ԵԿԴ/0070/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
31 մայիսի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ա.ՀԱԿՈԲՅԱՆԻ
տուժող Զ.ԲԱՂԴԱՏՅԱՆԻ
ամբաստանյալ Կ.ՄԵԼՈՅԱՆԻ
պաշտպան Հ.ԲԱՂԴԱՍԱՐՅԱՆԻ

դատարանում` դռնբաց դատական նիստում, քննեց գործն ըստ մեղադրանքի`
Կարեն Հովիկի Մելոյանի` ծնված 01.10.1985թ. ք.Գյումրիում, ազգությամբ հայ, ՀՀ քաղաքացի, ամուրի, 8-ամյա կրթությամբ, առողջ, մասնավոր կարգով աշխատել է որպես ավ-տոկայանատեղիի հսկիչ, չդատված, հաշվառված է` ք.Գյումրի, Մուշ, 2-րդ թաղամաս, 4/3 շենք, բնակարան հ. 51, բնակվել է` ք.Երևան, Նոր-Արեշ, 40-րդ փողոց, տուն հ. 57, արգելանքի տակ է 2012թ. մարտի 4-ից, մեղադրվում է ՀՀ քրեական օրենսգրքի 112-րդ հոդվածի 1-ին մա-սով£
Ամբաստանյալ Կ.Մելոյանին ՀՀ քրեական օրենսգրքի 112-րդ հոդվածի 1-ին մասով մեղադրանք է առաջադրվել այն բանի համար, որ նա. ՙ2012թ. մարտի 03-ին, ժամը 23.30-ի սահմաններում Երևան քաղաքի Աբովյան փողոցում գտնվող ՙՄոսկվա՚ կինոթատրոնի մո-տակայքում վիճաբանել է Զոհրաբ Վիկտորի Բաղդատյանի հետ, որի ընթացքում դիտավո-րությամբ դանակով հարվածել է վերջինիս որովայնին, ձախ բազկին և նրա առողջությանը պատճառել կյանքին վտանգ սպառնացող ծանր վնաս` ձախ բազկի ծակած-կտրած վերքի` մկանների վնասում և որովայնի առաջային պատի ծակած-կտրած թափանցող վերքի ձևով՚:
Ամբաստանյալ Կ.Մելոյանը մինչև դատաքննությունն սկսվելը միջնորդեց կիրառել ա-րագացված դատական քննության կարգ ու հայտարարեց, որ միջնորդությունը ներկայաց-նում է կամավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղա-վոր է ճանաչում և գիտակցում է արագացված կարգով դատական քննություն անցկացնելու հետևանքները:
Դատարանի որոշմամբ ամբաստանյալի միջնորդությունը բավարարվել և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Կ.Մելոյանը կատարել է հանցանք` նա-խատեսված ՀՀ քրեական օրենսգրքի 112-րդ հոդվածի 1-ին մասով, որով և նա պետք է պա-տասխանատվության ենթարկվի:
Ամբաստանյալի նկատմամբ պատիժ նշանակելիս` պատժի չափը որոշելիս, դատա-րանը հաշվի է առնում ինչպես նրա կատարած արարքի բնույթն ու հանրության համար վտանգավորության աստիճանը և հետևանքները, այնպես էլ արագացված կարգով անցկաց-ված դատաքննության ընթացքում ուսումնասիրված` նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանքները:
Որպես ամբաստանյալ Կ.Մելոյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա համաձայնվեց մեղադրանքի հետ, զղջաց կատարած հանցանքի համար և որ տուժողը ներել է նրան:
Որպես ամբաստանյալի անձը բնութագրող տվյալ` դատարանը հաշվի է առնում, որ նա մանկահասակ տարիքում կորցրել է ծնողներին և ապրել ու դաստիարակվել է մանկա-տանը և բնութագրվում է դրական:
Ամբաստանյալի պատասխանատվությունն ու պատիժը ծանրացնող հանգամանք-ներ դատական քննությամբ չարձանագրվեցին:
Տուժողը քաղաքացիական հայց չհարուցեց:
Քննության առնելով ամբաստանյալի նկատմամբ կիրառված խափանման միջոցի հարցը, դատարանը գտնում է, որ նրա նկատմամբ կիրառված խափանման միջոցը` մինչև դատավճռի օրինական ուժի մեջ մտնելը, պետք է թողնվի անփոփոխ:
Քննության առնելով իրեղեն ապացույցի տնօրինման հարցը` դատարանը գտնում է, որ իրեղեն ապացույց ճանաչված դանակը պետք է ոչնչացվի:
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119, 357, 359, 360 ու 3753 հոդվածներով` դատարանը

Վ Ճ Ռ Ե Ց

Կարեն Հովիկի Մելոյանին ճանաչել մեղավոր ՀՀ քրեական օրենսգրքի 112-րդ հոդ-վածի 1-ին մասով և դատապարտել ազատազրկման` 3 (երեք) տարի ժամկետով, որպիսի պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի կրման սկիզբը հաշվել 2012թ. մարտի 4-ից:
Կ.Մելոյանի նկատմամբ ընտրված խափանման միջոցը թողնել անփոփոխ` մինչև դա-տավճռի օրինական ուժի մեջ մտնելը:
Իրեղեն ապացույց ճանաչված դանակը ոչնչացնել:
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