ԵԿԴ/0195/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
05 դեկտեմբերի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Հ.ԷՅՐԱՄՋՅԱՆԻ
ամբաստանյալ Ս.ԳԵՎՈՐԳՅԱՆԻ
պաշտպան Կ.ՂԱԶԱՐՅԱՆԻ

դատարանում` դռնբաց դատական նիստում, քննեց գործն ըստ մեղադրանքի`
Ստյոպա Տիգրանի Գևորգյանի` ծնված 08.05.1992թ. ք.Երևանում, ազգությամբ հայ, ՌԴ քաղաքացի, ամուրի, միջնակարգ կրթությամբ, իր հայտարարությամբª մինչև արգելանքի վերցվելը սովորել է ՙՄոսկվայի տնտեսագիտության, վիճակագրության և ինֆորմատիկայի պետական համալսարան՚-ում, առողջ, չի աշխատել, չդատված, հաշվառված է` ՌԴ Բրյանս-կի շրջան, գյուղ Պուշկինո, բնակվել է` ք.Երևան, Անդրանիկի փողոց, 48-րդ շենք, բնակարան հ. 50, արգելանքի տակ է 2012թ. օգոստոսի 2-ից, մեղադրվում է ՀՀ քրեական օրենսգրքի 112-րդ հոդվածի 1-ին մասով£
Ամբաստանյալ Ս.Գևորգյանին ՀՀ քրեական օրենսգրքի 112-րդ հոդվածի 1-ին մասով մեղադրանք է առաջադրվել այն բանի համար, որ նա. ՙ24.06.2012թ.ª ժամը 23-30-ից մինչև 25.06.2012թ. ժամը 00-50-ն ընկած ժամանակահատվածում, Երևան քաղաքի Ա.Իսահակյան փողոցի 14 շենքի դիմացը Լևոն Վահանի Գալստյանի հետ զրույցի ընթացքում ծագած վիճա-բանության և ծեծկռտուքի ժամանակª առողջությանը ծանր վնաս պատճառելու դիտավորու-թյամբ, ծակող կտրող գործիք հանդիսացող դանակով մի քանի անգամ հարվածել է վերջինիս մարմնի տարբեր մասերինª դիտավորությամբ Լ.Գալստյանի առողջությանը պատճառելով ծանր վնաս, որը վտանգավոր է կյանքի համար` որովայնի խոռոչ թափանցող, լյարդի վնա-սումով, որովայնի առաջակողմնային պատի ծակած կտրած վերք մարմնական վնասվածքի ձևով՚:
Ամբաստանյալ Ս.Գևորգյանը մինչև դատաքննությունն սկսվելը միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայաց-նում է կամավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղա-վոր է ճանաչում և գիտակցում է արագացված կարգով դատական քննություն անցկացնելու հետևանքները:
Դատարանի որոշմամբ ամբաստանյալի միջնորդությունը բավարարվել և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Ս.Գևորգյանը կատարել է հանցանք` նա-խատեսված ՀՀ քրեական օրենսգրքի 112-րդ հոդվածի 1-ին մասով, որով և նա պետք է պա-տասխանատվության ենթարկվի:
Ամբաստանյալի նկատմամբ պատիժ նշանակելիս` պատժի չափը որոշելիս, դատա-րանը հաշվի է առնում ինչպես նրա կատարած արարքի բնույթն ու հանրության համար վը-տանգավորության աստիճանը, այնպես էլ արագացված կարգով անցկացված դատաքննու-թյան ընթացքում ուսումնասիրված` նրա անձը բնութագրող տվյալներն ու պատասխանա-տըվությունը և պատիժը մեղմացնող ու ծանրացնող հանգամանքները:
Որպես ամբաստանյալ Ս.Գևորգյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա համաձայնվեց մեղադրանքի հետ և անկեղծորեն զղջաց կատարած հանցանքի համար, խոստովանական ցուցմունքներով ա-ջակցել է հանցագործությունը բացահայտելուն և տուժողը ներել է նրան:
Որպես ամբաստանյալի անձը բնութագրող տվյալ` դատարանը հաշվի է առնում, որ նա բնութագրվում է դրական, երիտասարդ է և ՙՄոսկվայի տնտեսագիտության, վիճակագրու-թյան և ինֆորմատիկայի պետական համալսարան՚-ի տնօրենի ու հարևանների կողմից բնու-թագրվել է որպես բարեխիղճ ուսանող և դրական անձ:
Ամբաստանյալի պատասխանատվությունն ու պատիժը ծանրացնող հանգամանքներ դատական քննությամբ չարձանագրվեցին:
Տուժողը քաղաքացիական հայց չհարուցեց և հայտարարեց, որ ներել է ամբաստան-յալին:
Միաժամանակ, հաշվի առնելով ամբաստայալի կատարած արարքի հանրության հա-մար վտանգավորության բարձր աստիճանը, դատարանը հանգում է հետևության, որ դատա-պարտյալի ուղղվելը հնարավոր չէ առանց պատիժը կրելու:
Դատարանը նաև գտնում է, որ ամբաստանյալի կատարած հանցանքի շարժառիթնե-րի ու նպատակների« նրա դերի« հանցանքը կատարելիս ու դրանից հետո նրա վարքագծի և այլ հանգամանքների հետ կապված առկա չեն այնպիսի բացառիկ հանգամանքներ« որոնք էականորեն կարող են նվազեցնել նրա կատարած հանցանքիª հանրության համար վտանգա-վորության աստիճանը և հիմք հանդիսանալ ՀՀ քրեական օրենսգրքի 112-րդ հոդվածի 1-ին մասով նախատեսված պատժի նվազագույն չափից ավելի ցածր պատիժ կամ ավելի մեղմ պատժատեսակ« քան նախատեսված է այդ հոդվածով« նշանակելու համար:
Նկատի ունենալով, որ ՀՀ քրեական վերաքննիչ դատարանը 02.08.2012թ. ուժի մեջ մտած որոշմամբ գտել է, որ ամբաստանյալի կալանքի ժամկետի մեջ պետք է հաշվակցվի 2012թ. հուլիսի 4-ից մինչև 5-ն ընկած ժամանակահատվածը, դատարանը գտնում է, որ ամ-բաստանյալի նկատմամբ նշանակված պատժին պետք է հաշվակցվի 2 օր:
Քննության առնելով ամբաստանյալի նկատմամբ կիրառված խափանման միջոցի հարցը, դատարանը գտնում է, որ նրա նկատմամբ կիրառված խափանման միջոցը` մինչև դատավճռի օրինական ուժի մեջ մտնելը, պետք է թողնվի անփոփոխ:
Քննության առնելով իրեղեն ապացույցի տնօրինման հարցը` դատարանը գտնում է, որ իրեղեն ապացույց ճանաչված հագուստները պետք է վերադարձվեն տուժողին:
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119-րդ, 357-րդ, 359-րդ, 360-րդ ու 3753 հոդվածներով` դատարանը

Վ Ճ Ռ Ե Ց

Ստյոպա Տիգրանի Գևորգյանին ճանաչել մեղավոր ՀՀ քրեական օրենսգրքի 112-րդ հոդվածի 1-ին մասով և դատապարտել ազատազրկման 3 (երեք) տարի ժամկետով, որին հաշվակցելով 2 (երկու) օր, որպես վերջնական պատիժª նշանակել ազատազրկում 2 (երկու) տարի 11 (տասնմեկ) ամիս 28 (քսանութ) օր ժամկետով, որպիսի պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի կրման սկիզբը հաշվել 2012թ. օգոստոսի 2-ից:
Ս.Գևորգյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը:
Իրեղեն ապացույց ճանաչված հագուստները վերադարձնել տուժող Լ.Գալստյանին:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