ԵԿԴ/0155/01/12



ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«21ե նոյեմբերի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)


Նախագահող դատավոր
դատական նիստերի քարտուղար
մեղադրող
պաշտպան

Մ.Պապոյան
Կ.Կարապետյան
Վ.Միլիտոնյան
Գ.Պապոյան
դռնբաց դատական նիստում քննեց քրեական գործն ըստ մեղադրանքի`
Ասատուր Գուրամիկի Մխիթարյանի` ծնված 1974 թվականի փետրվարի 23-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, աշխատել է «Նյուվալդիե ՍՊ ընկերությունում, որպես վարորդ, նախկինում չդատապարտված, հաշվառված է Երևան քաղաքի Միքայելյան փողոցի 3-րդ շենքի 98-րդ բնակարանում, մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, 268-րդ հոդվածի 2-րդ մասի 2-րդ կետով, 268-րդ հոդվածի 2-րդ մասի 2-րդ կետով, 268-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով, արգելանքի տակ է 2012 թվականի հունիսի 4-ից։
Հակոբ Սարգսի Ալեքսանյանի` ծնված 1965 թվականի հունվարի 5-ին Արմավիրի Մարզում, ազգությամբ հայ, ՀՀ քաղաքացի, ութամյա կրթությամբ, ամուսնացած, չի աշխատում, նախկինում չդատապարտված, հաշվառված է Արմավիրի մարզի Զարթոնք գյուղի 1-ին փողոցի 62-րդ տանը, մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով, արգելանքի տակ է 2012 թվականի հուլիսի 9-ից։
1. Գործի դատավարական նախապատմությունը.
2012 թվականի փետրվարի 21-ին ՀՀ ոստիկանության Կենտրոնականի քննչական բաժնի քննիչ Ս.Պետրոսյանի որոշմամբ ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 13108512 քրեական գործը։
2012 թվականի փետրվարի 28-ին ՀՀ ոստիկանության Կենտրոնականի քննչական բաժնի քննիչ Ս.Պետրոսյանի որոշմամբ թիվ 13108512 քրեական գործով Ասատուր Գորամիկի Մխիթարյանին մեղադրանք է առաջադրվել ՀՀ քրեական օրենսգրքի 268-րդ հոդվածի 2-րդ մասի 2-րդ կետով։
2012 թվականի մարտի 12-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Բ. Ադամյանի որոշմամբ թիվ 13108512 քրեական գործը ընդունվել է վարույթ։
2012 թվականի հունիսի 4-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Բ. Ադամյանի որոշմամբ թիվ 13108512 քրեական գործով Ասատուր Գուրամիկի Մխիթարյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով։
2012 թվականի հուլիսի 11-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Բ. Ադամյանի որոշմամբ թիվ 13108512 քրեական գործով Հակոբ Սարգսի Ալեքսանյանին մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով։
2012 թվականի օգոստոսի 18-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Բ. Ադամյանի որոշմամբ թիվ 13108512 քրեական գործով Ասատուր Գուրամիկի Մխիթարյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, 268-րդ հոդվածի 2-րդ մասի 2-րդ կետով, 268-րդ հոդվածի 2-րդ մասի 2-րդ կետով, 268-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով։
2012 թվականի օգոստոսի 27-ին Ասատուր Գորամիկի Մխիթարյանի և Հակոբ Սարգսի Ալեքսանյանի վերաբերյալ թիվ 13108512 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որտեղ քրեական գործին շնորհվել է ԵԿԴ/0155/01/12 համարը։
Ասատուր Գորամիկի Մխիթարյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, 268-րդ հոդվածի 2-րդ մասի 2-րդ կետով, 268-րդ հոդվածի 2-րդ մասի 2-րդ կետով, 268-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով, այն արարքների համար, որ նա, աշխատելով Երևան քաղաքի «Սանտասե տաքսի ծառայությունում` որպես վարորդ, 2011 թվականի հոկտեմբեր ամսին` չպարզված օրը, իր վարած «Վազ 2107ե մակնիշի տաքսի ավտոմեքենայով Արմավիրի մարզի Զարթոնք գյուղում հերթական պատվերն ավարտելուց հետո պատահաբար հանդիպել է Զարթոնք գյուղի բնակիչ Հակոբ Սարգսի Ալեքսանյանին և նրան Ակնալիճ գյուղ տանելու ճանապարհին խոսակցության ընթացքում հայտնել է, որ օգտագործում է մարիխուանա տեսակի թմրամիջոց։ Տեղեկանալով Ասատուր Մխիթարյանի` թմրամիջոց օգտագործելու հանգամանքին, Հակոբ Ալեքսանյանը նախապես իր մոտ ապօրինի պահված զգալի չափի` շուրջ 2,5 գրամ քաշով չորացված մարիխուանա տեսակի թմրամիջոցն անհատույց` հյուրասիրության եղանակով, ապօրինի իրացրել է Ասատուր Մխիթարյանին, ով էլ ծխելու եղանակով գործածել է և հավանելով թմրամիջոցի որակը` հայտնել է հետագայում նշված թմրամիջոցից մեկ չափաբաժինը` 2,5 գրամը, 5.000 ՀՀ դրամով ձեռք բերելու իր ցանկության մասին։
Նշված դեպքից մի քանի օր անց Ասատուր Մխիթարյանը, առանց իրացնելու նպատակի` իր գործածման համար, մարիխուանա տեսակի թմրամիջոց ձեռք բերելու նպատակով 2011 թվականի հոկտեմբեր ամսին` չպարզված օրը, զանգահարել է Հակոբ Ալեքսանյանին և ցանկություն հայտնել հինգ չափաբաժին մարիխուանա տեսակի թմրամիջոց ձեռք բերելու մասին։ Պայմանավորվածության համաձայն` Ասատուր Մխիթարյանն Արմավիրի մարզի Զարթոնք գյուղում` ջրատարի մոտ, հանդիպել է Հակոբ Ալեքսանյանին և վերջինին վճարելով 25.000 ՀՀ դրամ` ապօրինի ձեռք է բերել խոշոր չափի` 2,5 գրամ չափաբաժիններով հինգ փաթեթներում փաթեթավորված` ընդհանուր` 12,5 գրամ չորացված մարիխուանա տեսակի թմրամիջոց, որը երկու ամսվա ընթացքում ծխելու եղանակով գործածել է։
