Արթուրը շաբաթական 2-3 անգամ գնացել է իրենց տուն և Էդուարդի հետ պարապել, իսկ ապաքինվելուց հետո Էդուարդն է սկսել հաճախել նրանց մոտ: 6-7 ամիս պարապելուց հետո Արմինեն զանգահարել է Խաչիկին և խնդրել, որպեսզի նա կրկին նայի Էդուարդի նկարած նկարները, սակայն նա ասել է, որ ժամանակ չունի: Իրենց տանն անընդհատ վիճաբանություն է եղել կապված Էդուարդի Ակադեմիա ընդունվելու հետ, որի պատճառով ինքը զանգահարել է Խաչիկին, ով ասել է, որ իրենք կարող են գնալ նրա մոտ: Իրենք գնացել են Խաչիկ մոտ և այդ ժամանակ Արմինեն նրան ասել է, որ Էդուարդը պարապել է, դասախոսները գոհ են նրանից, և իրենք ցանկանում են իմանալ, թե արդյոք Էդուարդը կարող է ընդունվել Ակադեմիայի անվճար բաժինը: Այդ ժամանակ Խաչիկը քմծիծաղ է տվել և ասել, որ եթե գումար չտան, ապա նա չի կարող ընդունվել: Դրանից հետո Արմինեն Խաչիկին հարցրել է, թե որքան պետք է տան, իսկ նա պատասխանել է, որ 4.000 ԱՄՆ դոլար: Այնուհետև, իրենց տանը վիճաբանություն է սկսվել, քանի որ Արմինեն ցանկացել է անել ամեն ինչ, որպեսզի Էդուարդն ընդունվի Ակադեմիայի անվճար բաժինը, իսկ ինքը համաձայն չի եղել, որպեսզի դրա համար գումար տան: Մի քանի օր անց Խաչիկը զանգահարել է իրեն և հարցրել, թե ինչ են իրենք մտածում, իսկ ինքը պատասխանել է, որ այդքան գումար չկա: Այդ ժամանակ Խաչիկն ասել է, որ 3.500 ԱՄՆ դոլարով կարող է անել: Նշվածի մասին ինքն ասել է Արմինեին, ով ուրախացել է և ասել, որ նա Էդուարդի անվամբ բանկում հաշվեհամար է բացել և այնտեղ այդչափ գումար ունի հավաքած: Ինքն այդ հավաքած գումարի մեջ որևէ ներդրում չի ունեցել: Ինքը զանգահարել է Խաչիկին և ասել, որ համաձայն են այդքան գումար տալ: 2012 թվականի հունիսի կեսերին Խաչիկը զանգահարել է իրեն և ասել, որ արդեն կարող են գումարը բերել: Այդ ժամանակ ինքն ու Արմինեն եղել են վիճաբանած և ինքը նրա հետ համատեղ չի բնակվել, սակայն զանգահարել է նրան և ասել Խաչիկի ասածը: Ինքն ու Արմինեն գնացել են բանկ, և այնտեղից նա գումար է վերցրել: Արմինեն իրեն առաջարկել է, որպեսզի միասին գնան Խաչիկի մոտ և գումարը տան նրան, սակայն ինքը չի համաձայնել: Այնուհետև նկատելով, որ Արմինեն լարված է, նրան ասել է, որ միասին կգնան, սակայն նա միայնակ կբարձրանա Խաչիկի մոտ և գումարը կտա նրան: Այդպես էլ եղել է, ինքը Արմինեին ուղեկցել է Խաչիկի աշխատանքի վայր, սակայն Արմինեն միայնակ բարձրացել է նրա մոտ, 15-20 րոպե հետո եկել և ասել, որ գումարը տվել է: Այնուհետև ինքն իմացել է, որ Էդուարդը անվճար չի ընդունվել, որի կապակցությամբ իրենց տան վիճաբանությունն ավելի է թեժացել: Ինքն ու Արմինեն գնացել են Խաչիկի մոտ հարցրել, թե ինչու է նա իրենց խաբել, իսկ Խաչիկն ասել է. «դուք չեք հասկանում, պատից կախածը դեռ ոչ մի բան չի նշանակում, հազար բան կփոխվի»: Այնուհետև Խաչիկն ասել է, որ ծայրահեղ դեպքում, եթե Էդուարդն այս տարի անվճար բաժինը չընդունվի, ապա հաջորդ տարի անպայման նա կտեղափոխվի անվճար բաժին, սակայն Արմինեն հետաքրքրվել է, որ եթե նույնիսկ այդպես լինի, ապա Էդուարդը պետք է զորակոչվի բանակ: Դրանից հետո իրենց տան վեճերն ավելի են թեժացել, որի պատճառով ինքը գնացել է Խաչիկի մոտ և գումարը ետ պահանջել: Խաչիկի տանից քիչ հեռու գնալուց հետո նա զանգահարել է իրեն և ետ կանչել, որից հետո 2.500 ԱՄՆ դոլարը նա վերադարձրել է, իսկ 1.000 ԱՄՆ դոլարը խոստացել հետո վերադարձնել: Ինքը նշված 2.500 ԱՄՆ դոլարը տվել է Արմինեին, սակայն նա կրկին իր հետ վիճել է: Ինքը զանգահարել է Խաչիկին և ասել, որ վեճը շարունակվում է և իրենք պետք է գնան ոստիկանություն: Արմինեն ցանկացել է գնալ ոստիկանություն և որպեսզի նա միայնակ չլինի, ինքը նրա հետ գնացել է ոստիկանություն, որտեղ ինքը վախեցել է, որ իրեն կձերբակալեն և վատացել է: Այդ օրն իրենք ոստիկանությունից դուրս են եկել գիշերը ժամը` 02:00-ի սահմաններում: Իրենց տան վեճերը եղել են այն պատճառով, որ ինքը չի ցանկացել, որպեսզի Էդուարդի ընդունվելու կապակցությամբ գումար տան: Նախնական քննության ընթացքում ինքը քննիչին շատ մանրամասն չի պատմել:
Ամբաստանյալ Արայիկ Ֆահրադյանը նախնական քննության ընթացքում` 2012 թվականի հուլիսի 27-ին, որպես վկա ցուցմունք է տվել այն մասին, որ իր ավագ որդին` Էդուարդ Բարբարյանը, ով իր կնոջ` Արմինե Ենոքյանի նախկին ամուսնու որդին է, 2012 թվականին ավարտել է դպրոցը և Ակադեմիա ընդունվելու համար անցած տարվա աշնանից հաճախել է մասնավոր պարապմունքների: Որպեսզի Էդուարդը ուսումը կիսատ չթողներ և մեկներ զինվորական ծառայության, ինքն ու իր կինը որոշել են դասավորել, որպեսզի Էդուարդն ընդունվի ակադեմիայի անվճար ուսուցման բաժին և ստանա տարկետման իրավունք: Այդ նպատակով իրենք սկսել են հետաքրքրվել, թե ում միջոցով կարող են դա դասավորել: Իր ծանոթ Գասպարից ինքն իմացել է, որ Խաչիկ Ազիզյանը, ով Ակադեմիայի կերպարվեստի ֆակուլտետի դեկանն է, կարող է իրենց օգնել: Ինքն այդ մասին պատմել է իր կնոջը և որքան հիշում է 2012 թվականի ապրիլին կամ մայիսին, կոնկրետ օրը չի հիշում, գնացել են Ակադեմիայի կերպարվեստի ֆակուլտետ և Խաչիկի աշխատասենյակում հանդիպել նրան: Իրենք նրան ասել են, որ Էդուարդը մասնավոր պարապմունքների է գնացել և զինվորական ծառայությունից տարկետում ստանալու համար ցանկանում են, որպեսզի նա ընդունվի անվճար ուսուցման բաժին: Խաչիկը պատասխանել է, որ կարող է դա անել, սակայն իրենք պետք է նրան որոշակի գումար տան, իսկ գումարի չափն իրենց կասի խորհրդակցելուց հետո: Նա իրենց չի ասել, թե ում հետ պետք է նա խորհրդակցի: Նշված զրույցից 3-4 օր անց Խաչիկը զանգահարել է իր բջջային հեռախոսահամարին և ասել է, որ անվճար ուսուցման բաժին ընդունվելու համար ինքը պետք է վճարի 4.000 ԱՄՆ դոլար, իսկ ինքը նրան պատասխանել է, որ կմտածի: Այդ զրույցի մասին ինքը պատմել է իր կնոջը և նրա հետ որոշել են, որ այդ գումարը շատ է: Ինքը զանգահարել է Խաչիկին և ասել է, որ 4.000 ԱՄՆ դոլարը շատ է, իսկ նա պատասխանել է, որ գոնե 3.500 ԱՄՆ դոլար, որին ինքը համաձայնվել է: Որքան հիշում է հեռախոսազրույցի հաջորդ օրն Արմինեի հետ միասին գնացել են Ակադեմիայի շենքի մոտ, ինքը մնացել է ավտոմեքենայում, իսկ Արմինեն ծրարում դրված 3.500 ԱՄՆ դոլարը տարել և տվել է Խաչիկին: Այդ ժամանակ Խաչիկն ասել է, որ հանգիստ ու վստահ լինեն, որ իրենց որդին արդեն ընդունվել է անվճար ուսուցման բաժինը: 2012 թվականի հունիսի սկզբներին Էդուարդը հանձնել է ընդունելության քննությունները, որոնց արդյունքներով հավաքել է ընդհանուրը 39 միավոր և ընդունվել վճարովի ուսուցման բաժինը: Նույն օրն ինքը զանգահարել է Խաչիկին ու ինքն ու Արմինեի Խաչիկի շենքի դիմաց հանդիպել են նրան: Այդ ժամանակ իրենք Խաչիկին հարցրել են, թե ինչու է այդպես պատահել, իսկ նա պատասխանել է, որ դեռ ամեն ինչ կորած չէ, հնարավոր է մինչև քննական արդյունքների վերջնական հայտարարումը ուսանողներ դուրս մնան ու Էդուարդն անցնի անվճար ուսուցման բաժին: Սակայն հետո իմացել են, որ Էդուարդը մնացել է վճարովի ուսուցման բաժնում և եթե նույնիսկ ընթացքում տեղափոխվի անվճար ուսուցման բաժին, ապա զինվորական ծառայությունից տարկետում չի ստանալու: Դրա համար ինքը զանգահարել է Խաչիկին և պահանջել ետ վերադարձնել իրենց վճարած 3.500 ԱՄՆ դոլարը: Ինքը Խաչիկին զանգահարել է 2012 թվականի հուլիսի 10-ին կամ 12-ին, և նույն օրն ինքը Խաչիկից նրանց տանը ստացել է 2.500 ԱՄՆ դոլարը: Նա իրեն ասել է, որ վերցնի նշված գումարը, իսկ մնացած 1.000 ԱՄՆ դոլարը կվերադարձնի որոշ ժամանակ անց, սակայն ինքն նրան ասել է, որ այդ գումարը պահի նրան: Դրանից հետո մտափոխվել է և 2012 թվականի հուլիսի 25-ին իր բջջային հեռախոսով զանգահարել է Խաչիկին ու նրանից պահանջել է մնացած 1.000 ԱՄՆ դոլարը, սակայն նա գումարը չի վերադարձրել: Գումարը Խաչիկին փոխանցելու ժամանակ ներկա են եղել միայն իր կինն ու Խաչիկը, այլ անձինք ներկա չեն եղել: Խաչիկն իրեն որևէ բան չի ասել, թե այդ գումարը որևէ այլ անձի փոխանցելու է, թե ոչ, նա անձամբ է բավարարելու իր որդու գործերը, թե այլ անձի միջոցով: Ինքն ու իր կինը Խաչիկին բացատրել են, որ իրենք ցանկանում են, որպեսզի իրենց որդին ընդունվի անվճար ուսուցման բաժին, իսկ նա ասել է, որ կարող է դա անել ու դրա դիմաց նրան պետք է գումար տան: Ինքը չգիտի, թե քանի հոգուց է բաղկացած եղել քննական հանձնաժողովը և ովքեր են եղել անդամները:
Ամբաստանյալ Արայիկ Ֆահրադյանը նախնական քննության ընթացքում` 2012 թվականի սեպտեմբերի 13-ին, որպես վկա լրացուցիչ ցուցմունք է տվել այն մասին, որ ինքն առաջին անգամ Խաչիկի հետ հանդիպման գնացել է իր կնոջ` Արմինեի, նրա որդու` Էդուարդի և Գասպարի հետ միասին: Այդ օրը նրա հետ ծանոթացել են և ցույց են տվել Էդուարդի նկարները, որոնք նայելուց հետո Խաչիկն ասել է, որ թույլ է, պարապելու տեղ ունի: Այդ օրը գումարի մասին խոսակցություն չի եղել, այլ գումարի մասին խոսակցություն եղել է 2012 թվականի ապրիլին` նրա աշխատասենյակում, որտեղ եղել են ինքը, Արմինեն և Խաչիկը: Գումարը ետ պահանջելու համար խոսել և Խաչիկի հետ հանդիպել է միայն ինքը, այլ անձանց այդ հարցով չի դիմել: Ակադեմիայում աշխատող այլ անձանց, բացի Խաչիկից, չի ճանաչում: 3.500 ԱՄՆ դոլարը եղել է իրենց անձնական գումարը և 2.500 ԱՄՆ դոլարը վերադարձնելուց հետո այն ծախսել են իրենց անձնական կարիքների համար: 3.500 ԱՄՆ դոլարը Խաչիկին տալուց թե առաջ, թե հետո Խաչիկն իրենց չի ասել, թե կոնկրետ ում է տալու այդ գումարները կամ ինչ ձևով պետք է օգնի Էդուարդին: Ինքը Խաչիկին զանգահարել է իր` 093-539-429 կամ 055-539-429 հեռախոսահամարներից նրա` 093-81-11-61 հեռախոսահամարին:
Ամբաստանյալ Արայիկ ֆահրադյանը նախնական քննության ընթացքում` 2012 թվականի հոկտեմբերի 1-ին, որպես մեղադրյալ առաջադրված մեղադրանքում իրեն լիովին մեղավոր է ճանաչել, զղջացել կատարած արարքի համար և խնդրել մեղմ վերաբերվել:
Ամբաստանյալ Արայիկ ֆահրադյանը նախնական քննության ընթացքում` 2012 թվականի հոկտեմբերի 8-ին, որպես մեղադրյալ լրացուցիչ ցուցմունք է տվել այն մասին, որ պնդում է նախկինում իր տված ցուցմունքները և խնդրել է հիմք ընդունել նախկին ցուցմունքները: Միայն ցանկացել է ավելացնել, որ երբ իմացել են, որ Էդուարդն անվճար չի ընդունվել և Խաչիկից պահանջել են իրենց տված 3.500 ԱՄՆ դոլարը, դա եղել է 2012 թվականի հուլիս ամսվա կեսերին: Ինքը պատահական Ակադեմիայի մոտ հանդիպել է Ակադեմիայի դասախոսներից Կարեն Գասպարյանին, ում մոտ պարապել է Էդուարդը և նա իրեն հարցրել է երեխան ընդունվել է, թե ոչ և ինքը նրան պատմել է, որ Էդուարդի անվճար ընդունվելու համար Խաչիկին 3.500 ԱՄՆ դոլար են տվել, սակայն նա իրենց խաբել է և երեխան ընդունվել է վճարովի ու ներկայում ինքը Խաչիկից գումարը ետ է պահանջում: Կարենը դա լսելուց հետո իրեն ասել է լավ ու գնացել, այլ հարցեր իրեն չի տվել: Սակայն դրանից հետո, երբ արդեն քրեական գործ է հարուցվել, Կարենը 2-3 անգամ գնացել է իրենց տուն և իրենցից հետաքրքրվել է, թե Էդուարդի դասերը ինչպես են, որ հուսախաբ է եղել, թե ոչ, որ անպայման սեպտեմբերի 1-ից գնա դասի: Նա իրենց ասել է նաև, որ այդ մասին նա ասել է Ակադեմիայի դեկան Ավետիք Ավետիսյանին:
Ամբաստանյալ Արմինե Ենոքյանը դատական քննության ընթացքում առաջադրված մեղադրանքում իրեն մեղավոր չճանաչեց և ցուցմունք տվեց այն մասին, որ ապրում է ամուսնու` Արայիկ Ֆահրադյանի, մոր, երկու որդիների Էդուարդ Բարբարյանի և 2009 թվականին ծնված Գրիշա Ֆահրադյանի հետ: 1995 թվականին իր նախկին ամուսնուց բաժանվելուց հետո, ինքը սկսել է գումար հավաքել` հասկանալով, որ Էդուարդը մեծանալով մի շարք խնդիրներ է ունենալու: 2007 թվականին «Հայէկոնոմբանկ»-ում Էդուարդ Բարբարյանի անունով հաշվեհամար է բացել` հասկանալով, որ հետագայում շատ ծախսեր են լինելու նրա հետ կապված: Էդուարդը ցանկացել դառնալ դիզայներ: Այդ մասին իրենց տանը խոսակցություններ են գնացել, և Արայիկն ասել է, որ Գասպար անունով ընկեր ունի, ով նկարիչ է, իսկ ինքն էլ ասել է, որ պետք է նրան ցույց տալ Էդուարդի նկարած նկարները, որպեսզի նա խորհուրդ տա իրենց: Արայիկը զանգահարել է Գասպարին, սակայն նա ասել է, որ չի կարող խորհուրդ տալ և ավելացրել, որ Խաչիկ անունով ընկեր ունի, ով Ակադեմիայում դեկան է, և կարող են նկարները տանել նրա մոտ և նա խորհուրդ կտա: Ինքը Արայիկը, Գասպարն ու Էդուարդը վերցրել են նրա նկարները ու գնացել են Ակադեմիա Խաչիկի մոտ: Խաչիկը նայել է նկարները և ասել է, որ դեռ թույլ է, պետք է պարապի: Խաչիկն ասել է նաև, որ կարող է խորհուրդ տալ, թե ում մոտ նա պարապի և զանգահարել է Կարեն Գասպարյանին: 2011 թվականի նոյեմբեր-դեկտեմբեր ամիսներին իրենք գնացել են Կարենի մոտ և նա սկսել է պարապել Էդուարդի հետ: Այդպես երեխան գնացել է պարապմունքների, ինքն էլ ասել է, որ որքան փող անհրաժեշտ է ինքը կհատկացնի, որպեսզի նա անվճար ընդունվի: Էդուարդը շաբաթական 2-3 անգամ հաճախել է պարապմունքների, սակայն 2012 թվականի փետրվարին նրա ոտքը կոտրվել է և նա չի կարողացել գնալ պարապմունքների, ինչի պատճառով ինքը խնդրել է դասախոսներին, որպեսզի նրանք գան իրենց տուն և շարունակեն պարապմունքները: Այդպես` դասախոսները եկել են իրենց տուն և պարապել Էդուարդի հետ: Ինքը Էդուարդի հետ պարապող դասախոսներին հարցրել է, թե կարող է նա ընդունվել Ակադեմիա, թե ոչ, իսկ նրանք պատասխանել են, որ տաղանդավոր երեխա է և կարող է ընդունվել: Այնուհետև իրենք Էդուարդի նկարած նկարները ցույց են տվել Խաչիկին և հարցրել, թե հնարավոր է երեխան անվճար բաժինը ընդունվի, իսկ նա պատասխանել է, որ առանց գումարի անվճար ընդունվել հնարավոր չէ: Այդ ժամանակ ինքն նրան հարցրել է, թե մոտավորապես ինչ գումարի մասին է խոսքը, իսկ նա ասել է 4.000 ԱՄՆ դոլար: Ինքն Խաչիկի պատասխանել է, որ կմտածի և կպատասխանի: Իրենք գնացել են տուն և մտածել տալ այդ գումարը, թե ոչ: Արայիկն ասել է, որ ինչ կարևոր է վճարովի, թե անվճար, թող վճարովի ընդունվի, իսկ ինքն ասել է, որ դա նրա գործը չէ, ինքը հավաքած գումար ունի, որը կարող է տալ, որպեսզի Էդուարդը ընդունվի անվճար բաժինը, և այդ պատճառով իրենց միջև վիճաբանություն է սկսվել: Այնուհետև Խաչիկը զանգահարել է Արայիկին և հարցրել, թե ինչ են իրենք որոշել, իսկ Արայիկը պատասխանել է, որ այդքան գումար չեն կարող տալ, որից հետո Խաչիկն ասել է, որ 3.500 ԱՄՆ դոլարով կարող է անել այդ գործը: Խաչիկի և Արայիկի զրույցի մասին Արայիկը պատմել է իրեն, որից հետո ինքը Արայիկին ասել է, որպեսզի նա զանգահարի Խաչիկին և ասի, որ համաձայն են: Դրանից հետո Արայիկը զանգահարել է Խաչիկին և ասել է, որ կարող են գումարը տալ: 2012 թվականի հունիսի սկզբին Խաչիկը զանգահարել է Արայիկին և ասել, որ արդեն ժամանակն է, որպեսզի գումարը տան: Ինքը գնացել է «Հայէկոնոմբանկ» և հաշվեհամարից վերցրել 1.800.000 ՀՀ դրամ, այն փոխանակել է ԱՄՆ դոլարի, որը կազմել է մոտ 3.600 ԱՄՆ դոլար և դրանից 3.500 ԱՄՆ դոլարը դրել ծրարի մեջ ու գնացել Ակադեմիա: Այդ ժամանակ Արայիկն իրեն կրկին ասել է, որպեսզի ինքը լավ մտածի արժի այդ գումարը տալ, թե ոչ, որի պատճառով իրենք վիճաբանել են և Արայիկն ասել է, որ նա չի գնում իր հետ: Ինքը վերցրել է ծրարը, բարձրացել Խաչիկի աշխատասենյակ և նշված գումարը տվել է Խաչիկին, իսկ Խաչիկն ասել է, որ ամեն ինչ կարգին կլինի: Սակայն ընդունելության քննություններից Էդուարդը հավաքել է 39 միավոր և անցել վճարովի համակարգ: Էդուարդը ստացած արդյունքներից դժգոհ գնում է Խաչիկի մոտ և նրան ասում, որ ցանկանում է բողոքարկել, իսկ Խաչիկն ասել է, որ բողոքարկման դեպքում կարող է ավելի վատ լինել և նրա գնահատականը իջեցնեն: Ինքը նույնպես շատ վրդովված է եղել, քանի որ խաբվել է, որի պատճառով ինքը Արայիկին ասել է, որ նա զանգահարի Գասպարին, որպեսզի վերջինը Խաչիկին հարցնի, թե ինչու է այդպես եղել: Ինքը, Արայիկը և Գասպարը միասին գնացել և հանդիպել են Խաչիկին, ով տարբեր պատճառաբանություններ է ներկայացրել, ասելով, որ պետք է սպասեն, քանի որ ցուցակից դիմորդներ են դուրս գալու, իսկ հետո ասել է, որ նա իրենց անվճար ընդունվելու մասին ոչինչ չի խոստացել: Դրանից հետ իրենց տանն անընդհատ վիճաբանություններ են եղել, և ինքն Արայիկին ասել է, որպեսզի նա գնա և գումարը ետ պահանջի: Արայիկը զանգահարել է Խաչիկին և գնացել է գումարը ետ վերցնելու, որից հետո իրեն ասել, որ 2.500 ԱՄՆ դոլարն է ետ վերցրել, իսկ 1.000 ԱՄՆ դոլարը թողել է Խաչիկին, քանի որ Էդուարդը սովորելու է Ակադեմիայում: Իրենք կրկին վիճաբանել են, և 2012 թվականի հուլիսի 25-ին Արայիկը զանգահարել է Խաչիկին և ասել, որ 1.000 ԱՄՆ դոլարն էլ պետք է ետ վերադարձնի: Դրանից հետո ինքը շատ է զայրացել և ասել է, որ գնալու է ոստիկանություն և այդ մասին հայտարարություն տա: 2012 թվականի հուլիսի 26-ին` առավոտյան, ինքն ու Արայիկը գնացել են ՀՀ ոստիկանության ԿՀԴՊ գլխավոր վարչություն և հայտարարություն տվել կատարվածի մասին: Ինքն իրականում կարծում է, որ Էդուարդին որևէ օգնություն չի եղել, այլ նա իր ուժերով է ընդունվել: Իրենք Սվետլանա Գևորգյանին և Հայկ Փայասլյանին չեն ճանաչել և նրանց հետ որևէ առնչություն չեն ունեցել: Նախնական քննության ընթացքում ինքը քննիչին չի ասել, որ Արայիկը չի ցանկացել, որպեսզի այդ գումարը տան Խաչիկին, քանի որ չի հասկացել, որ դա կարող է կարևոր նշանակություն ունենալ:
Ամբաստանյալ Արմինե Ենոքյանը նախնական քննության ընթացքում` 2012 թվականի հուլիսի 26-ին, որպես վկա ցուցմունք է տվել այն մասին, որ Էդուարդ Բարբարյանն իր որդին է, ով 2012 թվականի մայիսին ավարտել է Մաշտոցի անվան դպրոցը: Իր և իր ամուսնու` Արայիկ Ֆահրադյանի մոտ ցանկություն է առաջացել աջակցել Էդուարդին, որպեսզի նա ընդունվի Ակադեմիա: Այդ նպատակով 2011 թվականի աշնանից Էդուարդը սկսել է հաճախել մասնավոր պարապմունքների: Եթե Էդուարդն ընդունվեր Ակադեմիայի վճարովի ուսուցման բաժինը, ապա 2013 թվականին պետք է զորակոչվեր զինծառայության, իսկ իրենք չեն ցանկացել, որ նա ուսումը կիսատ թողնի, որի պատճառով ինքն ու ամուսինը սկսել են ծանոթներ փնտրել, որոնց միջոցով հնարավոր կլիներ լուծել Էդուարդի ընդունելությունն Ակադեմիայի անվճար ուսուցման բաժինը: Մասնավոր պարապմունքի արդյունքներով իր տղան ունեցել է բոլոր հնարավորությունները, որպեսզի ընդունվի Ակադեմիայի վճարովի ուսուցման բաժին: 2012 թվականի ապրիլի կեսերին Արայիկն իրեն ասել է, որ ծանոթների միջոցով իմացել է, որ Ակադեմիայի կերպարվեստի ֆակուլտետի դեկան Խաչատուր Ազիզյանի միջոցով կարող են Էդուարդին ընդունել տալ Ակադեմիայի անվճար ուսուցման բաժին: Հաջորդ օրն ինքն ու Արայիկը Ակադեմիայում հանդիպել են Խաչատուրին ու նրան հայտնել, որ ցանկանում են, որպեսզի Էդուարդն ընդունվի Ակադեմիա անվճար ուսուցման հիմունքներով` զինվորական ծառայությունից տարկետում ստանալու համար: Այդ զրույցի ընթացքում, բացի իրենցից` իրենից, Արայիկից և Խաչիկից, այլ անձ չի եղել: Խաչիկն ասել է, որ համապատասխան վճարի դեպքում ինքը կարող է լուծել այդ խնդիրը, իսկ առանց վճարի դա գրեթե անհնար է և նշել է, որ նրա ծառայությունները կարժենան 3.500 ԱՄՆ դոլար: Քանի որ այլ ելք չի եղել, ինքն ու ամուսինը համաձայնվել են վճարել նշված գումարը: Դրանից մոտ 10 օր անց Արայիկն ասել է, որ նրան զանգահարել է Խաչիկը և ասել, որ ամեն ինչ կարգին է և գումարն առավոտյան պետք է տան նրան: Հաջորդ օրը` առավոտյան, ինքն Արայիկի հետ գնացել են Ակադեմիա, որտեղ Արայիկը մնացել է ավտոմեքենայում, իսկ ինքը բարձրացել է Խաչիկի աշխատասենյակ և նրան տվել 3.500 ԱՄՆ դոլար: Այդ պահին աշխատասենյակում եղել են ինքը և Խաչիկը: Այդ ժամանակ Խաչիկը թղթի վրա նշել է իր տղայի տվյալներն ու ասել է, որ կարող են հանգիստ սպասել քննությունների ավարտին: 2012 թվականի հուլիսի սկզբներին Էդուարդը հանձնել է ընդունելության քննությունները, որի արդյունքներով հավաքել է ընդամենը 39 միավոր, ինչը բավարար է եղել միայն վճարովի ուսուցման բաժին ընդունվելու համար: Այդ հանգամանքը ճշտելու նպատակով ինքն ու իր ամուսինը հանդիպել են Խաչիկի հետ ու բացատրություն պահանջել կատարվածի մասին: Վերջինը մի տեսակ շինծու վրդովմունքով հայտարարել է, թե ինչու են իրենք իրար անցման մեջ ընկել, որ դեռևս ընդունելության վերաբերյալ պաշտոնական հայտարարություն արված չէ, ընդունվածների ցուցակները չկան, իսկ մինչ այդ շատ բան կարող է փոխվել, շատ դիմորդներ դուրս կմնան, ինչի հետևանքով իր տղան կանցնի անվճար ուսուցման բաժին: Բացի այդ, Խաչիկն իրենց հավաստիացրել է, որ վատթարագույն դեպքում իր տղան կարող է մեկ տարի սովորել վճարովի բաժնում, իսկ այդ ընթացքում տեղափոխվել անվճար ուսուցման բաժին: Սակայն երբ մի քանի օր անց փակցրել են քննությունները հանձնած դիմորդների ցուցակները, պարզվել է, որ իր տղան այդպես էլ մնացել է վճարովի ուսուցման բաժնում և բացի այդ ինքը հետաքրքրվել է ու իմացել, որ եթե նույնիսկ ուսուցման ընթացքում տեղափոխվի անվճար բաժին, միևնույնն է զինվորական ծառայությունից տարկետում չի ստանալու: Այդ ժամանակ Արայիկը զանգահարել է Խաչիկին ու ետ պահանջել իրենց տված 3.500 ԱՄՆ դոլարը, սակայն երբ հաջորդ օրը նրա հետ հանդիպումից հետո Արայիկը վերադարձել է տուն, հայտնել է, որ Խաչիկը ետ է տվել 2.500 ԱՄՆ դոլար, իսկ մնացած 1.000 ԱՄՆ դոլարը նրանց փոխադարձ պայմանավորվածությամբ մնացել է նրա մոտ: 2012 թվականի հուլիսի 25-ին Արայիկը զանգահարել է Խաչիկին և ետ պահանջել նաև մնացած 1.000 ԱՄՆ դոլարը: Կատարվածի վերաբերյալ ինքը 2012 թվականի հուլիսի 26-ին հաղորդում է ներկայացրել ՀՀ ոստիկանության ԿՀԴՊ գլխավոր վարչություն: Գումարն ինքը Խաչիկին տվել է անձամբ, նրա աշխատասենյակում 2012 թվականի մայիսի սկզբներին, կոնկրետ օրը չի հիշում: Ընդունելության քննություններից առաջ ինքն ու Արայիկը Էդուարդին պատմել են, որ դրանք հանձնելու համար նրան աջակցելու է կերպարվեստի ֆակուլտետի դեկան Խաչիկը, իսկ գումար տալու և տված գումարի չափի մասին նա իմացել է միայն 2012 թվականի հուլիսի 26-ին: Երբ ինքն ու իր ամուսինը հանդիպել են, նրան աշխատասենյակում ասել են, որ Էդուարդը մասնավոր պարապել է և ունի բավականին լավ տվյալներ, որ կարող է նա այնպես անել, որ Էդուարդը ընդունվի անվճար ուսուցման բաժին, թե ոչ: Խաչիկը պատասխանել է, որ այո, նա կարող է այնպես անել, որպեսզի Էդուարդն ընդունվի անվճար ուսուցման բաժին, որի համար գումար է անհրաժեշտ, սակայն չափի մասին կխորհրդակցի, հետո նոր իրենց կասի: Այդ պահին կոնկրետ որևէ գումարի չափ նա չի ասել, թե ում հետ նա պետք է խորհրդակցեր, նա իրենց կոնկրետ բան չի ասել: Խաչիկը նշված զրույցից մոտ 10 օր անց իր ամուսնուց պահանջել է 4.000 ԱՄՆ դոլար, իսկ իր ամուսինը պատասխանել է, որ կմտածի: Սակայն երբ նա իրեն հայտնել է գումարի մասին, իրենք որոշել են, որ դա շատ է և գոնե լինի 3.500 ԱՄՆ դոլար: Երկրորդ անգամ ինքը որքան հիշում է իր ամուսինը հանդիպել է Խաչիկին աշխատասենյակում և գումարի չափը պայմանավորվել են 3.500 ԱՄՆ դոլար: Բացի Խաչիկից ինքն այլ անձանց գումար չի տվել: Խաչիկն իրենց ոչինչ չի ասել, թե իրենց տված գումարը որևէ այլ անձի պետք է տար, թե ոչ:
Ամբաստանյալ Արմինե Ենոքյանը նախնական քննության ընթացքում` 2012 թվականի հոկտեմբերի 8-ին, որպես մեղադրյալ լրացուցիչ ցուցմունք է տվել այն մասին, որ ինքը պնդում է նախկինում տված իր ցուցմունքները և խնդրում է այդ ցուցմունքները հիմք ընդունել և նորից է նշում, որ իր ամուսնու ծանոթ Գասպարի միջոցով ծանոթացել են Ակադեմիայի դեկան Խաչիկ Ազիզյանի հետ և 2012 թվականի ապրիլի կեսերին, կոնկրետ օրը չի հիշում, նրա աշխատասենյակում ինքը և իր ամուսինը նրան ասել են, որ ցանկանում են, որպեսզի Էդուարդ Բարբարյանն անվճար ընդունվի Ակադեմիա, որպեսզի չմեկնի զիվորական ծառայության: Այդ զրույցի ընթացքում Ակադեմիայում եղել են ինքը, իր ամուսինը և Խաչիկը: Խաչիկն ասել է, որ համապատասխան վճարի դեպքում ինքը կարող է լուծել այդ հարցը, իսկ առանց վճարի ասաց, որ դա գրեթե անհնար է և այդ հարցը կարող է լուծել 4.000 ԱՄՆ դոլարով: Իրենք այդ պահին ասել են, որ չեն կարող, որ կմտածեն կասեն, քանի որ գումարի չափը շատ է եղել: Դրանից հետո Խաչիկը զանգահարել է իր ամուսնուն և ասել, որ 3.500 ԱՄՆ դոլարով կարող է այդ գործն անել և իրենք համաձայնել են խոստացել այդ գումարը տալ: 2012 թվականի մայիսի սկզբներին Խաչիկը զանգահարել է իր ամուսնուն և ասել, որ գումարը տանեն, որից հետո ինքն ու իր ամուսինը իրենց անձնական գումարից վերցրել են 3.500 ԱՄՆ դոլար, և ինքն անձամբ ծրարի մեջ դրված Խաչիկի աշխատասենյակում այն տվել է նրան: Սակայն երբ պարզվել է, որ իր որդին ընդունվել է վճարովի, իրենք գումարը ետ են պահանջել, և Խաչիկը 2012 թվականի հուլիսին, կոնկրետ օրը չի հիշում, վերադարձրել է 2.500 ԱՄՆ դոլար: Այդ ընթացքում իր ամուսինն իրեն ասել է նաև, որ այդ մասին պատմել է Ակադեմիայի դասախոս Կարեն Գասպարյանին, ում մոտ իր որդին գծանկար և գունանկար առարկաներն է պարապել: Դրանից հետո, երբ արդեն քրեական գործ է հարուցվել Կարեն Գասպարյանը երկու-երեք անգամ գնացել է իրենց տուն և համոզել է, որ իր որդին անպայման գնա դասերի և այդ ընթացքում իրենց պատմել է, որ այդ դեպքի մասին նա պատմել է նաև Ակադեմիայի դեկան Ավետիք Ավետիսյանին:
Վկա Գասպար Մելքոնյանը դատական քննության ընթացքում ցուցմունք տվեց այն մասին, որ Արայիկ Ֆահրադյանը զանգահարել է իրեն և ասել, որ նրա տղան ցանկանում է ընդունվել Ակադեմիա ու հարցրել, թե արդյոք կա որևէ ծանոթ, որպեսզի նրա որդու նկարած նկարները ցույց տան նրան և պարզեն, թե նա կարող է քննությունը տալ, թե ոչ: Ինքը, Արայիկը, նրա կինը` Արմինեն և նրանց որդին գնացել են Խաչիկ Ազիզյանի մոտ և ցույց տվել Արայիկի որդու նկարները: Խաչիկը նկարները նայելուց հետո ասել է, որ նա չի կարող քննություն տալ և հարկավոր է պարապել: Այնուհետև Խաչիկը պայմանավորվել է Կարեն Գասպարյանի հետ, որպեսզի նա պարապի Արայիկի որդու հետ: Ինքը տեղյակ չէ, թե այդ հանդիպումից բացի Արայիկը և Արմինեն հանդիպել են Խաչիկի հետ, թե ոչ, ինչպես նաև տեղյակ չէ, թե Արայիկը Խաչիկին գումար տվել է, թե ոչ: Ինքն առաջին անգամ գումար տալու մասին տեղեկացել է ՀՀ ոստիկանության քննչական բաժնում: Ընդունելության քննություններից մի քանի օր հետո ինքը Արայիկի խնդրանքով, վերջինի և նրա կնոջ հետ միասին Հր.Քոչար փողոցում հանդիպել է Խաչիկ հետ, որի ժամանակ Արմինեն Խաչիկին հարցրել է, թե երեխան ինչու է վճարովի ընդունվել, իսկ Խաչիկն ասել է, որ նա նրանց հետ այդպես է պայմանավորվել:
Վկա Գասպար Մելքոնյանը նախնական քննության ընթացքում` 2012 թվականի օգոստոսի 2-ին, ցուցմունք է տվել այն մասին, որ 2012 թվականի ապրիլին իր մոտ է եկել Արայիկ Ֆահրադյանն և ասել է, որ նրա որդին ցանկանում է ընդունվել Ակադեմիա, ու հարցրել, թե կարող է ինքն իր ծանոթներից մեկին ցույց տալ նրա որդու նկարները, որպեսզի պարզվի նրա ընդունակությունները: Ինքն Արայիկին ասել է, որ իր ընկերն աշխատում է Ակադեմիայում որպես դեկան, ում ինքը կխնդրի, որպեսզի նա նայի նրա որդու գործերը: Դրանից հետո ինքը զանգահարել է Խաչիկին, ով իր խնդրանքը չի մերժել և պայմանավորվել են նրա մոտ հանդիպել: Դրանից մի քանի օր հետո ինքը, Արայիկը, նրա կինը` Արմինեն և նրանց որդին` Էդուարդը, գնացել են Ակադեմիա և հանդիպել Խաչիկին: Այդ ժամանակ նրանք Խաչիկին ցույց են տվել երեխայի նկարները, իսկ Խաչիկն ասել է, որ նա թույլ է և պետք է պարապի: Ինքն էլ որպես նկարիչ, տեսնելով այդ նկարները, ասել է, որ իրոք շատ վատ են և պետք է շատ պարապի: Դրանից հետո իրենք բաժանվել են և ինքը տեղյակ չի եղել, թե նրանք ինչ են արել: Միայն մոտ 10 օր առաջ Արայիկը գնացել է իր մոտ և սկսել է դժգոհել Խաչիկից` ասելով, որ նրանք պայմանավորվել են, որ Խաչիկին պետք է տային 3.500 ԱՄՆ դոլար, որպեսզի նրանց երեխան ընդունվի պետպատվեր: Նրա ասելով նրանք տվել են այդ 3.500 ԱՄՆ դոլարը, բայց նրանց տղան ընդունվել է վճարովի և նրանք այդ գումարից Արայիկի ասելով ետ են ստացել 2.500 ԱՄՆ դոլարը, իսկ մնացած 1.000 ԱՄՆ դոլարը թողել են նրանց: Ինքը շատ է զարմացել, որ իր ընկեր Խաչիկը նման բան է արել և խնդրել է Արայիկին իրեն չխառնել այդ խոսակցության մեջ:
Նախնական քննության ընթացքում տված ցուցմունքը հրապարակելուց հետո վկա Գասպար Մելքոնյանը հայտնեց, որ այն համապատասխանում է իրականությանը: Մինչև քննիչի մոտ գնալն Արայիկն իրեն ասել է, որ գումար են տվել Խաչիկին, որպեսզի երեխան ընդունվի Ակադեմիայի պետպատվեր բաժինը, որի կապակցությամբ ինքը շատ զարմացել է:
Վկա Կարեն Գասպարյանը դատական քննության ընթացքում ցուցմունք տվեց այն մասին, որ ինքն աշխատում է Ակադեմիայում` որպես դասախոս և դասավանդում է գծանկար և գունանկար առարկաները: Խաչիկ Ազիզյանի խնդրանքով 2011 թվականի դեկտեմբերից ինքը սկսել է Էդուարդ Բարբարյանի հետ պարապել գծանկար և գունանկար առարկաները: Ինքը հստակ չի կարող ասել, թե որքան է տևել նրա հետ պարապմունքները, քանի որ այն եղել է ընդհատումներով: Մոտ 1 ամիս պարապելուց հետո Էդուարդի ոտքը կոտրվել է և նա չի գնացել պարապմունքների, սակայն այդ ընթացքում ինքն անձամբ է գնացել նրանց տուն և կոնսուլտացիաներ արել նրա հետ, իսկ ապաքինվելուց հետո նա սկսել է հաճախել պարապմունքների, որը տևել են մինչև քննությունները: Երբ ինքն առաջին անգամ տեսել է Էդուարդի նկարները, զարմացրել է, որովհետև դրանք եղել են շատ լավ որակի: Նա բացառիկ ընդունակություն է ունեցել և նրան պետք է եղել հունի մեջ գցել: Էդուարդի մակարդակն այնպիսին է եղել, որ ինքը հասկացել է, որ նա 6 ամսվա ընթացքում կարող է քննություն տալ: Անվճար ընդունվածների և Էդուարդի աշխատանքները առանձնապես չեն տարբերվել: 2012 թվականի հուլիսի վերջերին Ակադեմիայի մոտ ինքը հանդիպել է Էդուարդի հորը` Արայիկ Ֆահրադյանին, ով իրեն ասել է, որ նրա կինը` Արմինեն 3500 ԱՄՆ դոլար է տվել Խաչիկին, որպեսզի Էդուարդը ընդունվի Ակադեմիա, սակայն նա չի ընդունվել և Խաչիկը գումարը ետ չի տալիս: Նշվածից ինքը շոկի մեջ է ընկել և ոչինչ չի կարողացել պատասխանել: Այդ ժամանակ Արայիկն իրեն հարցրել է, թե ինչ անի, ում դիմի, գնա ոստիկանություն, թե ռեկտորի մոտ, իսկ ինքը պատասխանել է, որ ինպես ցանկանում է, թող այնպես էլ անի: Նույն օրը` երեկոյան, նշվածի մասին ինքը հայտնել է Ակադեմիայի դեկան` Ավետիք Ավետիսյանին:
Վկա Կարեն Գասպարյանը նախնական քննության ընթացքում` 2012 թվականի հոկտեմբերի 9-ին, լրացուցիչ ցուցմունք է տվել այն մասին, որ աշխատում է Ակադեմիայում` որպես դասախոս և դասավանդում է գծանկարչություն և գունանկարչություն առարկաները: 2011 թվականի ձմռանը, կոնկրետ օրը չի հիշում, իրեն զանգահարել Խաչիկ Ազիզյանը և խնդրել է, որ ինքը պարապի նրանց երեխայի հետ: Դրանից հետո իր մոտ են գնացել էդուարդ Բարբարյանը և նրա ծնողը` Արայիկը: Այդ օրը պայմանավորվել են, որ Էդուարդը շաբաթը երեք անգամ գնա իր արվեստանոց և ինքը նրա հետ սկսել է մասնավոր պարապել, սակայն դա տևել է շատ կարճ և ընդամենը երեք, չորս պարապմունք հետո էդուարդը ոտքը կոտրել է ու բնականաբար չի գնացել պարապմունքի: Սակայն ինքը մոտ 2-3 անգամ գնացել է նրանց տուն և խորհուրդներ է տվել, թե ինչպես աշխատի: Սկզբում Էդուարդի մակարդակը շատ ցածր է եղել և իրականում պարապելու խնդիր է ունեցել ու ինչպես նշել է պարապմունքները տևել են 3-4 անգամ: Դրանից հետո 2012 թվականի հուլիսի կեսերին` քննություններից հետո, Ակադեմիայի մոտ ինքը պատահական հանդիպել է Արայիկին և նա իրեն պատմել է, որ Էդուարդին ակադեմիա ընդունելու համար տվել է 3.500 ԱՄՆ դոլար: Դա լսելուց հետո ինքը շատ հանկարծակի է եղել և այլ հարցեր չի տվել, բայց նա շարունակել է ասել, որ գումարը ետ է պահանջում Խաչիկից: Դրանից հետո ինքը գնացել է Ակադեմիայի դեկան Ավետիք Ավետիսյանի տուն և նրան պատմել է այդ դեպքի մասին: Որոշ ժամանակ անց Ավետիքը զանգահարել է իրեն և ասել է, որ ինքը նրանց խորհուրդ տա, որպեսզի նրանք դիմեն ռեկտորին: Դրանից հետո ինքն Արայիկին` ռեկտորին դիմելու մասին չի ասել, քանի որ հանդիպելու առիթ չի եղել: Երբ ակադեմիայից լսել է քրեական գործի հարուցման մասին և տեսնելով Էդուարդ Բարբարյանի հոգեկան վիճակը և ընկճվածությունը, ինքը որպես մանկավարժ իր պարտքն է համարել նրան ոգեշնչելու և ուղղորդելու ուսումնական պրոցեսին և այդ նպատակով ինքը գնացել է նրանց տուն: Դրանից հետո կոնկրետ չի հիշում թե ումից, լսել է, որ վերադարձվել է 2.500 ԱՄՆ դոլար:
Վկա Կարեն Գասպարյանը դատական քննության ընթացքում լրացուցիչ ցուցմունք տվեց այն մասին, որ ինքը Էդուարդ Բարբարյանի հետ պարապել է 2102 թվականի դեկտեմբերից մինչև քննությունների սկիզբը: Հրապարակված ցուցմունքն իր ցուցմունքն է և ինքը ճիշտ ցուցմունք է տվել: Ինքը Էդուարդի հետ պարապել է շաբաթը 3-4 անգամ: Երբ առաջին անգամ Էդուարդը գնացել է իր մոտ և ցույց տվել նրա աշխատանքները, իրոք նա պարապելու խնդիր է ունեցել, բայց երբ ինքը փորձնական մի քանի պարապմունք է արել նրա հետ, տեսել է, որ բավականին լավ է նրա մոտ ստացվել: Էդուարդը պարապել է որպեսզի ընդունվի անվճար բաժինը: Հաշվի առնելով այն հանգամանքը, որ նույնիսկ շատ չնչին ընդունակություններով դիմորդները ընդունվում են Ակադեմիայի վճարովի բաժինը, ուստի հնարավոր է համարում, որ Էդուարդն առանց պարապելու էլ վճարովի բաժինը կընդունվեր:
Վկա Էդուարդ Բարբարյանը դատական քննության ընթացքում ցուցմունք տվեց այն մասին, որ Արմինե Ենոքյանն իր մայրն է, իսկ Արայիկ Ֆահրադյանը իր մոր ամուսինը: Իր մայրն ու Արայիկը միմյանց հետ բնակվում են 2008 թվականից, չնայած ինքը դեմ է եղել, որ նրանք միմյանց հետ բնակվեն: Ինքը ցանկացել է ընդունվել Ակադեմիա: Արայիկը Գասպար անունով ընկեր է ունեցել, ով եղել է նկարիչ, ինչի պատճառով իրենք գնացել են Գասպարի մոտ, որպեսզի նրան ցույց տան իր նկարած նկարները և պարզեն, թե ինքը կարող է Ակադեմիա ընդունվել, թե ոչ: Սակայն Գասպարը խորհուրդ է տվել գնալ Ակադեմիայի դեկան Խաչիկ Ազիզյանի մոտ: Ինքը, իր մայրը, Արայիկը և Գասպարը գնացել են Խաչիկի աշխատասենյակ, որտեղ նա ասել է, որ լավ չէ, պետք է պարապի, որպեսզի ընդունվի Ակադեմիա և խորհուրդ է տվել պարապել Ակադեմիայի դասախոսներ Արթուր Թարմինյանի և Կարեն Գասպարյանի մոտ: Ինքը սկսել է նշված անձանց մոտ պարապել: Պարապելու ընթացքում իր ոտքը կոտրվել է, որի պատճառով դասախոսները գնացել են իրենց տուն և հանձնարարություններ տվել իրեն: Ինքը Կարեն Գասպարյանի մոտ պարապել է շաբաթը 2-3 անգամ: Քննությունների արդյունքում ինքը հավաքել է 39 միավոր, սակայն անվճար ընդունվելու համար անհրաժեշտ է եղել 41 միավոր: Ինքը Խաչիկին ասել է, որ գոհ չէ իր գնահատականից, սակայն նա ասել է, որ բողոքարկման դեպքում հնարավոր է, որ այն ավելի ցածր գնահատվի: Քննությունների ժամանակ ինքը չի զգացել, որ իրեն օգնեն կամ ինչ-որ ձևով ընդառաջեն, որևէ մեկի կողմից իրեն օգնություն չի եղել: Այնուհետև` ոստիկանությունում ինքն իմացել է, որ երբ իր մայրը երկրորդ անգամ է տարել նկարները և ցույց տվել Խաչիկին, իր մայրը նրան ասել է, որ ցանկանում են, որպեսզի ինքն անվճար ընդունվի, իսկ Խաչիկն ասել է, որ որքան էլ ինքը լավ նկարի, պետք է գումար վճարեն, քանի որ առանց գումարի Ակադեմիայի անվճար բաժինը ընդունվել չի լինում: Մինչ այդ իր մայրն իր անվամբ գումար է հավաքած եղել և որոշել այն տալ, որպեսզի ինքն անվճար ընդունվի: Գումարը տալու ժամանակ իր մոր և Արայիկի միջև վիճաբանություն է եղել. Արայիկն ասել է, որ պետք չէ գումար տալ, իսկ իր մայրն ասել է, որ նրա հավաքած գումարն է և նա գործ չունի: Գումարը տալու ժամանակ Արայիկը սպասել է մեքենայի մեջ, իսկ իր մայրը բարձրացել Խաչիկի աշխատասենյակ և այն տվել նրան:
Վկա Էդուարդ Բարբարյանը նախնական քննության ընթացքում` 2012 թվականի օգոստոսի 22-ին, ցուցմունք է տվել այն մասին, որ 2012 թվականի հունիսին ավարտել է Մ.Մաշտոցի միջնակարգ դպրոցը, որից հետո դիմել է, որպեսզի ընդունվի Ակադեմիայի դիզայն բաժինը: 2011 թվականի ձմռանից անհատական պարապել է Ակադեմիայի դասախոսներ Կարեն Գասպարյանի և Արթուր Թարմինյանի մոտ: Այդ ժամանակահատվածում ինքն իր նկարները ցույց է տվել մի քանի նկարիչների, նույնիսկ Ակադեմիայի դասախոսներին, որոնցից մի քանիսը հավանել են, իսկ մի քանիսը` ոչ, որոնց թվում է եղել նաև Խաչիկ Ազիզյանը: Դրանից հետո` 2012 թվականի գարնանը, կոնկրետ օրը չի հիշում, իր մայրը` Արմինե Ենոքյանն իրեն ասել է, որ Արայիկ Ֆահրադյանի ծանոթն աշխատում է Ակադեմիայում` որպես դեկան և նրանք պայմանավորվել են, որպեսզի գնան նրա մոտ և իր նկարները ցույց տան: Ինքը, իր մայրը, Արայիկը և նրա ծանոթ Գասպարը գնացել են Ակադեմիա և հանդիպել Խաչիկին, ով նայել է իր նկարները և ասել, որ դեռ լավ չէ, անհրաժեշտ է շարունակել պարապելը: Դրանից հետո իր մայրն իրեն պատմել է, որ կրկին հանդիպել են Խաչիկին և նրա հետ պայմանավորվել են, որպեսզի ինքն ընդունվի անվճար, որի համար Խաչիկը 3.500 ԱՄՆ դոլար է պահանջել, իսկ նրանք պատրաստվում են այդ գումարը տալ: Այդ ընթացքում ինքը շարունակել է իր պարապմունքները և մինչև 2012 թվականի հունիսի 1-ը Ակադեմիայում դիմում են գրել, որ ինքը ցանկանում է ընդունվել դիզայնի բաժին: Դրանից հետո, մինչև ընդունելության քննություններն, ինքն իր մորից իմացել է, որ այդ գումարը` 3.500 ԱՄՆ դոլարն արդեն տվել են Խաչիկին: 2012 թվականի հուլիսի 3-ից մինչև հուլիսի 8-ը մասնակցել է ընդունելության քննություններին, որի ընթացքում նկարել է մոտ 60 տարեկան կնոջ դիմանկար, 1 հատ նատյուրմորտ` կուժ, տանձ, դեղձ, թեյնիկ, 1 հատ կոմպոզիցիա, որի մեջ մտել է 4 առանձին խնդիրներ: Քննություններն անցկացվել են առանձին խմբերով, յուրաքանչյուր խմբում եղել են միջինը 15 դիմորդներ: Քննություններն սկսվել են ժամը 09:00-ից մինչև 12:45, որից հետո 40 րոպե ընդմիջում է եղել և դրանից հետո կրկին շարունակվել է քննությունը մինչև 15:00: Քննությունների ընթացքում քննասենյակում պտտվել են ստուգողներ: Քննությունների ընթացքում ինքը չի նկատել, որ որևէ դասախոս կամ ստուգող որևէ դիմորդին հուշի կամ օգնի ինչ-որ ձևով: Իրեն նույնպես որևէ դասախոս չի օգնել, խորհուրդներ չեն տվել և չեն հուշել: Քննություններից հետո տեղեկացել են, որ ինքը հավաքել է 39 միավոր և անցել է վճարովի համակարգ, որն իր մոտ դժգոհություն է առաջացրել և ինքն էլ իր մորն ասել է, որ անիմաստ գումար են տվել իր ընդունվելու համար: Դրանից հետո իմացել է, որ այդ գումարից 2.500 ԱՄՆ դոլարը ետ են տվել, քանի որ ինքն անցել է վճարովի և նրանք խոստումը չեն կատարել: Գումարները տալու կամ վերցնելու ժամանակ ինքը ներկա չի եղել, այդ մասին հետագայում է իմացել իր մորից: Ինքը տեղյակ չէ, թե ովքեր են գումարը տվել և որտեղ են տվել: Իր դասախոսներ Կարեն Գասպարյանին և Արթուր Թարմինյանին ինքը քննությունների ընթացքում չի տեսել, որքանով հիշում է Խաչիկ Ազիզյանին տեսել է իրենց հարկում: Ինքը Սվետլանա Գևորգյանին և Հայկ Փայասլյանին չի ճանաչում: Ակադեմիայի աշխատողներից ինքը քննությունների ժամանակ տեսել է Ավետիք Ավետիսյանին:
Վկա Էդուարդ Բարբարյանը նախնական քննության ընթացքում` 2012 թվականի հոկտեմբերի 23-ին ցուցմունք է տվել այն մասին, որ քննությունների ընթացքում գծանկար առարկայի առաջադրանքի ժամանակ ինքը սև մատիտով նկարել է մոտ 60 տարեկան կնոջ դիմանկար, որը նկարել է սպիտակ գույնի ստվարաթղթի վրա, այդ նկարն ինքը նկարել է քննասենյակում նստած կին բնորդուհուց: Նշված ստվարաթղթի վերևի մասում համաձայն ակադեմիայի հանձնաժողովի պահանջի բոլորը գրել են իրենց անուն-ազգանունները ու քննաթերթիկի համարը, որն ինքը որքանով հիշում է 112 է եղել, ինչպես նաև ֆակուլտետի անունը: Գունանկարի առաջադրանքի ժամանակ ինքը նկարել է նատյուրմորտ` նկարի մեջ մեջտեղի հատվածում կուժ, որի միջից դուրս է եկել կարմիր գույնի կտոր, կուժի ներքևի հատվածում դեղին գույնի դեղձ, դրա կողքը կանաչ գույնի տանձ, իսկ դրա կողքը թեյնիկ սպիտակ գույնի, որի վրա նկարել է ծաղիկներ և նկարին ամբողջությամբ կապույտ, կարմիր, կանաչ գույներ է տվել: Դա նույնպես նկարել է սպիտակ ստվարաթղթի վրա, որի վերևի հատվածում կրկին իր ձեռագրով գրել է իր անուն-ազգանունը, քննաթերթիկի համարը: Ինքը կոմպոզիցիա առարկայից կատարել է երկու առանձին առաջադրանքներ, որոնք նկարել է երկու առանձին ստվարաթղթերի վրա, որոնցից առաջինի ձախ հատվածում նկարել է պրոեկցիա, իսկ աջ հատվածում սև մատիտով նկարել է խնձորներ: Կոմպոզիցիայի 2-րդ առաջադրանքի ձախ հատվածում սև մատիտով նկարել է ընդհանուր վեց հատ երկրաչափական պատկերներ, իսկ աջ հատվածում գուաշով ներկել է երկրաչափական պատկերներից մեկը տարբեր դիրքերում: Ինչպես նշել է բոլոր ստվարաթղթերի վերևի հատվածներում նշել է իր անուն-ազգանունը, ֆակուլտետը և քննաթերթիկի համարը, որից հետո Ակադեմիայի աշխատողներն իրենց ներկայությամբ կնիքել են ու ստորագրել: Քննիչի կողմից ներկայացված աշխատանքներն ինքն անմիջապես ճանաչել է և այդ աշխատանքներն ինքն է կատարել և վերևի հատվածում գրառված իր անուն-ազգանունը, ֆակուլտետի անունը և քննաթերթիկի համարը: Ինքը գեղանկար և գունանկար առարկաները մասնավոր պարապել է Կարեն Գասպարյանի մոտ, սակայն ընդամենը 3-4 պարապմունք հետո ինքն իր ոտքը կոտրել է և պարապմունքների չի գնացել: 1-2 անգամ Կարեն Գասպարյանն է գնացել կոնսուլտացիա անելու համար: Գծանկար և գունանկար առարկաների քննությունների ժամանակ ինքը եղել է 2-րդ մասնաշենքի 4-րդ հարկի աստիճանավանդակների դիմացի լսարանում, իսկ կոմպոզիցիայի ժամանակ եղել է 4-րդ հարկի մյուս լսարանում, այսինքն` աստիճանավանդակներից դեպի աջ 2-րդ կամ 3-րդ սենյակում:
Վկա Ավետիք Ավետիսյանը դատական քննության ընթացքում ցուցմունք տվեց այն մասին, որ ինքն աշխատում է Ակադեմիայում` որպես դիզայնի և դեկորատիվ կիրառական արվեստի ֆակուլտետի դեկան: 2012 թվականի հուլիսի 16-ին կամ 17-ին Կարեն Գասպարյանն իրեն պատմել է, որ նա Էդուարդ Բարբարյան անուն ազգանունով մի դիմորդի հետ պարապել է, ով ընդունվել է վճարովի բաժինը, սակայն Խաչիկ Ազիզյանը խոստացել է անվճար անցկացնել, որի պատճառով դիմորդի ծնողները բողոքում են: Կարենն իրեն ասել է նաև, որ երեխայի ծնողները Խաչիկին 3.500 ԱՄՆ դոլար են տվել, իսկ նա գումարը ետ չի վերադարձնում: Ինքը լսելով նշվածը Կարենին ասել է, որպեսզի դիմորդի ծնողները դիմեն ռեկտորին: Այնուհետև ինքը Կարենին ասել է, որ եթե երեխան բանակի խնդիր չունի, ապա թող սովորի, իսկ հաջորդ տարի նորից քննություն տա: Իրեն շատ է անհանգստացրել, թե այդ երեխան իրենց մասնաշենքում է քննություն տվել, թե մյուսից, որի պատճառով զանգահարել է Հայկ Փայասլյանին և նրան ասել է, որ այդպիսի բան է եղել ու հարցրել, թե ով է Էդուարդը, իսկ Հայկը պատասխանել է, որ Սվետլանա Գևորգյանի ասած անձանցից մեկն է: Հայկն իրեն ասել է նաև, որպեսզի ինքը խոսի երեխայի ծնողների հետ, որ նրանք չբողոքեն: Դրանից հետո ինքը զանգահարել է Կարենին և ասել է, որպեսզ նա երեխայի ծնողներին փոխանցի, որ նրանք չբողոքեն: Ինքն առաջին անգամ, երբ Ակադեմիայի արվեստանոցում տեսել է Էդուարդի աշխատանքները, իր համար պարզ է եղել, որ այդ երեխան հնարավորություններ ունի ընդունվելու, բայց վճարովի, թե անվճար, ինքը չի կարող ասել: Հետո ինքը Հայկին փոխանցել է, որ այդ երեխաները լավ նկարում են և թող հանգիստ լինեն, որովհետև կարող են ընդունվել: Իրենց ցուցակում նշված են եղել իրենց աշխատակիցներ Լուսինեի երեխան և Սարգսյանի թոռնիկը, իսկ երրորդը` Էդուարդ Բարբարյանն է եղել, ում մասին ինքը չի էլ իմացել, իրեն ասել են, որ նրան նայի իր կարծիքն ասի, իսկ ինքն էլ նայել և ասել է, որ լավ է նկարում: Դեպքերից հետո ինքը պատահական է հանդիպել Խաչիկին, ով իրեն ասել է, որ ատրճանակը դրել են ճակատին, ինքն էլ ինչ պետք է եղել ասել է: Ինքը Սվետլանայի խնդրանքով որևէ դիմորդի աջակցություն ցույց չի տվել:
Վկա Ավետիք Ավետիսյանը դատական քննության ընթացքում լրացուցիչ ցուցմունք տվեց այն մասին, որ Կարեն Գասպարյանն իր հետ զրուցելու ընթացքում Հայկ Փայասլյանի անունը չի տվել, նա տվել է միայն Խաչիկ Ազիզյանի անունը: Ինքը զանգահարել է Հայկին, այլ ոչ թե Խաչիկին, որովհետև ռեկտորը քաղաքում չի եղել և իր իմացությամբ այդ խնդիրների պատասխանատուն Հայկն է եղել: Ինքը մի անգամ էլ է խոսել Հայկի հետ և ասել, որ ինքը խոսել է, որ չբողոքեն: Հայկն իրեն ասել է իրենց ակադեմիայի երեք աշխատակիցների երեխաների անունները, որպեսզի ինքը տեսնի, թե ինչպես են աշխատում նրանք, իսկ ինքը նայել է և ասել, որ անհանգստանալու կարիք չկա, նրանք լավ են նկարում: Հայկն իրեն ասել է, որ երեք հոգի են, մեկը Գրիգորյանի թոռնիկն է, մյուսը Լուսինեի աղջիկը, իսկ երրորդը` Խաչիկի ասածը:
Վկա Ժորա Հայրապետյանը դատական քննության ընթացքում ցուցմունք տվեց այն մասին, որ ինքը մասնակցել է 2012 թվականի ընդունելության քննություններին` որպես գեղանկարչության մասնագետ, այսինքն` որպես հանձնաժողովի անդամ: Քննություններից անմիջապես հետո ինքը, Արմեն Կանայանը և հանձնաժողովի նախագահ Գագիկ Գևորգյանը գնահատել են դիմորդների աշխատանքները: Իրենք միասին անցել են բոլոր նկարների կողքով և հիմք ընդունելով սահմանված չափանիշները դեղին կպչուն թղթի վրա նշել են յուրաքանչյուր աշխատանքի գնահատականը և այն փակցրել տվյալ աշխատանքի վրա: Հայկ Փայասլյանը եղել է Ընդունող հանձնաժողովի պատասխանատու քարտուղարը: Նա ապահովել է քննությունների բնականոն ընթացքը: Աշխատանքները գնահատելու ժամանակ Հայկը մեկ-մեկ մտել է քննասենյակ և դուրս է եկել, իսկ գնահատման ավարտից հետո, իրենք թելադրել են յուրաքանչյուր դիմորդի գնահատականը, իսկ Հայկը դրանք մաքրագրել է: Դրանից հետո իրենք գնացել են Ակադեմիայի մյուս մասնաշենք, որտեղ նույն մաքրագրված թղթի, նկարների վրա փակցված դեղին թղթերի և իր ու Գագիկի կողմից կազմված սևագիր թղթի տվյալները համեմատելուց հետո դիմորդների գնահատակաները տպվել են քննական տեղեկագրում, որն իր, Արմենի և Գագիկի կողմից ստորագրվել է: Աշխատանքները գնահատելիս Հայկը որևէ կարծիք չի հայտնել: Քննությունների ժամանակ ոչ Սվետլանան և, ոչ էլ որևէ այլ անձ իրեն որևէ խնդրանքով չի դիմել: Հայկը երբևէ իրեն վերադաս չի եղել: Նա աշխատել է, որպես ամբիոնի վարիչ, սակայն ոչ այն ամբիոնի, որտեղ ինքն է աշխատել: Սույն քրեական գործի նախնական քննության ընթացքում իրեն հրավիրել են ՀՀ ոստիկանության ԿՀԴՊ գլխավոր վարչություն և մոտ 12 ժամ իրենց պահել այնտեղ: Դատական քննության ներկայանալու մասին իրեն հեռախոսազանգի միջոցով տեղեկացրել է սույն քրեական գործով քննիչը և ասել, որ դատարանում պետք է ասի այն ամենը, ինչ որ նախնական քննության ժամանակ ինքը գրել է:
Վկա Ժորա Հայրապետյանը նախնական քննության ընթացքում` 2012 թվականի հուլիսի 27-ին, ցուցմունք է տվել այն մասին, որ աշխատում է Ակադեմիայում` որպես գեղանկարի ամբիոնի դասախոս: 2012 թվականի հունիսի 27-ի հրամանով ինքն ընդգրկվել է Ակադեմիայի դիզայնի, հագուստի մոդելավորման, կիրառական արվեստի և համակարգչային գեղարվեստական նախագծման բաժինների ընդունող հանձնաժողովի կազմում: Նշված բաժինների ընդունելության համար դիմորդների քննությունները ընդունել են ինքը, Արմեն Կանայանը և Գագիկ Գևորգյանը: Քննությունները սկսվել են 2012 թվականի հուլիսի 3-ին և ավարտվել են հուլիսի 8-ին: Նշված 5 օրերի ընթացքում դիմորդները հանձնել են քննություն երեք առարկայից` գծանկար, գունանկար, կոմպոզիցիա, և յուրաքանչյուր առարկայի մասով իրենցից յուրաքանչյուրը գնահատել են դիմորդին` ինքը գունանկարի մասով, Գագիկը` կոմպոզիցիայի, Արմենը` գծագրության: Դիմորդի գնահատականը որոշել են կոլեգիալ կարգով: Գնահատականներն արձանագրել է քննությանը իրենց հետ մասնակցող հանձնաժողովի պատասխանատու քարտուղար Հայկ Փայասլյանը: Ոչ ինքը, ոչ Գագիկը և ոչ էլ Արմենը արձանագրային մասով չեն առնչվել, այլ ընդամենը իրենց գնահատականի որոշումը հայտնել են Հայկին, իսկ նա քննական ամփոփաթերթիկում նշել է յուրաքանչյուր դիմորդի անվան դիմաց քննական գնահատականը: Քննությունն ընդունելիս իրենք երեքով շրջել են դահլիճում, պատին կախված քննվող աշխատանքների մոտով, քննարկել ու որոշել են գնահատականը և բարձրաձայն հայտնել Հայկին, իսկ նա արձանագրել է այն: Ընթացակարգը հիմնականում հիմնված է եղել վստահության վրա և իրենցից ոչ ոք հատուկ չի հսկել Հայկին և ստուգել գնահատականների ճիշտ արձանագրելու փաստը: Գնահատման ժամանակ չի եղել այնպես, որ Հայկը միջնորդի, որպեսզի որևէ աշխատանք բարձր կամ ցածր գնահատեն: Քննությունն ավարտելուց հետո ինքը, Գագիկը և Արմենը ստորագրել են քննական ամփոփաթերթիկը:
Վկա Գագիկ Գևորգյանը դատական քննության ընթացքում ցուցմունք տվեց այն մասին, որ Սվետլանա Գևորգյանն իր հարազատ քույրն է: Ինքը աշխատում է Ակադեմիայում` որպես դիզայնի ամբիոնի վարիչ: 2012 թվականի ընդունելության քննությունների ժամանակ ինքը եղել է քննական հանձնաժողովի նախագահը: Ինքը, Արմեն Կանայանը և Ժորա Հայրապետյանը սահմանված չափորոշիչների համաձայն գնահատել են յուրաքանչյուր աշխատանք: Եթե Սվետլանա Գևորգյանը որևէ դիմորդի ցանկանար անվճար ընդունել, ապա այդ մասին իրեն կասեր, սակայն նա իրեն որևէ բան չի ասել: Աշխատանքները գնահատելու ժամանակ, բացի իրենից, Արմենից և Ժորայից, այլ անձ ներկա չի եղել:
Վկա Գագիկ Գևորգյանը նախնական քննության ընթացքում` 2012 թվականի հուլիսի 27-ին, ցուցմունք է տվել այն մասին, որ աշխատում է Ակադեմիայում` որպես «Դիզայնի» ամբիոնի վարիչ: 2012 թվականի ընդունելության քննությունների ժամանակ եղել է դիզայնի, հագուստի մոդելավորման, կիրառական արվեստի համակարգչային գրաֆիկայի բաժինների առարկայական հանձնաժողովի նախագահը: Որպես առարկայական հանձնաժողովի նախագահ` քննությունների ընթացքում հսկել է, որպեսզի դիմորդները պահպանեն պատշաճ վարքագիծ, միմյանց չխանգարեն, կողմնակի միջամտություններ չլինի և այլն: Գնահատման հանձնաժողովի անդամներն են եղել ինքը, Արմեն Կանայանը և Ժորա Հայրապետյանը: Աշխատանքների գնահատմանը մասնակցել է նաև ընդունող հանձնաժողովի պատասխանատու քարտուղար Հայկ Փայասլյանը և իրենք իրենց կողմից որոշված գնահատականները թելադրել են նրան, իսկ նա սևագիր թղթի վրա նշել է դրանք: Որևէ մեկը չի հետևել, թե արդյոք Հայկն իրենց ասած գնահատականն է գրի առել, թե ոչ: Դրանից հետո իրենք գնացել են մյուս մասնաշենք, որտեղ Հայկը սևագիր թղթի վրա առկա տվյալները թելադրել է Շուշանիկ Կարապետյանին, ով գրանցել է քննական տեղեկագրում, որն իրենց կողմից ստորագրվել է: Այդ ժամանակ, թե ինքը և թե հանձնաժողովի մյուս անդամները կրկին չեն հետևել, թե արդյոք Հայկը թելադրել է այն նույն գնահատականները, որոնք իրենք են ասել, թե ոչ: Իրենց միջև եղել է փոխադարձ վստահություն և իրենք իրականում վստահել են Հայկին: Հայկն իրեն կամ հանձնաժողովի մյուս անդամներին չի խնդրել կամ առաջարկել դիմորդ Էդուարդ Բարբարյանի կամ մյուս դիմորդների աշխատանքներն ավելի բարձր գնահատել:
Վկա Արմեն Կանայանը դատական քննության ընթացքում ցուցմունք տվեց այն մասին, որ ինքն աշխատում է Ակադեմիայի դիզայնի ամբիոնում: 2012-2013 թվականների ընդունելության քննությունների ժամանակ ինքը եղել է առարկայական հանձնաժողովի անդամ: Քննական առաջադրանքները գնահատելու համար իրենք բոլոր աշխատանքները կախել են պատին, ուսումնասիրել յուրաքանչյուր աշխատանք և գնահատել այն: Գնահատականները նշելուց հետո իրենք դրանք ամփոփել են և գրառել ցուցակում: Գնահատականները մաքրագրելու ժամանակ իրենց օգնել է Հայկ Փայասլյանը: Այնուհետև իրենք գնացել են մյուս մասնաշենք, որտեղ գնահատականներն անցկացվել են քննական տեղեկագրում, որն իրենք ստորագրել են: Մինչ տեղեկագիրը ստորագրել, թե ինքը և թե Գագիկ Գևորգյանն իրենց մոտ եղած ցուցակում նշված գնահատականները համեմատել են տեղեկագրում անցկացված գնահատականների հետ, որոնք ամբողջովին համապատասխանել են: Քննությունների ժամանակ Հայկը չի խառնվել դրա ընթացքին և չի խնդրել որևէ մեկին բարձր գնահատել:
Վկա Արմեն Կանայանը նախնական քննության ընթացքում` 2012 թվականի հուլիսի 27-ին, ցուցմունք է տվել այն մասին, որ աշխատում է Ակադեմիայի դիզայնի ամբիոնում` որպես դոցենտ: 2012 թվականի ընդունելության քննությունների ժամանակ եղել է առարկայական` դիզայնի, հագուստի մոդելավորման, կիրառական արվեստի և համակարգչային գեղարվեստական նախագծման բաժինների, հանձնաժողովի անդամ: Նույն հանձնաժողովում են եղել նաև Ժորա Հայրապետյանը և Գագիկ Գևորգյանը: Քննությունների ավարտից հետո ինքը և հանձնաժողովի մյուս անդամները կատարել են գնահատումը, որին մասնակցել է նաև Հայկ Փայասլյանը: Գնահատման ընթացքում հանձնաժողովի բոլոր անդամները միասին հերթականությամբ մոտեցել են բոլոր նկարներին, յուրաքանչյուրը հայտնել է իր կարծիքը և ընդհանուր հայտարարի գալով կոնկրետ նկարի գնահատականի վերաբերյալ, այդ մասին հայտնել են Հայկին, ով մոտը եղած ցուցակում յուրաքանչյուր դիմորդի անվան դիմաց մատիտով գրառել է իրենց որոշած գնահատականը: Հայկը մասնագիտությամբ դիզայներ է և նա նույնպես, երբեմն, գնահատման ժամանակ հայտնել է նրա կարծիքը, որն իրենք հաշվի են առել, քանի որ ինչպես նշել է, նա դիզայնի մասնագետ է: Հայկի կողմից նրա մոտ եղած դիմորդների ցուցակներում գնահատականների վերաբերյալ մատիտով կատարված նշումներին ինքը և հանձնաժողովի մյուս անդամները չեն հետևել, քանի որ վստահել են նրան և կասկած չեն ունեցել, որ նա կարող է իրենց որոշած գնահատականի փոխարեն այլ գնահատական գրանցել: Գնահատման նշված ընթացքն ավարտելուց հետո ինքը և հանձնաժողովի մյուս անդամները, ինչպես նաև Հայկը, յուրաքանչյուրն իր ավտոմեքենայով գնացել են մյուս մասնաշենք, որտեղ Հայկը նրա մոտ եղած դիմորդների վերաբերյալ ցուցակներում նրա կողմից նշված գնահատականները բարձրաձայն թելադրել է Շուշանիկ Կարապետյանին, ով գնահատականները գրիչով լրացրել է վերջնական տեղեկագրում: Դրանից հետո ինքը և հանձնաժողովի մյուս անդամները ստորագրել են Շուշանիկի կողմից լրացված տեղեկագրերը: Ինչպես ինքը, այնպես էլ առարկայական հանձնաժողովի մյուս անդամները Հայկի կողմից դիմորդների գնահատականները փոփոխելու վերաբերյալ կասկածներ չեն ունեցել, քանի որ վստահել են նրան: Հայկի, Սվետլանա Գևորգյանի կամ այլ անձանց կողմից իրեն որևէ հանձնարարություն կամ խնդրանք չի եղել, որևէ դիմորդի, այդ թվում Էդուարդ Բարբարյանի աշխատանքը բարձր գնահատելու կամ նրա օգտին որևէ բան անելու մասին: Դատական քննության ներկայանալու մասին իրեն հեռախոսազանգի միջոցով տեղեկացրել է սույն քրեական գործով քննիչը և ասել, որ դատարանում պետք է ասի այն ամենը, ինչ որ նախնական քննության ժամանակ ինքը գրել է:
Առերես հարցաքննության մասին 2012 թվականի հուլիսի 30-ի արձանագրության համաձայն` առերեսում է կատարվել Արմինե Ենոքյանի և Խաչիկ Ազիզյանի միջև: Արմինե Ենոքյանը հայտնել է, որ իր որդին` Էդուարդ Բարբարյանը, ցանկացել է ընդունվել Ակադեմիայի դիզայնի անվճար բաժինը, որպեսզի օգտվի զինվորական ծառայության տարկետման իրավունքից: Ինքն ու ամուսինը գնացել են Ակադեմիա և հանդիպել իր հետ առերեսվող Խաչիկ Ազիզյանին: Այդ ժամանակ ինքը նրան ասել է, որ ցանկանում է, որպեսզի իր որդին ընդունվի Ակադեմիա: Խաչիկն իրենց բացատրել է, որ պետք է գոնե մի փոքր պատրաստված լինի: Ինքը նրա բացատրել է, որ իր տղան մասնավոր պարապում է և ունի համապատասխան գիտելիքներ, սակայն իրենց անհրաժեշտ է, որ նա ընդունվի անվճար, որպեսզի օգտվի զինվորական ծառայության տարկետման իրավունքից: Խաչիկն իրենց ասել է, որ այդ հարցը կարող է լուծվել միայն գումարով, իսկ գումարի չափի մասին ասել է, որ կխորհրդակցի և կասի: Դրանից մի քանի օր հետո ասել է, որ կարող է այդ հարցը լուծել միայն 4.000 ԱՄՆ դոլարով, որից հետո իր ամուսինն ասել է, որ 4.000 ԱՄՆ դոլարը շատ է, նա էլ 3.500 ԱՄՆ դոլարով համաձայնել է: Դրանից որոշ ժամանակ անց, իր հիշելով 2012 թվականի մայիսի սկզբներին, իր ամուսինն ասել է, որ Խաչիկը գումարն ուզում է: Դրա հաջորդ օրն ինքը և իր ամուսինը` Արայիկ Ֆահրադյանը, կրկին գնացել են Ակադեմիա, որտեղ ինքն անձամբ 3.500 ԱՄՆ դոլարը տվել է Խաչիկին, ով ասել է, որ ամեն ինչ նորմալ կլինի: Դրանից հետո` 2012 թվականի հուլիսին, երբ վերջնական տեսել են, որ իր որդին ընդունվել է վճարովի, ինքն իր ամուսնու հետ նորից գնացել է Խաչիկի մոտ և բացատրություն պահանջել, որտեղ նա իրենց ասել է, որ հետագայում իրենց կօգնի: Իրենք հասկանալով, որ օգնելու այլ տարբերակներ չկան և իր որդին պետք է գնա բանակ, գումարը ետ են պահանջել և 2012 թվականի հուլիսի կեսերին 3.500 ԱՄՆ դոլարից 2.500 ԱՄՆ դոլարն իր ամուսնու միջոցով վերադարձվել է, իսկ մնացած 1.000 ԱՄՆ դոլարը փոխադարձ համաձայնությամբ նորից մնացել է Խաչիկի մոտ: Ինքը պնդում է, որ 3.500 ԱՄՆ դոլարն անձամբ տվել է Խաչիկին` անվճար ընդունվելու համար: Իսկ Խաչիկ Ազիզյանը հայտնել է, որ իր հետ առերես հարցաքննվող Արմինե Ենոքյանի ցուցմունքները հիմնականում համապատասխանում են իրականությանը: Իրոք նրանց հետ ծանոթացել է իր ընկեր` Գասպար Մելքոնյանի միջոցով: Արմինեն և նրա ամուսին Արայիկ Ֆահրադյանը գնացել են իր աշխատասենյակ և պայմանավորվել նրանց որդու` Էդուարդ Բարբարյանի Ակադեմիա ընդունվելու հարցում: Ինքը նրանց ասել է, որ այդ հարցը կարող է լուծվել 4.000 ԱՄՆ դոլարով, իսկ նրանք ասել են, որ կարող են տալ 3.500 ԱՄՆ դոլար նրանց որդուն Ակադեմիա ընդունելու համար: Ինչ վերաբերում է Արմինեի այն պնդումներին, թե իրեն 3.500 ԱՄՆ դոլարը տվել են, որ նրա որդին ընդունվի անվճար, ապա իրականում իրենց միջև նման խոսակցություն եղել է, բայց շեշտը չի դրվել անվճար ընդունվելու համար, այլ գումարը տրվել է ուղղակի Ակադեմիա ընդունվելու համար:
Առերես հարցաքննության մասին 2012 թվականի հուլիսի 30-ի արձանագրության համաձայն` առերեսում է կատարվել Արայիկ ֆահրադյանի և Խաչիկ Ազիզյանի միջև: Արայիկ ֆահրադյանը հայտնել է, որ Էդուարդ Բարբարյանը պետք է ընդունվեր Ակադեմիա, սակայն անվճար, որպեսզի օգտվեր զինվորական ծառայության տարկետման իրավունքից: Այդ ժամանակ իր ծանոթներից Գասպարն իրեն ասել է, որ նրա ընկերն աշխատում է Ակադեմիայում որպես դեկան: Դրանից հետո իր կնոջ` Արմինե Ենոքյանի հետ հանդիպել են իր հետ առերես հարցաքննվող Խաչիկ Ազիզյանին և նրան ասել, որ ցանկանում են, որպեսզի Էդուարդն ընդունվի Ակադեմիա` պետպատվերի շրջանականերում: Խաչիկն իրենց ասել է, որ այդ հարցը պետք է լուծվի գումարով, իսկ գումարի չափը կասի մի քանի օրից: Դրանից հետո Խաչիկն իրեն ասել է, որ այդ հարցը լուծելու համար անհրաժեշտ է 4.000 ԱՄՆ դոլար, ինչի մասին ինքն ասել է իր կնոջը, ով ասել է, որ շատ է, որից հետո ինքը նորից խոսել է Խաչիկի հետ և ասել, որ 4.000 ԱՄՆ դոլարը շատ է, իսկ նա ասել է, որ հաջորդ օրը կասի: Հաջորդ օրը նա ասել է, որ 3.500 ԱՄՆ դոլարով կլինի և իր կինը համաձայնել է: 2012 թվականի մայիսի սկզբներին իր կինը Խաչիկի աշխատասենյակում նրան տվել է 3.500 ԱՄՆ դոլարը, սակայն հուլիսին պարզվել է, որ Էդուարդն ընդունվել է վճարովի և իրենք գնացել են Խաչիկի մոտ բացատրություն պահանջելու համար: Այդ ժամանակ Խաչիկն իրենց ասել է, որ նա ընդունվել է: Սակայն դրանից հետո տեսնելով, որ Խաչիկը խոստումը չի կատարել, ինքը 2.500 ԱՄՆ դոլարը ետ է պահանջել և 2012 թվականի հուլիսի կեսերին նրա տանը Խաչիկն իր գումարը ետ է վերադարձրել, իսկ հուլիսի 25-ին ինքը զանգահարել է և մնացած 1.000 ԱՄՆ դոլարն է ետ պահանջել: Ինքը պնդում է, որ այդ 3500 ԱՄՆ դոլարը տվել են պետպատվերով ընդունվելու համար: Իսկ Խաչիկ Ազիզյանը հայտնել է, որ լսեց իր հետ առերես հարցաքննվող Արայիկ Ֆահրադյանի ցուցմունքները, որոնք հիմնականում համապատասխանում են իրականությանը: Ինքն իրոք նրանց հետ ծանոթացել է իր ընկերոջ` Գասպար Մելքոնյանի միջոցով իր աշխատասենյակում և խոսել Էդուարդ Բարբարյանի Ակադեմիա ընդունվելու մասին: Ինքն ասել է, որ այդ հարցը կարող է լուծել 4.000 ԱՄՆ դոլարով, իսկ վերջում պայմանավորվել են այդ հարցը լուծել 3.500 ԱՄՆ դոլարով, որից հետո 2012 թվականի մայիսի սկզբներին Արմինե Ենոքյանն իր աշխատասենյակում իրեն է տվել 3.500 ԱՄՆ դոլար, և նրանց որդին ի վերջո ընդունվել է Ակադեմիա: Ինչ վերաբերում է, որ նրանք գումարը տվել են պարտադիր պետպատվերով ընդունվելու համար, չի համապատասխանում իրականությանը, իրականում նման խոսակցություն եղել է, բայց շեշտը չի դրվել անվճար ընդունվելու համար, այլ գումարը տրվել է ուղղակի ակադեմիա ընդունվելու համար:
Առերես հարցաքննության մասին 2012 թվականի հուլիսի 27-ի արձանագրության համաձայն` առերեսում է կատարվել Խաչիկ Ազիզյանի և Հայկ Փայասլյանի միջև: Խաչիկ Ազիզյանը հայտնել է, որ 2012 թվականի ապրիլին իր ընկերոջ միջոցով իր մոտ են գնացել Արայիկը և նրա կինը` Արմինեն, Էդուարդ Բարբարյանին Ակադեմիա ընդունվելու հետ կապված օգնություն ցույց տալու համար: Արդյունքում նրանց հետ պայմանավորվել են նրանց որդու Ակադեմիա ընդունվելու դիմաց վերցնել 3.500 ԱՄՆ դոլար: 2012 թվականի մայիսին ինքը նրանցից վերցրել է այդ գումարը և տվել Ակադեմիայի պրոռեկտոր Սվետլանա Գևորգյանին, որից իրեն մնացել է 1.000 ԱՄՆ դոլար: Դրանից հետո նրանց որդին ընդունվել է Ակադեմիա, սակայն նրանց մոտ դժգոհություն է առաջացել, թե ինչու է նրանց որդին ընդունվել վճարովի և ետ են պահանջել նրանց տված գումարից 2.500 ԱՄՆ դոլարը: Ինքն այդ մասին մոտ երկու շաբաթ առաջ պատմել է Սվետլանային, ով իր ներկայությամբ անմիջապես կանչել է Հայկին և ասել, որ իր միջնորդած Էդուարդ Բարբարյանի ծնողները դժգոհություն են հայտնել և իրենց տված 3.500 ԱՄՆ դոլարից 2.500 ԱՄՆ դոլարը ետ են ուզում: Սվետլանան իրենց ասել է, որ ավելորդ խոսակցություններից խուսափելու համար անհրաժեշտ է գումարը ետ վերադարձնել և Հայկին ասել է, որ գնա այդ գումարից 1.500 ԱՄՆ դոլարը բերի, իսկ իրեն ասել է, որ մնացած 1.000 ԱՄՆ դոլարն ինքը տանի, քանի որ այդ 3.500 ԱՄՆ դոլարից 1.000 ԱՄՆ դոլարը Սվետլանան թողել է իրեն: Նա էլ անմիջապես համաձայնվել է և առաջարկել է, որ իրոք անհրաժեշտ է այդ գումարը վերադարձնել: Դրանից հետո նա և ինքը նրա մեքենայով գնացել են Զաքյան փողոց, որտեղ ինքը մնացել է մեքենայում, իսկ նա բարձրացել է շենք և 1.500 ԱՄՆ դոլարը տարել և տվել է իրեն, որից հետո իրեն ուղեկցել է իրենց տուն: Իսկ ինքն ավելացնելով իր մոտ եղած 1.000 ԱՄՆ դոլարը, 2500 ԱՄՆ դոլարը տվել է Արայիկին: Դրանից հետո Հայկ Փայասլյանն իրեն հարցրել է, թե գումարը տվել է, թե ոչ և ինքը պատասխանել է, որ հենց այդ օրը նրա տված 1.500 ԱՄՆ դոլարի վրա ավելացրել է և հենց նույն օրը վերադարձրել է Արայիկին: Իսկ Հայկ Փայասլյանը հայտնել է, որ լսեց իր հետ առերես հարցաքննվող Խաչիկ Ազիզյանի ցուցմունքը, որն ամբողջությամբ սուտ է և չի համապատասխանում իրականությանը, Սվետլանա Գևորգյանն իրեն չի կանչել և չի ասել, որ գումարը ետ տա, իսկ ինքը 1.500 ԱՄՆ դոլար Խաչիկին չի տվել և այդ մասին նրան չի հարցրել:
Առերես հարցաքննության մասին 2012 թվականի հոկտեմբերի 30-ի արձանագրության համաձայն` առերեսում է կատարվել Հայկ Փայասլյանի և Խաչիկ Ազիզյանի միջև: Խաչիկ Ազիզյանը հայտնել է, որ Էդուարդ Բարբարյանն իր բարեկամը չէ և ինքը Ակադեմիայի որևէ աշխատակցի, այդ թվում Հայկ Փայասլյանին որպես իր բարեկամի չի ներկայացրել: Ինքը Հայկին չի խնդրել, որ նա Էդուարդի ծնողներից վերցրած գումարների մասին կամ վերադարձնելու մասին չներկայացնի ռեկտորին, այլ Հայկը դիմել է իրեն, որպեսզի ինքը դիմորդի ծնողներից պարզի, թե արդյոք ռեկտորին նրանք դիմել են, թե ոչ: Դրանից հետո ինքն Արայիկից և Արմինեից պարզել է, թե նրանք դիմել են կամ պատրաստվում են դիմել, թե ոչ և նրանք ասել են, որ իրենք չեն դիմել և չեն էլ դիմելու, այլ նրանց բարեկամներն են դիմելու և ինքը նրանց ասածները հայտնել է Հայկին: Ինքը պնդում է իր ցուցմունքները, իրականում ինքը երբևէ չի դիմել Հայկին, որպեսզի այդ մասին ռեկտորին չհայտնի, այլ Հայկն է իրեն հայտնել, այլ Հայկն է իրեն դիմել, որպեսզի ինքը դիմորդի ծնողներից պարզի, թե նրանք դիմել են ռեկտորին, թե ոչ կամ պատրաստվում են դիմել, թե ոչ: Իսկ պարզելուց հետո ինքը հայտնել է Հայկին: Ինչ վերաբերում է ի սկզբանե Հայկին դիմելու դիմորդ Էդուարդի համար, ապա ինքն ի սկզբանե դիմել է Սվետլանա Գևորգյանին: Այդ հարցով, երբ ինքը տեղեկացրել է Սվետլանային, որ դիմորդի ծնողները նրանց տված գումարի մի մասը ետ են ուզում, այդ պահին Սվետլանան կանչել է Հայկին և ասել, որ ծնողները գումարի մի մասը ետ են ուզում և որոշել են, որ ետ տան գումարը: Դրանից հետո Հայկն իրեն տվել է 1.500 ԱՄՆ դոլար: Ինքը պնդում է, որ իր նկատմամբ երբեք որևէ սպառնալիք չի եղել, ինքն իր ցուցմունքները չի տվել սպառնալիքների ազդեցության տակ, իր բոլոր ցուցմունքները ճշմարտացի են, իսկ ինչ վերաբերում է նրան, որ ինքն այդ մասին ինչ է խոսել, դա իր գործն է և չի ցանկանում հայտնել: Իսկ Հայկ Փայասլյանը հայտնել է, որ Խաչիկ Ազիզյանը քննությունների ընթացքում անձամբ իրեն ոչ մի անգամ չի դիմել դիմորդ Էդուարդ Բարբարյանի մասին և չի ասել, որ իր ծանոթն է կամ բարեկամը: Այդ մասին ինչպես ինքը նշել է իր նախկին ցուցմունքում, իմացել է Սվետլանա Գևորգյանից: Նա էլ իրեն ասել է, որ Խաչիկը խնդրել է իմանալ նրա ծանոթի (բարեկամի) վիճակը քննությունների ընթացքում, որի մասին ինքն ասել է Ավետիք Ավետիսյանին, որպեսզի նա նայի դիմորդի աշխատանքների ընթացքը և տեղյակ պահի Սվետլանային: Իրեն այդքանն է հայտնի, իսկ թե Սվետլանան և Խաչիկը ինչ են խոսել, իրեն հայտնի չէ, որովհետև ինքը ներկա չի եղել: Իսկ որ բարեկամ չէ, ինքն իմացել է արդեն Ավետիքի հետ հեռախոսազրույցից հետո: Ինչ վերաբերում է ռեկտորին դիմելու վերաբերյալ նրան չէին կարող դիմել, քանի որ ռեկտորը մինչև հուլիսի 25-ը բացակայել է քաղաքից և բնականաբար ինքն այդ հարցը չէր կարող տալ, իսկ հետո Խաչիկն իրեն ասել է, որ նրանք չեն դիմելու ռեկտորին և իր կողմից ռեկտորին տեղյակ պահելու կարիք չկա: Խաչիկը դիմորդի ծնողների հետ խոսել է, թե չի խոսել այդ թեմայով, ինքը ոչինչ ասել չի կարող: Միայն կարող է ասել, որ Խաչիկն ասել է, որ նրանք չեն դիմելու և ինքը դրա մասին չասի ռեկտորին: Ռեկտորին դիմելու հարցով ինքը Խաչիկին չէր դիմի և չի էլ դիմել, քանի որ Ավետիքն իրեն հեռախոսով պատմել է բոլոր մանրամասները և բացի դրանից ինքը, որպես պատասխանատու քարտուղար այդ ամենի մասին պետք է պատմեր ռեկտորին գործուղումից վերադառնալուց հետո: Ավետիքի հեռախոսազանգի հաջորդ օրն ինքը գնացել է Ակադեմիա իր հերթական աշխատանքային օրվա պես: Օրվա ընթացքում ինքը մտել է Սվետլանայի մոտ և տեսել է Խաչիկին, ով Սվետլանայի հետ խոսել է նախորդ օրն իր իմացած հեռախոսային թեմայի մասին: Քանի որ ռեկտորը քաղաքում չի եղել, որ ինքը դիմեր այդ մասին, առաջարկել է, որպեսզի աղմուկ չբարձրանա, որ ետ վերադարձնի Խաչիկի վերցրած գումարը: Այդ խորհուրդն ինքը տվել է իր բնավորության համաձայն, քանի որ չի կարողանում անտարբեր անցնել որևէ մեկի խնդիրների կողքով: Ինքը որքան հիշում է այդ խոսակցության ժամանակ նրանք խոսել են ինչ-որ դիմորդի վերցրած գումարների մասին և այդ գումարները վերադարձնելու մասին: Այդ ժամանակ ինքն իր հերթին խորհուրդ է տվել վերադարձնել գումարները: Ինչ վերաբերում է իր կողմից 1.500 ԱՄՆ դոլարը Խաչիկին վերադարձնելուն, ապա նման բան չի եղել:
Առերես հարցաքննության մասին 2012 թվականի հոկտեմբերի 30-ի արձանագրության համաձայն` առերեսում է կատարվել Խաչիկ Ազիզյանի և Սվետլանա Գևորգյանի միջև: Խաչիկ Ազիզյանը հայտնել է, որ Էդուարդ Բարբարյանն իր բարեկամը չէ և ինքը Ակադեմիայի որևէ աշխատակցի, այդ թվում Սվետլանային չի ներկայացրել նրան որպես իր բարեկամի, այլ քննություններից առաջ ինքը Սվետլանային ասել է, որ իր ծանոթ նկարիչներից մեկի միջոցով դիմորդ Էդուարդ Բարբարյանի ծնողները դիմել են իրեն և խոստացել են նրանց որդուն Ակադեմիա ընդունելու դիմաց տալ 3.500 ԱՄՆ դոլար: Սվետլանան համաձայնել է, որից հետո նրա ծնողներից` Արայիկ Ֆահրադյանից և Արմինե Ենոքյանից ինքը վերցրել է 3.500 ԱՄՆ դոլար և անձամբ տվել է Սվետլանան և իր ձեռքով թղթի վրա գրված Էդուարդ Բարբարյանի անուն-ազգանունը: Դրանից հետո, երբ ծնողները նրանց տված գումարի մի մասը ետ են ուզել, այդ մասին ինքն ասել է Սվետլանային, ով նույն պահին կանչել է Հայկ Փայասլյանին և ասել, որ Էդուարդ Բարբարյանի ծնողները գումարի մի մասը ետ են ուզում և ասել է, որ Հայկն այդ գումարի 1.500 ԱՄՆ դոլարը բերի տա իրեն, իսկ իրեն էլ ասել է, որ իր մոտի 1.000 ԱՄՆ դոլարը տա և 2.500 ԱՄՆ դոլարը վերադարձնեն ծնողներին: Այդպես էլ արել են, Հայկն իրեն տվել է 1.500 ԱՄՆ դոլար, ինքն էլ ավելացրել է 1.000 ԱՄՆ դոլար և վերադարձրել է ծնողներին: Իսկ Սվետլանա Գևորգյանը հայտնել է, որ ոչ թե քննություններից առաջ, այլ քննությունների երկրորդ, թե երրորդ օրը Խաչիկ Ազիզյանն իրեն ասել է, որ նրա բարեկամի երեխան քննություն է հանձնում դիզայնի բաժնում, ով շնորհալի երիտասարդ է և ցանկացել է իմանալ, թե ինչպես է նա նկարում: Ինքն ասել է, որ դիմի Հայկին, ով մուտք է ունեցել այդ մասնաշենքի քննասենյակները և կարող է տեսնել, թե ինչպես է նկարում իր բարեկամը: Միաժամանակ ինքն էլ Հայկին ասել է, որ Խաչիկի բարեկամի աշխատանքին նայի և տեղեկացնի: Հաջորդ օրը կամ գուցե և նույն օրը Հայկն իրեն ասել է, որ իրոք շնորհալի դիմորդ է և վստահ ու լավ նկարում է: Խաչիկն իրեն որևէ գումար չի տվել և ինքը նրան ոչինչ չի վերադարձրել:
Անձնական խուզարկություն կատարելու մասին 2012 թվականի հուլիսի 26-ի արձանագրության համաձայն` Հայկ Ստեփանի Փայասլյանի անձնական խուզարկության ժամանակ հայտնաբերվել է մեկ հատ 10.000 ՀՀ դրամանոց թղթադրամ, մեկ հատ 5.000 ՀՀ դրամանոց թղթադրամ, երեք հատ 1.000 ՀՀ դրամանոց թղթադրամներ և սև գույնի «Նոկիա» տեսակի բջջային հեռախոս, որի մեջ առկա է եղել 091-40-74-75 հեռախոսահամարը:
Անձնական խուզարկություն կատարելու մասին 2012 թվականի հուլիսի 26-ի արձանագրության համաձայն` Սվետլանա Զավենի Գևորգյանի անձնական խուզարկության ժամանակ հայտնաբերվել է կաթնագույն կանացի պայուսակի միջից մեկ սև գույնի դրամապանակ, որի մեջ առկա են եղել 3 հատ աշխատանքին վերաբերող բանալիներ, ոսկեգույն «Սամսունգ E 500» տեսակի բջջային հեռախոս, որի մեջ առկա է եղել 094-26-80-93 հեռախոսահամարը և երեք հատ թղթի կտորներ` մեկը եղել է դեղին, իսկ երկուսը` սպիտակ, որոնց վրա առկա են եղել մարդկանց անուններով և թվերով գրառումներ:
Զննություն կատարելու մասին 2012 թվականի հոկտեմբերի 18-ի արձանագրության համաձայն` կատարվել է 2012 թվականի հունվարի 1-ից մինչև 2012 թվականի օգոստոսի 8-ն ընկած ժամանակահատվածը ներառող հեռախոսային հաղորդակցության, աբոնենտների տվյալների ու տեղանշման վերաբերյալ տեղեկություններ պարունակող «Ղ-Տելեկոմ», «ԱրմենՏել» և «Օրանժ Արմենիա» ՓԲ ընկերություններից ստացված լազերային սկավառակների զննություն: «Ղ-Տելեկոմ» ՓԲ ընկերությունից ստացված տվյալները զետեղված են եղել մեկ լազերային սկավառակի վրա, որը բեռնվել է համակարգչի մեջ: «Ղ-Տելեկոմ» ՓԲ ընկերությունից ստացված տեղեկությունների զննությամբ պարզվել է, որ տարբեր օրերի ընթացքում Խաչիկ Ազիզյանը 093-87-11-61 հեռախոսահամարից պարբերաբար զանգեր է կատարել Հայկ Փայասլյանի 091-40-74-75 հեռախոսահամարին, ինչպես նաև Հայկ Փայասլյանը 091-40-74-75 հեռախոսահամարից պարբերաբար զանգեր է կատարել Խաչիկ Ազիզյանի 093-87-11-61 հեռախոսահամարին, հատկապես` 2012 թվականի հուլիսին: Զննությամբ պարզվել է նաև, որ տարբեր օրերի ընթացքում Խաչիկ Ազիզյանը 093-87-11-61 հեռախոսահամարից պարբերաբար զանգեր է կատարել Արայիկ Ֆահրադյանի 093-53-94-29 և 055-53-94-29 հեռախոսահամարներին, ինչպես նաև, Արայիկ Ֆահրադյանը 055-53-94-29 հեռախոսահամարից պարբերաբար զանգեր է կատարել Խաչիկ Ազիզյանի 093-87-11-61 հեռախոսահամարին: Զննությամբ պարզվել է, որ տարբեր օրերի ընթացքում Արմինե Ֆահրադյանը 055-49-91-15 հեռախոսահամարից պարբերաբար զանգեր է կատարել Խաչիկ Ազիզյանի 093-87-11-61 հեռախոսահամարին: Զննությամբ պարզվել է, որ տարբեր օրերի ընթացքում Խաչիկ Ազիզյանը 093-87-11-61 հեռախոսահամարից պարբերաբար զանգեր է կատարել Սվետլանա Գևորգյանի 093-26-80-93 հեռախոսահամարին, ինչպես նաև Սվետլանա Գևորգյանը 093-26-80-93 հեռախոսահամարից պարբերաբար զանգեր է կատարել Խաչիկ Ազիզյանի 093-87-11-61 հեռախոսահամարին: Զննությամբ պարզվել է, որ տարբեր օրերի ընթացքում Խաչիկ Ազիզյանը 093-87-11-61 հեռախոսահամարից պարբերաբար զանգեր է կատարել Ավետիք Ավետիսյանի 094-51-60-52 հեռախոսահամարին, ինչպես նաև Ավետիք Ավետիսյանը 094-51-60-52 հեռախոսահամարից պարբերաբար զանգեր է կատարել Խաչիկ Ազիզյանի 093-87-11-61 հեռախոսահամարին: «ԱրմենՏել» ՓԲ ընկերությունից ստացված տվյալները զետեղված են եղել մեկ լազերային սկավառակի վրա, որը բեռնվել է համակարգչի մեջ: Զննությամբ պարզվել է, որ տարբեր օրերի ընթացքում Հայկ Փայասլյանը 091-40-74-75 հեռախոսահամարից պարբերաբար զանգեր է կատարել Սվետլանա Գևորգյանի 094-26-80-93 հեռախոսահամարին: Զննությամբ պարզվել է, որ տարբեր օրերի ընթացքում Հայկ Փայասլյանը 091-40-74-75 հեռախոսահամարից պարբերաբար զանգեր է կատարել Ավետիք Ավետիսյանի 094-51-60-52 հեռախոսահամարին, ինչպես նաև Ավետիք Ավետիսյանը 094-51-60-52 հեռախոսահամարից պարբերաբար զանգեր է կատարել Հայկ Փայասլյանի 091-40-74-75 հեռախոսահամարին, հատկապես հունիս և հուլիս ամիսներին:
Զննություն կատարելու մասին 2012 թվականի հոկտեմբերի 19-ի արձանագրության համաձայն` կատարվել է Երևանի գեղարվեստի պետական ակադեմիայից առգրավված դիմորդ Էդուարդ Բարբարյանի թվով 4 աշխատանքների զննություն: Աշխատանքները պայմանականորեն համարակալվել են 1-ից 4 հերթական համարներով`
1) աշխատանքն իրենից ներկայացրել է սպիտակ ստվարաթղթի վրա սև մատիտով պատկերված կնոջ դիմանկար։ Այն 34x46սմ չափերի է եղել: Վերևի ձախ անկյունային հատվածում առկա է եղել մատիտով ձեռագիր գրառված «Բարբարյան Էդուարդ, դիզայն, քնն. № 112» և կնիք «Երևանի գեղարվեստի պետական ակադեմիա Հ/Կոդ 01505555»:
2) աշխատանքն իրենից ներկայացրել է նատյուրմորտ` կուժի, որի մեջ եղել է կարմիր գույնի կտորի պատկեր, տանձի, սպիտակ թեյնիկի, դեղձի բազմերանգ ֆոնի ներքո պատկերներով: Վերևի աջ անկյունում առկա է եղել կապույտ թանաքով «Բարբարյան Էդուարդ, դիզայն, քնն. № 112» և կնիք «Երևանի գեղարվեստի պետական ակադեմիա Հ/Կոդ 01505555» գրառմամբ: Դրանց վերևի հատվածում առկա է եղել նաև մատիտով գրառված «Բարբարյան Էդուարդ»: Այն 37x25,5սմ չափերի է եղել:
3) աշխատանքն իրենից ներկայացրել է սև մատիտով կատարած գրաֆիկական գծանկարներ, որոնք բաղկացած են եղել երկու առանձին առաջադրանքներից, որոնք կատարված են եղել 60x43սմ չափերի սպիտակ ստվարաթղթի վրա: Ձախ հատվածում առկա է եղել 14,5x21սմ չափերի սպիտակ առանձին ստվարաթուղթ, որի աջ ներքևի հատվածում առկա է եղել «Տոմս 73» գրառումը, դրոշմված «Երևանի գեղարվեստի պետական ակադեմիա Հ/Կոդ 01505555» գրառմամբ կնիքով, ընդ որում` կնիքի դրոշմը թողնված է եղել կատարված աշխատանքի և նշված ստվարաթղթի վրա: Նույն ստվարաթղթի հետնամասում առկա է եղել կնիք «Երևանի գեղարվեստի պետական ակադեմիա ՊՈԱԿ 01505555» կլոր կնիք: Աշխատանքի աջ վերևի հատվածում փակցված է եղել սպիտակ 7x21սմ չափերի ստվարաթուղթ` Տոմս թ 66, 1. Ինչպիսին է այն եռանկյունը, որի կողմերն են` 30սմ, 40սմ, և 50սմ.: Ընտրել և գրի առնել ճիշտ պատասխանը: Ա. սուրանկյուն, Բ. բութանկյուն, Գ. ուղղանկյուն: 2. Գծել 25մմ և 37մմ շառավիղ ունեցող 2 շրջան և լծորդել 85մմ շառավիղ ունեցող աղեղով «արտաքին լծորդում»: Կենտրոնների միջև եղած հեռավորությունը 75մմ է: Նույն ստվարաթղթի հետևի հատվածում առկա է եղել «Երևանի գեղարվեստի պետական ակադեմիա ՊՈԱԿ 01505555» կլոր կնիք: Աշխատանքների վերևի մեջտեղի հատվածում մատիտով գրառված է եղել «Բարբարյան Էդուարդ, դիզայն քնն. թիվ 112»:
4) աշխատանքը կատարված է եղել 60x43սմ սպիտակ ստվարաթղթի վրա: Պատկերված են եղել թվով 7 գրաֆիկական պատկերներ, որոնցից 6-ը կատարված է եղել սև մատիտով, իսկ 7-րդը` տարբեր գույներով լծորդված պատկերներից: Վերևի մեջտեղի հատվածում մատիտով ձեռագիր գրառված է եղել «Բարբարյան Էդուարդ, դիզայն քնն. թիվ 112» և «Երևանի գեղարվեստի պետական ակադեմիա Հ/Կոդ 01505555»:
Առգրավում կատարելու մասին 2012 թվականի հուլիսի 27-ի արձանագրության համաձայն` առգրավվել են Երևանի գեղարվեստի պետական ակադեմիայի 2012-2013 թվականների ուսումնական տարվա ընդունելության քննությունների արդյունքների վերաբերյալ փաստաթղթերը` «14» թերթից, քննական աշխատանքի բողոքարկման դիմումները` «17» թերթից և փոփոխված արդյունքների մասին արձանագրությունները` «11» թերթից, ԵԳՊԱ 2012-2013 թվականների ուսումնական տարվա ընդունելության քննություններին մասնակցող դիմորդների` ըստ օրերի, քանակի վերաբերյալ արձանագրությունները` «3» թերթից, ԵԳՊԱ 2012-2013 թվականների ուսումնական տարվա ընդունելության քննությունների քննատախտակները` «8» թերթից, ԵԳՊԱ 2012-2013 թվականների ուսումնական տարվա դիմորդների գրանցման թիվ 1 և թիվ 2 մատյանները, ԵԳՊԱ 2012-2013 թվականների քննական տեղեկագրերը` «28» թերթից, Էդուարդ Բարբարյանի նկարած բնանկարը, գծանկարները և դիզայնը` «4» թերթից և ԵԳՊԱ 2012-2013 թվականների ուսումնական տարվա ընդունելության քննությունների ընթացքում ԲՈՒՀ ընդունված ուսանողների անձնական գործերը` թվով 9 արագակարներում:
Խուզարկություն (առգրավում) կատարելու մասին 2012 թվականի հուլիսի 28-ի արձանագրության համաձայն` ԵԳՊԱ Երևան քաղաքի Իսահակյան 36-րդ հասցեում գտնվող մասնաշենքի 2-րդ հարկում գտնվող Հայկ Փայասլյանի աշխատասենյակի չհրկիզվող պահարանի վերևի դարակից խուզարկությամբ հայտնաբերվել և առգրավվել է մեկ թերթ չստորագրված և չկնիքված գրություն ուղղված Ա.Աշոտյանին ռեկտոր Ա.Իսաբեկյանի անունից, ինչպես նաև թվով 8 անուն ազգանուններով ցուցակ, որոնց դիմաց սյունակներում ուղղումներով նշված են եղել թվանշաններ, կազմված Հայկ Փայասլյանի անունից` բաղկացած «1» թերթից: Հայկ Փայասլյանի սեղանի դարակներից հայտնաբերվել է ԵԳՊԱ մագիստրոսի դիպլոմային աշխատանքի կատարման քննական տեղեկագիր` բաղկացած «1» թերթից և 2012-2013 ուսումնական տարվա քննությունների արդյունքների վերաբերյալ ցուցակներ` բաղկացած «15» թերթից։ Հայկ Փայասլյանի 2-րդ երկաթյա պահարանից խուզարկությամբ հայտնաբերվել և առգրավվել է մեկ տետր, որի դիմերեսին առկա է եղել գրառում` «2012-2013 թվականների ընդունելություն», իսկ թերթերին առկա են եղել ստորագրություններ, անուն ազգանուններ և այլ տեղեկություններ:
Այլ փաստաթղթերն ապացույց ճանաչելու մասին 2012 թվականի հոկտեմբերի 30-ի որոշման համաձայն` Արմինե Ենոքյանի` հանցագործության դեպքի մասին տված հաղորդման թիվ 004877 արձանագրությունը, Էդուարդ Բարբարյանի` ակադեմիա դիմելու և քննություններին մասնակցելու հանգամանքները հիմնավորող անձնական գործը և թվով 4 ստվարաթղթերի վրա կատարած աշխատանքները, «Երևանի գեղարվեստի պետական ակադեմիա» պետական ոչ առևտրային կազմակերպության` ի դեմս ռեկտոր Ա.Իսաբեկյանի և Հայկ Ստեփանի Փայասլյանի միջև կնքված թիվ 387 աշխատանքային պայմանագրի բնօրինակը, թիվ ПТ-1 № 0134703 աշխատանքային գրքույկը, Խաչիկ Սուրենի Ազիզյանի միջև կնքված թիվ 508 աշխատանքային պայմանագրի բնօրինակը, 1979 թվականի դեկտեմբերի 15-ին տրված աշխատանքային գրքույկը, Սվետլանա Զավենի Գևորգյանի միջև կնքված թիվ 57 աշխատանքային պայմանագրի բնօրինակը, թիվ 1-57 աշխատանքային պայմանագրի ժամկետը փոփոխելու մասին համաձայնագիրը, 1963 թվականի հունվարի 8-ին տրված աշխատանքային գրքույկը, ընդունող հանձնաժողովի կազմը հաստատող թիվ 77 և առարկայական քննական հանձնաժողովի կազմը հաստատող թիվ 131 հրամանները և պետական ու ոչ պետական բարձրագույն ուսումնական հաստատությունների ընդունելության կարգը ճանաչվել են ապացույց, որոնք հետազոտվել են դատական քննության ընթացքում:
Իրեղեն ապացույց ճանաչելու և քրեական գործին կցելու մասին 2012 թվականի հոկտեմբերի 30-ի որոշման համաձայն` «Verbatim» ֆիրմայի «CD-R» տեսակի «5-666-12» և «106» ձեռագիր գրառումներով լազերային սկավառակը ճանաչվել է իրեղեն ապացույց և կցվել է քրեական գործին, որը հետազոտվել է դատական քննության ընթացքում:
Զննություն կատարելու մասին 2012 թվականի հոկտեմբերի 26-ի արձանագրության համաձայն` կատարվել է Հայկ Ստեփանի Փայասլյանից, Սվետլանա Զավենի Գևորգյանից և Խաչիկ Սուրենի Ազիզյանից առգրավված փաստաթղթերի զննություն: Զննության է ենթարկվել թափանցիկ պոլիէթիլենային թաղանթը, որի վրա կապույտ թանաքով գրառված է եղել Խաչիկ Ազիզյան, ինչպես նաև առկա է եղել սպիտակ քառակուսի ստվարաթուղթ` ընթերականեր Ն.Գասպարյանի և Լ.Միրզոյանի ստորագրություններով: Պոլիէթիլենային թաղանթն ընթերակաների ներկայությամբ բացվել է: Փաթեթում առկա են եղել 21 հատ A4 ֆորմատի սպիտակ ստվարաթղթեր` աջ անկյունային վերևի հատվածում «Ձև 21 և Երևանի գեղարվեստի պետական ակադեմիա քննական տեղեկագիր» գրառմամբ, յուրաքանչյուրում առկա են եղել դիմորդների անուն, ազգանուն, հայրանուններ: Թղթերը համարակալված են եղել 1-ից մինչև 21 թվերով: Զննության է ենթարկվել դեղնավուն ծրարը: Այն իրենից ներկայացրել է 17x25սմ չափերի ստվարաթղթից պատրաստված ծրար, որի դիմային հատվածում կապույտ թանաքով առկա է եղել «քաղ. Սվետլանա Գևորգյանի մոտից անձնական խուզարկությամբ հայտնաբերված իրերը» գրառում: Աջ հատվածում առկա է եղել սպիտակ ստվարաթուղթ կնքված` ՀՀ ոստիկանության ԿՀԴՊԳՎ ծրարների համար նախատեսված կնիքով, երեք ստորագրություններով: Ընթերակաների ներկայությամբ ծրարը բացվել է, որի մեջ առկա են եղել 3 (երեք) թղթեր, որոնք իրենցից ներկայացրել են` 1. դեղին գույնի, տողերով, ձախ հատվածով կարմիր երկու գծով լուսանցքով: Թղթի վրա առկա են եղել անուններ և թվեր, մասնավորապես` «Գագիկ 10+10 20 10», «Ավիկ 3 Ավիկ 1.250», «Անուշիկ 5», «Ռուզան 4», «Սուսան 10», «Արտո 30 15 7», «Արմինե 2900+1000+2.000», «Հասմիկ 2», «Գայան 1.3+2+1+1000 հազար դրամ», «Գոհար 1.2+300+500 հազար դրամ», ներքևի աջ հատվածում իրար տակ առկա են եղել` 2, 4.3, 1.5, 7.8+500դր: 2. սպիտակ ստվարաթուղթ` անունների և թվերի գրառմամբ, մասնավորապես` «Գագիկ 10+10», «Ավիկ 8+4 3», «Անուշիկ 5», «Գայանե 4+1.3+2+1000+1000 դրամ», «Գոհար 2.2+300+500 հազար դրամ», «Ռուզան (Նվարդ) 4», «Սուսան (ԱՄՆ) 10», «Արտո 30», «Արմինե Եվրո 2900+1000», «Հասմիկ 1.5+0.5», «Հայկ»: 3. Սպիտակ թուղթ տողերով, անունների և թվերի գրառմամբ, մասնավորապես` «Գայնա 2.100», «Միլեն Գագո 1000, 500.000 դրամ», «Գոհար 2.700», ներքևում առկա է եղել գիծ, որի տակ գրառված է եղել «5.800+500 հազար դ. վերջնական»: Զննության է ենթարկվել նաև 22x32սմ չափերի սպիտակավուն ծրարը, որի դիմային վերևի հատվածում առկա է եղել «Հայկ Փայասլյանի աշխատասենյակից հայտնաբերված փաստաթղթեր» գրառումը: Ընթերակաների ներկայությամբ ծրարը բացվել է, որի մեջ առկա են եղել` 1. ծաղիկների նկարներով տետր` «SKARLET PLEDGE FOR KNOWLEDGE» գրառմամբ, ներքևի հատվածում առկա է եղել «ՏԵՏՐ 2012-13 ընդունելություն» գրառումը: Տետրը եղել է 48 թերթանի, տողերով, որի առաջին էջին որևէ գրառում առկա չի եղել, 2-ից մինչև 10-րդ էջն առկա են եղել անուն, ազգանուն, հայրանուններ, երբ և որտեղ է ավարտել, դիմումի օրը, ինչ բաժին է տվել, եզրակացություն և ստորագրություն սյունակներ, որոնցում էլ առկա են եղել համապատասխան գրառումներ: 10-րդ էջից մինչև վերջին էջը որևէ գրառում առկա չի եղել: 2. Ա4 ֆորմատի 17 սպիտակ թղթեր, որոնք իրենցից ներկայացրել են դիմորդների ընդունելության ցուցակներ: 3. Ա4 ֆորմատի թուղթ` գրություն ռեկտոր Արամ Իսաբեկյանից ուղղված ՀՀ ԿԳ նախարար Ա.Աշոտյանին: Զննության է ենթարկվել նաև սպիտակավուն պոլիէթիլենային թաղանթ` «KappAhl» գրառմամբ: Բռնակի հատվածում առկա է եղել «Հայկ Փայասլյան» գրառումը, ինչպես նաև ետևի հատվածում սպիտակ թուղթ` ստորագրություններով: Թաղանթը ընթերակաների ներկայությամբ բացվել է և պարզվել, որ դրանում առկա է եղել մոխրագույն թղթապանակ «ПАПКА С РЕЗИНКОЙ» գրառմամբ: Թղթապանակում առկա են եղել 47 հատ Ա4 ֆորմատի սպիտակ ստվարաթղթեր` դիմում ուղղված ՀՀ հանրապետական ընդունող հանձնաժողովի նախագահ Ա.Աշոտյանին, ինչպես նաև դիմորդների ցուցակներ` կնքված «ՀՀ Երևանի Գեղարվեստի Պետական Ակադեմիա» ՊՈԱԿ կնիքով: Թղթապանակում առկա է եղել նաև թափանցիկ պոլիէթիլենային թաղանթ` Ա4 ֆորմատի 14 հատ սպիտակ ստվարաթղթերով` դիմորդների ընդունելության հետ կապված գրություններով:
Զննություն կատարելու մասին 2012 թվականի օգոստոսի 15-ի արձանագրության համաձայն` կատարվել է Հայկ Փայասլյանի 091-40-74-75 հեռախոսահամարի հեռախոսային գաղտնալսումների արդյունքում կատարված ձայնագրությունների զննություն: ՀՀ ոստիկանության ԿՀԴՊ գլխավոր վարչությունն իր 2012 թվականի սեպտեմբերի 10-ի թիվ 29/1-4-3059 գրությամբ վարույթն իրականացնող մարմնին է ներկայացրել «Verbatim» ֆիրմայի «CD-R» տեսակի «5-666-12» և «106» ձեռագիր գրառումներով լազերային սկավառակ: Վերարտադրության նպատակով սկավառակը տեղադրվել է «Intel(R) Pentium(R) 4 CPU» տեսակի համակարգչի մեջ և արդյունքում պարզվել է, որ լազերային սկավառակն իր մեջ պարունակում է 30 հատ «Wave Sound» տեսակի ֆայլեր: Նշված ֆայլերի զննությամբ մասնավորապես պարզվել է հետևյալը.
(...)
9) «5-666-12_13-06-10_20.07.2012_91407475_out_093871161.wav» ֆայլի զննությամբ պարզվել է, որ Հայկ Փայասլյանը զանգահարում է Խաչիկ Ազիզյանին, ով Հայկ Փայասլյանին պատմում է, որ 2.500 ԱՄՆ դոլարը վերադարձրել է, իսկ մնացած` 1.000 ԱՄՆ դոլարը չեն ուզել` պատճառաբանելով, որ իրենց համար չարչարվել են: Խոսակցությունը տևում է 2 րոպե 17 վայրկյան, մասնավորապես.
Խ - «դա»:
Հ - «հա, ինչ եղավ»:
Խ - «նորմալ, ուրեմը նոր գնաց, տվի, ասի` լավ բա են մեկը ինչի հմարա»:
Հ - «հա»:
Խ - «ասումա` էնել էտքան չարչարվաք, բան արիք, մեկա ինքը պտի մնա էս տարի սովորի»:
Հ - «Հա»
Խ - «ես էլ կբերեմ, ասումա, 550 հազարա ինչա կփակեմ, մուծումը կանեմ»:
Հ - «ըհը»:
Խ - «ասումա իրանց տիրոջ սենցնել, ընենցնել, պարզվումա էտի իրա կնգա ուրիշ մարդուց տղանա էլի»:
Հ - «հա, բիջա»:
Խ - «ասումա` ինձ էլ դրդել են վախտին, որ արա թող իրա ուժերով կընդունվեր, բան-ման, ասի թող մյուս տարի էլ գա իրա ուժերով տենամ ընդունվի նորից»:
Հ - «հա»:
Խ - «ես Ձեր հետ հաշիվ, բան-ման չունեմ, պրծել եմ ցավտ տանեմ, սենց բանով»:
Հ - «հա»:
Խ - «հա, ասի` եթե չի բան անում, ես էթամ վաղը միսօր բերեմ են մեկը»:
Հ - «հա»:
Խ - «չէ, չէ, չէ ասումա, չէ, իմ կնիկը գիտի, որ ես ձեզ 2,5 եմ բան արել»:
Հ - «Հա»:
Խ - «էն մեկը ես իմ կոմից եմ բան արել, էնել ես մարդ եմ, ասումա, դուք չարչարվել եք ամեն դեպքում … (Հայկը ընդհատում է )»:
Հ - «իսկ բանի համար հետո հարց եղավ, առիթ, հարցրիր թե էտ ռեկտրից ինչ էր ուզում»:
Խ - «էղավ, էղավ, հարցրի, ասի` բա էլ ինչ էիր, ասումա` էտ ես չեմ, արա ամոթ չի, ասումա, գործը ես քո հետ եմ խոսել էլ ինչ … (Հայկը ընդհատում է )»:
Հ - «Հա, հա բա խիա ասել»:
Խ - «բարեկամությունն էր ասում գնանք ռեկտրին տեսնենք, բան, ասումա` ես տենց բան թույլ չեմ տա իրենց»:
Հ - «հա»:
Խ - «ըտենց Հայ … (Հայկը ընդհատում է )»:
Հ - «սրանից հետո ատկազի մեջ ամեն ինչ, սրանից հետո ինչ եղավ ատկազի մեջ, ֆսյո»:
Խ - «հա, ինքն էլ ասումա մենք իրար չենք ճանաչում, հասկացար ինձ»:
Հ - «հա, հա»:
Խ - «լավ, էտ էր, երևի էտ էր նպատակը, որ … (Հայկն ընդհատում է)»:
Հ - «դե ճիշտ էր սա, պիտի որ էտ Սվետին թույլ տայիր` ասեր չէ, բայց սենց ժամանակները ճիշտը փակել բերանը ու պրծնել, ֆսյո»:
Խ - «այո, այո»:
Հ - «հաշվել չկա …»
Խ - «ես հիմա զանգեմ իրան»:
Հ - «հա»:
Խ - «դու էլ կզանգես»:
Հ - «հա, ավելի լավա դու զանգի բացատրի, ես էլ կզանգեմ, ավելի լավա, որ տուժենք, քանց թե ինչ-որ բան անենք էլի»:
Խ - «հա, իհարկե, իհարկե, Հա՛յկ ջան, իհարկե»:
Հ - «հա»:
(...)
25) 5-666-12_18-27-47_18.07.2012_37491407475_out_093871161 ֆայլի զննությամբ պարզվել է, որ Հայկ Փայասլյանին է զանգահարել ակադեմիայի դեկան Խաչիկ Ազիզյանը, ապա Հայկ Փայասլյանը զրուցում է Զառայի հետ: Խոսակցությունը տևում է 3 րոպե 6 վայրկյան, որի ընթացքում զրուցում են, մասնավորապես.
Խ.Ազիզյան - «հա, Հայկ ջան»:
Հայկ - «էդ իրանք գնացել էին բանենց տուն, հա, իրոք»:
Խ.Ազիզյան - «ասեց` հա, ասում եմ բա` որտեղից գիտեք իրան, ասում ա բա` հին ընկերներ ենք, ինքը, թե տղեն, չհասկացա, ասում ա` շուտվանից գիտեմ իրան»:
Հայկ - «բայց ինքը արդեն հանգստի մեջ էր, պրոբլեմ, բան չուներ»:
Խ.Ազիզյան - «հա, էդ նույն բանը էլի չանգռում էր էլի, ասում եմ` այ տղա, ես քո հետ պայմանավորվել եմ անվճարի համար, ասում ա` չէ, դե ասում եմ` ինչի մասին եք բան անում, ավել պակաս խոսում»:
Հայկ - «բալամուտ»:
Խ.Ազիզյան - «հա բալամուտ անում, հա, մոր հետ էր, կնգա հետ էր եկել էլի, ասում եմ` ինչի մասին ա, ասում ա` չէ, Դուք խոսք տվիք, որ օգնեք, ասում եմ` հա, թող ընդունվի, հետո ընթացքում բոլորս էլ կօգնենք, ինքը կսովորի, բան, յանիմ հիմա կօգնեմ շուռ ա տալիս, ասում եմ` ընկեր ջան, եթե ես չեմ ասել անվճար, ինչ ա նշանակում, որ ասում ես` հիմա օգնեմ, որ անվճար անցնի, աբսուրդ խոսում են էլի, հետո հանգստացան, ասի` սենց ա, Ավոն էլ, Ավետիսյանն էլ սենց ա ասել, բան, ասեց` եղավ»:
Հայկ - «եղավ»:
Խ.Ազիզյան - «հա, հետո հետ եկա, զանգեցինք քեզ, արդեն դուրս էիր եկել, ասեց` պետք չի, լավ»:
Հայկ - «դե լավ, լավ, պետք էր էլի էս բանը, որ հավեսս տեղը ընգներ»:
Խ.Ազիզյան - «Հայկ ջան, հա դե իրանց էշ-էշ բաներին ոնց կարող ա, հասարակ բան ասում եմ` տղա ջան, ընկեր ջան, ես քո հետ պայմանավորվել եմ զուտ անվճար, ասում ա` չէ, Խաչիկ ջան չէ, ասում եմ` արա բա իմ ներվերը, քո ներվերը, բոլորիս ներվերը, տենց ոնց կլինի, վոպշեմ»:
Հայկ - «խարաշո, խարաշո»:
Խ.Ազիզյան - «հա, Հայկ ջան, դավաի»:
26) 5-666-12_19-14-33_25.07.2012_37491407475_out_093871161 ֆայլի զննությամբ պարզվեց, որ Հայկ Փայասլյանը զանգահարել է ակադեմիայի դեկան, Խաչիկ Ազիզյանին: Խոսակցությունը տևում է 36 վայրկյան, որի ընթացքում զրուցում են, մասնավորապես.
Խ.Ազիզյան - «հա, Հայկ ջան»:
Հայկ - «չհասար»:
Խ.Ազիզյան - «տաքսիի մեջ եմ, էսա մի 5 րոպեից կհասնեմ»:
Հայկ - «արա ինչ ա, դու էլի մի օղբաթ բան ա, թե, չէ»:
Խ.Ազիզյան - «էդքան էլ չէ, բայց նման բան, գամ կասեմ էլի, օֆ, զահլես գնաց»:
Հայկ - «նույն հարցով ա հա»:
Խ.Ազիզյան - «հա, լավ, կգամ չէպէ չի, ուղարկի, կգամ կասեմ էլի, հեսա կհասնեմ, Հայկ ջան»:
Հայկ - «լավ»:
27) 5-666-12_19-16-09_25.07.2012_37491407475_out_093871161 ֆայլի զննությամբ պարզվել է, որ Հայկ Փայասլյանը զանգահարել է ակադեմիայի դեկան Խաչիկ Ազիզյանին: Խոսակցությունը տևում է 27 վայրկյան, որի ընթացքում զրուցում են, մասնավորապես.
Խ.Ազիզյան - «հա, Հայկ»:
Հայկ - «ուզում եմ ենթադրություն անեմ` մնացածն ա ուզում»:
Խ.Ազիզյան - «հա, հա, չէ, ես կգամ, նոր կասեմ, բան եմ մտածել էլի»:
Հայկ - «լավ»:
28) 5-666-12_20-21-13_17.07.2012_91407475_in_094516052 ֆայլի զննությամբ պարզվել է, որ Հայկ Փայասլյանին զանգահարել է ակադեմիայի դեկան Ավետիք Ավետիսյանը, որի ընթացքում Ավետիք Ավետիսյանը Հայկ Փայասլյանին հարցնում է Էդուարդ Բարբարյանի մասին և փորձում է պարզել, թե վերջինը ռեկտորի ցուցակներում եղել է, թե ոչ, և պատմում է, որ Էդուարդ Բարբարյանի համար միջնորդել էր Խաչիկ Ազիզյանը, սակայն խոստացել էին ընդունել անվճար, բայց ընդունվել է վճարովի ու հիմա գումարները ետ են պահանջում: Հայկ Փայասլյանն իր հերթին բացատրում է, որ այդ տղան եղել է ոչ թե ռեկտորի ցուցակներում, այլ Սվետայի ցուցակներում: Խոսակցությունը տևում է 1 րոպե 23 վայրկյան, որի ընթացքում զրուցում են, մասնավորապես.
Ա.Ավետիսյան - «Ստեփանիչ, մի հատ քեզ բան ասեմ էլի սենց թեթևակի Բարբարյան Էդուարդ ռեկտորի ցանցի մեջ կար»:
Հայկ - «հա»:
Ա.Ավետիսյան - «հաստատ»:
Հայկ - «չէ, չէ, բանինն էր, էդ Սվետինն էր»:
Ա.Ավետիսյան - «Սվետային էր»:
Հայկ - «հա, ինչ ա եղել, որ»:
Ա.Ավետիսյան - «արա էդ երեխին մի կերպ քցել են, հորը խոստացած են եղել, բան, ընգել ա, Խաչիկենք էլի, ընգել ա բան, անունն ինչ ա վճարովի, բանակ գնալու բանով, Խաչիկը տենց ա խոստացել, բայց ընգել ա վճարովի»:
Հայկ - «հա, բայց Սվետին բան չի ասել վճարովի, անվճարի մասին»:
Ա.Ավետիսյան - «դե չեմ իմանում, ինքը հորն ա խոստացել էսօր մեր տղեքից մեկը ասեց, որ սենց հիմա էլ Խաչիկից փողն ա ուզում, ասում ա փողս տուր ինչ պիտի լինի, երևում ա փող ա վերցրել, թե ինչ ա արել, ես շատ գիտեմ»:
Հայկ - «հա, Սվետին ա տվել»:
Ա.Ավետիսյան - ավելի վատ իրանց համար, թող իրար մեջ ռազբորկա անեն, էդ մեր հետ կապ չունի աբսալյուտնո, չէ»:
Հայկ - «ոնց կապ ունի»:
Ա.Ավետիսյան - «ոնց կապ ունի»:
Հայկ - «մեր ազգանունների մեջ չէր»:
Ա.Ավետիսյան - «չեմ հիշում, լավ էդ, հեռախոսի զրույց չի»:
29) 5-666-12_20-45-03_17.07.2012_94516052__in__091407475 ֆայլի զննությամբ պարզվել է, որ Հայկ Փայասլյանին է զանգահարել ակադեմիայի դեկան Ավետիք Ավետիսյանը, որի ընթացքում Ավետիք Ավետիսյանը կրկին Հայկի հետ խոսում է Բարբարյանի գործի մասին ու պատմում է, որ Բարբարյանի մարդիկ ասել են, որ գնալու են ռեկտորի մոտ ու ինքն ասել է` թող գնան, քանի որ իրենք խնդիր չունեն, այլ Սվետան խնդիր ունի: Սակայն Հայկը բացատրում է, որ իրենք էլ խնդիրներ ունեն, քանի որ Սվետան էլ իրենց է ասել, իսկ Ավետիքը պատասխանում է, որ ճիշտ է` Սվետան ասել է, ու իրենք էլ այդ երեխային անցկացրել են, բայց չի ասել, որ պետք է պարտադիր անվճար ընդունվի: Միաժամանակ Հայկը հարցնում է, թե «Բանը» տեղյակ է այս ամենի մասին, Ավետիքը պատասխանում է, որ տեղյակ չի և Հայկը հորդորում է, որ ավելի լավ է այդ հարցը շուտ փակել: Խոսակցությունը տևում է 3 րոպե 42 վայրկյան, որի ընթացքում զրուցում են, մասնավորապես.
Ա.Ավետիսյան - «հա, ախպերս»:
Հայկ - «բա քեզ ով էր ասել դրա մասին»:
Ա.Ավետիսյան - «դե լավ էլի մեր տղեքից մեկը եկավ, որին քաշել ա ինքը, հասկանում ես, էդ երեխեն, փաստորեն էդ երեխի համար բան ա արվել, ասվել ա, որ ինքը պտի բանակից ազատվի էլի, բանակից ոնց են ազատվում, էս ապուշը»:
Հայկ - «ամեն դեպքում դրա մասին իմֆորմացիա կա, որ պիտի օգտվեր, օգտվել է, բայց թեմա չի եղել, որ պիտի բանով լիներ»:
Ա.Ավետիսյան - «բայց դե հիմա լսի ես քեզ ասեմ ինչ ա էլի, տես իրանք ինչ են բան արել, էդ ապուշը ինձ զանգել է նոր` քո զանգից հետո` մենք որ իրար հետ խոսեցինք, զանգել ա, ինձ ասում ա` լսի ինքը կարա չէ էս տարի սովորի վճարովի, հետո ընգնի անվճար` բանակից ազատվի, ասեցի` արա, ասի` հո ապուշ չես, արա, բա դու դեկան ես աշխատում մինչև հիմա»:
Հայկ - «չէ, չէ»:
Ա.Ավետիսյան - «չգիտես, որ նա ընդունվել ա, վսյո, պռծավ»:
Հայկ - «կարա հիմա անվճար ընդունվի, հետո դառնա վճարովի, չգնա, հակառակը կարա»:
Ա.Ավետիսյան - «հա, էդի հակառակն ա, բայց էս պարագայում ինքը պիտի գնա, վերջացած ա, մի, մի բան կա, հիմա էս տղեն էլ ասում ա մտնում եմ ռեկտորի մոտ, հասկանում ես, էդ հարցով էլի, Խաչիկի հարցով, ես էլ ասում եմ` դա Ձեր անձնական խնդիրն ա, հիմա եթե»:
Հայկ - «էդ վախտ թեմա ա բացվում»:
Ա.Ավետիսյան - «է թող բացվի, մեր վրա չի բացվում, Սվետի վրա ա բացվում»:
Հայկ - «ով ասեց»:
Ա.Ավետիսյան - «բա ում վրա ա բացվում»:
Հայկ - «հա, բայց նա էլ մեզ ա ասել չէ»:
Ա.Ավետիսյան - «հա, ասել ա` անցկացրել ենք, հա, բայց ասել ա անվճար»:
Հայկ - «չէ»:
Ա.Ավետիսյան - «չէ, բա ինչումն ա խնդիրը, բա դրա թեման որտեղ ա, չէ, չէ ես ուրիշ խորհուրդ եմ տվել, բայց դե տենանք` կրքերը ոնց կարանք հանգստացնենք էլի, ես ասի թող ես տարի սովորի, հաջորդ տարի բան անի, Սվետան լավ նկարել սովորի, Սվետան թող միջնորդի անվճար, նորից քննություն տան, ժամանակի խնդիր չունի ինքը, մինչև մյուս տարի աշունը»:
Հայկ - «դե վսյո, էդ ձևով կարելիա ա»:
Ա.Ավետիսյան - «միակ ճանապարհը, այսինքն` ինքը կարողանա նորից քննություն հանձնի հասկանում ես»:
Հայկ - «հա, հասկանում եմ»:
Ա.Ավետիսյան - «նոր բանակի խնդիրը ինքը կարա լուծի էդ առումով, հակառակ դեպքում հիմա ինքը բանակից ազատված չի, իսկ էս ապուշը դրանց խաբել ա, թե բան կլինի 1 տարի ինքը կսովորի, բան կանենք, կանցնի անվճար, բանակից կազատվի, քիչ առաջ ինձ զանգել ա ասում եմ դու մինչև օրս չգիտես, որ տենց բան չկա, իսկ եթե ընդունվել անվճար, հետո վճարովի նստեր, բանակից կազատվեր, բայց ես վիճակով տենց բան չկա»:
Հայկ - «բանին ասել ա ինքը դրա համար»:
Ա.Ավետիսյան - «ումը»:
Հայկ - «ում հետ որ ինքը կապի մեջ ա եղել»:
Ա.Ավետիսյան - «չէ, արա, ոչ մեկին, էսօր ինքը ինձ պատահական (խշշոց, չի հասկացվում) ես էլ ասեցի` արա քո խնդիրները, այ ցավդ տանեմ, գնա»:
Հայկ - «չէ տեղ, որ չբարդանա, պետք ա դեմն առնել»:
Ա.Ավետիսյան - «ես կարամ էսօր ևեթ դեմն առնեմ, զանգեմ, ասեմ` վերջացրեք, թող էթա, բայց ես ուզում եմ, որ հենց նրա համար, որ էդի ստախոսա, սուտ պատմություններ կա»:
Հայկ - «բայց էդ թեմա ա»:
Ա.Ավետիսյան - «իրանց հայտարարածի հետ էլ չի բռնում, հասկանում ես, էդ Սվետի հայտարարածի հետ էլ չի բռնում, թող իմանա, որ ինքն էլ ազնիվ չի, եթե մենք անազնիվ ենք, ինքը հարյուրապատիկ անազնիվ ա»:
Հայկ - «հա, հա, բայց ամեն դեպքում թող էդ թեման փակվի, հետո կարելի ա դրա մասին զրույց բացել»:
Ա.Ավետիսյան - «արա լավ դե է Հայկ ջան, էս բոլորը վապշե պետք չէր մեզ»:
Հայկ - «չարժի, որ էդ թեման խորանա, թեմայից թեմա բացվի»:
Ա.Ավետիսյան - «ես կզանգեմ կասեմ, վերջ` տվեք, թող եթա»:
Հայկ - «հա, լավ, լավ դավայ»:
30) 5-666-12_20-51-44_17.07.2012_94516052_out_091407475 ֆայլի զննությամբ պարզվել է, որ Հայկ Փայասլյանին է զանգահարել ակադեմիայի դեկան Ավետիք Ավետիսյանը: Խոսակցությունը տևում է 2 րոպե 32 վայրկյան, որի ընթացքում զրուցում են, մասնավորապես.
Հայկ - «այո»:
Ա.Ավետիսյան - «հրավիրեցի, նոր խոսեցի, ճանապարհին էր, հլա տուն էլ չէր հասել: Եկել էր մեր տուն, արա, ակազավեցա էդի չերեզ-չերեզ դուրս էր եկել իմ վրա, ուզում եմ սենց անեմ, նենց անեմ, բա ես էլ չգիտեմ ինչ ա կատարվում, արա, ասեցի` ախր տենց բան չկա, դե լավ վոպշեմ, զանգեցի, ասեցի` փակեք, թող էթա, այ մարդ, հետո կտեսնենք` ինչա լինում, կփորձենք հաջորդ տարի կողքից օգնել, որ լինի բան էլի»:
Հայկ - «չէ, էդ կար հաստատ, մեր երեքի մեջ էդ մեկը դա էր»:
Ա.Ավետիսյան - «դե պետք ա մի հատ կարդալ որովհետև ազգանունն ինձ համար մի քիչ անհասկանալի էր»:
Հայկ - «չէ, էդ կար քո մոտ, դու հետևում էիր էլ, գիտեիր»:
Ա.Ավետիսյան - «հա, չեմ հիշում, որովհետև ես իմ մոտ նշումներ արել եմ, էդ թուղթն էլ, ոնց որ պատռեցի էլ, քո մոտինը մնացել ա չէ»:
Հայկ - «այո»:
Ա.Ավետիսյան - «հա, էդի կա, կա, կար»:
Հայկ - «ապե, էդ ինչ էիր գլխիդ քսում, որ բան ա էդ ըըը»:
(...)
Դատական քննության ընթացքում հետազոտվել է գաղտնալսումների սկավառակը, որի արդյունքում պարզվել է, որ զննություն կատարելու մասին 2012 թվականի օգոստոսի 15-ի արձանագրությամբ նշված հեռախոսազանգերի բովանդակությունը համապատասխանում է գաղտնալսման սկավառակում առկա ձայնագրության բովանդակությանը, բացառությամբ 28-րդ կետում նշված «հա, Սվետին ա տվել» նախադասության, քանի որ հետազոտմամբ պարզվեց, որ դրանում ձայնագրառված է «լավ, Սվետին ա տվել» նախադասությունը:
Երևանի գեղարվեստի պետական ակադեմիայի ռեկտոր Ա.Իսաբեկյանի 2012 թվականի մայիսի 3-ի թիվ 77 հրամանի պատճենի համաձայն` ՀՀ պետական բարձրագույն ուսումնական հաստատությունների ընդունելության կարգի 27-րդ կետի համաձայն` հաստատվել է Երևանի գեղարվեստի պետական ակադեմիայի 2012-2013 ուսումնական տարվա ընդունելության քննությունների ընդունող հանձնաժողովի կազմը: Ընդունելության հանձնաժողովի նախագահն է հանդիսացել Ակադեմիայի ռեկտոր Արամ Իսաբեկյանը, նախագահի տեղակալն է հանդիսացել Ակադեմիայի պրոռեկտոր Սվետլանա Գևորգյանը, պատասխանատու քարտուղարն է հանդիսացել Ակադեմիայի համակարգչային, գեղարվեստական նախագծման ամբիոնի վարիչ Հայկ Փայասլյանը, պատասխանատու քարտուղարի տեղակալն է հանդիսացել Ակադեմիայի ուսումնական մասի ավագ մասնագետ Շուշանիկ Կարապետյանը, հանձնաժողովի անդամներն են հանդիսացել Ակադեմիայի դիզայնի և կիրառական արվեստի ֆակուլտետի դեկան Ավետիք Ավետիսյանը, Ակադեմիայի կերպարվեստի դեկան Խաչիկ Ազիզյանը, Ակադեմիայի Գյումրու մասնաճյուղի տնօրեն Համբարձում Ղուկասյանը և Ակադեմիայի Դիլիջանի մասնաճյուղի տնօրեն Ղազար Ղազարյանը:
Երևանի գեղարվեստի պետական ակադեմիայի ռեկտոր Ա.Իսաբեկյանի 2012 թվականի հունիսի 27-ի թիվ 131 հրամանի պատճենի համաձայն` հաստատվել է Երևանի գեղարվեստի պետական ակադեմիայի 2012-2013 ուսումնական տարվա ընդունելության քննությունների հանձնաժողովների կազմը (Առարկայական քննական հանձնաժողովներ): (…) Դիզայնի, հագուստի մոդելավորման, կիրառական արվեստի, համակարգչային գեղարվեստական նախագծման բաժիններ` հանձնաժողովի նախագահն է հանդիսացել Ակադեմիայի դիզայնի ամբիոնի վարիչ Գագիկ Զավենի Գևորգյանը, իսկ հանձնաժողովի անդամներն են հանդիսացել Արմեն Արդվարդի Կանայանը և Ժորա Գրիշայի Հայրապետյանը (…):
Երևանի գեղարվեստի պետական ակադեմիայի կոմպոզիցիա առարկայի քննական տեղեկագրի պատճենի համաձայն` 41 համարի տակ գրառված է Էդուարդ Գագիկի Բարբարյան, ում գնահատական բաժնում գրառված է 12 (տասներկու) և կողքին առկա են քննող երեք դասախոսների ստորագրությունները, իսկ վերջում Ընդունող հանձնաժողովի պատասխանատու քարտուղարի ստորագրությունը:
Երևանի գեղարվեստի պետական ակադեմիայի գծանկար առարկայի քննական տեղեկագրի պատճենի համաձայն` 41 համարի տակ գրառված է Էդուարդ Գագիկի Բարբարյան, ում գնահատական բաժնում գրառված է 14 (տասնչորս) և կողքին առկա են քննող երեք դասախոսների ստորագրությունները, իսկ վերջում Ընդունող հանձնաժողովի պատասխանատու քարտուղարի ստորագրությունը:
Երևանի գեղարվեստի պետական ակադեմիայի գեղանկար առարկայի քննական տեղեկագրի պատճենի համաձայն` 41 համարի տակ գրառված է Էդուարդ Գագիկի Բարբարյան, ում գնահատական բաժնում գրառված է 13 (տասներեք) և կողքին առկա են քննող երեք դասախոսների ստորագրությունները, իսկ վերջում Ընդունող հանձնաժողովի պատասխանատու քարտուղարի ստորագրությունը:
Երևանի գեղարվեստի պետական ակադեմիայի դիզայնի և կիրառական արվեստի ֆակուլտետի 2012-2013 ուսումնական տարվա ընդունելության քննությունների արդյունքների պատճենի համաձայն` Էդուարդ Գագիկի Բարբարյանի միավորների ընդհանուր քանակը կազմել է 39 (երեսունինը) և ընդգրկվել է վճարովի` առանց ժամկետային զինվորական ծառայության արտոնության իրավունքի ցուցակում:
ՀՀ կենտրոնական բանկի պաշտոնական կայքի (www.cba.am) համաձայն` 2012 թվականի մայիսին 1 ԱՄՆ դոլարի ամենացածր փոխարժեքը եղել է 391,86 ՀՀ դրամ:
Ձերբակալման մասին 2012 թվականի հուլիսի 26-ի արձանագրության համաձայն` 2012 թվականի հուլիսի 26-ին` ժամը 22:45-ին, Հայկ Ստեփանի Փայասլյանը ձերբակալվել է:
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի հուլիսի 27-ի որոշման համաձայն` Հայկ Ստեփանի Փայասլյանի նկատմամբ որպես խափանման միջոց ընտրվել է կալանավորումը, կալանավորման սկիզբը հաշվվել է 2012 թվականի հուլիսի 26-ից:
Գույքի վրա կալանք դնելու մասին 2012 թվականի հուլիսի 27-ի որոշման համաձայն` գույքի հնարավոր բռնագրավումն ապահովելու նպատակով կալանք է դրվել Սվետլանա Զավենի Գևորգյանի շարժական և անշարժ գույքի վրա:
Գույքի վրա կալանք դնելու մասին 2012 թվականի հուլիսի 27-ի որոշման համաձայն` գույքի հնարավոր բռնագրավումն ապահովելու նպատակով կալանք է դրվել Խաչիկ Սուրենի Ազիզյանի շարժական և անշարժ գույքի վրա:
Գույքի վրա կալանք դնելու մասին 2012 թվականի հուլիսի 27-ի որոշման համաձայն` գույքի հնարավոր բռնագրավումն ապահովելու նպատակով կալանք է դրվել Հայկ Ստեփանի Փայասլյանի շարժական և անշարժ գույքի վրա:
ՀՀ ոստիկանության ինֆորմացիոն կենտրոնի պահանջագրի համաձայն` Սվետլանա Զավենի Գևորգյանը նախկինում դատապարտված չի եղել:
ԵԳՊԱ-ի ռեկտորի կողմից 2012 թվականի օգոստոսի 3-ին տրված բնութագրի համաձայն` Սվետլանա Զավենի Գևորգյանը բնութագրվում է դրականորեն։
ՀՀ վաստակավոր մանկավարժի թիվ 00044 վկայականի պատճենի համաձայն` Հայաստանի Հանրապետության նախագահի 2006 թվականի հոկտեմբերի 25-ի ՆՀ թիվ 234-Ա հրամանագրով Սվետլանա Զավենի Գևորգյանին շնորհվել է ՀՀ վաստակավոր մանկավարժի պատվավոր կոչում:
ՀՀ ոստիկանության ինֆորմացիոն կենտրոնի պահանջագրի համաձայն` Հայկ Ստեփանի Փայասլյանը նախկինում դատապարտված չի եղել:
Ռադիոլոգիայի գիտամեթոդական կենտրոն «Ուլտրաիմիջինգ»-ի կողմից տրված տեղեկանքի համաձայն` Հայկ Ստեփանի Փայասլյանը վատառողջ է:
ՀՀ ԱՆ «Նուբարաշեն» ՔԿ հիմնարկի պետի կողմից տրված գրությամբ հայտնվել է, որ ՀՀ ԱՆ «Նուբարաշեն» ՔԿ հիմնարկի կալանավոր Հայկ Ստեփանի Փայասլյանը ԲՍԲ-ի բժիշկներին դիմել է հետևյալ գանգատներով` ողնաշարի և գոտկային շրջանում ցավերից, ստորին վերջույթների թմրածությունից և թուլությունից, սրտի շրջանում ցավի զարգացումից, ընդհանուր թուլությունից և գլխացավից: Կատարված հետազոտությունների արդյունքներից, բժիշկ մասնագետների խորհրդատվությունից, ներկայացված բժշկական փաստաթղթերից նրա մոտ ախտորոշվել է` ՍԻՀ, հիպերտոնիկ հիվանդություն, ողնաշարի միջողային ճողվածքներ, սպոնդիլոարթրոզ, սպոնդիլոզ, արտահայտված ձախակողմյան սկուլյոզ: Ըստ նեյրովիրաբույժի խորհրդատվության` Հայկ Ստեփանի Փայասլյանը կարիք ունի վիրահատական միջամտության, որը ՀՀ ԱՆ «Նուբարաշեն» ՔԿ հիմնարկի պայմաններում հնարավոր չէ կատարել: Ներկայում Հայկ Ստեփանի Փայասլյանը գտնվում է բժիշկների ամբուլատոր հսկողության տակ և ստանում է համապատասխան դեղորայքային բուժում:
Թիվ 001743 դիպլոմի պատճենի համաձայն` Հայկ Ստեփանի Փայասլյանը հանդիսանում է գիտությունների թեկնածու:
ՀՀ բարձրագույն որակավորման հանձնաժողովի թիվ 00254 դիպլոմի պատճենի համաձայն` Երևանի գեղարվեստի պետական ակադեմիայի գիտական խորհրդի 2004 թվականի մարտի 12-ի որոշմամբ Հայկ Ստեփանի Փայասլյանին շնորհվել է պրոֆեսորի գիտական կոչում կերպարվեստ մասնագիտությամբ:
ՀՀ նախագահի 2006 թվականի հոկտեմբերի 25-ի շնորհակալագրի համաձայն` Երևանի գեղարվեստի պետական ակադեմիայի հիմնադրման 60-ամյակի կապակցությամբ, ինչպես նաև մշակույթի բնագավառում ներդրած նշանակալի ավանդի և երկարամյա գիտամանկավարժական գործունեության համար Հայկ Ստեփանի Փայասլյանը պարգևատրվել է շնորհակալագրով:
ՀՀ կրթության և գիտության նախարարի 2011 թվականի մարտի 17-ի հրամանի պատճենի համաձայն` կրթության և գիտության ոլորտում ներդրած մեծ ավանդի համար և Երևանի գեղարվեստի պետական ակադեմիայի հիմնադրման 65-ամյա հոբելյանի կապակցությամբ Հայկ Ստեփանի Փայասլյանը պարգևատրվել է ՀՀ կրթության և գիտության նախարարության բարձրագույն պարգևով` «Ոսկե հուշամեդալով»:
Երևանի գեղարվեստի պետական ակադեմիայի ռեկտորի կողմից տրված բնութագրի համաձայն` Հայկ Ստեփանի Փայասլյանը բնութագրվում է դրականորեն:
«Կենտրոն-1» համատիրության նախագահի կողմից տրված բնութագրի համաձայն` Հայկ Ստեփանի Փայասլյանը բնութագրվում է դրականորեն:
ՀՀ ոստիկանության ինֆորմացիոն կենտրոնի պահանջագրի համաձայն` Խաչիկ Սուրենի Ազիզյանը նախկինում դատապարտված չի եղել:
ՀՀ նկարիչների միավորման նախագահի կողմից տրված բնութագրի համաձայն` Խաչիկ Սուրենի Ազիզյանը բնութագրվում է դրականորեն:
ՀՀ վարչապետի կողմից տրված վկայականի համաձայն` Խաչիկ Ազիզյանը 2011 թվականի մարտի 31-ին պարգևատրվել է ՀՀ վարչապետի հուշամեդալով:
ՀՀ բարձրագույն որակավորման հանձնաժողովի թիվ 00471 դիպլոմի համաձայն` Երևանի գեղարվեստի պետական ակադեմիայի գիտական խորհրդի 2006 թվականի դեկտեմբերի 25-ի որոշմամբ Խաչիկ Սուրենի Ազիզյանին շնորհվել է պրոֆեսորի գիտական կոչում կերպարվեստ մասնագիտությամբ:
ՀՀ մշակույթի նախարարի 2008 թվականի հունիսի 17-ի թիվ 362-Ա հրամանի համաձայն` Խաչիկ Սուրենի Ազիզյանը պարգևատրվել է ՀՀ մշակույթի նախարարության պատվոգրով:
Արաբկիր համայնքի ղեկավարի կողմից տրված վկայագրի համաձայն` կերպարվեստի բնագավառում ձեռք բերած հաջողությունների, վրձնի ապագա վարպետների ուսուցման գործում ունեցած ավանդի և բեղմնավոր դասախոսական գործունեության համար Խաչատու Ազիզյանին շնորհվել է «Արաբկիր համայնքի պատվավոր քաղաքացի» կոչումը և Խաչատուր Ազիզյանը պարգևատրվել է «Արաբկիր համայնքի պատվավոր քաղաքացի» հուշամեդալով:
ՀՀ մշակույթի նախարարի պատվոգրի համաձայն` կերպարվեստի բնագավառում ունեցած զգալի ներդրման համար, ինչպես նաև Հայաստանի նկարիչների միության ստեղծման 75-ամյա հոբելյանի առթիվ Խաչատուր Ազիզյանին տրվել է պատվոգիր:
ՀՀ մշակույթի նախարարի շնորհակալագրի համաձայն` ՀՀ մշակույթի նախարարությունն իր խորին շնորհակալությունն է հայտնել Խաչատուր Ազիզյանին` նախարարության աշխատակազմի մշակութային արժեքների պահպանության գործակալության նախաձեռնած նվիրատվական ակտի շրջանակում քաղաքամայր Երևանի ծննդյան տոնի կապակցությամբ Երևան քաղաքի պատմության թանգարանին նվիրաբերած «Պարզ լիճ» ստեղծագործության համար:
Համաշխարհային հայկական կոնգրեսի դիպլոմի համաձայն` համաշխարհային հայկական կոնգրեսի, Ռուսաստանի հայերի միության, ՀՀ Սփյուռքի նախարարության և Հայաստանի նկարիչների միության կողմից 2009 թվականին հայտարարված կերպարվեստի լավագույն գործերի մրցանակաբաշխության դափնեկիր ճանաչվելու համար Խաչատուր Ազիզյանին շնորհվել է դիպլոմ:
ՀՀ կրթության և գիտության նախարարի պատվոգրի համաձայն` երկարամյա անբասիր աշխատանքի համար և ակադեմիայի հիմնադրման 60-ամյակի կապակցությամբ Խաչատուր Սուրենի Ազիզյանը պարգևատրվել է պատվոգրով:
Երևանի քաղաքապետի շնորհակալագրի համաձայն` Երևանի հիմնադրման 2791-ամյակի առթիվ իր ստեղծագործությունը մայրաքաղաքին նվիրելու և Երևան քաղաքի պատմության թանգարանի կերպարվեստի հավաքածուն հարստացնելու համար Խաչատուր Սուրենի Ազիզյանին շնորհվել է շնորհակալագիր:
ՀՀ նկարիչների միության նախագահի վկայականի համաձայն` «Մեկական աշխատանք»-ի հանրապետական ցուցահանդեսի լավագույն ստեղծագործության համար Խաչատուր Ազիզյանին շնորհվել է մրցանակ:
ՀՀ նկարիչների միության նախագահի պատվոգրի համաձայն` «Մեկական աշխատանք»-ի հանրապետական ցուցահանդեսի լավագույն աշխատանքի համար Խաչիկ Ազիզյանին շնորհվել է պատվոգիր:
Արաբկիր վարչական շրջանի ղեկավարի կողմից տրված շնորհակալագրի համաձայն` ստեղծագործական բարձր ճաշակի և արվեստի բնագավառում իր ուրույն ձեռագրի համար Խաչատուր Ազիզյանին տրվել է շնորհակալագիր:
Պեյո Յավորովի անվան թիվ 131 միջնակարգ դպրոցի տնօրենի հավաստագրի համաձայն` դպրոցի խորհրդի որոշմամբ Խաչատուր Ազիզյանին շնորհվել է «Կրթօջախի պատվավոր անդամ» հուշամեդալ:
Հայորդյաց տների կենտրոնական գրասենյակի գրության համաձայն` երախտագիտություն է հայտնվել Խաչատուր Ազիզյանին Ն.Ս.Օ.Տ.Տ. Գարեգին Բ Ամենայն Հայոց Հայրապետի Գահակալության 5-րդ տարեդարձի առթիվ Մայր Աթոռ Սուրբ Էջմիածնի և ՀԲԸՄ Հայորդյաց տների կազմակերպած նկարչական մրցույթի գնահատող հանձնախմբում ընդգրկվելու առիթով:
Երևանի գեղարվեստի պետական ակադեմիայի ռեկտոր Ա.Իսաբեկյանի կողմից տրված բնութագրի համաձայն` Խաչիկ Սուրենի Ազիզյանը բնութագրվում է դրականորեն:
ՀՀ ոստիկանության ինֆորմացիոն կենտրոնի պահանջագրի համաձայն` Արայիկ Լենիկի Ֆահրադյանը նախկինում դատապարտված չի եղել:
Բնութագրի համաձայն` Արայիկ Լենիկի Ֆահրադյանը բնութագրվում է դրականորեն:
ՀՀ ոստիկանության ինֆորմացիոն կենտրոնի պահանջագրի համաձայն` Արմինե Էդիկի Ենոքյանը 1992 թվականի հունիսի 22-ին Քրեական օրենսգրքի 173-րդ հոդվածի 1-ին մասով դատապարտվել է տուգանքի 300 ռուբլու չափով:
Երևան քաղաքի Կ.Մարքսի անվան աշխատանքային կարմիր դրոշի շքանշանակիր պոլիտեխնիկական ինստիտուտի թիվ 066441 դիպլոմի պատճենի համաձայն` պետական քննական հանձնաժողովի 1990 թվականի հունիսի 10-ի որոշմամբ Արմինե Էդիկի Ենոքյանին շնորհվել է ինժեներ-տնտեսագետի որակավորում` «Մեքենաշին. արդյուն. էկոնոմիկա և կազմակերպում» մասնագիտությամբ:
«Ուրարտու Մեդիա Իքսչենջ» ՍՊ ընկերության տնօրեն Ս.Բադալյանի կողմից տրված բնութագրի համաձայն` Արմինե Էդիկի Ենոքյանը բնութագրվում է դրականորեն:
«Մաստեր Սթայլ» ՍՊ ընկերության տնօրենի կողմից տրված հավաստագրի համաձայն` Արմինե Էդիկի Ենոքյանը 2012 թվականի օգոստոսի 30-ին և 31-ին մասնակցել է «Հարկային և աշխատանքային օրենսդրություն` երկուսից-մեկ» թեմայով Սևանում կազմակերպված հանրապետական համաժողովին:
Ամուսնության թիվ ԱԲ 060109 վկայականի պատճենի համաձայն` Արայիկ Լենիկի Ֆահրադյանը և Արմինե Էդիկի Ենոքյանը հանդիսանում են ամուսիններ:
Ծննդյան թիվ ԱԲ 016828 վկայականի պատճենի համաձայն` 2009 թվականի մայիսի 31-ին ծնված Գրիշա Արայիկի Ֆահրադյանի հայրը Արայիկ Լենիկի Ֆահրադյանն է, իսկ մայրը Արմինե Էդիկի Ենոքյանը:
Դատարանը հարկ է համարում գնահատել սույն քրեական գործով Հայկ Փայասլյանի 091-40-74-75 հեռախոսահամարի հեռախոսային խոսակցությունների գաղտնալսումների տվյալները թույլատրելիության տեսանկյունից սույն դատավճռի հիմքում դնելու հնարավորությանը: Նշվածի կապակցությամբ Դատարանը արձանագրում է, որ թեև Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի հունիսի 27-ի որոշման և դրա քաղվածքի միջև առկա է անհամապատասխանություն, այնուամենայնիվ դա չի կարող հիմք հանդիսանալ նշված տվյալներն անթույլատրելի ապացույց ճանաչելու համար, քանի որ ինչպես դատարանի նշված որոշման, այնպես էլ դրա քաղվածքում 091-40-74-75 հեռախոսահամարի հեռախոսային խոսակցությունները գաղտնալսելու և ձայնագրառելու թույլտվության մասին նշումն առկա է:
Դատարանը գտնում է, որ մտացածին են և գործով ձեռք բերված օբյեկտիվ տվյալներով հերքվում են ամբաստանյալ Սվետլանա Գևորգյանի ցուցմունքներն այն մասին, որ ինքը Էդուարդ Բարբարյանի` Ակադեմիա ընդունվելուն նպաստելու համար անձամբ կամ միջնորդի միջոցով որևէ գումար չի պահանջել և չի ստացել:
Դատարանը գտնում է, որ մտացածին են և գործով ձեռք բերված օբյեկտիվ տվյալներով հերքվում են նաև ամբաստանյալ Հայկ Փայասլյանի ցուցմունքներն այն մասին, որ ինքը Խաչիկ Ազիզյանին գումար` 1.500 ԱՄՆ դոլար չի տվել, որպեսզի նա վերադարձնի Էդուարդ Բարբարյանի ծնողներին:
Դատարանը միաժամանակ հարկ է համարում նկատել, որ սույն քրեական գործով ձեռք չի բերվել հավաստի ապացույցների բավարար ամբողջություն այն մասին, որ Հայկ Փայասլյանը Էդուարդ Բարբարյանի` Ակադեմիա ընդունվելուն նպաստելու համար անձամբ կամ միջնորդի միջոցով պահանջել կամ ստացել է գումար: Ինչ վերաբերում է Խաչիկ Ազիզյանի և Հայկ Փայասլյանի, ինչպես նաև Խաչիկ Ազիզյանի և Սվետլանա Գևորգյանի առերես հարցաքննությունների ժամանակ Խաչիկ Ազիզյանի տված այն ցուցմունքին, որ Սվետլանա Գևորգյանը Հայկ Փայասլյանին ասել է, որպեսզի վերջինը Էդուարդ Բարբարյանի ծնողներին գումար վերադարձնելու համար այդ գումարից բերի և տա 1.500 ԱՄՆ դոլար, ապա Դատարանը գտնում է, որ դա ինքնին բավարար չէ հաստատված համարելու, որ Հայկ Փայասլյանը Էդուարդ Բարբարյանի` Ակադեմիա ընդունվելուն նպաստելու համար անձամբ կամ միջնորդի միջոցով պահանջել կամ ստացել է գումար: Ավելին` դատական քննության ընթացքում Խաչիկ Ազիզյանը հայտնել է, որ Սվետլանա Գևորգյանը բառացի ասել է. «Հայկ 1.500 դոլարը դու տուր, Խաչիկ դու էլ քո մոտ եղած 1.000 դիր վրան և 2.500 տուր ծնողներին»:
Ինչ վերաբերում է դատական քննության ընթացքում հայտնված այն տեղեկություններին, որ նախնական քննության ընթացքում քրեական դատավարությանը մասնակցող առանձին անձանց, այդ թվում` ամբաստանյալ Խաչիկ Ազիզյանի նկատմամբ գործադրվել են ճնշումներ, ապա այդ կապակցությամբ քրեական գործով առկա չէ հավաստի ապացույցների բավարար ամբողջություն: Ավելին` Խաչիկ Ազիզյանը դատական քննության ընթացքում հերքել է նախնական քննության ընթացքում իր նկատմամբ ճնշումներ գործադրելու հանգամանքը:
Վերոգրյալ ապացույցները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստերը.
-Սվետլանա Գևորգյանը աշխատել է Ակադեմիայում` որպես ուսումնագիտական գծով պրոռեկտոր, ինչպես նաև ընդգրկված է եղել 2012-2013 թվականների ուսումնական տարվա ընդունելության քննությունների Ընդունող հանձնաժողովում` որպես նախագահի տեղակալ,
-Հայկ Փայասլյանն աշխատել է Ակադեմիայում` որպես համակարգչային գրաֆիկայի և դեկորատիվ կիրառական արվեստի ամբիոնի վարիչ, ինչպես նաև ընդգրկված է եղել 2012-2013 թվականների ուսումնական տարվա ընդունելության քննությունների Ընդունող հանձնաժողովում` որպես պատասխանատու քարտուղար,
-Խաչիկ Ազիզյանը աշխատել է Ակադեմիայում` որպես կերպարվեստի ֆակուլտետի դեկան,
-Էդուարդ Բարբարյանը ցանկացել է ընդունվել Ակադեմիա և մասնակցել է 2012-2013 թվականների ուսումնական տարվա ընդունելության քննություններին,
-Արմենի Ենոքյանը Էդուարդ Բարբարյանի մայրն է,
-Արայիկ Ֆահրադյանն Արմինե Ենոքյանի ամուսինն է,
-Արայիկ Ֆահրադյանը և Արմինե Ենոքյանը Էդուարդ Բարբարյանի` Ակադեմիա ընդունվելու կապակցությամբ հանդիպել են Խաչիկ Ազիզյանին,
-Խաչիկ Ազիզյանը Արայիկ Ֆահրադյանին և Արմինե Ենոքյանին հայտնել է, որ Էդուարդ Բարբարյանի` Ակադեմիա ընդունվելուն նպաստելու համար պետք է նրանք 4.000 ԱՄՆ դոլար տան,
-Արայիկ Ֆահրադյանը Խաչիկ Ազիզյանին հայտնել է Էդուարդ Բարբարյանի` Ակադեմիա ընդունվելուն նպաստելու համար կարող են տալ 3.500 ԱՄՆ դոլար,
-Էդուարդ Բարբարյանի` Ակադեմիա ընդունվելուն նպաստելու համար Արայիկ Ֆահրադյանի և Արմինե Ենոքյանի կողմից գումար տալու պատրաստակամության մասին Խաչիկ Ազիզյանը հայտնել է Սվետլանա Գևորգյանին,
-Սվետլանա Գևորգյանն իր պաշտոնեական դիրքն օգտագործելով համաձայնել է, որպեսզի Էդուարդ Բարբարյանի` Ակադեմիա ընդունվելուն նպաստելու համար Արայիկ Ֆահրադյանը և Արմինե Ենոքյանը Խաչիկ Ազիզյանի միջոցով իրեն տան 3.500 ԱՄՆ դոլար,
-2012 թվականի մայիսին Արայիկ Ֆահրադյանը և Արմինե Ենոքյանը միասին գնացել են Երևան քաղաքի Իսահակյան 36-րդ հասցեում գտնվող Ակադեմիայի վարչական շենքի մոտ, որտեղ Արայիկ Ֆահրադյանը մնացել է մեքենայում, իսկ Արմինե Ենոքյանը գնացել է Խաչիկ Ազիզյանի աշխատասենյակ և Էդուարդ Բարբարյանի` Ակադեմիա ընդունվելուն նպաստելու համար նրան տվել 3.500 ԱՄՆ դոլար,
-2012 թվականի մայիսին Խաչիկ Ազիզյանը Էդուարդ Բարբարյանի` Ակադեմիա ընդունվելուն նպաստելու համար վերցրած 3.500 ԱՄՆ դոլարը փոխանցել է Սվետլանա Գևորգյանին,
-2012 թվականի մայիսին ԱՄՆ դոլարի ամենացածր փոխարժեքի հաշվարկով 3.500 ԱՄՆ դոլարը համարժեք է եղել 1.371.510 ՀՀ դրամին,
-ընդունելության քննությունների արդյունքում Էդուարդ Բարբարյանը ընդունվել է Ակադեմիայի վճարովի հիմունքներով,
-վճարովի հիմունքներով Ակադեմիա ընդունվելու հանգամանքը դժգոհություն է առաջացրել Արայիկ Ֆահրադյանի և Արմինե Ենոքյանի մոտ,
-Արայիկ Ֆահրադյանը և Արմինե Ենոքյանն իրենց դժգոհությունն արտահայտել են Խաչիկ Ազիզյանի մոտ,
-Արայիկ Ֆահրադյանը Խաչիկ Ազիզյանից պահանջել է տված 3.500 ԱՄՆ դոլարից ետ վերադարձնել 2.500 ԱՄՆ դոլարը,
-Արայիկ Ֆահրադյանը Էդուարդ Բարբարյանի` Ակադեմիա ընդունվելուն նպաստելու համար Խաչիկ Ազիզյանին գումար տալու և Էդուարդ Բարբարյանի` վճարովի հիմունքներով Ակադեմիա ընդունվելու կապակցությամբ իրենց դժգոհության, ինչպես նաև այդ մասին բողոքելու մտադրության մասին հայտնել է Ակադեմիայի դասախոս Գասպար Մելքոնյանին,
-Գասպար Մելքոնյանը վերը նշվածի մասին հայտնել է Ակադեմիա դասախոս Ավետիք Ավետիսյանին, իսկ վերջնին այդ մասին հայտնել է Հայկ Փայասլյանին,
-Հայկ Փայասլյանը Ավետիք Ավետիսյանից լսելով, որ Էդուարդ Բարբարյանի` Ակադեմիա ընդունվելուն նպաստելու համար վերջինի ծնողները գումար են տվել, սակայն նա Ակադեմիա է ընդունվել վճարովի հիմունքներով և նրա ծնողները դժգոհում են և պատրասվում են բողոքել, Ավետիք Ավետիսյանին ասել է, որպեսզի նա կանխի, որ ծնողները չբողոքեն,
-Արայիկ Ֆահրադյանի և Արմինե Ենոքյանի դժգոհության և տված գումարի ետ պահանջելու մասին Խաչիկ Ազիզյանը Սվետլանա Գևորգյանի աշխատասենյակում հայտնել է նրան,
-այդ ժամանակ Սվետլանա Գևորգյանը կանչել է Հայկ Փայասլյանին և ասել, որ Էդուարդ Բարբարյանի ծնողները դժգոհում են, որ նա Ակադեմիա է ընդունվել վճարովի հիմունքներով, և ետ են պահանջում Խաչիկ Ազիզյանին տված գումարի մի մասը` 2.500 ԱՄՆ դոլարը, իսկ Հայկ Փայասլյանը խորհուրդ է տվել հետագա խնդիրներից զերծ մնալու համար գումարը ետ տալ,
-Սվետլանա Գևորգյանը ասել է, որպեսզի Հայկ Փայասլյանը 1.500 ԱՄՆ դոլար տա Խաչիկ Ազիզյանին, իսկ Խաչիկ Ազիզյանն իր մոտ եղած 1.000 ԱՄՆ դոլարը ավելացնի դրան և 2.500 ԱՄՆ դոլարը վերադարձնի,
-Հայկ Փայասլյանը Խաչիկ Ազիզյանին տվել է 1.500 ԱՄՆ դոլար, որին Խաչիկ Ազիզյանն ավելացրել է իր մոտ եղած 1.000 ԱՄՆ դոլարը և 2.500 ԱՄՆ դոլարը վերադարձրել է Արայիկ Ֆահրադյանին:
3. Դատարանի իրավական վերլուծությունները.
Վերոգրյալ փաստերի հիման վրա Դատարանը գալիս է այն եզրահանգման, որ Սվետլանա Զավենի Գևորգյանն, աշխատելով Ակադեմիայում` որպես ուսումնագիտական գծով պրոռեկտոր, ինչպես նաև 2012-2013 թվականների ուսումնական տարվա ընդունելության քննությունների Ընդունող հանձնաժողովի նախագահի տեղակալ և որպես այդպիսին հանդիսանալով պաշտոնատար անձ, իր պաշտոնեական դիրքն օգտագործելով Ակադեմիայի դիմորդ Էդուարդ Բարբարյանի օգտին գործողություններ կատարելուն նպաստելու համար 2012 թվականի մայիսին Խաչիկ Ազիզյանի միջոցով Արմինե Ենոքյանից և Արայիկ Ֆահրադյանից ստացել է առանձնապես խոշոր չափերի` 1.371.510 ՀՀ դրամին համարժեք 3.500 ԱՄՆ դոլար կաշառք: Այսինքն` Սվետլանա Զավենի Գևորգյանը կատարել է արարք, ինչը համապատասխանում է ՀՀ քրեական օրենսգրքի 311-րդ հոդվածի 4-րդ մասի 2-րդ կետի հատկանիշներին:
Ապացուցված է Սվետլանա Գևորգյանի մեղավորությունը ՀՀ քրեական օրենսգրքի 311-րդ հոդվածի 4-րդ մասի 2-րդ կետով նախատեսված արարքը կատարելու մեջ:
Սվետլանա Գևորգյանի անձը դրականորեն բնութագրող հանգամանքներ են ամուսնացած լինելը, բարձրագույն կրթություն ունենալը, գիտությունների թեկնածու լինելը, պրոֆեսորի գիտական կոչում ունենալը և վաստակավոր մանկավարժի պատվավոր կոչում ունենալը:
Դատարանը գտնում է, որ Սվետլանա Գևորգյանի պատասխանատվությունն ու պատիժը մեղմացնող հանգամանքներ են մեծահասակ (73 տարեկան) լինելը, նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Սվետլանա Գևորգյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Սվետլանա Գևորգյանը ենթակա է քրեական պատասխանատվության և պատժի:
Դատարանը, հաշվի առնելով Սվետլանա Գևորգյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 311-րդ հոդվածի 4-րդ մասի սանկցիայով որպես հիմնական պատիժ նախատեսված է միայն ազատազրկում, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի: Դատարանը միաժամանակ գտնում է, որ Սվետլանա Գևորգյանի կատարած արարքի համար նրա նկատմամբ չպետք է նշանակել ՀՀ քրեական օրենսգրքի 311-րդ հոդվածի 4-րդ մասի սանկցիայով նախատեսված լրացուցիչ պատիժը` գույքի բռնագրավումը:
Դատարանը գտնում է, որ Սվետլանա Գևորգյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Վերոգրյալ փաստերի հիման վրա Դատարանը գալիս է այն եզրահանգման, որ Հայկ Ստեփանի Փայասլյանը տեղեկանալով, որ Էդուարդ Բարբարյանի` Ակադեմիա ընդունվելուն նպաստելու համար վերջինի ծնողները Խաչիկ Ազիզյանի միջոցով Սվետլանա Գևորգյանին տվել են 3.500 ԱՄՆ դոլար, սակայն Էդուարդ Բարբարյանն Ակադեմիա է ընդունվել վճարովի հիմունքներով, ինչի պատճառով նրա ծնողները դժգոհում են և պատրասվում են բողոքել, նախ Ավետիք Ավետիսյանին ասել է, որպեսզի նա կանխի, որպեսզի ծնողները չբողոքեն, ինչպես նաև Էդուարդ Բարբարյանի ծնողների կողմից տրված գումարը վերադարձնելու և այդպիսով նրանց դժգոհությունը մեղմելու, ինչպես նաև նրանց հնարավոր բողոքը կանխելու նպատակով Սվետլանա Գևորգյանի պահանջով Խաչիկ Ազիզյանին տվել 1.500 ԱՄՆ դոլար: Այսինքն` Հայկ Փայասլյանը նախապես չխոստացված ձևով պարտակել է առանձնապես ծանր հանցագործություն կատարած անձին` Սվետլանա Գևորգյանին, ինչը համապատասխանում է ՀՀ քրեական օրենսգրքի 334-րդ հոդվածի 1-ին մասի հատկանիշներին:
ՀՀ քրեական դատավարության օրենսգրքի 309-րդ հոդվածի 1-ին մասի համաձայն` գործի քննությունը դատարանում կատարվում է միայն ամբաuտանյալի նկատմամբ և միայն այն մեղադրանքի uահմաններում, որով նրան մեղադրանք է առաջադրվել: Նույն հոդվածի 2-րդ մասի համաձայն` դատական քննության ընթացքում մեղադրանքի փոփոխություն թույլատրվում է, եթե դրանով չի վատթարանում ամբաստանյալի վիճակը և չի խախտվում ամբաստանյալի պաշտպանության իրավունքը:
Դատարանը սույն քրեական գործով Հայկ Փայասլյանին առաջադրված մեղադրանքը ՀՀ քրեական օրենսգրքի 311-րդ հոդվածի 4-րդ մասի 2-րդ կետից ՀՀ քրեական օրենսգրքի 334-րդ հոդվածի 1-ին մասի փոփոխելը հնարավոր է համարում, քանի որ մեղադրանքի նման փոփոխությունով ամբաստանյալի վիճակը չի վատթարանում: Ավելին` դրանով ամբաստանյալի վիճակը բարելավվում է, քանի որ ՀՀ քրեական օրենսգրքի 311-րդ հոդվածի 4-րդ մասի 2-րդ կետով նախատեսված արարք կատարելու համար որպես պատիժ նախատեսված է ազատազրկում` յոթից տասներկու տարի ժամկետով` գույքի բռնագրավմամբ կամ առանց դրա, իսկ ՀՀ քրեական օրենսգրքի 334-րդ հոդվածի 1-ին մասի նախատեսված արարք կատարելու համար` տուգանք` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանք` մեկից երեք ամիս ժամկետով, կամ ազատազրկում` առավելագույնը երեք տարի ժամկետով:
Ելնելով վերոգրյալից` Դատարանը գտնում է, որ ամբաստանյալ Հայկ Փայասլյանին վերագրվող արարքի իրավաբանական որակումը ՀՀ քրեական օրենսգրքի 311-րդ հոդվածի 4-րդ մասի 2-րդ կետից պետք է վերաորակել ՀՀ քրեական օրենսգրքի 334-րդ հոդվածի 1-ին մասով:
Ապացուցված է Հայկ Փայասլյանի մեղավորությունը ՀՀ քրեական օրենսգրքի 334-րդ հոդվածի 1-ին մասով նախատեսված արարքը կատարելու մեջ:
Հայկ Փայասլյանի անձը դրականորեն բնութագրող հանգամանքներ են ամուսնացած լինելը, բարձրագույն կրթություն ունենալը, գիտությունների թեկնածու լինելը, պրոֆեսորի գիտական կոչում ունենալը, շնորհակալագրով և «Ոսկե հուշամեդալով» պարգևատրված լինելը:
Դատարանը գտնում է, որ Հայկ Փայասլյանի պատասխանատվությունն ու պատիժը մեղմացնող հանգամանքներ են վատառողջ լինելը, նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Հայկ Փայասլյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Հայկ Փայասլյանի ենթակա է քրեական պատասխանատվության և պատժի:
Դատարանը, հաշվի առնելով Հայկ Փայասլյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 334-րդ հոդվածի 1-ին մասի սանկցիայով որպես պատիժ նախատեսված է նաև ազատազրկում, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկում` 1 (մեկ) տարի ժամկետով, որը նա պետք է կրի:
Ամբաստանյալ Հայկ Փայասլյանի պատժի կրման սկիզբը պետք է հաշվել 2012 թվականի հուլիսի 26-ից, քանի որ նա ձերբակալվել է այդ օրը, իսկ 2012 թվականի հուլիսի 27-ին նրա նկատմամբ որպես խափանման միջոց ընտրվել է կալանավորումը:
Դատարանը, նկատի ունենալով, որ Հայկ Փայասլյանի նկատմամբ նշանակված պատժի ժամկետը լրանում է 2013 թվականի հուլիսի 26-ին, գտնում է, որ նրա նկատմամբ ընտրված խափանման միջոցը` կալանավորումը, պետք է վերացնել և նրան անհապաղ ազատել կալանքից:
Վերոգրյալ փաստերի հիման վրա Դատարանը գալիս է այն եզրահանգման, որ Խաչիկ Սուրենի Ազիզյանը, հանդիսանալով Ակադեմիայի կերպարվեստի ֆակուլտետի դեկան, ներկայանալով ակադեմիայի 2012-2013 թվականների ուսումնական տարվա դիմորդ Էդուարդ Բարբարյանի մոր` Արմինե Ենոքյանի և վերջինի ամուսնու` Արայիկ Ֆահրադյանի անունից, նպաստել է վերջինների և ակադեմիայի ուսումնագիտական գծով պրոռեկտոր, ընդունելության քննությունների ընդունող հանձնաժողովի նախագահի տեղակալ Սվետլանա Գևորգյանի միջև Էդուարդ Բարբարյանին ակադեմիա ընդունելու համար կաշառքի առարկայի բնույթի ու չափի մեջ համաձայնության գալուն և Սվետլանա Գևորգյանի` առանձնապես խոշոր չափերի` 1.371.510 ՀՀ դրամին համարժեք 3.500 ԱՄՆ դոլար կաշառք ստանալուն: Այնուհետև` 2012 թվականի մայիսին Խաչիկ Ազիզյանը Երևան քաղաքի Իսահակյան 36 հասցեում գտնվող Ակադեմիայի վարչական շենքի իր աշխատասենյակում Արմինե Ենոքյանից վերցրել և նույն օրը կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն անմիջականորեն փոխանցել է Սվետլանա Գևորգյանին և որպես միջնորդ կաշառքի գումարից ստացել է 1.000 ԱՄՆ դոլար, ինչը համապատասխանում է ՀՀ քրեական օրենսգրքի 313-րդ հոդվածի 1-ին մասի հատկանիշներին:
Ապացուցված է Խաչիկ Ազիզյանի մեղավորությունը ՀՀ քրեական օրենսգրքի 313-րդ հոդվածի 1-ին մասով նախատեսված արարքը կատարելու մեջ:
Խաչիկ Ազիզյանի անձը դրականորեն բնութագրող հանգամանքներ են ամուսնացած լինելը, բարձրագույն կրթություն ունենալը, գիտությունների թեկնածու լինելը, պրոֆեսորի գիտական կոչում ունենալը, կերպարվեստի լավագույն գործերի մրցանակաբաշխության դափնեկիր ճանաչվելը, Արաբկիր համայնքի պատվավոր քաղաքացի լինելը, ՀՀ վարչապետի հուշամեդալով, ՀՀ մշակույթի նախարարության պատվոգրերով ու շնորհակալագրով, ՀՀ կրթության և գիտության նախարարի պատվոգրով, Երևանի քաղաքապետի շնորհակալագրով, Արաբկիր վարչական շրջանի ղեկավարի շնորհակալագրով, ՀՀ նկարիչների միության նախագահի պատվոգրով և «Կրթօջախի պատվավոր անդամ» հուշամեդալով պարգևատրված լինելը:
Դատարանը գտնում է, որ Խաչիկ Ազիզյանի պատասխանատվությունն ու պատիժը մեղմացնող հանգամանքներ են նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Խաչիկ Ազիզյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Խաչիկ Ազիզյանը ենթակա է քրեական պատասխանատվության և պատժի:
Դատարանը, հաշվի առնելով Խաչիկ Ազիզյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 313-րդ հոդվածի 1-ին մասի սանկցիայով նախատեսված է պատիժ նաև տուգանքի ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել տուգանքի ձևով:
Դատարանը գտնում է, որ Խաչիկ Ազիզյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Վերոգրյալ փաստերի հիման վրա Դատարանը գալիս է այն եզրահանգման, որ Արայիկ Լենիկի Ֆահրադյանը, առանձնապես խոշոր չափերի կաշառք տալու շուրջ նախնական համաձայնության գալով կնոջ` Արմինե Ենոքյանի հետ, նրա որդուն` Էդուարդ Բարբարյանի օգտին գործողություններ կատարելու` վերջինին Ակադեմիա ընդունելու դիմաց, 2012 թվականի ապրիլին միջնորդի` Ակադեմիայի կերպարվեստի ֆակուլտետի դեկան Խաչիկ Ազիզյանի միջոցով խոստացել է առանձին պաշտոնատար անձին տալ առանձնապես խոշոր չափերի կաշառք: Կաշառքի միջնորդ Խաչիկ Ազիզյանի միջոցով պաշտոնատար անձի հետ կաշառքի առարկայի բնույթի ու չափի մեջ համաձայնության գալուց հետո` 2012 թվականի մայիսին, Երևան քաղաքի Իսահակյան 36-րդ հասցեում գտնվող Երևանի գեղարվեստի պետական ակադեմիայի վարչական շենքում կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն Արմինե Ենոքյանն անմիջականորեն տվել է Խաչիկ Ազիզյանին` պաշտոնատար անձ հանդիսացող, ընդունելության քննությունների ընդունող հանձնաժողովի նախագահի տեղակալ Սվետլանա Գևորգյանին փոխանցելու համար: Խաչիկ Ազիզյանը նույն օրը կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն անմիջականորեն փոխանցել է Սվետլանա Գևորգյանին, ինչը համապատասխանում է ՀՀ քրեական օրենսգրքի 312-րդ հոդվածի 3-րդ մասի 1-ին կետի հատկանիշներին:
Ապացուցված է Արայիկ Ֆահրադյանի մեղավորությունը ՀՀ քրեական օրենսգրքի 312-րդ հոդվածի 3-րդ մասի 1-ին կետով նախատեսված արարքը կատարելու մեջ:
Արայիկ Ֆահրադյանի անձը դրականորեն բնութագրող հանգամանք է ամուսնացած լինելը:
Արայիկ Ֆահրադյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեխայի (Գրիշա Արայիկի Ֆահրադյան` ծնված 2009 թվականի մայիսի 31-ին) առկայությունը:
Դատարանը գտնում է, որ Արայիկ Ֆահրադյանի պատասխանատվությունն ու պատիժը մեղմացնող հանգամանքներ պետք է դիտել նաև նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Արայիկ Ֆահրադյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Արայիկ Ֆահրադյանը ենթակա է քրեական պատասխանատվության և պատժի:
Դատարանը, հաշվի առնելով Արայիկ Ֆահրադյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 312-րդ հոդվածի 3-րդ մասի սանկցիայով նախատեսված է պատիժ միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով:
Համաձայն ՀՀ քրեական դատավարության օրենսգրքի 360-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե ամբաստանյալն արդյոք պետք է կրի իր նկատմամբ նշանակված պատիժը, թե` ոչ:
ՀՀ քրեական օրենսգրքի 70-րդ հոդվածի համաձայն` եթե դատարանը, ազատազրկման ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մաuին: ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ ՀՀ քրեական օրենսգրքի 70-րդ հոդվածի կիրառման կապակցությամբ արտահայտել է այն իրավական դիրքորոշումը, որ վկայակոչված հոդվածի կիրառումը հանցագործության տեսակի հետ կապված որևէ սահմանափակման չի ենթարկվում և դրա կիրառումը սահմանափակված չէ նաև հանցավոր արարքի վտանգավորության աստիճանով ու բնույթով, ինչպես նաև անձանց շրջանակով, որոնց նկատմամբ այն չի կարող կիրառվել: ՀՀ վճռաբեկ դատարանը միաժամանակ նշել է. «ՀՀ քրեական օրենսգրքի 70-րդ հոդվածի կիրառման հիմնական պայմանը պատճառաբանված լինելն է: Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող բոլոր հանգամանքները: Կարևորն այն է, որ հանգի հիմնավոր եզրակացության, որ դատապարտյալի ուղղումը հնարավոր է առանց նշանակված պատիժը կրելու»:
ՀՀ վճռաբեկ դատարանը մեկ այլ` 2008 թվականի փետրվարի 1-ի թիվ ՎԲ-01/08 որոշմամբ նշել է, որ պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենսգրքի 70-րդ հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում, այսինքն` պատիժը պայմանականորեն չկիրառելու մասին որոշում կայացնելիս իրավասու դատարանը յուրաքանչյուր դեպքում պետք է քննարկի նաև պատժի` սոցիալական արդարության վերականգնման և պատժի ենթարկված անձի ուղղվելու նպատակների իրացման հարցը: ՀՀ վճռաբեկ դատարանը միաժամանակ նշել է, որ սոցիալական արդարությունը վերականգնելու և պատժի ենթարկված անձի ուղղվելու մասին կարող է վկայել հանցագործությունից հետո հանցավորի դրսևորած վարքագիծը, մասնավորապես` տուժողին պատճառած վնասը հարթելը կամ այն հարթելուն ուղղված ողջամիտ միջոցներ ձեռնարկելը:
Դատարանը, անդրադառնալով տուժողին պատճառած վնասը վերականգնելու մասով վկայակոչված որոշմամբ արտահայտված իրավական դիրքորոշմանը, հարկ է համարում նշել, որ սույն գործն ունի իր առանձնահատկությունը, այն է` ամբաստանյալ Արայիկ Ֆահրադյանի կողմից անմիջականորեն չի պատճառվել ֆիզիկական կամ գույքային (նյութական) վնաս, ավելին` սույն գործով չկա նաև տուժող: Նշված հանգամանքներն օբյեկտիվորեն անհնար են դարձնում տուժողին պատճառված վնասի հարթումը կամ դրան ուղղված միջոցների ձեռնարկումը: Ինչ վերաբերում է հանցագործությունից հետո ամբաստանյալ Արայիկ Ֆահրադյանի դրսևորած վարքագծին, ապա նա զերծ է մնացել այլ հանցավոր արարքներ կատարելուց և չլինելով կալանավորված` չի խուսափել քննությունից ու դատից:
Հանցագործությունից հետո ամբաստանյալ Արայիկ Ֆահրադյանի դրսևորած վարքագիծը, նրան դրականորեն բնութագրող և պատասխանատվությունն ու պատիժը մեղմացնող վերը նշված հանգամանքները Դատարանին հիմք են տալիս գալու հետևության, որ ամբաստանյալ Արայիկ Ֆահրադյանի ուղղվելը հնարավոր է առանց պատիժը կրելու:
Դատարանը գտնում է, որ Արայիկ Ֆահրադյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Վերոգրյալ փաստերի հիման վրա Դատարանը գալիս է այն եզրահանգման, որ Արմինե Էդիկի Ենոքյանը, առանձնապես խոշոր չափերի կաշառք տալու շուրջ նախնական համաձայնության գալով ամուսնու` Արայիկ Ֆահրադյանի հետ, որդու` Էդուարդ Բարբարյանի օգտին գործողություններ կատարելու` վերջինին Ակադեմիա ընդունելու դիմաց, 2012 թվականի ապրիլին միջնորդի` Ակադեմիայի կերպարվեստի ֆակուլտետի դեկան Խաչիկ Ազիզյանի միջոցով խոստացել է առանձին պաշտոնատար անձին տալ առանձնապես խոշոր չափերի կաշառք: Կաշառքի միջնորդ Խաչիկ Ազիզյանի միջոցով պաշտոնատար անձի հետ կաշառքի առարկայի բնույթի ու չափի մեջ համաձայնության գալուց հետո` 2012 թվականի մայիսին, Երևան քաղաքի Իսահակյան 36-րդ հասցեում գտնվող Ակադեմիայի վարչական շենքում կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն անմիջականորեն տվել է Խաչիկ Ազիզյանին` պաշտոնատար անձ հանդիսացող, ընդունելության քննությունների ընդունող հանձնաժողովի նախագահի տեղակալ Սվետլանա Գևորգյանին փոխանցելու համար: Խաչիկ Ազիզյանը նույն օրը կաշառքի առարկա հանդիսացող 1.371.510 ՀՀ դրամին համարժեք 3.500 ԱՄՆ դոլարն անմիջականորեն փոխանցել է Սվետլանա Գևորգյանին: Այսինքն` Արմինե Էդիկի Ենոքյանի արարքը համապատասխանում է ՀՀ քրեական օրենսգրքի 312-րդ հոդվածի 3-րդ մասի 1-ին կետի հատկանիշներին:
Ապացուցված է Արմինե Ենոքյանի մեղավորությունը ՀՀ քրեական օրենսգրքի 312-րդ հոդվածի 3-րդ մասի 1-ին կետով նախատեսված արարքը կատարելու մեջ:
Արմինե Ենոքյանի անձը դրականորեն բնութագրող հանգամանքներ են ամուսնացած լինելը, բարձրագույն կրթություն ունենալը և աշխատելը:
Արմինե Ենոքյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեխայի (Գրիշա Արայիկի Ֆահրադյան` ծնված 2009 թվականի մայիսի 31-ին) առկայությունը:
Դատարանը գտնում է, որ Արմինե Ենոքյանի պատասխանատվությունն ու պատիժը մեղմացնող հանգամանք պետք է դիտել նաև դրականորեն բնութագրվելը:
Դատարանը միաժամանակ արձանագրում է, որ Արմինե Ենոքյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Արմինե Ենոքյանը ենթակա է քրեական պատասխանատվության և պատժի:
Դատարանը, հաշվի առնելով Արմինե Ենոքյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 312-րդ հոդվածի 3-րդ մասի սանկցիայով նախատեսված է պատիժ միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով:
Համաձայն ՀՀ քրեական դատավարության օրենսգրքի 360-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե ամբաստանյալն արդյոք պետք է կրի իր նկատմամբ նշանակված պատիժը, թե` ոչ:
Դատարանը, հիմք ընդունելով սույն գործով ՀՀ քրեական օրենսգրքի 70-րդ հոդվածի կիրառման վերաբերյալ վերը նշված հիմնավորումները և հաշվի առնելով ամբաստանյալ Արմինե Ենոքյանի կատարած արարքի` հանրության համար վտանգավորության աստիճանը և բնույթը, այդ թվում հանցագործության կատարման հանգամանքներն ու գործողությունների վտանգավորության աստիճանը, Արմինե Ենոքյանի անձը դրականորեն բնութագրող և պատասխանատվությունն ու պատիժը մեղմացնող վերը նշված հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ հանցագործությունից հետո զերծ է մնացել այլ հանցավոր արարքներ կատարելուց, չլինելով կալանավորված` չի խուսափել քննությունից ու դատից, հանգում է այն հետևության, որ ամբաստանյալ Արմինե Ենոքյանի ուղղվելը հնարավոր է առանց նրա կողմից ազատազրկման ձևով նշանակված պատիժը կրելու, այսինքն` կիրառելի է ՀՀ քրեական օրենսգրքի 70-րդ հոդվածը:
Դատարանը գտնում է, որ Արմինե Ենոքյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2012 թվականի հոկտեմբերի 30-ի որոշմամբ իրեղեն ապացույց ճանաչված «Verbatim» ֆիրմայի «CD-R» տեսակի «5-666-12» և «106» ձեռագիր գրառումներով լազերային սկավառակը պետք է պահել քրեական գործի հետ միասին:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերն ամբաստանյալներ Սվետլանա Զավենի Գևորգյանից, Հայկ Ստեփանի Փայասլյանից, Խաչիկ Սուրենի Ազիզյանից, Արայիկ Լենիկի Ֆահրադյանից և Արմինե Էդիկի Ենոքյանից ենթակա չեն բռնագանձման, քանի որ տուժողին պատճառված վնաս սույն գործով առկա չէ: Բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մասի 2-6-րդ կետերով նախատեսված դատական ծախսերը, քանի որ 3-րդ, 4-րդ և 6-րդ կետերով նախատեսված ծախս սույն քրեական գործով առկա չէ, իսկ 2-րդ և 5-րդ կետով նախատեսված դատական ծախսերի վերաբերյալ տվյալները բացակայում են: Ավելին` նման պահանջ դատարանին չի ներկայացվել:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի հարցը, իսկ նույն օրենսգրքի 238-րդ հոդվածը սահմանում է, որ գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը:
Սույն գործով 2012 թվականի հուլիսի 27-ին կայացվել են գույքի վրա կալանք դնելու մասին որոշումներ, համաձայն որոնց որոշվել է քրեական գործով գույքի հնարավոր բռնագրավումն ապահովելու նպատակով կալանք դնել Սվետլանա Զավենի Գևորգյանին, Հայկ Ստեփանի Փայասլյանին և Խաչիկ Սուրենի Ազիզյանին պատկանող գույքի վրա: Դատարանը, նկատի ունենալով, որ սույն քրեական գործով վերոգրյալ հիմնավորմամբ Հայկ Ստեփանի Փայասլյանի արարքի որակումը պետք է փոխվի, Սվետլանա Զավենի Գևորգյանի նկատմամբ որպես լրացուցիչ պատիժ գույքի բռնագրավում չպետք է նշանակվի, իսկ Խաչիկ Սուրենի Ազիզյանի նկատմամբ որպես լրացուցիչ պատիժ գույքի բռնագրավում չէր էլ կարող նշանակվել և բացի այդ սույն քրեական գործով առկա չեն բռնագանձման ենթակա դատական ծախսեր, գտնում է, որ դատավճիռն օրինական ուժի մեջ մտնելուց հետո` 2012 թվականի հուլիսի 27-ի որոշումներով Սվետլանա Զավենի Գևորգյանին, Հայկ Ստեփանի Փայասլյանին և Խաչիկ Սուրենի Ազիզյանին պատկանող գույքի վրա դրված կալանքը պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 238-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը
ՎՃՌԵՑ

Սվետլանա Զավենի Գևորգյանին մեղավոր ճանաչել ՀՀ քրեական օրենսգրքի 311-րդ հոդվածի 4-րդ մասի 2-րդ կետով և պատիժ նշանակել ազատազրկում` 7 (յոթ) տարի ժամկետով` առանց գույքի բռնագրավման:
Պատժի կրման սկիզբը հաշվել փաստացի արգելանքի վերցնելու պահից:
Սվետլանա Զավենի Գևորգյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Հայկ Ստեփանի Փայասլյանին մեղավոր ճանաչել ՀՀ քրեական օրենսգրքի 334-րդ հոդվածի 1-ին մասով և պատիժ նշանակել ազատազրկում` 1 (մեկ) տարի ժամկետով` պատժի կրման սկիզբը հաշվելով 2012 թվականի հուլիսի 26-ից:
Հայկ Ստեփանի Փայասլյանի նկատմամբ ընտրված խափանման միջոցը` կալանավորումը, վերացնել և նրան անհապաղ ազատել կալանքից:
Խաչիկ Սուրենի Ազիզյանին մեղավոր ճանաչել ՀՀ քրեական օրենսգրքի 313-րդ հոդվածի 1-ին մասով և պատիժ նշանակել տուգանք` նվազագույն աշխատավարձի երկուհարյուրապատիկի չափով:
Խաչիկ Սուրենի Ազիզյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Արայիկ Լենիկի Ֆահրադյանին մեղավոր ճանաչել ՀՀ քրեական օրենսգրքի 312-րդ հոդվածի 3-րդ մասի 1-ին կետով և պատիժ նշանակել ազատազրկում` 3 (երեք) տարի ժամկետով:
ՀՀ քրեական օրենսգրքի 70-րդ հոդվածի կիրառմամբ Արայիկ Լենիկի Ֆահրադյանի նկատմամբ նշանակված ազատազրկման ձևով պատիժը պայմանականորեն չկիրառել և սահմանել փորձաշրջան` 2 (երկու) տարի ժամկետով:
Արայիկ Լենիկի Ֆահրադյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Արմինե Էդիկի Ենոքյանին մեղավոր ճանաչել ՀՀ քրեական օրենսգրքի 312-րդ հոդվածի 3-րդ մասի 1-ին կետով և պատիժ նշանակել ազատազրկում` 3 (երեք) տարի ժամկետով:
ՀՀ քրեական օրենսգրքի 70-րդ հոդվածի կիրառմամբ Արմինե Էդիկի Ենոքյանի նկատմամբ նշանակված ազատազրկման ձևով պատիժը պայմանականորեն չկիրառել և սահմանել փորձաշրջան` 2 (երկու) տարի ժամկետով:
Արմինե Էդիկի Ենոքյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո 2012 թվականի հոկտեմբերի 30-ի որոշմամբ իրեղեն ապացույց ճանաչված «Verbatim» ֆիրմայի «CD-R» տեսակի «5-666-12» և «106» ձեռագիր գրառումներով լազերային սկավառակը պահել քրեական գործի հետ միասին:
Դատավճիռն օրինական ուժի մեջ մտնելուց հետո 2012 թվականի հուլիսի 27-ի որոշումներով Սվետլանա Զավենի Գևորգյանի, Հայկ Ստեփանի Փայասլյանի և Խաչիկ Սուրենի Ազիզյանի գույքի վրա դրված կալանքը վերացնել:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:

ԴԱՏԱՎՈՐ Մ.ՊԱՊՈՅԱՆ