Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

25 դեկտեմբերի 2012թ. ք. Երևան

ԵԿԴ-0128/01/12

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղարներ` Է. Մկրտչյան,
Լ. Առաքելյան,
Ա. Հովհաննիսյան,

մասնակցությամբ`
մեղադրող,
Երևանի Կենտրոն և Նորք-Մարաշ
վարչական շրջանների
դատախազության ավագ դատախազ Ա. Հակոբյանի,

պաշտպաններ Վ. Էլբակյանի,
Ա. Ջուվանովայի,
Ա. Քալաշյանի,
Է. Արամյանի,
Ա. Ալիխանյանի,
Ռ. Սիրեկանյանի,

տուժողներ Դ. Սարգսյանի,
Ս. Հովսեփյանի,
Ս. Գասպարյանի,
Ս. Ստեփանյանի,
Վ. Բարսեղյանի,
Ս. Խարազյանի,
Հ. Վարդևանյանի,
Մ. Հայրապետյանի,
Մ. Հովհաննիսյան,



դատարանում, դռնբաց դատական նիստում, քննեց գործն ըստ մեղադրանքի
1. Անդրանիկ Վահանի Վարդանյանի`
ծնված 1992թ. դեկտեմբերի 16-ին Երևան քաղաքում, հայ, Հայաստանի Հանրապետության /այսուհետ ՀՀ/ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, բնութագրվում է դրական, հաշվառված է և բնակվել է Երևան քաղաքի Մայիսի 9 փողոցի թիվ 5 շենքի թիվ 13 բնակարանում, կալանքի տակ է 03.02.2012թ.-ից, մեղադրվում է ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով, 131-րդ հոդվածի 2-րդ մասի 1-ին, 7-րդ կետերով, 175-րդ հոդվածի 2-րդ մասի 1-ին, 4-րդ կետերով, 177-րդ հոդվածի 2-րդ մասի 1-ին, 3-րդ կետերով, հինգ դրվագով` 177-րդ հոդվածի 2-րդ մասի 3-րդ կետով,

2. Սենիկ Արայիկի Հարթենյանի`
ծնված 1993թ. սեպտեմբերի 19-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, բնութագրվում է դրական, հաշվառված է և բնակվել է Երևանի Գ. Նժդեհի փողոցի թիվ 56ա շենքի թիվ 818 բնակարանում, ձերբակալվել է 23.10.2011թ., Երևանի Շենգավիթ վարչական շրջանի ընդհանուր իրավասության առաջին ատյանի դատարանի 26.10.2011թ. որոշմամբ նրա նկատմամբ կալանավորումը որպես խափանման միջոց ընտրելու մասին միջնորդությունը մերժվել է և նույն օրը նա ազատ է արձակվել` անազատության մեջ մնալով 3 /երեք/ օր, 24.02.2012թ. կրկին ձերբակալվել է, Երևանի Շենգավիթ վարչական շրջանի ընդհանուր իրավասության առաջին ատյանի դատարանի 26.02.2012թ. որոշմամբ նրա նկատմամբ որպես խափանման միջոց է ընտրվել կալանավորումը և այդ օրվանից գտնվում է կալանքի տակ, մեղադրվում է ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 131-րդ հոդվածի 2-րդ մասի 1-ին, 7-րդ կետերով, 175-րդ հոդվածի 2-րդ մասի 1-ին, 4-րդ կետերով,

3. Էդգար Արթուրիկի Շահինյանի `
ծնված 1987թ. սեպտեմբերի 29-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, բնութագրվում է դրական, վատառողջ է, հաշվառված է և բնակվել է Երևանի Գ.Նժդեհի փողոցի թիվ 56ա շենքի թիվ 818 բնակարանում, կալանքի տակ է 24.02.2012թ.-ից, մեղադրվում է ՀՀ քրեական օրենսգրքի 131-րդ հոդվածի 2-րդ մասի 1-ին, 7-րդ կետերով, 175-րդ հոդվածի 2-րդ մասի 1-ին, 4-րդ կետերով,


4. Կորյուն Կարապետի Առաքելյանի`
ծնված 1992թ. դեկտեմբերի 23-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում դատված`
1/ Երևանի Էրեբունի և Նուբարաշեն համայնքների առաջին ատյանի դատարանի 24.07.2007թ. դատավճռով, ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ կետերով դատապարտվել է ազատազրկման երկու տարի ժամկետով։ ՀՀ քրեական օրենսգրքի 70-րդ հոդվածի կիրառմամբ պատիժը պայմանականորեն չի կիրառվել և սահմանվել է փորձաշրջան մեկ տարի ժամկետով,
2/ ՀՀ Հարավային քրեական դատարանի 13.03.2008թ. դատավճռով, ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ, 4-րդ կետերով, նույն օրենսգրքի 67-րդ հոդվածի կիրառմամբ դատապարտվել է ազատազրկման երեք տարի վեց ամիս ժամկետով, 07.12.2010թ. ազատվել է` պատիժը կրած լինելու պատճառով,
3/ ՀՀ Արարատի և Վայոց Զորի մարզերի ընդհանուր իրավասության առաջին ատյանի դատարանի 24.11.2011թ. դատավճռով, ՀՀ քրեական օրենսգրքի 177-րդ հոդվածի 2-րդ մասի 3-րդ կետով դատապարտվել է ազատազրկման երկու տարի վեց ամիս ժամկետով, պատժի կրման սկիզբը հաշվելով 24.11.2011թ.-ից, դատվածությունները չմարված, բնութագրվում է դրական, հաշվառված է և բնակվել է Երևանի Գ. Նժդեհի փողոց 56Ա շենքի 818 բնակարանում, սույն քրեական գործով կալանքի տակ է 24.10.2011թ.-ից, մեղադրվում է ՀՀ քրեական օրենսգրքի 34-177-րդ հոդվածի 3-րդ մասի 1.1 կետով,

5. Եվգենի Վասիլիի Սավիցկու`
ծնված 1991թ. նոյեմբերի 09-ին Երևան քաղաքում, ազգությամբ ուկրաինացի, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, բնութագրվում է դրական, հաշվառված է և բնակվել է Երևանի Շիրակի փողոցի թիվ 7ա շենքի թիվ 24 բնակարանում, կալանքի տակ է 03.02.2012թ.-ից, մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ կետերով,



Գործի դատավարական նախապատմությունը

Թիվ 11139311 քրեական գործը ՀՀ ոստիկանության ՔԳՎ Երևան քաղաքի քննչական վարչության Շենգավիթի քննչական բաժնում հարուցվել է 2011թ. հոկտեմբերի 22-ին, ՀՀ քրեական օրենսգրքի 177-րդ հոդվածի 3-րդ մասի 1.1 կետով, անհայտ անձի կողմից Երևանի Ե. Թադևոսյան նրբանցքի թիվ 7 շենքի թիվ 5 բնակարան ապօրինի մուտք գործելով` խոշոր չափերով գողություն կատարելու դեպքի առթիվ։
Թիվ 11105512 քրեական գործը ՀՀ ոստիկանության ՔԳՎ Երևան քաղաքի քննչական վարչության Շենգավիթի քննչական բաժնում հարուցվել է 2012թ. փետրվարի 03-ին, ՀՀ քրեական օրենսգրքի 177-րդ հոդվածի 2-րդ մասի 3-րդ կետով, անհայտ անձի կողմից շինություն ապօրինի մուտք գործելով` գողություն կատարելու դեպքի առթիվ։
Թիվ 13105012 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2012թ. փետրվարի 06-ին, ՀՀ քրեական օրենսգրքի 175-րդ հոդվածի 2-րդ մասի 1-ին և 4-րդ կետերով, Ա. Վարդանյանի և չպարզված անձանց կողմից նախնական համաձայնությամբ ավազակային հարձակման միջոցով, որպես զենք օգտագործվող առարկայի գործադրմամբ Ս. Գասպարյանի կյանքի և առողջության համար վտանգավոր բռնություն գործադրելով` գույքի հափշտակություն կատարելու դեպքի առթիվ։
2012թ. փետրվարի 21-ին թիվ 13105012 քրեական գործն ուղարկվել է ՀՀ ոստիկանության ՔԳՎ Երևան քաղաքի քննչական վարչության Շենգավիթի քննչական բաժին և նույն օրվա որոշմամբ ընդունվել է քննիչի վարույթ և միացվել է թիվ 11105512 քրեական գործին։
Քննիչի 2012թ. փետրվարի 28-ի որոշմամբ, թիվ 11139311 քրեական գործն ընդունվել է վարույթ և միացվել է թիվ 11105512 քրեական գործին։
2012թ. մարտի 06-ին թիվ 11105512 քրեական գործն ուղարկվել է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժին և նույն օրվա որոշմամբ ընդունվել է ավագ քննիչի վարույթ։
Քննիչի 29.06.2012թ. որոշմամբ, Անդրանիկ Վահանի Վարդանյանի կողմից, Երևանի Մայիսի 9 փողոցի թիվ 9ա շենքի նկուղից պղնձե լար հափշտակելու դրվագով, ՀՀ քրեական օրենսգրքի 177-րդ հոդվածի 2-րդ մասի 3-րդ կետով քրեական հետապնդում չի իրականացվել` հանցակազմի բացակայության պատճառաբանությամբ։
Քննիչի նույն օրվա մեկ այլ որոշմամբ, Անդրանիկ Վահանի Վարդանյանի կողմից, Երևանի Նիզամի փողոցի թիվ 2 շենքի նկուղից ալյումինե և պղնձե ջարդոններ հափշտակելու դրվագով, ՀՀ քրեական օրենսգրքի 177-րդ հոդվածի 2-րդ մասի 3-րդ կետով քրեական հետապնդում չի իրականացվել` հանցակազմի բացակայության պատճառաբանությամբ։
Քննիչի նույն օրվա մեկ այլ որոշմամբ, Ռաֆայել Բրուտյանի նկատմամբ, ՀՀ քրեական օրենսգրքի 38-177-րդ հոդվածի 2-րդ մասի 1-ին և 3-րդ կետերով քրեական հետապնդում չի իրականացվել` հանցակազմի բացակայության պատճառաբանությամբ։
Քննիչի նույն օրվա մեկ այլ որոշմամբ, Կորյուն Կարապետի Առաքելյանի կողմից ծալովի դանակ կրելու դրվագով, նրա նկատմամբ քրեական հետապնդում չի իրականացվել` հանցակազմի բացակայության պատճառաբանությամբ։
Քննիչի նույն օրվա մեկ այլ որոշմամբ, Սենիկ Արայիկի Հարթենյանի կողմից մարմնական վնասվածք ստանալու դրվագով քրեական հետապնդում չի իրականացվել` հանցագործության դեպքի բացակայության պատճառաբանությամբ։
Քննիչի նույն օրվա մեկ այլ որոշմամբ, Կորյուն Կարապետի Առաքելյանի կողմից մարմնական վնասվածք ստանալու դրվագով քրեական հետապնդում չի իրականացվել` հանցագործության դեպքի բացակայության պատճառաբանությամբ։
1. Ամբաստանյալ Անդրանիկ Վահանի Վարդանյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով, 131-րդ հոդվածի 2-րդ մասի 1-ին, 7-րդ կետերով, 175-րդ հոդվածի 2-րդ մասի 1-ին, 4-րդ կետերով, 177-րդ հոդվածի 2-րդ մասի 1-ին, 3-րդ կետերով, հինգ դրվագով` 177-րդ հոդվածի 2-րդ մասի 3-րդ կետով հետևյալ արարքների համար. «որ նա 2011թ. դեկտեմբերի լույս 07-ի գիշերը տեխնիկական միջոցների գործադրմամբ փականը կոտրելու միջոցով ապօրինի մուտք է գործել Երևան քաղաքի Նիզամի փողոցի թիվ 2 շենքում գտնվող` Հռիփսիմե Ցոլակի Վարդևանյանին պատկանող նկուղ և այնտեղից գաղտնի հափշտակել վերջինիս պատկանող զգալի չափի` 17.000 ՀՀ դրամ ընդհանուր արժողության 5 մետր երկարության 2մմ հաստության պղնձե լար, 4 լիտր տարողության ալյումինե կաթսա և կարի մեքենայի պղնձե գլխամաս։
Այսինքն` Ա. Վարդանյանը կատարել է հանցավոր արարք նախատեսված ՀՀ քր. օր-ի 177 հոդ. 2-րդ մասի 3-րդ կետով։
Դրանից հետո Ա.Վարդանյանը 2011թ. դեկտեմբերի լույս 07-ի գիշերը տեխնիկական միջոցների գործադրմամբ կոտրել է Վանուշ Արծրունու Բարսեղյանին պատկանող` Երևան քաղաքի Նիզամի փողոցի թիվ 2 շենքի նկուղի դռան կողպեքը, ապա ապօրինի մուտք է գործել նկուղ և այնտեղից գաղտնի հափշտակել զգալի չափի` 6.000 ՀՀ դրամ արժողության 20 մետր 4մմ հաստության պղնձե լար։
Այսինքն` Ա. Վարդանյանը կատարել է հանցավոր արարք նախատեսված ՀՀ քր. օր-ի 177 հոդ. 2-րդ մասի 3-րդ կետով։
Ա.Վարդանյանը 2011թ. դեկտեմբերի լույս 10-ի գիշերը շինություն ապօրինի մուտք գործելու եղանակով զգալի չափի գույքի գաղտնի հափշտակություն կատարելու դիտավորությամբ տեխնիկական միջոցների գործադրմամբ փորձել է կոտրել Մարինե Հայկազի Հայրապետյանին պատկանող` Երևան քաղաքի Մայիսի 9 փողոցի թիվ 11 շենքի նկուղի դռան կողպեքը, սակայն բղավոցի ձայներ լսելով դիմել է փախուստի, և հանցագործությունն ավարտին չի հասցրել իր կամքից անկախ հանգամանքներով։
Այսինքն` Ա. Վարդանյանը կատարել է հանցավոր արարք նախատեսված ՀՀ քր. օր-ի 34-177 հոդ. 2-րդ մասի 3-րդ կետով։
Այնուհետև Ա.Վարդանյանը 2011թ. դեկտեմբերի լույս 28-ի գիշերը տեխնիկական միջոցների գործադրմամբ կոտրել է Սուրեն Ռաֆիկի Ստեփանյանին պատկանող` Երևան քաղաքի Մայիսի 9 փողոցի 10 շենքի նկուղի դռան կողպեքը, ապօրինի մուտք է գործել հիշյալ նկուղ և այնտեղից գաղտնի հափշտակել զգալի չափի` 6.000 ՀՀ դրամ ընդհանուր արժողության 2 շիշ քացախաթթու, ալյումինե կաթսա և 2 հատ ալյումինե ալյուրամաղեր։
Այսինքն` Ա. Վարդանյանը կատարել է հանցավոր արարք` նախատեսված ՀՀ քր. օր-ի 177 հոդ. 2-րդ մասի 3-րդ կետով։
Ա.Վարդանյանը 2012թ. հունվարի լույս 15-ի գիշերը տեխնիկական միջոցների գործադրմամբ կոտրել է Սերյոժա Մացակի Խարազյանին պատկանող` Երևան քաղաքի Գ. Նժդեհի փողոցի թիվ 19 շենքի նկուղի դռան կողպեքը, ապա ապօրինի մուտք է գործել նկուղ և այնտեղից գաղտնի հափշտակել է զգալի չափի` 18.000 ՀՀ դրամ ընդհանուր արժողության 6 հատ ջեռուցման չուգունե մարտկոցներ։
Այսինքն` Ա. Վարդանյանը կատարել է հանցավոր արարք` նախատեսված ՀՀ քր. օր-ի 177 հոդ. 2-րդ մասի 3-րդ կետով։
Բացի այդ, Ա.Վարդանյանը 2012թ. հունվարի 21-ին, ժամը 00.30-իւ սահմաններում Երևան քաղաքի «Հայրենիք» կինոթատրոնի մոտ գործող շուկայի մոտակայքում գումարային խնդրի շուրջ ծագած վիճաբանության ընթացքում Սենիկ Արայիկի Հարթենյանի և Էդգար Արթուրիկի Շահինյանի հետ ծեծի են ենթարկել Երևան քաղաքի Խանջյան փողոցի թիվ 33 հասցեում գործող Կարեն-Կարինե արտադրական կոոպերատիվին պատկանող «999» բար-սրճարանի բարմեն Սուրեն Սեյրանի Գասպարյանին, որից անմիջապես հետո բռնություն գործադրելու սպառնալիքով, վերջինիս կամքին հակառակ պատահական տաքսի ավտոմեքենայով Ս.Գասպարյանին տեղափոխել են «999» բար-սրճարան, որտեղ Ս.Հարթենյանի և Է.Շահինյանի հետ նախնական համաձայնության գալով, Ս.Գասպարյանի կյանքի և առողջության համար վտանգավոր բռնություն գործադրելով` որպես զենք օգտագործվող առարկայով հարվածել են վերջինիս գլխի շրջանին և նրա առողջությանը պատճառել թեթև վնաս, ապա` ավազակությամբ հափշտակել են բարի դրամարկղում եղած 15.000 ՀՀ դրամ գումարը, 28 շիշ «Միլլեր», 20 շիշ «Ալեքսանդրապոլ», 23 շիշ «Կիլիկիա» և «Կոտայք» տեսակի գարեջուր, 1 շիշ գինի, 18 հատ «Ռեդ Բուլ» տեսակի խմիչք, 37 շիշ «Կոկա-կոլա» տեսակի զովացուցիչ ըմպելիք` «Կարեն-Կարինե» ԱԿ-ին պատճառելով զգալի չափերի ընդհանուր` 65.000 ՀՀ դրամի գույքային վնաս։
Այսինքն Ա. Վարդանյանը կատարել է ՀՀ քր. օր-ի 131 հոդվածի 2-րդ մասի 1-ին և 7-րդ կետերով, 175 հոդ. 2-րդ մասի 1-ին և 4-րդ կետերով նախատեսված հանցագործություններ։
Այնուհետև Ա.Վարդանյանը 2012թ. հունվարի լույս 23-ի գիշերը տեխնիկական միջոցների գործադրմամբ կոտրել է Մանուկ Խորենի Հովհաննիսյանին պատկանող` Երևան քաղաքի Եղբայրության փողոցի թիվ 13 հասցեում գտնվող խորդանոցի կողպեքը, ապօրինի մուտք է գործել ներս և այնտեղից գաղտնի հափշտակել զգալի չափի` 31.000 ՀՀ դրամ ընդհանուր արժողության 2 հատ «Արիզոնա» տեսակի անվադողեր, մեկ հատ ալյումինե պառկելաթախտ և երկու հատ «ԲՄՎ» մակնիշի ավտոմեքենայի համար նախատեսված հարվածամեղմիչ։
Այսինքն` Ա. Վարդանյանը կատարել է հանցավոր արարք` նախատեսված ՀՀ քր. օր-ի 177 հոդ. 2-րդ մասի 3-րդ կետով։
Բացի այդ, Ա.Վարդանյանը գույքի գաղտնի հափշտակություն կատարելու շուրջ նախնական համաձայնության գալով իր մորաքրոջ որդի Եվգենի Վասիլիի Սավեցկիի հետ, 2012թ. փետրվարի 03-ին, ժամը 05.00-ի սահմաններում տեխնիկական միջոցների գործադրմամբ պատուհանը բացելու եղանակով ապօրինի մուտք են գործել Դավիթ Ռազմիկի Սարգսյանին պատկանող` Երևան քաղաքի Մայիսի 9 փողոցի 9 շենքի 1ա հասցեում գտնվող արվեստանոց և այնտեղից գաղտնի հափշտակել զգալի չափի` 458.000 ՀՀ դրամ ընդհանուր արժողության 4 հատ անվադողեր` իրենց անվահեծերով, «LG» մոդելի համակարգչի գերհարթ մոնիտոր և համակարգչի պրոցեսոր, էլեկտրական շաղափ, էլեկտրական սղոց, գլոբուսի չուգունե պատվանդան, համակարգչի պրոցեսորի լարեր, «Սամսունգ» և «Նոկիա» տեսակի բջջային հեռախոսների լիցքավորիչ սարքեր, համակարգչի վեբ տեսախցիկ, թվով երեք հատ գրքի պղնձե պահպանակներ և 40.000 ՀՀ դրամ կանխիկ գումար։
Այսինքն` Ա. Վարդանյանը կատարել է հանցավոր արարք` նախատեսված ՀՀ քր. օր-ի 177 հոդ. 2-րդ մասի 1-ին և 3-րդ կետերով։»։
2. Ամբաստանյալ Սենիկ Արայիկի Հարթենյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 131-րդ հոդվածի 2-րդ մասի 1-ին, 7-րդ կետերով, 175-րդ հոդվածի 2-րդ մասի 1-ին, 4-րդ կետերով հետևյալ արարքների համար. «որ նա ուրիշի գույքի գաղտնի հափշտակություն կատարելու դիտավորությամբ, նախնական համաձայնության գալով իր հարևան Կորյուն Կարապետի Առաքելյանի հետ 2011թ-ի հոկտեմբերի 22-ին ժամը 03։30-ի սահմաններում լինգի գործադրմամբ բացել են Սվետլանա Հրանտի Հովսեփյանին պատկանող Երևան քաղաքի Եղիշե Թադևոսյան նրբանցքի 7-րդ շենքի 2-րդ հարկում գտնվող թիվ 5 բնակարանի պատուհանը, որտեղից ապօրինի մուտք գործել ներս և փորձել են հափշտակել 20.700 ՀՀ դրամ ընդհանուր արժողության տարբեր տեսակի զարդերը, «Դիվիդի» նվակարգիչը, սակայն բնակարանի մուտքի դռան թակոցի ձայներ լսելով թողնելով նվագարկիչը դիմել են փախուստի, և հանցագործությունն ավարտին չեն հասցրել իրենց կամքից անկախ հանգամանքներով։
Այսինքն` Ս.Հարթենյանը կատարել է ՀՀ քր. օր.-ի 34-177 հոդվածի 3-րդ մասի 1.1 կետով նախատեսված հանցագործություն։
Բացի այդ, Ս.Հարթենյանը 2012թ. հունվարի 21-ին, ժամը 00.30-իւ սահմաններում Երևան քաղաքի «Հայրենիք» կինոթատրոնի մոտ գործող շուկայի մոտակայքում գումարային խնդրի շուրջ ծագած վիճաբանության ընթացքում Անդրանիկ Վահանի Վարդանյանի և Էդգար Արթուրիկի Շահինյանի հետ ծեծի են ենթարկել Երևան քաղաքի Խանջյան փողոցի թիվ 33 հասցեում գործող Կարեն-Կարինե արտադրական կոոպերատիվին պատկանող «999» բար-սրճարանի բարմեն Սուրեն Սեյրանի Գասպարյանին, որից անմիջապես հետո բռնություն գործադրելու սպառնալիքով, վերջինիս կամքին հակառակ պատահական տաքսի ավտոմեքենայով Ս.Գասպարյանին տեղափոխել են «999» բար-սրճարան, որտեղ Ա.Վարդանյանի և Է.Շահինյանի հետ նախնական համաձայնության գալով, Ս.Գասպարյանի կյանքի և առողջության համար վտանգավոր բռնություն գործադրելով` որպես զենք օգտագործվող առարկայով հարվածել են վերջինիս գլխի շրջանին և նրա առողջությանը պատճառել թեթև վնաս, ապա` ավազակությամբ հափշտակել են բարի դրամարկղում եղած 15.000 ՀՀ դրամ գումարը, 28 շիշ «Միլլեր», 20 շիշ «Ալեքսանդրապոլ», 23 շիշ «Կիլիկիա» և «Կոտայք» տեսակի գարեջուր, 1 շիշ գինի, 18 հատ «Ռեդ Բուլ» տեսակի խմիչք, 37 շիշ «Կոկա-կոլա» տեսակի զովացուցիչ ըմպելիք` «Կարեն-Կարինե» ԱԿ-ին պատճառելով զգալի չափերի ընդհանուր` 65.000 ՀՀ դրամի գույքային վնաս։
Այսինքն Ս.Հարթենյանը կատարել է ՀՀ քր. օր-ի 131 հոդվածի 2-րդ մասի 1-ին և 7-րդ կետերով, 175 հոդ. 2-րդ մասի 1-ին և 4-րդ կետերով նախատեսված հանցագործություններ։»։
3. Ամբաստանյալ Էդգար Արթուրիկի Շահինյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 131-րդ հոդվածի 2-րդ մասի 1-ին, 7-րդ կետերով, 175-րդ հոդվածի 2-րդ մասի 1-ին, 4-րդ կետերով հետևյալ արարքների համար. «որ նա նույն գործով մեղադրյալներ Անդրանիկ Վահանի Վարդանյանի և Սենիկ Արայիկի Հարթենյանի հետ 2012թ. հունվարի 21-ին ժամը 00։30-ի սահմաններում Երևան քաղաքի «Հայրենիք» կինոթատրոնի մոտ գտնվող շուկայի մոտակայքում գումարային խնդրի շուրջ ծագած վիճաբանության ընթացքում ծեծի են ենթարկել Սուրեն Սեյրանի Գասպարյանին, որից անմիջապես հետո բռնություն գործադրելու սպառնալիքով վերջինիս պատահական տաքսի ավտոմեքենայով տեղափոխել են Երևան քաղաքի Խանջյան 33 հասցեում գործող Կարեն-Կարինե ԱԿ-ին պատկանող «999» բար-սրճարան, որտեղ ավազակային հարձակման միջոցով ուրիշի գույքը հափշտակելու դիտավորությամբ նույն Անդրանիկ Վահանի Վարդանյանի և Սենիկ Արայիկի Հարթենյանի հետ վտանգավոր բռնություն գործադրելով ու որպես զենք օգտագործվող, քննությամբ չպարզված առարկայով հարվածել են Ս.Գասպարյանի գլխին և վայր գցել, որից հետո բարից հափշտակել են դրամարկղում եղած 15.000 ՀՀ դրամ գումարը, 50.000 ՀՀ դրամ ընդհանուր արժողության 28 շիշ «Միլլեր», 20 շիշ «Ալեքսանդրապոլ», 23 շիշ «Կիլիկիա» և «Կոտայք» տեսակի գարեջուր, 1 շիշ գինի, 18 հատ «Ռեդ Բուլ» տեսակի խմիչք, 37 շիշ «Կոկա-կոլա» տեսակի զովացուցիչ ըմպելիք` «Կարեն-Կարինե» ԱԿ-ին պատճառելով զգալի չափերի ընդհանուր` 65.000 ՀՀ դրամի գույքային վնաս։»։
4. Ամբաստանյալ Կորյուն Կարապետի Առաքելյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 34-177-րդ հոդվածի 3-րդ մասի 1.1 կետով հետևյալ արարքի համար. «որ նա ուրիշի գույքի գաղտնի հափշտակություն կատարելու դիտավորությամբ, նախնական համաձայնության գալով իր հարևան Սենիկ Արայիկի Հարթենյանի հետ 2011թ-ի հոկտեմբերի 22-ին ժամը 03։30-ի սահմաններում լինգի գործադրմամբ բացել են Սվետլանա Հրանտի Հովսեփյանին պատկանող Երևան քաղաքի Եղիշե Թադևոսյան նրբանցքի 7-րդ շենքի 2-րդ հարկում գտնվող թիվ 5 բնակարանի պատուհանը, որտեղից ապօրինի մուտք գործել ներս և փորձել են հափշտակել 20.700 ՀՀ դրամ ընդհանուր արժողության տարբեր տեսակի զարդերը, «Դիվիդի» նվակարգիչը, սակայն բնակարանի մուտքի դռան թակոցի ձայներ լսելով թողնելով նվագարկիչը դիմել են փախուստի, և հանցագործությունն ավարտին չեն հասցրել իրենց կամքից անկախ հանգամանքներով։»։
5. Ամբաստանյալ Եվգենի Վասիլիի Սավիցկուն նախաքննության մարմնի կողմից մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ կետերով հետևյալ արարքի համար. «որ նա ուրիշի գույքի գաղտնի հափշտակություն կատարելու դիտավորությամբ, նախնական համաձայնության գալով իր մորաքրոջ որդի Անդրանիկ Վահանի Վարդանյանի հետ, 2012թ. փետրվարի 3-ին ժամը 05.00-ի սահմաններում տեխնիկական միջոցների գործադրմամբ պատուհանը բացելու եղանակով ապօրինի մուտք են գործել Դավիթ Ռազմիկի Սարգսյանին պատկանող, Երևան քաղաքի Մայիսի 9 փողոցի 9 շենքի 1ա հասցեում գտնվող արվեստանոց և գաղտնի հափշտակել զգալի չափի` 458.000 ՀՀ դրամ ընդհանուր արժողության 4 հատ անվադողեր` իրենց անվահեծերով, «LG» մոդելի համակարգչի գերհարթ մոնիտոր և համակարգչի պրոցեսոր, էլեկտրական շաղափ, էլեկտրական սղոց, գլոբուսի չուգունե պատվանդան, համակարգչի պրոցեսորի լարեր, «Սամսունգ» և «Նոկիա» տեսակի բջջային հեռախոսների լիցքավորիչ սարքեր, համակարգչի վեբ տեսախցիկ, թվով երեք հատ գրքի պղնձե պահպանակներ և 40.000 ՀՀ դրամ կանխիկ գումար։»։
Նախաքննության մարմինը հիմնավորված է համարել հետևյալը.
«Կորյուն Կարապետի Առաքելյանն ուրիշի գույքի գաղտնի հափշտակություն կատարելու դիտավորությամբ, նախնական համաձայնության գալով իր հարևան Սենիկ Արայիկի Հարթենյանի հետ 2011թ-ի հոկտեմբերի 22-ին ժամը 03։30-ի սահմաններում լինգի գործադրմամբ բացել են Սվետլանա Հրանտի Հովսեփյանին պատկանող Երևան քաղաքի Եղիշե Թադևոսյան նրբանցքի 7-րդ շենքի 2-րդ հարկում գտնվող թիվ 5 բնակարանի պատուհանը, որտեղից ապօրինի մուտք գործել ներս և փորձել են հափշտակել 20.700 ՀՀ դրամ ընդհանուր արժողության տարբեր տեսակի զարդերը, «Դիվիդի» նվակարգիչը, սակայն բնակարանի մուտքի դռան թակոցի ձայներ լսելով թողնելով նվագարկիչը դիմել են փախուստի, և հանցագործությունն ավարտին չեն հասցրել իրենց կամքից անկախ հանգամանքներով։
Բացի այդ Սենիկ Արայիկի Հարթենյանը 2012թ. հունվարի 21-ին, ժամը 00.30-իւ սահմաններում Երևան քաղաքի «Հայրենիք» կինոթատրոնի մոտ գործող շուկայի մոտակայքում գումարային խնդրի շուրջ ծագած վիճաբանության ընթացքում Անդրանիկ Վահանի Վարդանյանի և Էդգար Արթուրիկի Շահինյանի հետ ծեծի են ենթարկել Երևան քաղաքի Խանջյան փողոցի թիվ 33 հասցեում գործող Կարեն-Կարինե արտադրական կոոպերատիվին պատկանող «999» բար- սրճարանի բարմեն Սուրեն Սեյրանի Գասպարյանին, որից անմիջապես հետո բռնություն գործադրելու սպառնալիքով, վերջինիս կամքին հակառակ պատահական տաքսի ավտոմեքենայով Ս.Գասպարյանին տեղափոխել են «999» բար-սրճարան, որտեղ Ա.Վարդանյանի և Է.Շահինյանի հետ նախնական համաձայնության գալով, Ս.Գասպարյանի կյանքի և առողջության համար վտանգավոր բռնություն գործադրելով` որպես զենք օգտագործվող առարկայով հարվածել են վերջինիս գլխի շրջանին և նրա առողջությանը պատճառել թեթև վնաս, ապա` ավազակությամբ հափշտակել են բարի դրամարկղում եղած 15.000 ՀՀ դրամ գումարը, 28 շիշ «Միլլեր», 20 շիշ «Ալեքսանդրապոլ», 23 շիշ «Կիլիկիա» և «Կոտայք» տեսակի գարեջուր, 1 շիշ գինի, 18 հատ «Ռեդ Բուլ» տեսակի խմիչք, 37 շիշ «Կոկա-կոլա» տեսակի զովացուցիչ ըմպելիք` «Կարեն-Կարինե» ԱԿ-ին պատճառելով զգալի չափերի ընդհանուր` 65.000 ՀՀ դրամի գույքային վնաս։
Բացի այդ Անդրանիկ Վահանի Վարդանյանը 2011թ. դեկտեմբերի լույս 07-ի գիշերը տեխնիկական միջոցների գործադրմամբ փականը կոտրելու միջոցով ապօրինի մուտք է գործել Երևան քաղաքի Նիզամի փողոցի թիվ 2 շենքում գտնվող` Հռիփսիմե Ցոլակի Վարդևանյանին պատկանող նկուղ և այնտեղից գաղտնի հափշտակել վերջինիս պատկանող զգալի չափի` 17.000 ՀՀ դրամ ընդհանուր արժողության 5 մետր երկարության 2մմ հաստության պղնձե լար, 4 լիտր տարողության ալյումինե կաթսա և կարի մեքենայի պղնձե գլխամաս։
Դրանից հետո Ա.Վարդանյանը 2011թ. դեկտեմբերի լույս 07-ի գիշերը տեխնիկական միջոցների գործադրմամբ կոտրել է Վանուշ Արծրունու Բարսեղյանին պատկանող` Երևան քաղաքի Նիզամի փողոցի թիվ 2 շենքի նկուղի դռան կողպեքը, ապա ապօրինի մուտք է գործել նկուղ և այնտեղից գաղտնի հափշտակել զգալի չափի` 6.000 ՀՀ դրամ արժողության 20 մետր 4մմ հաստության պղնձե լար։
Ա.Վարդանյանը 2011թ. դեկտեմբերի լույս 10-ի գիշերը շինություն ապօրինի մուտք գործելու եղանակով զգալի չափի գույքի գաղտնի հափշտակություն կատարելու դիտավորությամբ տեխնիկական միջոցների գործադրմամբ փորձել է կոտրել Մարինե Հայկազի Հայրապետյանին պատկանող` Երևան քաղաքի Մայիսի 9 փողոցի թիվ 11 շենքի նկուղի դռան կողպեքը, սակայն բղավոցի ձայներ լսելով դիմել է փախուստի, և հանցագործությունն ավարտին չի հասցրել իր կամքից անկախ հանգամանքներով։
Այնուհետև Ա.Վարդանյանը 2011թ. դեկտեմբերի լույս 28-ի գիշերը տեխնիկական միջոցների գործադրմամբ կոտրել է Սուրեն Ռաֆիկի Ստեփանյանին պատկանող` Երևան քաղաքի Մայիսի 9 փողոցի 10 շենքի նկուղի դռան կողպեքը, ապօրինի մուտք է գործել հիշյալ նկուղ և այնտեղից գաղտնի հափշտակել զգալի չափի` 6.000 ՀՀ դրամ ընդհանուր արժողության 2 շիշ քացախաթթու, ալյումինե կաթսա և 2 հատ ալյումինե ալյուրամաղեր։
Ա.Վարդանյանը 2012թ. հունվարի լույս 15-ի գիշերը տեխնիկական միջոցների գործադրմամբ կոտրել է Սերյոժա Մացակի Խարազյանին պատկանող` Երևան քաղաքի Գ. Նժդեհի փողոցի թիվ 19 շենքի նկուղի դռան կողպեքը, ապա ապօրինի մուտք է գործել նկուղ և այնտեղից գաղտնի հափշտակել է զգալի չափի` 18.000 ՀՀ դրամ ընդհանուր արժողության 6 հատ ջեռուցման չուգունե մարտկոցներ։
Այնուհետև Ա.Վարդանյանը 2012թ. հունվարի լույս 23-ի գիշերը տեխնիկական միջոցների գործադրմամբ կոտրել է Մանուկ Խորենի Հովհաննիսյանին պատկանող` Երևան քաղաքի Եղբայրության փողոցի թիվ 13 հասցեում գտնվող խորդանոցի կողպեքը, ապօրինի մուտք է գործել ներս և այնտեղից գաղտնի հափշտակել զգալի չափի` 31.000 ՀՀ դրամ ընդհանուր արժողության 2 հատ «Արիզոնա» տեսակի անվադողեր, մեկ հատ ալյումինե պառկելաթախտ և երկու հատ «ԲՄՎ» մակնիշի ավտոմեքենայի համար նախատեսված հարվածամեղմիչ։
Բացի այդ, Ա.Վարդանյանը գույքի գաղտնի հափշտակություն կատարելու շուրջ նախնական համաձայնության գալով իր մորաքրոջ որդի Եվգենի Վասիլիի Սավեցկիի հետ, 2012թ. փետրվարի 03-ին, ժամը 05.00-ի սահմաններում տեխնիկական միջոցների գործադրմամբ պատուհանը բացելու եղանակով ապօրինի մուտք են գործել Դավիթ Ռազմիկի Սարգսյանին պատկանող` Երևան քաղաքի Մայիսի 9 փողոցի 9 շենքի 1ա հասցեում գտնվող արվեստանոց և այնտեղից գաղտնի հափշտակել զգալի չափի` 458.000 ՀՀ դրամ ընդհանուր արժողության 4 հատ անվադողեր` իրենց անվահեծերով, «LG» մոդելի համակարգչի գերհարթ մոնիտոր և համակարգչի պրոցեսոր, էլեկտրական շաղափ, էլեկտրական սղոց, գլոբուսի չուգունե պատվանդան, համակարգչի պրոցեսորի լարեր, «Սամսունգ» և «Նոկիա» տեսակի բջջային հեռախոսների լիցքավորիչ սարքեր, համակարգչի վեբ տեսախցիկ, թվով երեք հատ գրքի պղնձե պահպանակներ և 40.000 ՀՀ դրամ կանխիկ գումար։»։
Նախաքննության մարմինը առաջադրված մեղադրանքները հիմնավորված է համարել հետևյալ ապացույցներով.
«Տուժող Սուրեն Սեյրանի Գասպարյանի ցուցմունքով այն մասին, որ աշխատում է Երևան քաղաքի Խանջյան 33 հասցեում գործող «999» բար-սրճարանում որպես բարմեն։ 2012թ. հունվարի 17-ին ժամը 20։00-ի սահմաններում հերթական անգամ բար է այցելել ծանոթներից Անդրանիկ Վարդանյանը, և հայտնելով, որ գրավատներից մեկում գումար պետք է մուծի, պարտքով խնդրել է 20.000 ՀՀ դրամ գումար` մեկ ժամվա ըթացքում վերադարձնելու պայմանով։ Վերջինիս չի մերժել և տվել է 21.000 ՀՀ դրամ հիշյալ բարի դրամարկղից։ Որոշ ժամանակ անց, տեսնելով, որ Ա. Վարդանյանը գումարը չի վերադարձնում, ինքն է զանգահարել Ա. Վարդանյանին, սակայն նրա հեռախոսն անջատված է եղել։ Տեսնելով, որ հեռախոսն անջատված է և ինքը Անդրանիկի հետ չի կարող կապ հաստատել գումարը հետ վերադարձնելու համար, ուստի դրամարկղից գումար վերցնելու և Անդրանիկին տալու մասին հայտնել է բարի տնօրեն Արթուր Ավագյանին։ Մի քանի օր անց` 2012թ. հունվարի 20-ին, ժամը 23։30-ի սահմաններում իրեն է զանգահարել Ա. Վարդանյանը, պայմանավորվել հանդիպել Գ. Նժդեհի հրապարակում և միաժամանակ խոստացել վերադարձնել պարտքով վերցրած 21.000 ՀՀ դրամ գումարը։ Աշխատանքային օրը ավարտելուց հետո, արդեն 21.01.2012թ. ժամը 00։30-ի սահմաններում գնացել է «Հայրենիք» կինոթատրոնի հարևանությամբ գտնվող շուկայի մոտ, որտեղ հանդիպել է Ա. Վարդանյանին, վերջինիս հետ քայլել է մոտակա շենքերի բակ, որտեղ իրենց սպասելիս են եղել Սենիկ Հարթենյանը և Էդգար Շահինյանը։ Այնուհետև նշված վայրում երեքով վիճաբանել են իր հետ, որի ընթացքում իրեն ծեծի են ենթարկել, իսկ Անդրանիկը պահանջել է իրենց տալ իր մոտի եղած բոլոր իրերը` հակառակ դեպքում սպառնացել են կրկին ծեծի ենթարկել, իսկ ինքը այդ ամենից վախեցած Անդրանիկին է տվել իր մետ եղած երկու բջջային հեռախոսները և «999» բարի մուտքի դռան բանալիները։ Միաժամանակ Ա. Վարդանյանը պահանջել է իրենից նաև 100.000 ՀՀ դրամ և առաջարկել այդ գումարը վերցնել «999» բար-սրճարանի դրամարկղից, հակառակ դեպքում սպառնացել են կրկին ծեծի ենթարկել։ Այդ ամենից վախեցած, ստիպողաբար ենթարկվել է Ա. Վարդանյանի, Ս. Հարթենյանի և Է. Շահինյանի պահանջներին և նրանց պահանջով նստելով պատահական տաքսի ավտոմեքենա, միասին ուղևորվել են Խանջյան 33 հասցեում գործող «999» բար-սրճարան։ Տեղում Անդրանիկի, Էդգարի և Սենիկի պահանջով բացել է բարի ինչպես կետրոնական, այնպես էլ բակի կողմի մուտքի դռները, միասին ներս են մտել բար, որտեղ Անդրանիկը, Սենիկը և էդգարը բարի դրամարկղից վերցրել են 15.000 ՀՀ դրամ գումար և 50.000 ՀՀ դրամի տարբեր տեսակի զովացուցիչ և ալկոհոլային խմիչքներ, որից հետո հետևից ծանր առարկայով հարված է ստացել գլխի շրջանում, որի հետևանքով ինքն ուշագնաց է եղել և վայր ընկել, իսկ երբ ուշքի է եկել, տեսել է, որ նրանք հեռացել են, իսկ իրենից վերցրած երկու բջջային հեռախոսները քանդված և գցած են եղել գետնին։ Դեպքի մասին առավոտյան պատմել է տնօրեն Արթուր Ավագյանին։
Հիշյալ ցուցմունքը Ս. Գասպարյանը պնդել է Անդրանիկ Վարդանյանի, Սենիկ Հարթենյանի և Էդգար Շահինյանի հետ առերես հարցաքննության ժամանակ։