Ձեռք բերած թմրամիջոցը գործածելուց հետո` 2011 թվականի դեկտեմբերի 10-ին կամ 11-ին` ժամը 11։00-ի սահմաններում, Ասատուր Մխիթարյանն իր գործածման համար թմրամիջոց ձեռք բերելու խնդրանքով կրկին դիմել է Հակոբ Ալեքսանյանին և այս անգամ ցանկություն հայտնել չորս չափաբաժին մարիխուանա տեսակի թմրամիջոց ձեռք բերելու մասին։ Պայմանավորվածության համաձայն` Ասատուր Մխիթարյանն Արմավիրի մարզի Զարթոնք գյուղում հանդիպել է Հակոբ Ալեքսանյանին և վերջինին վճարելով 20.000 ՀՀ դրամ` ապօրինի ձեռք է բերել խոշոր չափի` 2,5 գրամ չափաբաժիններով չորս փաթեթներում փաթեթավորված` ընդհանուր` 10 գրամ չորացված մարիխուանա տեսակի թմրամիջոց, որը մինչև 2012 թվականի հունվար ամիսը ծխելու եղանակով գործածել է։
2012 թվականի հունվար ամսին` չպարզված օրը, Ասատուր Մխիթարյանն իր գործածման համար ևս չորս չափաբաժին մարիխուանա տեսակի թմրամիջոց ձեռք բերելու նպատակով կրկին դիմել է Հակոբ Ալեքսանյանին և պայմանավորվածության համաձայն` նրա հետ հանդիպելով Արմավիրի մարզի Զարթոնք գյուղում` վճարել է 20.000 ՀՀ դրամ և ապօրինի ձեռք է բերել խոշոր չափի` 2,5 գրամ չափաբաժիններով չորս փաթեթներում փաթեթավորված` ընդհանուր` 10 գրամ չորացված մարիխուանա տեսակի թմրամիջոց, որը ծխելու եղանակով գործածել է մինչև 2012 թվականի փետրվար ամիսը։
Դրանից հետո 2012 թվականի հունվար ամսին` չպարզված օրը և փետրվարի 20-ին` ժամը 12։00-ի սահմաններում, Ասատուր Մխիթարյանն իր գործածման համար հինգ չափաբաժին մարիխուանա տեսակի թմրամիջոց ձեռք բերելու նպատակով կրկին դիմել է Հակոբ Ալեքսանյանին և պայմանավորվածության համաձայն` նրա հետ հանդիպելով Արմավիրի մարզի Զարթոնք գյուղում գտնվող վերջինի տան բակում` վճարել է 25.000 ՀՀ դրամ և ապօրինի ձեռք է բերել ընդհանուր խոշոր չափի` 1,5 գրամ չորացված մարիխուանա տեսակի թմրամիջոց` առանձին փաթեթավորված հինգ հաստատուն` 2,58+2,34+2,39+2,33+2,86 գրամ քաշ ունեցող փաթեթներում, որն իր գործածման նպատակով ապօրինի պահել է իր գուլպաների մեջ, ինչն էլ նույն օրը հայտնաբերվել է ՀՀ ոստիկանության Երևան քաղաքի վարչության Կենտրոնականի բաժնում կատարված վերջինի անձնական խուզարկությամբ։
Հակոբ Սարգսի Ալեքսանյանին մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով, այն արարքների համար, որ նա իրացման և իր գործածման նպատակով 2011 թվականի սեպտեմբերի կեսերին Արմավիրի մարզի Զարթոնք գյուղի տարածքում գտնվող ձկնաբուծական լճակներին հարակից դաշտից քաղելու, այնուհետև չորացնելու և մանրացնելու եղանակով ապօրինի ձեռք է բերել խոշոր չափի` շուրջ 60 գրամ չորացված մարիխուանա տեսակի թմրամիջոց և պահել իր տան ձեղնահարկում։
2011 թվականի հոկտեմբեր ամսին` չպարզված օրը, Երևան քաղաքի բնակիչ Ասատուր Գուրամիկի Մխիթարյանի վարած «Վազ 2107ե մակնիշի տաքսի ավտոմեքենայով Արմավիրի մարզի Զարթոնք գյուղից Ակնալիճ գյուղ գնալու ճանապարհին տեղեկանալով, որ Ասատուր Մխիթարյանն օգտագործում է մարիխուանա տեսակի թմրամիջոց, նախապես իր մոտ ապօրինի պահված զգալի չափի` շուրջ 2,5 գրամ քաշով չորացված մարիխուանա տեսակի թմրամիջոցն անհատույց` հյուրասիրության եղանակով, ապօրինի իրացրել է Ասատուր Մխիթարյանին։
Նշված դեպքից մի քանի օր անց` 2011 թվականի հոկտեմբեր ամսին` չպարզված օրը, հեռախոսով տեղեկանալով Ասատուր Մխիթարյանի կողմից թմրամիջոց ձեռք բերելու ցանկության մասին` պայմանավորվածության համաձայն` Արմավիրի մարզի Զարթոնք գյուղում` ջրատարի մոտ, հանդիպելով վերջինին` 25.000 ՀՀ դրամով վաճառելու եղանակով նրան ապօրինի իրացրել է խոշոր չափերի` 2,5 գրամ չափաբաժիններով հինգ փաթեթներում փաթեթավորված` ընդհանուր` 12,5 գրամ չորացված մարիխուանա տեսակի թմրամիջոց։
Բացի այդ` Հակոբ Ալեքսանյանը 2011 թվականի դեկտեմբերի 10-ին կամ 11-ին` ժամը 11։00-ի սահմաններում, կրկին տեղեկանալով Ասատուր Մխիթարյանի կողմից թմրամիջոց ձեռք բերելու ցանկության մասին, հեռախոսով նախապես ձեռք բերված պայմանավորվածության համաձայն` Արմավիրի մարզի Զարթոնք գյուղում հանդիպելով վերջինին` 20.000 ՀՀ դրամով վաճառելու եղանակով նրան ապօրինի իրացրել է խոշոր չափերի` 2,5 գրամ չափաբաժիններով չորս փաթեթներում փաթեթավորված` ընդհանուր` 10 գրամ չորացված մարիխուանա տեսակի թմրամիջոց։
2012 թվականի հունվար ամսին` չպարզված օրը, կրկին հեռախոսով տեղեկանալով Ասատուր Մխիթարյանի կողմից թմրամիջոց ձեռք բերելու ցանկության մասին` պայմանավորվածության համաձայն` Արմավիրի մարզի Զարթոնք գյուղում հանդիպելով վերջինին` կրկին 20.000 ՀՀ դրամով վաճառելու եղանակով նրան ապօրինի իրացրել է խոշոր չափերի` 2,5 գրամ չափաբաժիններով չորս փաթեթներում փաթեթավորված` ընդհանուր` 10 գրամ չորացված մարիխուանա տեսակի թմրամիջոց։
Դրանից հետո 2012 թվականի փետրվարի 20-ին` ժամը 12։00-ի սահմաններում, հեռախոսով կրկին տեղեկանալով Ասատուր Մխիթարյանի կողմից թմրամիջոց ձեռք բերելու ցանկության մասին` հեռախոսով ձեռք բերված պայմանավորվածության համաձայն` Արմավիրի մարզի Զարթոնք գյուղում` իր տան բակում, հանդիպելով վերջինին` 25.000 ՀՀ դրամով վաճառելու եղանակով նրան ապօրինի իրացրել է խոշոր չափի` 12,5 գրամ չորացված մարիխուանա տեսակի թմրամիջոց` առանձին փաթեթավորված հինգ հաստատուն` 2,58+2,34+2,39+2,33+2,86 գրամ քաշ ունեցող փաթեթներում։
2. Ապացույցների հետազոտում և գնահատում.
