ԵԿԴ/0158/01/12







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«14» փետրվարի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղարներ Ռ.Ավետյան
Կ.Կարապետյան
մեղադրող Ա.Հակոբյան
Հ.Էյրամջյան
տուժողներ Վ.Պողոսյան
Ա.Հովհաննիսյան
Ժ.Քոթանջյան
Է.Խուրշուդյան
Շ.Թարոյան
Ս.Հարությունյան
պաշտպաններ Կ.Քամալյան
Է.Արամյան
Ռ.Սիրեկանյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Մամիկոն Սերգեյի Խաչատրյանի` ծնված 1981 թվականի հոկտեմբերի 8-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում դատապարտված, չի աշխատում, մշտական բնակության վայր չունի, մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 1-ին կետով, 324-րդ հոդվածի 1-ին մասով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, սույն քրեական գործով արգելանքի տակ է 2012 թվականի մարտի 18-ից, և
Արմեն Վլադիմիրի Գևորգյանի` ծնված 1981 թվականի օգոստոսի 21-ին Երևան քաղաքում, ազգությամբ հայ, ՀՀ քաղաքացի, միջին-մասնագիտական կրթությամբ, ամուսնալուծված, նախկինում դատապարտված, չի աշխատում, բնակվել է Երևան քաղաքի Բաբաջանյան փողոցի 34-րդ շենքի 5-րդ բնակարանում, մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով, արգելանքի տակ է 2012 թվականի մարտի 18-ից, և
Մարտին Աստվածատուրի Վարդանյանի` ծնված 1984 թվականի հուլիսի 19-ին Երևան քաղաքում, ազգությամբ հայ, ՀՀ քաղաքացի, ութամյա կրթությամբ, չամուսնացած, դատվածություն չունեցող, բնակվել է Երևան քաղաքի Տիգրան Մեծի պողոտայի 1-ին շենքի 12-րդ բնակարանում, մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով, արգելանքի տակ է 2012 թվականի մարտի 14-ից:
1. Գործի դատավարական նախապատմությունը.
2012 թվականի մարտի 14-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ս.Հակոբյանի որոշմամբ ՀՀ քրեական օրենսգրքի 176-րդ հոդվածի 2-րդ մասի 1-ին, 4-րդ կետերով հարուցվել և վարույթ է ընդունվել թիվ 13113212 քրեական գործը:
2012 թվականի մարտի 15-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ս.Հակոբյանի որոշմամբ թիվ 13113212 քրեական գործով Մարտին Աստվածատուրի Վարդանյանին մեղադրանք է առաջադրվել ՀՀ քրեական օրենսգրքի 176-րդ հոդվածի 2-րդ մասի 1-ին և 4-րդ կետերով:
2012 թվականի մարտի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ս.Հակոբյանի որոշմամբ թիվ 13113212 քրեական գործով Արմեն Վլադիմիրի Գևորգյանին մեղադրանք է առաջադրվել ՀՀ քրեական օրենսգրքի 176-րդ հոդվածի 2-րդ մասի 1-ին և 4-րդ կետերով:
2012 թվականի մարտի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ս.Հակոբյանի որոշմամբ թիվ 13113212 քրեական գործով Մամիկոն Սերգեյի Խաչատրյանին մեղադրանք է առաջադրվել ՀՀ քրեական օրենսգրքի 176-րդ հոդվածի 2-րդ մասի 1-ին և 4-րդ կետերով:
2012 թվականի օգոստոսի 6-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ս.Հակոբյանի որոշմամբ թիվ 13113212 քրեական գործով Մամիկոն Սերգեյի Խաչատրյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 1-ին կետով, 324-րդ հոդվածի 1-ին մասով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով:
2012 թվականի օգոստոսի 8-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ս.Հակոբյանի որոշմամբ թիվ 13113212 քրեական գործով Արմեն Վլադիմիրի Գևորգյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով:
2012 թվականի օգոստոսի 8-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ս.Հակոբյանի որոշմամբ թիվ 13113212 քրեական գործով Մարտին Աստվածատուրի Վարդանյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով:
2012 թվականի օգոստոսի 10-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ս.Հակոբյանի որոշմամբ թիվ 13113212 քրեական գործով Մամիկոն Սերգեյի Խաչատրյանի նկատմամբ Երևան քաղաքի Քեռու փողոցի 58-րդ շենքի 24-րդ բնակարանից, Երևան քաղաքի Իսրայելյան փողոցի 43-րդ շենքի, Երևան քաղաքի Նորքի 9-րդ զանգվածի 101-րդ շենքի, Երևան քաղաքի Հերացու փողոցի 24-րդ շենքի բնակարաններից գաղտնի հափշտակություններ կատարելու դրվագներով քրեական հետապնդում չի իրականացվել` վերջինի արարքում հանցագործության դեպքի բացակայության պատճառաբանությամբ:
2012 թվականի օգոստոսի 30-ին Մամիկոն Սերգեյի Խաչատրյանի, Արմեն Վլադիմիրի Գևորգյանի և Մարտին Աստվածատուրի Վարդանյանի վերաբերյալ թիվ 13113212 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0158/01/12 համարը:
Մամիկոն Սերգեյի Խաչատրյանին մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 1-ին կետով, 324-րդ հոդվածի 1-ին մասով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով` այն արարքների համար, որ նա.
1. 2011 թվականի հուլիս ամսին բաց դռնից ապօրինի մուտք է գործել Երևան քաղաքի Տիգրան Մեծի 53-րդ շենքի 41-րդ բնակարան և այնտեղից գաղտնի հափշտակել է 4.000 ՀՀ դրամ արժողության կանացի վարդագույն կաշվե դրամապանակ, որի մեջ եղել է «HSBC» բանկի մաստեր քարտ, 10 ֆունտստերլինգին համարժեք 5.918 ՀՀ դրամ և 10.000 ՀՀ դրամ` Սեդա Սամվելի Հարությունյանին պատճառելով ընդհանուր զգալի չափի` 15.918 ՀՀ դրամի գույքային վնաս,
2. 2011 թվականի օգոստոսի 5-ին` ժամը 18:00-ի սահմաններում, բաց դռնից ապօրինի մուտք է գործել Երևան քաղաքի Արցախի 8/3 շենքի 39-րդ բնակարան և այնտեղից գաղտնի հափշտակել է 10.000 ՀՀ դրամ արժողության կարմիր կտորից կանացի դրամապանակ, որի մեջ եղել է 370 եվրոյին համարժեք 191.830 ՀՀ դրամ և 32.000 ՀՀ դրամ` Շուշանիկ Սերոժի Թարոյանին պատճառելով ընդհանուր զգալի չափի` 223.830 ՀՀ դրամի գույքային վնաս,
3. 2011 թվականի օգոստոս ամսին բաց դռնից ապօրինի մուտք է գործել Երևան քաղաքի Մայակի 42-րդ շենքի 31-րդ բնակարան և այնտեղից գաղտնի հափշտակել է մեկ հատ 5.000 և հինգ հատ 1.000 ՀՀ դրամանոց թղթադրամներ` Էդիկ Ռազմիկի Խուրշուդյանին պատճառելով ընդհանուր զգալի չափի` 10.000 ՀՀ դրամի գույքային վնաս,
4. 2011 թվականի օգոստոսի վերջերին բաց դռնից ապօրինի մուտք է գործել Երևան քաղաքի Դավիթաշեն 4-րդ թաղամասի 15-րդ շենքի 13-րդ բնակարան և նախասրահում գտնվող բազմոցի վրայից հափշտակել է 10.000 ՀՀ դրամ արժողության դրամապանակ, որի մեջ եղել է 20.000 ՀՀ դրամ և դռան բանալի` Անդրանիկ Արշակի Հովհաննիսյանին պատճառելով զգալի չափի գույքային վնաս,
5. 2012 թվականի հունվարի կեսերին բաց դռնից ապօրինի մուտք է գործել Ժենիկ Հաջիբաթի Քոթանջյանին պատկանող Երևան քաղաքի Դրոյի 11-րդ շենքի 6-րդ բնակարան և այնտեղից գաղտնի հափշտակել է 15.000 ՀՀ դրամ արժողության սև գույնի կաշվե պայուսակ, որի մեջ եղել է 1.000 ՀՀ դրամ արժողության կանացի դրամապանակ, 10.000 ՀՀ դրամ արժողության տղամարդու սև կաշվե դրամապանակ, 20.000 ՀՀ դրամ արժողության կանացի արծաթյա մատանի, 4.000 ՀՀ դրամ արժողության դեղորայք, 4.000 ՀՀ դրամ արժողության շպարման պարագաներ, երեք հատ 1.000 ՀՀ դրամանոց թղթադրամներ, 1.000 ՀՀ դրամի մետաղադրամ, 8.000 ՀՀ դրամի «Ղ-Տելեկոմ» և «ԱրմենՏել» ՓԲ ընկերությունների բջջային հեռախոսների համար նախատեսված լիցքավորման քարտեր` Ժենիկ Քոթանջյանին պատճառելով ընդհանուր զգալի չափի` 66.000 ՀՀ դրամի գույքային վնաս,
6. ավազակային հարձակմամբ ուրիշի գույքը հափշտակելու դիտավորությամբ ընկերների` Արմեն Վլադիմիրի Գևորգյանի և Մարտին Աստվածատուրի Վարդանյանի հետ, 2012 թվականի մարտի 7-ին նախնական համաձայնությամբ կազմել է խումբ և ժամը 24:00-ի սահմաններում Երևան քաղաքի Խորենացի ու Զաքիյան փողոցների հատման մասի հարևանությամբ գտնվող մանկական այգում Վահագն Լենկայի Պողոսյանի կյանքի կամ առողջության համար վտանգավոր բռնություն գործադրելով` ձեռքերով և ոտքերով հարվածներ են հասցրել մարմնի տարբեր հատվածներին` պատճառելով թեթև վնաս, առողջության կարճատև քայքայումով և հափշտակել են վերջինի 15.000 ՀՀ դրամ արժողության կաշվե բաճկոնը, 10.000 ՀՀ դրամ արժողության «Մոտոռոլա» տեսակի բջջային հեռախոսը, անձնագիրը, «Արդշինինվեստբանկ» ՓԲ ընկերության բանկային քարտը և դիմել փախուստի:
Արմեն Վլադիմիրի Գևորգյանին մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով` այն արարքի համար, որ նա ավազակային հարձակմամբ ուրիշի գույքը հափշտակելու դիտավորությամբ ընկերների` Մամիկոն Սերգեյի Խաչատրյանի և Մարտին Աստվածատուրի Վարդանյանի հետ, 2012 թվականի մարտի 7-ին նախնական համաձայնությամբ կազմել է խումբ և ժամը 24:00-ի սահմաններում Երևան քաղաքի Խորենացի ու Զաքիյան փողոցների հատման մասի հարևանությամբ գտնվող մանկական այգում Վահագն Լենկայի Պողոսյանի կյանքի կամ առողջության համար վտանգավոր բռնություն գործադրելով` ձեռքերով և ոտքերով հարվածներ են հասցրել մարմնի տարբեր հատվածներին` պատճառելով թեթև վնաս, առողջության կարճատև քայքայումով և հափշտակել են վերջինի 15.000 ՀՀ դրամ արժողության կաշվե բաճկոնը, 10.000 ՀՀ դրամ արժողության «Մոտոռոլա» տեսակի բջջային հեռախոսը, անձնագիրը, «Արդշինինվեստբանկ» ՓԲ ընկերության բանկային քարտը և դիմել փախուստի:
Մարտին Աստվածատուրի Վարդանյանին մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով` այն արարքի համար, որ նա ավազակային հարձակմամբ ուրիշի գույքը հափշտակելու դիտավորությամբ ընկերների` Մամիկոն Սերգեյի Խաչատրյանի և Արմեն Վլադիմիրի Գևորգյանի հետ, 2012 թվականի մարտի 7-ին նախնական համաձայնությամբ կազմել է խումբ և ժամը 24:00-ի սահմաններում Երևան քաղաքի Խորենացի ու Զաքիյան փողոցների հատման մասի հարևանությամբ գտնվող մանկական այգում Վահագն Լենկայի Պողոսյանի կյանքի կամ առողջության համար վտանգավոր բռնություն գործադրելով` ձեռքերով և ոտքերով հարվածներ են հասցրել մարմնի տարբեր հատվածներին` պատճառելով թեթև վնաս, առողջության կարճատև քայքայումով և հափշտակել են վերջինի 15.000 ՀՀ դրամ արժողության կաշվե բաճկոնը, 10.000 ՀՀ դրամ արժողության «Մոտոռոլա» տեսակի բջջային հեռախոսը, անձնագիրը, «Արդշինինվեստբանկ» ՓԲ ընկերության բանկային քարտը և դիմել փախուստի:
2. Արագացված դատական քննություն.
Մինչ դատաքննությունն սկսելն ամբաստանյալներ Մամիկոն Սերգեյի Խաչատրյանը, Արմեն Վլադիմիրի Գևորգյանը և Մարտին Աստվածատուրի Վարդանյանը միջնորդեցին դատական քննությունն անցկացնել արագացված կարգով և հայտնեցին, որ միջնորդությունը ներկայացրել են կամավոր, խորհրդակցել են իրենց պաշտպանների հետ, գիտակցում են արագացված կարգով դատական քննություն անցկացնելու հետևանքները, առաջադրված մեղադրանքներն իրենց պարզ է, համաձայն են մեղադրանքների հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Մամիկոն Սերգեյի Խաչատրյանը կատարել է արարքներ` նախատեսված ՀՀ քրեական օրենսգրքի 175-րդ հոդվածի 2-րդ մասի 1-ին կետով, 324-րդ հոդվածի 1-ին մասով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, Արմեն Վլադիմիրի Գևորգյանն արարքներ` նախատեսված ՀՀ քրեական օրենսգրքի 175-րդ հոդվածի 2-րդ մասի 1-ին կետով, 324-րդ հոդվածի 1-ին մասով, իսկ Մարտին Աստվածատուրի Վարդանյանն` արարքներ` նախատեսված ՀՀ քրեական օրենսգրքի 175-րդ հոդվածի 2-րդ մասի 1-ին կետով, 324-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ՀՀ ոստիկանության ինֆորմացիոն կենտրոնի պահանջագրերը, փորձագիտական հանձնաժողովի թիվ 179/12 եզրակացությունը, ծննդյան թիվ ԱԱ 439373 վկայականի պատճենը և բնութագիրը, եկավ հետևյալ եզրահանգման.
Մամիկոն Սերգեյի Խաչատրյանի անձը դրականորեն բնութագրող հանգամանք է կատարածի համար զղջալը:
Դատարանը գտնում է, որ Մամիկոն Խաչատրյանի պատասխանատվությունն ու պատիժը մեղմացնող հանգամանքներ չկան:
Դատարանը միաժամանակ արձանագրում է, որ Մամիկոն Խաչատրյանի պատասխանատվությունն ու պատիժը ծանրացնող հանգամանք է հանցանքները կատարելու առանձնապես վտանգավոր ռեցիդիվը, քանի որ երեք և ավելի անգամ նա դատապարտվել է միջին ծանրության և ծանր դիտավորյալ հանցագործություններ կատարելու համար, որոնց դատվածությունները մարված չեն: Այսպես. Մամիկոն Խաչատրյանը` 1998 թվականի օգոստոսի 13-ին դատապարտվել է Քրեական օրենսգրքի 86-րդ հոդվածի 1-ին, 2-րդ մասով երկու տարի ժամկետով ազատազրկման, 2000 թվականի դեկտեմբերի 25-ին դատապարտվել է Քրեական օրենսգրքի 254-րդ հոդվածով երեք տարի ժամկետով ազատազրկման, 2003 թվականի ապրիլի 15-ին դատապարտվել է Քրեական օրենսգրքի 86-րդ հոդվածի 2-րդ մասով և 89-րդ հոդվածի 2-րդ մասով երեք տարի ժամկետով ազատազրկման, 2005 թվականի դեկտեմբերի 7-ին դատապարտվել է ՀՀ քրեական օրենսգրքի 177-րդ հոդվածի 3-րդ մասի 3-րդ կետով վեց տարի ժամկետով ազատազրկման, 2012 թվականի մայիսի 3-ին դատապարտվել է ՀՀ քրեական օրենսգրքի 177-րդ հոդվածի 1-ին մասով երկու տարի ժամկետով ազատազրկման:
Կատարած արարքների համար ամբաստանյալ Մամիկոն Խաչատրյանն ենթակա է քրեական պատասխանատվության և պատժի:
Դատարանը, հաշվի առնելով Մամիկոն Խաչատրյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող հանգամանքների բացակայությունը, պատասխանատվությունն ու պատիժը ծանրացնող հանգամանքը, ինչպես նաև այն, որ Մամիկոն Խաչատրյանի կատարած արարքներից յուրաքանչյուրի համար ՀՀ քրեական օրենսգրքի 177-րդ հոդվածի 3-րդ մասի և 175-րդ հոդվածի 2-րդ մասի սանկցիայով որպես հիմնական պատիժ նախատեսված է միայն ազատազրկում, իսկ ՀՀ քրեական օրենսգրքի 324-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ նրա նկատմամբ ՀՀ քրեական օրենսգրքի 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 177-րդ հոդվածի 3-րդ մասի 1.1 կետով, 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով նախատեսված արարքներ կատարելու համար պատիժ պետք է նշանակել ազատազրկման ձևով: Ընդ որում` ՀՀ քրեական օրենսգրքի 177-րդ հոդվածի 3-րդ մասի 1.1 կետով և ՀՀ քրեական օրենսգրքի 175-րդ հոդվածի 2-րդ մասի 1-ին կետով կատարած արարքներից յուրաքանչյուրի համար չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը:
Դատարանը միաժամանակ հարկ է համարում անդրադառնալ ամբաստանյալ Մամիկոն Խաչատրյանի կատարած արարքներից յուրաքանչյուրի համար նշանակվելիք պատժի չափի հարցին:
ՀՀ քրեական օրենսգրքի 177-րդ հոդվածի 3-րդ մասի սանկցիայով նախատեսված է հիմնական պատիժ` ազատազրկում` չորսից ութ տարի ժամկետով: ՀՀ քրեական օրենսգրքի 67.1 հոդվածի 2-րդ մասի 3-րդ պարբերության համաձայն` հանցագործությունների առանձնապես վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երեք քառորդից: Այսինքն, հանցագործությունների առանձնապես վտանգավոր ռեցիդիվի պայմաններում ՀՀ քրեական օրենսգրքի ուժով ՀՀ քրեական օրենսգրքի 177-րդ հոդվածի 3-րդ մասի 1.1 կետով կատարված արարքի համար նախատեսված հիմնական պատժի առավել մեղմ պատիժը վեց տարի ժամկետով ազատազրկումն է:
ՀՀ քրեական դատավարության օրենսգրքի 375.3 հոդվածի 6-րդ մասի համաձայն` դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից, ապա առավել մեղմ պատիժը: Այսինքն, դատական քննության արագացված կարգ կիրառելու պայմաններում ՀՀ քրեական դատավարության օրենսգրքի ուժով ՀՀ քրեական օրենսգրքի 177-րդ հոդվածի 3-րդ մասի 1.1 կետով կատարած արարքի համար նախատեսված հիմնական պատժի առավելագույն ժամկետը հինգ տարի չորս ամիս ժամկետով ազատազրկումն է:
Տվյալ դեպքում Դատարանը գտնում է, որ ամբաստանյալ Մամիկոն Խաչատրյանի նկատմամբ ՀՀ քրեական օրենսգրքի 177-րդ հոդվածի 3-րդ մասի 1.1 կետով կատարած արարքներից յուրաքանչյուրի համար պատիժ պետք է նշանակել վեց տարի ժամկետով ազատազրկում, քանի որ հանցագործությունների առանձնապես վտանգավոր ռեցիդիվի և դատական քննության արագացված կարգ կիրառելու պայմաններում վերը նշված հոդվածով նախատեսված առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից: Դատարանի նման եզրահանգումը պայմանավորված է նրանով, որ ոչ քրեական, ոչ քրեադատավարական օրենսդրությամբ արգելված կամ սահմանափակված չէ վկայակոչված քրեաիրավական և քրեադատավարական նորմերի միաժամանակյա կիրառությանը, ավելին` դրանց միջև չկա որևէ հակասություն: Այսինքն, երկու ինստիտուտներն էլ տվյալ իրավահարաբերությունում կիրառելի են: Հակառակ մեկնաբանության պարագայում վկայակոչված ինստիտուտներից մեկը պետք է չգործի:
Ինչ վերաբերում է ՀՀ քրեական օրենսգրքի 175-րդ հոդվածի 2-րդ մասի 1-ին կետով նախատեսված արարքին, ապա վերը նշված հիմնավորմամբ Դատարանը գտնում է, որ ամբաստանյալ Մամիկոն Խաչատրյանի նկատմամբ նշված արարքի համար պատիժ պետք է նշանակել յոթ տարի վեց ամիս ժամկետով ազատազրկում, իսկ ՀՀ քրեական օրենսգրքի 324-րդ հոդվածի 1-ին մասով` ինն ամիս ժամկետով ազատազրկում:
Դատարանը միաժամանակ հարկ է համարում նկատել, որ ՀՀ քրեական օրենսգրքի 66-րդ հոդվածի 4-րդ մասի համաձայն` եթե հանցանքների համակցությունն ընդգրկում է ծանր կամ առանձնապես ծանր հանցանքներ, ապա վերջնական պատիժը նշանակվում է պատիժները լրիվ կամ մասնակիորեն գումարելու միջոցով: Ընդ որում, ազատազրկման ձևով վերջնական պատիժը չի կարող գերազանցել քսանհինգ տարին:
Դատարանը գտնում է, որ Մամիկոն Խաչատրյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ:
Մամիկոն Խաչատրյանն իրեն մեղսագրվող արարքները կատարել է 2011 թվականի հուլիսից մինչև 2012 թվականի մարտը` նախքան Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի մայիսի 3-ի դատավճռի կայացումը, ուստի կիրառելի է ՀՀ քրեական օրենսգրքի 66-րդ հոդվածի 6-րդ մասը, համաձայն որի` պատիժ նշանակվում է սույն հոդվածի կանոններով, եթե դատավճիռը կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը: Այսինքն` Մամիկոն Խաչատրյանի նկատմամբ վերջնական պատիժ պետք է նշանակել պատիժները լրիվ կամ մասնակի գումարելու միջոցով: Դատարանը գտնում է, որ Մամիկոն Խաչատրյանի նկատմամբ վերջնական պատիժ նշանակելու հարցում կիրառելի է պատիժները մասնակիորեն գումարելու կանոնը, որի արդյունքում նշանակված պատիժը նա պետք է կրի: Նշանակվող վերջնական պատժի կրման սկիզբը պետք է հաշվել 2012 թվականի մարտի 18-ից, քանի որ ինչպես Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի մայիսի 3-ի դատավճռով նշանակված պատժի սկիզբը, այնպես էլ սույն քրեական գործով նրա նկատմամբ ընտրված խափանման միջոց կալանավորման սկիզբը հաշվվում է 2012 թվականի մարտի 18-ից: Վերջնական պատժի սկիզբը նախորդ դատավճռով նշանակված պատժի սկզբից հաշվելու պարագայում` սույն գործով նախնական կալանքի տակ գտնվելու ժամկետը նշանակվող պատժին լրացուցիչ հաշվակցելու անհրաժեշտությունը բացակայում է:
Դատարանը գտնում է, որ Մամիկոն Սերգեյի Խաչատրյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Արմեն Վլադիմիրի Գևորգյանի անձը դրականորեն բնութագրող հանգամանքն է կատարածի համար զղջալը:
Արմեն Գևորգյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեխայի (Աննա Արմենի Գևորգյան` ծնված 2004 թվականի հունիսի 18-ին) առկայությունը:
Դատարանը միաժամանակ արձանագրում է, որ Արմեն Գևորգյանի պատասխանատվությունն ու պատիժը ծանրացնող հանգամանք է հանցանքները կատարելու ռեցիդիվը, քանի որ նա 2009 թվականի նոյեմբերի 17-ին դատապարտվել է ՀՀ քրեական օրենսգրքի 177-րդ հոդվածի 2-րդ մասի 4-րդ կետով նախատեսված դիտավորյալ հանցագործություն կատարելու համար, որի դատվածությունը մարված չէ:
Կատարած արարքների համար ամբաստանյալ Արմեն Գևորգյանն ենթակա է քրեական պատասխանատվության և պատժի:
Դատարանը, հաշվի առնելով Արմեն Գևորգյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 175-րդ հոդվածի 2-րդ մասի սանկցիայով որպես հիմնական պատիժ նախատեսված է միայն ազատազրկում, իսկ ՀՀ քրեական օրենսգրքի 324-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ նրա նկատմամբ ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով նախատեսված արարքներ կատարելու համար պատիժ պետք է նշանակել ազատազրկման ձևով: Ընդ որում` ՀՀ քրեական օրենսգրքի 175-րդ հոդվածի 2-րդ մասի 1-ին կետով նախատեսված արարքի համար չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը:
Դատարանը միաժամանակ հարկ է համարում անդրադառնալ ամբաստանյալ Արմեն Գևորգյանի պատժի չափի հարցին:
ՀՀ քրեական օրենսգրքի 67.1 հոդվածի 2-րդ մասի համաձայն` հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից:
Դատարանը, հիմք ընդունելով սույն քրեական գործով վերը նշված հիմնավորումները, գտնում է, որ ամբաստանյալ Արմեն Գևորգյանի նկատմամբ ՀՀ քրեական օրենսգրքի 175-րդ հոդվածի 2-րդ մասի 1-ին կետով նախատեսված արարքի համար պատիժ կարող է նշանակվել վեցից վեց տարի ութ ամիս ժամկետով ազատազրկում, իսկ ՀՀ քրեական օրենսգրքի 324-րդ հոդվածի 1-ին մասով` վեցից ութ ամիս ժամկետով ազատազրկում:
Դատարանը գտնում է, որ ամբաստանյալ Արմեն Վլադիմիրի Գևորգյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիu անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Արմեն Վլադիմիրի Գևորգյանի պատժի կրման սկիզբը պետք է հաշվել 2012 թվականի մարտի 18-ից, քանի որ նա ձերբակալվել է այդ օրը, իսկ 2012 թվականի մարտի 20-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արմեն Վլադիմիրի Գևորգյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Մարտին Աստվածատուրի Վարդանյանի անձը դրականորեն բնութագրող հանգամանք է խոստովանական ցուցմունք տալը և կատարածի համար զղջալը:
Դատարանը գտնում է, որ Մարտին Վարդանյանի պատասխանատվությունն ու պատիժը մեղմացնող հանգամանքներ են սահմանափակ մեղսունակ լինելը և դրականորեն բնութագրվելը:
Դատարանը միաժամանակ արձանագրում է, որ Մարտին Վարդանյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Մարտին Վարդանյանն ենթակա է քրեական պատասխանատվության և պատժի:
Դատարանը, հաշվի առնելով Մարտին Վարդանյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 175-րդ հոդվածի 2-րդ մասի սանկցիայով որպես հիմնական պատիժ նախատեսված է միայն ազատազրկում, իսկ ՀՀ քրեական օրենսգրքի 324-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ նրա նկատմամբ ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով նախատեսված արարքները կատարելու համար պատիժ պետք է նշանակել ազատազրկման ձևով: Ընդ որում` ՀՀ քրեական օրենսգրքի 175-րդ հոդվածի 2-րդ մասի 1-ին կետով նախատեսված արարքի համար չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը:
Դատարանը միաժամանակ գտնում է, որ ամբաստանյալ Մարտին Վարդանյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիu անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Մարտին Վարդանյանի պատժի կրման սկիզբը պետք է հաշվել 2012 թվականի մարտի 14-ից, քանի որ նա ձերբակալվել է այդ օրը, իսկ 2012 թվականի մարտի 15-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Մարտին Վարդանյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցը ենթակա է արդյոք բավարարման, ում օգտին և ինչ չափով:
ՀՀ քրեական դատավարության օրենսգրքի 3751 հոդվածի 6-րդ մասի համաձայն` եթե տվյալ գործով հարուցված է նաև քաղաքացիական հայց և ամբաստանյալն ընդունում է այն, ապա դատարանը դատավճռով բավարարում է քաղաքացիական հայցը, եթե այն չի հակասում օրենքին:
Սույն քրեական գործով տուժող Շուշանիկ Սերոժի Թարոյանը ներկայացրել է քաղաքացիական հայց` ամբաստանյալ Մամիկոն Սերգեյի Խաչատրյանից պահանջելով հանցագործությամբ իրեն պատճառված վնասը` 223.830 ՀՀ դրամը, իսկ ամբաստանյալ Մամիկոն Խաչատրյանը կամավոր ընդունել է ներկայացված քաղաքացիական հայցը: Նշվածը հաշվի առնելով Դատարանը գտնում է, որ Մամիկոն Խաչատրյանի դեմ ներկայացված Շուշանիկ Թարոյանի քաղաքացիական հայցի պահանջը պետք է բավարարել, և Մամիկոն Խաչատրյանից հօգուտ Շուշանիկ Թարոյանի, որպես հանցագործությամբ պատճառված վնաս, պետք է բռնագանձել 223.830 ՀՀ դրամ, քանի որ դա չի հակասում օրենքին և չի վերաբերվում այլ անձանց իրավունքներին:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2012 թվականի օգոստոսի 10-ի որոշմամբ իրեղեն ապացույց ճանաչված` «Մոտոռոլա L6» տեսակի բջջային հեռախոսը և ներքնաշապիկը պետք է վերադարձնել տուժող Վահագն Լենկայի Պողոսյանին:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալներ Մամիկոն Խաչատրյանից, Արմեն Գևորգյանից և Մարտին Վարդանյանից դատարանի նախաձեռնությամբ ենթակա չեն բռնագանձման, քանի որ տուժողներ Վահագն Պողոսյանի, Էդիկ Խուրշուդյանի և Սեդա Հարությունյանի կողմից իրենց գույքային շահերն անձամբ պաշտպանելու անհնարինության մասին տվյալները բացակայում են: Ավելին, վերոգրյալ հիմնավորմամբ իրեղեն ապացույց ճանաչված իրերը պետք է վերադարձվեն տուժող Վահագն Պողոսյանին, տուժող Շուշանիկ Թարոյանի կողմից ներկայացրած քաղաքացիական հայցը պետք է բավարարվի, իսկ տուժողներ Անդրանիկ Հովհաննիսյանը և Ժենիկ Քոթանջյանը հայտնել են, որ ամբաստանյալներից որևէ պահանջ չունեն: Ինչ վերաբերվում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Մամիկոն Սերգեյի Խաչատրյանին մեղավոր ճանաչել առաջադրված մեղադրանքի 1-ին դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով և պատիժ նշանակել ազատազրկում` 6 (վեց) տարի ժամկետով` առանց գույքի բռնագրավման:
Մամիկոն Սերգեյի Խաչատրյանին մեղավոր ճանաչել առաջադրված մեղադրանքի 2-րդ դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով և պատիժ նշանակել ազատազրկում` 6 (վեց) տարի ժամկետով` առանց գույքի բռնագրավման:
Մամիկոն Սերգեյի Խաչատրյանին մեղավոր ճանաչել առաջադրված մեղադրանքի 3-րդ դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով և պատիժ նշանակել ազատազրկում` 6 (վեց) տարի ժամկետով` առանց գույքի բռնագրավման:
Մամիկոն Սերգեյի Խաչատրյանին մեղավոր ճանաչել առաջադրված մեղադրանքի 4-րդ դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով և պատիժ նշանակել ազատազրկում` 6 (վեց) տարի ժամկետով` առանց գույքի բռնագրավման:
Մամիկոն Սերգեյի Խաչատրյանին մեղավոր ճանաչել առաջադրված մեղադրանքի 5-րդ դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով և պատիժ նշանակել ազատազրկում` 6 (վեց) տարի ժամկետով` առանց գույքի բռնագրավման:
Մամիկոն Սերգեյի Խաչատրյանին մեղավոր ճանաչել առաջադրված մեղադրանքի 6-րդ դրվագով` ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով: ՀՀ քրեական օրենսգրքի 175-րդ հոդվածի 2-րդ մասի 1-ին կետով նրա նկատմամբ պատիժ նշանակել ազատազրկում` 7 (յոթ) տարի 6 (վեց) ամիս ժամկետով` առանց գույքի բռնագրավման: ՀՀ քրեական օրենսգրքի 324-րդ հոդվածի 1-ին մասով նրա նկատմամբ պատիժ նշանակել ազատազրկում` 9 (ինը) ամիս ժամկետով:
ՀՀ քրեական օրենսգրքի 66-րդ հոդվածով սահմանված կարգով` սույն քրեական գործով նշանակված պատիժները մասնակիորեն գումարելու միջոցով, Մամիկոն Սերգեյի Խաչատրյանի նկատմամբ պատիժ նշանակել ազատազրկում` 10 (տաս) տարի ժամկետով` առանց գույքի բռնագրավման:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի մայիսի 3-ի դատավճռով Մամիկոն Սերգեյի Խաչատրյանի նկատմամբ նշանակված պատիժը` 2 (երկու) տարի ժամկետով ազատազրկումը և սույն դատավճռով նշանակված պատիժը` 10 (տաս) տարի ժամկետով ազատազրկումը, գումարել մասնակիորեն` վերջնական պատիժ նշանակելով ազատազրկում` 11 (տասնմեկ) տարի ժամկետով` պատժի կրման սկիզբը հաշվելով 2012 թվականի մարտի 18-ից:
Մամիկոն Սերգեյի Խաչատրյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Արմեն Վլադիմիրի Գևորգյանին մեղավոր ճանաչել ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով:
ՀՀ քրեական օրենսգրքի 175-րդ հոդվածի 2-րդ մասի 1-ին կետով Արմեն Վլադիմիրի Գևորգյանի նկատմամբ պատիժ նշանակել ազատազրկում` 6 (վեց) տարի 6 (վեց) ամիս ժամկետով` առանց գույքի բռնագրավման:
ՀՀ քրեական օրենսգրքի 324-րդ հոդվածի 1-ին մասով Արմեն Վլադիմիրի Գևորգյանի նկատմամբ պատիժ նշանակել ազատազրկում` 7 (յոթ) ամիս ժամկետով:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Արմեն Վլադիմիրի Գևորգյանի նկատմամբ վերջնական պատիժ նշանակել ազատազրկում` 7 (յոթ) տարի ժամկետով` առանց գույքի բռնագրավման, պատժի կրման սկիզբը հաշվելով 2012 թվականի մարտի 18-ից:
Արմեն Վլադիմիրի Գևորգյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Մարտին Աստվածատուրի Վարդանյանին մեղավոր ճանաչել ՀՀ քրեական օրենսգրքի 175-րդ հոդվածի 2-րդ մասի 1-ին կետով և 324-րդ հոդվածի 1-ին մասով:
ՀՀ քրեական օրենսգրքի 175-րդ հոդվածի 2-րդ մասի 1-ին կետով Մարտին Աստվածատուրի Վարդանյանի նկատմամբ պատիժ նշանակել ազատազրկում` 6 (վեց) տարի ժամկետով` առանց գույքի բռնագրավման:
ՀՀ քրեական օրենսգրքի 324-րդ հոդվածի 1-ին մասով Մարտին Աստվածատուրի Վարդանյանի նկատմամբ պատիժ նշանակել ազատազրկում` 6 (վեց) ամիս ժամկետով:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Մարտին Աստվածատուրի Վարդանյանի նկատմամբ վերջնական պատիժ նշանակել ազատազրկում` 6 (վեց) տարի 3 (երեք) ամիս ժամկետով` առանց գույքի բռնագրավման, պատժի կրման սկիզբը հաշվելով 2012 թվականի մարտի 14-ից:
Մարտին Աստվածատուրի Վարդանյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Տուժող Շուշանիկ Սերոժի Թարոյանի քաղաքացիական հայցը բավարարել. Մամիկոն Սերգեյի Խաչատրյանից հօգուտ Շուշանիկ Սերոժի Թարոյանի, որպես հանցագործությամբ պատճառված վնաս, բռնագանձել 223.830 (երկու հարյուր քսաներեք հազար ութ հարյուր երեսուն) ՀՀ դրամ:
Դատավճիռն օրինական ուժի մեջ մտնելուց հետո 2012 թվականի օգոստոսի 10-ի որոշմամբ իրեղեն ապացույց ճանաչված` «Մոտոռոլա L6» տեսակի բջջային հեռախոսը և ներքնաշապիկը վերադարձնել տուժող Վահագն Լենկայի Պողոսյանին:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