Գործ թիվ ԵԿԴ/0082/01/12




ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դա¬տարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության ավագ դատախազ` Հայկ Էյրամջյանի,

տուժող` Սիմա Թերզյանի,


2012թ. հունիսի 15-ին դռնբաց դատական նիստում քննեց քրեական գործն ըստ մե¬ղադ¬րանքի`

Է դ վ ա ր դ Վ ա հ ր ա մ ի Մ ի ք ա յ ե լ յ ա ն ի `
(ծնված 1957թ. դեկտեմբերի 4-ին, Գյումրի քաղաքում, ազգութ¬¬յամբ հայ, ՀՀ քաղա¬քա¬ցի, միջ¬նա¬կարգ կրթու¬թյամբ, ամուս¬նալուծվ¬ած, նախ¬կինում չդատապարտ¬ված, չի աշ¬խա¬¬տում, հաշվառված և բնակվում է Երևան քաղաքի Նորքի այգիների թիվ 243 տանը)


1. Գործի դատավարական նախապատմությունը.
Մասնավոր հետապնդման վերաբերյալ ՀՀ քրեական օրենսգրքի 117-րդ հոդվածի հատ¬կա¬նիշներով թիվ 13113312 քրեական գործն հարուցվել է 2012թ. մարտի 15-ին ՀՀ ոստիկա¬նության քննչական գլխավոր վարչության Երևան քաղաքի քննչական վարչության Կենտրոնականի քննչական բաժնում` տուժող Սիմա Թերզյանի հաղորդման հիման վրա։
2012թ. ապրիլի 12-ին Էդվարդ Միքայելյանի նկատմամբ որպես խափանման միջոց է ընտրվել չհեռանալու մասին ստորագրությունը, իսկ 2012թ. ապրիլի 19-ին նրան մեղադրանք է առաջադրվել ՀՀ քրեա¬կան օրենսգրքի 117-րդ հոդվածով։
2012թ. մայիսի 21-ին քրեական գործը Էդվարդ Միքայելյանի նկատմամբ ՀՀ քրեական օրենսգրքի 117-րդ հոդվածով հաստատված մեղադրական եզրա¬կացությամբ ուղարկվել է Երևանի Կենտրոն և Նորք-Մարաշ վարչական շրջանների ընդ¬հանուր իրավա¬սության դա¬տարան և 2012թ. մայիսի 22-ին ընդուն¬¬վել վարույթ։