Դատական քննության ընթացքում ամբաստանյալ Ասատուր Գուրամիկի Մխիթարյանն առաջադրված մեղադրանքներում իրեն մեղավոր ճանաչեց և օգտվելով իր իրավունքից հրաժարվեց ցուցմունք տալ։
Ամբաստանյալ Ասատուր Գուրամիկի Մխիթարյանը նախնական քննության ընթացքում` 2012 թվականի հունիսի 27-ին, ցուցմունք է տվել, այն մասին, որ ինքը պարբերաբար օգտագործել է մարիխուանա տեսակի թմրամիջոց։ Իրականում ինքը մարիխուանա տեսակի թմրամիջոցը գնել է Արմավիրի մարզի Զարթոնք գյուղի բնակիչ Հակոբ անունով մի անձից, ում մականունը «Թութունե է։ Ինքը Հակոբին ճանաչել է 2011 թվականի հոկտեմբերից։ Այդ ժամանակ ինքն աշխատել է Երևան քաղաքի «Սանտասե տաքսի ծառայությունում որպես վարորդ։ 2011 թվականի հոկտեմբերին` (օրը կոնկրետ չի հիշում) ժամը 10։00 սահմաններում, Կիլիկիա թաղամասում գտնվող ավտոկայանից երկու անծանոթ անձանցից պատվեր է ստացել Արմավիրի մարզի «Ղամշլուե գյուղ գնալու համար։ Նրանց տեղափոխել է գյուղ և երբ պատրաստվել է վերադառնալ Երևան, իրեն կանգնեցրել է մի անծանոթ տղամարդ, և խնդրել տանել Մեծամոր քաղաք։ Ճանապարհին զրույցի ընթացքում ինքը նրան ասել է, որ մարիխուանա տեսակի թմրամիջոց է օգտագործում։ Դրանից հետո նա գրպանից հանել է ծխախոտի տուփի փայլուն թղթով փաթաթված մոտ 2,5 գրամ քաշով մարիխուանա տեսակի թմրամիջոց և տվել իրեն։ Այդ ժամանակ իրենք ծանոթացել են, նա ասել է, որ անունը Հակոբ է, իսկ գյուղում նրան «Թութունե են անվանում։ Այնուհետև ինքը նրան հարցրել է, թե անհրաժեշտության դեպքում կարող է նրանից կրկին մարիխուանա վերցնել, իսկ նա պատասխանել է, որ կփորձի նրան օգնել։ Ինքը նրան նաև ասել է, որ լուցկու չափով մեկ բաժինը կգնի 5.000 ՀՀ դրամով, իսկ նա հարցրել է, թե մեկ բաժինը քանի գրամ է, որին ինքը պատասխանել է, որ 2-ից 2,5 գրամ։ Նույն օրը` երեկոյան, Մալաթիա թաղամասում Հակոբի տված թմրամիջոցի մի մասը ծխելու եղանակով ինքն օգտագործել է, իսկ մնացածը թաքցրել մեքենայի բեռնախցիկում, որը հետագայում նույնպես նույն եղանակով օգտագործել է։ 2012 թվականի հունվարին` (օրը կոնկրետ չի հիշում), իր 094-10-06-07 հեռախոսահամարից ինքը զանգահարել է Հակոբին ու ասել է, որ իրեն չորս չափաբաժին նույն թմրամիջոցից է անհրաժեշտ։ Նույն օրը Հակոբը զանգահարել է իրեն և ասել, որ կարող է թմրամիջոց տալ։ Ինքը գնացել է «Ղամշլուե գյուղ, Հակոբին վճարել 20.000 ՀՀ դրամ և նրանից վերցրել պոլիէթիլենային փաթեթի մեջ փաթեթավորված մարիխուանա տեսակի թմրամիջոց։ Նշված փաթեթում եղել է չորս առանձին փաթեթներ, որոնցից յուրաքանչյուրի մեջ եղել է նույն քաշի` 2,5 գրամից ոչ ավելի, մշակված և պատրաստի վիճակում մարիխուանա տեսակի թմրամիջոց։ Նշված փաթեթներն ինքը թաքցրել է ավտոմեքենայի մեջ և ծխելու եղանակով օգտագործել։ 2012 թվականի փետրվարի 20-ին` առավոտյան, ինքը զանգահարել է Հակոբին և ասել, որ իրեն հինգ փաթեթ թմրամիջոց է անհրաժեշտ։ Դրանից հետո Հակոբը զանգահարել է իրեն և ասել է, որ ինքը կարող է գնալ և վերցնել թմրամիջոցը։ Նույն օրն ինքը կրկին գնացել է «Ղամշլուե գյուղ, որտեղ Հակոբն իրեն տվել է պոլիէթիլենային փաթեթի մեջ փաթեթավորված հինգ չափաբաժին մարիխուանա տեսակի թմրամիջոց, և ասել, որ այդտեղ իր ուզած չափից ավելին է։ Այդ ժամանակ ինքը նրան տվել է 25.000 ՀՀ դրամ։ Ճանապարհին ինքը տեսել է, որ պոլիէթիլենային փաթեթի մեջ նշված փաթեթներից բացի առկա է եղել ևս մեկ փաթեթ, որի մեջ մոտ 2 գրամ մարիխուանա տեսակի թմրամիջոց է եղել։ Նույն օրը Երևան քաղքի Կորյուն և Իսահակյան փողոցների խաչմերուկում իրեն մոտեցել են ոստիկանները և բերման ենթարկել ոստիկանության բաժին, որտեղ հայտնաբերել են իր մոտ եղած մարիխուանա տեսակի թմրամիջոցը։ Կրկին անգամ պնդում է, որ Հակոբից մարիխուանա տեսակի թմրամիջոցները ձեռք է բերել մեկ չափաբաժինը` 2 գրամը, 5.000 ՀՀ դրամով։ 2012 թվականի հունվարին Հակոբից գնել է չորս փաթեթ` մոտ 10 գրամ մարիխուանա տեսակի թմրամիջոց, իսկ երկրորդ անգամ նրանից գնել է հինգ փաթեթ և մի փոքր ավելի մարիխուանա տեսակի թմրամիջոց, որի համար նրան վճարել է 25.000 ՀՀ դրամ։
Անձին ճանաչման ներկայացնելու մասին 2012 թվականի հուլիսի 9-ի արձանագրության համաձայն` Ասատուր Գուրամիկի Մխիթարյանին ճանաչման են ներկայացվել չորս անձիք, որոնցից աջից երրորդը եղել է Հակոբ Սարգսի Ալեքսանյանը։ Ասատուր Մխիթարյանը զննելով իրեն ճանաչման ներկայացված չորս անձանց, ճանաչել է աջից երրորդը կանգնած տղամարդուն` Հակոբ Ալեքսանյանին և հայտարարել, որ նրան ճանաչում է 2011 թվականից, Զարթոնք գյուղից վերադառնալուց ճանապարհին պատահական հանդիպել է նրան, մեկ անգամ նա իրեն հյուրասիրել է ծխախոտի մեջ լցված մարիխուանա տեսակի թմրամիջոց, որից հետո ինքը չորս-հինգ անգամ Հակոբից գնել է մարիխուանա տեսակի թմրամիջոց։ Վերջին անգամ գնել է 2012 թվականի փետրվարի 20-ին 25.000 ՀՀ դրամով։
Ամբաստանյալ Ասատուր Գուրամիկի Մխիթարյանը նախնական քննության ընթացքում` 2012 թվականի հուլիսի 9-ին, ցուցմունք է տվել, այն մասին, որ թմրամիջոցը գնել է «Թութունե մականվամբ Հակոբ Ալեքսանյանից։ Ինքն ճանաչման ներկայացված անձանցից ճանաչել է աջից երրորդ տեղում կանգնած Հակոբին, նա իր ասած «Թութունե մականվամբ Հակոբն է եղել։ Ինքը նրան ճանաչել է դիմագծերից, մաշկի սև գույնից, նիհարավուն կառուցվածքից, մազերի սանրվածքից և ձախ ձեռքի վնասվածքից։ Նա այն անձն է, ումից ինքը մեկ չափաբաժինը 5.000 ՀՀ դրամով գնել է մարիխուանա տեսակի թմրամիջոց։ Վերջին անգամ ինքը նրանից գնել է 2012 թվականի փետրվարի 20-ին։ Իր նախորդ ցուցմունքում ինքը նշել է, որ ինքը Հակոբ Ալեքսանյանից երկու անգամ է թմրամիջոց գնել, իսկ մյուս երկու դրվագների մասին չի նշել։ Ինքը առաջին անգամ Հակոբից մարիխուանա գնել է 2011 թվականի հոկտեմբերի