Գործ թիվ ԵԿԴ/0054/01/12






ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան)`

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի Կենտրոն
և Նորք-Մարաշ վարչական շրջանների
դատախազության ավագ դատախազ` Աշոտ Գալստյանի,


2012թ. մայիսի 4-ին նույն դատարանում դռնբաց դատական նիստում քննեց քրեական գործն ըստ մե¬ղադ¬րանքի`

Ա ն դ ր ա ն ի կ Կ ո ր յ ո ւ ն ի Մ ա ր ա բ յ ա ն ի`
(ծնված 1958թ. փետրվարի 6-ին, Թալինի շրջանի Արագած գյուղում, ազգութ¬յամբ հայ, ՀՀ քաղա¬քա¬ցի, միջնակարգ կրթու¬թյամբ, ամուսնացած, չի աշխատում, զբաղվում է մասնավոր շինարարական աշխատանքներով, նախ¬կինում չդատա¬պարտ¬ված, հաշվառված է Կոտայքի մարզի Հրազդան քաղաքի, Միկրոշրջան թաղամասի 262-րդ շենքի 28-րդ բնա¬կա¬րանում, մշտական բնակության վայր չունի)


1.Գործի դատավարական նախապատմությունը.
Թիվ 13101312 քրեական գործն հարուցվել է 2012թ. հունվարի 14-ին ՀՀ ոստիկա¬նության քննչական գլխավոր վարչության Երևան քաղաքի քննչական վարչության Կենտրոնականի քննչա¬կան բաժնում։
2012թ. հունվարի 14-ին Անդրանիկ Մարաբյանի նկատմամբ որպես խափանման միջոց է ընտրվել չհե¬ռանալու մասին ստորագրութ¬յունը։
2012թ. հունվարի 19-ին նախաքննական մարմինը Անդրանիկ Մարաբյանին մեղադրանք է առաջադրել ՀՀ քրեական օրենսգրքի 268-րդ հոդվածի 1-ին մասով։
2012թ. ապրիլի 11-ին քրեական գործը Անդրանիկ Մարաբյանի նկատմամբ ՀՀ քրեական օրենսգրքի 268-րդ հոդվածի 1-ին մասով կազմված մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատա¬րան և նույն օրն ընդունվել վարույթ։



2. Ապացույցների հետազոտում և գնահատում.
Դատաքննությամբ հետազոտված ապացույցներով Դատարանը հաստատված հա¬մա¬րեց այն, որ ամբաստանյալ Անդրանիկ Մարաբյանն առանց իրացնելու նպատակի, իր գոր¬ծածման համար Արմավիրի մարզի Հոկտեմբեր գյուղում գտնվող իր ժամանակավոր կացարանին կից հողատարածքում 2011թ. հոկտեմբերին ցանել և աճեցրել է կանեփի բույս, որի թփերը չորացնելու և մանրացնելու միջոցով 2012թ. հունվարին ապօրինի պատրաստել է զգալի չափերի «չորացված մարիխուանա» տեսակի թմրամիջոց, որի մի մասը ծխելու եղանակով նույն ամսվա սկզբներին գործածել է։
2012թ. հունվարի 13-ին թմրամիջոց պահելու և գործածելու կասկածանքով Անդրանիկ Մարաբյանը Երևան քաղաքի Կենտրոն վարչական շրջանի տարածքից` Հրազդանի կիրճից, բեր¬ման է ենթարկվել ՀՀ ոստիկանության Կենտրոնականի բաժին, որտեղ նրա անձնական խու¬զարկությամբ հայտնաբերվել է գործածման նպատակով ապօրինաբար պատրաստած և պա¬հած զգալի չափի` 4.2 գրամ քաշով «չորացված մարիխուանա» տեսակի թմրամիջոցի մնացած մասը։
Վերոնշյալ հանցավոր արարքի կատարման համար ամբաստանյալ Անդրանիկ Մա¬րաբ¬յա¬նին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մա¬սով։
Առաջադրված մեղադրանքում ամբաստանյալ Անդրանիկ Մարաբյանն իրեն լիովին մեղա¬վոր ճանաչեց, օգտվելով դատավարական իրավունքից` հրաժարվեց ցուցմունքներ տա¬լուց, սակայն նրան առաջադրված հարցերին պատասխանելով` ընդունեց, որ ոստիկանների հայտնաբերած թմրա¬մի¬ջոցն իրենն է, ինքն է ցանել կանեփի սերմերը, այնուհետև քաղել կանեփի թփերը և չորացնելու ու մանրացնելու միջոցով իր գործածման համար պատրաստել «չորացված մարի¬խուանա» տեսակի թմրամիջոց, որը պահել է իր մոտ մինչև ոստիկանների կողմից այն հայտ¬նաբերելն ու առգրավվելը։
Ամբաստանյալ Անդրանիկ Մարաբյանին առաջադրված մեղադրանքը, բացի իր խոստո¬վա¬նական ցուցմունքից, հաստատվեց նաև պատշաճ իրա¬վա¬կան ըն¬թա¬ցակարգերի շրջա¬նակնե¬¬րում դատաքննությամբ հետա¬զոտ¬ված և գնահատված ներ¬քոհիշ¬յալ ապա¬ցույց¬նե¬րով.
