ԵԿԴ/0124/01/12





ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«3» հունիսի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)




Նախագահող դատավոր
դատական նիստերի քարտուղար
մեղադրող
պաշտպան

Մ.Պապոյան
Կ.Կարապետյան
Մ.Հակոբյան
Հ.Բաբայան

դռնբաց դատական նիստում քննեց քրեական գործն ըստ մեղադրանքի`
Խաչիկ Սերյոժայի Բաբայանի` ծնված 1974 թվականի օգոստոսի 18-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում դատապարտված, հաշվառված է Երևան քաղաքի Աստրովսկու փողոցի 62/2 տանը, մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, սույն քրեական գործով խափանման միջոց չի ընտրվել:
1. Գործի դատավարական նախապատմությունը.
2011 թվականի մայիսի 24-ին ՀՀ ոստիկանության ՔԳՎ ՀԿԳ քննության վարչության ավագ քննիչ Գ.Համբարձումյանի որոշմամբ ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 268-րդ հոդվածի 2-րդ մասի 2-րդ կետով նախատեսված հանցագործությունների հատկանիշներով հարուցվել և վարույթ է ընդունվել թիվ 69103111 քրեական գործը:
2011 թվականի մայիսի 24-ի ՀՀ ոստիկանության ՔԳՎ ՀԿԳ քննության վարչության ավագ քննիչ Գ.Համբարձումյանի որոշմամբ թիվ 69103111 քրեական գործով Արթուր Մաքսիմի Խաչատուրյանին մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 215-րդ հոդվածի 2-րդ մասով և 268-րդ հոդվածի 2-րդ մասի 2-րդ կետով:
2011 թվականի սեպտեմբերի 17-ին ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ թիվ 69103111 քրեական գործն ընդունվել է վարույթ:
2012 թվականի փետրվարի 23-ին ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ թիվ 69103111 քրեական գործով Ամալյա Հարությունյանի վերաբերյալ մասը կարճվել է` նրա գործողություններում հանցակազմի բացակայության հիմքով:
2012 թվականի փետրվարի 29-ի ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ թիվ 69103111 քրեական գործից անջատվել է ոմն Աշոտի, Արթուր Համբարձումյանի, Խաչիկ Բաբայանի և նրա հանցակիցների վերաբերյալ մասը և նախաքննությունը շարունակվել է 69102012 համարով:
2012 թվականի մայիսի 11-ի ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ թիվ 69102012 քրեական գործով Խաչիկ Սերյոժայի Բաբայանին մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 268-րդ հոդվածի 3-րդ մասով:
2012 թվականի հունիսի 14-ին ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ թիվ 69102012 քրեական գործով Արմենուհի Մազմանյանի և Էդուարդ Հարությունյանի վերաբերյալ մասը կարճվել է ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետով` նրանց գործողություններում հանցակազմի բացակայության հիմքով, իսկ Ալբերտ Հովհաննիսյանի վերաբերյալ մասը կարճվել է ՀՀ քրեական դատավարության օրենսգրքի 35-րդ հոդվածի 1-ին մասի 11-րդ կետով` հանցագործությունից կամովին հրաժարվելու պատճառաբանությամբ:
2012 թվականի հունիսի 18-ին ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ թիվ 69102012 քրեական գործով Վարդան Երտվեցյանի վերաբերյալ մասը կարճվել է` հանցակազմի բացակայության հիմքով:
2012 թվականի հունիսի 18-ին ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ թիվ 69102012 քրեական գործից անջատվել է Խաչիկ Սերյոժայի Բաբայանի վերաբերյալ մասը և քրեական գործից անջատված մասով նախաքննությունը շարունակվել է 69104712 համարով:
2012 թվականի հունիսի 22-ի ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ Խաչիկ Սերյոժայի Բաբայանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով:
2013 թվականի հուլիսի 3-ին Խաչիկ Սերյոժայի Բաբայանի վերաբերյալ թիվ 69104712 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանի ընդհանուր իրավասության առաջին ատյանի դատարան, որտեղ քրեական գործին շնորհվել է ԵԿԴ/0124/01/12 համարը:
Խաչիկ Սերյոժայի Բաբայանին մեղադրանք է առաջադրվել ՀՀ քրեական օրենսգրքի 266-րդ հոդվածի 3-ին մասի 2-րդ կետով` այն արարքի համար, որ նա ՀՀ ԱՆ «Կոշ» քրեակատարողական հիմնարկում պատիժը կրելու ընթացքում, տեղեկանալով իր ծանոթ Արթուր Խաչատուրյանի մոտ առանձնապես խոշոր չափերի «բուպրենորֆին» տեսակի թմրամիջոց պարունակող «սուբոտեքս» տեսակի դեղահաբերի առկայության մասին, մոտ 0.008 գրամ «բուպրենորֆին» պարունակող մեկ դեղահաբը 20.000 ՀՀ դրամով իրացնելու նպատակով գնելու վերաբերյալ հեռախոսով պայմանավորվածություն է ձեռք բերել վերջինի հետ, ապա թմրամիջոցների գնորդ անձանց հետ պայմանավորվածության համաձայն` ՀՀ ԱՆ «Կոշ» ՔԿ հիմնարկից նրանց հեռախոսակապով Արթուր Խաչատուրյանի հետ տարբեր վայրերում հանդիպման ուղղորդելու միջոցով 2010 թվականի հոկտեմբեր ամսից մինչև 2011 թվականի մայիսի 24-ն ընկած ժամանակահատվածում վերավաճառելու եղանակով, ինչպես Ալբերտ Հովհաննիսյանին, այնպես էլ գործով դեռևս չպարզված տարբեր անձանց, իրացրել է Արթուր Խաչատուրյանից ապօրինի ձեռք բերված ընդհանուր` առանձնապես խոշոր չափի` մոտ 0,8 գրամ «բուպրենորֆին» պարունակող մոտ 100 հատ «սուբոտեքս» տեսակի դեղահաբ: Մասնավորապես` Խաչիկ Բաբայանը ՀՀ ԱՆ «Դատապարտյալների հիվանդանոց» ՔԿ հիմնարկի դատապարտյալ Ալբերտ Ռուբիկի Հովհաննիսյանին մեկ դեղահաբը 40.000 ՀՀ դրամով վաճառելու վերաբերյալ վերջինի հետ պայմանավորվածություն ձեռք բերելուց հետո, նրան ընդհանուր մոտ 0.048 գրամ «բուպրենորֆին» պարունակող թվով 6 հատ դեղահաբեր ապօրինի իրացնելու ուղղակի դիտավորությամբ 2011 թվականի մայիսի 23-ին հեռախոսակապով կազմակերպել է Արթուր Խաչատուրյանի, իսկ Ալբերտ Հովհաննիսյանի միջոցով նաև վերջինի ուղարկած տաքսու վարորդի հանդիպումը Երևան քաղաքի Մաշտոցի պողոտայում գտնվող «Երևան Սիթի» սուպերմարկետի մոտ, որտեղ պայմանավորվածության համաձայն` Արթուր Խաչատուրյանից 20.000-ական ՀՀ դրամով ձեռք բերված թվով 6 հատ հաբերը նրա իսկ միջոցով ապօրինի իրացրել է Ալբերտ Հովհաննիսյանին` թմրամիջոցը փոխանցել վերջինի ուղարկած տաքսու վարորդին` դեղահաբերում թմրամիջոցի առկայությունից անտեղյակ Էդուարդ Հարությունյանին:
2. Ապացույցների հետազոտում և գնահատում.
Ամբաստանյալ Խաչիկ Սերյոժայի Բաբայանն առաջադրված մեղադրանքում իրեն մեղավոր չի ճանաչել և ինչպես նախնական, այնպես էլ դատական քննության ընթացքում հրաժարվել է ցուցմունք տալ:
Սույն քրեական գործի մեղադրանքի հետ առնչվող մեկ այլ քրեական գործով դատապարտյալ Արթուր Խաչատուրյանը դատական քննության ընթացքում ցուցմունք տվեց այն մասին, որ ինքը Խաչիկ Բաբայանին թմրամիջոց չի տվել, այլ նրա մոր միջոցով նրան գումար է փոխանցել: Նախնական քննության ընթացքում իր կողմից տված ցուցմունքները չեն համապատասխանում իրականությանը, ինքն այն գրել է ճնշման տակ: Արթուր Խաչատուրյանն օգտվելով իր իրավունքից հրաժարվեց հարցերին պատասխանել:
Սույն քրեական գործի մեղադրանքի հետ առնչվող մեկ այլ քրեական գործով դատապարտյալ Արթուր Խաչատուրյանը նախնական քննության ընթացքում` 2011 թվականի մայիսի 25-ին, որպես կասկածյալ ցուցմունք է տվել այն մասին, որ ինքը տառապում է «երևանյան» հիվանդությամբ, որի բուժման նպատակով գնացել է Ֆրանսիայի Հանրապետություն: Ֆրանսիայում բնակվելու ժամանակ ինքը ծանոթացել է Արթուր անունով մի տղայի հետ, ով նույնպես տառապել է «երևանյան» հիվանդությամբ: Արթուրն իրեն օգնել է ձեռք բերել իր հիվանդությանը օգնող «կոլխեցին» դեղորայքը: Ֆրանսիայում ինքը ապրել է մոտ 6 ամիս և վերադարձել Հայաստան: Հայաստան վերադառնալուց հետո ինքը չի աշխատել և ոչ մի եկամտի աղբյուր չի ունեցել, ինչի պատճառով զանգահարել է Ֆրանսիայում բնակվող Արթուրին և առաջարկել Ֆրանսիայից Հայաստան ուղարկել «սուբոտեքս» տեսակի դեղորայք, որը Հայաստանում ավելի թանկ արժե, քան Ֆրանսիայում: Ինքն Արթուրին ասել է, որպեսզի նա 240 հատ դեղահաբեր ուղարկի, որոնցից յուրաքանչյուրի համար խոստացել է նրան վճարել 10 եվրո: 2010 թվականի աշնանն Արթուրը Ֆրանսիայից ծանրոցով իր ծանոթ Ամալիա Հարությունյանի անվամբ և նրա հասցեով ուղարկել է 240 հատ դեղահաբեր, որոնք փոստային ծառայությունից ստացել է Ամալիան և ինքը նրանից այն վերցրել է: Դեղահաբերը վերցնելուց հետո ինքը զանգահարել է իր վաղեմի ընկեր Խաչիկին և նրան