ԵԿԴ/0153/01/12






Ո Ր Ո Շ Ու Մ
քրեական գործի վարույթը կարճելու և քրեական հետապնդումը
դադարեցնելու մասին



«06» սեպտեմբերի 2012թ. ք. Երևան


Երևանի Կենտրոն և Նորք-Մարաշ վարչական շրջանների ընդհանուր իրավա¬սութ¬յան դա¬տա¬րանի դատավոր Ա.Ժ.Վարդանյանս, հետազոտելով 2012թ. օգոստոսի 24-ին վարույթ ընդունած քրեական գործն ըստ մեղադրանքի Ժիրայր Հովհաննեսի Դավթյանի` ՀՀ քրեական օրենսգրքի 177-րդ հոդվածի 1-ին մասով,

Պ Ա Ր Զ Ե Ց Ի`

Սույն գործով տուժող Վաչագան Աշոտի Ավետիսյանի հաղորդման հիման վրա ՀՀ ոստիկանության քննչական գլխավոր վարչության Երևան քաղաքի քննչական վարչության Կենտրոնի քննչական բաժնում 2012թ. հունիսի 26-ին ՀՀ քրեական օրենսգրքի 177-րդ հոդվածի 1-ին մասով և 324-րդ հոդվածի 1-ին մասով հարուցվել է թիվ 13133312 քրեական գործ` անհայտ անձի կողմից զգալի չափերի գողության և փաստաթղթերի հափշտակություն կատարելու դեպքի առթիվ։
2012թ. հուլիսի 19-ին Ժիրայր Հովհաննեսի Դավթյանի նկատմամբ որպես խափանման միջոց էընտրվել չհեռանալու մասին ստորագրությունը, իսկ 2012թ. հուլիսի 26-ին նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։
Ըստ Ժիրայր Դավթյանին առաջադրված մեղադրանքի` վերջինս 2012թ. հունիսի 16-ին` ժամը 15։00-ի սահմաններում, Երևան քաղաքի Տպագրիչների 13 շենքի բակում կայանված` Վաչագան Ավետիսյանին պատկանող «ԲՄՎ Իքս 5» մակնիշի 77 օօ 778 պետհամարանիշի ավտոմեքենայի դիմացի աջակողմյան ապակին կոտրելու միջոցով սրահից գաղտնի հափշտակել է վերջինիս պատկանող 150.000 ՀՀ դրամ արժողության «Լուի Վիտոն» ֆիրմայի պայուսակը, «Կարտեր» ֆիրմայի օպտիկական ակնոցը և 192.920 ՀՀ դրամ գումար` Վաչագան Ավետիսյանին պատճառելով զգալի չափի` 342.920 ՀՀ դրամի գույքային վնաս։
Մասնավոր մեղադրանքի վերաբերյալ սույն քրեական գործը 2012թ. օգոստոսի 23-ին Ժիրայր Դավթյանի նկատմամբ ՀՀ քրեական օրենսգրքի 177-րդ հոդվածի 1-ին մասով կազմված մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդանուր իրավասության դատարան, 2012թ. օգոստոսի 24-ին ընդունվել դատարանի վարույթ, որի մասին պատշաճ կարգով իրազեկվել են մեղադրյալ Չիրայր Դավթյանը, վերջինիս պաշտպան Կարեն Հակոբյանը և տուժող Վաչագան Ավետիսյանը` ստանալով իրավունքների և պարտականությունների պարզա¬բանմամբ հուշաթերթիկներ։
Ուսումնասիրելով սույն քրեական գործի նյութերը` Երևանի Կենտրոն և Նորք-Մարաշ վարչական շրջանների ընդհանուր իրավասության դատարանն արձանագրում է, որ քրեական գործի տարածքային ընդդատության հարցը որոշված է ճիշտ, քրեական գործի վարույթը կասեց¬նելու հիմքերը բացա¬կայում են, իսկ մինչ¬դատական վա¬րույթը կատարված է առանց քրեադա¬տա¬¬վարական օրենքի էական խախ¬տում¬ների։ Քրեական գործում բացա¬կայում է նաև ինքնաբացարկ հայտնելու որևէ հիմք` անկողմնա¬կալության վերաբերյալ ողջամիտ կասկած հարուցող փաստ կամ հանգա¬մանք։
2012թ. օգոստոսի 28-ին Կենտրոն և Նորք-Մարաշ վարչական շրջանների ընդանուր իրավա¬սության դատարանում ստացվել է տուժող Վաչագան Ավետիսյանի դիմումը, որում վերջինս, պատճառաբանելով, որ Ժիրայր Դավթյանն ամբողջությամբ վերականգնել է իրեն պատ¬¬ճառած վնասը, նշել է, որ նրա նկատ¬մամբ բողոք չունի, ավելին` հաշտվել են Ժ.Դավթյանի հետ և չի ցանկանում, որ վեր¬ջինս ենթարկվի քրեական պատասխա¬նատվության` միջնորդելով կարճել սույն քրեական գործի վա¬րույ¬թը։
Ավելին, նույն օրը Դատարան է ստացվել նաև մեղադրյալ ԱԺիրայր Դավթյանի դիմումը, որում վերջինս հաստատել է պատ¬ճա¬ռած վնասն ամբողջությամբ հատուցելու, Վաչագան Ավետիւսյանի հետ հաշտվելու հանգամանքը` համաձայնելով վերոնշյալ հիմքով քրեական գործի վարույթը կարճելուն։
Դատարանը, հաշվի առնելով սույն քրեական գործը Դատարանի վարույթ ընդունելուց հետո տուժողի դիր¬քո¬րոշման փոփոխությունը, ինչպես նաև Ժ. Դավթյանի արարքի իրավաբանական որակման համապատասխանությունը նրան մեղ¬սագրվող արարքի նկարագրությանը, գտնում է, որ քրեական գործի վարույթը ենթակա է կարճ¬ման, իսկ մեղադրյալ Ժ.Դավթյանի նկատմամբ հարուցված քրեական հետապնդումը` դա¬դա¬րեցման, որպիսի հետևության հանգում է հետևյալ իրավական վերլուծությունների արդյունք¬ներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադրան¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերա¬բերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 177-րդ հոդվածի 1-ին մասով նախատեսված հանցագործություն¬ների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցական սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանքներ, լուծում է մեղադրյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 294-րդ հոդվածի 1-ին մասի համաձայն` սույն օրենսգրքով նախատեսված հիմքերի առկայության դեպքում, երբ դա հնարավոր է առանց դատաքննության, դատավորը պատճառաբանված որոշում է կայացնում քրեական գործով վարույթը կարճելու կամ քրեական հետապնդումը դադարեցնելու մասին։ Նույն հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոցները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում է իրեղեն ապացույցների ճակատագրի հարցը։ Նույն հոդվածի 3-րդ մասի համաձայն` գործով վարույթը կարճելու և քրեական հետապնդումը դադարեցնելու մասին որոշման պատճենն հանձնվում է մեղադրյալին, պաշտպանին, դատա¬խազին, տուժողին, քաղաքացիական հայցվորին, քաղաքացիական պատասխանողին և նրանց ներկայացուցիչներին։
Օրենքի վերոնշյալ մեկնաբանությունները սույն գործի վրա տարածելով` Դատարանն արձանագրում է, որ ի հայտ է եկել քրեական գործի վարույթը և քրեական հետապնդումը բացա¬ռող հանգամանք, որի պայմաններում քրեական գործի վարույթ կարճելու և քրեական հե¬տապնդու¬մը դադարեցնելու մասին որոշման կայացումն ոչ թե հնարավոր, այլ պարտադիր է առանց դատաքննության կատարման, ինչը ՀՀ քրեական դատավարական օրենսգրքի վերը հիշա¬տակված 36-րդ հոդվածի ուղղակի պահանջն է։
ՀՀ քրեական դատավարության օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը, հետևաբար` սույն որոշ¬ման կայացման տրամաբանությամբ ամբաստանյալ Ժիրայր Դավթյանի նկատ¬մամբ ընտրված խափան¬ման միջոց չհեռանալու մասին ստորագրությունը ենթակա է վերացման` որոշումն օրինա¬կան ուժի մեջ մտնելուց հետո։
Դատարանն արձանագրում է նաև, որ սույն գործով իրեղեն ապացույցներ չկան, հանցա¬գոր¬ծությամբ պատճառված վնասի հարցն ամբողջությամբ լուծված է, Ժիրայր Դավթյանի շարժական կամ անշարժ գույքի նկատմամբ արգելանքի որևէ միջոց չի կիրառվել։
Վերոգրյալների հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ հոդվածներով, ինչպես նաև 379-րդ հոդվածի 1-ին մասի 1-ին կետով,

