Գործ թիվ ԵԿԴ/0180/01/12






ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան)`

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի Կենտրոն և Նորք-Մարաշ
վարչական շրջանների դատախազության
ավագ դատախազ` Էդգար Ղազարյանի,

տուժողներ` Գրիգոր Մովսիսյանի և
Սևակ Սահակյանի

2012թ. նոյեմբերի 6-ին նույն դատարանում, դռնբաց դատական նիստում, քննեց քրեական գործն ըստ մե¬ղադ¬րանքի`

Ս տ յ ո պ ա Յ ու ր ի կ ի Գ ա լ ս տ յ ա ն ի`
(ծնված 1991թ. հունիսի 14-ին, Ագարակ քաղաքում, ազ¬գութ¬յամբ հայ, ՀՀ քաղաքացի, ամուրի, միջնակարգ կրթութ¬¬յամբ, չի աշխա¬տել, նախ¬կինում չդատապարտ¬ված, բնակվել է` Ագարակ քաղաքի Չարենցի փողոցի 26-րդ շենքի թիվ 36 բնա¬կա¬րա¬նում, սույն գործով արգելանքի տակ է 2012թ. հունիսի 22-ից)

1.Գործի դատավարական նախապատմությունը.
Թիվ 13118912 քրեական գործն հարուցվել է 2012թ. ապրիլի 26-ին ՀՀ քրեական օրենսգրքի 178-րդ հոդվածի 1-ին մասով նախատեսված հանցագործության հատ¬կա¬նիշ¬նե¬րով ՀՀ ոստիկանության Կենտրոնականի քննչական բաժնում` քաղ.Դավիթ Նասիբյա¬նի հա¬ղորդ¬ման հիման վրա` անհայտ անձի կողմից նրա գույքը խարդախությամբ հափշտա¬կելու դեպքի առթիվ։
2012թ. հունիսի 1-ին նախաքննական մարմինը Ստյոպա Գալստյանի նկատմամբ որպես խափանման միջոց է ընտրել չհեռանալու մասին ստորագրություն։
2012թ. հունիսի 7-ին Ստյոպա Գալստյանին մեղադրանք է առաջադրվել ՀՀ քրեա¬կան օրենսգրքի 178-րդ հոդվածի 1-ին մասով։
2012թ. հունիսի 22-ին սույն քրեական գործին է միացվել քաղ. Սևակ Սահակյանի հաղորդման հիման վրա ՀՀ քրեական օրենսգրքի 178-րդ հոդվածի 1-ին մասով հարուցված թիվ 13133812 քրեական գործը։
2012թ. հունիսի 22-ին մեղադրյալ Ս.Գալստյանը ձերբակալվել է։
2012թ. հունիսի 23-ին Երևա¬նի Կենտրոն և Նորք-Մարաշ վարչական շրջանների ընդհանուր իրավասության դատարանը, քննարկելով նա¬խաքննական մարմնի ներկայաց¬րած միջնորդությունը, մե¬ղադրյալ Ս.Գալստյանի նկատմամբ որ¬պես խափանման միջոց է կի¬րառել կալանավորում։
2012թ. սեպտեմբերի 17-ին նախաքննական մարմինը Ստյոպա Գալստյանին (վերջ¬¬նական) մեղադրանք է առաջադրել ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
2012թ. սեպտեմբերի 28-ին նախաքննական մարմինը որոշում է կայացրել մեղադրյալ Ստյոպա Գալստյանի խոստովանական ցուցմունքներում մատնանշած այլ դրվագներով նրա նկատմամբ քրեական հետապնդում չիրականացնելու մասին` հանցա¬դեպի բացակա¬յութ¬յան հիմքով։
2012թ. հոկտեմբերի 9-ին քրեական գործը Ստյոպա Գալստյանի նկատմամբ ՀՀ քրեա¬կան օրենսգրքի 178-րդ հոդվածի 2-րդ մասի 2-րդ կետով կազմված մեղադրական եզրա¬կացութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատա¬րան և 2012թ. հոկտեմբերի 11-ին ընդունվել վարույթ։

2. Ապացույցների հետազոտում և գնահատում.
Դատաքննությամբ հետազոտված ապացույցներով Դատարանը հաստատված հա¬մա¬րեց այն, որ ամբաստանյալ Ստյոպա Գալստյանը խաբեությամբ կամ վստահությունը չարաշահելու եղանակներով գույք հափշտակելու միասնական դիտավո¬րութ¬յամբ 2012թ. ապրիլի 22-ից մինչև հունիսի 19-ն ընկած ժամանակահատվածում ծանոթացել է մի շարք քաղաքացիների հետ և հանցավոր այդ դիտավորությունը մինչև վերջ հասցնելով` հափշտակել է վերջին¬ներիս պատկանող խոշոր չափերի, ընդհանուր` 946.000 ՀՀ դրամ արժո¬ղությամբ գույքը, որպիսի գործողություններն արտահայտվել են հետևյալում.
