ԵԿԴ/0064/01/12







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«3» հուլիսի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Ջ.Ֆարխոյան
պաշտպան Ա.Թովմասյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Հովսեփ Ռոբերտի Հովնանյանի` ծնված` 1968 թվականի մարտի 15-ին Երևան քաղաքում, ազգությամբ հայ, ՌԴ քաղաքացի, միջին-մասնագիտական կրթությամբ, ամուսնացած, դատվածություն չունեցող, աշխատում է որպես անհատ ձեռնարկատեր, հաշվառված է ՌԴ Սամարայի մարզի Վոլժսկիյ շրջանի Սմիշլյաևկա գյուղի Կոմունիստիչեսկայա փողոցի 27-րդ շենքի 1-ին բնակարանում, Հայաստանի Հանրապետությունում բնակվում է Երևան քաղաքի Ա.Խաչատրյան փողոցի 22ա շենքի 40-րդ բնակարանում, մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, խափանման միջոց է ընտրվել ստորագրություն չհեռանալու մասին:
1. Գործի դատավարական նախապատմությունը.
2011 թվականի սեպտեմբերի 23-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ ՀՀ քրեական օրենսգրքի 268-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 69105611 քրեական գործը:
2011 թվականի սեպտեմբերի 26-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ թիվ 69105611 քրեական գործով Հովսեփ Ռոբերտի Հովնանյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով:
2012 թվականի ապրիլի 21-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Ավետիսյանի որոշմամբ թիվ 69105611 քրեական գործով Հովսեփ Ռոբերտի Հովնանյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով:
2012 թվականի ապրիլի 25-ին Հովսեփ Ռոբերտի Հովնանյանի վերաբերյալ թիվ 69105611 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորվել է ԵԿԴ/0064/01/12 համարը:
Հովսեփ Ռոբերտի Հովնանյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով` այն արարքի համար, որ նա առանց իրացնելու նպատակի` իր գործածման համար, 2011 թվականի սեպտեմբերի 20-ին Դավիթաշեն կամրջի հարևանությամբ գտնվող Հրազդանի կիրճից կանեփի թուփը քաղելու, չորացնելու, մանրացնելու եղանակով ապօրինի պատրաստել և պահել է զգալի չափի` 1,4 գրամ մարիխուանա տեսակի թմրամիջոց, որը ՀՀ ոստիկանության Երևան քաղաքի վարչության աշխատակիցների կողմից հայտնաբերվել է նրա մոտից 2011 թվականի սեպտեմբերի 23-ին` անձնական խուզարկության ենթարկելու ժամանակ:
2. Արագացված դատական քննություն.
Մինչ դատաքննությունն սկսելն ամբաստանյալ Հովսեփ Ռոբերտի Հովնանյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հովսեփ Ռոբերտի Հովնանյանը կատարել է արարք` նախատեսված ՀՀ քրեական օրենսգրքի 268-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը, բնութագիրը, ՌԴ հարկերի և տուրքերի նախարարության կողմից տրված թիվ 002465810 վկայականը, ծննդյան մասին թիվ 285741 վկայականը, եկավ հետևյալ եզրահանգման.
Հովսեփ Հովնանյանի անձը դրականորեն բնութագրող հանգամանքներ են ամուսնացած լինելը, աշխատելը, ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Հովսեփ Հովնանյանի պատասխանատվությունն ու պատիժը մեղմացնող հանգամանքներ պետք է դիտել խնամքին անչափահաս երեխայի (Մերի Հովսեփի Հովնանյան` ծնված 1994 թվականի նոյեմբերի 7-ին) առկայությունը և դրականորեն բնութագրվելը:
Դատարանը միաժամանակ արձանագրում է, որ Հովսեփ Հովնանյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Հովսեփ Հովնանյանը ենթակա է քրեական պատասխանատվության և պատժի:
Դատարանը, հաշվի առնելով Հովսեփ Հովնանյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ Հովսեփ Հովնանյանի կողմից կատարված արարքի համար ՀՀ քրեական օրենսգրքի 268-րդ հոդվածի 1-ին մասի սանկցիայով նախատեսված է պատիժ նաև կալանքի ձևով, գտնում է, որ նրա նկատմամբ պատիժ պետք է նշանակել կալանքի ձևով, որը նա պետք է կրի:
Դատարանը գտնում է, որ Հովսեփ Հովնանյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ Հովսեփ Հովնանյանի նկատմամբ նշանակվելիք պատժի ժամկետին պետք է հաշվակցել սույն քրեական գործով 2011 թվականի սեպտեմբերի 23-ից մինչև 2011 թվականի սեպտեմբերի 26-ն արգելանքի տակ գտնվելու ժամկետը` 3 (երեք) օրը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2012 թվականի ապրիլի 21-ի որոշմամբ իրեղեն ապացույց ճանաչված 1,4 գրամ քաշով մարիխուանա տեսակի թմրամիջոցը պետք է ոչնչացնել:
Դատարանը գտնում է, որ դատական ծախսերն ամբաստանյալ Հովսեփ Հովնանյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Հովսեփ Ռոբերտի Հովնանյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով և պատիժ նշանակել կալանք` 2 (երկու) ամիս ժամկետով:
Հովսեփ Ռոբերտի Հովնանյանի նկատմամբ նշանակված պատժի ժամկետին հաշվակցել սույն քրեական գործով 2011 թվականի սեպտեմբերի 23-ից մինչև 2011 թվականի սեպտեմբերի 26-ն արգելանքի տակ գտնվելու ժամկետը` 3 (երեք) օրը, և վերջնական պատիժ թողնել կրելու` կալանք` 1 (մեկ) ամիս 27 (քսանյոթ) օր ժամկետով:
Պատժի կրման սկիզբը հաշվել արգելանքի վերցնելու պահից:
Հովսեփ Ռոբերտի Հովնանյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո 2012 թվականի ապրիլի 21-ի որոշմամբ իրեղեն ապացույց ճանաչված 1,4 գրամ քաշով մարիխուանա տեսակի թմրամիջոցը ոչնչացնել:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):

ԴԱՏԱՎՈՐ Մ.ՊԱՊՈՅԱՆ