առաջարկել մեկ հատ «սուբոտեքս» տեսակի դեղահաբը գնել 20.000 ՀՀ դրամով: Դրանից մի քանի ժամ հետո Խաչիկը զանգահարել է իրեն և ասել, որպեսզի ինքը մի քանի ժամ հետո լինի Երևան քաղաքի Ամիրյան փողոցում գտնվող «ՍԱՍ» սուպերմարկետի մոտ, որտեղ սև գույնի «ԲՄՎ» մակնիշի ավտոմեքենայով իրեն կմոտենա մի անձ և ինքը նրան տա 5 հատ «սուբոտեքս» տեսակի դեղահաբեր: Ինքը նշված վայրում հանդիպել է Խաչիկի ասած անձին և նրա մեքենայում նրան տվել է 5 հատ «սուբոտեքս» տեսակի դեղահաբեր: Դրանից մի քանի ժամ անց իրեն զանգահարել է մի անծանոթ երիտասարդ, հանդիպել իր հետ ու իրեն տվել 100.000 ՀՀ դրամ` իր կողմից տված 5 հատ դեղահաբի դիմաց: Գումարը վերցնելուց հետո ինքը զանգահարել է Խաչիկին և ասել է, որ գումարը ստացել է: Ինքը Խաչիկին «սուբոտեքս» տեսակի դեղահաբերը փոխանցել է տարբեր անձանց և տարբեր տաքսի մեքենայի վարորդների միջոցով, որոնց ինքը երբևէ չի ճանաչել և նրանց հետ կապնվել է Խաչիկի միջոցով: Խաչիկն օգտագործել է 098-85-29-39 և 095-85-06-96 հեռախոսահամարները, իսկ ինքը սկզբնական շրջանում օգտագործել է խառը հեռախոսահամար, որը չի հիշում, իսկ վերջին ամիսներին օգտագործել է 093-40-39-48 հեռախոսահամարը: Խաչիկի ուղարկած տաքսիները եղել են «Վիվա», «Մոքս» և «Գիգա» տաքսի ծառայությունների մեքենաներ: Ինքը Խաչիկին ընդհանուր տվել է մոտ 100 հատ «սուբոտեքս» տեսակ դեղահաբեր և նրանից ստացել է մոտ 4.000-6.000 ԱՄՆ դոլար: Ինքը մոտ չորս կամ հինգ անգամ գումար է վերցրել Խաչիկի մորից` Անահիտից: Բացի Խաչիկից, ինքը «սուբոտեքս» տեսակի դեղահաբ տվել է նաև Աշոտ անունով մի անձի: Ինքը Աշոտին ընդհանուր տվել է 70-80 հատ «սուբոտեքս» տեսակի դեղահաբեր: Վերջին անգամ Աշոտին «սուբոտեքս» տեսակի դեղահաբ տվել է մոտ 20 օր առաջ: Մոտ երեք կամ չորս ամիս առաջ ինքը կրկին զանգահարել է Ֆրանսիայում ապրող Արթուրին և ասել է, որ նա 3.000 հատ «սուբոտեքս» տեսակի դեղահաբեր ուղարկի: 2011 թվականի մայիսի 14-ին կամ 15-ին Արթուրը զանգահարել է իրեն և ասել, որ 3.000 հատ «սուբոտեքս» տեսակի դեղահաբերը պատրաստ են: Ինքը կրկին Ամալիային խնդրել է, որպեսզի նրա անվամբ և հասցեով ծանրոց ստանա: Ամալյան համաձայնվել է և 2011 թվականի մայիսի 23-ին զանգահարել իրեն ու ասել, որ ծանրոցը ստացել է: Դրանից հետո ինքը գնացել և վերցրել է այդ ծանրոցը, իսկ տուն գնալու ճանապարհին ոստիկանության աշխատակիցներն իրեն բերման են ենթարկել ՀՀ ոստիկանության ԿՀԴՊ գլխավոր վարչություն:
Վկա Ալբերտ Հովհաննիսյանը դատական քննության ընթացքում ցուցմունք տվեց այն մասին, որ 2009 թվականին ՀՀ քրեական օրենսգրքի 268-րդ հոդվածի 3-րդ մասով նախատեսված արարքի կատարման համար ինքը դատապարտվել է 4 տարի 6 ամիս ժամկետով ազատազրկման, իսկ հետագայում դատապարտվել է ՀՀ քրեական օրենսգրքի 268-րդ հոդվածի 1-ին մասով նախատեսված արարքի կատարման համար: Ներկա պահին ինքը պատիժ է կրում ՀՀ ԱՆ «Նուբարաշեն» ՔԿ հիմնարկում: 2010 թվականի դեկտեմբերին իրեն տեղափոխել են ՀՀ ԱՆ «Դատապարտյալների հիվանդանոց» ՔԿ հիմնարկ, որտեղ ինքը ծանոթացել է Խաչիկ Բաբայանի հետ: Այնուհետև, Խաչիկին տեղափոխել են ՀՀ ԱՆ «Կոշ» ՔԿ հիմնարկ, իսկ ինքը մնացել է ՀՀ ԱՆ «Դատապարտյալների հիվանդանոց» ՔԿ հիմնարկում: Իր 094-30-00-33 հեռախոսահամարով ինքը զանգահարել է Խաչիկին: 2011 թվականի մայիսին, երբ ինքը գտնվել է ՀՀ ԱՆ «Դատապարտյալների հիվանդանոց» ՔԿ հիմնարկում, ոմն Պողոսից ցանկացել է գնել 6 հատ «սուբոտեքս» տեսակի դեղահաբեր: Նրանից գնած դեղահաբերը տեղափոխվել է իր քրոջ` Արմենուհի Մազմանյանի աշխատանքի վայր: Այնուհետև, ինքը զանգահարել է Արմենուհուն և ասել, որպեսզի նա դրանք դեն նետի, քանի որ տեղեկացել է, որ դրանք ոչ թե «սուբոտեքս», այլ «ասպիրին» կամ «ասկոֆեն» տեսակի դեղահաբեր են: Ինքը երբևէ չի լսել, որ Խաչիկը կարող է թմրամիջոց ձեռք բերել և այն փոխադրել քրեակատարողական հիմնարկ:
Վկա Արմենուհի Մազմանյանը նախնական քննության ընթացքում` 2012 թվականի մայիսի 18-ին, ցուցմունք է տվել այն մասին, որ 2011 թվականի մայիսի 23-ին իր եղբայրը` Ալբերտ Հովհաննիսյանը 094-33-00-30 հեռախոսահամարից զանգահարել է որքան հիշում է իր 077-95-94-84 հեռախոսահամարին ու խնդրել, որպեսզի ինքը նրա ծանոթից դեղեր վերցնի և ուղարկի նրան: Ալբերտն այդ ժամանակ գտնվել է ՀՀ ԱՆ «Դատապարտյալների հիվանդանոց» ՔԿ հիմնարկում և բուժվել է լյարդի դեմ, ու իրեն ասել է, որ այդ դեղերը լյարդի բուժման դեղեր են, որոնք ուղարկվել են ԱՄՆ-ից: Ալբերտն ասել է նաև, որ նրա ծանոթը լինելու է Մաշտոցի պողոտայում գտնվող «Երևան Սիթի» սուպերմարկետի մոտ, և իրեն փոխանցելու է վեց հատ դեղահաբեր: Քանի որ ինքն այդ ժամանակ եղել է զբաղված, ուստի զանգահարել է տաքսու վարորդ Էդգարին ու պատվիրել, որպեսզի նա գնա Մաշտոցի պողոտայում գտնվող «Երևան Սիթի» սուպերմարկետի մոտ և սպասի իր հեռախոսազանգին: Ինքը Էդգարին ստել է և ասել, որ իր մոր բուժման համար դեղեր են տալու, որ պետք նա դրանք վերցնի ու փոխանցի իրեն: Ինքը զուգահեռ խոսել է Ալբերտի հետ ու ասել է, որ տվյալ վայր գնալու է «Գիգա» տաքսի ծառայության վարորդը: Որոշ ժամանակ հետո Էդգարը դեղերը տարել է իրենց տուն և ինքը զանգահարել է Ալբերտին ու ասել, որ այդ դեղերը բերել են: Հաջորդ օրն Ալբերտը զանգահարել է իրեն և ասել, որ սխալմամբ ուրիշ դեղեր են տվել, որոնք ինքը պետք է դեն նետի: Ինքը նույն պահին այդ դեղերը գցել է կոյուղի: Ինքը տեղյակ չի եղել, որ այդ դեղերը թմրամիջոց են, այլապես ոչ մի առնչություն չէր ունենա:
Վկա Էդգար Հարությունյանը նախնական քննության ընթացքում` 2011 թվականի մայիսի 24-ին, ցուցմունք է տվել այն մասին, որ աշխատում է «Գիգա» տաքսի ծառայությունում` որպես վարորդ: 2011 թվականի մայիսի 23-ին` ժամը 13:00-ի սահմաններում, 077-95-94-84 հեռախոսահամարից իր 094-73-78-98 հեռախոսահամարին զանգահարել է Արմինեն և խնդրել, որպեսզի ինքը գնա Մաշտոցի պողոտայում գտնվող շուկայի մոտ, որտեղ իրեն կմոտենա մի տղամարդ և ինչ-որ իր կտա իրեն, որն ինքը պետք է փոխանցի նրան: Ինքը գնացել է նշված վայր, որտեղ իրեն մոտեցել է մոտ 40 տարեկան Արթուր անունով մի անձ և իրեն տվել է անձեռոցիկի մեջ փաթեթավորված 6 հատ սպիտակ դեղահաբեր: Դրանից մոտ 20 րոպե անց ինքը տարել և Արմինեին տվել է նշված դեղահաբերը, իսկ նա իրեն վճարել է ճանապարհածախսի համար:
Վկա Էդգար Հարությունյանը նախնական քննության ընթացքում` 2012 թվականի ապրիլի 13-ին, լրացուցիչ ցուցմունք է տվել այն մասին, որ 2011 թվականի մայիսի 23-ին ինքն իր կնոջ` Լիլիթի հետ գտնվել է Կենտրոն վարչական շրջանում: Նույն օրը` ժամը 13:00-ի սահմաններում, Արմենուհին զանգել է իրեն և խնդրել, որպեսզի ինքը գնա Մաշտոցի պողոտայում գտնվող «Երևան Սիթի» սուպերմարկետի մոտ, որտեղ իրեն կմոտենան ու ինչ-որ իր կփոխանցեն և ինքն այն շտապ փոխանցի նրան: Ինքը գնացել է նշված վայր, որտեղ իրեն մոտեցել է անծանոթ մի տղամարդ և իրեն փոխանցել 6 հատ դեղահաբեր: Ինքն անմիջապես զանգահարել է Արմենուհուն ու հարցրել է, թե դրանք ինչ դեղահաբեր են, իսկ նա պատասխանել է, որ դրանք նրա մոր դեղերն են: Ինքն այդ 6 հատ դեղահաբերը տարել է նրանց տուն, որը գտնվում է Երևան քաղաքի «ՀԱԹ Ա1» թաղամասում:
Վկա Արթուր Խաչատրյանը դատական քննության ընթացքում ցուցմունք տվեց այն մասին, որ ինքն աշխատում է որպես տաքսու վարորդ: Մինչ Խաչիկ Բաբայանի կալանավորվելը, նա հաճախ զանգահարել է իրեն և պատվիրել, որպեսզի ինքը նրան կամ նրա մորը ինչ-որ տեղ է տանի: Ինքն օգտագործել է 099-318-318, 077-318-318 և «Օրանժ Արմենիա» ՓԲ ընկերության բջջային հեռախոսահամարներ, սակայն Խաչիկը զանգահարել է միայն իր 077-318-318 հեռախոսահամարին: Խաչիկի դատապարտվելուց հետո ինքը նրա մորը մի քանի անգամ տարել է քրեակատարողական հիմնարկ: Եղել են դեպքեր, երբ Խաչիկը քրեակատարողական հիմնարկից զանգահարել է իրեն և պատվիրել, որպեսզի ինքն իրեն անծանոթ անձանցից գումար վերցնի և այն տանի նրանց տուն: Եղել են նաև դեպքեր, երբ ինքը Խաչիկի ասած անձանցից գումար է վերցրել և այն տվել նրա մորը, ով խանութից գնումներ է կատարել և ինքը նրան տարել է քրեակատարողական հիմնարկ: Ինքը Արթուր Խաչատուրյանին չի ճանաչել, սակայն երկու կամ երեք անգամ նրան գումար է փոխանցել: Ինքը Արթուրի հետ մեկ անգամ հանդիպել է Երևանի քաղաքապետարանի մոտ, մեկ անգամ` «Մետաքս» կոչվող թաղամասում, իսկ մնացած անգամները չի հիշում: Խաչիկն Արթուրին ներկայացրել է որպես նրա ընկեր և իրեն պատվիրել, որպեսզի ինքը Արթուրին գումար փոխանցի: Իր կողմից կատարված վերը նշված ծառայությունների դիմաց Խաչիկն իրեն վճարել է:
Վկա Յուրի Աթայանը դատական քննության ընթացքում ցուցմունք տվեց այն մասին, որ ինքն ու Խաչիկ Բաբայանը միասին պատիժ են կրել ՀՀ ԱՆ «Կոշ» ՔԿ հիմնարկում: Ինքը Խաչիկից մի քանի անգամ պարտքով 15.000, 17.000 և 20.000 ՀՀ դրամ գումարներ է վերցրել, իսկ հետո խնդրել է տաքսու վարորդ Գարիկին, որպեսզի նա իր ընտանիքի անդամներից գումար վերցնի և այն փոխանցի Խաչիկի ծանոթին: Այդ ընթացքում ինքն օգտագործել է 077-63-28-28 հեռախոսահամարը:
Վկա Գարիկ Մելքոնյանը նախնական քննության ընթացքում` 2011 թվականի մայիսի 31-ին, ցուցմունք է տվել այն մասին, որ 2010 թվականի հունվարից աշխատել է «Վիվա» տաքսի ծառայությունում` որպես վարորդ: 2011 թվականի մարտին (օրը կոնկրետ չի հիշում), պատվերի համաձայն գնացել է Երևան քաղաքի Ուլնեցի փողոցի 5-րդ շենքի մոտ, որտեղ իր մեքենան նստել են մի կին և փոքր երեխա ու պատվիրել գնալ Մինաս Ավետիսյան փողոցում գտնվող պոլիկլինիկայի մոտ: Ճանապարհին նշված կնոջը զանգահարել են, ով մի քանի րոպե խոսելուց հետո խնդրել է, որպեսզի ինքը վերցնի հեռախոսը, քանի որ նրա ամուսինը ցանկացել է խոսել իր հետ: Ինքը վերցրել է հեռախոսը և խոսել Յուրա անունով մի անձի հետ: Նա իրեն ասել է, որ պատիժ է կրում ՀՀ ԱՆ «Կոշ» ՔԿ հիմնարկում, ինչպես նաև նա իրեն հարցրել է, թե անհրաժեշտության դեպքում ինքը նրա ընտանիքի համար գումարի դիմաց մեքենան կվարի, թե ոչ, իսկ ինքը պատասխանել է, որ կվարի և նրան տվել է իր հեռախոսահամարը: Դրանից մոտ 10 օր անց Յուրան սկսել է իրեն զանգահարել տարբեր հարցերով, օրինակ` նրա ընտանիքին մի տեղից մեկ ուրիշ տեղ տեղափոխելու, իրեն անծանոթ անձանցից գումարներ վերցնելու և այլ անձանց կամ կնոջը փոխանցելու, կամ սնունդ և իրեր կնոջից վերցնելու և տարբեր անձանց փոխանցելու, ովքեր ըստ նրա պետք է գնային նրա մոտ տեսակցության: Ինքը Յուրայի պատվերով մեքենա է վարել մոտ երկու ամիս և վերջին անգամ 2011 թվականի մայիսի 31-ի առավոտյան իր 094-58-68-96 հեռախոսահամարով զանգահարել է Յուրայի 077-69-28-28 հեռախոսահամարին, քանի որ դրանից մեկ օր առաջ նրա երեխային ինքը տեղափոխել է Զեյթունի պոլիկլինիկա և երեխայի մոտ գումար չլինելու պատճառով նա չի վճարել, իսկ ինքը զանգահարել է նրան և գումարը ուզել, ով ասել է, որպեսզի ինքը գնա և նրա կնոջից գումարը վերցնի: Ինքը գնացել ու նրա կնոջից վերցրել է գումարն ու վերադարձել Ազատության պողոտայում գտնվող «ԱրմենՏել» ՓԲ ընկերության գլխավոր գրասենյակի մոտ, որտեղից ոստիկանության աշխատակիցներն իրեն բերման են ենթարկել ՀՀ ոստիկանության ԿՀԴՊ գլխավոր վարչություն: Ինքը հստակ չի հիշում, թե քանի անգամ է Յուրայի պատվերով տարբեր անձանցից գումար կամ իր վերցրել ու փոխանցել այլ անձանց, չի հիշում նաև թե յուրաքանչյուր անգամ ինչ է վերցրել և ում է տվել: Սովորաբար` 15.000, 16.000 և 22.000 ՀՀ դրամի չափով գումարներ է վերցրել և տվել վերջինի կնոջը կամ անծանոթ այլ անձանց, բացի այդ սնունդ և պայուսակով հագուստներ է վերցրել կնոջից և տեղափոխել Յուրայի կողմից նշված վայր, որտեղ իրեն մոտեցել և վերցրել են: Ինքը երբևէ Յուրայի խնդրանքով դեղահաբեր կամ թմրանյութ չի փոխանցել որևէ անձի:
Վկա Գարիկ Մելքոնյանը նախնական քննության ընթացքում` 2011 թվականի նոյեմբերի 11-ին, լրացուցիչ ցուցմունք է տվել այն մասին, որ Յուրայի հեռախոսահամարը ոչ թե 077-69-28-28 է եղել, այլ 077-63-28-28: Յուրայի կնոջ բնակության վայրի կոնկրետ հասցեն է Երևան քաղաքի Կ.Ուլնեցի 1-ին փակուղի 5-րդ շենքը, բնակարանի համարը չգիտի, սակայն այն գտնվում է շենքի առաջին հարկում: Յուրայի խնդրանքով ինքը մի քանի անգամ հանդիպել է իրեն անծանոթ անձանց` տղամարդկանց, ովքեր իրեն տվել են 15.000, 16.000, 22.000 ՀՀ դրամ, որոնք ինքը կրկին Յուրայի խնդրանքով փոխանցել է մի անձի, ում լուսանկարով ճանաչել է:
Վկա Մամիկոն Սահակի Վարդանյանը (կեղծանվամբ) նախնական քննության ընթացքում ցուցմունք է տվել այն մասին, որ Խաչիկ Բաբայանին ճանաչում է 2010 թվականի դեկտեմբերից: Նրա հետ շփման ընթացքում միմյանցից տեղեկացել են, որ երկուսն էլ թմրամիջոց են գործածում: Խաչիկն ապրել է «Մետաքս» թաղամասում: 2011 թվականի հունվարին Խաչիկին տեղափոխել են ՀՀ ԱՆ «Կոշ» ՔԿ հիմնարկ, որից հետո իրենք միմյանց հետ շփվել են հեռախոսի միջոցով: Ինքն օգտագործել է «....» հեռախոսահամարը, իսկ Խաչիկը` 098-85-29-39 հեռախոսահամարը: 2011 թվականի մայիսին Խաչիկի հետ խոսելու ժամանակ նա հասկացրել է, որ «սուբոտեքս» տեսակի թմրամիջոցի աղբյուր ունի, որի մեկ հատն արժե 40.000 ՀՀ դրամ: Ինքը Խաչիկին ասել է, որ «...» հատ կգնի, սակայն գումարը մի քանի օրից կտա: Խաչիկն իրեն ասել է, թե երբ, որտեղից և ումից կարող է այդ թմրամիջոցը վերցնել: 2011 թվականի «...-ին» Խաչիկն ասել է, որ նրա ծանոթը լինելու է «...» մոտ, ու իր ասած անձին կտա «...» հատ «սուբոտեքս» տեսակի դեղահաբ: Խաչիկի ասած անձն իր ասած անձին պայմանավորված վայրում փոխանցել է վերը նշված քանակությամբ «սուբոտեքս» տեսակի դեղահաբերը:
Փորձագետի 2011 թվականի մայիսի 24-ի թիվ 176 Ք եզրակացության համաձայն` փորձաքննության ներկայացված թվով 2950 հաբերում և բեկորներում հայտնաբերվել է բուպրենորֆին տեսակի թմրամիջոց: Ընդհանուր 1184,2 քաշով դեղահաբերում և դեղահաբի բեկորներում բուպրենորֆինի ընդհանուր քաշը կազմել է 23,684 գրամ:
Այլ փաստաթղթերն ապացույց ճանաչելու մասին 2012 թվականի հունիսի 21-ի որոշման համաձայն` թիվ 69104712 քրեական գործով Խաչիկ Բաբայանի մոտից «Nokia-1800» մոդելի բջջային հեռախոսը` 095-85-06-96 հեռախոսահամարի քարտով, առգրավելու և նրանից բացատրություն վերցնելու մասին արձանագրությունները ճանաչվել են ապացույց:
Դատապարտյալ Խաչիկ Սերյոժայի Բաբայանի մոտից բջջային հեռախոս առգրավելու մասին 2011 թվականի մայիսի 25-ի արձանագրության համաձայն` 2011 թվականի մայիսի 25-ին դատապարտյալ Խաչիկ Սերյոժայի Բաբայանի մոտից առգրավվել է «Նոկիա 1800» մոդելի բջջային հեռախոս (IMEI-352709045301850)` 095-85-06-96 հեռախոսաքարտով: Խաչիկ Բաբայանը հայտարարել է, որ իր մոտից առգրավված բջջային հեռախոսը և հեռախոսահամարը պատկանում են իրեն:
Բացատրություն վերցնելու մասին 2011 թվականի մայիսի 25-ի արձանագրության համաձայն` Խաչիկ Բաբայանը բացատրություն է տվել այն մասին, որ 095-85-06-96 հեռախոսահամարը, որն իրենից առգրավվել է, պատկանում է իրեն և օգտագործում է ինքը: Թե որտեղից է ձեռք բերել հեռախոսը և քարտը չի ցանկացել ասել:
Բջջային հեռախոսը զննելու մասին 2012 թվականի մարտի 14-ի արձանագրության համաձայն` զննության է ենթարկվել ՀՀ ԱՆ «Կոշ» ՔԿ հիմնարկի դատապարտյալ Խաչիկ Բաբայանի մոտից հայտնաբերված և առգրավված «Նոկիա 1800» մոդելի բջջային հեռախոսը: Բջջային հեռախոսը միացվել է և պարզելու համար, թե նրա մեջ ինչ համարի հեռախոսաքարտ է տեղադրված, դրանով զանգահարվել է 094-373-373 հեռախոսահամարին և պարզվել, որ զննվող հեռախոսի մեջ տեղադրված է եղել 095-85-06-96 հեռախոսահամարը, որից հետո վերծանվել է բջջային հեռախոսի մեջ առկա տեղեկությունը: Պարզվել է, որ հեռախոսագրքույկում գրանցված են եղել հետևյալ հեռախոսահամարները, մասնավորապես` «Ալբերտինյո 094-30-00-33» և «Հորք 093-40-39-48»: Այնուհետև զննության են ենթարկվել ուղարկված և ստացված հաղորդագրությունները, որի արդյունքում պարզվել է, որ պահպանված հաղորդագրություններ չեն եղել:
Հեռախոսազանգերի մուտքային և ելքային զանգերի վերծանումները զննելու մասին 2011 թվականի դեկտեմբերի 22-ի արձանագրության համաձայն` զննության են ենթարկվել «Ղ-Տելեկոմ» ՓԲ ընկերությունից ստացված Արթուր Խաչատուրյանի` 093-40-39-48 և «Օրանժ» ՓԲ ընկերությունից ստացված վկա` Արթուր Խաչատրյանի 055-36-00-23 հեռախոսահամարներից կատարված մուտքային և ելքային զանգերի վերծանումները: Զննությամբ պարզվել է, որ մեղադրյալ Արթուր Խաչատուրյանը «Սուբոտեքս» տեսակի թմրամիջոց իրացնելու նպատակով իր` 093-40-39-48 հեռախոսահամարից 2011 թվականի մարտից մինչև մայիսն ընկած ժամանակահատվածում բազմաթիվ մուտքային-ելքային զանգեր է կատարել ՀՀ ԱՆ «Կոշ» ՔԿ հիմնարկում պատիժը կրող Խաչիկ Բաբայանի 098-85-29-39 հեռախոսահամարին, իսկ 2011 թվականի ապրիլի 29-ին մեկ ելքային-մուտքային զանգեր է կատարել տաքսու վարորդ Արթուր Խաչատրյանի 077-318-318 հեռախոսահամարին: Խաչիկ Բաբայանի 098-85-29-39 և 095-85-06-96 հեռախոսահամարների մուտքային-ելքային զանգերի զննությամբ պարզվել է, որ վերջինը նշված համարներից 2010 թվականի հոկտեմբերից մինչև 2011 թվականի մայիսն ընկած ժամանակահատվածում բազմաթիվ մուտքային-ելքային զանգեր է կատարել իր հետ կապի մեջ գտնվող տաքսու վարորդ Արթուր Խաչատրյանի 077-318-318 և 055-36-00-23 հեռախոսահամարներին: Վերծանումների զննությամբ պարզվել է նաև, որ Արթուր Խաչատուրյանը 2011 թվականի մարտից մինչև նույն թվականի մայիսն ընկած ժամանակահատվածում իր 093-40-39-48 հեռախոսահամարով բազմաթիվ մուտքային-ելքային զանգեր է կատարել Ֆրանսիայում բնակվող Արթուր Համբարձումյանի 647304188 հեռախոսահամարին:
Հեռախոսազանգերի մուտքային և ելքային զանգերի վերծանումները զննելու մասին 2012 թվականի հունիսի 13-ի արձանագրության համաձայն` զննության են ենթարկվել «Ղ-Տելեկոմ» ՓԲ ընկերությունից ստացված Արմենուհի Մազմանյանի` 077-95-94-84 և «Օրանժ Արմենիա» ՓԲ ընկերությունից ստացված մեղադրյալ Խաչիկ Բաբայանի` 095-85-06-96 հեռախոսահամարներից կատարված մուտքային-ելքային զանգերի վերծանումները: Արմենուհի Մազմանյանի 077-95-94-84 հեռախոսահամարի վերծանումների զննությամբ պարզվել է, որ նշված համարից բազմաթիվ մուտքային-ելքային զանգեր են կատարվել տաքսու վարորդ Էդուարդ Հարությունյանի` 094-73-78-98 հեռախոսահամարին և հատկանշականն այն է, որ 2013 թվականի մայիսի 23-ին` Խաչիկ Բաբայանի կողմից Արմենուհի Մազմանյանի եղբորը` Ալբերտ Հովհաննիսյանին, թմրամիջոց իրացնելու օրը, Արմենուհի Մազմանյանը նշված համարով հեռախոսային կապ է ունեցել ինչպես Ալբերտ Հովհաննիսյանի` 094-30-00-33, այնպես էլ Էդուարդ Հարությունյանի` 094-73-78-98 հեռախոսահամարների հետ, ինչը ևս մեկ անգամ հաստատում է այն հանգամանքը, որ Խաչիկ Բաբայանի ծանոթից «սուբոտեքս» տեսակի դեղահաբերը վերցնելու համար 2012 թվականի մայիսի 23-ին Ալբերտ Հովհաննիսյանը հեռախոսով դիմել է Արմենուհի Մազմանյանին, ով էլ իր հերթին այդ հարցով դիմել է տաքսու վարորդ Էդուարդ Հարությունյանին: Նշված հանգամանքը հաստատվում է նաև մեղադրյալ Խաչիկ Բաբայանի` 095-85-06-96 հեռախոսահամարի զննությամբ, ինչով հիմնավորվում է, որ 2012 թվականի մայիսի 23-ին վերջինը նշված համարով հեռախոսային կապ է ունեցել Ալբերտ Հովհաննիսյանի` 094-30-00-33 հեռախոսահամարի հետ և նրանք պայմանավորվածություն են ձեռք բերել թմրամիջոցը փոխանցելու և ստանալու տեղի, վայրի վերաբերյալ հարցերի շուրջ:
ՀՀ ոստիկանության քրեական հետախուզության գլխավոր վարչության 2012 թվականի փետրվարի 3-ի գրության համաձայն` ուղարկվել են Արթուր Մաքսիմի Խաչատուրյանի 093-40-39-48 և Խաչիկ Սերյոժայի Բաբայանի 098-85-29-39 հեռախոսահամարները գաղտնալսելու և ձայնագրելու թույլտվություն ստանալու մասին դատարանի որոշումներն ու հեռախոսային խոսակցությունների ձայնասկավառակը:
Հեռախոսային խոսակցությունները գաղտնալսելու և ձայնագրառելու վերաբերյալ լազերային սկավառակը վերարտադրելու և զննության ենթարկելու մասին 2012 թվականի փետրվարի 17-ի արձանագրության համաձայն` զննության է ենթարկվել ՀՀ ոստիկանության ՔՀ գլխավոր վարչությունից թիվ 3/546 գրությամբ ստացված լազերային սկավառակը: Այն տեղադրվել է «DELL» տեսակի համակարգչի մեջ և պարզվել, որ սկավառակի վրա առկա են թվով 61 ֆայլեր, որոնց մեջ ձայնագրված ե հեռախոսային խոսակցություններ: Դրանից հետո վերարտադրվել և զննության են ենթարկվել քննությանը հետաքրքրող խոսակցությունները, որի արդյունքում պարզվել է.
Ֆայլ 1
2011 թվականի ապրիլի 6-ին` ժամը 17:50-ին, Արթուր Խաչատուրյանը 093-40-39-48 համարից զանգահարում է Խաչիկ Բաբայանի 098-85-29-39 համարին ու խոսակցության ժամանակ Խաչիկն ասում է, որ «մի հատ ... պիտի ճամփենք, երկու հատն էլ վաղը ...»:
Ֆայլ 2
2011 թվականի ապրիլի 6-ին` ժամը 18:06-ին, Խաչիկ Բաբայանը` 098-85-29-39 համարից զանգահարում է Արթուր Խաչատուրյանի` 093-40-39-48 համարին ու ասում, որ մի հատը պիտի ճամփենք Լեննական ու խնդրում է, որ մինչև 7-ը դա արվի ...»:
Ֆայլ 3
2011 թվականի ապրիլի 6-ին` ժամը 19:08-ին, Արթուր Խաչատուրյանը 093-40-39-48 համարից զանգահարում է Խաչիկ Բաբայանի` 098-85-29-39 համարին ու ասում, որ գան Ավան, դրանից հետո` ժամը 19:09-ին, Խաչիկը զանգում է 077-55-93-62 համարին ու ասում, որ «գնացեք Ավան գժանոցի ճամփի վրի փոշտի մոտ ու մի հատ վեկալեք, պապիրոսի պաչքի մեջ ա ...»:
Ֆայլ 4
2011 թվականի ապրիլի 6-ին` ժամը 20:07-ին, Խաչիկ Բաբայանը` 098-85-29-39 համարից զանգում է Արթուր Խաչատուրյանի` 093-40-39-48 համարին ու ասում, որ «վաղվա համար մի հատ էլ ավելացրա, որ լինի 3 հատ ...»:
Ֆայլ 5
2011 թվականի ապրիլի 7-ին` ժամը 10:38-ին, Խաչիկ Բաբայանը` 098-85-29-39 համարից զանգում է Արթուր Խաչատուրյանի` 093-40-39-48 համարին ու ասում, որ «կարանք մինչև ժամը 11:30 մի հատ էլ ավելացնենք ...»: Հետո ասում է, որ «2 հատը իրա հետ սիրունցրա, մի հատն էլ առանձին: Բայց եթե էն մի հատն էլ հաստատ լինի, ուրեմն 3 հատը իր հետ, մի հատը առանձին: Բագաժը ... ցելաֆան ...»:
Ֆայլ 6
2011 թվականի ապրիլի 7-ին` ժամը 22:11-ին, Խաչիկ Բաբայանը` 098-85-29-39 համարից զանգում է Արթուր Խաչատուրյանի` 093-40-39-48 համարին ու ասում, որ «Սթարի մոտ է ...», Խաչիկը հարցնում է «տեսար դե նստի ավտոն ...» ու ավելացնում, որ «2 հատը առանձին, մի հատը առանձին ...»:
Ֆայլ 7
2011 թվականի ապրիլի 7-ին` ժամը 22:21-ին, Խաչիկ Բաբայանը` 098-85-29-39 համարից զանգում է Արթուր Խաչատուրյանի` 093-40-39-48 համարին ու ասում «ֆսյո գնաց»:
Ֆայլ 8
2011 թվականի ապրիլի 10-ին` ժամը 14:48-ին, Խաչիկ Բաբայանը` 098-85-29-39 ամարից զանգում է 094-94-23-39 համարին, (լեննականցու ակցենտով) ու ասում, որ «արի մատիտով մենք բան անենք, յոլա գնա, գիտես ընդե 3 հատ կա ...»: Խոսողն ասում է, որ «էտի երբ կարանք վեկալեն ...», Խչոն էլ ասում է, որ «սաղ պատրաստ է ...»:
Ֆայլ 9
2011 թվականի ապրիլի 10-ին` ժամը 15:34-ին, Խաչիկ Բաբայանը 098-85-29-39 համարից զանգում է Արթուր Խաչատուրյանի` 093-40-39-48 համարին և խոսում են. «Զեյթուն սիգարետ տանելու մասին, 3 հատի մասին, որ դրվի պապիրոսի մեջ (ռեդ)», խոսում են փողերը տալու մասին և այլ:
Ֆայլ 10
2011 թվականի ապրիլի 10-ին` ժամը 16:11-ին, Խաչիկ Բաբայանի` 098-85-29-39 համարին զանգում է 094-94-23-39 համարն ու խոսողը կես հատիկ է ուզում:
Ֆայլ 11
2011 թվականի ապրիլի 10-ին` ժամը 18:13-ին Խաչիկ Բաբայանի` 098-85-29-39 համարից զանգում է 077-55-93-62 համարին ու ասում, որ «Լյովին ասա 7-ին 15 պակաս լինի Պռասպեկտի բազառի` Սիթիի մոտ ...»: Ասում է, որ «էտ վեշնն է մեկ էլ 5.000 փող ...»:

Ֆայլ 12
2011 թվականի ապրիլի 10-ին` ժամը 18:17-ին, Խաչիկ Բաբայանի` 098-85-29-39 համարին զանգում է 093-34-31-81 համարը (Գարը) ու Խչոն ասում է, որ «7-ին 15 պակաս լինի Պռասպեկտի բազառի Սիթիի դեմը ...»:
Ֆայլ 13
2011 թվականի ապրիլի 10-ին` ժամը 18:54-ին, Խաչիկ Բաբայանի` 098-85-29-39 համարին զանգում է 093-34-31-81 համարը (Գարը) ու ասում, որ «1 րոպեից Սիթիի դեմն ա, ջահել տղա է, 07-ով, անունը Հրաչո ...»: Խչոն էլ ասում է «թող դեմը կանգնի ...»: Անմիջապես հետո Խաչիկ Բաբայանը` 098-85-29-39 համարից զանգում է Արթուր Խաչատուրյանի` 093-40-39-48 համարին ու ասում, որ «անունը Հրաչոյա, 07-ով, Սիթիի դեմն ա, ... կտաս Հրաչոյին, իսկ տուլիկն ու 5.000-ը Մուսթանգին ...»:
Ֆայլ 14
2011 թվականի ապրիլի 10-ին` ժամը 19:04-ին, Խաչիկ Բաբայանի` 098-85-29-39 համարից զանգում է 091-59-11-91 համարին ու հարցնում «նորմալ ա ...», նա էլ ասում է, որ «հա ավտոյի մեջ է, տալիս է ...»: Քիչ հետո ասում են, որ «սաղ թամամ ա ...»:
Ֆայլ 15
2011 թվականի ապրիլի 11-ին` ժամը 18:31-ին, Խաչիկ Բաբայանի` 098-85-29-39 համարին զանգում է Արթուր խաչատուրյանը` 093-40-39-48 համարով ու Խչոն ասում է, որ «էսօր 2 հատ պիտի ճամփենք, 1 հատ էլ վաղը ...»:
Ֆայլ 16
2011 թվականի ապրիլի 11-ին` ժամը 21:50-ին, Խաչիկ Բաբայանը` 098-85-29-39 համարից զանգում է Արթուր Խաչատուրյանի` 093-40-39-48 համարին ու ասում, որ «ես հարմարացնում եմ, որ Մուսթանգը ... (մորից ծնվածը) վեկալի ...»: Հետո ասում է, որ «էսի, որ գալիս ա, 2.000 ընենց տվացվի, որ չերևա: Այսինքն մորից ծնվածը ու 2-ը մոտդ ըլնի: 2-2 էլի ...»:
Ֆայլ 17
2011 թվականի ապրիլի 11-ին` ժամը 21:56-ին, Խաչիկ Բաբայանը` 098-85-29-39 համարից զանգում է 094-94-23-39 համարին ու ասում, որ «գնան Ավան, գժանոց գնալու ճամփին փոշոտի մոտ ու սպասեն»:
Ֆայլ 18
2011 թվականի ապրիլի ...` ժամը 22:21-ին, Խաչիկ Բաբայանը` 098-85-29-39 համարից զանգում է Արթուր Խաչատուրյանի` 093-40-39-48 համարին ու ասում, որ «Սիթիի դեմն ա ...»:
Ֆայլ 19
2011 թվականի ապրիլի ...` ժամը 22:24-ին, Խաչիկ Բաբայանի` 098-85-29-39 համարին զանգում է Արթուր Խաչատուրյանը` 093-40-39-48 համարից ու ասում, որ «ապե անանիմինի գնաց ...»:
Ֆայլ 20
2011 թվականի ապրիլի ...` ժամը 01:32-ին, Արթուր Խաչատուրյանի` 093-40-39-48 համարին զանգում է Արթուր Համբարձումյանը 3366229562 համարից ու ասում, որ «30 հատ ավել եմ բերել, բայց փողը կարանք 10 օրից տանք ...»:
Ֆայլ 21
2011 թվականի ապրիլի ...` ժամը 16:03-ին, Արթուր Խաչատուրյանը` 093-40-39-48 համարից զանգում է Խաչիկ Բաբայանի 098-85-29-39 համարին ու ասում, որ «հինգին Սիլաչիյի մոտ ...»:

Ֆայլ 22
2011 թվականի մայիսի 2-ին` ժամը 17:43-ին, Արթուր Խաչատուրյանի` 093-40-39-48 համարին զանգում է Խաչիկ Բաբայանը 098-85-29-39 համարից ու ասում, որ «ախպեր ինչքան վախտից ղրգեմ մոտդ, 1.000 պիտի ճամփենք, մի հատ էլ հետո բան կանենք ...»:
Ֆայլ 23
2011 թվականի մայիսի 2-ին` ժամը 18:02-ին, Արթուր Խաչատուրյանի` 093-40-39-48 համարին զանգում է Խաչիկ Բաբայանը 098-85-29-39 համարից ու ասում, որ «10.000 էլ ա պակասում հետո մյուս 10.000-ի հետ կտանք ...»:
Ֆայլ 24
2011 թվականի մայիսի 6-ին` ժամը 02:52-ին, Արթուր Խաչատուրյանի` 093-40-39-48 համարին զանգում է Արթուր Համբարձումյանը 3366229562 համարից ու խոսում են գումար ուղարկելու մասին:
Ֆայլ 25
2011 թվականի մայիսի ...` ժամը 22:54-ին Խաչիկ Բաբայանի 095-85-06-96 համարին զանգում են 098-50-78-66 համարից և խոսողը ասում է, որ «ես, Բիզոնը, Սուրոն մի հատ բան ենք ուզում ...», Խաչիկն էլ ասում է, որ «էս պահին չունի, առավոտը կերևա ...»:
Ֆայլ 26
2011 թվականի մայիսի 12-ին` ժամը 21:30-ին, Խաչիկի Բաբայանը 095-85-06-96 համարից զանգում է Արթուրի 093-40-39-48 համարին ու ասում, որ «առավոտ կարողա բան պետք լինի, 20.000 պարտք ենք մեկին, պետք է տանք ...»:
Ֆայլ 27
2011 թվականի մայիսի 13-ին` ժամը 03:09-ին, Արթուր Խաչատուրյանի` 093-40-39-48 համարին զանգում է Արթուր Համբարձումյանը 3366229562 համարից ու խոսում են ծանրոց ուղարկելու մասին:
Ֆայլ 28
2011 թվականի մայիսի 13-ին` ժամը 12:11-ին, Խաչիկ Բաբայանի 095-85-06-96 համարին զանգում է ոմն Բիզոնը 098-83-21-36 համարից ու ասում, որ «իմ ծանոթը փողը ձեռը կանգնած է Սթարի դեմը ...»: Ժամը 12:16-ին նույն խոսակցությունը շարունակվում է ու Բիզոնը Խաչիկ Բաբայանին է փոխանցում իր ծանոթ Կարենի հեռախոսահամարը` 077-08-64-66: Նույն պահին Խաչիկ Բաբայանը զանգում է Կարենին ու ասում, որ «դիսպետչերանոցի մոտով գնա գայիչնիկ Գարիկի խանութի մոտ»:
Ֆայլ 29
2011 թվականի մայիսի 13-ին` ժամը 12:20-ին, Խաչիկ Բաբայանը 095-85-06-96 համարից զանգում է ոմն Կարենի 077-08-64-66 համարին, ով ասում է, որ 40.000 դրամը Խաչիկի ասելով փոխանցում է խանութի աշխատող Սուսանին:
Ֆայլ 30
2011 թվականի մայիսի 13-ին` ժամը 12:29-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում, որ «փողը Սուսանի մոտ է, 2 հազար ճամփենք, պայմանավորվում են ժամը 2-ին Սիլաչի ...»:



Ֆայլ 31
2011 թվականի մայիսի 13-ին` ժամը 13:05-ին, Խաչիկ Բաբայանը 095-85-06-96 համարից զանգում է 098-83-21-36 համարին ու ասում, որ «ժամը 2-ին կվեկալենք, 2 հատ է, մեկը մերը, մյուսը ձերը ...»:
Ֆայլ 32
2011 թվականի մայիսի 13-ին` ժամը 13:59-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին Խաչիկի ասելով Սուսանից վերցնում է 40.000 դրամ գումարը:
Ֆայլ 33
2011 թվականի մայիսի 13-ին` ժամը 14:30-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում, որ «10 րոպեից, վիվաա վրեն գրած, անուն Գարիկա, 20.000 կտաս իրան ...»:
Ֆայլ 34
2011 թվականի մայիսի 13-ին` ժամը 14:46-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու Արթուրն ասում է, որ «2 հատն էլ տվեցի ...»:
Ֆայլ 35
2011 թվականի մայիսի 15-ին` ժամը 20:36-ին, Արթուր Խաչատուրյանի 093-40-39-48 համարին զանգում է Արթուր Համբարձումյանը 3366229562 համարից ու ասում, որ «սաղ նորմալա, հիմա գնում եմ յաշիկ բերեմ, դասավորեմ, վաղը կճանփեմ ...»: Արթուր Խաչատուրյանն էլ ասում է, որ «դե ես էլ վաղը 1000 կուղարկեմ ...»:
Ֆայլ 36
2011 թվականի մայիսի 17-ին` ժամը 14:26-ին, Արթուր Խաչատուրյանի 093-40-39-48 համարին զանգում է Արթուր Համբարձումյանը 33647304188 համարից ու ասում, որ «հիմա գնում եմ խանութ տենամ ինչ եմ անում ինչի մեջ ուղարկեմ և այլ ...»:
Ֆայլ 37
2011 թվականի մայիսի 17-ին` ժամը 09:37-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում է, որ «վաղը 30 հատ պետք ա, 20-ը պտի գա մեզ, 10-ը գնա Գորիս»:
Ֆայլ 38
2011 թվականի մայիսի 17-ին` ժամը 09:43-ին Խաչիկ Բաբայանը 095-85-06-96 համարից զանգում է 094-88-13-12 համարին ու ասում, որ «ժամը 10:30-ին պռասպեկտ բազարի մոտ մարդ պիտի գնա ...», խոսողն ասում է, որ «հեսա Չոփը կզանգի ...»:
Ֆայլ 39
2011 թվականի մայիսի 17-ին` ժամը 09:45-ին, Խաչիկ Բաբայանի 095-85-06-96 համարին զանգում է ոմն Չոփը` 093-47-75-55 համարից ու Խաչիկն ասում է, որ «ֆրանսիացին ժամը 10:30 կլինի պռասպեկտ շուկայի մոտ ...»:
Ֆայլ 40
2011 թվականի մայիսի 17-ին` ժամը 10:15-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում, որ «Ամիրյան ֆոտոյի դեմը մարդ կլինի կտաս իրան ...»:
Ֆայլ 41
2011 թվականի մայիսի 17-ին` ժամը 11:01-ին, Խաչիկ Բաբայանը 095-85-06-96 համարից զանգում է Չոփի 093-47-75-55 համարին ու ասում, որ «թող 11:30-ին գնան Ամիրյան Չարենցի դպրոցի դեմը ...»:

Ֆայլ 42
2011 թվականի մայիսի 17-ին` ժամը 21:39-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում, որ «3 հատ պիտի տաս, ժամը 10-ին ընդե ...»:
Ֆայլ 43
2011 թվականի մայիսի 17-ին` ժամը 21:57-ին, Խաչիկ Բաբայանը 095-85-06-96 համարից խոսում է 077-63-28-08 համարի հետ, որն ասում է. «Արթուրին տեսնողը սպիտակ 07-ով է, վրեն գրած վիվա, անունը Գարիկ»:
Ֆայլ 44
2011 թվականի մայիսի 17-ին` ժամը 21:59-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում. «սպիտակ 07 ա, վրեն վիվա գրած...»:
Ֆայլ 45
2011 թվականի մայիսի 17-ին` ժամը 22:09-ին Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու հարցնում «տեսար, տվիր ...», Արթուրը պատասխանում է, որ «հա 3000 տվի, երկու առանձին, մեկ առանձին»:
Ֆայլ 46
2011 թվականի մայիսի 17-ին` ժամը 23:04-ին, Խաչիկ Բաբայանը 095-85-06-96 համարից զանգում է 077-63-28-28 համարին, խոսում Յուրայի հետ: Յուրային բացատրում է, որ տաքսին գնա Բութանիա խանութի մոտ:
Ֆայլ 47
2011 թվականի մայիսի 17-ին` ժամը 23:21-ին, Խաչիկ Բաբայանը 095-85-06-96 համարից զանգում է 098-78-17-44 համարին ու ասում. «աստանովկի շենքի մոտ կայնած է, սպիտակ 07-ով, անունը Գարիկ ...»: Գարիկին տեսնողի անունը Սաքո է:
Ֆայլ 48
2011 թվականի մայիսի 17-ին` ժամը 23:27-ին, Խաչիկ Բաբայանը 095-85-06-96 համարից զանգում է 098-78-17-44 համարին ու վերջինն ասում է, որ «հա տվել է ...» (Գարիկը տվել է Սաքոյին):
Ֆայլ 49
2011 թվականի մայիսի 18-ին` ժամը 10:57-ին, Խաչիկ Բաբայանի 095-85-06-96 համարին զանգում են ... համարից ու ասում. «կարանք մի հատ բան վեկալենք ...»:
Ֆայլ 50
2011 թվականի մայիսի 20-ին` ժամը 10:29-ին, Խաչիկ Բաբայանը 095-85-06-96 համարից զանգում է Արթուր խաչատուրյանի 093-40-39-48 համարին ու ասում. «3 հատ պետք է, մի հատ հիմի, մի հատ 12-ին, հետո կասեմ ...»: Արթուրն ասում է. «թող գա Պռեսպեկտ»:
Ֆայլ 51
2011 թվականի մայիսի 20-ին` ժամը 10:39-ին, Խաչիկ Բաբայանի 095-85-06-96 համարին զանգում է Արթուր խաչատուրյանը 093-40-39-48 համարից ու Խչոն ասում է. «ժամը 11-ին պռոսպեկտ ա, 2.000 պիտի տաս ...»:
Ֆայլ 52
2011 թվականի մայիսի 20-ին` ժամը 11:04-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում «շնորհակալություն ...»:

Ֆայլ 53
2011 թվականի մայիսի ... ժամը 12:59-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում. «70.000 ա չմոռանաս, դրան կտենաս կգնաս ..., էտ ընթացքում կպայմանավորվեն Սիլաչի ...»:
Ֆայլ 54
2011 թվականի մայիսի ... ժամը 13:08-ին, Խաչիկ Բաբայանը 095-85-06-96 համարից զանգում է Արթուր խաչատուրյանի 093-40-39-48 համարին ու Արթուրն ասում է «մոտս 5.000 էր, մտա մնացած ... էլ վերցրի, հիմա ստե եմ ...: Խչոն ասում է. «դու հենց հասնես զանգի, վրեն Գիգա ա գրած»:
Ֆայլ 55
2011 թվականի մայիսի ... ժամը 13:15-ին, Խաչիկ Բաբայանը 095-85-06-96 համարից զանգում է Արթուր խաչատուրյանի 093-40-39-48 համարին ու ասում. «դու էն Սիթիյի մոտ կանգնացրա, թող ավտոյի մեջ, իջի ոտ ոտ գնա ...»:
Ֆայլ 56
2011 թվականի մայիսի ... ժամը 13:22-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում «ինքնա, մայթն անցնի, հեռախոսը դիր ջեբդ, մի անջատի ...»: Արթուրն ասում է. «հա դրան տեսա, 7-ին տեսա ...»: Խաչիկն ասում է. «ֆսյո գնա մեր յան փողը վեկալ, մինչև ես պայմանավորվեմ Սիլաչի»:
Ֆայլ 57
2011 թվականի մայիսի ժամը 13:45-ին, Խաչիկ Բաբայանը 095-85-06-96 համարից զանգում է Արթուր Խաչատուրյանի 093-40-39-48 համարին ու ասում. «երկու րոպեից ընդեա, անունը Սամոյա, քաչալ, տարիքով տղայա, Սթարի դեմնա ...»:
Ֆայլ 58
2011 թվականի մայիսի ... ժամը 23:29-ին Արթուր Խաչատուրյանի 093-85-06-96 համարին զանգում է Ամալյա Հարությունյանը 010-55-70-13 համարից ու ասում «պավեսկեն եկավ, էսօր չգնացի պասիլկետ ստանամ, ուշ էր ...»:
Ֆայլ 59
2011 թվականի մայիսի 24-ին` ժամը 00:28-ին, Արթուր Խաչատուրյանը 093-40-39-48 համարից զանգում է Արթուր Համբարձումյանի 770033647304188 համարին ու խոսում են ծանրոցը ուղարկելու մասին:
Ֆայլ 60
2011 թվականի մայիսի 24-ին` ժամը 15:56-ին, Արթուր Խաչատուրյանը 093-40-39-48 համարից զանգում է Ամալյա Հարությունյանի 010-55-70-13 համարին ու Ամալյան ասում է. «գնացի պասիլկեն ստացա ...», իսկ Արթուրը հետաքրքրվում է, թե. «հո չեն բացել, մեջը չեն նայել, հեսա կգամ կվերցնեմ»:
Ֆայլ 61
2011 թվականի մայիսի 24-ին` ժամը 17:38-ին, Արթուր Խաչատուրյանի 093-40-39-48 համարին զանգում է Արթուր Համբարձումյանը 33478031768 համարից ու ասում. «Արթ ջան 430 պակետ էր, 3 կտորն էլ ստացել էս», իսկ Արթուրն ասում է «հա»: Պայմանավորվում են հետո խոսել:
Դատական քննության ընթացքում զննվել են «Ղ-Տելեկոմ» և «Օրանժ Արմենիա» ՓԲ ընկերություններից ստացված 093-40-39-48, 055-36-00-23, 077-95-94-84 և 095-85-06-96 հեռախոսահամարների մուտքային-ելքային հեռախոսազանգերի վերծանումները:
Դատական քննության ընթացքում զննվել է ՀՀ ոստիկանության ՔՀ գլխավոր վարչությունից թիվ 3/546 գրությամբ ուղարկված լազերային սկավառակը, որի արդյունքում պարզվել է, որ սկավառակում առկա են 61 (վաթսունմեկ) ֆայլեր, որոնցից յուրաքանչյուրն իրենից ներկայացնում է առանձին հեռախոսազրույց: Նշված 61 (վաթսունմեկ) ֆայլերի զննությամբ պարզվել է, որ 2011 թվականի ապրիլի 6-ից մինչև 2011 թվականի մայիսի 24-ն ընկած ժամանակահատվածում 095-85-06-96 և 098-85-29-39 հեռախոսահամարները հեռախոսակապի մեջ են գտնվել 093-40-39-48, 077-55-93-63, 094-94-23-39, 077-55-93-62, 093-34-31-81, 091-59-11-91, 098-50-78-66, 098-83-21-36, 077-08-64-66, 094-88-13-12, 093-47-75-55, 077-63-28-08, 077-63-28-28, 098-78-17-44 և 010-55-70-13 հեռախոսահամարների հետ:
ՀՀ ԱՆ «Կոշ» ՔԿ հիմնարկի պետի 2011 թվականի հոկտեմբերի 25-ի գրության համաձայն` դատապարտյալ Խաչիկ Սերյոժայի Բաբայանը ՀՀ ԱՆ «Կոշ» ՔԿ հիմնարկում պատիժ է կրել 2011 թվականի հունվարի 14-ից, իսկ մինչ այդ պատիժ է կրել ՀՀ ԱՆ «Նուբարաշեն» ՔԿ հիմնարկում: 2010 թվականի հոկտեմբերի 1-ից մինչև 2011 թվականի մայիսը դատապարտյալ Խաչիկ Բաբայանին 8 (ութ) անգամ` 2010 թվականի հոկտեմբերի 13-ին, 2010 թվականի հոկտեմբերի 28-ին, 2011 թվականի հունվարի 24-ին, 2011 թվականի փետրվարի 28-ին, 2011 թվականի մարտի 10-ին, 2011 թվականի մարտի 23-ին, 2011 թվականի ապրիլի 6-ին և 2011 թվականի ապրիլի 26-ին հանձնուքներ է հանձնել վերջինի մայրը` Անթառամ Սաֆարյանը, իսկ Ալբերտ Ռուբենի Հովհաննիսյանը` ՀՀ ԱՆ «Կոշ» ՔԿ հիմնարկում պատիժ չի կրում:
Գույքի վրա կալանք դնելու մասին 2012 թվականի հունիսի 14-ի որոշման համաձայն` կալանք է դրվել Խաչիկ Սերյոժայի Բաբայանի գույքի վրա:
ՀՀ ոստիկանության ինֆորմացիոն կենտրոնի պահանջագրի համաձայն.
-1998 թվականի օգոստոսի 6-ին Խաչիկ Սերյոժայի Բաբայանը մեղավոր է ճանաչվել ՌԴ քրեական օրենսգրքի 30-րդ հոդվածի 3-րդ մասով, 158-րդ հոդվածի 1-ին մասով և դատապարտվել ազատազրկման 1 տարի 6 ամիս ժամկետով,
-Երևան քաղաքի Կենտրոն և Նորք-Մարաշ համայնքների ընդհանուր իրավասության առաջին ատյանի դատարանի 2008 թվականի մարտի 21-ի դատավճռով Խաչիկ Սերյոժայի Բաբայանը մեղավոր է ճանաչվել ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 3-րդ մասով և 271-րդ հոդվածի 1-ին մասով ու դատապարտվել է ազատազրկման` 2 տարի ժամկետով և տուգանքի` 50.000 ՀՀ դրամ չափով: Կոտայքի մարզի ընդհանուր իրավասության առաջին ատյանի դատարանի 2008 թվականի մայիսի 29-ի որոշմամբ Խաչիկ Սերյոժայի Բաբայանի նկատմամբ նշանակված տուգանքը փոխարինվել է 270 ժամ հանրային աշխատանքով: Երևան քաղաքի Էրեբունի և Նուբարաշեն համայնքների ընդհանուր իրավասության առաջին ատյանի դատարանի 2009 թվականի հոկտեմբերի 2-ի որոշմամբ ՀՀ քրեական օրենսգրքի 271-րդ հոդվածի 1-ին մասով Խաչիկ Սերյոժայի Բաբայանը նշանակված պատժից ազատվել է:
-Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի 2010 թվականի հոկտեմբերի 19-ի դատավճռով Խաչիկ Սերյոժայի Բաբայանը մեղավոր է ճանաչվել ՀՀ քրեական օրենսգրքի 266-րդ հոդվածի 2-րդ մասի 2.1 կետով և դատապարտվել ազատազրկման 6 տարի 6 ամիս ժամկետով: ՀՀ քրեական օրենսգրքի 97-րդ հոդվածի կիրառմամբ Խաչիկ Սերյոժայի Բաբայանի նկատմամբ նշանակվել է հարկադիր բուժում:
Երևան քաղաքի Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի 2010 թվականի հոկտեմբերի 19-ի դատավճռի համաձայն` Խաչիկ Սերյոժայի Բաբայանը մեղավոր է ճանաչվել ՀՀ քրեական օրենսգրքի 266-րդ հոդվածի 2-րդ մասի 2.1 կետով և դատապարտվել ազատազրկման 6 (վեց) տարի 6 (վեց) ամիս ժամկետով: Խաչիկ Սերյոժայի Բաբայանի նկատմամբ նշանակված պատժի սկիզբը հաշվվել է 2010 թվականի մարտի 19-ից: ՀՀ քրեական օրենսգրքի 97-րդ հոդվածի համաձայն, Խաչիկ Սերյոժայի Բաբայանի նկատմամբ նշանակվել է հարկադիր բուժում թմրամոլության դեմ:
Երևան քաղաքի Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի 2011 թվականի հուլիսի 6-ի որոշման համաձայն` դատապարտյալ Խաչիկ Սերյոժայի Բաբայանի նկատմամբ Երևան քաղաքի Մալաթիա Սեբաստիա վարչական շրջանի ընդհանուր իրավասության առաջին ատյանի դատարանի կողմից ՀՀ քրեական օրենսգրքի 266-րդ հոդվածի 2-րդ մասի 2.1 կետով 2010 թվականի հոկտեմբերի 19-ի թիվ ԵԷԴ/0096/01/10 քրեական գործով կայացված դատավճիռը վերանայվել է, դատավճռով հաստատված Խաչիկ Սերյոժայի Բաբայանի հանցավոր արարքը համապատասխանեցվել է ՀՀ քրեական օրենսգրքի 266-րդ հոդվածի 1-ին մասի հատկանիշներին և վերջնական պատիժ է նշանակվել ազատազրկում` 5 (հինգ) տարի 6 (վեց) ամիս ժամկետով:
Դատարանն անհրաժեշտ է համարում անդրադառնալ ամբաստանյալ Խաչիկ Բաբայանի պաշտպան Հունան Բաբայանի միջնորդություններին.
ա) դատապարտյալ Խաչիկ Սերյոժայի Բաբայանի մոտից բջջային հեռախոս առգրավելու մասին 2011 թվականի մայիսի 25-ի արձանագրությունն անթույլատրելի ապացույց ճանաչելու և սույն դատավճռի հիմքում չդնելու վերաբերյալ.
Պաշտպան Հունան Բաբայանը, մասնավորապես նշել է, որ վերը նշված արձանագրությունը կազմվել է ՀՀ քրեական դատավարության օրենսգրքի պահանջների կոպիտ խախտումներով, քանի որ այն կազմվել է 2011 թվականի մայիսի 25-ին, ՀՀ ԱՆ «Կոշ» քրեակատարողական հիմնարկում, նույն հիմնարկի օպերատիվ բաժնի պետի տեղակալ Կ.Սահակյանի կողմից, մասնակցությամբ այլ աշխատակիցների: Սակայն մինչև քրեական գործի հարուցումը քրեական դատավարության օրենսդրությամբ սահմանված կարգով չի կարող առգրավում կատարվել, ինչպես նաև առգրավում կատարելու համար անհրաժեշտ է նախնական քննության մարմնի պատճառաբանված որոշում, որում պետք է նշվեն, թե հատկապես քրեական գործի համար նշանակություն ունեցող առարկան որտեղ և ում մոտ է գտնվում և ինչով է պայմանավորված դա առգրավելու անհրաժեշտությունը: Բացի այդ, արձանագրությունը կազմվել է առանց ընթերակաների, ինչպես նաև դրանում չի նշվել հայտնաբերված հեռախոսը փաթեթավորվել է, թե ոչ և ձեռնարկվել են արդյոք այնպիսի միջոցներ, որպեսզի բացառվի դրա հետագա փոփոխությունը, կորուստը և այլն, ավելին` արձանագրությունը Խաչիկ Բաբայանի կողմից չի ստորագրվել:
Դատարանը հարկ է համարում նկատել, որ դատապարտյալ Խաչիկ Սերյոժայի Բաբայանի մոտից բջջային հեռախոս առգրավելու գործողությունը կատարվել է ոչ թե ՀՀ քրեական դատավարության օրենսգրքի կանոններով, այլ ՀՀ կառավարության 2006 թվականի օգոստոսի 3-ի թիվ 1543-Ն որոշմամբ հաստատված ՀՀ ԱՆ քրեակատարողական ծառայության` կալանավորվածներին պահելու վայրերի և ուղղիչ հիմնարկների ներքին կանոնակարգի կանոններով:
ՀՀ կառավարության 2006 թվականի օգոստոսի 3-ի թիվ 1543-Ն որոշմամբ հաստատված ՀՀ ԱՆ քրեակատարողական ծառայության` կալանավորվածներին պահելու վայրերի և ուղղիչ հիմնարկների ներքին կանոնակարգի 23-րդ կետի 1-ին ենթակետի համաձայն` կալանավորված անձին կամ դատապարտյալին արգելվում է իր մոտ ունենալ կամ խցում պահել բջջային հեռախոս: Նույն որոշման 88-րդ կետի համաձայն` սույն կանոնակարգով արգելված իրերի, առարկաների և սննդամթերքի ներթափանցումը, ինչպես նաև նոր հանցագործություն կատարելը կանխարգելելու նպատակով կալանավորվածներին պահելու վայրի կամ ուղղիչ հիմնարկի վարչակազմի կողմից իրականացվում են կալանավորված անձանց, դատապարտյալների անձնական խուզարկություններ, կալանավորված անձանց կամ դատապարտյալների խցերի կամ կացարանների խուզարկություններ, կալանավորված անձանց կամ դատապարտյալների իրերի զննումներ և առգրավումներ: Նշված գործողությունները կատարվում են առնվազն երկու քրեակատարողական ծառայողի մասնակցությամբ, իսկ նույն որոշման 92-րդ կետի համաձայն` կալանավորված անձի կամ դատապարտյալի անձնական խուզարկության կամ խցի կամ կացարանի խուզարկության, ինչպես նաև իրերի զննման ժամանակ առգրավման ենթակա առարկաների հայտնաբերման դեպքում կազմվում է արձանագրություն արգելված իրերի հայտնաբերման և առգրավման մասին: Արձանագրությունն ստորագրվում է խուզարկություն կատարող անձանց և խուզարկության ենթարկված անձի կամ զննման ենթարկված իրեր ունեցող անձի կողմից: Վերջինիս կողմից արձանագրության ստորագրումից հրաժարվելու դեպքում արձանագրության մեջ կատարվում է համապատասխան նշում:
Տվյալ դեպքում հարկ է նկատել, որ դատապարտյալ Խաչիկ Սերյոժայի Բաբայանի մոտից բջջային հեռախոս առգրավելու գործողությունը կատարվել է հինգ քրեակատարողական ծառայողի մասնակցությամբ, որի վերաբերյալ կազմվել է համապատասխան արձանագրություն, իսկ Խաչիկ Բաբայանը հրաժարվել է այն ստորագրելուց, ինչի վերաբերյալ կատարվել է նշում:
Ելնելով վերոգրյալից, Դատարանը գտնում է, որ վերը նշված միջնորդությունն անհիմն է և ենթակա է մերժման, քանի որ դատապարտյալ Խաչիկ Սերյոժային Բաբայանի մոտից բջջային հեռախոս առգրավելու մասին 2011 թվականի մայիսի 25-ի արձանագրությունը կազմվել է ՀՀ կառավարության 2006 թվականի օգոստոսի 3-ի թիվ 1543-Ն որոշմամբ հաստատված ՀՀ ԱՆ քրեակատարողական ծառայության` կալանավորվածներին պահելու վայրերի և ուղղիչ հիմնարկների ներքին կանոնակարգի կանոնների պահպանմամբ:
Իսկ ինչ վերաբերում է պաշտպան Հունան Բաբայանի միջնորդության մեջ նշված այն փաստարկին, որ արձանագրության մեջ չի նշվել հայտնաբերված հեռախոսը փաթեթավորվել է, թե ոչ և ձեռնարկվել են արդյոք այնպիսի միջոցներ, որպեսզի բացառվի դրա հետագա փոփոխությունը, կորուստը և այլն, ապա հարկ է նկատել, որ թեև արձանագրությունում նշված չէ այն մասին, որ հայտնաբերված բջջային հեռախոսը փաթեթավորվել է, սակայն դրանում առկա է հայտնաբերված հեռախոսի անհատականացման վերաբերյալ («Նոկիա 1800» մոդելի բջջային հեռախոս (IMEI-352709045301850)` 095-85-06-96 հեռախոսաքարտով) նշումներ, ինչի պարագայում բացառվում դրա հետագա փոփոխությունը:
բ) բջջային հեռախոսը զննելու մասին 2012 թվականի մարտի 14-ի արձանագրությունն անթույլատրելի ապացույց ճանաչելու և սույն դատավճռի հիմքում չդնելու վերաբերյալ.
Պաշտպան Հունան Բաբայանը, մասնավորապես նշել է, որ վերը նշված արձանագրությունը կազմվել է ՀՀ քրեական դատավարության օրենսգրքի պահանջների կոպիտ խախտումներով, քանի որ բջջային հեռախոսի ձեռքբերման աղբյուրը անթույլատրելի է, արձանագրությունում առկա չէ նշում, որ մինչ զննում կատարելն այն եղել է փաթեթավորված և կնիքված, ինչպես նաև նշված քննչական գործողությանը մասնակից չի եղել համապատասխան մասնագետ:
Դատարանը գտնում է, որ վերը նշված միջնորդությունն անհիմն է և կրկին ենթակա է մերժման, քանի որ ՀՀ քրեական դատավարության օրենսգրքի կանոնների համաձայն` առարկաների զննում քննչական գործողությանը մասնագետի մասնակցությունը պարտադիր չէ, եթե այդ գործողության ժամանակ անհրաժեշտ չէ օգտագործել գիտության, տեխնիկայի, արվեստի և արհեստի բնագավառներում մասնագիտական հմտություններ և գիտելիքներ, իսկ տվյալ դեպքում բջջային հեռախոսի զննում կատարելիս, այն էլ միայն դրանում առկա հեռախոսագրքում գրանցված հեռախոսահամարների զննում, կարող է կատարել գրեթե յուրաքանչյուր անձ: Դատարանի նման հետևությունը պայմանավորված է նրանով, որ ներկայում բջջային հեռախոսը հանդիսանում է գրեթե բոլորի կողմից առօրյա օգտագործման առարկա: Իսկ ինչ վերաբերում է միջնորդության մեջ նշված մյուս երկու փաստարկներին, ապա դրանց վերաբերյալ Դատարանն իր եզրահանգումները կատարել է նախորդ միջնորդության քննարկման պատճառաբանական մասում:
գ) հեռախոսազանգերի մուտքային և ելքային զանգերի վերծանումները զննելու մասին 2012 թվականի հունիսի 13-ի և հեռախոսային խոսակցությունները գաղտնալսելու և ձայնագրառելու վերաբերյալ լազերային սկավառակը վերարտադրելու և զննության ենթարկելու մասին 2012 թվականի փետրվարի 17-ի արձանագրություններն անթույլատրելի ապացույցներ ճանաչելու և սույն դատավճռի հիմքում չդնելու վերաբերյալ.
Պաշտպան Հունան Բաբայանը, մասնավորապես նշել է, որ վերը նշված արձանագրությունները կազմվել են ՀՀ քրեական դատավարության օրենսգրքի պահանջների կոպիտ խախտումներով, քանի որ Խաչիկ Բաբայանին վերագրվող հեռախոսահամարը` 095-85-06-96, գրանցված չէ նրա անվամբ, հետևաբար այն դիրքորոշումը, որ դա նրա հեռախոսահամարն է ընդամենը քննիչի ենթադրական, սեփական կարծիքն է գործի հանգամանքների վերաբերյալ: Զննության արձանագրություններով ըստ էության չի կատարվել զննություն, այլ դրանց մեջ նշվել է քննիչի սեփական կարծիքը և պարունակում են գնահատողական տվյալներ: Բացի այդ փորձաքննությամբ չի հաստատվել, որ հենց Խաչիկ Բաբայանն է գաղտնալսվել:
Դատարանը գտնում է, որ վերը նշված միջնորդությունը ենթակա է բավարարման և հեռախոսազանգերի մուտքային և ելքային զանգերի վերծանումները զննելու մասին 2012 թվականի հունիսի 13-ի և հեռախոսային խոսակցությունները գաղտնալսելու և ձայնագրառելու վերաբերյալ լազերային սկավառակը վերարտադրելու և զննության ենթարկելու մասին 2012 թվականի փետրվարի 17-ի արձանագրությունները պետք է ճանաչել անթույլատրելի ապացույցներ և չպետք է դնել սույն դատավճռի հիմքում, քանի որ դրանց մեջ նշվել է քննիչի սեփական կարծիքը և պարունակում են գնահատողական տվյալներ, այսինքն` դրանք ձեռք են բերվել քննչական գործողության կատարման կարգի էական խախտմամբ: Ինչ վերաբերվում է պաշտպան Հունան Բաբայանի այն փաստարկին, որ Խաչիկ Բաբայանին վերագրվող հեռախոսահամարը` 095-85-06-96, գրանցված չէ նրա անվամբ, հետևաբար այն դիրքորոշումը, որ դա նրա հեռախոսահամարն է ընդամենը քննիչի ենթադրական, սեփական կարծիքն է գործի հանգամանքների վերաբերյալ, ապա հարկ է նկատել, որ սույն գործով ձեռք բերված օբյեկտիվ տվյալներով, մասնավորապես` դատապարտյալ Խաչիկ Սերյոժային Բաբայանի մոտից բջջային հեռախոս առգրավելու մասին 2011 թվականի մայիսի 25-ի արձանագրությամբ, սույն քրեական գործի մեղադրանքի հետ առնչվող մեկ այլ քրեական գործով դատապարտյալ Արթուր Խաչատուրյանի նախնական քննության ընթացքում` 2011 թվականի մայիսի 25-ին, որպես կասկածյալ տված ցուցմունքով և բջջային հեռախոսը զննելու մասին 2012 թվականի մարտի 14-ի արձանագրությամբ հաստատվում է, որ 095-85-06-96 հեռախոսահամարը օգտագործվել է Խաչիկ Բաբայանի կողմից:
Դատարանը միաժամանակ գտնում է, որ վերոգրյալ հիմնավորմամբ պետք է անթույլատրելի ապացույց ճանաչել և սույն դատավճռի հիմքում չդնել հեռախոսազանգերի մուտքային և ելքային զանգերի վերծանումները զննելու մասին 2011 թվականի դեկտեմբերի 22-ի արձանագրությունը:
Իսկ ինչ վերաբերում է պաշտպան Հունան Բաբայանի այն պնդմանը, որ Խաչիկ Սերյոժայի Բաբայանի վերաբերյալ քրեական գործը Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում քննվում է ընդդատության կարգի խախտմամբ, քանի որ նրան առաջադրված մեղադրանքի համաձայն նա իրեն մեղսագրվող արարքը կատարել է ՀՀ ԱՆ «Կոշ» քրեակատարողական հիմնարկում գտնվելու ժամանակահատվածում, ապա Դատարանը հարկ է համարում նկատել, որ ըստ առաջադրված մեղադրանքի Խաչիկ Բաբայանը գտնվելով ՀՀ ԱՆ «Կոշ» քրեակատարողական հիմնարկում հեռախոսազանգերի միջոցով տարբեր անձանց ուղղորդել է որպեսզի տարբեր վայրերից թմրամիջոց վերցնեն և տարբեր վայրերում փոխանցեն այլ անձանց, իսկ թմրամիջոցի վերջին փոխանցումը կատարվել է Երևան քաղաքի Մաշտոցի պողոտայում գտնվող «Երևան Սիթի» սուպերմարկետի մոտ, այսինքն` քրեական օրենսգրքով չթույլատրված վերջին արարքը կատարվել և ավարտվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատական տարածքում, որպիսի պայմաններում Դատարանը գտնում է, որ չի խախտվել սույն քրեական գործի տարածքային ընդդատությունը:
Դատարանը գտնում է, որ մտացածին են և ձեռք բերված օբյեկտիվ տվյալներով հերքվում է սույն քրեական գործի մեղադրանքի հետ առնչվող մեկ այլ քրեական գործով դատապարտյալ Արթուր Խաչատուրյանը դատական քննության ընթացքում տված ցուցմունքն այն մասին, որ ինքը Խաչիկ Բաբայանին թմրամիջոց չի տվել, այլ նրա մոր միջոցով նրան գումար է փոխանցել: Նախնական քննության ընթացքում իր կողմից տված ցուցմունքները չեն համապատասխանում իրականությանը, ինքն այն գրել է ճնշման տակ:
3. Դատարանի իրավական վերլուծությունները.
Վերոգրյալ թույլատրելի ապացույցների հիման վրա Դատարանը գալիս է այն եզրահանգման, որ Խաչիկ Սերյոժայի Բաբայանը 2010 թվականի աշնանից մինչև 2011 թվականի մայիսի 23-ն ընկած ժամանակահատվածում, վերջին անգամ Երևան քաղաքի Մաշտոցի պողոտայում, իրացնելու նպատակով ապօրինի ձեռք է բերել և իրացրել է առանձնապես խոշոր չափերի «բուպրենորֆին» տեսակի թմրամիջոց, ինչը համապատասխանում է ՀՀ քրեական օրենսգրքի 266-րդ հոդվածի 3-րդ մասի 2-րդ կետի հատկանիշներին:
Ապացուցված է Խաչիկ Սերյոժայի Բաբայանի մեղավորությունը ՀՀ քրեական օրենսգրքի 266-րդ հոդվածի 3-րդ մասի 2-րդ կետով նախատեսված արարքը կատարելու մեջ:
Խաչիկ Բաբայանի անձը դրականորեն բնութագրող և պատասխանատվությունն ու պատիժը մեղմացնող հանգամանքներ սույն քրեական գործում առկա չեն:
Դատարանը միաժամանակ արձանագրում է, որ Խաչիկ Բաբայանի պատասխանատվությունն ու պատիժը ծանրացնող հանգամանք է հանցանքները կատարելու առանձնապես վտանգավոր ռեցիդիվը, քանի որ նա նախկինում դատապարտվել է ծանր հանցագործություն կատարելու համար, որի դատվածությունը մարված չէ, և կատարել է առանձնապես ծանր հանցագործություն:
Կատարած արարքի համար ամբաստանյալ Խաչիկ Բաբայանը ենթակա է քրեական պատասխանատվության և պատժի:
Դատարանը, հաշվի առնելով Խաչիկ Բաբայանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, պատասխանատվությունն ու պատիժը ծանրացնող հանգամանքը, պատասխանատվությունն ու պատիժը մեղմացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 266-րդ հոդվածի 3-րդ մասի սանկցիայով որպես հիմնական պատիժ նախատեսված է միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով: Դատարանը միաժամանակ գտնում է, որ Խաչիկ Բաբայանի նկատմամբ չպետք է նշանակել ՀՀ քրեական օրենսգրքի 266-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը:
ՀՀ քրեական օրենսգրքի 67-րդ հոդվածի 1-ին կետի համաձայն` եթե դատավճիռ կայացնելուց հետո, բայց մինչև պատժի լրիվ կրելը դատապարտյալը նոր հանցանք է կատարել, ապա դատարանը նոր դատավճռով նշանակված պատժին լրիվ կամ մասնակիորեն գումարում է նախորդ դատավճռով նշանակված պատժի չկրած մասը:
Դատարանը, նկատի ունենալով, որ Խաչիկ Բաբայանը պատժի չկրած մասի ընթացքում կատարել է դիտավորյալ հանցանք, գտնում է, որ նրա նկատմամբ վերջնական պատիժ պետք է նշանակել ՀՀ քրեական օրենսգրքի 67-րդ հոդվածով սահմանված կարգով` սույն դատավճռով նշանակված պատժին մասնակիորեն գումարելով Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի 2010 թվականի հոկտեմբերի 19-ի դատավճռով նշանակված և Երևան քաղաքի Մալաթիա Սեբաստիա վարչական շրջանի ընդհանուր իրավասության առաջին ատյանի դատարանի 2011 թվականի հուլիսի 10-ի որոշմամբ փոփոխված պատժի չկրած մասը, որը նա պետք է կրի:
Տվյալ դեպքում հարկ է նկատել, որ սույն դատավճռի հրապարակման օրվա դրությամբ Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի 2010 թվականի հոկտեմբերի 19-ի դատավճռով և Երևան քաղաքի Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի 2011 թվականի հուլիսի 10-ի որոշմամբ փոփոխված Խաչիկ Բաբայանի նկատմամբ նշանակված ազատազրկման ձևով պատժից նրան մնացել է կրելու 2 (երկու) տարի 3 (երեք) ամիս 15 (տասնհինգ) օր:
Դատարան միաժամանակ գտնում է, որ Խաչիկ Բաբայանի նկատմամբ սույն դատավճռով նշանակված վերջնական պատժի կրման սկիզբը պետք է հաշվել սույն դատավճռի հրապարակման օրվանից` 2013 թվականի հունիսի 3-ից:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-6-րդ կետերով նախատեսված դատական ծախսերն ամբաստանյալ Խաչիկ Բաբայանից ենթակա չեն բռնագանձման, քանի որ 1-ին, 3-6-րդ կետերով նախատեսված դատական ծախսեր ընդհանրապես չկան, իսկ 2-րդ կետով նախատեսված ծախսերի վերաբերյալ տվյալները բացակայում են: Ավելին` նման պահանջ դատարանին չի ներկայացվել:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև գույքի հնարավոր բռնագրավումն ապահովելու համար գույքի վրա դրված կալանքը վերացնելու հարցը: Սույն գործով հետո 2012 թվականի հունիսի 14-ին կայացվել է գույքի վրա կալանք դնելու մասին որոշում` համաձայն որի որոշվել է գույքի հնարավոր բռնագրավումը և դատական ծախսերի բռնագանձումն ապահովելու նպատակով Խաչիկ Սերյոժայի Բաբայանի գույքի վրա դնել կալանք: ՀՀ քրեական դատավարության օրենսգրքի 238-րդ հոդվածի համաձայն` գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը: Դատարանը, նկատի ունենալով, որ վերը նշված հիմնավորմամբ Խաչիկ Բաբայանի նկատմամբ չպետք է նշանակվի ՀՀ քրեական օրենսգրքի 266-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը, ինչպես նաև բռնագանձման ենթակա դատական ծախսեր առկա չեն, գտնում է, որ վերացել է գույքի վրա կալանք դնելուց բխող սահմանափակումների կիրառման անհրաժեշտությունը: Հետևաբար` դատավճիռն օրինական ուժի մեջ մտնելուց հետո Խաչիկ Սերյոժայի Բաբայանի գույքի վրա դրված կալանքը պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 238-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը
ՎՃՌԵՑ

Խաչիկ Սերյոժայի Բաբայանին մեղավոր ճանաչել ՀՀ քրեական օրենսգրքի 266-րդ հոդվածի 3-րդ մասի 2-րդ կետով և պատիժ նշանակել ազատազրկում` 10 (տաս) տարի ժամկետով` առանց գույքի բռնագրավման:
ՀՀ քրեական օրենսգրքի 67-րդ հոդվածով սահմանված կարգով` սույն դատավճռով նշանակված պատժին մասնակիորեն գումարել Երևան քաղաքի Մալաթիա Սեբաստիա վարչական շրջանի ընդհանուր իրավասության առաջին ատյանի դատարանի 2010 թվականի հոկտեմբերի 19-ի դատավճռով Խաչիկ Սերյոժայի Բաբայանի նկատմամբ նշանակված և Երևան քաղաքի Մալաթիա Սեբաստիա վարչական շրջանի ընդհանուր իրավասության առաջին ատյանի դատարանի 2011 թվականի հուլիսի 10-ի որոշմամբ փոփոխված պատժի չկրած մասը` 2 (երկու) տարի 3 (երեք) ամիս 15 (տասնհինգ) օրը և Խաչիկ Սերյոժայի Բաբայանի նկատմամբ վերջնական պատիժ նշանակել ազատազրկում` 11 (տասնմեկ) տարի ժամկետով` առանց գույքի բռնագրավման:
Խաչիկ Սերյոժայի Բաբայանի նկատմամբ սույն դատավճռով նշանակված վերջնական պատժի կրման սկիզբը հաշվել 2013 թվականի հունիսի 3-ից:
Սույն դատավճիռն օրինական ուժի մեջ մտնելուց հետո 2012 թվականի հունիսի 14-ի որոշմամբ Խաչիկ Սերյոժայի Բաբայանի վրա դրված կալանքը վերացնել:
Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան` հրապարակելու օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