Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

04 հոկտեմբերի 2012թ. ք. Երևան

ԵԿԴ-0152/01/11

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Է. Մկրտչյան,

մասնակցությամբ`
մեղադրող`
Երևանի Կենտրոն և Նորք-Մարաշ վարչական
շրջանների դատախազության
ավագ դատախազ Ս. Հարությունյանի,

տուժողներ Օ. Գևորգյանի,
Գ. Բադալյանի,
Ն. Հովհաննիսյան,
Ե. Վարդանյան,

տուժողներ և քաղաքացիական հայցվորներ Թ. Ադամյանի,
Է. Պողոսյանի,
Ա. Սարգսյանի,
Թ. Վարդանյանի,
Օ. Սարգսյանի,
Ն. Հարությունյանի,

դատարանում, դռնբաց դատական նիստում, քննեց գործն ըստ մեղադրանքի
Ալեքսանդր Ռուբենի Սաֆրազյանի
ծնված 1989թ. փետրվարի 19-ին Երևանում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, չի աշխատում, նախկինում չդատված, հաշվառված է ք. Երևան, Արշակունյաց պողոտայի թիվ 53 շենքի թիվ 23 բնակարանում, փաստացի բնակվել է ք. Երևան, Արցախի փողոցի թիվ 12 շենքի թիվ 10 բնակարանում, կալանքի տակ է 30.04.2012թ.-ից, մեղադրվում է մեկ դրվագով` ՀՀ քրեական օրենսգրքի 34-176-րդ հոդվածի 1-ին մասով, երկու դրվագով` ՀՀ քրեական օրենսգրքի 176-րդ հոդվածի 2-րդ մասի 2-րդ կետով, յոթ դրվագով` ՀՀ քրեական օրենսգրքի 176-րդ հոդվածի 1-ին մասով։
Գործի դատավարական նախապատմությունը

Թիվ 13161411 քրեական գործը ՀՀ ոստիկանության Երևան քաղաքի վարչության Կենտրոնականի բաժնում հարուցվել է 2011թ. հունիսի 13-ին, ՀՀ քրեական օրենսգրքի 176-րդ հոդվածի 1-ին մասով, անհայտ անձի կողմից Ե. Վարդանյանի ոսկյա շղթան և խաչը բացահայտ հափշտակելու փաստի առթիվ։
2011թ. հունիսի 23-ին թիվ 13161411 քրեական գործն ուղարկվել է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժին և 2011թ. հունիսի 24-ի որոշմամբ ընդունվել է քննիչի վարույթ։
Քննիչի 2011թ. օգոստոսի 12-ի որոշմամբ, թիվ 13161411 քրեական գործի վարույթը կասեցվել է` որպես մեղադրյալ ներգրավման ենթակա անձի ինքնությունը պարզված չլինելու պատճառաբանությամբ։
Թիվ 13166211 քրեական գործը ՀՀ ոստիկանության Երևան քաղաքի վարչության Կենտրոնականի բաժնում հարուցվել է 2011թ. օգոստոսի 17-ին, ՀՀ քրեական օրենսգրքի 176-րդ հոդվածի 1-ին մասով, անհայտ անձի կողմից Նելլի Հովհաննիսյանի ոսկյա շղթան բացահայտ հափշտակելու փաստի առթիվ։
2011թ. օգոստոսի 27-ին թիվ 13166211 քրեական գործն ուղարկվել է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժին և 2011թ. օգոստոսի 29-ի որոշմամբ ընդունվել է քննիչի վարույթ։
Թիվ 13167611 քրեական գործը ՀՀ ոստիկանության Երևան քաղաքի վարչության Կենտրոնականի բաժնում հարուցվել է 2011թ. սեպտեմբերի 07-ին, ՀՀ քրեական օրենսգրքի 176-րդ հոդվածի 1-ին մասով, անհայտ անձի կողմից Օ. Սարգսյանի ոսկյա շղթան բացահայտ հափշտակելու փաստի առթիվ։
2011թ. սեպտեմբերի 17-ին թիվ 13167611 քրեական գործն ուղարկվել է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժին և 2011թ. սեպտեմբերի 19-ի որոշմամբ ընդունվել է քննիչի վարույթ։
Թիվ 13169811 քրեական գործը ՀՀ ոստիկանության Երևան քաղաքի վարչության Կենտրոնականի բաժնում հարուցվել է 2011թ. սեպտեմբերի 27-ին, ՀՀ քրեական օրենսգրքի 176-րդ հոդվածի 1-ին մասով, անհայտ անձի կողմից Գ. Բադալյանի ոսկյա շղթան բացահայտ հափշտակելու փաստի առթիվ։
2011թ. հոկտեմբերի 07-ին թիվ 13169811 քրեական գործն ուղարկվել է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժին և 2011թ. հոկտեմբերի 10-ի որոշմամբ ընդունվել է քննիչի վարույթ։
Քննիչի 2011թ. հոկտեմբերի 07-ի որոշմամբ, թիվ 13166211 քրեական գործի վարույթը կասեցվել է` որպես մեղադրյալ ներգրավման ենթակա անձի ինքնությունը պարզված չլինելու պատճառաբանությամբ։
Քննիչի 2011թ. նոյեմբերի 07-ի որոշմամբ, թիվ 13167611 քրեական գործի վարույթը կասեցվել է` որպես մեղադրյալ ներգրավման ենթակա անձի ինքնությունը պարզված չլինելու պատճառաբանությամբ։
Քննիչի 2011թ. նոյեմբերի 24-ի որոշմամբ, թիվ 13169811 քրեական գործի վարույթը կասեցվել է` որպես մեղադրյալ ներգրավման ենթակա անձի ինքնությունը պարզված չլինելու պատճառաբանությամբ։
Թիվ 13158112 քրեական գործը ՀՀ ոստիկանության Երևան քաղաքի վարչության Կենտրոնականի բաժնում հարուցվել է 2012թ. ապրիլի 24-ին, ՀՀ քրեական օրենսգրքի 176-րդ հոդվածի 2-րդ մասով, անհայտ անձի կողմից Օ. Գևորգյանի ոսկյա շղթան բացահայտ հափշտակելու փաստի առթիվ։
2012թ. ապրիլի 30-ին թիվ 13158112 քրեական գործն ուղարկվել է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժին և նույն օրվա որոշմամբ ընդունվել է ավագ քննիչի վարույթ։
Թիվ 13158412 քրեական գործը ՀՀ ոստիկանության Երևան քաղաքի վարչության Կենտրոնականի բաժնում հարուցվել է 2012թ. ապրիլի 29-ին, ՀՀ քրեական օրենսգրքի 176-րդ հոդվածի 1-ին մասով, անհայտ անձի կողմից Է. Պողոսյանի ոսկյա շղթան բացահայտ հափշտակելու փաստի առթիվ։
2012թ. ապրիլի 30-ին թիվ 13158412 քրեական գործն ուղարկվել է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժին և նույն օրվա որոշմամբ ընդունվել է ավագ քննիչի վարույթ։
Քննիչի նույն օրվա որոշմամբ թիվ 13158412 քրեական գործը միացվել է թիվ 13158112 քրեական գործին և նախաքննությունը շարունակվել է թիվ 13158112 քրեական գործի համարով։
2012թ. մայիսի 05-ին որոշում է կայացվել թիվ 13161411 քրեական գործի վարույթը վերսկսելու մասին։
2012թ. մայիսի 14-ին որոշում է կայացվել թիվ 13167611 քրեական գործի վարույթը վերսկսելու մասին։
Քննիչի 2012թ. մայիսի 15-ի որոշմամբ, թիվ 13161411 քրեական գործը միացվել է թիվ 13152112 քրեական գործին և նախաքննությունը շարունակվել է թիվ 13158112 քրեական գործի համարով։
Քննիչի նույն օրվա մեկ այլ որոշմամբ, թիվ 13167612 քրեական գործը միացվել է թիվ 13152112 քրեական գործին և նախաքննությունը շարունակվել է թիվ 13158112 քրեական գործի համարով։
2012թ. հուլիսի 10-ին որոշում է կայացվել թիվ 13169811 քրեական գործի վարույթը վերսկսելու մասին։
Քննիչի նույն օրվա որոշմամբ, թիվ 13169811 քրեական գործը միացվել է թիվ 13158112 քրեական գործին և նախաքննությունը շարունակվել է թիվ 13158112 քրեական գործի համարով։
2012թ. հուլիսի 12-ին որոշում է կայացվել թիվ 13166211 քրեական գործի վարույթը վերսկսելու մասին։
Քննիչի նույն օրվա որոշմամբ, թիվ 13166211 քրեական գործը միացվել է թիվ 13158112 քրեական գործին և նախաքննությունը շարունակվել է թիվ 13158112 քրեական գործի համարով։
