ԵԿԴ/0086/01/12
Ո Ր Ո Շ ՈՒ Մ
ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

11 սեպտեմբերի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանը` նախագահությամբ դատավոր Գ.Պողոսյանի, քարտու-ղարությամբ` Ա.Հովհաննիսյանի, մասնակցությամբ` մեղադրող Ս.Հարությունյանի, տուժող Հ. Արմենյանի, ամբաստանյալ Է.Դավթյանի, դատարանում` դռնբաց դատական նիստում, քննելով Էդգար Հովիկի Դավթյանի (ծնված 19.10.1982թ. ք.Երևանում, ազգությամբ հայ, ՀՀ քաղաքացի, ամուրի, սովորում է Հայաստանի պետական ագրարային համալսարանի ՙԱպահովագրական գործ՚ ֆակուլտետի 2-րդ կուրսում, չի աշխատում, առողջ, չդատված, բնակվում էª ք.Երևան, Դավիթ Մալյան փողոց, տուն հ. 14, արգելանքի տակ չէ, մեղադրվում է ՀՀ քրեական օրենսգրքի 117-րդ հոդվածով) վերաբերյալ ՀՀ քրեական օրենսգրքի 117-րդ հոդվածով քրեական գործի վա-րույթը կարճելու մասին մեղադրողի միջնորդությունը,