2012թ. ապրիլի 22-ին` ժամը 19։00-ի սահմաններում, Երևանի մետրոպոլիտենի «Երիտասարդական» կայարանի մոտակայքում մոտեցել է Դավիթ Նասիբյանին, համո¬զել, թե իբր ծառայել են միևնույն զորամասում, որից հետո նրան հրա¬վիրել է մոտակայքում գործող «9-րդ ալիք» սրճարան, որտեղ խոսակցության ընթացքում խաբեությամբ` դիտելու և անմիջապես վերադարձնելու պայմանով ստա¬ցել է վերջինիս ոսկյա մատանին, ապա` բջջային հեռախո¬սի վրա զանգ ստա¬նալու իմիտացիա ստեղծե¬լով` ձևացրել է, թե իբր զանգողն իր հայրն է, ում շտապ գումար է անհրաժեշտ։ Պատճա¬ռա¬բանելով, թե իբր իր մոտ մանրադրամ չկա` Դ. Նասիբյանից ստացել է 4.000 ՀՀ դրամ գումար, որից հետո իր հորը նույն սրճարանի մոտ հանդիպելու պատրվակով, իրա¬կանում չարա¬շահելով տուժող Նասիբյանի վստահությունը, հեռացել և այլևս վերջինիս մոտ չի վերադարձել` խա¬բեությամբ հափշտա¬կելով Դավիթ Նասիբյանի 90.000 ՀՀ դրամ արժողությամբ ոսկյա մատանին և 4.000 ՀՀ դրամ գումարը։
Բացի այդ, Գրիգոր Մովսիսյանի գույքի հափշտակություն կատարելու դիտավո¬րութ¬յամբ, 2012թ. մայիսի 25-ին` ժամը 20։00-ից մինչև 21։00-ն ընկած ժամանակա¬հատվածում, Երևանի Մալաթիա թաղամասում գտնվող գյուղատնտեսական մթերքների շուկային կից ավտո¬կանգա¬ռում, մոտեցել է նրան, ներկայացել Սիփան անվամբ և համո¬զե¬լով, որ ծառայել են միևնույն զորամասում` հրավիրել մոտակայքում գործող խորտկա¬րան, պատվիրել արագ սննունդ, սակայն մինչ դրա մատուցումը վերջինիս բջջային հեռախոսի վրա զանգ է եկել։ Ս.Գալստյանը, ավարտելով հոր հետ հեռախոսազրույցը, խնդրել է 15.000 ՀՀ դրամ պարտք, հայտնելով, թե իբր իր մոտ մանր թղթադրամ չկա, մինչդեռ պետք է շտապ գնումներ կատարի և դրանք մոտակայքում գործող հոր խա¬նութ հասցնի։ Տեսնելով Գ.Մովսիսյանի մոտ եղած 22.000 ՀՀ դրամը` արագ վերադառնալու և փողը վերա¬դարձ¬նելու պատրվակով Ս.Գալստյանը խնդրել և ստացել է ողջ այդ գումարը և սակայն անցնելով հանդիպակաց մայթ` նստել է տաքսի ավտոմե¬քենա և հեռացել` խաբեութ¬յամբ հափշտակելով Գ.Մովսիսյանի 22.000 ՀՀ դրամ գումարը։
Շարունակելով հանցավոր գործունեությունը` նույն եղանակով, այս անգամ Ռուբեն Կարապետյանի գույքն հափշտա¬կելու դի¬տա¬վորությամբ, 2012թ. մայիսի 30-ին` ժամը 11։00-ի սահման¬ներում, Երևանի մետրոպոլիտենի «Երիտասարդական» կայարանի հարևա¬¬նութ¬յամբ մոտեցել է վերջինիս, ներ¬կա¬յանալով Սիփան անվամբ և համո¬զելով, թե իբր իր ընկերոջ եղբայրն է` առաջարկել է գնալ մոտակայքում գործող «Ֆլո¬րա» սրճարան։ Այդտեղ դիտելու և անմիջապես վերադարձնելու պատրվակով ստացել է Ռուբեն Կարա¬պետյանի ոսկյա մատանին և «Այֆոն» մոդելի բջջային հեռախոսը, որից հետո, բջջային հե¬ռախոսն սրճարանի մոտակայքում գտնվող ընկերոջն իբրև թե ցույց տալու և արագ վերադառնալու պայմանով հեռացել է սրճարանից, այլևս չի վերադարձել` խաբեությամբ հափշտակելով Ռ.Կարապետյանի 120.000 ՀՀ դրամ արժո¬ղությամբ ոսկյա մատանին և 380.000 ՀՀ դրամ արժողությամբ «Այֆոն» մոդելի բջջային հեռախոսը։
Ավելին, նույն եղանակով գույքն հափշտակելու դիտա¬վո¬րութ¬յամբ, 2012թ. մայիսի 31-ին` ժամը 15։00-ի սահման¬նե¬րում, Երևանի ս.Գրիգոր Լուսավորիչ եկեղեցուն հարակից «Օղա¬կաձև» զբոսայգու «Լունապարկի» հատվածում մոտեցել է վերջինիս և Հայկ Պետրոս¬յանին, Գրիգորյանին համոզել, որ միասին ծառայել են միևնույն զորամասում, ապա առաջարկել է գնալ մոտակայքում գործող «Շվաք» սրճարան։ Այդտեղ դիտելու և վերա¬դարձնելու պատրվակով ստացել է Ն.Գրիգորյանի ոսկյա թևնոցը, պատճա¬ռա¬բանելով, թե այն նման է իր թևնոցին` այն կապել թևին։ Դեռ պատվերը չբերած` իբր ծխա¬խոտ գնելու նպատակով առաջարկել է Հայկ Պետրոս¬յանին գնալ ծխախոտ գնելու, սակայն ճանապարհին հայտարարելով, թե իբր դրամապանակը և գումարները մոռացել է նույն սրճարանում` խնդրել է վերջինիս վերադառնալ դրանց հետևից, իրականում կորելով թե՛ Ն.Գրիգորյանի, թե՛ Հ.Պետրոսյանի տեսադաշտից` դիմել է փախուստի` խաբեությամբ հափշտակելով նաև Նարեկ Գրիգորյանի 180.000 ՀՀ դրամ արժո¬ղությամբ ոսկյա թևնոցը։