Ամբաստանյալ Ալեքսանդր Ռուբենի Սաֆրազյանին նախաքննության մարմնի կողմից մեղադրանք է առաջադրվել մեկ դրվագով` ՀՀ քրեական օրենսգրքի 34-176-րդ հոդվածի 1-ին մասով, երկու դրվագով` ՀՀ քրեական օրենսգրքի 176-րդ հոդվածի 2-րդ մասի 2-րդ կետով, յոթ դրվագով` ՀՀ քրեական օրենսգրքի 176-րդ հոդվածի 1-ին մասով հետևյալ արարքների համար. «որ նա ուրիշի գույքի բացահայտ հափշտակություն կատարելու դիտավորությամբ, 2012թ. ապրիլի 24-ին, ժամը 10.30-ի սահմաններում, Երևան քաղաքի Մաշտոցի 24 հասցեում գտնվող շենքի մոտ քաշելու և պոկելու միջոցով բացահայտ հափշտակել է Օլգա Գրիշայի Գևորգյանին պատկանող 30 գրամ քաշով պարանոցի ոսկյա շղթան և դիմել փախուստի` Օ.Գևորգյանին պատճառելով խոշոր չափերի 600.000 ՀՀ դրամի գույքային վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 176-րդ հոդվածի 2-րդ մասի 2-րդ կետով։
Բացի այդ, Ա.Սաֆրազյանը ուրիշի գույքի բացահայտ հափշտակություն կատարելու դիտավորությամբ, 2012թ. ապրիլի 29-ին, ժամը 15.50-ի սահմաններում, Երևան քաղաքի Տ.Մեծի պողոտայում գտնվող «Երևան Սիթի» սուպերմարկետի մոտ քաշելու և պոկելու միջոցով բացահայտ հափշտակել է Էմմա Հրանտի Պողոսյանին պատկանող 20 գրամ քաշով պարանոցի ոսկյա շղթան և դիմել փախուստի` Է.Պողոսյանին պատճառելով զգալի չափերի 280.000 ՀՀ դրամի գույքային վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 176-րդ հոդվածի 1-ին մասով։
Բացի այդ, Ա.Սաֆրազյանը ուրիշի գույքի բացահայտ հափշտակություն կատարելու դիտավորությամբ 2012թ. ապրիլի 15-ին, ժամը 11.00-ի սահմաններում, Երևան քաղաքի Մաշտոցի պողոտայի թիվ 19 շենքի մոտ քաշելու և պոկելու միջոցով փորձել է բացահայտ հափշտակել Աիդա Վաղարշակի Սարգսյանին պատկանող ընդհանուր 22 գրամ քաշով 253.000 ՀՀ դրամ արժողության պարանոցի ոսկյա շղթան, սակայն իր կամքից անկախ հանգամանքներում հափշտակել է միայն պոկված վզնոցի մի մասը՝ 17 գրամը և դիմել փախուստի` Ա.Սարգսյանին փաստացի պատճառելով զգալի չափերի 196.000 ՀՀ դրամի գույքային վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 34-176-րդ հոդվածի 1-ին մասով։
Բացի այդ, Ա.Սաֆրազյանը ուրիշի գույքի բացահայտ հափշտակություն կատարելու դիտավորությամբ 2012թ. ապրիլի 12-ին, ժամը 16.00-ի սահմաններում, Երևան քաղաքի Պուշկինի փողոցի թիվ 39 շենքի մոտ քաշելու և պոկելու միջոցով բացահայտ հափշտակել է Նելլի Խաչիկի Հարությունյանին պատկանող պարանոցի ոսկյա շղթան և դիմել փախուստի` Ն.Հարությունյանին պատճառելով զգալի չափերի 450.000 ՀՀ դրամի գույքային վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 176-րդ հոդվածի 1-ին մասով։
Բացի այդ, Ա.Սաֆրազյանը ուրիշի գույքի բացահայտ հափշտակություն կատարելու դիտավորությամբ, 2011թ. հունիս ամսին Երևան քաղաքի Բաղրամյան և Օրբելի փողոցների խաչմերուկում քաշելու և պոկելու միջոցով բացահայտ հափշտակել է Թերեզա Համբարձումի Վարդանյանին պատկանող պարանոցի ոսկյա շղթան և դիմել փոխուստ՝ Թ.Վարդանյանին պատճառելով զգալի չափերի 200.000 ՀՀ դրամի գույքային վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 176-րդ հոդվածի 1-ին մասով։
Բացի այդ, Ա.Սաֆրազյանը ուրիշի գույքի բացահայտ հափշտակություն կատարելու դիտավորությամբ, 2011թ. հունիսի 13-ին, ժամը 16.00-ի սահմաններում, Երևան քաղաքի Մաշտոցի պողոտայի թիվ 29 շենքի դիմացի հատվածում քաշելու և պոկելու միջոցով բացահայտ հափշտակել է Ելենա Աշոտի Վարդանյանին պատկանող պարանոցի ոսկյա շղթան և դիմել փախուստի` Ե.Վարդանյանին պատճառելով զգալի չափերի 180.000 ՀՀ դրամի գույքային վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 176-րդ հոդվածի 1-ին մասով։
Բացի այդ, Ա.Սաֆրազյանը ուրիշի գույքի բացահայտ հափշտակություն կատարելու դիտավորությամբ, 2011թ. սեպտեմբերի 7-ին, ժամը 12.40-ի սահմաններում, Երևան քաղաքի Մաշտոցի 24 հասցեում գտնվող շենքի մոտ քաշելու և պոկելու միջոցով բացահայտ հափշտակել է Օֆելյա Հարութիկի Սարգսյանին պատկանող պարանոցի ոսկյա շղթան և դիմել փախուստի` Օ.Սարգսյանին պատճառելով զգալի չափերի` 320.000 ՀՀ դրամ գույքային վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 176-րդ հոդվածի 1-ին մասով։
Բացի այդ, Ա.Սաֆրազյանը ուրիշի գույքի բացահայտ հափշտակություն կատարելու դիտավորությամբ, 2011թ. սեպտեմբերի 27-ի, ժամը 18.20-ի սահմաններում, Երևան քաղաքի Մաշտոցի պողոտայի 29 շենքի դիմացի հատվածում քաշելու և պոկելու միջոցով բացահայտ հափշտակել է Գայանե Գերասիմի Բադալյանին պատկանող պարանոցի ոսկյա շղթան և դիմել փախուստի` Գ.Բադալյանին պատճառելով զգալի չափերի 190.000 ՀՀ դրամի գույքային վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 176-րդ հոդվածի 1-ին մասով։
Բացի այդ, Ա.Սաֆրազյանը ուրիշի գույքի բացահայտ հափշտակություն կատարելու դիտավորությամբ, 2011թ. օգոստոսի 17-ին, ժամը 16.20-ի սահմաններում, Երևան քաղաքի Սայաթ-Նովա և Ավագ Պետրոսյան փղոցների խաչմերուկում գտնվող «Էմեդիա» խանութ-սրահի դիմացի հատվածում քաշելու և պոկելու միջոցով բացահայտ հափշտակել է Նելլի Ալեքսանդրի Հովհաննիսյանին պատկանող պարանոցի ոսկյա շղթան և դիմել փախուստի` Ն.Հովհաննիսյանին պատճառելով խոշոր չափերի 550.635 գույքային վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 176-րդ հոդվածի 2-րդ մասի 2-րդ կետով։
Բացի այդ, Ա.Սաֆրազյանը ուրիշի գույքի բացահայտ հափշտակություն կատարելու դիտավորությամբ, 2012թ ապրիլ 21-ին, ժամը 12.00-ի սահմաններում, Երևան քաղաքի Մուրացան փողոցի 113/2 շենքի կամարամուտքի դիմացից քաշելու և պոկելու միջոցով բացահայտ հափշտակել է Թամար Գրիգորի Ադամյանին պատկանող պարանոցի արյուրե շղթան և դիմել փախուստի` Թ. Ադամյանին պատճառելով գույքայն վնաս։
Այսինքն, Ա. Սաֆրազյանը կատարել է հանցավոր արարք, որը նախատեսված է ՀՀ քրեական օրենսգրքի 176-րդ հոդվածի 1-ին մասով։»։
2012թ. օգոստոսի 18-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։



Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Ամբաստանյալ Ալեքսանդր Ռուբենի Սաֆրազյանը 2011թ.-ի հունիսից մինչև 2012թ. ապրիլի 29-ը կատարել է` յոթ դրվագ ուրիշի բացահայտ հափշտակություններ, երկու դրվագ` խոշոր չափերով ուրիշի գույքի բացահայտ հափշտակություններ և մեկ դրվագ` ուրիշի գույքի բացահայտ հափշտակության փորձ հետևյալ հանգամանքներում.
