Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

26 նոյեմբերի 2012թ. ք. Երևան

ԵԿԴ-0157/01/12

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղարներ` Է. Մկրտչյան,
Լ. Առաքելյան,
Ա. Հովհաննիսյան,
մասնակցությամբ`
Հայաստանի Հանրապետության /այսուհետ ՀՀ/
գլխավոր դատախազության
թմրամիջոցների ապօրինի
շրջանառության հանցագործությունների
գործերով բաժնի դատախազ Վ. Միլիտոնյանի,

պաշտպան Ա. Հարությունյանի,



դատարանում, դռնբաց դատական նիստում քննեց գործն ըստ մեղադրանքի
1. Արման Գևորգի Բեգլարյանի`
ծնված 1974թ. մայիսի 05-ին Երևանում, հայ, ՀՀ քաղաքացի, ութամյա կրթությամբ, ամուսնացած, չի աշխատում, նախկինում բազմիցս դատված`
1/ ՀՀ Շահումյանի շրջանի ժողդատարանի 29.09.1995թ. դատավճռով, ՀՀ նախորդ քրեական օրենսգրքի 205-րդ հոդվածի 1-ին մասով դատապարտվել է ազատազրկման երեք տարի ժամկետով։ «Համաներում հայտարարելու մասին» ՀՀ Ազգային ժողովի 26.09.1995թ. որոշմամբ ազատվել է պատժի կրումից,
2/ ՀՀ Գերագույն դատարանի 12.07.1996թ. որոշմամբ, ՀՀ նախորդ քրեական օրենսգրքի 88-րդ հոդվածի 2-րդ մասով դատապարտվել է ազատազրկման ութ տարի երեք ամիս ժամկետով,
3/ ՀՀ Արագածոտնի մարզի առաջին ատյանի դատարանի 20.12.1999թ. դատավճռով, ՀՀ նախորդ քրեական օրենսգրքի 2033 հոդվածի 2-րդ մասով, 222-րդ հոդվածի 2-րդ մասով, նույն օրենսգրքի 37-րդ, 38-րդ և 39-րդ հոդվածների կիրառմամբ դատապարտվել է ազատազրկման վեց տարի ժամկետով,
4/ ՀՀ Կոտայքի մարզի առաջին ատյանի դատարանի 08.06.2005թ. դատավճռով, ՀՀ քրեական օրենսգրքի 34-177-րդ հոդվածի 2-րդ մասի 1-ին, 3-րդ կետերով դատապարտվել է ազատազրկման երկու տարի ժամկետով, 03.08.2006թ. պայմանական վաղաժամկետ ազատվել է պատժի` յոթ ամիս չկրած մասի կրումից,
5/ ՀՀ վերաքննիչ քրեական դատարանի 15.02.2007թ. որոշմամբ, ՀՀ քրեական օրենսգրքի 113-րդ հոդվածի 1-ին մասով, նույն օրենսգրքի 67-րդ հոդվածի կիրառմամբ դատապարտվել է ազատազրկման մեկ տարի վեց ամիս ժամկետով, 25.01.2008թ. պայմանական վաղաժամկետ ազատվել է պատժի` երկու ամիս վեց օր չկրած մասի կրումից,
6/ Երևանի Ավան և Նոր Նորք վարչական շրջանների ընդհանուր իրավասության առաջին ատյանի դատարանի 2009թ. սեպտեմբերի 17-ի դատավճռով, ՀՀ քրեական օրենսգրքի 112-րդ հոդվածի 1-ին մասով դատապարտվել է ազատազրկման 4 /չորս/ տարի ժամկետով, պատժի սկիզբը հաշվելով 2009թ. հունիսի 29-ից, դատվածությունը չմարված, պատիժը կրում է ՀՀ ԱՆ «Նուբարաշեն» ՔԿՀ-ում, հաշվառված է և բնակվել է Երևանի Ղ. Փարպեցու փողոցի թիվ 9ա շենքի թիվ 2 բնակարանում, սույն քրեական գործով խափանման միջոց չի ընտրվել, մեղադրվում է ութ դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, հինգ դրվագով` 268-րդ հոդվածի 1-ին մասով, երկու դրվագով` 38-268-րդ հոդվածի 1-ին մասով, մեկական դրվագներով` 34-38-268-րդ հոդվածի 1-ին մասով, 34-268-րդ հոդվածի 2-րդ մասի 2-րդ կետով,

2. Արայիկ Նորիկի Գրիգորյանի`
ծնված 1970թ. մարտի 08-ին Երևան քաղաքում, հայ, ՀՀ քաղաքացի, ութամյա կրթությամբ, ամուրի, խնամքին ոչ ոք, նախկինում բազմիցս դատված`
1/ Արաբկիրի շրջանի ժողդատարանի 04.07.1991թ. դատավճռով, ՀՀ նախորդ քրեական օրենսգրքի 232-րդ հոդվածի 1-ին մասով դատապարտվել է ազատազրկման վեց ամիս ժամկետով, 22.11.1991թ. ազատվել է` պատիժը կրելով,
2/ Ռուսաստանի Դաշնության Կուրսկի մարզի Լենինյան շրջանի ժողդատարանի 27.04.1993թ. դատավճռով, ՌԴ քրեական օրենսգրքի 144-րդ հոդվածի 3-րդ մասով դատապարտվել է ազատազրկման երեք տարի ժամկետով, 22.12.1995թ. ազատվել է` պատիժը կրելով,
3/ Երևանի Կենտրոն և Նորք-Մարաշ համայնքների առաջին ատյանի դատարանի 11.11.2005թ. դատավճռով, ՀՀ քրեական օրենսգրքի 175-րդ հոդվածի 3-րդ մասի 1-ին կետով դատապարտվել է ազատազրկման տաս տարի ժամկետով։ ՀՀ վճռաբեկ դատարանի 28.03.2006թ. որոշմամբ վերոհիշյալ դատավճիռը փոփոխվել է և պատիժ է նշանակվել ազատազրկում տասնմեկ տարի ժամկետով,
4/ Երևանի Աջափնյակ և Դավիթաշեն համայնքների առաջին ատյանի դատարանի 06.05.2006թ. դատավճռով, ՀՀ քրեական օրենսգրքի 268-րդ հոդվածի 2-րդ մասով, 271-րդ հոդվածի 1-ին մասով, ՀՀ քրեական օրենսգրքի 66-րդ հոդվածի 3-րդ և 6-րդ մասերի կիրառմամբ դատապարտվել է ազատազրկման 13 /տասներեք/ տարի ժամկետով` անձնական գույքի կեսի բռնագրավմամբ և տուգանքի 150.000 /հարյուր հիսուն հազար/ ՀՀ դրամ գումարի չափով, պատժի սկիզբը հաշվելով 2005թ. ապրիլի 06-ից։ Նույն դատարանի 2008թ. հոկտեմբերի 13-ի որոշմամբ ազատվել է ՀՀ քրեական օրենսգրքի 271-րդ հոդվածի 1-ին մասով նշանակված պատժի կրումից, դատվածությունը չմարված, պատիժը կրում է ՀՀ ԱՆ «Նուբարաշեն» ՔԿՀ-ում, հաշվառված է և բնակվել է Երևանի Լենինգրադյան փողոցի թիվ 50/3 շենքի թիվ 49 բնակարանում, սույն քրեական գործով խափանման միջոց չի ընտրվել, մեղադրվում է չորս դրվագով` ՀՀ քրեական օրենսգրքի 268-րդ հոդվածի 1-ին մասով, մեկ դրվագով` 34-268-րդ հոդվածի 1-ին մասով։

3. Կարեն Նորիկի Գրիգորյանի`
ծնված 1968թ. փետրվարի 13-ին Երևան քաղաքում, հայ, ՀՀ քաղաքացի, միջնակարգ-մասնագիտական կրթությամբ, ամուսնացած, նախկինում դատված` Ռուսաստանի Դաշնության Վոլգոգրադի մարզի Դուբովսկի շրջանի դատարանի 04.06.2004թ. դատավճռով, ՌԴ քրեական օրենսգրքի 111-րդ հոդվածի 4-րդ մասով դատապարտվել է ազատազրկման ութ տարի ժամկետով, հաշվառված է և բնակվել է ք.Երևան, Լենինգրադյան փողոցի թիվ 50/3 շենքի թիվ 49 բնակարանում, կալանքի տակ է 26.03.2012թ.-ից, մեղադրվում է չորս դրվագով` ՀՀ քրեական օրենսգրքի 38-268-րդ հոդվածի 1-ին մասով, մեկ դրվագով` 34-38-268-րդ հոդվածի 1-ին մասով։

4. Արթուր Սպարտակի Սարգսյանի`
ծնված 1989թ. սեպտեմբերի 09-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, բնութագրվում է դրական, հաշվառված է ք.Երևան, Կիլիկիայի թիվ 6 շենքի թիվ 13 բնակարանում, փաստացի բնակվել է ք. Երևան, Անդրանիկի փողոցի թիվ 22 շենքի թիվ 40 բնակարանում, կալանքի տակ է 28.03.2012թ.-ից, մեղադրվում է երեք դրվագով` ՀՀ քրեական օրենսգրքի 38-268-րդ հոդվածի 1-ին մասով, յոթ դրվագով` 38-268-րդ հոդվածի 2-րդ մասի 2-րդ կետով։

5. Ներսես Վաղինակի Ավետիսյանի`
ծնված 1968թ. օգոստոսի 09-ին Արմավիրի մարզի Սարդարապատ գյուղում, հայ, ՀՀ քաղաքացի, միջնակարգ կրթությամբ, ամուսնացած, խնամքին մինչև տասնչորս տարեկան մեկ երեխա, նախկինում դատված`
1/ Ռուսաստանի Դաշնության Օմսկի մարզային դատարանի 31.05.1995թ. դատավճռով, ՌԴ քրեական օրենսգրքի 102-րդ հոդվածի «ա» կետով, 218-րդ հոդվածի 1-ին մասսով, 224-րդ հոդվածի 4-րդ մասով, նույն օրենսգրքի 40-րդ հոդվածի կիրառմամբ դատապարտվել է ազատազրկման ութ տարի ժամկետով,
2/ Ռուսաստանի Դաշնության Լենինգրադի մարզի Կրասնոգվարդեյսկի շրջանի դատարանի 13.01.2006թ. դատավճռով, ՌԴ քրեական օրենսգրքի 158-րդ հոդվածի 1-ին մասով դատապարտվել է ազատազրկման տաս ամիս ժամկետով,
3/ ՀՀ Հարավային քրեական դատարանի 16.02.2009թ. դատավճռով, ՀՀ քրեական օրենսգրքի 176-րդ հոդվածի 2-րդ մասի 1-ին, 2-րդ կետերով դատապարտվել է ազատազրկման երեք տարի ժամկետով, պատժի կրման սկիզբը հաշվելով 2008թ. նոյեմբերի 01-ից, դատվածությունը չմարված, բնութագրվում է դրական, հաշվառված է և բնակվել է Արմավիրի մարզի Սարդարապատ գյուղի թիվ 11 փողոցի թիվ 33 տանը, կալանքի տակ է 28.03.2012թ.-ից, մեղադրվում է երկու դրվագով` ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով։

6. Խրիստիկ Բենյամինի Ավանեսյանի`
ծնված 1974թ. նոյեմբերի 11-ին Ադրբեջանի Հանրապետության Բաքու քաղաքում, հայ, ՀՀ քաղաքացի, միջնակարգ կրթությամբ, ամուսնացած, խնամքին մինչև տասնչորս տարեկան երկու երեխա, նախկինում չդատված, ձերբակալվել է 26.03.2012թ., 28.03.2012թ. որպես խափանման միջոց կիրառվել է կալանավորումը, 31.05.2012թ. Խ. Ավանեսյանի նկատմամբ ընտրված խափանման միջոց կալանավորումը փոփոխվել է, որպես խափանման միջոց է ընտրվել չհեռանալու մասին ստորագրությունը և նույն օրն ազատ է արձակվել` անազատության մեջ մնալով 2 /երկու/ ամիս 5 /հինգ/ օր ժամկետով, հաշվառված է և բնակվում է ք. Երևան, Ջրվեժ, Մայակ թաղամասի թիվ 37 շենքի թիվ 15 բնակարանում, մեղադրվում է ութ դրվագով` ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով, յոթ դրվագով` 38-268-րդ հոդվածի 1-ին մասով, մեկական դրվագներով` 34-38-268-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով։




