ԵԿԴ/0079/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
27 հունիսի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Գ.ՄԱՐԳԱՐՅԱՆԻ
տուժող Ռ.ԿԱՐԱՊԵՏՅԱՆԻ
ամբաստանյալ Բ.ԿԱՐԱՊԵՏՅԱՆԻ
պաշտպան Վ.ԳԵՎՈՐԳՅԱՆԻ

դատարանում` դռնբաց դատական նիստում, քննեց գործն ըստ մեղադրանքի Բարսեղ Արմենի Կարապետյանի` ծնված 31.10.1987թ. ք.Աբովյան, ազգությամբ հայ, ՀՀ քաղաքացի, ամուրի, միջնակարգ կրթությամբ, առողջ, իր հայտարարությամբ` որպես բանվոր աշխատել է ՙԳլոբալ մոթորս՚ ՓԲ ընկերության ՙԼադա՚ ավտոսերվիսում, չդատված, բնակվել է` ք.Աբովյան, Սևանի փողոց, 2/1 շենք, բնակարան հ. 122, արգելանքի տակ է 2012թ. ապրիլի 6-ից, մեղադրվում է ՀՀ քրեական օրենսգրքի 176-րդ հոդվածի 1-ին և 34-176-րդ հոդվածի 1-ին մասերով:
Ամբաստանյալ Բարսեղ Կարապետյանին ՀՀ քրեական օրենսգրքի 176-րդ հոդվածի 1-ին և 34-176-րդ հոդվածի 1-ին մասերով մեղադրանք է առաջադրվել այն բանի համար, որ նա. ՙ2012թ. մարտի 11-ին` ժամը 20.30-ի սահմաններում, Երևան քաղաքի Տիգրան Մեծ պո-ղոտայի թիվ 10 հասցեում գործող ՙԵրևան սիթի՚ սուպերմարկետի մոտակայքում բացահայտ հափշտակել է Ռուզաննա Սերժիկի Կարապետյանի զգալի չափի` 70.000 ՀՀ դրամ արժողու-թյան դրամապանակը, որի մեջ եղել է 300.000 ՀՀ դրամ գումար:
Բացի այդ, Բ.Կարապետյանը, 2012թ. ապրիլի 05-ին` ժամը 23.30-ի սահմաններում, Երևան քաղաքի Տիգրան Մեծ պողոտայի թիվ 10 հասցեի մոտակայքում բացահայտ հափըշ-տակելով Անուշ Հրաչիկի Դանիելյանի զգալի չափի` 1.500 ՀՀ դրամ արժողության դրամա-պանակը, որի մեջ եղել է 48.200 ՀՀ դրամ գումար, դիմել է փախուստի, սակայն ՙԱյրարատ՚ կինոթատրոնի մոտ բռնվել է իրեն հետապնդող ՀՀ ոստիկանության ՊՊԾ գնդի 3-րդ հատուկ գումարտակի աշխատակիցների կողմից և հանցագործությունն ավարտին չի հասցրել իր կամքից անկախ հանգամանքներով՚:
Ամբաստանյալ Բ.Կարապետյանը` մինչև դատաքննությունն սկսվելը, միջնորդեց դա-տական քննությունն անցկացնել արագացված կարգով ու հայտարարեց, որ միջնորդությունը ներկայացնում է կամավոր` իր պաշտպանի հետ խորհրդակցելուց հետո, առաջադրված մե-ղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանքները:
Դատարանի որոշմամբ ամբաստանյալի միջնորդությունը բավարարվել է և կիրառվել է արագացված դատական քննության կարգ:
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքը և հանգելով եզրակացության, որ մեղադրանքը, որի հետ համա-ձայնվեց ամբաստանյալը, հիմնավորված է ու հաստատվում է քրեական գործով հավաքված ապացույցներով, գտնում է, որ ամբաստանյալ Բ.Կարապետյանը կատարել է հանցանքներ` նախատեսված ՀՀ քրեական օրենսգրքի 176-րդ հոդվածի 1-ին և 34-176-րդ հոդվածի 1-ին մա-սերով, որոնցով և նա պետք է պատասխանատվության ենթարկվի:
Ամբաստանյալի նկատմամբ պատիժ նշանակելիս` պատժի տեսակը և չափը որոշելիս, դատարանը հաշվի է առնում ինչպես նրա կատարած արարքների բնույթը և հանրության հա-մար վտանգավորության աստիճանը, այնպես էլ արագացված կարգով անցկացված դատա-քննության ընթացքում ուսումնասիրված` նրա անձը բնութագրող տվյալներն ու պատասխա-նատվությունը և պատիժը մեղմացնող ու ծանրացնող հանգամանքները:
Որպես ամբաստանյալ Բ.Կարապետյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա առաջին անգամ է դատա-պարտվում, համաձայնվեց մեղադրանքի հետ և զղջաց կատարած հանցանքների համար, ամբողջությամբ հատուցել է տուժող Ռ.Կարապետյանին հասցված նյութական վնասն ու վեր-ջինս ներել է նրան:
Որպես ամբաստանյալի անձը բնութագրող տվյալª դատարանը հաշվի է առնում, որ նա բնութագրվում է դրական:
Ամբաստանյալի պատասխանատվությունն ու պատիժը ծանրացնող հանգամանքներ դատաքննությամբ չարձանագրվեցին:
Միաժամանակ, հաշվի առնելով ամբաստանյալի կատարած հանցագործությունների` հանրության համար վտանգավորության աստիճանը և բնույթը, դատարանը գտնում է, որ նրա կատարած հանցագործությունների համար նախատեսված պատիժներից նվազ խիստ տեսակը չի կարող ապահովել պատժի նպատակները և նա պետք է դատապարտվի ազա-տազրկման:
Դատարանը, նկատի ունենալով, որ թեև նախաքննության ընթացքում ամբաստան-յալի գույքի վրա կալանք դնելու մասին որոշում է կայացվել, սակայն փաստացի նման գույք չի հայտնաբերվել և կոնկրետ որևէ գույքի վրա կալանք չի դրվել, գտնում է, որ գույքի բռնա-գրավումն ապահովելու համար ամբաստանյալի գույքի վրա դրված կալանքի վերացման հարց սույն դատավճռով չի կարող քննարկվել:
Դատարանը, քննության առնելով խափանման միջոցի և իրեղեն ապացույցների տնօ-րինման հարցերը, գտնում է, որ ամբաստանյալի նկատմամբ կիրառված խափանման միջո-ցը` մինչև դատավճռի օրինական ուժի մեջ մտնելը, պետք է թողնվի անփոփոխ, իսկ իրեղեն ապացույցներ ճանաչված` տուժող Անուշ Դանիելյանին ի պահ հանձնված, 48.200 ՀՀ դրամը և դրամապանակը պետք է թողնվեն նրա տնօրինմանը:
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119-րդ, 357-րդ, 359-րդ, 360-րդ և 3753-րդ հոդվածներովª դատարանը