Առաջին դրվագ.
Ամբաստանյալ Ալեքսանդր Ռուբենի Սաֆրազյանը, ուրիշի գույքի բացահայտ հափշտակություն կատարելու դիտավորությամբ, 2011թ. հունիսի 6-ին, ժամը 14.30-ի սահմաններում, Երևան քաղաքի Բաղրամյան և Օրբելի փողոցների խաչմերուկի մոտ նկատելով տուժող Թերեզա Համբարձումի Վարդանյանի պարանոցի 200.000 ՀՀ դրամ արժողության ոսկյա շղթան, կտրուկ քաշել-պոկելու եղանակով նրա պարանոցից բացահայտ հափշտակել է այն և դիմել է փախուստի` Թ. Վարդանյանին պատճառելով 200.000 ՀՀ դրամ գումարի չափով գույքային վնաս։
Երկրորդ դրվագ.
Ամբաստանյալ Ա. Սաֆրազյանը, ուրիշի գույքի բացահայտ հափշտակություն կատարելու դիտավորությամբ, 2011թ. հունիսի 13-ին, ժամը 16.00-ի սահմաններում, Երևան քաղաքի Մաշտոցի պողոտայի թիվ 29 շենքի դիմացի հատվածում մոտենալով տուժող Ելենա Աշոտի Վարդանյանին, կտրուկ քաշել-պոկելու եղանակով նրա պարանոցից բացահայտ հափշտակել է 180.000 ՀՀ դրամ արժողության ոսկյա շղթան` խաչով և դիմել է փախուստի` Ե.Վարդանյանին պատճառելով 180.000 ՀՀ դրամ գումարի չափով գույքային վնաս։
Երրորդ դրվագ.
2011թ. օգոստոսի 17-ին, ժամը 16.20-ի սահմաններում, ամբաստանյալ Ա. Սաֆրազյանը, ուրիշի խոշոր չափերով գույքի բացահայտ հափշտակություն կատարելու դիտավորությամբ, Երևան քաղաքի Սայաթ-Նովա և Ավագ Պետրոսյան փողոցների խաչմերուկում գտնվող «Էմեդիա» խանութ-սրահի դիմաց, քաշել-պոկելու եղանակով բացահայտ հափշտակել է տուժող Նելլի Ալեքսանդրի Հովհաննիսյանի պարանոցի 550.635 ՀՀ դրամ արժողության ոսկյա շղթան և դիմել է փախուստի` Ն.Հովհաննիսյանին պատճառելով խոշոր չափերի` 550.635 ՀՀ դրամ գումարի չափով գույքային վնաս։
Չորրորդ դրվագ.
Ամբաստանյալ Ա. Սաֆրազյանը, 2011թ. սեպտեմբերի 7-ին, ժամը 12.40-ի սահմաններում, Երևան քաղաքի Մաշտոցի պողոտայի թիվ 24 հասցեում գտնվող շենքի մոտ նկատելով գործով տուժող Օֆելյա Հարութիկի Սարգսյանի պարանոցի ոսկյա շղթան, ուրիշի գույքի բացահայտ հափշտակություն կատարելու դիտավորությամբ մոտեցել է նրան և կտրուկ քաշել-պոկելու եղանակով նրա պարանոցից բացահայտ հափշտակել է 320.000 ՀՀ դրամ արժողության ոսկյա շղթան և դիմել է փախուստի` Օ. Սարգսյանին պատճառելով 320.000 ՀՀ դրամ գումարի չափով գույքային վնաս։
Հինգերորդ դրվագ.
2011թ. սեպտեմբերի 27-ին, ժամը 18.20-ի սահմաններում, ամբաստանյալ Ա. Սաֆրազյանը, Երևան քաղաքի Մաշտոցի պողոտայի թիվ 29 շենքի դիմաց, ուրիշի գույքի բացահայտ հափշտակություն կատարելու դիտավորությամբ, քաշել-պոկելու եղանակով բացահայտ հափշտակել է տուժող Գայանե Գերասիմի Բադալյանի պարանոցի 190.000 ՀՀ դրամ արժողության ոսկյա շղթան և դիմել է փախուստի` Գ. Բադալյանին պատճառելով 190.000 ՀՀ դրամ գումարի չափով գույքային վնաս։
Վեցերորդ դրվագ.
Ամբաստանյալ Ա. Սաֆրազյանը, 2012թ. ապրիլի 12-ին, ժամը 16.00-ի սահմաններում, Երևան քաղաքի Պուշկինի փողոցի թիվ 39 շենքի մոտ մոտենալով տուժող Նելլի Խաչիկի Հարությունյանին, ուրիշի գույքի բացահայտ հափշտակություն կատարելու դիտավորությամբ, կտրուկ քաշել-պոկելու եղանակով նրա պարանոցից բացահայտ հափշտակել է 450.000 ՀՀ դրամ արժողության ոսկյա շղթան և դիմել է փախուստի` Ն. Հարությունյանին պատճառելով 450.000 ՀՀ դրամ գումարի չափով գույքային վնաս։
Յոթերորդ դրվագ.
Ամբաստանյալ Ա. Սաֆրազյանը, 2012թ. ապրիլի 15-ին, ժամը 11.00-ի սահմաններում, Երևան քաղաքի Մաշտոցի պողոտայի թիվ 19 շենքի մոտ մոտենալով տուժող Աիդա Վաղարշակի Սարգսյանին, ուրիշի գույքի բացահայտ հափշտակություն կատարելու դիտավորությամբ,՝ կտրուկ քաշել-պոկելու եղանակով փորձել է նրա պարանոցից բացահայտ հափշտակել է 22 գրամ քաշով ոսկյա շղթան, սակայն Ա. Սարգսյանի դիմադրության պատճառով, իր կամքից անկախ հանգամանքներով հանցագործությունն ավարտին չի հասցրել և հափշտակելով ոսկյա շղթայի` 17 գրամ քաշով մասը` դիմել է փախուստի` Ա. Սարգսյանին պատճառելով 196.000 ՀՀ դրամ գումարի չափով գույքային վնաս։
Ութերորդ դրվագ.
Ամբաստանյալ Ա. Սաֆրազյանը, ուրիշի գույքի բացահայտ հափշտակություն կատարելու դիտավորությամբ, 2012թ ապրիլի 21-ին, ժամը 12.00-ի սահմաններում, Երևան քաղաքի Մուրացանի փողոցի թիվ 113/2 շենքի կամարամուտքի դիմաց, քաշել-պոկելու եղանակով տուժող Թամարա Գրիգորի Ադամյանի պարանոցից բացահայտ հափշտակել է ոսկե շղթայի նմանությամբ, պղինձ-ցինկ (արույր) համաձուլվածքից պատրաստված և արտաքին մակերեսին ոսկու շերտ նստեցված շղթան և դիմել է փախուստի։ Այդ շղթան քրեական գործի մինչդատական վարույթի ընթացքում հայտնաբերվել է Ա. Սաֆրազյանի բնակության վայրում կատարված խուզարկությամբ, ճանաչվել է իրեղեն ապացույց և կցվել է քրեական գործին։
Իններորդ դրվագ
2012թ. ապրիլի 24-ին, ժամը 10.30-ի սահմաններում, Երևան քաղաքի Մաշտոցի թիվ 24 հասցեում գտնվող շենքի մոտ, նկատելով իրեն մոտեցող անցորդ, գործով տուժող Օլգա Գրիշայի Գևորգյանի պարանոցի ոսկյա շղթան` ամբաստանյալ Ա. Սաֆրազյանը, ուրիշի խոշոր չափերով գույքի բացահայտ հափշտակություն կատարելու դիտավորությամբ մոտեցել է նրան, կտրուկ քաշել-պոկելու եղանակով նրա պարանոցից բացահայտ հափշտակել է 30 գրամ քաշով, 600.000 ՀՀ դրամ արժողության ոսկյա շղթան և դիմել է փախուստի` վերջինիս պատճառելով խոշոր չափերի` 600.000 ՀՀ դրամ գումարի չափով գույքային վնաս։
Տասներորդ դրվագ.
