Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

30 նոյեմբերի 2012թ. ք. Երևան

ԵԿԴ-0174/01/12

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղարներ` Է. Մկրտչյան,
Տ. Գրիգորյան,
Ա. Հովհաննիսյան,

մասնակցությամբ`
մեղադրող,
Երևանի Կենտրոն և Նորք-Մարաշ
վարչական շրջանների
դատախազության ավագ դատախազ Է. Ղազարյանի,

պաշտպաններ Գ. Մադոյանի,
Հ. Իսրայելյանի,

օրինական ներկայացուցիչներ Լ. Ղազարյանի,
Ս. Հովսեփյանի,
Ա. Ղազարյանի,

տուժող Վ. Հակոբյանի,

մանկավարժ Մ. Բաբայանի,

դատարանում, դռնբաց դատական նիստում, քննեց գործն ըստ մեղադրանքի
1. Վիլեն Ռոբերտի Փամբուխչյանի`
ծնված 1997թ. հոկտեմբերի 08-ին Երևան քաղաքում, հայ, Հայաստանի Հանրապետության /այսուհետ ՀՀ/ քաղաքացի, ութամյա կրթությամբ, նախկինում չդատված, բնութագրվում է դրական, բնակվում է Երևանի Պռոշյան փողոցի 1-ին նրբանցքի թիվ 62 տանը, կալանքի տակ չէ, մեղադրվում է երկու դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով,




2. Արամ Համլետի Հովսեփյանի`
ծնված 1998թ. հունվարի 22-ին Երևան քաղաքում, հայ, ՀՀ քաղաքացի, սովորում է Ս.Շահումյանի անվան թիվ 1 միջնակարգ դպրոցի 8-րդ դասարանում, երկկողմանի ծնողազուրկ է, նախկինում չդատված, բնութագրվում է դրական, բնակվում է ք. Երևան, Ղ. Փարպեցու փողոցի թիվ 9բ շենքի 1-ին հարկում, կալանքի տակ չէ, մեղադրվում է երկու դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով,

3. Վալերի Արամի Ղազարյանի`
ծնված 1994թ. հոկտեմբերի 16-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, բնութագրվում է դրական, բնակվում է ք. Երևան, Պռոշյան փողոցի 1-ին նրբանցքի թիվ 56 տանը, կալանքի տակ չէ, մեղադրվում է ՀՀ քրեական օրենսգրքի 177-րդ հոդվածի 3-րդ մասի 1.1 կետով։


Գործի դատավարական նախապատմությունը
Թիվ 13119112 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2012թ. ապրիլի 27-ին, ՀՀ քրեական օրենսգրքի 177-րդ հոդվածի 3-րդ մասի 1.1 կետով, անհայտ անձի կողմից, բնակարան ապօրինի մուտք գործելով գույքի զգալի չափի գաղտնի հափշտակություն կատարելու դեպքի առթիվ։
Քննիչի 2012թ. սեպտեմբերի 18-ի որոշմամբ, Միքայել Փամբուխչյանի և Արա Հովսեփյանի նկատմամբ, ուրիշի գույքի գաղտնի հափշտակություն կատարելու դրվագով քրեական հետապնդում չի իրակականացվել` արարքը կատարելու պահին օրենքով նախատեսված քրեական պատասխանատվության ենթարկելու տարիքին հասած չլինելու պատճառաբանությամբ, Վիլեն Փամբուխչյանի, Արամ Հովսեփյանի և Վալերի Ղազարյանի նկատմամբ, Վ. Հակոբյանի և Ա. Հակոբյանի անձնագրերը հափշտակելու դրվագով` հանցակազմի բացակայության պատճառաբանությամբ, Վ. Փամբուխչյանի կողմից Վարդուհի և Արմինե Հակոբյանների անձնագրերը այրելու եղանակով ոչնչացնելու դրվագով` արարքը կատարելու պահին օրենքով նախատեսված քրեական պատասխանատվության ենթարկելու տարիքին հասած չլինելու պատճառաբանությամբ։
Անչափահաս ամբաստանյալ Վիլեն Ռոբերտի Փամբուխչյանին նախաքննության մարմնի կողմից մեղադրանք է առաջադրվել երկու դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով հետևյալ արարքների համար. «որ նա ուրիշի գույքի գաղտնի հափշտակություն կատարելու շուրջ նախնական համաձայնության գալով իր ընկեր Արամ Համլետի Հովսեփյանի հետ 2012թ. ապրիլ ամսին քանդելով Վարդուհի Հակոբյանին պատկանող Երևան քաղաքի Եկմալյան 5 հասցեում գտնվող տան պատի վրա առկա անցքը, ապօրինի մուտք են գործել ներս և գաղտնի հափշտակել մեկ հատ հեծանիվ` Վ. Հակոբյանին պատճառելով 13.000 ՀՀ դրամի զգալի չափի գույքային վնաս։
Այսինքն, Վ. Փամբուխչյանը կատարել է հանցավոր արարք, որը նախատեսված է ՀՀ քր. օր.-ի 177 հոդվածի 3-րդ մասի 1.1 կետով։
Բացի այդ, Վ. Փամբուխչյանը, ուրիշի գույքի գաղտնի հափշտակություն կատարելու շուրջ նախնական համաձայնության գալով իր ընկեր Արամ Հովսեփյանի և ազգական Վալերի Արամի Ղազարյանի հետ, 2012թ. ապրիլի 27-ին, ժամը 10։00-ից մինչև 14։45-ն ընկած ժամանակահատվածում նույն եղանակով ապօրինի մուտք են գործել Վ. Հակոբյանին պատկանող Երևան քաղաքի Եկմալյան 5 հասցեում գտնվող տուն և գաղտնի հափշտակել «Էյջ Փի» տեսակի նեթբուք համակարգիչ, «Էվերոն» տեսակի «Յու Էս Բի» բաժանարար, օպտիկական ակնոց, հիշողության կրիչով և նվագարկիչով ակնոց, երեք հատ «Սամսունգ» տեսակի և մեկ հատ «Նոկիա» տեսակի բջջային հեռախոսներ, պայուսակ, դիմահարդարման պարագաներ և 30.000 ՀՀ դրամ կանխիկ գումար` Վ. Հակոբյանին պատճառելով ընդհանուր 222.000 ՀՀ դրամի զգալի չափի գույքային վնաս։
Այսինքն, Վ. Փամբուխչյանը կատարել է հանցավոր արարք, որը նախատեսված է ՀՀ քր. օր.-ի 177 հոդվածի 3-րդ մասի 1.1 կետով։»։
Անչափահաս ամբաստանյալ Արամ Համլետի Հովսեփյանին նախաքննության մարմնի կողմից մեղադրանք է առաջադրվել երկու դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով հետևյալ արարքների համար. «որ նա ուրիշի գույքի գաղտնի հափշտակություն կատարելու շուրջ նախնական համաձայնության գալով իր ընկեր Վիլեն Ռոբերտի Փամբուխչյանի հետ 2012թ. ապրիլ ամսին քանդելով Վարդուհի Հակոբյանին պատկանող Երևան քաղաքի Եկմալյան 5 հասցեում գտնվող տան պատի վրա առկա անցքը, ապօրինի մուտք են գործել ներս և գաղտնի հափշտակել մեկ հատ հեծանիվ` Վ. Հակոբյանին պատճառելով 13.000 ՀՀ դրամի զգալի չափի գույքային վնաս։
Այսինքն, Ա. Հովսեփյանը կատարել է հանցավոր արարք, որը նախատեսված է ՀՀ քր. օր.-ի 177 հոդվածի 3-րդ մասի 1.1 կետով։
Բացի այդ, Ա. Հովսեփյանը, ուրիշի գույքի գաղտնի հափշտակություն կատարելու շուրջ նախնական համաձայնության գալով իր ընկեր Վիլեն Փամբուխչյանի և նրա ազգական Վալերի Արամի Ղազարյանի հետ, 2012թ. ապրիլի 27-ին, ժամը 10։00-ից մինչև 14։45-ն ընկած ժամանակահատվածում նույն եղանակով ապօրինի մուտք են գործել Վ. Հակոբյանին պատկանող Երևան քաղաքի Եկմալյան 5 հասցեում գտնվող տուն և գաղտնի հափշտակել «Էյջ Փի» տեսակի նեթբուք համակարգիչ, «Էվերոն» տեսակի «Յու Էս Բի» բաժանարար, օպտիկական ակնոց, հիշողության կրիչով և նվագարկիչով ակնոց, երեք հատ «Սամսունգ» տեսակի և մեկ հատ «Նոկիա» տեսակի բջջային հեռախոսներ, պայուսակ, դիմահարդարման պարագաներ և 30.000 ՀՀ դրամ կանխիկ գումար` Վ. Հակոբյանին պատճառելով ընդհանուր 222.000 ՀՀ դրամի զգալի չափի գույքային վնաս։
Այսինքն, Ա. Հովսեփյանը կատարել է հանցավոր արարք, որը նախատեսված է ՀՀ քր. օր.-ի 177 հոդվածի 3-րդ մասի 1.1 կետով։»։
Ամբաստանյալ Վալերի Արամի Ղազարյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 1.1 կետով հետևյալ արարքի համար. «որ նա ուրիշի գույքի գաղտնի հափշտակություն կատարելու շուրջ նախնական համաձայնության գալով իր ընկեր Արամ Հովսեփյանի և ազգական Վիլեն Փամբուխչյանի հետ, 2012թ. ապրիլի 27-ին, ժամը 10։00-ից մինչև 14։45-ն ընկած ժամանակահատվածում Վարդուհի Հակոբյանին պատկանող Երևան քաղաքի Եկմալյան 5 հասցեում գտնվող տան պատի վրա առկա անցքից ապօրինի մուտք են գործել նշված տուն և գաղտնի հափշտակել «Էյջ Փի» տեսակի նեթբուք համակարգիչ, էլեկտրոնային հիշողության կրիչ, օպտիկական ակնոց, հիշողության կրիչով ակնոց, երեք հատ «Սամսունգ» տեսակի և մեկ հատ «Նոկիա» տեսակի բջջային հեռախոսներ, պայուսակ, դիմահարդարման պարագաներ և 30.000 ՀՀ դրամ կանխիկ գումար` Վ. Հակոբյանին պատճառելով ընդհանուր 222.000 ՀՀ դրամի զգալի չափի գույքային վնաս։»։
27.09.2012թ. քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Անչափահաս ամբաստանյալ Վիլեն Ռոբերտի Փամբուխչյանը 2012թ. ապրիլին, Երևանում, իր կրտսեր եղբայր Միքայել Ռոբերտի Փամբուխչյանից տեղեկանալով Երևանի Եկմալյան փողոցի թիվ 5 տան հողաշեն պատին առկա անցքով այդ տուն մուտք գործելու հնարավորության մասին, անչափահաս ամբաստանյալ Արամ Համլետի Հովսեփյանի և իր ազգական, անչափահաս Վալերի Արամի Ղազարյանի հետ նախնական համաձայնության են եկել` այդ տուն մուտք գործելու և գողություն կատարելու վերաբերյալ։ Այդ նպատակով Վիլեն Փամբուխչյանը բահի օգնությամբ մեծացրել է նշված տան պատի մեջ եղած անցքը և 2012թ. ապրիլին, մինչև ապրիլի 27-ը ժամանակահատվածում, գործով չպարզված օրը և ժամին, Արամ Հովսեփյանի հետ միասին այդ անցքով ապօրինի մուտք են գործել Երևանի Եկմալյան թիվ 5 հասցեում գտնվող, տուժող Վարդուհի Հակոբյանի տուն և գաղտնի հափշտակել են 13.000 ՀՀ դրամ արժողության մեկ հատ հեծանիվ, որը հաջորդ օրը 2000 ՀՀ դրամ գումարով վաճառել են վկա Վահագ Գևորգյանին։ Այնուհետև, 2012թ. ապրիլի 27-ին, ժամը 10.00-ից 14.45-ն ընկած ժամանակահատվածում, ամբաստանյալներ Վիլեն Փամբուխչյանը, Արամ Հովսեփյանը և Վալերի Ղազարյանը նախնական համաձայնության գալով` տան հողաշեն պատի անցքի առջև դրված խոչընդոտը` փայտե դռան կտորը կոտրելով` մուտք են գործել տուն և գաղտնի հափշտակել են 192.000 ՀՀ դրամ ընդհանուր արժողության «Էյջ Փի» /«hp»/ տեսակի դյուրակիր համակարգիչ, «Էվերոն» տեսակի «Յու Էս Բի» /«USB»/ բաժանարար, օպտիկական ակնոց, հիշողության կրիչով և նվագարկիչով ակնոց, երեք հատ «Սամսունգ» տեսակի և մեկ հատ «Նոկիա» տեսակի բջջային հեռախոսներ, պայուսակ, դիմահարդարման պարագաներ և 30.000 ՀՀ դրամ կանխիկ գումար` Վ. Հակոբյանին պատճառելով 222.000 ՀՀ դրամ ընդհանուր գումարի գույքային վնաս։ Հափշտակված 30.000 ՀՀ դրամ գումարը նրանք բաժանել են միմյանց միջև, իսկ մնացած ապրանքները Վ. Ղազարյանը տարել և թաքցրել է Երևանի Պռոշյան փողոցի թիվ 40 նրբանցքում գտնվող ավտոտնակներից մեկի մոտ, որոնք հետագայում Վ. Փամբուխչյանի մայր Լենա Ղազարյանը ներկայացրել է քննությանը։
Տուժող Վարդուհի Հակոբյանին պատճառված գույքային վնասն ամբողջությամբ վերականգնվել է։
Ամբաստանյալներից յուրաքանչյուրի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է հետևյալը.
1. Անչափահաս ամբաստանյալ Վիլեն Փամբուխչյանը ծնվել է 1997թ. հոկտեմբերի 08-ին Երևանում, բնակվում է ծնողների հետ միասին, իրեն վերագրվող արարքը կատարել է` լինելով անչափահաս, 14 տարեկան հասակում։ Նրա դաստիարակութ¬յամբ և խնամքով զբաղվել են ծնողները, մայրը` Լենա Ղազարյանը և հայրը` Ռոբերտ Փամբուխչյանը։ Նրանց ընտանիքը բավարար չափով նյութապես ապահովված է, Վ. Փամբուխչյանի կյանքի և դաստիարակության պայմանները բարվոք են, հոգեկան զարգացման աստիճանը և ընդհանուր զարգացման վիճակը` բավարար, նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար, հանցագործությամբ տուժողին պատճառված գույքային վնասը կամովին հատուցել է,
2. Անչափահաս ամբաստանյալ Արամ Հովսեփյանը ծնվել է 1998թ. հունվարի 22-ին Երևանում, իրեն վերագրվող արարքը կատարել է` լինելով անչափահաս, 14 տարեկան հասակում։ Նա երկկողմանի ծնողազուրկ է, նրա դաստիարակութ¬յամբ և խնամքով զբաղվել է մորաքույրը` օրինական ներկայացուցիչ և խնամակալ Սուսաննա Հովսեփյանը, շուրջ 5 տարի առաջ զրկվել է ծնողներից (մայրը և հայրը տարբեր ժամանակահատվածներում լքել են զավակներին)։ Գտնվելով հարազատների խնամքի տակ` նյութական ապահովվածության վիճակից, կյանքի և դաստիարակության պայմաններից չի դժգոհում, հոգեկան զարգացման աստիճանը և ընդհանուր զարգացման վիճակը` բավարար է, նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար, հանցագործությամբ տուժողին պատճառված գույքային վնասը կամովին հատուցել է,
3. Ամբաստանյալ Վալերի Ղազարյանը ծնվել է 1994թ. հոկտեմբերի 16-ին Երևանում, բնակվում է ծնողների հետ միասին, իրեն վերագրվող արարքը կատարել է` լինելով անչափահաս, 17 տարեկան հասակում։ Նրա դաստիարակութ¬յամբ և խնամքով զբաղվել են ծնողները, մայրը` Կատյա Ղազարյանը և հայրը` Արամ Ղազարյանը։ Վ. Ղազարյանի ընտանիքը բավարար չափով նյութապես ապահովված է, կյանքի և դաստիարակության պայմանները բարվոք են, հոգեկան զարգացման աստիճանը և ընդհանուր զարգացման վիճակը` բավարար, նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար, հանցագործությամբ տուժողին պատճառված գույքային վնասը կամովին հատուցել է։



Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Անչափահաս ամբաստանյալ Վիլեն Ռոբերտի Փամբուխչյանի ցուցմունքներով այն մասին, որ առաջադրված մեղադրանքում իրեն լիովին մեղավոր է ճանաչում, իրեն առաջադրված մեղադրանքում նշված փաստերը համապատասխանում են իրականությանը։ Պնդում է այդ մասին իր նախաքննական ցուցմունքները, որոնց համաձայն` 2012թ. ապրիլին իր կրտսեր եղբայր Միքայելը պատմել է Երևանի Եկմալյան փողոցի թիվ 5 հասցեում գտնվող տան մասին, բացատրել է տեղը, որից հետո իր ընկեր Արամ Հովսեփյանին առաջարկել է միասին գնալ այդտեղ, տեսնել, թե ինչ կա և վերցնել։ Նշված տան պատի վրայի անցքից մտել են ներս և գողություն են կատարել։ Գողացված ապրանքները հետագայում իր մայր Լ. Ղազարյանը ներկայացրել է ոստիկանություն։ Անկեղծորեն զղջում է կատարածի համար և խնդրում է մեղմ պատժել։
/դատական նիստի արձանագրություն, հատոր 1 գ.թ. 117-119, 249-250, հատոր 2, գ.թ. 62/
Անչափահաս ամբաստանյալ Արամ Համլետի Հովսեփյանի ցուցմունքներով այն մասին, որ առաջադրված մեղադրանքում իրեն լիովին մեղավոր է ճանաչում, իրեն առաջադրված մեղադրանքում նշված փաստերը համապատասխանում են իրականությանը։ Պնդում է այդ մասին իր նախաքննական ցուցմունքները, որոնց համաձայն` 2012թ. ապրիլին իր ընկեր Վիլեն Փամբուխչյանը հայտնել է, որ նրա եղբայր Միքայելը պատմել է մի տան մասին, որի պատի վրա անցք կա։ Նրա առաջարկով գնացել են այդ տան մոտ, որտեղ Վ. Փամբուխչյանը պատի անցքից մտել է ներս և դուրս հանել մի հեծանիվ, որը տարել և 2.000 ՀՀ դրամ գումարով վաճառել են Երևանի օպերայի և բալետի ազգային ակադեմիական թատրոնի մոտ։ Երբ ինքը հեծանիվը վերցրել և դուրս է եկել` Վ. Փամբուխչյանը մնացել է տան ներսում և ասել, որ ցանկանում է տեսնել, թե էլ ինչ կա։ Հետագայում նա իրեն պատմել է, որ նույն տնից գողացել է նաև դյուրակիր համակարգիչ, հեռախոսներ, ակնոցներ, 30.000 ՀՀ դրամ և այլ իրեր։ Հայտնել է նաև, որ այդ ժամանակ գողությանը մասնակցել է իր բարեկամ Վալերը։ Անկեղծորեն զղջում է կատարածի համար և խնդրում է մեղմ պատժել։
/դատական նիստի արձանագրություն, հատոր 1, գ.թ. 111-113, 249, հատոր 2, գ.թ. 69/
Ամբաստանյալ Վալերի Արամի Ղազարյանի ցուցմունքներով այն մասին, որ առաջադրված մեղադրանքում իրեն լիովին մեղավոր է ճանաչում։ Իրեն առաջադրված մեղադրանքում նշված հանգամանքները համապատասխանում են իրականությանը, անկեղծորեն զղջում է կատարածի համար և խնդրում է մեղմ պատժել։
/դատական նիստի արձանագրություն, հատոր 1, գ.թ. 139-142, 195-196, 209, 237/
Տուժող Վարդուհի Ջանիբեկի Հակոբյանի ցուցմունքներով այն մասին, որ 2012թ. ապրիլի 27-ին, ժամը 10։00-ի սահմաններում դուրս է եկել Երևանի Եկմալյան թիվ 5 հասցեում գտնվող իր տնից և վերադարձել է նույն օրը, ժամը 14։45-ի սահմաններում։ Տեսել է, որ տնից գողացել են երկու հատ «Սամսունգ» և մեկ հատ «Նոկիա» տեսակի հեռախոսներ, «Էյջ փի» մոդելի դյուրակիր համակարգիչ, 20.000 ՀՀ դրամ ընդհանուր արժողության պայուսակն ու դիմահարդարման պարագաները, ինչպես նաև պայուսակի մեջ եղած 30.000 ՀՀ դրամ գումարը, «Էվերոն» տեսակի հիշողության կրիչը և երկու հատ ակնոցներ։ Հետագայում զննելով տան մնացած հատվածները` պարզվել է, որ գողացվել է նաև հեծանիվ և ևս մեկ «Սամսունգ» տեսակի բջջային հեռախոս։ Ոստիկանության բաժնից տեղեկացել է, որ իր տնից գողություն կատարած անձինք հանդիսանում են Վիլեն Փամբուխչյանը, Արամ Հովսեփյանը և Վալերի Ղազարյանը, որոնցից Վ. Փամբուխչյանն ու Ա. Հովսեփյանը 2012թ. ապրիլին իր տան պատի վրա եղած անցքից մտնելով ներս` գողացել են հեծանիվը, իսկ երկրորդ անգամ` Վ. Փամբուխչյանը, Ա. Հովսեփյանը և Վ. Ղազարյանը նույն եղանակով 2012թ. ապրիլի 27-ին մտել են իր տուն և գողացել վերոնշյալ մնացած իրերն ու դրամը։ Իրեն պատճառված վնասն ամբողջությամբ վերականգնվել է, ամբաստանյալների նկատմամբ որևէ պարտք ու պահանջ չունի, խնդրում է նրանց մեղմ պատժել։
/դատական նիստի արձանագրություն, հատոր 1, գ.թ. 10-12, 89-91, հատոր 2, գ.թ. 52/
Վկա Արմինե Վարուժանի Հակոբյանի ցուցմունքներով այն մասին, որ 2012թ. ապրիլի 27-ին, ժամը 14։45-ի սահմաններում իր մայր Վարդուհի Հակոբյանը զանգահարել է իրեն և կանչել է տուն։ Գալով տուն` տեսել է, որ ամբողջ իրերը թափթփված, պահարանների դարակները բացված վիճակում են, տան հետնամասի պատի անցքը փորելով` մտել են ներս և գողացել հեծանիվ, «Էյջ Փի» տեսակի դյուրակիր համակարգիչ, չորս հատ բջջային հեռախոսներ, պայուսակ, որի մեջ եղել են դիմահարդարման պարագաներ, 30.000 ՀՀ դրամ գումար, օպտիկական ակնոցներ, «Յու Էս Բի» բաժանարար, հիշողության կրիչով ակնոց։ Իր մայր Վարդուհի Հակոբյանից տեղեկացել է, որ մինչ այդ, 2012թ. ապրիլի սկզբներին Վիլեն Փամբուխչյանն ու Արամ Հովսեփյանը նշված անցքից մտնելով իրենց տուն` գողացել են հեծանիվը, իսկ դրանից հետո` 2012թ. ապրիլի 27-ին, օգտվելով իրենց բացակայությունից, վերոհիշյալ երկու տղաները, ինչպես նաև Վալերի Ղազարյանը նույն տեղից մտել են իրենց տուն և գողացել են համակարգիչը, գումար և մնացած իրերը։
/դատական նիստի արձանագրություն, հատոր 1, գ.թ. 14-15, հատոր 2, գ.թ. 41-42/
