ԵԿԴ/0092/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
27 հունիսի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Վ.ՄԻԼԻՏՈՆՅԱՆԻ
ամբաստանյալ Ա.ԱՌԱՔԵԼՅԱՆԻ
պաշտպան Ն.ՄԵՀՐԱԲՅԱՆԻ

դատարանում` դռնբաց դատական նիստում, քննեց գործն ըստ մեղադրանքի Արա Նորի-կի Առաքելյանի` ծնված 28.08.1966թ. ք.Երևան, ազգությամբ հայ, ՀՀ քաղաքացի, իր հայտա-րարությամբ` փաստացի ամուսնացած և խնամքին 4 անձ, 8-ամյա կրթությամբ, առողջ, չի աշ-խատել, չդատված, բնակվել է` ք.Երևան, Նոր Նորքի 9-րդ զանգված, 22-րդ շենք, բնակարան հ. 2, արգելանքի տակ է 2012թ. ապրիլի 30-ից, մեղադրվում է ՀՀ քրեական օրենսգրքի 268-րդ հոդ-վածի 2-րդ մասի 2-րդ կետով և 266-րդ հոդվածի 4-րդ մասով:
Ամբաստանյալ Ա.Առաքելյանին ՀՀ քրեական օրենսգրքի 268 հոդվածի 2-րդ մասի 2-րդ կետով և 266-րդ հոդվածի 4-րդ մասով մեղադրանք է առաջադրվել այն բանի համար, որ նա. ՙնախնական համաձայնության գալով իր մորաքրոջ որդի Երվանդ Հենրիկի Ղազարյանի հետ` առանց իրացնելու նպատակի խոշոր չափերի ՙափիոն՚ տեսակի թմրամիջոց և պրեկուրսոր հանդիսացող ՙքացախաթթվի անհիդրիդ՚ ապօրինի ձեռք բերելու և պահելու վերաբերյալ, 2011թ. մայիսի 5-ին վերջինիս հետ միասին ներդրել են` յուրաքանչյուրը 20.000-ական ՀՀ դրամ գումար, ապա Երվանդ Ղազարյանը 40.000 ՀՀ դրամ գումարով` առանց իրացնելու նպատակի, ապօրինի ձեռք է բերել և պահել խոշոր չափերի` 2 գրամ, ՙափիոն՚ և 1 մլ ՙքացախաթթվի ան-հիդրիդ՚, որի կեսը` իր մասնաբաժինը` խոշոր չափերի` 1 գրամ, ՙափիոնը՚ և 0.5 մլ. ՙքացախա-թթվի անհիդրիդը՚ փոխանցել է իրեն՚:
Ամբաստանյալ Ա.Առաքելյանը մինչև դատաքննությունն սկսվելը միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայացնում է կամավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճա-նաչում և գիտակցում է արագացված կարգով դատական քննություն անցկացնելու հետևանքնե-րը:
Դատարանի որոշմամբ ամբաստանյալի միջնորդությունը բավարարվել և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի համա-ձայն լինելու հանգամանքն ու հանգելով եզրակացության, որ մեղադրանքը, որի հետ համա-ձայնվեց ամբաստանյալը, հիմնավորված է և հաստատվում է քրեական գործով հավաքված ապացույցներով, գտնում է, որ ամբաստանյալ Ա.Առաքելյանը կատարել է հանցանքներ` նա-խատեսված ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով, որոնցով և նա պետք է պատասխանատվության ենթարկվի:
Ամբաստանյալի նկատմամբ պատիժ նշանակելիս` պատիժների տեսակն ու չափը որո-շելիս, դատարանը հաշվի է առնում ինչպես նրա կատարած արարքների բնույթը և հանրության համար վտանգավորության աստիճանը, այնպես էլ արագացված կարգով անցկացված դատա-քննության ընթացքում ուսումնասիրված` նրա անձը բնութագրող տվյալներն ու պատասխա-նատվությունը և պատիժը մեղմացնող ու ծանրացնող հանգամանքները:
Որպես ամբաստանյալ Ա.Առաքելյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա առաջին անգամ է դատապարտվում, համաձայնվեց մեղադրանքի հետ և անկեղծորեն զղջաց կատարած հանցանքների համար:
Ամբաստանյալի պատասխանատվությունն ու պատիժը ծանրացնող հանգամանքներ դատաքննությամբ չարձանագրվեցին:
Դատարանը, քննության առնելով խափանման միջոցի հարցը, գտնում է, որ ամբաստան-յալի նկատմամբ կիրառված խափանման միջոցը պետք է թողնվի անփոփոխ` մինչև դատավճռի օրինական ուժի մեջ մտնելը:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 357, 359, 360 ու 3753 հոդվածներով` դատարանը

Վ Ճ Ռ Ե Ց

Արա Նորիկի Առաքելյանին ճանաչել մեղավոր ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով ու ՀՀ քրեական օրենսգրքի 266-րդ հոդ-վածի 4-րդ մասով նրան դատապարտել 100.000 (մեկ հարյուր հազար) դրամ տուգանքի, իսկ 268-րդ հոդվածի 2-րդ մասի 2-րդ կետով` ազատազրկման 1 (մեկ) տարի ժամկետով:
ՀՀ քրեական օրենսգրքի 66-րդ հոդվածի 3-րդ մասի համաձայն` պատիժները լրիվ գու-մարելու միջոցով, որպես վերջնական պատիժ` նշանակել ազատազրկում 1 (մեկ) տարի ժամկե-տով և 100.000 (մեկ հարյուր հազար) դրամ տուգանք, որպիսի պատիժը պետք է կրի ՀՀ ԱՆ հա-մապատասխան քրեակատարողական հիմնարկում:
Պատժի կրման սկիզբը հաշվել 2012թ. ապրիլի 30-ից:
Ա.Առաքելյանի նկատմամբ կիրառված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