Հատոր 1 գ.թ. 166-169, 200-201, 202-203, 241-242, 243-244
Տուժող Դավիթ Ռազմիկի Սարգսյանի ցուցմունքով այն մնասին, որ 2012թ. փետրվարի 3-ին ժամը 09.30-ին գնացել է իրեն պատկանող Երևան քաղաքի Մայիսի 9 փողոցի 9 շենքի 1ա հասեում գտնվող արվեստանոց և նկատել, որ արվեստանոցի մուտքի դռան փականը պտուտակներից թուլացված է եղել, որից հետո ներս մտնելով նկատել է նաև, որ արվեստանոցի պատուհանը բաց է, ու հասկացել, որ արվեստանոցից կատարվել է գողություն։ Հայտնաբերել է, որ արվեստանոցից հափշտակվել են իրեն պատկանող համակարգիչը, 4 հատ 14 դույմ տրամաչափի «Օփել Աստրա» մակնիշի ավտոմեքենայի ամառային անվադողեր` արտասահմանյան արտադրության անվահեծերով, «LG» գերհարթ մոնիտոր, մեկ հատ էլեկտրական շաղափ, մեկ հատ էլեկտրական սղոց, գլոբուսի պատվանդան, 3 հատ գրքի պղնձե պահպանակներ, որոնց վրա փորագրված են եղել աստվածաշնչի կազմ, 40.000 ՀՀ դրամ գումար, օրանժ տեսակի ինտերնետային մոդեմ, վեբ տեսախցիկ իր երկու բարձրախոսներով ու դիտակով, «Սամսունգ» և «Նոկիա» տեսակի լիցքավորիչներ` պատճառելով գույքային վնաս։
Հատոր 1 գ.թ.12, 15, հատոր 3 գ.թ. 93
Տուժող Սվետլանա Հրանտի Հովսեփյանի ցուցմունքով այն մասին, որ գտնվելով հիվանդանոցում բուժման մեջ, 2011թ. հոկտեմբերի 22-ին իրեն զանգահարել է իր քույր Սիլվա Հովսեփյանը և հայտնել, որ նախորդ օրը` 21.10.2011թ. իր բնակարանից գողություն է կատարվել ։ Մի քանի օր անց վերադառնալով տուն հայտնաբերել է, որ լինգի գործադրմամբ բացել են իրեն պատկանող Երևան քաղաքի Եղիշե Թադևոսյան նրբանցքի 7-րդ շենքի 2-րդ հարկում գտնվող թիվ 5 բնակարանի պատուհանը, որտեղից ներս են մտել և գողացել տարբեր զարդեր, ինչպես նաև հետագայում տեղեկացել է, որ փորձել են գողանալ նաև իրեն պատկանող «Դիվիդի» նվակարգիչը, սակայն չեն կարողացել այն գողանալ, քանի որ բնակարանի մուտքի դռան մոտ լսել են ձայներ և դիմել փախուստի։ Նշել է նաև, որ հետագայում տեղեկացել է, որ նշված գողությունը կատարել են իր նախկին հարևան Սենիկ Հարթենյանը և նրա ընկերը։
Հատոր 2 գ.թ. 10-11, 41, 167-168
Տուժող Սուրեն Ռաֆիկի Ստեփանյանի ցուցմունքով այն մասին, որ իրենց Երևան քաղաքի Մայիսի 9 փողոցի 10 շենքն ունի նկուղ, նկուղի մուտքի դռնից ներս գտնվում են առանձին շուրջ 4 նկուղներ, որոնց մուտքի դռները նույնպես կողպված են և դրանց բանալիներն արդեն գտնվում են փաստացի օգտագործող բնակիչների մոտ։ 27.12.2012թ. իրենց տան վերանորոգման աշխատանքները ավարտելուց հետո շինանյութի որոշ մասեր, որոնք ավելացել են, տեղափոխել է նկուղ, որից հետո այն նորից կողպել և գնացել է տուն։ Հաջորդ օրը 28.12.2012թ. ժամը 09։00-ի սահմաններում խոհանոցային պարագաներ վերցնելու նպատակով գնացել է նկուղ և նկատել, որ նկուղի մուտքի դռան կախովի փականը կոտրված է, իսկ դուռը կիսաբաց, ու ներս մտնելով հայտնաբերել է, որ նկուղից գողացել են 2 շիշ քացախ, մեկ հատ ալյումինե կաթսա և 2 հատ ալյումինե ալյուրամաղ` ընդհանուր պատճառելով 6.000 ՀՀ դրամի գույքային վնաս։ Հետագայում ոստիկանությունից տեղեկացել է, որ նկուղից գողություն կատարողը եղել է Անդրանիկ Վարդանյանը։
Հատոր 3 գ.թ. 134-136
Տուժող Վանուշ Արծրունու Բարսեղյանի ցուցմունքով այն մասին, որ իրենց` Երևան քաղաքի Նիզամի 2 շենքն ունի ընդհանուր նկուղ մուտքի երկաթյա դոռնով, որից ներս գտնվում են շուրջ 6-7 նկուղներ, որոնց դռները առանձին կողպվում են։ 06.12.2012թ. ժամը 14։00-ի սահմաններում գնացել է իրեն պատկանող նկուղ և իրեն անհրաժեշտ առարկաներ վերցնելուց հետո կողպել է դուռը և գնացել է։ Հաջորդ օրը առավոտյան ժամը 09։00-ի սահմաններում շենքի հարևաններից մեկից տեղեկացել է, որ ընդհանուր նկուղի դռան կախովի կողպեքը և ներսի նկուղի դռների փականները կոտրված են։ Ինքն անմիջապես գնացել է նկուղ և հայտնաբերել, որ իրեն պատկանող նկուղից գողացվել է ընդհանուր 6.000 ՀՀ դրամ արժողության 20 մետր երկարության 4 մմ հաստության պղնձե լար։
Հատոր 3 գ.թ. 139-141
Տուժող Սերյոժա Մացակի Խարազյանի ցուցմունքով այն մասին, որ իրենց Երևան քաղաքի Գարեգին Նժդեհի 19 շենքն ունի նկուղ, որի դուռը մշտապես կողպված է կախովի կողպեքով։ 15.01.2012թ. ժամը 00։10-ին տուն վերադառնալիս նկատել է, որ նկուղի դռան կոպեքը վնասված չի եղել։ Առավոտյան ժամը 09։00-ի սահմաններում տանից դուրս գալուց նկատել է, որ մեր շենքի նկուղի դռան կողպեքը կոտրված է, իսկ դուռը բաց և մտնելով ներս հայտնաբերել է, որ իրեն պատկանող ընդհանուր 18.000 ՀՀ դրամ արժողության վեց հատ յուրաքանչյուրը 10 սեկցիանոց ջեռուցման չուգունե մարտկոցները գողացված են։
Հատոր 3 գ.թ. 145-147
Տուժող Հռիփսիմե Ցոլակի Վարդևանյանի ցուցմունքով այն մասին, որ Երևան քաղաքի Նիզամի 2 շենքն ունի ընդհանուր մեծ նկուղ, որտեղ ինքն ունի իրեն պատկանող առանձին նկուղ, որի դուռը մշտապես կողպված է կախովի կողպեքով։ 06.12.2011թ. ժամը 20։00-ի սահմաններում գնացել է նկուղ, աշխատել և գնացել է տուն։ Հաջորդ օրը` 07.12.2011թ. ժամը 09։00-ի սահմաններում գնացել է բակ և նկատել, որ նկուղի դռան կոպեքը բացակայում է, որից հետո ներս է մտել նկուղ և հայտնաբերել, որ այնտեղից կատարվել է գողացվել էընդհանուր 17.000 ՀՀ դրամ արժողության 5 մետր երկարության 2 մմ հաստության պղնձե լար, 4 լիտր տարողության ալյումինե կաթսա, կարի մեքենայի պնձե գլխամաս։
Հատոր 3 գ.թ. 157-159
Տուժող Մարինե Հայկազի Հայրապետյանի ցուցմունքով այն մասին, որ իրենց` Երևան քաղաքի Մայիսի 9 փողոցի 11 շենքն ունի նկուղ, որի մետաղական դուռը մշտապես կողպված է եղել մետաղական լարով։ 09.12.2011թ. ժամը 20։00-ի սահմաններում գտնվելով շենքի բակում նկատել է, որ նկուղի դուռն անվանաս է, այսինքն մետաղական լարով կողպված է եղել։ Հաջորդ օրը` 10.12.2011թ. ժամը 09։00-ի սահմաններում բակ իջնելով նկատել է, որ նկուղի դռան մետաղական լարը բացակայում է, որից հետո հարևաններից տեղեկացել է, որ նույն օրը գիշերը ժամը 05։00-ի սահմաններում, անհայտ անձը մոտեցել է իրենց նկուղի մուտքի դռանը և փորձել է բացել մետաղական լարը, սակայն նույն պահին շենքի մոտակա վայրից գոռացել են, որից այդ անծանոթը փախուստի է դիմել։ Նշել է նաև, որ իրեն պատկանող նկուղում եղել է կենցաղային իրեր, պահածոներ, վառելափայտ, ալյումինե և պղնձե կաթսաներ և այլ իրեր։
Հատոր 3 գ.թ. 169-171
Տուժող Մանուկ Խորենի Հովհաննիսյանի ցուցմունքով այն մասին, որ Երևան քաղաքի Եղբայրության 13 հասցեում ունի իրեն պատկանող խորդանոց, որի դուռը մշտապես կողպված է եղել կախովի կողպեքով։ Նշված խորդանոց վերջին անգամ գնացել է 22.01.2012թ. ժամը 20։00-ի սահմաններում, այնտեղ դրել է ալյումինե պառկելաթախտ, երկու հատ «Արիզոնա» տեսակի 17 տրամաչափի կիսամաշված անվադողեր և «ԲՄՎ» 318 մակնիշի ավտոմեքենայի չաշխատող ամորտիզատորներ ու գնացել տուն։ Հաջորդ օրը, 23.01.2012թ. ժամը 10։00-ին նորից գնացել է խորդանոց, այնտեղից ալյումինե պառկելաթախտը վերցնելու նպատակով և հայտնաբերել է, որ խորդանոցի մուտքի դռան կախովի կողպեքը բացակայում է, իսկ դուռը բաց է։ Ներս մտնելով հայտնաբերել է, որ այնտեղից գողացել են 2 հատ անվադողերը, 2 հատ ամորտիզատորները և ալյումինե պառկելաթախտը։
Հատոր 3 գ.թ. 180-182
Վկա Արթուր Միշիկի Ավագյանի ցուցմունքով այն մասին, որ հանդիսանում եմ «Կարեն-Կարինե» արտադրական կոոպերատիվի տրորեն և հիշյալ ԱԿ-ն զբաղվում է հանրային սննդի առևտրով, որն իր մեջ ներառում է Երևան քաղաքի Խանջյան 33 հասցեում գործող «999» բար-սրճարանը։ Նշված բարում որպես բարմեն 2011թ. աշնանից մինչև 2012թ. ապրիլ ամիսը աշխատել է Սուրեն Սեյրանի Գասպարյանը։ 2012թ. հունվարի 17-ին երեկոյան Սուրենն իրեն պատմել է, որ բարի դրամարկղից իր ծանոթ Անդոյին պարտքով 21.000 ՀՀ դրամ է տվել նույն օրը հետ վերադարձնելու պայմանով, սակայն չի վերադարձրել և իրեն է տվել Անդոյի բջջային հեռախոսահամարը։ Հաջորդ օրը զանգահարել է Անդոյին, ներկայացել որպես բարի տնօրեն և հետաքրքրվել թե ինչու չի վերադարձնում Սուրենից վերցրած 21.000 ՀՀ դրամը, որին Անդոն պատասխանել է, որ գումարը կվերադարձնի 2-3 օրվա ընթացքում։ 22.01.2012թ. առավոտյան գնացել է աշխատանքի, որտեղ Սուրենը պատմել է, որ նախորդ օրը երեկոյան նույն Անդոն ընկերների հետ իրեն կանչել են «Հայրենիք» կինոթատրոնի մոտ` խոստանալով վերադարձնել պարտքով վերցրած գումարը, սակայն այնտեղ Անդոն և նրա երկու ընկերներ կյաժն ու Սենոն ծեծի են ենթարկել, այնուհետև ստիպողաբար նստեցրել են տաքսի ավտոմեքենա և տարել բար, բացել են բարի դիմացի դուռը, ներս են մտել, այնուհետև այնտեղից Անդոն և ընկերները վերցրել են 50.000 ՀՀ դրամի տարբեր տեսակի ալկոհոլային և զովացուցիչ խմիչքներ, 15.000 ՀՀ դրամ կանխիկ գումար, այնուհետև նրանցից մեկը հետևից ինչ-որ առարկայով հարվածել է գլխին, որից ուշագնաց է եղել և ընկել է գետնին, իսկ երբ արթնացել է, տեսել է, որ նրանք այլևս այնտեղ չեն եղել։ Երբ այդ ամենը Սուրենը պատմել է իրեն, ինքը նրա դեմքին և գլխին նկատել է վնասվածքներ։
Հատոր 4 գ.թ. 27-30
Վկա Վարդան Հարությունի Հարությունյանի ցուցմունքով այն մասին, որ բնակվում է Ե. Թադևոսյան 7 շենքի 2-րդ բնակարանում և ճանաչում է նույն շենքի թիվ 5 բնակարանի բնակիչ Սվետլանա Հովսեփյանին։ 2011թ. հոկտեմբերի 15-ից Ս. Հովսեփյանը գտնվել է հիվանդանոցում և այդ օրերի ընթացքում խնդրել է իրեն հետևել բնակարանին։ 2011թ. հոկտեմբերի 22-ին ժամը 04։30-ի սահմաններում վերևի նհարկում գտնվող գտնվող Ս. Հովսեփյանի բնակարանից լսել է տարօրինակ և արտառոց, այդ թվում ոտնաձայներ։ Այնուհետև բարձրացել է երրորդ հարկ, թակել Ս. Հովսեփյանի դուռը ու տեսնելով, որ որևէ մեկը չի պատասխանում, վերադարձել է տուն և անմիջապես զանգահարել Ս. Հովսեփյանի քրոջը` Սիլվա Հովսեփյանին և տեղեկացրել կատարվածի մասին։ Մեկ-երկու ժամ անց իր բնակարան է եկել Սիլվա Հովսեփյանը, միասին բարձրացել են երրորդ հարկ և բացելով բնակարանի մուտքի դուռը` տեսել են, որ բնակարանը խառնված և թափթփված վիճակում է և հասկացել են, որ Ս. Հովսեփյանի բնակարանից գիշերը կատարվել է գողություն։ Հետագայում տեղեկացել է, որ բնակարանի գողություն կատարողներից մեկը հանդիսանում է Սենիկ Հարթենյանը։
Հատոր 2 գ.թ. 180-181
Վկա Ռաֆայել Հրաչյայի Բրուտյանի ցուցմունքով այն մասին, որ 2012թ. փետրվարի 3-ին, ժամը 10 ։00-ի սահմաններում, իրենց` Երևանի Շարուրի փողոցի 20 շենքի 29 բնակարան են եկել իր ծանոթներ Անդրանիկ Վարդանյանը և Ե. Սավեցկին, իրենց հետ բերել են չորս հատ անվադող իր անվահեծերով և իրեն չհայտնելով դրանց ձեռք բերման աղբյուրը, դրանք թողել են իրենց տանը և խոստանալով, որ մի քանի ժամից դրանք հետ կտանեն, հեռացել են։ Նույն օրը երեկոյան Ա. Վարդանյանը և Ե. Սավիցկին եկել են իրենց տուն` անվադողերը տանելու, սակայն այդ ժամանակ իրենց տուն են այցելել ոստիկանության Շենգավիթի բաժնի Չարբախի բաժանքունքի աշխատակիցները և իրեն, Ա. Վարդանյանի ու Ե. Սավիցկու հետ բերման ենթարկել ոստիկանություն, որտեղ էլ ինքը տեղեկացել է, որ նշված անվադողերն իր անվահեծերով Ա. Վարդանյանն ու Ե. Սավեցկին գողացել են ինչ-որ տեղից։
Հատոր 1 գ.թ. 115-117
Անձին ճանաչման ներկայացնելու արձանագրությամբ այն մասին, որ տուժող ճանաչված Սուրեն Սեյրանի Գասպարյանը զննելով իրեն ճանաչման ներկայացված անձանց, մատնացույց է արել Անդրանիկ Վահանի Վարդանյանին և նշել, որ հենց նա 2012թ. հունվարի 21-ին, ժամը 00 ։30-ի սահմաններում, Գ. Նժդեհի հրապարակում գտնվող շենքերից մեկի բակում Էդգար Շահինյանի և Սենիկ Հարթենյանի հետ միասին իրեն ծեծի է ենթարկել, այնուհետև ստիպողաբար, իր կամքին հակառակ, տաքսի ավտոմեքենայով տեղափոխել Երևանի Խանջյան փողոցի վրա գտնվող «999» բար, որտեղ կրկին ծեծի ենթարկել, այնուհետև բարից հափշտակել տարբեր տեսակի խմիչքներ և գումար, որից հետո հեռացել։
Հատոր 1 գ.թ. 197

Անձին ճանաչման ներկայացնելու արձանագրությամբ այն մասին, որ տուժող ճանաչված Սուրեն Սեյրանի Գասպարյանը զննելով իրեն ճանաչման ներկայացված անձանց, մատնացույց է արել Սենիկ Արայիկի Հարթենյանին և նշել, որ հենց նա 2012թ. հունվարի 21-ին, ժամը 00 ։30-ի սահմաններում, Գ. Նժդեհի հրապարակում գտնվող շենքերից մեկի բակում Էդգար Շահինյանի և Անդրանիկ Վարդանյանի հետ միասին իրեն ծեծի է ենթարկել, այնուհետև ստիպողաբար, իր կամքին հակառակ, տաքսի ավտոմեքենայով տեղափոխել Երևանի Խանջյան փողոցի վրա գտնվող «999» բար, որտեղ կրկին ծեծի ենթարկել, այնուհետև բարից հափշտակել տարբեր տեսակի խմիչքներ և գումար, որից հետո հեռացել։
Հատոր 1 գ.թ. 237-238
Անձին ճանաչման ներկայացնելու արձանագրությամբ այն մասին, որ տուժող ճանաչված Սուրեն Սեյրանի Գասպարյանը զննելով իրեն ճանաչման ներկայացված անձանց, մատնացույց է արել Էդգար Արթուրիկի Շահինյանին և նշել, որ հենց նա 2012թ. հունվարի 21-ին, ժամը 00 ։30-ի սահմաններում, Գ. Նժդեհի հրապարակում գտնվող շենքերից մեկի բակում Սենիկ Հարթենյանի և Անդրանիկ Վարդանյանի հետ միասին իրեն ծեծի է ենթարկել, այնուհետև ստիպողաբար, իր կամքին հակառակ, տաքսի ավտոմեքենայով տեղափոխել Երևանի Խանջյան փողոցի վրա գտնվող «999» բար, որտեղ կրկին ծեծի ենթարկել, այնուհետև բարից հափշտակել տարբեր տեսակի խմիչքներ և գումար, որից հետո հեռացել։
Հատոր 1 գ.թ. 239-240
Քննչական փորձարարության վերաբերյալ կազմված արձանագրությամբ այն մասին, որ կասկածյալ Եվգենի Վասիլիի Սավեցկին մատնանշելով Երևան քաղաքի Մայիսի 9 փողոցի թիվ 9 շենքի նկուղային հարկում գտնվող արհեստանոցը հայտարարել է, որ հիշյալ հասցեից ինքն իր մորաքրոջ որդի Անդրանիկ Վարդանյանի հետ կատարել են գողություն։
Հատոր 1 գ.թ. 50-54
Քննչական փորձարարության վերաբերյալ կազմված արձանագրությամբ այն մասին, որ կասկածյալ Անդրանիկ Վահանի Վարդանյանը մատնանշելով Երևան քաղաքի Մայիսի 9 փողոցի թիվ 9 շենքի նկուղային հարկում գտնվող արհեստանոցը հայտարարել է, որ հիշյալ հասցեից ինքն իր մորաքրոջ որդի Եվգենի Սավեցկիի հետ կատարել են գողություն։ Այնուհետև մատնացույց է արել այն վայրերը, որտեղից միայնակ կատարել է գողություններ` մասնավորապես. Երևանի Մայիսի 9 փողոցի 10 շենքի նկուղը, Երևանի Մայիսի 9 փողոցի 9ա շենքի նկուղը, Երևանի Գ.Նժդեհի փողոցի 19 շենքի նկուղը, Երևանի Եղբայրության փողոցի 13 շենքի մոտ գտնվող 23 համարի ավտոտնակին հարակից խորդանոցը, Երևանի Նիզամի փողոցի թջվ 2 շենքի երեք նկուղները, Երևանի Մայիսի 9 փողոցի 11 շենքի նկուղը, որտեղից ցանկացել է կատարել գողություն, սակայն մոտակայքում նկատել է մարդկանց, ինչի պատճառով հեռացել է և չի կարողացել որևէ իր գողանալ։
Հատոր 1 գ.թ. 55-68
Սենիկ Արայիկի Հարթենյանի մասնակցությամբ կատարված դեպքի վայրի զննությամբ այն մասին, որ Ս. Հարթենյանը մատնանշելով գործով տուժող Սվետլանա Հովսեփյանի Երևան քաղաքի Եղիշե Թադևոսյան փողոցի 7 շենքի 5-րդ բնակարանի ննջարանի պատուհանը, հայտարարել է, որ 12.10.2011թ. ժամը 03։30-ի սահմաններում նշված պատուհանից են ինքն ու Կ. Առաքելյանը մոտք գործել բնակարան և այնտեղից կատարել գողություն։
Հատոր 2 գ.թ. 33-34
Երևան քաղաքի Գ. Նժդեհի 56ա շենքի 818 սենյակում կատարված խուզարկության արձանագրությամբ այն մասին, որ կասկածյալ Սենիկ Արայիկի Հարթենյանը մինչ խուզարկություն սկսելը բնակարանի լոգարանի էլեկտրական ջրատաքացուցիչի վրայից կամովին ներկայացրել է պոլիէթիլենային փաթեթ, որի մեջ եղել են Սվետլանա Հովսեփյանի բնակարանից հափշտակված զարդերը։
Հատոր 2 գ.թ. 28-29