Ամբաստանյալ Ա. Սաֆրազյանը, 2012թ. ապրիլի 29-ին, ժամը 15.50-ի սահմաններում, Երևան քաղաքի Տ.Մեծի պողոտայում գտնվող «Երևան Սիթի» հանրախանութի մոտ նկատելով անցորդ, գործով տուժող Էմմա Հրանտի Պողոսյանի պարանոցի ոսկյա շղթան, ուրիշի գույքի բացահայտ հափշտակություն կատարելու դիտավորությամբ մոտեցել է նրան, կտրուկ քաշել-պոկելու եղանակով նրա պարանոցից բացահայտ հափշտակել է 20 գրամ քաշով, 280.000 ՀՀ դրամ արժողության ոսկյա շղթան և դիմել է փախուստի` Է.Պողոսյանին պատճառելով զգալի չափերի` 280.000 ՀՀ դրամ գումարի չափով գույքային վնաս։
Քրեական գործի նախաքննության ընթացքում, «Հայաստանի Հանրապետության փորձաքննությունների ազգային բյուրո» ՊՈԱԿ-ում կատարվել է նյութագիտական և ապրանքագիտական համալիր փորձաքննություն, որի արժեքը կազմել է 41.220 /քառասունմեկ հազար երկու հորյուր քսան/ ՀՀ դրամ գումար։
Տուժող Թամարա Ադամյանի կողմից 07.09.2012թ. քաղաքացիական հայց է ներկայացվել ամբաստանյալի դեմ, որի համաձայն` Թ. Ադամյանը պահանջել է ամբաստանյալ Ալեքսանդր Սաֆրազյանից հօգուտ իրեն բռնագանձել 10.000 /տաս հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Տուժող Էմմա Պողոսյանի կողմից 07.09.2012թ. քաղաքացիական հայց է ներկայացվել ամբաստանյալի դեմ, որի համաձայն` Է. Պողոսյանը պահանջել է ամբաստանյալ Ալեքսանդր Սաֆրազյանից հօգուտ իրեն բռնագանձել 280.000 /երկու հարյուր ութսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Տուժող Աիդա Սարգսյանի կողմից 07.09.2012թ. քաղաքացիական հայց է ներկայացվել ամբաստանյալի դեմ, որի համաձայն` Ա. Սարգսյանը պահանջել է ամբաստանյալ Ալեքսանդր Սաֆրազյանից հօգուտ իրեն բռնագանձել 196.000 /հարյուր իննսունվեց հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Տուժող Թերեզա Վարդանյանի կողմից 07.09.2012թ. քաղաքացիական հայց է ներկայացվել ամբաստանյալի դեմ, որի համաձայն` Թ. Վարդանյանը պահանջել է ամբաստանյալ Ալեքսանդր Սաֆրազյանից հօգուտ իրեն բռնագանձել 600 /վեց հարյուր/ ԱՄՆ դոլարին համարժեք ՀՀ դրամ գումար` որպես հանցագործության հետևանքով պատճառված վնասի հատուցում։
Տուժող Օֆելյա Սարգսյանի կողմից 07.09.2012թ. քաղաքացիական հայց է ներկայացվել ամբաստանյալի դեմ, որի համաձայն` Օ. Սարգսյանը պահանջել է ամբաստանյալ Ալեքսանդր Սաֆրազյանից հօգուտ իրեն բռնագանձել 320.000 /երեք հարյուր քսան հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Տուժող Նելլի Հարությունյանի կողմից քաղաքացիական հայց է ներկայացվել ամբաստանյալի դեմ, որի համաձայն` Ն. Հարությունյանը պահանջել է ամբաստանյալ Ալեքսանդր Սաֆրազյանից հօգուտ իրեն բռնագանձել 500.000 /հինգ հարյուր հազար/ ՀՀ դրամ գումար, որից 450.000.ՀՀ դրամ գումարը` որպես հանցագործության հետևանքով պատճառված վնասի հատուցում, իսկ 50.000 ՀՀ դրամ գումարը` որպես իր խախտված իրավունքների վերականգնման համար կատարված ծախս։
Ամբաստանյալ Ալեքսանդր Սաֆրազյանը ներկայացված քաղաքացիական հայցերի դեմ չի առարկել։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ Ալեքսանդր Սաֆրազյանը նախկինում դատված չի եղել, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջացել է կատարածի համար։



Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Ալեքսանդր Ռուբենի Սաֆրազյանի ինքնախոստովանական ցուցմունքներով այն մասին, որ 2011թ հունիսի կեսերին, Երևան քաղաքի Մաշտոցի պողոտայում գտնվող, «Բելաջո» հարսանյաց խանութ-սրահի հարևանությամբ գտնվող կամարամուտքի դիմացից, մի կնոջ պարանոցից պոկելու միջոցով հափշտակել է ոսկյա շղթա և դիմել է փախուստի։
2011թ օգոստոսի կեսերին, Երևան քաղաքի Սայաթ-Նովա փողոցի վրա գտնվող «Պերամիդա» ակումբի հարևանությամբ, մի կնոջ պարանոցից պոկելու եղանակով հափշտակել է ոսկյա շղթա և դիմել է փախուստի։
Այնուհետև, 2011թ ամռանը, Երևան քաղաքի Թումանյան-Խանջյան փողոցների մոտ գտնվող կամարամուտքի դիմաց, մի կնոջ պարանոցից պոկելու եղանակով հափշտակել է ոսկյա շղթա և դիմել է փախուստի։
2011թ ամռանը, Երևան քաղաքի Բաղրամյան պողոտայի թիվ 64 շենքի դիմացի մայթեզրում գտնվող մեքենաների գետնանցումի մոտ, մի կնոջ պարանոցից պոկելու եղանակով հափշտակել է ոսկյա շղթա և դիմել է փախուստի։
Այնուհետև, 2011թ. ամռանը, Երևան քաղաքի Նիկոլ Դուման թիվ 1 հասցեում գտնվող շենքի հետնամասում, մի կնոջ պարանոցից պոկելու եղանակով հափշտակել է ոսկյա շղթա և դիմել է փախուստի։
Այնուհետև, 2011թ սեպտեմբերի վերջին, Երևան քաղաքի Մաշտոցի պողոտայում գտնվող, «Բելաջո» հարսանյաց խանութ-սրահի հարևանությամբ գտնվող կամարամուտքի դիմաց, մի կնոջ պարանոցից պոկելու եղանակով հափշտակել է ոսկյա շղթա և դիմել է փախուստի։
2012թ. ապրիլի սկզբին, Երևան քաղաքի Պուշկին-Փարպեցի փողոցների խաչմերուկի հարևանությամբ գտնվող շենքի դիմաց, կրկին մի կնոջ պարանոցից պոկելու եղանակով հափշտակել է ոսկյա շղթա և դիմել է փախուստի։
2012թ ապրիլի առաջին կեսերին, Երևան քաղաքի Մուրացանի փողոցի թիվ 113/2 շենքի կամարամուտքի դիմաց, պոկելու եղանակով մի կնոջ պարանոցից հափշտակել է շղթա, որը հետագայում պարզվել է, որ ոսկի չէ, այլ` «բուլատ» է։
2012թ. ապրիլի 12-ին, ժամը 16.00-ի սահմաններում, Երևան քաղաքի Մաշտոցի պողոտայում, «Պեպինո» սրճարանի հարևանությամբ գտնվող կամարամուտքի դիմաց, մի կնոջ պարանոցից պոկելու եղանակով հափշտակել է նրա ոսկյա շղթան և դիմել է փախուստի։
Իրեն լիովին մեղավոր է ճանաչում մեղադրանքի բոլոր դրվագներով և զղջում է կատարածի համար։ Քաղաքացիական հայցերն ընդունում է ամբողջությամբ։
