ԵԿԴ/0159/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
29 օգոստոսի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ա.ՀՈՎՀԱՆՆԻՍՅԱՆԻ
մասնակցությամբ`
մեղադրողներ Ս.ՀԱՐՈՒԹՅՈՒՆՅԱՆԻ
Ա.ԳԱԼՍՏՅԱՆԻ
ամբաստանյալներ Կ.ԱՅՎԱԶՅԱՆԻ
Գ.ԱՎԴԱԼՅԱՆԻ
Ա.ԲԱՂԴԱՍԱՐՅԱՆԻ


դատարանում` դռնբաց դատական նիստում, քննեց գործն ըստ մեղադրանքի.
1. Արմեն Արշավիրի Բաղդասարյանի` ծնված 30.08.1963թ. ք.Երևանում, ազգությամբ հայ, ՀՀ քաղաքացի, իր հայտարարությամբ` ամուսնացած և խնամքին երեք անձ, միջնա-կարգ կրթությամբ, առողջ, չի աշխատում, չդատված, հաշվառված է` ք.Երևան, Նոր Արեշ, 4-րդ փողոց, տուն հ. 60/1, բնակվում է` ք.Երևան, Սարի թաղ, 3-րդ փողոց, տուն հ. 4, արգելան-քի տակ չէ, մեղադրվում է ՀՀ քրեական օրենսգրքի 326-րդ հոդվածով,
2. Գևորգ Տիգրանի Ավդալյանի` ծնված 02.08.1965թ. ք.Արտաշատում, ազգությամբ հայ, ՀՀ քաղաքացի, ամուսնացած, խնամքին 4 անձ, միջնակարգ կրթությամբ, առողջ, չի աշ-խատում, դատվածություն չունեցող, բնակվում է` Արարատի մարզ, գյուղ Բաղրամյան, Փա-փազյան փողոց, տուն հ. 3, արգելանքի տակ չէ, մեղադրվում է ՀՀ քրեական օրենսգրքի 326-րդ հոդվածով,
3. Կարինե Սպարտակի Այվազյանի` ծնված 20.08.1969թ. Գեղարքունիքի մարզի Վար-դենիկ գյուղում, ազգությամբ հայ, ՀՀ քաղաքացի, իր հայտարարությամբ՝ այրի, խնամքին հինգ անձ և միջնակարգ-մասնագիտական կրթությամբ, առողջ, նախկինում մեկ անգամ դատված՝ Երևան քաղաքի Աջափնյակ և Դավթաշեն վարչական շրջանների ընդհանուր իրա-վասության առաջին ատյանի դատարանի 18.11.2011թ. դատավճռով ՀՀ քրեական օրենսգրքի 1322 հոդվածի 1-ին մասով՝ նույն հոդվածի 64-րդ հոդվածի կիրառմամբ, դատապարտվել է ազատազրկման 4 տարի ժամկետով, Երևան քաղաքի Աջափնյակ և Դավթաշեն վարչական շրջանների ընդհանուր իրավասության առաջին ատյանի դատարանի 21.01.2013թ. դատա-վճռով ՀՀ քրեական օրենսգրքի 178-րդ հոդվածի 2-րդ մասի 1-ին կետով և 325-րդ հոդվածի 1-ին մասով՝ նույն օրենսգրքի 66-րդ հոդվածի 3 ու 6-րդ մասերի համաձայն, դատապարտվել է ազատազրկման 4 տարի 11 ամիս 28 օր ժամկետով, պատժի կրման սկիզբը հաշվվել է 2013թ. հունվարի 21-ից, ներկայումս պատիժ է կրում քրեակատարողական հիմնարկում, բնակվել է` ք.Երևան, Հույսի Ավան, 2-րդ թաղամաս, 4-րդ փողոց, տուն հ. 93, մեղադրվում է ՀՀ քրեական օրենսգրքի 38-326-րդ հոդվածով։

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Գ.Մխեյանը 06.03.2012թ. որոշմամբ ՀՀ քրեական օրենսգրքի 326-րդ հոդվածով հարու-ցել է թիվ 13112212 քրեական գործը և այն ընդունել իր վարույթ։
Քննիչի 03.07.2012թ. որոշումներով Ա.Բաղդասարյանը, Գ.Ավդալյանը, Հ.Պետրոսյանը և Կ.Այվազյանը ներգրավվել են որպես մեղադրյալ ու նրանց մեղադրանք է առաջադրվել հա-մապատասխանաբար ՀՀ քրեական օրենսգրքի 326-րդ հոդվածով, 326-րդ հոդվածով, 38-326-րդ հոդվածով և 326-րդ հոդվածով։
Որպես խափանման միջոցներ մեղադրյալների նկատմամբ ընտրվել է ստորագրու-թյուն չհեռանալու մասին։
2012թ. սեպտեմբերի 3-ին թիվ 13112212 քրեական գործը մեղադրական եզրակացութ-յամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհա-նուր իրավասության առաջին ատյանի դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի (դատավոր Գ.Պողոսյան) 2012թ. սեպտեմբերի 6-ի որոշմամբ Արմեն Արշավիրի Բաղդասարյանի վերաբերյալ ՀՀ քրեական օրենսգրքի 326-րդ հոդվածով, Գևորգ Տիգրանի Ավդալյանի վերաբերյալ ՀՀ քրեական օրենսգրքի 326-րդ հոդվա-ծով, Հրանտ Կամոյի Պետրոսյանի վերաբերյալ ՀՀ քրեական օրենսգրքի 38-326-րդ հոդվա-ծով և Կարինե Սպարտակի Այվազյանի վերաբերյալ ՀՀ քրեական օրենսգրքի 326-րդ հոդվա-ծով քրեական գործն ընդունվել է վարույթ, իսկ 2012թ. սեպտեմբերի 18-ի որոշմամբ նշանակ-վել է դատաքննության։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի 15.05.2013թ. որոշմամբ Ա.Բաղդասարյանի, Գ.Ավ-դալյանի և Կ.Այվազյանի վերաբերյալ ՀՀ քրեական օրենսգրքի 326-րդ ու Հ.Պետրոսյանի վե-րաբերյալ ՀՀ քրեական օրենսգրքի 38-326-րդ հոդվածներով քրեական գործով հայտարարվել է ամբաստանյալ Հրանտ Կամոյի Պետրոսյանի հետախուզում, նրա նկատմամբ ընտրված խափանման միջոցը՝ ստորագրություն՝ չհեռանալու մասին, թողնվել է նույնը, մինչև նրան հայտնաբերելը՝ նրա նկատմամբ կասեցվել է գործի վարույթը, իսկ մյուս ամբաստանյալների նկատմամբ շարունակվել է գործի քննությունը։
Ամբաստանյալ Ա.Բաղդասարյանին ՀՀ քրեական օրենսգրքի 326-րդ հոդվածով մե-ղադրանք է առաջադրվել այն բանի համար, որ նա. «2012թ. փետրվար ամսի կեսերին 20.000 ՀՀ դրամով Կարինե Սպարտակի Այվազյանից գնել է Գևորգ Տիգրանի Ավդալյանի տվյալնե-րով պաշտոնական փաստաթուղթ հանդիսացող ՀՀ քաղաքացու անձնագիրը։
Ամբաստանյալ Գ.Ավդալյանին ՀՀ քրեական օրենսգրքի 326-րդ հոդվածով մեղադը-րանք է առաջադրվել այն բանի համար, որ նա. «2012թ. փետրվար ամսի կեսերին Կարինե Այվազյանի միջոցով 20.000 ՀՀ դրամով Արմեն Արշավիրի Բաղդասարյանին է վաճառել իր տվյալներով պաշտոնական փաստաթուղթ հանդիսացող ՀՀ քաղաքացու անձնագիրը և դրա դիմաց ստացված 20.000 ՀՀ դրամից 5.000 ՀՀ դրամը տվել է Կ.Այվազյանին, իսկ 15.000 ՀՀ դրամը պահել է իրեն։
Ամբաստանյալ Հ.Պետրոսյանին ՀՀ քրեական օրենսգրքի 38-326-րդ հոդվածով մեղա-դըրանք է առաջադրվել այն բանի համար, որ նա. «նյութապես շահագրգռելու միջոցով Գևորգ Տիգրանի Ավդալյանին դրդել է 2012թ. փետրվար ամսի կեսերին Կարինե Սպարտակի Այվազյանի միջոցով 20.000 ՀՀ դրամի դիմաց Արմեն Արշավիրի Բաղդասարյանին վաճառել Գ.Ավդալյանի տվյալներով պաշտոնական փաստաթուղթ հանդիսացող ՀՀ քաղաքացու անձ-նագիրը։
Ամբաստանյալ Կ.Այվազյանին ՀՀ քրեական օրենսգրքի 326-րդ հոդվածով մեղադը-րանք է առաջադրվել այն բանի համար, որ նա. «2012թ. փետրվար ամսի կեսերին 20.000 ՀՀ դրամով Արմեն Արշավիրի Բաղդասարյանին է վաճառել Գևորգ Տիգրանի Ավդալյանի տվյալ-ներով պաշտոնական փաստաթուղթ հանդիսացող ՀՀ քաղաքացու անձնագիրը և դրա դիմաց ստացված 20.000 ՀՀ դրամից 5.000 ՀՀ դրամը պահել է իրեն, իսկ 15.000 ՀՀ դրամը տվել է Գ.Ավդալյանին»։
Դատաքննությամբ մեղադրող Ա.Գալստյանը «Առաջադրված մեղադրանքը փոփոխե-լու և լրացնելու մասին» 02.08.2013թ. որոշմամբ փոփոխեց ամբաստանյալներ Գ.Ավդալյա-նին, Կ.Այվազյանին և Հ.Պետրոսյանին առաջադրված մեղադրանքներն ու Գևորգ Տիգրանի Ավդալյանին ՀՀ քրեական օրենսգրքի 326-րդ հոդվածով մեղադրանք առաջադրեց այն բանի համար, որ նա. «2012 թվականի փետրվար ամսի կեսերին Հրանտ Պետրոսյանի դրդմամբ Կարինե Այվազյանի օժանդակությամբ 20.000 ՀՀ դրամ գումարի դիմաց Արմեն Արշավիրի Բաղդասարյանին ապօրինի իրացրել է պաշտոնական փաստաթուղթ հանդիսացող իր ՀՀ քաղաքացու անձնագիրը», Հրանտ Կամոյի Պետրոսյանին ՀՀ քրեական օրենսգրքի 38-326-րդ հոդվածով մեղադրանք առաջադրեց այն բանի համար, որ նա. «2012 թվականի փետրվար ամսի կեսերին դրդել է Գևորգ Ավդալյանին իր ՀՀ քաղաքացու անձնագիրը Կարինե Այվազ-յանի օժանդակությամբ՝ 20.000 ՀՀ դրամ գումարի դիմաց, ապօրինի իրացնել Արմեն Բաղդա-սարյանին, իսկ Կարինե Սպարտակի Այվազյանին ՀՀ քրեական օրենսգրքի 38-326-րդ հոդ-վածով մեղադրանք առաջադրեց այն բանի համար, որ նա. «2012 թվականի փետրվար ամսի կեսերին օժանդակել է Գևորգ Ավդալյանին՝ ՀՀ քաղաքացու անձնագիրը 20.000 ՀՀ դրամ գու-մարի դիմաց ապօրինի իրացնել Արմեն Բաղդասարյանին»։

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալ Արմեն Բաղդասարյանը, աշխատե-լով «Էքստրա» տաքսի ծառայությունում, աշխատանքի ընթացքում ծանոթացել և մտերիմ փոխհարաբերությունների մեջ է գտնվել տաքսի ծառայությունից հաճախակի օգտվող ամ-բաստանյալ Կարինե Այվազյանի հետ։ 2012թ. սկզբներին ամբաստանյալ Ա.Բաղդասարյա-նը, պատահական հանդիպելով ամբաստանյալ Կ.Այվազյանին, խոսակցության ընթացքում նրան հայտնել է, որ ցանկանում է ապառիկ կարգով ավտոմեքենա գնել, սակայն չի կարո-ղանում, քանի որ իր անվամբ արդեն իսկ կա ձևակերպված վարկ։ Միաժամանակ, ասել է, որ ցանկանում է ձեռք բերել մեկ այլ քաղաքացու անձնագիր, որի համար պատրաստ է վճարել 20.000 դրամ և խնդրել է օգնել այդ հարցում։
Որոշ ժամանակ անց իր տուն գնացած ամբաստանյալ Հրանտ Պետրոսյանին ամբաս-տանյալ Կ.Այվազյանն առաջարկել է վաճառել անձնագիր՝ ապառիկ ավտոմեքենա գնելու համար, ասելով, որ դրա դիմաց անձնագիրը գնել ցանկացող անձը կվճարի 20.000 ՀՀ դրամ, իսկ վարկը ձևակերպելուց հետո նա որևէ կապ չի ունենա վարկի մարման հետ։ Ամբաստան-յալ Հ.Պետրոսյանը լսելով ամբաստանյալ Կ.Այվազյանի առաջարկը՝ նրանից պարտքով վեր-ցըրել է 5.000 ՀՀ դրամ և տաքսի ավտոմեքենայով վերադարձել է տուն։ Մի քանի օր անց ամ-բաստանյալ Հ.Պետրոսյանը, հանդիպելով իր համագյուղացուն՝ ամբաստանյալ Գևորգ Ավ-դալյանին, պատմել է ամբաստանյալ Կ.Այվազյանի առաջարկի մասին և նրան առաջարկել է 20.000 դրամով անձնագիր վաճառել ամբաստանյալ Կ.Այվազյանի նշած անձին։ Նշված խո-սակցությունից հետո ամբաստանյալներ Հ.Պետրոսյանն ու Գ.Ավդալյանը, նախապես վերցը-նելով իրենց և հարազատների անձնագրերը, տաքսի ավտոմեքենայով գնացել են ք.Երևանի Հույսի Ավան թաղամաս ու, հանդիպելով ամբաստանյալ Կ.Այվազյանին, նրան հայտնել են, որ իրենց հետ բերել են անձնագրեր, որոնք ցանկանում են վաճառել։ Վերջինս իր հերթին այդ մասին տեղեկացրել է ամբաստանյալ Ա.Բաղդասարյանին և նրա հետ պայմանավորվել են հանդիպել ք.Երևանի «Տաշիր» առևտրի կենտրոնի դիմաց։ Նույն օրը՝ 2012թ. փետրվարի կե-սերին, երեկոյան, նրանք գնացել են պայմանավորված վայր, որտեղ ամբաստանյալ Կ.Այ-վազյանը, վերցնելով Հ.Պետրոսյանի տված, Գ.Ավդալյանի և վերջինիս եղբոր՝ Գագիկ Ավ-դալյանի անձնագրերը, իջել է ավտոմեքենայից, մոտեցել քիչ հեռվում կանգնած ամբաս-տանյալ Ա.Բաղդասարյանի տաքսի ավտոմեքենային և նրան ցույց է տվել անձնագրերը, որոնցից վերջինս 20.000 ՀՀ դրամով գնել է ամբաստանյալ Գ.Ավդալյանի անձնագիրը, իսկ մնացած անձնագրերը վերադարձրել է։ Ամբաստանյալ Կ.Այվազյանը նշված գումարից պա-հել է ամբաստանյալ Հ.Պետրոսյանի իրեն ունեցած պարտքի գումարը՝ 5.000 դրամը, իսկ մնացած 15.000 դրամը և անձնագրերը տվել է ամբաստանյալ Գ.Ավդալյանին։

Ապացույցների հետազոտում և գնահատում.