առաջին կեսին (օրը կոնկրետչի հիշում)։ Այդ ժամանակ ինքը զանգահարել է Հակոբին և ասել, որ հինգ փաթեթ թմրամիջոց է անհրաժեշտ, որից հետո` նույն օրը, նա զանգահարել է իրեն, և պայմանավորվել են հանդիպել Զարթոնք գյուղի ջրատարի մոտ։ Նշված վայրում Հակոբն իրեն հինգ փաթեթ թմրամիջոց է տվել, որոնք եղել են պոլիէթիլենային փաթեթի մեջ, իսկ ինքը նրան տվել է 25.000 ՀՀ դրամ։ Նշված հինգ փաթեթ թմրամիջոցը ծխելու եղանակով օգտագործելուց հետո` 2011 թվականի դեկտեմբերի 10-ին կամ 11-ին, ինքը կրկին զանգահարել է Հակոբին և ասել, որ չորս փաթեթ թմրամիջոց է անհրաժեշտ։ Դրանից մոտ մեկ-երկու ժամ անց Հակոբն իրեն ասել է, որ ինքը կարող է գնալ նրանց գյուղ։ Զարթոնք գյուղում` Հակոբենց տնից մի քիչ հեռու, իրենք հանդիպել են, որտեղ Հակոբն իրեն տվել է պոլիէթիլենային փաթեթի մեջ փաթեթավորված չորս փաթեթ թմրամիջոց, իսկ ինքը նրան տվել է 20.000 ՀՀ դրամ։ Նշված թմրամիջոցն օգտագործելուց հետո` 2012 թվականի հունվարին, ինքը Հակոբից կրկին գնել է թմրամիջոց, այսինքն` երրորդ անգամ, որի մասին մանրամասն ցուցմունք է տվել։ Ինքը մանրամասն ցուցմունք է տվել նաև չորրորդ դեպքի մասին (այդ օրն իրեն ոստիկանները բռնել են)։
Դատական քննության ընթացքում ամբաստանյալ Հակոբ Սարգսի Ալեքսանյանն առաջադրված մեղադրանքներում իրեն մեղավոր ճանաչեց և ցուցմունք տվեց այն մասին, որ ինքը դա արել է իր երեխաներին ցրտից ու սովից փրկելու համար։ Ամբաստանյալ Ասատուր Մխիթարյանի նախնական քննության ընթացքում տված ցուցմունքները, որոնք հրապարակվել են դատական քննության ընթացքում ամբողջովին ճիշտ են և համապատասխանում են իրականությանը։ Ինքն Ասատուր Մխիթարյանին թմրամիջոց վաճառել է չորս անգամ։ Իր վաճառած թմրամիջոցներից յուրաքանչյուր փաթեթի մեջ եղել է 2,5 գրամ թմրամիջոց, որոնցից յուրաքանչյուրի արժեքը եղել է 5.000 ՀՀ դրամ։ Յուրաքանչյուր անգամ Ասատուրն իրեն վճարել է 20.000 կամ 25.000 ՀՀ դրամ, այսինքն թմրամիջոցների քաշերը եղել են 10 կամ 12,5 գրամ։
2012 թվականի հուլիսի 9-ի առերես հարցաքննության արձանագրության համաձայն` Ասատուր Մխիթարյանը հայտնել է, որ 2011 թվականի հոկտեմբերին Երևան քաղաքից իր վարած տաքսի ավտոմեքենայով պատվեր է կատարել Արմավիրի մարզի «Ղամշլուե գյուղ։ Նշված պատվերը կատարելուց հետո, այդտեղ կանգնած է եղել Հակոբը, ով իրեն խնդրել է տանել Մեծամոր քաղաք։ Ճանապարհին իրենց զրույցի ընթացքում ինքը Հակոբին հարցրել է, թե իրենց գյուղում թմրամիջոց լինում է, որից հետո Հակոբը թղթի մեջ լցրած մի քիչ թմրամիջոց է տվել իրեն։ Այնուհետև ինքն իմացել է, որ կարող է պետք եղած ժամանակ կրկին նրանից թմրամիջոց վերցնել։ Դրանից մոտ 3 օր հետո Հակոբի տված հեռախոսահամարով ինքը զանգահարել է և Հակոբին հարցրել, թե կարող է գնալ թմրամիջոց վերցնելու, իսկ Հակոբը պատասխանել է, որ կճարի ու կզանգահարի։ Այնուհետև ինքը կրկին զանգահարել է նրան և իմացել, որ կարող է գնալ և վերցնել։ Գնացել է նրանց գյուղ և գյուղ չհասած ձախ կողմում հանդիպել Հակոբի հետ։ Այդ ժամանակ Հակոբն իրեն տվել է պոլիէթիլենային փաթեթի մեջ փաթեթավորված հինգ առանձին փաթեթներով մարիխուանա տեսակի թմրամիջոց, իսկ ինքը նրան տվել է 25.000 ՀՀ դրամ և վերադարձել Երևան։ Այնուհետև` 2011 թվականի դեկտեմբերին, ինքը կրկին զանգահարել է Հակոբին և ասել, որ թմրամիջոց է անհրաժեշտ։ Հաջորդ առավոտ Հակոբը հեռախոսով ասել է, որ թմրամիջոց կա և ինքը կարող է գնալ և տանել։ Իր տաքսի մեքենայով ինքը գնացել է նրա տան բակ, որտեղ Հակոբն իրեն տվել է չորս փաթեթ թմրամիջոց, իսկ ինքը նրան վճարել է 20.000 ՀՀ դրամ, քանի որ Հակոբը մեկ փաթեթը վաճառել է 5.000 ՀՀ դրամով։ Երրորդ դեպքը եղել է 2012 թվականի հունվարին։ Այդ ժամանակ ինքը կրկին զանգահարել է Հակոբին և ասել, որ չորս կամ հինգ չափաբաժին թմրամիջոց է անհրաժեշտ։ Դրա հաջորդ օրն ինքը գնացել է «Ղամշլուե գյուղ և գյուղի սկզբնամասում հանդիպել Հակոբի հետ։ Այդ ժամանակ Հակոբն իրեն տվել է մեկ ընդհանուր պոլիէթիլենային փաթեթ, որի մեջ եղել է առանձին չորս կամ հինգ փաթեթ թմրամիջոց, իսկ ինքը նրան վճարել է 20.000 կամ 25.000 ՀՀ դրամ։ Վերջին անգամ ինքը Հակոբին զանգահարել է 2012 թվականի փետրվարի 10-ին կամ 15-ին և ասել է, որ չորս չափաբաժին թմրամիջոց է անհրաժեշտ։ 2012 թվականի փետրվարի 20-ին ինքը գնացել է Հակոբենց գյուղ և նրանից վերցրել չորս կամ հինգ չափաբաժին թմրամիջոց։ Իսկ Հակոբ Ալեքսանյանը հայտնել է, որ Ասատուր Մխիթարյանը ամբողջությամբ ճիշտ ցուցմունք է տվել։ Ինքը այդ ամենը կատարել է իր երեխաների համար, իրականում ինքը Ասատուրին վաճառել է մարիխուանա տեսակի թմրամիջոց` մեկ չափաբաժինը 5.000 ՀՀ դրամով։
Անձնական խուզարկության մասին 2012 թվականի փետրվարի 20-ի արձանագրության համաձայն` Ասատուր Գուրամիկի Մխիթարյանի աջ ոտքի գուլպայի միջից հայտնաբերվել է ընդհանուր շուրջ 12,9 գրամ դեղնականաչավուն զանգված` փաթեթավորված թվով հինգ փաթեթներում։ Ասատուր Գուրամիկի Մխիթարյանը հայտարարել է, որ հայտնաբերված զանգվածը հանդիսանում է կանեփ տեսակի թմրամիջոց, որը պատկանում է իրեն և պահում է իր օգտագործման համար։
Փորձագետի 2012 թվականի փետրվարի 21-ի թիվ 74Ք եզրակացության համաձայն` փորձաքննությանը ներկայացված բուսական ծագմամբ ընդհանուր 12,5 (2,58+2,34+2,39+2,33+2,86) գրամ հաստատուն քաշով նյութը հանդիսանում է չորացված մարիխուանա տեսակի թմրամիջոց։ Մարիխուանա տեսակի թմրամիջոցը պատրաստվում է տնայնագործական եղանակով կանեփի բույսից։
Փորձագետի 2012 թվականի փետրվարի 27-ի թիվ 12-0573 եզրակացության համաձայն` Ասատուր Գուրամիկի Մխիթարյանից վերցված մազի և մեզի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։