Ավարտելով հանցավոր գործունեությունը, այս անգամ Սևակ Սահակյանի գույքն հափշտա¬կելու դիտավո¬րութ¬յամբ 2012թ. հունիսի 19-ին` ժամը 18։40-ի սահման¬ներում, Երևանի Նոր-Նորքի 1-ին զանգվա¬ծում գտնվող «Գայի» հուշարձանին կից ավտոկան¬գառում մոտեցել է վերջինիս, ներկայանալով Սիփան անվամբ և համոզելով, թե իբր ընկերոջ ծանոթն է` առաջարկել է տաքսի ավտոմեքենայով միասին գնալ «Ազատության» հրապա¬րակ` զբոսնելու։ Տաքսի ավտոմեքենայի սրահում դիտելու և վերադարձնելու պատրվակով խնդրել և ստացել է Ս.Սահակյանի պարանոցի ոսկյա շղթան և խաչը, ապա` իբրև թե զգեստափոխվելու նպատակով վարորդին խնդրել է մեքենան վարել Հյուսիսային պողո¬տայի շենքերից մեկի բակ` նշելով, թե իբր բնակ¬վում է այդ շենքում և խնդրելով սպասել մինչև նրա զգեստափոխվելն ու վերադառնալը։ Ս.Գալստյանը մեքենայից իջել և շենքի միջանցիկ մուտքի հակառակ կողմով հեռացել է` խաբեությամբ հափշտակելով Ս.Սահակ¬յանի 150.000 ՀՀ դրամ ընդհա¬նուր արժողությամբ ոսկյա շղթան ու խաչը։
Վերոնշյալ հանցավոր արարքները կատարելու համար Ստյոպա Գալստյանին մե¬ղադրանք է առա¬ջադրվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
Առաջադրված մեղադրանքում ամբաստանյալ Ստյոպա Գալստյանը Դատա¬րա¬նում իրեն լիովին մեղավոր ճանաչեց` ըստ էության ընդունելով նաև 22.000 ՀՀ գումարը տուժող Գրիգոր Մովսիսյանից խաբեությամբ հափշտակելու փաստը, ինչը մինչդատական վարույթի ընթացքում չէր ընդունել։ Նշեց նաև, որ գործը Դատարան ուղարկելուց հետո ամբողջությամբ փոխհատուցել են տուժող Նարեկ Գրիգորյանին պատճառած 180.000 ՀՀ դրամի գույքային վնասը` նշված գումարն հանձնելով վերջինիս հորը` Նվեր Գրիգորյա¬նին։ Ամբողջությամբ ընդունեց իր դեմ տուժող Դավիթ Նասիբյանի ներկայացրած 94.000 ՀՀ դրամի քաղաքացիական հայցը։
Ամբաստանյալ Ստյոպա Գալստյանին առաջադրված մեղադրանքը, բացի նրա խոստովանական ցուցմունքներից, հաստատվել է նաև դատաքննության ընթաց¬քում պատ¬¬շաճ իրա¬վա¬կան ըն¬թա¬ցակարգերի շրջա¬նակ¬նե¬րում հետա¬զոտ¬ված և գնահատ¬ված ներ¬քոհիշ¬յալ ապա¬ցույց¬ներով.
Տուժող Դավիթ Նասիբյանի` Դատարանում հրապարակված և հետազոտված ցուց¬մունքով. Վերջինս դեռևս մինչդատական վարույթում հայտնել էր, որ 2012թ. ապրիլի 22-ին` ժամը 18։00-ի սահման¬ներում, Երևանի «Օպերայի» թատրոնի մոտակայքում, Ստյո¬պա Գալստյանը մոտեցել և ներկա¬յանալով Սիփան անվամբ` համոզել է, որ ծառայել են միևնույն զորամասում, ապա` առաջարկել գնալ Երևանի մետրոպոլիտենի «Երիտա¬սարդական» կայարանի տարածքում գործող «9-րդ ալիք» սրճարան։ Արդեն սրճա¬րա¬նում դիտելու և վերադարձնելու պայմանով Ս.Գալստյանը վերցրել է իրեն պատ¬կանող` 90.000 ՀՀ դրամ արժողությամբ ոսկյա մատանին, ապա հորից հեռախո¬սա¬զանգ ստանալով` խնդրել և ստացել է 4.000 ՀՀ դրամ գումար` այն մոտա¬կայքում գտնվող հորը փոխանցելու նպատա¬կով` պատճառաբանելով, թե իբր նրա մոտ եղած գումարը խոշոր թղթադրամով է, վերադառնալուն պես այն կմանրի և կվերա¬դարձ¬նի։ Սակայն Ս.Գալստյանը խաբել է, հեռացել և այլևս չի վերադարձել` հափշտա¬կելով իր մատանին և գումարը։ Տուժող Դավիթ Նասիբյանը Դա¬տա¬րանին հասցեագրած դիմումով խնդրել էր գործը քննել իր բացա¬կա¬յությամբ` միա¬ժամանակ ներկայացրել հայցա¬դիմում` Ստյոպա Գալստյանից հօգուտ իրեն 94.000 ՀՀ դրամ գումար բռնա¬գանձելու վերաբերյալ։
