ԵԿԴ/0118/01/12





ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«29» հոկտեմբերի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ նաև` Դատարան)


նախագահող դատավոր
դատական նիստերի քարտուղարներ

մեղադրող
տուժողներ
տուժողի իրավահաջորդ
Մ.Պապոյան
Ռ.Ավետյան
Կ.Կարապետյան
Ա.Մնացականյան
Ն.Փութուլյան
Հ.Դավթյան


դռնբաց դատական նիստում քննեց քրեական գործն ըստ մեղադրանքի`
Վահան Համլետի Ստեփանյանի` ծնված 1953 թվականի հունվարի 15-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, դատվածություն չունեցող, հաշվառված է Երևան քաղաքի Տպագրիչների փողոցի 13-րդ շենքի 39-րդ բնակարանում, բնակվում է Երևան քաղաքի Տիգրան Մեծի պողոտայի 53-րդ շենքի 60-րդ բնակարանում, մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով, արգելանքի տակ է 2012 թվականի ապրիլի 26-ից:
1. Գործի դատավարական նախապատմությունը.
2012 թվականի ապրիլի 26-ին ՀՀ ոստիկանության Երևան քաղաքի քննչական վարչության ՃՏՀ քննության բաժնի քննիչ Կ.Գրիգորյանի որոշմամբ ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով նախատեսված հանցագործությունների հատկանիշներով հարուցվել և վարույթ է ընդունվել թիվ 60109712 քրեական գործը:
2012 թվականի ապրիլի 26-ին ՀՀ ոստիկանության Երևան քաղաքի քննչական վարչության ՃՏՀ քննության բաժնի ՀԿԳ ավագ քննիչ Մ.Մուրադյանի որոշմամբ թիվ 60109712 քրեական գործն ընդունվել է վարույթ:
2012 թվականի ապրիլի 28-ին ՀՀ ոստիկանության Երևան քաղաքի քննչական վարչության ՃՏՀ քննության բաժնի ՀԿԳ ավագ քննիչ Մ.Մուրադյանի որոշմամբ թիվ 60109712 քրեական գործով Վահան Համլետի Ստեփանյանին մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով:
2012 թվականի ապրիլի 28-ին ՀՀ ոստիկանության Երևան քաղաքի քննչական վարչության ՃՏՀ քննության բաժնի ՀԿԳ ավագ քննիչ Մ.Մուրադյանի որոշմամբ թիվ 60109712 քրեական գործով Հակոբ Դավթյանին անզգուշությամբ պատճառված մարմնական վնասվածքի մասով Վահան Համլետի Ստեփանյանի նկատմամբ քրեական հետապնդումը դադարեցվել է` նրա արարքում հանցակազմի բացակայության պատճառով:
2012 թվականի ապրիլի 28-ին ՀՀ ոստիկանության Երևան քաղաքի քննչական վարչության ՃՏՀ քննության բաժնի ՀԿԳ ավագ քննիչ Մ.Մուրադյանի որոշմամբ թիվ 60109712 քրեական գործով Վահան Համլետի Ստեփանյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով:
2012 թվականի հուլիսի 2-ին Վահան Համլետի Ստեփանյանին վերաբերյալ թիվ 60109712 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որտեղ քրեական գործին շնորհվել է ԵԿԴ/0118/01/12 համարը:
Վահան Համլետի Ստեփանյանին մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով` այն արարքների համար, որ նա 2012 թվականի ապրիլի 25-ին` ժամը 22:00-ի սահամններում, խախտելով «Ճանապարհային երթևեկության անվտանգության ապահովման մասին» ՀՀ օրենքի 24-րդ հոդվածի 7-րդ մասի պահանջը` գտնվելով 3-րդ աստիճանի ալկոհոլային հարբածության վիճակում, իր անձնական օգտագործման «Օպել-Վեկտրա» մակնիշի 32ԼՕ135 պետհամարանիշի ավտոմեքենան վարել է Երևան քաղաքի Հերացի փողոցով` Խանջյան փողոցի կողմից դեպի Մյասնիկյան պողոտայի ուղղությամբ, իր ուղեմասի 3-րդ գոտով` կենտրոնական զույգ հոծ գծանշումներից մոտ` 3,5 մետր հեռավորության վրա, շուրջ 40 կմ/ժամ արագությամբ, մոտակա լույսերը միացված վիճակում: Հասնելով Հերացի փողոցի 16-րդ շենքի դիմաց` թույլ է տվել ՃԵԿ-ի 129 կետի պահանջին հակասող գործողություն, այն է` շլանալով հանդիպակաց ուղեմասով ընթացող ավտոմեքենայի հեռահար լույսերից և շլացած վիճակում, նույն ուղղությամբ ու արագությամբ շուրջ 5-6 վայրկյան շարունակելով ընթանալ, իր երթևեկության համար վտանգ առաջ գալու սկզբնապահից սկսած, երթևեկության անվտանգությունն ապահովելու համար չի միացրել մեքենայի վթարային-լուսային ազդանշանը և չփոխելով երթևեկության գոտին, տեխնիկական տեսակետից ժամանակին կատարած արգելակումով չի դանդաղեցրել իր վարած մեքենայի ընթացքը, ընդհուպ մինչև մեքենան կանգնեցնելը, ինչի տեխնիկական հնարավորությունը մինչև վրաերթի տեղին հասնելն ունեցել է, ինքն իրեն զրկել է վրաերթը կանխելու տեխնիկական հնարավորությունից, որի հետևանքով ավտոմեքենայի առջևի հատվածով վերաերթի է ենթարկել հետիոտներ Թագուշ Սարիբեկի Ղազարյանին, անզգուշությամբ պատճառել միջին ծանրության վնաս` առողջության տևական քայքայումով, Նազելի Սարիբեկի Փութուլյանի առողջությանը` կյանքին վտանգ սպառանցող ծանր վնաս և Արևհատ Սարիբեկի Դավթյանին անզգուշությամբ պատճառել է մահ: Այնուհետև Վահան Ստեփանյանը ճանապարհային երթևեկության կանոնները խախտելու հետևանքով, վրաերթ կատարելուց հետո, թողել է ճանապարհատրանսպորտային պատահարի վայրը և իր վարած «Օպել-Վեկտրա» մակնիշի 32ԼՕ135 պետհամարանիշի ավտոմեքենայով հեռացել:
2. Ապացույցների հետազոտում և գնահատում.