Ո Ր Ո Շ Ե Ց Ի `

1. Մեղադրյալ Ժիրայր Հովհաննեսի Դավթյանի նկատմամբ (ծնված 1982թ. մարտի 2-ին, Երևան քաղաքում, ազգությամբ հայ, Ռուսաստանի Դաշնության քաղաքացի, միջնակարգ կրթութ¬յամբ, ամուսնացած, նախկինում չդատապարտված, չի աշխատում, հաշվառված` ՌԴ Մոսկվայի մարզ, Օրեխովո-Զոյեվո, Գագարինի 23 շենքի 24-րդ բնակարանում, ՀՀ-ում փաստացի բնակվում է Երևանի Մ.Խորենացի 27-րդ շենքի 19-րդ բնակարանում) ՀՀ քրեական օրենսգրքի 177-րդ հոդ¬վածի 1-ին մասով հարուցված քրեա¬կան հե¬տապնդումը դադարեցնել, թիվ ԵԿԴ/0153/01/12 քրեա¬¬կան գործի վարույթը կարճել` վերջինիս և տուժող Վաչագան Ավետիսյանի հաշտութ¬յան հիմ¬քով։
2. Վերացնել Ժիրայր Դավթյանի նկատմամբ որպես խափանման միջոց ընտրված չհեռանալու մասին ստորագրությունը։
3. Սույն որոշման պատճեններն հանձնել կողմերին։


ԴԱՏԱՎՈՐ` Ա.ՎԱՐԴԱՆՅԱՆ