/դատական նիստի արձանագրություն, գ.թ. 44-47, 104-105, 191/
Տուժող Էմմա Հրանտի Պողոսյանի ցուցմունքներով այն մասին, որ 2012թ. ապրիլի 29-ին, ժամը 15.50-ի սահմաններում, Երևան քաղաքի Տ.Մեծի պողոտայում գտնվող «Երևան Սիթի» հանրախանութի մոտ, Ալեքսանդր Սաֆրազյանը մոտեցել է իրեն և քաշել- պոկելու եղանակով իր պարանոցից հափշտակել է 20 գրամ քաշով, 585 հարգի ոսկյա շղթա և դիմել է փախուստի, որի հետևանքով իրեն պատճառվել է 280.000 ՀՀ դրամ գումարի չափով գույքային վնաս։
/դատական նիստի արձանագրություն, հատոր 1, գ.թ. 54-55/
Տուժող Աիդա Վաղարշակի Սարգսյանի ցուցմունքներով այն մասին, որ 2012թ. ապրիլի 15-ին, ժամը 11.00-ի սահմաններում, Երևան քաղաքի Մաշտոցի պողոտայում գտնվող Մարգարյան հիվանդանոցի մոտ, մի երիտասարդ իր պարանոցից քաշել- պոկելու եղանակով փորձել է հափշտակել 22 գրամ ընդհանուր քաշով ոսկյա շղթա, սակայն ինքը կարողացել է պահել վզնոցը և նա հափշտակել է միայն շղթայի` 17 գրամ քաշով մի մասը և դիմել փախուստի։ Քանի որ այդ ժամանակ ունեցել է այլ հոգսեր, այդ պատճառով ավելորդ քաշքշուկից խուսափելու նպատակով ոստիկանություն չի դիմել։ 2012թ. մայիսի 2-ին «Հերթապահ մաս» հաղորդաշարով տեսել և ճանաչել է իր շղթան հափշտակած Ալեքսանդր Սաֆրազյանին։ Հանցագործության հետևանքով իրեն փաստացի պատճառվել է 196.000 ՀՀ դրամ գումարի չափով գույքային վնաս։
/դատական նիստի արձանագրություն, հատոր 1, գ.թ. 139-140/
Տուժող Նելլի Խաչիկի Հարությունյանի ցուցմունքներով այն մասին, որ 2012թ. ապրիլի 12-ին, ժամը 16.00-ի սահմաններում, Երևան քաղաքի Պուշկինի փողոցի թիվ 39 շենքի մոտ, բջջային հեռախոսով խոսելու ընթացքում, դիմացից իրեն է մոտեցել 20-ից 23 տարեկան մի երիտասարդ և կտրուկ քաշել-պոկելու եղանակով իր պարանոցից բացահայտ հափշտակել է իր ոսկյա շղթան և շենքի տարանցիկ մուտքով դիմել է փախուստի։ Այդ ընթացքում վնասվել է իր շրթունքը։ Քանի որ չի ցանկացել քաշքշուկների մեջ ընկնել, այդ պատճառով ոստիկանություն չի դիմել։ 2012թ. մայիսի 2-ին «Հերթապահ մաս» հաղորդաշարով տեսել և ճանաչել է իր շղթան հափշտակած երիտասարդին, ով պարզվել է, որ հանդիսանում է Ալեքսանդր Սաֆրազյանը։ Հանցագործության հետևանքով իրեն պատճառվել է 450.000 ՀՀ դրամ գումարի չափով գույքային վնաս։
/դատական նիստի արձանագրություն, հատոր 1, գ.թ. 139-140/
Տուժող Թերեզա Համբարձումի Վարդանյանի ցուցմունքներով այն մասին, որ 2011թ. հունիսի 6-ին, ժամը 14.30-ի սահմաններում, Երևան քաղաքի Բաղրամյան և Օրբելի փողոցների խաչմերուկի մոտ, մի երիտասարդ կտրուկ քաշել-պոկելու եղանակով իր պարանոցից հափշտակել է իր ոսկյա շղթան և դիմել է փախուստի։ Դեպքից հետո ոստիկանություն չի դիմել, քանի որ մտածել է, որ հանցագործը չի հայտնաբերվի։ 2012թ. մայիսին «Հերթապահ մաս» հաղորդաշարով տեսել և ճանաչել է իր շղթան հափշտակած երիտասարդին, ով պարզվել է, որ հանդիսանում է Ալեքսանդր Սաֆրազյանը։ Իր շղթայի քաշը կազմում էր 20 գրամ և հանցագործության հետևանքով իրեն պատճառվել է 200.000 ՀՀ դրամ գումարի չափով գույքային վնաս։
/դատական նիստի արձանագրություն, հատոր 2, գ.թ. 21-23/
Տուժող Օֆելյա Հարութիկի Սարգսյանի ցուցմունքներով այն մասին, որ 2011թ. սեպտեմբերի 7-ին, ժամը 12.40-ի սահմաններում, Երևան քաղաքի Մաշտոցի պողոտայի թիվ 24 շենքի դիմաց, իր դուստր Լուսինե Սարգսյանի հետ քայլելու ընթացքում իրենց է մոտեցել մի երիտասարդ, քաշել-պոկելու եղանակով իր պարանոցից հափշտակել է իր ոսկյա շղթան և դիմել է փախուստի։ Հետագայում իրեն ճանաչման ներկայացված անձանց մեջ տեսել և ճանաչել է հափշտակություն կատարած անձին, ով հանդիսացել է Ալեքսանդր Սաֆրազյանը։ Հանցագործության հետևանքով իրեն պատճառվել է 320.000 ՀՀ դրամ գումարի չափով գույքային վնաս։
/դատական նիստի արձանագրություն, հատոր 1, գ.թ. 235-236, հատոր 2, գ.թ. 12/
Տուժող Թամարա Գրիգորի Ադամյանի ցուցմունքներով այն մասին, որ 2012թ ապրիլի 21-ին, ժամը 12.00-ի սահմաններում, Երևան քաղաքի Մուրացանի փողոցի թիվ 113/2 շենքի կամարամուտքի դիմաց, 20-ից 23 տարեկան մի երիտասարդ պոկելու եղանակով իր պարանոցից հափշտակել է 20 գրամ քաշով իր արյուրե շղթան և դիմել է փախուստի։ Իրեն պատճառվել է շուրջ 10.000 ՀՀ դրամ գումարի չափով գույքային վնաս։
/դատական նիստի արձանագրություն, հատոր 2, գ.թ. 27-28/
Տուժող Օլգա Գրիշայի Գևորգյանի նախաքննական ցուցմունքներով այն մասին, որ 2012թ. ապրիլի 24-ին, ժամը 10.30-ի սահմաններում, Երևան քաղաքի Մաշտոցի պողոտայի թիվ 24 շենքի մոտ, Ալեքսանդր Սաֆրազյանը մոտեցել է իրեն, կտրուկ քաշել- պոկելու եղանակով իր պարանոցից բացահայտ հափշտակել է 30 գրամ քաշով ոսկյա շղթան և դիմել է փախուստի։ Կատարված հափշտակության հետևանքով իրեն պատճառվել է 600.000 ՀՀ դրամ գումարի չափով գույքային վնաս։
/հատոր 1, գ.թ. 30-31, 50-51/
Տուժող Ելենա Աշոտի Վարդանյանի նախաքննական ցուցմունքներով այն մասին, որ 2011թ. հունիսի 13-ին, ժամը 16.00-ի սահմաններում, Երևան քաղաքի Մաշտոցի պողոտայի թիվ 29 շենքի դիմացի հատվածում, Ա. Սաֆրազյանը մոտենալով իրեն` քաշել-պոկելու եղանակով իր պարանոցից հափշտակել է իր ոսկյա շղթան` խաչով և դիմել է փախուստի` իրեն պատճառելով 180.000 ՀՀ դրամ գումարի չափով գույքային վնաս։
/հատոր 1, գ.թ. 162-163, 173-174/