Վկա Խաչատուր Վարժապետյանի ցուցմունքով.
Նա Դատարանում հայտնեց, որ ոստիկանության աշխատակիցների հրավերով մեկ այլ քաղաքացու` Արտակ Պետրոսյանի հետ մասնակցել է մինչ այդ իրեն անծանոթ Անդրանիկ Մա¬րաբյանի անձնական խուզարկությանը, որի ժամանակ վերջինիս ջինսե բաճկոնի ձախ գրպա¬նից հայտնաբերվել է ֆոլգայի մեջ փաթեթավորված դեղնականաչավուն զանգված։ Անդրանիկ Մարաբյանը հայտարարել է, որ այն կանեփ տեսակի թմրամիջոց է և պատ¬կանում է իրեն։ Նշված զանգվածը կշռվել, փաթեթավորվել և կնքվել է, այնուհետև կազմվել է համապա¬տասխան արձա¬նագրութ¬յուն, որը ստորագրել են բոլոր ներկաները, այդ թվում` ինքը։
Անձնական խուզարկությանը որպես ընթերակա մասնակցած, գործով վկա Արտակ Պետրոսյանի նույնաբովանդակ (Դատարանում հրապարակված) նախաքննական ցուցմունքով։
Իրեղեն ապացույց ճանաչված և քրեական գործին կցված` 4.1 գրամ քաշով «չորացված մարիխուանա» տեսակի թմրամիջոցի առկայութ¬յամբ (դատա¬քի¬միա¬կան հետազոտությամբ ծախս¬վել է խուզարկության հայտնաբերված 4.2 գրամից 0,1 գրամ թմրամիջոցը)։
Անդրանիկ Մարաբյանի անձնական խուզարկության ենթարկելու վերաբերյալ արձանագրութ¬յամբ, համաձայն որի` 2012թ. հունվարի 13-ին վերջինիս ջինսե բաճկոնի ձախ գրպանից հայտնա¬բեր¬վել է փայլաթիթեղյա փաթեթ, դրա մեջ` դեղնականաչավուն զանգված։ Խու¬զարկվող Մա¬րաբ¬յանը հայտարարել է, որ նշված զանգվածը պատկանում է իրեն, այն հանդիսանում է «կանեփ» տեսակի թմրամիջոց, որը քաղել է Արմավիրի մարզի դաշտից։ Նշված զանգվածի քա¬շը կազմել է մոտ 4.7 գրամ։
Դատաքիմիական փորձաքննության 2012թ. հունվարի 14-ի թիվ 7Ք եզրակա¬ցութ¬յամբ, համա¬ձայն որի՝ փորձաքննությանը ներկայացված 4.2 գրամ քաշով նյութն հանդիսանում է «չորաց¬ված մարիխուանա» տեսակի թմրամիջոց (դատա¬քի¬միա¬կան հետազոտությամբ ծախս¬վել է 0,1 գրամը)։
Տոքսիկոքիմիական փորձաքննության 2012թ.հունվարի 24-ի թիվ 12-0068 եզրակա¬ցութ¬յամբ, համաձայն որի՝ Անդրանիկ Մարաբյանից վերցված մազի և մեզի փորձանմուշներում հայտ¬նա¬¬բերվել են կանաբինոիդների խմբին պատկանող թմրամիջոցի թմրալկալոիդներ։
Դատանարկոլոգիական ամբուլատոր հանձնաժողովային փորձաքննության 2012թ. մարտի 1-ի թիվ 51-12 եզրակա¬ցությամբ, համաձայն որի՝ թմրամիջոցի գործածումն Անդրանիկ Մարաբյանի մոտ կրում է էպիզոդիկ բնույթ, վերջինս թմրա¬մոլությամբ չի տառապում և հար¬կադիր բուժման կա¬րիք չունի։
Անդրանիկ Մարաբյանի մասնակցությամբ 2012թ. հունվարի 24-ին և 2012թ. փետրվարի 23-ին կատարված քննչական փորձարարության արձանագրություններով, համա¬ձայն որոնց` վերջինս մատնացույց է արել Արմավիրի մարզի Հոկտեմբեր գյուղի դաշ¬տային տարածքը, որտեղից 2011թ. գարնանը քաղել է կանեփի թփի սերմեր, ապա` նույն գյուղի խա¬նութի ետնամասը` որտեղ ցանել ու աճեցրել է կանեփի բույսի սերմերը։

