ԵԿԴ/0091/01/12




ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«1» հունիսի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)


Նախագահող դատավոր
դատական նիստերի քարտուղարներ

մեղադրող
պաշտպաններ



թարգմանիչներ


Մ.Պապոյան
Կ.Կարապետյան
Ռ.Ավետյան
Մ.Հակոբյան
Ա.Ստեփանյան
Ռ.Սաֆարյան
Կ.Հակոբյան
Է.Աղաջանյան
Հ.Ստեփանյան
Ա.Իերուսալիմսկայա
Մ.Բաղդասարյան

դռնբաց դատական նիստում քննեց քրեական գործն ըստ մեղադրանքի`
Թոլիբ Սոյիմի Պարտոևի` ծնված 1964 թվականի հունվարի 26-ին Տաջիկստանի Հանրապետությունում, ազգությամբ տաջիկ, Տաջիկստանի Հանրապետության քաղաքացի, միջն-մասնագիտական կրթությամբ (իր հայտարարությամբ), ամուսնացած (իր հայտարարությամբ), չի աշխատում, նախկինում դատապարտված, բնակվել է Երևան քաղաքի Հ.Քոչարի փողոցի 10-րդ շենքի 88-րդ բնակարանում, մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 266-րդ հոդվածի 3-րդ մասի 2-րդ կետով և 34-266-րդ հոդվածի 3-րդ մասի 2-րդ կետով, արգելանքի տակ է 2012 թվականի փետրվարի 16-ից,
Սաիդ Ահմադի Դոուդքանլուի Միլանիի` ծնված 1965 թվականի սեպտեմբերի 1-ին Իրանի Իսլամական Հանրապետությունում, ազգությամբ քուրդ, Իրանի Իսլամական Հանրապետության քաղաքացի, կրթություն չունի (իր հայտարարությամբ), ամուսնացած (իր հայտարարությամբ), չի աշխատում, նախկինում չդատապարտված, բնակվել է Իրանի Իսլամական Հանրապետության Ուրմիա քաղաքի Զիվե թաղամասի Գարնյա գյուղում, մեղադրանք է առաջադրվել ՀՀ քրեական օրենսգրքի 38-266-րդ հոդվածի 3-րդ մասի 2-րդ կետով և 215-րդ հոդվածի 2-րդ մասով, արգելանքի տակ է 2011 թվականի դեկտեմբերի 29-ից,
Վլադիմիր Հայկազի Խաչյանի` ծնված 1968 թվականի հունիսի 12-ին Թուրքմենիայի Հանրապետությունում, ազգությամբ հայ, ՀՀ քաղաքացի, միջնակարգ կրթությամբ (իր հայտարարությամբ), չամուսնացած (իր հայտարարությամբ), չի աշխատում, նախկինում դատապարտված, բնակվել է Երևան քաղաքի Կարմիր բլուր թաղամասի 6-րդ տանը, մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 268-րդ հոդվածի 2-րդ մասի 2-րդ կետով և 266-րդ հոդվածի 1-ին մասով, արգելանքի տակ է 2012 թվականի հունվարի 25-ից,
Արթուր Միհրանի Ալեքսանյանի` ծնված 1980 թվականի փետրվարի 7-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, գիտությունների թեկնածու, չամուսնացած, դատվածություն չունեցող, բնակվել է Երևան քաղաքի Երզնկյան փողոցի 1-ին շենքի 14-րդ բնակարանում, մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ մասով, 34-268-րդ հոդվածի 1-ին մասով և 266-րդ հոդվածի 1-ին մասով, արգելանքի տակ է 2012 թվականի հունվարի 25-ից, և
Կարապետ Լեռնիկի Բաղդասարյանի` ծնված 1987 թվականի նոյեմբերի 25-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ (իր հայտարարությամբ), չամուսնացած (իր հայտարարությամբ), դատվածություն չունեցող, բնակվել է Երևան քաղաքի Դավիթաշեն 4-րդ թաղամասի 15-րդ շենքի 49-րդ բնակարանում, մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, 268-րդ հոդվածի 1-ին մասով և 266-րդ հոդվածի 1-ին մասով, արգելանքի տակ է 2012 թվականի հունվարի 25-ից:
1. Գործի դատավարական նախապատմությունը.
2011 թվականի դեկտեմբերի 30-ին ՀՀ ԿԱ ՊԵԿ քննչական վարչության ՀԿԳ քննիչ Կ.Խաչատրյանի որոշմամբ ՀՀ քրեական օրենսգրքի 215-րդ հոդվածի 2-րդ մասով և 266-րդ հոդվածի 3-րդ մասի 2-րդ կետով նախատեսված հանցագործությունների հատկանիշներով հարուցվել և վարույթ է ընդունվել թիվ 84104111 քրեական գործը:
2011 թվականի դեկտեմբերի 30-ին ՀՀ ԿԱ ՊԵԿ քննչական վարչության ՀԿԳ քննիչ Կ.Խաչատրյանի որոշմամբ թիվ 84104111 քրեական գործով Սաիդ Ահմադի Դոուդքանլուի Միլանիին մեղադրանք է առաջադրվել ՀՀ քրեական օրենսգրքի 215-րդ հոդվածի 2-րդ մասով և 266-րդ հոդվածի 3-րդ մասի 2-րդ կետով:
2012 թվականի հունվարի 25-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 266-րդ հոդվածի 1-ին մասով և 268-րդ հոդվածի 3-րդ մասով նախատեսված հանցագործությունների հատկանիշներով հարուցվել և վարույթ է ընդունվել թիվ 69100212 քրեական գործը:
2012 թվականի հունվարի 27-ին ՀՀ ոստիկանության քննչական գլխավոր վարչության ՀԿԳ քննության վարչության 3-րդ բաժնի պետ Հ.Թումանյանի որոշմամբ թիվ 69100212 քրեական գործի նախաքննությունը հանձնարարվել է քննչական խմբին, որի կազմում ընդգրկվել են ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչներ Արտակ Հովհաննիսյանը և Դավիթ Գևորգյանը:
2012 թվականի հունվարի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործն ընդունվել է վարույթ:
2012 թվականի հունվարի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Կարապետ Լեռնիկի Բաղդասարյանին մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով:
2012 թվականի հունվարի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Արթուր Միհրանի Ալեքսանյանին մեղադրանք է առաջադրվել ՀՀ քրեական օրենսգրքի 38-266-րդ հոդվածի 3-րդ մասի 2-րդ կետով, 266-րդ հոդվածի 1-ին մասով և 268-րդ հոդվածի 3-րդ մասով:
2012 թվականի հունվարի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Թոլիբ Սոյիմի Պարտոևին մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով:
2012 թվականի հունվարի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Վլադիմիր Հայկազի Խաչյանին մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 266-րդ հոդվածի 1-ին մասով:
2012 թվականի փետրվարի 3-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ ՀՀ ԿԱ ՊԵԿ քննչական վարչությունում քննվող թիվ 84104111 քրեական գործն ըստ մեղադրանքի Սաիդ Ահմադի Դոուդքանլուի Միլանիի` ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 215-րդ հոդվածի 2-րդ մասով, միացվել է թիվ 69100212 քրեական գործին:
2012 թվականի փետրվարի 16-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Թոլիբ Սոյիմի Պարտոևին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 34-266-րդ հոդվածի 3-րդ մասի 2-րդ կետով:
2012 թվականի մայիսի 2-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Լեոնիդ Իվանի Աղաջանյանի վերաբերյալ մասը կարճվել է և նրա նկատմամբ քրեական հետապնդումը դադարեցվել է` վերջինի արարքներում հանցագործությունների հատկանիշների բացակայության հիմքով:
2012 թվականի մայիսի 2-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Արամ Վարդանի Նալբանդյանի վերաբերյալ մասը կարճվել է և նրա նկատմամբ քրեական հետապնդում չի իրականացվել` վերջինի արարքում հանցագործության հատկանիշների բացակայության հիմքով:
2012 թվականի մայիսի 3-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Հմայակ Արամայիսի Մկրտչյանի վերաբերյալ մասը կարճվել է և նրա նկատմամբ քրեական հետապնդումը դադարեցվել է` վերջինի մասնակցությունը հանրորեն վտանգավոր արարքի կատարմանը ապացուցված չլինելու պարագայում նոր ապացույցներ ձեռք բերելու բոլոր հնարավորությունները սպառված լինելու հիմքով:
2012 թվականի մայիսի 3-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Թոլիբ Սոյիմի Պարտոևի վերաբերյալ` «մարիխուանա» տեսակի թմրամիջոց ապօրինի ձեռք բերելու և պահելու մասը կարճվել է և նրա նկատմամբ քրեական հետապնդում չի իրականացվել` հանցակազմի հատկանիշների բացակայության հիմքով, իսկ Հմայակ Արամայիսի Մկրտչյանին առանձնապես խոշոր չափերի «ափիոն» և «հերոին» տեսակների թմրամիջոցներ ապօրինի իրացնելու մասով` նրա մասնակցությունը հանրորեն վտանգավոր արարքի կատարմանը ապացուցված չլինելու պարագայում նոր ապացույցներ ձեռք բերելու բոլոր հնարավորությունները սպառված լինելու հիմքով:
2012 թվականի մայիսի 15-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Կարապետ Լեռնիկի Բաղդասարյանի վերաբերյալ մասը կարճվել և նրա նկատմամբ քրեական հետապնդում չի իրականացվել` վերջինի մասնակցությունը հանրորեն վտանգավոր արարքի կատարմանը ապացուցված չլինելու պարագայում նոր ապացույցներ ձեռք բերելու բոլոր հնարավորությունները սպառված լինելու հիմքով:
2012 թվականի մայիսի 15-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Կարապետ Լեռնիկի Բաղդասարյանին առաջադրված մեղադրանքի մասը վերացվել, փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 1-ին մասով:
2012 թվականի մայիսի 15-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Արթուր Միհրանի Ալեքսանյանին առաջադրված մեղադրանքի մասը վերացվել, փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ մասով, 266-րդ հոդվածի 1-ին մասով, 34-268-րդ հոդվածի 1-ին մասով:
2012 թվականի մայիսի 16-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Սաիդ Ահմադի Դոուդքանլուի Միլանիին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 38-266-րդ հոդվածի 3-րդ մասի 2-րդ կետով և 215-րդ հոդվածի 2-րդ մասով:
2012 թվականի մայիսի 18-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Թոլիբ Սոյիմի Պարտոևին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 34-266-րդ հոդվածի 3-րդ մասի 2-րդ կետով:
2012 թվականի մայիսի 18-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով Վլադիմիր Հայկազի Խաչյանին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով:
2012 թվականի մայիսի 18-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69100212 քրեական գործով մեղադրյալներ Թոլիբ Սոյիմի Պարտոևի, Վլադիմիր Հայկազի Խաչյանի, Արթուր Միհրանի Ալեքսանյանի, Կարապետ Լեռնիկի Բաղդասարյանի, Սաիդ Ահմադի Դոուդքանլուի Միլանիի վերաբերյալ մասն առանձնացվել է առանձին վարույթ, իսկ մայր գործին շնորհվել է 69104112 համարը:
2012 թվականի մայիսի 30-ին Թոլիբ Սոյիմի Պարտոևի, Սաիդ Ահմադի Դոուդքանլուի Միլանիի, Վլադիմիր Հայկազի Խաչյանի, Արթուր Միհրանի Ալեքսանյանի և Կարապետ Լեռնիկի Բաղդասարյանի վերաբերյալ թիվ 69100212 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որտեղ քրեական գործին շնորհվել է ԵԿԴ/0091/01/12 համարը:
2013 թվականի մայիսի 30-ին` դատական քննության ընթացքում, մեղադրող` ՀՀ գլխավոր դատախազության թմրամիջոցների ապօրինի շրջանառության հանցագործությունների գործերով բաժնի ավագ դատախազ Մ.Հակոբյանի որոշմամբ Թոլիբ Սոյիմի Պարտոևին առաջադրված մեղադրանքը փոփոխվել է և նրան նոր մեղադրանք է առաջադրվել այն արարքների համար, որ նա.
2011 թվականի սեպտեմբերին 1 գրամը 10 ԱՄՆ դոլարով գնելու եղանակով հետագայում գումարը վերադարձնելու պայմանով քննությամբ չպարզված անձից իրացնելու նպատակով ապօրինի ձեռք է բերել և պահել առանձնապես խոշոր չափերի` 2.000 գրամ «ափիոն» տեսակի թմրամիջոց, որն ամբողջությամբ, 1 գրամը 22 ԱՄՆ դոլարով ապօրինի իրացրել է ազգությամբ վրացի քննությամբ չպարզված անձին: Այսինքն` Թոլիբ Սոյիմի Պարտոևը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 266-րդ հոդվածի 3-րդ մասի 2-րդ կետով:
Բացի այդ, Թոլիբ Պարտոևը 2011 թվականի դեկտեմբերի 18-ին 1 գրամը 10 ԱՄՆ դոլարով գնելու եղանակով հետագայում գումարը վերադարձնելու պայմանով քննությամբ չպարզված անձից իրացնելու նպատակով ապօրինի ձեռք է բերել և պահել առանձնապես խոշոր չափերի` 1.800 գրամ «ափիոն» տեսակի թմրամիջոց, որի մի մասը` առանձնապես խոշոր չափերի` 700 գրամը «ափիոն» տեսակի թմրամիջոցը 1 գրամը 22 ԱՄՆ դոլարով ապօրինի իրացրել է ազգությամբ վրացի քննությամբ չպարզված անձին: Շարունակելով իր հանցավոր գործունեությունը Թոլիբ Պարտոևը 2011 թվականի դեկտեմբերի կեսերից մինչև 2012 թվականի հունվարի կեսերն ընկած ժամանակահատվածում 1 գրամը 10.000 ՀՀ դրամով վաճառելու եղանակով, մաս-մաս, յուրաքանչուր անգամ առանձնապես խոշոր չափերի` 10 գրամից 35 գրամ չափաբաժիններով, ընդհանուր` 200 գրամ «ափիոն» տեսակի թմրամիջոցն ապօրինի իրացրել է Վլադիմիր Հայկազի Խաչյանին: Իրացնելու նպատակով ապօրինի ձեռք բերած թմրամիջոցի ընդհանուր քանակությունից առանձնապես խոշոր չափերի` 20 գրամ «ափիոն» տեսակի թմրամիջոցը Թոլիբ Պարտոևը 2011 թվականի դեկտեմբերի վերջերին անվճար հյուրասիրելու եղանակով ապօրինի իրացրել է Արթուր Միհրանի Ալեքսանյանին: Թոլիբ Պարտոևը թմրամիջոցի նշված քանակությունից խոշոր չափերի` 1,8 գրամ «ափիոն» տեսակի թմրամիջոցը 2012 թվականի հունվարին, գործով չպարզված օրը, անվճար ապօրինի իրացրել է Վլադիմիր Խաչյանին: Թմրամիջոցի մնացած քանակությունը առանձնապես խոշոր չափերի` 738,9 գրամ «ափիոն» տեսակի թմրամիջոցը Թոլիբ Պարտոևն իրացնելու նպատակով ապօրինի պահել է Երևան քաղաքի Երզնկյան փողոցի 1-ին շենքի հարևանությամբ գտնվող Արթուր Ալեքսանյանին պատկանող ավտոտնակում: Այսինքն` Թոլիբ Սոյիմի Պարտոևը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 266-րդ հոդվածի 3-րդ մասի 2-րդ կետով:
Դրանից բացի, Թոլիբ Պարտոևը 2011 թվականի դեկտեմբերին Երևան քաղաքում ապօրինի իրացնելու նպատակով Իրանի Իսլամական Հանրապետությունում բնակվող քննությամբ չպարզված անձից հեռախոսով պատվիրել է 5.000 գրամ «հաշիշ» տեսակի թմրամիջոց` 1 կգ 5.000 ԱՄՆ դոլարով գնելու պայմանով, սակայն հանրորեն վտանգավոր արարքն իր ավարտին չի հասցվել նրա կամքից անկախ հանգամանքներում, այն է` 2011 թվականի դեկտեմբերի 29-ին նշված թմրամիջոցը հայտնաբերվել է Մեղրիի սահմանային անցակետում` Սաիդ Ահմադի Դոուդքանլուի Միլանիին պատկանող ճամպրուկում: Այսինքն` Թոլիբ Սոյիմի Պարտոևը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 34-266-րդ հոդվածի 3-րդ մասի 2-րդ կետով:
Սաիդ Ահմադի Դոուդքանլուի Միլանիին մեղադրանք է առաջադրվել այն արարքների համար, որ նա, 2011 թվականի դեկտեմբերին, գործով չպարզված օրը, Իրանի Իսլամական Հանրապետությունում նախնական համաձայնության գալով ոմն Ահմադի հետ, նրան` առանձնապես խոշոր չափերի «հաշիշ» և «ափիոն» տեսակների թմրամիջոցները Հայաստանի Հանրապետությունում ապօրինի իրացնելուն օժանդակելու շուրջ, նույն ժամանակ վերջինից ստացել է, իրեն անծանոթ Թոլիբ Սոյիմի Պարտոևի և քննությամբ չպարզված անձի համար նախատեսված առանձնապես խոշոր չափերի` 11.173,5 գրամ «հաշիշ» և 18,4 գրամ «ափիոն» տեսակների թմրամիջոցները` միաժամանակ նրանից վերցնելով Թոլիբ Պարտոևի` Հայաստանի Հանրապետությունում գործածվող թվով երկու հեռախոսահամարները` Երևան հասնելուն պես նրա մասնաբաժինը` առանձնապես խոշոր չափերի` 5.000 գրամ «հաշիշ» տեսակի թմրամիջոցը վերջինին փոխանցելու համար: Սաիդ Ահմադի Դոուդքանլուի Միլանին, նշված թմրամիջոցները Հայաստանի Հանրապետություն անվնաս ապօրինի փոխադրելու նպատակով, դրանք առանձին չափաբաժիններով փաթեթավորել է պոլիէթիլենային թաղանթների մեջ և մաքսային հսկողությունից թաքցնելու ու դրանց հայտնաբերումը դժվարացնելու համար, ապօրինի պահել, թաքցրել է` ուղևորական ձեռքի ճամպրուկի մեջ նախապես պատրաստված թաքստոցում, ապա, Թոլիբ Պարտոևին և քննությամբ չպարզված անձին փոխանցելու համար, 2011 թվականի դեկտեմբերի 29-ին մաքսանենգ ճանապարհով ապօրինի փոխադրել է Հայաստանի Հանրապետություն, որտեղ` Մեղրիի մաքսատանը, նշված` առանձնապես խոշոր չափերի` 11.173,5 գրամ «հաշիշ» և 18,4 գրամ «ափիոն» տեսակների թմրամիջոցները հայտնաբերվել են Սաիդ Ահմադի Դոուդքանլուի Միլանիի ուղևորական ճամպրուկում պատրաստված թաքստոցում` այն զննության ենթարկելու ընթացքում: Այսինքն` Սաիդ Ահմադի Դոուդքանլուի Միլանին կատարել է հանրորեն վտանգավոր արարքներ, որոնք նախատեսված են ՀՀ քրեական օրենսգրքի 38-266-րդ հոդվածի 3-րդ մասի 2-րդ կետով և 215-րդ հոդվածի 2-րդ մասով:
Վլադիմիր Հայկազի Խաչյանին մեղադրանք է առաջադրվել այն արարքների համար, որ նա.
2011 թվականի դեկտեմբերի կեսերից մինչև 2012 թվականի հունվարի կեսերն ընկած ժամանակահատվածում, 1 գրամը 10.000 ՀՀ դրամով գնելու եղանակով, հետագայում գումարը վերադարձնելու պայմանով, մաս-մաս, յուրաքանչյուր անգամ առանձնապես խոշոր չափերի` 10 գրամից 35 գրամ չափաբաժիններով, Թոլիբ Սոյիմի Պարտոևից իրացնելու նպատակով ապօրինի ձեռք է բերել և պահել, ընդհանուր` 200 գրամ «ափիոն» տեսակի թմրամիջոց, որոնք նույն ժամանակահատվածում, նշված չափաբաժիններով ապօրինի իրացրել է քննությամբ չպարզված անձին: Այսինքն` Վլադիմիր Հայկազի Խաչյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 266-րդ հոդվածի 3-րդ մասի 2-րդ կետով:
Վլադիմիր Խաչյանը, շարունակելով իր հանցավոր գործունեությունը, 2012 թվականի հունվարին, գործով չպարզված օրը, Թոլիբ Սոյիմի Պարտոևից, անվճար, առանց իրացնելու նպատակի, իր գործածման համար ապօրինի ձեռք է բերել և պահել խոշոր չափերի` 1,8 գրամ «ափիոն» տեսակի թմրամիջոց, որը 2012 թվականի հունվարի 24-ին հայտնաբերվել է ՀՀ ոստիկանության ԿՀԴՊ գլխավոր վարչության աշխատակիցների կողմից` նրա անձնական խուզարկությամբ: Այսինքն` Վլադիմիր Հայկազի Խաչյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 268-րդ հոդվածի 2-րդ մասի 2-րդ կետով:
Բացի այդ, Վլադիմիր Խաչյանը, 2012 թվականի հունվարի 24-ին անվճար, հյուրասիրելու եղանակով Թոլիբ Պարտոևին ապօրինի իրացրել է 0,45 գրամ «մարիխուանա» տեսակի թմրամիջոց: Այսինքն` Վլադիմիր Հայկազի Խաչյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 266-րդ հոդվածի 1-ին մասով:
Արթուր Միհրանի Ալեքսանյանին մեղադրանք է առաջադրվել այն արարքների համար, որ նա.
2011 թվականի դեկտեմբերի վերջերին առանց իրացնելու նպատակի, իր գործածման համար, անվճար, Թոլիբ Պարտոևից ապօրինի ձեռք է բերել և պահել առանձնապես խոշոր չափերի` 20 գրամ «ափիոն» տեսակի թմրամիջոց, որի մի մասը` 14,5 գրամը գործածել է, իսկ մնացած մասը` 5,5 գրամն ապօրինի պահել իր մոտ, որը 2012 թվականի հունվարի 24-ին հայտնաբերվել է ՀՀ ոստիկանության ԿՀԴՊ գլխավոր վարչության աշխատակիցների կողմից` նրա անձնական խուզարկությամբ: Այսինքն` Արթուր Միհրանի Ալեքսանյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 268-րդ հոդվածի 3-րդ մասով:
Արթուր Ալեքսանյանը, շարունակելով իր հանցավոր գործունեությունը, 2012 թվականի հունվարի կեսերին, քննությամբ չպարզված հանգամանքներում, իրացնելու նպատակով ապօրինի ձեռք է բերել և պահել զգալի չափերի` 1 գրամ «մարիխուանա» տեսակի թմրամիջոց, որը նույն ժամանակ, հյուրասիրելու եղանակով, անվճար, ապօրինի իրացրել է Կարապետ Լեռնիկի Բաղդասարյանին: Այսինքն` Արթուր Միհրանի Ալեքսանյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 266-րդ հոդվածի 1-ին մասով:
Բացի այդ, Արթուր Ալեքսանյանը, նախնական համաձայնության գալով Կարապետ Լեռնիկի Բաղդասարյանի հետ, նրանից առանց իրացնելու նպատակի զգալի չափերի «մարիխուանա» տեսակի թմրամիջոց ապօրինի ձեռք բերելու վերաբերյալ, 2012 թվականի հունվարի 24-ին Երևան քաղաքի Կիևյան փողոցի վրա հանդիպել է վերջինին, ապա ցանկացել է իր գործածման համար ապօրինի ձեռք բերել զգալի չափերի` 1,22 գրամ «մարիխուանա» տեսակի թմրամիջոց, սակայն հանցավոր մտադրությունն իրականացնել չի կարողացել իր կամքից անկախ հանգամանքներով, այն է` 2012 թվականի հունվարի 24-ին Արթուր Ալեքսանյանը և Կարապետ Բաղդասարյանը բերման են ենթարկվել ՀՀ ոստիկանության ԿՀԴՊ գլխավոր վարչություն, որտեղ Կարապետ Բաղդասարյանի անձնական խուզարկությամբ` նրա մոտից հայտնաբերվել է նշված թմրամիջոցը: Այսինքն` Արթուր Միհրանի Ալեքսանյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 34-268-րդ հոդվածի 1-ին մասով:
2013 թվականի մայիսի 30-ին` դատական քննության ընթացքում, մեղադրող` ՀՀ գլխավոր դատախազության թմրամիջոցների ապօրինի շրջանառության հանցագործությունների գործերով բաժնի ավագ դատախազ Մ.Հակոբյանի որոշմամբ Կարապետ Լեռնիկի Բաղդասարյանին առաջադրված մեղադրանքը փոփոխվել է և նրան նոր մեղադրանք է առաջադրվել այն արարքների համար, որ նա.
2012 թվականի հունվարի կեսերին, գործով չպարզված օրը, Արթուր Միհրանի Ալեքսանյանից, առանց իրացնելու նպատակի, իր գործածման համար, անվճար, հյուրասիրելու եղանակով, ապօրինի ձեռք է բերել և պահել զգալի չափերի` 1 գրամ «մարիխուանա» տեսակի թմրամիջոց, որը նույն ժամանակ ծխելու եղանակով գործածել է: Այսինքն` Կարապետ Լեռնիկի Բաղդասարյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 268-րդ հոդվածի 1-ին մասով:
Բացի այդ, Կարապետ Բաղդասարյանը, 2012 թվականի հունվարի 23-ին, քննությամբ չպարզված հանգամանքներում, ինչպես իրացնելու, այնպես էլ իր գործածման նպատակով ապօրինի ձեռք է բերել և պահել զգալի չափերի` 2 գրամ «մարիխուանա» տեսակի թմրամիջոց, որի մի մասը` զգալի չափերի` 0,78 գրամ «մարիխուանա» տեսակի թմրամիջոցը, նույն ժամանակ ծխելու եղանակով գործածել է: Կարապետ Բաղդասարյանը, թմրամիջոցի մնացած քանակությունը` զգալի չափերի` 1,22 գրամ «մարիխուանա» տեսակի թմրամիջոցն Արթուր Միհրանի Ալեքսանյանին ապօրինի իրացնելու նպատակով, պայմանավորվածության համաձայն, 2012 թվականի հունվարի 24-ին Երևան քաղաքի Կիևյան փողոցում հանդիպել է նրան, սակայն հանցավոր մտադրությունն իրականացնել չի կարողացել իր կամքից անկախ հանգամանքներով, այն է` 2012 թվականի հունվարի 24-ին բերման է ենթարկվել ՀՀ ոստիկանության ԿՀԴՊ գլխավոր վարչություն, որտեղ նշված` 1,22 գրամ «մարիխուանա» տեսակի թմրամիջոցը հայտնաբերվել է նրա մոտ` անձնական խուզարկությամբ: Այսինքն` Կարապետ Լեռնիկի Բաղդասարյանը կատարել է հանրորեն վտանգավոր արարքներ, որոնք նախատեսված են ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 1-ին մասով:
2. Ապացույցների հետազոտում և գնահատում.
Ամբաստանյալ Թոլիբ Պարտոևը դատական քննության ընթացքում առաջադրված մեղադրանքներում իրեն մեղավոր չճանաչեց և ցուցմունք տվեց այն մասին, որ 2012 թվականի հունվարի 24-ից մինչև փետրվարի 16-ն ընկած ժամանակահատվածն իրեն ապօրինի պահել են ՀՀ ոստիկանության ԿՀԴՊ գլխավոր վարչությունում: Այդ ժամանակահատվածում ՀՀ ոստիկանության ԿՀԴՊ գլխավոր վարչության աշխատակից Լևոն Խաչատրյանն իրեն առաջարկել է, որպեսզի ինքը զանգահարի Թեհրան և թմրամիջոց պատվիրի: Նշված ծառայության դիմաց Լևոնը խոստացել է իրեն բաց թողնել: Ինքը զբաղվել է մետաղյա ջարդոնների առքուվաճառքով, որի կապակցությամբ ճանաչել է Ալի Ռեզային, Մոհամադին և վերջինի եղբորը, ով բնակվում է Ուկրաինայում: Ոստիկանների պահանջով ինքը զանգահարել է Մոհամադին և նրանից թմրամիջոց պատվիրել, սակայն նա թմրամիջոց չի ուղարկել, իսկ 22 օր անց իրեն ձերբակալել են: Մինչ այդ, ինքը Ալի Ռեզայի հետ թմրամիջոցի վերաբերյալ որևէ զրույց չի ունեցել, այլ նրա հետ զրուցել է հյութի խտանյութի մասին, որը նա ուղարկել է Հայաստան, իսկ ինքն այն ուղարկել է Մոսկվա: Ինքը Սաիդ Դոուդքանլուի Միլանին չի ճանաչել, նրան չի զանգահարել և իրենց միջև որևէ պայմանավորվածություն չի եղել: 2012 թվականի ամանորյա տոներից մոտ 3 օր առաջ ինքը Արթուր Ալեքսանյանի ավտոտնակում բրնձի պարկի մեջ լցված իրեր է պահել, սակայն տոներից հետո իմացել է, որ այն թմրամիջոց է: Ինքն Արթուրին թմրամիջոց չի իրացրել, իսկ եթե նա վերցրել է իր պահածից, ապա ինքը դրա մասին տեղյակ չի եղել: Ինքը որևէ այլ անձի, այդ թվում նաև Վլադիմիր Խաչյանին թմրամիջոց չի իրացրել:
Ամբաստանյալ Թոլիբ Պարտոևը նախնական քննության ընթացքում` 2012 թվականի հունվարի 26-ին, որպես կասկածյալ ցուցմունք է տվել այն մասին, որ 2003 թվականից մշտապես բնակվում է Հայաստանի Հանրապետությունում: Ինքն աշխատել է Տաջիկստանի Հանրապետությունում գրանցված «Իստլար» ՍՊ ընկերությունում` որպես թարգմանիչ, որտեղից գործուղվել է Հայաստանի Հանրապետություն: Այնուհետև, ինքը սկսել է զբաղվել մետաղյա ջարդոնների հավաքմամբ, այսինքն` գնորդի և վաճառողի միջև եղել է միջնորդ: 2006 թվականին թմրամիջոց ապօրինի պահելու համար ինքը դատապարտվել է 5 տարի ժամկետով ազատազրկման, որը կրել է Հայաստանում և ազատվել 2011 թվականի հունիսին: Մետաղյա ջարդոններ արտահանելու կապակցությամբ ինքը կապեր է ունեցել պարսիկների հետ: 2011 թվականի սեպտեմբերին, կոնկրետ օրը չի հիշում, Իրանի Իսլամական Հանրապետությունից 989141417818 հեռախոսահամարով իրեն զանգահարել է իր ծանոթ Մոհամադ Թահիմը, և առաջարկել զբաղվել «ափիոն» տեսակի թմրամիջոցի վաճառքով: Ըստ պայմանավորվածության Մոհամադը «ափիոն» տեսակի թմրամիջոց պետք է ուղարկեր Երևան, և ինքը այն սահմանն անցկացնելու համար որևէ պարտավորություն չի ունեցել: Իրենք պայմանավորվել են, որ ինքը «ափիոն» տեսակի թմրամիջոցի 1 գրամը գնի 10 ԱՄՆ դոլարով և քանի որ իրենց միջև եղել է փոխվստահություն, պայմանավորվել են, որ ինքը «ափիոն» տեսակի թմրամիջոցը վաճառելուց հետո գումարն ուղարկի նրան: Ըստ պայմանավորվածության Մոհամադը «ափիոն» տեսակի թմրամիջոցն անձամբ չէր բերելու Հայաստան, այլ այն նրա ծանոթն էր բերելու Երևան: 2011 թվականի սեպտեմբերին Մոհամադը զանգահարել է իր` 095-76-56-72 հեռախոսահամարին և հայտնել է, որ մի քանի օրից ուղարկելու է մոտ 2 կգ «ափիոն» տեսակի թմրամիջոց: 2011 թվականի սեպտեմբերի վերջերին, եթե չի սխալվում սեպտեմբերի 30-ին, իրեն զանգահարել է Ալի անվամբ մի անձ և ասել, որ Մոհամադն իր համար ինչ-որ իր է ուղարկել: Ինքը հասկացել է, թե ինչի մասին է խոսքը, ապա պայմանավորվել են հանդիպել Երևանի քաղաքապետարանի մոտ գտնվող այգում: Նույն օրը` ժամը 18:00-ի սահմաններում, ինքն ու Ալին հանդիպել են: Այդ ժամանակ Ալին ասել է, որ Մոհամադը 2 կգ «ափիոն» տեսակի թմրամիջոց է ուղարկել, որն ինքը պետք է գներ 1 գրամը 10 ԱՄՆ դոլարով: Ինքը նույն պահին զանգահարել է Մոհամադին և հարցրել, թե արդյոք կարող է 1 գրամը գնել 8 ԱՄՆ դոլարով, սակայն Մոհամադն ասել է, որ չի կարող և պնդել, որ 1 գրամը պետք է գնի 10 ԱՄՆ դոլարով ու ավելացրել է, որ գումարը կարող է վերադարձնել 1 ամսվա ընթացքում: Այդ ժամանակ ինքը զանգահարել է իր ծանոթ ազգությամբ վրացի Զազային և նրան առաջարկել 1 գրամը 22 ԱՄՆ դոլարով գնել «ափիոն» տեսակի թմրամիջոց, միաժամանակ ասելով, որ առկա է 2 կգ «ափիոն» տեսակի թմրամիջոց: Զազան համաձայնել է այն գնել և ասել, որ նրա ընկեր Կախան կգա Երևան ու կզանգահարի իրեն: Ինքը Զազայի հետ խոսել է իր հեռախոսահամարից զանգահարելով նրա 099599287111 և 099599748292 հեռախոսահամարներին: Այնուհետև ինքը կրկին զանգահարել է Ալիին, ասել, որ համաձայն է գնել «ափիոն» տեսակի թմրամիջոցը, և ըստ պայմանավորվածության դրա հաջորդ օրը քաղաքապետարանի մոտ ինքը հանդիպել է Ալիին, որտեղ Ալին իրեն տվել է 2 կգ «ափիոն» տեսակի թմրամիջոց: Իրենք պայմանավորվել են, որ մոտ 1 ամիս հետո ինքը Մոհամադին պետք է ուղարկի 20.000 ԱՄՆ դոլար: Դրանից մի քանի օր անց Կախան եկել է Երևան և զանգահարել իրեն: Նույն օրն իրենք հանդիպել են Հանրապետության հրապարակի ժամացույցի մոտ: Իրենք պայմանավորվել են, որ նա իրեն 10.000 ԱՄՆ դոլար կտա «ափիոն» տեսակի թմրամիջոցը վերցնելու ժամանակ, իսկ մնացած գումարը` 34.000 ԱՄՆ դոլարը, Զազան Վրաստանից բանկի միջոցով կուղարկի Իրանի Իսլամական Հանրապետություն: Նույն պահին ինքը հեռախոսով խոսել է Մոհամադի հետ, նրանից վերցրել բանկային հաշվեհամար և դրա մասին հայտնել Զազային: Ինքը Մոհամադին ասել է նաև, որ բանկի միջոցով նրան կուղարկվի 34.000 ԱՄՆ դոլար, որից 14.000 ԱՄՆ դոլարն իրենն է: Հաջորդ օրն ինքն ու Ալին հանդիպել են Ծերեթելի փողոցում գտնվող «Երևան Սիթի» խանութի մոտ, որտեղ ինքը նրան փոխանցել է 2 կգ «ափիոն» տեսակի թմրամիջոց և նրանից վերցրել 10.000 ԱՄՆ դոլար: Հետագայում ինքը տեղեկացել է, որ Զազան գումարը փոխանցել է, իսկ Մոհամադն էլ իր բաժինը պահել է մոտը: 2011 թվականի դեկտեմբերի 15-ին Մոհամադը փակ հեռախոսահամարով զանգահարել է իրեն և ասել է, որ նույն պայմանով այլ անձի` Ալիջոնլուի հետ, ուղարկելու է 1 կգ 800 գրամ «ափիոն» տեսակի թմրամիջոց: 2011 թվականի դեկտեմբերի 18-ին Ալիջոնլուն զանգահարել է իրեն և պայմանավորվածության համաձայն` ժամը 14:00-ի սահմաններում, իրենք հանդիպել են «Սենյոր» սրճարանի մոտ և Ալիջոնլուն ասել է, որ 1 կգ 800 գրամ «ափիոն» տեսակի թմրամիջոց է բերել, որը պետք է փոխանցի իրեն: Հաջորդ օրը` ժամը 19:00-ի սահմաններում, Երևանի քաղաքապետարանի մոտ գտնվող այգում իրենք հանդիպել են, որտեղ Ալիջոնլուն իրեն փոխանցել է 1 կգ 800 գրամ «ափիոն» տեսակի թմրամիջոցը, որը եղել է սև գույնի ոչ թափանցիկ փակ պոլիէթիլենային տոպրակի մեջ: Նույն պահին ինքը զանգահարել է Զազային և ասել, որ իր մոտ առկա 1 կգ 800 գրամ «ափիոն» տեսակի թմրամիջոց: Դրանից մի քանի օր անց իրեն է զանգահարել Կախան, ում հետ ինքը կրկին հանդիպել է Հանրապետության հրապարակի ժամացույցի մոտ: Այդ ժամանակ Կախան իրեն ասել է, որ կարող են վերցնել 700 գրամ «ափիոն» տեսակի թմրամիջոց: Հաջորդ օրը նույն վայրում ինքը Կախային տվել է մոտ 700 գրամ «ափիոն» տեսակի թմրամիջոց և նրանից վերցրել 15.400 ԱՄՆ դոլար: Ինքն այդ գումարի մի մասը «Ամերիա» բանկի միջոցով ուղարկել է Մոհամադին, իսկ մնացած մասը նրան ուղարկել է վարորդների միջոցով: Նշված գումարին ինքը գումար չի ավելացրել, քանի որ Մոհամադի մոտ գումար է ունեցել: Այդ ժամանակից մինչև 2012 թվականի հունվարի կեսերը նշված «ափիոն» տեսակի թմրամիջոցից մոտ 200 գրամ, մաս-մաս, յուրաքանչյուր անգամ 10 գրամից մինչև 35 գրամ չափով, 1 գրամը 10.000 ՀՀ դրամով, ինքը տվել է Վովային, ում հետ ինքը պատիժ է կրել: Իր մոտ մնացած «ափիոն» տեսակի թմրամիջոցն ինքը պահել է իր ծանոթ Արթուրի ավտոտնակում, ում նախօրոք ինքն ասել է, որ թմրամիջոց պետք է պահի: Արթուրի հետ ինքը գնացել է նրա ավտոտնակ, որը գտնվել է նրանց շենքի մոտ և «ափիոն» տեսակի թմրամիջոցը պահել բազմոցի ետևի հատվածում: Ինքը Արթուրից վերցրել նրա ավտոտնակի բանալիի կրկնօրինակը և առանց Արթուրին տեղյակ պահելու, մի քանի անգամ նրա ավտոտնակից վերցրել է «ափիոն» տեսակի թմրամիջոց ու տվել Վովային: 2011 թվականի դեկտեմբերի վերջերին Արթուրն իրեն խնդրել է անձամբ օգտագործելու համար ավտոտնակից «ափիոն» տեսակի թմրամիջոց վերցնել, ինչին ինքը համաձայնել է: Ինքն այլ անձի «ափիոն» տեսակի թմրամիջոց չի տվել: Ինքը երբևէ «ափիոն» տեսակի թմրամիջոց կամ այլ տեսակի թմրամիջոց չի օգտագործել: 2011 թվականի դեկտեմբերին Զազան փակ համարով զանգահարել է իրեն և 6 կգ «ափիոն» տեսակի թմրամիջոց պատվիրել, որի մասին ինքը զանգահարել և հայտնել է Մոհամադին, իսկ Մոհամադն ասել է, որ մինչև դեկտեմբերի 31-ն այն կուղարկի: 2011 թվականի դեկտեմբերի 29-ին Մոհամադը զանգահարել է իրեն և ասել, որ 11 կգ «ափիոն» տեսակի թմրամիջոց է ուղարկել, սակայն Հայաստանի սահմանում հայտնաբերել են: Մոհամադն իրեն չի ասել, թե նշված թմրամիջոցն ում հետ է նա ուղարկել: 2012 թվականի հունվարի 21-ին Մոհամադը կրկին զանգահարել է իրեն և ասել է, որ ուղարկելու է 5-ից 10 կգ «ափիոն» տեսակի թմրամիջոց: Իր անձնական խուզարկության ժամանակ իր մոտ հայտնաբերված 0.45 գրամ «մարիխուանա» տեսակի թմրամիջոցը, երկար ժամանակ է իր մոտ, ինքն այն հազվադեպ է օգտագործում և չի հիշում, թե որտեղից է այն մնացել իր մոտ: Ինքը չի կարող պատասխանել, թե 2011 թվականի դեկտեմբերի վերջերին մաքսային ծառայության մարմինների հայտնաբերած 11 կգ «հաշիշ» տեսակի թմրամիջոցն ուղարկված է եղել իր համար, թե ոչ: Իր մոտ պահած «ափիոն» տեսակի թմրամիջոցն ինքը պետք է հետագայում ուղարկեր Վրաստան` Զազային: Զազան երբևէ Հայաստանում չի եղել:
Ամբաստանյալ Թոլիբ Պարտոևը նախնական քննության ընթացքում` 2012 թվականի հունվարի 26-ին, որպես կասկածյալ լրացուցիչ ցուցմունք է տվել այն մասին, որ 2011 թվականի հունվարի 21-ին կամ 22-ին, հնարավոր է նաև 23-ին, հստակ օրը չի հիշում, Մոհամադը զանգահարել է իրեն և ասել, որ ցանկանում է 5 կգ կամ 10 կգ «ափիոն» տեսակի թմրամիջոց ուղարկել, և հարցրել, թե արդյոք կարող է ինքն այն ընդունել և տեղավորել, իսկ ինքը նրան ասել է, որ նա ազատ ուղարկի, ինքն այն կտեղավորի և կիրացնի: Մոհամադն ասել է, որ «ափիոն» տեսակի թմրամիջոցը կուղարկի նրա ծանոթի միջոցով, ով այն կբերի Երևան և կտա իրեն: Նա ասել է նաև, որ իր հեռախոսահամարը նախապես կփոխանցի թմրամիջոցը բերողին, որպեսզի նա Երևան հասնելուց հետո զանգահարի իրեն: Մոհամադն իրեն չի ասել, թե կոնկրետ ով պետք է բերի և ինչպես է սահմանն անցկացնելու: Ինքն նշված թմրամիջոցը պետք է տար Զազային, քանի որ նա իրեն միշտ ասել է, որ նրան հարկավոր է 10 կգ կամ 11 կգ «ափիոն» տեսակի թմրամիջոց, որը նույն գնով և նույն ճանապարհով ինքը պետք է տար Կախային, իսկ նա տաներ Վրաստան: Քանի որ Մոհամադն ասել է, որ պետք է ուղարկի 5 կգ կամ 10 կգ «ափիոն» տեսակի թմրամիջոց, իսկ Զազային անհրաժեշտ է եղել 10 կգ կամ 11 կգ «ափիոն» տեսակի թմրամիջոց, ուստի ինքը զանգահարել է Իրանում բնակվող Ալիին, ով ասել է, որ կարող է «ափիոն» տեսակի թմրամիջոց ուղարկել Հայաստան: Իր և Ալիի հեռախոսազրույցը, եթե չի սխալվում, եղել է 2012 թվականի հունվարի 23-ին: Նա ասել է, որ մի քանի օրվա ընթացքում «ափիոն» տեսակի թմրամիջոցը կուղարկի ինչ-որ անձի միջոցով, ում նա պետք է տար իր հեռախոսահամարը, որպեսզի Հայաստան հասնելուն պես նա զանգահարեր իրեն և փոխանցեր «ափիոն» տեսակի թմրամիջոցը:
Ամբաստանյալ Թոլիբ Պարտոևը նախնական քննության ընթացքում` 2012 թվականի հունվարի 27-ին, ՀՀ քրեական օրենսգրքի 266-րդ հոդվածի 3-րդ մասի 2-րդ կետով առաջադրված մեղադրանքում իրեն լիովին մեղավոր է ճանաչել և հայտնել, որ պնդում է իր նախկին բոլոր ցուցմունքներն ու օգտվելով իր իրավունքից հրաժարվում ցուցմունք տալ:
Ամբաստանյալ Թոլիբ Պարտոևը նախնական քննության ընթացքում` 2012 թվականի հունվարի 27-ին, որպես մեղադրյալ լրացուցիչ ցուցմունք է տվել այն մասին, որ 2006 թվականի փետրվարին իր ծանոթ ազգությամբ պարսիկ Մաջիրը եկել է Հայաստան: Իրենք հանդիպել են «Բարեկամություն» մետրոյի մոտ և Մաջիրն իրեն ասել է, որ նրա մոտ 1 կգ-ից քիչ ավել «ափիոն» տեսակի թմրամիջոց և 150 գրամ «հերոին» թմրամիջոց կա ու խնդրել, որ այն պահի իր մոտ, որպեսզ հետագայում վերցնի: Մաջիրը չի ասել, թե ինչ նպատակով է ցանկանում, որ ինքն այն պահի և չի ասել նաև, թե երբ այն իրենից վերցնելու: Ինքը համաձայնել է և մի քանի օր անց ինքն ու Մաջիրը հանդիպել են Կիևյան փողոցի խաչմերուկում, որտեղ մեծ պոլիէթիլենային տոպրակի մեջ փաթեթավորված «ափիոն» և «հերոին» տեսակի թմրամիջոցները նա տվել է իրեն: Ինքն այդ թմրամիջոցները վերցնելով չի ցանկացել այն տանել իր տուն, քանի որ այդ ժամանակ իր տանն իր հետ բնակվել են աղջիկներ, այսինքն` անընդհատ աղջիկ հյուրեր է ունեցել և չի ցանկացել, որպեսզի նրանք այդ ամենը տեսնեն: Այդ պատճառով ինքը զանգահարել է իր ծանոթ Սամվելին, որի ազգանունը կամ այլ տվյալներ չգիտի, միայն գիտի, որ այդ ժամանակ Սամվելը բնակվել է Աբովյան քաղաքում, սակայն ինքը որքանով տեղեկացված է նա ներկայում գտնվում է Ռուսաստանում: Սամվելը գնացել է Կիևյան փողոցի խաչմերուկ, և ինքը նրան ասել է, որ իր մոտ թմրամիջոց կա ու խնդրել, որպեսզի նա ժամանակավորապես այն պահի նրա մոտ: Սամվելը համաձայնել է և այն տարել, սակայն ինքը տեղյակ չէ, թե որտեղ և ինչ հանգամանքներում է նա այն պահել: Դրանից մոտ երկու շաբաթ անց Մաջիրը նորից զանգահարել է իրեն, և իրենք նույն վայրում հանդիպել են: Այդ ժամանակ նա խնդրել է, որպեսզի ինքը կրկին ժամանակավորապես իր մոտ պահի 600 գրամ «հերոին» տեսակի թմրամիջոց: Ինքը կրկին համաձայնվել է, այն վերցրել և այդ անգամ այդ թմրամիջոցը տվել է իր գործընկեր Արմենին, որպեսզի նա ժամանակավորապես պահի մոտը: Որոշ ժամանակ անց Սամվելը զանգահարել է իրեն, հանդիպել իր հետ և ասել, որ նման քանակությամբ թմրամիջոց չի կարող պահել, քանի որ վախենում է: Ինքը զանգահարել է Արմավիր քաղաքում բնակվող իր ընկեր Համոյին, հանդիպել նրա հետ և խնդրել, որպեսզի նա թմրամիջոցի մի մաս ժամանակավորապես պահի: Համոն համաձայնվել է, և ինքը Սամվելի մոտ եղած թմրամիջոցի կեսը վերցնելով տվել է Համոյին: 2006 թվականի փետրվարի վերջերին կամ մարտին թմրամիջոց վաճառելու համար իրեն բռնել և ինքը դրա համար դատապարտվել է: Դրանից հետո ինքը որևէ տեղեկություն չունի, թե ինչ են եղել Սամվելի, Համոյի և Արմենի մոտ եղած թմրամիջոցները: Քրեակատարողական հիմնարկում ինքը ծանոթացել է Վովայի հետ, ում ինքը պատմել է վերը նշվածի մասին: Վովան պատժից ազատվել է 2009 թվականին, իսկ ինքը` 2011 թվականի հուլիսին: Իր ազատվելուց հետո ինքը հանդիպել է Վովային և շփման ընթացքում նա իրեն հիշեցրել է թմրամիջոցների մասին, ասելով, որ դրանցով կարելի է լավ գումար աշխատել: 2005 թվականից ինքը ճանաչում է Լյոնյային և պատժից ազատվելուց հետո որոշ ժամանակ աշխատել է նրա ֆիրմայում, որպես բանվոր, որտեղ աշխատել է նաև Վովան: 2011 թվականի դեկտեմբերի սկզբներին Լյոնյան իրեն հարցրել է, թե կարող է արդյոք ինքը Իրանից «հաշիշ» տեսակի թմրամիջոց բերել, քանի որ այն ցանկացող կա: Նա ասել է նաև, որ այդ թմրամիջոցի ցանկացողը «Չուշո» մականունով Արամն է: Ինքը Լյոնյային ասել է, որ եթե ինքը «հաշիշ» տեսակի թմրամիջոց բերի Երևան, ապա դրա 1 կգ իր վրա կնստի 4.000-5.000 ԱՄՆ դոլար, իսկ Լյոնյան ասել է, որ «Չուշոին» ցանկանում է 5 կգ «հաշիշ» տեսակի թմրամիջոց գնել, որի պատճառով նրան այն պետք է ավելի էժան վաճառել: Այդ զրույցից մոտ 20 րոպե հետո Լյոնյան իրեն ասել է, որ «Չուշոն» համաձայն է 1 կգ «հաշիշ» տեսակի թմրամիջոցը գնել 8.000 ԱՄՆ դոլարով: Ինքը «Չուշոյին» չի տեսել և նրա հետ չի զրուցել, հետևապես ինքը չգիտի, թե Լյոնյան որքան է նրան ասել 1 կգ «հաշիշ» տեսակի թմրամիջոցի գինը: Այդ ժամանակ ինքը զանգահարել է Ահմադին և պատվիրել 4-5 կգ «հաշիշ» տեսակի թմրամիջոց: Ահմադի հետ ինքը պայմանավորվել է, որ 1 կգ «հաշիշ» տեսակի թմրամիջոցն ինքը կգնի 5.000 ԱՄՆ դոլարով և ըստ պայմանավորվածության թմրամիջոցը Երևան պետք է հասներ 1 շաբաթվա ընթացքում: Այդ խոսակցությունից մոտ 1 շաբաթ անց Ահմադը զանգահարել է և ասել, որ մի քանի օրից թմրամիջոցը հասնելու է: Սակայն դրանից մի քանի օր անց Լյոնյան իրեն ասել է, որ «Չուշոն» այլևս թմրամիջոցը չի ուզում: Ինքը նշվածի մասին պատմել է Վովային, ում հետ եղել է նաև Արթուրը, և նրանք ասել են, որ ոչինչ, այդ թմրամիջոցն իրենք կվաճառեն, քանի որ «հաշիշ» տեսակի թմրամիջոց ցանկացողներ շատ կան: Այնուհետև Ահմադը զանգահարել է իրեն և ասել, որ թմրամիջոցը տեղափոխող վարորդին սահմանի մոտ բռնել են և նրա մոտ հայտնաբերել 11 կգ «հաշիշ» տեսակի թմրամիջոց: Իրականում ինքն այդ թմրամիջոցը չպետք է ուղարկեր Վրաստան, իր նախորդ ցուցմունքում այդ մասին ինքը նշել է, քանի որ չի ցանկացել Արթուրի և Վովայի մասին հայտնել, սակայն իրականում այդ թմրամիջոցն ինքը պետք է վաճառեր Արթուրի և Վովայի հետ միասին:
Ամբաստանյալ Թոլիբ Պարտոևը նախնական քննության ընթացքում` 2012 թվականի փետրվարի 16-ին, ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 34-266-րդ հոդվածի 3-րդ մասի 2-րդ կետով առաջադրված մեղադրանքում իրեն մեղավոր է ճանաչել մասնակի և ցուցմունք տվել այն մասին, որ ինքը 2011 թվականի սեպտեմբերին 2 կգ թմրամիջոց ձեռք չի բերել և չի իրացրել: 2011 թվականի դեկտեմբերին ազգությամբ պարսիկ մի անձ իրեն խնդրել է, որպեսզի ինքն իր մոտ ժամանակավոր պահի 1 կգ «ափիոն» տեսակի թմրամիջոց, որն ինքը վերցրել և պահել է Արթուրի ավտոտնակում: Այդ անձի անունը եղել է Ալի: Ինքը 800 գրամ «ափիոն» տեսակի թմրամիջոց ձեռք չի բերել և որևէ անձի չի վաճառել և չի հյուրասիրել: Իսկ ինչ վերաբերում է «հաշիշ» տեսակի թմրամիջոցին, ապա ինքը դրա վերաբերյալ միայն զրուցել է Ահմադի հետ: Նախկին ցուցմունքներում ինքը այլ տեղեկություններ է հայտնել, քանի որ ոստիկաններն իրեն համոզել են, խաբել, որ այդպես գրելու դեպքում իր մեղադրանքը ավելի մեղմ կլինի:
Ամբաստանյալ Թոլիբ Պարտոևը նախնական քննության ընթացքում` 2012 թվականի մարտի 29-ին, որպես մեղադրյալ լրացուցիչ ցուցմունք է տվել այն մասին, որ իրեն առաջադրված մեղադրանքն անհիմն է, չի համապատասխանում իրականությանը, քանի որ ինքը երբևէ որևէ անձի, այդ թվում նաև ազգությամբ վրացիների, թմրամիջոց չի վաճառել: Իրականում ինքն Արթուրին և Վլադիմիրին նույնպես «ափիոն» տեսակի թմրամիջոց չի տվել: Նման դեպք չի եղել, որ ինքը 2011 թվականի դեկտեմբերին պատվիրի, որպեսզի Երևան բերեն 5-6 կգ «հաշիշ» տեսակի թմրամիջոց: Միայն իրականությանը համապատասխանում է այն, որ 2011 թվականի դեկտեմբերի կեսերին Թեհրանից իրեն զանգահարել է իր ծանոթ, ազգությամբ պարսիկ Ահմեդը և նրա խնդրանքով Երևանի քաղաքապետարանի մոտ ինքը հանդիպել է Ալիին, ով իրեն տվել է «ափիոն» տեսակի թմրամիջոց ու խնդրել, որպեսզի ինքն այն ժամանակավորապես պահի: Այդ թմրամիջոցը եղել է 1 կգ կամ ավելի քիչ չափով: Ինքը այն պահելու տեղ չի ունեցել, որի պատճառով դիմել է Արթուրին և այն պահել նրա ավտոտնակում: Ինքն այդ թմրամիջոցից որևէ մեկին չի տվել: Իր նախկին բոլոր ցուցմունքներից ինքը հրաժարվում է, քանի որ դրանք չեն համապատասխանում իրականությանը: Ինքը Կախա և Զազա անվամբ անձանց չի ճանաչում: Միայն իրականությանը համապատասխանում է այն, որ Ահմեդի և Ալիի խնդրանքով ինքը որոշ ժամանակ պահել է նրանց «ափիոն» տեսակի թմրամիջոցը: Իսկ ինչ վերաբերում է Լեոնիդին, ապա 2011 թվականի դեկտեմբերին նա իրեն ասել է, որ կարող է ծանոթացնել մի անձի հետ, ով «հաշիշ» տեսակի թմրամիջոց է գործածում, և առաջարկել Իրանից մեծ քանակությամբ «հաշիշ» տեսակի թմրամիջոց բերել: Ինքը Լեոնիդին պատասխանել է, որ կմտածի ու կհայտնի: Սակայն մոտ մեկ ժամ անց Լեոնիդը մոտեցել է իրեն և ասել, որ նա այդ գործում իրեն չի կարող օգնել: Ինքը նույնիսկ չի զանգահարել Իրան և զրուցել «հաշիշ» տեսակի թմրամիջոցի վերաբերյալ: Երբ 2012 թվականի հունվարի 25-ին իրեն բերման են ենթարկել ՀՀ ոստիկանության ԿՀԴՊ գլխավոր վարչություն և ինքը բանավոր ասել է, որ իր խնդրանքով Արթուր Ալեքսանյանի ավտոտնակում պահել է Ալիի «ափիոն» տեսակի թմրամիջոցը, ոստիկաններն իրեն չեն հավատացել և ասել են, որ նման բան չի կարող լինել, ինքը նախկինում դատապարտվել է թմրամիջոցի վաճառքի համար, բացի այդ ավտոտնակում հայտնաբերվել է մեծ քանակությամբ թմրամիջոց, ուստի ինքը պետք է որ զբաղվի թմրամիջոցների վաճառքով: Նրանք իրեն ասել են, որ եթե ինքը իրականությունը չպատմի, ապա իրեն կկալանավորեն, ինչից ինքը վախեցել է և հորինել մի պատմություն, համաձայն որի` իբր ինքը 2011 թվականի սեպտեմբերին ձեռք է բերել 2 կգ «ափիոն» տեսակի թմրամիջոց ու վաճառել Կախային և Զազային, սակայն ինքը նրանց չի ճանաչում: Ինքը հայտնել է նաև, որ 1.800 գրամ «ափիոն» տեսակի թմրամիջոց է ձեռք բերել, որից 700 գրամը վաճառել է Կախային և Զազային, 200 գրամը` Վովային, 20 գրամը տվել է Արթուրին, իսկ մնացած քանակությունը մնացել է ավտոտնակում: Ինքը Վովայի ու Արթուրի անուններն ասել է, քանի որ ոստիկանները պնդել են, որ ինքը բնակվել է Վովայի ու Արթուրի հետ և հնարավոր չէ, որ նրանց «ափիոն» տեսակի թմրամիջոց տված չլինի, բացի այդ նրանք ասել են, թե իբր Արթուրը ցուցմունքում նշել է, որ ինքը նրան տվել է 20 գրամ «ափիոն» տեսակի թմրամիջոց: Իսկ ինչ վերաբերում է «հաշիշ» տեսակի թմրամիջոցին, ապա այդ մասին սկզբից հայտնել է Վովան և երբ ոստիկաններն իրեն ասել են, որ Վովան նման բան է գրել, որ ցուցմունքներում արդեն իսկ կան հակասություններ, որոնք կարող են բացասաբար անդրադառնալ իր ազատության վրա, ինքը ստիպված կրկնել է նրա գրածը, սակայն ինքը ազատության մեջ է մնացել շատ կարճ, իսկ կալանավորվելուց հետո հասկացել է, որ իրեն խաբել են և այդ պատճառով դիմում է գրել: Իր Նկատմամբ բռնություն և ծեծ չի եղել, իրեն չեն հարվածել, սակայն վախեցրել են, որ կզրկեն ազատությունից, որի պատճառով ինքը ստիպված գրել է: Այսինքն` վախեցրել և խաբել են, որպեսզի ինքը գրի նրանց ասածը: Ինքն հավատացել է ոստիկանների խոստումներին և այդ պատճառով էլ գրել է հորինված պատմություն: Ինքը Վովայի հետ քրեակատարողական հիմնարկում չի եղել:
Ամբաստանյալ Թոլիբ Պարտոևը նախնական քննության ընթացքում` 2012 թվականի մայիսի 17-ին, որպես մեղադրյալ լրացուցիչ ցուցմունք է տվել այն մասին, որ ինքը տեղյակ չէ, թե ինչպես են իր հեռախոսահամարները հայտնվել Սաիդի մոտ, միայն կարող է ենթադրել, որ հնարավոր է, որ Իրանում ինչ-որ մեկն իր հեռախոսահամարը տված լինի Սաիդին, որպեսզի Հայաստանում գտնված ժամանակ ինքը նրան օգնի` բանավոր թարգմանություններ կատարի, քանի որ ինքը լավ խոսում է հայերեն, ռուսերեն և պարսկերեն:
Ամբաստանյալ Թոլիբ Պարտոևը նախնական քննության ընթացքում` 2012 թվականի մայիսի 18-ին, ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 34-266-րդ հոդվածի 3-րդ մասի 2-րդ կետով առաջադրված մեղադրանքում իրեն մեղավոր չի ճանաչել և ցուցմունք է տվել այն մասին, որ նկարագրված արարքներն ինքը չի կատարել, այլ ընդունում է միայն այն, որ Արթուր Ալեքսանյանի ավտոտնակում ժամանակավոր պահել է Մաջիրին պատկանող «ափիոն» տեսակի թմրամիջոցը:
Նախնական քննության ընթացքում տված ցուցմունքները հրապարակելուց հետո ամբաստանյալ Թոլիբ Պարտոևը հայտնեց, որ ինքը պնդում է, որ «հաշիշ» տեսակի թմրամիջոց վաճառելու վերաբերյալ Արթուր Ալեքսանյանի և Վլադիմիր Խաչյանի հետ որևէ պայմանավորվածություն չի եղել: Երբ ինքն Արթուրի ավտոտնակի բանալին վերցրել է և այնտեղ դրել պայուսակը Արթուրն այդտեղ չի եղել: Ինքը օգտագործման նպատակով Վլադիմիրին 1,8 գրամ թմրամիջոց, ինչպես նաև իրացնելու նպատակով 200 գրամ թմրամիջոց չի տվել: Ըստ մեղադրանքի ինքը 8-ից 10 անգամ հանդիպել է Վլադիմիրին, սակայն այդպիսի բան չի եղել, քանի որ այդ օրերին մոտ 10 օր իրենց աշխատավայրը փակ է եղել և իրենք չեն աշխատել: Վլադիմիրն իրեն 0,45 գրամ «մարիխուանա» տեսակի թմրամիջոց չի հյուրասիրել: Ինքը Վլադիմիրի դեմ ոչ մի ցուցմունք չի տվել, այդ ցուցմունքներն իրեն չեն թարգմանվել: Իր կողմից պահված թմրամիջոցը եղել է մոտ 900 գրամ: Ինքը չի իմացել, որ այնտեղ թմրամիջոց է եղել, և մինչև նրանց գալն իրեն ձերբակալել են: Արթուրն իրեն ասել է, որ ավտոտնակում եղած թմրամիջոցից մի կտոր վերցրել է, սակայն ինքը տեղյակ չէ, թե այն որքան է եղել:
Ամբաստանյալ Վլադիմիր Խաչյանը դատական քննության ընթացքում առաջադրված մեղադրանքում իրեն մեղավոր ճանաչեց մասնակի և ցուցմունք տվեց այն մասին, որ 2012 թվականի հունվարի 24-ին` ժամը 18:00-ի սահմաններում, Երևան քաղաքի Փափազյան և Սունդուկյան փողոցների խաչմերուկի մոտ քաղաքացիական հագուստով մի անձ հարվածել է իր գլխին և նստեցրել ավտոմեքենա, որից հետո մոտ 30 րոպե մեքենան պտտվել է Երևան քաղաքի տարբեր փողոցներով ու իրեն տարել են ՀՀ ոստիկանության ԿՀԴՊ գլխավոր վարչություն: Այնուհետև, առանց փաստաբանի և թարգմանիչի մասնակցության, մոտ 5-6 ժամ անց, զննել են իրեն և իբր իր գրպանից միայն «ափիոն» տեսակի թմրամիջոց և հեռախոս հայտնաբերել: Ինքը հայերեն լեզվով գրել և կարդալ չգիտի, ուստի այն ինչ գրվել է և ստորագրվել, եղել է ֆիզիկական և հոգեկան սպառնալիքի արդյունք: Ինքը տեսել է, թե ինչպես են ոստիկանությունում ծեծել Արթուրին և Կարապետին: Իր նոթատետրի մեջ գրված է եղել «Գրաֆ» բառը և երբ ինքը հայտնել է, որ դա Լևոնն է, ով պատիժ է կրում «Կոշ» քրեակատարողական հիմնարկում և ինքը ժամանակ առ ժամանակ շփվում է նրա հետ, ուստի ՀՀ ոստիկանության ԿՀԴՊ գլխավոր վարչության աշխատակից Լևոն Խաչատրյանը «սցենար» է գրել, թե իբր ինքը 2011 թվականի դեկտեմբերի կեսերից մինչև 2012 հունվարի կեսերը զբաղվել է «ափիոն» տեսակի թմրամիջոցի վաճառքով: Նախնական քննության ընթացքում իր կողմից տված ցուցմունքները չեն համապատասխանում իրականությանը: Ինքը երբևէ որևէ մեկից թմրամիջոց չի վերցրել և որևէ մեկին թմրամիջոց չի տվել, ինչպես նաև ինքը երբևէ թմրամոլությամբ չի տառապել: Ինքը չի տեսել ու չի ճանաչել Անդոյին, Արոյին և Լյովային: 2011 թվականի օգոստոսի վերջից մինչև նոյեմբեր ինքը բնակվել է Թոլիբի հետ, և երբևէ չի լսել որևէ թմրամիջոցի մասին: Ինքը Թոլիբին «մարիխուանա» տեսակի թմրամիջոց չի տվել: Ինքն ու Թոլիբը ծանոթացել են քրեակատարողական հիմնարկում պատիժ կրելու ընթացքում, և իրենք եղել են շատ լավ հարաբերությունների մեջ: Ոստիկանությունում սկզբից իր համար հրավիրել են փաստաբան Հայկ Իսրայելյանին, սակայն Լևոն Խաչատրյանն իրեն ստիպել է, որպեսզի ինքը հրաժարվի պաշտպանից:
Ամբաստանյալ Վլադիմիր Խաչյանը նախնական քննության ընթացքում` 2012 թվականի հունվարի 26-ին, որպես կասկածյալ ցուցմունք է տվել այն մասին, որ 1997 թվականին բանդիտիզմի համար դատապարտվել է 13 տարի ժամկետով ազատազրկման և պատժից ազատվել է 2009 թվականի դեկտեմբերին: Շուրջ 5-6 տարի ճանաչում է Թոլիբին, քանի որ միասին պատիժ են կրել նույն քրեակատարողական հիմնարկում: Թոլիբը պատժից ազատվելուց հետո բնակվել է և իր բնակարանում, և նրա կողմից վարձակալած բնակարանում: 2011 թվականի դեկտեմբերի կեսերին Թոլիբն իրեն ասել է, որ նրա մոտ «ափիոն» տեսակի թմրամիջոց կա, սակայն նա չի ասել, թե այն ինչ քանակությամբ է, որտեղից է այն ձեռք բերել և որտեղ է պահել: Թոլիբը միաժամանակ իրեն առաջարկել է վաճառել նրա մոտ եղած թմրամիջոցը: Թոլիբն ասել է նաև, որ թմրամիջոցի 1 գրամը կարող է իրեն տալ 12.000 ՀՀ դրամով: Այդ ժամանակ ինքը հիշել է թմրամիջոցների ապօրինի շրջանառության համար «Կոշ» քրեակատարողական հիմնարկում պատիժ կրող Լյովային, զանգահարել նրան և ասել 1 գրամը 12.000 ՀՀ դրամով «ափիոն» տեսակի թմրամիջոց կա, իսկ նա պատասխանել է, որ մաս-մաս կգնի այն: Լյովան նաև ասել է, որ անձանց կուղարկի, ովքեր իրենից կգնեն «ափիոն» տեսակի թմրամիջոցը և կփոխանցեն նրան: Լյովայի հեռախոսահամարը գրանցված է եղել իր բջջային հեռախոսի մեջ` «Գրաֆ» անվան տակ: 2011 թվականի դեկտեմբերի վերջերից մինչև 2012 թվականի հունվարի կեսերը Լյովան նախապես զանգահարել է իրեն և պատվիրել «ափիոն» տեսակի թմրամիջոց: Այնուհետև, իրեն զանգահարել են և ինքը գումարի դիմաց փոխանցել է «ափիոն» տեսակի թմրամիջոց: Ինքը Թոլիբից յուրաքանչյուր անգամ «ափիոն» տեսակի թմրամիջոցը վերցրել է 10 մինչև 35 գրամ, 1 գրամը 12.000 ՀՀ դրամով, ապա հանդիպել է Լյովայի ուղարկած անձին և վերցնելով համապատասխան գումար նրան փոխանցել է այն: Լյովայի ուղարկած անձինք եղել են երկուսը և նրանց անունները եղել են Արո և Անդո: Ինքը նրանց հետ հանդիպել է իրենց թաղամասում` Չարբախի շուկայի փողոցում: Անդոն միշտ եղել է բաց գույնի «ժիգուլիով», իսկ Արոն` շագանակագույն «Մերսեդես» մակնիշի մեքենայով: Մի քանի անգամ նրանք գնացել են իր աշխատավայր, որը գտնվում է Կոմիտասի պողոտայում: Ինքը ընդհանուր առմամբ Թոլիբից վերցրել է մոտ 200 գրամ «ափիոն» տեսակի թմրամիջոց, որոնք ամբողջությամբ Արոյի կամ Անդոյի միջոցով տվել է Լյովային: Լյովան օգտագործել է 095-03-08-72 հեռախոսահամարը, իսկ Արոն` 098-58-07-05: Ինքը ժամանակ առ ժամանակ` ըստ տրամադրության, օգտագործում է «ափիոն» տեսակի թմրամիջոց: Ինչ գնով ինքը Թոլիբից վերցրել է թմրամիջոցը, նույն գնով էլ այն փոխանցել է Լյովայի ուղարկած անձանց: Իր օգուտը եղել է այն, որ Թոլիբը պետք է տար իր ատամների բուժման և իր եղբոր մոտ` Ռուսաստան, գնալու գումարները: Թոլիբի հեռախոսահամարը եղել է 096-27-59-74, իսկ իր հեռախոսահամարը` 098-94-09-98: Ինքը բացի Լյովայից այլ անձանց թմրամիջոցներ չի տվել: Երբ ինքը թմրամիջոցը տվել է Արոյին և Անդոյին, նրանք այդ քանակությունից մի փոքր մաս տվել են իրեն` իր օգտագործման համար, թե ինչ քանակությամբ, ինքը չգիտի, քանի որ չի կշռել: Իր անձնական խուզարկությամբ հայտնաբերված «ափիոն» տեսակի թմրամիջոցն իրեն տվել է Թոլիբը, որպեսզի ինքն այն օգտագործի:
Ամբաստանյալ Վլադիմիր Խաչյանը նախնական քննության ընթացքում` 2012 թվականի հունվարի 27-ին, ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 266-րդ հոդվածի 1-ին մասով առաջադրված մեղադրանքներում իրեն լիովին մեղավոր է ճանաչել և հայտնել, որ պնդում է իր նախկին բոլոր ցուցմունքներն ու օգտվելով իր իրավունքից հրաժարվում ցուցմունք տալ:
Ամբաստանյալ Վլադիմիր Խաչյանը նախնական քննության ընթացքում` 2012 թվականի հունվարի 27-ին, որպես մեղադրյալ լրացուցիչ ցուցմունք է տվել այն մասին, որ 1991 թվականին խարդախություն կատարելու համար դատապարտվել է 3 տարի ժամկետով ազատազրկման, 1993 թվականին գողություններ կատարելու համար կրկին դատապարտվել է 4 տարի ժամկետով ազատազրկման, իսկ 1997 թվականին ավազակային հարձակումներ և գողություններ կատարելու համար դատապարտվել է 13 տարի ժամկետով ազատազրկման, որը կրել է «Նուբարաշեն-Էրեբունի» քրեակատարողական հիմնարկում: Իր հիշելով 2002 կամ 2003 թվականներին նշված հիմնարկ են բերել ազգությամբ տաջիկ Թոլիբ Պարտոևին, ում հետ ինքը եղել է մտերիմ: Թոլիբն իրեն պատմել է նրա կապերի մասին, որից իրեն հայտնի է դարձել, որ Թոլիբը 2 կգ «հերոին» և 0.5 կգ «ափիոն» տեսակի թմրամիջոցներ ունի պահած, որոնցից 1 կգ «հերոինը» գտնվում է «Աչքարիկ» մականվամբ Լյոնյա անունով մի անձի մոտ, իսկ 0.5 կգ «ափիոնը» գտնվում է Աբովյան քաղաքի բնակիչ, տաքսու վարորդ մի անձի մոտ, ում անունը ինքը չի հիշում: Թոլիբն իրեն ասել է, որ ինքը նրա հետ կապ պաշտպանի նաև հետագայում, ազատվելուց հետո ոչնչով չզբաղվի և իր համար լավ կլինի: 2009 թվականի դեկտեմբերի 17-ին ինքն ազատվել է պատիժը կրելուց, սակայն գիշերելու տեղ չի ունեցել, որի պատճառով Թոլիբն իրեն տեղավորել է «Ղռեր» թաղամասում գտնվող նրա ծանոթի տանը, և ինքն այդտեղ բնակվել է մոտ մեկ ամիս: Դրանից հետո ինքը վարձակալությամբ բնակվել է Չարբախում: Այդ ընթացքում ինքը մշտապես կապ է պաշտպանել Թոլիբի հետ: Թոլիբն իրեն խնդրել է, որպեսզի ինքը մեծ և գեղեցիկ խաչ քանդակի և այն տա Համոյին: Ինքը հասկացել է, որ դա նույն Համոն է, ում մոտ գտնվել է 1 կգ «հերոին» տեսակի թմրամիջոցը: Թոլիբն ասել է նաև, որ երբ Համոն կգնա խաչը վերցնելու, ինքն ինչ կամենա կարող է ուզել նրանից, այդ թվում նաև «մարիխուանա» տեսակի թմրամիջոց: 2010 թվականի մարտին Համոն զանգահարել է իրեն և իրենք հանդիպել են Չարբախի շուկայի մոտ: Այդ ժամանակ ինքը նրա փոխանցել է իր քանդակած խաչը և նա իրեն հարցրել է, թե ինքն ինչի կարիք ունի: Ինքը նրանից «մարիխուանա» տեսակի թմրամիջոց է խնդրել, սակայն նա ասել է, որ այդ պահին նրա մոտ այն առկա չէ, սակայն հաջորդ հանդիպման ժամանակ կտա: Աշխատանքի հարցով Թոլիբն իրեն տվել է Լյոնյա անունով մի անձի հեռախոսահամար, ում ինքը զանգահարել և բացատրել իր աշխատանքի բնույթը, սակայն նա ասել է, որ համապատասխան աշխատանք չունի և չի կարող իրեն այդ հարցով օգնել: Թոլիբը պատիժը կրելուց ազատվել է 2011 թվականի հունիսն և վարձակալությամբ բնակվել Երևան քաղաքի Հ.Քոչար փողոցում գտնվող տանը: Ինքը հաճախակի գիշերել է նրա տանը և անընդհատ նրան ասել է, որ անհրաժեշտ է զբաղվել պահված թմրամիջոցների հարցերով` վերցնել դրանք կամ դրանց գումարը, իսկ Թոլիբն ասել է, որ «Աչքարիկ» Լյոնյան և Հոկտեմբերյանցի Համոն լուրջ մարդիկ են, լուրջ կապեր ունեն և իրենց «կծամեն», հարկավոր է նրանց հետ մարդկային խոսել, այլապես այլ եղանակներով իրենց օգուտ չի լինի: Իր ներկայությամբ Թոլիբը մի քանի անգամ հեռախոսով կապվել է Համոյի հետ` պահանջելով հանդիպել, սակայն նա տարբեր պատճառաբանություններով խաբել է և խուսափել հանդիպել: Ինչ վերաբերում է Աբովյանցի տաքսու վարորդին, ապա Թոլիբն անձամբ մի քանի անգամ գնացել է Աբովյան քաղաք, սակայն չի կարողացել հանդիպել նրան, իսկ երբ հանդիպել է նա ասել է, որ վախից թմրամիջոցը թաղել է հողի մեջ, ցույց տալով նաև տեղը, որտեղ այդ ժամանակ կառուցված են եղել ավտոտնակներ: Իսկ ինչ վերաբերում է «Աչքարիկ» Լյոնյայի հետ հանդիպելուն, ապա Թոլիբն իրեն պատմել է, որ Լյոնյայի մոտ եղած թմրամիջոցը չկա, քանի որ վերջինը դրա մեծ մասը փոխանցել է «Գնդի Վաչոյին», իսկ որոշ մասը` ազգությամբ վրացի Զազային: Լյոնյան Թոլիբին առաջարկել է աշխատել նրա մետաղների ընդունման կետում, և ինքն ու Թոլիբը սկսել են աշխատել Երևան քաղաքի Կոմիտաս պողոտայի և Փափազյան փողոցի խաչմերուկի մոտ գտնվող մետաղի ընդունման կետում, որտեղից էլ իրեն բերման են ենթարկել ՀՀ ոստիկանության ԿՀԴՊ գլխավոր վարչություն: Թոլիբն իրեն ասել է, որ նման քանակի թմրամիջոցը նա ձեռք է բերել ազգությամբ պարսիկ մի անձից, թե երբ և կոնկրետ ումից, ինչ ճանապարհով, ինքը չի հիշում: 2011 թվականի դեկտեմբերի սկզբներին Թոլիբն իրեն պատմել է, որ Լյոնյայի հետ հանդիպման ժամանակ վերջինն իրեն ասել է, որ կան մարդիկ, ովքեր կարող են գնել 5 կգ չափով «հաշիշ» տեսակի թմրամիջոց, 1 կգ համար վճարելով 5.000 ԱՄՆ դոլար: Թոլիբը նույն ժամանակ զանգահարել է Իրանում բնակվող ազգությամբ պարսիկ Ահմեդին և պատվիրել 5 կգ-ի փոխարեն 6 կգ «հաշիշ» տեսակի թմրամիջոց: Ինքը տեղյակ չէ, թե Թոլիբը 6 կգ «հաշիշ» տեսակի թմրամիջոցի համար որքան գումար պետք է ուղարկեր Ահմեդին, սակայն նրանց խոսակցություններից ինքը հասկացել է, որ Թոլիբն այդ գործարքից կունենար կրկնակի եկամուտ, բացի այդ ավել ուզած 1 կգ կմնար նրան: Ահմեդը 2011 թվականի դեկտեմբերի վերջին ուղարկել է 11 կգ «հաշիշ» տեսակի թմրամիջոց, սակայն այն Մեղրիի մաքսակետում հայտնաբերվել է:
Ամբաստանյալ Սաիդ Դոուդքանլուի Միլանին դատական քննության ընթացքում առաջադրված մեղադրանքում իրեն մեղավոր չճանաչեց և ցուցմունք տվեց այն մասին, որ ինքը Իրանի Իսլամական Հանրապետության Ուրմիա քաղաքից տաքսի է նստել և գնացել Ջուլֆա քաղաք, որտեղից նստել է մեկ ուրիշ տաքսի, որում եղել են ևս երկու ուղևոր, և նրանց հետ գնացել Իրանի և Հայաստանի սահման: Ճանապարհին այդ երկու ուղևորներն իրեն ասել են, որ եթե իրենցից յուրաքանչյուրը 30 ԱՄՆ դոլար վճարեն, ապա միասին Հայաստանի սահմանից նույն տաքսի մեքենայով կարող են գնալ Երևան: Սահմանային անցակետում այդ երկու ուղևորներն իրեն խնդրել են նրանց օգնել, քանի որ նրանց բեռը եղել է ծանր, և նրանց ճամպրուկներից մեկը նրանք տվել են իրեն, որպեսզի ինքն անձամբ այն անցկացնի սահմանը: Այնուհետև, ինքը գնացել է տարադրամի փոխանակման կետ, զուգարան և աղոթք անելու, որը տևել է մոտ 20 րոպե, իսկ վերադառնալուց հետո տեսել է, որ նրանք այդտեղ չեն: Այդտեղ կանգնած մի քանի անձ ասել են, որ նրանք գնացել են: Այդ ժամանակ ինքը մեկ այլ անձի հետ միասին անցել են Հայաստանի սահմանը, իսկ ուղեբեռի ստուգման ժամանակ նրանց ճամպրուկի մեջ հայտնաբերվել է թմրամիջոց: Ինքն ճամպրուկը ստուգողներին ասել է, որ այդ ճամպրուկն իրենը չէ: Մոտ 24 ժամ իրեն պահել են այնտեղ, իսկ հաջորդ օրը` ժամը 23:00-ի սահմաններում, տարել Երևան: Երևանում իր համար հրավիրվել է փաստաբան և թարգմանիչ, իսկ մի քանի ժամ հետո իրեն տարել են դատարան և իր նկատմամբ որպես խափանման միջոց ընտրվել է կալանավորումը: Դատարանում գտնվող 4 ամբաստանյալներին ինքը չի ճանաչում և նրանց հետ ինքը երբևէ կապ չի ունեցել: Մաքսատանն իր մոտից փող և մի քանի թղթեր են գտել, որոնց վրա գրված են եղել հեռախոսահամարներ: Այդ համարներն իրեն Հայաստանի տաքսու վարորդներն են տվել, հնարավոր է, որ դրանց վրա ինչ-որ վայրերի անուններ էլ գրված լինեին: Հայաստան գալու իր նպատակը եկել է խնձորի գներին ծանոթանալը, որպեսզի իր մորեղբայրը Իրանից մոտ 10 տոննա խնձոր ուղարկեր Հայաստան և ինքն այն վաճառեր:
Ամբաստանյալ Արթուր Ալեքսանյանը դատական քննության ընթացքում առաջադրված մեղադրանքներում իրեն մեղավոր ճանաչեց մասնակի` ՀՀ քրեական օրենսգրքի 34-268-րդ հոդվածի 1-ին մասով իրեն մեղավոր ճանաչեց, իսկ ՀՀ քրեական օրենսգրքի 268-րդ հոդվածի 3-րդ մասով և 266-րդ հոդվածի 1-ին մասով` մեղավոր չճանաչեց ու ցուցմունք տվեց այն մասին, որ օդանավակայանում աշխատելու ժամանակ հոլանդացիներից տեղեկացել է, որ «մարիխուանա» տեսակի թմրամիջոց ծխելու դեպքում տրամադրությունը բարձրանում է: Այդ ժամանակ իր մոտ հետաքրքրություն է առաջացել և մի անձից տեղեկացել է, որ կարող է 5.000 ՀՀ դրամով գնել մեկ գլանակ «մարիխուանա» տեսակի թմրամիջոց: Այդ մասին ինքը ասել է Կարապետին, ով նույնպես ցանկացել է գնել մեկ գլանակ «մարիխուանա» տեսակի թմրամիջոց: 2011 թվականի նոյեմբերի վերջերին կամ դեկտեմբերի սկզբներին ինքն ու Կարապետը գնացել են Երևան քաղաքի Նոր-Նորք թաղամասում գտնվող շատրվանների մոտ, որտեղ Կարապետն իրեն տվել է 5.000 ՀՀ դրամ, որին ինքը նույնպես ավելացրել է 5.000 ՀՀ դրամ և վերը նշված անձից անձամբ գնել են երկու գլանակ «մարիխուանա» տեսակի թմրամիջոց: Գնած գլանակներից մեկը մեքենայի մեջ ծխել է Կարապետը, իսկ մյուսն` ինքը: Այնուհետև` 2012 թվականի հունվարի 20-ին կամ 21-ին, երբ Կարապետը ցանկացել է գնալ Թալին քաղաք, ինքը նրան խնդրել է, որպեսզի այնտեղից մեկ գլանակ «մարիխուանա» տեսակի թմրամիջոց բերի: Այդ ժամանակ Կարապետն ասել է, որ այնտեղ ազգությամբ եզդի մի անձ կա, ով «մարիխուանա» տեսակի թմրամիջոց է օգտագործում, և կփորձի նրանից ձեռք բերել այն: Ինքը Կարապետին տվել է 5.000 ՀՀ դրամ, իսկ նա ասել է, որ 5.000 ՀՀ դրամ էլ նա կավելացնի և կգնի: Սակայն այդ անգամ իրենք չեն հասցրել օգտագործել Կարապետի ձեռք բերած թմրամիջոցը, քանի որ ոստիկաններն իրենց բռնել են: Թոլիբին ինքը ճանաչում է 2002-2003 թվականներից, երբ նա ապրել է իրենց բակում: Այնուհետև, ինքը նրան տեսել է 2011 թվականի ամռանը: 2011 թվականի դեկտեմբերի կեսերին Թոլիբը պայուսակով գնացել է իր մոտ և ասել, որ դա ուրիշի պայուսակ է, կլինի, որ այն պահի իր ավտոտնակում, թե ոչ, իսկ ինքն ասել է, որ կարող է: Դրանից հետո ինքը գնացել է Վրաստան, իսկ ետ վերադառնալուց հետո տեսել է, որ այդ պայուսակը նույն տեղում է դրված: Դրանից մի քանի օր հետո Թոլիբն իրեն ասել է, որ պայուսակի միջից պետք է սնունդ վերցնի, որը նա վերցրել է և ասել է, որ բացի այդ, պայուսակի մեջ «ափիոն» տեսակի թմրամիջոց էլ կա: Այդ ժամանակ ինքը նրան ասել է, որպեսզի նա վերցնի այն, սակայն նա պատասխանել է, որ երկու օրից գալու են, որպեսզի այն տանեն, բայց այդ երկու օրը ձգձգվել է: 2012 թվականի ամանորյա տոներից հետո ինքը հիվանդացել է և ցավերը հանգստացնելու համար իր ավտոտնակում եղած «ափիոն» տեսակի թմրամիջոցից վերցրել է մոտ 8-9 գրամ և մի կտոր գցելով թեյի մեջ, խմել է: Դրա պատճառով ինքը ավելի է վատացել և իրեն վիրահատել են, իսկ թմրամիջոցի մյուս կտորը` մոտ 5 գրամ, մնացել է իր տաբատի գրպանում: Իր ավտոտնակում գտնվող թմրամիջոցից վերցնելու վերաբերյալ ինքը նախապես տեղյակ է պահել Թոլիբին: Ինքն ու Կարապետը միասին ավտոմեքենայի մեջ մեկ անգամ օգտագործել են «մարիխուանա» տեսակի թմրամիջոց: Այդ թմրամիջոցն իր և Կարապետի գումարով ձեռք է բերել ինքը: Ինչ վերաբերում է Կարապետի մոտ հայտնաբերված թմրամիջոցին, ապա ինքը դրանից տեղյակ չի եղել: Ոստիկանությունում Սամվել անունով մի աշխատակից իրեն և Կարապետին ասել է, որ եթե իրենք ցանկանում են տուն գնալ, ապա իրենք պետք է գրեն այնպես, ինչպես նրանք կասեն: Նշվածի պատճառով նախնական քննության ընթացքում իր տված ցուցմունքները չեն համապատասխանում իրականությանը և դրանք ամբողջովին հորինված են: Ոստիկանությունում իրեն չեն ծեծել, այլ համոզելով, խաբել են և Թոլիբի կողմից գրված ցուցմունքը դրել են իր դիմաց ու ասել, որ ինչպես գրված է այդպես էլ ինքը գրի:
Ամբաստանյալ Արթուր Ալեքսանյանը նախնական քննության ընթացքում` 2012 թվականի հունվարի 25-ին, որպես կասկածյալ ցուցմունք է տվել այն մասին, որ 2003 թվականից ճանաչում է ազգությամբ տաջիկ Թոլիբին և իրենց կապը եղել է այն, որ իրենք զբաղվել են սև մետաղի ջարդոններ հավաքելով: 2006 թվականին խոսակցություններից տեղեկացել է, որ Թոլիբը դատապարտվել է թմրամիջոց պահելու համար և իրենց կապն այդ ժամանակ խզվել է: 2011 թվականի օգոստոսին իրենց շենքի բակում պատահաբար հանդիպել է Թոլիբին և նա պատմել է, որ նոր է պատժից ազատվել: Դրանից հետո իրենք սկսել են ավել հաճախ շփվել և որոշել են միասին շինանյութի առևտրով զբաղվել: 2011 թվականի դեկտեմբերի կեսերին Թոլիբն իրենց շենքի բակում հանդիպել է իրեն և ասել, որ մեծ քանակությամբ թմրամիջոց ունի, որն «ափիոն» տեսակի է և առաջարկել է այն պահել Երևան քաղաքի Երզնկյան փողոցի 4-րդ շենքի հարևանությամբ գտնվող իր ավտոտնակում: Մի քանի օր անց Թոլիբը գնացել է իրենց շենքի բակ, ում ձեռքին եղել է, որքան հիշում է, սպիտակ գույնի պոլիէթիլենային տոպրակ և ասել է, որ դա այն «ափիոն» տեսակի թմրամիջոցն է, որի մասին ասել էր ու խնդրել է, որ ինքն այն պահի իր ավտոտնակում: Ինքը համաձայնել է և Թոլիբը թմրամիջոցը դրել է ավտոտնակի ետնամասի ձախ կողմի բազմոցի ետևում գտնվող տուփերի մեջ: Դրանից հետո ինքը մի քանի օրով գնացել է Վրաստան, նախապես ավտոտնակի բանալու կրկնօրինակը տալով Թոլիբին: 2011 թվականի դեկտեմբերի 27-ին կամ 28-ին վերադարձել է Հայաստան, ապա հանդիպելով Թոլիբին, խնդրել է, որ նրա պահած «ափիոն» տեսակի թմրամիջոցից մի քիչ վերցնի օգտագործելու համար, քանի որ լսել է, որ այն խառնում են թեյի մեջ և խմում, որն օգնում է մրսածությանը: Ինքը Թոլիբի «ափիոն» տեսակի թմրամիջոցից վերցրել է մոտ 20 գրամ, որի մի մասն օգտագործել է խմելու միջոցով` թեյի մեջ խառնելով, սակայն դրանից մի քանի օր անց ունեցել է աղիքների հետ կապված խնդիրներ, որի համար վիրահատվել է: Ինքն իրեն վիրահատող բժշկին հարցրել է, որ հնարավոր է, որ դա լինի թմրամիջոցի գործածումից և նա ասել է, որ հնարավոր է: Թոլիբից վերցրած «ափիոն» տեսակի թմրամիջոցի մնացած մասը, որը եղել է մոտ 6 գրամ, պահել է իր սենյակում գտնվող սեղանի դարակում: Մոտ 2 տարի է ճանաչում է Կարապետին, ով նախկինում բնակվել է իրենց թաղամասում: 2011 թվականի ամռանն իրենց շփման ընթացքում հասկացել են, որ երկուսն էլ հարկ եղած դեպքում օգտագործում են «մարիխուանա» տեսակի թմրամիջոց: Ինքն ու Կարապետը հիմնականում «մարիխուանա» տեսակի թմրամիջոցն օգտագործել են կամ իր ավտոտնակում կամ իր տանը: Ինքն այդ ընթացքում Կարապետին «մարիխուանա» տեսակի թմրամիջոց հյուրասիրել է մոտ 5 անգամ: 2011 թվականի հունվարի 24-ին Կարապետը հեռախոսազանգի միջոցով ասել է, որ նրա մոտ «մարիխուանա» տեսակի թմրամիջոց կա, ապա իրենք հանդիպել են Երևան քաղաքի Կիևյան փողոցի խաչմերուկում: Այդ ժամանակ Կարապետի հետ եղել է նրա ընկերուհի Ռուզաննան և իրենք երեքով գնացել են Հ.Հակոբյան փողոցի շենքերից մեկում բնակվող Արտյոմի տուն: Այնուհետև նրա տանից դուրս են եկել, նստել իր «Մերսեդես» մակնիշի 22ՍԼ414 պետհամարանիշի ավտոմեքենան և ցանկացել են ճանապարհել Ռուզաննային, որպեսզի «մարիխուանա» տեսակի թմրամիջոցը օգտագործեն, սակայն իրենց են մոտեցել ոստիկանության աշխատակիցները և իրենց բերման ենթարկել ոստիկանություն: Ոստիկանությունում հրավիրված իրեն անծանոթ երկու քաղաքացիների ներկայությամբ իրեն անձնական խուզարկության են ենթարկել և իր տաբատի ձախ գրպանից հայտնաբերել են փայլաթիթեղի մեջ փաթեթավորված մոտ 5,6 գրամ «ափիոն» տեսակի թմրամիջոցը: Այդ ժամանակ ոստիկաններն իրեն ասել են, որ գիտեն, որ իր ավտոտնակում գտնվող բազմոցի ետևում «ափիոն» տեսակի թմրամիջոց է պահված: Ինքը հասկանալով, որ ոստիկաններն ամեն ինչ գիտեն, նրանց պատասխանել է «այո», որից հետո գնացել են իր ավտոտնակ, որտեղ ոստիկանները հրավիրել են իրեն անծանոթ երկու քաղաքացու և նրանց ներկայությամբ ավտոտնակի ետնամասի ձախ կողմում գտնվող բազմոցի ետևում գտնվող տուփերի միջից վերցրել են «ափիոն» տեսակի թմրամիջոցը, ապա կշռել են, որը կազմել է մոտ 910 գրամ: Ինքն օգտագործել է 093-22-88-40 և 091-22-88-40 հեռախոսահամարները, Կարապետն օգտագործել է 093-07-70-07 հեռախոսահամարը, իսկ Թոլիբը` 096-27-59-71 հեռախոսահամարը: Ինքը երբեք «ափիոն» տեսակի թմրամիջոց որևէ մեկին չի տվել, իսկ «մարիխուանա» տեսակի թմրամիջոց հյուրասիրել է միայն Կարապետին:
Ամբաստանյալ Արթուր Ալեքսանյանը նախնական քննության ընթացքում` 2012 թվականի հունվարի 27-ին, որպես մեղադրյալ, առաջադրված մեղադրանքներում իրեն մեղավոր չի ճանաչել և ցուցմունք է տվել այն մասին, որ ինքը Թոլիբ Պարտոևին միայն թույլ է տվել իր ավտոտնակում պահել նրա թմրամիջոցը` ոչինչ չիմանալով թմրամիջոցի քաշի մասին: Ինքը թմրամիջոցը պահելու կոնկրետ տեղը չի իմացել, քանի որ Թոլիբին ավտոտնակի բանալի տալով թույլատրել է, որպեսզի նա անձամբ այն հետագայում վերցնի և հանկարծ չմտածի, որ ինքը դրա մի մասը վերցրել է: Ինքը նույնիսկ նրան չի հարցրել, թե այդ թմրամիջոցը որտեղից է և ինչ է անելու: Ինքն ուղղակի թույլատրել է, որպեսզի նա թմրամիջոցը պահի իր ավտոտնակում, ինչի մասին իր հարազատներից կամ ծանոթներից ոչ մեկին բան չի ասել: Ինքը չի իմացել, թե այդ թմրամիջոցը Թոլիբը վաճառելու էր կամ որևէ մեկին տալու էր, թե ոչ, այդ պատճառով առանձնապես խոշոր չափերի թմրամիջոց իրացնելու հարցում օժանդակելու համար ինքն իրեն մեղավոր չի ճանաչում: Ոստիկանության աշխատակիցներն իր անձնական խուզարկությամբ թմրամիջոց հայտնաբերելուց հետո ասել են, որ տեղյակ են, որ Թոլիբը մոտ 500 գրամ «ափիոն» տեսակի թմրամիջոց է պահել իր ավտոտնակում, և ինքը պատրաստակամություն է հայտնել բացել իր ավտոտնակը և խուզարկությամբ հայտնաբերել թմրամիջոցը: Ոստիկաններն առանց դատարանի որոշման իր կողմից ավտոտնակի բանալին տալուց հետո, իր ներկայությամբ բացել են ավտոտնակը և ինքը նրանց մոտավորապես ասել է, թե ավտոտնակի որ մասում է Թոլիբը պահել թմրամիջոցը: Այդ ժամանակ ինքը նույնիսկ չի իմացել, թե թմրամիջոցը այնտեղ է, թե ոչ: Դրանից հետո ոստիկանները խուզարկել են ավտոտնակի ներս ընկած հատվածը և այնտեղից հայտնաբերել են սև գույնի ափիոնանման զանգվածը: Այդ ժամանակ նշված զանգվածը տարել և կշռել են մոտակա խանութում, սակայն այն տեղում չեն կնքել և չեն փաթեթավորել, այլ դրել են ինչ-որ ֆայլի մեջ: Տեղում կազմվել է արձանագրություն, որտեղ նշվել է, որ ինքը ներկայացրել է թմրամիջոցը: Եթե ինքը չուզենար թմրամիջոցը ներկայացնել, ապա չէր հայտնի, որ ավտոտնակի բանալին իր «Մերսեդես» մակնիշի 22ՍԼ414 պետհամարանիշի ավտոմեքենայի մեջ է, չէր ներկայացնի ավտոտնակի բանալին և դրանից հետո ոստիկաններին թույլ չէր տա, որպեսզի նրանք խուզարկեին ավտոմեքենան: Ոստիկանները խուզարկել են իր ավտոմեքենան և անձնագիրը հանել են առջևի երկու նստատեղերի արանքում գտնվող փոքր բանալով փակվող խցիկի միջից: Դրանից հետո ավտոմեքենայի բանալիները մնացել են ոստիկանների մոտ: Ինչ վերաբերում է իր կողմից Կարապետ Բաղդասարյանին պարբերաբար թմրամիջոց իրացնելուն և նրա կողմից իրեն թմրամիջոց իրացնելուն, ապա ոստիկաններն իրեն խաբել են` ասելով, որ այդպես գրի, որպեսզի նրանք կարողանան բռնել մյուս մեղավորներին, իսկ դրանից հետո իրեն և Կարապետին բաց կթողնեն: Այդ պատճառով, ինքը հավատալով նրանց, հորինել և գրել է, թե իբր Կարապետն ու ինքը միմյանց թմրամիջոց են տվել: Ինքը Թոլիբից վերցրել է իր մոտ հայտնաբերված 5,5 գրամ թմրամիջոցի կրկնապատիկ չափով թմրամիջոցը, այսինքն` մոտ 10 գրամ, սակայն ինքն իր ցուցմունքում նշել է, որ վերցրել է 20 գրամ` նշանակություն չտալով չափին, քանի որ իր բացատրությունն իրեն թելադրել է Ս.Վարդանյանը, իսկ ցուցմունք տալու ժամանակ նույն չափն ասել է քննիչին, որ իր գրածների մեջ հակասություն չլինի, քանի որ հավատացել է, որ իրեն 2-3 օրից բաց են թողնելու:
Ամբաստանյալ Արթուր Ալեքսանյանը նախնական քննության ընթացքում` 2012 թվականի փետրվարի 23-ին, որպես մեղադրյալ լրացուցիչ ցուցմունք է տվել այն մասին, որ իր ավտոմեքենայից հայտնաբերված կշեռքը պատկանում է Թոլիբին և ինքը չգիտի, թե ինչի համար է այն նախատեսված եղել: Իրեն բռնելուց մի քանի օր առաջ Թոլիբն այն պատահաբար թողել է իր ավտոմեքենայի մեջ:
Ամբաստանյալ Արթուր Ալեքսանյանը նախնական քննության ընթացքում` 2012 թվականի մարտի 15-ին որպես մեղադրյալ լրացուցիչ ցուցմունք է տվել այն մասին, որ ինքը նախկինում վախեցել է ոստիկանության աշխատակիցներից` խաբվելով նրանց կողմից, իր վերաբերյալ տվել է զրպարտող, իրականությանը չհամապատասխանող ցուցմունքներ: Երբ ոստիկաններն իրեն բերման են ենթարկել ու իր անձնական խուզարկությամբ հայտնաբերել են «ափիոն» տեսակի թմրամիջոց, նրանց հարցին պատասխանել է, որ այն ձեռք է բերել Թոլիբից: Ինքն ի սկզբանե որոշել է օգնել ոստիկաններին և ամեն ինչ պատմել նրանց: Նրանք նույնիսկ տեղյակ էլ չեն եղել, թե Թոլիբը ով է, նրա մասին ինքն է պատմել նրանց` հայտնելով նաև, որ Թոլիբն իր ավտոտնակում պահում է «ափիոն» տեսակի թմրամիջոց, որից հետո ինքն իր մեքենայից հանել է ավտոտնակի բանալին, տվել է ոստիկաններին, ապա գնացել են իրենց շենքի մոտ, որտեղ ոստիկանները բացել են ավտոտնակի դուռը, որտեղ էլ ինքը նրանց է հանձնել Թոլիբի թմրամիջոցը: Ինքն իր նախկին ցուցմունքով նշել է, որ ինքնակամ է ներկայացրել թմրամիջոցը, սակայն այդ ժամանակ ինքը չի նշել իրականությունը, քանի որ վախեցել է ոստիկաններից: Ինքը խաբվել է ոստիկանության աշխատակից Ս.Վարդանյանի կողմից, ով խոստացել է բոլոր մեղավորներին բռնելուց հետո 2-3 օրվա մեջ իրեն բաց թողնել: Իրականությունն այն է, որ իրեն առաջինն են բերել ոստիկանություն, իսկ Թոլիբին մոտ 3-4 ժամ անց: Իրեն ոստիկանություն բերելուց հետո ինքը բացատրություն չի տվել, այլ ողջ իրականությունը բանավոր պատմելուց հետո գնացել են ավտոտնակ, որտեղ էլ ոստիկաններին կամովին ներկայացրել է «ափիոն» տեսակի թմրամիջոցը, իսկ դրանից հետո իրենից բացատրություն են վերցրել, որտեղ Ս.Վարդանյանի պահանջով գրել է այնպես, թե իբր նրանք են իրեն ասել, որ ամեն ինչի մասին ինքը տեղյակ է: Ինքը չի ուզեցել այդպես գրել, սակայն հավատալով Ս.Վարդանյանի խոստմանը` գրել է, թե իբր նրանք են սկզբից տեղյակ եղել այդ ամենի մասին: Եթե նրանք իմանային, ապա հենց սկզբից Թոլիբին բերած կլինեին: Ինքը տեղյակ չէ, թե ինչ արձանագրություն է կազմվել և ինչ բովանդակությամբ: Ինքը Կարապետ Բաղդասարյանին «մարիխուանա» տեսակի թմրամիջոց տվել է հավասար չափերով գումար` 5000-ական ՀՀ դրամ դնելով երկուսի ծխելու համար այն գնելուց հետո: Ինքն իր նախկին ցուցմունքում կեղծ է նշել, որ երկար տարիներ «մարիխուանա» տեսակի թմրամիջոց են օգտագործել Կարապետ Բաղդասարյանի հետ:
Ամբաստանյալ Արթուր Ալեքսանյանը նախնական քննության ընթացքում` 2012 թվականի հունվարի 15-ին, որպես մեղադրյալ ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 3-րդ մասով և 34-268-րդ հոդվածի 1-ին մասով առաջադրված մեղադրանքում իրեն մեղավոր է ճանաչել մասնակի, քանի որ իրականում ինքը Թոլիբ Պարտոևից ձեռք չի բերել առանձնապես խոշոր չափերի 20 գրամ «ափիոն» տեսակի թմրամիջոց, այլ իրականում նրա տված թմրամիջոցը եղել է մոտ 9-10 գրամ, որի մի մասը ինքը կուլ է տվել, իսկ մնացած մասը` 5,5 գրամը հայտնաբերվել է իր անձնական խուզարկությամբ: Ինչ վերաբերում է իր կողմից Կարապետ Բաղդասարյանին 1 գրամ «մարիխուանա» տեսակի թմրամիջոց իրացնելուն և նրա կողմից իրեն նույն տեսակի թմրամիջոց իրացնելու պահին բռնվելու պատճառով թմրամիջոց ձեռք բերելու փորձին, ապա իրականում իրենք 5000-ական ՀՀ դրամ են դրել իրենց օգտագործման համար, ամենքն իրենց ծխելու չափով, յուրաքանչյուր անգամ գնել են թմրամիջոց և ինքն իրեն թմրամիջոց իրացնող չի համարում:
Ամբաստանյալ Կարապետ Բաղդասարյանը դատական քննության ընթացքում առաջադրված մեղադրանքում իրեն մեղավոր ճանաչեց մասնակի` ՀՀ քրեական օրենսգրքի 268-րդ հոդվածի 1-ին մասով իրեն մեղավոր ճանաչեց, իսկ ՀՀ քրեական օրենսգրքի 266-րդ հոդվածի 1-ին մասով` մեղավոր չճանաչեց և ցուցմունք տվեց այն մասին, որ 2012 թվականի հունվարի 22-ին կամ 23-ն Արթուրն իրենից տեղեկացել է, որ ինքը պետք է գնա Թալին: Այդ ժամանակ Արթուրն իրեն խնդրել է, որպեսզի հնարավորության դեպքում այնտեղից նրա համար «մարիխուանա» տեսակի թմրամիջոց բերի: Այդ ժամանակ իր մոտ, բացի իր անձնական ծախսերի գումարից, 5.000 ՀՀ դրամ գումար է եղել, և Արթուրն իրեն ևս 5.000 ՀՀ դրամ է տվել: 2012 թվականի հունվարի 22-ին կամ 23-ն ինքը գնացել է Թալինի մոտ գտնվող Հացաշեն գյուղ, որտեղ ապրող ազգությամբ եզդի մի անձից իր և Արթուրի համար գնել է «մարիխուանա» տեսակի թմրամիջոց: Երևան վերադառնալու հաջորդ օրն ինքը հանդիպել է Արթուրին, ով այդ ժամանակ տեղյակ չի եղել, որ ինքը նրան պետք է «մարիխուանա» տեսակի թմրամիջոց փոխանցի ու այդ պահին ՀՀ ոստիկանության ԿՀԴՊ գլխավոր վարչության աշխատակիցներն իրենց բռնել են: Մինչ այդ` 2011 թվականի նոյեմբերին կամ դեկտեմբերին, երբ ինքն ու Արթուրը միասին ինչ-որ տեղ գնալով են եղել, Արթուրն ասել է, որ ինչ-որ անձից 5.000 ՀՀ դրամով «մարիխուանա» տեսակի թմրամիջոց պետք է գնի: Այդ ժամանակ ինքը նրան ասել է, որ եթե հնարավոր լինի մեկ հատ էլ իր համար վերցնի ու Արթուրին տվել 5.000 ՀՀ դրամ: Այնուհետև Արթուրը գնել է երկու հատ «մարիխուանա» տեսակի թմրամիջոց, որոնցից մեկը տվել է իրեն: Երբևէ չի եղել, որ Արթուրն իրեն կամ ինքը Արթուրին անվճար թմրամիջոց հյուրասիրեն: Նախնական քննության ընթացքում իր տված ցուցմունքները չեն համապատասխանում իրականությանը, դրանք ինքը գրել է խաբեության արդյունքում, քանի որ ոստիկաններն իրեն ասել են, որ այդպես գրելու դեպքում, իրեն բաց կթողնեն: Ոստիկանությունում իրեն չեն ծեծել:
Ամբաստանյալ Կարապետ Բաղդասարյանը նախնական քննության ընթացքում` 2012 թվականի հունվարի 25-ին, որպես կասկածյալ ցուցմունք է տվել այն մասին, որ շուրջ երեք տարի է ինչ օգտագործում է «մարիխուանա» տեսակի թմրամիջոց: Ինքը մտերիմ հարաբերությունների մեջ է գտնվում Արթուր Ալեքսանյանի հետ: Իրենց մտերմության սկզբում իրենց միջև ծագած խոսակցություններից հասկացել են, որ երկուսն էլ «մարիխուանա» տեսակի թմրամիջոցի սիրահարներ են: Առաջին անգամ Արթուրի հետ «մարիխուանա» տեսակի թմրամիջոց օգտագործել են 2011 թվականի հոկտեմբերին, երբ ինքն ու Արթուրը հանդիպել են Բաղրամյան պողոտայում գտնվող «Օլիմպիա» սրճարանում, որտեղ պարզվել է, որ իր և Արթուրի մոտ «մարիխուանա» տեսակի թմրամիջոց է եղել: Բացի առաջին դեպքից ինքն ու Արթուրը ընդհանուր առմամբ «մարիխուանա» տեսակի թմրամիջոց միմյանց հյուրասիրել են մոտ 10 անգամ: Այդ հյուրասիրությունները եղել են Բաղրամյան պողոտայի մոտ գտնվող «Պարմա» խանութի մոտ կամ Արթուրի մեքենայի մեջ: 2012 թվականի հունվարի 24-ին ինքը գնացել է Թալին: Այնտեղ ինքը պատահական հանդիպել է ազգությամբ եզդի Ազիզին և նրանից մոտ 2 գրամ «մարիխուանա» տեսակի թմրամիջոց վերցրել: Նույն օրն ինքը «մարիխուանա» տեսակի թմրամիջոցի մի մասը միայնակ օգտագործել է, իսկ մնացած մասը պահել է մոտը: Հաջորդ օրը` 2012 թվականի հունվարի 25-ին, Կիևյան խաչմերուկի մոտ ինքն ու Արթուրը հանդիպել են: Մինչ այդ ինքը նրան ասել է, որ «մարիխուանա» տեսակի թմրամիջոց ունի և ցանկանում է նրան հյուրասիրել: Այդ ժամանակ ինքն ուր Արթուրը ցանկացել են նրա «Մերսեդես» մակնիշի ավտոմեքենայի մեջ օգտագործել իր մոտ եղած «մարիխուանա» տեսակի թմրամիջոցը, սակայն ոստիկանության աշխատակիցներն իրենց բերման են ենթարկել ոստիկանություն, որտեղ իրեն անծանոթ երկու քաղաքացիների ներկայությամբ իրեն անձնական խուզարկության են ենթարկել և իր սև գույնի բաճկոնի ձախ գրպանից հայտնաբերել են «Պառլամենտ» տեսակի ծխախոտի տուփ, որի պոլիէթիլենի միջից հայտնաբերել են տետրի թուղթ, որի մեջ եղել է «մարիխուանա» տեսակի թմրամիջոց: Ոստիկանները թմրամիջոցը կշռել են, որը կազմել է մոտ 1,4 գրամ: Յուրաքանչյուր անգամ իր և Արթուրի մոտ եղած «մարիխուանա» տեսակի թմրամիջոցը եղել է չորացված և մանրեցված: Արթուրը երբեք իրեն «մարիխուանա» տեսակի թմրամիջոց չի տվել: Ինքն օգտագործել է 093-07-70-07 հեռախոսահամարը, իսկ Արթուրը` 093-22-88-40, 097-22-88-40 հեռախոսահամարները:
Ամբաստանյալ Կարապետ Բաղդասարյանը նախնական քննության ընթացքում` 2012 թվականի հունվարի 27-ին, ՀՀ քրեական օրենսգրքի 266-րդ հոդվածի 1-ին մասով առաջադրված մեղադրանքում իրեն լիովին մեղավոր է ճանաչել և հրաժարվել ցուցմունք տալ:
Ամբաստանյալ Կարապետ Բաղդասարյանը նախնական քննության ընթացքում` 2012 թվականի փետրվարի 20-ին որպես մեղադրյալ լրացուցիչ ցուցմունք է տվել այն մասին, որ Արթուրն իրականում իրեն մեկ անգամ է հյուրասիրել «մարիխուանա» տեսակի թմրամիջոց, այն էլ 2012 թվականի հունվարի կեսերին 1 գրամի չափով, որը ինքը միայնակ գործածել է: 2012 թվականի հունվարի 23-ին ինքը գնացել է Թալին, որտեղ հանդիպել է ազգությամբ եզդի Ազիզին և նրանից վերցրել է 2 գրամ «մարիխուանա» տեսակի թմրամիջոց, որի մի մասը տեղում գործածել է, իսկ մնացած մասն իր հետ տարել է Երևան` Արթուրին տալու համար: Հաջորդ օրն ինքը զանգահարել է Արթուրին և ասել, որ նրա համար «մարիխուանա» տեսակի թմրամիջոց է բերել և ցանկանում է այն հանձնել նրան: Քանի որ Արթուրը զբաղված է եղել, ինքն իր ընկերուհու` Ռուզաննայի, հետ մի փոքր շրջել են, ապա պայմանավորվածության համաձայն գնացել Կիևյան փողոց, որտեղ հանդիպել են Արթուրին և որոշել նրա մեքենայով Ռուզաննային տանել տուն, որից հետո ինքը «մարիխուանա» տեսակի թմրամիջոցը պետք է տար Արթուրին, քանի որ չի ցանկացել Ռուզաննայի ներկայությամբ այն հանձնել նրան: Սակայն, այդ ժամանակ իրենց բռնել են ոստիկանության աշխատակիցները և բերման ենթարկել ոստիկանություն, որտեղ իր մոտ հայտնաբերվել է այն նույն «մարիխուանա» տեսակի թմրամիջոցը, որն ինքը պետք է տար Արթուրին:
Առերես հարցաքննության մասին 2012 թվականի հունվարի 25-ի արձանագրության համաձայն` առերեսում է կատարվել Կարապետ Բաղդասարյանի և Արթուր Ալեքսանյանի միջև: Կարապետ Բաղդասարյանը հայտնել է, որ Արթուրի հետ շփման ընթացքում իրենք միմյանցից տեղեկացել են, որ սիրում են գործածել «մարիխուանա» տեսակի թմրամիջոց: Առաջին անգամ` 2011 թվականի հոկտեմբեր ամսին, երբ իրենք գտնվել են Բաղրամյան պողոտայի վրա գտնվող «Օլիմպիա» սրճարանում, պարզվել է, որ իրենցից յուրաքանչյուրի մոտ «մարիխուանա» տեսակի թմրամիջոց է առկա, որոնք իրենք օգտագործել են: Ինքն Արթուրին «մարիխուանա» տեսակի թմրամիջոց տվել է մոտ 10 անգամ` յուրաքանչյուր անգամ 1 գրամի չափով և նա նույնպես իրեն «մարիխուանա» տեսակի թմրամիջոց տվել է մոտ 10 անգամ` յուրաքանչյուր անգամ 1 գրամի չափով: Թե Արթուրի և թե իր «մարիխուանա» տեսակի թմրամիջոց եղել է չորացված և մանրեցված վիճակում: Իրենք միմյանց «մարիխուանա» տեսակի թմրամիջոց փոխանցել են Բաղրամյան փողոցի վրա գտնվող «Պարմա» խանութի մոտ կամ նրա մեքենայի մեջ: 2012 թվականի հունվարի 24-ին` ժամը 15:00-ի սահմաններում, ինքն ու Արթուրը հանդիպել են Կիևյան փողոցում: Այդ ժամանակ իր հետ է եղել իր ընկերուհի Ռուզաննան, որտեղ իրենք նստել են Արթուրի մեքենան` այն պայմանով, որ պետք է Ռուզաննային տանեն տուն, ապա ինքը Արթուրին պետք է հյուրասիրեր իր մոտ եղած «մարիխուանա» տեսակի թմրամիջոցը, որն ինքը նախորդ օրը բերել էր Թալինից: Սակայն, այդ ժամանակ իրենց բռնել են ոստիկանության աշխատակիցները և բերման են ենթարկել ոստիկանություն, որտեղ իր անձնական խուզարկությամբ հայտնաբերվել է նույն «մարիխուանա» տեսակի թմրամիջոցը, որն ինքը պետք է հյուրասիրեր Արթուրին: Մինչև իրենց հանդիպումը, ինքը նախօրոք նրան ասել է, որ «մարիխուանա» տեսակի թմրամիջոց ունի և ցանկանում է հյուրասիրել նրան: 2012 թվականի հունվարի կեսերին, չի հիշում թե որտեղ, Արթուրն իրեն մեկ անգամ 1 գրամ «մարիխուանա» տեսակի թմրամիջոց է տվել: Նա իրեն միայն մեկ անգամ է «մարիխուանա» տեսակի թմրամիջոց տվել, որը եղել է մոտ 1 գրամ: Իսկ Արթուր Ալեքսանյանը հայտնել է, որ ինքը Կարապետին 10 անգամ «մարիխուանա» տեսակի թմրամիջոց չի հյուրասիրել, ոչ էլ նա է իրեն 10 անգամ «մարիխուանա» տեսակի թմրամիջոց հյուրասիրել: Ինքը Կարապետին միայն մեկ անգամ է «մարիխուանա» տեսակի թմրամիջոց հյուրասիրել, որը եղել է 2012 թվականի հունվարի կեսերին: «Մարիխուանա» տեսակի թմրամիջոցը եղել է 1 գրամի չափով, որը եղել է չորացված և մանրեցված վիճակում: 2012 թվականի հունվարի 24-ին` կեսօրին, Արթուրը զանգահարել է իրեն և ասել, որ «մարիխուանա» տեսակի թմրամիջոց ունի, որը ցանկանում է տալ իրեն: Պայմանավորվածության համաձայն իրենք հանդիպել են Կիևյան փողոցում, որտեղ նա եղել է ընկերուհու` Ռուզաննայի հետ: Իրենք որոշել են իր մեքենայով Ռուզաննային տանել տուն, որից հետո միայն նա իրեն տա «մարիխուանա» տեսակի թմրամիջոցը: Սակայն նա չի հասցրել «մարիխուանա» տեսակի թմրամիջոց տալ իրեն, քանի որ ոստիկանները իրենց բռնել են:
Առերես հարցաքննության մասին 2012 թվականի հունվարի 26-ի արձանագրության համաձայն` առերեսում է կատարվել Արթուր Ալեքսանյանի և Թոլիբ Պարտոևի միջև: Արթուր Ալեքսանյանը հայտնել է, որ 2011 թվականի դեկտեմբերի կեսերին Թոլիբն իրեն ասել է, որ նրա մոտ մեծ քանակությամբ «ափիոն» տեսակի թմրամիջոց է առկա, և առաջարկել, որպեսզի այն պահի իր ավտոտնակում: Այնուհետև Թոլիբը գնացել է իրենց բակ և նրա մոտ այդ ժամանակ սպիտակ գույնի, ոչ թափանցիկ մեկ պոլիէթիլենային տոպրակ է եղել: Ինքը բացել է իր ավտոտնակի դուռը, նա մտել է ներս և հարցրել է, թե ուր դնի այն, իսկ ինքն ասել է, որ որտեղ ցանկանա: Թոլիբն այն դրել է իր ավտոտնակի ետևի հատվածում գտնվող բազմոցի ետևը և իրենք հեռացել են: Ինքը Թոլիբին տվել է իր ավտոտնակի բանալու կրկնօրինակը: Այնուհետև ինքը Թոլիբից վերցրել է մոտ 20 գրամ «ափիոն» տեսակի թմրամիջոց, որի մի մասը օգտագործել է թեյի մեջ խառնելով, իսկ մնացած մասը` անձնական խուզարկության ժամանակ, հայտնաբերվել է իր մոտ: Իսկ Թոլիբ Պարտոևը հայտնել է, որ Արթուր Ալեքսանյանը համաձայնել է, որպեսզի ինքը «ափիոն» տեսակի թմրամիջոցը պահի նրա ավտոտնակում: Ինքն այն պահել է Արթուրի ավտոտնակում գտնվող բազմոցի ետևը և նրան տվել է 20 գրամ «ափիոն» տեսակի թմրամիջոց: Ինքն Արթուրին չի ասել, թե որքան է եղել «ափիոն» տեսակի թմրամիջոց քաշը, ցույց չի տվել դրա պարունակությունը և նա չի տեսել, թե որտեղ է այն պահել:
Առերես հարցաքննության մասին 2012 թվականի հունվարի 26-ի արձանագրության համաձայն` առերեսում է կատարվել Թոլիբ Պարտոևի և Վլադիմիր Խաչյանի միջև: Թոլիբ Պարտոևը հայտնել է, որ ինքն ու Վլադիմիր Խաչյանը միասին պատիժ են կրել նույն քրեակատարողական հիմնարկում, իսկ պատժից ազատվելուց հետո իրենք բնակվել են միասին: 2011 թվականի դեկտեմբեր վերջերից մինչև 2012 թվականի հունվարի կեսերն ինքը Վլադիմիրին մի քանի անգամ «ափիոն» տեսակի թմրամիջոց է տվել, որոնց ընդհանուր քաշը եղել է մոտ 200 գրամ: Ինքը «ափիոն» տեսակի թմրամիջոց նրան տվել է 1 գրամը 10.000 ՀՀ դրամով` յուրաքանչյուր անգամ 10-35 գրամ չափաբաժիններով: 2011 թվականի հունվարի 24-ին, Վլադիմիրն իրեն «մարիխուանա» տեսակի թմրամիջոց է տվել: Իսկ Վլադիմիր Խաչյանը հայտնել է, որ Թոլիբի Պարտոևը ասածն ամբողջությամբ համապատասխանում է իրականությանը: Իրենք ծանոթացել են քրեակատարողական հիմնարկում, իսկ հետագայում բնակվել են միասին: Ինքը Թոլիբից տեղեկացել է, որ նա «ափիոն» տեսակի թմրամիջոց ունի: 2011 թվականի դեկտեմբերի վերջերից մինչև 2012 թվականի հունվարի կեսերն ինքը նրանից յուրաքանչյուր անգամ 1 գրամը 10.000 ՀՀ դրամով վերցրել է 10-35 գրամ «ափիոն» տեսակի թմրամիջոց, ընդհանուրը` 200 գրամ, որոնք էլ ամբողջությամբ, նույն գումարով, ինքն Արոյի և Անդոյի միջոցով վաճառել է իր ընկերոջը` Լյովային:
Վկա Սալեհ Վաքիլի Էհսաս Խուջե Բեգլուն նախնական քննության ընթացքում` 2011 թվականի դեկտեմբերի 31-ին, ցուցմունք է տվել այն մասին, որ 2011 թվականի դեկտեմբերի 28-ին տաքսի ավտոմեքենայով գնացել է իրանական մաքսակետ, որպեսզի այդտեղից գա Հայաստան: Ժամը 22:00-ի սահմաններում ինքը հասել է մաքսակետ, որտեղ սպասել է, որպեսզի Հայաստան գնացող ինչ-որ ուղևոր հանդիպի և նրա հետ միասին Մեղրիի մաքսակետից գնա Երևան` ճանապարհածախսը կիսելու նպատակով: Մինչև ժամը 24:00-ն ինքը գտնվել է մաքսակետում: Այդ ընթացքում երկու կամ երեք անձինք եկել են մաքսակետ, և ինքը նրանց հարցրել է, թե կարող է նրանց հետ միասին գնալ Երևան, սակայն նրանք ասել են, որ նրանց ապրանքները շատ են և մեքենայի մեջ չեն կարող տեղավորել: Դրանից հետո ինքը մաքսակետում հանդիպել է Բահման անունով մի վարորդի, ում ինքը խնդրել է նրա հետ գնալ Երևան, սակայն նա պատասխանել է, որ ճանապարհին քնելու է և ուշ կհասնի: Դրանից հետո, ժամը 24:00-ի սահմաններում մաքսակետ է գնացել մի անձ, ում ինքը հարցրել, թե նա Երևան է գնալու, թե ոչ: Նա ասել է, որ Երևան է գնալու: Ինքը նրան առաջարկել է միասին գնալ, որպեսզի կարողանան ծախսը կիսել, իսկ նա համաձայնել է: Այնուհետև նա մոտեցել է բանկ, որտեղ վճարել է ինչ-որ գումար` երկրից դուրս գալու թույլտվություն ստանալու համար, որից հետո մոտեցել է տարադրամի փոխանակման կետին: Այդ ընթացքում ինքն իր պայուսակը թողել է տարադրամի փոխանակման կետում և մոտ 10 րոպեով գնացել զուգարան: Ինքը չի կարող ասել, թե տվյալ անձը զուգարան մտել է, թե ոչ, սակայն ինքը նրանից հարցրել է, թե գնացել է արդյոք զուգարան, իսկ նա պատասխանել է, որ լվացվել է ու պատրաստ է: Երբ ինքը դուրս է եկել զուգարանից, այդ անձը եղել է սրահում և սպասելիս է եղել իրեն: Դրանից հետո իրենք մոտեցել են իրանական մաքսավորներին, իրենց իրերը դրել են մոնիտորի մեջ, որոնց օգնությամբ դրանք զննել են, իսկ այնուհետև շարժվել են դեպի Մեղրիի մաքսակետ: Ինքն ունեցել է մեկ փոքր ձեռքի պայուսակ, իսկ այդ անձը, որի անունն այդպես էլ չի իմացել, ունեցել է երկու մեծ ճամպրուկներ: Ինքը նրանից իմացել է, որ Ուրմիա քաղաքից է և ազգությամբ քուրդ է: Իրանական մաքսակետից դուրս գալուց հետո, ինքը տեսել է, որ այդ անձը դժվարությամբ է քայլում, քանի որ նրա ճամպրուկները ծանր են եղել, իսկ ինքն էլ ցանկացել է շուտ տեղ հասնել, որի պատճառով նրան առաջարկել է օգնել ու նրա ձեռքի պայուսակի մյուս կողմից ինքն է բռնել: Ինքն իր պայուսակը գցել է մեջքին ու մի ձեռքով էլ նրա հետ միասին բռնել է նրա ճամպրուկը, իսկ նա մյուս ձեռքով քաշել է մյուս` ավելի մեծ ճամպրուկը: Իր կարծիքով ժամը 02:00-ի սահմաններում իրենք մոտեցել են Մեղրիի մաքսակետ, որտեղ մոտենալով մաքսավորներին, իրենց ձեռքի ճամպրուկները դրել են սարքի մեջ` զննելու համար: Սկզբից ինքն է անցել մաքսային հսկողությունը, որից հետո նրան ասել է, որ դուրս է գալիս մեքենա փնտրելու, մինչև որ նա դուրս կգա: Դեռևս դուրս չեկած մաքսային աշխատողն իրեն ներս է կանչել ու ցույց տալով այդ տղամարդու մոտ եղած մեծ ճամպրուկը և հարցրել, թե արդյոք այն իրեն է պատկանում, իսկ ինքը պատասխանել է, որ ոչ, այլ դա նրանն է: Այդ ընթացքում այդ անձը, ում անունն ինչպես պարզվել է Սաիդ է եղել, ասել է, որ դա իրենը չէ, այլ Հասանի ճամպրուկն է: Դրանից հետո ինքը դուրս է եկել, և տեսնելով, որ այդ անձը դուրս չի գալիս, մտածել է, որ նա ինչ-որ խնդիրներ ունի ու այդ ընթացքում չկարողանալով այլ ուղևորներ գտնել` որոշել է միայնակ գնալ Երևան: Երևան շարժվելուց մի քանի րոպե անց, տաքսու վարորդին զանգահարել և հայտնել են, որպեսզի իրենք վերադառնան մաքսակետ: Վերադառնալով մաքսակետ իրեն առաջարկել են ներկայացնել իր ճամպրուկը, որպեսզի զննվի: Ինքն անձամբ իր ճամպրուկից հանել ու ներկայացրել է իր իրերը, որից հետո մաքսավորները դրանք զննել են ու իրեն ասել, որ կարող է գնալ: Այդ ժամանակ ինքը տեսել է, որ նրանք սեղանի վրա դրած ստուգել են Սաիդի ճամպրուկները: Ինքը 2011 թվականի դեկտեմբերի 30-ին Մեղրիի մաքսակետում իմացել է, որ իր հետ Հայաստան ժամանած Սաիդի մոտից հայտնաբերվել են առանձնապես խոշոր չափերի թմրամիջոցներ:
Անձնական խուզարկություն կատարելու մասին 2012 թվականի հունվարի 24-ի արձանագրության համաձայն` Վլադիմիր Հայկազի Խաչյանի սև գույնի կիսամուշտակի աջ կողմի դրսի գրպանից հայտնաբերվել է սպիտակ գույնի պոլիէթիլենային տոպրակով փաթեթավորված 2 գրամ քաշով մուգ շագանակագույն ափիոնանման զանգված, իսկ նույն կիսամուշտակի ձախ կողմի գրպանից հայտնաբերվել է «Նոկիա» տեսակի սև գույնի բջջային հեռախոս` 098-94-09-98 հեռախոսահամարով: Վլադիմիր Հայկազի Խաչյանը հայտարարել է, որ հայտնաբերված շագանակագույն զանգվածը հանդիսանում է «ափիոն» տեսակի թմրամիջոց, որն ինքը ձեռք է բերել իր ծանոթ, ազգությամբ տաջիկ Թոլիբից:
Փորձագետի 2012 թվականի հունվարի 25-ի թիվ 28Ք եզրակացության համաձայն` փորձաքննությանը ներկայացված 1,8 գրամ հաստատուն քաշով մուգ շագանակագույն նյութը հանդիսանում է ափիոն տեսակի թմրամիջոց:
Անձնական խուզարկություն կատարելու մասին 2012 թվականի հունվարի 24-ի արձանագրության համաձայն` Արթուր Միհրանի Ալեքսանյանի տաբատի ձախ գրպանից հայտնաբերվել է փայլաթիթեղի փաթեթ, որի մեջ առկա է եղել մուգ շագանակագույն «ափիոն» տեսակի թմրամիջոցի նմանվող մոտ 5,6 գրամ քաշով զանգված: Արթուր Միհրանի Ալեքսանյանը հայտարարել է, որ նշված 5,6 գրամ քաշով զանգվածը հանդիսանում է «ափիոն» տեսակի թմրամիջոց, որն իր օգտագործման համար է և ինքն այն ձեռք է բերել իր վաղեմի ծանոթ, ազգությամբ տաջիկ Թոլիբից: Խուզարկությամբ նրա մոտ հայտնաբերվել է նաև «Նոկիա» տեսակի բջջային հեռախոս, որի մեջ առկա է եղել 093-22-88-40 հեռախոսահամարը, 6.000 ՀՀ դրամ, մեկ հատ կրիչ, երեք հատ բնակարանի բանալիներ, մեկ հատ ավտոմեքենայի բանալի, Արթուր Ալեքսանյանի անվամբ վարորդական իրավունքի վկայական, «Մերսեդես» մակնիշի 22ՍԼ414 պետհամարանիշի ավտոմեքենային տեխնիկական անձնագիր և Արթուր Ալեքսանյանի անվամբ չորս հատ «HSBC» բանկի քարտեր:
Փորձագետի 2012 թվականի հունվարի 25-ի թիվ 27Ք եզրակացության համաձայն` փորձաքննությանը ներկայացված 5,5 գրամ հաստատուն քաշով նյութը հանդիսանում է ափիոն տեսակի թմրամիջոց: Ափիոն տեսակի թմրամիջոցը պատրաստվում է տնայնագործական եղանակով:
Թմրամիջոց հայտնաբերելու մասին 2012 թվականի հունվարի 24-ի արձանագրության համաձայն` ՀՀ ոստիկանության ԿՀԴՊ գլխավոր վարչության աշխատակիցները 2012 թվականի հունվարի 24-ին` ժամը 19:00-ի սահմաններում, թմրամիջոց հայտնաբերելու նպատակով եղել են Երևան քաղաքի Երզնկյան փողոցի 1-ին շենքի 14-րդ բնակարանի բնակիչ Արթուր Միհրանի Ալեքսանյանին պատկանող` Երզնկյան փողոցի 4-րդ շենքին հարակից ավտոտնակում, որտեղ բազմոցի ետևում գտնվող տուփերի միջից հայտնաբերել են պոլիէթիլենային տոպրակի մեջ փաթեթավորված մոտ 910 գրամ ընդհանուր քաշով «ափիոն» տեսակի թմրամիջոցին նմանվող չոր կտորներով մուգ շագանակագույն զանգված: Արթուր Միհրանի Ալեքսանյանը հայտարարել է, որ նշված մոտ 910 գրամ քաշով զանգվածը հանդիսանում է «ափիոն» տեսակի թմրամիջոց, որն իր ավտոտնակ տարել և պահել է իր վաղեմի ծանոթ Թոլիբը, հետագայում վերցնելու նպատակով:
Փորձագետի 2012 թվականի հունվարի 25-ի թիվ 29Ք եզրակացության համաձայն` փորձաքննությանը ներկայացված ընդհանուր` 738,9 գրամ հաստատուն քաշով նյութը հանդիսանում է ափիոն տեսակի թմրամիջոց: Ափիոն տեսակի թմրամիջոցը պատրաստվում է տնայնագործական եղանակով:
Անձնական խուզարկություն կատարելու մասին 2012 թվականի հունվարի 24-ի արձանագրության համաձայն` Կարապետ Լեռնիկի Բաղդասարյանի սև գույնի կաշվե բաճկոնի ձախ գրպանից հայտնաբերվել է «Պառլամենտ» տեսակի ծխախոտի տուփ, որի վրայի պոլիէթիլենի միջից հայտնաբերվել է տետրի թղթի մեջ փաթեթավորված «մարիխուանա» տեսակի թմրամիջոցի նմանվող դեղնականաչավուն զանգված, որը կշռվել է էլեկտրական «MiniScal» տեսակի կշեռքով և կազմել է մոտ 1,4 գրամ: Կարապետ Բաղդասարյանի սև գույնի կաշվե բաճկոնի աջ գրպանից հայտնաբերվել է «Նոկիա» տեսակի սև գույնի բջջային հեռախոս` 357991034581057 IMEI համարով, որի մեջ տեղադրված է եղել 093-07-70-07 հեռախոսահամարը: Կարապետ Լեռնիկի Բաղդասարյանը հայտարարել է, որ իր մոտից հայտնաբերված դեղնականաչավուն զանգվածը հանդիսանում է «մարիխուանա» տեսակի թմրամիջոց, այն 2012 թվականի հունվարի 23-ին ինքն իր հետ բերել է Արագածոտնի մարզի Հացաշեն գյուղից իր օգտագործման համար և այն պատկանում է իրեն:
Փորձագետի 2012 թվականի հունվարի 25-ի թիվ 31Ք եզրակացության համաձայն` Կարապետ Լեռնիկի Բաղդասարյանի մոտից անձնական խուզարկությամբ հայտնաբերված և փորձաքննությանը ներկայացված 1,22 գրամ հաստատուն չոր քաշով նյութը հանդիսանում է չորացված մարիխուանա տեսակի թմրամիջոց:
Անձնական խուզարկություն կատարելու մասին 2012 թվականի հունվարի 24-ի արձանագրության համաձայն` Թոլիբ Սոյիմի Պարտոևի կապույտ գույնի ջինսե տաբատի աջ կողմի գրպանից հայտնաբերվել է 2 թղթե փաթեթ, որի մեջ առկա է եղել 0,5 գրամ քաշով դեղնականաչավուն զանգված, իսկ փաթեթները փաթեթավորված են եղել փայլաթիթեղով: Թոլիբ Պարտոևի կաշվե բաճկոնի աջ կողմի գրպանից հայտնաբերվել է «Նոկիա» տեսակի բջջային հեռախոս 096-27-59-71 հեռախոսահամարով: Թոլիբ Պարտոևը հայտարարել է, որ հայտնաբերված դեղնականաչավուն զանգվածը հանդիսանում է «մարիխուանա» տեսակի թմրամիջոց, որն իրեն հյուրասիրել է Չարբախ թաղամասում բնակվող իր ծանոթ Վովան:
Փորձագետի 2012 թվականի հունվարի 25-ի թիվ 30Ք եզրակացության համաձայն` փորձաքննությանը ներկայացված` ընդհանուր 0,45 (0,19 գրամ և 0,26 գրամ) հաստատուն քաշով նյութը հանդիսանում է չորացված մարիխուանա տեսակի թմրամիջոց:
Մաքսային կանոնների խախտման վերաբերյալ 2011 թվականի դեկտեմբերի 29-ի արձանագրության համաձայն` 2011 թվականի դեկտեմբերի 29-ին` ժամը 02:10-ի սահմաններում, Իրանի Իսլամական Հանրապետությունից ՀՀ ժամանած ԻԻՀ քաղաքացի Սաիդ Ահմադի Դոուդքանլուի Միլանիին պատկանող ճամպրուկների զննության ժամանակ մոխրագույն ճամպրուկում պատրաստված թաքստոցներից հայտնաբերվել է պոլիէթիլենային թաղանթով փաթեթավորված, վերջիններն էլ իրենց հերթին փաթեթավորված արտատպող թղթերով թվով 11 (տասնմեկ) փաթեթ սև գույնի ափիոնանման զանգված, որի ընդհանուր քաշը կազմել է 10,424 գրամ և երկու փաթեթ կանաչ փոշիանման զանգված` 1,066 ընդհանուր քաշով:
Փորձագետի 2011 թվականի դեկտեմբերի 30-ի թիվ 11-3829 եզրակացության համաձայն` փորձաքննությանը փաթեթներ 1-11-ով ներկայացված մուգ գորշականաչավուն, պլաստիկ, յուրահատուկ հոտով 10,178,51 գրամ ընդհանուր քաշով ընդհանուր թվով 40 ուղղանկյունաձև սալիկները, փաթեթներ 12-ով և 13-ով ներկայացված կանաչ գույնի, մանրեցված փոշենման, բուսական ծագում ունեցող, յուրահատուկ հոտով 995 գրամ ընդհանուր քաշով զանգվածը հանդիսանում են հաշիշ տեսակի թմրամիջոցներ, որոնց բաղադրության մեջ առկա է տետրահիդրոկաննաբինոլ թմրակտիվ բաղադրատարրը, իսկ փաթեթ 14-ում առկա գորշ գույնի, յուրահատուկ հոտով, 18,4 գրամ քաշով կոշտ զանգվածը հանդիսանում է ափիոն տեսակի թմրամիջոց, որի բաղադրության մեջ առկա են կոդեին և մորֆին թմրալկալոիդները:
Անձի քննման վերաբերյալ 2011 թվականի դեկտեմբերի 29-ի արձանագրության համաձայն` 2011 թվականի դեկտեմբերի 29-ին` ժամը 02:10-ի սահմաններում, Մեղրիի մաքսակետում ԻԻՀ-ից ՀՀ ժամանած ԻԻՀ քաղաքացի Սաիդ Ահմադի Դոուդքանլուի Միլանիի անձնական զննման ժամանակ վերջինի ճամպրուկի միջից հայտնաբերվել է պոլիէթիլենային թաղանթով փաթեթավորված ընդհանուր` 11,490 կգ քաշով թմրամիջոց հիշեցնող զանգված: Վերոհիշյալը հայտնաբերելուց հետո անհրաժեշտություն է առաջացել քննման ենթարկել նաև Սաիդ Ահմադի Դոուդքանլուի Միլանիին և նրա հագին եղած հագուստները: Քննման ժամանակ Սաիդ Ահմադի Դոուդքանլուի Միլանիի մոտից` նրա հագուստների գրպանից հայտնաբերվել է մեկ հատ «Նոկիա» տեսակի սև ու կարմիր գույնի բջջային հեռախոս, 200 ԱՄՆ դոլար, 17.000 ՀՀ դրամ, 17.000 ԻԻՀ թուման, մեկ հատ` 098-32-67-20 հեռախոսաքարտ, ինչպես նաև թղթի կտորներ, որոնց վրա առկա են եղել տարբեր գրառումներ` հիմնականում պարսկերեն և հայերեն լեզուներով: Դրանք հիմնականում եղել են հեռախոսահամարներ, հասցեներ, ինչպես նաև առկա է եղել գրիչով գծված մեկ հատ գծագիր քարտեզ: Վերոհիշյալ թղթի կտորներից դեղնավուն թղթի վրա, որի ծալքերի մասերում առկա են եղել մաշվածության հետքեր, առկա է եղել «Թումանյան 24, 4 հարկ, 50 և 091-35-45-66 ու 091-40-78-32» գրառումները: Առկա է եղել նաև «Էրեբունի հյուրանոցի բակ» գրառումը, ինչպես նաև լատիներեն ու պարսկերեն տառերով գրառումներ: Սպիտակ մեծ թղթի կտորի վրա առկա է եղել «093-54-52-22» հեռախոսահամարը և ռուսերեն տառերով «Էլմիրա» գրառումը, ինչպես նաև նույն թղթի վրա առկա են եղել պարսկերեն տառերով գրառումներ: Նույն թղթի հակառակ կողմում առկա է եղել գրիչով գծագրված քարտեզ: Մեկ այլ թղթի կտորի վրա առկա է եղել «փեթակ բազա» գրառումը և պարսկերեն տառերով այլ գրառումներ: Թղթերից մյուսի վրա գրված են եղել «6037691134005677» թվերը և ռուսերեն լեզվով «Բուռխոն Դուդկոնլի Միլոն» բառերը, իսկ հակառակ կողմում` պարսկերեն տառերով գրառումներ: Մյուս երկու թղթի կտորների վրա առկա են եղել պարսկերեն տառերով գրառումներ: Հաջորդ երկու թղթերից մեկը եղել է վճարման անդորրագիր, իսկ մյուսը` տաքսի ծառայության այցեքարտ:
Զննություն կատարելու մասին 2012 թվականի ապրիլի 18-ի արձանագրության համաձայն` զննության են ենթարկվել Սաիդ Ահմադի Դոուդքանլուի Միլանիի անձնական խուզարկությամբ հայտնաբերված, պարսկերեն լեզվով ձեռագիր գրառումներով փաստաթղթերը: Զննությամբ պարզվել է, որ Սաիդ Ահմադի Դոուդքանլուի Միլանիի անձնական խուզարկությամբ` նրա մոտից հայտնաբերվել են թվով 12 թղթեր, որոնք պայմանականորեն, հերթական հաջորդականությամբ համարակալվել են 1-ից 12 թվերով: Պայմանականորեն համարակալված 1-ին թղթի 1-ին էջի վրա առկա է եղել գծագիր` Երևան քաղաքի փողոցների վերաբերյալ, որտեղ ձեռագիր անգլերեն տառերով գրված են եղել` «200m, KOCHR, KUIR, BARTZ, BAZAR, BAGLADSH, mlaty, PARK, ARARAT» գրառումները: Նույն թղթի 2-րդ էջի վրա առկա են եղել ռուսերեն լեզվով ձեռագիր գրառում` «Элмира 093-54-52-22» և ձեռագիր գրառումներ պարսկերեն լեզվով, որոնց վրա, ըստ թարգմանիչ Ռոբերտ Թահմասյանի, առկա են եղել հատևյալ գրառումները` «091-35-45-66, 091-40-78-32, Ֆահրանգյան Ավանի մասնաճյուղ 4076, 0304863818004, Գոլի Նամանի, Ուրմիա քաղաք, Սաղերաթ բանկ»: Պայմանականորեն համարակալված 2-րդ թղթի վրա առկա է եղել հայերեն լեզվով հետևյալ ձեռագիր գրառումը` «փեթակ բազար» և պարսկերեն լեզվով ձեռագիր գրառում` «Աճբար բազար»: Պայմանականորեն համարակալված 3-րդ թղթի վրա առկա են եղել պարսկերեն լեզվով ձեռագիր գրառումներ, որտեղ, ըստ թարգմանիչ Ռոբերտ Թահմասյանի, գրառված են եղել` «Ահադ, 098-58-25-65, 41695000, 09167035193» գրառումները և ռուսերեն լեզվով ձեռագիր գրառված` «Бурхон Дудконли милон» գրառումը: Պայմանականորեն համարակալված 4-րդ թուղթը, ըստ թարգմանիչ Ռոբերտ Թահմասյանի, 25.05.2007թ. ուղևորատոմս է Թավրիզ ժամանելու վերաբերյալ, որի վրա առկա են եղել պարսկերեն լեզվով ձեռագիր գրառված հետևյալ գրառումները` «Բենիկ 093-61-64-89, Էրեբունի հյուրանոցի բակ»: Պայմանականորեն համարակալված 5-րդ թղթի վրա առկա է եղել պարսկերեն լեզվով ձեռագիր գրառում, որտեղ, ըստ թարգմանիչ Ռոբերտ Թահմասյանի, գրառված են եղել հետևյալ գրառումները` «09393905180, Լյովա 0037493823545, 0037498867515, Մոհամադ Ռեզա Ռահիմի Նորեդուզ 09149918021, Գուգո 077-33-50-77, 95, 60346911340056»: Պայմանականորեն համարակալված 6-րդ թղթի վրա առկա է եղել պարսկերեն լեզվով ձեռագիր գրառում, որտեղ, ըստ թարգմանիչ Ռոբերտ Թահմասյանի, գրառված են եղել «09143897261, 037496275971» գրառումները: Պայմանականորեն համարակալված 7-րդ թղթի վրա առկա է եղել պարսկերեն լեզվով ձեռագիր գրառում, որտեղ, ըստ թարգմանիչ Ռոբերտ Թահմասյանի, գրառված են եղել «091-40-78-32, Գոհար 091-58-05-95, բնակարան 36-93-18, Էրեբունի հյուրանոց» գրառումները: Պայմանականորեն համարակալված 8-րդ թղթի վրա առկա է եղել պարսկերեն լեզվով ձեռագիր գրառում, որտեղ, ըստ թարգմանիչ Ռոբերտ Թահմասյանի, գրառված են եղել «Թեհրան 02144659543, 02144663893, 0037495765672, 095-76-56-72, 077-34-42-50, Հովյան 091-59-44-24, 00964750, 7265700, Գոլի Նամանի 0304863818004, 09144451434» գրառումները: Պայմանականորեն համարակալված 9-րդ թղթի վրա առկա է եղել պարսկերեն լեզվով ձեռագիր գրառում, որտեղ, ըստ թարգմանիչ Ռոբերտ Թահմասյանի, գրառված են եղել «Գուգո 077-33-50-77, Մոհամմադ Ռեզա Ռահիմի Նորեդուզ, 098-86-75-15, 09149918021» գրառումները: Պայմանականորեն համարակալված 10-րդ թուղթն իրենից ներկայացրել է «Մալաթիա ՈւՎԿ» ՍՊ ընկերության «Արազ» մասնաճյուղում 2011 թվականի դեկտեմբերի 6-ին 50 ԱՄՆ դոլարը ՀՀ դրամով փոխանակելու մասին անդորրագիր: Պայմանականորեն համարակալված 11-րդ թուղթն իրենից ներկայացրել է Իրանի Իսլամական Հանրապետությունում գործող տաքսի ծառայության այցեքարտ: Պայմանականորեն համարակալված 12-րդ թուղթն իրենից ներկայացրել է «Ղ-Տելեկոմ» ՓԲ ընկերության նոր, չօգտագործված հեռախոսաքարտ` իրանով, որի վրա առկա է եղել 98326720 գրառումը:
Զննություն կատարելու մասին 2012 թվականի ապրիլի 25-ի արձանագրության համաձայն` կատարվել է «ԱրմենՏել», «Ղ-Տելեկոմ» և «Օրանժ Արմենիա» ՓԲ ընկերություններից ստացված 096-27-59-71, 091-22-88-40, 098-94-09-98, 093-07-70-07, 093-22-88-40, 095-76-56-72 հեռախոսահամարների մուտքային և ելքային հեռախոսազանգերի վերծանումների զննություն: Զննության ընթացքում պարզվել է, որ 096-27-59-71 հեռախոսահամարը հաշվառված է Արման Միրզոյանի անվամբ, 091-22-88-40 հեռախոսահամարը` «Ձիլլի» ՍՊ ընկերության անվամբ, 098-94-09-98 հեռախոսահամարը` Նելլի Քոչարյանի անվամբ, 093-07-70-07 հեռախոսահամարը` Դավիթ Դանիելյանի անվամբ, 093-22-88-40 հեռախոսահամարը` Արթուր Ալեքսանյանի անվամբ, իսկ 095-76-56-72 հեռախոսահամարը` Ստեփան Գրիգորյանի անվամբ: Նախաքննության ընթացքում ձեռք բերված տվյալներով պարզվել է, որ 096-27-59-71 և 095-76-56-72 հեռախոսահամարները փաստացի գործածել է Թոլիբ Սոյիմի Պարտոևը, 091-22-88-40 և 093-22-88-40 հեռախոսահամարները` Արթուր Միհրանի Ալեքսանյանը, 093-07-70-07 հեռախոսահամարը` Կարապետ Լեռնիկի Բաղդասարյանը, իսկ 098-94-09-98 հեռախոսահամարը` Վլադիմիր Հայկազի Խաչյանը: Նշված հեռախոսահամարների մուտքային և ելքային հեռախոսազանգերի վերծանումների զննությամբ պարզվել է, որ Թոլիբ Սոյիմի Պարտոևն իր կողմից գործածած 095-76-56-72 հեռախոսահամարով 2011 թվականի հուլիսի 1-ից մինչև 2011 թվականի դեկտեմբերի 26-ն ընկած ժամանակահատվածում, գրեթե ամեն օր, նույնիսկ օրը մի քանի անգամ զանգահարել և հեռախոսազրույցներ է ունեցել Վլադիմիր Հայկազի Խաչյանի հետ` նրա կողմից գործածված 098-94-09-98 հեռախոսահամարով: Նույն ժամանակահատվածում Վլադիմիր Հայկազի Խաչյանն իր կողմից գործածված 098-94-09-98 հեռախոսահամարով զանգահարել և հեռախոսազրույցներ է ունեցել Թոլիբ Սոյիմի Պարտոևի հետ` նրա կողմից գործածված 095-76-56-72 հեռախոսահամարով: Թոլիբ Սոյիմի Պարտոևն իր կողմից գործածված մեկ այլ` 096-27-59-71 հեռախոսահամարով 2011 թվականի դեկտեմբերի 29-ից մինչև 2012 թվականի հունվարի 24-ն ընկած ժամանակահատվածում, գրեթե ամեն օր, նույնիսկ օրը մի քանի անգամ զանգահարել և հեռախոսազրույցներ է ունեցել Վլադիմիր Հայկազի Խաչյանի հետ` նրա կողմից գործածված 098-94-09-98 հեռախոսահամարով: Նույն ժամանակահատվածում Վլադիմիր Հայկազի Խաչյանն իր կողմից գործածված 098-94-09-98 հեռախոսահամարով զանգահարել և հեռախոսազրույցներ է ունեցել Թոլիբ Սոյիմի Պարտոևի հետ` նրա կողմից գործածված 096-27-59-71 հեռախոսահամարով: Թոլիբ Սոյիմի Պարտոևն իր կողմից գործածված 095-76-56-72 հեռախոսահամարով 2011 թվականի հուլիսի 10-ից մինչև 2011 թվականի դեկտեմբերի 12-ն ընկած ժամանակահատվածում թվով 13 անգամ զանգահարել և հեռախոսազրույցներ է ունեցել Արթուր Միհրանի Ալեքսանյանի հետ` նրա կողմից գործածված 093-22-88-40 հեռախոսահամարով: Նույն ժամանակահատվածում Արթուր Միհրանի Ալեքսանյանն իր կողմից գործածված 093-22-88-40 հեռախոսահամարով զանգահարել և հեռախոսազրույցներ է ունեցել Թոլիբ Սոյիմի Պարտոևի հետ` նրա կողմից գործածված 095-76-56-72 հեռախոսահամարով: Թոլիբ Սոյիմի Պարտոևն իր կողմից գործածված մեկ այլ` 096-27-59-71 հեռախոսահամարով 2012 թվականի հունվարի 5-ին` ժամը 16:50-ին, զանգահարել և հեռախոսազրույց է ունեցել Արթուր Միհրանի Ալեքսանյանի հետ` նրա կողմից գործածված 093-22-88-40 հեռախոսահամարով: Թոլիբ Սոյիմի Պարտոևն իր կողմից գործածված 096-27-59-71 հեռախոսահամարով 2011 թվականի դեկտեմբերի 27-ից մինչև 2012 թվականի հունվարի 24-ն ընկած ժամանակահատվածում, գրեթե ամեն օր, նույնիսկ օրը մի քանի անգամ զանգահարել և հեռախոսազրույցներ է ունեցել Արթուր Միհրանի Ալեքսանյանի հետ` նրա կողմից գործածված 091-22-88-40 հեռախոսահամարով: Արթուր Միհրանի Ալեքսանյանն իր հերթին, իր կողմից գործածված 091-22-88-40 հեռախոսահամարով, նույն ժամանակահատվածում զանգահարել և հեռախոսազրույցներ է ունեցել Թոլիբ Սոյիմի Պարտոևի հետ` նրա կողմից գործածված 096-27-59-71 հեռախոսահամարով: Արթուր Միհրանի Ալեքսանյանն իր կողմից գործածված թվով երկու` 091-22-88-40 և 093-22-88-40 հեռախոսահամարներով, 2011 թվականի օգոստոսի 16-ից մինչև 2012 թվականի հունվարի 24-ն ընկած ժամանակահատվածում, գրեթե ամեն օր, նույնիսկ օրը մի քանի անգամ զանգահարել և հեռախոսազրույցներ է ունեցել Կարապետ Լեռնիկի Բաղդասարյանի հետ` նրա կողմից գործածված 093-07-70-07 հեռախոսահամարով: Կարապետ Լեռնիկի Բաղդասարյանն իր հերթին, նույն ժամանակահատվածում իր` 093-07-70-07 հեռախոսահամարով պարբերաբար զանգահարել և հեռախոսազրույցներ է ունեցել Արթուր Միհրանի Ալեքսանյանի հետ` նրա կողմից գործածված 091-22-88-40 և 093-22-88-40 հեռախոսահամարներով: Թոլիբ Սոյիմի Պարտոևն իր կողմից գործածված 095-76-56-72 հեռախոսահամարով 2011 թվականի նոյեմբերի 10-ից մինչև 2011 թվականի դեկտեմբերի 26-ն ընկած ժամանակահատվածում, պարբերաբար, զանգահարել և հեռախոսազրույցներ է ունեցել ԻԻՀ-ում բնակվող ոմն Ալի Ռեզայի հետ` նրա ԻԻՀ-ի 989167035193 հեռախոսահամարով: Ոմն Ալի Ռեզան իր կողմից գործածված ԻԻՀ-ի 989167035193 հեռախոսահամարով նույն ժամանակահատվածում զանգահարել և հեռախոսազրույցներ է ունեցել Թոլիբ Սոյիմի Պարտոևի հետ` նրա կողմից գործածված 095-76-56-72 հեռախոսահամարով: Թոլիբ Սոյիմի Պարտոևն իր կողմից գործածված 095-76-56-72 հեռախոսահամարով 2011 թվականի հուլիսի 3-ից մինչև 2011 թվականի օգոստոսի 29-ն ընկած ժամանակահատվածում զանգահարել և հեռախոսազրույցներ է ունեցել ԻԻՀ-ում բնակվող ոմն Մոհամադի հետ` նրա ԻԻՀ-ի 989141417818 հեռախոսահամարով: Ոմն Մոհամադն իր կողմից գործածված 989141417818 հեռախոսահամարով նույն ժամանակահատվածում զանգահարել և հեռախոսազրույցներ է ունեցել Թոլիբ Սոյիմի Պարտոևի հետ` նրա կողմից գործածված 095-76-56-72 հեռախոսահամարով: Թոլիբ Սոյիմի Պարտոևն իր կողմից գործածված 096-27-59-71 հեռախոսահամարով 2011 թվականի դեկտեմբերի 31-ից մինչև 2012 թվականի հունվարի 24-ն ընկած ժամանակահատվածում, պարբերաբար, զանգահարել և հեռախոսազրույցներ է ունեցել ԻԻՀ-ում բնակվող ոմն Ալի Ռեզայի հետ` նրա ԻԻՀ-ի 989167035193 հեռախոսահամարով: Ոմն Ալի Ռեզան իր կողմից գործածված ԻԻՀ-ի 989167035193 հեռախոսահամարով նույն ժամանակահատվածում զանգահարել և հեռախոսազրույցներ է ունեցել Թոլիբ Սոյիմի Պարտոևի հետ` նրա կողմից գործածված 096-27-59-71 հեռախոսահամարով:
Այլ փաստաթղթերն ապացույց ճանաչելու և քրեական գործի կցելու մասին 2012 թվականի մայիսի 2-ի որոշման համաձայն` թիվ 69100212 քրեական գործով 2011 թվականի դեկտեմբերի 29-ի Սաիդ Ահմադի Դոուդքանլուի Միլանիի վերաբերյալ կազմված մաքսային կանոնների խախտման վերաբերյալ արձանագրությունը, նույն օրը վերջինի քննման ենթարկելու մասին արձանագրությունը, 2012 թվականի հունվարի 24-ին Վլադիմիր Հայկազի Խաչյանին, Արթուր Միհրանի Ալեքսանյանին, Կարապետ Լեռնիկի Բաղդասարյանին, Թոլիբ Սոյիմի Պարտոևին բերման ենթարկելու, նրանց անձնական խուզարկության ենթարկելու մասին արձանագրությունները, 2012 թվականի հունվարի 24-ին Վլադիմիր Հայկազի Խաչյանի, Արթուր Միհրանի Ալեքսանյանի, Կարապետ Լեռնիկի Բաղդասարյանի, Թոլիբ Սոյիմի Պարտոևի բացատրությունները, Թոլիբ Սոյիմի Պարտոևի կողմից գործածված 096-27-59-71 և 095-76-56-72, Արթուր Միհրանի Ալեքսանյանի կողմից գործածված 091-22-88-40 և 093-22-88-40, Կարապետ Լեռնիկի Բաղդասարյանի կողմից գործածված 093-07-70-07, Վլադիմիր Հայկազի Խաչյանի կողմից գործածված 098-94-09-98 հեռախոսահամարների մուտքային և ելքային հեռախոսազանգերի վերծանումներից արտատպված նյութերը ճանաչվել են ապացույց և կցվել են քրեական գործին:
Խուզարկություն (առգրավում) կատարելու մասին 2012 թվականի հունվարի 27-ի արձանագրության համաձայն` Երևան քաղաքի Հ.Հակոբյան փողոցի 1-ին շենքի դիմաց կայանված «Մերսեդես-Բենց» մակնիշի 22ՍԼ414 պետհամարանիշի ավտոմեքենայի բեռնախցիկից խուզարկության ժամանակ հայտնաբերվել են 822ՕԼ64 պետհամարանիշներ, իսկ ավտոմեքենայի սրահի ետնամասի հարթակի վրայից հայտնաբերվել է կարմիր գույնի տուփ, որի վրա առկա է եղել «ELECTRONIC POCKET SCALE» գրառումը: Նշված տուփի մեջ առկա է եղել «DIAMOND 500 MODEL» թանկարժեք զարդերի էլեկտրոնային կշեռք:
Փորձագետի 2012 թվականի փետրվարի 16-ի թիվ 58Ք եզրակացության համաձայն` փորձաքննությանը ներկայացված կշեռքի նժարի վրա և տուփի մեջ հայտնաբերվեցին` ափիոնի շարքի ալկալոիդների և թմրալկալոիդների հետքեր:
Փորձագետի 2012 թվականի հունվարի 11-ի թիվ 11-3849 եզրակացության համաձայն` Սաիդ Ահմադի Դոուդքանլուի Միլանիից վերցված մեզի և մազի փորձանմուշի մեջ հայտնաբերվել են ափիոնի խմբի թմրամիջոցի թմրալկալոիդներ, որոնց օգտագործման ժամանակահատվածը համապատասխանում է մոտ երեք ամսվա վաղեմության:
Փորձագետի 2012 թվականի փետրվարի 3-ի թիվ 0065 եզրակացության համաձայն` 2012 թվականի հունվարի 25-ին Արթուր Միհրանի Ալեքսանյանի մեզի փորձանմուշում հայտնաբերվեցին ափիոնի և կանաբիսի խմբերի թմրամիջոցների թմրալկալոիդներ:
Փորձագետի 2012 թվականի փետրվարի 3-ի թիվ 0066 եզրակացության համաձայն` 2012 թվականի հունվարի 25-ին Կարապետ Լեռնիկի Բաղդասարյանի մեզի փորձանմուշում հայտնաբերվեցին ափիոնի և կանաբիսի խմբերի թմրամիջոցների թմրալկալոիդներ:
Փորձագետի 2012 թվականի փետրվարի 3-ի թիվ 0067 եզրակացության համաձայն` 2012 թվականի հունվարի 25-ին Վլադիմիր Հայկազի Խաչյանի մեզի փորձանմուշում հայտնաբերվեցին ափիոնի և կանաբիսի խմբերի թմրամիջոցների թմրալկալոիդներ:
Փորձագետի 2012 թվականի մարտի 6-ի թիվ 52-12 եզրակացության համաձայն` Սաիդ Ահմադի Դոուդքանլուի Միլանին տառապում է «Ափիոնային թմրամոլություն» ախտորոշմամբ, ուստի հարկադիր բուժման կարիք ունի, որի համար հակացուցումներ չկան:
Փորձագետի 2012 թվականի մարտի 6-ի թիվ 53-12 եզրակացության համաձայն` Կարապետ Լեռնիկի Բաղդասարյանի մոտ թմրամիջոցների գործածումը կրում է էպիզոդիկ բնույթ, ուստի հարկադիր բուժման կարիք չունի:
Փորձագետի 2012 թվականի մարտի 7-ի թիվ 55-12 եզրակացության համաձայն` Արթուր Միհրանի Ալեքսանյանի մոտ թմրամիջոցների գործածումը կրում է էպիզոդիկ բնույթ, ուստի հարկադիր բուժման կարիք չունի:
Փորձագետի 2012 թվականի մարտի 7-ի թիվ 56-12 եզրակացության համաձայն` Վլադիմիր Հայկազի Խաչյանը տառապում է «Ափիոնային թմրամոլություն» ախտորոշմամբ, ուստի հարկադիր բուժման կարիք ունի, որի համար հակացուցումներ չկան:
Իրեղեն ապացույց ճանաչելու և քրեական գործին կցելու մասին 2012 թվականի մայիսի 2-ի որոշման համաձայն` թիվ 69100212 քրեական գործով Սաիդ Ահմադի Դոուդքանլուի Միլանիի մոխրագույն ճամպրուկի մեջ պատրաստված թաքստոցից հայտնաբերված առանձնապես խոշոր չափերի` 11.173,5 գրամ «հաշիշ» և 18,8 գրամ «ափիոն» տեսակների թմրամիջոցները, Արթուր Միհրանի Ալեքսանյանի անձնական խուզարկությամբ հայտնաբերված 5,5 գրամ «ափիոն» տեսակի թմրամիջոցը, Վլադիմիր Հայկազի Խաչյանի անձնական խուզարկությամբ հայտնաբերված 1,8 գրամ (փաստացի առկա 1,75 գրամ) ափիոն տեսակի թմրամիջոցը, Արթուր Միհրանի Ալեքսանյանի ավտոտնակից հայտնաբերված ընդհանուր` 738,8 գրամ «ափիոն» տեսակի թմրամիջոցը, Թոլիբ Սոյիմի Պարտոևի անձնական խուզարկությամբ հայտնաբերված ընդհանուր` 0,45 գրամ (փաստացի առկա 0,25 գրամ) «չորացված մարիխուանա» տեսակի թմրամիջոցը, Կարապետ Լեռնիկի Բաղդասարյանի անձնական խուզարկությամբ հայտնաբերված 1,22 գրամ (փաստացի առկա 1,12 գրամ) «չորացված մարիխուանա» տեսակի թմրամիջոցը, Թոլիբ Սոյիմի Պարտոևին պատկանող էլեկտրական կշեռքը և Սաիդ Ահմադի Դոուդքանլուի Միլանիի ճամպրուկը ճանաչվել են իրեղեն ապացույց և կցվել են քրեական գործին, որոնք հետազոտվեցին դատական քննության ընթացքում:
Անձին բերման ենթարկելու մասին 2011 թվականի դեկտեմբերի 29-ի արձանագրության համաձայն` 2011 թվականի դեկտեմբերի 29-ին` ժամը 13:00-ից ԻԻՀ քաղաքացի Սաիդ Ահմադի Դոուդքանլուի Միլանին Մեղրիի մաքսակետից տեղափոխվել է ՀՀ ԿԱ ՊԵԿ քննչական վարչություն, սակայն եղանակի անբարենպաստ պայմաններից ելնելով տեղ են հասել 2011 թվականի դեկտեմբերի 30-ին` ժամը 09:00-ին:
Ձերբակալման մասին 2011 թվականի դեկտեմբերի 30-ի արձանագրության համաձայն` 2011 թվականի դեկտեմբերի 30-ին` ժամը 12:10-ին, Սաիդ Ահմադի Դոուդքանլուի Միլանին ձերբակալվել է:
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի դեկտեմբերի 30-ի որոշման համաձայն` Սաիդ Ահմադի Դոուդքանլուի Միլանիի նկատմամբ որպես խափանման միջոց ընտրվել է կալանավորումը` երկու ամիս ժամկետով, կալանավորման սկիզբը հաշվվել է 2011 թվականի դեկտեմբերի 30-ից:
Ձերբակալման մասին 2012 թվականի հունվարի 25-ի արձանագրության համաձայն` 2012 թվականի հունվարի 25-ին` ժամը 12:00-ին, Արթուր Միհրանի Ալեքսանյանը ձերբակալվել է:
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի հունվարի 27-ի որոշման համաձայն` Արթուր Միհրանի Ալեքսանյանի նկատմամբ որպես խափանման միջոց ընտրվել է կալանավորումը` երկու ամիս ժամկետով, կալանավորման սկիզբը հաշվվել է 2012 թվականի հունվարի 25-ից:
Ձերբակալման մասին 2012 թվականի հունվարի 25-ի արձանագրության համաձայն` 2012 թվականի հունվարի 25-ին` ժամը 14:30-ին, Կարապետ Լեռնիկի Բաղդասարյանը ձերբակալվել է:
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի հունվարի 27-ի որոշման համաձայն` Կարապետ Լեռնիկի Բաղդասարյանի նկատմամբ որպես խափանման միջոց ընտրվել է կալանավորումը` երկու ամիս ժամկետով, կալանավորման սկիզբը հաշվվել է 2012 թվականի հունվարի 25-ից:
Ձերբակալման մասին 2012 թվականի հունվարի 25-ի արձանագրության համաձայն` 2012 թվականի հունվարի 25-ին` ժամը 16:30-ին, Վլադիմիր Հայկազի Խաչյանը ձերբակալվել է:
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի հունվարի 28-ի որոշման համաձայն` Վլադիմիր Հայկազի Խաչյանի նկատմամբ որպես խափանման միջոց ընտրվել է կալանավորումը` երկու ամիս ժամկետով, կալանավորման սկիզբը հաշվվել է 2012 թվականի հունվարի 25-ից:
Ձերբակալման մասին 2012 թվականի հունվարի 25-ի արձանագրության համաձայն` 2012 թվականի հունվարի 25-ին` ժամը 22:30-ին, Թոլիբ Սոյիմի Պարտոևը ձերբակալվել է:
Թիվ 69100212 քրեական գործով մեղադրյալ Թոլիբ Սոյիմի Պարտոևին արգելանքից ազատելու մասին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի 2012 թվականի հունվարի 28-ի որոշման համաձայն` 2012 թվականի հունվարի 28-ին Թոլիբ Սոյիմի Պարտոևն ազատվել է արգելանքից:
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2012 թվականի փետրվարի 16-ի որոշման համաձայն` Թոլիբ Սոյիմի Պարտոևի նկատմամբ որպես խափանման միջոց ընտրվել է կալանավորումը` երկու ամիս ժամկետով, կալանավորման սկիզբը հաշվվել է 2012 թվականի փետրվարի 16-ից:
ՀՀ ոստիկանության ինֆորմացիոն կենտրոնի պահանջագրի համաձայն` Երևան քաղաքի Արաբկիր և Քանաքեռ-Զեյթուն համայնքների առաջին ատյանի դատարանի 2006 թվականի նոյեմբերի 6-ի դատավճռով Թոլիբ Սոյիմի Պարտոևը մեղավոր է ճանաչվել ՀՀ քրեական օրենսգրքի 268-րդ հոդվածի 1-ին մասով, 266-րդ հոդվածի 2-րդ մասի 2-րդ կետով և նրա նկատմամբ պատիժ է նշանակվել ազատազրկում` 5 (հինգ) տարի 3 (երեք) ամիս ժամկետով:
Երևան քաղաքի Արաբկիր և Քանաքեռ-Զեյթուն համայնքների առաջին ատյանի դատարանի 2006 թվականի օգոստոսի 31-ի դատավճռի պատճենի համաձայն` Թոլիբ Սոյիմի Պարտոևը մեղավոր է ճանաչվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 268-րդ հոդվածի 1-ին մասով: ՀՀ քրեական օրենսգրքի 266-րդ հոդվածի 2-րդ մասի 2-րդ կետով նա դատապարտվել է ազատազրկման` 6 (վեց) տարի 6 (վեց) ամիս ժամկետով` առանց գույքի բռնագրավման: ՀՀ քրեական օրենսգրքի 268-րդ հոդվածի 1-ին մասով նա դատապարտվել է ազատազրկման` 1 (մեկ) տարի ժամկետով: ՀՀ քրեական օրենսգրքի 66-րդ հոդվածի համակցությամբ պատիժները մասնակի գումարելու սկզբունքով վերջնական պատիժ է նշանակվել ազատազրկում` 7 (յոթ) տարի ժամկետով` առանց գույքի բռնագրավման:
ՀՀ քրեական և զինվորական գործերով վերաքննիչ դատարանի 2006 թվականի նոյեմբերի 6-ի դատավճռի պատճենի համաձայն` Թոլիբ Սոյիմի Պարտոևը մեղավոր է ճանաչվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 268-րդ հոդվածի 1-ին մասով: ՀՀ քրեական օրենսգրքի 266-րդ հոդվածի 2-րդ մասի 2-րդ կետով նա դատապարտվել է ազատազրկման` 5 (հինգ) տարի ժամկետով` առանց գույքի բռնագրավման: ՀՀ քրեական օրենսգրքի 268-րդ հոդվածի 1-ին մասով նա դատապարտվել է ազատազրկման` 3 (երեք) ամիս ժամկետով: ՀՀ քրեական օրենսգրքի 66-րդ հոդվածի կանոններով, նշանակված պատիժները լրիվ գումարման միջոցով, վերջնական պատիժ է նշանակվել ազատազրկում` 5 (հինգ) տարի 3 (երեք) ամիս ժամկետով` առանց գույքի բռնագրավման:
ՀՀ ոստիկանության ինֆորմացիոն կենտրոնի պահանջագրի համաձայն` Երևան քաղաքի Ավան և Նոր Նորք համայնքների ընդհանուր իրավասության դատարանի 2008 թվականի փետրվարի 14-ի դատավճռով Արթուր Միհրանի Ալեքսանյանը մեղավոր է ճանաչվել ՀՀ քրեական օրենսգրքի 242-րդ հոդվածի 2-րդ մասով և նրա նկատմամբ պատիժ է նշանակվել ազատազրկում` 2 (երկու) տարի ժամկետով: ՀՀ քրեական օրենսգրքի 70-րդ հոդվածի կիրառմամբ Արթուր Միհրանի Ալեքսանյանի նկատմամբ պատիժը պայմանականորեն չի կիրառվել` սահմանելով փորձաշրջան 1 (մեկ) տարի ժամկետով:
Երևան քաղաքի Ավան և Նոր Նորք համայնքների ընդհանուր իրավասության դատարանի 2008 թվականի փետրվարի 14-ի դատավճռի պատճենի համաձայն` Արթուր Միհրանի Ալեքսանյանը մեղավոր է ճանաչվել ՀՀ քրեական օրենսգրքի 242-րդ հոդվածի 2-րդ մասով և նրա նկատմամբ պատիժ է նշանակվել ազատազրկում` 2 (երկու) տարի ժամկետով, զրկելով տրանսպորտային միջոցներ վարելու իրավունքից 1 (մեկ) տարի 6 (վեց) ամիս ժամկետով: ՀՀ քրեական օրենսգրքի 70-րդ հոդվածի կիրառմամբ Արթուր Ալեքսանյանի նկատմամբ նշանակված պատիժը` 2 (երկու) տարի ժամկետով ազատազրկումը, պայմանականորեն չի կիրառվել` սահմանելով փորձաշրջան 1 (մեկ) տարի ժամկետով:
ՀՀ ոստիկանության ինֆորմացիոն կենտրոնի պահանջագրի համաձայն` Սյունիքի մարզի ընդհանուր իրավասության դատարանի 2009 թվականի նոյեմբերի 24-ի դատավճռով Կարապետ Լեռնիկի Բաղդասարյանը մեղավոր է ճանաչվել ՀՀ քրեական օրենսգրքի 359-րդ հոդվածի 1-ին մասով և նրա նկատմամբ պատիժ է նշանակվել կարգապահական գումարտակում պահել` 3 (երեք) ամիս ժամկետով: ՀՀ քրեական օրենսգրքի 70-րդ հոդվածի կիրառմամբ Կարապետ Լեռնիկի Բաղդասարյանի նկատմամբ պատիժը պայմանականորեն չի կիրառվել` սահմանելով փորձաշրջան 1 (մեկ) տարի ժամկետով:
Սյունիքի մարզի ընդհանուր իրավասության դատարանի 2009 թվականի նոյեմբերի 24-ի դատավճռի պատճենի համաձայն` Կարապետ Լեռնիկի Բաղդասարյանը մեղավոր է ճանաչվել ՀՀ քրեական օրենսգրքի 359-րդ հոդվածի 1-ին մասով նախատեսված հանցագործության կատարման մեջ և դատապարտվել է կարգապահական գումարտակում պահելով` 3 (երեք) ամիս ժամկետով: ՀՀ քրեական օրենսգրքի 70-րդ հոդվածի կիրառմամբ պատիժը պայմանականորեն չի կիրառվել և սահմանվել է փորձաշրջան 1 (մեկ) տարի ժամկետով:
ՀՀ ոստիկանության ինֆորմացիոն կենտրոնի պահանջագրի համաձայն` Սաիդ Ահմադի Դոուդքանլուի Միլանին նախկինում դատապարտված չի եղել:
ՀՀ ոստիկանության ինֆորմացիոն կենտրոնի պահանջագրի համաձայն` Էրեբունու շրջանի ժողդատարանի 1992 թվականի հունիսի 1-ի դատավճռով Վլադիմիր Հայկազի Խաչյանը մեղավոր է ճանաչվել Քրեական օրենսգրքի 148-րդ հոդվածի 3-րդ մասով և նրա նկատմամբ պատիժ է նշանակվել ազատազրկում` 3 (երեք) տարի ժամկետով: 1992 թվականի հոկտեմբերի 16-ին Վլադիմիր Հայկազի Խաչյանը համաներման ակտի կիրառմամբ ազատվել է պատժից: Սպանդարյանի շրջանի ժողդատարանի 1993 թվականի սեպտեմբերի 6-ի դատավճռով Վլադիմիր Հայկազի Խաչյանը մեղավոր է ճանաչվել Քրեական օրենսգրքի 15-86-րդ հոդվածի 2-րդ մասով և նրա նկատմամբ պատիժ է նշանակվել ազատազրկում` 4 (չորս) տարի ժամկետով: 1996 թվականի հուլիսի 11-ին Վլադիմիր Հայկազի Խաչյանը պայմանական վաղաժամկետ ազատվել է պատժի կրումից: 1997 թվականի դեկտեմբերի 10-ի դատավճռով Վլադիմիր Հայկազի Խաչյանը մեղավոր է ճանաչվել Քրեական օրենսգրքի 72-րդ հոդվածով, 86-րդ հոդվածի 4-րդ մասով, 15-86-րդ հոդվածի 3-րդ մասով և նրա նկատմամբ պատիժ է նշանակվել ազատազրկում` 13 (տասներեք) տարի ժամկետով:
Գույքի վրա կալանք դնելու մասին 2012 թվականի փետրվարի 9-ի որոշման համաձայն` թիվ 69100212 քրեական գործով կալանք է դրվել Թոլիբ Սոյիմի Պարտոևին պատկանող գույքի վրա:
Գույքի վրա կալանք դնելու մասին 2012 թվականի փետրվարի 9-ի որոշման համաձայն` թիվ 69100212 քրեական գործով կալանք է դրվել Վլադիմիր Հայկազի Խաչյանին պատկանող գույքի վրա:
Գույքի վրա կալանք դնելու մասին 2012 թվականի փետրվարի 9-ի որոշման համաձայն` թիվ 69100212 քրեական գործով կալանք է դրվել Արթուր Միհրանի Ալեքսանյանին պատկանող գույքի վրա:
Գույքը կալանքից ազատելու մասին 2012 թվականի մայիսի 18-ի որոշման համաձայն` թիվ 69100212 քրեական գործով Արթուր Միհրանի Ալեքսանյանին պատկանող գույքն ազատվել է կալանքից` վերջինին վերագրվող արարքի որակումը փոխվելու հիմքով:
Գույքի վրա կալանք դնելու մասին 2012 թվականի փետրվարի 29-ի որոշման համաձայն` թիվ 69100212 քրեական գործով կալանք է դրվել Սաիդ Ահմադի Դոուդքանլուի Միլանիին պատկանող գույքի վրա:
Ծննդյան թիվ ԱԱ 257024 վկայականի պատճենի համաձայն` 2008 թվականի հունիսի 22-ին ծնված Ալեն Արթուրի Ալեքսանյանի հայրը Արթուր Միհրանի Ալեքսանյանն է:
ՀՀ պետական ճարտարագիտական համալսարանի թիվ A060621 դիպլոմի պատճենի համաձայն` պետական քննական հանձնաժողովի 2000 թվականի հունիսի 6-ի որոշմամբ Արթուր Միհրանի Ալեքսանյանին շնորհվել է ճարտարագիտության բակալավրի որակավորում` «Վառելիքաէներգետիկ համալիրի ճյուղերի էկոնոմիկա և կառավարում» մասնագիտությամբ:
ՀՀ պետական ճարտարագիտական համալսարանի թիվ AM000607 դիպլոմի պատճենի համաձայն` պետական քննական հանձնաժողովի 2002 թվականի մայիսի 25-ի որոշմամբ Արթուր Միհրանի Ալեքսանյանին շնորհվել է ճարտարագիտության մագիստրոսի աստիճան` «Մենեջմենթ (ճարտարագիտական)» մասնագիտությամբ:
ՀՀ բարձրագույն որակավորման հանձնաժողովի թիվ 02974 վկայագրի պատճենի համաձայն` տնտեսագիտական հետազոտությունների ինստիտուտի մասնագիտական խորհրդի որոշմամբ Արթուր Միհրանի Ալեքսանյանին շնորհվել է տնտեսագիտության թեկնածուի գիտական աստիճան:
«Այգեձոր» համատիրության նախագահի կողմից տրված բնութագրի համաձայն` Արթուր Միհրանի Ալեքսանյանը բնութագրվում է դրականորեն:
ՀՀ ՊՆ թիվ 54122 զորամասի 3-րդ ՀԳմ-ի հրամանատարի կողմից տրված ծառայողական բնութագրի համաձայն` Կարապետ Լեռնիկի Բաղդասարյանը բնութագրվում է դրականորեն:
Դատարանը հարկ է համարում նախ անդրադառնալ ամբաստանյալների այն ցուցմունքներին, որ նախնական քննության ընթացքում նրանց տված ցուցմունքները ձեռք են բերվել խաբեության, կեղծ խոստումների կամ ծեծի արդյունքում:
Տվյալ դեպքում հարկ է նկատել, որ ծեծի մասին ցուցմունք է տվել միայն Վլադիմիր Խաչյանը, ընդ որում` նա հայտնել է նաև, որ տեսել է, թե ինչպես են ոստիկանությունում ծեծել Արթուր Ալեքսանյանին և Կարապետ Բաղդասարյանին: Դատարանը գտնում է, որ մտացածին են և սույն քրեական գործով ձեռք բերված օբյեկտիվ տվյալներով` մասնավորապես` ամբաստանյալներ Արթուր Ալեքսանյանի և Կարապետ Բաղդասարյանի ցուցմունքներով, հերքվում է ամբաստանյալ Վլադիմիր Խաչյանի կողմից ծեծի վերաբերյալ տված ցուցմունքը: Դատարանը գտնում է նաև մտացածին են և սույն քրեական գործով ձեռք բերված օբյեկտիվ տվյալներով հերքվում են ամբաստանյալներ Թոլիբ Պարտոևի, Արթուր Ալեքսանյանի և Կարապետ Բաղդասարյանի ցուցմունքներն այն մասին, որ նախնական քննության ընթացքում նրանց տված ցուցմունքները ձեռք են բերվել խաբեությամբ և կեղծ խոստումներով: Դատարանի նման եզրահանգումը պայմանավորված է այն հանգամանքով, որ ամբաստանյալ Թոլիբ Պարտոևի նախնական քննության ընթացքում տված ինքնախոստովանական բոլոր հարցաքննություններին մասնակցել է պաշտպան Ա.Ավագյանը և թարգմանիչ Մ.Կոստանդյանը, իսկ ամբաստանյալներ Արթուր Ալեքսանյանի և Կարապետ Բաղդասարյանի ինքնախոստովանական ցուցմունքների միջև եղած էական հակասությունների կապակցությամբ կատարված առերես հարցաքննության ժամանակ նրանք միմյանց առերես պնդել են նախկինում տված ցուցմունքները, ինչում հատկապես էական է այն հանգամանքը, որ նրանք առերեսման ժամանակ նույնական խոստովանական ցուցմունք են տվել նրանց առաջադրված մեղադրանքների վերաբերյալ:
Ինչ վերաբերում է պաշտպանական կողմի այն պնդմանը, որ սույն քրեական գործով նախնական քննության ընթացքում կատարված քննչական և դատավարական գործողություններին մասնակից չեն դարձվել ընթերականեր, պաշտպան և թարգմանիչ, ապա Դատարանը հարկ է համարում նկատել, որ բոլոր այն քննչական և դատավարական գործողություններին, որոնց ՀՀ քրեական դատավարության օրենսգրքի համապատասխան նորմերով պարտադիր է ընթերակաների, պաշտպանի և թարգմանչի մասնակցությունը, նրանք մասնակցել են:
Իսկ ինչ վերաբերում է պաշտպանական կողմի այն պնդմանը, որ Արթուր Ալեքսանյանին պատկանող` Երևան քաղաքի Երզնկյան փողոցի 4-րդ շենքին հարակից ավտոտնակում թմրամիջոց հայտնաբերվել է ավտոտնակի խուզարկությամբ, սակայն օրենսդրությամբ սահմանված դատարանի համապատասխան որոշում առկա չի եղել, ապա Դատարանը գտնում է, որ սույն քրեական գործով նախնական քննության ընթացքում նշված ավտոտնակից թմրամիջոցը հայտնաբերվել է ոչ թե խուզարկությամբ, այլ ավտոտնակի սեփականատիրոջ` Արթուր Ալեքսանյանի հայտնած տեղեկության հիման վրա, ինչպես նաև նրա համաձայնությամբ և նրա ուղեկցությամբ ՀՀ ոստիկանության ԿՀԴՊ գլխավոր վարչության աշխատակիցները գնացել են նրա ավտոտնակ, որտեղ նա ոստիկաններին կամավոր ներկայացրել է թմրամիջոցը: Տվյալ դեպքում հարկ է նկատել, որ նշվածի մասին Արթուր Ալեքսանյանը նախնական քննության ընթացքում պաշտպան Կ.Հակոբյանի ներկայությամբ տվել է մանրամասն ցուցմունք:
Դատարանը հարկ է համարում անդրադառնալ նաև ամբաստանյալ Արթուր Ալեքսանյանի պաշտպան Կարեն Հակոբյանի կողմից ներկայացված` Արթուր Ալեքսանյանի որպես կասկածյալ տված ցուցմունքը և առերես հարցաքննությունների արձանագրություններն անթույլատրելի ապացույցներ ճանաչելու վերաբերյալ, միջնորդությանը:
ՀՀ քրեական դատավարության օրենսգրքի 106-րդ հոդվածի 2-րդ մասի համաձայն` ապացույցի թույլատրելիությունը հիմնավորելու պարտականությունն ընկած է այն ձեռք բերող կողմի վրա: Եթե ապացույցը ձեռք բերելիս պահպանվել են սույն օրենսգրքի բոլոր պահանջները, ապացույցի անթույլատրելիությունը հիմնավորելու պարտականությունը կրում է դրա թույլատրելիությունը վիճարկող կողմը:
Դատարանը գտնում է, որ նշված միջնորդությունը ենթակա է մերժման, քանի որ Արթուր Ալեքսանյանին որպես կասկածյալ հարցաքննելիս և այլ անձանց հետ առերեսում կատարելիս պահպանվել են ՀՀ քրեական դատավարության օրենսգրքի բոլոր պահանջները, իսկ նշված ապացույցները խաբեությամբ և կեղծ խոստմամբ ձեռք բերելու վերաբերյալ պաշտպանական կողմը որևէ օբյեկտիվ հիմնավորում չի ներկայացրել: Ավելին` Դատարանի որոգրյալ հիմնավորմամբ հերքվում է խաբեությամբ և կեղծ խոստմամբ ապացույց ձեռք բերելու վերաբերյալ պաշտպանական կողմի փաստարկները:
Այսպիսով` Դատարանը գտնում է, որ մտացածին են և սույն քրեական գործով ձեռք բերված օբյեկտիվ տվյալներով հերքվում են.
-ամբաստանյալ Թոլիբ Պարտոևի ցուցմունքն այն մասին, որ նախնական քննության մարմնի կողմից խախտվել են իր իրավունքները, ոստիկանների ցուցումով է ինքը զանգահարել Իրանի Իսլամական Հանրապետություն, ինքն Արթուրին, Վլադիմիրին և որևէ այլ անձի թմրամիջոց չի իրացրել, թմրամիջոց իրացնելու նպատակով որևէ անձից թմրամիջոց ձեռք չի բերել և չի պատվիրել,
-ամբաստանյալ Վլադիմիր Խաչյանի ցուցմունքն այն մասին, որ ինքը երբևէ Թոլիբ Պարտոևին «մարիխուանա» տեսակի թմրամիջոց չի տվել, ինչպես նաև թմրամիջոց չի վերցրել և ոչ մեկին էլ չի իրացրել,
-ամբաստանյալ Սաիդ Ահմադի Դոուդքանլուի Միլանիի ցուցմունքն այն մասին, որ երկու ուղևորներ խնդրել են իրեն, նրանց ճամպրուկներից մեկն անցկացնել մաքսային սահմանով և նա էլ օգնել է, թմրամիջոցով ճամպրուկն իրենը չի եղել,
-ամբաստանյալ Արթուր Ալեքսանյանի ցուցմունքն այն մասին, որ ինքը երբևէ Կարապետին թմրամիջոց չի իրացրել, ինչպես նաև Թոլիբից թմրամիջոց ձեռք չի բերել,
-ամբաստանյալ Կարապետ Բաղդասարյանի ցուցմունքն այն մասին, որ ինքը Արթուրին երբևէ չի հյուրասիրել, ինչպես նաև Արթուրւ` իրեն:
Դատարանը միաժամանակ հարկ է համարում անդրադառնալ 2011 թվականի դեկտեմբերի 29-ից` ժամը 13:00-ից, ամբաստանյալ Սաիդ Ահմադի Դոուդքանլուի Միլանիի անազատության մեջ գտնվելու փաստին:
Դատարանն արձանագրում է, որ ամբաստանյալ Սաիդ Ահմադի Դոուդքանլուի Միլանին փաստացի արգելանքի են վերցվել 2011 թվականի դեկտեմբերի 29-ին` ժամը 13:00-ին, նրան բերման ենթարկելու մասին արձանագրությունում` որպես բերման ենթարկելու ժամ, նշվել է ժամը 13:00-ն, սակայն եղանակի անբարենպաստ պայմաններից ելնելով, Մեղրիի մաքսակետից ՀՀ ԿԱ ՊԵԿ քննչական վարչություն են հասել 2011 թվականի դեկտեմբերի 30-ին` ժամը 09:00-ին, մինչդեռ 2011 թվականի դեկտեմբերի 30-ին կազմված արձանագրության մեջ, որպես ձերբակալման ժամկետի սկիզբ նշվել է 2011 թվականի դեկտեմբերի 30-ի ժամը 12:10-ը: Այսինքն` Սաիդ Ահմադի Դոուդքանլուի Միլանին փաստացի արգելանքի վերցնելու ժամկետը ճիշտ չի արձանագրվել:

3. Դատարանի իրավական վերլուծությունները.
Վերոգրյալ ապացույցների հիման վրա Դատարանը գալիս է այն եզրահանգման, որ Թոլիբ Սոյիմի Պարտոևը.
1. 2011 թվականի սեպտեմբերին 1 գրամը 10 ԱՄՆ դոլարով գնելու եղանակով քննությամբ չպարզված անձից իրացնելու նպատակով ապօրինի ձեռք է բերել և պահել առանձնապես խոշոր չափերի` 2.000 գրամ «ափիոն» տեսակի թմրամիջոց, որն ամբողջությամբ, 1 գրամը 22 ԱՄՆ դոլարով, ապօրինի իրացրել է մեկ այլ անձի, ինչը համապատասխանում է ՀՀ քրեական օրենսգրքի 266-րդ հոդվածի 3-րդ մասի 2-րդ կետի հատկանիշներին:
2. 2011 թվականի դեկտեմբերի 18-ին 1 գրամը 10 ԱՄՆ դոլարով գնելու եղանակով քննությամբ չպարզված անձից իրացնելու նպատակով ապօրինի ձեռք է բերել և պահել առանձնապես խոշոր չափերի` 1.800 գրամ «ափիոն» տեսակի թմրամիջոց, որից.
-առանձնապես խոշոր չափերի` 700 գրամը «ափիոն» տեսակի թմրամիջոցը, 1 գրամը 22 ԱՄՆ դոլարով ապօրինի իրացրել է մեկ այլ անձի,
-առանձնապես խոշոր չափերի` 200 գրամը «ափիոն» տեսակի թմրամիջոցը 2011 թվականի դեկտեմբերի կեսերից մինչև 2012 թվականի հունվարի կեսերն ընկած ժամանակահատվածում 1 գրամը 10.000 ՀՀ դրամով վաճառելու եղանակով, մաս-մաս` յուրաքանչուր անգամ 10 գրամից 35 գրամ չափաբաժիններով, ապօրինի իրացրել է Վլադիմիր Հայկազի Խաչյանին,
-առանձնապես խոշոր չափերի` 20 գրամ «ափիոն» տեսակի թմրամիջոցը 2011 թվականի դեկտեմբերի վերջերին հյուրասիրելու եղանակով ապօրինի իրացրել է Արթուր Միհրանի Ալեքսանյանին,
-խոշոր չափերի` 1,8 գրամ «ափիոն» տեսակի թմրամիջոցը 2012 թվականի հունվարին անվճար, ապօրինի իրացրել է Վլադիմիր Հայկազի Խաչյանին,
-առանձնապես խոշոր չափերի` 738,9 գրամ «ափիոն» տեսակի թմրամիջոցը իրացնելու նպատակով ապօրինի պահել է Երևան քաղաքի Երզնկյան փողոցի 1-ին շենքի հարևանությամբ գտնվող` Արթուր Ալեքսանյանին պատկանող ավտոտնակում, որոնքը համապատասխանում են ՀՀ քրեական օրենսգրքի 266-րդ հոդվածի 3-րդ մասի 2-րդ կետի հատկանիշներին:
3. 2011 թվականի դեկտեմբերին Երևան քաղաքում ապօրինի իրացնելու նպատակով, Իրանի Իսլամական Հանրապետությունում բնակվող անհայտ անձից, 1 կգ 5.000 ԱՄՆ դոլարով գնելու պայմանով պատվիրել է 5.000 գրամ «հաշիշ» տեսակի թմրամիջոց, սակայն հանցագործությունն ավարտին չի հասցվել նրա կամքից անկախ հանգամանքներում, քանի որ 2011 թվականի դեկտեմբերի 29-ին նշված թմրամիջոցը հայտնաբերվել է Մեղրիի սահմանային անցակետում` Սաիդ Ահմադի Դոուդքանլուի Միլանիին պատկանող ճամպրուկում, ինչը համապատասխանում է ՀՀ քրեական օրենսգրքի 34-266-րդ հոդվածի 3-րդ մասի 2-րդ կետի հատկանիշներին:
Ապացուցված է Թոլիբ Պարտոևի մեղավորությունը ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 266-րդ հոդվածի 3-րդ մասի 2-րդ կետով և 34-266-րդ հոդվածի 3-րդ մասի 2-րդ կետով նախատեսված արարքները կատարելու մեջ:
Թոլիբ Պարտոևի անձը դրականորեն բնութագրող և պատասխանատվությունն ու պատիժը մեղմացնող հանգամանքներ սույն քրեական գործում առկա չեն:
Ինչ վերաբերում է նրա այն հայտարարությանը, որ ամուսնացած է և խնամքին ունի 2 երեխա, ապա դրանց վերաբերյալ համապատասխան փաստաթղթեր չներկայացնելու պայմաններում Դատարանը օբյեկտիվորեն չի կարող գալ այն եզրահանգման, որ նա ամուսնացած է, խնամքին ունի 2 երեխա և դրանք գնահատել որպես անձը դրականորեն բնութագրող կամ պատասխանատվությունն ու պատիժը մեղմացնող հանգամանքներ:
Դատարանը միաժամանակ արձանագրում է, որ Թոլիբ Պարտոևի պատասխանատվությունն ու պատիժը ծանրացնող հանգամանք է հանցանքները կատարելու առանձնապես վտանգավոր ռեցիդիվը, քանի որ նա նախկինում դատապարտվել է ծանր հանցագործություն կատարելու համար, որի դատվածությունը մարված չէ, և կատարել է առանձնապես ծանր հանցագործություններ:
Վերը նշված պատասխանատվությունն ու պատիժը ծանրացնող հանգամանքը Թոլիբ Պարտոևի կատարած բոլոր արարքներով էլ առկա է:
Կատարած արարքների համար ամբաստանյալ Թոլիբ Պարտոևը ենթակա է քրեական պատասխանատվության և պատժի:
Դատարանը, հաշվի առնելով Թոլիբ Պարտոևի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալների և պատասխանատվությունն ու պատիժը մեղմացնող հանգամանքների բացակայությունը, պատասխանատվությունն ու պատիժը ծանրացնող հանգամանքը, ինչպես նաև այն, որ ՀՀ քրեական օրենսգրքի 266-րդ հոդվածի 3-րդ մասի սանկցիայով որպես հիմնական պատիժ նախատեսված է միայն ազատազրկում, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ կատարած յուրաքանչյուր արարքի համար պատիժ պետք է նշանակել ազատազրկման ձևով: Դատարանը միաժամանակ գտնում է, որ Թոլիբ Պարտոևի կատարած արարքներից յուրաքանչյուրի համար նրա նկատմամբ չպետք է նշանակել ՀՀ քրեական օրենսգրքի 266-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը:
Դատարանը գտնում է, որ Թոլիբ Պարտոևի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Թոլիբ Պարտոևի պատժի կրման սկիզբը պետք է հաշվել 2012 թվականի փետրվարի 16-ից, քանի որ այդ օրվանից նա գտնվում է արգելանքի տակ: Դատարանը, միաժամանակ գտնում է, որ Թոլիբ Պարտոևի նկատմամբ նշանակվելիք պատժի ժամկետին պետք է հաշվակցել սույն քրեական գործով 2012 թվականի հունվարի 25-ից մինչև 2012 թվականի հունվարի 28-ն արգելանքի տակ գտնվելու ժամկետը` 3 (երեք) օրը:
Դատարանը գտնում է, որ Թոլիբ Պարտոևի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Վերոգրյալ ապացույցների հիման վրա Դատարանը գալիս է այն եզրահանգման, որ Սաիդ Ահմադի Դոուդքանլուի Միլանին Իրանի Իսլամական Հանրապետությունում բնակվող անհայտ անձի կողմից Թոլիբ Սոյիմի Պարտոևին և մեկ այլ անձի առանձնապես խոշոր չափերի` 11.173,5 գրամ «հաշիշ» և 18,4 գրամ «ափիոն» տեսակների թմրամիջոցներ ապօրինի իրացնելուն օժանդակելու դիտավորությամբ 2011 թվականի դեկտեմբերի 29-ին նշված թմրամիջոցները մաքսանենգությամբ` Հայաստանի Հանրապետության Մեղրիի մաքսային սահմանով տեղափոխել է Հայաստանի Հանրապետություն, որոնք համապատասխանում են ՀՀ քրեական օրենսգրքի 215-րդ հոդվածի 2-րդ մասի և 38-266-րդ հոդվածի 3-րդ մասի 2-րդ կետի հատկանիշներին:
Ապացուցված է Սաիդ Ահմադի Դոուդքանլուի Միլանիի մեղավորությունը ՀՀ քրեական օրենսգրքի 215-րդ հոդվածի 2-րդ մասով և 38-266-րդ հոդվածի 3-րդ մասի 2-րդ կետով և նախատեսված արարքները կատարելու մեջ:
Սաիդ Ահմադի Դոուդքանլուի Միլանիի անձը դրականորեն բնութագրող հանգամանքներ սույն քրեական գործում առկա չեն:
Դատարանը գտնում է, որ Սաիդ Ահմադի Դոուդքանլուի Միլանիի պատասխանատվությունն ու պատիժը մեղմացնող հանգամանք պետք է դիտել նախկինում արատավորված` դատապարտված չլինելը:
Ինչ վերաբերում է նրա այն հայտարարությանը, որ ամուսնացած է և խնամքին ունի 5 երեխա, ապա դրանց վերաբերյալ համապատասխան փաստաթղթեր չներկայացնելու պայմաններում Դատարանը օբյեկտիվորեն չի կարող գալ այն եզրահանգման, որ նա ամուսնացած է, խնամքին ունի 5 երեխա և դրանք գնահատել որպես անձը դրականորեն բնութագրող կամ պատասխանատվությունն ու պատիժը մեղմացնող հանգամանքներ:
Վերը նշված պատասխանատվությունն ու պատիժը մեղմացնող հանգամանքը Սաիդ Ահմադի Դոուդքանլուի Միլանիի կատարած բոլոր արարքներով էլ առկա է:
Դատարանը միաժամանակ արձանագրում է, որ Սաիդ Ահմադի Դոուդքանլուի Միլանիի կատարած բոլոր արարքներով էլ պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Սաիդ Ահմադի Դոուդքանլուի Միլանին ենթակա է քրեական պատասխանատվության և պատժի:
Դատարանը, հաշվի առնելով Սաիդ Ահմադի Դոուդքանլուի Միլանիի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, պատասխանատվությունն ու պատիժը մեղմացնող հանգամանքը, նրան դրականորեն բնութագրող տվյալների և պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 266-րդ հոդվածի 3-րդ մասի և 215-րդ հոդվածի 2-րդ մասի սանկցիաներով որպես հիմնական պատիժ նախատեսված է միայն ազատազրկում, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժներ պետք է նշանակել ազատազրկման ձևով: Դատարանը միաժամանակ գտնում է, որ Սաիդ Ահմադի Դոուդքանլուի Միլանիի նկատմամբ չպետք է նշանակել ՀՀ քրեական օրենսգրքի 266-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը, իսկ ՀՀ քրեական օրենսգրքի 215-րդ հոդվածի 2-րդ մասով Սաիդ Ահմադի Դոուդքանլուի Միլանիի նկատմամբ պետք է նշանակել համապատասխան հոդվածի սանկցիայով նախատեսված լրացուցիչ պատիժը` գույքի բռնագրավումը:
Դատարանը գտնում է, որ Սաիդ Ահմադի Դոուդքանլուի Միլանիի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Սաիդ Ահմադի Դոուդքանլուի Միլանիի պատժի կրման սկիզբը պետք է հաշվել 2011 թվականի դեկտեմբերի 29-ից, քանի որ Դատարանի վերոգրյալ հիմնավորմամբ այդ օրվանից նա փաստացի գտնվում է արգելանքի տակ:
Դատարանը գտնում է, որ Սաիդ Ահմադի Դոուդքանլուի Միլանիի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական օրենսգրքի 97-րդ հոդվածի 1-ին մասի 4-րդ կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից և թմրամոլությունից բուժման կարիք ունեցող: ՀՀ քրեական օրենսգրքի 98-րդ հոդվածի 2-րդ մասի համաձայն` մեղսունակությունը չբացառող հոգեկան խանգարման վիճակում կատարած հանցանքի համար դատապարտված, բայց ալկոհոլամոլությունից, թմրամոլությունից կամ թունամոլությունից, կամ մեղսունակությունը չբացառող հոգեկան խանգարումներից բուժման կարիք ունեցող անձանց նկատմամբ դատարանը պատժի հետ մեկտեղ կարող է նշանակել հոգեբույժի մոտ արտահիվանդանոցային հսկողություն և հարկադիր բուժում:
Դատարանը, նկատի ունենալով, որ Սաիդ Ահմադի Դոուդքանլուի Միլանին տառապում է «Ափիոնային թմրամոլություն» ախտորոշմամբ և ունի հարկադիր բուժման կարիք, որի համար հակացուցումներ չկան, գտնում է, որ նրա նկատմամբ պետք է նշանակել բժշկական բնույթի հարկադրական միջոց` հոգեբույժի մոտ արտահիվանդանոցային հսկողություն և հարկադիր բուժում:
Վերոգրյալ ապացույցների հիման վրա Դատարանը գալիս է այն եզրահանգման, որ Վլադիմիր Հայկազի Խաչյանը.
1. 2011 թվականի դեկտեմբերի կեսերից մինչև 2012 թվականի հունվարի կեսերն ընկած ժամանակահատվածում Թոլիբ Սոյիմի Պարտոևից իրացնելու նպատակով ապօրինի ձեռք է բերել, պահել և մեկ այլ անձի իրացրել ընդհանուր 200 գրամ «ափիոն» տեսակի թմրամիջոց, ինչը համապատասխանում է ՀՀ քրեական օրենսգրքի 266-րդ հոդվածի 3-րդ մասի 2-րդ կետի հատկանիշներին:
2. 2012 թվականի հունվարին Թոլիբ Սոյիմի Պարտոևից առանց իրացնելու նպատակի` իր գործածման համար ապօրինի ձեռք է բերել և պահել խոշոր չափերի` 1,8 գրամ «ափիոն» տեսակի թմրամիջոց, որը 2012 թվականի հունվարի 24-ին հայտնաբերվել է ՀՀ ոստիկանության ԿՀԴՊ գլխավոր վարչության աշխատակիցների կողմից` նրա անձնական խուզարկությամբ, ինչը համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետի հատկանիշներին:
3. 2011 թվականի հունվարի 24-ին հյուրասիրելու եղանակով Թոլիբ Պարտոևին ապօրինի իրացրել է 0,45 գրամ «մարիխուանա» տեսակի թմրամիջոց, ինչը համապատասխանում է ՀՀ քրեական օրենսգրքի 266-րդ հոդվածի 1-ին մասի հատկանիշներին:
Ապացուցված է Վլադիմիր Խաչյանի մեղավորությունը ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 268-րդ հոդվածի 2-րդ մասի 2-րդ կետով և 266-րդ հոդվածի 1-ին մասով նախատեսված արարքները կատարելու մեջ:
Վլադիմիր Խաչյանի անձը դրականորեն բնութագրող և պատասխանատվությունն ու պատիժը մեղմացնող հանգամանքներ սույն քրեական գործում առկա չեն:
Դատարանը միաժամանակ արձանագրում է, որ Վլադիմիր Խաչյանի պատասխանատվությունն ու պատիժը ծանրացնող հանգամանք է հանցանքները կատարելու առանձնապես վտանգավոր ռեցիդիվը, քանի որ նա նախկինում երեք անգամ դատապարտվել է դիտավորյալ հանցագործություններ կատարելու համար, որոնց դատվածությունները մարված չեն:
Վերը նշված պատասխանատվությունն ու պատիժը ծանրացնող հանգամանքը Վլադիմիր Խաչյանի կատարած բոլոր արարքներով էլ առկա է:
Կատարած արարքների համար ամբաստանյալ Վլադիմիր Խաչյանը ենթակա է քրեական պատասխանատվության և պատժի:
Դատարանը, հաշվի առնելով Վլադիմիր Խաչյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալների և պատասխանատվությունն ու պատիժը մեղմացնող հանգամանքների բացակայությունը, պատասխանատվությունն ու պատիժը ծանրացնող հանգամանքը, ինչպես նաև այն, որ ՀՀ քրեական օրենսգրքի 266-րդ հոդվածի 1-ին մասի, 266-րդ հոդվածի 3-րդ մասի և 268-րդ հոդվածի 2-րդ մասի սանկցիաներով որպես հիմնական պատիժ նախատեսված է միայն ազատազրկում, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժներ պետք է նշանակել ազատազրկման ձևով: Դատարանը միաժամանակ գտնում է, որ Վլադիմիր Խաչյանի նկատմամբ չպետք է նշանակել ՀՀ քրեական օրենսգրքի 266-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը:
Դատարանը գտնում է, որ Վլադիմիր Խաչյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Վլադիմիր Խաչյանի պատժի կրման սկիզբը պետք է հաշվել 2012 թվականի հունվարի 25-ից, քանի որ նա ձերբակալվել է այդ օրը, իսկ 2012 թվականի հունվարի 28-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Վլադիմիր Խաչյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական օրենսգրքի 97-րդ հոդվածի 1-ին մասի 4-րդ կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից և թմրամոլությունից բուժման կարիք ունեցող: ՀՀ քրեական օրենսգրքի 98-րդ հոդվածի 2-րդ մասի համաձայն` մեղսունակությունը չբացառող հոգեկան խանգարման վիճակում կատարած հանցանքի համար դատապարտված, բայց ալկոհոլամոլությունից, թմրամոլությունից կամ թունամոլությունից, կամ մեղսունակությունը չբացառող հոգեկան խանգարումներից բուժման կարիք ունեցող անձանց նկատմամբ դատարանը պատժի հետ մեկտեղ կարող է նշանակել հոգեբույժի մոտ արտահիվանդանոցային հսկողություն և հարկադիր բուժում:
Դատարանը, նկատի ունենալով, որ Վլադիմիր Խաչյանը տառապում է «Ափիոնային թմրամոլություն» ախտորոշմամբ և ունի հարկադիր բուժման կարիք, որի համար հակացուցումներ չկան, գտնում է, որ նրա նկատմամբ պետք է նշանակել բժշկական բնույթի հարկադրական միջոց` հոգեբույժի մոտ արտահիվանդանոցային հսկողություն և հարկադիր բուժում:
Վերոգրյալ ապացույցների հիման վրա Դատարանը գալիս է այն եզրահանգման, որ Արթուր Միհրանի Ալեքսանյանը.
1. 2011 թվականի դեկտեմբերի վերջերին առանց իրացնելու նպատակի` իր գործածման համար Թոլիբ Պարտոևից ապօրինի ձեռք է բերել և պահել առանձնապես խոշոր չափերի` 20 գրամ «ափիոն» տեսակի թմրամիջոց, որի մի մասը` 14,5 գրամը գործածել է, իսկ մնացած մասը` 5,5 գրամը պահել իր մոտ, որը 2012 թվականի հունվարի 24-ին հայտնաբերվել է ՀՀ ոստիկանության ԿՀԴՊ գլխավոր վարչության աշխատակիցների կողմից` նրա անձնական խուզարկությամբ, ինչը համապատասխանում է ՀՀ քրեական օրենսգրքի 268-րդ հոդվածի 3-րդ մասի հատկանիշներին:
2. 2012 թվականի հունվարի կեսերին, իրացնելու նպատակով ապօրինի ձեռք է բերել և պահել զգալի չափերի` 1 գրամ «մարիխուանա» տեսակի թմրամիջոց, որը նույն ժամանակ հյուրասիրելու եղանակով ապօրինի իրացրել է Կարապետ Լեռնիկի Բաղդասարյանին, ինչը համապատասխանում է ՀՀ քրեական օրենսգրքի 266-րդ հոդվածի 1-ին մասի հատկանիշներին:
3. 2012 թվականի հունվարի 24-ին Երևան քաղաքի Կիևյան փողոցի վրա հանդիպել է Կարապետ Լեռնիկի Բաղդասարյանին, ապա ցանկացել է իր գործածման համար նրանից ապօրինի ձեռք բերել զգալի չափերի` 1,22 գրամ «մարիխուանա» տեսակի թմրամիջոց, սակայն հանցագործությունն ավարտին չի հասցվել իր կամքից անկախ հանգամանքներով, քանի որ 2012 թվականի հունվարի 24-ին Արթուր Ալեքսանյանը և Կարապետ Բաղդասարյանը բերման են ենթարկվել ՀՀ ոստիկանության ԿՀԴՊ գլխավոր վարչություն, որտեղ Կարապետ Բաղդասարյանի անձնական խուզարկությամբ` նրա մոտից հայտնաբերվել է նշված թմրամիջոցը, ինչը համապատասխանում է ՀՀ քրեական օրենսգրքի 34-268-րդ հոդվածի 1-ին մասի հատկանիշներին:
Ապացուցված է Արթուր Ալեքսանյանի մեղավորությունը ՀՀ քրեական օրենսգրքի 268-րդ հոդվածի 3-րդ մասով, 266-րդ հոդվածի 1-ին մասով և 34-268-րդ հոդվածի 1-ին մասով նախատեսված արարքները կատարելու մեջ:
Արթուր Ալեքսանյանի անձը դրականորեն բնութագրող հանգամանք է բարձրագույն կրթություն ունենալը և գիտությունների թեկնածու լինելը:
Արթուր Ալեքսանյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեխայի (Ալեն Արթուրի Ալեքսանյան` ծնված 2008 թվականի հունիսի 22-ին) առկայությունը:
Դատարանը գտնում է, որ Արթուր Ալեքսանյանի պատասխանատվությունն ու պատիժը մեղմացնող հանգամանք պետք է դիտել նաև դրականորեն բնութագրվելը:
Վերը նշված անձը դրականորեն բնութագրող և պատասխանատվությունն ու պատիժը մեղմացնող հանգամանքները Արթուր Ալեքսանյանի կատարած բոլոր արարքներով էլ առկա են:
Դատարանը միաժամանակ արձանագրում է, որ Արթուր Ալեքսանյանի կատարած բոլոր արարքներով էլ պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Արթուր Ալեքսանյանը ենթակա է քրեական պատասխանատվության և պատժի:
Դատարանը, հաշվի առնելով Արթուր Ալեքսանյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 268-րդ հոդվածի 3-րդ մասի և 266-րդ հոդվածի 1-ին մասի սանկցիաներով նախատեսված է պատիժ միայն ազատազրկման ձևով, իսկ ՀՀ քրեական օրենսգրքի 268-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժներ պետք է նշանակել ազատազրկման ձևով:
Դատարանը գտնում է, որ Արթուր Ալեքսանյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Արթուր Ալեքսանյանի պատժի կրման սկիզբը պետք է հաշվել 2012 թվականի հունվարի 25-ից, քանի որ նա ձերբակալվել է այդ օրը, իսկ 2012 թվականի հունվարի 27-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արթուր Ալեքսանյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Վերոգրյալ ապացույցների հիման վրա Դատարանը գալիս է այն եզրահանգման, որ Կարապետ Լեռնիկի Բաղդասարյանը.
1. 2012 թվականի հունվարին, Արթուր Միհրանի Ալեքսանյանից, առանց իրացնելու նպատակի` իր գործածման համար ապօրինի ձեռք է բերել և պահել զգալի չափերի` 1 գրամ «մարիխուանա» տեսակի թմրամիջոց, որը նույն ժամանակ ծխելու եղանակով գործածել է, ինչը համապատասխանում է ՀՀ քրեական օրենսգրքի 268-րդ հոդվածի 1-ին մասի հատկանիշներին:
2. 2012 թվականի հունվարի 23-ին, ինչպես իրացնելու, այնպես էլ իր գործածման նպատակով ապօրինի ձեռք է բերել և պահել զգալի չափերի` 2 գրամ «մարիխուանա» տեսակի թմրամիջոց, որի մի մասը` զգալի չափերի` 0,78 «մարիխուանա» տեսակի թմրամիջոցը, նույն ժամանակ ծխելու եղանակով գործածել է, իսկ մնացած մասը` 1,22 գրամ «մարիխուանա» տեսակի թմրամիջոցը 2012 թվականի հունվարի 24-ին Երևան քաղաքի Կիևյան փողոցում ցանկացել է ապօրինի իրացնել Արթուր Միհրանի Ալեքսանյանին, սակայն չի կարողացել իրացնել, քանի որ 2012 թվականի հունվարի 24-ին բերման է ենթարկվել ՀՀ ոստիկանության ԿՀԴՊ գլխավոր վարչություն, որտեղ նշված` 1,22 գրամ «մարիխուանա» տեսակի թմրամիջոցը հայտնաբերվել է նրա մոտ` անձնական խուզարկությամբ, որոնք համապատասխանում է ՀՀ քրեական օրենսգրքի 268-րդ հոդվածի 1-ին մասի և ՀՀ քրեական օրենսգրքի 266-րդ հոդվածի 1-ին մասի հատկանիշներին:
Ապացուցված է Կարապետ Բաղդասարյանի մեղավորությունը ՀՀ քրեական օրենսգրքի 268-րդ հոդվածի 1-ին մասով, 268-րդ հոդվածի 1-ին մասով և 266-րդ հոդվածի 1-ին մասով նախատեսված արարքները կատարելու մեջ:
Կարապետ Բաղդասարյանի անձը դրականորեն բնութագրող հանգամանք է բարձրագույն կրթություն ունենալը:
Կարապետ Բաղդասարյանի պատասխանատվությունն ու պատիժը մեղմացնող հանգամանք է դրականորեն բնութագրվելը:
Վերը նշված անձը դրականորեն բնութագրող և պատասխանատվությունն ու պատիժը մեղմացնող հանգամանքները Կարապետ Բաղդասարյանի կատարած բոլոր արարքներով էլ առկա են:
Դատարանը միաժամանակ արձանագրում է, որ Կարապետ Բաղդասարյանի կատարած բոլոր արարքներով էլ պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Կարապետ Բաղդասարյանը ենթակա է քրեական պատասխանատվության և պատժի:
Դատարանը, հաշվի առնելով Կարապետ Բաղդասարյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 266-րդ հոդվածի 1-ին մասի սանկցիայով նախատեսված է պատիժ միայն ազատազրկման ձևով, իսկ ՀՀ քրեական օրենսգրքի 268-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժներ պետք է նշանակել ազատազրկման ձևով:
Դատարանը գտնում է, որ Կարապետ Բաղդասարյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Կարապետ Բաղդասարյանի պատժի կրման սկիզբը պետք է հաշվել 2012 թվականի հունվարի 25-ից, քանի որ նա ձերբակալվել է այդ օրը, իսկ 2012 թվականի հունվարի 27-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Կարապետ Բաղդասարյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 119-րդ հոդվածի 1-ին մասի 1-ին կետի համաձայն` դատարանի դատավճռում, ինչպես նաև քրեական գործի վարույթը կարճելու մասին որոշման մեջ իրեղեն ապացույցների հարցի լուծումը կատարվում է հետևյալ կանոնների պահպանմամբ` հանցագործության գործիքները, ինչպես նաև շրջանառությունից հանված առարկաները բռնագրավվում և հանձնվում են համապատասխան պետական հիմնարկներին, իսկ արժեք չներկայացնելու դեպքում` ոչնչացվում են:
Դատարանը, նկատի ունենալով, որ քրեական գործով իրեղեն ապացույց ճանաչված և որպես մաքսանենգության առարկա բռնագրավված 11.173,5 գրամ «հաշիշ» և 18,8 գրամ «ափիոն» տեսակների թմրամիջոցները, ինչպես նաև 5,5 գրամ «ափիոն» տեսակի, 1,8 գրամ (փաստացի առկա 1,75 գրամ) ափիոն տեսակի, 738,8 գրամ «ափիոն» տեսակի, 0,45 գրամ (փաստացի առկա 0,25 գրամ) «չորացված մարիխուանա» տեսակի, 1,22 գրամ (փաստացի առկա 1,12 գրամ) «չորացված մարիխուանա» տեսակի թմրամիջոցները, էլեկտրական կշեռքը և ճամպրուկը հանդիսանում են շրջանառությունից հանված առարկաներ և իրենցից արժեք չեն ներկայացնում, գտնում է, որ դրանք պետք է ոչնչացնել:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերը ամբաստանյալներ Թոլիբ Սոյիմի Պարտոևից, Սաիդ Ահմադի Դոուդքանլուի Միլանիից, Վլադիմիր Հայկազի Խաչյանից, Արթուր Միհրանի Ալեքսանյանից և Կարապետ Լեռնիկի Բաղդասարյանից ենթակա չեն բռնագանձման, քանի որ տուժողին պատճառված վնաս սույն գործով առկա չէ: Բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մասի 2-6-րդ կետերով նախատեսված դատական ծախսերը, քանի որ 2-րդ և 6-րդ կետերով նախատեսված ծախս սույն քրեական գործով առկա չէ, իսկ 3-րդ, 4-րդ և 5-րդ կետերով նախատեսված դատական ծախսերի վերաբերյալ տվյալները բացակայում են: Ավելին` նման պահանջ դատարանին չի ներկայացվել:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի հարցը, իսկ նույն օրենսգրքի 238-րդ հոդվածը սահմանում է, որ գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը:
Սույն գործով 2012 թվականի փետրվարի 9-ին և 29-ին կայացվել են գույքի վրա կալանք դնելու մասին որոշումներ, որոնց համաձայն` որոշվել է քրեական գործով հնարավոր գույքի բռնագրավումը և դատական ծախսերն ապահովելու նպատակով կալանք դնել Թոլիբ Սոյիմի Պարտոևին, Վլադիմիր Հայկազի Խաչյանին և Սաիդ Ահմադի Դոուդքանլուի Միլանիին պատկանող գույքի վրա: Դատարանը, նկատի ունենալով, որ սույն քրեական գործով վերոգրյալ հիմնավորմամբ նրանց նկատմամբ որպես լրացուցիչ պատիժ գույքի բռնագրավում չի նշանակվել (բացառությամբ մաքսանենգության առարկա հանդիսացող գույքի բռնագրավման) և չկան բռնագանձման ենթակա դատական ծախսեր, գտնում է, որ դատավճիռն օրինական ուժի մեջ մտնելուց հետո` 2012 թվականի փետրվարի 9-ի և 29-ի որոշումներով Թոլիբ Սոյիմի Պարտոևին, Վլադիմիր Հայկազի Խաչյանին և Սաիդ Ահմադի Դոուդքանլուի Միլանիին պատկանող գույքի վրա դրված կալանքները պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 138-րդ, 168-րդ, 238-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը

ՎՃՌԵՑ

Թոլիբ Սոյիմի Պարտոևին մեղավոր ճանաչել առաջադրված մեղադրանքի 1-ին դրվագով` ՀՀ քրեական օրենսգրքի 266-րդ հոդվածի 3-րդ մասի 2-րդ կետով և պատիժ նշանակել ազատազրկում` 12 (տասներկու) տարի ժամկետով` առանց գույքի բռնագրավման:
Թոլիբ Սոյիմի Պարտոևին մեղավոր ճանաչել առաջադրված մեղադրանքի 2-րդ դրվագով` ՀՀ քրեական օրենսգրքի 266-րդ հոդվածի 3-րդ մասի 2-րդ կետով և պատիժ նշանակել ազատազրկում` 12 (տասներկու) տարի ժամկետով` առանց գույքի բռնագրավման:
Թոլիբ Սոյիմի Պարտոևին մեղավոր ճանաչել առաջադրված մեղադրանքի 3-րդ դրվագով` ՀՀ քրեական օրենսգրքի 34-266-րդ հոդվածի 3-րդ մասի 2-րդ կետով և պատիժ նշանակել ազատազրկում` 11 (տասնմեկ) տարի 3 (երեք) ամիս ժամկետով` առանց գույքի բռնագրավման:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Թոլիբ Սոյիմի Պարտոևի նկատմամբ պատիժ նշանակել ազատազրկում` 15 (տասնհինգ) տարի ժամկետով` առանց գույքի բռնագրավման:
Թոլիբ Սոյիմի Պարտոևի նկատմամբ նշանակված պատժի ժամկետին հաշվակցել սույն քրեական գործով 2012 թվականի հունվարի 25-ից մինչև 28-ն արգելանքի տակ գտնվելու ժամկետը` 3 (երեք) օրը, և վերջնական պատիժ թողնել կրելու` ազատազրկում` 14 (տասնչորս) տարի 11 (տասնմեկ) ամիս 27 (քսանյոթ) օր ժամկետով` պատժի կրման սկիզբը հաշվելով 2012 թվականի փետրվարի 16-ից:
Թոլիբ Սոյիմի Պարտոևի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Սաիդ Ահմադի Դոուդքանլուի Միլանիին մեղավոր ճանաչել ՀՀ քրեական օրենսգրքի 215-րդ հոդվածի 2-րդ մասով և ՀՀ քրեական օրենսգրքի 38-266-րդ հոդվածի 3-րդ մասի 2-րդ կետով:
ՀՀ քրեական օրենսգրքի 215-րդ հոդվածի 2-րդ մասով Սաիդ Ահմադի Դոուդքանլուի Միլանիի նկատմամբ պատիժ նշանակել ազատազրկում` 6 (վեց) տարի ժամկետով` մաքսանենգության առարկա հանդիսացող 11.173,5 գրամ «հաշիշ» և 18,8 գրամ «ափիոն» տեսակների թմրամիջոցների բռնագրավմամբ:
ՀՀ քրեական օրենսգրքի 38-266-րդ հոդվածի 3-րդ մասի 2-րդ կետով Սաիդ Ահմադի Դոուդքանլուի Միլանիի նկատմամբ պատիժ նշանակել ազատազրկում` 9 (ինը) տարի ժամկետով` առանց գույքի բռնագրավման:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Սաիդ Ահմադի Դոուդքանլուի Միլանիի նկատմամբ պատիժ նշանակել ազատազրկում` 11 (տասնմեկ) տարի ժամկետով` մաքսանենգության առարկա հանդիսացող 11.173,5 գրամ «հաշիշ» և 18,8 գրամ «ափիոն» տեսակների թմրամիջոցների բռնագրավմամբ, ազատազրկման ձևով պատժի կրման սկիզբը հաշվելով 2011 թվականի դեկտեմբերի 29-ից:
Սաիդ Ահմադի Դոուդքանլուի Միլանիի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Սաիդ Ահմադի Դոուդքանլուի Միլանիի նկատմամբ նշանակել հոգեբույժի մոտ արտահիվանդանոցային հսկողություն և հարկադիր բուժում:
Վլադիմիր Հայկազի Խաչյանին մեղավոր ճանաչել առաջադրված մեղադրանքի 1-ին դրվագով` ՀՀ քրեական օրենսգրքի 266-րդ հոդվածի 3-րդ մասի 2-րդ կետով և պատիժ նշանակել ազատազրկում` 11 (տասնմեկ) տարի 3 (երեք) ամիս ժամկետով` առանց գույքի բռնագրավման:
Վլադիմիր Հայկազի Խաչյանին մեղավոր ճանաչել առաջադրված մեղադրանքի 2-րդ դրվագով` ՀՀ քրեական օրենսգրքի 268-րդ հոդվածի 2-րդ մասի 2-րդ կետով և պատիժ նշանակել ազատազրկում` 2 (երկու) տարի 1 (մեկ) ամիս ժամկետով:
Վլադիմիր Հայկազի Խաչյանին մեղավոր ճանաչել առաջադրված մեղադրանքի 3-րդ դրվագով` ՀՀ քրեական օրենսգրքի 266-րդ հոդվածի 1-ին մասով և պատիժ նշանակել ազատազրկում` 5 (հինգ) տարի 3 (երեք) ամիս ժամկետով:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Վլադիմիր Հայկազի Խաչյանի նկատմամբ վերջնական պատիժ նշանակել ազատազրկում` 13 (տասներեք) տարի ժամկետով` առանց գույքի բռնագրավման, պատժի կրման սկիզբը հաշվելով 2012 թվականի հունվարի 25-ից:
Վլադիմիր Հայկազի Խաչյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Վլադիմիր Հայկազի Խաչյանի նկատմամբ նշանակել հոգեբույժի մոտ արտահիվանդանոցային հսկողություն և հարկադիր բուժում:
Արթուր Միհրանի Ալեքսանյանին մեղավոր ճանաչել առաջադրված մեղադրանքի 1-ին դրվագով` ՀՀ քրեական օրենսգրքի 268-րդ հոդվածի 3-րդ մասով և պատիժ նշանակել ազատազրկում` 2 (երկու) տարի ժամկետով:
Արթուր Միհրանի Ալեքսանյանին մեղավոր ճանաչել առաջադրված մեղադրանքի 2-ին դրվագով` ՀՀ քրեական օրենսգրքի 266-րդ հոդվածի 1-ին մասով և պատիժ նշանակել ազատազրկում` 3 (երեք) տարի ժամկետով:
Արթուր Միհրանի Ալեքսանյանին մեղավոր ճանաչել առաջադրված մեղադրանքի 3-ին դրվագով` ՀՀ քրեական օրենսգրքի 34-268-րդ հոդվածի 1-ին մասով և պատիժ նշանակել ազատազրկում` 3 (երեք) ամիս ժամկետով:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Արթուր Միհրանի Ալեքսանյանի նկատմամբ վերջնական պատիժ նշանակել ազատազրկում` 4 (չորս) տարի ժամկետով, պատժի կրման սկիզբը հաշվելով 2012 թվականի հունվարի 25-ից:
Արթուր Միհրանի Ալեքսանյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Կարապետ Լեռնիկի Բաղդասարյանին մեղավոր ճանաչել առաջադրված մեղադրանքի 1-ին դրվագով` ՀՀ քրեական օրենսգրքի 268-րդ հոդվածի 1-ին մասով և պատիժ նշանակել ազատազրկում` 6 (վեց) ամիս ժամկետով:
Կարապետ Լեռնիկի Բաղդասարյանին մեղավոր ճանաչել առաջադրված մեղադրանքի 2-ին դրվագով` ՀՀ քրեական օրենսգրքի 268-րդ հոդվածի 1-ին մասով և ՀՀ քրեական օրենսգրքի 266-րդ հոդվածի 1-ին մասով:
ՀՀ քրեական օրենսգրքի 268-րդ հոդվածի 1-ին մասով Կարապետ Լեռնիկի Բաղդասարյանի նկատմամբ պատիժ նշանակել ազատազրկում` 6 (վեց) ամիս ժամկետով:
ՀՀ քրեական օրենսգրքի 266-րդ հոդվածի 1-ին մասով Կարապետ Լեռնիկի Բաղդասարյանի նկատմամբ պատիժ նշանակել ազատազրկում` 3 (երեք) տարի ժամկետով:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Կարապետ Լեռնիկի Բաղդասարյանի նկատմամբ վերջնական պատիժ նշանակել ազատազրկում` 3 (երեք) տարի 6 (վեց) ամիս ժամկետով, պատժի կրման սկիզբը հաշվելով 2012 թվականի հունվարի 25-ից:
Կարապետ Լեռնիկի Բաղդասարյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2012 թվականի մայիսի 2-ի որոշմամբ իրեղեն ապացույցներ ճանաչված և որպես մաքսանենգության առարկա բռնագրավված 11.173,5 գրամ «հաշիշ» և 18,8 գրամ «ափիոն» տեսակների թմրամիջոցները, ինչպես նաև 5,5 գրամ «ափիոն» տեսակի, 1,8 գրամ (փաստացի առկա 1,75 գրամ) ափիոն տեսակի, 738,8 գրամ «ափիոն» տեսակի, 0,45 գրամ (փաստացի առկա 0,25 գրամ) «չորացված մարիխուանա» տեսակի, 1,22 գրամ (փաստացի առկա 1,12 գրամ) «չորացված մարիխուանա» տեսակի թմրամիջոցները, էլեկտրական կշեռքը և ճամպրուկը ոչնչացնել:
Դատական ծախսերի հարցը համարել լուծված:
Դատավճիռն օրինական ուժի մեջ մտնելուց հետո` 2012 թվականի փետրվարի 9-ի և 29-ի որոշումներով Թոլիբ Սոյիմի Պարտոևին, Վլադիմիր Հայկազի Խաչյանին և Սաիդ Ահմադի Դոուդքանլուի Միլանիին պատկանող գույքի վրա դրված կալանքները վերացնել:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ

ԵԿԴ/0091/01/12



ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎՃՌԱԲԵԿ ԴԱՏԱՐԱՆ
Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀՀ վճռաբեկ դատարանի քրեական պալատը (այսուհետ` նաև Վճռաբեկ դատարան),

նախագահությամբ՝ Լ.ԹԱԴԵՎՈՍՅԱՆԻ
մասնակցությամբ` դատավորներ Հ.ԱՍԱՏՐՅԱՆԻ
Ս.ԱՎԵՏԻՍՅԱՆԻ
Ե.ԴԱՆԻԵԼՅԱՆԻ
Ա.ՊՈՂՈՍՅԱՆԻ
Ս.ՕՀԱՆՅԱՆԻ

քարտուղարությամբ՝ Մ.ԱՎԱԳՅԱՆԻ
մասնակցությամբ՝
պաշտպան Կ.ԳՐԵՅԱՆԻ

2019 թվականի հունիսի 12-ին ք. Երևանում

դռնբաց դատական նիստում, քննության առնելով նոր հանգամանքի հիմքով դատապարտյալ Վլադիմիր Հայկազի Խաչյանի և նրա պաշտպան Կ.Գրեյանի վճռաբեկ բողոքը,

Պ Ա Ր Զ Ե Ց

Գործի դատավարական նախապատմությունը.
1. Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի (այսուհետ` նաև Առաջին ատյանի դատարան)՝ 2013 թվականի հունիսի 1-ի դատավճռով Վլադիմիր Հայկազի Խաչյանը մեղավոր է ճանաչվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով և ՀՀ քրեական օրենսգրքի 266-րդ հոդվածի 1-ին մասով: ՀՀ քրեական օրենսգրքի 266-րդ հոդվածի 3-րդ մասի 2-րդ կետով Վ.Խաչյանը դատապարտվել է ազատազրկման՝ 11 (տասնմեկ) տարի 3 (երեք) ամիս ժամկետով` առանց գույքի բռնագրավման, ՀՀ քրեական օրենսգրքի 268-րդ հոդվածի 2-րդ մասի 2-րդ կետով՝ ազատազրկման` 2 (երկու) տարի 1 (մեկ) ամիս ժամկետով, ՀՀ քրեական օրենսգրքի 266-րդ հոդվածի 1-ին մասով՝ ազատազրկման` 5 (հինգ) տարի 3 (երեք) ամիս ժամկետով: ՀՀ քրեական օրենսգրքի 66-րդ հոդվածի կիրառմամբ, նշանակված պատիժները մասնակիորեն գումարելու միջոցով, Վ.Խաչյանի նկատմամբ վերջնական պատիժ է նշանակվել ազատազրկում` 13 (տասներեք) տարի ժամկետով` առանց գույքի բռնագրավման: Պատժի սկիզբը հաշվվել է՝ 2012 թվականի հունվարի 25-ից: Վ.Խաչյանի նկատմամբ նշանակվել է հոգեբույժի մոտ արտահիվանդանոցային հսկողություն և հարկադիր բուժում:
Նույն դատավճռով դատապարտվել են նաև Թոլիբ Սոյիմի Պարտոևը, Սաիդ Ահմադի Դոուդքանլուի Միլանիին, Արթուր Միհրանի Ալեքսանյանը և Կարապետ Լեռնիկի Բաղդասարյանը:
2. Վ.Խաչյանի և նրա պաշտպան Ռ.Սաֆարյանի, Ա.Ալեքսանյանի պաշտպան Կ.Հակոբյանի, Թ.Պարտոևի, Կ.Բաղդասարյանի պաշտպան Ա.Ստեփանյանի վերաքննիչ բողոքների քննության արդյունքում ՀՀ վերաքննիչ քրեական դատարանը (այսուհետ` նաև Վերաքննիչ դատարան) 2013 թվականի օգոստոսի 2-ի որոշմամբ բողոքները մերժել է, Առաջին ատյանի դատարանի` 2013 թվականի հունիսի 1-ի դատավճիռը թողել օրինական ուժի մեջ:
3. Վերոնշյալ որոշման դեմ ամբաստանյալ Վ.Խաչյանի վճռաբեկ բողոքը Վճռաբեկ դատարանի՝ 2013 թվականի սեպտեմբերի 30-ի որոշմամբ վերադարձվել է:
4. Դատապարտյալ Վ.Խաչյանի և նրա պաշտպան Կ.Գրեյանի՝ նոր հանգամանքի հիմքով բերված բողոքի հիման վրա Վճռաբեկ դատարանը 2019 թվականի ապրիլի 1-ի որոշմամբ հարուցել է դատական ակտի վերանայման վարույթ և վճռաբեկ բողոքն ընդունել է վարույթ:
Դատավարության մասնակիցների կողմից վճռաբեկ բողոքի պատասխան չի ներկայացվել:

Վճռաբեկ բողոքի քննության համար էական նշանակություն ունեցող փաստական հանգամանքները.
5. Դատապարտյալ Վ.Խաչյանը ՀՀ քրեական օրենսգրքի 266-րդ հոդվածի 3-րդ մասի 2-րդ կետով, ՀՀ քրեական օրենսգրքի 266-րդ հոդվածի 1-ին մասով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով դատապարտվել է այն բանի համար, որ «(…) [նա] Թոլիբ Սոյիմի Պարտոևից իրացնելու նպատակով ապօրինի ձեռք է բերել և պահել, (…) 200 գրամ «ափիոն» տեսակի թմրամիջոց, որոնք նույն ժամանակահատվածում, (…) ապօրինի իրացրել է քննությամբ չպարզված անձին:
Վլադիմիր Խաչյանը, (…) Թոլիբ Սոյիմի Պարտոևից անվճար, առանց իրացնելու նպատակի, իր գործածման համար ապօրինի ձեռք է բերել և պահել խոշոր չափերի` 1.8 գրամ «ափիոն» տեսակի թմրամիջոց (…):
Բացի այդ, Վլադիմիր Խաչյանը, (…) Թոլիբ Պարտոևին ապօրինի իրացրել է 0.45 գրամ «մարիխուանա» տեսակի թմրամիջոց (…)» (1):


Վճռաբեկ բողոքի հիմքերը, հիմնավորումները և պահանջը.
Վճռաբեկ բողոքը քննվում է հետևյալ հիմքերի սահմաններում՝ ներքոշարադրյալ հիմնավորումներով.
6. Բողոք բերած անձինք, հղում կատարելով թմրամիջոցների և հոգեմետ (հոգեներգործուն) նյութերի չափերի վերաբերյալ օրենսդրական փոփոխություններին, ինչպես նաև վկայակոչելով ՀՀ Սահմանադրության 73-րդ հոդվածը և ՀՀ քրեական օրենսգրքի 13-րդ հոդվածի 1-ին մասը, փաստարկել են, որ նշված փոփոխություններով բարելավվել է Վ.Խաչյանի վիճակը, հետևաբար, դրանք ենթակա են կիրառման Վ.Խաչյանի նկատմամբ:
7. Վերոգրյալի հիման վրա բողոք բերած անձինք խնդրել են Վ.Խաչյանի վերաբերյալ կայացված դատական ակտերով հաստատված արարքները համապատասխանեցնել «ՀՀ քրեական օրենսգրքում փոփոխություններ և լրացումներ կատարելու մասին» 2017 թվականի դեկտեմբերի 6-ի թիվ ՀՕ-241-Ն ՀՀ օրենքին, և փոփոխել նրա նկատմամբ նշանակված վերջնական պատիժը:

Վճռաբեկ դատարանի պատճառաբանությունները և եզրահանգումը.
8. Սույն գործով Վճռաբեկ դատարանի առջև բարձրացված իրավական հարցը հետևյալն է. արդյո՞ք ՀՀ սահմանադրական դատարանի` 2017 թվականի փետրվարի 14-ի թիվ ՍԴՈ-1348 որոշման ուժով «ՀՀ քրեական օրենսգրքում փոփոխություններ և լրացումներ կատարելու մասին» 2017 թվականի դեկտեմբերի 6-ի թիվ ՀՕ-241-Ն ՀՀ օրենքը նոր հանգամանք է դատապարտյալ Վլադիմիր Խաչյանի վերաբերյալ Վճռաբեկ դատարանի՝ 2013 թվականի սեպտեմբերի 30-ի որոշումը վերանայելու համար:
9. ՀՀ Սահմանադրության 72-րդ հոդվածի համաձայն` «(…) Արարքի պատժելիությունը վերացնող կամ պատիժը մեղմացնող օրենքն ունի հետադարձ ուժ»:
ՀՀ քրեական օրենսգրքի 13-րդ հոդվածի 1-ին մասի համաձայն` «Արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն՝ տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են դա, սակայն ունեն դատվածություն»:
10. Քրեական օրենքը հետադարձ ուժով կիրառելու նորմերի համակարգային վերլուծության արդյունքում՝ Վճռաբեկ դատարանը մշտապես ընդգծել է, որ «չկա հանցագործություն և պատիժ, եթե այն սահմանված չէ օրենքով» (nullum crimen, nulla poena sine lege) կանոնը համընդհանուր ճանաչում ստացած հիմնարար սկզբունք է և իրավունքի գերակայության կարևորագույն տարր: Այն բացառիկ նշանակություն ունի մարդու իրավունքների պաշտպանության համակարգում, հետևաբար, նշված սկզբունքից շեղումը բացարձակապես անթույլատրելի է: Դրա հետ մեկտեղ, ժամանակի ընթացքում քրեական օրենքի գործողության ընդհանուր կանոնն ունի նաև բացառություն: Մասնավորապես, քրեական օրենքի հետադարձության կանոնը սկսում է գործել այն դեպքերում, երբ նոր օրենքը կամ վերացնում է արարքի հանցավորությունը (ապաքրեականացում), կամ մեղմացնում է պատիժը, կամ այլ կերպ բարելավում է հանցանք կատարած անձի վիճակը: Թվարկված պայմաններն ունեն իմպերատիվ բնույթ, և նոր օրենքն ուժի մեջ մտնելուց հետո դրանցից առնվազն մեկի առկայության պարագայում նոր օրենքի գործողությունը տարածվում է մինչև այն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են այն, սակայն ունեն դատվածություն (2):
11. ՀՀ սահմանադրական դատարանը (այսուհետ` նաև Սահմանադրական դատարան), 2017 թվականի փետրվարի 14-ի թիվ ՍԴՈ-1348 որոշման շրջանակներում՝ անդրադառնալով արարքի պատժելիությունը վերացնող օրենքը հետադարձությամբ կիրառելու կառուցակարգին, արձանագրել է. «(...) [Ե]լնելով ՀՀ Սահմանադրության 72-րդ հոդվածի անմիջական գործողությունից և վերջինիս` սույն որոշման մեջ բացահայտված բովանդակությամբ կիրառումն ապահովելու համար իրավակիրառ պրակտիկայի շրջանակներում արարքի պատժելիությունը վերացնող օրենքի հետադարձ կիրառումը պատիժ կրող անձանց նկատմամբ անհրաժեշտ է իրականացնել նոր հանգամանքի հիմքով դատական ակտի վերանայման վերաբերյալ իրավակարգավորումների շրջանակներում՝ արարքի պատժելիությունը վերացնող օրենքի ուժի մեջ մտնելը դիտարկելով՝ որպես դատական ակտը վերանայելու համար նոր հանգամանք (…)» (3):
Արդյունքում Սահմանադրական դատարանն արձանագրել է. «(...) ՀՀ քրեական դատավարության օրենսգրքի 426.2-րդ հոդվածը և դրա հետ համակարգային առումով փոխկապակցվածության մեջ գտնվող` ՀՀ քրեական դատավարության օրենսգրքի 426.4-րդ հոդվածի 1-ին մասը համապատասխանում են ՀՀ Սահմանադրությանն այնպիսի սահմանադրաիրավական բովանդակությամբ, համաձայն որի` ելնելով ՀՀ Սահմանադրության 72-րդ հոդվածի անմիջական գործողությունից` արարքի պատժելիությունը վերացնող օրենքն ուժի մեջ մտնելն իրավակիրառ պրակտիկայի շրջանակներում պետք է ընկալվի որպես նոր հանգամանք, և օրինական ուժի մեջ մտած դատական ակտը նոր հանգամանքի հիմքով ենթակա է վերանայման ՀՀ քրեական դատավարության օրենսգրքով նախատեսված կարգով (...)» (4):
12. Նախորդ կետում մեջբերված Սահմանադրական դատարանի իրավական դիրքորոշումների հաշվառմամբ՝ Վճռաբեկ դատարանն արձանագրում է, որ արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքի ընդունմամբ՝ նախկինում կայացված և օրինական ուժի մեջ մտած դատական ակտերը ենթակա են վերանայման ՀՀ քրեական դատավարության օրենսգրքի 49.1-րդ գլխով սահմանված` նոր հանգամանքներով դատական ակտերի վերանայման կանոններով: Այլ կերպ` Վճռաբեկ դատարանն ընդգծում է, որ արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը նոր հանգամանք է օրինական ուժի մեջ մտած դատական ակտերը վերանայելու համար։
13. ՀՀ քրեական օրենսգրքի 266-րդ հոդվածի համաձայն` «1. Իրացնելու նպատակով թմրամիջոցներ, հոգեմետ (հոգեներգործուն) նյութեր ապօրինի պատրաստելը, վերամշակելը, ձեռք բերելը, պահելը, փոխադրելը, առաքելը կամ դրանք ապօրինի իրացնելը՝
պատժվում է ազատազրկմամբ` երեքից յոթ տարի ժամկետով։
(...)
3. Սույն հոդվածի առաջին և երկրորդ մասով նախատեսված արարքները, որոնք կատարվել են՝
(...)
2) առանձնապես խոշոր չափերով՝
պատժվում են ազատազրկմամբ` յոթից տասնհինգ տարի ժամկետով՝ գույքի բռնագրավմամբ կամ առանց դրա (...)»:
ՀՀ քրեական օրենսգրքի 268-րդ հոդվածի համաձայն` «1. Առանց իրացնելու նպատակի զգալի չափերով թմրամիջոցներ կամ հոգեմետ (հոգեներգործուն) նյութեր ապօրինի պատրաստելը, վերամշակելը, ձեռք բերելը, պահելը, փոխադրելը կամ առաքելը՝
պատժվում է կալանքով՝ առավելագույնը երկու ամիս ժամկետով, կամ ազատազրկմամբ` առավելագույնը մեկ տարի ժամկետով»։
2. Նույն արարքները, որոնք կատարվել են՝
(...)
2) խոշոր չափերով,
պատժվում են ազատազրկմամբ՝ առավելագույնը երեք տարի ժամկետով (...)»:
Մինչև «ՀՀ քրեական օրենսգրքում փոփոխություններ և լրացումներ կատարելու մասին» 2017 թվականի դեկտեմբերի 6-ի թիվ ՀՕ-241-Ն ՀՀ օրենքն ուժի մեջ մտնելը թմրամիջոցների և հոգեմետ (հոգեներգործուն) նյութերի զգալի, խոշոր և առանձնապես խոշոր չափերը սահմանող ՀՀ քրեական օրենսգրքի 1-ին հավելվածում «ափիոն» տեսակի թմրամիջոցի համար որպես խոշոր չափ է սահմանված եղել՝ 0.5 գրամից մինչև 10.0 գրամը ներառյալ, որպես առանձնապես խոշոր չափ՝ ավելի քան 10.0 գրամը, «մարիխուանա» տեսակի թմրամիջոցի համար որպես զգալի չափ՝ 0.5 գրամից մինչև 5.0 գրամը ներառյալ։
Վերոնշյալ օրենքի 4-րդ հոդվածով ՀՀ քրեական օրենսգրքի 1-5-րդ հավելվածներն ուժը կորցրած ճանաչելուց հետո ՀՀ կառավարության` 2018 թվականի հունիսի 27-ի թիվ 707-Ն որոշման 1-ին հավելվածով «ափիոն» տեսակի թմրամիջոցի համար որպես զգալի չափ է սահմանվել 0.5 գրամից մինչև 2.5 գրամը ներառյալ, որպես խոշոր չափ՝ 2.5 գրամից մինչև 12.5 գրամը ներառյալ, որպես առանձնապես խոշոր չափ՝ ավելի քան 12.5 գրամը, «մարիխուանա» տեսակի թմրամիջոցի համար որպես մանր չափ՝ 0.5 գրամից մինչև 2.5 գրամը ներառյալ։
14. Սույն գործի նյութերի ուսումնասիրությունից երևում է, որ Վլադիմիր Խաչյանը դատապարտվել է՝
- ՀՀ քրեական օրենսգրքի 266-րդ հոդվածի 3-րդ մասի 2-րդ կետով՝ իրացնելու նպատակով ընդհանուր` 200 գրամ «ափիոն» տեսակի թմրամիջոց ապօրինի ձեռք բերելու, պահելու և իրացնելու համար,
- ՀՀ քրեական օրենսգրքի 266-րդ հոդվածի 1-ին մասով՝ 0.45 գրամ «մարիխուանա» տեսակի թմրամիջոց ապօրինի իրացնելու համար,
- ՀՀ քրեական օրենսգրքի 268-րդ հոդվածի 2-րդ մասի 2-րդ կետով՝ առանց իրացնելու նպատակի, խոշոր չափի` 1.8 գրամ «ափիոն» տեսակի թմրամիջոց ապօրինի ձեռք բերելու և պահելու համար (5):
15. Նախորդ կետում մեջբերված փաստական հանգամանքները գնահատելով սույն որոշման 9-13-րդ կետերում վկայակոչված իրավադրույթների և արտահայտված իրավական դիրքորոշումների լույսի ներքո` Վճռաբեկ դատարանը փաստում է, որ թմրամիջոցների և հոգեմետ (հոգեներգործուն) նյութերի չափերի վերաբերյալ օրենսդրական փոփոխությունները հիմք չեն Վ.Խաչյանի վերաբերյալ կայացված և օրինական ուժի մեջ մտած դատական ակտերով հաստատված՝ ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 266-րդ հոդվածի 1-ին մասով նախատեսված արարքների իրավական որակման փոփոխության:
16. Միևնույն ժամանակ, Վճռաբեկ դատարանը փաստում է, որ թմրամիջոցների չափերի վերաբերյալ օրենսդրական փոփոխությունները հիմք են Վ.Խաչյանի վերաբերյալ կայացված և օրինական ուժի մեջ մտած դատական ակտերով հաստատված՝ ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված արարքի իրավական որակման փոփոխության:
Մասնավորապես, «ափիոն» տեսակի թմրամիջոցի խոշոր չափի նվազագույն և առավելագույն սահմանների օրենսդրական փոփոխությունների համեմատական ուսումնասիրությունից երևում է, որ դրանց արդյունքում՝ 1.8 գրամ «ափիոն» տեսակի թմրամիջոցն այսուհետ ոչ թե խոշոր, այլ զգալի չափի է։ Ուստի` դատապարտյալ Վ.Խաչյանի արարքը համապատասխանում է ՀՀ քրեական օրենսգրքի 268-րդ հոդվածի 1-ին մասին։
Նման պայմաններում թմրամիջոցի չափերի վերաբերյալ օրենսդրական փոփոխություններին պետք է տալ հետադարձ ուժ և դրանց գործողությունը տարածել մինչև դրանց ուժի մեջ մտնելը Վ.Խաչյանի կողմից կատարված արարքի վրա:
17. Վերոգրյալի հիման վրա Վճռաբեկ դատարանը գտնում է, որ ՀՀ սահմանադրական դատարանի` 2017 թվականի փետրվարի 14-ի թիվ ՍԴՈ-1348 որոշման ուժով «ՀՀ քրեական օրենսգրքում փոփոխություններ և լրացումներ կատարելու մասին» 2017 թվականի դեկտեմբերի 6-ի թիվ ՀՕ-241-Ն ՀՀ օրենքը նոր հանգամանք է դատապարտյալ Վ.Խաչյանի վերաբերյալ Վճռաբեկ դատարանի՝ 2013 թվականի սեպտեմբերի 30-ի որոշումը վերանայելու համար:
18. Վերանայման արդյունքում, անհրաժեշտ է բեկանել ու փոփոխել դատապարտյալ Վլադիմիր Խաչյանի վերաբերյալ Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի` 2013 թվականի հունիսի 1-ի դատավճիռը և այն օրինական ուժի մեջ թողնելու մասին ՀՀ վերաքննիչ քրեական դատարանի՝ 2013 թվականի օգոստոսի 2-ի որոշումը:
Վ.Խաչյանի՝ ՀՀ քրեական օրենսգրքի 268-րդ հոդվածի 2-րդ մասի 2-րդ կետով որակված արարքը պետք է վերաորակել ՀՀ քրեական օրենսգրքի 268-րդ հոդվածի 1-ին մասով և նրա նկատմամբ պատիժ նշանակել ազատազրկում՝ 9 (ինը) ամիս ժամկետով` hաշվի առնելով պատժի նշանակման ընդհանուր սկզբունքները, ինչպես նաև գործի նյութերում առկա` Վ.Խաչյանի անձը բնութագրող տվյալները, պատասխանատվությունն ու պատիժը ծանրացնող հանգամանքը: ՀՀ քրեական օրենսգրքի 66-րդ հոդվածի կանոնների կիրառմամբ Վ.Խաչյանի նկատմամբ ՀՀ քրեական օրենսգրքի 266-րդ հոդվածի 3-րդ մասի 2-րդ կետով նշանակված առանց գույքի բռնագրավման՝ 11 (տասնմեկ) տարի 3 (երեք) ամիս ժամկետով ազատազրկմանը պետք է մասնակիորեն գումարել ՀՀ քրեական օրենսգրքի 266-րդ հոդվածի 1-ին մասով նշանակված 5 (հինգ) տարի 3 (երեք) ամիս ժամկետով ազատազրկումից՝ 1 (մեկ) տարի ժամկետով ազատազրկումը, ՀՀ քրեական օրենսգրքի 268-րդ հոդվածի 1-ին մասով նշանակված 9 (ինը) ամիս ժամկետով ազատազրկումից՝ 3 (երեք) ամիս ժամկետով ազատազրկումը և Վ.Խաչյանի նկատմամբ վերջնական պատիժ նշանակել ազատազրկում` 12 (տասներկու) տարի 6 (վեց) ամիս ժամկետով` առանց գույքի բռնագրավման, պատժի սկիզբը հաշվելով՝ 2012 թվականի հունվարի 25-ից:
Ելնելով վերոգրյալից և ղեկավարվելով Հայաստանի Հանրապետության Սահմանադրության 162-րդ, 163-րդ, 171-րդ հոդվածներով, «Հայաստանի Հանրապետության դատական օրենսգիրք» Հայաստանի Հանրապետության սահմանադրական օրենքի 11-րդ հոդվածով, Հայաստանի Հանրապետության քրեական դատավարության օրենսգրքի 16-րդ, 39-րդ, 43-րդ, 3611-րդ, 403-406-րդ, 419-րդ, 422-423-րդ, 426.1-426.2-րդ, 426.4-րդ, 426.7-րդ և 426.9-րդ հոդվածներով՝ Վճռաբեկ դատարանը


Ո Ր Ո Շ Ե Ց

1. Վճռաբեկ բողոքը բավարարել: Դատապարտյալ Վլադիմիր Հայկազի Խաչյանի վերաբերյալ ՀՀ վճռաբեկ դատարանի՝ 2013 թվականի սեպտեմբերի 30-ի որոշումը նոր հանգամանքի հիմքով վերանայել:
2. Դատապարտյալ Վլադիմիր Հայկազի Խաչյանի վերաբերյալ Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի` 2013 թվականի հունիսի 1-ի դատավճիռը և այն օրինական ուժի մեջ թողնելու մասին ՀՀ վերաքննիչ քրեական դատարանի՝ 2013 թվականի օգոստոսի 2-ի որոշումը բեկանել ու փոփոխել:
3. Վլադիմիր Հայկազի Խաչյանի՝ ՀՀ քրեական օրենսգրքի 268-րդ հոդվածի 2-րդ մասի 2-րդ կետով որակված արարքը վերաորակել ՀՀ քրեական օրենսգրքի 268-րդ հոդվածի 1-ին մասով և նրա նկատմամբ պատիժ նշանակել ազատազրկում՝ 9 (ինը) ամիս ժամկետով: ՀՀ քրեական օրենսգրքի 66-րդ հոդվածի կանոնների կիրառմամբ Վլադիմիր Հայկազի Խաչյանի նկատմամբ ՀՀ քրեական օրենսգրքի 266-րդ հոդվածի 3-րդ մասի 2-րդ կետով նշանակված առանց գույքի բռնագրավման՝ 11 (տասնմեկ) տարի 3 (երեք) ամիս ժամկետով ազատազրկմանը մասնակիորեն գումարել ՀՀ քրեական օրենսգրքի 266-րդ հոդվածի 1-ին մասով նշանակված 5 (հինգ) տարի 3 (երեք) ամիս ժամկետով ազատազրկումից՝ 1 (մեկ) տարի ժամկետով ազատազրկումը, ՀՀ քրեական օրենսգրքի 268-րդ հոդվածի 1-ին մասով նշանակված 9 (ինը) ամիս ժամկետով ազատազրկումից՝ 3 (երեք) ամիս ժամկետով ազատազրկումը և Վլադիմիր Հայկազի Խաչյանի նկատմամբ վերջնական պատիժ նշանակել ազատազրկում` 12 (տասներկու) տարի 6 (վեց) ամիս ժամկետով` առանց գույքի բռնագրավման: Պատժի սկիզբը հաշվել՝ 2012 թվականի հունվարի 25-ից:
4. Ստորադաս դատարանների դատական ակտերը մնացած մասով թողնել անփոփոխ:
5. Որոշումն օրինական ուժի մեջ է մտնում դատական նիստերի դահլիճում հրապարակման պահից, վերջնական է և ենթակա չէ բողոքարկման:

Նախագահող` Լ.ԹԱԴԵՎՈՍՅԱՆ
Դատավորներ` Հ.ԱՍԱՏՐՅԱՆ
Ս.ԱՎԵՏԻՍՅԱՆ
Ե.ԴԱՆԻԵԼՅԱՆ
Ա.ՊՈՂՈՍՅԱՆ
Ս.ՕՀԱՆՅԱՆ

(1)Տե՛ս քրեական գործ, հատոր 6-րդ, թերթեր 6-7:
(2)Տե՛ս Վճռաբեկ դատարանի` Գասպար Պողոսյանի գործով 2011 թվականի հոկտեմբերի 20-ի թիվ ԳԴ1/0013/01/11 որոշման 16-17-րդ կետերը։
(3)Տե՛ս ՀՀ սահմանադրական դատարանի` 2017 թվականի փետրվարի 14-ի թիվ ՍԴՈ-1348 որոշման 7-րդ կետը:
(4)Տե՛ս ՀՀ սահմանադրական դատարանի` 2017 թվականի փետրվարի 14-ի թիվ ՍԴՈ-1348 որոշման եզրափակիչ մասը:
(5)Տե՛ս սույն որոշման 5-րդ կետը: