ԵԿԴ/0083/01/12





ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«26» սեպտեմբերի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ նաև` Դատարան)


նախագահող դատավոր
դատական նիստերի քարտուղարներ

մեղադրող
տուժող
պաշտպան
Մ.Պապոյան
Ռ.Ավետյան
Կ.Կարապետյան
Ս.Հարությունյան
Ա.Գրիգորյան
Է.Աղաջանյան


դռնբաց դատական նիստում քննեց քրեական գործն ըստ մեղադրանքի`
Հերմինե Կարլոսի Զեյթունյանի` ծնված 1978 թվականի հունիսի 14-ին Երևան քաղաքում, ազգությամբ հայ, ՀՀ քաղաքացի, ութամյա կրթությամբ, դատվածություն չունեցող, ամուսնացած, չի աշխատում, հաշվառված է Արմավիրի մարզի Սամաղար գյուղում, բնակվում է Երևան քաղաքի Արշակունյաց պողոտայի 47-րդ շենքի 16-րդ բնակարանում, մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով, խափանման միջոց ընտրվել է ստորագրություն չհեռանալու մասին:
1. Գործի դատավարական նախապատմությունը.
2012 թվականի մարտի 25-ին ՀՀ ոստիկանության Կենտրոնականի քննչական բաժնի քննիչ Հ.Բաղմանյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 13115312 քրեական գործը:
2012 թվականի մարտի 27-ին ՀՀ ոստիկանության Կենտրոնականի քննչական բաժնի քննիչ Հ.Բաղմանյանի որոշմամբ թիվ 13115312 քրեական գործով Հերմինե Կարլոսի Զեյթունյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով և 177-րդ հոդվածի 1-ին մասով:
2012 թվականի մայիսի 14-ին ՀՀ ոստիկանության Կենտրոնականի քննչական բաժնի քննիչ Հ.Բաղմանյանի որոշմամբ թիվ 13115312 քրեական գործով Հերմինե Կարլոսի Զեյթունյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով, 177-րդ հոդվածի 1-ին մասով և 177-րդ հոդվածի 1-ին մասով:
2012 թվականի մայիսի 21-ին Հերմինե Կարլոսի Զեյթունյանի վերաբերյալ թիվ 13115312 քրեական գործը մեղադրական եզրակացությամբ ուղարկվել է Դատարան, որին շնորհվել է ԵԿԴ/0083/01/12 համարը:
2012 թվականի սեպտեմբերի 26-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամբ թիվ ԵԿԴ/0083/01/12 քրեական գործով Հերմինե Կարլոսի Զեյթունյանի նկատմամբ ՀՀ քրեական օրենսգրքի 177-րդ հոդվածի 1-ին մասով և ՀՀ քրեական օրենսգրքի 177-րդ հոդվածի 1-ին մասով քրեական հետապնդումը դադարեցվել է` համապատասխանաբար` տուժողներ Անետա Միհրանի Սողոյանի և Արմինե Միսակի Միսակյանի հաշտվելու հիմքով:
Հերմինե Կարլոսի Զեյթունյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով` այն արարքի համար, որ նա 2012 թվականի մարտի 24-ին` ժամը 14:00-ի սահմաններում, Երևան քաղաքի «Հրազդան» տոնավաճառում Անահիտ Սիսակի Գրիգորյանի պայուսակից գաղտնի հափշտակել է վերջինին պատկանող` 1.000 ՀՀ դրամ արժողության դրամապանակը, որի մեջ եղել է զգալի չափի` 100.000 ՀՀ դրամ և 387.93 ՀՀ դրամին համարժեք 1 ԱՄՆ դոլար:
2. Արագացված դատական քննություն.
Մինչ դատաքննությունն սկսելն ամբաստանյալ Հերմինե Կարլոսի Զեյթունյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հերմինե Կարլոսի Զեյթունյանը կատարել է արարք` նախատեսված ՀՀ քրեական օրենսգրքի 177-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը, ծննդյան թիվ ԱԱ421668, ԱԱ171599 և ԱԱ303852 վկայականների պատճենները, եկավ հետևյալ եզրահանգման.