3. Դատարանի իրավական վերլուծությունները.
Գնահատելով դատաքննությամբ հետազոտված վերոնշյալ ապացույցները վերաբերե¬լիութ¬յան և թույլատրելիության, ըստ համակցության` գործի լուծման համար բավարա¬րութ¬յան տե¬սանկյունից` Դատարանը հաստատված համարեց այն, որ ամբաստանյալ Անդրանիկ Մարաբյանն առանց իրացնելու նպատակի, իր օգտագործման համար ապօրինաբար պատ¬րաստել և իր մոտ է պահել զգալի չափի` 4.2 գրամ «չորացված մարիխուանա» տեսակի թմրա¬միջոց, այսինքն` կատարել է հանցավոր արարք« որն համա¬պա¬տաս¬խա¬նում է ՀՀ քրեական օրենսգրքի 268-րդ հոդվածի 1-ին մասով նախատեսված հանցա¬գործության հատ¬կանիշ¬ներին, հետևա¬բար` վեր¬ջինս քրեական պա¬տաս¬¬խա¬նատ¬վության և պատժի ենթա¬կա է այդ հոդված¬ի այդ մասով։
Ամբաստանյալ Անդրանիկ Մարաբյանի նկատմամբ պատժի տեսակ և չափ նշանակելիս, ինչպես նաև պատիժը կրելու անհրաժեշտության հարցը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատարած անձի նկատմամբ կիրառվող պատիժը և քրեաիրավական ներգործության այլ միջոց¬ները պետք է լինեն արդարացի, համապա¬տասխանեն հանցանքի ծանրությանը, այն կա¬տա¬րելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնու¬թագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վարական օրենսգրքի 8-րդ հոդվածի համաձայն՝ որոշակի փաստական հանգամանքներ ունեցող գործով ՀՀ Վճռաբեկ դատարանի կամ Մարդու իրավունքների եվրոպական դատա¬րա¬նի դատական ակտի հիմնավորումները, այդ թվում՝ օրենքի մեկնաբանությունները, պարտադիր են դատարանի համար նույնանման փաստական հանգամանքներով այլ գործի քննության ժամանակ։
ՀՀ Վճռաբեկ դատարանը Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմբերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախատեսված նորմը` նշել է, որ այն Դատարանին օժտել է անձի պատասխա¬նատվությունը մեղմացնող հանգամանքների կիրառման լայն հայեցողությամբ, քանի որ պա¬տիժ նշանակելիս Դատարանը կարող է հաշվի առնել նաև մեղմացնող այնպիսի հանգա¬մանք¬ներ, որոնք նույն հոդվածի առաջին մասում նշված չեն։
Սույն գործով որպես ամբաստանյալ Անդրանիկ Մարաբյանի պատասխանատվությունը և պատիժը մեղմացնող այդպիսի հանգա¬մանքներ, ինչպես նաև անձը բնութագրող տվյալներ, Դատարանը հաշվի է ա¬ռնում այն, որ ամբաստանյալ Մարաբյանը նախկինում դատա¬պարտված չէ, 54 տարեկան է, անկեղ¬ծո¬րեն զղջացել է կատա¬րած հանցավոր արարքի համար և դեռևս նախաքննության ընթացքում իրեն լիովին մե¬ղավոր է ճանաչել, որպիսի դիրքորոշումը պահպանեց նաև դատական քննության ընթացքում։ Վերոնշյալ հանգա¬մանք¬ներն հաս¬տատվել են քրեա¬կան գործի նյութերում առկա փաս¬տական տվյալ¬ներով, իրական են և ողջամտորեն նվազեցնում են ամբաստանյալ Անդրանիկ Մարաբ¬յանի անձի հան¬րային վտանգա¬վո¬րությունը։
Ամբաստանյալ Անդրանիկ Մարաբյանի պատասխանատվությունը և պատիժը ծան¬րացնող հանգամանքներ Դատարանը չարձա¬նագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ¬ Ա.Մարաբյանի նկատմամբ նշանակվող պատժի տե¬սակին և այն կրելու անհրաժեշտության հարցին` Դատա¬րանը փաստում է, որ ՀՀ քրեական օրենսգրքի 268-րդ հոդվածի 1-ին մասով սահմանված հանցակազմը նախա¬տեսում է պատժատեսակներ, որոնք պայմանավարված են հա¬սա¬րակությունից մեկուսացման հետ` կալանք և ազատազրկում` որոշակի ժամկետով, հետևա¬բար` քննարկման ենթակա է ամբաստանյալ Ա.Մարաբյանի նկատմամբ նշանակվող պատ¬ժի տեսակի ընտ¬րության և պատիժը ռեալ կրելու կամ չկրելու հարցերը, ինչը, տվյալ գործի առանձ¬նահատկություններով պայմանավորված, Դատարանը հարկ է համարում կատարել միա¬ժամանակ։
ՀՀ քրեական օրենսգրքի 70-րդ հոդվածի 1-ին մասի համաձայն` եթե դատարանը կա¬լան¬քի, ազատազրկման կամ կարգապահական գումարտակում պահելու ձևով պատիժ նշա¬նակելով հանգում է հետևության, որ դատապարտյալի ուղղվելը հնարավոր է առանց պա¬տիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին։ Նույն հոդվածի 2-րդ մասի համաձայն` պատիժը պայմանականորեն չկիրառելիս դատա¬րանը հաշվի է առնում հանցավորի անձը բնութագրող տվյալները, պատաս¬խա¬նատվութ¬յունն ու պատիժը մեղմացնող, ինչպես նաև ծանրացնող հանգամանքները։
ՀՀ քրեական օրենսգրքի վերոնշյալ դրույթների մեկնաբանությունից ակնհայտ է, որ պատիժը պայմանականորեն չկիրառելու հետ կապված ինչպես հանցագործությունների տեսակ¬ների, հանցավոր արարքի վտանգավորության աստիճանի ու բնույթի, այնպես էլ անձանց շրջանակի հետ կապ¬ված որևէ հատուկ սահմանափակում օրենսդիրը չի կատարել, այսինքն` պատիժը պայմանականորեն չկիրառելու հիմք է համարվում դատարանի համոզ¬վածությունն առ այն, որ դատապարտյալի ուղղվելն հնարավոր է առանց որոշակի պատժա¬տեսակները ռեալ կրելու (նման մեկնաբանություն է արել նաև ՀՀ Վճռաբեկ դատա¬րանը Հասմիկ Պետրոսյանի վերաբերյալ թիվ ԱՐԱԴ/0050/01/08 քրեական գործով 2009թ. հունիսի 29-ին կայացրած որոշմամբ)։
Դատարանն այդ համոզվածության կարող է հանգել հանցավորի անձը բնութագրող, նրա պատասխանատվությունը և պա¬տիժը մեղմացնող, ՀՀ քրեական օրենսգրքի 62-րդ հոդվածով նախատեսված (ինչպես նաև չնախատեսված, բայց Դատարանի համոզմամբ այդ¬պիսին դիտարկվող) և 63-րդ հոդվածում սպառիչ թվարկված, պատասխանատվությունը և պատիժը ծանրացնող հանգամանքների գնա¬հատման արդյունքներով։
Հաշվի առնելով ամբաստանյալ Անդրանիկ Մարաբյանի անձը դրականորեն բնութագրող տվյալները, պատասխանատվությունը և պատիժը մեղմացնող հանգամանքները` նախկինում դատա¬պարտված չլինելու հանգամանքը, դեռևս մինչդատական վարույթից անկեղծորեն զղջալն ու առաջադրված մեղադրանքում իրեն լիովին մեղավոր ճանաչելը, նրան վերագրվող հանցագոր¬ծութ¬յան բնույթն ու վտանգա¬վորության աստիճանը, թմրամիջոցի տեսակը, այն անձամբ պատրաստելու և այլ անձանց հա¬կաօրինական իր գործունեության մեջ չներգրավելու հանգամանքները, պատաս¬խա¬նատ¬վությունը և պատիժը ծան¬րացնող հանգա¬մանքների բացա¬կայությունը, միևնույն ժամա¬նակ` առանց բժշկի նշանակման թմրամիջոց գործածելու փաստը, այսինքն` թմրամիջոց գործածելու հակումների առկա¬յութ¬յունը` Դա¬տա¬րանը գտնում է, որ պատժի նպատակներն ապահովելու տեսանկյունից ամբաստանյալ Անդրանիկ Մարաբյանի նկատ¬մամբ անհրաժեշտ է նշանակել առավել խիստ պատիժը` ազատազրկումը։ Սակայն դրանով հանդերձ հանգում է այն համոզ¬վա¬ծության, որ առաջին անգամ հանցագործություն կատարած Անդրանիկ Մարաբյանի ուղղվե¬լը և նոր հանցա¬գործություններ կանխելն հնա¬րավոր է առանց նրա նկատմամբ նշա¬նակվող պա¬տիժը ռեալ կրելու` ազատազրկման ձևով նշանակվող պատիժը պայմա¬նականորեն չկիրա¬ռելու և ողջամիտ ժամկետով փորձաշրջան սահմանելու պայմանով։ Այդ պատիժն է արդա¬րացի ու միա¬ժա¬¬մանակ անհրաժեշտ ամբաս¬տան¬յալ Անդրանիկ Մարաբյանին ուղղելու և հնարավոր նոր հանցա¬գոր¬ծությունները և իրավախախտումները, այդ թվում` գործածման նպատակով ապօրինաբար թմրամիջոց պատրաստելն ու պահելը, թմրամիջոց գործածելը կան¬խելու հա¬մար։
Միևնույն ժամանակ, հաշվի առնելով, որ ամբաստանյալ Անդրանիկ Մարաբյանը չունի մշտական բնակության վայր` կացարան, Դատարանը, պատիժը պայմանականորեն չկիրա¬ռելու վերա¬բերյալ հետևության հանգելով, նպատակահարմար և արդյունավետ չի համարում նրա նկատմամբ ՀՀ քրեական օրենսգրքի 70-րդ հոդվածի 5-րդ կետով նախատեսված մշտական բնակության վայրը չփոխելու պարտականություն դնելը։
Համաձայն դատանարկոլոգիական փորձաքննության 2012թ. մարտի 1-ի թիվ 51-12 եզրակա¬ցության` Անդրանիկ Մարաբյանի մոտ թմրամիջոցի գործածումը կրում է էպիզոդիկ բնույթ, վերջինս թմրամոլությամբ չի տառապում և հարկադիր բուժման կարիք չունի, հետևա¬բար` Դատարանը ամբաստանյալ Ա.Մարաբյանի նկատմամբ թմրամոլությունից հար¬կադիր բուժում չի նշա¬նա¬կում։
Ամբաստանյալ Անդրանիկ Մարաբյանի նկատմամբ որպես խա¬¬¬փանման միջոց ընտրված չհեռա¬նալու մասին ստորագրության հարցը քննարկելիս` Դատարանը գտնում է, որ այն անհրա¬ժեշտ է վերացնել` սույն դատավճռի օրինական ուժի մեջ մտնելուց հետո։
Քննարկելով իրեղեն ապացույցի տնօրինման հարցը` Դատարանը գտնում է, որ Դատա¬րանում պահ¬վող 4.1 գրամ քաշով «չորացված մարիխուանա» տեսակի թմրամիջոցն (դատա¬քի¬միա¬կան հետազոտությամբ ծախսվել է 0,1 գրամը) անհրաժեշտ է ոչնչացնել` դատավճիռն օրի¬նա¬կան ուժի մեջ մտնե¬լուց հե¬տո։
Անդրադառնալով դատական ծախսերի հարցին` Դատարանը գտնում է, որ անհրաժեշտ է ամբաստանյալ Ա.Մարաբյանի նկատմամբ նշանակված տոքսիկոքիմիական 2012թ. հունվարի 24-ի թիվ 12-0068 փորձաքննության կատարման ծախ¬սը` 28.854 /քսանութ հազար ութ հարյուր հիսունչորս/ ՀՀ դրամը, բռնագանձել նրանից` հօգուտ պետական բյուջեի։
Գործով քաղաքացիական հայց չի ներկայացվել, ամբաստանյալ Անդրանիկ Մարաբ¬յանի գույքի նկատմամբ արգելանք չի կիրառվել։
Գնահատելով դատաքննությամբ հետազոտված ապացույց¬ները, ուսումնասիրելով ամբաս¬¬¬¬տանյալի անձը բնութագրող տվյալները, պատասխանատ¬վութ¬յունն ու պատիժը մեղ¬մաց¬նող հանգամանքները, հաշվի առնելով պատասխանատվությունն ու պատիժը ծանրացնող հանգա¬մանքների բացա¬կայությունը, ղեկավարվելով ՀՀ քրեական դատավարա¬կան օրենսգրքի 119-րդ, 357-360-րդ, 364-365-րդ, 375-րդ, 367-373-րդ հոդված¬ներով, Դատա¬րանը

Վ Ճ Ռ Ե Ց՝

Անդրանիկ Կորյունի Մարաբյանին ճանաչել մեղավոր ՀՀ քրեական օրենսգրքի 268-րդ հոդ¬վածի 1-ին մասով նախատեսված հանցա¬գործության կատարման մեջ, նրա նկատմամբ նշա¬¬նակել պատիժ` ազա¬տազրկում 6 /վեց/ ամիս ժամկետով։
Կիրառելով ՀՀ քրեական օրենսգրքի 70-րդ հոդվածը` Անդրանիկ Մարաբյանի նկատմամբ ազատազրկման ձևով նշա¬նակված պատիժը պայմանականորեն չկիրառել և սահմանել փոր¬ձաշրջան 2/երկու/ տարի ժամկետով, որի կատարումը հանձնարարել ՀՀ ԱՆ քրեակատա¬րո¬ղական վարչության այլընտրանքային պատիժների կա¬տար¬¬ման ստո¬րաբա¬ժան¬մանը։
Անդրանիկ Մարաբյանի նկատմամբ որպես խափանման միջոց ընտրված չհեռանալու մասին ստորագրությունը վերացնել` դատավճիռն օրինական ուժի մեջ մտնելուց հետո։
Գործով իրեղեն ապացույց ճանաչված, Դատարանում պահվող 4.1 գրամ «չորացված մարիխուանա» տեսակի թմրամի¬ջոցը ոչնչացնել դատավճիռն օրինական ուժի մեջ մտնե¬լուց հետո։
Որպես դատական ծախս` Անդրանիկ Մարաբյանից հօգուտ պե¬տա¬կան բյուջեի բռնա¬գանձել 28.854 /քսանութ հազար ութ հարյուր հիսունչորս/ ՀՀ դրամ գումար։
Դատավճիռը կարող է բողոքարկվել Հայաստանի Հանրապետության վերաքննիչ քրեա¬կան դատարան հրապարակման օրվանից մե¬կամսյա ժամկետում։

ԴԱՏԱՎՈՐ՝ Ա.ՎԱՐԴԱՆՅԱՆ