Դատաբժշկական փորձաքննության թիվ 164 եզրակացությամբ այն մասին, որ Սուրեն Սեյրանի Գասպարյանի առողջությանը պատճառվել է թեթև վնաս` առողջության թեթև քայքայումով` քթի մեջքի, ձախ հոնքի դրսային մակերեսի քերծվածքների, ծոծրակային շրջանի արյունահավաքի ձևերով։
Հատոր 1 գ.թ. 191-192
Դատահետքաբանական փորձաքննության թիվ 2161 եզրակացությամբ այն մասին, որ փորձաքննությանը ներկայացված վրադիր փականին պատկանող, դռան շրջանակի վրա տեղակայվող մետաղյա դետալի մակերեսներին առկա են մեխանիկական բնույթի վնասվածքներ, որոնք հնարավոր է առաջանային պինդ մամնի ներգործության` սեղմելու, հարվածելու հետևանքով, ինչի արդյունքում վերջինս վնասվել` ծռվել և դեֆորմացվել է և բացվել է դուռը։
Հատոր 2 գ.թ. 127-131
Դատաապրանքագիտական փորձաքննության թիվ 11-3411 եզրակացությամբ այն մասին, որ ներկայացված դեղին գույնի մետաղից պատրաստված թվով մեկ մետաղյա ականջօղը և ականջօղի փականը պատրաստված են 925 հարկի արծաթի համաձուլվածքից, որոնց արտաքին մակերեսը ոսկեպատ է։ Սպիտակ մետաղից պատրաստված շղթան պատրաստված է 925 հարկի արծաթի համաձուլվածքից։ Սպիտակ մետաղից պատրաստված շղթայի կտորները պատրաստված են 925 հարկի արծաթի համաձուլվածքից։ Սպիտակ մետաղից պատրաստված մազերի ամրակը պատրաստված է պղինձ-նիկել-ցինկ համաձուլվածքից։ Սպիտակ մետաղից պատրաստված երկու ականջօղերը պատրաստված են պղինձ-նիկել-ցինկ համաձուլվածքից։ Սպիտակ մետաղից պատրաստված զարդը պատրաստված է անագ-կապար համաձուլվածքից, որի արտաքին մակերեսը պատված է նիկելի շերտով։
Դեղին մետաղից պատրաստված զարդը պատրաստված է պղինձ-ցինկ համաձուլվածքից։
Փորձաքննությանը տրամադրված օբյեկտների միջին շուկայական արժեքները 2011թ. հոկտեմբերի 22-ի դրությամբ կարող է կազմել 7.700 ՀՀ դրամ։
Հատոր 2 գ.թ. 164-166, 169-173
Դատաապրանքագիտական փորձաքննության թիվ ապ 97 եզրակացությամբ այն մասին, որ փորձաքննությանը տրամադրված «Պանասոնիկ» տեսակի ԴՎԴ նվակարգչի միջին շուկայական արժեքը 2011թ. հոկտեմբերի 22-ի դրությամբ առկա ապրանքային վիճակի հաշվառմամբ գնահատվում է 13.000 ՀՀ դրամ։
Հատոր 2 գ.թ. 205-206
Դատաապրանքագիտական փորձաքննության թիվ 126-ապ եզրակացությամբ այն մասին, որ փորձաքննությանը տրամադրված երկու անվադողերը «Արիզոնա» տեսակի են Պ235/-65 Ռ 17 չափի են, արտասահմանյան արտադրության, օգտագործված են` վազքագոտու նախշազարդերի մոտ 40 տոկոս հավասարաչափ մաշվածությամբ։ Փորձաքննությանը տրամադրված անվադողերն օգտագործված են, ունեն բավարար ապրանքային տեսք, պիտանի են հետագա նպատակային օգտագործման համար, դրանց ընդհանուր շուկայական արժեքը գնահատվում է 26.000 ՀՀ դրամ։
Փորձաքննությանը տրամադրված ավտոմեքենայի համար նախատեսված թվթվ երկու հատ գազային մեղմիչները փորձաքննության պահին գտնվում են անաշխատունակ վիճակում, պիտանի չեն հետագա նպատակային օգտագործման համար, ինչից ելնելով դրանց շուկայական արժեք չի տրվում։
Փորձաքննությանը տրամադրված թվով չորս հատ անվադողերն առանց օդախուցերի մոնտաժված են անվահեծերի վրա։ Անվադողերը «Էսքապադ» տեսակի են, Պ185/65 Ռ14 չափի, արտասահմանյան արտադրության, օգտագործվոծ են` վազքագոտու նախշազարդերի մոտ 20 տոկոս հավասարաչափ մաշվածությամբ։ Անվահեծերը ձուլածո են, հինգ թևանի, արծաթագույն, առանց էական դեֆորմացիաների։ Փորձաքննությանը տրամադրված անվադողերն իրենց անվահեծերով օգտագործված են, ունեն բավարար ապրանքային տեսք, պիտանի են հետագա նպատակային օգտագործման համար, դրամց ընդհանուր շուկայական արժեքը գնահատվում է 100.000 ՀՀ դրամ։
Փորձաքննությանը տրամադրված թվով երկու հատ համակարգչի պրոցեսորի միացման լարերը, ինչպես նաև USB միացման լարը օգտագործված են, պիտանի են հետագա նպատակային օգտագործման համար, դրանց ընդհանուր շուկայական արժեքը գնահատվում է 2.000 ՀՀ դրամ։
Փորձաքննությանը տրամադրված բջջային հեռախոսի «Սամսունգ» և «Նոկիա» տեսակի լիցքավորիչ սարքերը չինական արտադրության են, օգտագործված են, պիտանի են հետագա նպատակային օգտագործման համար, դրամց ընդհանուր շուկայական արժեքը գնահատվում է 2.000 ՀՀ դրամ։
Փորձաքննությանը տրամադրված համակարգչի վեբ տեսախցիկն արտասահմանյան արտադրության է պլաստմասյա իրանով, երկու կողային բարձրախոսներով և դիտակով։ Վեբ տեսախցիկն օգտագործված է, պիտանի հետագա նպատակային օգտագործման համար, դրա միջին շուկայական արժեքը գնահատվում է 2.000 ՀՀ դրամ։
Փորձաքննությանը տրամադրված USB ինտերնետային մոդեմը «ORANGE» տեսակի է, «ՄՖ637» մոդելի, չինական արտադրության։ Ինտերնետային մոդեմն օգտագործված է, պիտանի է հետագա նպատակային օգտագործման համար, դրա միջին շուկայական արժեքը գնահատվում է 8.000 ՀՀ դրամ։
Փորձաքննությանը տրամադրված էլեկտրական շաղափը «Վիգեքս» տեսակի է, «ՊԱ6ԳՖ30» մոդելի, արտասահմանյան արտադրության, աշխատում է հոսանքի 50/60 հերց հաճախականությամբ, 220-240 վոլտ լարումով, 710 վատ հզորությամբ, 7800 պտույտ/րոպե։ Շաղափն ունի կապույտ գույնի պլաստմասե իրան, սև գույնի թողարկման վիճակ, գայլիկոնի աջ և ձախ պտտվելու հնարավորություն։ Էլեկտրական շաղափն օգտագործված է, պիտանի է հետագա նպատակային օգտագործման համար, դրա միջին շուկայական արժեքը գնահատվում է 10.000 ՀՀ դրամ։
Փորձաքննությանը տրամադրված էլեկտրական սղոցը «Կոլտ» տեսակի է, գերմանական արտադրության, աշխատում է հոսանքի 50/60 հերց հաճախականությամբ, 220-240 վոլտ լարումով, 750 վատ հզորությամբ, 3000 պտույտ/րոպե։ Սղոցն ունի սև գույնի պլաստմասե իրան, կանար գույնի թողարկման վիճակ։ Էլեկտրական սղոցն օգտագործված է, պիտանի է հետագա նպատակային օգտագործման համար, դրա միջին շուկայական արժեքը գնահատվում է 12.000 ՀՀ դրամ։
Փորձաքննությանը տրամադրված համակարգչային պրոցեսորը «intel Pentium Dual-Core E5200» տեսակի է, 60 գեգաբայթ ինֆորմացիայի ծավալով, արագագործությունը 512 մեգաբայթ, տուփը «Իտ պլազա» տեսակի` մետաղական իրանով։ Պրոցեսորն ունի SDR և DVDR սկավառակակիրներ, օմբորտ տեսաքարտ։ Առկա ապրանքային վիճակի հաշվառմամբ փորձաքննությանը տրամադրված համակարգչային պրոցեսորի միջին շուկայական արժեքը գնահատվում է 120.000 ՀՀ դրամ։
Փորձաքննությանը տրամադրված համակարգչի մոնիտորը «ԼՋ» տեսակի է, «Ֆլատրոն W1934S» մոդելի, արտասահմանյան արտադրության, սև հիմնագույնի պլաստմասե իրանով, հարթ էկրանն ունի 19 դյույմ անկյունագիծ։ Մոնիտորն օգտագործված է, ունի բավարար ապրանքային տեսք, գտնվում է աշխատունակ վիճակում, միջին շուկայական արժեքը գնահատվում է 25.000 ՀՀ դրամ։
Հատոր 3 գ.թ. 86-88
Առարկանաները ճանաչման ներկայացնելու վերաբերյալ կազմված արձանագրությամբ այն մասին, որ տուժող Դավիթ Սարգսյանը զննելով իրեն ճանաչման ներկայացված առարկաները ճանաչեց 4 հատ «Էսկապադ» տեսակի անվադողերն իր անվահեծերով, «ԼՋ» տեսակի համակարգչային մոնիտորը, համակարգչային պրոցեսորը, գլոբուսի չուգունե պատվանդանը, էլեկտրական սղոց, Էլեկտրական շաղափը, «Օրանժ» տեսակի ինտերնետայի մոդեմը, վեբ տեսախցիկը երկու կողային բարձրախոսներով և դիտակով, «Սամսունգ» և «Նոկիա» տեսակի լիցքավորիչները, որոնք 03.02.2012թ. հափշտակվել էին իր արվեստանոցից։
Հատոր 3 գ.թ. 94-95

Առարկանաները ճանաչման ներկայացնելու վերաբերյալ կազմված արձանագրությամբ այն մասին, որ տուժող Սվետլանա Հովսեփյանը զննելով իրեն ճանաչման ներկայացված առարկաները ճանաչեց 1 հատ ականջօղը /արծաթե ոսկեջրած/, արծաթե շղթան, արծաթե շղթայի կտորները, 1 զույգ ականջօղը /մելքիոր/, մազերի ամրակը, հագուստի զարդը /գունավոր քարերով/, հագուստի զարդը։
Հատոր 2 գ.թ. 208-209
Առարկանաները ճանաչման ներկայացնելու վերաբերյալ կազմված արձանագրությամբ այն մասին, որ տուժող Մանուկ Հովհաննիսյանը զննելով իրեն ճանաչման ներկայացված առարկաները ճանաչեց երկու զույգ հարվածամեղմիչները և երկու հատ «Արիզոնա» տեսակի անվադողերը։
Հատոր 3 գ.թ. 183
Այլ փաստաթղթերն ապացույց ճանաչելու մասին որոշմամբ այն մասին, որ առարկաները ներկայացնելու վերաբերյալ 03.02.2012թ. կազմված արձանագրություններն ու քննության ընթացքում «Ղ-Տելեկոմ» ՓԲԸ-ից ստացված Ս.Հարթենյանի և Կ.Առաքելյանի կողմից օգտագործված բջջային հեռախոսահամարների վերծանումները ևս հանդիսանում են քրեական գործի համար կարևոր ապացուցողական նշանակություն ունեցող փաստաթղթեր։
Հատոր 4 գ.թ. 97-100
Իրեղեն ապացույց ճանաչված և ի պահ հանձնված VA7EA002615R գործարանյին համարով «Պանասոնիկ» ֆիրմայի ԴԻ-ՎԻ-ԴԻ նվագարկիչով, 1 հատ ականջօղով /արծաթե ոսկեջրած/, արծաթե շղթայով, արծաթե շղթայի կտորներով, 1 զույգ ականջօղով /մելքիոր/, ազերի ամրակով, հագուստի զարդով /գունավոր քարերով/ և հագուստի զարդով /մելքիոր/։
Հատոր 2 գ.թ. 210
Իրեղեն ապացույց ճանաչված և ի պահ հանձնված ավտոմեքենայի համար նախատեսված 2 հարվածամեղմիչով և 2 անվադողերով։
Հատոր 3 գ.թ. 186-188
Իրեղեն ապացույց ճանաչված և ի պահ հանձնված 4 հատ «Էսկապադ» տեսակի անվադողերն իր անվահեծերով, համակարգչի պրոցեսորով, «ԼՋ» տեսակի համակարգչային մոնիտորով, էլեկտրական սղոցով, էլեկտրական շաղափով, գլոբուսի չուգունե պատվանդանով, «Օրանժ» տեսակի ինտերնետային մոդեմով, վեբ տեսակցիկն իր երկու բարձրախոսով և դիտակով, «Սամսունգ» և «Նոկիա» տեսակի լիցքավորիչներով։
Հատոր 3 գ.թ. 97»։
2012թ. հուլիսի 18-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Ամբաստանյալ Կորյուն Կարապետի Առաքելյանն ուրիշի գույքի գաղտնի հափշտակություն կատարելու դիտավորությամբ, նախնական համաձայնության գալով իր հարևան, ամբաստանյալ Սենիկ Արայիկի Հարթենյանի հետ, 2011թ. հոկտեմբերի 22-ին, ժամը 03։30-ի սահմաններում, լինգի գործադրմամբ բացել են տուժող Սվետլանա Հրանտի Հովսեփյանին պատկանող, Երևան քաղաքի Եղիշե Թադևոսյան նրբանցքի թիվ 7 շենքի թիվ 5 բնակարանի պատուհանը, որտեղից ապօրինի մուտք են գործել ներս և փորձել են գաղտնի հափշտակել 20.700 ՀՀ դրամ ընդհանուր արժողության տարբեր տեսակի զարդեր, «Դիվիդի» նվագարկիչ, սակայն բնակարանի մուտքի դռան թակոցի ձայներ լսելով` թողնելով նվագարկիչը դիմել են փախուստի և իրենց կամքից անկախ հանգամանքներով հանցագործությունն ավարտին չեն հասցրել։
Ամբաստանյալներ Անդրանիկ Վահանի Վարդանյանը, Սենիկ Արայիկի Հարթենյանը և Էդգար Արթուրիկի Շահինյանը տուժող Սուրեն Գասպարյանին ճանաչել են որպես «999» բար-սրճարանի բարապան, նրա հետ գտնվել են ընկերական հարաբերությունների մեջ, հանդիսացել են այդ բար-սրճարանի հաճախորդներ։ Տուժող Սուրեն Գասպարյանն ունեցել է շուրջ 200.000 ՀՀ դրամ գումարի պարտքեր, որոնցից 150.000-ը` հանդիսացել է բար-սրճարանի ապրանքների իրացման գումար, 50.000-ը` այլ պարտքեր։ Այդ պարտքերը մարելու նպատակով, ամբաստանյալ Անդրանիկ Վարդանյանի առաջարկով նա որոշել է ապառիկ կարգով հեռուստացույց գնել, այն վաճառել Անդրանիկ Վարդանյանին և ստացած գումարով մարել նշված պարտքերը, որից հետո աստիճանաբար մարել հեռուստացույցի արժեքի գումարը։ Անդրանիկ Վարդանյանը խոստացել է գնել այդ հեռուստացույցը` սկզբում վճարելով գումարի մի մասը։ Այնուհետև հեռուստացույցն ապառիկ կարգով գնելը տուժող Սուրեն Գասպարյանին չի հաջողվել և նա այդ մասին ասել է ամբաստանյալ Անդրանիկ Վարդանյանին։ Վերջինս վրդովվել է և հայտնել, որ դրա պատճառով նյութական վնասներ է կրում և տուժող Ս. Գասպարյանը պետք է փոխհատուցի այդ վնասները։
Ամբաստանյալ Անդրանիկ Վահանի Վարդանյանը, ամբաստանյալներ Սենիկ Արայիկի Հարթենյանի և Էդգար Արթուրիկի Շահինյանի հետ նախնական համաձայնությամբ, 2012թ. հունվարի 21-ին, ժամը 00.30-ի սահմաններում, Երևան քաղաքի «Հայրենիք» կինոթատրոնի մոտ գտնվող շուկայի մոտակայքում, նախնական պայմանավորվածության համաձայն, տուժող Ս. Գասպարյանի հետ հանդիպել և քննարկել են նշված հարցերը, որի ընթացքում հայտնել են նրան, որ նա սխալ է, պետք է ընդունի իր սխալը և փոխհատուցի այդ սխալի հետևանքով պատճառած վնասները։ Այդ հարցի շուրջ ծագած վիճաբանության ընթացքում նրանք ծեծի են ենթարկել Երևան քաղաքի Խանջյան փողոցի թիվ 33 հասցեում գործող, «Կարեն-Կարինե» արտադրական կոոպերատիվին պատկանող «999» բար-սրճարանի բարապան, տուժող Սուրեն Սեյրանի Գասպարյանին և պահանջել են որպես Ա. Վարդանյանին պատճառած վնասի փոխհատուցում կանխիկ գումար տալ իրենց։ Իմանալով Ս. Գասպարյանի` գումար չունենալու մասին, նրանք Ս. Գասպարյանից պահանջել են որպես վնասների փոխհատուցում իրենց տալ բար-սրճարանում առկա գումարը և խմիչքներ, իսկ դրանց արժեքը մարել հետագայում։ Տուժող Սուրեն Գասպարյանը համաձայնվել է։ Այդ նպատակով, ամբաստանյալներ Անդրանիկ Վարդանյանը, Սենիկ Հարթենյանը, Էդգար Շահինյանը և տուժող Սուրեն Գասպարյանը միասին, նույն վայրից պատահական տաքսի ավտոմեքենայով գնացել են «999» բար-սրճարան, որտեղ Ս.Գասպարյանի ներկայությամբ վերցրել են 15.000 ՀՀ դրամ գումար, 28 շիշ «Միլլեր», 20 շիշ «Ալեքսանդրապոլ», 23 շիշ «Կիլիկիա» և «Կոտայք» տեսակի գարեջուր, 1 շիշ գինի, 18 հատ «Ռեդ Բուլ» տեսակի խմիչք, 37 շիշ «Կոկա-կոլա» տեսակի զովացուցիչ ըմպելիք` «Կարեն-Կարինե» ԱԿ-ին պատճառելով զգալի չափերի` 65.000 ՀՀ դրամ ընդհանուր գումարի չափով գույքային վնաս։
Վերցվող խմիչքներն ընտրելիս, տուժող Սուրեն Գասպարյանի հետ ունեցած պայմանավորվածության համաձայն, ամբաստանյալները վերցրել են էժանագին, չերևացող տեղերում դրված խմիչքները, չեն վերցրել արժեքավոր խմիչքները, որպեսզի խմիչքների կորուստը չնկատվի և Սուրեն Գասպարյանը շարունակելով աշխատել` հնարավորություն ունենա մարել վերցված խմիչքների արժեքը։
Բացի այդ, ամբաստանյալ Անդրանիկ Վարդանյանը շինություն ապօրինի մուտք գործելով` կատարել է հինգ դրվագ գույքի հափշտակություններ և մեկ դրվագ հափշտակության փորձ, շինություն ապօրինի մուտք գործելով, ամբաստանյալ Ե. Սավիցկու հետ նախնական համաձայնությամբ կատարել է գույքի հափշտակություն հետևյալ հանգամանքներում.
1. Ամբաստանյալ Անդրանիկ Վահանի Վարդանյանը, 2011թ. դեկտեմբերի լույս 07-ի գիշերը, տեխնիկական միջոցների գործադրմամբ փականը կոտրելու եղանակով ապօրինի մուտք է գործել Երևան քաղաքի Նիզամի փողոցի թիվ 2 շենքում գտնվող, տուժող Հռիփսիմե Ցոլակի Վարդևանյանին պատկանող նկուղ և այնտեղից գաղտնի հափշտակել է վերջինիս պատկանող, զգալի չափի` 17.000 ՀՀ դրամ ընդհանուր արժողության 5 մետր երկարությամբ, 2մմ հաստությամբ պղնձե լար, 4 լիտր տարողությամբ ալյումինե կաթսա և կարի մեքենայի պղնձե գլխամաս։
2. Ամբաստանյալ Ա. Վարդանյանը, 2011թ. դեկտեմբերի լույս 07-ի գիշերը, տեխնիկական միջոցների գործադրմամբ կոտրել է տուժող Վանուշ Արծրունու Բարսեղյանին պատկանող, Երևան քաղաքի Նիզամի փողոցի թիվ 2 շենքի նկուղի դռան կողպեքը, ապօրինի մուտք է գործել նկուղ և այնտեղից գաղտնի հափշտակել է զգալի չափի` 6.000 ՀՀ դրամ արժողության 20 մետր երկարությամբ, 4մմ հաստությամբ պղնձե լար։
3. Ամբաստանյալ Ա. Վարդանյանը, 2011թ. դեկտեմբերի լույս 28-ի գիշերը, տեխնիկական միջոցների գործադրմամբ կոտրել է տուժող Սուրեն Ռաֆիկի Ստեփանյանին պատկանող, Երևան քաղաքի Մայիսի 9 փողոցի թիվ 10 շենքի նկուղի դռան կողպեքը, ապօրինի մուտք է գործել այդ նկուղ և այնտեղից գաղտնի հափշտակել է զգալի չափի` 6.000 ՀՀ դրամ ընդհանուր արժողության 2 շիշ քացախաթթու, ալյումինե կաթսա և 2 հատ ալյումինե ալյուրամաղեր։
4. Ամբաստանյալ Ա. Վարդանյանը, 2012թ. հունվարի լույս 15-ի գիշերը, տեխնիկական միջոցների գործադրմամբ կոտրել է տուժող Սերյոժա Մացակի Խարազյանին պատկանող, Երևան քաղաքի Գ. Նժդեհի փողոցի թիվ 19 շենքի նկուղի դռան կողպեքը, ապօրինի մուտք է գործել նկուղ և այնտեղից գաղտնի հափշտակել է զգալի չափի` 18.000 ՀՀ դրամ ընդհանուր արժողության 6 հատ ջեռուցման չուգունե մարտկոցներ։
5. Ամբաստանյալ Ա. Վարդանյանը, 2012թ. հունվարի լույս 23-ի գիշերը, տեխնիկական միջոցների գործադրմամբ կոտրել է տուժող Մանուկ Խորենի Հովհաննիսյանին պատկանող, Երևան քաղաքի Եղբայրության փողոցի թիվ 13 հասցեում գտնվող խորդանոցի կողպեքը, ապօրինի մուտք է գործել ներս և այնտեղից գաղտնի հափշտակել է զգալի չափի` 31.000 ՀՀ դրամ ընդհանուր արժողության 2 հատ «Արիզոնա» տեսակի անվադողեր, մեկ հատ ալյումինե պառկելաթախտ և «Բի Էմ Դաբլյու» մակնիշի ավտոմեքենայի համար նախատեսված երկու հարվածամեղմիչներ։
Բացի այդ, ամբաստանյալ Ա.Վարդանյանը, 2011թ. դեկտեմբերի լույս 10-ի գիշերը, շինություն ապօրինի մուտք գործելու եղանակով զգալի չափի գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ փորձել է կոտրել տուժող Մարինե Հայկազի Հայրապետյանին պատկանող, Երևան քաղաքի Մայիսի 9 փողոցի թիվ 11 շենքի նկուղի դռան կողպեքը, սակայն բղավոցի ձայներ լսելով` դիմել է փախուստի և իր կամքից անկախ հանգամանքներով հանցագործությունն ավարտին չի հասցրել։
Բացի այդ, ամբաստանյալ Ա.Վարդանյանը, ուրիշի գույքի գաղտնի հափշտակություն կատարելու շուրջ նախնական համաձայնության գալով իր մորաքրոջ որդի, ամբաստանյալ Եվգենի Վասիլիի Սավիցկու հետ, 2012թ. փետրվարի 03-ին, ժամը 05.00-ի սահմաններում, տեխնիկական միջոցների գործադրմամբ պատուհանը բացելու եղանակով ապօրինի մուտք են գործել տուժող Դավիթ Ռազմիկի Սարգսյանին պատկանող, Երևան քաղաքի Մայիսի 9 փողոցի թիվ 9 շենքի թիվ 1ա հասցեում գտնվող արվեստանոց և այնտեղից գաղտնի հափշտակել են զգալի չափի` 458.000 ՀՀ դրամ ընդհանուր արժողության 4 հատ անվադողեր` իրենց անվահեծերով, «Էլ Ջի» /«LG»/ մոդելի համակարգչի գերհարթ մոնիտոր և համակարգչի պրոցեսոր, էլեկտրական շաղափ, էլեկտրական սղոց, գլոբուսի չուգունե պատվանդան, համակարգչի պրոցեսորի լարեր, «Սամսունգ» և «Նոկիա» տեսակի բջջային հեռախոսների լիցքավորիչներ, համակարգչի վեբ տեսախցիկ, գրքի պղնձե երեք պահպանակներ և 40.000 ՀՀ դրամ կանխիկ գումար։
Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է հետևյալը.
- ամբաստանյալ Անդրանիկ Վարդանյանը նախկինում դատված չի եղել, բնութագրվում է դրական,
- ամբաստանյալ Սենիկ Հարթենյանը նախկինում դատված չի եղել, բնութագրվում է դրական,
- ամբաստանյալ Էդգար Շահինյանը նախկինում դատված չի եղել, բնութագրվում է դրական, վատառողջ է` տառապում է «Անձի և վարքի օրգանական խանգարում էպիլեպսիայի հետևանքով» հիվանդությամբ,
- ամբաստանյալ Կորյուն Առաքելյանը բնութագրվում է դրական,
- ամբաստանյալ Եվգենի Սավիցկին նախկինում դատված չի եղել, բնութագրվում է դրական, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջում է կատարածի համար, աջակցել է հանցագործությունը բացահայտելուն և հանցագործության մյուս մասնակցին մերկացնելուն, որն արտահայտվել է նրանում, որ նախաքննության ընթացքում ինքնախոստովանական ցուցմունքներ է տվել ամբաստանյալ Անդրանիկ Վարդանյանի դեմ, մանրամասն ներկայացրել է դեպքի վայրն ու գործի հանգամանքները։
Քրեական գործի նախաքննության ընթացքում կատարվել է նյութագիտական և ապրանքագիտական փորձաքննություն ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից, որի արժեքը կազմել է 68.700 /վաթսունութ հազար յոթ հարյուր/ ՀՀ դրամ գումար։
Ամբաստանյալ Կորյուն Կարապետի Առաքելյանը ԱՎԴ2/0069/01/11 քրեական գործով ՀՀ Արարատի և Վայոց Ձորի մարզերի ընդհանուր իրավասության առաջին ատյանի դատարանի 2011թ. նոյեմբերի 24-ի դատավճռով, ՀՀ քրեական օրենսգրքի 177-րդ հոդվածի 2-րդ մասի 3-րդ կետով դատապարտվել է ազատազրկման 2 /երկու/ տարի 6 /վեց/ ամիս ժամկետով, պատժի սկիզբը հաշվելով 2011թ. նոյեմբերի 24-ից։


Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Եվգենի Վասիլիի Սավիցկու ինքնախոստովանական ցուցմունքներով այն մասին, որ 2012թ. փետրվարի 3-ին, ժամը 05.00-ի սահմաններում, իր մորաքրոջ որդի Անդրանիկ Վահանի Վարդանյանի հետ որոշել են գողություն կատարել։ Այդ նպատակով, միասին գնացել են իրենց շենքի հարևանությամբ գտնվող, Երևան քաղաքի Մայիսի 9 փողոցի թիվ 9 շենքի նկուղային մասում գտնվող, Դավիթ Սարգսյանին պատկանող արվեստանոց, որտեղ Ա.Վարդանյանը նախապես իր հետ վերցրած խարտոցով բացել է արվեստանոցի պատուհանը, միասին մտել են արվեստանոց և այնտեղից գողացել են 4 հատ անվադողեր` իրենց անվահեծերով, էլեկտրական շաղափ, էլեկտրական սղոց, «Էլ Ջի» մոդելի համակարգչի մոնիտոր, պրոցեսոր, համակարգչի մալուխներ, գլոբուսի բրոնզե պատվանդան, «Օրանժ» մոդելի ինտերնետային մոդեմ, պղնձյա թիթեղներ, «Նոկիա» և «Սամսունգ» տեսակի հեռախոսների երկու լիցքավորիչներ և 40.000 ՀՀ դրամ գումար։ Գողությունը կատարելուց հետո, հափշտակված չորս անվադողերն` իրենց անվահեծերով, Ա. Վարդանյանի հետ տարել են իրենց ծանոթ Ռաֆայել Բրուտյանի բնակարան, սակայն դրանց գողացված լինելու մասին նրան ոչինչ չեն հայտնել։
Առաջադրված մեղադրանքում իրեն լիովին մեղավոր է ճանաչում և խնդրում է իր նկատմամբ մեղմ վերաբերվել։
/դատական նիստի արձանագրություն, հատոր 1, գ.թ. 41, 48-49, հատոր 4 գ.թ. 59/
Ամբաստանյալ Անդրանիկ Վահանի Վարդանյանի ցուցմունքներով այն մասին, որ 2012թ. փետրվարի 3-ին, ժամը 05.00-ի սահմաններում, իր մորաքրոջ որդի Եվգենի Վասիլիի Սավիցկու հետ որոշել են գողություն կատարել։ Այդ նպատակով, միասին գնացել են իրենց շենքի հարևանությամբ գտնվող, Երևան քաղաքի Մայիսի 9 փողոցի թիվ 9 շենքի նկուղային մասում գտնվող, Դավիթ Սարգսյանին պատկանող արվեստանոց, որտեղ նախապես իր հետ վերցված խարտոցով բացել է արվեստանոցի պատուհանը։ Այնուհետև Ե. Սավիցկու հետ մտել են արվեստանոց և այնտեղից գողացել են չորս անվադողեր` իրենց անվահեծերով, էլեկտրական շաղափ, էլեկտրական սղոց, «Էլ Ջի» մոդելի համակարգչի մոնիտոր, պրոցեսոր, համակարգչի մալուխներ, գլոբուսի բրոնզե պատվանդան, «Օրանժ» մոդելի ինտերնետային մոդեմ, պղնձյա թիթեղներ, «Նոկիա» և «Սամսունգ» տեսակի հեռախոսների երկու լիցքավորիչներ և 40.000 ՀՀ դրամ գումար։ Գողությունը կատարելուց հետո, հափշտակված չորս անվադողերը` իրենց անվահեծերով, Ե. Սավիցկու հետ տարել են իր ծանոթ Ռաֆայել Բրուտյանի բնակարան, սակայն գողության մասին նրան ոչինչ չեն հայտնել։
Բացի նշված գողությունից` ինքը միայնակ կատարել է նաև այլ գողություններ։ Մասնավորապես` 2011թ. դեկտեմբերի 28-ին, ժամը 01.00-ի սահմաններում, Երևանի Մայիսի 9 փողոցի թիվ 10 շենքի նկուղի պատուհանից ներս է մտել և այնտեղից գողացել է երկու շիշ գինի, 3լ տարաներով երկու պահածոներ, մեկ հատ պղնձյա թավա։ Դրանից հետո, 2012թ. հունվարի 6-ին, ժամը 01.30-ի սահմաններում, կրկին միայնակ, նախապես իր հետ վերցրած երկաթյա ամրանի միջոցով կոտրել է Երևանի Մայիսի 9 փողոցի թիվ 9ա շենքի նկուղներից մեկի դռան կողպեքը և այնտեղից գողացել է շուրջ մեկ կիլոգրամ պղնձյա մալուխ։ Այնուհետև, 2012թ. հունվարի 15-ին, ժամը 24.00-ի սահմաններում, դարձյալ միայնակ, Երևանի Գ.Նժդեհի փողոցի թիվ 19 շենքի նկուղի փայտյա դուռը բացելու միջոցով մտել է նկուղ և այնտեղից գողացել է երեք հատ չուգունե ջեռուցման մարտկոցներ։ Բացի այդ, 2012թ. հունվարի 23-ին, ժամը 02.00-ի սահմաններում, դարձյալ միայնակ, Երևանի Եղբայրության փողոցի թիվ 13 շենքի մոտ գտնվող, թիվ 23 ավտոտնակին հարակից խորդանոցի դռան կողպեքը նախապես իր հետ վերցրած երկաթյա ամրանով կոտրելով` մտել է ներս և այնտեղից գողացել է երկու հատ անվադողեր` առանց անվահեծերի, երկու հատ հարվածամեղմիչներ և մեկ հատ ալյումինե պառկելաթախտ։ Բացի այդ, 2011թ. դեկտեմբերի սկզբներին, ժամը 01.00-ի սահմաններում, կրկին միայնակ, իր մոտ եղած երկաթյա ամրանի կտորով կոտրել է Երևանի Կիրովի անվան դպրոցի շենքի մոտակայքում գտնվող, երեք նկուղների մուտքի դռների կողպեքները և այնտեղից գողացել է կաթսա, մալուխ, պղինձ և ալյումին։ Դրանից շուրջ երեք օր անց, գիշերային ժամին, դարձյալ միայնակ, փորձել է գողություն կատարել Երևանի Մայիսի 9 փողոցում գտնվող Կիրովի դպրոցի մոտակայքի մեկ այլ շենքի նկուղից, սակայն մոտակայքում մարդկանց է նկատել, ինչի պատճառով հեռացել է և չի կարողացել որևէ իր գողանալ։
Իրենք տուժող Սուրեն Գասպարյանին չեն առևանգել։ Նրա հետ ծանոթացել են բարում։ Նա ցանկացել է ապառիկ կարգով հեռուստացույց գնել, որպեսզի այն վաճառեր և բարում ունեցած պարտքերը մարեր։ Ինքն առաջարկել է հեռուստացույցի համար 100.000 ՀՀ դրամ գումար նրան տալ, իսկ մնացած գումարը հետագայում մարել։ Իրենք հանդիպել են «Հայրենիք» տոնավաճառի մոտ, որտեղ նա եղել է իր ընկերների հետ։ Նրա ընկերները շուտ են հեռացել։ Իրենց միջև գումարային խոսակցություններ է եղել և պահանջել են վերադարձնել նրան տրված 70.000 ՀՀ դրամ գումարը։ Այդ ընթացքում նաև քաշքշուկ է եղել, քանի որ Սուրենն ապառիկի ձևակերպման փաստաթղթերը չի բերել և անընդհատ խաբել է։ Սուրենն առաջարկել է գնալ բար և այդ գումարի փոխարեն խմիչք տալ։ Նա ասել է, որ «Կիլիկիա» ընկերության հետ պայմանագիր ունի և կարող է այդ խմիչքի գումարը հետագայում վճարել, ինչպես նաև ասել է, որ տնօրենի հետ խնդիրներ չի ունենա։ Իրենք նրան որևէ բան չեն ստիպել, նա իր կամքով է տվել այդ ապրանքը։ Իրենք սպասել են դրսում և Սուրենը բերել է այդ ապրանքը, որից հետո նա տաքսի ավտոմեքենա է կանչել և իրենք հեռացել են։ Բարում գտնվելու ընթացքում նրա գլխին որևէ առարկայով չեն հարվածել։
/դատական նիստի արձանագրություն, հատոր 1, գ.թ. 36, 45, 47, հատոր 4, գ.թ. 67/
Ամբաստանյալ Սենիկ Արայիկի Հարթենյանի ցուցմունքներով այն մասին, որ նախապես տեղյակ լինելով այն մասին, որ իր բնակության նախկին վայրում` Երևան քաղաքի Թադևոսյան թիվ 7 շենքի թիվ 5 բնակարանում միայնակ բնակվող Սվետլանա Հովսեփյանը գտնվում է հիվանդանոցում բուժման մեջ, նրա բնակարանից գողություն կատարելու նպատակով դիմել է իր ծանոթ Կորյուն Առաքելյանին։ Ստանալով վերջինիս համաձայնությունը` 2011թ. հոկտեմբերի 22-ին, ժամը 03։30-ի սահմաններում, Կ. Առաքելյանի հետ միասին գնացել են այդ հասցե, որտեղ Կ. Առաքելյանը նախապես իր հետ վերցրած լինգով բացել է Ս. Հովսեփյանի բնակարանի պատուհանը, միասին ներս են մտել և այնտեղից գողացել են տարբեր տեսակի ոսկյա զարդեր։ Իրենք ցանկացել են գողանալ նաև «Դիվիդի» նվագարկիչը, սակայն այդ պահին դրսից աղմուկի ձայներ են լսել և թողնելով նվագարկիչը` վերցրել են ոսկյա զարդերն ու հեռացել են։
/հատոր 2, գ.թ. 22-23, 39-40, 51-52, 62, 91, 100, 185-189/
Ամբաստանյալ Սենիկ Արայիկի Հարթենյանը դատարանում ցուցմունք տվեց այն մասին, որ գողությունը միայնակ է կատարել, Կորյուն Առաքելյանն իր հետ չի եղել և նրան երբևէ չի առաջարկել իր հետ գողություն կատարել։ Նախաքննության ժամանակ իր նկատմամբ ճնշում է գործադրվել և քանի որ Կորյուն Առաքելյանն իր մտերիմ ընկերն է` մտածել է, որ նա չի նեղանա, եթե ցուցմունքում նշի նրա անունը։ Իր պաշտպանի ներկայությամբ նույնպես իր ցուցմունքում նշել է, որ գողությունը Կորյունի հետ է կատարել, քանի որ իր պաշտպանն իրեն ասել է, որ իր ցուցմունքները չպետք է տարբերվեն սկզբնական ցուցմունքներից։ Իր և Կորյունի միջև տեղի ունեցած առերեսման ժամանակ քննիչը Կորյունին դուրս է հրավիրել սենյակից, երբ ինքն ասել է, որ միայնակ է գողությունը կատարել։
Իրենք ավազակային հարձակում և առևանգում չեն կատարել։ Ամեն ինչ եղել է այնպես, ինչպես նշել է Անդրանիկ Վարդանյանը։ Իրենք Սուրենին գումար են տվել` ապառիկ կարգով հեռուստացույց ձեռք բերելու համար։ Իրենց միջև թեթև քաշքշուկ է եղել այդ գումարի պատճառով, քանի որ նա չի վերադարձրել այդ գումարը։ Նրա նկատմամբ որևէ սպառնալիք չի եղել, այլ նա է առաջարկել գնալ բար և այդ գումարի փոխարեն խմիչք տալ։
/դատական նիստի արձանագրություն/
Ամբաստանյալ Էդգար Արթուրիկի Շահինյանի ցուցմունքներով այն մասին, որ 2012թ. հունվարի 21-ին, ժամը 24։00-ի սահմաններում, «Հայրենիք» կինոթատրոնի մոտ գումարային հարցի շուրջ ծագած վիճաբանություն է տեղի ունեցել իր ընկեր Անդրանիկի և «999» բարի բարապան Սուրենի միջև։ Սուրենը եկել է երեք տղաների հետ, որի ընթացքում Սուրենին ծեծի են ենթարկել, որին մասնակցել է նաև Սենոն։ Երբ պարզվել է, որ Սուրենը սխալ է` նրա հետ եկած տղաները հեռացել են, իսկ Սուրենն առաջարկել է գնալ բար և պարտքի դիմաց բարից ապրանքներ տալ։ Իրենք համաձայնվել են և չորսով, պատահական տաքսի ավտոմեքենայով գնացել են «999» բար։ Սուրենը բացել է բարի դուռը, ներս է մտել և իր կամքով բարից իրենց է տվել տարբեր տեսակի խմիչքներ` պատճառաբանելով, որ նա իր ղեկավարության հետ այդ հարցը կլուծի։ Իրենք ներս չեն մտել և սպասել են դրսում։ Դրանից հետո միասին դուրս են եկել բարից, Սուրենը պատահական տաքսի ավտոմեքենա է կանչել, խմիչքները դրել են ավտոմեքենայի մեջ և հեռացել են։ Եթե իրենք գողություն կատարելու մտադրություն ունենային, ապա կարող էին վերցնել բարում գտնվող ավել թանկ ապրանքները, սակայն իրենք իրենց գումարն են պահանջել։ Մինչև բար գնալը` նրանք չորսով գնացել են նաև Անդրանիկենց տուն, որտեղ սուրճ են խմել և այնտեղ մնացել են շուրջ տասնհինգ րոպե։
/դատական նիստի արձանագրություն, հատոր 1, գ.թ. 231-234, հատոր 4, գ.թ. 82-83/
Տուժող Սուրեն Սեյրանի Գասպարյանի դատաքննական ցուցմունքներով այն մասին, որ աշխատել է Երևան քաղաքի Խանջյան փողոցի թիվ 33 հասցեում գործող «999» բար-սրճարանում որպես բարապան։ Որպես բարի հաճախորդներ, շուրջ քսան օր ճանաչել է Անդրանիկին, Սենիկին և Էդգարին։ Անդրանիկի խնդրանքով նրան պարտքով տվել է 21.000 ՀՀ դրամ գումար դրամարկղի գումարից, սակայն Անդրանիկն այդ պարտքը չի վերադարձրել։ Ստիպված դիմել է իր տնօրենին և նա է փորձել հետ ստանալ այդ գումարը։ Բացի այդ, ինքը բարում աշխատելիս ունեցել է պարտքեր` 150.000 ՀՀ դրամ գումարի սահմաններում, որն առաջացել է ապրանքների իրացումից ստացած գումարն իր անձնական կարիքների համար ծախսելու հետևանքով, ինչպես նաև ունեցել է 50.000 ՀՀ դրամ գումարի չափով այլ պարտք։ Անդրանիկի հետ խորհրդակցելով` որոշել է ապառիկ կարգով հեռուստացույց գնել, որպեսզի վաճառի այն։ Պայմանավորվել են, որ Անդրանիկը կգնի իր հեռուստացույցը և միանգամից կվճարի գումարի մի մասը, իսկ ինքը պետք է հեռուստացույց վերցնի և կատարի դրա արժեքի ամսեկան վճարումները։ Քանի որ չի ստացվել ձեռք բերել ապառիկի ձևակերպման համար անհրաժեշտ փաստաթուղթը, Անդրանիկն իրեն ասել է, որ հեռուստացույցը չվերցնելու պատճառով գումար է կորցրել և այդ գումարը պետք է ինքը տա։ Իրեն որևէ մեկը չի առևանգել, ամբաստանյալների հետ գնացել է պատահական տաքսի ավտոմեքենայով, իր կամքով, որպեսզի Անդրանիկի վնասների դիմաց նրանց ապրանք տա։ Բարում իր նկատմամբ բռնություն չի գործադրվել և սպառնալիքներ չեն եղել։ Վերջում գլխի շրջանում սուր ցավ է զգացել, ուշագնաց է եղել և մտածել է, որ հարվածի հետևանքով է ուշագնաց եղել։ Ինքը չի տեսել, որ որևէ մեկը հարվածած լինի իր գլխին։ Հնարավոր է, որ այդ սուր ցավը զգացել է «Հայրենիք» կինոթատրոնի մոտ տեղի ունեցած վիճաբանության ժամանակ ստացած հարվածների հետևանքով։ Ինքը չի հիշում, որ մինչև բար գնալը գնացած լինեն Անդրանիկենց տուն։ Բարում իրեն հարցրել են, որ այդ ապրանքները տալուց հետո հնարավոր է իր վրա խոսակցություն լինի, բայց ինքը պատասխանել է, որ ինքը օրական ստանում է 5000 ՀՀ դրամ և մեկ շաբաթվա գումարը հավաքելով` պարտքի զգալի մասը կփակի։ Ինքն ամբաստանյալների հետ պայմանավորվել է, որ նրանք վերցնեն չերևացող տեղերում դրված, էժանագին խմիչքները, որ դրանց պակասորդը չնկատվի և ինքը հնարավորություն ունենա աշխատել և փակել դրանց արժեքը։ Իրեն չեն առևանգել և իր նկատմամբ ավազակային հարձակում չեն կատարել։ Այդ մասին իր ցուցմունքներն իրականությանը չեն համապատասխանում։ Քանի որ հիշողության կորուստ և գլխացավեր է ունեցել, այդ պատճառով նախաքննության ժամանակ հայտնել է, որ իրեն առևանգել են և տվել է իրականությանը չհամապատասխանող ցուցմունքներ։ Հետագայում իր գումարները վերադարձվել են և ինքը բողոք չունի։
/դատական նիստի արձանագրություն/
Տուժող Դավիթ Ռազմիկի Սարգսյանի ցուցմունքներով այն մասին, որ 2012թ. փետրվարի 3-ին, ժամը 09.30-ին գնացել է իրեն պատկանող, Երևան քաղաքի Մայիսի 9 փողոցի թիվ 9 շենքի թիվ 1ա հասցեում գտնվող արվեստանոց և նկատել է, որ արվեստանոցի մուտքի դռան փականը պտուտակներից թուլացված են։ Մտնելով ներս` նկատել է նաև, որ արվեստանոցի պատուհանը բաց է, ինչից հասկացել է, որ արվեստանոցից գողություն է կատարվել։ Հայտնաբերել է, որ արվեստանոցից հափշտակվել են իրեն պատկանող համակարգիչը, 14 դույմ տրամաչափի «Օփել Աստրա» մակնիշի ավտոմեքենայի ամառային չորս անվադողեր` արտասահմանյան արտադրության անվահեծերով, «Էլ Ջի» մոդելի մոնիտոր, մեկ հատ էլեկտրական շաղափ, մեկ հատ էլեկտրական սղոց, գլոբուսի պատվանդան, գրքի պղնձե երեք պահպանակներ, 40.000 ՀՀ դրամ գումար, «Օրանժ» տեսակի ինտերնետային մոդեմ, վեբ տեսախցիկ` իր երկու բարձրախոսներով և դիտակով, «Սամսունգ» և «Նոկիա» տեսակի լիցքավորիչներ, որով իրեն պատճառվել է գույքային վնաս։
/դատական նիստի արձանագրություն, հատոր 1, գ.թ.12, 15, հատոր 3, գ.թ. 93/
Տուժող Սվետլանա Հրանտի Հովսեփյանի ցուցմունքներով այն մասին, որ 2011թ. հոկտեմբերին հիվանդանոցում գտնվել է բուժման մեջ։ Իրեն զանգահարել է իր քույր Սիլվա Հովսեփյանը և հայտնել է, որ նախորդ օրը, 2011թ. հոկտեմբերի 21-ին իր բնակարանից գողություն է կատարվել։ Մի քանի օր անց վերադառնալով տուն` հայտնաբերել է, որ լինգի գործադրմամբ բացել են իրեն պատկանող, Երևան քաղաքի Եղիշե Թադևոսյան նրբանցքի թիվ 7 շենքի թիվ 5 բնակարանի պատուհանը, որտեղից ներս են մտել և գողացել են տարբեր զարդեր։ Հետագայում տեղեկացել է, որ իր բնակարանից փորձել են նաև գողանալ իրեն պատկանող «Դիվիդի» նվագարկիչը, սակայն չեն կարողացել այն գողանալ, քանի որ բնակարանի մուտքի դռան մոտ ձայներ են լսել և դիմել են փախուստի։ Հետագայում տեղեկացել է, որ նշված գողությունը կատարել են իր նախկին հարևան Սենիկ Հարթենյանը և նրա ընկերը։
/դատական նիստի արձանագրություն, հատոր 2, գ.թ. 10-11, 41, 167-168/
Տուժող Սուրեն Ռաֆիկի Ստեփանյանի ցուցմունքներով այն մասին, որ իր բնակության վայրի` Երևան քաղաքի Մայիսի 9 փողոցի թիվ 10 շենքն ունի նկուղ, որի մուտքի դռնից ներս գտնվում են շուրջ 4 առանձին նկուղներ, որոնց մուտքի դռները կողպված են և դրանց բանալիները գտնվում են այդ նկուղներն օգտագործող բնակիչների մոտ։ 27.12.2012թ. իրենց տան վերանորոգման աշխատանքներն ավարտելուց հետո շինանյութի ավելացած մասերը տեղափոխել է նկուղ, որից հետո նկուղի դուռը կողպել է և գնացել է տուն։ Հաջորդ օրը` 28.12.2012թ., ժամը 09։00-ի սահմաններում, խոհանոցային պարագաներ վերցնելու նպատակով գնացել է նկուղ և նկատել է, որ նկուղի մուտքի դռան կախովի փականը կոտրված է, իսկ դուռը կիսաբաց է։ Մտնելով ներս` հայտնաբերել է, որ նկուղից գողացել են երկու շիշ քացախ, մեկ հատ ալյումինե կաթսա և երկու հատ ալյումինե ալյուրամաղ, որով իրեն պատճառվել է 6.000 ՀՀ դրամ ընդհանուր գումարի չափով գույքային վնաս։ Հետագայում ոստիկանությունից տեղեկացել է, որ նշված գողությունը կատարել է Անդրանիկ Վարդանյանը։
/դատական նիստի արձանագրություն, հատոր 3, գ.թ. 134-136/
Տուժող Վանուշ Արծրունու Բարսեղյանի ցուցմունքներով այն մասին, որ իր բնակության վայրի` Երևան քաղաքի Նիզամի փողոցի թիվ 2 շենքն ունի երկաթյա դռնով ընդհանուր նկուղ, որից ներս գտնվում են 6-ից 7 նկուղներ, որոնց դռները առանձին կողպվում են։ 06.12.2012թ., ժամը 14։00-ի սահմաններում, գնացել է իրեն պատկանող նկուղ, անհրաժեշտ առարկաներ վերցնելուց հետո կողպել է դուռը և հեռացել է։ Հաջորդ օրը, առավոտյան ժամը 09։00-ի սահմաններում, շենքի հարևաններից տեղեկացել է, որ ընդհանուր նկուղի դռան կախովի կողպեքը և ներսի նկուղի դռների փականները կոտրված են։ Ինքն անմիջապես գնացել է նկուղ և հայտնաբերել է, որ իրեն պատկանող նկուղից գողացվել է 6.000 ՀՀ դրամ ընդհանուր արժողության, 20 մետր երկարությամբ, 4 մմ հաստությամբ պղնձե լար։
/դատական նիստի արձանագրություն, հատոր 3, գ.թ. 139-141/
Տուժող Սերյոժա Մացակի Խարազյանի ցուցմունքներով այն մասին, որ իր բնակության վայրի` Երևան քաղաքի Գարեգին Նժդեհի փողոցի թիվ 19 շենքն ունի նկուղ, որի դուռը մշտապես կողպված է կախովի կողպեքով։ 15.01.2012թ., ժամը 00։10-ին, տուն վերադառնալիս նկատել է, որ նկուղի դռան կողպեքը վնասված չէ։ Առավոտյան ժամը 09։00-ի սահմաններում տանից դուրս է եկել և նկատել է, որ շենքի նկուղի դռան կողպեքը կոտրված է, իսկ դուռը գտնվում է բաց վիճակում։ Մտնելով ներս` հայտնաբերել է, որ իրեն պատկանող, 18.000 ՀՀ դրամ ընդհանուր արժողության ջեռուցման չուգունե վեց մարտկոցները հափշտակվել են։
/դատական նիստի արձանագրություն, հատոր 3, գ.թ. 145-147/
Տուժող Հռիփսիմե Ցոլակի Վարդևանյանի ցուցմունքներով այն մասին, որ Երևան քաղաքի Նիզամի փողոցի թիվ 2 շենքն ունի ընդհանուր մեծ նկուղ, որտեղ ինքն ունի իրեն պատկանող առանձին նկուղ, որի դուռը մշտապես կողպված է կախովի կողպեքով։ 06.12.2011թ., ժամը 20։00-ի սահմաններում, գնացել է նկուղ, որտեղ աշխատել է և գնացել է տուն։ Հաջորդ օրը` 07.12.2011թ., ժամը 09։00-ի սահմաններում, գնացել է բակ և նկատել է, որ նկուղի դռան կողպեքը բացակայում է։ Մտնելով նկուղ` հայտնաբերել է, որ այնտեղից գողացվել են 17.000 ՀՀ դրամ ընդհանուր արժողության, 5 մետր երկարությամբ 2 մմ հաստությամբ պղնձե լար, 4 լիտր տարողության ալյումինե կաթսա և կարի մեքենայի պնձե գլխամաս։
/դատական նիստի արձանագրություն, հատոր 3, գ.թ. 157-159/
Տուժող Մարինե Հայկազի Հայրապետյանի ցուցմունքներով այն մասին, որ իր բնակության վայրի` Երևան քաղաքի Մայիսի 9 փողոցի թիվ 11 շենքն ունի նկուղ, որի մետաղական դուռը մշտապես կողպված է եղել մետաղական լարով։ 09.12.2011թ., ժամը 20։00-ի սահմաններում, գտնվելով շենքի բակում` նկատել է, որ նկուղի դուռը մետաղական լարով կողպված է։ Հաջորդ օրը` 10.12.2011թ., ժամը 09։00-ի սահմաններում, իջնելով բակ` նկատել է, որ նկուղի դռան վրայից բացակայում է մետաղական լարը։ Այնուհետև հարևաններից տեղեկացել է, որ նույն օրը, ժամը 05։00-ի սահմաններում, անհայտ անձը մոտեցել է իրենց նկուղի մուտքի դռանը և փորձել է բացել մետաղական լարը, սակայն նույն պահին շենքի մոտակա վայրից գոռացել են, որից հետո այդ անծանոթը փախուստի է դիմել։ Իրեն պատկանող նկուղում եղել են կենցաղային իրեր, պահածոներ, վառելափայտ, ալյումինե և պղնձե կաթսաներ և այլ իրեր։
/հատոր 3, գ.թ. 169-171/
Տուժող Մանուկ Խորենի Հովհաննիսյանի նախաքննական ցուցմունքներով այն մասին, որ Երևան քաղաքի Եղբայրության փողոցի թիվ 13 հասցեում ունի իրեն պատկանող խորդանոց, որի դուռը մշտապես կողպված է եղել կախովի կողպեքով։ Նշված խորդանոց վերջին անգամ գնացել է 22.01.2012թ., ժամը 20։00-ի սահմաններում, որտեղ դրել է ալյումինե պառկելաթախտ, երկու հատ «Արիզոնա» տեսակի, 17 տրամաչափի կիսամաշված անվադողեր և «Բի Էմ Դաբլյու 318» մակնիշի ավտոմեքենայի չաշխատող հարվածամեղմիչներ, որից հետո գնացել է տուն։ Հաջորդ օրը` 23.01.2012թ., ժամը 10։00-ին, ալյումինե պառկելաթախտը վերցնելու նպատակով կրկին գնացել է խորդանոց և հայտնաբերել է, որ խորդանոցի մուտքի դռան վրայից բացակայում է կախովի կողպեքը, իսկ դուռը գտնվում է բաց վիճակում։ Մտնելով ներս` հայտնաբերել է, որ այնտեղից գողացել են երկու անվադողերը, երկու հարվածամեղմիչները և ալյումինե պառկելաթախտը։
/հատոր 3, գ.թ. 180-182/