2. Ապացույցների հետազոտում և գնահատում.
Դատաքննությամբ հետազոտված ապացույցներով Դատարանը հաստատված հա¬մա¬րեց հետևյալը.
Երևան քաղաքի Նորքի այգիների թիվ 243 տան բնակիչներ ամբաստանյալ Էդվարդ Միքայելյանի, վերջինիս քույրեր Էմմա և Սիմա Թերզյանների, Ս.Թերզյանի դուստր Կիմա Թերզյանի միջև վերոնշյալ տան պատկանելիության, ինչպես նաև կենցաղային հարցերի շուրջ ժամանակի ընթացքում ձևավորվել են լարված փոխհարաբերություններ։
2012թ. փետրվարի 19-ին` ժամը 12։00-ի սահմաններում, երբ ամբաստանյալ Էդվարդ Միքայելյանը, Սիմա և Անահիտ Թերզյանները, Էմմա Միքայելյանը գտնվել են վերոնշյալ տան հյուրասենյակում, ամբաստանյալ Միքայելյանը փորձել է դուրս գալ պատշգամբ, որի ընթացքում ճանապարհն ազատելու նպատակով բռնել է Սիմա Թերզյանի փոքրահասակ թոռնուհու` Անահիտ Թերզյանի ձեռքից և նրան մի կողմ հրել։ Այդ կապակցությամբ Սիմա Թերզյանը դիտողություն է արել Է.Միքայելյանին, որից վերջինս վիճաբանության մեջ է մտել Ս.Թերզյանի հետ, բռունցքով հարվածել նրա գլխին` դիտավորությամբ պատճառելով առող¬ջության կարճատև քայքայմամբ ուղեկցված թեթև վնաս։
Վերոնշյալ հանցավոր արարքը կատարելու համար Էդվարդ Միքայելյանին մեղադրանք է առաջադրվել ՀՀ քրեական օրենսգրքի 117-րդ հոդվածով։
Առաջադրված մեղադրանքում ամբաստանյալ Էդվարդ Միքայելյանն իրեն մեղավոր ճանաչեց մասնակի` ընդունելով, որ ճանապարհն ազատելու նպատակով բռնել է Սիմա Թերզյանի ձեռքից և մի կողմ քաշել, սակայն այդ կապակցությամբ Սիմա Թերզյանի հետ ծա¬¬գած վեճի ընթացքում միայն մեկ ապտակ է հասցրել նրա պարանոցի շրջանին, որի արդյունքում Սիմա Թերզյանը մարմնական վնասվածք ստանալ չէր կարող։
Ամբաստանյալ Էդվարդ Միքայելյանի պատճառաբանություններն անհիմն են ու մտա¬ցա¬ծին, հետապնդում են քրեական պատասխանատվությունից ու պատժից խուսափելու նպա¬տակ։ Դրանք հերքված են պատ¬շաճ իրա¬վա¬կան ըն¬թա¬ցակարգերի շրջանակնե¬րում դատաքննությամբ հետա¬զոտ¬ված և գնահատված ներ¬քոհիշ¬յալ ապա¬ցույց¬ներով.
Տուժող Սիմա Թերզյանի ցուցմունքով.
Վերջինս, իրազեկվելով մասնավոր հետապնդման վերաբերյալ սույն գործով ամբաս¬տան¬յալ Էդվարդ Միքայելյանի հետ հաշտվելու իր իրավունքի մասին, որի դեպքում քրեական հետապնդումը ենթակա է դադարեցման, իսկ քրեկան գործի վարույթը` կարճման, ողջ դատական քննության ընթացքում հաշտության դիմում չներկայացրեց, որի կապակցությամբ գործի վարույթը շարու¬նակվեց ընդհանուր կարգով։
Ս.Թերզյանը Դատարանում հայտնեց, որ 2012թ. փետրվարի 19-ին` ժամը 12։00-ի սահմաններում, եղբայրը` Էդվարդ Միքայելյանը, տան հյուրասենյակից պատշգամբ դուրս գալու ընթացքում ճանապարհն ազատելու համար բռնել է իր թոռնուհու` Անահիտ Թերզյանի ձեռքից և նրան մի կողմ հրել։ Դիտողություն է արել եղբորը, որի կապակցությամբ իրենց միջև ծագած վեճի ընթացքում Է.Միքայելյանն իրեն հրել և գցել է մահճակալին, այնուհետև` բռնել ձեռքից և բռունցքով երեք անգամ հարվածել գլխի շրջանին։ Դեպքից հետո փախել է հարևանուհու` Ռոզա Սարգսյանի տուն, վերջինիս պատմել եղելությունը, այնուհետև` կա¬տարվածի մասին հաղորդում է տվել ՀՀ ոստիկանության Կենտրոնականի բաժնի Մարաշի բաժանմունքում։ Հրաժարվեց քաղաքացիական հայցից։
Վկա Կիմա Թերզյանի ցուցմունքով.
Վերջինս հայտնեց, որ 2012թ. փետրվարի 19-ին` ժամը 12։00-ի սահմաններում, զանգահարել է մայրը` Սիմա Թերզյանը և հայտնել, որ գտնվում է հարևանուհու` Ռոզա Սարգսյանի տանը` խնդրելով անմիջապես գալ նրա մոտ։ Անմիջապես գնացել և հանդիպել է մորը, ով պատմել է, որ նույն օրը` ժամը 12։00-ի սահմաններում, տան հյուրասենյակում Էդվարդ Միքայելյանը վիճաբանել է նրա հետ, որի ընթացքում ծեծի է ենթարկել նրան և տնից վռնդել։ Մայրը կատարվածի մասին հաղորդում է տվել ՀՀ ոստիկանության Կենտրոնականի բաժնի Մարաշի բաժանմունքում։
Անչափահաս վկա Անահիտ Թերզյանի ցուցմունքով.
Վերջինս Դատարանում հայտնեց, որ 2012թ. փետրվարի 19-ին` ժամը 12։00-ի սահ¬մաններում, տան հյուրասենյակից պատշգամբ դուրս գալու ճանապարհն ազատելու համար Էդվարդ Միքայելյանը բռնել է իր ձեռքից և իրեն մի կողմ հրել։ Այդ կապակցությամբ տատիկը` Սիմա Թերզյանը, վիճաբանել է Է.Միքայելյանի հետ, որի ընթացքում վերջինս ծեծի է ենթարկել տատիկին` ձեռքերով հարվածելով վերջինիս գլխին։
Վկա Ռոզա Սարգսյանի` հրապարակված և հետազոտված ցուցմունքով, համաձայն որի` 2012թ. փետրվարի 19-ին` ժամը 12։00-ի սահմաններում, իր տուն է այցելել հարևանուհի Սիմա Թերզյանը և պատմել, որ քիչ առաջ տանը վիճաբանել է եղբոր` Էդվարդ Միքայելյանի հետ։ Իր տուն է եկել նաև Սիմայի փոքրահասակ թոռնուհին` Անահիտ Թերզյանը, որից հետո վերջիններս հեռացել են։
Դատաբժշկական փորձաքննության 2012թ. մարտի 7-ի թիվ 352 եզրակա¬ցութ¬յամբ, հա¬մաձայն որի` Սիմա Թերզյանի մոտ հայտնաբերվել է գանգուղեղային փակ բութ վնաս¬վածք, որը վերջինիս առողջությանը պատճառել է թեթև վնաս` առողջության կարճատև քայքա¬¬յումով։ Նույն եզրակացության համաձայն` վնասվածքը հասցվել է բութ, կոշտ առար¬կա¬յով, հնարավոր է փորձաքննութ¬յուն նշանակելու որոշման մեջ նշված ժամկետում և հան¬գա¬¬մանք¬ներում։