Դատաքննությամբ ամբաստանյալներ Ա.Բաղդասարյանը, Գ.Ավդալյանն ու Կ.Այ-վազյանը համաձայնվեցին առաջադրված մեղադրանքների հետ և իրենց մեղավոր ճանաչե-ցին լիովին։
Ամբաստանյալ Ա.Բաղդասարյանի ցուցմունքի համաձայն՝ նա 2011թ-ից ճանաչել է Կ.Այվազյանին, ով հաճախակի օգտվել է իրենց տաքսի ծառայությունից։ 2012թ. հունվար ամսին Կ.Այվազյանին և նրա դստերը պատահական հանդիպել է ք.Երևանի Հանրապետու-թյան փողոցում և իր վարած տաքսի ավտոմեքենայով նրանց տարել է «Էլլա» գիշերային ակումբ։ Ճանապարհին՝ զրույցի ընթացքում, Կ.Այվազյանին հայտնել է, որ ցանկանում է ա-պառիկ կարգով ավտոմեքենա ձեռք բերել, ինչի համար իրեն այլ անձի ՀՀ քաղաքացու անձ-նագիր է հարկավոր, որի համար պատրաստ է վճարել։ Կ.Այվազյանը հայտնել է, որ անպայ-ման կհետաքրքրվի և անձնագիրը վաճառելու ցանկություն ունեցող անձ գտնելու դեպքում կտեղեկացնի։ 2012թ. փետրվար ամսին Կ.Այվազյանը զանգահարել և հայտնել է, որ գտել է մարդկանց, ովքեր ցանկանում են վաճառել իրենց անձնագրերը։ Նրա հետ պայմանավորվել և նույն օրը հանդիպել են ք.Երևանի «Տաշիր» առևտրի կենտրոնի դիմաց։ Կ.Այվազյանը, իջ-նելով տաքսի ավտոմեքենայից, մոտեցել է իրեն և ցույց է տվել մի քանի անձնագիր, որոնցից 20.000 ՀՀ դրամով Կ.Այվազյանից գնել է Գ.Ավդալյանի տվյալներով ՀՀ քաղաքացու անձնա-գիրը, իսկ մնացած անձնագրերը վերադարձրել Կ.Այվազյանին։ Վերջինս խնդրել է մանրել 20.000 դրամը, քանի որ այդ անձիք նրան 5.000 դրամ են պարտք եղել։
Գնած անձնագիրը չի օգտագործել և դեն է նետել։
Ամբաստանյալ Կ.Այվազյանի ցուցմունքի համաձայն՝ 2012թ. հունվար ամսին իր ծա-նոթ՝ տաքսու վարորդ, Ա.Բաղդասարյանն իրեն ասել է, որ ցանկանում է ապառիկ կարգով ավտոմեքենա ձեռք բերել, սակայն իր անվամբ տարբեր բանկերում ձևակերպված վարկեր ունենալու պատճառով չի կարողանում, ուստի՝ պատրաստ է 20.000 դրամով գնել այլ անձի անձնագիր։ Խնդրել է օգնել այդ հարցով, որի համար խոստացել է հետաքրքրվել։ Որոշ ժա-մանակ անց իր տուն եկած Հ.Պետրոսյանի հետ զրուցելու ընթացքում հիշել է Ա.Բաղդասար-յանի առաջարկը և այդ մասին ասել է Հ.Պետրոսյանին։ Վերջինիս խնդրանքով՝ տաքսի ավ-տոմեքենայով տուն վերադառնալու համար, պարտքով նրան է տվել 5.000 ՀՀ դրամ։ Որոշ ժամանակ անց Հ.Պետրոսյանը իր բնակարան է եկել մեկ այլ անձի՝ Գ.Ավդալյանի հետ և հայտնել, որ ցանկանում են վաճառել իրենց անձնագրերը։ Զանգահարել և այդ մասին հայտ-նել է Ա.Բաղդասարյանին, ում հետ պայմանավորվել և նույն օրը՝ երեկոյան, հանդիպել է ք.Երևանի «Տաշիր» առևտրի կենտրոնի մոտ, ուր տաքսի ավտոմեքենայով գնացել է Հ.Պետ-րոսյանի և Գ.Ավդալյանի հետ։ Վերջիներից վերցրած ՀՀ քաղաքացու 4 անձնագիրը ցույց է տվել հանդիպման վայր եկած Ա.Բաղդասարյանին, ով ընտրելով Գ.Ավդալյանի անձնագիրն ու իրեն տալով 20.000 դրամ, մնացած 3 անձնագիրը վերադարձրել է։ Ստացած գումարից 5.000 ՀՀ դրամը պահել է իրեն՝ Հ.Պետրոսյանի պարտքի դիմաց, իսկ 15.000 դրամը և 3 անձ-նագիրը տվել է Գ.Ավդալյանին։
Ամբաստանյալ Գ.Ավդալյանի ցուցմունքի համաձայն՝ 2012թ. փետրվար ամսին նա իրենց գյուղում պատահաբար հանդիպել է համագյուղացի Հ.Պետրոսյանին, ով զրույցի ըն-թացքում հայտնել է, որ իր ծանոթներից մեկը 15.000 ՀՀ դրամով անձնագիր է գնում, և առա-ջարկել է վաճառել իր անձնագիրը, ինչին ինքը համաձայնվել է։ Հաջորդ օրը վերցնելով իր ու եղբոր անձնագրերը՝ Հ.Պետրոսյանի հետ տաքսի ավտոմեքենայով գնացել են ք.Երևանի Հույսի ավան թաղամասում բնակվող Կարինեի տուն, ով իմանալով իրենց նպատակի մասին, զանգահարել է ինչ-որ մեկին։ Դրանից հետո Կարինեի հետ գնացել են «Տաշիր» առևտրի կենտրոնի մոտ, որտեղ նա իրենից վերցրել է իր և եղբոր անձնագրերը, իսկ Հրանտից՝ ևս եր-կու անձնագիր, որից հետո դուրս է եկել ավտոմեքենայից ու հեռացել։ Քիչ անց նա հետ է եկել և, վերադարձնելով Հ.Պետրոսյանից վերցրած անձնագրերն ու իր եղբոր անձնագիրը, ասել է, որ դրանք պետք չեն և իրեն է տվել 15.000 դրամ։
Վկա Գագիկ Ավդալյանի ցուցմունքի համաձայն՝ իր եղբայրը՝ Գևորգ Ավդալյանը, մի անգամ իրեն ասել է, որ իր անձնագրով ցանկանում է գործարք կատարել, բայց թե ինչ գոր-ծարք, չի ասել։ Ինքը չի հետաքրքրվել, բայց տվել է իր համաձայնությունը։ Հետագայում եղ-բայրն ասել է, որ փորձել է իրենց անձնագրերը վաճառել ինչ-որ մեկին, բայց չի ասել թե ինչի համար։
Վկա՝ ամբաստանյալ Կ.Այվազյանի դուստր, Անի Սահակյանի ցուցմունքի համաձայն՝ 2012թ. փետրվար ամսին իրենց տուն եկած երկու անծանոթ տղամարդ զրուցել են իր մոր հետ, որից հետո՝ Արմեն անունով տաքսիստին հանդիպելու համար, մայրն այդ տղամարդ-կանց հետ դուրս է եկել տնից։ Դրանից որոշ ժամանակ անց մորը կանչել են ոստիկանություն, որտեղից վերադառնալուց հետո նա պատմել է, որ իրենց տուն եկած տղամարդիկ իրեն գցել են պատմության մեջ, որը կապված է անձնագրերի հետ։

Դատարանի վերլուծություն.

Դատարանը, վերլուծելով ամբաստանյալներ Ա.Բաղդասարյանին, Գ.Ավդալյանին և Կ.Այվազյանին առաջադրված մեղադրանքներն ու համակցության մեջ գնահատելով դատա-քննությամբ հետազոտված ապացույցները, գործի հանգամանքների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաստի ապացույցների բավարար ամ-բողջությամբ հաստատվում է, որ ամբաստանյալ Ա.Բաղդասարյանն ապօրինի ձեռք է բերել իրավունք վերապահող պաշտոնական փաստաթուղթ, ամբաստանյալ Գ.Ավդալյանն ապօրի-նի իրացրել է իրավունք վերապահող պաշտոնական փաստաթուղթ, իսկ ամբաստանյալ Կ. Այվազյանն ամբաստանյալ Գևորգ Ավդալյանին օժանդակել է իրացնել իրավունք վերապա-հող պաշտոնական փաստաթուղթ։
Միաժամանակ, դատարանը գտնում է, որ ամբաստանյալների կատարած արարքնե-րին տրվել են ճիշտ քրեաիրավական գնահատականներ և քրեական գործի ապացույցները ձեռք են բերվել քրեադատավարական օրենքի պահանջների պահպանմամբ։
Այսպիսով, դատարանն ապացուցված է համարում, որ ամբաստանյալներ Ա.Բաղդա-սարյանն ու Գ.Ավդալյանը կատարել են հանցանքներ` նախատեսված ՀՀ քրեական օրենս-գրքի 326-րդ հոդվածով, իսկ ամբաստանյալ Կ.Այվազյանը կատարել է հանցանք` նախա-տեսված ՀՀ քրեական օրենսգրքի 38-326-րդ հոդվածով, որոնցով և նրանք պետք է պատաս-խանատվության ենթարկվեն։
