ԵԿԴ/0150/01/12
Ո Ր Ո Շ ՈՒ Մ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ


18 սեպտեմբերի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանը` նախագահությամբ դատավոր Գ.Պողոսյանի, քարտու-ղարությամբ` Ա.Հովհաննիսյանի, մասնակցությամբ` մեղադրող Հ.Սարգսյանի, ամբաստանյալ Մ.Աղաջանյանի, պաշտպան Գ.Գևորգյանի, դատարանումª դռնբաց դատական նիստում, քննու-թյան առնելով ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետի կիրառմամբ քրեական գործի վարույթը կարճելու մասին ամբաստան-յալ Մարատ Աղաջանյանի (ծնված 20.07.1984թ. ք.Երևանում, ազգությամբ հայ, ՀՀ քաղաքացի, ամուրի, իր հայտարրությամբª բարձրագույն կրթությամբ, առողջ, աշխատել է ՙԷյչ Էս Բի Սի Բանկ Հայաստան՚ ՓԲ ընկերությունումª որպես ժամկետանց պարտավորությունների հավա-քագրման բաժնի առաջատար մասնագետ, չդատված, բնակվել է` ք.Երևան, Շոպրոնի փողոց, 12-րդ շենք, բնակարան հ. 28, արգելանքի տակ է 2012թ. ապրիլի 28-ից, մեղադրվում է ՀՀ քրեա-կան օրենսգրքի 334-րդ հոդվածի 1-ին մասով) միջնորդությունը,

Պ Ա Ր Զ Ե Ց

Ամբաստանյալ Մ.Աղաջանյանին ՀՀ քրեական օրենսգրքի 334-րդ հոդվածի 1-ին մասով մեղադրանք է առաջադրվել այն բանի համար, որ նա. ՙ2011 թվականի մարտ ամսին պարտակել է իր ծանոթª ՀՀ քաղաքացի, Լևոն Եփրեմի Մատինյանի կողմից կատարված, ՀՀ քրեական օրենսգրքի 177-րդ հոդվածի 3-րդ մասի 1-ին կետով և 203-րդ հոդվածի 2-րդ մասի 1-ին կետով նախատեսված ծանր հանցագործություններըª հանցանքը կատարած անձի, ինչպես նաև հան-ցագործության կատարման միջոցների ու հանցագործության հետքերի նախապես չխոստաց-ված պարտակման միջոցով£
Այսպես, ծանոթանալով Լևոն Մատինյանի հետ ու չիմանալով վերջինիս կողմից կեղծ պլաստիկ քարտերով գումարներ բանկային հաշիվներից գողանալու և հանցավոր ճանապար-հով ստացված այդ եկամուտներն օրինականացնելու դիտավորության մասին, 2011թ. հունվար ամսվա ընթացքում Լևոն Մատինյանի առաջարկությամբ բնակվել է Երևանի Ազատության 1 հասցեում գործող ՙԳոլդեն Փելես՚ հյուրանոցում, օգտվել մատուցված ծառայություններից, չի-մանալով, որ այդ ամենի համար նախատեսված 1.030.280 դրամի վճարումը Լևոն Մատինյանի կողմից կատարվել է թիվ 4147097641149929 բանկային կեղծ քարտովª ՙԱռէկսիմբանկ-Գազ-պրոմբանկի խումբ՚ ՓԲ ընկերության կողմից սպասարկվող պոս-տերմինալի միջոցով:
Բացի այդ, Լևոն Մատինյանից առաջարկություն ստանալով զեղջված գներով ճամփոր-դական ուղևորություն իրականացնել Երևանից Լոնդոն, դիմել է ՙԷյչ Էս Բի Սի Բանկ Հայաս-տան՚ ՓԲ ընկերության իր աշխատանքային թվով 11 գործընկերներին և ծանոթներինª առա-ջարկությամբ օգտվել ընձեռնված հնարավորությունից և մեկնել ուղևորության£ Ինչպես նաև Լևոն Մատինյանին խնդրել է զեղջված գներով ձեռք բերել իր ծանոթներ Քաջիկ Խաչատրյանի ու նրա կնոջ համար Երևան-Մոսկվա-Երևան, իսկ Ջուլիետա Գիժլարյանի և Անուշ Էվոյանի հա-մարª Երևան-Դյուսելդորֆ-Երևան չվերթների ավիատոմսեր£ Այնուհետև, Լոնդոն մեկնող խմբի անդամներից վերցրել է ընդհանուր 2.224.640 դրամին համարժեք 4.400 եվրո գումար, Քաջիկ Խաչատրյանիցª 170.000 դրամ, իսկ Ջուլիետա Գիժլարյանիցª 150.000 դրամ, որն ամբողջու-թյամբ հանձնել է Լևոն Մատինյանինª չիմանալով, որ վերջինիս կողմից այդ ավիատոմսերի հա-մար 02.03.2011թ. 2.424.920 դրամ և 03.03.2011թ. 2.041.320 դրամ վճարումները Երևանի ՙՏրի-ումֆ Վոյաժ՚ ՍՊ ընկերությունում տեղադրվածª ՙՅունիբանկ՚ ՓԲ ընկերության կողմից սպա-սարկվող, պոս-տերմինալի միջոցով կատարվել են համապատասխանաբար թիվ 4147091580909468 և թիվ 4305721633437822 բանկային կեղծ քարտով, որն ընդհանուր առմամբ կազմել է առանձնապես խոշոր չափերով 4.466.240 դրամ£
Իր և թվով 11 ուղևորների Լոնդոն մեկնելու, ինչպես նաև վերոհիշյալ մյուս չվերթներով մեկնող թվով 4 ուղևորների ավիատոմսերի համար վճարումը ՙՏրիումֆ Վոյաժ՚ ՍՊ ընկերու-թյունում կատարելուց և դրանք ձեռք բերելուց հետոª արդեն 2011թ. մարտի 3-ին, նկատել է, որ Լևոն Մատինյանին իր կողմից այդ նպատակով տրված գումարները էականորեն զիջում են վեր-ջինիս կողմից բանկային քարտերով փաստացի կատարված վճարումների գումարներին, ինչն էլ հիմք է տվել հասկանալու համար, որ վերը նշված վճարումները Լևոն Մատինյանը կատարել է այլ անձանց բանկային հաշիվներից կեղծ քարտերով գողացված գումարներով, որը 04.03.2011թ. հաստատել է նաև Լևոն Մատինյանըª հանցանքը իրեն խոստովանելով£
Այնուհետև, Լևոն Մատինյանի կողմից կատարված և իրեն հայտնի դարձած ծանր այդ հանցագործությունները նախապես չխոստացված պարտակելու համար Մարատ Աղաջանյանը թաքցրել է հանցագործությունը կատարած անձինª խորհուրդ տալով նրան մեկնել Հայաստանից և բացակայել երկար ժամանակով, բացի այդ, հանցագործության միջոցները և հետքերը թաք-ցընելովª Լևոն Մատինյանից վերցրել ու ոչնչացրել է օգտագործված բանկային կեղծ քարտը, ինչպես նաևª մինչև հանցագործության բացահայտումը բանկի իր գործընկերներից ու մյուս 4 քաղաքացիներից, իսկ բացահայտումից հետո` նաև իրավապահ մարմնից, թաքցրել է դեպքի իրական հանգամանքների վերաբերյալ իրեն հայտնի դարձած տեղեկությունները՚:
Դատարանը, հաշվի առնելով մեղադրողի և պաշտպանի կարծիքները, նկատի ունենալով, որ ամբաստանյալի կատարած արարքի համար պատասխանատվություն սահմանող ՀՀ քրեա-կան օրենսգրքի 334-րդ հոդվածի 1-ին մասի սանկցիան` հանցագործությունը կատարելու օրվա դրությամբ նախատեսել է տուգանք կամ կալանք կամ ազատազրկումª առավելագույնը երեք տարի ժամկետով, այսինքնª ամբաստանյալները մեղադրվում է այնպիսի հանցագործություն կատարելու մեջ, որի համար նախատեսված է պատիժ` ոչ ավելի քան երեք տարի ժամկետով ազատազրկում, ինչպես նաև առկա չեն ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ ԱԺ 2011թ. մայիսի 26-ի որոշման կիրառման վերաբերյալ նույն որոշմամբ սահմանված սահմանա-փակումները, և որ ամբաստանյալը խնդրեց նույն որոշման 6-րդ կետի 2-րդ ենթակետի կիրառ-մամբ կարճել իր վերաբերյալ ՀՀ քրեական օրենսգրքի 334-րդ հոդվածի 1-ին մասով քրեական գործի վարույթը, գտնում է, որ նրա միջնորդությունը բխում է ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետի և ՀՀ քրեական դատա-վարության օրենսգրքի 35-րդ հոդվածի 1-ին մասի 13-րդ կետի պահանջներից, այն պետք է բա-վարարվի և կարճվի ամբաստանյալի վերաբերյալ ՀՀ քրեական օրենսգրքի 334-րդ հոդվածի 1-ին մասով ԵԿԴ/0150/01/12 քրեական գործի վարույթը:
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ:
ՙՀայաստանի Հանրապետության անկախության հռչակման 20-րդ տարեդարձի կապակ-ցությամբ համաներում հայտարարելու մասին՚ ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետով սահմանված է` քրեական հետապնդում չհարուցել և քրեական հետապնդում չիրականացնել, ինչպես նաև կարճել մինչև 2011 թվականի մայիսի 1-ը կատարած հանցագոր-ծությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող քրեական գործերը, բացառությամբ նույն որոշման 8-րդ կետի 4-րդ և 5-րդ ենթակետերով նախատեսված դեպքերի, որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ« որոնց համար նախատեսված է պատիժ` ոչ ավելի« քան երեք տարի ժամկետով ազատազրկում:
Քննության առնելով ամբաստանյալի նկատմամբ կիրառված խափանման միջոցիª կալա-նավորման հարցը, դատարանը գտնում է, որ այն պետք է վերացվի, և նա անմիջապես պետք է ազատվի կալանքիցª դատական նիստի դահլիճում:
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 312-րդ, 313-րդ և 374-րդ հոդվածներով ու ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ ԱԺ 2011թ. մայիսի 26-ի որոշման 13-րդ կետի 1-ին ենթակետով` դատարանը

Ո Ր Ո Շ Ե Ց

ՙՀայաստանի Հանրապետության անկախության հռչակման 20-րդ տարեդարձի կապակ-ցությամբ համաներում հայտարարելու մասին՚ ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետի կիրառմամբ կարճել Մարատ Ղազարի Աղաջանյանի վերաբերյալ ՀՀ քրեական օրենսգրքի 334-րդ հոդվածի 1-ին մասով քրեական գործի վարույթը:
Մ.Աղաջանյանի նկատմամբ կիրառված խափանման միջոցը վերացնել և նրան անմիջա-պես կալանքից ազատել դատական նիստի դահլիճում:
Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