Պ Ա Ր Զ Ե Ց

Ամբաստանյալ Է.Դավթյանին ՀՀ քրեական օրենսգրքի 258 հոդվածի 2-րդ մասով մեղա-դըրանք է առաջադրվել այն բանի համար, որ նա. ՙ2012թ. հունվարի 14-ին, ժամը 20.00-ից մինչև ժամը 20.10-ն ընկած ժամանակահատվածում Երևան քաղաքի Արամի 54 հասցեում գտնվող Երևանի թիվ 2 կլինիկական հիվանդանոցի հարակից այգում հանդիպելով Արսեն Միշայի Հա-կոբյանին, վերջինիս ընկեր Հովհաննես Սայաթի Արմենյանին, մինչ այդ նույն օրը ժամը 16.00-ի սահմաններում Երևան քաղաքի Խանջյան և Թումանյան փողոցների խաչմերուկում նրա և Արսեն Հակոբյանի միջև վերջինիս կնոջըª Անուշ Մանասերյանին, ՙԱն, որ դեպքում կդավաճա-նես ամուսնուդ՚ վերտառությամբ հաղորդագրություն ուղարկելու շուրջ տեղի ունեցած վեճի առի-թով նախ թիվ 2 հիվանդանոցի բակում պարզաբանումներ կատարելու ժամանակ իր կարծեցյալ գերազանցությունը Արսեն Հակոբյանի նկատմամբ ցուցադրելովª վերջինիս կնոջ վարքագծի վե-րաբերյալ վատ արտահայտություններ է արել, ապաª սկսել են վիճաբանել, որի ընթացքում շուրջ 10 րոպե տևողությամբ դիտավորությամբ կոպիտ կերպով խախտելով հասարակական կարգըª թիվ 2 կլինիկական հիվանդանոցի պահակակետի բնականոն աշխատանքը, իսկ այնուհետև նըշ-ված հիվանդանոցի հարակից այգում բացահայտ անհարգալից վերաբերմունք դրսևորելով շըր-ջապատիª հավաքված 10-15 անցորդների նկատմամբ, Արսեն Հակոբյանի և Հովհաննես Արմեն-յանի հասցեին տվել է սեռական բնույթի հայհոյանքներ, որը զուգորդվել է բռնության գործա-դըրմամբª ձեռքերով և ոտքերով վերջիններիս հարվածներ հասցնելով, ինչի հետևանքով Հովհան-նես Արմենյանի առողջությանը պատճառվել է թեթև վնասª առողջության կարճատև քայքայու-մովª քթի ոսկրերի կոտրվածքի ձևով, իսկ Արսեն Հակոբյանի առողջությանըª թեթև վնասի հատ-կանիշներ չպարունակող մարմնական վնասվածքª վերին շրթունքի կարմիր երիզի ներսային մա-կերեսի սալջարդ վերքի ձևով՚:
Դատաքննության ընթացքում մեղադրողը, փոխելով ամբաստանյալին առաջադրված մե-ղադրանքը, ՀՀ քրեական օրենսգրքի 117-րդ հոդվածով նրան մեղադրանք առաջադրեց այն բա-նի համար, որ նա. ՙ2012թ. հունվարի 14-ինª ժամը 20-ի սահմաններում Երևան քաղաքի Արամի 54 հասցեում գտնվող թիվ 2 կլինիկական հիվանդանոցի հարակից այգում հանդիպելով Հով-հաննես Սայաթի Արմենյանին, նախկինում վերջինիս հետ տեղի ունեցած վեճի առիթով շարու-նակել է վեճը, որի ընթացքում դիտավորությամբ ոտքերով ու ձեռքերով հարվածել է Հովհաննես Արմենյանին, որի հետևանքով վերջինիս առողջությանը պատճառվել է թեթև վնասª առողջութ-յան կարճատև քայքայումով, այսինքնª թույլ է տվել հանցավոր արարք, որը նախատեսված է ՀՀ քրեական օրենսգրքի 117-րդ հոդվածով՚:
Միաժամանակ, նկատի ունենալով, որ դատարանի որոշմամբ տուժող ճանաչված Հ.Ար-մենյանը հայտարարեց, որ հաշտվել է տուժողի հետ, ներել է նրան և բողոք չունի, մեղադրող Ս. Հարությունյանը միջնորդեց կարճել Է.Դավթյանի վերաբերյալ ՀՀ քրեական օրենսգրքի 117-րդ հոդվածով քրեական գործի վարույթը:
Ամբաստանյալը և տուժողը, չառարկելով մեղադրողի միջնորդությանը, միացան դրան:
Դատարանը, քննության առնելով մեղադրողի միջնորդությունը, հաշվի առնելով տուժողի և ամբաստանյալի կարծիքներն ու նկատի ունենալով, որ տուժողը հաշտվել է ամբաստանյալի հետ, գտնում է, որ մեղադրողի միջնորդությունը պետք է բավարարվի և կարճվի Է.Դավթյանի վե-րաբերյալ ՀՀ քրեական օրենսգրքի 117-րդ հոդվածով քրեական գործի վարույթըª հետևյալ պատ-ճառաբանություններով.
Տուժողը հաշտվել է իր առողջությանը թեթև վնաս պատճառած ամբաստանյալի հետ:
ՀՀ քրեական դատավարության օրենսգրքի 35-րդ հոդվածի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե նույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ, իսկ նույն օրենսգրքի 183-րդ հոդվածի համա-ձայն` ՀՀ քրեական օրենսգրքի 117-րդ հոդվածով նախատեսված հանցագործության վերաբեր-յալ գործը հարուցվում է ոչ այլ կերպ, քան տուժողի բողոքի հիման վրա, և կասկածյալի կամ մե-ղադրյալի կամ ամբաստանյալի հետ նրա հաշտվելու դեպքում ենթակա է կարճման:
Քննության առնելով իրեղեն ապացույցի տնօրինման հարցըª դատարանը գտնում է, որ իրեղեն ապացույց ճանաչվածª արհեստական կաշվից սև բաճկոնը պետք է վերադարձվի տու-ժող Հ.Արմենյանին:
Դատարանը, քննության առնելով ամբաստանյալի նկատմամբ կիրառված խափանման միջոցի` ստորագրություն` չհեռանալու մասին, հարցը, գտնում է, որ սույն որոշումն ուժի մեջ մտնելուց հետո այն պետք է վերացվի:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 35-րդ, 183-րդ և 313-րդ հոդվածներով` դատարանը

Ո Ր Ո Շ Ե Ց

Կարճել Էդգար Հովիկի Դավթյանի վերաբերյալ ՀՀ քրեական օրենսգրքի 117-րդ հոդվա-ծով ԵԿԴ/0086/01/12 քրեական գործի վարույթը` տուժողի և նրա հաշտվելու հիմքով:
Իրեղեն ապացույցըª արհեստական կաշվից սև բաճկոնը, վերադարձնել տուժող Հ.Արմեն-յանին:
Է.Դավթյանի նկատմամբ ընտրված խափանման միջոցը` ստորագրությունª չհեռանալու մասին, որոշումն ուժի մեջ մտնելուց հետո վերացնել:
Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