Գործի դատավարական նախապատմությունը

Թիվ 14107812 քրեական գործը ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում հարուցվել է 26.03.2012թ., ՀՀ քրեական օրենսգրքի 266-րդ հոդվածի 2-րդ մասի 2-րդ կետով։
2012թ. ապրիլի 24-ին թիվ 14107812 քրեական գործն ուղարկվել է ՀՀ ոստիկանության ՔԳՎ ՀԿԳ քննության վարչություն և 23.04.2012թ. որոշմամբ ընդունվել է ՀԿԳ ավագ քննիչի վարույթ։
Քննիչի 2012թ. օգոստոսի 21-ի որոշմամբ, թիվ 14107812 քրեական գործից անջատվել է Արթուր Սամվելի Սարգսյանի, Սուրիկ Նվերի Սարգսյանի, ինչպես նաև Արման Բեգլարյանին և Արայիկ Գրիգորյանին զգալի և խոշոր չափերի «բուպրենորֆին» տեսակի թմրամիջոց պարունակող դեղահաբեր իրացնելու, ՀՀ քրեական օրենսգրքի 266-րդ հոդվածով և 266-րդ հոդվածի 2-րդ մասի 2-րդ կետով նախատեսված արարքներ կատարելու վերաբերյալ մասը, այն առանձնացվել է առանձին վարույթում և անջատված մասին շնորհվել է թիվ 69107712 համարը։
Ամբաստանյալ Արման Գևորգի Բեգլարյանին նախաքննության մարմնի կողմից մեղադրանք է առաջադրվել ութ դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, հինգ դրվագով` 268-րդ հոդվածի 1-ին մասով, երկու դրվագով` 38-268-րդ հոդվածի 1-ին մասով, մեկական դրվագներով` 34-38-268-րդ հոդվածի 1-ին մասով, 34-268-րդ հոդվածի 2-րդ մասի 2-րդ կետով հետևյալ արարքների համար. «որ նա 2011թ. հունիս ամսից մինչև 2012թ. մարտի 23-ն ընկած ժամանակահատվածում, որոշ դեպքերում գործով դեռևս չպարզված անձանցից, որոշ դեպքերում՝ Արթուր Սամվելի Սարգսյանից և Սուրիկ Նվերի Խալաթյանից, Արթուր Սպարտակի Սարգսյանի, Խրիստիկ Բենյամինի Ավանեսյանի, Ներսես Վաղինակի Ավետիսյանի և քննությամբ դեռևս չպարզված երրորդ անձանց միջոցով, առանց իրացնելու նպատակի` իր գործածման համար, ապօրինի ձեռք է բերել զգալի և խոշոր չափերի «բուպրենորֆին» տեսակի թմրամիջոց պարունակող հաբեր, բացի այդ՝ երկու դեպքով օժանդակել է «Սևան» ՔԿՀ մեկ այլ դատապարտյալ Արայիկ Նորիկի Գրիգորյանի կողմից առանց իրացնելու նպատակի` զգալի չափերով «բուպրենորֆին» տեսակի թմրամիջոց պարունակող հաբեր ապօրինի ձեռք բերելուն, որն արտահայտվել է հետևյալում.
Այսպես.
2011թ. հունիս-դեկտեմբեր ամիսներին, չպարզված օրերին՝ չորս դեպքով, առանց իրացնելու նպատակի` իր գործածման համար, գործով դեռևս չպարզված անձանցից Արթուր Սպարտակի Սարգսյանի, Խրիստիկ Բենյամինի Ավանեսյանի և ինքնությունը դեռևս չպարզված երրորդ անձանց միջոցով, երեք դեպքով ձեռք է բերել զգալի չափերի` մոտ 0,016-ական գրամ, իսկ մեկ դեպքով` խոշոր չափերի` մոտ 0,024 գրամ «բուպրենորֆին» տեսակի թմրամիջոց պարունակող, համապատասխանաբար՝ երեքական և երկուական դեղահաբեր, այն է` խնդրել է Արթուր Սարգսյանին վերցնել քննությամբ դեռևս չպարզված անձանց կողմից Երևան քաղաքի Կլիլիկիա 6 շենքի մուտքի մոտ, ծխախոտի տուփի մեջ թողնված, երեք դեպքով՝ զգալի չափի` մոտ 0,016-ական գրամ, իսկ մեկ դեպքով՝ խոշոր չափերի` մոտ 0,024-ական գրամ «բուպրենորֆին» տեսակի թմրամիջոց պարունակող, համապատասխանաբար՝ երեքական և մեկ դեղահաբերը և իրեն հանձնելու համար փոխանցել Խրիստիկ Ավանեսյանին։ Այնուհետև, թմրամիջոցը յուրաքանչյուր անգամ Խրիստիկ Ավանեսյանի օժանդակությամբ իր ծանոթ՝ գործով դեռևս չպարզված անձանց փոխանցելուց և արդեն նրանց միջոցով «Սևան» ՔԿ հիմնարկ փոխադրելուց հետո, Արման Բեգլարյանն ապօրինի ձեռք է բերել թմրամիջոցների վերը նշված քանակությունները։
Այսինքն, Արման Գևորգի Բեգլարյանն առանց իրացնելու նպատակի 3 դեպքով ապօրինի ձեռք է բերել զգալի չափի, իսկ 1 դեպքով՝ խոշոր չափի թմրամիջոց, կատարել է հանցավոր արարքներ, որոնք նախատեսված են ՀՀ Քրեական օրենսգրքի 268-րդ հոդվածի 2-րդ մասի 2-րդ կետով և 268 հոդվածի 1-ին մասերով։
Նկարագրված դեպքերից բացի, նույն ժամանակահատվածում` չպարզված օրերին, առանց իրացնելու նպատակի` իր գործածման համար ապօրինի թմրամիջոց ձեռք բերելու դիտավորությամբ, խնդրել է Արթուր Սպարտակի Սարգսյանին վերցնել քննությամբ դեռևս չպարզված անձանց կողմից իրենց շենքի մուտքի մոտ, ծխախոտի տուփի մեջ թողնված խոշոր չափերի` երեք դեպքով՝ մոտ 0,024-ական գրամ, իսկ մեկ դեպքով` մոտ 0,032 գրամ «բուպրենորֆին» տեսակի թմրամիջոց պարունակող, համապատասխանաբար՝ երեքական և չորսական դեղահաբեր, դրանք Խրիստիկ Ավանեսյանի հետ միասին նրա վարած ավտոմեքենայով տեղափոխել «Սևան» ՔԿհիմնարկ։ Այնուհետև, Արթուր Սարգսյանի կողմից դրանք կպչուն ժապավենով հետանցքին ամրացնելուց և ՔԿՀ տարածք անցկացնելուց հետո, տեսակցության ժամանակ նրանից ապօրինի ձեռք է բերել նշված քանակություններով թմրամիջոցները։
Այսինքն, Արման Գևորգի Բեգլարյանն առանց իրացնելու նպատակի 4 դեպքով ապօրինի ձեռք է բերել խոշոր չափերի թմրամիջոց, կատարել է հանցավոր արարքներ, որոնք նախատեսված են ՀՀ Քրեական օրենսգրքի 268-րդ հոդվածի 2-րդ մասի 2-րդ կետով։
Շարունակելով հանցավոր գործունեությունը` Արման Բեգլարյանն իր գործածման համար ապօրինի թմրամիջոց ձեռք բերելու դիտավորությամբ, խնդրել է Ներսես Վաղինակի Ավետիսյանին գնելու միջոցով Արթուր Սամվելի Սարգսյանից ձեռք բերել «բուպրենորֆին» տեսակի թմրամիջոց պարունակող 4-ական դեղահաբեր։ Դրանք ձեռք բերելու համար անհրաժեշտ գումարները փոխանցելու և թմրամիջոցները ստանալու նպատակով, երկու դեպքով՝ 2011թ. դեկտեմբեր 10-ին և 14-ին, Խրիստիկ Ավանեսյանին ուղարկել է Արմավիր քաղաք, որտեղ վերջինս յուրաքանչյուր անգամ Ներսես Ավետիսյանին 160.000-ական ՀՀ դրամ փոխանցելով, նրանից ստացել է վերջինիս կողմից Արթուր Սամվելի Սարգսյանից գնելու եղանակով ապօրինի ձեռք բերված, յուրաքանչյուր անգամ՝ խոշոր չափերի` մոտ 0,032-ական գրամ «բուպրենորֆին» տեսակի թմրամիջոց պարունակող 4-ական դեղահաբեր, որոնք Արման Բեգլարյանին հանձնելու համար, նրա ցուցումով փոխանցել է Արթուր Սպարտակի Սարգսյանին։ Արթուր Սարգսյանի կողմից թմրամիջոցները հանձնուքի մեջ թաքցնելու միջոցով «Սևան» ՔԿՀ անցկացնելուց հետո, Արման Բեգլարյանն ապօրինի ձեռք է բերել դրանք։
Այսինքն, Արման Գևորգի Բեգլարյանն առանց իրացնելու նպատակի 2 դեպքով ապօրինի ձեռք է բերել խոշոր չափերի թմրամիջոց, կատարել է հանցավոր արարքներ, որոնք նախատեսված են ՀՀ Քրեական օրենսգրքի 268-րդ հոդվածի 2-րդ մասի 2-րդ կետով։
Նկարագրվածներից բացի, Արման Բեգլարյանը, նույն ժամանակահատվածում՝ չպարզված օրերին՝ երկու դեպքով, կրկին իր գործածման համար ապօրինի թմրամիջոց ձեռք բերելու դիտավորությամբ, խնդրել է Խրիստիկ Ավանեսյանին իր մատնանշած անձանցից հավաքած գումարներից քննությամբ դեռևս չպարզված անձանց վճարելով, Երևան քաղաքի ՀԱ թաղամասում` «Երևան Սիթի» սուպերմարկետի մոտ, նաև՝ «Ռոսիա» կինոթատրոնի մոտ, նրանցից ապօրինի ձեռք բերել յուրաքանչյուր անգամ՝ զգալի չափերի` մոտ 0,016-ական գրամ «բուպրենորֆին» տեսակի թմրամիջոց պարունակող 2-ական դեղահաբեր, և իրեն փոխանցելու նպատակով նույն թաղամասի Զորավար Անդրանիկի արձանի մոտ և Աճառյան փողոցում, ապօրինի հանձնել քննությամբ դեռևս չպարզված անձանց, որոնց միջոցով էլ «Սևան» ՔԿՀ հասցնելուց հետո, ապօրինի ձեռք է բերել նշված քանակություններով թմրամիջոցները։
Այսինքն, Արման Գևորգի Բեգլարյանն առանց իրացնելու նպատակի 2 դեպքով ապօրինի ձեռք է բերել զգալի չափի թմրամիջոց, կատարել է հանցավոր արարքներ, որոնք նախատեսված են ՀՀ Քրեական օրենսգրքի 268-րդ հոդվածի 1-ին մասերով։
Բացի այդ, նույն ժամանակահատվածում՝ չպարզված օրը, իր հետ պատիժ կրող դատապարտյալ Արայիկ Նորիկի Գրիգորյանի կողմից գործածման համար թմրամիջոց ձեռք բերելուն օժանդակելու դիտավորությամբ, խնդրել է Խրիստիկ Ավանեսյանին Երևանի Լենինգրադյան փողոցում գտնվող «Բլից» բենզալցակայանի մոտ հանդիպել Արայիկ Գրիգորյանի եղբորը՝ Կարեն Գրիգորյանին և նրանից ստանալ զգալի չափի` մոտ 0,008 գրամ «բուպրենորֆին» տեսակի թմրամիջոց պարունակող մեկ դեղահաբ։ Խրիստիկ Ավանեսյանի կողմից նշված թմրամիջոցը ստանալուց հետո, այն «Սևան» ՔԿՀ-ում Արայիկ Գրիգորյանին փոխանցելու համար, խնդրել է նույն օրը Երևան քաղաքի Լենինգրադյան փողոցում թմրամիջոց պարունակող դեղահաբը հանձնել է քննությամբ դեռևս չպարզված անձին։
Այսինքն, Արման Գևորգի Բեգլարյանը 1 դեպքով օժանդակել է գործածման նպատակով ապօրինի թմրամիջոց ձեռք բերելուն, կատարել է հանցավոր արարք, որը նախատեսված է ՀՀ Քրեական օրենսգրքի 38-268-րդ հոդվածի 1-ին մասով։
Շարունակելով հանցավոր գործունեությունը` կրկին իր գործածման համար ապօրինի թմրամիջոց ձեռք բերելու դիտավորությամբ, խնդրել է Խրիստիկ Ավանեսյանին 2012թ. մարտի 18-ին, Երևան քաղաքի Նորագյուղ թաղամասում հանդիպել Սուրիկ Նվերի Խալաթյանին և ձեռք բերել խոշոր չափերի` մոտ 0,028 գրամ «բուպրենորֆին» տեսակի թմրամիջոց պարունակող թվով 3,5 դեղահաբեր։ Նույն օրը, Արայիկ Նորիկի Գրիգորյանի կողմից թմրամիջոց ձեռք բերելուն օժանդակելու դիտավորությամբ, խնդրել է Խրիստիկ Ավանեսյանին՝ նույն վայրում հանդիպել վերջինիս եղբորը՝ Կարեն Գրիգորյանին և ձեռք բերել զգալի չափի` մոտ 0,008 գրամ «բուպրենորֆին» տեսակի թմրամիջոց պարունակող մեկ դեղահաբ։ Թմրամիջոցների ընդհանուր քանակությունը՝ խոշոր չափերի՝ մոտ 0.036 գրամ «բուպրենորֆին» տեսակի թմրամիջոց պարունակող թվով 4,5 դեղահաբերը Խրիստիկ Ավանեսյանի կողմից ապօրինի ձեռք բերելուց հետո, դրանք «Սևան» ՔԿՀ-ում իրեն և Արայիկ Գրիգորյանին հանձնելու համար, պատվիրել է փոխանցել քննությամբ դեռևս չպարզված անձին, որի միջոցով էլ ապօրինի ձեռք են բերել նշված քանակություններով թմրամիջոցները։
Այսինքն, Արման Գևորգի Բեգլարյանը 1 դեպքով օժանդակել է գործածման նպատակով ապօրինի թմրամիջոց ձեռք բերելուն, նաև 1 դեպքով ապօրինի ձեռք է բերել խոշոր չափի թմրամիջոց, կատարել է հանցավոր արարքներ, որոնք նախատեսված են ՀՀ Քրեական օրենսգրքի 38-268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով։
Բացի այդ, կրկին իր գործածման համար ապօրինի թմրամիջոց ձեռք բերելու դիտավորությամբ, 2012թ. մարտի 23-ին խնդրել է Խրիստիկ Ավանեսյանին՝ Երևան քաղաքի Շահումյան թաղամասի շենքերից մեկի նկուղի մոտից վերցնել քննությամբ դեռևս չպարզված անձի կողմից այնտեղ թողնված, խոշոր չափերի` մոտ 0,024 գրամ «բուպրենորֆին» տեսակի թմրամիջոց պարունակող 3 դեղահաբերը։ Նույն օրը, կրկին Արայիկ Գրիգորյանի կողմից թմրամիջոց ձեռք բերելուն օժանդակելու դիտավորությամբ, խնդրել է Խրիստիկ Ավանեսյանին Երևան քաղաքի Լենինգրադյան փողոցում հանդիպել վերջինիս եղբորը` Կարեն Գրիգորյանին և նրանից ձեռք բերել զգալի չափի` մոտ 0,008 գրամ «բուպրենորֆին» տեսակի թմրամիջոց պարունակող մեկ դեղահաբ։ Թմրամիջոցների ընդհանուր քանակությունը՝ խոշոր չափերի՝ մոտ 0.032 գրամ «բուպրենորֆին» տեսակի թմրամիջոց պարունակող թվով 4 դեղահաբերը Խրիստիկ Ավանեսյանի կողմից ապօրինի ձեռք բերելուց հետո, դրանք «Սևան» ՔԿՀ-ում իրեն և Արայիկ Գրիգորյանին հանձնելու համար, 2012թ. մարտի 24-ին, պատվիրել է փոխադրել Երևան քաղաքի Ա.Խաչատրյան 1-ին նրբանցք 2 շենքի մոտ և փոխանցել գործով դեռևս չպարզված իր ծանոթին, սակայն իր կամքից անկախ հանգամանքներով հանցագործությունն ավարտին չի հասցրել՝ չի կարողացել դրանք ապօրինի ձեռք բերել, քանի որ Խրիստիկ Ավանեսյանը նշված հասցեում բռնվել է ոստիկանության աշխատակիցների կողմից։
Այսինքն, Արման Գևորգի Բեգլարյանը 1 դեպքով փորձել է օժանդակել գործածման նպատակով զգալի չափի թմրամիջոց ապօրինի ձեռք բերելուն, նաև 1 դեպքով փորձել է ապօրինի ձեռք բերել խոշոր չափի թմրամիջոց, կատարել է հանցավոր արարքներ, որոնք նախատեսված են ՀՀ Քրեական օրենսգրքի 34-38-268-րդ հոդվածի 1-ին մասով և 34-268-րդ հոդվածի 2-րդ մասի 2-րդ կետով։»։
Ամբաստանյալ Արայիկ Նորիկի Գրիգորյանին նախաքննության մարմնի կողմից մեղադրանք է առաջադրվել չորս դրվագով` ՀՀ քրեական օրենսգրքի 268-րդ հոդվածի 1-ին մասով, մեկ դրվագով` 34-268-րդ հոդվածի 1-ին մասով հետևյալ արարքների համար. «որ նա 2012թ. հունվար ամսից մինչև 2012թ. մարտի 23-ն ընկած ժամանակահատվածում, գործով դեռևս չպարզված անձանցից, եղբոր` Արայիկ Գրիգորյանի, «Սևան» ՔԿՀ դատապարտյալ Արման Բեգլարյանի, Խրիստիկ Ավանեսյանի և քննությամբ դեռևս չպարզված երրորդ անձի միջոցով, առանց իրացնելու նպատակի` իր գործածման համար, 5 դեպքով ապօրինի ձեռք է բերել զգալի չափերի «բուպրենորֆին» տեսակի թմրամիջոց պարունակող հաբեր.
Այսպես.
2012թ. հունվարի 4-ին, առանց իրացնելու նպատակի` իր գործածման համար, թմրամիջոցներ ձեռք բերելու դիտավորությամբ, խնդրել է եղբորը` Կարեն Գրիգորյանին, Երևան քաղաքի Ալեք Մանուկյան փողոցում հանդիպել քննությամբ դեռևս չպարզված անձի և վերցնել զգալի չափի` մոտ 0,008 գրամ, «բուպրենորֆին» տեսակի թմրաիջոց պարունակող մեկ դեղահաբ։ Թմրամիջոցը ստանալուց հետո խնդրել է եղբորը թմրամիջոցը իրեն փոխանցելու նպատակով Հրազդան քաղաքում ապօրինի հանձնել քննությամբ դեռևս չպարզված մեկ այլ անձի, որի միջոցով էլ «Սևան» ՔԿՀ հասցնելուց հետո, ապօրինի ձեռք է բերել նշված քանակությունով թմրամիջոցը։
Այսինքն, Արայիկ Նորիկի Գրիգորյանը առանց իրացնելու նպատակի 1 դեպքով ապօրինի ձեռք է բերել զգալի չափի թմրամիջոց, կատարել է հանցավոր արարք, որը նախատեսված է ՀՀ քրեական օրենսգրքի 268-րդ հոդվածի 1-ին մասով։
Բացի այդ, նույն ժամանակահատվածում՝ 2012թ. հունվարի վերջերին, առանց իրացնելու նպատակի, իր գործածման համար, թմրամիջոցներ ձեռք բերելու դիտավորությամբ, խնդրել է Կարեն Գրիգորյանին 45.000 ՀՀ դրամ գումարը քննությամբ դեռևս չպարզված անձանց փոխանցելուց հետո, ՀԱ թաղամասում հանդիպել քննությամբ դեռևս չպարզված մեկ այլ անձի և վերցնել զգալի չափի` մոտ 0,008 գրամ, «բուպրենորֆին» տեսակի թմրաիջոց պարունակող մեկ դեղահաբ ։ Թքրամջիոցը վերցնելուց և եղբոր կողմից իր ցուցումով հանձնուքի մեջ թաքցնելու միջոցով «Սևան» ՔԿՀ անցկացնելուց հետո` ապօրինի ձեռք է բերել նշված քանակությունով թքրամիջոցը ։
Այսինքն, Արայիկ Նորիկի Գրիգորյանը առանց իրացնելու նպատակի 1 դեպքով ապօրինի ձեռք է բերել զգալի չափի թմրամիջոց, կատարել է հանցավոր արարք, որը նախատեսված է ՀՀ քրեական օրենսգրքի 268-րդ հոդվածի 1-ին մասերով։
Շարունակելով հանցավոր գործունեությունը, նույն ժամանակահատվածում, առանց իրացնելու նպատակի, իր գործածման համար, թմրամիջոցներ ձեռք բերելու դիտավորությամբ, երեք դեպքով խնդրել է եղբորը՝ Կարեն Գրիգորյանին, Երևան քաղաքի տարբեր վայրերում հանդիպել քննությամբ դեռևս չպարզված անձանց և վերցնել զգալի չափերի` մոտ 0,008 գրամ «բուպրենորֆին» տեսակի թմրամիջոց պարունակող մեկական հաբեր ու դրանք իրեն փոխանցելու համար հանձնել «Սևան» ՔԿՀ մեկ այլ դատապարտյալ Արման Բեգլարյանին թմրամիջոցներ ձեռք բերելու գործում օգնող տաքսի ավտոմեքենայի վարորդ Խրիստիկ Ավանեսյանին։ Խրիստիկ Ավանեսյանի կողմից նշված թմրամիջոցը ստանալուց հետո, այն «Սևան» ՔԿՀ-ում իրեն փոխանցելու համար, Արման Բեգլարյանի միջոցով խնդրել է Երևան քաղաքի Լենինգրադյան փողոցում թմրամիջոց պարունակող դեղահաբերը հանձնել է քննությամբ դեռևս չպարզված անձանց` որոնց միջոցով էլ «Սևան» ՔԿՀ հասցնելուց հետո, ապօրինի ձեռք է բերել նշված քանակությունով թմրամիջոցը։ Դեպքերից մեկում սակայն իր կամքից անկախ հանգամանքներում չի կարողացել հանցագործությունն ավարտին հասցնել` չի կարողացել ապօրինի ձեռք բերել թմրամիջոցը, քանի որ Խրիստիկ Ավանեսյանը դրանք «Սևան» ՔԿՀ-ում իրեն հանձնելու համար, գործով դեռևս չպարզված անձին փոխանցելու ժամանակ բռնվել է ոստիկանության աշխատակիցների կողմից։