Տուժող Գրիգոր Մովսիսյանի ցուցմունքով. Վերջինս Դատարանում հայտնեց, որ 2012թ. մայիսի 25-ին` ժամը 20։00-ից մինչև 21։00-ն ընկած ժամանակահատվածում, Երևանի Մալաթիա թաղամասում գործող գյուղատնտեսական մթերքների շուկային կից ավտո¬կանգա¬ռում իրեն է մոտեցել անծանոթ մի տղա, ինչպես հետագայում պարզվել է` Ստյոպա Գալստյանը, ներկայացել Սիփան անվամբ և համոզելով, որ ծառայել են միևնույն զորամասում` հրավիրել մոտակայքում գործող խորտկարան, պատվիրել արագ սնունդ, սակայն մինչ դրա մատուցումը վերջինիս բջջային հեռախոսի վրա զանգ է եկել։ Ս.Գալստյանը ավարտելով եհռախոսազրույցը` խնդրել է 15.000 ՀՀ դրամ գումար, հայտնելով, թե իբր իր մոտ մանր թղթադրամ չկա, մինչդեռ հոր հանձնարարությամբ պետք է շտապ գնումներ կատարի և դրանք մոտակայքում գործող հոր խանութ հասցնի։ Տեսնե¬լով իր մոտ գտնվող 22.000 ՀՀ դրամը` արագ վերադառնալու և փողը վերա¬¬դարձ¬նելու պատրվակով Ս.Գալստյանը վերցրել է ողջ գումարը, սակայն անցնելով հանդիպակաց մայթը` նստել է տաքսի ավտոմեքենա և հեռացել` խաբեությամբ տիրանալով իր 22.000 ՀՀ դրամ գու¬մարին։ Տուժող Գ.Մովսիսյանը Դատարանում նշեց նաև, որ ամբաստանյալ Ս.Գալստյանի նկատմամբ գույքային կամ որևէ այլ պահանջ չունի։
Տուժող Ռուբեն Կարապետյանի` Դատարանում հրապարակված և հետազոտված ցուցմունքով. Վերջինս դեռևս մինչդատական վարույթում հայտնել էր, որ 2012թ. մայի¬սի 30-ին` ժամը 11։00-ի սահման¬նե¬րում, գտնվել է Երևանի մետրոպոլիտենի «Երիտասար¬դա¬կան» կայարանի հարևա¬նութ¬յամբ իրեն է մոտեցել Ստյոպա Գալստյանը և ներկայա¬նա¬լով Սիփան անվամբ և համո¬զելով, որ իր ընկերոջ եղբայրն է` առաջարկել է գնալ մոտակայքում գործող` «Ֆլո¬րա» սրճարան։ Այդտեղ դիտելու և վերադարձնելու պատրվա¬կով Ս.Գալստյանը վերցրել է 120.000 ՀՀ դրամ արժողությամբ իր ոսկյա մատանին և 380.000 ՀՀ դրամ արժողությամբ «Այֆոն» մոդելի բջջային հեռախոսը, որից հետո այն իբրև թե սրճարանի մոտակայքում գտնվող ընկերոջը ցույց տալու և կարճ ժամանակ անց վերադառնալու պայմանով դուրս է եկել և հեռացել սրճարանից, այլևս չի վերադարձել` խաբեությամբ տիրանալով իր ոսկյա մատանուն և «Այֆոն» մոդելի բջջային հեռախոսին։
Տուժող Նարեկ Գրիգորյանի` Դատարանում հրապարակված և հետազոտված ցուցմունքով. Վերջինս դեռևս մինչդատական վարույթում հայտնել էր, որ 2012թ. մա¬յիսի 31-ին` ժամը 15։00-ի սահման¬նե¬րում, ընկերոջ` Հայկ Պետրոսյանի հետ միասին գտնվել են Երևանի ս.Գրիգոր Լուսավորիչ եկեղեցուն հարակից «Օղակաձև» զբոսայգու «Լունա Պարկի» հատվածում, որտեղ իրենց է մոտեցել Ստյոպա Գալստյանը, իրեն համո¬զել, որ միասին ծառայել են միևնույն զորամասում, ապա առաջարկել է գնալ մոտակայ¬քում գործող «Շվաք» սրճարան։ Այդտեղ դիտելու և վերադարձնելու պատրվակով Ս.Գալստ¬յա¬նը վերցրել է իր 180.000 ՀՀ դրամ արժողությամբ ոսկյա թևնոցը, պատճառա¬բանելով, որ այն շատ նման է իր թևնոցին` այն կապել թևին, որից հետո` մինչև պատվերի բերելը, ծխախոտ գնելու պատրվակով ընկերոջը` Հայկ Պետրոսյանին առաջարկել է միասին գնալ մոտակայքից ծխախոտ գնելու։ Քիչ անց Հայկ Պետրոսյանը միայնակ վերադարձել է իր մոտ` սրճարան` սեղանի վրա մնացած Ս.Գալստյանի դրամապանակը և գումարները վերց¬նելու և վերջինիս մոտ վերա¬դառնալու նպատակով։ Դրանից հետո հաս¬կա¬¬նալով, որ խաբվել է` Ս.Գալստյանին փնտրել, սակայն չեն գտել, իսկ վերջինիս դրամապանակը եղել է դատարկ։