Տուժող Նելլի Ալեքսանդրի Հովհաննիսյանի նախաքննական ցուցմունքներով այն մասին, որ 2011թ. օգոստոսի 17-ին, ժամը 16.20-ի սահմաններում, Երևան քաղաքի Սայաթ-Նովա և Ավագ Պետրոսյան փողոցների խաչմերուկում գտնվող «Էմեդիա» խանութ-սրահի դիմաց, մի երիտասարդ մոտենալով իրեն` քաշել-պոկելու եղանակով իր պարանոցից հափշտակել է իր ոսկյա շղթան և դիմել է փախուստի։ Ինքը եղել է իր ամուսնու հետ, ով հետապնդել է հանցագործին, սակայն չի կարողացել բռնել նրան։
2012թ. հունիսի սկզբին, «02» հաղորդաշարով տեսել և ճանաչել է իրեն կողոպտած երիտասարդին, ով պարզվել է, որ հանդիսանում է Ալեքսանդր Սաֆրազյանը։ Հանցագործության հետևանքով իրեն պատճառվել է 550.635 ՀՀ դրամ գումարի չափով գույքային վնաս։
/հատոր 2, գ.թ. 136-137, 176-177/
Տուժող Գայանե Գերասիմի Բադալյանի նախաքննական ցուցմունքներով այն մասին, որ 2011թ. սեպտեմբերի 27-ին, ժամը 18.20-ի սահմաններում, Երևան քաղաքի Մաշտոցի պողոտայի թիվ 29 շենքի դիմաց, մի երիտասարդ պոկելու եղանակով հափշտակել է իր պարանոցի ոսկյա շղթան և դիմել է փախուստի` իրեն պատճառելով 190.000 ՀՀ դրամ գումարի չափով գույքային վնաս։ 2012թ. հունիսի սկզբին, «Արմենիա» հեռուստաընկերությամբ տեսել և ճանաչել է իրեն կողոպտած երիտասարդին, ով պարզվել է, որ հանդիսանում է Ալեքսանդր Սաֆրազյանը։
/հատոր 1, գ.թ. 84-85, 95, հատոր 2, գ.թ. 118/
Վկա Սիլվա Լյուդվիգի Պողոսյանի ցուցմունքներով այն մասին, որ 2012թ. ապրիլի 29-ին, ժամը 15.50-ի սահմաններում, Երևան քաղաքի Տ.Մեծի պողոտայում գտնվող «Երևան Սիթի» հանրախանութի մոտ, իր մայր Էմմա Պողոսյանի հետ քայլելու ընթացքում, Ա. Սաֆրազյանը մոտեցել է իրենց և մոր պարանոցից պոկելով 20 գրամ քաշով ոսկյա շղթան` դիմել է փախուստի։
/դատական նիստի արձանագրություն, հատոր 1, գ.թ. 58-59/
Վկա Լուսինե Վոլոդյայի Սարգսյանի ցուցմունքներով այն մասին, որ 2011թ. սեպտեմբերի 7-ին, ժամը 12.40-ի սահմաններում, Երևան քաղաքի Մաշտոցի պողոտայի թիվ 24 հասցեում գտնվող շենքի դիմաց, իր մայր Օֆելյա Սարգսյանի հետ քայլելու ընթացքում իրենց է մոտեցել մի երիտասարդ և քաշել-պոկելու եղանակով իր մոր պարանոցից հափշտակել է ոսկյա շղթան և դիմել է փախուստի։ Հետագայում իրեն ճանաչման ներկայացված անձանց մեջ տեսել և ճանաչել է իր մայր Օֆելյա Սարգսյանին կողոպտած երիտասարդին, ով պարզվել է, որ հանդիսանում է Ալեքսանդր Սաֆրազյանը։
/դատական նիստի արձանագրութուն, հատոր 1, գ.թ. 257-258, հատոր 2, գ.թ.13/
Անձին ճանաչման ներկայացնելու մասին 30.04.2012թ. արձանագրությամբ, որի համաձայն` տուժող Օֆելյա Սարգսյանն իրեն ճանաչման ներկայացված անձանց մեջ ճանաչել է ամբաստանյալ Ալեքսանդր Սաֆրազյանին և հայտնել է, որ Ա. Սաֆրազյանն այն անձնավորությունն է, ով 2011թ. սեպտեմբերի 07-ին բացահայտ հափշտակել է իր ոսկյա շղթան և դիմել է փախուստի։
/հատոր 1, գ.թ. 268/
Անձին ճանաչման ներկայացնելու մասին 30.04.2012թ. արձանագրությամբ, որի համաձայն` վկա Լուսինե Սարգսյանն իրեն ճանաչման ներկայացված անձանց մեջ ճանաչել է ամբաստանյալ Ալեքսանդր Սաֆրազյանին և հայտնել է, որ Ա. Սաֆրազյանն այն անձնավորությունն է, ով 2011թ. սեպտեմբերի 07-ին բացահայտ հափշտակել է իր մայր Օֆելյա Սարգսյանի ոսկյա շղթան և դիմել է փախուստի։
/հատոր 1, գ.թ. 269/
Անձին ճանաչման ներկայացնելու մասին 30.04.2012թ. արձանագրությամբ, որի համաձայն` տուժող Օլգա Գևորգյանն իրեն ճանաչման ներկայացված անձանց մեջ ճանաչել է ամբաստանյալ Ալեքսանդր Սաֆրազյանին և հայտնել է, որ Ա. Սաֆրազյանն այն անձնավորությունն է, ով 2012թ. ապրիլի 24-ին, ժամը 10.30-ի սահմաններում բացահայտ հափշտակել է իր ոսկյա շղթան և դիմել է փախուստի։
/հատոր 1, գ.թ. 49/
Անձին ճանաչման ներկայացնելու մասին 30.04.2012թ. արձանագրությամբ, որի համաձայն` տուժող Ելենա Վարդանյանն իրեն ճանաչման ներկայացված անձանց մեջ ճանաչել է ամբաստանյալ Ալեքսանդր Սաֆրազյանին և հայտնել է, որ Ա. Սաֆրազյանն այն անձնավորությունն է, ով 2012թ. հուլիսի կեսերին բացահայտ հափշտակել է իր ոսկյա շղթան` խաչով և դիմել է փախուստի։
/հատոր 1, գ.թ. 49/
Անձին ճանաչման ներկայացնելու մասին 30.04.2012թ. արձանագրությամբ, որի համաձայն` տուժող Էմմա Պողոսյանն իրեն ճանաչման ներկայացված անձանց մեջ ճանաչել է ամբաստանյալ Ալեքսանդր Սաֆրազյանին և հայտնել է, որ Ա. Սաֆրազյանն այն անձնավորությունն է, ով 2012թ. ապրիլի 29-ին, ժամը 16.00-ի սահմաններում բացահայտ հափշտակել է իր ոսկյա շղթան և դիմել է փախուստի։
/հատոր 1, գ.թ. 53/
Անձին ճանաչման ներկայացնելու մասին 30.04.2012թ. արձանագրությամբ, որի համաձայն` վկա Սիլվա Պողոսյանն իրեն ճանաչման ներկայացված անձանց մեջ ճանաչել է ամբաստանյալ Ալեքսանդր Սաֆրազյանին և հայտնել է, որ Ա. Սաֆրազյանն այն անձնավորությունն է, ով 2012թ. ապրիլի 29-ին, ժամը 16.00-ի սահմաններում բացահայտ հափշտակել է իր մայր Էմմա Պողոսյանի ոսկյա շղթան և դիմել է փախուստի։
/հատոր 1, գ.թ. 57/
Խուզարկություն կատարելու մասին 10.05.2012թ. արձանագրությամբ, որի համաձայն` ամբաստանյալ Ալեքսանդր Սաֆրազյանի` Երևան քաղաքի Արցախի փողոցի թիվ 12 շենքի թիվ 10 բնակարանում հայտնաբերվել է տուժող Թամարա Ադամյանին պատկանող և իրեղեն ապացույց ճանաչված արույրե շղթան։
/հատոր 1, գ.թ.135, հատոր 2, գ.թ. 176ա/
Քննչական փորձարարություն կատարելու մասին 01.05.2012թ. արձանագրությամբ և դրան կից լուսանկարչական հավելվածով, որոնց համաձայն` ամբաստանյալ Ալեքսանդր Սաֆրազյանը մատնացույց է արել իրեն վերագրվող արարքները կատարելու վայրերը և նկարագրել դրանք կատարելու հանգամանքները։
/հատոր 1, գ.թ. 63-94/


Դատարանի իրավական վերլուծությունները.