Հերմինե Զեյթունյանի անձը դրականորեն բնութագրող հանգամանքներ են ամուսնացած լինելը, ինքնախոստովանական ցուցմունքներ տալը և կատարածի համար զղջալը:
Հերմինե Զեյթունյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեք երեխայի (Լարիսա Անատոլիի Զեյթունյան` ծնված 2004 թվականի հունվարի 29-ին, Սուսաննա Անատոլիի Տերյան` ծնված 2007 թվականի հոկտեմբերի 13-ին և Մարիամ Անատոլիի Տերյան` ծնված 2009 թվականի մայիսի 4-ին) առկայությունը:
Դատարանը միաժամանակ արձանագրում է, որ Հերմինե Զեյթունյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Հերմինե Զեյթունյանը ենթակա է քրեական պատասխանատվության և պատժի:
Դատարանը, հաշվի առնելով Հերմինե Զեյթունյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքը, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Հերմինե Զեյթունյանի կատարած արարքի համար ՀՀ քրեական օրենսգրքի 177-րդ հոդվածի 1-ին մասի սանկցիայով նախատեսված է պատիժ նաև տուգանքի ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար նրա նկատմամբ պատիժ պետք է նշանակել տուգանքի ձևով:
Դատարանը գտնում է, որ Հերմինե Զեյթունյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2012 թվականի ապրիլի 16-ի որոշմամբ իրեղեն ապացույց ճանաչված և տուժող Անահիտ Գրիգորյանին ի պահ հանձնված 99.200 ՀՀ դրամը և 1 ԱՄՆ դոլարը պետք է թողնել տուժող Անահիտ Գրիգորյանի տնօրինությանը, իսկ 2012 թվականի ապրիլի 12-ի որոշմամբ իրեղեն ապացույց ճանաչված դրամապանակը, «ՎՏԲ» բանկի քարտը, «Կոնվերսբանկի» բանկային հաշվեհամարի քարտը, երեք լուսանկարը և «Վիվա Սելլ» ընկերության հեռախոսաքարտը պետք է վերադարձնել տուժող Անահիտ Գրիգորյանին, իսկ 60.000 ՀՀ դրամը` տուժող Արմինե Միսակյանին:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալ Հերմինե Զեյթունյանից դատարանի նախաձեռնությամբ ենթակա չեն բռնագանձման, քանի որ վերոգրյալ հիմնավորմամբ իրեղեն ապացույց ճանաչված գումարը և իրերը պետք է վերադարձվեն տուժող Անահիտ Գրիգորյանին: Ինչ վերաբերվում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Հերմինե Կարլոսի Զեյթունյանին մեղավոր ճանաչել ՀՀ քրեական օրենսգրքի 177-րդ հոդվածի 1-ին մասով և պատիժ նշանակել տուգանք` նվազագույն աշխատավարձի երկուհարյուրապատիկի չափով:
Հերմինե Կարլոսի Զեյթունյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Սույն դատավճիռն օրինական ուժի մեջ մտնելուց հետո 2012 թվականի ապրիլի 16-ի որոշմամբ իրեղեն ապացույց ճանաչված և տուժող Անահիտ Գրիգորյանին ի պահ հանձնված 99.200 ՀՀ դրամը և 1 ԱՄՆ դոլարը թողնել տուժող Անահիտ Գրիգորյանի տնօրինությանը:
Սույն դատավճիռն օրինական ուժի մեջ մտնելուց հետո 2012 թվականի ապրիլի 12-ի որոշմամբ իրեղեն ապացույց ճանաչված դրամապանակը, «ՎՏԲ» բանկի քարտը, «Կոնվերսբանկի» բանկային հաշվեհամարի քարտը, երեք լուսանկարը և «Վիվա Սելլ» ընկերության հեռախոսաքարտը վերադարձնել տուժող Անահիտ Գրիգորյանին, իսկ 60.000 ՀՀ դրամը` տուժող Արմինե Միսակյանին:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