ԵԿԴ/0200/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

08 փետրվարի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ

մասնակցությամբ`
մեղադրող Վ.ՄՈՒՐԱԴՅԱՆԻ
ամբաստանյալ Ա.ՂԱԼՈՒՄՅԱՆԻ
պաշտպան Ա.ԵՍԱՅԱՆԻ

դատարանում` դռնբաց դատական նիստում, քննեց գործն ըստ մեղադրանքի Արթուր Ժորայի Ղալումյանի` ծնված 23.02.1970թ. ք.Դիլիջանում, ազգությամբ հայ, ՀՀ քաղաքացի, ամուսնացած, խնամքին 5 անձ, բարձրագույն կրթությամբ, առողջ, չի աշխատում, գրանցված է ՀՀ ոստիկանության կադրերի ռեզերվում, ոստիկանության մայոր, չդատված, բնակվում է` ք.Դիլիջան, Կամոյի փողոց, տուն հ. 173, արգելանքի տակ չէ, մեղադրվում է ՀՀ քրեական օրենսգրքի 34-312-րդ հոդվածի 3-րդ մասի 1-ին կետով:
Ամբաստանյալ Ա.Ղալումյանին ՀՀ քրեական օրենսգրքի 34-312-րդ հոդվածի 3-րդ մասի 1-ին կետով մեղադրանք է առաջադրվել այն բանի համար, որ նա. ՙմիջնորդի միջոցով փորձել է առանձնապես խոշոր չափերի կաշառք տալ, որպիսի գործողությունները դրսևորվել են հետևյալում.
Այսպես, 2011 թվականի դեկտեմբերի 5-ից ազատված լինելով Ճանապարհային ոս-տիկանության ճանապարհապարեկային ծառայության 2-րդ սպայական գումարտակի 4-րդ սպայական վաշտի հրամանատարի տեղակալի պաշտոնից և գրանցված լինելով ՀՀ ոստի-կանության կադրերի ռեզերվումª կաշառք տալու միջոցով կրկին պաշտոնի նշանակվելու հա-մար 2012 թվականի հունիսի 28-ին ծանոթացել է Արթուր Հակոբյանի և Արամ Մկրտչյանի հետ, ովքեր, նախնական համաձայնությամբ ուրիշի գույքի առանձնապես խոշոր չափերի հափշտակություն կատարելու դիտավորությամբ մոլորության մեջ են գցել նրան և հավաս-տիացրել, թե ՀՀ ոստիկանապետի գլխավոր խորհրդական Հայկարամ Ստեփանյանը 30.000 ԱՄՆ դոլար կաշառքի դիմաց կարող է պաշտոնեական դիրքն օգտագործել և նպաստել ճա-նապարհային ոստիկանության վերոհիշյալ գումարտակում վաշտի հրամանատարի պաշ-տոնում նշանակվելու հարցում£ Համաձայնելով տալ պահանջվող կաշառքըª Արթուր Ղալում-յանը նույն օրը Արթուր Հակոբյանին անձամբ տվել է 25.000, իսկ հաջորդ օրըª 5.000 ԱՄՆ դոլարª վերջինիս միջոցով ՀՀ ոստիկանապետի գլխավոր խորհրդական Հայկարամ Ստե-փանյանին որպես կաշառք տալու համար, սակայն Արթուր Հակոբյանը և Արամ Մկրտչյանը խաբեությամբ հափշտակել և տիրացել են առանձնապես խոշոր չափերիª 12.558.900 դրամին համարժեք 30.000 ԱՄՆ դոլարին՚:
Ամբաստանյալ Ա.Ղալումյանըª մինչև դատաքննությունն սկսվելը, միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայաց-նում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մե-ղավոր է ճանաչում և գիտակցում է արագացված կարգով դատական քննություն անցկացնե-լու հետևանքները:
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքը և հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է ու հաստատվում է քրեական գործով հավաք-ված ապացույցներով, գտնում է, որ ամբաստանյալ Ա.Ղալումյանը կատարել է հանցանք` նախատեսված ՀՀ քրեական օրենսգրքի 34-312-րդ հոդվածի 3-րդ մասի 1-ին կետով, որով և նա պետք է պատասխանատվության ենթարկվի:
Ամբաստանյալի նկատմամբ պատիժ նշանակելիս` պատժի չափը որոշելիս, դատա-րանը հաշվի է առնում ինչպես նրա կատարած արարքի բնույթը և հանրության համար վտանգավորության աստիճանը, այնպես էլ արագացված կարգով անցկացված դատական քննության ընթացքում ուսումնասիրված` նրա անձը բնութագրող տվյալներն ու պատասխա-նատվությունը և պատիժը մեղմացնող ու ծանրացնող հանգամանքները:
Որպես ամբաստանյալ Ա.Ղալումյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա նախկինում արատավորված ու դատված չի եղել, համաձայնվեց մեղադրանքի հետ, աջակցել է հանցագործությունը բա-ցահայտելուն և հանցագործության մյուս մասնակիցներին մերկացնելուն« անկեղծորեն զըղ-ջաց կատարած հանցանքի համար, ընտանիքիª ծնողների, չաշխատող կնոջ, ուսանող որդու և դստեր միակ կերակրողն է:
Որպես ամբաստանյալի անձը բնութագրող տվյալª դատարանը հաշվի է առնում, որ նա բնութագրվում է դրական:
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին:
Դատարանը, նկատի ունենալով ամբաստանյալի անձը բնութագրող տվյալները, նրա պատասխանատվությունն ու պատիժը մեղմացնող հանգամանքները, ելնելով ՀՀ քրեական օրենսգրքի 10-րդ և 61-րդ հոդվածներով սահմանված արդարության, պատասխանատվութ-յան անհատականացման ու պատիժ նշանակելու ընդհանուր սկզբունքներից, հանգում է հե-տևության, որ ամբաստանյալ Ա.Ղալումյանի ուղղվելը հնարավոր է առանց պատիժը կրելու` ՀՀ քրեական օրենսգքրի 70-րդ հոդվածի կիրառմամբ պատիժը պայմանականորեն չկիրառե-լու միջոցով, ինչն անհրաժեշտ ու բավարար է նաև սոցիալական արդարությունը վերականգ-նելու և նրա կողմից նոր հանցագործությունների կատարումը կանխելու համար:
Դատարանը, քննության առնելով խափանման միջոցի հարցը, գտնում է, որ ամբաս-տանյալի նկատմամբ կիրառված խափանման միջոցը` ստորագրություն` չհեռանալու մասին, մինչև դատավճռի օրինական ուժի մեջ մտնելը, պետք է թողնվի անփոփոխ:
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 312-րդ, 357-360-րդ, 365-րդ, 367-րդ ու 3753 հոդվածներով` դատարանը

Վ Ճ Ռ Ե Ց

Արթուր Ժորայի Ղալումյանին ճանաչել մեղավոր ՀՀ քրեական օրենսգրքի 34-312-րդ հոդվածի 3-րդ մասի 1-ին կետով և դատապարտել ազատազրկման 3 (երեք) տարի ժամկե-տով:
ՀՀ քրեական օրենսգրքի 70-րդ հոդվածի կիրառմամբ Ա.Ղալումյանի նկատմամբ նշա-նակված պատիժը պայմանականորեն չկիրառել և սահմանել փորձաշրջան 2 (երկու) տարի ժամկետով:
Ա.Ղալումյանի նկատմամբ ընտրված խափանման միջոցը` ստորագրություն` չհեռա-նալու մասին, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