Ամբաստանյալների նկատմամբ պատիժ նշանակելիս` պատիժների տեսակն ու չափը որոշելիս, դատարանը հաշվի է առնում նրանցից յուրաքանչյուրի կատարած հանցագործու-թյան բնույթն ու հանրության համար վտանգավորության աստիճանը, նրանց անձը բնութա-գրող տվյալները և նրանց պատասխանատվությունն ու պատիժը մեղմացնող և ծանրացնող հանգամանքները։
Որպես ամբաստանյալներ Ա.Բաղդասարյանի և Կ.Այվազյանի պատասխանատվու-թյունն ու պատիժը մեղմացնող հանգամանք՝ դատարանը հաշվի է առնում, որ նրանք համա-ձայնվեցին մեղադրանքի հետ և անկեղծորեն զղջացին կատարած հանցանքների համար։
Որպես ամբաստանյալ Գ.Ավդալյանի պատասխանատվությունն ու պատիժը մեղմաց-նող հանգամանքներ՝ դատարանը հաշվի է առնում, որ նրա խնամքին են գտնվում չորս անձ, համաձայնվեց մեղադրանքի հետ և անկեղծորեն զղջաց կատարած հանցանքի համար։
Որպես ամբաստանյալ Գ.Ավդալյանի անձը բնութագրող տվյալ` դատարանը հաշվի է առնում, որ նա նախկինում նույնպես կատարել է դիտավորյալ հանցագործություններ։
Որպես ամբաստանյալ Կ.Այվազյանի պատասխանատվությունն ու պատիժը ծան-րացնող հանգամանք՝ դատարանը հաշվի է առնում նրա կողմից հանցանք կատարելու ռեցի-դիվը։
Ամբաստանյալներ Ա.Բաղդասարյանի և Գ.Ավդալյանի պատասխանատվությունն ու պատիժը ծանրացնող հանգամանքներ դատաքննությամբ չարձանագրվեցին։
Քննության առնելով ամբաստանյալների նկատմամբ ընտրված խափանման միջոց-ների հարցը` դատարանը գտնում է, որ Ա.Բաղդասարյանի և Գ.Ավդալյանի նկատմամբ ըն-տըրված խափանման միջոցները, մինչև դատավճռի օրինական ուժի մեջ մտնելը, պետք է թողնվեն անփոփոխ, իսկ ամբաստանյալ Կ.Այվազյանի նկատմամբ ընտրված խափանման միջոցը պետք է վերացվի, նկատի ունենալով, որ նա ներկայումս ազատազրկման ձևով պա-տիժ է կրում։
Վերոգրյալների հիման վրա ու ղեկավարվելով ՀՀ քրեական դատավարության օրենս-գրքի 357-360-րդ, 365-րդ և 369-372-րդ հոդվածներով` դատարանը

Վ Ճ Ռ Ե Ց

1. Արմեն Արշավիրի Բաղդասարյանին ճանաչել մեղավոր ՀՀ քրեական օրենսգրքի 326-րդ հոդվածով և դատապարտել 300.000 (երեք հարյուր հազար) դրամ տուգանքի։
Ա.Բաղդասարյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը։
2. Գևորգ Տիգրանի Ավդալյանին ճանաչել մեղավոր ՀՀ քրեական օրենսգրքի 326-րդ հոդվածով և դատապարտել 400.000 (չորս հարյուր հազար) դրամ տուգանքի։
Գ.Ավդալյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը։
3. Կարինե Սպարտակի Այվազյանին ճանաչել մեղավոր ՀՀ քրեական օրենսգրքի 38-326-րդ հոդվածով և դատապարտել ազատազրկման 1 (մեկ) տարի ժամկետով։
ՀՀ քրեական օրենսգրքի 66-րդ հոդվածի 3-րդ և 6-րդ մասերի համաձայն՝ նոր նշա-նակված ու Երևան քաղաքի Աջափնյակ և Դավթաշեն վարչական շրջանների ընդհանուր իրավասության առաջին ատյանի դատարանի 21.01.2013թ. դատավճռով նշանակված պա-տիժները մասնակիորեն գումարելու և վերջնական պատժի ժամկետին առաջին դատավճռով նշանակված պատժի կրած մասը հաշվակցելու միջոցով, որպես վերջնական պատիժ՝ նշա-նակել ազատազրկում 5 (հինգ) տարի 3 (երեք) ամիս ժամկետով՝ պատժի կրման սկիզբը հաշ-վելով 2013թ. հունվարի 21-ից։
Կ.Այվազյանի նկատմամբ ընտրված խափանման միջոցը վերացնել։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