Դատական քննության ընթացքում ամբաստանյալ Վահան Ստեփանյանն առաջադրված մեղադրանքում իրեն մեղավոր ճանաչեց և օգտվելով իր իրավունքից` հրաժարվեց ցուցմունք տալ:
Ամբաստանյալ Վահան Ստեփանյանը նախնական քննություն ընթացքում ցուցմունքներ է տվել այն մասին, որ ունի անձնական օգտագործման «Օպել-Վեկտրա» մակնիշի 32ԼՕ135 պետհամարանիշի ավտոմեքենա: Ունի վարորդական իրավունքի վկայական: 2012 թվականի ապրիլի 25-ին` ժամը 22:00-ի սահմաններում, նշված «Օպել-Վեկտրա» մակնիշի ավտոմեքենան մոտ 40 կմ/ժամ արագությամբ վարել է Երևան քաղաքի Խանջյան փողոցի կողմից Հերացու փողոցով դեպի Մյասնիկյան պողոտայի կողմը` իր երթևեկելի ուղեմասի 3-րդ շարքով` մոտակա լույսերը միացված վիճակում: Մոտենալով Հերացու փողոցի թիվ 16-րդ շենքին` իր հանդիպակաց ուղեմասով ընթացող մի ավտոմեքենան, որի մակնիշը և պետհամարանիշը իրեն հայտնի չէ, հեռահար լույսերով իրեն շլացրել է և ինքը նույն դիրքով և արագությամբ շլացած վիճակում շարունակել է երթևեկությունը և մոտ 5-6 վայրկայան շլացած վիճակում երթևեկելուց հետո վերջին պահին նկատել է իր ընթացքի ուղղությամբ աջից դեպի ձախ կողմը փողոցը հատող չորս հետիոտների, չի հասցրել արգելակել և ավտոմեքենայի առջևի աջ մասով վրաերթի է ենթարկել նրանց 4-ին և միաժամանակ ղեկը թեքելով դեպի ձախ, իր մեքենան դուրս բերելով 4-րդ գոտի, հատելով հոծ գծերը` մոտք է գործել հանդիպակաց ուղեմաս, առանց արգելակման շարունակել է ընթացքը հանդիպակած ուղեմասով անցնելով որոշակի տարածություն և վախից ու անկախ իր կամքից շփոթված վիճակում շարունակել է ընթացքը Մյասնիկյան պողոտայով: Վրաերթի հետևանքով մեքենայի առջևի դիմապակին կոտրվել է և դիմացը ոչինչ չի երևացել: Հասնելով Աճառյան պողոտա` թեքվել է դեպի ձախ` Ծարավ Աղբյուրի փողոց, որտեղ էլ կանգնեցրել է մեքենան, նստել պատահական մեքենա և գնացել ՀՀ ոստիկանության Կենտրոնականի բաժին: Ինքն օրվա ընթացքում հաց ուտելու ժամանակ ալկոհոլային խմիչք չի օգտագործել: Ինքն ընդունում է իր մեղավորությունը, որ խախտել է ճանապարհային երթևեկության կանոնները և վրաերթի է ենթարկել 4 հետիոտների` նրանցից մեկին մահ, իսկ մնացածին մարմանական վնասվածքներ պատճառել և թողնելով պատահարի վայրը հեռացել է, որի համար զղջում է և պարտավորվում է հատուցել նյութկան վնասը:
Տուժողի իրավահաջորդ Հակոբ Դավթյանը դատական քննության ընթացքում ցուցմունք տվեց այն մասին, որ ինքը, Թագուշ Ղազարյանը, Նազելի Փութուլյանը և Արևահատ Դավթյանը 2012 թվականի ապրիլի 25-ին` ժամը 22:00-ի սահմաններում, հիվանդանոցից ցանկանցել են գնալ Ջրվեժ: Ճանապարհի առաջին հատվածը անցնելուց հետո երկրորդ գծի մոտ ավտոմեքենան հարվածել է իրենց: Ավտեմաքենայի հարվածի արդյունքում իր կինը` Արևհատ Դավթյանը մահացել է, իսկ ինքը, Թագուշ Ղազարյանը և Նազելի Փութուլյանը ստացել են մարմնական վնասվածքներ:
Տուժող Թագուշ Ղազարյանը դատական քննության ընթացքում ցուցմունք տվեց այն մասին, որ դեպքի օրն ինքը, Նազելի Փութուլյանը, Արևահատ Դավթյանը և Հակոբ Դավթյանը ցանկացել են անցնել փողոցը, որի ժամանակ ավտոմեքենան բարձր արագությամբ հարվածել է իրենց: Ավտեմաքենայի հարվածից հետո ինքն ուշաթափվել է:
Տուժող Նազելի Փութուլյանը նախնական քննության ընթացքում ցուցմունք է տվել այն մասին, որ 2012 թվականի ապրիլի 25-ին Երևան քաղաքի Հերացու փողոցում անզգուշ վայր ընկնելու հետևանքով կոտրել է աջ ձեռքը, որի համար դիմել է Երևանի թիվ 1 համալսարանական հիվանդանոց: Հիվանդանոցից ինքը զանգահարել է իր քրոջը` Թագուշ Ղազարյանին, որպեսզի նա գա հիվանդանոց: Այնուհետև հիվանդանոց են եկել Թագուշը, իր մյուս քույրը` Արևհատ Դավթյանը, և վերջինի ամուսինը` Հակոբ Դավթյանը: Իրենք չորսով դուրս են եկել հիվանդանոցից փորձել հատել Հերացու փողոցը: Ճանապարհի մեկ ուղեմասն անցնելուց հետո, երբ իրենք փորձել են անցնել մյուս ուղեմասը, վթարի են ենթարկվել, որից ինքը ստացել է մարմնական վնասվածք և կորցրել գիտակցությունը: Իրեն պատճառված վնասվածքների համար ցանկանում է, որ վրաերթ կատարող վարորդը ենթարկվի քրեական պատասխանատվության:
Տրանսպորտային միջոցի զննության մասին 2012 թվականի ապրիլի 26-ի արձանագրության համաձայն` զննության է ենթարկվել «Օպել-Վեկտրա» մակնիշի 32ԼՕ135 պետհամարանիշի ավտոմեքենան: Վրաերթի հետևանքով վնասվել է ավտոմեքենայի դիմապակին, շարժիչի ծածկոցը, առջևի աջ անվաթևը, դիմացի պաշտպանիչ վահանակը և առջևի աջ թարթիչը: Բացակայում է ավտոմեքենայի կողային աջ հայելին և առջևի ձախ թարթիչը: Ավտոմեքենայի վարորդի նսատեղից վրցվել է միկրամասնիկներ, իսկ վարորդի դռան դրսի հատվածից` թիվ 1 և թիվ 2 մատնահետքեր: Ղեկային կառավարման համակարգի, արգելակման համակարգի, պահեստային արգելակի և մնացած համակարգերի վիճակը սարքին է: Անիվների թմբուկները սառն են, անվադողերի վիճակը ենթակա է շահագործման:
Դեպքի վայրի զննության մասին 2012 թվականի ապրիլի 26-ի արձանագրության համաձայն` դեպքի վայրը գտնվում է Երևան քաղաքի Հերացու փողոցի թիվ 80A էլեկտրական սյան դիմաց: Դեպքի նախորդող պահին «Օպել-Վեկտրա» մակնիշի ավտոմեքենայի դիրքը եղել է դեպի Մյասնիկյան պողոտայի կողմը տանող ուղեմասի 3-րդ շարքում: Ընթացքի ժամանակ ավտոմեքենայի ձախակողմյան եզրից մինջև հոծ գծերը եղել է 3,50 մետր տարածություն: Վրաերթի մոտավոր վայրից մինչև հոծ գծերը եղել է 4,40 մետր տարածություն, իսկ մինչև թիվ 80A էլեկտրական սյունը` 17,40 մետր:
Փորձագետի 2012 թվականի մայիսի 18-ի թիվ 555/հ եզրակացության համաձայն` Նազելի Փութուլյանի ստացած մարմնական վնասվածքները` ծանր բաց չթափանցող զուգորդված գանգուղեղային վնասվածքի, ուղեղ-ողնուղեղային վնասվածքի, պարանոցի 2-րդ ողի, կրծքային 6-րդ ողի մարմնի, գոտկային 5-րդ ելունի, զույգ բազուկների գլխիկների փակ բեկորային, աջից անրակի, կրծոսկրի մարմնի, ձախ թիակի մարմնի, աջից կոնքի ոսկրերի, աջ ազդոսկրի, ձախ սրունքի, աջ միջային պճեղի փակ տեղաշարժով կոտրվածքների ձևով, որն ուղեկցվել է հիպովոլեմիկ, տրավմատիկ շոկով, պատճառվել են բութ առարկաներով, հնրավոր է որոշման մեջ նշված ժամկետում և հանգամանքներում, որոնք պատճառել են առողջության ծանր վնաս` կյանքին վտանգ սպառնացող:
Փորձագետի 2012 թվականի մայիսի 18-ի թիվ 557/հ եզրակացության լրացման համաձայն` Թագուշ Ղազարյանի ստացած մարմնական վնասվածքները` ձախ արմնկահոդի շրջանի քերծվածքների, աջ զստոսկրի, քացախափոսի, ցայլոսկրի փակ աննշան տեղաշարժով, կրծքային 10-րդ ողի փակ առանց տեղաշարժի կոտրվածքների ձևով, պատճառվել են բութ առարկաներով հնարավոր է որոշման մեջ նշված ժամկետում և հանգամանքներում, որոնք պատճառել են առողջությանը միջին ծանրության վնաս` առողջության տևական քայքայումով, նկատի ունենալով վնասվածքների հետ անմիջական պատճառական կապի մեջ եղեծ հետևանքների տևողությունը 21 օրից ավելի:
«Դատաբժշկական գիտագործնական կենտրոն» ՊՈԱԿ-ի գլխավոր հաշվապահի կողմից տրված տեղեկանքի համաձայն` փորձագետի թիվ 555/հ, 556/հ և 557/հ եզրակացությունները կազմելիս ծախսվել է 24.000 ՀՀ դրամ:
Փորձագետի 2012 թվականի մայիսի 29-ի թիվ 385 եզրակացության համաձայն.
1. Արևհատ Դավթյանի դիակի դատաբժշկական փորձաքննությամբ հայտնաբերվել են հետևյալ մարմնական վնասվածքները. արյունազեխում գլխի մաշկի տակ աջից ճակատակողմնային շրջանում, գլխուղեղի տարածուն սուբարախնոիդալ և ուղեղանյութի արյունազեղում, քթոսկրերի կոտրվածք, աջ վերին ծնոտային ծոցի կոտրվածք, հեմոսինուս, կրծոսկրի մարմնի կոտրվածք, գոտկային 1-4 ողերի լակնական ելունների կոտրվածքներ, կրծքային 5-9, գոտկային 4-5 ողերի փուշելունների կոտրվածքներ, աջից կոտրված է զստոսկր-սրբանային համակցության կոտրվածք, ձախից միջին անրակային գծով 2-3-4-5-րդ, աջից միջին անրակային գծով 1-2-3-4-5-րդ կողոսկրերի ուղղակի կոտրվածքներ, թոքերի դրունքների արյունազեղումներ, սրտապարկի պատռվածք, լյարդի մեծ բլթի ստոծանիական մակերեսի պատռվածքներ, երկկողմանի հեմոթորաքս, աջ նրբոլոքի գլխիկի կոտրվածք, աջ քացախափոսի կոտրվածք, կրծոսկրի կոտրվածք, քերծվածքների ճակատի միջին մասում, ճակատի ձախ կեսին, հոնքաղեղի դրսային եզրից 1,5սմ վեր, ձախ ակնակապճի դրսային եզրին, քթի մեջքին, աջ այտային աղեղի ներսային եզրին, վերին շրթունքի առաջային մակերեսին, կրծքավանդակի աջ կեսի առաջային մակերեսին, միջին անութային գծով 2-րդ կողոսկրից սկսած, կրծքավանդակի աջ կեսի առաջային մակերեսին, միջին անրակային գծով 5-6-րդ կողոսկրերի պրոյեկցիայով, որովայնի աջ կեսի առաջային մակերեսին, որովայնի ձախ կեսի առաջային մակերեսին, վերցայլային շրջանում, աջ դաստակի թիկնային մակերեսին, ձախ բազկի ստորին երրդականի կողմնային մակերեսին, ձախ նախաբազկի ստորին երրորդականի թիկնային մակերեսին, ձախ դաստակի 3-4-5-րդ նախադաստակային ոսկրերի պրոյեկցիայով թիկնային մակերեսին, աջ ազդրի միջին երրորդականի առաջաներսային մակերեսին, աջ ազդրի միջին երրորդականի առաջային մակերեսին, աջ ազդրի ստորին երրորդականի առաջային մակերեսին, աջ ծնկահոդի շրջանի առաջային մակերեսին, աջ սրունքի վերին երրորդականի առաջային մակերեսին, ձախ սրունքի միջին երրորդականի առաջային մակերեսին, ձախ սրունքի ստորին երրորդականի առաջային մակերեսին, ձախ ոտնաթաթի թիկնային մակերեսին, առաջին նախագարշապարային ոսկրի պրոյեկցիայով, աջ ուսահոդի շրջանի հետին մակերեսին, սալջարդ վերքը ճակատի աջ թմբկության շրջանում, քթի մեջքին հիմի շրջանում, աջ գագաթային շրջանում, արյունազեղումներ աջ ակնակապճի շրջանում, ձախ ազդրի ստորին երրորդականի ներսային մակերեսին, ձախ ազդրի միջին երրորդականի առաջային մակերեսին: Բոլոր վնասվածքները հասցվել են կենդանության օրոք, բութ, կոշտ առարկաների ներգործության հետևանքով, հնարավոր է նշված ժամկետին և նման վնասվածքները կենդանի անձանց մոտ ունեն առողջության ծանր վնասի հատկանիշներ, որոնցով էլ պայմանավորված է մահը:
2. Արևհատ Դավթյանի մահը վրա է հասել 2012 թվականի ապրիլի 26-ին`ժամը 00:30-ին, որը չի հակասում դատաբժշկական փորձաքննության տվյալներին:
3. Արևհատ Դավթյանը կենդանության օրոք եղել է գործնականորեն առողջ:
4. Ելնելով վնասվածքների տեղակայումից և բնույթից` կարելի է ասել, որ առաջնային տրավմատիկ հարվածը ներդրված է Արևհատ Դավթյանի աջ ստորին վերջույթի շրջանում, որը ավելի ստույգ կարելի է պարզաբանել հագուստների հետքաբանական ուսումնասիրությամբ:
5. Դատաքիմիական ուսումնասիրությամբ Արևհատ Դավթյանի արյան մեջ սպիրտներ չեն հայտնաբերվել:
6. Արևհատ Դավթյանի արյունը պատկանում է երկրորդ խմբին:
«Դատաբժշկական գիտագործնական կենտրոն» ՊՈԱԿ-ի գլխավոր հաշվապահի կողմից տրված տեղեկանքի համաձայն` փորձագետի թիվ 385 եզրակացությունը կազմելիս ծախսվել է 80.700 ՀՀ դրամ:
Փորձագետի 2012 թվականի մայիսի 16-ի թիվ 85ա եզրակացության համաձայն.
