ԵԿԴ/0059/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
31 մայիսի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ա.ԱՖԱՆԴՅԱՆԻ
ամբաստանյալ Ս.ԱԲՐԱՀԱՄՅԱՆԻ
օրինական ներկայացուցիչ Տ.ԱԲՐԱՀԱՄՅԱՆԻ
պաշտպան Վ.ԱՌԱՔԵԼՅԱՆԻ

դատարանում` դռնբաց դատական նիստում, քննեց գործն ըստ մեղադրանքի`
Սերյոժա Արմենի Աբրահամյանի` ծնված 27.01.1995թ. ք.Երևանում, ազգությամբ հայ, ՀՀ քաղաքացի, ամուրի, միջնակարգ կրթությամբ, առողջ, չի աշխատում, չդատված, բնակվում է` ք.Երևան, Երվանդ Քոչարի փողոց, 17-րդ շենք, բնակարան հ. 70, մեղադրվում է ՀՀ քրեական օրենսգրքի 235-րդ հոդվածի 4-րդ մասով:
Ամբաստանյալ Ս.Աբրահամյանին ՀՀ քրեական օրենսգրքի 235-րդ հոդվածի 4-րդ մասով մեղադրանք է առաջադրվել այն բանի համար, որ նա. ՙ2012թ. փետրվարի սկզբին Երևան քա-ղաքի ՙՍուրբ Գրիգոր Լուսավորիչ՚ եկեղեցու մոտից ձեռք է բերել և ապօրինի կրել ծակող սառը զենք հանդիսացող` արհեստագործական եղանակով սվինադաշույնի նմանողությամբ պատրաստված, գրչանման գործիք, որը 2012թ. փետրվարի 17-ին վերջինիս մոտ հայտնաբերվել է ՀՀ ոստիկանության Կենտրոնականի բաժնում ՊՊԾ գնդի աշխատակիցների կողմից՚:
Ամբաստանյալ Ս.Աբրահամյանը մինչև դատաքննությունն սկսվելը միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայացնում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրենց լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանքները:
Դատարանի որոշմամբ ամբաստանյալի միջնորդությունը բավարարվել և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի համա-ձայն լինելու հանգամանքն ու հանգելով եզրակացության, որ մեղադրանքը, որի հետ համաձայնվեց ամբաստանյալը, հիմնավորված է և հաստատվում է քրեական գործով հավաքված ապացույցներով, գտնում է, որ ամբաստանյալ Ս.Աբրահամյանը կատարել է հանցանք` նախա-տեսված ՀՀ քրեական օրենսգրքի 235-րդ հոդվածի 4-րդ մասով, որով և նա պետք է պատասխանատվության ենթարկվի:
Ամբաստանյալի նկատմամբ պատիժ նշանակելիս` պատժի տեսակն ու չափը որոշելիս, դատարանը հաշվի է առնում ինչպես նրան կատարած արարքի բնույթը և հանրության համար վտանգավորության աստիճանը և հետևանքները, այնպես էլ արագացված կարգով անցկաց-ված դատաքննության ընթացքում ուսումնասիրված` նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանքները:
Որպես ամբաստանյալ Ս.Աբրահամյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա անչափահաս է, համաձայնվեց մե-ղադրանքի հետ և անկեղծորեն զղջաց կատարած հանցանքի համար:
Ամբաստանյալի պատասխանատվությունն ու պատիժը ծանրացնող հանգամանքներ դատական քննությամբ չարձանագրվեցին:
Դատարանը, հաշվի առնելով ամբաստանյալի` ՀՀ քրեական օրենսգրքի 235-րդ հոդվածի 4-րդ մասով կատարած հանցագործության հանրության համար վտանգավորության աստիճանը, գտնում է, որ նշված հանցագործության համար նախատեսված պատիժներից նվազ խիստ տեսակը չի կարող ապահովել պատժի նպատակները և նա պետք է դատապարտվի ազատազրկման:
Դատարանը նաև հաշվի է առնում, որ դատական քննությամբ տյալներ ձեռք չբերվեցին, որ ամբաստանյալն ունի ինքնուրույն վաստակ կամ այնպիսի գույք, որի վրա կարող է տարա-ծվել բռնագանձում:
Միաժամանակ, նկատի ունենալով ամբաստանյալ Ս.Աբրահամյանի անձը բնութագրող տվյալները, նրա պատասխանատվությունը և պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը և, ելնելով ՀՀ քրեական օրենսգրքի 10-րդ ու 61-րդ հոդվածներով սահմանված արդարության, պատասխանա-տըվության անհատականացման և պատիժ նշանակելու ընդհանուր սկզբունքներից, դատարանը հանգում է հետևության, որ ամբաստանյալ Ս. Աբրահամյանի ուղղվելը հնարավոր է առանց պատիժը կրելու` ՀՀ քրեական օրենսգքրի 70-րդ հոդվածի կիրառմամբ պատիժը պայմանականորեն չկիրառելու միջոցով, ինչն անհրաժեշտ ու բավարար է նաև սոցիալական արդարությունը վերա-կանգնելու և նրա կողմից նոր հանցագործությունների կատարումը կանխելու համար:
Քննության առնելով իրեղեն ապացույցի տնօրինման հարցը` դատարանը գտնում է, որ սվինադաշույնի նմանողությամբ գրչանման գործիքը պետք է ոչնչացվի:
Դատարանը, քննության առնելով խափանման միջոցի` հսկողության հանձնելը, հարցը, գտնում է, որ ամբաստանյալի նկատմամբ կիրառված խափանման միջոցը պետք է թողնվի ան-փոփոխ` մինչև դատավճռի օրինական ուժի մեջ մտնելը:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 119-րդ, 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Սերյոժա Արմենի Աբրահամյանին ճանաչել մեղավոր ՀՀ քրեական օրենսգրքի 235-րդ հոդվածի 4-րդ մասով և դատապարտել ազատազրկման 6 (վեց) ամիս ժամկետով:
ՀՀ քրեական օրենսգրքի 70-րդ հոդվածի կիրառմամբ Ս.Աբրահամյանի նկատմամբ նշա-նակված պատիժը պայմանականորեն չկիրառել և սահմանել փորձաշրջան 1 (մեկ) տարի ժամկետով:
Ս.Աբրահամյանի նկատմամբ կիրառված խափանման միջոցը թողնել անփոփոխ` մինչև դատավճռի օրինական ուժի մեջ մտնելը:
Իրեղեն ապացույցը` սվինադաշույնի նմանողությամբ գրչանման գործիքը, ոչնչացնել:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