ԵԿԴ/0076/01/12







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«3» հուլիսի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Հ.Սարգսյան
պաշտպան Ն.Մկրտչյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Նունե Ժորայի Իսկոյանի` ծնված 1968 թվականի մարտի 8-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, աշխատել է «Նելի Կարոլինա» ՍՊ ընկերությունում` որպես տնօրեն, հաշվառված է Երևան քաղաքի Թբիլիսյան խճուղու 2-րդ շենքի 4-րդ բնակարանում, բնակվում է Երևան քաղաքի Բարբյուսի փողոցի 7-րդ շենքի 11-րդ բնակարանում, մեղադրանք է առաջադրվել ՀՀ քրեական օրենսգրքի 194-րդ հոդվածով, խափանման միջոց է ընտրվել ստորագրություն չհեռանալու մասին:
1. Գործի դատավարական նախապատմությունը.
2011 թվականի փետրվարի 17-ին ՀՀ պետական եկամուտների կոմիտեի հետաքննության վարչության 1-ին բաժնի հետաքննիչ Վ.Չարխիֆալակյանի որոշմամբ ՀՀ քրեական օրենսգրքի 193-րդ հոդվածով նախատեսված հանցագործության հատկանիշներով հարուցվել է թիվ 83150912 քրեական գործը:
2011 թվականի փետրվարի 17-ին 2012 թվականի ապրիլի 26-ին ՀՀ պետական եկամուտների կոմիտեի քննչական վարչության քննիչ Վ.Աբրահամյանի որոշմամբ թիվ 83150912 քրեական գործն ընդունվել է վարույթ:
2012 թվականի ապրիլի 26-ին ՀՀ պետական եկամուտների կոմիտեի քննչական վարչության քննիչ Վ.Աբրահամյանի որոշմամբ թիվ 83150912 քրեական գործով Նունե Ժորայի Իսկոյանին մեղադրանք է առաջադրվել ՀՀ քրեական օրենսգրքի 194-րդ հոդվածով:
2012 թվականի մայիսի 10-ին Նունե Ժորայի Իսկոյանի վերաբերյալ թիվ 83150912 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որտեղ քրեական գործին շնորհվել է ԵԿԴ/0076/01/12 համարը:
Նունե Ժորայի Իսկոյանին մեղադրանք է առաջադրվել ՀՀ քրեական օրենսգրքի 194-րդ հոդվածով` այն արարքի համար, որ նա, հանդիսանալով ՀՀ պետական եկամուտների կոմիտեի Մյասնիկյանի հարկային տեսչությունում հաշվառված «Նելի Կարոլինա» ՍՊ ընկերության միակ մասնակիցն ու տնօրենը, 2008-2009 թվականների ընթացքում իրականացրել է ձեռնարկատիրական գործունեություն, սակայն հարկային տեսչություն ներկայացված հաստատագրված վճարի, եկամտահարկի, պետտուրքի և պարտադիր սոցիալական ապահովագրության հաշվետվություններով հաշվարկված հարկերի և վճարների գումարները օրենսդրությամբ սահմանված ժամկետում չվճարելով, սնանկության հատկանիշների բացակայության պայմաններում, պարտքերի չվճարման նպատակով, ստեղծել է կեղծ սնանկության հատկանիշներ` 2010 թվականի նոյեմբերի 26-ին սեփական սնանկության ճանաչման մասին հայցադիմում է ներկայացրել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան, որի կողմից այն ճանաչվել է, և դրա հետևանքով պետությանը պատճառվել է խոշոր չափի` 2.828.671 ՀՀ դրամի վնաս:
2. Արագացված դատական քննություն.
Մինչ դատաքննությունն սկսելն ամբաստանյալ Նունե Ժորայի Իսկոյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Նունե Ժորայի Իսկոյանը կատարել է արարք` նախատեսված ՀՀ քրեական օրենսգրքի 194-րդ հոդվածով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ՀՀ ոստիկանության ինֆորմացիոն կենտրոնի պահանջագիրը, ընտանիքի կազմի վերաբերյալ տեղեկանքը, բնութագիրը, եկավ հետևյալ եզրահանգման.