3. Դատարանի իրավական վերլուծությունները.
Գնահատելով դատաքննությամբ հետազոտված վերոնշյալ ապացույցները վերաբերե¬լիության և թույլատրելիության, ըստ համակցության` գործի լուծման համար բավարարութ¬յան տե¬սանկյունից` Դատարանը հաստատված է համարում այն, որ ամբաստանյալ Էդվարդ Միքայելյանը Սիմա Թերզյանի առողջությունը դիտավորությամբ պատ¬ճառել է առողջության կարճատև քայքայմամբ ուղեկցված թեթև մարմնական վնասվածք, այսինքն` կատարել է հանցա¬վոր արարք« որն համապատաս¬խանում է ՀՀ քրեական օրենսգրքի 117-րդ հոդվածով նախատեսված հանցա¬գործության հատկանիշ¬ներին, հետևա¬բար` Էդվարդ Միքայելյանը քրեա¬կան պա¬տաս¬¬խա¬նատ¬վության և պատժի է ենթակա այդ հոդվածով։
Ամբաստանյալ Էդվարդ Միքայելյանի նկատմամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատմամբ կիրառվող պատիժը և քրեաիրավական ներգոր¬ծության այլ միջոց¬ները պետք է լինեն արդարացի, համապա¬տասխանեն հանցանքի ծան¬րութ¬յանը, այն կատարելու հանգամանքներին, հանցավորի անձնավորությանը, անհրա¬ժեշտ և բավարար լինեն նրան ուղղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հան¬րության համար վտանգավորության աստիճանով և բնույթով, հանցավորի անձը բնու¬թագրող տվյալ¬ներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։ Նույն հոդվածի 3-րդ մասի համաձայն` հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։
Սույն գործով որպես Էդվարդ Միքայելյանի պատասխանատվությունը և պատիժը մեղմացնող հանգա¬մանքներ, ինչպես նաև անձը դրականորեն բնութագրող տվյալներ` Դատարանն հաշվի է ա¬ռնում այն, որ վերջինս իրեն մասնակի մեղավոր է ճանաչել, նախ¬կի¬նում դատապարտված չի եղել, հանցանքի կատարումը պայմանավորված է եղել տարիների ընթացքում բնակարանային և կենցաղային ծանր պայմանների ազդեցությամբ ընտանիքի անդամների հետ ծագած լարված փոխհարաբերություններով։
Պատասխանատվությունը և պատիժը մեղմացնող վերոնշյալ հանգամանքներն հաս¬տատված են գործով ձեռք բերված և դատաքննությամբ հետա¬զոտված, թույլատրելիութ¬յան ու վերաբերելիության չափանիշներին համապատասխանող ապացույց¬ներով և ող¬ջամտո¬րեն նվազեցնում են ամբաստանյալ Էդվարդ Միքայելյանի հանրային վտան¬գավո¬րությունը։
Ամբաստանյալ Էդվարդ Միքայելյանի պատասխանատվությունը և պա¬տիժը ծան¬րացնող հանգամանքներ Դատարանը չարձանագրեց։