Փորձագետի 2012 թվականի փետրվարի 27-ի թիվ 12-0573 եզրակացությանը կից հաշիվ-ապրանքագիր հանդիսացող հանձնման-ընդունման արձանագրության համաձայն` փորձաքննության համար վճարման ենթակա գումարը կազմում է 19.236 (տասնինը հազար երկու հարյուր երեսունվեց) ՀՀ դրամ։
Փորձագետի 2012 թվականի ապրիլի 5-ի թիվ 78-12 եզրակացության համաձայն` Ասատուր Գուրամիկի Մխիթարյանը տառապում է «Կանաբինոիդային թմրամոլությունե ախտորոշմամբ, ուստի հարկադիր բուժման կարիք ունի, որի համար հակացուցումներ չկան։
Փորձագետի 2012 թվականի մայիսի 10-ի թիվ 149Ք եզրակացության համաձայն` Ասատուր Գուրամիկի Մխիթարյանի անձնական խուզարկությամբ հայտնաբերված (փորձագետի ս/թ. թիվ 74 Ք եզրակացություն) ու փորձաքննության ներկայացված մարիխուանա տեսակի թմրամիջոցներն (օբ. № 1 - № 5)` ըստ մորֆոլոգիական հատկանիշների և քիմիական բաղադրության միանման են, հնարավոր է ունեն միևնույն ծագման աղբյուր։
Իրեղեն ապացույց ճանաչելու մասին 2012 թվականի փետրվարի 21-ի որոշման համաձայն` իրեղեն ապացույց է ճանաչվել Ասատուր Մխիթարյանի մոտ հայտնաբերված 12,5 գրամ մարիխուանա տեսակի չորացված թմրամիջոցը։
Հեռախոսային խոսակցությունների վերծանումները զննելու մասին 2012 թվականի հուլիսի 27-ի արձանագրության համաձայն` Ասատուր Գուրամիկի Մխիթարյանն իր օգտագործած 094-10-06-07 հեռախոսահամարից հեռախոսակապ է ունեցել Հակոբ Ալեքսանյանի կնոջ օգտագործած 098-54-21-27 հեռախոսահամարի հետ։
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2012 թվականի հունիսի 4-ի որոշման համաձայն` Ասատուր Գուրամիկի Մխիթարյանի նկատմամբ որպես խափանման միջոց ընտրվել է կալանավորումը` երկու ամիս ժամկետով, կալանավորման սկիզբը հաշվվել է 2012 թվականի հունիսի 4-ից։
Ձերբակալման մասին 2012 թվականի հուլիսի 9-ի արձանագրության համաձայն` 2012 թվականի հուլիսի 9-ին` ժամը 12։35-ին, Հակոբ Սարգսի Ալեքսանյանը ձերբակալվել է։
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2012 թվականի հուլիսի 12-ի որոշման համաձայն` Հակոբ Սարգսի Ալեքսանյանի նկատմամբ որպես խափանման միջոց ընտրվել է կալանավորումը` երկու ամիս ժամկետով, կալանավորման սկիզբը հաշվվել է 2012 թվականի հուլիսի 9-ից։
ՀՀ ոստիկանության ինֆորմացիոն կենտրոնի պահանջագրի համաձայն` Հակոբ Սարգսի Ալեքսանյանը նախկինում դատապարտված չի եղել։
ՀՀ ոստիկանության ինֆորմացիոն կենտրոնի պահանջագրի համաձայն` Ասատուր Գուրամիկի Մխիթարյանը նախկինում դատապարտված չի եղել։
Գույքի վրա կալանք դնելու մասին 2012 թվականի հունիսի 5-ի որոշման համաձայն` թիվ 13108512 քրեական գործով կալանք է դրվել Ասատուր Գուրամիկի Մխիթարյանին պատկանող գույքի վրա։
Գույքը կալանքից ազատելու մասին 2012 թվականի օգոստոսի 20-ի որոշման համաձայն` թիվ 13108512 քրեական գործով Ասատուր Գուրամիկի Մխիթարյանի անվամբ սեփականության իրավունքով գրանցված Երևան քաղաքի Միքայելյան փողոցի 3-րդ շենքի 98-րդ բնակարանը ազատվել է արգելանքից` դրա անհրաժեշտությունը վերանալու կապակցությամբ։
Գույքի վրա կալանք դնելու մասին 2012 թվականի հուլիսի 21-ի որոշման համաձայն` կալանք է դրվել Հակոբ Սարգսի Ալեքսանյանին պատկանող գույքի վրա։
Ամուսնության թիվ 362444 վկայականի պատճենի համաձայն` Հակոբ Սարգսի Ալեքսանյանը և Սուսան Հովսեփի Մազմանյանը հանդիսանում են ամուսիններ։
Ծննդյան թիվ ԱԱ 300194 վկայականի պատճենի համաձայն` 2009 թվականի մարտի 29-ին ծնված Դիանա Հակոբի Ալեքսանյանի հայրը Հակոբ Սարգսի Ալեքսանյանն է։
Ծննդյան թիվ ԱԱ 051156 վկայականի պատճենի համաձայն` 1996 թվականի մարտի 15-ին ծնված Մկրտիչ Հակոբի Ալեքսանյանի հայրը Հակոբ Սարգսի Ալեքսանյանն է։
Ծննդյան թիվ ԱԱ 191992 վկայականի պատճենի համաձայն` 1999 թվականի սեպտեմբերի 10-ին ծնված Սարգիս Հակոբի Ալեքսանյանի հայրը Հակոբ Սարգսի Ալեքսանյանն է։
Թիվ AG0353951 անձնագրի պատճենի համաձայն` Նունե Հակոբի Ալեքսանյանը ծնվել է 1988 թվականի հունվարի 22-ին։
Թիվ AK0317775 անձնագրի պատճենի համաձայն` Մինաս Հակոբի Ալեքսանյանը ծնվել է 1991 թվականի հուլիսի 18-ին։
Թիվ AM0833853 անձնագրի պատճենի համաձայն` Ալեքսան Հակոբի Ալեքսանյանը ծնվել է 1986 թվականի սեպտեմբերի 16-ին։
Ծննդյան թիվ ԱԱ 185638 վկայականի պատճենի համաձայն` 2007 թվականի դեկտեմբերի 1-ին ծնված Կիմա Յուրայի Ալեքսանյանի մայրը Նունե Հակոբի Ալեքսանյանն է։
Ծննդյան թիվ ԱԱ 302372 վկայականի պատճենի համաձայն` 2009 թվականի մայիսի 23-ին ծնված Հայկազ Յուրիկի Եղիազարյանի մայրը Նունե Հակոբի Ալեքսանյանն է։
Արմավիրի մարզի Զարթոնք գյուղի գյուղապետի կողմից տրված տեղեկանքի համաձայն` Հակոբ Սարգսի Ալեքսանյանի խնամքի տակ են գտնվում կինը, վեց երեխաները և երկու թոռները։
Արմավիրի մարզի սոցիալական ծառայությունների տարածքային գործակալության պետ Ռ.Արտենյանի կողմից տրված տեղեկանքի համաձայն` Հակոբ Սարգսի Ալեքսանյանի ընտանիքը հաշվառված է ընտանիքների անապահովության գնահատման համակարգում և ստանում է ընտանեկան նպաստ։
Արմավիրի մարզի զինվորական կոմիսարի կողմից տրված տեղեկանքի համաձայն` Հակոբ Սարգսի Ալեքսանյանը 1983 թվականի հոկտեմբերի 29-ից մինչև 1985 թվականի փետրվարի 10-ը ծառայել է զինված ուժերում, ծառայության ընթացքում ԽՍՀՄ ՊՆ 1973 թվականի թիվ 185 հրամանի 4-րդ հոդվածի համաձայն ճանաչվել է զինվորական ծառայության համար ոչ պիտանի և հանվել է հաշվառումից։
Արմավիրի մարզի Զարթոնք գյուղի գյուղապետի կողմից տրված բնութագրի համաձայն` Հակոբ Սարգսի Ալեքսանյանը բնութագրվում է դրականորեն։
ՀՀ աշխատանքի և սոցիալական հարցերի նախարարության կողմից տրված թիվ 589838 ընտանիքի սոցիալական անձնագրի պատճենի համաձայն` Ասատուր Գուրամիկի Մխիթարյանի ընտանիքը բաղկացած է չորս անդամներից։
Ամուսնության թիվ ԱԱ 069979 վկայականի պատճենի համաձայն` Ասատուր Գուրամիկի Մխիթարյանը և Արմինե Միշայի Հակոբյանը հանդիսանում են ամուսիններ։