Անչափահաս վկա, 19.08.2001թ. ծնված Միքայել Ռոբերտի Փամբուխչյանի ցուցմունքներով այն մասին, որ իր եղբայր Վիլենին պատմել է Երևանի Եկմալյան փողոցի վրա գտնվող տան մասին, որի պատի վրա մեծ անցք կա։ Վ. Փամբուխչյանից տեղեկացել է, որ 2012թ. ապրիլի վերջերին նա իր ընկեր Արամ Հովսեփյանի հետ գնացել են նույն տուն, անցքը մեծացնելու միջոցով մտել են ներս և գողացել հեծանիվ, որն օպերայի մոտ վաճառել են 2.000 ՀՀ դրամ գումարով և գումարը բաժանել են միմյանց միջև։ Մի անգամ էլ 2012թ. ապրիլի 27-ին Վ. Փամբուխչյանը Ա. Հովսեփյանի և իր ազգական Վալերի Ղազարյանի հետ գնացել են նույն տուն և գողացել դյուրակիր համակարգիչ, հեռախոսներ, 25.000 կամ 30.000 ՀՀ դրամ գումար, երկու հատ ակնոցներ, որոնք պահել են Վալերի մոտ։ Հետագայում իր մայր Լենա Ղազարյանն այդ ապրանքները ներկայացրել է ոստիկանություն։
/դատական նիստի արձանագրություն, հատոր 1, գ.թ. 48-50/
Անչափահաս վկա, 23.02.2000թ. ծնված Արա Համլետի Հովսեփյանի ցուցմունքներով այն մասին, որ իր ընկեր Միքայել Փամբուխչյանը մեծ եղբորը` Վիլենին պատմել է Երևանի Եկմալյան փողոցում գտնվող տան մասին, որտեղից ըստ Վիլեն Փամբուխչյանի պատմածի` նա իր եղբայր Արամ Հովսեփյանի և Վալերի Ղազարյանի հետ կատարել են գողություն։ Սկզբում Վ. Փամբուխչյանն ու Ա. Հովսեփյանն այդ տնից գողացել են հեծանիվ, որը 2.000 ՀՀ դրամ գումարով, օպերայի մոտ վաճառել են ինչ-որ մեկի, գումարը բաժանել են միմյանց միջև և այդ գողությանը Վալերի Ղազարյանը չի մասնակցել։ Այնուհետև, երկրորդ անգամ Վ. Փամբուխչյանը, Ա. Հովսեփյանն ու Վ. Ղազարյանը մտել են նույն տուն և գողացել են դյուրակիր համակարգիչ, 25.000 կամ 30.000 ՀՀ դրամ գումար, հեռախոսներ և երկու հատ ակնոցներ, որոնք Վալերը պահել է իր մոտ։ Հետագայում այդ իրերը Վիլենի և Միքայելի մայրը ներկայացրել է ոստիկանություն։
/դատական նիստի արձանագրություն, հատոր 1, գ.թ. 54-56/
Վկա Վահագ Գեղամի Գևորգյանի ցուցմունքներով այն մասին, որ 2006թ.-ից Երևանի օպերայի և բալետի ազգային ակադեմիական թատրոնի հարակից տարածքում զբաղվում է ավտոմեքենաների և հեծանիվների վարձույթով։ Եղել է դեպք, որ երկու տղաներ բերել և հեծանիվ են վաճառել իրեն` ասելով, որ այն իրենց փոքր եղբոր հեծանիվն է և ծնողները տեղյակ են այդ մասին։ Հեծանիվը նրանցից գնել է 2.000 ՀՀ դրամ գումարով։ Հետագայում այդ տղաներից մեկը ոստիկանության աշխատակիցների ուղեկցությամբ եկել, մատնացույց է արել իր հեծանիվների վարձույթի կետը և հայտնել, որ իրեն է վաճառել հեծանիվը, որը գողացել է ընկերոջ` Արամ Հովսեփյանի հետ միասին։ Նրա ներկայանալուց տեղեկացել է, որ այդ տղան հանդիսանում է Վիլեն Փամբուխչյանը։
/դատական նիստի արձանագրություն, հատոր 1, գ.թ. 157-158/
Դեպքի վայրի զննության ընթացքում մասնագետի կողմից հայտնաբերված և վերցված ձեռքի երեք հետքերի, Վալերի Ղազարյանից, Միքայել Փամբուխչյանից, Արամ Հովսեփյանից, Արա Հովսեփյանից, Վիլեն Փամբուխչյանից, Վարդուհի Հակոբյանից և Արմինե Հակոբյանից վերցված մատնահետքերի մատնադրոշմային փորձաքննության 2012թ. մայիսի 22-ի թիվ 873 եզրակացությամբ, որի համաձայն`
«1. Թիվ 13119112 քր. գործով փ/ք-յան ներկայացված թիվ 2. 31x25մմ, թիվ 3. 37x36մմ կողային չափերով սպիտակ դակտոժապավենների կպչուն մակերեսների վրա արտատպված մատնահետքերը պիտանի են անձի նույնացման համար և համապատասխանաբար թողնված են` Վալերի Արամի Ղազարյանի ձախ ձեռքի ցուցամատի և Արմինե Հակոբյանի աջ ձեռքի բութ «մեծ» մատի կողմից։
2. Թիվ 1. 36x29մմ կողային չափերով սպիտակ դակտոժապավենի կպչուն մակերեսի վրա արտատպված ձեռքի հետքերը պիտանի չեն անձի նույնացման համար։»։
/հատոր 1, գ.թ. 2, 4, 173-175/
Ապրանքագիտական փորձաքնության 2012թ. մայիսի 25-ի թիվ 289-ԱՊ եզրակացությամբ, որի համաձայն` «Փորձաքննությանը տրամադրված երկակնանի հեծանիվը չինական արտադրության է և դրա հավանական միջին շուկայական արժեքը, 2012թ. ապրիլի 27-ի դրությամբ, առկա ապրանքային վիճակի հաշվառմամբ, գտահատվում է 13.000 (տասներեք հազար) ՀՀ դրամ։»։
/հատոր 1, գ.թ. 183-184/
Ապրանքագիտական փորձաքննության 2012թ. մայիսի 25-ի թիվ 273-ԱՊ եզրակացությամբ, որի համաձայն` փորձաքննությանը ներկայացված «Էյջ Փի» տեսակի նոթբուք համակարգչի միջին շուկայական արժեքը 27.04.2012թ. դրությամբ գնահատվել է 100.000 ՀՀ դրամ, «Նոկիա E-73» մոդելի բջջային հեռախոսը` 15.000 ՀՀ դրամ, «Սամսունգ» տեսակի «S5230» մոդելի բջջային հեռախոսը` 25.000 ՀՀ դրամ, «Սամսունգ» տեսակի «F480» մոդելի բջջային հեռախոսը` 8.000 ՀՀ դրամ, «Սամսունգ» տեսակի «C3300K» մոդելի բջջային հեռախոսը` 17.000 ՀՀ դրամ, «Էվերոն» տեսակի «Յու Էս Բի» բաժանարարը` 1.000 ՀՀ դրամ, օպտիկական ակնոցը` 8.000 ՀՀ դրամ, «JNC» տեսակի «SJL-2512» մոդելի հիշողության կրիչով և նվագարկիչով ակնոցը` 8.000 ՀՀ դրամ։ Փորձաքննությանը տրամադրված ապրանքատեսակների ընդհանուր շուկայական արժեքները կազմել է 172.000 ՀՀ դրամ։
/հատոր 1, գ.թ. 185-187/
Դատահոգեբուժական փորձաքննության 2012թ. օգոստոսի 21-ի թիվ 276/12 եզրակացությամբ, որի համաձայն` «Վալերի Արամի Ղազարյանը որևէ հոգեկան հիվանդությամբ չի տառապել և չի տառապում։ 19.06.12թ. նրա մոտ հայտնաբերվել է նևրոտիկ մակարդակի հոգեկան գործունեության ժամանակավոր հիվանդագին խանգարում «Դիսոցիատիվ խանգարման» ձևով, որից ներկայումս լիովին դուրս է եկել։ Որպես հոգեկան հիվանդությամբ չտառապող անձնավորություն` փորձաքննվողը կարող է հաշիվ տալ իրեն իր գործողությունների համար և ղեկավարել դրանք ինչպես իրավախախտումը կատարելու պահին, այնպես էլ ներկայումս։»։
/հատոր 2, գ.թ. 48-50/
Հափշտակված իրերը ներկայացնելու մասին 04.05.2012թ. արձանագրությամբ, որի համաձայն` ամբաստանյալ Վիլեն Փամբուխչյանի մայր Լենա Ղազարյանը ՀՀ ոստիկանության Երևան քաղաքի վարչության Կենտրոնականի բաժին է ներկայացրել «Էյջ Փի» մոդելի դյուրակիր համակարգիչ, մեկ հատ օպտիկական ակնոց, սև տուփի մեջ դրված մեկ հատ ակնոց` իր ականջակալներով, մեկ հատ «Նոկիա E-73» մոդելի բջջային հեռախոս, երեք հատ «Սամսունգ» մոդելի բջջային հեռախոսներ, մեկ հատ «Էվերոն» գրառմամբ համակարգչի մոդեմ։ Ըստ անչափահաս Վ. Փամբուխչյանի հայտարարության` նշված իրերն իր ընկերների հետ գողացել է Երևանի Եկմալյան փողոցի թիվ 5 տնից։
/հատոր 1, գ.թ. 38/
Առարկա ներկայացնելու, զննելու և վերցնելու մասին 21.05.2012թ. արձանագրությամբ, որի համաձայն` վկա Վահագ Գևորգյանը ներկայացրել է «ՌԱՄԲՈ» գրառմամբ հեծանիվ և հայտարարել է, որ այն Վ. Փամբուխչյանն ու Ա. Հովսեփյանը վաճառել են իրեն 2.000 ՀՀ դրամ գումարով։
/հատոր 1, գ.թ. 159/
Առարկաներ ճանաչման ներկայացնելու մասին 09.05.2012թ. և 21.05.2012թ. արձանագրություններով, որոնց համաձայն` տուժող Վ. Հակոբյանն իրեն ճանաչման ներկայացված իրերի մեջ ճանաչել է իր տնից հափշտակված «Էվերոն» տեսակի «Յու Էս Բի» /USB/ բաժանարարը, օպտիկական ակնոցը, հիշողության կրիչով և նվագարկիչով ակնոցը, երեք հատ «Սամսունգ» տեսակի, մեկ հատ «Նոկիա» տեսակի բջջային հեռախոսները և հեծանիվը։
/հատոր 1, գ.թ. 92-101, 160-161/
Քննչական փորձարարություն կատարելու մասին 2012թ. մայիսի 16-ի արձանագրությամբ և դրան կից լուսանկարչական հավելվածով, որոնց համաձայն` Վ. Փամբուխչյանը մատնացույց է արել Երևանի Եկմալյան թիվ 5 հասցեում գտնվող տան հետնամասի պատի անցքը և հայտնել, որ 2012թ. ապրիլի 27-ին, Ա. Հովսեփյանի հետ այդտեղով մտել և գողացել են հեծանիվ։ Վ. Փամբուխչյանը մատնացույց է արել նաև տան հյուրասենյակի հատվածի պահարանը և հայտարարել, որ այդտեղից գողացել է պայուսակ, դյուրակիր համակարգիչ, չորս հատ բջջային հեռախոսներ, ակնոցներ, 30.000 ՀՀ դրամ գումար և պայուսակի մեջ գտնվող այլ իրեր։ Վ. Փամբուխչյանը մատնացույց է արել նաև Երևանի Պռոշյան փողոցի թիվ 40 նրբանցքի թիվ 74 տան մոտակայքում գտնվող ավտոտնակների միջանցիկ հատվածը և հայտնել, որ նշված վայրում է պահել գողացված իրերը։ Վ. Փամբուխչյանը մատնացույց է արել նաև Երևանի օպերայի և բալետի ազգային ակադեմիական թատրոնի հարակից տարածքում գտնվող հեծանիվների և ավտոմեքենաների վարձույթի կետը և հայտնել, որ Ա. Հովսեփյանի հետ գողացված հեծանիվը 2.000 ՀՀ դրամ գումարով վաճառել է նշված վայրում։
/հատոր 1, գ.թ. 147-151/
Քննչական փորձարարություն կատարելու մասին 2012թ. մայիսի 16-ի արձանագրությամբ և դրան կից լուսանկարչական հավելվածով, որոնց համաձայն` Ա. Հովսեփյանը մատնացույց է արել Երևանի Եկմալյան թիվ 5 հասցեում գտնվող տան պատի վրա առկա անցքը և հայտնել, որ 2012թ. ապրիլին, Վիլեն Փամբուխչյանի հետ այդտեղով մտել են ներս և գողացել են հեծանիվ, որը Երևանի օպերայի և բալետի ազգային ակադեմիական թատրոնի հարակից տարածքում գտնվող հեծանիվների և ավտոմեքենաների վարձույթի կետում վաճառել են 2.000 ՀՀ դրամ գումարով։
/հատոր 1, գ.թ. 152-153/
Դեպքի վայրի զննության մասին 27.04.2012թ. արձանագրությամբ, որի համաձայն` դեպքի վայրն է Երևանի Եկմալյան թիվ 5 հասցեում գտնվող մեկհարկանի սեփական տունը, որի հետնամասում, բակի կողմից հողաշեն պատի վրա առկա է փորվածք, շուրջ 80x50սմ չափերի, որը տանում է դեպի նշված տան ներսի հատված։ Դեպքի վայրի զննության մասնակից, տուժող Վ. Հակոբյանը հայտարարել է, որ 2012թ. ապրիլի 27-ին, ժամը 14.45-ի սահմաններում վերադառնալով տուն` նկատել է, որ տնից կատարվել է գողություն, մասնավորապես` հափշտակվել են պահարանում դրված պայուսակը, որի մեջ եղել է 30.000 ՀՀ դրամ գումար, իր և դստեր անձնագրերը, «Էյջ Փի» մոդելի դյուրակիր համակարգիչ, երկու հատ «Սամսունգ» մոդելի և մեկ հատ «Նոկիա» մոդելի բջջային հեռախոսներ։ Նախնական հաշվարկով իրեն պատճառվել է շուրջ 300.000 ՀՀ դրամ գումարի չափով նյութական վնաս, որի ստույգ չափը կներկայացնի հետագայում` հափշտակված ապրանքները ճշտելուց հետո։ Վ. Հակոբյանը հայտարարել է նաև, որ իր կարծիքով գողություն կատարողը տուն է մտել տան բակի կողմից, հողաշեն պատի անցքը փորելու և նշված մասով անցնելու միջոցով։ Տան պատուհանների ճաղավանդակների և մուտքի դռան վրա արտաքին զննությամբ վնասվածքներ չեն հայտնաբերվել։
/հատոր 1, գ.թ. 1-3/
Իրեղեն ապացույցներ ճանաչված իրերով` «Էյջ Փի» /hp/ տեսակի դյուրակիր համակարգչով, «Էվերոն» տեսակի «Յու Էս Բի» /USB/ բաժանարարով, օպտիկական ակնոցով, հիշողության կրիչով և նվագարկիչով ակնոցով, երեք հատ «Սամսունգ» տեսակի, մեկ հատ «Նոկիա» տեսակի բջջային հեռախոսներով և հեծանիվով։
/հատոր 1, գ.թ. 189/
2004թ. հունիսի 29-ին տրված թիվ ԱԱ 439337 ծննդյան վկայականի պատճենի համաձայն` ամբաստանյալ Արամ Համլետի Հովսեփյանը ծնվել է 1998թ. հունվարի 22-ին, ամբաստանյալ Վալերի Արամի Ղազարյանի AM0364007 /տրված 07.07.2011թ., 004-ի կողմից/ անձնագրի համաձայն` Վ. Ղազարյանը ծնվել է 1994թ. հոկտեմբերի 16-ին, ամբաստանյալ Վիլեն Ռոբերտի Փամբուխչյանի AM0345699 /տրված 22.06.2011թ., 004-ի կողմից/ անձնագրի համաձայն` Վ. Փամբուխչյանը ծնվել է 1997թ. հոկտեմբերի 08-ին։
/դատական նիստի արձանագրություն, հատոր 1, գ.թ. 75, հատոր 2, գ.թ.11/


Դատարանի իրավական վերլուծությունները


Վերլուծելով անչափահաս ամբաստանյալներ Վիլեն Ռոբերտի Փամբուխչյանին, Արամ Համլետի Հովսեփյանին և ամբաստանյալ Վալերի Արամի Ղազարյանին առաջադրված մեղադրանքը, նրանց ցուցմունքները և գործով ձեռք բերված ապացույցները` դատարանը գտնում է, որ անչափահաս ամբաստանյալ Վիլեն Ռոբերտի Փամբուխչյանի կողմից, նրա մեղավորությամբ, նրան ՀՀ քրեական օրենսգրքի 177-րդ հոդվածի 3-րդ մասի 1.1 առաջադրված մեղադրանքի երկու դրվագներից յուրաքանչյուրով, բնակարան ապօրինի մուտք գործելով գողություն կատարելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 177-րդ հոդվածի 3-րդ մասի 1.1 կետով նախատեսված հանցագործության հատկանիշներին։
Անչափահաս ամբաստանյալ Արամ Համլետի Հովսեփյանի կողմից, նրա մեղավորությամբ, նրան ՀՀ քրեական օրենսգրքի 177-րդ հոդվածի 3-րդ մասի 1.1 առաջադրված մեղադրանքի երկու դրվագներից յուրաքանչյուրով, բնակարան ապօրինի մուտք գործելով գողություն կատարելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 177-րդ հոդվածի 3-րդ մասի 1.1 կետով նախատեսված հանցագործության հատկանիշներին։
Ամբաստանյալ Վալերի Արամի Ղազարյանի կողմից, նրա մեղավորությամբ, բնակարան ապօրինի մուտք գործելով գողություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 177-րդ հոդվածի 3-րդ մասի 1.1 կետով նախատեսված հանցագործության հատկանիշներին։
Ուսումնասիրելով ամբաստանյալներից յուրաքանչյուրի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները` անչափահաս ամբաստանյալ Վիլեն Ռոբերտի Փամբուխչյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանքներ դատարանը հաշվի է առնում հանցանք կատարելու պահին հանցավորի անչափահաս` տասնչորս տարեկան լինելը, հանցագործությամբ տուժողին պատճառված գույքային վնասը կամովին հատուցելը, իսկ ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Անչափահաս ամբաստանյալ Վիլեն Ռոբերտի Փամբուխչյանն իր կատարած` երկու դրվագով` Հայաստանի Հանրապետության քրեական օրենսգրքի 177-րդ հոդվածի 3-րդ մասի 1.1 կետով նախատեսված յուրաքանչյուր հանցագործության համար ենթակա է պատժի ազատազրկման ձևով։
Քննարկելով այն հարցը, թե արդյոք անչափահաս ամբաստանյալ Վիլեն Ռոբերտի Փամբուխչյանը պետք է կրի իր նկատմամբ նշանակված պատիժը` դատարանը գտնում է հետևյալը.
ՀՀ քրեական օրենսգրքի 70-րդ հոդվածի համաձայն` եթե դատարանը կալանքի, ազատազրկման, կարգապահական գումարտակում պահելու ձևով պատիժ նշանակելով հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին։
ՀՀ վճռաբեկ դատարանն իր` 2007թ. հունիսի 12-ի թիվ ՎԲ-124/07 որոշմամբ ՀՀ քրեական օրենսգրքի 70-րդ հոդվածի կիրառման կապակցությամբ արտահայտել է այն իրավական դիրքորոշումը, որ վկայակոչված հոդվածի կիրառումը հանցագործության տեսակի հետ կապված որևէ սահմանափակման չի ենթարկվում և դրա կիրառումը սահմանափակված չէ նաև հանցավոր արարքի վտանգավորության աստիճանով ու բնույթով, ինչպես նաև անձանց շրջանակով, որոնց նկատմամբ այն չի կարող կիրառվել։ ՀՀ վճռաբեկ դատարանը միաժամանակ նշել է. «ՀՀ քրեական օրենսգրքի 70-րդ հոդվածի կիրառման հիմնական պայմանը պատճառաբանված լինելն է։ Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող բոլոր հանգամանքները։ Կարևորն այն է, որ հանգի հիմնավոր եզրակացության, որ դատապարտյալի ուղղումը հնարավոր է առանց նշանակված պատիժը կրելու»։ ՀՀ վճռաբեկ դատարանը մեկ այլ` 2008թ. փետրվարի 1-ի թիվ ՎԲ-01/08 որոշմամբ նշել է, որ պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենսգրքի 70-րդ հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում, այսինքն` պատիժը պայմանականորեն չկիրառելու մասին որոշում կայացնելիս իրավասու դատարանը յուրաքանչյուր դեպքում պետք է քննարկի նաև պատժի` սոցիալական արդարության վերականգնման և պատժի ենթարկված անձի ուղղվելու նպատակների իրացման հարցը։
Հաշվի առնելով վերոգրյալը և այն հանգամանքները, որ Վիլեն Փամբուխչյանը նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար, հանցանքը կատարել է անչափահաս տարիքում` 14 տարեկան հասակում, հանցագործությամբ տուժողին պատճառված գույքային վնասը կամովին հատուցել է, հաշվի առնելով նաև ամբաստանյալի պատասխանատվությունն ու պատիժը ծանրացնող հանգամանքների բացակայությունը, դատարանը գտնում է, որ Վիլեն Փամբուխչյանի կողմից կատարված հանցագործության հանրորեն վտանգավորության աստիճանը նվազել է և հնարավոր է հանգել հետևության, որ Վիլեն Ռոբերտի Փամբուխչյանի ուղղվելը հնարավոր է առանց նրա նկատմամբ նշանակվող ազատազրկման ձևով պատիժը կրելու։
Անչափահաս ամբաստանյալ Արամ Համլետի Հովսեփյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար, երկկողմանի ծնողազուրկ է։ Որպես ամբաստանյալի պատասխանատվությունը և պատիժը մեղմացնող հանգամանքներ դատարանը հաշվի է առնում հանցանք կատարելու պահին հանցավորի անչափահաս` տասնչորս տարեկան լինելը, հանցագործությամբ տուժողին պատճառված գույքային վնասը կամովին հատուցելը, իսկ ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Անչափահաս ամբաստանյալ Արամ Համլետի Հովսեփյանն իր կատարած` երկու դրվագով` Հայաստանի Հանրապետության քրեական օրենսգրքի 177-րդ հոդվածի 3-րդ մասի 1.1 կետով նախատեսված յուրաքանչյուր հանցագործության համար ենթակա է պատժի ազատազրկման ձևով։
Քննարկելով այն հարցը, թե արդյոք անչափահաս ամբաստանյալ Արամ Հովսեփյանը պետք է կրի իր նկատմամբ նշանակված պատիժը, հաշվի առնելով, որ Արամ Հովսեփյանը նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար, հանցանքը կատարել է անչափահաս տարիքում` 14 տարեկան հասակում, հանցագործությամբ տուժողին պատճառված գույքային վնասը կամովին հատուցել է, երկկողմանի ծնողազուրկ է, հաշվի առնելով նաև ամբաստանյալի պատասխանատվությունն ու պատիժը ծանրացնող հանգամանքների բացակայությունը` դատարանը գտնում է, որ Արամ Հովսեփյանի կողմից կատարված հանցագործության հանրորեն վտանգավորության աստիճանը նվազել է և հնարավոր է հանգել հետևության, որ Արամ Հովսեփյանի ուղղվելը հնարավոր է առանց նրա նկատմամբ նշանակվող ազատազրկման ձևով պատիժը կրելու, նաև նույն հիմնավորումներով ու նախադեպային որոշումների հիշատակմամբ, որոնք նշվեցին ամբաստանյալ Վ. Փամբուխչյանի մասով։
Ամբաստանյալ Վալերի Արամի Ղազարյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանքներ դատարանը հաշվի է առնում հանցանք կատարելու պահին հանցավորի անչափահաս` տասնյոթ տարեկան լինելը, հանցագործությամբ տուժողին պատճառված գույքային վնասը կամովին հատուցելը, իսկ ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Վալերի Արամի Ղազարյանն իր կատարած` Հայաստանի Հանրապետության քրեական օրենսգրքի 177-րդ հոդվածի 3-րդ մասի 1.1 կետով նախատեսված հանցագործության համար ենթակա է պատժի ազատազրկման ձևով։
Քննարկելով այն հարցը, թե արդյոք ամբաստանյալ Վալերի Ղազարյանը պետք է կրի իր նկատմամբ նշանակված պատիժը, հաշվի առնելով, որ Վալերի Ղազարյանը նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար, հանցանքը կատարել է անչափահաս տարիքում` 17 տարեկան հասակում, հանցագործությամբ տուժողին պատճառված գույքային վնասը կամովին հատուցել է, հաշվի առնելով նաև ամբաստանյալի պատասխանատվությունն ու պատիժը ծանրացնող հանգամանքների բացակայությունը` դատարանը գտնում է, որ Վալերի Ղազարյանի կողմից կատարված հանցագործության հանրորեն վտանգավորության աստիճանը նվազել է և հնարավոր է հանգել հետևության, որ Վալերի Ղազարյանի ուղղվելը հնարավոր է առանց նրա նկատմամբ նշանակվող ազատազրկման ձևով պատիժը կրելու, նաև նույն հիմնավորումներով ու նախադեպային որոշումների հիշատակմամբ, որոնք նշվեցին ամբաստանյալ Վ. Փամբուխչյանի մասով։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ 01.06.2012թ. որոշմամբ իրեղեն ապացույցներ ճանաչված իրերը` «Էյջ Փի» /hp/ տեսակի դյուրակիր համակարգիչը, «Էվերոն» տեսակի «Յու Էս Բի» /USB/ բաժանարարը, օպտիկական ակնոցը, հիշողության կրիչով և նվագարկիչով ակնոցը, երեք հատ «Սամսունգ» տեսակի, մեկ հատ «Նոկիա» տեսակի բջջային հեռախոսները և հեծանիվը պետք է թողնել տուժող Վարդուհի Հակոբյանի տնօրինմանը։
Քննարկելով խափանման միջոցների հարցը` դատարանը գտնում է, որ անչափահաս ամբաստանյալներ Վիլեն Փամբուխչյանի և Արամ Հովսեփյանի նկատմամբ որպես խափանման միջոց հսկողության հանձնելն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։ Ամբաստանյալ Վալերի Ղազարյանի նկատմամբ որպես խափանման միջոց չհեռանալու մասին ստորագրությունն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 357-360-րդ, 364-366-րդ, 369-373-րդ, 439-442-րդ հոդվածներով, դատարանը`


Վ Ճ Ռ Ե Ց

1. Անչափահաս ամբաստանյալ Վիլեն Ռոբերտի Փամբուխչյանին մեղավոր ճանաչել երկու դրվագով` Հայաստանի Հանրապետության քրեական օրենսգրքի 177-րդ հոդվածի 3-րդ մասի 1.1 կետով նախատեսված հանցանքներում և դատապարտել.
- առաջին դրվագով` ազատազրկման 4 /չորս/ տարի ժամկետով` առանց գույքի բռնագրավման,
- երկրորդ դրվագով` ազատազրկման 4 /չորս/ տարի ժամկետով` առանց գույքի բռնագրավման։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, անչափահաս ամբաստանյալ Վիլեն Ռոբերտի Փամբուխչյանի նկատմամբ պատիժ նշանակել ազատազրկում 4 /չորս/ տարի 6 /վեց/ ամիս ժամկետով` առանց գույքի բռնագրավման։
ՀՀ քրեական օրենսգրքի 70-րդ հոդվածի կիրառմամբ, անչափահաս ամբաստանյալ Վիլեն Ռոբերտի Փամբուխչյանի նկատմամբ պատիժը պայմանականորեն չկիրառել` սահմանելով փորձաշրջան 3 /երեք/ տարի ժամկետով։ Վիլեն Փամբուխչյանին և նրա օրինական ներկայացուցիչ Լենա Ղազարյանին պարտավորեցնել չփոխել Վիլեն Փամբուխչյանի մշտական բնակության վայրը` նրա վարքագծի նկատմամբ վերահսկողությունը դնելով ՀՀ արդարադատության նախարարության քրեակատարողական վարչության այլընտրանքային պատիժների կատարման բաժնի վրա։
Խափանման միջոց հսկողության հանձնելը թողնել անփոփոխ` մինչև դատավճռի օրինական ուժի մեջ մտնելը։
2. Անչափահաս ամբաստանյալ Արամ Համլետի Հովսեփյանին մեղավոր ճանաչել երկու դրվագով` Հայաստանի Հանրապետության քրեական օրենսգրքի 177-րդ հոդվածի 3-րդ մասի 1.1 կետով նախատեսված հանցանքներում և դատապարտել.
- առաջին դրվագով` ազատազրկման 4 /չորս/ տարի ժամկետով` առանց գույքի բռնագրավման,
- երկրորդ դրվագով` ազատազրկման 4 /չորս/ տարի ժամկետով` առանց գույքի բռնագրավման։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, անչափահաս ամբաստանյալ Արամ Համլետի Հովսեփյանի նկատմամբ պատիժ նշանակել ազատազրկում 4 /չորս/ տարի 3 /երեք/ ամիս ժամկետով` առանց գույքի բռնագրավման։
ՀՀ քրեական օրենսգրքի 70-րդ հոդվածի կիրառմամբ, անչափահաս ամբաստանյալ Արամ Համլետի Հովսեփյանի նկատմամբ պատիժը պայմանականորեն չկիրառել` սահմանելով փորձաշրջան 3 /երեք/ տարի ժամկետով։ Արամ Հովսեփյանին և նրա օրինական ներկայացուցիչ, խնամակալ Սուսաննա Հովսեփյանին պարտավորեցնել չփոխել Արամ Հովսեփյանի մշտական բնակության վայրը` նրա վարքագծի նկատմամբ վերահսկողությունը դնելով ՀՀ արդարադատության նախարարության քրեակատարողական վարչության այլընտրանքային պատիժների կատարման բաժնի վրա։
Խափանման միջոց հսկողության հանձնելը թողնել անփոփոխ` մինչև դատավճռի օրինական ուժի մեջ մտնելը։
3. Ամբաստանյալ Վալերի Արամի Ղազարյանին մեղավոր ճանաչել Հայաստանի Հանրապետության քրեական օրենսգրքի 177-րդ հոդվածի 3-րդ մասի 1.1 կետով նախատեսված հանցանքում և դատապարտել ազատազրկման 4 /չորս/ տարի ժամկետով` առանց գույքի բռնագրավման։
ՀՀ քրեական օրենսգրքի 70-րդ հոդվածի կիրառմամբ, ամբաստանյալ Վալերի Արամի Ղազարյանի նկատմամբ պատիժը պայմանականորեն չկիրառել` սահմանելով փորձաշրջան 3 /երեք/ տարի ժամկետով։ Վալերի Ղազարյանին պարտավորեցնել չփոխել մշտական բնակության վայրը` նրա վարքագծի նկատմամբ վերահսկողությունը դնելով ՀՀ արդարադատության նախարարության քրեակատարողական վարչության այլընտրանքային պատիժների կատարման բաժնի վրա։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Դատավճռի օրինական ուժի մեջ մտնելուց հետո, 01.06.2012թ. որոշմամբ իրեղեն ապացույցներ ճանաչված իրերը` «Էյջ Փի» /hp/ տեսակի դյուրակիր համակարգիչը, «Էվերոն» տեսակի «Յու Էս Բի» /USB/ բաժանարարը, օպտիկական ակնոցը, հիշողության կրիչով և նվագարկիչով ակնոցը, երեք հատ «Սամսունգ» տեսակի, մեկ հատ «Նոկիա» տեսակի բջջային հեռախոսները և հեծանիվը թողնել տուժող Վարդուհի Հակոբյանի տնօրինմանը։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։



ԴԱՏԱՎՈՐ` Մ. ՄԱՐՏԻՐՈՍՅԱՆ