Վկա Ռաֆայել Հրաչյայի Բրուտյանի ցուցմունքներով այն մասին, որ 2012թ. փետրվարի 3-ին, ժամը 10։00-ի սահմաններում, իրենց` Երևանի Շարուրի փողոցի թիվ 20 շենքի թիվ 29 բնակարան են եկել իր ծանոթներ Անդրանիկ Վարդանյանը և Եվգենի Սավիցկին, իրենց հետ բերել են չորս անվադողեր` իրենց անվահեծերով։ Նրանք իրեն չեն հայտնել դրանց ձեռք բերման աղբյուրը, դրանք թողել են իրենց տանը և խոստանալով, որ մի քանի ժամից դրանք հետ կտանեն` հեռացել են։ Նույն օրը, երեկոյան, Ա. Վարդանյանը և Ե. Սավիցկին եկել են իրենց տուն` անվադողերը տանելու համար, սակայն այդ ժամանակ իրենց տուն են եկել ՀՀ ոստիկանության Շենգավիթի բաժնի Չարբախի բաժանմունքի աշխատակիցները և իրեն, Ա. Վարդանյանին ու Ե. Սավիցկուն բերման են ենթարկել ոստիկանություն։ Այնտեղ ինքը տեղեկացել է, որ նշված անվադողերն` իրենց անվահեծերով Ա. Վարդանյանն ու Ե. Սավիցկին գողացել են։
/դատական նիստի արձանագրություն, հատոր 1, գ.թ. 115-117/
Վկա Արթուր Միշիկի Ավագյանի նախաքննական ցուցմունքով այն մասին, որ հանդիսանում է «Կարեն-Կարինե» արտադրական կոոպերատիվի տնօրենը, զբաղվում է հանրային սննդի առևտրով, որն իր մեջ ներառում է Երևան քաղաքի Խանջյան փողոցի թիվ 33 հասցեում գործող «999» բար-սրճարանը։ 2011թ. աշնանից մինչև 2012թ. ապրիլը նշված բարում որպես բարապան աշխատել է Սուրեն Սեյրանի Գասպարյանը։ 2012թ. հունվարի 17-ի երեկոյան, Սուրենն իրեն պատմել է, որ բարի դրամարկղից իր ծանոթ Անդրանիկին պարտքով 21.000 ՀՀ դրամ գումար է տվել` նույն օրը հետ վերադարձնելու պայմանով, սակայն Անդրանիկը չի վերադարձրել գումարը, որից հետո իրեն է տվել ԱՆդրանիկի բջջային հեռախոսահամարը։ Հաջորդ օրը զանգահարել է Անդրանիկին, ներկայացել է որպես բարի տնօրեն և հետաքրքրվել է, թե ինչու չի վերադարձնում Սուրենից վերցրած 21.000 ՀՀ դրամ գումարը։ Անդրանիկը պատասխանել է, որ գումարը կվերադարձնի 2-ից 3 օրվա ընթացքում։ 2012թ. հունվարի 22-ի առավոտյան գնացել է աշխատանքի, որտեղ Սուրենը պատմել է, որ նախորդ օրը երեկոյան, Անդրանիկն ընկերների հետ միասին իրեն կանչել են «Հայրենիք» կինոթատրոնի մոտ` խոստանալով վերադարձնել պարտքով վերցրած գումարը, սակայն այնտեղ Անդրանիկը և նրա երկու ընկերներ «Կյաժ»-ը և Սենոն ծեծի են ենթարկել իրեն, ստիպողաբար նստեցրել են տաքսի ավտոմեքենա և տարել են բար, որտեղ բացել են բարի դիմացի դուռը, մտել են ներս։ Դրանից հետո Անդրանիկը և նրա ընկերները վերցրել են 50.000 ՀՀ դրամ գումարի չափով տարբեր տեսակի ալկոհոլային և զովացուցիչ խմիչքներ, 15.000 ՀՀ դրամ կանխիկ գումար, այնուհետև նրանցից մեկը հետևից ինչ-որ առարկայով հարվածել է նրա գլխին, որից ուշագնաց է եղել և ընկել է գետնին։ Երբ արթնացել է` տեսել է, որ նրանք հեռացել են։ Երբ Սուրենն իրեն պատմել է կատարվածի մասին` ինքը նրա դեմքի և գլխի վրա վնասվածքներ է նկատել։
/հատոր 4, գ.թ. 27-30/
Վկա Վարդան Հարությունի Հարությունյանի նախաքննական ցուցմունքով այն մասին, որ բնակվում է Երևանի Ե. Թադևոսյան փողոցի թիվ 7 շենքի թիվ 2 բնակարանում։ Ճանաչում է նույն շենքի թիվ 5 բնակարանի բնակիչ Սվետլանա Հովսեփյանին։ 2011թ. հոկտեմբերի 15-ից Ս. Հովսեփյանը գտնվել է հիվանդանոցում և այդ օրերի ընթացքում խնդրել է իրեն հետևել բնակարանին։ 2011թ. հոկտեմբերի 22-ին, ժամը 04։30-ի սահմաններում, վերևի հարկում գտնվող Ս. Հովսեփյանի բնակարանից լսել է տարօրինակ և արտառոց ձայներ, այդ թվում` ոտնաձայներ։ Այնուհետև բարձրացել է երրորդ հարկ և թակել է Ս. Հովսեփյանի դուռը։ Տեսնելով, որ որևէ մեկը չի պատասխանում` վերադարձել է տուն, անմիջապես զանգահարել է Ս. Հովսեփյանի քույր Սիլվա Հովսեփյանին և տեղեկացրել է կատարվածի մասին։ Մեկ-երկու ժամ անց իր բնակարան է եկել Սիլվա Հովսեփյանը, միասին բարձրացել են երրորդ հարկ և բացելով բնակարանի մուտքի դուռը` տեսել են, որ բնակարանը խառնված և թափթփված վիճակում է։ Հասկացել են, որ Ս. Հովսեփյանի բնակարանից գիշերը գողություն է կատարվել։ Հետագայում տեղեկացել է, որ գողություն կատարողներից մեկը Սենիկ Հարթենյանն է։
/հատոր 2, գ.թ. 180-181/
Դատաբժշկական փորձաքննության 08.02.2012թ. թիվ 164 եզրակացությամբ, որի համաձայն` «Ս. Գասպարյանի ստացած մարմնական վնասվածքները` քթի մեջքի, ձախ հոնքի դրսային մակերեսի քերծվածքների, ծոծրակային շրջանի արյունահավաքի ձևերով հասցել են բութ, կոշտ առարկաներով, հնարավոր է նշված ժամկետում, չի բացառվում որոշման մեջ նկարագրված գործի հանգամանքներին և պատճառել են առողջությանը թեթև վնաս` առողջության կարճատև քայքայումով, նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը ոչ պակաս վեց օրից և ոչ ավելի 21-օրից։ Սակայն եթե հետագայում ներկայացվի կոնսուլտացիայի պատասխանը և ի հայտ գան նոր տվյալներ, ապա հնարավոր են փոփոխություններ հետևություններում։»։
/հատոր 1, գ.թ. 191-192/
Դատահետքաբանական փորձաքննության 17.11.2011թ. թիվ 2161 եզրակացությամբ, որի համաձայն`
«1. Փորձաքննության ներկայացված գլանաձև մեխանիզմը գտնվում է անսարք վիճակում։
2. Փորձաքննությանը ներկայացված վրադիր փականի և գլանաձև մեխանիզմի արտաքին, ինչպես նաև վերջինիս բույթերի մակերեսներին բացի տևական շահագործման ընթացքում առաջացած հետքերից, այլ օտար մարմինների ներգործության հետևանքով առաջացած թարմ բնույթի հետքեր և վնասվածքներ չհայտնաբերվեցին։
Փորձաքննությանը ներկայացված վրադիր փականին պատկանող, դռան շրջանակի վրա տեղակայվող մետաղյա դետալի մակերեսներին առկա են մեխանիկական բնույթի վնասվածքներ, որոնք հնարավոր է, որ առաջացել են պինդ մարմնի /ների/ ներգործության` սեղմելու, հարվածելու հետևանքով, ինչի արդյունքում վերջինս վնասվել` ծռվել-դեֆորմացվել է, և բացվել է դուռը։»։
/հատոր 2, գ.թ. 127-131/
Նյութագիտական և ապրանքագիտական փորձաքննության 13.12.2011թ. թիվ 11-3411 եզրակացությամբ, որի համաձայն`
«1ա. Ներկայացված դեղին գույնի մետաղից պատրաստված թվով մեկ մետաղյա ականջօղը և ականջօղի փականը պատրաստված են 925 հարկի արծաթի համաձուլվածքից, որոնց արտաքին մակերեսը ոսկեպատ է /ոսկեջուր/։
- Սպիտակ մետաղից պատրաստված շղթան պատրաստված է 925 հարկի արծաթի համաձուլվածքից։
- Սպիտակ մետաղից պատրաստված շղթայի կտորները պատրաստված են 925 հարկի արծաթի համաձուլվածքից։
- Սպիտակ մետաղից պատրաստված մազերի ամրակը պատրաստված է պղինձ-նիկել-ցինկ /մելխիոր/ համաձուլվածքից։
- Սպիտակ մետաղից պատրաստված թվով երկու ականջօղերը պատրաստված են պղինձ-նիկել-ցինկ /մելխիոր/ համաձուլվածքից։
- Սպիտակ մետաղից պատրաստված զարդը պատրաստված է անագ-կապար համաձուլվածքից, որի արտաքին մակերեսը պատված է նիկելի շերտով։
- Դեղին մետաղից պատրաստված զարդը պատրաստված է պղինձ-ցինկ /արույր/ համաձուլվածքից։
Փորձաքննությանը տրամադրված օբյեկտների միջին շուկայական արժեքները 2011թ. հոկտեմբերի 22-ի դրությամբ կարող է կազմել շուրջ 7.700 /յոթ հազար յոթ հարյուր/ ՀՀ դրամ։»։
/հատոր 2, գ.թ. 164-166, 169-173/
Դատաապրանքագիտական փորձաքննության 21.02.2012թ. թիվ 97-ապ եզրակացությամբ, որի համաձայն` «Փորձաքննությանը տրամադրված «Panasonic» տեսակի DVD նվագարկչի միջին շուկայական արժեքը 2011թ. հոկտեմբերի 22-ի դրությամբ առկա ապրանքային վիճակի հաշվառմամբ գնահատվում է 13.000 (տասներեք հազար) դրամ։»։
/հատոր 2, գ.թ. 205-206/
Դատաապրանքագիտական փորձաքննության 22.03.2012թ. թիվ 126-ԱՊ եզրակացությամբ, որի համաձայն`
«1. Փորձաքննությանը տրամադրված երկու անվադողերը «ARIZONIAN» տեսակի են, P235/-65 R17 չափի են, արտասահմանյան արտադրության, օգտագործված են` վազքագոտու նախշազարդերի մոտ 40 տոկոս հավասարաչափ մաշվածությամբ։ Փորձաքննությանը տրամադրված անվադողերն օգտագործված են, ունեն բավարար ապրանքային տեսք, պիտանի են հետագա նպատակային օգտագործման համար, դրանց ընդհանուր շուկայական արժեքը գնահատվում է 26.000 /քսանվեց հազար/ դրամ։
2. Փորձաքննությանը տրամադրված ավտոմեքենայի համար նախատեսված թվով երկու հատ գազային մեղմիչները /ամորտիզատոր/ փորձաքննության պահին գտնվում են անաշխատունակ վիճակում, պիտանի չեն հետագա նպատակային օգտագործման համար, ինչից ելնելով դրանց շուկայական արժեք չի տրվում։
3. Փորձաքննությանը տրամադրված թվով չորս հատ անվադողերն առանց օդախուցերի մոնտաժված են անվահեծերի վրա։ Անվադողերը «ESCAPADE» տեսակի են, P185/65 R14 չափի, արտասահմանյան արտադրության, օգտագործված են` վազքագոտու նախշազարդերի մոտ 20 տոկոս հավասարաչափ մաշվածությամբ։ Անվահեծերը ձուլածո են, հինգ թևանի, արծաթագույն, առանց էական դեֆորմացիաների։ Փորձաքննությանը տրամադրված անվադողերն իրենց անվահեծերով օգտագործված են, ունեն բավարար ապրանքային տեսք, պիտանի են հետագա նպատակային օգտագործման համար, դրանց ընդհանուր շուկայական արժեքը գնահատվում է 100.000 /մեկ հարյուր հազար/ դրամ։
4. Փորձաքննությանը տրամադրված թվով երկու հատ համակարգչի պրոցեսորի միացման լարերը, ինչպես նաև USB միացման լարը օգտագործված են, պիտանի են հետագա նպատակային օգտագործման համար, դրանց ընդհանուր շուկայական արժեքը գնահատվում է 2.000 /երկու հազար/ դրամ։
5. Փորձաքննությանը տրամադրված բջջային հեռախոսի «Սամսունգ» և «Նոկիա» տեսակի լիցքավորիչ սարքերը չինական արտադրության են, օգտագործված են, պիտանի են հետագա նպատակային օգտագործման համար, դրանց ընդհանուր շուկայական արժեքը գնահատվում է 2.000 /երկու հազար/ դրամ։
6. Փորձաքննությանը տրամադրված համակարգչի վեբ տեսախցիկն արտասահմանյան արտադրության է, պլաստմասյա իրանով, երկու կողային բարձրախոսներով և դիտակով։ Վեբ տեսախցիկն օգտագործված է, պիտանի է հետագա նպատակային օգտագործման համար, դրա միջին շուկայական արժեքը գնահատվում է 2.000 /երկու հազար/ դրամ։
7. Փորձաքննությանը տրամադրված USB ինտերնետային մոդեմը «ORANGE» տեսակի է, «MF637» մոդելի, չինական արտադրության։ Ինտերնետային մոդեմն օգտագործված է, պիտանի է հետագա նպատակային օգտագործման համար, դրա միջին շուկայական արժեքը գնահատվում է 8.000 /ութ հազար/ դրամ։
8. Փորձաքննությանը տրամադրված էլեկտրական շաղափը «VIGEX» տեսակի է, «PS 6GF30» մոդելի, արտասահմանյան արտադրության, աշխատում է հոսանքի 50/60 հերց հաճախականությամբ, 220-240 վոլտ լարումով, 710 վատ հզորությամբ, 7800 պտույտ/րոպե։ Շաղափն ունի կապույտ գույնի պլաստմասե իրան, սև գույնի թողարկման վիճակ, գայլիկոնի աջ և ձախ պտտվելու հնարավորություն։ Էլ. շաղափն օգտագործված է, պիտանի է հետագա նպատակային օգտագործման համար, դրա միջին շուկայական արժեքը գնահատվում է 10.000 /տաս հազար/ դրամ։
9. Փորձաքննությանը տրամադրված էլեկտրական սղոցը «COLT» տեսակի է, գերմանական արտադրության, աշխատում է հոսանքի 50/60 հերց հաճախականությամբ, 220-240 վոլտ լարումով, 750 վատ հզորությամբ, 3000 պտույտ/րոպե։ Սղոցն ունի սև գույնի պլաստմասե իրան, կանաչ գույնի թողարկման վիճակ։ Էլեկտրական սղոցն օգտագործված է, պիտանի է հետագա նպատակային օգտագործման համար, դրա միջին շուկայական արժեքը գնահատվում է 12.000 /տասներկու հազար/ դրամ։
10. Փորձաքննությանը տրամադրված գլոբուսի պատվանդանը չուգունից է` ձուլածո։ Պատվանդանն ունի 24սմ բարձրություն, նախշազարդ է` առյուծի գլխի և թաթերի պատկերմամբ։ Պատվանդանն ունի բավարար ապրանքային տեսք, միջին շուկայական արժեքը գնահատվում է 15000 /տասնհինգ հազար/ դրամ։
11. Փորձաքննությանը տրամադրված համակարգչային պրոցեսորը «intel Pentium Dual-Core E5200» տեսակի է, 60 գեգաբայթ ինֆորմացիայի ծավալով, արագագործությունը 512 մեգաբայթ, տուփը «IT PLAZA» տեսակի` մետաղական իրանով։ Պրոցեսորն ունի CDR և DVDR սկավառակակիրներ, օմբորտ տեսաքարտ։ Առկա ապրանքային վիճակի հաշվառմամբ փորձաքննությանը տրամադրված համակարգչային պրոցեսորի միջին շուկայական արժեքը գնահատվում է 120.000 /մեկ հարյուր քսան հազար/ դրամ։
12. Փորձաքննությանը տրամադրված համակարգչի մոնիտորը «LG» տեսակի է, «FLATRON W1934S» մոդելի, արտասահմանյան արտադրության, սև հիմնագույնի պլաստմասե իրանով, հարթ էկրանն ունի 19 դյույմ անկյունագիծ։ Մոնիտորն օգտագործված է, ունի բավարար ապրանքային տեսք, գտնվում է աշխատունակ վիճակում, միջին շուկայական արժեքը գնահատվում է 25.000 /քսանհինգ հազար/ դրամ։»։
/հատոր 3, գ.թ. 86-88/
Անձին ճանաչման ներկայացնելու մասին 17.02.2012թ. արձանագրությամբ, որի համաձայն` տուժող Սուրեն Սեյրանի Գասպարյանն իրեն ճանաչման ներկայացված անձանց մեջ ճանաչել է ամբաստանյալ Անդրանիկ Վահանի Վարդանյանին և հայտարարել, որ նա 2012թ. հունվարի 21-ին, ժամը 00։30-ի սահմաններում, Երևանի Գ. Նժդեհի հրապարակում գտնվող շենքերից մեկի բակում, Էդգար Շահինյանի և Սենիկ Հարթենյանի հետ միասին իրեն ծեծի են ենթարկել, այնուհետև ստիպողաբար, իր կամքին հակառակ, տաքսի ավտոմեքենայով տեղափոխել են Երևանի Խանջյան փողոցում գտնվող «999» բար, որտեղ կրկին ծեծի են ենթարկել և բարից հափշտակել են տարբեր տեսակի խմիչքներ և գումար, որից հետո հեռացել են։
/հատոր 1, գ.թ. 197/
Անձին ճանաչման ներկայացնելու մասին արձանագրությամբ, որի համաձայն` տուժող Սուրեն Սեյրանի Գասպարյանն իրեն ճանաչման ներկայացված անձանց մեջ ճանաչել է ամբաստանյալ Սենիկ Արայիկի Հարթենյանին և հայտարարել, որ նա 2012թ. հունվարի 21-ին, ժամը 00։30-ի սահմաններում, Երևանի Գ. Նժդեհի հրապարակում գտնվող շենքերից մեկի բակում, Էդգար Շահինյանի և Անդրանիկ Վարդանյանի հետ միասին իրեն ծեծի են ենթարկել, այնուհետև ստիպողաբար, տաքսի ավտոմեքենայով իրեն տեղափոխել են Երևանի Խանջյան փողոցում գտնվող «999» բար, որտեղ կրկին ծեծի են ենթարկել, այնուհետև դրամարկղից 15.000 ՀՀ դրամ գումար և տարբեր տեսակի խմիչքներ են հափշտակել, որից հետո հեռացել են։
/հատոր 1, գ.թ. 237-238/
Անձին ճանաչման ներկայացնելու մասին արձանագրությամբ, որի համաձայն` տուժող Սուրեն Սեյրանի Գասպարյանն իրեն ճանաչման ներկայացված անձանց մեջ ճանաչել է ամբաստանյալ Էդգար Արթուրիկի Շահինյանին և հայտարարել, որ նա 2012թ. հունվարի 21-ին, ժամը 00։30-ի սահմաններում, Երևանի Գ. Նժդեհի հրապարակում գտնվող շենքերից մեկի բակում, Սենիկ Հարթենյանի և Անդրանիկ Վարդանյանի հետ միասին իրեն ծեծի են ենթարկել, այնուհետև ստիպողաբար, սպառնալով, տաքսի ավտոմեքենայով իրեն տեղափոխել են Երևանի Խանջյան փողոցում գտնվող «999» բար, որտեղ կրկին իրեն ծեծի են ենթարկել, այնուհետև դրամարկղից 15.000 ՀՀ դրամ գումար և տարբեր տեսակի խմիչքներ են հափշտակել, որից հետո հեռացել են։
/հատոր 1, գ.թ. 239-240/
Քննչական փորձարարություն կատարելու մասին 04.02.2012թ. արձանագրությամբ և դրան կից լուսանկարչական հավելվածով, որոնց համաձայն` ամբաստանյալ Եվգենի Վասիլիի Սավիցկին մատնացույց է արել Երևան քաղաքի Մայիսի 9 փողոցի թիվ 9 շենքի նկուղային հարկում գտնվող արհեստանոցը և հայտարարել է, որ 2012թ. փետրվարի 03-ին, ժամը 05։00-ի սահմաններում, իր մորաքրոջ որդի Անդրանիկ Վարդանյանի հետ միասին նշված վայրից գողություն են կատարել։
/հատոր 1, գ.թ. 50-54/
Քննչական փորձարարություն կատարելու մասին 04.02.2012թ. արձանագրությամբ, որի համաձայն` ամբաստանյալ Անդրանիկ Վահանի Վարդանյանը մատնացույց է արել Երևան քաղաքի Մայիսի 9 փողոցի թիվ 9 շենքի նկուղային հարկում գտնվող արհեստանոցը և հայտարարել է, որ 2012թ. փետրվարի 03-ին, ժամը 05։00-ի սահմաններում, իր մորաքրոջ որդի Եվգենի Սավիցկու հետ միասին, նշված վայրից գողություն են կատարել։ Այնուհետև, Ա. Վարդանյանը մատնացույց է արել Երևանի Մայիսի 9 փողոցի թիվ 10 շենքի նկուղը, Երևանի Մայիսի 9 փողոցի թիվ 9ա շենքի նկուղը, Երևանի Գ.Նժդեհի փողոցի թիվ 19 շենքի նկուղը, Երևանի Եղբայրության փողոցի թիվ 13 շենքի մոտ գտնվող 23 համարի ավտոտնակին հարակից խորդանոցը, Երևանի Նիզամի փողոցի թիվ 2 շենքի երեք նկուղները, Երևանի Մայիսի 9 փողոցի թիվ 11 շենքի նկուղը, որտեղից կատարել է գողություններ և գողության փորձ։
/հատոր 1, գ.թ. 55-68/
Դեպքի վայրի զննության մասին 24.10.2011թ. արձանագրությամբ և դրան կից լուսանկարչական հավելվածով, որոնց համաձայն` ամբաստանյալ Սենիկ Արայիկի Հարթենյանը մատնացույց է արել տուժող Սվետլանա Հովսեփյանի` Երևան քաղաքի Եղիշե Թադևոսյան փողոցի թիվ 7 շենքի թիվ 5 բնակարանի ննջարանի պատուհանը և հայտարարել է, որ 2011թ. հոկտեմբերի 12-ին, ժամը 03։30-ի սահմաններում, նշված պատուհանից ինքն ու Կ. Առաքելյանը մուտք են գործել այդ բնակարան և այնտեղից կատարել են գողություն։
/հատոր 2, գ.թ. 33-34/
Խուզարկություն (առգրավում) կատարելու մասին 23.10.2011թ. արձանագրությամբ, որի համաձայն` ամբաստանյալ Սենիկ Արայիկի Հարթենյանի բնակության վայրում` Երևան քաղաքի Գ. Նժդեհի փողոցի թիվ 56ա շենքի թիվ 818 սենյակում կատարված խուզարկության ժամանակ, մինչև խուզարկությունը սկսելը, Ս. Հարթենյանը բնակարանի լոգարանի էլեկտրական ջրատաքացուցիչի վրայից կամովին ներկայացրել է պոլիէթիլենային փաթեթ, որի մեջ եղել են տուժող Սվետլանա Հովսեփյանի բնակարանից հափշտակված զարդերը։
/հատոր 2, գ.թ. 28-29/
Առարկարները ճանաչման ներկայացնելու մասին 06.04.2012թ. արձանագրությամբ, որի համաձայն` տուժող Դավիթ Սարգսյանն իրեն ճանաչման ներկայացված առարկաների մեջ ճանաչել է չորս հատ «Էսկապադ» տեսակի անվադողերն իրենց անվահեծերով, «Էլ Ջի» տեսակի համակարգչային մոնիտորը, համակարգչային պրոցեսորը, գլոբուսի չուգունե պատվանդանը, էլեկտրական սղոցը, Էլեկտրական շաղափը, «Օրանժ» տեսակի ինտերնետայի մոդեմը, երկու կողային բարձրախոսներով և դիտակով վեբ տեսախցիկը, «Սամսունգ» և «Նոկիա» տեսակի լիցքավորիչները, որոնք 03.02.2012թ. հափշտակվել էին իր արվեստանոցից։
/հատոր 3, գ.թ. 94-95/
Առարկաները ճանաչման ներկայացնելու մասին 26.02.2012թ. արձանագրությամբ, որի համաձայն` տուժող Սվետլանա Հովսեփյանն իրեն ճանաչման ներկայացված առարկաների մեջ ճանաչել է մեկ հատ ականջօղը /արծաթե ոսկեջրած/, արծաթե շղթան, արծաթե շղթայի կտորները, մեկ զույգ ականջօղը /մելքիոր/, մազերի ամրակը, երկու հատ հագուստի զարդերը։
/հատոր 2, գ.թ. 208-209/
Առարկաները ճանաչման ներկայացնելու մասին 04.05.2012թ. արձանագրությամբ, որի համաձայն` տուժող Մանուկ Հովհաննիսյանն իրեն ճանաչման ներկայացված առարկաների մեջ ճանաչել է երկու զույգ հարվածամեղմիչները և «Արիզոնա» տեսակի երկու անվադողերը։
/հատոր 3, գ.թ. 183/
Որպես այլ փաստաթուղթ` ապացույց ճանաչված, ամբաստանյալներ Սենիկ Հարթենյանի և Կորյուն Առաքելյանի հեռախոսահամարների մուտքային և ելքային հեռախոսազանգերի վերծանումներով, որոնց համաձայն` նրանք գտնվել են ակտիվ հեռախոսակապի մեջ միմյանց հետ։
/հատոր 4, գ.թ. 97-100/
Իրեղեն ապացույցներ ճանաչված, VA7EA002615R գործարանային համարով «Պանասոնիկ» ֆիրմայի «Դիվիդի» /«DVD»/ նվագարկիչով, ականջօղերով, արծաթե շղթայով, արծաթե շղթայի կտորներով, մազերի ամրակով, հագուստի զարդերով, ավտոմեքենայի համար նախատեսված երկու հարվածամեղմիչներով, երկու անվադողերով, չորս հատ «Էսկապադ» տեսակի անվադողերով` իրենց անվահեծերով, համակարգչի պրոցեսորով, «Էլ Ջի» /«LG»/ տեսակի համակարգչի մոնիտորով, էլեկտրական սղոցով, էլեկտրական շաղափով, գլոբուսի չուգունե պատվանդանով, «Օրանժ» տեսակի ինտերնետային մոդեմով, երկու բարձրախոսներով և դիտակով տեսակցիկով, «Սամսունգ» և «Նոկիա» մոդելների լիցքավորիչներով։
/հատոր 2, գ.թ. 210, Հատոր 3, գ.թ. 97, 186-188/
Ամբաստանյալ Կորյուն Կարապետի Առաքելյանը նախաքննության ժամանակ առաջադրված մեղադրանքում իրեն մեղավոր չի ճանաչել և հրաժարվել է ցուցմունքներ տալուց, իսկ դատարանում ցուցմունք տվեց այն մասին, որ ինքը Սենիկից երբևէ գողություն կատարելու առաջարկ չի ստացել։ Իր ձերբակալվան օրվանից սկսած ինքը պաշտպան է պահանջել։ Քննիչն իրեն ասել է, որ կտրամադրվի պաշտպան, սակայն իրեն պաշտպանով չեն ապահովել։ Սենիկ Հարթենյանի հետ տեղի ունեցած առերես հարցաքննության ժամանակ քննիչը բղավել է Սենիկի վրա և պահանջել է գրել այն, ինչ թելադրվել է։ Ինքը միջամտել է, որի պատճառով իրեն երկու անգամ դուրս են հրավիրել սենյակից։ Հետագայում Սենիկից տեղեկացել է, որ նրան խոստացել են նման ցուցմունք տալու դեպքում ազատ արձակել։ Ինքը դեպքի օրը բարում է եղել, սակայն հարբած է եղել և ի վիճակի չի եղել նույնիսկ շարժվել։
/դատական նիստի արձանագրություն, հատոր 4, գ.թ. 52/