Այսինքն, Արայիկ Նորիկի Գրիգորյանը առանց իրացնելու նպատակի 2 դեպքով ապօրինի ձեռք է բերել զգալի չափերի թմրամիջոց, իսկ մեկ դեպքով` փորձել է ձեռք բերել, կատարել է հանցավոր արարքներ, որոնք նախատեսված են ՀՀ Քրեական օրենսգրքի 268-րդ հոդվածի 1-ին մասով և 34-268 հոդվածի 1-ին մասով։»։
Ամբաստանյալ Կարեն Նորիկի Գրիգորյանին նախաքննության մարմնի կողմից մեղադրանք է առաջադրվել չորս դրվագով` ՀՀ քրեական օրենսգրքի 38-268-րդ հոդվածի 1-ին մասով, մեկ դրվագով` 34-38-268-րդ հոդվածի 1-ին մասով հետևյալ արարքների համար. «որ նա եղբոր` Արայիկ Գրիգորյանի կողմից թմրամիջոցներ ապօրինի ձեռք բերելուն օժանդակելու դիտավորությամբ, նրա խնդրանքով 2012թ. հունվարի 4-ին Երևան քաղաքի Ալեք Մանուկյան փողոցում հանդիպելով քննությամբ դեռևս չպարզված անձի հետ նրանից ստացել է զգալի չափի` մոտ 0,008 գրամ, «բուպրենորֆին» տեսակի թմրաիջոց պարունակող մեկ դեղահաբ, որը ապօրինի փոխադրել է Հրազդան և եղբորը փոխանցելու նպատակով ապօրինի հանձնել է վերջինիս մատնանշած` քննությամբ դեռևս չպարզված անձին։
Բացի այդ, կրկին եղբոր կողմից թմրամիջոց ապօրինի ձեռք բերելուն օժանդակելու դիտավորությամբ, 2012թ. հունվարի վերջերին, 45.000 ՀՀ դրամ գումար է փոխանցել քննությամբ դեռևս չպարզված երկու անձանց, որից հետո նրա ցուցումով գնացել է ՀԱ թաղամաս և հանդիպելով քննությամբ դեռևս չպարզված անձի հետ նրանից ստացել է զգալի չափի` մոտ 0,008 գրամ, բուպրենորֆին» տեսակի թքրամիջոց պարունակող մեկ դեղահաբ, եղբոր ցուցումով փաթեթավորել կոնֆետի թղթով և նրան հանձնելու համար հանձնուքի մեջ թաքցնելով ապօրինի կերպով փոխադրել է «Սևան» ՔԿՀ։
Շարունակելով հանցավոր գործունեությունը, նույն ժամանակահատվածում, երեք դեպքով, եղբոր ցուցումով, Երևան քաղաքի տարբեր վայրերում հանդիպելով քննությամբ դեռևս չպարզված անձանց, վերցնելու միջոցով ապօրինի կերպով ձեռք է բերել յուրաքանչյուր անգամ զգալի չափի` մոտ 0,008-ական գրամ, «բուպրենորֆին» տեսակի թմրամիջոց պարունակող մեկական դեղահաբեր և եղբորը հանձնելու համար, նրա ցուցումով Երևանի Լենինգրադյան փողոցում գտնվող «Բլից» բենզալցակայանի մոտ յուրաքանչյուն անգամ հանդիպելով Խրիստիկ Ավանեսյանին ապօրինի կերպով փոխանցել է վերջինիս։ Նշված դեպքերից մեկում սակայն Կարեն Գրիգորյանը հանցագործությունն ավարտին չի հասցրել, քանի որ թմրամիջոցը հանձնելու ժամանակ Խրիստիկ Ավանեսյանը բռնվել է ոստիկանության աշխատակիցների կողմից։»։
Ամբաստանյալ Արթուր Սպարտակի Սարգսյանին նախաքննության մարմնի կողմից մեղադրանք է առաջադրվել երեք դրվագով` ՀՀ քրեական օրենսգրքի 38-268-րդ հոդվածի 1-ին մասով, յոթ դրվագով` 38-268-րդ հոդվածի 2-րդ մասի 2-րդ կետով հետևյալ արարքների համար. «որ նա մի քանի դեպքերով օժանդակել է ՀՀ ԱՆ «Սևան» ՔԿ հիմնարկի դատապարտյալ Արման Բեգլարյանին զգալի և խոշոր չափերի թմրամիջոցների ձեռք բերման գործում։
Այսպես. 2011թ. հունիս-դեկտեմբեր ամիսներին, չպարզված օրերին՝ չորս դեպքով, Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, նրա ցուցումով վերցնելու միջոցով, ապօրինի ձեռք է բերել քննությամբ դեռևս չպարզված անձանց կողմից իրենց` Երևան քաղաքի Կլիլիկիա 6 շենքի մուտքի մոտ, ծխախոտի տութի մեջ թողնված, երեք դեպքով զգալի չափի` մոտ 0,016-ական գրամ, իսկ մեկ դեպքով խոշոր չափերի` մոտ 0,024-ական գրամ «բուպրենորֆին» տեսակի թմրամիջոց պարունակող համապատասխանաբար երեքական և երկուական դեղահաբերը և Արման Բեգլարյանին փոխանցելու համար` հանձնել է Խրիստիկ Ավանեսյանին։
Այսինքն, Արթուր Սարգսյանն 3 դեպքով օժանդակել է առանց իրացնելու նպատակի զգալի չափերի, իսկ 1 դեպքով՝ խոշոր չափի թմրամիջոց ձեռք բերելուն, կատարել է հանցավոր արարքներ, որոնք նախատեսված են ՀՀ Քրեական օրենսգրքի 38-268-րդ հոդվածի 1-ին մասով և 38-268-րդ հոդվածի 2-րդ մասով։
Շարունակելով հանցավոր գործունեությունը, նույն ժամանակահատվածում, չպարզված օրերին՝ չորս դեպքով, Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, նրա ցուցումով վերցնելու միջոցով, ապօրինի ձեռք է բերել քննությամբ դեռևս չպարզված անձանց կողմից իրենց շենքի մուտքի մոտ, ծխախոտի տուփի մեջ թողնված խոշոր չափերի` երեք դեպքով մոտ 0,024-ական գրամ, մեկ դեպքով` մոտ 0,032 գրամ «բուպրենորֆին» պարունակող համապատասխանաբար երեքական և չորսական դեղահաբերը և Արման Բեգլարյանի ցուցումով թմրամջջոցները կպչուն ժապավենով հետանցքին ամրացնելու եղանակով ապօրինի կերպով տեխափոխել է «Սևան» ՔԿ հիմնարկ և փոխանցել է վերջինիս։
Այսինքն, Արթուր Սարգսյանն 4 դեպքով օժանդակել է առանց իրացնելու նպատակի խոշոր չափերի, թմրամիջոցներ ձեռք բերելուն, կատարել է հանցավոր արարքներ, որոնք նախատեսված են ՀՀ Քրեական օրենսգրքի 38-268-րդ հոդվածի 2-րդ մասով։
Բացի այդ, կրկին Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, նրա պատվերով, երկու դեպքով՝ 2011թ. դեկտեմբերի 10-ին և 14-ին Խրիստիկ Ավանեսյանից ապօրինի ձեռք է բերել յուրաքանչյուր անգամ խոշոր չափերի` մոտ 0,032-ական գրամ «բուպրենորֆին» տեսակի թմրամիջոց պարունակող 4-ական դեղահաբերը, որոնք Արման Բեգլարյանին հանձնելու համար հանձնուքի մեջ թաքցնելով ապօրինի կերպով փոխադրել է «Սևան» ՔԿՀ և փոխանցել վերջինիս։
Այսինքն, Արթուր Սարգսյանն 2 դեպքով օժանդակել է առանց իրացնելու նպատակի խաշոր չափերի, թմրամիջոցներ ձեռք բերելուն, կատարել է հանցավոր արարքներ, որոնք նախատեսված են ՀՀ Քրեական օրենսգրքի 38-268-րդ հոդվածի 2-րդ մասով։»։
Ամբաստանյալ Ներսես Վաղինակի Ավետիսյանին նախաքննության մարմնի կողմից մեղադրանք է առաջադրվել երկու դրվագով` ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով հետևյալ արարքների համար. «որ նա ՀՀ ԱՆ «Սևան» ՔԿ հիմնարկում պատիժ կրող իր ծանոթ Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, նրա պատվերով, երկու դեպքով՝ 2011թ. դեկտեմբեր 10-ին և 14-ին, Արմավիր քաղաքում հանդիպել է Արման Բեգլարյանի կողմից ուղարկված Խրիստիկ Ավանեսյանին, վերցրել 160.000-ական ՀՀ դրամը, գումարները փոխանցելով Արթուր Սամվելի Սարգսյանին նրանից ապօրինի ձեռք է բերել յուրաքանչյուր անգամ խոշոր չափերի` մոտ 0,032-ական գրամ «բուպրենորֆին» տեսակի թմրամիջոց պարունակող 4-ական դեղահաբեր, որոնք Արման Բեգլարյանին հանձնելու համար նրա ցուցումով փոխանցել է Խրիստիկ Ավանեսյանին։»։
Ամբաստանյալ Խրիստիկ Բենյամինի Ավանեսյանին նախաքննության մարմնի կողմից մեղադրանք է առաջադրվել ութ դրվագով` ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով, յոթ դրվագով` 38-268-րդ հոդվածի 1-ին մասով, մեկական դրվագներով` 34-38-268-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով հետևյալ արարքների համար. «որ նա 2011թ. հունիս ամսից մինչև 2012թ. մարտի 23-ը, օժանդակել է Արման Գևորգի Բեգլարյանի և Արայիկ Նորիկի Գրիգորյանի կողմից առանց իրացնելու նպատակի զգալի և խոշոր չափերով թքրամիջոցներ ձեռք բերելու գործում։
Այսպես.
2011թ. հունիս-դեկտեմբեր ամիսներին, չպարզված օրերին՝ չորս դեպքով, Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, նրա պատվերով իր վարած «ՎԱԶ-2107» մակնիշի՝ 20 օօ 305 համարանիշի ավտոմեքենայով մեկնել ու յուրաքանչյուր անգամ Երևան քաղաքի Կիլիկիա թաղամասում հանդիպել է Արթուր Սպարտակի Սարգսյանին, որից երեք դեպքով ստանալով զգալի չափերի` մոտ 0,016-ական գրամ, իսկ մեկ դեպքով՝ խոշոր չափերի` մոտ 0,024-ական գրամ «բուպրենորֆին» տեսակի թմրամիջոց պարունակող, համապատասխանաբար՝ 2-ական և 3-ական դեղահաբեր, դրանք ապօրինի փոխադրել և Արման Բեգլարյանին փոխանցելու նպատակով Աճառյան փողոցում և «Ջրվեժ» թաղամասում, ապօրինի հանձնել է վերջինիս մատնանշած՝ քննությամբ դեռևս չպարզված անձանց։
Այսինքն, Խրիստիկ Ավանեսյանն 3 դեպքով օժանդակել է առանց իրացնելու նպատակի զգալի չափերի, իսկ 1 դեպքով՝ խոշոր չափի թմրամիջոց ձեռք բերելուն, կատարել է հանցավոր արարքներ, որոնք նախատեսված են ՀՀ Քրեական օրենսգրքի 38-268-րդ հոդվածի 1-ին մասով և 38-268-րդ հոդվածի 2-րդ մասով։
Նկարագրված դեպքերից բացի, նույն ժամանակահատվածում, չպարզված օրերին՝ չորս դեպքով, Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, թմրամիջոցը ՔԿՀ տարածք անցկացնելու և վերջինիս հանձնելու համար, նրա պատվերով իր վարած «ՎԱԶ-2107» մակնիշի՝ 20 օօ 305 համարանիշի ավտոմեքենայով, յուրաքանչյուր դեպքով Արթուր Սպարտակի Սարգսյանին՝ վերջինիս մոտ առկա՝ դեռևս չպարզված հանգամանքներում ապօրինի ձեռք բերված խոշոր չափերի՝ մոտ 0.024-ական գրամ «բուպրենորֆին» պարունակող 3 դեղահաբերի հետ միասին Երևանից տեղափոխել է Սևան ՔԿՀ։
Այսինքն, Խրիստիկ Ավանեսյանն 4 դեպքով օժանդակել է առանց իրացնելու նպատակի խոշոր չափերի, թմրամիջոցներ ձեռք բերելուն, կատարել է հանցավոր արարքներ, որոնք նախատեսված են ՀՀ Քրեական օրենսգրքի 38-268-րդ հոդվածի 2-րդ մասով։
Շարունակելով հանցավոր գործունեությունը, Խրիստիկ Ավանեսյանը, կրկին Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, նրա պատվերով, երկու դեպքով՝ 2011թ. դեկտեմբեր 10-ին և 14-ին, «Սևան» ՔԿՀ-ում պատիժ կրող դատապարտյալների հարազատներից հավաքած գումարներից Արմավիր քաղաքում Ներսես Ավետիսյանին 160.000-ական ՀՀ դրամ փոխանցելով, նրանից ապօրինի ձեռք է բերել յուրաքանչյուր անգամ խոշոր չափերի` մոտ 0,032-ական գրամ «բուպրենորֆին» տեսակի թմրամիջոց պարունակող 4-ական դեղահաբեր, որոնք փոխանցել է Արթուր Սարգսյանին՝ վերջինիս կողմից Արման Բեգլարյանին հանձնելու համար։
Այսինքն, Խրիստիկ Ավանեսյանն 2 դեպքով օժանդակել է առանց իրացնելու նպատակի խոշոր չափերի, թմրամիջոցներ ձեռք բերելուն, կատարել է հանցավոր արարքներ, որոնք նախատեսված են ՀՀ Քրեական օրենսգրքի 38-268-րդ հոդվածի 2-րդ մասով։
Նկարագրվածներից բացի, նույն ժամանակահատվածում՝ չպարզված օրերին՝ երկու դեպքով, կրկին Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, նրա պատվերով և մատնանշած անձանցից հավաքած գումարներից վճարելով քննությամբ դեռևս չպարզված անձանց, Երևան քաղաքի ՀԱ թաղամասում` «Երևան Սիթի» սուպերմարկետի մոտ, նաև՝ «Ռոսիա» կինոթատրոնի մոտ, անհայտ անձանցից ապօրինի ձեռք է բերել յուրաքանչյուր անգամ զգալի չափերի` մոտ 0,016-ական գրամ «բուպրենորֆին» տեսակի թմրամիջոց պարունակող 2-ական դեղահաբեր, որոնք Արման Բեգլարյանին փոխանցելու նպատակով, նրա պատվերով, համապատասխանաբար՝ նույն թաղամասի Զորավար Անդրանիկի արձանի մոտ և Աճառյան փողոցում, ապօրինի հանձնել է քննությամբ դեռևս չպարզված անձանց։
Այսինքն, Խրիստիկ Ավանեսյանն 2 դեպքով օժանդակել է առանց իրացնելու նպատակի զգալի չափերի, թմրամիջոցներ ձեռք բերելուն, կատարել է հանցավոր արարքներ, որոնք նախատեսված են ՀՀ Քրեական օրենսգրքի 38-268-րդ հոդվածի 1-ին մասով։
Բացի այդ, նույն ժամանակահատվածում՝ չպարզված օրը, Արման Բեգլարյանի խնդրանքով, վերջինիս ծանոթ՝ նույն ՔԿ հիմնարկում պատիժ կրող դատապարտյալ Արայիկ Նորիկի Գրիգորյանի կողմից թմրամիջոց ձեռք բերելուն օժանդակելու դիտավորությամբ, Արման Բեգլարյանի խնդրանքով Երևանի Լենինգրադյան փողոցում գտնվող «Բլից» բենզալցակայանի մոտ հանդիպել է Արայիկ Գրիգորյանի եղբորը՝ Կարեն Գրիգորյանին, որից ապօրինի ձեռք բերելով զգալի չափի` մոտ 0,008 գրամ «բուպրենորֆին» տեսակի թմրամիջոց պարունակող մեկ դեղահաբ, նույն օրը Արայիկ Գրիգորյանին փոխանցելու համար Երևան քաղաքի Լենինգրադյան փողոցում հանձնել է քննությամբ չպարզված անձին։
Այսինքն, Խրիստիկ Ավանեսյանն 1 դեպքով օժանդակել է առանց իրացնելու նպատակի զգալի չափերի, թմրամիջոցներ ձեռք բերելուն, կատարել է հանցավոր արարք, որը նախատեսված է ՀՀ Քրեական օրենսգրքի 38-268-րդ հոդվածի 1-ին մասով։
Շարունակելով հանցավոր գործունեությունը, կրկին Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, նրա պատվերով 2012թ. մարտի 18-ին, Երևան քաղաքի Նորագյուղ թաղամասում հանդիպել է Սուրիկ Նվերի Խալաթյանին, որից ապօրինի ձեռք է բերել խոշոր չափերի` մոտ 0,028 գրամ «բուպրենորֆին» տեսակի թմրամիջոց պարունակող թվով 3,5 դեղահաբեր։ Նույն օրը, կրկին Արման Բեգլարյանի խնդրանքով, այս անգամ նրա ծանոթ Արայիկ Գրիգորյանի կողմից թմրամիջոց ձեռք բերելուն օժանդակելու դիտավորությամբ, նույն վայրում հանդիպելով վերջինիս եղբորը՝ Կարեն Գրիգորյանին, նրանից ապօրինի ձեռք է բերել զգալի չափի` մոտ 0,008 գրամ «բուպրենորֆին» տեսակի թմրամիջոց պարունակող մեկ դեղահաբ և, թմրամիջոցների ընդհանուր քանակությունը՝ խոշոր չափերի՝ մոտ 0.036 գրամ «բուպրենորֆին» տեսակի թմրամիջոց պարունակող թվով 4,5 դեղահաբերը համապատասխանաբար՝ Արման Բեգլարյանին և Արայիկ Գրիգորյանին հանձնելու համար, Արման Բեգլարյանի պատվերով փոխանցել է քննությամբ դեռևս չպարզված անձին։
Այսինքն, Խրիստիկ Ավանեսյանն 1 դեպքով օժանդակել է առանց իրացնելու նպատակի զգալի չափերի, իսկ մեկ դեպքով` խոշոր չափերի թմրամիջոցներ ձեռք բերելուն, կատարել է հանցավոր արարքներ, որոնք նախատեսված են ՀՀ Քրեական օրենսգրքի 38-268-րդ հոդվածի 1-ին մասով և 38-268-րդ հոդվածի 2-րդ մասով։
Բացի այդ, կրկին Արման Բեգլարյանի կողմից թմրամիջոց ապօրինի ձեռք բերելուն օժանդակելու դիտավորությամբ, նրա պատվերով 2012թ. մարտի 23-ին Երևան քաղաքի Շահումյան թաղամասի շենքերից մեկի նկուղի մոտից վերցնելու միջոցով, ապօրինի ձեռք է բերել քննությամբ դեռևս չպարզված անձի կողմից այդնեղ թողնված, խոշոր չափերի` մոտ 0,024 գրամ «բուպրենորֆին» տեսակի թմրամիջոց պարունակող 3 դեղահաբեր։ Նույն օրը, կրկին Արման Բեգլարյանի խնդրանքով, այս անգամ՝ նրա ծանոթ Արայիկ Գրիգորյանի կողմից թմրամիջոց ձեռք բերելուն օժանդակելու դիտավորությամբ, Երևան քաղաքի Լենինգրադյան փողոցում գտնվող «Բլից» բենզալցակայանի մոտ հանդիպելով վերջինիս եղբորը՝ Կարեն Գրիգորյանին, նրանից ապօրինի ձեռք է բերել զգալի չափի` մոտ 0,008 գրամ «բուպրենորֆին» տեսակի թմրամիջոց պարունակող մեկ դեղահաբ և, թմրամիջոցների ընդհանուր քանակությունը՝ խոշոր չափերի՝ մոտ 0.032 գրամ «բուպրենորֆին» տեսակի թմրամիջոց պարունակող թվով 4 դեղահաբերը համապատասխանաբար՝ Արման Բեգլարյանին և Արայիկ Գրիգորյանին հանձնելու համար, Արման Բեգլարյանի պատվերով, 2012թ. մարտի 24-ին, իր վարած «ՎԱԶ-2107» մակնիշի ավտոմեքենայով փոխադրել է Երևան քաղաքի Ա.Խաչատրյան 1-ին նրբանցք 2 շենքի մոտ, որտեղ սակայն իր կամքից անկախ հանգամանքներով հանցագործությունն ավարտին չի հասցրել՝ չի կարողացել դրանք փոխանցել Արման Բեգլարյանի մատնանշած անձին, քանի որ նշված հասցեում բռնվել է ոստիկանության աշխատակիցների կողմից։
Այսինքն, Խրիստիկ Ավանեսյանն 1 դեպքով փորձել է օժանդակել զգալի չափերի, մեկ դեպքով` խոշոր չափերի թմրամիջոցներ ձեռք բերելուն, կատարել է հանցավոր արարքներ, որոնք նախատեսված են ՀՀ Քրեական օրենսգրքի 34-38-268-րդ հոդվածի 1-ին մասով և 34-38-268-րդ հոդվածի 2-րդ մասով։»։
2012թ. օգոստոսի 29-ին քրեական գործն ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։



Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
ՀՀ ԱՆ «Սևան» քրեակատարողական հիմնարկի դատապարտյալ, սույն քրեական գործով ամբաստանյալ Արման Գևորգի Բեգլարյանը 2011թ. հունիսից մինչև 2012թ. մարտի 23-ն ընկած ժամանակահատվածում, ամբաստանյալներ Արթուր Սպարտակի Սարգսյանի, Խրիստիկ Բենյամինի Ավանեսյանի, Ներսես Վաղինակի Ավետիսյանի և քննությամբ չպարզված այլ անձանց միջոցով, առանց իրացնելու նպատակի` իր գործածման համար, ապօրինի, տարբեր անձանցից ձեռք է բերել զգալի և խոշոր չափերի «բուպրենորֆին» տեսակի թմրամիջոց պարունակող հաբեր։ Բացի այդ նա երկու դրվագով օժանդակել է ՀՀ ԱՆ «Սևան» ՔԿ հիմնարկի մեկ այլ դատապարտյալ, սույն քրեական գործով ամբաստանյալ Արայիկ Նորիկի Գրիգորյանի կողմից, առանց իրացնելու նպատակի, զգալի չափերով «բուպրենորֆին» տեսակի թմրամիջոց պարունակող հաբեր ապօրինի ձեռք բերելուն։ Ամբաստանյալ Ա. Գրիգորյանը 2012թ. հունվարից մինչև 2012թ. մարտի 23-ն ընկած ժամանակահատվածում, գործով չպարզված անձանցից, եղբոր` ամբաստանյալ Կարեն Գրիգորյանի, ինչպես նաև ամբաստանյալներ Արման Բեգլարյանի, Խրիստիկ Ավանեսյանի և քննությամբ չպարզված այլ անձանց միջոցով, առանց իրացնելու նպատակի` իր գործածման համար, հինգ դրվագով ապօրինի ձեռք է բերել զգալի չափի «բուպրենորֆին» տեսակի թմրամիջոց պարունակող հաբեր։
Ամբաստանյալ Խրիստիկ Բենյամինի Ավանեսյանը նշված ժամանակահատվածում աշխատել է որպես տաքսու վարորդ։ Նա ՀՀ ԱՆ «Սևան» ՔԿՀ-ի դատապարտյալներ Արման Գևորգի Բեգլարյանին և Արայիկ Նորիկի Գրիգորյանին ճանաչել է հեռախոսակապի միջոցով։ Մինչև 2011թ. հունիսը նա Արման Բեգլարյանի խնդրանքով պարբերաբար ուղևորներ, անհրաժեշտ սննդամթերք և այլ ապրանքներ է փոխադրել ՀՀ ԱՆ «Սևան» ՔԿՀ։ 2011թ. հունիսից մինչև 2012թ. մարտի 23-ն ընկած ժամանակահատվածում, ամբաստանյալ Խ. Ավանեսյանն օժանդակել է ամբաստանյալ Արման Բեգլարյանի կողմից թմրամիջոցներ ձեռք բերելուն հետևյալ եղանակով. ամբաստանյալ Արման Բեգլարյանի նշած անձանցից ստացել է թմրամիջոցներ ձեռք բերելու համար անհրաժեշտ գումարները, փոխանցել է թմրամիջոց իրացնողներին և ապօրինի ձեռք բերված թմրամիջոցներն Արման Բեգլարյանին փոխանցելու նպատակով հանձնել է վերջինիս կողմից նշած անձանց։
Ամբաստանյալ Արթուր Սպարտակի Սարգսյանն ամբաստանյալ Արման Գևորգի Բեգլարյանի հետ ծանոթացել է` իր հարևան, ՀՀ ԱՆ «Սևան» ՔԿՀ-ի դատապարտյալ Արամ Վոլոդիայի Նազարյանին տեսակցելու ժամանակ։ Սկզբնական շրջանում ամբաստանյալ Արթուր Սարգսյանն ամբաստանյալ Արման Բեգլարյանի խնդրանքով պարբերաբար սննդամթերք և այլ ապրանքներ է փոխադրել ՀՀ ԱՆ «Սևան» ՔԿՀ։ Մշտապես հեռախոսակապի մեջ գտնվելով Արման Բեգլարյանի հետ` որոշակի առումով մտերմություն է ձևավորվել նրանց միջև, ինչի արդյունքում Արման Բեգլարյանը դիմել է ամբաստանյալ Արթուր Սարգսյանին` իր համար անհրաժեշտ թմրամիջոցների ձեռք բերման հարցում օժանդակելու խնդրանքով, հետևյալ հանգամանքներում.
ամբաստանյալ Արման Գևորգի Բեգլարյանը, 2011թ. հունիսից դեկտեմբեր ժամանակահատվածում, չպարզված օրերի, չորս դրվագով, առանց իրացնելու նպատակի` իր գործածման համար, գործով չպարզված անձանցից, ամբաստանյալներ Արթուր Սպարտակի Սարգսյանի, Խրիստիկ Բենյամինի Ավանեսյանի և ինքնությունը չպարզված անձանց միջոցով, ձեռք է բերել երեք դրվագով` զգալի չափերի` 0,016-ական գրամ, իսկ մեկ դրվագով` խոշոր չափերի` 0,024 գրամ «բուպրենորֆին» տեսակի թմրամիջոց պարունակող, համապատասխանաբար երեքական և երկուական դեղահաբեր հետևյալ հանգամանքներում. ամբաստանյալ Արման Բեգլարյանը խնդրել է ամբաստանյալ Արթուր Սպարտակի Սարգսյանին վերցնել քննությամբ չպարզված անձանց կողմից Երևան քաղաքի Կլիլիկիա թիվ 6 շենքի մուտքի մոտ ծխախոտի տուփի մեջ թողնված, երեք դրվագով՝ զգալի չափի` 0,016 գրամ, իսկ մեկ դրվագով՝ խոշոր չափերի` 0,024-ական գրամ «բուպրենորֆին» տեսակի թմրամիջոց պարունակող, համապատասխանաբար երեքական և երկուական դեղահաբերը և իրեն հանձնելու համար փոխանցել ամբաստանյալ Խրիստիկ Ավանեսյանին։ Յուրաքանչյուր անգամ թմրամիջոցն ամբաստանյալ Խրիստիկ Ավանեսյանի օժանդակությամբ, իր ծանոթ, գործով չպարզված անձանց փոխանցելուց և նրանց միջոցով ՀՀ ԱՆ «Սևան» ՔԿ հիմնարկ փոխադրելուց հետո, ամբաստանյալ Արման Բեգլարյանն ապօրինի ձեռք է բերել թմրամիջոցների վերոհիշյալ քանակությունը։
Բացի այդ, նույն ժամանակահատվածում, չպարզված օրերի, առանց իրացնելու նպատակի` իր գործածման համար, ապօրինի թմրամիջոց ձեռք բերելու դիտավորությամբ, ամբաստանյալ Արման Բեգլարյանը խնդրել է ամբաստանյալ Արթուր Սպարտակի Սարգսյանին` վերցնել քննությամբ չպարզված անձանց կողմից իրենց շենքի մուտքի մոտ ծխախոտի տուփի մեջ թողնված, խոշոր չափերի, երեք դրվագով՝ 0,024 գրամ, իսկ մեկ դրվագով` 0,032 գրամ «բուպրենորֆին» տեսակի թմրամիջոց պարունակող, համապատասխանաբար` երեք դրվագներից յուրաքանչյուրով երեքական և մեկ դրվագով` չորս դեղահաբերը և դրանք ամբաստանյալ Խրիստիկ Ավանեսյանի հետ միասին, վերջինիս վարած ավտոմեքենայով տեղափոխել ՀՀ ԱՆ «Սևան» ՔԿ հիմնարկ։ Ամբաստանյալ Ա. Սարգսյանը կատարել է նրա խնդրանքը։ Այնուհետև, ամբաստանյալ Արթուր Սարգսյանի կողմից դրանք կպչուն ժապավենով հետանցքին ամրացնելուց և ՔԿՀ տարածք անցկացնելուց հետո, տեսակցության ժամանակ ամբաստանյալ Արմեն Բեգլարյանն ամբաստանյալ Արթուր Սարգսյանից ստացել` ապօրինաբար ձեռք է բերել վերոհիշյալ քանակությամբ թմրամիջոցը։
Այնուհետև, ամբաստանյալ Արման Բեգլարյանը, իր գործածման համար ապօրինի թմրամիջոց ձեռք բերելու դիտավորությամբ, խնդրել է ամբաստանյալ Ներսես Վաղինակի Ավետիսյանին` գնելու եղանակով իր ասած անձից, երկու անգամ ձեռք բերել «բուպրենորֆին» տեսակի թմրամիջոց պարունակող 4-ական դեղահաբեր։ Դրանք ձեռք բերելու համար անհրաժեշտ գումարները փոխանցելու և թմրամիջոցները ստանալու նպատակով, երկու դրվագով, 2011թ. դեկտեմբեր 10-ին և 14-ին, ամբաստանյալ Ա. Բեգլարյանն ամբաստանյալ Խ. Ավանեսյանին ուղարկել է Արմավիրի մարզի Արմավիր քաղաք, որտեղ վերջինս, յուրաքանչյուր անգամ ամբաստանյալ Ներսես Ավետիսյանին 160.000-ական ՀՀ դրամ գումար փոխանցելով` նրանից ստացել է վերջինիս կողմից գնելու եղանակով ապօրինի ձեռք բերված, յուրաքանչյուր անգամ խոշոր չափերի` 0,032-ական գրամ «բուպրենորֆին» տեսակի թմրամիջոց պարունակող չորսական դեղահաբեր, որոնք ամբաստանյալ Արման Բեգլարյանին հանձնելու համար, նրա ցուցումով փոխանցել է Արթուր Սպարտակի Սարգսյանին։ Ամբաստանյալ Արթուր Սպարտակի Սարգսյանի կողմից թմրամիջոցները հանձնուքի մեջ թաքցնելու միջոցով ՀՀ ԱՆ «Սևան» ՔԿՀ փոխադրելուց հետո, ամբաստանյալ Արման Բեգլարյանն ապօրինի ձեռք է բերել դրանք։
Բացի այդ, ամբաստանյալ Արման Բեգլարյանը, նույն ժամանակահատվածում՝ չպարզված օրերի, երկու դրվագով, կրկին իր գործածման համար ապօրինի թմրամիջոց ձեռք բերելու դիտավորությամբ, խնդրել է ամբաստանյալ Խրիստիկ Ավանեսյանին` իր մատնանշած անձանցից ստացած գումարներից քննությամբ չպարզված անձանց վճարելով, Երևան քաղաքի Հարավ-արևմտյան թաղամասում գտնվող, «Երևան Սիթի» հանրախանութի, ինչպես նաև «Ռոսիա» կինոթատրոնի մոտ, նրանցից ապօրինի ձեռք բերել յուրաքանչյուր անգամ զգալի չափերի` 0,016-ական գրամ «բուպրենորֆին» տեսակի թմրամիջոց պարունակող երկուական դեղահաբեր և դրանք իրեն փոխանցելու նպատակով, Երևանի Զորավար Անդրանիկի արձանի մոտ և Աճառյան փողոցում ապօրինի հանձնել քննությամբ չպարզված այլ անձանց։ Ամբաստանյալ Խրիստիկ Ավանեսյանը նրա վերոհիշյալ խնդրանքը նույնությամբ կատարել է, որից հետո, գործով չպարզված անձանց միջոցով այդ թմրամիջոցները փոխադրել են ՀՀ ԱՆ «Սևան» ՔԿՀ և ամբաստանյալ Ա. Բեգլարյանն ապօրինի ձեռք է բերել նշված քանակությամբ թմրամիջոցը։
Բացի այդ, նույն ժամանակահատվածում, չպարզված օրը, Արման Բեգլարյանի հետ պատիժ կրող դատապարտյալ, սույն քրեական գործով ամբաստանյալ Արայիկ Նորիկի Գրիգորյանի գործածման համար թմրամիջոց ձեռք բերելու հարցում նրան օժանդակելու դիտավորությամբ, ամբաստանյալ Արման Բեգլարյանը խնդրել է ամբաստանյալ Խրիստիկ Ավանեսյանին` Երևանի Լենինգրադյան փողոցում գտնվող «Բլից» բենզալցակայանի մոտ հանդիպել Արայիկ Գրիգորյանի եղբայր, ամբաստանյալ Կարեն Գրիգորյանին և նրանից ստանալ զգալի չափի` 0,008 գրամ «բուպրենորֆին» տեսակի թմրամիջոց պարունակող մեկ դեղահաբ։ Ամբաստանյալ Խրիստիկ Ավանեսյանի կողմից նշված թմրամիջոցը ստանալուց հետո, այն ՀՀ ԱՆ «Սևան» ՔԿՀ-ում Արայիկ Գրիգորյանին փոխանցելու համար, ամբաստանյալ Ա. Բեգլարյանն ամբաստանյալ Խ. Ավանեսյանին խնդրել է նույն օրը, Երևան քաղաքի Լենինգրադյան փողոցում, թմրամիջոց պարունակող դեղահաբը հանձնել քննությամբ չպարզված անձին, որը Խ. Ավանեսյանը կատարել է։
Բացի այդ, կրկին իր գործածման համար ապօրինի թմրամիջոց ձեռք բերելու դիտավորությամբ, ամբաստանյալ Արման Բեգլարյանը խնդրել է Խրիստիկ Ավանեսյանին` 2012թ. մարտի 18-ին, Երևան քաղաքի Նորագյուղ թաղամասում հանդիպել իր ասած անձին և նրանից ձեռք բերել խոշոր չափերի` 0,028 գրամ «բուպրենորֆին» տեսակի թմրամիջոց պարունակող 3,5 դեղահաբեր։ Խ. Ավանեսյանը կատարել է նրա խնդրանքը։ Նույն օրը, ամբաստանյալ Արայիկ Նորիկի Գրիգորյանի կողմից թմրամիջոց ձեռք բերելուն օժանդակելու դիտավորությամբ, ամբաստանյալ Արման Բեգլարյանը խնդրել է ամբաստանյալ Խրիստիկ Ավանեսյանին նույն վայրում հանդիպել ամբաստանյալ Արայիկ Գրիգորյանի եղբայր Կարեն Գրիգորյանին և ձեռք բերել զգալի չափի` 0,008 գրամ «բուպրենորֆին» տեսակի թմրամիջոց պարունակող մեկ դեղահաբ։ Թմրամիջոցների ընդհանուր քանակությունը՝ խոշոր չափերի՝ 0.036 գրամ «բուպրենորֆին» տեսակի թմրամիջոց պարունակող 4,5 դեղահաբերն ամբաստանյալ Խրիստիկ Ավանեսյանի կողմից ապօրինի ձեռք բերելուց հետո, դրանք ՀՀ ԱՆ «Սևան» ՔԿՀ-ում իրեն և ամբաստանյալ Արայիկ Գրիգորյանին հանձնելու համար, ամբաստանյալ Արման Բեգլարյանն ամբաստանյալ Խրիստիկ Ավանեսյանին պատվիրել է դրանք փոխանցել քննությամբ չպարզված անձին, որի միջոցով էլ ապօրինի ձեռք են բերել նշված քանակությամբ թմրամիջոցները։
Բացի այդ, կրկին իր գործածման համար ապօրինի թմրամիջոց ձեռք բերելու դիտավորությամբ, ամբաստանյալ Արման Բեգլարյանը 2012թ. մարտի 23-ին խնդրել է ամբաստանյալ Խրիստիկ Ավանեսյանին Երևան քաղաքի Շահումյան թաղամասի շենքերից մեկի նկուղի մոտից վերցնել քննությամբ չպարզված անձի կողմից այնտեղ թողնված, խոշոր չափերի` ընդհանուր 0,024 գրամ «բուպրենորֆին» տեսակի թմրամիջոց պարունակող երեք դեղահաբերը։ Նույն օրը, կրկին ամբաստանյալ Արայիկ Գրիգորյանի կողմից թմրամիջոց ձեռք բերելուն օժանդակելու դիտավորությամբ, ամբաստանյալ Արման Բեգլարյանը խնդրել է ամբաստանյալ Խրիստիկ Ավանեսյանին` Երևան քաղաքի Լենինգրադյան փողոցում հանդիպել ամբաստանյալ Արայիկ Գրիգորյանի եղբայր Կարեն Գրիգորյանին և նրանից ձեռք բերել զգալի չափի` 0,008 գրամ «բուպրենորֆին» տեսակի թմրամիջոց պարունակող մեկ դեղահաբ։ Թմրամիջոցների ընդհանուր քանակությունը՝ խոշոր չափերի՝ 0.032 գրամ «բուպրենորֆին» տեսակի թմրամիջոց պարունակող չորս դեղահաբերն ամբաստանյալ Խրիստիկ Ավանեսյանի կողմից ապօրինի ձեռք բերելուց հետո, դրանք ՀՀ ԱՆ «Սևան» ՔԿՀ-ում իրեն և Արայիկ Գրիգորյանին հանձնելու համար, 2012թ. մարտի 24-ին, ամբաստանյալ Ա. Բեգլարյանն ամբաստանյալ Խ. Ավանեսյանին պատվիրել է դրանք փոխադրել Երևան քաղաքի Ա.Խաչատրյան 1-ին նրբանցքի թիվ 2 շենքի մոտ և փոխանցել գործով չպարզված իր ծանոթին, սակայն իր կամքից անկախ հանգամանքներով չի կարողացել դրանք ապօրինի ձեռք բերել, քանի որ ամբաստանյալ Խրիստիկ Ավանեսյանը նշված հասցեում բռնվել է ոստիկանության աշխատակիցների կողմից։
Ամբաստանյալ Արայիկ Նորիկի Գրիգորյանը, 2012թ. հունվարի 4-ին, առանց իրացնելու նպատակի` իր գործածման համար թմրամիջոցներ ձեռք բերելու դիտավորությամբ, խնդրել է իր եղբայր, ամբաստանյալ Կարեն Գրիգորյանին, Երևան քաղաքի Ալեք Մանուկյան փողոցում հանդիպել քննությամբ չպարզված անձի և վերցնել զգալի չափի` 0,008 գրամ, «բուպրենորֆին» տեսակի թմրամիջոց պարունակող մեկ դեղահաբ։ Թմրամիջոցը ստանալուց հետո ամբաստանյալ Ա. Գրիգորյանը խնդրել է ամբաստանյալ Կ. Գրիգորյանին` թմրամիջոցն իրեն փոխանցելու նպատակով, Հրազդան քաղաքում ապօրինի հանձնել մեկ այլ անձի։ Ամբաստանյալ Ա. Գրիգորյանի խնդրանքը նրա եղբայր, ամբաստանյալ Կ. Գրիգորյանը նույն հաջորդականությամբ կատարել է, որից հետո, գործով չպարզված անձի միջոցով այդ թմրամիջոցը ՀՀ ԱՆ «Սևան» ՔԿՀ փոխադրելուց հետո, ամբաստանյալ Ա. Գրիգորյանն այն ապօրինի ձեռք է բերել։
Բացի այդ, նույն ժամանակահատվածում՝ 2012թ. հունվարի վերջերին, առանց իրացնելու նպատակի` իր գործածման համար թմրամիջոցներ ձեռք բերելու դիտավորությամբ, ամբաստանյալ Արայիկ Գրիգորյանը խնդրել է ամբաստանյալ Կարեն Գրիգորյանին` 45.000 ՀՀ դրամ գումարը փոխանցել քննությամբ չպարզված անձին, այնուհետև Երևանի Հարավ-արևմտյան թաղամասում հանդիպել քննությամբ չպարզված մեկ այլ անձի և վերցնել զգալի չափի` 0,008 գրամ «բուպրենորֆին» տեսակի թմրամիջոց պարունակող մեկ դեղահաբ։ Կ. Գրիգորյանը կատարել է նրա այդ խնդրանքը։ Թմրամիջոցը վերցնելուց և եղբոր կողմից իր ցուցումով հանձնուքի մեջ թաքցնելու միջոցով ՀՀ ԱՆ «Սևան» ՔԿՀ անցկացնելուց հետո` ամբաստանյալ Ա. Գրիգորյանն ապօրինի ձեռք է բերել նշված քանակությամբ թմրամիջոցը։
Բացի այդ, նույն ժամանակահատվածում, առանց իրացնելու նպատակի` իր գործածման համար թմրամիջոցներ ձեռք բերելու դիտավորությամբ, ամբաստանյալ Արայիկ Գրիգորյանը խնդրել է ամբաստանյալ Կարեն Գրիգորյանին` երեք դրվագով, Երևան քաղաքի տարբեր վայրերում հանդիպել քննությամբ չպարզված անձանց, յուրաքանչյուր դրվագով վերցնել զգալի չափի` 0,008 գրամ «բուպրենորֆին» տեսակի թմրամիջոց պարունակող մեկական հաբ և իրեն փոխանցելու համար հանձնել ամբաստանյալ Խրիստիկ Ավանեսյանին։ Ամբաստանյալ Կ. Գրիգորյանը կատարել է նրա այդ խնդրանքը։ Խրիստիկ Ավանեսյանի կողմից նշված թմրամիջոցը ստանալուց հետո, յուրաքանչյուր անգամ, այն ՀՀ ԱՆ «Սևան» ՔԿՀ-ում իրեն փոխանցելու համար, Արման Բեգլարյանի միջոցով, ամբաստանյալ Ա. Գրիգորյանը խնդրել է Խրիստիկ Ավանեսյանին` թմրամիջոց պարունակող դեղահաբերը Երևանի Լենինգրադյան փողոցում հանձնել քննությամբ չպարզված անձանց, որը նա կատարել է։ Գործով չպարզված անձանց միջոցով թմրամիջոցը ՀՀ ԱՆ «Սևան» ՔԿՀ փոխադրելուց հետո, Ա. Գրիգորյանն ապօրինի ձեռք է բերել նշված քանակությամբ թմրամիջոցը։ Այդ ընթացքում մեկ անգամ ամբաստանյալ Ա. Գրիգորյանն իր կամքից անկախ հանգամանքներում չի կարողացել ապօրինի ձեռք բերել թմրամիջոցը, քանի որ ամբաստանյալ Խրիստիկ Ավանեսյանը դրանք ՀՀ ԱՆ «Սևան» ՔԿՀ-ում իրեն հանձնելու համար գործով չպարզված անձին փոխանցելու ժամանակ բռնվել է ոստիկանության աշխատակիցների կողմից։
Քրեական գործի նախաքննության ընթացքում կատարվել են տոքսիկոքիմիական և տեսաձայնագրային փորձաքննություններ ՀՀ ԳԱԱ «Փորձաքննությունների ազգային բյուրո» և «Հայաստանի Հանրապետության փորձագիտական կենտրոն» պետական ոչ առևտրային կազմակերպությունների կողմից, որոնց արժեքն ամբաստանյալներ Խրիստիկ Ավանեսյանի և Ներսես Ավետիսյանի մասով կազմել է 9618 /ինը հազար վեց հարյուր տասնութ/ ՀՀ դրամ գումար, իսկ ամբաստանյալ Արման Բեգլարյանի մասով` 55.200 /հիսունհինգ հազար երկու հարյուր/ ՀՀ դրամ գումար։
Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է հետևյալը.
- ամբաստանյալ Արման Բեգլարյանի կատարած հանցագործություններից յուրաքանչյուրի համար պատիժ նշանակելիս` առկա է հանցագործությունների առանձնապես վտանգավոր ռեցիդիվ,
- ամբաստանյալ Արայիկ Գրիգորյանի կատարած հանցագործություններից յուրաքանչյուրի համար պատիժ նշանակելիս` առկա է հանցագործությունների վտանգավոր ռեցիդիվ,
- ամբաստանյալ Կարեն Գրիգորյանի կատարած հանցագործություններից յուրաքանչյուրի համար պատիժ նշանակելիս` առկա է հանցագործությունների ռեցիդիվ,
- ամբաստանյալ Արթուր Սպարտակի Սարգսյանը նախկինում դատված չի եղել, բնութագրվում է դրական,
- ամբաստանյալ Ներսես Ավետիսյանը բնութագրվում է դրական, խնամքին ունի մինչև տասնչորս տարեկան մեկ երեխա, նրա կատարած հանցագործություններից յուրաքանչյուրի համար պատիժ նշանակելիս` առկա է հանցագործությունների առանձնապես վտանգավոր ռեցիդիվ,
- ամբաստանյալ Խրիստիկ Ավանեսյանը խնամքին ունի մինչև ութ տարեկան երկու երեխա, նախկինում դատված չի եղել, նախաքննության ընթացքում իրեն լիովին մեղավոր ճանաչելով և տալով ինքնախոստովանական ցուցմունքներ` աջակցել է հանցագործությունը բացահայտելուն և հանցագործության մյուս մասնակիցներին մերկացնելուն, որն արտահայտվել է ամբաստանյալներ Արման Բեգլարյանի, Արայիկ Գրիգորյանի, Կարեն Գրիգորյանի, Արթուր Սարգսյանի և Ներսես Ավետիսյանի կողմից թմրամիջոցներ ձեռք բերելու և դրան առնչվող, իրեն հայտնի այլ հանգամանքների վերաբերյալ մանրամասն ինքնախոստովանական ցուցմունքներ տալով և դրանք ամբաստանյալներ Արման Գևորգի Բեգլարյանին և Արթուր Սպարտակի Սարգսյանին առերես պնդելով։
Ամբաստանյալ Արման Գևորգի Բեգլարյանը ԵԱՆԴ-0094/01/09 քրեական գործով Երևանի Ավան և Նոր Նորք վարչական շրջանների ընդհանուր իրավասության առաջին ատյանի դատարանի 2009թ. սեպտեմբերի 17-ի դատավճռով, ՀՀ քրեական օրենսգրքի 112-րդ հոդվածի 1-ին մասով դատապարտվել է ազատազրկման 4 /չորս/ տարի ժամկետով, պատժի սկիզբը հաշվելով 2009թ. հունիսի 29-ից։
Ամբաստանյալ Արայիկ Նորիկի Գրիգորյանը թիվ 1-11 քրեական գործով Երևանի Աջափնյակ և Դավիթաշեն համայնքների առաջին ատյանի դատարանի 2006թ. մայիսի 06-ի դատավճռով, ՀՀ քրեական օրենսգրքի 268-րդ հոդվածի 2-րդ մասով, 271-րդ հոդվածի 1-ին մասով, ՀՀ քրեական օրենսգրքի 66-րդ հոդվածի 3-րդ և 6-րդ մասերի կիրառմամբ դատապարտվել է ազատազրկման 13 /տասներեք/ տարի ժամկետով` անձնական գույքի կեսի բռնագրավմամբ և տուգանքի 150.000 /հարյուր հիսուն հազար/ ՀՀ դրամ գումարի չափով, պատժի սկիզբը հաշվելով 2005թ. ապրիլի 06-ից։ Նույն դատարանի 2008թ. հոկտեմբերի 13-ի որոշմամբ, ամբաստանյալ Արայիկ Գրիգորյանն ազատվել է ՀՀ քրեական օրենսգրքի 271-րդ հոդվածի 1-ին մասով նշանակված պատժի կրումից։

Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Կարեն Նորիկի Գրիգորյանի նախաքննական ինքնախոստովանական ցուցմունքներով այն մասին, որ ընդհանուր առմամբ հինգ դեպքով օժանդակել է իր եղբայր Արայիկ Գրիգորյանին թմրամիջոցներ ձեռք բերելու հարցում, մասնավորապես` 2012թ. հունվարի 04-ին իրեն զանգահարել է եղբայրը, ասել է, որ գնա ընկերոջ մոր տնից գումար վերցնի։ Վերցրել է 45.000 դրամ գումարը, որից հետո գնացել է Երևանի պետական ֆիզիկական կուլտուրայի ինստիտուտի մոտ, հանդիպել է իրեն անծանոթ մի տղայի, որն իրեն է փոխանցել մեկ հատ «սուբոտեքս» տեսակի դեղահաբ։ Եղբոր խնդրանքով տաքսի ավտոմեքենայով այն տարել է Ծաղկաձորի ճանապարհի մոտ, որտեղ իրեն է մոտեցել շուրջ 16 տարեկան մի տղա։ Թմրամիջոցը հանձնել է վերջինիս` եղբորը փոխանցելու համար։
2012թ. հունվարի վերջերին կամ փետրվարի սկզբներին, եղբոր ասելով 45.000 ՀՀ դրամ գումար է տվել իրեն անծանոթ երկու երիտասարդի, որից հետո գնացել է Երևանի Զորավար Անդրանիկի արձանի մոտ, իրեն մոտեցած «Վազ 2107» մակնիշի ավտոմեքենայի վարորդից վերցրել է մեկ հաբ «սուբոտեքս», եղբոր ասելով այն փաթաթել է կոնֆետի մեջ և տարել է քրեակատարողական հիմնարկ, որ տեսակցության ժամանակ փոխանցի եղբորը, սակայն քանի որ եղբոր հետ տեսակցություններն արգելված են եղել` հանձնուքն այլ անձի անվամբ է հանձնել։
Դրանից շուրջ 20 օր անց, եղբոր խնդրանքով գնացել է Երևանի Մարգարյան փողոց, որտեղ իրեն է մոտեցել մի անծանոթ տղա և փոխանցել է մեկ հաբ «սուբոտեքս» տեսակի թմրամիջոց։ Հաջորդ օրը եղբոր ասելով այն փոխանցել է տաքսի ավտոմեքենայի վարորդ Խրիստիկին։
2012թ. մարտի 22-ին կրկին զանգահարել է եղբայրը, նրա խնդրանքով ընկերոջ մորից կրկին գումար է վերցրել, գնացել է Դավիթաշենի կամրջի մոտ, Արմենիա հեռուստաընկերության հարևանությամբ գտնվող գազալցակայանի մոտ և հանդիպել է իրեն անծանոթ տղայի, որն իրեն է փոխանցել մեկ հաբ «սուբոտեքս»։ Կրկին եղբոր խնդրանքով նրան փոխանցելու համար այն հանձնել է Խրիստիկին։ Բացի այդ, եղբոր հետ միասին պատիժ կրող Արմանի ասելով գնացել է Երևանի մարզահամերգային համալիրի մոտ և իրեն մոտեցած, շուրջ 20 տարեկան տղայից վերցրել է մեկ հաբ «սուբոտեքս», որը Երևանի Լենինգրադյան փողոցում փոխանցել է «Վազ 2107» մակնիշի ավտոմեքենայի մեջ նստած մի գեր կնոջ։
/հատոր 1, գ.թ. 60-67, հատոր 4, գ.թ. 80/
Դատարանում ամբաստանյալ Կարեն Նորիկի Գրիգորյանը ցուցմունք տվեց այն մասին, որ ընդունում է միայն մեկ անգամ Խրիստիկ Ավանեսյանին բենզալցակայանի մոտ թմրամիջոց տալու հանգամանքը, իսկ մնացած ցուցմունքներն իրականությանը չեն համապատասխանում, քանի որ դրանք գրել է ճնշման տակ և քննիչի թելադրանքով։ Ինքն Արման Բեգլարյանին չի ճանաչում և նրա հետ որևէ առնչություն չի ունեցել։
/դատական նիստի արձանագրություն/
Ամբաստանյալ Խրիստիկ Բենյամինի Ավանեսյանի նախաքննական ինքնախոստովանական ցուցմունքներով այն մասին, որ 17 (տասնյոթ) դեպքով օգնել է Արման Բեգլարյանին` թմրամիջոցներ ձեռք բերելու հարցում։ Արման Բեգլարյանին երբևէ չի տեսել, նրա հետ խոսել է միայն հեռախոսով։ Հանդիսանալով տաքսու վարորդ` սկզբնական շրջանում Արման Բեգլարյանի խնդրանքով պարբերաբար ուղևորներ, անհրաժեշտ սննդամթերք և այլ ապրանքներ է փոխադրել ՀՀ ԱՆ «Սևան» ՔԿՀ։ Աստիճանաբար շահագրգռվելով պատվերների հաճախականությունից` Արման Բեգլարյանի խնդրանքով նրան օգնել է նաև թմրամիջոցներ ձեռք բերելու գործում՝ վերջինիս պատվերով իր վարած ավտոմեքենան ծառայեցրել է այդ նպատակով։ Արման Բեգլարյանի մատնանշած անձանցից ստացել է թմրամիջոցներ ձեռք բերելու համար անհրաժեշտ գումարները, որոնք փոխանցելով դրանք իրացնողներին` ապօրինի ձեռք բերված թմրամիջոցները Արման Բեգլարյանին փոխանցելու նպատակով հանձնել է վերջինիս նշած անձանց։ Մասնավորապես` չորս անգամ Արման Բեգարյանի ցուցումով Կիլիկիա թաղամասում հանդիպել է Արթուր Սպարտակի Սարգսյանին և նրանից վերցրել է «սուբոտեքս» տեսակի թմրամիջոցի երեքական և երկուական հաբեր, որոնք Արման Բեգլարյանին հանձնելու համար, Ջրվեժ թաղամասում գտնվող «Վանատուր» ռեստորանի և Ավան թաղամասում գտնվող «Փլեյ Սիթի» համալիրի մոտ փոխանցել է իրեն անծանոթ անձանց։
Բացի այդ, նույն ժամանակահատվածում, տեղյակ լինելով, որ Արթուր Սպարտակի Սարգսյանի մոտ կան Արման Բեգլարյանին փոխանցելու համար նախատեսված թմրամիջոցի հաբեր, Արման Բեգլարյանի պատվերով չորս անգամ Արթուր Սարգսյանին Երևանից տարել է ՀՀ ԱՆ «Սևան» ՔԿՀ։
Բացի այդ, 2011թ. դեկտեմբերին, Արման Բեգլարյանի ցուցումով, երկու անգամ գնացել է Արմավիր, հանդիպել է Ներսես Ավետիսյանին, նրան փոխանցել է 160.000 ՀՀ դրամ գումար և Արման Բեգլարյանին փոխանցելու համար վերցրել է չորս հաբ «սուբոտեքս» տեսակի թմրամիջոց, որոնք Արման Բեգլարյանի ցուցումով փոխանցել է Արթուր Սպարտակի Սարգսյանին։
Նույն ժամանակահատվածում, Արման Բեգլարյանի խնդրանքով, Երևանի Հարավ-արևմտյան թաղամասի «Երևան Սիթի» հանրախանութի մոտ հանդիպել է իրեն անծանոթ մի կնոջ, որն իրեն է փոխանցել փայլաթիթեղի մեջ փաթաթված 2 հաբեր, որոնք վերցնելով` Արման Բեգլարյանի պատվերով, Երևանի Հարավ-արևմտյան թաղամասում փոխանցել է իրեն անծանոթ մեկ այլ անձի։
Նույն ժամանակահատվածում, Արման Բեգլարյանի խնդրանքով, «Ռոսիա» կինոթատրոնի հետնամասում հանդիպել է շուրջ 23 տարեկան մի տղայի, որն իրեն է փոխանցել երկու հաբեր, որոնք տարել է «Փլեյ Սիթի» համալիրի մոտ և փոխանցել է իրեն անծանոթ, շուրջ 40 տարեկան անձնավորությանը։
Բացի այդ, 2012թ. մարտին, Արման Բեգլարյանի խնդրանքով, Երևանի Նորագյուղ թաղամասում հանդիպել է Սուրիկ Խալաթյանին և նրանից վերցրել է «սուբոտեքս» տեսակի թմրամիջոցի 3,5 հաբեր, որոնք Արման Բեգլարյանին հանձնելու համար փոխանցել է իրեն անծանոթ անձնավորությանը։
2012թ. մարտի 23-ին իրեն է զանգահարել Արման Բեգլարյանը, նրա ցուցումով գնացել է Երևանի Շահումյան թաղամաս և շենքերից մեկի նկուղի աստիճանների մոտից վերցրել է «Քենթ» տեսակի ծխախոտի տուփ, որի մեջ եղել են «սուբոտեքս» տեսակի թմրամիջոցի երեք հաբեր։ Այնուհետև, կրկին նրա խնդրանքով գնացել է Երևանի Լենինգրադյան փողոցի «Բլից» բենզալցակայանի մոտ և Կարեն Գրիգորյանից վերցրել է ևս մեկ դեղահաբ, որոնք Ա. Բեգլարյանը պատվիրել է տանել Երևանի Ա. Խաչատրյան փողոց և փոխանցել մի գեր կնոջ։ Հասնելով նշված վայր` հանդիպել է այդ կնոջը, սակայն ոստիկանների կողմից բռնվել է և չի կարողացել փոխանցել թմրամիջոցները։
Բացի այդ, ևս երկու անգամ, Արման Բեգլարյանի խնդրանքով Կարեն Գրիգորյանից վերցրել է մեկական հաբեր և փոխանցել է իրեն անծանոթ անձանց։
Ինքը Արման Բեգլարյանին օգնել է նաև թմրամիջոցներ ձեռք բերելու համար անհրաժեշտ գումարները հավաքելու և համապատասխան անձանց փոխանցելու հարցում, մասնավորապես` բազմիցս Արման Բեգլարյանի պատվերով հանդիպել է մի շարք անձանց, վերցրել է տարբեր չափերի գումարներ և փոխանցել է իրեն անծանոթ անձանց։
/հատոր 1, գ.թ. 29-36, 91-92, 99-103, հատոր 2, գ.թ. 5-6, հատոր 3, գ.թ. 22, հատոր 4, գ.թ.113/
Դատարանում ամբաստանյալ Խրիստիկ Բենյամինի Ավանեսյանը ցուցմունք տվեց այն մասին, որ պնդում է իր նախաքննական ցուցմունքները, այնուհետև նշեց, որ Արթուր Սարգսյանից թմրանյութ չի վերցրել և չի տվել, այդ մասով իր նախաքննական ցուցմունքը ճիշտ չէ։ Նրա հետ միայն առևտուր է կատարել և տարել քրեակատարողական հիմնարկ։ Արման Բեգլարյանին տեսել է ընդամենը մեկ անգամ։ Նա իրեն զանգահարել և ասել է, որ պետք է առևտուր անի և տանի նրա մոտ։ Իրեն զանգահարողը ներկայացել է Եղո անունով, սակայն չի կարող ասել, թե Եղոն Արման Բեգլարյանի հետ կապ ունեցել է, թե ոչ։ Եղել են դեպքեր, որ Եղոյի ասելով թմրամիջոց է վերցրել և տվել ինչ-որ մեկին։ Թմրամիջոցները եղել են դեղահաբերի տեսքով։ Եղոն իրեն ասել էր, որ դա ալկոհոլային խմիչքի դեմ հանգստացնող դեղ է և ինքը չի իմացել, որ դրանք թմրամիջոցներ են։ Այդ մասին իմացել է ոստիկանությունում։ Եղել է նաև դեպք, որ գնացել է Երևանի Նորագյուղ թաղամաս, որտեղ իրեն է մոտեցել Սուրիկ անունով մի տղամարդ և իրեն գումար, ինչպես նաև հաբեր է տվել, որն ինքը փոխանցել է այլ անձանց, որոնց չի ճանաչում։
Այնուհետև Խրիստիկ Ավանեսյանը դատարանում կրկին հայտարարեց, որ իր նախաքննական ցուցմունքներն ամբողջությամբ ճիշտ են և դրանք ամբողջությամբ պնդում է։
/դատական նիստի արձանագրություն/
Ամբաստանյալ Ներսես Վաղինակի Ավետիսյանի նախաքննական ինքնախոստովանական ցուցմունքներով այն մասին, որ Արման Բեգլարյանին ճանաչում է ՀՀ ԱՆ «Սևան» ՔԿՀ-ից, որտեղ ժամանակին պատիժ է կրել նաև ինքը։ Պատժից ազատվելուց հետո հաճախակի հեռախոսակապ է ունեցել նրա հետ։ 2011թ. դեկտեմբերին իրեն է զանգահարել Արման Բեգլարյանը և խնդրել է օգնել իրեն` թմրամջիոց ձեռք բերելու հարցում։ Պայմանավորվել են և Արման Բեգլարյանը Խրիստիկ Ավանեսյանի միջոցով երկու անգամ 160.000 ՀՀ դրամ գումար է ուղարկել, որոնք Արթուր Սամվելի Սարգսյանին հանձնելով` գնելու եղանակով յուրաքանչյուր անգամ վերջինիցս ձեռք է բերել չորսական «սուբոտեքս» տեսակի հաբեր և փոխանցել է Խրիստիկ Ավանեսյանին։
/հատոր 1, գ.թ. 165-167, 234, հատոր 4, գ.թ. 105/
Դատարանում ամբաստանյալ Ներսես Վաղինակի Ավետիսյանը ցուցմունք տվեց այն մասին, որ իր նախաքննական ցուցմունքներն իրականությանը չեն համապատասխանում, դրանք գրել է ստիպողաբար և քննիչի թելադրանքով։ Ինքն ամբաստանյալ Արման Բեգլարյանին չի օժանդակել թմրամիջոց ձեռք բերելու հարցում։ Ինքը և Արմանը Ռուսաստանում բնակվող Արթուր անունով մի տղայի, որը գործով անցնող Արթուր Սարգսյանը չէ, 320.000 ՀՀ դրամ գումար են պարտք եղել, որն Արմանը տաքսու վարորդի միջոցով ուղարկել է և ինքն այդ գումարը վերադարձրել է այդ Արթուրի հարազատներին։
/դատական նիստի արձանագրություն/
Ամբաստանյալ Արթուր Սպարտակի Սարգսյանի նախաքննական ցուցմունքներով այն մասին, որ առաջադրված մեղադրանքում իրեն մեղավոր է ճանաչում մասնակիորեն։ Արման Բեգլարյանի հետ ծանոթացել է իր հարևան Արամ Նազարյանին տեսակցելու ժամանակ։ Արման Բեգլարյանը պարբերաբար զանգահարել և խնդրել է իրեն օգնել տարբեր հարցերում, այդ թվում նաև` թմրամիջոցներ ձեռք բերելու հարցում։ Ընդհանուր առմամբ 4 անգամ Արման Բեգլարյանի ասելով իրենց շենքի մուտքի մոտից վերցրել և Խրիստիկ Ավանեսյանին է փոխանցել «սուբոտեքս» տեսակի թմրամիջոցի` համապատասխանաբար երկուական և երեքական հաբեր։ Բացի այդ, նույն ժամանակահատվածում, չորս անգամ, Արման Բեգլարյանի խնդրանքով կրկին վերցրել է իրենց շենքի մուտքի մոտ, ծխախոտի տուփի մեջ դրված, համապատասխանաբար երեքական և չորսական հաբեր, նրա ասելով փաթաթել է պոլիէթիլենային տոպրակի մեջ, կպչուն ժապավենով ամրացրել է հետանցքի հատվածում, տարել է քրեակատարողական հիմնարկ և տեսակցության ժամանակ փոխանցել է Ա. Բեգլարյանին։
Ամբաստանյալ Արթուր Սարգսյանը հետագայում ցուցմունքներ է տվել այն մասին, որ ընդունում է միայն, որ չորս անգամ, Արման Բեգլարյանի խնդրանքով, իրենց շենքի մուտքի մոտ, վերցրել է ծխախոտի տուփի մեջ դրված թմրամիջոցները և փոխանցել է Խրիստիկ Ավանեսյանին։
/հատոր 1, գ.թ. 118-121, 163-164, հատոր 4, գ.թ. 102/
Դատարանում ամբաստանյալ Արթուր Սպարտակի Սարգսյանը ցուցմունք տվեց այն մասին, որ իր նախաքննական ցուցմունքներն իրականությանը չեն համապատասխանում, դրանք գրել է թելադրանքով և դրանցից հետագայում հրաժարվել է։ Քանի որ այդ ցուցմունքների մի մասը գրել է նաև իր պաշտպանի թելադրանքով, ուստի հետագայում հրաժարվել է նաև այդ պաշտպանից։ Ինքն Արման Բեգլարյանի մոտ գնացել է ընդամենը մեկ անգամ և նրան հանձնուք է տարել։ Նրա հետ ծանոթացել է իր հարևան Արամի միջոցով, որը նույնպես ՀՀ ԱՆ «Սևան» ՔԿՀ-ում պատիժ էր կրում և ինքը նրան հանձնուք էր տարել։ Չի հիշում, թե Խրիստիկ Ավանեսյանին որտեղից է ճանաչում, բայց իմացել է, որ նա տաքսու վարորդ է և նրա միջոցով մթերք է ուղարկել քրեակատարողական հիմնարկ։
/դատական նիստի արձանագրություն/
Ամբաստանյալ Արայիկ Նորիկի Գրիգորյանի ցուցմունքներով այն մասին, որ առաջադրված մեղադրանքում իրեն մեղավոր է ճանաչում լիովին։ Իր եղբայր Կարեն Նորիկի Գրիգորյանը մշտապես իր խնդրանքն է կատարել։ Իր եղբայրը չի իմացել, թե ինչ է փոխանցում։
Այնուհետև ամբաստանյալ Արայիկ Գրիգորյանը հրաժարվել է ցուցմունք տալուց և առաջադրված հարցերին պատասխանելուց։
/դատական նիստի արձանագրություն, հատոր 4, գ.թ. 47/
Ամբաստանյալներ Խրիստիկ Ավանեսյանի և Արման Բեգլարյանի առերես հարցաքննության արձանագրությամբ, որի համաձայն` ամբաստանյալ Խրիստիկ Ավանեսյանը հայտնել է, որ Արման Բեգլարյանին ճանաչել է ձայնից, նա այն անձն է, ով իրեն զանգահարել է 098-10-41-41 հեռախոսահամարից և նրա պատվերով բազմիցս օգնել է նրան` թմրամիջոցներ ձեռք բերելու հարցում։
/հատոր 3, գ.թ. 36/
Ամբաստանյալներ Խրիստիկ Բենյամինի Ավանեսյանի և Արթուր Սպարտակի Սարգսյանի առերես հարցաքննության արձանագրությամբ, որի համաձայն` ամբաստանյալ Խ. Ավանեսյանն ամբաստանյալ Ա. Սարգսյանին առերես պնդել է իր կողմից Ա. Սարգսյանից թմրամիջոցներ վերցնելու, թմրամիջոցներ փոխանցելու և ՀՀ ԱՆ «Սևան» ՔԿՀ տանելու վերաբերյալ իր ցուցմունքներում նշված հանգամանքները։
/հատոր 1, գ.թ. 168-172/
Վկա Գարիկ Արթուրի Զաքարյանի ցուցմունքներով այն մասին, որ իր հայր Արթուր Զավենի Զաքարյանը, որի մականունը «Ակուլ» է, 2009թ. դատապարտվել է թմրամիջոցների հետ կապված հանցագործություն կատարելու համար և այժմ ազատազրկման ձևով պատիժ է կրում ՀՀ ԱՆ «Սևան» ՔԿՀ-ում։ Ինքն իր «Օփել Աստրա» մակնիշի, 33LD160 պետհամարանիշի ավտոմեքենայով տաքսի ծառայություններ է մատուցում։ 2011թ. հուլիսի 08-ին իր հայրը զանգահարել է իրեն և խնդրել է գնալ Նոր Նորքի 1-ին զանգվածում գտնվող «Վիվարո» բուքմեյքերական գրասենյակ և այնտեղ աշխատող կնոջից վերցնել նրա մոտ թողնված գումարը։ Կատարել է հոր խնդրանքը և այդ կնոջից վերցրել է գումարը, որի չափը նշել չի կարող։ Իր հայրն իրեն ասել է նաև, որ գումարը պահի իր մոտ և այդ գումարի հետևից մարդ է ուղարկելու։ Ժամը 24.00-ի սահմաններում իրենց բակ է եկել մի տաքսու վարորդ, որը վարել է «Վազ 2107» մակնիշի ավտոմեքենա, որի պետհամարանիշը չի հիշում։ Վերջինս իր մոտից վերցրել է այդ գումարը և հեռացել։ Ինքը չի իմացել, որ այդ գումարը նախատեսված է եղել թմրամիջոց ձեռք բերելու համար։ Եթե իմանար, ապա նման բան չէր անի։ Բացի այդ, իր հայրը չէր կարող իրեն ներքաշել նման գործի մեջ։
/դատական նիստի արձանագրություն, հատոր 3, գ.թ.128-129/
Վկա Անժելա Վարդգեսի Հարությունյանի ցուցմունքներով այն մասին, որ իր եղբայր Արման Սիմոնյանը սպանություն կատարելու համար դատապարտվել է ազատազրկման և արդեն հինգ տարի է, ինչ ազատազրկման ձևով պատիժ է կրում ՀՀ ԱՆ «Արթիկ» ՔԿՀ-ում։ Իր քրոջ որդի Արգիշտի Աբրահամյանը նույնպես ազատազրկման ձևով պատիժ է կրել ՀՀ ԱՆ «Սևան» ՔԿՀ-ում` գողություն կատարելու համար։ Վերջինս այժմ ազատվել է պատժի կրումից։ Իրենք մշտապես իր եղբորը և քրոջ որդուն ամսվա մեջ երկու անգամ գումար, սնունդ և ծխախոտ են ուղարկել։ Քանի որ իրենք չեն կարողացել հաճախակի գնալ քրեակատարողական հիմնարկ, այդ պատճառով գումարը և սնունդը ուղարկել են այլ անձանց միջոցով։ Գումարը հիմնականում թողել են իրենց կրպակի աշխատակից Ռուզաննայի մոտ։ Գումարի չափը եղել է 5000-ից 10.000 ՀՀ դրամ։ Իր եղբայրը և քրոջ որդին թմրամիջոցներ չեն օգտագործում։ Ինքը չի իմացել, որ իր ուղարկած գումարները նախատեսված են եղել թմրամիջոցներ ձեռք բերելու համար։ Ինքն այդ գումարները ուղարկել է` սնունդ և ծխախոտ գնելու համար։
/դատական նիստի արձանագրություն, հատոր 3, գ.թ.109-110/
Վկա Ռուզաննա Խաչիկի Սարգսյանի ցուցմունքներով այն մասին, որ շուրջ երկու տարի է, ինչ աշխատում է Երևանի Պարոնյան թիվ 4 հասցեում գործող առևտրի կրպակում որպես վաճառող։ Իր անմիջական ղեկավարը Սամվել Հարությունյանն է։ Տեղյակ է, որ իր ղեկավարի աներորդին, որի անունը Արման է և Արգիշտի անունով բարեկամը դատապարտվել են ազատազրկման։ Եղել են դեպքեր, որ իր ղեկավարի կին Անժելան գումարներ է թողել իր մոտ և ասել է, որ այդ գումարները նախատեսված են Արմանին ուղարկելու համար, որոնց հետևից կգան մարդիկ և կտանեն։ Ինքը ուշադրություն չի դարձրել, թե ովքեր են եկել այդ գումարների հետևից։ Չի հետաքրքրվել, թե այդ գումարներն ինչ նպատակով են ուղարկվում։
/դատական նիստի արձանագրություն, հատոր 3, գ.թ.106-107/