Վկա Հայկ Պետրոսյանի ըստ էության նույնաբովանդակ ցուց¬մունքով. Վերջինս Դա¬¬տա¬րանում նշեց նաև, որ ներկայումս պարտադիր զինվորական ծառայության մեջ գտնվող իր ընկերոջ` Նարեկ Գրիգորյանի ընտանիքի անդամներից տեղեկացել է, որ Ս.Գալստյանն ամբողջությամբ փոխհատուցել է հափշտակած ոսկյա թևնոցի արժեքը։
Տուժող Սևակ Սահակյանի ցուցմունքով. Վերջինս Դատարանում հայտնեց, որ 2012թ. հունիսի 19-ին` ժամը 18։40-ի սահման¬ներում, Երևանի Նոր-Նորքի 1-ին զանգվա¬ծում գտնվող «Գայի» հուշարձանին կից ավտոկանգառում իրեն է մոտեցել մինչ այդ անծանոթ Ստյոպա Գալստյանը և ներկայանալով Սիփան անվամբ, համոզելով, թե իբր իր ընկերոջ ծանոթն է` առաջարկել է միասին տաքսի ավտոմեքենայով գնալ «Ազատության» հրապա¬րակ` զբոսնելու։ Արդեն տաքսի ավտոմեքենայի սրահում դիտելու և վերադարձնե¬լու պատրվակով Ս.Գալստյանը խնդրել և ստացել է իր պարանոցի ոսկյա շղթան և խաչը, ապա իբրև թե զգեստափոխվելու պատրվակով վարորդին խնդրել է մտնել Հյուսիսային պողոտայի շենքերից մեկի բակ` նշելով, որ բնակ¬վում է այդ շենքում և խնդրելով սպասել մինչև նրա զգեստափոխվելն ու վերադառնալը։ Ս.Գալստյանը մեքենայից իջել և հեռացել է, իսկ երբ վայրկյաններ անց հետևել է նրան` պարզել է, որ շենքի մուտքը միջանցիկ է, որից օգտվելով էլ Ս.Գալստյանը դիմել է փախուստի` տիրանալով 150.000 ՀՀ դրամ արժո¬ղությամբ իր ոսկյա շղթային ու խաչին։
Քննչական փորձարարության վերաբերյալ 2012թ. հունիսի 4-ին կազմված արձա¬նագրությամբ, համաձայն որի` մասնակից Ստյոպա Գալստյանը, մատնանշել է Երևան քաղաքի այն հատվածները, որտեղ համապատասխանաբար մոտեցել և ծանոթացել է տուժողներ Դավիթ Նասիբյանին, Ռու¬բեն Կարապետյանին և Նարեկ Գրիգորյանին` խաբեությամբ և վստահությունը չարաշա¬հելու միջոցով հափշտակելով նրանց գույքը։
Անձին ճանաչման ներկայացնելու վերաբերյալ 2012թ. հունիսի 1-ին կազմված արձա¬նագրությամբ, համաձայն որի` տուժող Դավիթ Նասիբյանը, նրան ճանաչման ներ¬կա¬յացված այլ անձանց կազմում ճանաչել է սույն գործով ամբաստանյալ Ստյոպա Գալստյա¬նին և հայտարարել, որ 2012թ. ապրիլի 22-ին նա է Երևանի մետրոպոլիտենի «Երիտասարդական» կայարանի հարևանությամբ գործող սրճարանում Սիփան անունով ներկայացել և խաբեությամբ հափշտակել իր ոսկյա մատանին և 4.000 ՀՀ դրամ գումարը։
Անձին ճանաչման ներկայացնելու վերաբերյալ 2012թ. հունիսի 5-ին կազմված արձանագրությամբ, համաձայն որի` տուժող Ռուբեն Կարապետյանը նրան ճանաչման ներկայացված այլ անձանց կազմում ճանաչել է սույն գործով ամբաստանյալ Ստյոպա Գալստյանին և հայտարարել, որ վերջինս է 2012թ. մայիսի 30-ին Երևանի մետրոպոլի¬տենի «Երիտասարդական» կայարանին կից գործող սրճարանում ներկայացել Սիփան անունով, այնուհետև խա¬բեութ¬յամբ հափշտակել իր «Այֆոն-4» մոդելի բջջային հեռախոսը և ոսկյա մատանին։
Անձին ճանաչման ներկայացնելու վերաբերյալ 2012թ. հունիսի 6-ին կազմված արձանագրությամբ, համաձայն որի` տուժող Նարեկ Գրիգորյանը նրան ճանաչման ներ¬կա¬յացված այլ անձանց կազմում ճանաչել է սույն գործով ամբաստանյալ Ստյոպա Գալստյանին և հայտարարել, որ վերջինս է 2012թ. մայիսի 31-ին «Օղակաձև» զբոսայգու «Լունապարկ» կոչվող հատվա¬ծում մոտեցել և խաբեությամբ հափշտակել իր ոսկյա թևնոցը։
Անձին ճանաչման ներկայացնելու վերաբերյալ 2012թ. հունիսի 22-ին կազմված արձանագրությամբ, համաձայն որի` տուժող Սևակ Սահակյանը նրան ճանաչման ներկա¬յաց¬ված այլ անձանց կազմում ճանաչել է սույն գործով ամբաստանյալ Ստյոպա Գալստյա¬¬նին և հայտարարել, որ նա է 2012թ. հունիսի 19-ին Երևանի Հյուսիսային պողո¬տա¬յում խաբեությամբ հափշտակել իր պարանոցի ոսկյա շղթան։

3. Դատարանի իրավական վերլուծությունները.