1. և 2. Վրաերթի նախորդող պահին «Օպել-Վեկտրա» մակնիշի 32ԼՕ135 պետհամարանիշի ավտոմեքենայի կախոցներն, անիվներն, ընթացքային մասերը և ղեկային կառավարման ու արգելակային համակարգը գտնվել են սարքին վիճակում և դրանց այնպիսի անսարքություններ, որպիսիք գոյություն ունեցած լինեին մինչև տվյալ վրաերթը, կամ առաջացած լինեին տվյալ վրաերթին նախորդող պահին ու պայանավորված լինեին մեքենայի կառավարելիության կորստի ու տվյալ վրաերթի առաջացումը, չհայտնաբերվեցին:
3. և 4. «Օպել-Վեկտրա» մակնիշի 32ԼՕ135 պետհամարանիշի ավտոմեքենայի վարորդը տվյալ վրաերթը կանխելու տեխնիկական հնարավորություն ուեցել է, և առաջադրված պայմաններում հանդիպակաց ուղղությամբ ընթացող ավտոմեքենայի լապտերների հեռահար լույսից շլանալու, այն է` իր երթևեկության համար վտանգն առաջ գալու, սկզբնապահից սկսած, երթևեկության անվտանգությունն ապահովելու համար, պետք է միացներ մեքենայի վթարային լուսային ազդանշանը և, չփոխելով երթևեկության գոտին, տեխնիկական տեսակետից ժամանակին կատարված արգելակումով դանդաղեցներ իր վարած մեքենայի ընթացքն` ընդհուպ մինչև մեքենան կանգնեցնելն, ինչի տեխնիկական հնարավորությունը, մինչև վրաերթի տեղին հասնելն, ունեցել է:
Չկատարելով դա` «Օպել-Վեկտրա» մակնիշի 32ԼՕ135 պետհամարանիշի ավտոմեքենայի վարորդը տեխնիկական տեսակետից թույլ է տվել ՃԵԿ-ի 129-րդ կետի պահանջին հակասող գործողություններ, դրանով իսկ պայմանավորվել տվյալ վրաերթի առաջացումն` ինքն իրեն զրկելով այն կանխելու տեխնիկական հնարավորությունից:
Ինչ վերաբերվում է այն հանգամանքին, որ «Օպել-Վեկտրա» մակնիշի 32ԼՕ135 պետհամարանիշի ավտոմեքենայի վարորդը մեքենան վարելիս է եղել` լինելով երրորդ աստիճանի ալկոհոային հարբածության վիճակում, ապա այդ առումով «Օպել-Վեկտրա» մակնիշի ավտոմեքենայի վարորդի գործողության, ինչպես նաև այդ գործողության և տեղի ունեցած պատահարի առաջացման միջև պատճառական կապի գնահատման համար ավտոտեխնիկական փորձագետի հատուկ մասնագիտական գիտելիքներ չեն պահանջվում: Դրանք ենթակա են իրավական գնահատման ելնելով «Ճանապարհային երթևեկության անվտանգության ապահովման մասին» ՀՀ օրենքի 24-րդ հոդվածի 7-րդ մասի պահանջի տեսանկյունից:
Իսկ, ինչ վերաբերվում է վրաերթից հետո դեպքի վայրից հեռանալուն, ապա այդ առումով «Օպել-Վեկտրա» մակնիշի ավտոմեքենայի վարորդի գործողությունները ենթակա են իրավական գնահատման` ելնելով «Ճանապարհային երթևելության անվտանգության ապահովման մասին» ՀՀ օրենքի 24-րդ հոդվածի 2-րդ կետի «դ» ենթակետի պահանջների տեսանկյունից:
Հետիոտների գործողությունների գնահատման համար ավտոտեխնիկական ձորձագետի հատուկ մասնագիտական գիտելիքներ չեն պահանջվում: Դրանք ենթակա են իրավական գնահատման` ելնելով «Ճանապարհային երթևեկության անվտանգության ապահովման մասին» ՀՀ օրենքի 25-րդ հոդվածի պահանջների տեսանկյունից:
Փորձագետի 2012 թվականի մայիսի 31-ի թիվ 11281202 եզրակացության համաձայն.
1. Փորձաքննությանը տրամադրված «Օպել-Վեկտրա» մակնիշի 32ԼՕ135 պետհամարանիշի ավտոմեքենայի առաջամասում առկա են բազմաթիվ վնասվածքներ ու հետքեր, որոնք իրենց բնույթով ու համակցությամբ առաջացել են վրաերթի ընթացքում` համեմատաբար փափուկ մեկերեսներ ունեցող պինդ առարկաների հետ, արպիսիք հանդիսանում են նաև մարդու մարմինները, փոխազդեցության մեջ մտնելու հետևանքով:
3. Փորձաքննությանը ներկայացված Թագուշ Ղազարյանին, Նազիկ Փութալյանին, Արևհատ Դավիթյանին պատկանող հագուստների և ներկայացված կոշիկների վրա առկա են մեխանիկական վնասվածքներ և հետքեր, որոնք իրենց բնույթով և համակցությամբ առաջացրել են վրաերթի հետևանքով: Վնասվածքների առաջացման վաղեմությունը որոշել հնարավոր չէ, գիտականորեն մշակված մեթոդի բացակայության պատճառով:
6. Ներկայացված հագուստների վրա ավտոմեքենայի անվադողերի նախշանկարների հետքեր չեն հայտնաբերվել:
7. Փորձաքննությանը ներկայացված դետալները և բեկորները նախկինում հանդիսացել են «Օպել-Վեկտրա» մակնիշի 32ԼՕ135 պետհամարանիշի ավտոմեքենայի վնասված դետալները` աջ կողմի հետին տեսանելիության հայելին, աջ կողմի հետին տեսանելիության հայելու իրանի հիմքի դեկորատիվ երեսվածքը, ավտոմոբիլի աջ և ձախ կողմերի շրջադարձի ցուցիչ լապտերների կոտրված լուսացրիչների բաղկացուցիչ տարրերը, դրանց կոտրված լուսանդրադարձիչների և իրանների ներսային հատվածների բեկորները, աջ կողմի հակամառախուղային լապտերի կոտրված լուսացրիչի բեկորները, աջ կողմի անվաթևի անվակամարին ամրացված երեսվածքի ստորին եզրը:
2. Փորձաքննությանը տրամադրված «Օպել-Վեկտրա» մակնիշի 32ԼՕ135 պետհամարանիշի ավտոմեքենայի.
-առջևի պետհամարանիշի, վահանի, շարժիչի դեկորատիվ երեսվածքի մակերեսների վրա հայտնաբերված բնական բամբակյա սև գույնի մանրաթելեը ունեն ընհանուր սեռային պատկանելիություն Թագուհի Ղազարյանի կիսաշրջազգեստի գործվածքի կազմի մեջ մտնող բնական բամբակյա սև գույնի մանրաթելերի հետ,
-առջևի վահանի աջակողմյան հատվածի, լուսային համակարգի մակերեսների վրա հայտնաբերված բնական բամբակյա սև գույնի մանրաթելերը ունեն ընդհանուր սեռային պատկանելիություն Թագուհի Ղազարյանի կիսաշրջազգեստի գործվածքի կազմի մեջ մտնող բնական բամբակյա սև գույնի մանրաթելերի հետ,
-շարժիչի ծածկոցի առջևի հատվածի մակերեսների վրա հայտնաբերված բնական բամբակյա սև գույնի, բնական բրդյա շագանակագույն, սև գույնի մանրաթելերը ունեն ընդհանուր սեռային պատկանելիություն Թագուշ Ղազարյանի կիսաշրջազգեստի և սվիտերի գործվածքների կազմի մեջ մտնող բնական բամբակյա սև գույնի, բնական բրդյա շագանակագույն, սև գույնի մանրաթելերի հետ,
-շարժիչի ծածկոցի հետևի հատվածի մակերեսների վրա հայտնաբերված բնական բրդյա շագանակագույն, սև գույնի մանրաթելերն ունեն ընդհանուր սեռային պատկանելիություն Թագուհի Ղազարյանի սվիտերի գործվածքի կազմի մեջ մտնող բնական բրդյա շագանակագույն, սև գույնի մանրաթելերի հետ,
-դիմապակու ձախակողմյան հատվածի մակերեսի վրա հայտնաբերված բնական բրդյա բեժ և սև գույնի մանրաթելերը ունեն ընդհանուր սեռային պատկանելիություն Թագուշ Ղազարյանի սվիտերի գործվածքի կազմի մեջ մտնող բնական բրդյա մեժ ր սև գույնի մանրաթելերի հետ,
-Փորձաքննությանը տրամադրված «Օպել-Վեկտրա» մակնիշի 32ԼՕ135 պետհամարանիշի ավտոմեքենայի.
-առջևի պետհամարանիշի, վահանի, շարժիչի դեկորատիվ երեսվածքի մակերեսների վրա հայտնաբերված բնական բամբակյա մոխրագույն, սև գույնի մանրաթելերն ունեն ընդհանուր սեռային պատկանելիություն Նազելի Փութուլյանի անդրավարտիքի գործվածքների կազմի մեջ մտնող բնական բամբակյա մոխրագույն, սև գույնի մանրաթելերի հետ,
-առջևի վահանի աջակողմյա հատվածի, լուսային համակարգի մակերեսների վրա հայտնաբերված բնական բանբակյա մոխրագույն, սև գույնի մանրաթելերն ունեն ընդհանուր սեռային պատկանելիություն Նազելի Փութուլյանի անդրավարտիքի գործվածքի կազմի մեջ մտնող բնական բամբակյա մոխրագույն, սև գույնի մանրաթելերի հետ,
-շարժիչի ծածկոցի առջևի հատվածի մակերեսների վրա հայտնաբերված բնական բամբակյա մոխրագույն, սև գույնի և բնական բրդյա սև գույնի մանրաթելերն ունեն ընդհանուր սեռային պատկանելիություն Նազելի Փութուլյանի անդրավարտիքի և սվիտերի գործվածքների կազմի մեջ մտնող բնական բամբակյա մոխրագույն, սև գույնի և բնական բրդյա սև գույնի մանրաթելերի հետ,
-շարժիչի ծածկոցի հետևի հատվածի մակերեսների վրա հայտնաբերված բնական բրդյա սև գույնի և քիմիական հարթ սև գույնի /32մկմ/ մանրաթելերը ունեն ընդհանուր սեռային պատկանելիություն Նազելի Փութուլյանի սվիտերի ու կուրտկայի գործվածքների կազմի մեջ մտնող բնական բրդյա սև գույնի և քիմիական հարթ սև գույնի /32մկմ/ մանրաթելերի հետ:
Փորձաքննությանը տրամադրված «Օպել-Վեկտրա» մակնիշի 32ԼՕ135 պետհամարանիշի ավտոմեքենայի.
-առջևի պետհամարանիշի, վահանի, շարժիչի դեկորատիվ երեսվածքի մակերեսների վրա հայտնաբերված բնական բամբակյա անգույն, շագանակագույն և սև գույնի մանրաթելերն ունեն ընդհանուր սեռային պատկանելիություն Արևհատ Դավթյանի կիսաշրջազգեստի գործվածքի կազմի մեջ մտնող բնական բամբակյա սև գույնի մանրաթելերի հետ,
-առջևի վահանի աջակողմյան հատվածի, լուսային համակարգի մակերեսների վրա հայտնաբերված բնական բամբակյա անգույն, շագանակագույն և սև գույնի մանրաթելերն ունեն ընդհանուր սեռային պատկանելիություն Արևհատ Դավթյանի կիսաշրջազգեսի և մայկայի գործվածքների կազմի մեջ մտնող բնական բամբակյա անգույն, շագանակագուն և սև գույնի մանրաթելերի հետ,
-շարժիչի ծածկոցի առջևի հատվածի մակերեսների վրա հայտնաբերված բնական բամբակյա շագանակագույն, սև գույնի մանրաթելերն ունեն ընդհանուր սեռային պատկանելիություն Արևհատ Դավթյանի կիսաշրջազգեստի և մայկայի գործվածքների կազմի մեջ մտնող բնական բամբակյա շագանակագույն, սև գույնի մանրաթելերի հետ,
-շարժիչի ծածկոցնի հետևի հատվածի մակերեսների վրա հայտնաբերված բնական բամբակյա շագանակագույն մանրաթելերն ունեն ընդհանուր սեռային պատկանելիություն Արևհատ Դավթյանի սվիտերի և կիսաշրջազգեստի գործվածքների կազմի մեջ մտնող բնական բամբակյա շագանակագույն մանրաթելերի հետ,
-դիմապակու աջակողմյան հատվածի մակերեսի վրա հայտնապերված բանական բամբակյա շագանակագույն, սև գույնի մանրաթելերը ունեն ընդհանուր սեռային պատկանելիություն Արևհատ Դավթյանի հագուստների գործվածքների կազմի մեջ մտնող բնական բամբակյա շագանակագույն, սև գույնի մանրաթելերի հետ,
-առջևի աջակողմյան անվաթևի, հետին տեսանելիության հայելու հիմքի մակերեսների վրա հայտնաբերված բնական բամբակյա վարդագույն, սև գույնի և քիմիական հարթ շագանակագույն /8մկմ/ մանրաթելերն ունեն ընդհանուր սեռային պատկանելիություն Արևհատ Դավթյանի հագուստների գործվածքների կազմի մեջ մտնող բնական բամբակյա արտաքին հագուստներից կուրտկայի և սվիտերի գործվածքների կազմի մեջ մտնող բնական բամբակյա վարդագույն, սև գույնի և քիմիական հարթ շագանակագույն /8մկմ/ մանրաթելերի հետ,
-առջևի աջակողմյան դռան վրա հայտնաբերված բնական բամբակյա շագանակագույն մանրաթելերն ունեն ընդհանուր սեռային պատկանելիություն Արևհատ Դավթյանի հագուստների գործվածքների կազմի մեջ բնական բամբակյա շագանակագույն մանրաթելերի հետ:
4. և 5. Փորձաքննությանը ներկայացված ձախ ոտքի համար նախատեսված կանացի կոշիկի, ձախ ոտքի համար նախատեսված տղամարդու կոշիկի և մեկ զույգ կանացի ամառային կոշիկների վրա քսայուղին բնորոշ հետքեր և ներկանյութի քսվածքներ չկան:
Փորձաքննությանը ներկայացված Թագուշ Ղազարյանի հագուստների, Նազելի Փութուլյանի հագուստների և կոշիկների, Արևհատ Դավթյանի հագուստների և աջ ոտքի համար նախատեսված կոշիկի վրա քսայուղին բնորոշ հետքեր չկան:
Փորձաքննությանը ներկայացված Թագուշ Ղազարյանի հագուստներից` կիսաշրջազգեստի վրա հայտնաբերվել են երկշերտանի, արծաթագույն ներկածածկույթի քսվածքներ, որոնք ունեն ընդհանուր սեռային պատկանելիություն փորձաքննեւթյանը տրամադրված «Օպել-Վեկտրա» մակնիշի 32ԼՕ135 պետհամարանիշի ավտոմեքենայի շարժիչի ծածկոցից և առջևի վահանից վերցված ներկածածկույթի նմուշների` առաջին երկու շերտերի հետ:
Փորձաքննությանը ներկայացված Արևհատ Դավթյանի աջ ոտքի համար նախատեսված կոշիկից և հագուստներից` կիսաշրջազգեստի վրա հայտնաբերվել են միաշերտ, կարմիր գույնի ներկածածկույթի քսվածքներ, որոնք ունեն ընդհանուր սեռային պատկանելիություն փորձաքննությանը տրամադրված «Օպել-Վեկտրա» մակնիշի 32ԼՕ135 պետհամարանիշի ավտոմեքենայի շարժիչի ծածկոցի վերցված ներկածածկույթի նշումներում առկա կարմիր գույնի շերտերի հետ:
Փորձաքննությանը ներկայացված Արևհատ Դավթյանի աջ ոտքի համար նախատեսված կոշիկից և հագուստներից` կիսաշրջազգեստի վրա հայտնաբերվել են երկշերտանի, արծաթագույն ներկածածկույթի քսվածքներ, որոնք ունեն ընդհանուր սեռային պատկանելիություն փորձաքննությանը տրամադրված «Օպել-Վեկտրա» մակնիշի 32ԼՕ135 պետհամարանիշի ավտոմեքենայի շարժիչի ծածկոցից վերցված ներկածածկույթի նմուշների` առաջին երկու շերտերի հետ:
Փորձաքննությանը Նազելի Փութալյանի հագուստներից և կոշիկներից` աջ ոտքի համար նախատեսված կոշիկի վրա հայտնաբերվել են արծաթագույն դեկորատիվ ներկածածկույթի շերտով, ավտոմոբիլի երկշերտանի ներկածածկույթի միկրոմասնիկներ, որոնք ունեն ընդհանուր սեռային պատկանելիություն փորձաքննությանը տրամադրված «Օպել-Վեկտրա» մակնիշի 32ԼՕ135 պետհամարանիշի ավտոմեքենայի առջևի վահանից և շարժիչի ծածկոցից վերցված ներկածածկույթի նմուշների` առջևի երկու շերտերի հետ:
Իրեղեն ապացույց ճանաչելու մասին 2012 թվականի հունիսի 4-ի որոշման համաձայն` Արևհատ Դավթյանի, Նազելի Փութուլյանի և Թագուշ Ղազարյանի հագուստները, կոշիկները, ավտոմեքենայի հայելին, կոտրված ապակու կտորները և պլաստմասե բեկորները ճանաչվել են իրեղեն ապացույց:
Գույքի վրա կալանք դնելու մասին 2012 հունիսի 21-ի որոշման համաձայն` քաղաքացիական հայցը բավարարելու նպատակով կալանք է դրվել Վահան Համետի Ստեփանյանի գույքի վրա:
Մեղայականով ներկայանալու մասին 2012 թվականի ապրիլի 26-ի արձանագրության համաձայն` Վահան Համետի Ստեփանյանը 2012 թվականի ապրիլի 26-ին մեղայականով ներկայացել է ՀՀ ոստիկանության Կենտրոնականի բաժին:
Ձերբակալման մասին 2012 թվականի ապրիլի 26-ի արձանագրության համաձայն` Վահան Համետի Ստեփանյանը 2012 թվականի ապրիլի 26-ին` ժամը 17:00-ին ձերբակալվել է:
Կալանավորումը որպես խափանման միջոց ընտրելու մասին միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի ապրիլի 28-ի որոշման համաձայն` Վահան Համետի Ստեփանյանի նկատմամբ որպես խափանման միջոց ընտրվել է կալանավորումը, կալանավորման սկիզբը հաշվվել է 2012 թվականի ապրիլի 26-ից:
Սթափության վիճակի զննության թիվ 100985 արձանագրության համաձայն` 2012 թվականի ապրիլի 26-ին` ժամը 01:40-ին, կատարված զննությամբ Վահան Համետի Ստեփանյանը գտնվել է երրոդ աստիճանի հարբածության վիճակում:
«Տպագրիչների-9» համատիրության նախագահի 2012 թվականի հունիսի 7-ի բնութագրի համաձայն` Վահան Համլետի Ստեփանյանը բնութագրվում է դրականորեն:
ՀՀ ոստիկանության ինֆորմացիոն կենտրոնի 2012 թվականի սեպտեմբերի 3-ի պահանջագրի համաձայն` Սպանդարյանի շրջանի ժողովրդական դատարանի 1981 թվականի հունիսի 17-ի դատավճռով Վահան Համետի Ստեփանյանը մեղավոր է ճանաչվել Քրեական օրենսգրքի 109-րդ հոդվածի 1-ին մասով և նրա նկատմամբ պատիժ է նշանակվել ազատազրկում 1 տարի ժամկետով:
Սպանդարյանի շրջանի ժողդատարանի 1981 թվականի նոյեմբերի 2-ի դատավճռի պատճենի համաձայն` Վանիկ Համետի Ստեփանյանը (ծնված 1953 թվականի հունվարի 15-ին, բնակվել է Երևան քաղաքի Տպագրիչների փողոցի 13-րդ շենքի 39-րդ բնակարանում) մեղավոր է ճանչվել Քրեական օրենսգրքի 109-րդ հոդվածի 1-ին մասով և նրա նկատմամբ պատիժ է նշանակվել ազատազրկում` 1 տարի ժամկետով: Նշանակված պատիժը պայմանականորեն չի կիրառվել և սահմանվել է փորձաշրջան 1 տարի ժամկետով:
3. Դատարանի իրավական վերլուծությունները.
Վերը նշված ապացույցները վերլուծելու և համադրելու արդյունքում Դատարանը գալիս է այն եզրահանգման, որ Վահան Համլետի Ստեփանյանը 2012 թվականի ապրիլի 25-ին` ժամը 22:00-ի սահամններում, խախտելով «Ճանապարհային երթևեկության անվտանգության ապահովման մասին» ՀՀ օրենքի 24-րդ հոդվածի 7-րդ մասի «ա» կետի պահանջը` գտնվելով 3-րդ աստիճանի ալկոհոլային հարբածության վիճակում, «Օպել-Վեկտրա» մակնիշի 32ԼՕ135 պետհամարանիշի ավտոմեքենան վարել է Երևան քաղաքի Հերացի փողոցով` Խանջյան փողոցի կողմից դեպի Միասնիկյան պողոտայի ուղղությամբ: Հասնելով Երևան քաղաքի Հերացի փողոցի 16-րդ շենքի դիմաց` թույլ է տվել ՃԵԿ-ի 129-րդ կետի պահանջին հակասող գործողություն, այն է` շլանալով հանդիպակաց ուղեմասով ընթացող ավտոմեքենայի հեռահար լույսերից և շլացած վիճակում, նույն ուղղությամբ ու արագությամբ շուրջ 5-6 վայրկյան շարունակելով ընթանալ, իր երթևեկության համար վտանգ առաջ գալու սկզբնապահից սկսած, երթևեկության անվտանգությունն ապահովելու համար չի միացրել մեքնայի վթարային-լուսային ազդանշանը և չփոխելով երթևեկության գոտին, տեխնիկական տեսակետից ժամանակին կատարած արգելակումով չի դանդաղեցրել իր վարած մեքենայի ընթացքը, ընդհուպ մինչև մեքենան կանգնեցնելը, ինչի տեխնիկական հնարավորությունը մինչև վրաերթի տեղին հասնելն ունեցել է, ինքն իրեն զրկել է վրաերթը կանխելու տեխնիկական հնարավորությունից, որի հետևանքով ավտոմեքենայի առջևի հատվածով վերաերթի է ենթարկել հետիոտներ Թագուշ Սարիբեկի Ղազարյանին, Նազելի Սարիբեկի Փութուլյանին և Արևհատ Սարիբեկի Դավթյանին: Վրաերթի հետևանքով Թագուշ Սարիբեկի Ղազարյանին անզգուշությամբ պատճառել է միջին ծանրության վնաս` առողջության տևական քայքայումով, Նազելի Սարիբեկի Փութուլյանին` կյանքին վտանգ սպառանցող ծանր վնաս, իսկ Արևհատ Սարիբեկի Դավթյանին` մահ, ինչը համապատասխանում է ՀՀ քրեական օրենսգրքի 242-րդ հոդվածի 2-րդ մասի հատկանիշներին:
Բացի այդ, Վահան Համլետի Ստեփանյանը վերը նշված արարքը կատարելուց հետո, թողել է ճանապարհատրանսպորտային պատահարի վայրը և «Օպել-Վեկտրա» մակնիշի 32ԼՕ135 պետհամարանիշի ավտոմեքենայով` հեռացել, ինչը համապատասխանում է ՀՀ քրեական օրենսգրքի 244-րդ հոդվածի հատկանիշներին:
Ապացուցված է Վահան Համլետի Ստեփանյանի մեղավորությունը ՀՀ քրեական օրենսգրքի 242-րդ հոդվածի 2-րդ մասի և 244-րդ հոդվածով նախատեսված հանցանքները կատարելու մեջ:
Վահան Ստեփանյանի անձը դրականորեն բնութագրող հանգամանքներ են ամուսնացած լինելը, ինքնախոստովանական ցուցմունքներ տալը և կատարածի համար զղջալը:
Վահան Ստեփանյանի պատասխանատվությունն ու պատիժը մեղմացնող հանգամանք է մեղայականով ներկայանալը և տուժողների բուժման և մահացած տուժողի հուղարկավորության ծախսերը հոգալը:
Դատարանն արձանագրում է, որ Վահան Ստեփանյանի պատասխանատվությունն ու պատիժը ծանրացնող հանգամանք է հանցանքներն ալկոհոլի ազդեցության տակ կատարելը:
Վերը նշված անձը դրականորեն բնութագրող և պատասխանատվությունն ու պատիժը մեղմացնող և ծանրացնող հանգամանքները Վահան Ստեփանյանի կատարած բոլոր արարքներով էլ առկա են:
Կատարած արարքների համար ամբաստանյալ Վահան Ստեփանյանը ենթակա է քրեական պատասխանատվության և պատժի:
Դատարանը, հաշվի առնելով Վահան Ստեփանյանի կատարած արարքների հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ Վահան Ստեփանյանի կողմից կատարված արարքների համար ՀՀ քրեական օրենսգրքի 242-րդ հոդվածի 2-րդ մասի սանկցիայով որպես հիմնական պատիժ նախատեսված է միայն ազատազրկում, իսկ ՀՀ քրեական օրենսգրքի 244-րդ հոդվածի սանկցիայով` որպես հիմնական պատիժ, նախատեսված է նաև ազատազրկում, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար նրա նկատմամբ հիմնական պատիժներ պետք է նշանակել ազատազրկաման ձևով: Միաժամանակ Դատարանը գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար ամբաստանյալ Վահան Ստեփանյանի նկատմամբ պետք է նշանակել ՀՀ քրեական օրենսգրքի 242-րդ հոդվածի 2-րդ մասի և 244-րդ հոդվածի սանկցիաներով նախատեսված լրացուցիչ պատիժները` որոշակի գործունեությամբ` վարորդությամբ, զբաղվելու իրավունքից զրկելը:
Դատարանը գտնում է, որ ամբաստանյալ Վահան Ստեփանյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` հիմնական և լրացուցիչ պատիժները լրիվ գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Վահան Ստեփանյանի պատժի կրման սկիզբը պետք է հաշվել 2012 թվականի ապրիլի 26-ից, քանի որ նա ձերբակալվել է այդ օրը, իսկ 2012 թվականի ապրիլի 28-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Վահան Ստեփանյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2012 թվականի հունիսի 4-ի որոշմամբ իրեղեն ապացույց ճանաչված Արևհատ Դավթյանի հագուստները պետք է վերադարձնել տուժողի իրավահաջորդ Հակոբ Դավթյանին, Նազելի Փութուլյանի հագուստները` Նազելի Փություլյանին, Թագուշ Ղազարյանի հագուստները` Թագուշ Ղազարյանին, ավտոմեքենայի հայելին` Վահան Ստեփանյանին, իսկ կոտրված ապակու կտորները և պլասմասե բեկորները պետք է ոչնչացնել:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցն ենթակա է արդյոք բավարարման, ում օգտին և ինչ չափով:
Սույն քրեական գործով քաղաքացիական հայցեր են ներկայացրել տուժողի իրավահաջորդ Հակոբ Դավթյանը և տուժողներ Նազելի Փութուլյանն ու Թագուշ Ղազարյանը ամբաստանյալ Վահան Ստեփանյանից պահանջելով հանցագործությամբ պատճառված վնասը: Սակայն տուժողի իրավահաջորդ Հակոբ Դավթյանը, տուժող Թագուշ Ղազարյանը և տուժող Նազելի Փութուլյանի ներկայացուցիչ Թագուշ Ղազարյանը դատական նիստի ժամանակ` իրենց ճառերում հրաժարվել են նշված քաղաքացիական հայցերից, ուստի Դատարանը գտնում է, որ քաղաքացիական հայցից հրաժարումը պետք է ընդունել և ներկայացված քաղաքացիական հայցերով վարույթները կարճել:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերն ամբաստանյալ Վահան Ստեփանյանից ենթակա չեն բռնագանձման, քանի որ տուժողներին պատճառված վնասներն ամբողջությամբ վերականգնված են: Բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մասի 2-րդ և 4-6-րդ կետերով նախատեսված դատական ծախսերը, քանի որ 4-րդ և 6-րդ կետերով նախատեսված դատական ծախսեր ընդհանրապես չկան, իսկ 2-րդ և 5-րդ կետով նախատեսված ծախսերի վերաբերյալ տվյալները բացակայում են: Ավելին` նման պահանջ դատարանին չի ներկայացվել: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մասի 3-րդ կետով նախատեսված դատական ծախսին, ապա Դատարանը գտնում է, որ Վահան Ստեփանյանից պետք է բռնագանձել փորձաքննությունների համար վճարվելիք գումարները` (24.000 + 80.700 =104.700) 104.700 (մեկ հարյուր չորս հազար յոթ հարյուր) ՀՀ դրամը:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքը վերացնելու հարցը:
Սույն գործով 2012 թվականի հունիսի 21-ին կայացվել է գույքի վրա կալանք դնելու մասին որոշում, համաձայն որի որոշվել է քրեական գործով հնարավոր քաղաքացիական հայցերն ապահովելու նպատակով կալանք դնել Վահան Համետի Ստեփանյանի գույքի վրա: Դատարանը, նկատի ունենալով, որ սույն քրեական գործով քաղաքացիական հայցերի վարույթները վերոգրյալ հիմնավորմամբ պետք է կարճվի, գտնում է, որ 2012 թվականի հունիսի 21-ի որոշմամբ Վահան Համետի Ստեփանյանի գույքի վրա դրված կալանքը պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 161-րդ, 168-րդ, 238-րդ, 308-րդ, 309-րդ, 357-360-րդ, 365-րդ և 369-372-րդ, հոդվածներով` Դատարանը

ՎՃՌԵՑ

Վահան Համլետի Ստեփանյանին մեղավոր ճանաչել ՀՀ քրեական օրենսգրքի 242-րդ հոդվածի 2-ին մասով և 244-րդ հոդվածով:
ՀՀ քրեական օրենսգրքի 242-րդ հոդվածի 2-րդ մասով Վահան Համլետի Ստեփանյանի նկատմամբ պատիժ նշանակել ազատազրկում` 2 (երկու) տարի ժամկետով` զրկելով որոշակի գործունեությամբ` վարորդությամբ զբաղվելու իրավունքից` 2 (երկու) տարի ժամկետով:
ՀՀ քրեական օրենսգրքի 244-րդ հոդվածով Վահան Համլետի Ստեփանյանի նկատմամբ պատիժ նշանակել ազատազրկում` 6 (վեց) ամիս ժամկետով` զրկելով որոշակի գործունեությամբ` վարորդությամբ զբաղվելու իրավունքից` 1 (մեկ) տարի ժամկետով:
ՀՀ քրեական օրենսգրքի 66-րդ հոդվածով սահմանված` պատիժները լրիվ գումարելու կանոնի կիրառմամբ, Վահան Համլետի Ստեփանյանի նկատմամբ վերջնական պատիժ նշանակել ազատազրկում 2 (երկու) տարի 6 (վեց) ժամկետով` զրկելով որոշակի գործունեությամբ` վարորդությամբ, զբաղվելու իրավունքից` 3 (երեք) տարի ժամկետով:
Վահան Համլետի Ստեփանյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2012 թվականի հունիսի 4-ի որոշմամբ իրեղեն ապացույց ճանաչված Արևհատ Դավթյանի հագուստները վերադարձնել տուժողի իրավահաջորդ Հակոբ Դավթյանին, Նազելի Փութուլյանի հագուստները` Նազելի Փություլյանին, Թագուշ Ղազարյանի հագուստները` Թագուշ Ղազարյանին, ավտոմեքենայի հայելին` Վահան Ստեփանյանին, իսկ կոտրված ապակու կտորները և պլաստմասե բեկորները ոչնչացնել:
Վահան Համլետի Ստեփանյանից, հօգուտ Հայաստանի Հանրապետության, որպես դատական ծախս, բռնագանձել 104.700 (մեկ հարյուր չորս հազար յոթ հարյուր) ՀՀ դրամ:
Տուժողի իրավահաջորդ Հակոբ Դավթյանի, տուժողներ Նազելի Փութուլյանի և Թագուշ Ղազարյանի քաղաքացիական հայցերով վարույթները կարճել:
2012 թվականի հունիսի 21-ի որոշմամբ Վահան Համետի Ստեփանյանի գույքի վրա դրված կալանք վերացնել:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