Նունե Իսկոյանի անձը դրականորեն բնութագրող հանգամանքներ են կատարածի համար զղջալը, ինչպես նաև խնամքի տակ երկու անձի` չափահաս դստեր և մոր առկայությունը:
Դատարանը գտնում է, որ Նունե Իսկոյանի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Նունե Իսկոյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Նունե Իսկոյանը ենթակա է քրեական պատասխանատվության և պատժի:
Դատարանը, հաշվի առնելով Նունե Իսկոյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ Նունե Իսկոյանի կողմից կատարված արարքի համար ՀՀ քրեական օրենսգրքի 194-րդ հոդվածի սանկցիայով` որպես հիմնական պատիժ, նախատեսված է նաև ազատազրկում և որպես պարտադիր լրացուցիչ պատիժ` որոշակի պաշտոններ զբաղեցնելու և որոշակի գործունեությամբ զբաղվելու իրավունքից զրկել, գտնում է, որ նրա նկատմամբ հիմնական պատիժ պետք է նշանակել ազատազրկում` 1 (մեկ) տարի 6 (վեց) ամիս ժամկետով, իսկ լրացուցիչ պատիժ` որոշակի գործունեությամբ` ձեռնարկատիրական գործունեությամբ զբաղվելու իրավունքից զրկել` 2 (երկու) տարի ժամկետով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 1-ին կետի 1-ին ենթակետի համաձայն` պատժից պետք է ազատել, բացառությամբ այդ որոշման 8-րդ կետի 4-րդ և 5-րդ ենթակետերով նախատեսված դեպքերի, առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց: Նույն որոշման 15-րդ կետի համաձայն` Համաներման որոշումը կիրառվում է այն անձանց նկատմամբ, որոնք հանցագործություն են կատարել մինչև 2011 թվականի մայիսի 1-ը ներառյալ, իսկ Նունե Իսկոյանը հանցանքը կատարել է 2010 թվականի նոյեմբերի 26-ին: Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Սակայն սույն քրեական գործի նյութերում բացակայում են Համաներման որոշման 9-րդ կետում նշված այն սահմանափակումները, որոնք կարող են արգելք հանդիսանալ Նունե Իսկոյանի նկատմամբ Համաներման որոշման կիրառման համար: Հիմք ընդունելով վերը նշվածը` Դատարանը գտնում է, որ ամբաստանյալ Նունե Իսկոյանին Համաներման որոշման կիրառմամբ պետք է ազատել ազատազրկման ձևով նշանակված պատժից: Նույն որոշման 10-րդ կետի համաձայն` Համաներման որոշումը չի ազատում դատարանների դատավճիռներով նշանակված լրացուցիչ պատիժներից, ուստի Նունե Իսկոյանի նկատմամբ նշանակված լրացուցիչ պատիժը` որոշակի գործունեությամբ` ձեռնարկատիրական գործունեությամբ զբաղվելու իրավունքից 2 (երկու) տարի ժամկետով զրկելը, դատավճիռն օրինական ուժի մեջ մտնելուց հետո պետք է ի կատար ածվի:
Դատարանը գտնում է, որ Նունե Իսկոյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերը դատարանի նախաձեռնությամբ ամբաստանյալ Նունե Իսկոյանից ենթակա չեն բռնագանձման, քանի որ մեղադրողը, հնարավորություն ունենալով դատարանում ներկայացնել Հայաստանի Հանրապետության շահերը, ամբաստանյալին որևէ պահանջ չի ներկայացրել, ավելին` մեղադրողը հայտնել է, որ ամբաստանյալ Նունե Իսկոյանի կողմից Հայաստանի Հանրապետությանը պատճառված վնասի բռնագանձման պահանջի մասին հայց կներկայացվի քաղաքացիական դատավարության կարգով: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մաuի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Նունե Ժորայի Իսկոյանին մեղավոր ճանաչել ՀՀ քրեական օրենսգրքի 194-րդ հոդվածով և պատիժ նշանակել ազատազրկում` 1 (մեկ) տարի 6 (վեց) ամիս ժամկետով` զրկելով որոշակի գործունեությամբ` ձեռնարկատիրական գործունեությամբ զբաղվելու իրավունքից` 2 (երկու) տարի ժամկետով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 1-ին կետի 1-ին ենթակետի կիրառմամբ Նունե Ժորայի Իսկոյանին ազատել 1 (մեկ) տարի 6 (վեց) ամիս ժամկետով ազատազրկումը կրելուց:
Նունե Ժորայի Իսկոյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