Գնահատելով դատաքննությամբ հետազոտված վերոնշյալ ապացույցները` Դատա¬¬րանը հաստատված համարեց այն, որ ամբաստանյալ Ստյոպա Գալստյանը մեկ միաս¬նական հանցավոր դիտավորությամբ, խաբեությամբ և տուժողներ Դավիթ Նասիբյանի, Նարեկ Գրիգորյանի, Ռուբեն Կարապետյանի, Գրիգոր Մովսիսյանի և Սևակ Սահակյանի վստահությունը չարաշա¬հե¬լու եղա¬նակ¬ներով հափշտակել է նրանց պատ¬կանող խոշոր չափերի, ընդ¬հանուր` 946.000 ՀՀ դրամ արժողությամբ գույք, այսինքն` կատարել է հանցա¬վոր արարք« որն համա¬պա¬տաս¬¬խանում է ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախա¬տես¬ված հանցա¬գործության հատ¬կանիշ¬ներին, հետևաբար` վերջինս քրեա¬կան պա¬տաս¬¬խա¬նատ¬¬¬վության և պատժի ենթա¬կա է այդ հոդվածի համա¬պատասխան մասով և կետով։
Ամբաստանյալ Ստյոպա Գալստյանի նկատ¬մամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչ¬պես նաև կանխել հանցագործությունները։ ՀՀ քրեական օրենսգրքի 10-րդ հոդվածի հա¬մա¬ձայն` հան¬ցանք կատարած անձի նկատմամբ կիրառվող պատիժը և քրեաիրավական ներ¬¬գոր¬ծութ¬յան այլ միջոց¬ները պետք է լինեն արդարացի, համապա¬տասխանեն հան¬ցանքի ծան¬րութ¬յանը, այն կատա¬րելու հանգամանքներին, հանցավորի անձնա¬վո¬րութ¬յանը, անհրա¬ժեշտ և բավարար լինեն նրան ուղղելու և նոր հանցա¬գործությունները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պա¬տիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագոր¬ծության՝ հանրության համար վտանգավորության աստիճանով և բնույթով, հան¬¬ցավորի անձը բնու¬թագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։ Նույն հոդվածի 3-րդ մասի համա¬ձայն` հան¬ցագործության համար նախա¬տեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։
Օրենքի և դատարանի առջև հավասարության սկզբունքն ամրագրած ՀՀ քրեական դատա¬վարական օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գործով ՀՀ Վճռաբեկ դատարանի կամ Մարդու իրավունքների եվրո¬պա¬կան դատա¬րա¬նի դատական ակտի հիմնավորումները, այդ թվում՝ օրենքի մեկնաբա¬նութ¬յունները, պարտադիր են դատարանի համար նույնանման փաստական հանգա¬մանք¬ներով այլ գործի քննության ժամանակ։
ՀՀ Վճռաբեկ դատարանը, Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմբերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախատեսված նորմը, նշել է, որ այն Դատարանին օժտել է անձի պատասխա¬նատվությունը մեղմացնող հանգամանքների կիրառման լայն հայեցո¬ղութ¬յամբ, քանի որ պա¬տիժ նշանակելիս Դատարանը կարող է հաշվի առնել նաև մեղմացնող այնպիսի հանգա¬մանք¬ներ, որոնք նույն հոդվածի առաջին մասում նշված չեն։
Դատարանը սույն գործով որպես ամբաստանյալ Ստյոպա Գալստյանի անձը դրա¬կա¬նորեն բնութագրող տվյալներ է գնահատում նախկինում դատապարտված չլինելը (ՀՀ ոստիկանության ինֆորմացիոն կենտրոնում 2012թ. հունիսի 4-ի դրությամբ կատարված ստուգման արդյունքներով), երիտասարդ լինելը։
Դատարանը որպես ամբաստանյալ Ս.Գալստյանի պատասխա¬նատ¬վությունը և պա¬տիժը մեղմացնող հանգամանքներ է գնահատում իրեն լիովին մեղավոր ճանաչելը, անկեղ¬ծո¬րեն զղջալը, քննչական փորձարարության կատարմանը մաս¬նակցելու միջոցով հանցա¬գոր¬ծության բոլոր հանգամանքները բացահայտելուն աջակ¬ցելը, տուժողներին պատճառ¬ված վնասը մասամբ հատուցելը։
Վերոնշյալ հանգա¬մանքներն հաս¬տատվել են քրեա¬կան գործի նյութերում առկա փաս¬տական տվյալ¬ներով, իրական են և ողջամտորեն նվազեցնում են ամբաստանյալ Ստյոպա Գալստյանի անձի հան¬րային վտանգա¬վո¬րությունը։
Դատարանը ամբաստանյալ Ս.Գալստյանի պատասխանատվությունն ու պա¬տիժը ծանրացնող հանգամանքներ չարձանագրեց։