Վերլուծելով ամբաստանյալ Ալեքսանդր Ռուբենի Սաֆրազյանին առաջադրված մեղադրանքը, նրա ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Ալեքսանդր Ռուբենի Սաֆրազյանի կողմից, նրա մեղավորությամբ, նրան ՀՀ քրեական օրենսգրքի 176-րդ հոդվածի 1-ին մասով առաջադրված մեղադրանքի յոթ դրվագներից յուրաքանչյուրով, կողոպուտ կատարելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 176-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Ալեքսանդր Ռուբենի Սաֆրազյանի կողմից, նրա մեղավորությամբ, նրան ՀՀ քրեական օրենսգրքի 176-րդ հոդվածի 2-րդ մասով առաջադրված մեղադրանքի երկու դրվագներից յուրաքանչյուրով, խոշոր չափերով կողոպուտ կատարելը, նրա այդ արարքները նույնպես ճիշտ են որակված և համապատասխանում են ՀՀ քրեական օրենսգրքի 176-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Ալեքսանդր Ռուբենի Սաֆրազյանի կողմից, նրա մեղավորությամբ, կողոպուտի փորձ կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 34-176-րդ հոդվածի 1-ին մասով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Ալեքսանդր Ռուբենի Սաֆրազյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նախկինում դատված չի եղել, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջացել է կատարածի համար։
ՀՀ քրեական օրենսգրքի 177-րդ հոդվածի 1-ին մասով, 176-րդ հոդվածի 2-րդ մասի 2-րդ կետով և 34-176-րդ հոդվածի 1-ին մասով նախատեսված տաս դրվագներով հանցանքներ կատարելու համար պատիժ նշանակելիս` ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ չորրորդից տասներորդ դրվագներով նախատեսված յուրաքանչյուր հանցագործության համար պատիժ նշանակելիս, որպես ամբաստանյալի պատասխանատվությունը և պատիժը ծանրացնող հանգամանք դատարանը հաշվի է առնում հանցանքը որպես արհեստ կատարելը։
Ամբաստանյալ Ալեքսանդր Ռուբենի Սաֆրազյանն իր կատարած` առաջինից երրորդ դրվագներով` Հայաստանի Հանրապետության քրեական օրենսգրքի 176-րդ հոդվածի 1-ին մասով, 176-րդ հոդվածի 2-րդ մասի 2-րդ կետով նախատեսված յուրաքանչյուր հանցագործության համար ենթակա է պատժի տուգանքի ձևով։
Հաշվի առնելով չորրորդից տասներորդ դրվագներով` Հայաստանի Հանրապետության քրեական օրենսգրքի 176-րդ հոդվածի 1-ին մասով, 176-րդ հոդվածի 2-րդ մասի 2-րդ կետով և 34-176-րդ հոդվածի 1-ին մասով նախատեսված հանցագործություններն ամբաստանյալ Ալեքսանդր Սաֆրազյանի կողմից որպես արհեստ կատարելու հանգամանքը, նրա պատասխանատվությունը և պատիժը մեղմացնող հանգամանքների բացակայությունը` դատարանը գտնում է, որ ամբաստանյալ Ալեքսանդր Ռուբենի Սաֆրազյանն իր կատարած` այդ դրվագներով նախատեսված յուրաքանչյուր հանցագործության համար ենթակա է պատժի այդ հանցագործությունների համար նախատեսված պատիժներից առավել խիստ պատժի` ազատազրկման ձևով, քանի որ պատժի նվազ խիստ տեսակները չեն կարող ապահովել պատժի նպատակները։
Դատարանը գտնում է, որ իր նկատմամբ նշանակված պատիժն ամբաստանյալ Ալեքսանդր Սաֆրազյանը պետք է կրի, քանի որ դրան խոչընդոտող հանգամանքներ առկա չեն։
Քննարկելով քաղաքացիական հայցերի և գույքային վնասի հատուցման հարցերը` դատարանը գտնում է, որ քաղաքացիական հայցվորներ Նելլի Հարությունյանի և Թերեզա Վարդանյանի քաղաքացիական հայցերը ենթակա են բավարարման մասնակիորեն, քաղաքացիական հայցվորներ Էմմա Պողոսյանի, Աիդա Սարգսյանի, Օֆելյա Սարգսյանի քաղաքացիական հայցերը ենթակա են բավարարման ամբողջությամբ, իսկ քաղաքացիական հայցվոր Թամարա Ադամյանի քաղաքացիական հայցը ենթակա է մերժման` հետևյալ պատճառաբանություններով.
ՀՀ քրեական դատավարության օրենսգրքի 74-րդ հոդվածի 1-ին մասի համաձայն` «Քաղաքացիական պատասխանող է ճանաչվում ֆիզիկական կամ իրավաբանական անձը, որի վրա օրենքով, քրեական գործով վարույթի ընթացքում ներկայացված հայցի հիման վրա կարող է դրվել գույքային պատասխանատվություն քրեական օրենսգրքով չթույլատրված արարքով գույքային վնաս պատճառած մեղադրյալի գործողությունների համար։»։
ՀՀ քրեական դատավարության օրենսգրքի 154-րդ հոդվածի 1-ին մասի համաձայն «Քրեական դատավարությունում քաղաքացիական հայցը հարուցվում, ապացուցվում և լուծվում է սույն օրենսգրքի դրույթներով սահմանված կանոններով։»։
Նույն հոդվածի 2-րդ մասի համաձայն` «Քաղաքացիական դատավարական օրենսդրության նորմերի կիրառումը թույլատրվում է, եթե դրանք չեն հակասում քրեական դատավարության օրենսգրքին, և քաղաքացիական հայցով վարույթի համար անհրաժեշտ են կանոններ, որոնք նախատեսված չեն սույն օրենսգրքով։»։
ՀՀ քրեական դատավարության օրենսգրքի 158-րդ հոդվածի 2-րդ մասի համաձայն քաղաքացիական հայց հարուցվում է կասկածյալի, մեղադրյալի կամ նրա դեմ, ում վրա կարող է գույքային պատասխանատվություն դրվել մեղադրյալի գործողությունների համար։
ՀՀ վճռաբեկ դատարանի կողմից` ԼԴ/0327/01/10 գործով 2011թ. հոկտեմբերի 20-ին կայացված որոշման 21-րդ կետում դատարանն արտահայտել է հետևյալ իրավական դիրքորոշումը. «(…) քրեական դատավարությունում մեղադրյալի կամ մեղադրյալի գործողությունների համար պատասխանատվություն կրող անձի դեմ քաղաքացիական հայց կարող է ներկայացվել և, համապատասխանաբար, դատարանում քննության առարկա լինել բացառապես հանցագործությամբ պատճառված և քրեական դատավարության կարգով հատուցման ենթակա գույքային վնասի առկայության պարագայում։ Քրեական դատավարությունում քաղաքացիական հայցի քննության հիմքում ընկած է միասնական իրավաբանական փաստը` հանցագործությունը, որի կատարման համար անձը ենթարկվում է ինչպես քրեական, այնպես էլ քաղաքացիաիրավական պատասխանատվության այն դեպքերում, երբ առկա է հանցագործությամբ պատճառված գույքային վնաս։ Միևնույն ժամանակ, եթե չկա հանցագործություն, ապա չի կարող լինել նաև քրեական դատավարությունում քաղաքացիաիրավական պատասխանատվություն։
Շարադրված վերլուծության հիման վրա Վճռաբեկ դատարանն արձանագրում է, որ դատարանը, ապացուցված համարելով հանցագործության մեջ մեղադրվող անձի մեղքը, ինչպես նաև հանցավոր արարքի և հասցված վնասի միջև պատճառական կապը, լուծում է նաև քաղաքացիական հայցը` գնահատելով ներկայացված հայցադիմումի հիմքերի ու չափի ապացուցված լինելու հանգամանքը։»։
Նույն որոշման 23-րդ կետում դատարանն արտահայտել է հետևյալ իրավական դիրքորոշումը. «(…) ինչպես բխում է սույն որոշման 21-րդ կետում շարադրված վերլուծությունից, քրեական դատավարությունում քաղաքացիական հայցի առարկան հանցագործությամբ անմիջականորեն պատճառված գույքային վնասն է, հետևաբար հանցագործություն չհամարվող արարքի համար չէր կարող առաջանալ քաղաքացիաիրավական պատասխանատվություն։»։
Դատական քննությամբ հաստատվել է, որ ամբաստանյալ Ալեքսանդր Սաֆրազյանի կատարած հանցագործության հետևանքով տուժող Նելի Հարությունյանին պատճառվել է 450.000 ՀՀ դրամ գումարի չափով գույքային վնաս, իսկ տուժող Թերեզա Վարդանյանին` 200.000 ՀՀ դրամ գումարի չափով գույքային վնաս։