Դատարանի իրավական վերլուծությունները.

Վերլուծելով ամբաստանյալներ Կորյուն Կարապետի Առաքելյանի, Սենիկ Արայիկի Հարթենյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալ Կորյուն Կարապետի Առաքելյանի ցուցմունքները` գողության փորձ չկատարելու մասին, ամբաստանյալ Սենիկ Արայիկի Հարթենյանի դատաքննական ցուցմունքները` գողության փորձը միայնակ կատարելու, նախաքննության ժամանակ իր նկատմամբ ճնշումներ գործադրված լինելու մասին, իրականությանը չեն համապատասխանում, արժանահավատ չեն, քրեական պատասխանատվությունից և պատժից խուսափելու, այդ հարցում ամբաստանյալ Կորյուն Առաքելյանին օգնելու նպատակ են հետապնդում և հերքվում են արդեն իսկ նշված ապացույցներով։
Վերլուծելով ամբաստանյալներ Անդրանիկ Վահանի Վարդանյանին, Սենիկ Արայիկի Հարթենյանին, Էդգար Արթուրի Շահինյանին, Կորյուն Կարապետի Առաքելյանին և Եվգենի Սասիլիի Սավիցկուն առաջադրված մեղադրանքները, նրանց ցուցմունքները և գործով ձեռք բերված ապացույցները` դատարանը գտնում է, որ ամբաստանյալներ Անդրանիկ Վահանի Վարդանյանի, Սենիկ Արայիկի Հարթենյանի, Էդգար Արթուրի Շահինյանի կողմից, նրանց մեղավորությամբ, մի խումբ անձանց կողմից նախնական համաձայնությամբ և շահադիտական դրդումներով մարդուն առևանգելը և մի խումբ անձանց կողմից նախնական համաձայնությամբ, զենքի կամ որպես զենք օգտագործվող այլ առարկաների գործադրմամբ ավազակություն կատարելն ապացուցված չէ, նրանց այդ արարքները ճիշտ չեն որակված և չեն համապատասխանում ՀՀ քրեական օրենսգրքի 131-րդ հոդվածի 2-րդ մասի 1-ին, 7-րդ կետերով և 175-րդ հոդվածի 2-րդ մասի 1-ին, 4-րդ կետերով նախատեսված հանցագործությունների հատկանիշներին։ Ապացուցված է ամբաստանյալներ Անդրանիկ Վահանի Վարդանյանի, Սենիկ Արայիկի Հարթենյանի, Էդգար Արթուրի Շահինյանի կողմից, նրանց մեղավորությամբ, անձի նկատմամբ բռնություն գործադրելով, մի խումբ անձանց կողմից նախնական համաձայնությամբ շորթում կատարելը, նրանց արարքը համապատասխանում է ՀՀ քրեական օրենսգրքի 182-րդ հոդվածի 2-րդ մասի 1-ին և 2-րդ կետերով նախատեսված հանցագործության հատկանիշներին հետևյալ պատճառաբանությամբ.
ՀՀ քրեական դատավարության օրենսգրքի 18-րդ հոդվածի 3-րդ մասի համաձայն` «Հանցանք գործելու մեջ անձի մեղավորության մասին հետևությունը չի կարող հիմնվել ենթադրությունների վրա, այն պետք է հաստատվի գործին վերաբերող փոխկապակցված հավաստի ապացույցների բավարար ամբողջությամբ։»։
Նույն հոդվածի 4-րդ մասի համաձայն` «Մեղադրանքն ապացուցված լինելու վերաբերյալ բոլոր կասկածները, որոնք չեն կարող փարատվել սույն օրենսգրքի դրույթներին համապատասխան պատշաճ իրավական ընթացակարգի շրջանակներում, մեկնաբանվում են հօգուտ մեղադրյալի կամ կասկածյալի։»։
ՀՀ քրեական դատավարության օրենսգրքի 126-րդ հոդվածի համաձայն` «Գործով հավաքված ապացույցները ենթակա են բազմակողմանի և օբյեկտիվ ստուգման` ձեռք բերված ապացույցի վերլուծության, այն այլ ապացույցների հետ համադրելու, նոր ապացույցներ հավաքելու, ապացույցների ձեռքբերման աղբյուրներն ստուգելու միջոցով։»։
ՀՀ քրեական դատավարության օրենսգրքի 127-րդ հոդվածի համաձայն`
«1. Յուրաքանչյուր ապացույց ենթակա է գնահատման` վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից։
2. Հետաքննության մարմնի աշխատակիցը, քննիչը, դատախազը, դատավորը, ղեկավարվելով օրենքով, ապացույցները գնահատում են ապացույցների համակցության մեջ` դրանց բազմակողմանի, լրիվ և օբյեկտիվ քննության վրա հիմնված իրենց ներքին համոզմամբ։»։
Տուժող Սուրեն Գասպարյանը տալով ամբաստանյալներ Անդրանիկ Վարդանյանի, Սենիկ Հարթենյանի և Էդգար Շահինյանի ցուցմունքների հետ նույնաբովանդակ ցուցմունքներ` դատարանին հայտնել է, որ ամբաստանյալներ Անդրանիկ Վարդանյանը, Սենիկ Հարթենյանը և Էդգար Շահինյանն իրեն չեն առևանգել, ինքը նրանց հետ «999» բար-սրճարան գնացել է իր կամքով, պատահական տաքսի ավտոմեքենայով, իսկ «999» բար-սրճանանում գտնվող ապրանքը տվել է ամբաստանյալների պահանջով, սակայն իր կամքով։ Իրեն առևանգելու և իր նկատմամբ ավազակային հարձակում կատարելու հանգամանքների մասով իր նախաքննական ցուցմունքներն իրականությանը չեն համապատասխանում։
Ստուգելով ամբաստանյալներ Անդրանիկ Վահանի Վարդանյանի, Սենիկ Արայիկի Հարթենյանի և Էդգար Արթուրի Շահինյանի կողմից, ՀՀ քրեական օրենսգրքի 131-րդ հոդվածի 2-րդ մասի 1-ին, 7-րդ կետերով և 175-րդ հոդվածի 2-րդ մասի 1-ին, 4-րդ կետերով նախատեսված հանցագործություններ կատարելու վերաբերյալ գործով ձեռք բերված ապացույցները դրանց վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, ամբաստանյալների մեղավորության մասին չփարատվող բոլոր կասկածները նրանց օգտին մեկնաբանելով` դատարանը գտնում է, որ ամբաստանյալներ Անդրանիկ Վահանի Վարդանյանին, Սենիկ Արայիկի Հարթենյանին և Էդգար Արթուրի Շահինյանին ՀՀ քրեական օրենսգրքի 131-րդ հոդվածի 2-րդ մասի 1-ին, 7-րդ կետերով և 175-րդ հոդվածի 2-րդ մասի 1-ին, 4-րդ կետերով առաջադրված մեղադրանքները հիմնավորող բավարար ապացույցներ առկա չեն և նրանց արարքը համապատասխանում է ՀՀ քրեական օրենսգրքի 182-րդ հոդվածի 2-րդ մասի 1-ին և 2-րդ կետերով նախատեսված հանցագործության հատկանիշներին։
Ամբաստանյալ Անդրանիկ Վահանի Վարդանյանի կողմից, նրա մեղավորությամբ, մի խումբ անձանց կողմից նախնական համաձայնությամբ, շինություն ապօրինի մուտք գործելով գողություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կե¬տերով նախատեսված հանցագործության հատկանիշներին։
Ապացուցված է նաև ամբաստանյալ Անդրանիկ Վահանի Վարդանյանի կողմից, նրա մեղավորությամբ, շինություն ապօրինի մուտք գործելով գողության փորձ կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 34-177-րդ հոդվածի 2-րդ մասի 3-րդ կե¬տով նախատեսված հանցագործության հատկանիշներին։
Ապացուցված է նաև ամբաստանյալ Անդրանիկ Վահանի Վարդանյանի կողմից, նրա մեղավորությամբ, նրան ՀՀ քրեական օրենսգրքի 177-րդ հոդվածի 2-րդ մասի 3-րդ կետով առաջադրված մեղադրանքի հինգ դրվագներից յուրաքանչյուրով, շինություն ապօրինի մուտք գործելով գողություն կատարելը, նրա այդ արարքները նույնպես ճիշտ են որակված և համապատասխանում են ՀՀ քրեական օրենսգրքի 177-րդ հոդվածի 2-րդ մասի 3-րդ կե¬տով նախատեսված հանցագործության հատկանիշներին։
Ամբաստանյալ Սենիկ Արայիկի Հարթենյանի կողմից, նրա մեղավորությամբ, բնակարան ապօրինի մուտք գործելով գողության փորձ կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 34-177-րդ հոդվածի 3-րդ մասի 1.1 կետով նախատեսված հանցագործության հատկանիշներին։
Ամբաստանյալ Կորյուն Կարապետի Առաքելյանի կողմից, նրա մեղավորությամբ, բնակարան ապօրինի մուտք գործելով գողության փորձ կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 34-177-րդ հոդվածի 3-րդ մասի 1.1 կետով նախատեսված հանցագործության հատկանիշներին։
Ամբաստանյալ Եվգենի Վասիլիի Սավիցկու կողմից, նրա մեղավորությամբ, մի խումբ անձանց կողմից նախնական համաձայնությամբ շինություն ապօրինի մուտք գործելով գողություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով նախատեսված հանցագործության հատկանիշներին։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Անդրանիկ Վահանի Վարդանյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական։
ՀՀ քրեական օրենսգրքի 182-րդ հոդվածի 2-րդ մասի 1-ին և 2-րդ կետերով, 34-177-րդ հոդվածի 2-րդ մասի 3-րդ կետով, 177-րդ հոդվածի 2-րդ մասի 1-ին, 3-րդ կետերով, հինգ դրվագով` 177-րդ հոդվածի 2-րդ մասի 3-րդ կետով նախատեսված հանցանքներ կատարելու համար պատիժ նշանակելիս` ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ ՀՀ քրեական օրենսգրքի 177-րդ հոդվածի 2-րդ մասի 3-րդ կետով նախատեսված երրորդից հինգերորդ դրվագներով նախատեսված յուրաքանչյուր հանցագործության համար պատիժ նշանակելիս, որպես ամբաստանյալի պատասխանատվությունը և պատիժը ծանրացնող հանգամանք դատարանը հաշվի է առնում հանցանքը որպես արհեստ կատարելը։
Ամբաստանյալ Անդրանիկ Վահանի Վարդանյանն իր կատարած` առաջին և երկրորդ դրվագներով` Հայաստանի Հանրապետության 177-րդ հոդվածի 2-րդ մասի 3-րդ կետով, 34-177-րդ հոդվածի 2-րդ մասի 3-րդ կետով, 177-րդ հոդվածի 2-րդ մասի 1-ին, 3-րդ կետերով նախատեսված յուրաքանչյուր հանցագործության համար ենթակա է պատժի տուգանքի ձևով, իսկ ՀՀ քրեական օրենսգրքի 182-րդ հոդվածի 2-րդ մասի 1-ին և 2-րդ կետերով նախատեսված հանցագործության համար ենթակա է պատժի ազատազրկման ձևով։
Հաշվի առնելով երրորդից հինգերորդ դրվագներով` Հայաստանի Հանրապետության քրեական օրենսգրքի 177-րդ հոդվածի 2-րդ մասի 3-րդ կետով նախատեսված հանցագործություններն ամբաստանյալ Անդրանիկ Վարդանյանի կողմից որպես արհեստ կատարելու հանգամանքը, նրա պատասխանատվությունը և պատիժը մեղմացնող հանգամանքների բացակայությունը` դատարանը գտնում է, որ ամբաստանյալ Անդրանիկ Վահանի Վարդանյանն իր կատարած` այդ դրվագներով նախատեսված յուրաքանչյուր հանցագործության համար ենթակա է պատժի այդ հանցագործությունների համար նախատեսված պատիժներից առավել խիստ պատժի` ազատազրկման ձևով, քանի որ պատժի նվազ խիստ տեսակ տուգանքը չի կարող ապահովել պատժի նպատակները։
Դատարանը գտնում է, որ իր նկատմամբ նշանակված պատիժներն ամբաստանյալ Անդրանիկ Վարդանյանը պետք է կրի, քանի որ դրանց խոչընդոտող հանգամանքներ առկա չեն։
Ամբաստանյալ Սենիկ Արայիկի Հարթենյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Սենիկ Արայիկի Հարթենյանն իր կատարած, Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 1.1 կետով և 182-րդ հոդվածի 2-րդ մասի 1-ին, 2-րդ կետերով նախատեսված յուրաքանչյուր հանցագործության կատարման համար ենթակա է պատժի ազատազրկման ձևով։
Միաժամանակ, ՀՀ քրեական օրենսգրքի 69-րդ հոդվածի 3-րդ մասի կիրառմամբ, ազատազրկման ձևով նշանակված պատժին հաշվակցման է ենթակա Սենիկ Հարթենյանին կալանքի տակ պահելու երեք օրը։
Դատարանը գտնում է, որ իր նկատմամբ նշանակված պատիժն ամբաստանյալ Սենիկ Հարթենյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Էդգար Արթուրիկի Շահինյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, վատառողջ է` տառապում է «Անձի և վարքի օրգանական խանգարում էպիլեպսիայի հետևանքով» հիվանդությամբ։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Էդգար Արթուրիկի Շահինյանն իր կատարած, Հայաստանի Հանրապետության քրեական օրենսգրքի 182-րդ հոդվածի 2-րդ մասի 1-ին, 2-րդ կետերով նախատեսված հանցագործության կատարման համար ենթակա է պատժի ազատազրկման ձևով։
Դատարանը գտնում է, որ իր նկատմամբ նշանակված պատիժն ամբաստանյալ Էդգար Շահինյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Կորյուն Կարապետի Առաքելյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա բնութագրվում է դրական։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Կորյուն Կարապետի Առաքելյանն իր կատարած, Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 1.1 կետով նախատեսված հանցագործության կատարման համար ենթակա է պատժի ազատազրկման ձևով։
Հաշվի առնելով, որ ամբաստանյալ Կորյուն Կարապետի Առաքելյանը մեղավոր է մեկ այլ արարքի համար, որը նա կատարել է նախքան առաջին` ԱՎԴ2/0069/01/11 քրեական գործով ՀՀ Արարատի և Վայոց Ձորի մարզերի ընդհանուր իրավասության առաջին ատյանի դատարանի 24.11.2011թ. դատավճիռը կայացնելը, դատարանը գտնում է, որ նրա նկատմամբ պատիժը պետք է նշանակվի ՀՀ քրեական օրենսգրքի 66-րդ հոդվածի հիման վրա, պատիժների մասնակի գումարման սկզբունքի կիրառմամբ, վերջնական պատժի ժամկետին հաշվակցելով առաջին դատավճռով նշանակված պատժի չկրած մասը։
Դատարանը գտնում է, որ իր նկատմամբ նշանակված պատիժն ամբաստանյալ Կորյուն Առաքելյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Եվգենի Վասիլիի Սավիցկու նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, իրեն լիովին մեղավոր ճանաչելով և տալով ինքնախոստովանական ցուցմունքներ` անկեղծորեն զղջում է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում հանցագործությունը բացահայտելուն և հանցագործության մյուս մասնակցին մերկացնելուն աջակցելը, որն արտահայտվել է նրանում, որ նախաքննության ընթացքում ինքնախոստովանական ցուցմունքներ է տվել ամբաստանյալ Անդրանիկ Վարդանյանի դեմ, մանրամասն ներկայացրել է դեպքի վայրն ու գործի հանգամանքները։ Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Եվգենի Վասիլիի Սավիցկու նկատմամբ պատիժ նշանակելու հարցը քննարկելիս` դատարանը գտնում է, որ նրա նկատմամբ Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին և 3-րդ կետերով նախատեսված հանցագործության համար պետք է պատիժ նշանակվի տուգանքի ձևով` հաշվի առնելով նաև հետևյալ հանգամանքը.
ՀՀ քրեական օրենսգրքի 69-րդ հոդվածի համաձայն`
(…)
5. Մինչև դատական քննությունը կալանքի տակ գտնվող անձի նկատմամբ տուգանքի, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու ձևով պատիժ նշանակելիս դատարանը, հաշվի առնելով կալանքի տակ պահելու ժամկետը, մեղմացնում է նշանակված պատիժը կամ լրիվ ազատում պատիժը կրելուց։
(…)»։
Հաշվի առնելով, որ ամբաստանյալ Եվգենի Սավիցկին 2012թ.-ի փետրվարի 03-ից մինչև 2012թ. դեկտեմբերի 25-ը, այսինքն տաս ամիս քսաներկու օր գտնվել է անազատության մեջ` դատարանը գտնում է, որ ամբաստանյալի նկատմամբ, ՀՀ քրեական օրենսգրքի 69-րդ հոդվածի 5-րդ մասի կիրառմամբ պետք է նշանակվի մեղմացված պատիժ։
Դատարանը գտնում է, որ իր նկատմամբ նշանակված պատիժն ամբաստանյալ Եվգենի Սավիցկին պետք է կրի, քանի որ դրան խոչընդոտող հանգամանքներ առկա չեն։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 26.02.2012թ., 06.04.2012թ. և 04.05.2012թ. որոշումներով իրեղեն ապացույցներ ճանաչված, VA7EA002615R գործարանային համարով «Պանասոնիկ» ֆիրմայի «Դիվիդի» /«DVD»/ նվագարկիչը, ականջօղերը, արծաթե շղթան, արծաթե շղթայի կտորները, մազերի ամրակը, հագուստի զարդերը պետք է թողնել տուժող Սվետլանա Հովսեփյանի տնօրինմանը, ավտոմեքենայի համար նախատեսված երկու հարվածամեղմիչները և երկու անվադողերը պետք է թողնել տուժող Մանուկ Հովհաննիսյանի տնօրինմանը, իսկ չորս հատ «Էսկապադ» տեսակի անվադողերն իրենց անվահեծերով, համակարգչի պրոցեսորը, «Էլ Ջի» /«LG»/ տեսակի համակարգչի մոնիտորը, էլեկտրական սղոցը, էլեկտրական շաղափը, գլոբուսի չուգունե պատվանդանը, «Օրանժ» տեսակի ինտերնետային մոդեմը, տեսակցիկն իր երկու բարձրախոսներով և դիտակով, «Սամսունգ» և «Նոկիա» մոդելների լիցքավորիչները` պետք է թողնել տուժող Դավիթ Սարգսյանի տնօրինմանը։
Քննարկելով խափանման միջոցների հարցը` դատարանը գտնում է, որ ամբաստանյալներ Անդրանիկ Վահանի Վարդանյանի, Սենիկ Արայիկի Հարթենյանի, Էդգար Արթուրիկի Շահինյանի և Կորյուն Կարապետի Առաքելյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։ Ամբաստանյալ Եվգենի Վասիլիի Սավիցկու նկատմամբ ընտրված խափանման միջոց կալանավորումը պետք է փոփոխել, խափանման միջոց պետք է ընտրել չհեռանալու մասին ստորագրությունը և նրան ազատ արձակել դատական նիստերի դահլիճում, քանի որ նրա` տուգանքի դատապարտվելու պարագայում, քրեական պատասխանատվությունից և նշանակված պատիժը կրելուց խուսափելու հավանականությունը բարձր չէ։
Քննարկելով դատական ծախսերի հարցը` դատարանը գտնում է, որ Սենիկ Արայիկի Հարթենյանից և Կորյուն Կարապետի Առաքելյանից, համապարտորեն, հօգուտ ՀՀ պետական բյուջեի պետք է բռնագանձել նյութագիտական և ապրանքագիտական փորձաքննության արժեք հանդիսացող 68.700 /վաթսունութ հազար յոթ հարյուր/ ՀՀ դրամ գումարը` որպես դատական ծախսեր։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-169-րդ, 357-360-րդ, 364-365-րդ, 369-373-րդ հոդվածներով, դատարանը`