Անդրադառնալով ամբաստանյալ Է.Միքայելյանի նկատմամբ նշանակվող պատժի տեսակի ընտրությանը` Դատարանը փաստում է, որ ՀՀ քրեական օրենսգրքի 117-րդ հոդ¬վածով սահմանված հանցա¬կազմն այլընտրանքային է, որպես պատժա¬տեսակ նախա¬տե¬սում է տուգանք և կա¬լանք։ Հաշվի առնելով ամբաստանյալ Էդվարդ Միքայելյա¬նի անձը, նրա պատասխանատվությունը և պատիժը մեղմացնող հանգա¬մանք¬ները, պատասխանատվութ¬յու¬նը և պատիժը ծանրացնող հանգամանք¬ների բացակայութ¬յունը, նրան մեղ¬սագրվող հանցագործության տեսակը, տուժող Ս.Թերզյանի հետ մերձավոր ազգակցական կապի առկայությունը, ամբաստանյալ Է.Միքայելյանի գործազրկությունը, ինչպես նաև կիրառելով ՀՀ քրեական օրենսգրքի 61-րդ հոդվածի ուղղակի պահանջը` Դատարանը գտնում է, որ ամբաստանյալ Է.Միքայելյանի նկատմամբ անհրաժեշտ է նշանակել ՀՀ քրեական օրենսգրքի 117-րդ հոդվածի սանկցիայով նախա¬տեսված պատժատեսակներից նվազ խիստը` տուգանքը, որի նվազագույն չափի նշանակումն անգամ արդարացի ու ինքնին բավա¬¬րար է նրան ուղղելու և նոր հանցա¬գոր¬ծությունները կանխելու համար։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների, դատական ծախսերի, գույքի նկատմամբ կիրառված (կիրառվելիք) արգելանքի, քաղա¬¬քա¬ցիական հայցի հարցերին։ Սույն քրեական գործով իրեղեն ապացույց¬ներ չկան, դատա¬կան ծախսերի բռնա¬գանձման անհրաժեշ¬տութ¬յունն հիմնավորող ապացույցներ` ևս, գործով տուժող Սիմա Թերզյանը քաղա¬¬քա¬ցիական հայց չի ներկայացրել, ամբաստանյալ Էդվարդ Միքայելյանի գույքի նկատմամբ արգելանք չի կիրառվել, ուստի Դատարանը սահմանափա¬կ¬վում է այդ փաստի արձանագրմամբ։
Դատարանը գտնում է, որ ամբաստանյալ Էդվարդ Միքայելյանի նկատմամբ որպես խա¬¬¬¬փան¬ման միջոց ընտրված չհեռանալու մասին ստորագրությունն անհրաժեշտ է վերացնել սույն դատավճիռն օրինական ուժի մեջ մտնելուց հետո։
Գնահատելով դատաքննությամբ հետազոտված ապացույց¬ները, ամբաս¬տանյալ Էդվարդ Միքայելյանի անձը բնութագրող տվյալները, այդ թվում` պատասխանատ¬վութ¬յունն ու պա¬տիժը մեղմացնող հանգամանքները, հաշվի առնելով նրա պատասխանատ¬վութ¬յունն ու պա¬տիժը ծանրացնող հանգամանքների բացակայությունը, ինչպես նաև նրան մեղսագրվող հան¬¬ցա¬գոր¬ծության բնույթն ու հանրության համար վտան¬գա¬¬¬վո¬րության աստի¬ճանը, ղեկա¬վար¬¬վելով ՀՀ քրեական դատավա¬րա¬կան օրենսգրքի 357-360-րդ, 364-365-րդ և 369-373-րդ հոդված¬ներով՝ Դատա¬րանը

Վ Ճ Ռ Ե Ց ՝

Էդվարդ Վահրամի Միքայելյանին ճանաչել մեղավոր ՀՀ քրեական օրենսգրքի 117-րդ հոդ¬վածով նախատեսված հանցա¬գործության կատարման մեջ, նրա նկատմամբ նշանակել պատիժ` տուգանք 50.000 /հիսուն հազար/ ՀՀ դրամի չափով, որի կատարումն հանձնա¬րարել ՀՀ ԱՆ քրեակատարողական վարչության այլընտրանքային պատիժների կատարման ստո¬րաբա¬ժան¬մանը։
Էդվարդ Միքայելյանի նկատմամբ որպես խափանման միջոց ընտրված չհեռանալու մա¬սին ստո¬րագրությունը վերացնել` սույն դատավճիռն օրինական ուժի մեջ մտնելուց հետո։
Դատական ծախսերի հարցը համարել լուծված։
Դատավճիռը կարող է բողոքարկվել Հայաստանի Հանրապետության վերաքննիչ քրեա¬կան դատարան հրապարակման օրվանից մե¬կամսյա ժամկետում։

ԴԱՏԱՎՈՐ՝ Ա.ՎԱՐԴԱՆՅԱՆ