Ամբաստանյալ Ս.Գալստյանի նկատմամբ պատիժ նշանակելիս Դատարանը հաշ¬վի է առնում այն, որ դատաքննությամբ հետազոտված ապացույցների համաձայն` Ս.Գալստյանն իրեն մեղսագրված հանցագործությունը կատարել է 2012թ. ապրիլի 22-ից մինչև 2012թ. հունիսի 19-ն ընկած ժամանակահատվածում, հափշտակություն կատարելու մեկ միասնական դիտա¬վորությամբ, նույն եղա¬նա¬կով, որի հետևանքով տուժող¬ներին ընդհանուր առմամբ պատճառել է խոշոր չափի գույքային վնաս, հետևա¬բար` նրա նկատ¬մամբ պատիժ պետք է նշանակել մեկ, շա¬րունակվող հանցանք կատարելու հաշվարկով։
Պատժի նպատակներն ապահովելու տեսանկյու¬նով անդրադառնալով ամբաս¬տան¬յալ¬ Ս.Գալստյանի նկատմամբ պատիժ նշանակելու կարգի և նշանակվող պատժի տե¬սակի ընտ¬րության, պատիժը կրելու անհրաժեշտության հարցերին` Դատա¬րանը փաս¬տում է, որ ՀՀ քրեա¬կան օրենսգրքի 178-րդ հոդվածի 2-րդ մասով սահմանված հանցա¬կազ¬մը նախատեսում է այլընտրանքային պատժատե¬սակներ` տուգանք կամ ազատազրկում` որոշակի ժամկետով, հետևա¬բար` քննարկման ենթակա է ամբաստանյալի նկատմամբ նշանակվող պատ¬ժի տեսակի ընտ¬րության և պատժաչափի, իսկ ազա¬տազրկման ձևով պատժի դատա¬պարտելու դեպքում` պատիժը ռեալ կրելու կամ չկրելու հարցերը։
Տվյալ դեպքում հաշվի առնելով ամբաստանյալ Ստյոպա Գալստյանին վե¬րագրվող հան¬ցագոր¬ծութ¬յան բնույթն ու վտանգա¬վորության աստիճանը, նրա հանցավոր գործու¬նեության հետևանքով տուժած անձանց բազմաթվությունը, պատճառված վնասն ոչ ամ¬բող¬¬ջությամբ հատուցելու հանգամանքը` Դա¬տա¬րա¬նը գտնում է, որ պատժի նպա¬տակ¬ներն ա¬պա¬հովելու տեսանկյունից ամբաստանյալի նկատ¬մամբ ՀՀ քրեական օրենսգրքի 61-րդ հոդվածի 3-րդ մասի կանոնով առավել մեղմ պատժատեսակի նշանակումը չի բխում արդա¬րադատության շահերից։ Ստյոպա Գալստյանի նկատմամբ անհրաժեշտ է նշա¬նա¬կել տվյալ հոդվածի սանկցիայով նախատեսված առավել խիստ պատժատեսակը` ազա¬տազրկումը։ Այդ պատիժն է արդա¬րացի ու միա¬ժա¬¬մանակ անհրա¬ժեշտ ամբաս¬տան¬յալին ուղ¬ղելու և հնարավոր նոր հանցա¬գոր¬ծություններն ու իրավախախտումները կան¬խելու հա¬մար։
Պատժի նպատակներն ապահովելու տեսանկյու¬նով հաշվի առնելով Ստյոպա Գալստյանին վե¬րագրվող հանցագոր¬ծութ¬յան բնույթն ու վտանգա¬վորության աստիճանը, ինչպես նաև ՀՀ քրեական օրենսգրքի 64-րդ հոդ¬վածի մեկնաբանմամբ բացառիկ հան¬գա¬մանքների բացա¬կայությունը` Դա¬տարանը գտնում է, որ վեր¬ջինիս նկատ¬մամբ ազա¬տազրկման ձևով նշա¬նակվող պատիժը պայ¬մանականորեն չկիրա¬ռելու, ազա¬տազրկման նվազագույն չափից ավելի ցածր պատիժ նշանակելու հիմքերը բացա¬կայում են, հետևա¬բար` ամբաս¬տանյալ Ս.Գալստյանն իր նկատմամբ ազա¬տազրկման ձևով նշանակվող պա¬տիժը պետք է կրի։
Դա¬տարանի համոզմամբ ամբաստանյալ Ս.Գալստյանի պատասխա¬նատ¬վությունը և պատի¬ժը մեղմացնող վերը նշված հանգա¬մանքները, ինչպես նաև անձը դրա¬կա¬նորեն բնութագրող տվյալներն անհրաժեշտ է հաշվի առնել նրա նկատմամբ տվյալ հոդ¬վա¬ծով նախատեսված հանցակազմի պատժամասի սահման¬ներում պատժաչափ սահմանելիս, ընդ որում, տվյալ դեպքում այդ պա¬տժի` ազատազրկման նվազագույն չափի նշանակումն ինքնին արդարացի ու բավարար է ամբաստանյալ Ս.Գալստյանին ուղղելու և նոր հանցա¬գոր¬ծությունները կան¬խելու հա¬մար։
Ամբաստանյալ Ստյոպա Գալստյանի նկատմամբ որպես խա¬¬¬փանման միջոց ընտրված կալանավորման հարցը քննարկելիս` Դատարանը, հաշվի առնելով ամբաս¬տան¬¬¬¬յալին ռեալ ազա¬տազրկման դատապարտելու փաստը, ինչպես նաև ելնելով դա¬տավճռի կատարումն ապա¬հովելու անհրաժեշտությունից, գտնում է, որ ամբաս¬տանյալ Ս.Գալստյանի նկատմամբ որպես խափանման միջոց ընտրված կալանա¬վորումն անհրա¬ժեշտ է թողնել անփոփոխ` մինչև սույն դա¬տավճիռն օրինական ուժի մեջ մտնելը։ Միա¬ժա¬մանակ անդրա¬դառնալով ազա¬տազրկման ձևով նշանակվող պատժի կրման սկիզբն հաշ¬վարկելու և անազատության մեջ պահվելու ժամկետն նշանակվող պատ¬ժին հաշվակցելու հարցերին` Դատա¬րանը գտնում է, որ ամբաստանյալ Գալստյանի պատժի կրման սկիզբն անհրա¬ժեշտ է հաշվարկել նրան փաստացի արգելանքի վերց¬նելու պահից` 2012թ. հունիսի 22-ից, որի դեպքում նրան կալանքի տակ պահելու ժամկետը լրացուցիչ հաշ¬վակցելու անհրա¬ժեշտութ¬¬յունը վերանում է, քանի որ հաշ¬վակցման ենթակա ժամկետն ինքնին ընդգրկում է 2012թ. հունիսի 22-ից մինչև սույն դա¬տավճիռն օրինական ուժի մեջ մտնելն ըն¬կած ժամանակա¬հատվածը։