Քննարկելով տուժող Նելլի Հարությունյանի այն պատճառաբանությունը, որ ամբաստանյալի կողմից կատարված արարքի հետևանքով, իր խախտված իրավունքների վերականգնման համար կատարել է նաև այլ ծախսեր, որոնք կազմել են 50.000 ՀՀ դրամ և իրեն ամբողջությամբ պատճառվել է 500.000 ՀՀ դրամ ընդհանուր գումարի չափով վնաս` դատարանը գտնում է, որ քաղաքացիական հայցվոր Նելլի Հարությունյանի հայցը ենթակա է բավարարման մասնակիորեն` միայն 450.000 ՀՀ դրամ գումարի մասով, քանի որ դատարանում քննության առարկա կարող է լինել բացառապես հանցագործությամբ պատճառված վնասին վերաբերվող քաղաքացիական հայցը։ Հետևաբար մնացած մասով հայցն անհիմն է և ենթակա է մերժման։
Նույն պատճառաբանությամբ մասնակի բավարարման է ենթակա նաև քաղաքացիական հայցվոր Թերեզա Վարդանյանի հայցը։
Քննարկելով տուժող Թամարա Ադամյանի քաղաքացիական հայցը` Ալեքսանդր Ռուբենի Սաֆրազյանից հօգուտ իրեն 10.000 /տաս հազար/ ՀՀ դրամ գումար` որպես հանցագործության հետևանքով պատճառված վնասի հատուցում բռնագանձելու պահանջի մասին, դատարանը գտնում է, որ այն անհիմն է և ենթակա է մերժման, քանի որ տուժող Թամարա Ադամյանից հափշտակված արույրե շղթան ամբաստանյալ Ալեքսանդր Սաֆրազյանի` Երևան քաղաքի Արցախի փողոցի թիվ 12 շենքի թիվ 10 բնակարանում 10.05.2012թ. կատարված խուզարկությամբ հայտնաբերվել է, քննիչի 17.07.2012թ. որոշմամբ ճանաչվել է իրեղեն ապացույց և դատավճռի` օրինական ուժի մեջ մտնելուց հետո ենթակա է վերադարձման տուժող Թամարա Ադամյանին։
Այսպիսով, ամբաստանյալ, քաղաքացիական պատասխանող Ալեքսանդր Ռուբենի Սաֆրազյանից` հօգուտ տուժող, քաղաքացիական հայցվոր Նելլի Հարությունյանի բռնագանձման է ենթակա 450.000 /չորս հարյուր հիսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում,
հօգուտ տուժող, քաղաքացիական հայցվոր Թերեզա Վարդանյանի բռնագանձման է ենթակա 200.000 /երկու հարյուր հազար/ ՀՀ դրամ գումար` որպես հանցագործության հետևանքով պատճառված վնասի հատուցում,
հօգուտ տուժող, քաղաքացիական հայցվոր Էմմա Պողոսյանի բռնագանման է ենթակա 280.000 /երկու հարյուր ութսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում,
հօգուտ տուժող, քաղաքացիական հայցվոր Աիդա Սարգսյանի բռնագանման է ենթակա 196.000 /հարյուր իննսունվեց հազար/ ՀՀ դրամ գումար` որպես հանցագործության հետևանքով պատճառված վնասի հատուցում,
հօգուտ տուժող, քաղաքացիական հայցվոր Օֆելյա Սարգսյանի բռնագանձման է ենթակա 320.000 /երեք հարյուր քսան հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Քննարկելով իրեղեն ապացույցի հարցը` դատարանը գտնում է, որ դատավճռի օրինական ուժի մեջ մտնելուց հետո, 17.07.2012թ. որոշմամբ իրեղեն ապացույց ճանաչված արույրե շղթան պետք է վերադարձնել տուժող Թամարա Ադամյանին։
Քննարկելով խափանման միջոցի հարցը` դատարանը գտնում է, որ ամբաստանյալ Ալեքսանդր Սաֆրազյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է, որ ամբաստանյալ Ալեքսանդր Ռուբենի Սաֆրազյանից հօգուտ ՀՀ պետական բյուջեի բռնագանձման է ենթակա նյութագիտական և ապրանքագիտական համալիր փորձաքննության կատարման արժեք հանդիսացող 41.220 /քառասունմեկ հազար երկու հորյուր քսան/ ՀՀ դրամ գումարը` որպես դատական ծախսեր։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 154-րդ, 168-169-րդ, 357-360-րդ, 364-365-րդ, 367-րդ, 369-373-րդ հոդվածներով, դատարանը`

Վ Ճ Ռ Ե Ց

Ամբաստանյալ Ալեքսանդր Ռուբենի Սաֆրազյանին մեղավոր ճանաչել մեկ դրվագով` Հայաստանի Հանրապետության քրեական օրենսգրքի 34-176-րդ հոդվածի 1-ին մասով, երկու դրվագով` 176-րդ հոդվածի 2-րդ մասի 2-րդ կետով, յոթ դրվագով` 176-րդ հոդվածի 1-ին մասով նախատեսված հանցանքներում և դատապարտել.
- առաջին դրվագով, ՀՀ քրեական օրենսգրքի 176-րդ հոդվածի 1-ին մասով` տուգանքի, նվազագույն աշխատավարձի երկուհարյուրապատիկի` 200.000 /երկու հարյուր հազար/ ՀՀ դրամ գումարի չափով,
- երկրորդ դրվագով, ՀՀ քրեական օրենսգրքի 176-րդ հոդվածի 1-ին մասով` տուգանքի, նվազագույն աշխատավարձի չորսհարյուրապատիկի` 400.000 /չորս հարյուր հազար/ ՀՀ դրամ գումարի չափով,
- երրորդ դրվագով, ՀՀ քրեական օրենսգրքի 176-րդ հոդվածի 2-րդ մասի 2-րդ կետով` տուգանքի, նվազագույն աշխատավարձի ութհարյուրապատիկի` 800.000 /ութ հարյուր հազար/ ՀՀ դրամ գումարի չափով,
- չորրորդ դրվագով, ՀՀ քրեական օրենսգրքի 176-րդ հոդվածի 1-ին մասով` ազատազրկման 3 /երեք/ ամիս ժամկետով,
- հինգերորդ դրվագով, ՀՀ քրեական օրենսգրքի 176-րդ հոդվածի 1-ին մասով` ազատազրկման 6 /վեց/ ամիս ժամկետով,
- վեցերորդ դրվագով, ՀՀ քրեական օրենսգրքի 176-րդ հոդվածի 1-ին մասով` ազատազրկման 9 /ինը/ ամիս ժամկետով,
- յոթերորդ դրվագով, ՀՀ քրեական օրենսգրքի 34-176-րդ հոդվածի 1-ին մասով` ազատազրկման 1 /մեկ/ տարի ժամկետով,
- ութերորդ դրվագով, ՀՀ քրեական օրենսգրքի 176-րդ հոդվածի 1-ին մասով` ազատազրկման 6 /վեց/ ամիս ժամկետով,
- իններորդ դրվագով, ՀՀ քրեական օրենսգրքի 176-րդ հոդվածի 2-րդ մասի 2-րդ կետով` ազատազրկման 3 /երեք/ տարի ժամկետով,
- տասներորդ դրվագով, ՀՀ քրեական օրենսգրքի 176-րդ հոդվածի 1-ին մասով` ազատազրկման 1 /մեկ/ տարի ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Ալեքսանդր Ռուբենի Սաֆրազյանի նկատմամբ պատիժ նշանակել ազատազրկում 5 /hինգ/ տարի ժամկետով և տուգանք` նվազագույն աշխատավարձի հազարապատիկի` 1.000.000 /մեկ միլիոն/ ՀՀ դրամ գումարի չափով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. ապրիլի 30-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Տուժող և քաղաքացիական հայցվոր Էմմա Հրանտի Պողոսյանի հայցը բավարարել. ամբաստանյալ Ալեքսանդր Ռուբենի Սաֆրազյանից հօգուտ տուժող Էմմա Պողոսյանի բռնագանձել 280.000 /երկու հարյուր ութսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Տուժող և քաղաքացիական հայցվոր Աիդա Վաղարշակի Սարգսյանի հայցը բավարարել. ամբաստանյալ Ալեքսանդր Ռուբենի Սաֆրազյանից հօգուտ տուժող Աիդա Սարգսյանի բռնագանձել 196.000 /հարյուր իննսունվեց հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Տուժող և քաղաքացիական հայցվոր Թերեզա Համբարձումի Վարդանյանի հայցը բավարարել մասնակիորեն. ամբաստանյալ Ալեքսանդր Ռուբենի Սաֆրազյանից հօգուտ տուժող Թերեզա Վարդանյանի բռնագանձել 200.000 ՀՀ դրամ գումար` որպես հանցագործության հետևանքով պատճառված վնասի հատուցում։
Մնացած մասով հայցը մերժել` անհիմն լինելու պատճառով։
Տուժող և քաղաքացիական հայցվոր Օֆելյա Հարութիկի Սարգսյանի հայցը բավարարել. ամբաստանյալ Ալեքսանդր Ռուբենի Սաֆրազյանից հօգուտ տուժող Օֆելյա Սարգսյանի բռնագանձել 320.000 /երեք հարյուր քսան հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Տուժող և քաղաքացիական հայցվոր Նելլի Խաչիկի Հարությունյանի հայցը բավարարել մասնակիորեն. ամբաստանյալ Ալեքսանդր Ռուբենի Սաֆրազյանից հօգուտ տուժող Նելլի Հարությունյանի բռնագանձել 450.000 /չորս հարյուր հիսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Մնացած մասով հայցը մերժել` անհիմն լինելու պատճառով։
Տուժող և քաղաքացիական հայցվոր Թամարա Գրիգորի Ադամյանի հայցը մերժել` անհիմն լինելու պատճառով։
Դատավճռի օրինական ուժի մեջ մտնելուց հետո, 17.07.2012թ. որոշմամբ իրեղեն ապացույց ճանաչված արյուրե շղթան վերադարձնել տուժող Թամարա Ադամյանին։
Ամբաստանյալ Ալեքսանդր Ռուբենի Սաֆրազյանից հօգուտ ՀՀ պետական բյուջեի բռնագանձել 41.220 /քառասունմեկ հազար երկու հորյուր քսան/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ` Մ. ՄԱՐՏԻՐՈՍՅԱՆ