Վկա Սիլվա Ալբերտի Տոնիկյանի ցուցմունքներով այն մասին, որ աշխատում է Նոր Նորքի 1-ին զանգվածում գտնվող «Վիվարո» բուքմեյքերական գրասենյակում որպես օպերատոր։ Լինում են դեպքեր, որ ինքը խաղադրույքները կատարում է հեռախոսազանգի միջոցով, եթե հաճախորդը նախապես իր մոտ գումար է թողած լինում։ Եղել է դեպք, որ իրեն գումար են փոխանցել և ասել են, որ այդ գումարը «Սևանի Աշոտի» համար է։ Աշոտն իրեն զանգահարել է տարբեր հեռախոսահամարներից և ասել է, թե որքան գումարն է անհրաժեշտ փոխանցել դեպոզիտային հաշվին։ Եղել են դեպքեր, որ ամբողջ փոխանցված գումարն է մուտքագրել, եղել են նաև դեպքեր, որ գումարի մի մասը հետ է փոխանցվել Աշոտի կողմից ուղարկված մարդկանց։ Խրիստիկ Ավանեսյանը 5-ից 7 անգամ եկել է իր մոտ և ավելացած գումարները տարել է։ Վերջին անգամ Աշոտն իրեն զանգահարել է 2012թ. հունիսի 5-ին, ժամը 20.00-ի սահմաններում և խնդրել է փոխանցված 55.000 ՀՀ դրամ գումարից 5000 ՀՀ դրամը մուտքագրել դեպոզիտ հաշվին, իսկ մնացած գումարը խնդրել է պահել իր մոտ, որը 2012թ. հունիսի 7-ին շուրջ 25 տարեկան, միջահասակ մի երիտասարդ եկել և վերցրել է իր մոտից։
/դատական նիստի արձանագրություն, հատոր 3, գ.թ.104-105/
Վկա Լաուրա Ժիրիկի Աբրահամյանի նախաքննական ցուցմունքներով այն մասին, որ իր եղբայր Արգիշտի Աբրահամյանը 2007թ. դատապարտվել է ազատազրկման, պատիժը կրել է ՀՀ ԱՆ «Սևան» ՔԿՀ-ում և 2012թ. մայիսին ազատվել է պատժի կրումից։ Պատիժը կրելու ընթացքում ինքը երկու անգամ իր եղբորը գումար է ուղարկել` 5000 և 9000 ՀՀ դրամի չափով։ Գումարներն ուղարկել է իրեն անծանոթ անձանց միջոցով։ Իր եղբայրը թմրամիջոցներ չի օգտագործում։
/հատոր 3, գ.թ. 116/
Վկա Քնարիկ Հրանտի Վանեսյանի նախաքննական ցուցմունքներով այն մասին, որ շուրջ երկու տարի առաջ համացանցի «Օդնոկլասնիկի» սոցիալական կայքի միջոցով ծանոթացել է Յուրա Կալիյանի հետ, որը պատիժ է կրել ՀՀ ԱՆ «Սևան» ՔԿՀ-ում։ Նրա հետ գտնվել է մտերիմ փոխհարաբերությունների մեջ և այժմ իրենք միասին են բնակվում։ Եղել են դեպքեր, որ Յուրայի խնդրանքով իրեն անծանոթ տաքսու վարորդների միջոցով նրան գումարներ է ուղարկել։ Գումարներն իրեն ուղարկել է Ուկրաինայում բնակվող Յուրայի քույրը` ամսեկան 100-ից 200 ԱՄՆ դոլարի չափով։
/հատոր 3, գ.թ. 120/
Դատաքիմիական փորձաքննության 2012թ. մարտի 26-ի թիվ 128Ք եզրակացությամբ, որի համաձայն` «Փորձաքննության ներկայացված թվով 4 ամբողջական դեղահաբերում հայտնաբերվեց բուպրենորֆին տեսակի թմրամիջոց։ Բուպրենորֆին տեսակի թմրամիջոցի ընդհանուր քաշը ներկայացված հաբերում կազմում է 0,032 գրամ։
Ծանոթություն.հետազոտությամբ ծախսվեց թվով մեկ դեղահաբ։»։
/հատոր 1, գ.թ. 16-18/
Տոքսիկոքիմիական փորձաքննության 2012թ. մայիսի 31-ի թիվ 12-1708 եզրակացությամբ, որի համաձայն`
- «24.03.2012թ. ՀՀ ԱՆ «Հոգեբուժական բժշկական կենտրոն» ՓԲԸ ՆԿ-ում Խրիստիկ Բենյամինի Ավանեսյանից վերցված մեզի փորձանմուշի մեջ հայտնաբերվել են ափիոիդների շարքի բուպրենորֆին տեսակի դեղամիջոցի մեթաբոլիտների հետքեր։
- Ափիոդների շարքի բուպրենորֆինի մեթաբոլիտների առկայությունը օգտագործող անձի կենսամիջավայրում կարող է առաջանալ «Սուբոտեքս» տեսակի դեղահաբերի գործածումից։»։
/հատոր 3, գ.թ. 92-95/
Տոքսիկոքիմիական փորձաքննության 2012թ. մայիսի 31-ի թիվ 12-1709 եզրակացությամբ, որի համաձայն`
- «31.03.2012թ. ՀՀ ԱՆ «Հոգեբուժական բժշկական կենտրոն» ՓԲԸ ՆԿ-ում Ներսես Վաղինակի Ավետիսյանից վերցված մեզի փորձանմուշի մեջ հայտնաբերվել են ափիոնի և կանաբինոիդների խմբին պատկանող թմրամիջոցների թմրալկալոիդների հետքեր։ Մազի փորձանմուշը չի հետազոտվել։
- Ափիոնի խմբին պատկանող թմրամիջոցի թմրալկալոիդների առկայությունը օգտագործող անձի կենսամիջավայրում կարող է առաջանալ կակաչի հումքից պատրաստված թմրամիջոցների, «Մորֆին», «Օմնոպոն» ցավազրկող թմրադեղերի, «Հերոին» տեսակի թմրամիջոցի, ինչպես նաև այնպիսի դեղահաբերի գործածումից, որոնց բաղադրության մեջ պարունակում է «Կոդեին» տեսակի թմրամիջոց, իսկ կանաբինոիդների թմրալկալոիդների առկայությունը պայմանավորված է միայն կանեփի հումքից պատրաստված թմրամիջոցների գործածմամբ։»։
/հատոր 3, գ.թ. 96-99/
Տոքսիկոքիմիական փորձաքննության 2012թ. հունիսի 11-ի թիվ 0466 եզրակացությամբ, որի համաձայն`
«ա/ 31.05.2012թ. Արման Գևորգի Բեգլարյանի մեզի փորձանմուշում հայտնաբերվեցին ափիոիդային շարքի անալգետիկ բուպրենորֆինի մետաբոլիտները։
բ/ 31.05.2012թ. Արման Գևորգի Բեգլարյանի մազի մոտ 1.0սմ երկարությամբ փորձանմուշում հայտնաբերվեցին ափիոիդային շարքի անալգետիկ բուպրենորֆինի մետաբոլիտները։»։
/հատոր 3, գ.թ. 118/
Տոքսիկոքիմիական փորձաքննության 2012թ. հունիսի 11-ի թիվ 0467 եզրակացությամբ, որի համաձայն`
«ա/ 31.05.2012թ. Արայիկ Նորիկի Գրիգորյանի մեզի փորձանմուշում հայտնաբերվեցին ափիոիդային շարքի անալգետիկ բուպրենորֆինի մետաբոլիտները։
բ/ 31.05.2012թ. Արայիկ Նորիկի Գրիգորյանի մազի մոտ 1.5սմ երկարությամբ փորձանմուշում հայտնաբերվեցին ափիոիդային շարքի անալգետիկ բուպրենորֆինի մետաբոլիտները։»։
/հատոր 3, գ.թ. 119/
Դատանարկոլոգիական-ամբուլատոր փորձաքննության 2012թ. հունիսի 13-ի թիվ 123-12 եզրակացությամբ, որի համաձայն` «Խրիստիկ Բենիամինի Ավանեսյանի մոտ թմրանյութերի գործածումը կրում է էպիզոդիկ բնույթ, ուստի հարկադիր բուժման կարիք չունի։»։
/հատոր 3, գ.թ. 173-174/
Դատանարկոլոգիական-ամբուլատոր փորձաքննության 2012թ. հունիսի 14-ի թիվ 126-12 եզրակացությամբ, որի համաձայն` «Ներսես Վաղինակի Ավետիսյանի մոտ թմրանյութերի գործածումը կրում է էպիզոդիկ բնույթ, ուստի հարկադիր բուժման կարիք չունի։»։
/հատոր 3, գ.թ. 177-178/
Դատանարկոլոգիական-ամբուլատոր փորձաքննության 2012թ. օգոստոսի 21-ի թիվ 168-12 եզրակացությամբ, որի համաձայն` «Արման Գևորգի Բեգլարյանը տառապում է «Ափիոնային թմրամոլություն» ախտորոշմամբ, ուստի հարկադիր բուժման կարիք ունի, որի համար հակացուցումներ չկան։»։
/հատոր 4, գ.թ. 132-133/
Դատանարկոլոգիական-ամբուլատոր փորձաքննության 2012թ. օգոստոսի 21-ի թիվ 169-12 եզրակացությամբ, որի համաձայն` «Արայիկ Նորիկի Գրիգորյանը տառապում է «Ափիոնային թմրամոլություն» ախտորոշմամբ, ուստի հարկադիր բուժման կարիք ունի, որի համար հակացուցումներ չկան։»։
/հատոր 4, գ.թ. 134-135/
Տեսաձայնագրային փորձաքննության 2012թ. հունիսի 26-ի թիվ 14101206 եզրակացությամբ, որի համաձայն`
«1. Փորձաքննությանը տրամադրված «smartbuy» ֆիրմայի արտադրության լազերային սկավառակի (թողարկման սերիական համարը` «F79925624 02405 03») վրա առկա են ընդհանուր առմամբ 33 ֆայլ` «wav» ֆորմատի, որոնք հանդիսանում են ձայնագրված հեռախոսային խոսակցություններ։
Բացառությամբ «5-153-12_20-12-58_06.03.2012_98104141_out_093362183» անվանումով ֆայլի խոսակցության, մնացած բոլոր հեռախոսային խոսակցություններում մեկ կողմից հանդես է գալիս միևնույն տղամարդը, որի ձայնը (բանավոր խոսքը) պիտանի է նույնացմանն ուղղված հետազոտություններ անցկացնելու համար։
2. Նշված խոսակցություններում մի կողմից հանդես եկող տղամարդու բանավոր խոսքը (ձայնը) պատկանում է Արման Գևորգի Բեգլարյանին։
3. «98 84-45-45» և «098 10-41-41» հեռախոսահամարների միջև կատարված հեռախոսազանգերի խոսակցությունները պարունակող` «5-152-12_19-09-57_19.03.2012_98104141_in_098854545» և «5-152-12_18-53-39_20.03.2012_98104141_out_098854545» ֆայլերի խոսակցություններում Ա. Բեգլարյանի հետ զրուցող երկրորդ տղամարդու բանավոր խոսքը (ձայնը) պիտանի չէ նույնացմանն ուղղված հետազոտություններ անցկացնելու համար, հետևաբար և պարզել, թե այդ խոսակցություններում մասնակցում է Արայիկ Նորիկի Գրիգորյանը, թե` ոչ, հնարավոր չէ` անձը նույնականացնող բավարար հատկանիշների անբավարարության պատճառով։»։
/հատոր 3, գ.թ. 163-170/
Համակարգչատեխնիկական փորձաքննության 2012թ. մայիսի 18-ի թիվ 12-1243 եզրակացութամբ, որի համաձայն`
«1-4. Փորձաքննության ներկայացված «Samsung GT-E1081T» մակնիշի բջջային հեռախոսի հիշողության մեջ` կարճ հաղորդագրությունների ցանկում գրառումները բացակայում են, հեռախոսային գրքույկում առկա է թվով 35 գրառում /Հավելված.1.Աղյուսակ.1./, վերջին զանգերի ցանկում առկա է թվով 11 գրառում /Հավելված.1.Աղյուսակ.2./։ Հեռախոսի հիշողության մեջ գործածողի կողմից ստեղծված ֆայլեր չհայտնաբերվեցին։
Փորձաքննության ներկայացված «Samsung GT-E1081T» մակնիշի բջջային հեռախոսի մեջ առկա «VivaCell», «postpaid», «8937493808007711943» գրառումներով հեռախոսային քարտի մեջ` կարճ հաղորդագրությունների ցանկում առկա է թվով 4 գրառում /Հավելված.1.Աղյուսակ.3./, հեռախոսային գրքույկում առկա է թվով 157 գրառում /Հավելված.1.Աղյուսակ.4./, վերջին զանգերի ցանկում առկա է թվով 10 գրառում /Հավելված.1.Աղյուսակ.5./։
Փորձաքննության ներկայացված «Nokia X1-01» մակնիշի բջջային հեռախոսի հիշողության մեջ` կարճ հաղորդագրությունների ցանկում առկա է թվով 3 գրառում /Հավելված.1.Աղյուսակ.6./, հեռախոսային գրքույկում գրառումները բացակայում են, վերջին զանգերի ցանկում առկա է թվով 114 գրառում /Հավելված.1.Աղյուսակ.7./։ Հեռախոսի հիշողության մեջ գործածողի կողմից ստեղծված ֆայլեր չհայտնաբերվեցին։
Փորձաքննության ներկայացված «Nokia X1-01» մակնիշի բջջային հեռախոսի մեջ առկա «Beeline», «8937401000115679177» գրառումներով հեռախոսային քարտի մեջ` կարճ հաղորդագրությունների ցանկում առկա է թվով 18 գրառում /Հավելված.1.Աղյուսակ.8./, հեռախոսային գրքույկում գրառումները բացակայում են, վերջին զանգերի ցանկում առկա է թվով 10 գրառում /Հավելված.1.Աղյուսակ.9./։
Փորձաքննության ներկայացված «DORADO D6700» մակնիշի բջջային հեռախոսի հիշողության մեջ` կարճ հաղորդագրությունների ցանկում գրառումները բացակայում են, վերջին զանգերի ցանկում առկա է թվով 59 գրառում /Հավելված.1.Աղյուսակ.10./։ Հեռախոսի հիշողության մեջ գործածողի կողմից ստեղծված ֆայլեր չհայտնաբերվեցին։
Փորձաքննության ներկայացված «DORADO D6700» մակնիշի բջջային հեռախոսի մեջ առկա «VivaCell», «Alo», «8937493208012800577» գրառումներով հեռախոսային քարտի մեջ` կարճ հաղորդագրությունների ցանկում առկա է թվով 17 գրառում /Հավելված.1.Աղյուսակ.11./, հեռախոսային գրքույկում առկա է թվով 1 գրառում /Հավելված.1.Աղյուսակ.12./, վերջին զանգերի ցանկում առկա է թվով 10 գրառում /Հավելված.1.Աղյուսակ.13./։
Բջջային հեռախոսի հիշողությունից տեղեկատվության վերականգնման աշխատանքներ ներկայումս չեն կատարվում` համապատասխան մեթոդիկաների և տեխնիկական միջոցների բացակայության պատճառով։»։
/հատոր 3, գ.թ. 71-91/
Անձին ճանաչման ներկայացնելու մասին 29.03.2012թ. արձանագրությամբ, որի համաձայն` ամբաստանյալ Խրիստիկ Ավանեսյանն իրեն ճանաչման ներկայացված անձանց շարքում ճանաչել է ամբաստանյալ Ներսես Ավետիսյանին և հայտարարել, որ նա այն անձն է, ումից Արմավիր քաղաքում երկու անգամ թմրամիջոցներ է վերցրել` Արման Բեգլարյանին փոխանցելու համար։
/հատոր 1, գ.թ. 123/
Անձին ճանաչման ներկայացնելու մասին 28.03.2012թ. արձանագրությամբ, որի համաձայն` ամբաստանյալ Խրիստիկ Ավանեսյանն իրեն ճանաչման ներկայացված անձանց շարքում ճանաչել է ամբաստանյալ Կարեն Գրիգորյանին և հայտարարել, որ նա այն անձն է, ով 2012թ. մարտի 23-ին, Երևանի Լենինգրադյան փողոցում իրեն է փոխանցել մեկ հաբ «սուբոտեքս» տեսակի դեղահաբ։
/հատոր 1, գ.թ. 70-71/
Անձնական խուզարկություն կատարելու մասին 24.03.2012թ. արձանագրությամբ, որի համաձայն` Խ. Ավանեսյանի տաբատի ձախ գրպանից հայտնաբերվել է «Վիպ» /«VIP»/ տեսակի ծխախոտի տուփ, որի մեջ առկա են եղել պոլիէթիլենային փաթեթով փաթեթավորված, «սուբոտեքս» տեսակի թմրամիջոց հիշեցնող չորս դեղահաբեր, ինչպես նաև «Դորադո» տեսակի բջջային հեռախոս` 077-78-80-75 հեռախոսաքարտով։ Խ. Ավանեսյանը հայտարարել է, որ դեղահաբերն իրեն փոխանցել է մի անձնավորություն, որի անունը տվյալ պահին չի հիշում։
/հատոր 1, գ.թ. 3/
Որպես այլ փաստաթուղթ` ապացույց ճանաչված, ՀՀ ԱՆ «Սևան» ՔԿ հիմնարկի դատապարտյալներ Արման Գևորգի Բեգլարյանի և Արամ Վոլոդիայի Նազարյանի տեսակցությունների, հանձնուքների և փաթեթների հաշվառման քարտերով, որոնց համաձայն` ամբաստանյալ Արթուր Սպարտակի Սարգսյանը բազմիցս տեսակցել և հանձնուքներ է հանձնել նրանց։
/հատոր 1, գ.թ. 361-367/
Որպես այլ փաստաթուղթ` ապացույց ճանաչված, Խրիստիկ Բենյամինի Ավանեսյանի 077-78-80-75, Արթուր Սպարտակի Սարգսյանի 094-79-91-77, Արթուր Սամվելի Սարգսյանի 093-70-72-14, Ներսես Վաղինակի Ավետիսյանի 094-52-38-35, Կարեն Նորիկի Գրիգորյանի 098-67-78-67, Արման Գևորգի Բեգլարյանի 098-10-41-41 և Արայիկ Նորիկի Գրիգորյանի 098-85-45-45 հեռախոսահամարների մուտքային և ելքային հեռախոսազանգերի վերծանումներով, որոնց համաձայն` վերոհիշյալ անձինք գտնվել են ակտիվ հեռախոսակապի մեջ միմյանց հետ։
/հատոր 2, գ.թ. 13-212/
Զննություն կատարելու մասին 27.04.2012թ. արձանագրությամբ, որի համաձայն` զննվել են Խրիստիկ Բենյամինի Ավանեսյանի 077-78-80-75, Արթուր Սպարտակի Սարգսյանի 094-79-91-77, Արթուր Սամվելի Սարգսյանի 093-70-72-14, Ներսես Վաղինակի Ավետիսյանի 094-52-38-35, Կարեն Նորիկի Գրիգորյանի 098-67-78-67, Արման Գևորգի Բեգլարյանի 098-10-41-41 և Արայիկ Նորիկի Գրիգորյանի 098-85-45-45 հեռախոսահամարների մուտքային և ելքային հեռախոսազանգերի վերծանումները, որոնցով հաստատվել է`
- ամբաստանյալ Արման Բեգլարյանի կապն ամբաստանյալ Արթուր Սպարտակի Սարգսյանի հետ, մասնավորապես` 098-10-41-41 և 094-79-91-77 հեռախոսահամարի միջև 2011թ. օգոստոսի 11-ից մինչև 2012թ. մարտի 19-ն ընկած ժամանակահատվածում փոխադարձաբար կատարվել են բազմաթիվ հեռախոսազանգեր,
- ամբաստանյալ Արման Բեգլարյանի կապն ամբաստանյալ Խրիստիկ Ավանեսյանի հետ, մասնավորապես` 098-10-41-41 և 077-78-80-75 հեռախոսահամարների միջև 2011թ. հուլիսի 07-ից մինչև 2012թ. մարտի 24-ն ընկած ժամանակահատվածում փոխադարձաբար կատարվել են բազմաթիվ հեռախոսազանգեր,
- ամբաստանյալ Արման Բեգլարյանի կապն ամբաստանյալ Արայիկ Գրիգորյանի հետ, մասնավորապես` 098-10-41-41 և 098-85-45-45 հեռախոսահամարների միջև 2012թ. մարտի 15-ից մինչև 2012թ. մարտի 19-ն ընկած ժամանակահատվածում փոխադարձաբար կատարվել են բազմաթիվ հեռախոսազանգեր,
- ամբաստանյալ Արման Բեգլարյանի կապն ամբաստանյալ Ներսես Վաղինակի Ավետիսյանի հետ, մասնավորապես` 098-10-41-41 հեռախոսահամարից 2011թ. մայիսի 21-ից մինչև 2012թ. փետրվարի 27-ն ընկած ժամանակահատվածում փոխադարձաբար կատարվել են բազմաթիվ հեռախոսազանգեր,
- ամբաստանյալ Խրիստիկ Բենյամինի Ավանեսյանի կապն ամբաստանյալ Արթուր Սպարտակի Սարգսյանի հետ, մասնավորապես` 2011թ. հոկտեմբերի 23-ից մինչև 2012թ. մարտի 16-ն ընկած ժամանակահատվածում փոխադարձաբար կատարվել են բազմաթիվ հեռախոսազանգեր,
- ամբաստանյալ Ներսես Վաղինակի Ավետիսյանի կապն Արթուր Սամվելի Սարգսյանի հետ, մասնավորապես` 08.12.2011թ.-ին, 10.12.2011թ.-ին, 14.12.2011թ.-ին, 19.12.2011թ.-ին, 18.02.2012թ.-ին վերջիններիս միջև փոխադարձաբար կատարվել են մի քանի հեռախոսազանգեր։
Հեռախոսահամարների մուտքային և ելքային հեռախոսազանգերի վերծանումների զննության համաձայն` Արթուր Սպարտակի Սարգսյանի 094-79-91-77 հեռախոսահամարը 2011թ. ապրիլի 1-ից մինչև 2012թ. մարտի 19-ն ընկած ժամանակահատվածում, ինչպես նաև Խրիստիկ Ավանեսյանի 077-77-80-75 հեռախոսահամարը 2012թ. հուլիսի 15-ից մինչև 2012թ. մարտի 19-ն ընկած ժամանակահատվածում բազմիցս սպասարկվել է ՀՀ ԱՆ «Սևան» ՔԿՀ-ի տարածքը սպասարկող կայանով։ Արթուր Սարգսյանի և Խրիստիկ Ավանեսյանի հեռախոսահամարների մուտքային և ելքային հեռախոսազանգերի վերծանումների համադրման արդյունքում պարզվել է նաև, որ վերջիններս բազմիցս հանդիպել են Երևանի Կիլիկիա թաղամասում և միասին գնացել են ՀՀ ԱՆ «Սևան» ՔԿՀ։
/հատոր 2, գ.թ. 13-212/
Իրեղեն ապացույց ճանաչված` Խրիստիկ Բենյամինի Ավանեսյանի անձնական խուզարկությամբ հայտնաբերված, 0,032 գրամ քաշով «բուպրենորֆին» տեսակի թմրամիջոց պարունակող 4 /չորս/ դեղահաբերով։
/հատոր 4, գ.թ. 129/
Նախաքննության և դատաքննության ընթացքում ամբաստանյալ Արման Բեգլարյանն իրեն մեղավոր չի ճանաչել, հրաժարվել է ցուցմունքներ տալուց և հարցերին պատասխանելուց։
/դատական նիստի արձանագրություն, հատոր 4, գ.թ. 41/։