Վ Ճ Ռ Ե Ց

1. Ամբաստանյալ Անդրանիկ Վահանի Վարդանյանին մեղավոր ճանաչել Հայաստանի Հանրապետության քրեական օրենսգրքի 182-րդ հոդվածի 2-րդ մասի 1-ին, 2-րդ կետերով, 34-177-րդ հոդվածի 2-րդ մասի 3-րդ կետով, 177-րդ հոդվածի 2-րդ մասի 1-ին, 3-րդ կետերով, հինգ դրվագով` 177-րդ հոդվածի 2-րդ մասի 3-րդ կետով նախատեսված հանցանքներում և դատապարտել. ՀՀ քրեական օրենսգրքի 182-րդ հոդվածի 2-րդ մասի 1-ին, 2-րդ կետերով` ազատազրկման 4 /չորս/ տարի 6 /վեց/ ամիս ժամկետով` գույքի կեսի բռնագրավմամբ, սակայն ոչ ավելի 65.000 /վաթսունհինգ հազար/ ՀՀ դրամ գումարից, 34-177-րդ հոդվածի 2-րդ մասի 3-րդ կետով` տուգանքի նվազագույն աշխատավարձի վեցհարյուրապատաիկի` 600.000 /վեց հարյուր հազար/ ՀՀ դրամ գումարի չափով, ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ կետերով` տուգանքի նվազագույն աշխատավարձի վեցհարյուրապատաիկի` 600.000 /վեց հարյուր հազար/ ՀՀ դրամ գումարի չափով,
ՀՀ քրեական օրենսգրքի 177-րդ հոդվածի 2-րդ մասի 3-րդ կետով`
- առաջին դրվագով` տուգանքի նվազագույն աշխատավարձի յոթհարյուրապատաիկի` 700.000 /յոթ հարյուր հազար/ ՀՀ դրամ գումարի չափով,
- երկրորդ դրվագով` տուգանքի նվազագույն աշխատավարձի ութհարյուրապատաիկի` 800.000 /ութ հարյուր հազար/ ՀՀ դրամ գումարի չափով,
- երրորդ դրվագով` ազատազրկման 2 /երկու/ տարի ժամկետով,
- չորրորդ դրվագով` ազատազրկման 2 /երկու/ տարի 6 /վեց/ ամիս ժամկետով
- հինգերորդ դրվագով` ազատազրկման 3 /երեք/ տարի ժամկետով,
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Անդրանիկ Վահանի Վարդանյանի նկատմամբ պատիժ նշանակել ազատազրկում 6 /վեց/ տարի ժամկետով` գույքի կեսի բռնագրավմամբ, սակայն ոչ ավելի 65.000 /վաթսունհինգ հազար/ ՀՀ դրամ գումարից և տուգանք` նվազագույն աշխատավարձի երկուհազարապատիկի` 2.000.000 /երկու միլիոն/ ՀՀ դրամ գումարի չափով։ Ազատազրկման ձևով պատիժը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. փետրվարի 03-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
2. Ամբաստանյալ Սենիկ Արայիկի Հարթենյանին մեղավոր ճանաչել Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 1.1 կետով և 182-րդ հոդվածի 2-րդ մասի 1-ին, 2-րդ կետերով նախատեսված հանցանքներում և դատապարտել. ՀՀ քրեական օրենսգրքի 182-րդ հոդվածի 2-րդ մասի 1-ին, 2-րդ կետերով` ազատազրկման 4 /չորս/ տարի ժամկետով` գույքի կեսի բռնագրավմամբ, սակայն ոչ ավելի 65.000 /վաթսունհինգ հազար/ ՀՀ դրամ գումարից, 34-177-րդ հոդվածի 3-րդ մասի 1.1 կետով` ազատազրկման 4 /չորս/ տարի ժամկետով` առանց գույքի բռնագրավման։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Սենիկ Արայիկի Հարթենյանի նկատմամբ պատիժ նշանակել ազատազրկում 5 /հինգ/ տարի ժամկետով` գույքի կեսի բռնագրավմամբ, սակայն ոչ ավելի 65.000 /վաթսունհինգ հազար/ ՀՀ դրամ գումարից։
ՀՀ քրեական օրենսգրքի 69-րդ հոդվածի 3-րդ մասի կիրառմամբ հաշվակցելով կալանքի տակ պահելու 3 /երեք/ օրը` ամբաստանյալ Սենիկ Արայիկի Հարթենյանի նկատմամբ պատիժ նշանակել ազատազրկում է 4 /չորս/ տարի 11 /տասնմեկ/ ամիս 27 /քսանյոթ/ օր ժամկետով` գույքի կեսի բռնագրավմամբ, սակայն ոչ ավելի 65.000 /վաթսունհինգ հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. փետրվարի 24-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
3. Ամբաստանյալ Էդգար Արթուրիկի Շահինյանին մեղավոր ճանաչել Հայաստանի Հանրապետության քրեական օրենսգրքի 182-րդ հոդվածի 2-րդ մասի 1-ին, 2-րդ կետերով նախատեսված հանցանքում և դատապարտել ազատազրկման 4 /չորս/ տարի ժամկետով` գույքի կեսի բռնագրավմամբ, սակայն ոչ ավելի 65.000 /վաթսունհինգ հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2012թ. փետրվարի 24-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
4. Ամբաստանյալ Կորյուն Կարապետի Առաքելյանին մեղավոր ճանաչել Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 1.1 կետով նախատեսված հանցանքում և դատապարտել ազատազրկման 4 /չորս/ տարի 6 /վեց/ ամիս ժամկետով` առանց գույքի բռնագրավման։
ՀՀ քրեական օրենսգրքի 66-րդ հոդվածի 4-րդ և 6-րդ մասերի կիրառմամբ` նշանակված պատժին մասնակի գումարել նախորդ` ՀՀ Արարատի և Վայոց Ձորի մարզերի ընդհանուր իրավասության առաջին ատյանի դատարանի 24.11.2011թ. դատավճռով նշանակված 2 /երկու/ տարի 6 /վեց/ ամիս ժամկետով ազատազրկումից 1 /մեկ/ տարի 6 /վեց/ ամիս ժամկետով ազատազրկումը և ամբաստանյալ Կորյուն Կարապետի Առաքելյանի նկատմամբ պատիժ նշանակել ազատազրկում 6 /վեց/ տարի ժամկետով` առանց գույքի բռնագրավման, որը պետք է կրի ՀՀ արդարադատության նախարարության համապատասխան քրեակատարողական հիմնարկում` պատժի սկիզբը հաշվելով 2011թ. հոկտեմբերի 24-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
5. Ամբաստանյալ Եվգենի Վասիլիի Սավիցկուն մեղավոր ճանաչել Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին և 3-րդ կետերով նախատեսված հանցանքում և դատապարտել տուգանքի նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամ գումարի չափով։
Խափանման միջոց կալանավորումը փոփոխել, խափանման միջոց ընտրել չհեռանալու մասին ստորագրությունը` մինչև դատավճռի օրինական ուժի մեջ մտնելը և Եվգենի Վասիլիի Սավիցկուն ազատ արձակել դատական նիստերի դահլիճում։
Դատավճռի օրինական ուժի մեջ մտնելուց հետո, 26.02.2012թ., 06.04.2012թ. և 04.05.2012թ. որոշումներով իրեղեն ապացույցներ ճանաչված, VA7EA002615R գործարանային համարով «Պանասոնիկ» ֆիրմայի «Դիվիդի» /«DVD»/ նվագարկիչը, ականջօղերը, արծաթե շղթան, արծաթե շղթայի կտորները, մազերի ամրակը, հագուստի զարդերը թողնել տուժող Սվետլանա Հովսեփյանի տնօրինմանը, ավտոմեքենայի համար նախատեսված երկու հարվածամեղմիչները և երկու անվադողերը թողնել տուժող Մանուկ Հովհաննիսյանի տնօրինմանը, իսկ չորս հատ «Էսկապադ» տեսակի անվադողերն իրենց անվահեծերով, համակարգչի պրոցեսորը, «Էլ Ջի» /«LG»/ տեսակի համակարգչի մոնիտորը, էլեկտրական սղոցը, էլեկտրական շաղափը, գլոբուսի չուգունե պատվանդանը, «Օրանժ» տեսակի ինտերնետային մոդեմը, տեսակցիկն իր երկու բարձրախոսներով և դիտակով, «Սամսունգ» և «Նոկիա» մոդելների լիցքավորիչները` թողնել տուժող Դավիթ Սարգսյանի տնօրինմանը։
Ամբաստանյալներ Սենիկ Արայիկի Հարթենյանից և Կորյուն Կարապետի Առաքելյանից, համապարտորեն, հօգուտ ՀՀ պետական բյուջեի բռնագանձել 68.700 /վաթսունութ հազար յոթ հարյուր/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։

ԴԱՏԱՎՈՐ` Մ. ՄԱՐՏԻՐՈՍՅԱՆ