ՀՀ քրեական դատավարական օրենսգրքի 360-րդ հոդվածի 1-ին մասի հա¬մա¬ձայն` դա¬տավճիռ կայացնելիս Դատարանը պարտավոր է անդրադառնալ նաև իրեղեն ապա¬¬ցույց¬ների տնօրինման, դատական ծախսերի, գույ¬քի նկատմամբ կիրառված (կիրառվելիք) արգելանքի, քաղա¬¬քա¬ցիական հայցի հարցերին։
Վերը նշվա¬ծի կապակցությամբ Դատարանն արձանագրում է, որ իրեղեն ապա¬ցույցները բացա¬կա¬յում են, դատական ծախսեր չկան։
Ինչ վերաբերվում է մինչ¬¬դա¬տական վա¬րույթի ընթացքում` 2012թ. հունիսի 26-ին, կա¬յացված որոշմամբ ամբաս¬տանյալ Ստյոպա Գալստյանի գույքի վրա դրված կալանքը պահպանելու կամ վերացնելու հարցին, ապա Դատարանն արձանագրում է, որ վերջինիս անվամբ հաշ¬վառված որևէ շարժական կամ անշարժ գույք փաստացի արգելանքի չի վերցվել` այդպիսին չհայտ¬նա¬բերվելու հիմքով։ Նշված պատճառաբանությամբ, հաշվի առնե¬լով, որ փաստացի որևէ գույք արգելանքի տակ չի վերցվել, Դատարանը վերոնշյալ որոշման պահպանման կամ վերացման խնդրին չի անդրադառնում։
Անդրադառնալով ամբաստանյալ Ս.Գալստյանի հանցավոր գործողություն¬ների հետևանքով տուժողներին պատճառված գույքային վնասի հատուցման խնդրին` Դատա¬րանը գտնում է, որ տուժող¬ Դավիթ Նասիբյանի ներկայացրած 94.000 (իննսունչորս հա¬զար) ՀՀ դրամի քաղաքացիական հայցը հիմնավորված է, այն պետք է լրիվ բավարարել և նշված գումարը, որպես հանցա¬գործությամբ պատճառված գույքային վնաս, բռնա¬գան¬ձել Ստյոպա Գալստյանից։
Ինչ վերաբերում է տուժողներ Ռուբեն Կարապետյանին, Գրիգոր Մովսիսյանին, Սևակ Սահակ¬յա¬նին և Նարեկ Գրիգորյանին հանցագործությամբ պատճառված վնաս¬ների հատուցման խնդրին, ապա Դատարանը գտնում է, որ այդ հարցը պետք է համարել լուծված` տուժող Նարեկ Գրիգորյանի դեպքում մինդատական վարույթում վնասն ամբող¬ջությամբ փոխհատուցելու, իսկ մյուս տուժողների դեպքում` նրանց կողմից քաղաքա¬ցիական հայց հարուցելուց հրաժարվելու պատճառաբանությամբ (այդ թվում` Դատարա¬նին ուղղված դիմումների համաձայն)։
Գնահատելով դատաքննությամբ հետազոտված ապացույց¬ները, ամբաս¬տանյալի անձը բնու¬թագրող տվյալները, այդ թվում` պատաս¬խանատ¬վութ¬յունն ու պա¬տիժը մեղ¬մաց¬նող հան¬գամանքները, հաշվի առ¬նե¬լով նրան մեղսագրվող հանցագոր¬ծութ¬յան բնույթն ու հան¬րութ¬յան հա¬մար վտան¬գա¬¬¬վո¬րութ¬յան աստի¬ճանը, ղեկա¬վար¬վելով ՀՀ քրեական դատա¬վա¬րա¬կան օրենսգրքի 357-360-րդ, 364-365-րդ, 369-373-րդ հոդված¬ներով՝ Դատա¬րանը.

Վ Ճ Ռ Ե Ց ՝

Ստյոպա Սաշիկի Գալստյանին ճանաչել մեղավոր ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված հանցա¬գործության կա¬տարման մեջ, նրա նկատ¬մամբ նշանակել պատիժ` ազատազրկում 2 (երկու) տարի ժամ¬կե¬տով։
Ստյոպա Գալստյանի պատժի կրման սկիզբն հաշվել 2012թ. հունիսի 22-ից, նրա նկատ¬մամբ որպես խափանման միջոց ընտրված կալանա¬վորումը թողնել անփոփոխ մինչև դա¬տավճիռն օրինական ուժի մեջ մտնելը։
Տուժող Դավիթ Յուրիկի Նասիբյանի ներկայացրած 94.000 (իննսունչորս հազար) ՀՀ դրամի քաղաքացիական հայցը լրիվ բավարարել, այդ գումարը, որպես հանցա¬գործությամբ պատճառված գույքային վնաս, բռնա¬գան¬ձել Ստյոպա Սաշիկի Գալստյա¬նից։
Տուժողներ Ռուբեն Կարապետյանին, Գրիգոր Մովսիսյանին, Սևակ Սահակ¬յա¬նին և Նարեկ Գրիգորյանին հանցագործությամբ պատճառված վնասների հատուցման հարցն համարել լուծված` տուժող Նարեկ Գրիգորյանի դեպքում մինդատական վարույթում վնասն ամբողջությամբ փոխհատուցելու, իսկ մյուս տուժողների դեպքում` նրանց կողմից քաղաքա¬ցիական հայց հարուցելուց հրաժարվելու պատճառաբանությամբ։
Դատական ծախսերի հարցն համարել լուծված։
Դատավճիռը կարող է բողոքարկվել Հայաստանի Հանրապետության վերաքննիչ քրեա¬կան դատարան հրապարակման օրվանից մե¬կամսյա ժամկետում։

ԴԱՏԱՎՈՐ՝ Ա.ՎԱՐԴԱՆՅԱՆ