Ծննդյան թիվ ԱԱ 205849 վկայականի պատճենի համաձայն` 1999 թվականի նոյեմբերի 20-ին ծնված Արման Ասատուրի Մխիթարյանի հայրը Ասատուր Գուրամիկի Մխիթարյանն է։
Ծննդյան թիվ ԱԱ 168164 վկայականի պատճենի համաձայն` 2001 թվականի հոկտեմբերի 26-ին ծնված Գուրամ Ասատուրի Մխիթարյանի հայրը Ասատուր Գուրամիկի Մխիթարյանն է։
«Նյուվալդիե ՍՊ ընկերության տնօրեն Վ.Պողոսյանի կողմից տրված 2012 թվականի փետրվարի 10-ի հրամանի համաձայն` Ասատուր Գուրամիկի Մխիթարյանն աշխատել է «Նյուվալդիե ՍՊ ընկերությունում որպես վարորդ։
«Սեբաստիա-2ե համատիրության ղեկավարի կողմից տրված բնութագրի համաձայն` Ասատուր Գուրամիկի Մխիթարյանը բնութագրվում է դրականորեն։
Համակարգչային երկպարույր տոմոգրաֆիայի եզրակացության համաձայն` Ասատուր Գուրամիկի Մխիթարյանը վատառողջ է։
3. Դատարանի իրավական վերլուծությունները.
Վերոգրյալ ապացույցների հիման վրա Դատարանը գալիս է այն եզրահանգման, որ Ասատուր Գորամիկի Մխիթարյանը.
1. 2011 թվականի հոկտեմբերին Արմավիրի մարզի Զարթոնք գյուղից Ակնալիճ գյուղ գնալու ճանապարհին Հակոբ Սարգսի Ալեքսանյանից առանց իրացնելու նպատակի, ապօրինի ձեռք է բերել զգալի չափի` 2,5 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 268-րդ հոդվածի 1-ին մասի հատկանիշներին։
2. 2011 թվականի հոկտեմբերին Արմավիրի մարզի Զարթոնք գյուղի ջրատարի մոտ Հակոբ Սարգսի Ալեքսանյանին վճարելով 25.000 ՀՀ դրամ առանց իրացնելու նպատակի, ապօրինի ձեռք է բերել խոշոր չափի` 12,5 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 268-րդ հոդվածի 2-րդ մասի 2-րդ կետի հատկանիշներին։
3. 2011 թվականի դեկտեմբերին Արմավիրի մարզի Զարթոնք գյուղում Հակոբ Սարգսի Ալեքսանյանին վճարելով 20.000 ՀՀ դրամ առանց իրացնելու նպատակի, ապօրինի ձեռք է բերել խոշոր չափի`10 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 268-րդ հոդվածի 2-րդ մասի 2-րդ կետի հատկանիշներին։
4. 2012 թվականի հունվարին Արմավիրի մարզի Զարթոնք գյուղում Հակոբ Սարգսի Ալեքսանյանին վճարելով 20.000 ՀՀ դրամ առանց իրացնելու նպատակի, ապօրինի ձեռք է բերել խոշոր չափի` 10 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 268-րդ հոդվածի 2-րդ մասի 2-րդ կետի հատկանիշներին։
5. 2012 թվականի 20-ին Արմավիրի մարզի Զարթոնք գյուղում Հակոբ Սարգսի Ալեքսանյանին վճարելով 25.000 ՀՀ դրամ առանց իրացնելու նպատակի, ապօրինի ձեռք է բերել խոշոր չափի` 12,5 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 268-րդ հոդվածի 2-րդ մասի 2-րդ կետի հատկանիշներին։
Ապացուցված է Ասատուր Գորամիկի Մխիթարյանի մեղավորությունը ՀՀ քրեական օրենսգրքի 268-րդ հոդվածի 1-ին մասով, 268-րդ հոդվածի 2-րդ մասի 2-րդ կետով, 268-րդ հոդվածի 2-րդ մասի 2-րդ կետով, 268-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով նախատեսված արարքները կատարելու մեջ։
Ասատուր Մխիթարյանի անձը դրականորեն բնութագրող հանգամանքներ են առաջադրված մեղադրանքներում իրեն մեղավոր ճանաչելը, ամուսնացած լինելը և աշխատելը։
Ասատուր Մխիթարյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երկու երեխաների (Արման Ասատուրի Մխիթարյան` ծնված 1999 թվականի նոյեմբերի 20-ին, Գուրամ Ասատուրի Մխիթարյան` ծնված 2001 թվականի հոկտեմբերի 26-ին) առկայությունը։
Դատարանը գտնում է, որ Ասատուր Մխիթարյանի պատասխանատվությունն ու պատիժը մեղմացնող հանգամանքներ պետք է դիտել նաև նախկինում արատավորված` դատապարտված չլինելը, դրականորեն բնութագրվելը և վատառողջ լինելը։
Վերը նշված պատասխանատվությունն ու պատիժը մեղմացնող հանգամանքները Ասատուր Մխիթարյանի կատարած բոլոր արարքներով էլ առկա են։
Դատարանը միաժամանակ արձանագրում է, որ Ասատուր Մխիթարյանի կատարած բոլոր արարքներով էլ պատասխանատվությունն ու պատիժը ծանրացնող հանգամանքներ չկան։
Կատարած արարքների համար ամբաստանյալ Ասատուր Մխիթարյանը ենթակա է քրեական պատասխանատվության և պատժի։
Դատարանը, հաշվի առնելով Ասատուր Մխիթարյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժներ պետք է նշանակել ազատազրկման ձևով։
Դատարանը գտնում է, որ Ասատուր Մխիթարյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի։
ՀՀ քրեական դատավարության օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց։ Ամբաստանյալ Ասատուր Մխիթարյանի պատժի կրման սկիզբը պետք է հաշվել 2012 թվականի հունիսի 4-ից, քանի որ այդ օրվանից նա գտնվում է արգելանքի տակ։
Դատարանը գտնում է, որ Ասատուր Մխիթարյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը։
ՀՀ քրեական օրենսգրքի 97-րդ հոդվածի 1-ին մասի 4-րդ կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից և թմրամոլությունից բուժման կարիք ունեցող։ ՀՀ քրեական օրենսգրքի 98-րդ հոդվածի 2-րդ մասի համաձայն` մեղսունակությունը չբացառող հոգեկան խանգարման վիճակում կատարած հանցանքի համար դատապարտված, բայց ալկոհոլամոլությունից, թմրամոլությունից կամ թունամոլությունից, կամ մեղսունակությունը չբացառող հոգեկան խանգարումներից բուժման կարիք ունեցող անձանց նկատմամբ դատարանը պատժի հետ մեկտեղ կարող է նշանակել հոգեբույժի մոտ արտահիվանդանոցային հսկողություն և հարկադիր բուժում։
Դատարանը, նկատի ունենալով, որ Ասատուր Մխիթարյանը տառապում է «Կանաբինոիդային թմրամոլությունե ախտորոշմամբ և ունի հարկադիր բուժման կարիք, որի համար հակացուցումներ չկան, գտնում է, որ նրա նկատմամբ պետք է նշանակել բժշկական բնույթի հարկադրական միջոց` հոգեբույժի մոտ արտահիվանդանոցային հսկողություն և հարկադիր բուժում։
Վերոգրյալ ապացույցների հիման վրա Դատարանը գալիս է այն եզրահանգման, որ Հակոբ Սարգսի Ալեքսանյանը.