Դատարանի իրավական վերլուծությունները

Վերլուծելով ամբաստանյալներ Արթուր Սպարտակի Սարգսյանի, Կարեն Նորիկի Գրիգորյանի և Ներսես Վաղինակի Ավետիսյանի ցուցմունքները, համադրելով դրանք քրեական գործի դատական քննությամբ ձեռք բերված և հետազոտված ապացույցների հետ, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալներ Արթուր Սպարտակի Սարգսյանի, Կարեն Նորիկի Գրիգորյանի և Ներսես Վաղինակի Ավետիսյանի դատաքննական ցուցմունքներն իրականությանը չեն համապատասխանում, արժանահավատ չեն, քրեական պատասխանատվությունից և պատժից խուսափելու, այդ հարցում միմյանց օգնելու նպատակ են հետապնդում և հերքվում են վերոհիշյալ ապացույցներով։
Ամբաստանյալ Ա. Սարգսյանի պաշտպան Ա. Հարությունյանը 26.11.2012թ. միջնորդություն է ներկայացրել` ամբաստանյալ Արթուր Սարգսյանին բերման ենթարկելու մասին արձանագրության, Արթուր Սարգսյանի 28.03.2012թ. բացատրության և նախաքննական ցուցմունքների, ինչպես նաև ամբաստանյալ Խրիստիկ Ավանեսյանի նախաքննական ցուցմունքների` որպես ապացույցի անթույլատրելիությունը հաստատելու մասին` այն պատճառաբանությամբ, որ Ա. Սարգսյանին բերման ենթարկելու մասին արձանագրության մեջ նշված չէ, թե նրան կոնկրետ որտեղից են բերման ենթարկել, բացի այդ արձանագրության մեջ նշված է, որ անձին բերման են ենթարկել ՀՀ ոստիկանության ԿՀԴՊ գլխավոր վարչություն, սակայն արձանագրության վրա առկա է ՀՀ ոստիկանության Երևան քաղաքի վարչության Արաբկիրի բաժնի կնիքը։ Ամբաստանյալներ Արթուր Սարգսյանը և Ներսես Ավետիսյանը բերման են ենթարկվել ՀՀ ոստիկանության ԿՀԴՊ գլխավոր վարչության 3-րդ վարչության 4-րդ բաժնի օպեր-լիազոր Տ. Կոստանյանի կողմից։ Վերջինս ժամը 08.45-ին Երևանի Կիլիկիա թաղամասից ՀՀ ոստիկանության ԿՀԴՊ գլխավոր վարչություն է բերման ենթարկել Արթուր Սարգսյանին, նրան խուզարկել է և տարել է ՀՀ ոստիկանության Երևան քաղաքի վարչության Արաբկիրի բաժին, որից հետո հասցրել է ժամը 09.45-ին հայտնվել Արմավիրի մարզի Սարդարապատ գյուղում և բերման ենթարկել Ներսես Ավետիսյանին։ Արթուր Սարգսյանի կողմից բացատրություն տալիս, վարույթն իրականացնող մարմնի կողմից ոչ միայն չի ապահովվել Ա. Սարգսյանի` ձերբակալվածի կարգավիճակից բխող իրավունքների իրականացումը, այլ նույնիսկ չի ապահովվել բերվածի` ՀՀ Սահմանադրությամբ և «Մարդու իրավունքների և հիմնարար ազատությունների պաշտպանության մասին» Եվրոպական Կոնվենցիայով երաշխավորված նվազագույն իրավունքների իրականացումը, որը սահմանված է նաև ՀՀ կառավարության 14.06.2007թ. թիվ 818-Ն որոշմամբ։ Ինչ վերաբերվում է Արթուր Սարգսյանի` որպես վկա, կասկածյալ և մեղադրյալ տված ցուցմունքներին, ապա դրանք իրենց բովանդակությամբ ամբողջությամբ համընկնում են Ա. Սարգսյանի կողմից տրված բացատրությանը, որը համարվում է որպես ապացույց չթույլատրվող նյութ, ուստի Ա. Սարգսյանի այդ ցուցմունքները նույնպես հանդիսանում են անթույլատրելի ապացույցներ։ Ամբաստանյալ Խրիստիկ Ավանեսյանն ամբողջ նախաքննության ընթացքում հարցաքննվել է շուրջ վեց անգամ, որից առաջին ցուցմունքը տևել է ութ ժամ, որի ժամանակ նա ոչինչ չի հայտնել Արթուր Սարգսյանի մասին, իսկ հետագա ցուցմունքների ժամանակ մանրամասն հայտնել է Արթուր Սարգսյանի մասին։ Խ. Ավանեսյանի կողմից տրված յուրաքանչյուր ցուցմունք ավարտվել է «ցուցմունքիս ավելացնելու ոչինչ չունեմ» արտահայտությամբ, սակայն յուրաքանչյուր նոր ցուցմունք սկսել է` նշելով, որ ցանկանում է նոր տեղեկություններ հայտնել։ Ակնհայտ է, որ Խրիստիկ Ավանեսյանին ստիպել են տալ նման ցուցմունքներ, իսկ դատաքննության ժամանակ նա հայտարարել է, որ իր նախաքննական ցուցմունքներն իրականությանը չեն համապատասխանում։
Քննարկելով պաշտպան Ա. Հարությունյանի վերոհիշյալ միջնորդությունը` դատարանը գտնում է, որ այն ամբողջությամբ անհիմն է և ենթակա է մերժման, քանի որ պաշտպանի միջնորդության մեջ նշված` Արթուր Սարգսյանին բերման ենթարկելու մասին արձանագրությունը և նրա բացատրությունը որպես ապացույց մեղադրական եզրակացության մեջ չեն նշվել, դատարանին չեն ներկայացվել և չեն հետազոտվել, որպես ամբաստանյալի մեղքը հիմնավորող ապացույցներ չեն օգտագործվել։ Ամբաստանյալներ Արթուր Սարգսյանի և Խրիստիկ Ավանեսյանի ցուցմունքները որպես ապացույց ձեռք են բերվել քրեադատավարական օրենքի պահանջների պահպանմամբ, իսկ այդ ցուցմունքներում տեղեկությունները պարբերաբար լրացնելը կամ դրանցում գործածված տարբեր արտահայտությունները` այդ ցուցմունքներն անթույլատրելի ճանաչելու համար բավարար հիմք չեն հանդիսանում։ Բացի այդ միջնորդության մեջ նշված այն հանգամանքը, որ ամբաստանյալ Խրիստիկ Ավանեսյանը հայտարարել է իր նախաքննական ցուցմունքներն իրականությանը չհամապատասխանելու մասին, հերքվում է դատական նիստերի արձանագրությամբ, որի համաձայն` Խ. Ավանեսյանը հայտարարել է իր նախաքննական ցուցմունքները պնդելու մասին։ Հետևաբար, այդ ցուցմունքները որպես ապացույց ձեռք բերելիս, ՀՀ քրեական դատավարության օրենսգրքի 105-րդ հոդվածով սահմանված խախտումներ, ինչպես նաև քրեադատավարական օրենքի պահանջների այլ էական խախտումներ թույլ չեն տրվել։
Վերլուծելով ամբաստանյալներ Արման Գևորգի Բեգլարյանին, Արայիկ Նորիկի Գրիգորյանին, Կարեն Նորիկի Գրիգորյանին, Արթուր Սպարտակի Սարգսյանին, Ներսես Վաղինակի Ավետիսյանին և Խրիստիկ Բենյամինի Ավանեսյանին առաջադրված մեղադրանքները, ամբաստանյալներ Արայիկ Նորիկի Գրիգորյանի, Կարեն Նորիկի Գրիգորյանի, Արթուր Սպարտակի Սարգսյանի, Ներսես Վաղինակի Ավետիսյանի, Խրիստիկ Բենյամինի Ավանեսյանի ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Արման Գևորգի Բեգլարյանի կողմից, նրա մեղավորությամբ, նրան ՀՀ քրեական օրենսգրքի 268-րդ հոդվածի 2-րդ մասի 2-րդ կետով առաջադրված մեղադրանքի ութ դրվագներից յուրաքանչյուրով, առանց իրացնելու նպատակի, խոշոր չափերով թմրամիջոցներ ապօրինի ձեռք բերելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Արման Գևորգի Բեգլարյանի կողմից, նրա մեղավորությամբ, նրան ՀՀ քրեական օրենսգրքի 268-րդ հոդվածի 1-ին մասով առաջադրված մեղադրանքի հինգ դրվագներից յուրաքանչյուրով, զգալի չափերով թմրամիջոցներ ապօրինի ձեռք բերելը, նրա այդ արարքները նույնպես ճիշտ են որակված և համապատասխանում են ՀՀ քրեական օրենսգրքի 268-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Արման Գևորգի Բեգլարյանի կողմից, նրա մեղավորությամբ, նրան ՀՀ քրեական օրենսգրքի 38-268-րդ հոդվածի 1-ին մասով առաջադրված մեղադրանքի երկու դրվագներից յուրաքանչյուրով, զգալի չափերով թմրամիջոցներ ապօրինի ձեռք բերելուն օժանդակելը, նրա այդ արարքները նույնպես ճիշտ են որակված և համապատասխանում են ՀՀ քրեական օրենսգրքի 38-268-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Արման Գևորգի Բեգլարյանի կողմից, նրա մեղավորությամբ, զգալի չափերով թմրամիջոցներ ապօրինի ձեռք բերելուն օժանդակելու փորձ կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 34-38-268-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Արման Գևորգի Բեգլարյանի կողմից, նրա մեղավորությամբ, խոշոր չափերով թմրամիջոցներ ապօրինի ձեռք բերելու փորձ կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ամբաստանյալ Արայիկ Նորիկի Գրիգորյանի կողմից, նրա մեղավորությամբ, նրան ՀՀ քրեական օրենսգրքի 268-րդ հոդվածի 1-ին մասով առաջադրված մեղադրանքի չորս դրվագներից յուրաքանչյուրով, զգալի չափերով թմրամիջոցներ ապօրինի ձեռք բերելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 268-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Արայիկ Նորիկի Գրիգորյանի կողմից, նրա մեղավորությամբ, զգալի չափերով թմրամիջոցներ ապօրինի ձեռք բերելու փորձ կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 34-268-րդ հոդվածի 1-ին մասով նախատեսված հանցագործության հատկանիշներին։
Ամբաստանյալ Կարեն Նորիկի Գրիգորյանի կողմից, նրա մեղավորությամբ, նրան ՀՀ քրեական օրենսգրքի 38-268-րդ հոդվածի 1-ին մասով առաջադրված մեղադրանքի չորս դրվագներից յուրաքանչյուրով, զգալի չափերով թմրամիջոցներ ապօրինի ձեռք բերելուն օժանդակելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 38-268-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Կարեն Նորիկի Գրիգորյանի կողմից, նրա մեղավորությամբ, զգալի չափերով թմրամիջոցներ ապօրինի ձեռք բերելուն օժանդակելու փորձ կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 34-38-268-րդ հոդվածի 1-ին մասով նախատեսված հանցագործության հատկանիշներին։
Ամբաստանյալ Արթուր Սպարտակի Սարգսյանի կողմից, նրա մեղավորությամբ, նրան ՀՀ քրեական օրենսգրքի 38-268-րդ հոդվածի 1-ին մասով առաջադրված մեղադրանքի երեք դրվագներից յուրաքանչյուրով, զգալի չափերով թմրամիջոցներ ապօրինի ձեռք բերելուն օժանդակելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 38-268-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Արթուր Սպարտակի Սարգսյանի կողմից, նրա մեղավորությամբ, նրան ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով առաջադրված մեղադրանքի յոթ դրվագներից յուրաքանչյուրով, խոշոր չափերով թմրամիջոցներ ապօրինի ձեռք բերելուն օժանդակելը, նրա այդ արարքները նույնպես ճիշտ են որակված և համապատասխանում են ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ամբաստանյալ Ներսես Վաղինակի Ավետիսյանի կողմից, նրա մեղավորությամբ, նրան ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով առաջադրված մեղադրանքի երկու դրվագներից յուրաքանչյուրով, խոշոր չափերով թմրամիջոցներ ապօրինի ձեռք բերելուն օժանդակելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ամբաստանյալ Խրիստիկ Բենյամինի Ավանեսյանի կողմից, նրա մեղավորությամբ, նրան ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով առաջադրված մեղադրանքի ութ դրվագներից յուրաքանչյուրով, խոշոր չափերով թմրամիջոցներ ապօրինի ձեռք բերելուն օժանդակելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Խրիստիկ Բենյամինի Ավանեսյանի կողմից, նրա մեղավորությամբ, նրան ՀՀ քրեական օրենսգրքի 38-268-րդ հոդվածի 1-ին մասով առաջադրված մեղադրանքի յոթ դրվագներից յուրաքանչյուրով, զգալի չափերով թմրամիջոցներ ապօրինի ձեռք բերելուն օժանդակելը, նրա այդ արարքները նույնպես ճիշտ են որակված և համապատասխանում են ՀՀ քրեական օրենսգրքի 38-268-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Խրիստիկ Բենյամինի Ավանեսյանի կողմից, նրա մեղավորությամբ, զգալի չափերով թմրամիջոցներ ապօրինի ձեռք բերելուն օժանդակելու փորձ կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 34-38-268-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Խրիստիկ Բենյամինի Ավանեսյանի կողմից, նրա մեղավորությամբ, խոշոր չափերով թմրամիջոցներ ապօրինի ձեռք բերելուն օժանդակելու փորձ կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 34-38-268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Արման Գևորգի Բեգլարյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցագործությունների առանձնապես վտանգավոր ռեցիդիվը։
Ամբաստանյալ Արման Գևորգի Բեգլարյանն իր կատարած` ութ դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, հինգ դրվագով` 268-րդ հոդվածի 1-ին մասով, երկու դրվագով` 38-268-րդ հոդվածի 1-ին մասով, մեկական դրվագներով` 34-38-268-րդ հոդվածի 1-ին մասով, 34-268-րդ հոդվածի 2-րդ մասի 2-րդ կետով նախատեսված յուրաքանչյուր հանցագործության համար ենթակա է պատժի ազատազրկման ձևով։
Քննարկելով ամբաստանյալների նկատմամբ պատիժ նշանակելու հարցը` դատարանը գտնում է հետևյալը.
ՀՀ քրեական օրենսգրքի 22-րդ հոդվածի համաձայն`
«1. Հանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար։
2. Հանցագործությունների ռեցիդիվը վտանգավոր է համարվում՝
1) դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար.
2) ծանր հանցանք կատարելու դեպքում, եթե անձը նախկինում ազատազրկման է դատապարտվել ծանր կամ առանձնապես ծանր հանցագործության համար։
3. Հանցագործությունների ռեցիդիվն առանձնապես վտանգավոր է համարվում անձի կողմից՝
1) դիտավորությամբ այնպիսի հանցանք կատարելու դեպքում, որի համար նա դատապարտվում է ազատազրկման, եթե անձը նախկինում երեք անգամից ոչ պակաս ցանկացած հաջորդականությամբ ազատազրկման է դատապարտվել միջին ծանրության դիտավորյալ հանցագործության, ծանր կամ առանձնապես ծանր հանցագործության համար.
2) այնպիսի ծանր հանցանք կատարելու դեպքում, որի համար նա դատապարտվում է ազատազրկման, եթե անձը նախկինում երկու անգամ ազատազրկման է դատապարտվել ծանր կամ առանձնապես ծանր հանցագործության համար.
3) առանձնապես ծանր հանցանք կատարելու դեպքում, եթե անձը նախկինում դատապարտվել է ծանր կամ առանձնապես ծանր հանցագործության համար։
4. Այն հանցանքների համար դատվածությունը, որը հանվել կամ մարվել է օրենքով սահմանված կարգով, ինչպես նաև այն հանցանքները, որոնք կատարվել են մինչև անձի տասնութ տարին լրանալը, ռեցիդիվը գնահատելիս հաշվի չեն առնվում։»։
ՀՀ քրեական օրենսգրքի 65-րդ հոդվածի երրորդ մասի համաձայն`
«Հանցափորձի համար ազատազրկման ձևով պատժի ժամկետը չի կարող գերազանցել սույն օրենսգրքի Հատուկ մասի համապատասխան հոդվածով կամ հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի երեք քառորդը։»։
Նույն հոդվածի 4.1 մասի համաձայն`
«Սույն հոդվածի երկրորդ և երրորդ մասերով նախատեսված կանոնները չեն կիրառվում հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս։»։
ՀՀ քրեական օրենսգրքի 67.1 հոդվածի համաձայն`
«1. Հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս հաշվի են առնվում կատարված հանցագործությունների քանակը, բնույթը և ծանրությունը, այն հանգամանքները, որոնց հետևանքով նախկին պատիժը բավարար չի եղել մեղավորի ուղղման համար, ինչպես նաև նոր հանցագործության բնույթը, ծանրությունը և հետևանքները։
2. Հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից։
Հանցագործությունների վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից։
Հանցագործությունների առանձնապես վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երեք քառորդից։»։
Հետևաբար, Հայաստանի Հանրապետության քրեական օրենսգրքի 268-րդ հոդվածի 2-րդ մասի 2-րդ կետով և 34-268-րդ հոդվածի 2-րդ մասի 2-րդ կետով նախատեսված յուրաքանչյուր հանցագործության կատարման համար ամբաստանյալ Արման Բեգլարյանը ենթակա է պատժի ազատազրկման ձևով, որը չի կարող նվազ լինել երկու տարի երեք ամիս ժամկետով ազատազրկումից, քանի որ այդ հոդվածների սանկցիայով, որպես առավելագույն պատիժ սահմանված է ազատազրկում երեք տարի ժամկետով։ Հայաստանի Հանրապետության քրեական օրենսգրքի 268-րդ հոդվածի 1-ին մասով, 38-268-րդ հոդվածի 1-ին մասով և 34-38-268-րդ հոդվածի 1-ին մասով նախատեսված յուրաքանչյուր հանցագործության կատարման համար ամբաստանյալ Արման Բեգլարյանը ենթակա է պատժի ազատազրկման ձևով, որը չի կարող նվազ լինել ինը ամիս ժամկետով ազատազրկումից, քանի որ այդ հոդվածների սանկցիայով, որպես առավելագույն պատիժ սահմանված է ազատազրկում մեկ տարի ժամկետով։
Հաշվի առնելով, որ ամբաստանյալ Արման Բեգլարյանի կողմից նոր հանցանքներ են կատարվել ԵԱՆԴ-0094/01/09 քրեական գործով, Երևանի Ավան և Նոր Նորք վարչական շրջանների ընդհանուր իրավասության առաջին ատյանի դատարանի 2009թ. սեպտեմբերի 17-ի դատավճիռը կայացնելուց հետո, բայց մինչև պատժի լրիվ կրելը` դատարանը գտնում է, որ ՀՀ քրեական օրենսգրքի 67-րդ հոդվածի 1-ին մասով սահմանված կարգով, նոր դատավճռով նշանակված պատժին մասնակիորեն գումարման է ենթակա նախորդ դատավճռով նշանակված պատժի չկրած մասից` 7 /յոթ/ ամիս 3 /երեք/ օր ժամկետով ազատազրկումից` 6 /վեց/ ամիս ժամկետով ազատազրկումը։
Դատարանը գտնում է, որ իր նկատմամբ նշանակված պատիժն ամբաստանյալ Արման Բեգլարյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Արայիկ Նորիկի Գրիգորյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցագործությունների վտանգավոր ռեցիդիվը։
Հետևաբար, ՀՀ քրեական օրենսգրքի 22-րդ հոդվածի 2-րդ մասով և 67.1 հոդվածի 2-րդ մասով սահմանված կարգով, Հայաստանի Հանրապետության քրեական օրենսգրքի 268-րդ հոդվածի 1-ին մասով և 34-268-րդ հոդվածի 1-ին մասով նախատեսված յուրաքանչյուր հանցագործության կատարման համար ամբաստանյալ Արայիկ Գրիգորյանը ենթակա է պատժի ազատազրկման ձևով, որը չի կարող նվազ լինել ութ ամիս ժամկետով ազատազրկումից, քանի որ այդ հոդվածների սանկցիայով, որպես առավելագույն պատիժ սահմանված է ազատազրկում մեկ տարի ժամկետով։
Հաշվի առնելով, որ ամբաստանյալ Արայիկ Գրիգորյանի կողմից նոր հանցանքներ են կատարվել թիվ 1-11 քրեական գործով, Երևանի Աջափնյակ և Դավթաշեն համայնքների առաջին ատյանի դատարանի 2006թ. մայիսի 06-ի դատավճիռը կայացնելուց հետո, բայց մինչև պատժի լրիվ կրելը` դատարանը գտնում է, որ ՀՀ քրեական օրենսգրքի 67-րդ հոդվածի 1-ին մասով սահմանված կարգով, նոր դատավճռով նշանակված պատժին մասնակիորեն գումարման է ենթակա նախորդ դատավճռով նշանակված պատժի չկրած մասից` 5 /հինգ/ տարի 4 /չորս/ ամիս 10 /տաս/ օր ժամկետով ազատազրկումից` 5 /հինգ/ տարի ժամկետով ազատազրկումը։
Դատարանը գտնում է, որ իր նկատմամբ նշանակված պատիժն ամբաստանյալ Արայիկ Գրիգորյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Կարեն Նորիկի Գրիգորյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցագործությունների ռեցիդիվը։
Հետևաբար, ՀՀ քրեական օրենսգրքի 22-րդ հոդվածի 1-ին մասով և 67.1 հոդվածի 2-րդ մասով սահմանված կարգով, Հայաստանի Հանրապետության քրեական օրենսգրքի 38-268-րդ հոդվածի 1-ին մասով և 34-38-268-րդ հոդվածի 1-ին մասով նախատեսված հանցագործություններից յուրաքանչյուրի կատարման համար ամբաստանյալ Կարեն Գրիգորյանը ենթակա է պատժի ազատազրկման ձևով, որը չի կարող նվազ լինել վեց ամիս ժամկետով ազատազրկումից, քանի որ այդ հոդվածների սանկցիայով, որպես առավելագույն պատիժ սահմանված է ազատազրկում մեկ տարի ժամկետով։
Դատարանը գտնում է, որ իր նկատմամբ նշանակված պատիժն ամբաստանյալ Կարեն Գրիգորյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Արթուր Սպարտակի Սարգսյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Արթուր Սպարտակի Սարգսյանն իր կատարած` երեք դրվագով` ՀՀ քրեական օրենսգրքի 38-268-րդ հոդվածի 1-ին մասով նախատեսված յուրաքանչյուր հանցագործության համար ենթակա է պատժի այդ հանցագործության համար նախատեսված պատիժներից առավել խիստ պատժի` ազատազրկման ձևով, քանի որ կալանքը որպես պատիժ նրա նկատմամբ նշանակվել չի կարող` որպես խափանման միջոց կալանավորումն ընտրված լինելու պատճառով։ Յոթ դրվագով` ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով նախատեսված յուրաքանչյուր հանցագործության համար նույնպես նա ենթակա է պատժի ազատազրկման ձևով։
Դատարանը գտնում է, որ իր նկատմամբ նշանակված պատիժն ամբաստանյալ Արթուր Սարգսյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Ներսես Վաղինակի Ավետիսյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա բնութագրվում է դրական։ Որպես ամբաստանյալի պատասխանատվությունը և պատիժը մեղմացնող հանգամանք դատարանի հաշվի է առնում խնամքին մինչև տասնչորս տարեկան մեկ երեխայի առկայությունը, իսկ որպես նրա պատասխանատվությունը և պատիժը ծանրացնող հանգամանք` հանցագործությունների առանձնապես վտանգավոր ռեցիդիվը։
Հետևաբար, ՀՀ քրեական օրենսգրքի 22-րդ հոդվածի 3-րդ մասով և 67.1 հոդվածի 2-րդ մասով սահմանված կարգով, Հայաստանի Հանրապետության քրեական օրենսգրքի 38-268-րդ հոդվածի 2-րդ մասի 2-րդ կետով նախատեսված հանցագործություններից յուրաքանչյուրի կատարման համար ամբաստանյալ Ներսես Ավետիսյանը ենթակա է պատժի ազատազրկման ձևով, որը չի կարող նվազ լինել երկու տարի երեք ամիս ժամկետով ազատազրկումից, քանի որ այդ հոդվածի սանկցիայով, որպես առավելագույն պատիժ սահմանված է ազատազրկում երեք տարի ժամկետով։
Դատարանը գտնում է, որ իր նկատմամբ նշանակված պատիժն ամբաստանյալ Ներսես Ավետիսյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Խրիստիկ Բենյամինի Ավանեսյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նախկինում դատված չի եղել։ Որպես ամբաստանյալի պատասխանատվությունը և պատիժը մեղմացնող հանգամանքներ դատարանը հաշվի է առնում նրա խնամքին մինչև տասնչորս տարեկան երկու երեխայի առկայությունը, ինչպես նաև հանցագործությունը բացահայտելուն և հանցագործության մյուս մասնակիցներին մերկացնելուն աջակցելը, որն արտահայտվել է ամբաստանյալներ Արման Բեգլարյանի, Արայիկ Գրիգորյանի, Կարեն Գրիգորյանի, Արթուր Սարգսյանի և Ներսես Ավետիսյանի կողմից թմրամիջոցներ ձեռք բերելու և դրան առնչվող, իրեն հայտնի այլ հանգամանքների վերաբերյալ մանրամասն ինքնախոստովանական ցուցմունքներ տալով և դրանք ամբաստանյալներ Արման Գևորգի Բեգլարյանին և Արթուր Սպարտակի Սարգսյանին առերես պնդելով։
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Խրիստիկ Բենյամինի Ավանեսյանի խնամքին, դատավճիռ կայացնելու պահին կա մինչև ութ տարեկան երկու երեխա, որի պատճառով, ՀՀ քրեական օրենսգրքի 57-րդ հոդվածի 2-րդ մասի համաձայն, ՀՀ քրեական օրենսգրքի 38-268-րդ հոդվածի 1-ին մասով և 34-38-268-րդ հոդվածի 1-ին մասով նախատեսված հանցագործությունների կատարման համար կալանքը որպես պատիժ նրա նկատմամբ նշանակվել չի կարող։ Հետևաբար, իր կատարած` ութ դրվագով` ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով, յոթ դրվագով` 38-268-րդ հոդվածի 1-ին մասով, մեկական դրվագներով` 34-38-268-րդ հոդվածի 1-ին մասով և 34-38-268-րդ հոդվածի 2-րդ մասի 2-րդ կետով նախատեսված յուրաքանչյուր հանցագործության համար նա ենթակա է պատժի ազատազրկման ձևով։
Միաժամանակ, ՀՀ քրեական օրենսգրքի 69-րդ հոդվածի 3-րդ մասի կիրառմամբ, ազատազրկման ձևով նշանակված պատժին հաշվակցման է ենթակա Խրիստիկ Ավանեսյանին կալանքի տակ պահելու 2 /երկու/ ամիս 5 /հինգ/ օրը։
Դատարանը գտնում է, որ իր նկատմամբ նշանակված պատիժն ամբաստանյալ Խրիստիկ Ավանեսյանը պետք է կրի, քանի որ դրան խոչընդոտող հանգամանքներ առկա չեն։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով ամբաստանյալների գույքի վրա դրված կալանքի հարցը` դատարանը գտնում է, որ ամբաստանյալներ Արթուր Սպարտակի Սարգսյանի և Կարեն Նորիկի Գրիգորյանի գույքի վրա նախաքննության մարմնի 28.04.2012թ. որոշումներով դրված կալանքը պետք է վերացնել, իսկ ամբաստանյալներ Ներսես Վաղինակի Ավետիսյանի և Խրիստիկ Բենյամինի Ավանեսյանի գույքի վրա նախաքննության մարմնի 28.04.2012թ. որոշումներով դրված կալանքը պետք է թողնել անփոփոխ` մինչև դատավճռի կատարումը։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 22.08.2012թ. որոշմամբ իրեղեն ապացույց ճանաչված, 0,032 գրամ քաշով «բուպրենորֆին» տեսակի թմրամիջոց պարունակող 4 /չորս/ դեղահաբերը պետք է ոչնչացնել։
Քննարկելով խափանման միջոցների հարցը` դատարանը գտնում է, որ ամբաստանյալներ Կարեն Գրիգորյանի, Արթուր Սարգսյանի, Ներսես Ավետիսյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։ Ամբաստանյալ Խրիստիկ Ավանեսյանի նկատմամբ որպես խափանման միջոց չհեռանալու մասին ստորագրությունն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Սույն քրեական գործով խափանման միջոց ամբաստանյալներ Արման Բեգլարյանի և Արայիկ Գրիգորյանի նկատմամբ չի ընտրվել։ Հաշվի առնելով, որ այլ հանցագործություններ կատարած լինելու պատճառով նրանք շարունակում են ազատազրկման ձևով պատիժ կրել, ամբաստանյալ Արման Բեգլարյանն ունի պատժի չկրած մաս ավելի քան վեց ամիս ժամկետով, իսկ ամբաստանյալ Արայիկ Գրիգորյանը` ավելի քան վեց տարի ժամկետով, դատարանը գտնում է, որ ամբաստանյալներ Ա. Բեգլարյանի և Ա. Գրիգորյանի նկատմամբ խափանման միջոց ընտրելու հիմքեր առկա չեն։
Քննարկելով դատական ծախսերի հարցը` դատարանը գտնում է, որ ամբաստանյալներից հօգուտ ՀՀ պետական բյուջեի, որպես դատական ծախսեր բռնագանձման են ենթակա փորձաքննությունների կատարման արժեք հանդիսացող հետևյալ գումարները. ամբաստանյալ Արման Գևորգի Բեգլարյանից` 55.200 /հիսունհինգ հազար երկու հարյուր/ ՀՀ դրամ, ամբաստանյալ Խրիստիկ Բենյամինի Ավանեսյանից` 9618 /ինը հազար վեց հարյուր տասնութ/ ՀՀ դրամ և ամբաստանյալ Ներսես Վաղինակի Ավետիսյանից` 9618 /ինը հազար վեց հարյուր տասնութ/ ՀՀ դրամ։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-169-րդ, 357-360-րդ, 364-366-րդ, 369-373-րդ հոդվածներով, դատարանը`