Վ Ճ Ռ Ե Ց

Բարսեղ Արմենի Կարապետյանին ճանաչել մեղավոր ՀՀ քրեական օրենսգրքի 176-րդ հոդվածի 1-ին ու 34-176-րդ հոդվածի 1-ին մասերով և ՀՀ քրեական 176-րդ հոդվածի 1-ին մասով նրան դատապարտել ազատազրկման 6 (վեց) ամիս ժամկետով, իսկ 34-176-րդ հոդ-վածի 1-ին մասով` ազատազրկման 6 (վեց) ամիս ժամկետով:
ՀՀ քրեական օրենսգրքի 66-րդ հոդվածի 3-րդ մասի համաձայն` պատիժները լրիվ գու-մարելու միջոցով, որպես վերջնական պատիժ` նշանակել ազատազրկում 1 (մեկ) տարի ժամ-կետով:
Իրեղեն ապացույցները` 48.200 ՀՀ դրամը և դրամապանակը, թողնել տուժող Ա.Դանի-ելյանի տնօրինմանը:
Բ.Կարապետյանի նկատմամբ կիրառված խափանման միջոցը` մինչև դատավճռի օրինական ուժի մեջ մտնելը, թողնել անփոփոխ:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի կրման սկիզբը հաշվել 2012թ. ապրիլի 6-ից:
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