1. 2011 թվականի սեպտեմբերի կեսերին Արմավիրի մարզի Զարթոնք գյուղի տարածքում գտնվող ձկնաբուծական լճակներին հարակից դաշտից քաղելու, չորացնելու և մանրացնելու եղանակով, առանց իրացնելու նպատակի, ապօրինի ձեռք է բերել խոշոր չափի` շուրջ 60 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 268-րդ հոդվածի 2-րդ մասի 2-րդ կետի հատկանիշներին։
2. 2011 թվականի հոկտեմբերին Արմավիրի մարզի Զարթոնք գյուղից Ակնալիճ գյուղ գնալու ճանապարհին Ասատուր Գուրամիկի Մխիթարյանին ապօրինի իրացրել է զգալի չափի` 2,5 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 266-րդ հոդվածի 1-ին մասի հատկանիշներին։
3. 2011 թվականի հոկտեմբերին Արմավիրի մարզի Զարթոնք գյուղի ջրատարի մոտ 25.000 ՀՀ դրամով վաճառելու եղանակով Ասատուր Գուրամիկի Մխիթարյանին ապօրինի իրացրել է խոշոր չափերի` 12,5 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 266-րդ հոդվածի 2-րդ մասի 2-րդ կետի հատկանիշներին։
4. 2011 թվականի դեկտեմբերին Արմավիրի մարզի Զարթոնք գյուղում 20.000 ՀՀ դրամով վաճառելու եղանակով Ասատուր Գուրամիկի Մխիթարյանին ապօրինի իրացրել է խոշոր չափերի` 10 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 266-րդ հոդվածի 2-րդ մասի 2-րդ կետի հատկանիշներին։
5. 2012 թվականի հունվարին Արմավիրի մարզի Զարթոնք գյուղում 20.000 ՀՀ դրամով վաճառելու եղանակով Ասատուր Գուրամիկի Մխիթարյանին ապօրինի իրացրել է խոշոր չափերի` 10 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 266-րդ հոդվածի 2-րդ մասի 2-րդ կետի հատկանիշներին։
6. 2012 թվականի փետրվարի 20-ին Արմավիրի մարզի Զարթոնք գյուղում 25.000 ՀՀ դրամով վաճառելու եղանակով Ասատուր Գուրամիկի Մխիթարյանին ապօրինի իրացրել է խոշոր չափերի` 12,5 գրամ չորացված մարիխուանա տեսակի թմրամիջոց, ինչը համապատասխանում է ՀՀ քրեական օրենգրքի 266-րդ հոդվածի 2-րդ մասի 2-րդ կետի հատկանիշներին։
Ապացուցված է Հակոբ Սարգսի Ալեքսանյանի մեղավորությունը ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով, 266-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով նախատեսված արարքները կատարելու մեջ։
Հակոբ Ալեքսանյանի անձը դրականորեն բնութագրող հանգամանքներ են առաջադրված մեղադրանքներում իրեն մեղավոր ճանաչելը, ամուսնացած լինելը և խնամքին 14 տարին լրացած չորս երեխաների (Մկրտիչ Հակոբի Ալեքսանյան` ծնված 1996 թվականի մարտի 15-ին, Նունե Հակոբի Ալեքսանյան` ծնված 1988 թվականի հունվարի 22-ին, Մինաս Հակոբի Ալեքսանյան` ծնված 1991 թվականի հուլիսի 18-ին, Ալեքսան Հակոբի Ալեքսանյան` ծնված 1986 թվականի սեպտեմբերի 16-ին), ինչպես նաև երկու թոռների (Կիմա Յուրայի Ալեքսանյան` ծնված 2007 թվականի դեկտեմբերի 1-ին, Հայկազ Յուրիկի Եղիազարյան` ծնված 2009 թվականի մայիսի 23-ին) առկայությունը։
Հակոբ Ալեքսանյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երկու երեխաների (Դիանա Հակոբի Ալեքսանյան` ծնված 2009 թվականի մարտի 29-ին, Սարգիս Հակոբի Ալեքսանյան` ծնված 1999 թվականի սեպտեմբերի 10-ին) առկայությունը։
Դատարանը գտնում է, որ Հակոբ Ալեքսանյանի պատասխանատվությունն ու պատիժը մեղմացնող հանգամանքներ պետք է դիտել նաև նախկինում արատավորված` դատապարտված չլինելը և դրականորեն բնութագրվելը։
Վերը նշված պատասխանատվությունն ու պատիժը մեղմացնող հանգամանքները Հակոբ Ալեքսանյանի կատարած բոլոր արարքներով էլ առկա են։
Դատարանը միաժամանակ արձանագրում է, որ Հակոբ Ալեքսանյանի կատարած բոլոր արարքներով էլ պատասխանատվությունն ու պատիժը ծանրացնող հանգամանքներ չկան։
Կատարած արարքների համար ամբաստանյալ Հակոբ Ալեքսանյանը ենթակա է քրեական պատասխանատվության և պատժի։
Դատարանը, հաշվի առնելով Հակոբ Ալեքսանյանը կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժներ պետք է նշանակել ազատազրկման ձևով։ Դատարանը միաժամանակ գտնում է, որ Հակոբ Ալեքսանյանի կատարած արարքներից յուրաքանչյուրի համար նրա նկատմամբ չպետք է նշանակել ՀՀ քրեական օրենսգրքի 266-րդ հոդվածի 2-րդ մասի սանկցիայով նախատեսված լրացուցիչ պատիժը` գույքի բռնագրավումը։
Դատարանը գտնում է, որ Հակոբ Ալեքսանյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի։
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց։ Ամբաստանյալ Հակոբ Ալեքսանյանի պատժի կրման սկիզբը պետք է հաշվել 2012 թվականի հուլիսի 9-ից, քանի որ նա ձերբակալվել է այդ օրը, իսկ 2012 թվականի հուլիսի 12-ին նրա նկատմամբ որպես խափանման միջոց ընտրվել է կալանավորումը։
Դատարանը գտնում է, որ Հակոբ Ալեքսանյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը։
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2012 թվականի փետրվարի 21-ի որոշմամբ իրեղեն ապացույց ճանաչված 12,5 գրամ չորացված մարիխուանա տեսակի թմրամիջոցը պետք է ոչնչացնել։
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի հարցը, իսկ նույն օրենսգրքի 238-րդ հոդվածը սահմանում է, որ գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը
Սույն գործով 2012 թվականի հուլիսի 21-ին կայացվել է Հակոբ Ալեքսանյանի գույքի վրա կալանք դնելու մասին որոշում։ Դատարանը, նկատի ունենալով, որ Հակոբ Ալեքսանյանի նկատմամբ ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված արարքի համար չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը, ինչպես նաև այն, որ սույն քրեական գործով քաղաքացիական հայց չի ներկայացվել և չկան Հակոբ Ալեքսանյանից բռնագանձման ենթակա դատական ծախսեր, գտնում է, որ վերացել է Հակոբ Ալեքսանյանի գույքի վրա կալանք դնելուց բխող սահմանափակումների կիրառման անհրաժեշտությունը։ Հետևաբար դատավճիռն օրինական ուժի մեջ մտնելուց հետո 2012 թվականի հուլիսի 21-ի որոշմամբ Հակոբ Սարգսի Ալեքսանյանի գույքի վրա դրված կալանքը պետք է վերացնել։
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերը ամբաստանյալներ Ասատուր Մխիթարյանից և Հակոբ Ալեքսանյանից ենթակա չեն բռնագանձման, քանի որ տուժողին պատճառված վնաս սույն գործով առկա չէ։ Բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մասի 2-րդ և 4-6-րդ կետերով նախատեսված դատական ծախսերը, քանի որ նշված կետերով նախատեսված դատական ծախսեր ընդհանրապես չկան։ Ավելին` նման պահանջ դատարանին չի ներկայացվել։ Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մասի 3-րդ կետով նախատեսված դատական ծախսին, ապա Դատարանը գտնում է, որ Ասատուր Մխիթարյանից պետք է բռնագանձել թիվ 12-0573 փորձաքննության համար վճարվելիք գումարը` 19.236 (տասնինը հազար երկու հարյուր երեսունվեց) ՀՀ դրամը (հիմք`փորձագետի 2012 թվականի փետրվարի 27-ի թիվ 12-0573 եզրակացությանը կից հաշիվ-ապրանքագիր հանդիսացող հանձնման-ընդունման արձանագրություն)։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 138-րդ, 168-րդ, 238-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը

ՎՃՌԵՑ

Ասատուր Գուրամիկի Մխիթարյանին մեղավոր ճանաչել առաջադրված մեղադրանքի 1-ին դրվագով` ՀՀ քրեական օրենսգրքի 268-րդ հոդվածի 1-ին մասով և պատիժ նշանակել ազատազրկում` 6 (վեց) ամիս ժամկետով։
Ասատուր Գուրամիկի Մխիթարյանին մեղավոր ճանաչել առաջադրված մեղադրանքի 2-րդ դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով և պատիժ նշանակել ազատազրկում` 1 (մեկ) տարի ժամկետով։
Ասատուր Գուրամիկի Մխիթարյանին մեղավոր ճանաչել առաջադրված մեղադրանքի 3-րդ դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով և պատիժ նշանակել ազատազրկում` 1 (մեկ) տարի ժամկետով։
Ասատուր Գուրամիկի Մխիթարյանին մեղավոր ճանաչել առաջադրված մեղադրանքի 4-րդ դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով և պատիժ նշանակել ազատազրկում` 1 (մեկ) տարի ժամկետով։
Ասատուր Գուրամիկի Մխիթարյանին մեղավոր ճանաչել առաջադրված մեղադրանքի 5-րդ դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով և պատիժ նշանակել ազատազրկում` 1 (մեկ) տարի ժամկետով։
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Ասատուր Գուրամիկի Մխիթարյանի նկատմամբ վերջնական պատիժ նշանակել ազատազրկում` 2 (երկու) տարի 6 (վեց) ամիս ժամկետով` պատժի կրման սկիզբը հաշվելով 2012 թվականի հունիսի 4-ից։
Ասատուր Գուրամիկի Մխիթարյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Ասատուր Գուրամիկի Մխիթարյանի նկատմամբ նշանակել հոգեբույժի մոտ արտահիվանդանոցային հսկողություն և հարկադիր բուժում։
Հակոբ Սարգսի Ալեքսանյանին մեղավոր ճանաչել առաջադրված մեղադրանքի 1-ին դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով և պատիժ նշանակել ազատազրկում` 1 (մեկ) տարի ժամկետով։
Հակոբ Սարգսի Ալեքսանյանին մեղավոր ճանաչել առաջադրված մեղադրանքի 2-րդ դրվագով`ՀՀ քրեական օրենսգրքի 266-րդ հոդվածի 1-ին մասով և պատիժ նշանակել ազատազրկում` 3 (երեք) տարի ժամկետով։
Հակոբ Սարգսի Ալեքսանյանին մեղավոր ճանաչել առաջադրված մեղադրանքի 3-րդ դրվագով` ՀՀ քրեական օրենսգրքի 266-րդ հոդվածի 2-րդ մասի 2-րդ կետով և պատիժ նշանակել ազատազրկում` 5 (հինգ) տարի ժամկետով` առանց գույքի բռնագրավման։
Հակոբ Սարգսի Ալեքսանյանին մեղավոր ճանաչել առաջադրված մեղադրանքի 4-րդ դրվագով` ՀՀ քրեական օրենսգրքի 266-րդ հոդվածի 2-րդ մասի 2-րդ կետով և պատիժ նշանակել ազատազրկում` 5 (հինգ) տարի ժամկետով` առանց գույքի բռնագրավման։
Հակոբ Սարգսի Ալեքսանյանին մեղավոր ճանաչել առաջադրված մեղադրանքի 5-րդ դրվագով` ՀՀ քրեական օրենսգրքի 266-րդ հոդվածի 2-րդ մասի 2-րդ կետով և պատիժ նշանակել ազատազրկում` 5 (հինգ) տարի ժամկետով` առանց գույքի բռնագրավման։
Հակոբ Սարգսի Ալեքսանյանին մեղավոր ճանաչել առաջադրված մեղադրանքի 6-րդ դրվագով` ՀՀ քրեական օրենսգրքի 266-րդ հոդվածի 2-րդ մասի 2-րդ կետով և պատիժ նշանակել ազատազրկում` 5 (հինգ) տարի ժամկետով` առանց գույքի բռնագրավման։
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Հակոբ Սարգսի Ալեքսանյանի նկատմամբ վերջնական պատիժ նշանակել ազատազրկում` 7 (յոթ) տարի ժամկետով` առանց գույքի բռնագրավման, պատժի կրման սկիզբը հաշվելով 2012 թվականի հուլիսի 9-ից։
Հակոբ Սարգսի Ալեքսանյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո` 2012 թվականի փետրվարի 21-ի որոշմամբ իրեղեն ապացույց ճանաչված 12,5 գրամ չորացված մարիխուանա տեսակի թմրամիջոցը ոչնչացնել։
Ասատուր Գուրամիկի Մխիթարյանից, հօգուտ Հայաստանի Հանրապետության, որպես դատական ծախս, բռնագանձել 19.236 (տասնինը հազար երկու հարյուր երեսունվեց) ՀՀ դրամ։
Դատավճիռն օրինական ուժի մեջ մտնելուց հետո` 2012 թվականի հուլիսի 21-ի որոշմամբ Հակոբ Սարգսի Ալեքսանյանի գույքի վրա դրված կալանքը վերացնել։
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում։


ԴԱՏԱՎՈՐ Մ.ՊԱՊՈՅԱՆ