Վ Ճ Ռ Ե Ց


1. Ամբաստանյալ Արման Գևորգի Բեգլարյանին մեղավոր ճանաչել ութ դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, հինգ դրվագով` 268-րդ հոդվածի 1-ին մասով, երկու դրվագով` 38-268-րդ հոդվածի 1-ին մասով, մեկական դրվագներով` 34-38-268-րդ հոդվածի 1-ին մասով, 34-268-րդ հոդվածի 2-րդ մասի 2-րդ կետով նախատեսված հանցանքներում և դատապարտել.
ՀՀ քրեական օրենսգրքի 268-րդ հոդվածի 2-րդ մասի 2-րդ կետով`
- առաջին դրվագով` ազատազրկման 2 /երկու/ տարի 3 /երեք/ ամիս ժամկետով,
- երկրորդ դրվագով` ազատազրկման 2 /երկու/ տարի 3 /երեք/ ամիս ժամկետով,
- երրորդ դրվագով` ազատազրկման 2 /երկու/ տարի 3 /երեք/ ամիս ժամկետով,
- չորրորդ դրվագով` ազատազրկման 2 /երկու/ տարի 3 /երեք/ ամիս ժամկետով,
- հինգերորդ դրվագով` ազատազրկման 2 /երկու/ տարի 3 /երեք/ ամիս ժամկետով,
- վեցերորդ դրվագով` ազատազրկման 2 /երկու/ տարի 3 /երեք/ ամիս ժամկետով,
- յոթերորդ դրվագով` ազատազրկման 2 /երկու/ տարի 3 /երեք/ ամիս ժամկետով,
- ութերորդ դրվագով` ազատազրկման 2 /երկու/ տարի 3 /երեք/ ամիս ժամկետով,
ՀՀ քրեական օրենսգրքի 268-րդ հոդվածի 1-ին մասով`
- առաջին դրվագով` ազատազրկման 9 /ինը/ ամիս ժամկետով,
- երկրորդ դրվագով` ազատազրկման 9 /ինը/ ամիս ժամկետով,
- երրորդ դրվագով` ազատազրկման 9 /ինը/ ամիս ժամկետով,
- չորրորդ դրվագով` ազատազրկման 9 /ինը/ ամիս ժամկետով,
- հինգերորդ դրվագով` ազատազրկման 9 /ինը/ ամիս ժամկետով,
ՀՀ քրեական օրենսգրքի 38-268-րդ հոդվածի 1-ին մասով`
- առաջին դրվագով` ազատազրկման 9 /ինը/ ամիս ժամկետով,
- երկրորդ դրվագով` ազատազրկման 9 /ինը/ ամիս ժամկետով,
ՀՀ քրեական օրենսգրքի 34-38-268-րդ հոդվածի 1-ին մասով` ազատազրկման 9 /ինը/ ամիս ժամկետով, 34-268-րդ հոդվածի 2-րդ մասի 2-րդ կետով` ազատազրկման 2 /երկու/ տարի 6 /վեց/ ամիս ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Արման Գևորգի Բեգլարյանի նկատմամբ պատիժ նշանակել ազատազրկում 7 /յոթ/ տարի ժամկետով։
ՀՀ քրեական օրենսգրքի 67-րդ հոդվածի 1-ին մասի կիրառմամբ, նշանակված պատժին մասնակիորեն գումարել նախորդ` ԵԱՆԴ-0094/01/09 քրեական գործով, Երևանի Ավան և Նոր Նորք վարչական շրջանների ընդհանուր իրավասության առաջին ատյանի դատարանի 2009թ. սեպտեմբերի 17-ի դատավճռով նշանակված պատժի չկրած մասից 6 /վեց/ ամիս ժամկետով ազատազրկումը և ամբաստանյալ Արման Գևորգի Բեգլարյանի նկատմամբ պատիժ նշանակել ազատազրկում 7 /յոթ/ տարի 6 /վեց/ ամիս ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. նոյեմբերի 26-ից։
Ամբաստանյալ Արման Գևորգի Բեգլարյանի նկատմամբ կիրառել հարկադրական բուժում` թմրամոլության դեմ։
2. Ամբաստանյալ Արայիկ Նորիկի Գրիգորյանին մեղավոր ճանաչել չորս դրվագով` ՀՀ քրեական օրենսգրքի 268-րդ հոդվածի 1-ին մասով, մեկ դրվագով` 34-268-րդ հոդվածի 1-ին մասով նախատեսված հանցանքներում և դատապարտել.
ՀՀ քրեական օրենսգրքի 268-րդ հոդվածի 1-ին մասով`
- առաջին դրվագով` ազատազրկման 8 /ութ/ ամիս ժամկետով,
- երկրորդ դրվագով` ազատազրկման 8 /ութ/ ամիս ժամկետով,
- երրորդ դրվագով` ազատազրկման 8 /ութ/ ամիս ժամկետով,
- չորրորդ դրվագով` ազատազրկման 8 /ութ/ ամիս ժամկետով,
ՀՀ քրեական օրենսգրքի 34-268-րդ հոդվածի 1-ին մասով` ազատազրկման 8 /ութ/ ամիս ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Արայիկ Նորիկի Գրիգորյանի նկատմամբ պատիժ նշանակել ազատազրկում 2 /երկու/ տարի ժամկետով։
ՀՀ քրեական օրենսգրքի 67-րդ հոդվածի 1-ին մասի կիրառմամբ, նշանակված պատժին մասնակիորեն գումարել նախորդ` 1-11 քրեական գործով, Երևանի Աջափնյակ և Դավթաշեն համայնքների առաջին ատյանի դատարանի 2006թ. մայիսի 06-ի դատավճռով նշանակված պատժի չկրած մասից 5 /հինգ/ տարի ժամկետով ազատազրկումը և ամբաստանյալ Արայիկ Նորիկի Գրիգորյանի նկատմամբ պատիժ նշանակել ազատազրկում 7 /յոթ/ տարի ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. նոյեմբերի 26-ից։
Ամբաստանյալ Արայիկ Նորիկի Գրիգորյանի նկատմամբ կիրառել հարկադրական բուժում` թմրամոլության դեմ։
3. Ամբաստանյալ Կարեն Նորիկի Գրիգորյանին մեղավոր ճանաչել չորս դրվագով` ՀՀ քրեական օրենսգրքի 38-268-րդ հոդվածի 1-ին մասով, մեկ դրվագով` 34-38-268-րդ հոդվածի 1-ին մասով նախատեսված հանցանքներում և դատապարտել.
ՀՀ քրեական օրենսգրքի 38-268-րդ հոդվածի 1-ին մասով`
- առաջին դրվագով` ազատազրկման 8 /ութ/ ամիս ժամկետով,
- երկրորդ դրվագով` ազատազրկման 8 /ութ/ ամիս ժամկետով,
- երրորդ դրվագով` ազատազրկման 8 /ութ/ ամիս ժամկետով,
- չորրորդ դրվագով` ազատազրկման 8 /ութ/ ամիս ժամկետով,
ՀՀ քրեական օրենսգրքի 34-38-268-րդ հոդվածի 1-ին մասով` ազատազրկման 8 /ութ/ ամիս ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Կարեն Նորիկի Գրիգորյանի նկատմամբ պատիժ նշանակել ազատազրկում 2 /երկու/ տարի ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. մարտի 26-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
4. Ամբաստանյալ Արթուր Սպարտակի Սարգսյանին մեղավոր ճանաչել երեք դրվագով` ՀՀ քրեական օրենսգրքի 38-268-րդ հոդվածի 1-ին մասով, յոթ դրվագով` 38-268-րդ հոդվածի 2-րդ մասի 2-րդ կետով նախատեսված հանցանքներում և դատապարտել.
ՀՀ քրեական օրենսգրքի 38-268-րդ հոդվածի 1-ին մասով`
- առաջին դրվագով` ազատազրկման 3 /երեք/ ամիս ժամկետով,
- երկրորդ դրվագով` ազատազրկման 3 /երեք/ ամիս ժամկետով,
- երրորդ դրվագով` ազատազրկման 6 /վեց/ ամիս ժամկետով,
ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով`
- առաջին դրվագով` ազատազրկման 6 /վեց/ ամիս ժամկետով,
- երկրորդ դրվագով` ազատազրկման 6 /վեց/ ամիս ժամկետով,
- երրորդ դրվագով` ազատազրկման 1 /մեկ/ տարի ժամկետով,
- չորրորդ դրվագով` ազատազրկման 1 /մեկ/ տարի ժամկետով,
- հինգերորդ դրվագով` ազատազրկման 1 /մեկ/ տարի ժամկետով,
- վեցերորդ դրվագով` ազատազրկման 1 /մեկ/ տարի ժամկետով,
- յոթերորդ դրվագով` ազատազրկման 1 /մեկ/ տարի 6 /վեց/ ամիս ժամկետով,
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Արթուր Սպարտակի Սարգսյանի նկատմամբ պատիժ նշանակել ազատազրկում 3 /երեք/ տարի 6 /վեց/ ամիս ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. մարտի 28-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
5. Ամբաստանյալ Ներսես Վաղինակի Ավետիսյանին մեղավոր ճանաչել երկու դրվագով` Հայաստանի Հանրապետության քրեական օրենսգրքի 38-268-րդ հոդվածի 2-րդ մասի 2-րդ կետով նախատեսված հանցանքներում և դատապարտել.
- առաջին դրվագով` ազատազրկման 2 /երկու/ տարի 6 /վեց/ ամիս ժամկետով,
- երկրորդ դրվագով` ազատազրկման 2 /երկու/ տարի 6 /վեց/ ամիս ժամկետով,
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Ներսես Վաղինակի Ավետիսյանի նկատմամբ պատիժ նշանակել ազատազրկում 3 /երեք/ տարի ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. մարտի 28-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
6. Ամբաստանյալ Խրիստիկ Բենյամինի Ավանեսյանին մեղավոր ճանաչել ութ դրվագով` ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով, յոթ դրվագով` 38-268-րդ հոդվածի 1-ին մասով, մեկական դրվագներով` 34-38-268-րդ հոդվածի 1-ին մասով և 34-38-268-րդ հոդվածի 2-րդ մասի 2-րդ կետով նախատեսված հանցանքներում և դատապարտել.
ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով`
- առաջին դրվագով` ազատազրկման 3 /երեք/ ամիս ժամկետով,
- երկրորդ դրվագով` ազատազրկման 3 /երեք/ ամիս ժամկետով,
- երրորդ դրվագով` ազատազրկման 3 /երեք/ ամիս ժամկետով,
- չորրորդ դրվագով` ազատազրկման 6 /վեց/ ամիս ժամկետով,
- հինգերորդ դրվագով` ազատազրկման 6 /վեց/ ամիս ժամկետով,
- վեցերորդ դրվագով` ազատազրկման 6 /վեց/ ամիս ժամկետով,
- յոթերորդ դրվագով` ազատազրկման 6 /վեց/ ամիս ժամկետով,
- ութերորդ դրվագով` ազատազրկման 6 /վեց/ ամիս ժամկետով,
ՀՀ քրեական օրենսգրքի 38-268-րդ հոդվածի 1-ին մասով`
- առաջին դրվագով` ազատազրկման 3 /երեք/ ամիս ժամկետով,
- երկրորդ դրվագով` ազատազրկման 3 /երեք/ ամիս ժամկետով,
- երրորդ դրվագով` ազատազրկման 6 /վեց/ ամիս ժամկետով,
- երրորդ դրվագով` ազատազրկման 6 /վեց/ ամիս ժամկետով,
- չորրորդ դրվագով` ազատազրկման 6 /վեց/ ամիս ժամկետով,
- հինգերորդ դրվագով` ազատազրկման 6 /վեց/ ամիս ժամկետով,
- վեցերորդ դրվագով` ազատազրկման 6 /վեց/ ամիս ժամկետով,
- յոթերորդ դրվագով` ազատազրկման 6 /վեց/ ամիս ժամկետով,
ՀՀ քրեական օրենսգրքի 34-38-268-րդ հոդվածի 1-ին մասով` ազատազրկման 3 /երեք/ ամիս ժամկետով, 34-38-268-րդ հոդվածի 2-րդ մասի 2-րդ կետով` ազատազրկման 6 /վեց/ ամիս ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Խրիստիկ Բենյամինի Ավանեսյանի նկատմամբ պատիժ նշանակել ազատազրկում 3 /երեք/ տարի ժամկետով։
ՀՀ քրեական օրենսգրքի 69-րդ հոդվածի 3-րդ մասի կիրառմամբ հաշվակցելով կալանքի տակ պահելու 2 /երկու/ ամիս 5 /հինգ/ օրը` ամբաստանյալ Խրիստիկ Բենյամինի Ավանեսյանի նկատմամբ պատիժ նշանակել ազատազրկում է 2 /երկու/ տարի 9 /ինը/ ամիս 25 /քսանհինգ/ օր ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով կալանավորման պահից։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալներ Արթուր Սպարտակի Սարգսյանի և Կարեն Նորիկի Գրիգորյանի գույքի վրա նախաքննության մարմնի 28.04.2012թ. որոշումներով դրված կալանքը վերացնել, իսկ ամբաստանյալներ Ներսես Վաղինակի Ավետիսյանի և Խրիստիկ Բենյամինի Ավանեսյանի գույքի վրա նախաքննության մարմնի 28.04.2012թ. որոշումներով դրված կալանքը թողնել անփոփոխ` մինչև դատավճռի կատարումը։
Դատավճռի օրինական ուժի մեջ մտնելուց հետո, 22.08.2012թ. որոշմամբ իրեղեն ապացույց ճանաչված, 0,032 գրամ քաշով «բուպրենորֆին» տեսակի թմրամիջոց պարունակող 4 /չորս/ դեղահաբերը ոչնչացնել։
Ամբաստանյալ Արման Գևորգի Բեգլարյանից հօգուտ ՀՀ պետական բյուջեի բռնագանձել 55.200 /հիսունհինգ հազար երկու հարյուր/ ՀՀ դրամ գումար` որպես դատական ծախսեր։
Ամբաստանյալ Խրիստիկ Բենյամինի Ավանեսյանից հօգուտ ՀՀ պետական բյուջեի բռնագանձել 9618 /ինը հազար վեց հարյուր տասնութ/ ՀՀ դրամ գումար` որպես դատական ծախսեր։
Ամբաստանյալ Ներսես Վաղինակի Ավետիսյանից հօգուտ ՀՀ պետական բյուջեի բռնագանձել 9618 /ինը հազար վեց հարյուր տասնութ/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։



ԴԱՏԱՎՈՐ` Մ. ՄԱՐՏԻՐՈՍՅԱՆ