ԵԿԴ/0047/01/12







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«31» օգոստոսի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղարներ Ռ.Ավետյան
Կ.Կարապետյան
մեղադրող Լ.Չարխիֆալակյան
տուժող Հ.Այդինյան
պաշտպաններ Հ.Բաղդասարյան
Ի.Մանուկյան
Ա.Քոչարյան
Ս.Հարությունյան
Ա.Ավագյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Արթուր Գառնիկի Շահվերդյանի` ծնված 1988 թվականի հոկտեմբերի 3-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, դատվածություն չունեցող, չի աշխատում, հաշվառված է Երևան քաղաքի Մարգարյան փողոցի 2-րդ նրբանցքի 6-րդ շենքի 12-րդ բնակարանում, մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով, արգելանքի տակ է 2012 թվականի հունվարի 9-ից, և
Արման Ռուբենի Սողոմոնյանի` ծնված 1989 թվականի մայիսի 3-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում դատապարտված, հաշվառված է Երևան քաղաքի Էրեբունի փողոցի 23-րդ շենքի 46-րդ բնակարանում, մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով, արգելանքի տակ է 2012 թվականի հունվարի 9-ից, և
Մարիամ Սարգսի Բադալյանի` ծնված 1991 թվականի փետրվարի 1-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, հաշվառված է Աբովյան քաղաքի 4-րդ միկրոշրջանի 71-րդ շենքի 1ա բնակարանում, մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով, արգելանքի տակ է 2012 թվականի հունվարի 9-ից:
1. Գործի դատավարական նախապատմությունը.
2012 թվականի հունվարի 9-ին ՀՀ ոստիկանության Կենտրոնականի քննչական բաժնի քննիչ Հ.Մանուկյանի որոշմամբ ՀՀ քրեական օրենսգրքի 176-րդ հոդվածի 2-րդ մասի 1-ին կետով նախատեսված հանցագործության հատկանիշներով հարուցվել և վարույթ է ընդունվել թիվ 13100512 քրեական գործը:
2012 թվականի հունվարի 11-ին ՀՀ ոստիկանության Կենտրոնականի քննչական բաժնի քննիչ Հ.Մանուկյանի որոշմամբ որոշմամբ թիվ 13100512 քրեական գործով Արթուր Գառնիկի Շահվերդյանին մեղադրանք է առաջադրվել ՀՀ քրեական օրենսգրքի 176-րդ հոդվածի 2-րդ մասի 1-ին կետով:
2012 թվականի հունվարի 11-ին ՀՀ ոստիկանության Կենտրոնականի քննչական բաժնի քննիչ Հ.Մանուկյանի որոշմամբ որոշմամբ թիվ 13100512 քրեական գործով Արման Ռուբենի Սողոմանյանին մեղադրանք է առաջադրվել ՀՀ քրեական օրենսգրքի 176-րդ հոդվածի 2-րդ մասի 1-ին կետով:
2012 թվականի հունվարի 11-ին ՀՀ ոստիկանության Կենտրոնականի քննչական բաժնի քննիչ Հ.Մանուկյանի որոշմամբ որոշմամբ թիվ 13100512 քրեական գործով Մարիամ Սարգսի Բադալյանին մեղադրանք է առաջադրվել ՀՀ քրեական օրենսգրքի 176-րդ հոդվածի 2-րդ մասի 1-ին կետով:
2012 թվականի մարտի 20-ին ՀՀ ոստիկանության Կենտրոնականի քննչական բաժնի քննիչ Հ.Մանուկյանի որոշմամբ որոշմամբ թիվ 13100512 քրեական գործով Արթուր Գառնիկի Շահվերդյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով:
2012 թվականի մարտի 20-ին ՀՀ ոստիկանության Կենտրոնականի քննչական բաժնի քննիչ Հ.Մանուկյանի որոշմամբ որոշմամբ թիվ 13100512 քրեական գործով Արման Ռուբենի Սողոմանյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով:
2012 թվականի մարտի 20-ին ՀՀ ոստիկանության Կենտրոնականի քննչական բաժնի քննիչ Հ.Մանուկյանի որոշմամբ որոշմամբ թիվ 13100512 քրեական գործով Մարիամ Սարգսի Բադալյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով:
2012 թվականի մարտի 29-ին Արթուր Գառնիկի Շահվերդյանի, Արման Ռուբենի Սողոմանյանի և Մարիամ Սարգսի Բադալյանի վերաբերյալ թիվ 13100512 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորվել է ԵԿԴ/0047/01/12 համարը:
Արթուր Գառնիկի Շահվերդյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով` այն արարքի համար, որ նա, 2012 թվականի հունվարի 8-ին` ժամը 23:30-ի սահմաններում, Երևան քաղաքի Պարոնյան և Լեո փողոցների հատման մասի մոտակայքում Արման Ռուբենի Սողոմոնյանի և Մարիամ Սարգսի Բադալյանի հետ, խմբով` նախնական համաձայնության գալով միմյանց հետ, փորձել են բացահայտ հափշտակել Հարություն Կարենի Այդինյանին պատկանող զգալի չափի` 38.500 ՀՀ դրամ ընդհանուր արժողության «Դորադո» տեսակի բջջային հեռախոսը` 093-52-84-85 և 099-98-70-89 համարների կանխավճարային քարտերով, պարանոցի 3 շղթան, տաբատի գրպանում եղած 5.000 ՀՀ դրամ գումարը, սակայն հանդիպելով Հարություն Այդինյանի դիմադրությանը, կարողացել են հափշտակել միայն 7.900 ՀՀ դրամ ընդհանուր արժողության «Դորադո» տեսակի բջջային հեռախոսը` 093-52-84-85 և 099-98-70-89 համարների կանխավճարային քարտերով, ապա դիմել են փախուստի և հանցագործությունն ավարտին չեն հասցրել իրենց կամքից անկախ հանգամանքներով:
Արման Ռուբենի Սողոմոնյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով` այն արարքի համար, որ նա, 2012 թվականի հունվարի 8-ին` ժամը 23:30-ի սահմաններում, ալկոհոլի ազդեցության տակ, Երևան քաղաքի Պարոնյան և Լեո փողոցների հատման մասի մոտակայքում Արթուր Գառնիկի Շահվերդյանի և Մարիամ Սարգսի Բադալյանի հետ, խմբով` նախնական համաձայնության գալով միմյանց հետ, փորձել են բացահայտ հափշտակել Հարություն Կարենի Այդինյանին պատկանող զգալի չափի` 38.500 ՀՀ դրամ ընդհանուր արժողության «Դորադո» տեսակի բջջային հեռախոսը` 093-52-84-85 և 099-98-70-89 համարների կանխավճարային քարտերով, պարանոցի 3 շղթան, տաբատի գրպանում եղած 5.000 ՀՀ դրամ գումարը, սակայն հանդիպելով Հարություն Այդինյանի դիմադրությանը, կարողացել են հափշտակել միայն 7.900 ՀՀ դրամ ընդհանուր արժողության «Դորադո» տեսակի բջջային հեռախոսը` 093-52-84-85 և 099-98-70-89 համարների կանխավճարային քարտերով, ապա դիմել են փախուստի և հանցագործությունն ավարտին չեն հասցրել իրենց կամքից անկախ հանգամանքներով:
Մարիամ Սարգսի Բադալյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով` այն արարքի համար, որ նա, 2012 թվականի հունվարի 8-ին` ժամը 23:30-ի սահմաններում, Երևան քաղաքի Պարոնյան և Լեո փողոցների հատման մասի մոտակայքում Արթուր Գառնիկի Շահվերդյանի և Մարիամ Սարգսի Բադալյանի հետ, խմբով` նախնական համաձայնության գալով միմյանց հետ, փորձել են բացահայտ հափշտակել Հարություն Կարենի Այդինյանին պատկանող զգալի չափի` 38.500 ՀՀ դրամ ընդհանուր արժողության «Դորադո» տեսակի բջջային հեռախոսը` 093-52-84-85 և 099-98-70-89 համարների կանխավճարային քարտերով, պարանոցի 3 շղթան, տաբատի գրպանում եղած 5.000 ՀՀ դրամ գումարը, սակայն հանդիպելով Հարություն Այդինյանի դիմադրությանը, կարողացել են հափշտակել միայն 7.900 ՀՀ դրամ ընդհանուր արժողության «Դորադո» տեսակի բջջային հեռախոսը` 093-52-84-85 և 099-98-70-89 համարների կանխավճարային քարտերով, ապա դիմել են փախուստի և հանցագործությունն ավարտին չեն հասցրել իրենց կամքից անկախ հանգամանքներով:
2. Արագացված դատական քննություն.
Մինչ դատաքննությունն սկսելն ամբաստանյալներ Արթուր Գառնիկի Շահվերդյանը, Արման Ռուբենի Սողոմոնյանը և Մարիամ Սարգսի Բադալյանը միջնորդեցին դատական քննությունն անցկացնել արագացված կարգով և հայտնեցին, որ միջնորդությունը ներկայացրել են կամավոր, խորհրդակցել են իրենց պաշտպանների հետ, գիտակցում են արագացված կարգով դատական քննություն անցկացնելու հետևանքները, առաջադրված մեղադրանքներն իրենց պարզ է, համաձայն են մեղադրանքների հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արթուր Գառնիկի Շահվերդյանը կատարել է արարք` նախատեսված ՀՀ քրեական օրենսգրքի 34-176-րդ հոդվածի 2-րդ մասի 1-ին կետով, Արման Ռուբենի Սողոմոնյանը` արարք` նախատեսված ՀՀ քրեական օրենսգրքի 34-176-րդ հոդվածի 2-րդ մասի 1-ին կետով իսկ Մարիամ Սարգսի Բադալյանը` արարք` նախատեսված ՀՀ քրեական օրենսգրքի 34-176-րդ հոդվածի 2-րդ մասի 1-ին կետով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` սթափության վիճակի զննության արձանագրությունները, ՀՀ ոստիկանության ինֆորմացիոն կենտրոնի պահանջագրերը, հիվանդության վերաբերյալ փաստաթղթերը և բնութագիրը, եկավ հետևյալ եզրահանգման.
Արթուր Գառնիկի Շահվերդյանի անձը դրականորեն բնութագրող հանգամանք է կատարածի համար զղջալը:
Դատարանն արձանագրում է, որ Արթուր Շահվերդյանի պատախանատվությունն ու պատիժը մեղմացնող և ծանրացնող հանգամանքներ սույն քրեական գործում առկա չեն:
Կատարած արարքի համար ամբաստանյալ Արթուր Շահվերդյանը ենթակա է քրեական պատասխանատվության և պատժի:
Դատարանը, հաշվի առնելով Արթուր Շահվերդյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող և ծանրացնող հանգամանքների բացակայությունը, ինչպես նաև այն, որ Արթուր Շահվերդյանի կողմից կատարված արարքի համար ՀՀ քրեական օրենսգրքի 176-րդ հոդվածի 2-րդ մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
Դատարանը միաժամանակ հարկ է համարում անդրադառնալ ամբաստանյալ Արթուր Շահվերդյանի պատժի չափի հարցին: Ամբաստանյալին մեղսագրվող հանցանքի համար ՀՀ քրեական օրենսգրքի 176-րդ հոդվածի 2-րդ մասի սանկցիայով նախատեսված է պատիժ` տուգանք` նվազագույն աշխատավարձի հինգհարյուրապատիկից հազարապատիկի չափով կամ ազատազրկում` երեքից հինգ տարի ժամկետով: ՀՀ քրեական օրենսգրքի 65-րդ հոդվածի 3-րդ մասի համաձայն` հանցափորձի համար ազատազրկման ձևով պատժի ժամկետը չի կարող գերազանցել ՀՀ քրեական օրենսգրքի հատուկ մասի համապատասխան հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի երեք քառորդը: Այսինքն` ՀՀ քրեական օրենսգրքի ուժով տվյալ հանցագործության համար նախատեսված պատժի առավելագույն ժամկետը երեք տարի ինն ամիս ժամկետով ազատազրկումն է: ՀՀ քրեական դատավարության օրենսգրքի 3753-րդ հադվածի 6-րդ մասի համաձայն՝ դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից, ապա առավել մեղմ պատիժը: Քանի որ տվյալ չավարտված հանցագործության համար նախատեսված պատժի առավելագույն ժամկետը ՀՀ քրեական օրենսգրքի ուժով երեք տարի ինն ամիս ժամկետով ազատազրկումն է, հետևաբար արագացված կարգ կիրառելու պայմաններում՝ ամբաստանյալի նկատմամբ նշանակվող պատիժը չի կարող գերազանցել երեք տարի ժամկետով ազատազրկումը: Դատարանի նման եզրահանգումը պայմանավորված է նրանով, որ ոչ քրեական, ոչ քրեադատավարական օրենսդրությամբ արգելված կամ սահմանափակված չէ վկայակոչված քրեաիրավական և քրեադատավարական նորմերի միաժամանակյա կիրառությանը, ավելին` դրանց միջև չկա որևէ հակասություն: Այսինքն` երկու ինստիտուտներն էլ տվյալ իրավահարաբերությունում կիրառելի են: Հակառակ մեկնաբանության պարագայում չավարտված հանցագործություններով վկայակոչված ինստիտուտներից մեկը պետք է չգործի, ինչը չի բխում նաև ամբաստանյալի շահերից:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիu անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Արթուր Շահվերդյանի պատժի կրման սկիզբը պետք է հաշվել 2010 թվականի հունվարի 9-ից, քանի որ նա ձերբակալվել է այդ օրը, իսկ 2010 թվականի հունվարի 11-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արթուր Շահվերդյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Արման Ռուբենի Սողոմոնյանի անձը դրականորեն բնութագրող հանգամանքն է կատարածի համար զղջալը:
Դատարանը գտնում է, որ Արման Սողոմոնյանի պատասխանատվությունն ու պատիժը մեղմացնող հանգամանք պետք է դիտել վատառողջ լինելը:
Դատարանն արձանագրում է, որ Արման Սողոմոնյանի պատասխանատվությունն ու պատիժը ծանրացնող հանգամանքներ են հանցանքները կատարելու ռեցիդիվը, քանի որ նա 2010 թվականի մարտի 4-ին դատապարտվել է ՀՀ քրեական օրենսգրքի 112-րդ հոդվածի 2-րդ մասի 4-րդ կետով նախատեսված դիտավորյալ հանցագործություն կատարելու համար, որի դատվածությունը մարված չէ, ինչպես նաև հանցանքն ալկոհոլի ազդեցության տակ կատարելը:
Կատարած արարքի համար ամբաստանյալ Արման Սողոմոնյանը ենթակա է քրեական պատասխանատվության և պատժի:
Դատարանը, հաշվի առնելով Արման Սողոմոնյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ Արման Սողոմոնյանի կողմից կատարած արարքի համար ՀՀ քրեական օրենսգրքի 176-րդ հոդվածի 2-րդ մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
Դատարանը միաժամանակ հարկ է համարում անդրադառնալ ամբաստանյալ Արման Սողոմոնյանի պատժի չափի հարցին:
ՀՀ քրեական օրենսգրքի 65-րդ հոդվածի 3-րդ մասի համաձայն` հանցափորձի համար ազատազրկման ձևով պատժի ժամկետը չի կարող գերազանցել ՀՀ քրեական օրենսգրքի հատուկ մասի համապատասխան հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի երեք քառորդը: Նույն հոդվածի 4.1 մասի համաձայն` սույն հոդվածի 2-րդ և 3-րդ մասերով նախատեսված կանոնները չեն կիրառվում հանցագործությունների ռեցիդիվի, վտանգավոր և առնաձնապես վտանգավոր ռեցիդիվի դեպքում պատիժ նշանակելիս:
Ելնելով վերոգրայալից և հաշվի առնելով, այն հանգամանքը, որ Արման Սողոմոնյանի արարքներում առկա է հանցագործությունների ռեցիդիվ` Դատարանը գտնում է, որ նրա նկատմամբ պատիժ նշանակելիս չի կարող կիրառվել ՀՀ քրեական օրենսգրքի 65-րդ հոդվածի 3-րդ մասով նախատեսված կանոնը:
Դատարանը միաժամանակ գտնում է, որ Արման Սողոմոնյանի նկատմամբ պատիժ նշանակելիս կիրառելի է ՀՀ քրեական դատավարության օրենսգրքի 3753-րդ հադվածի 6-րդ մասի դրույթները, ինչի արդյունքում նրա նկատմամբ նշանակվող պատիժը չի կարող գերազանցել երեք տարի չորս ամիս ժամկետով ազատազրկումը:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիu անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Արման Սողոմոնյանի պատժի կրման սկիզբը պետք է հաշվել 2010 թվականի հունվարի 9-ից, քանի որ նա ձերբակալվել է այդ օրը, իսկ 2010 թվականի հունվարի 11-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արթուր Շահվերդյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Մարիամ Սարգսի Բադալյանի անձը դրականորեն բնութագրող հանգամանք է կատարածի համար զղջալը:
Դատարանը գտնում է, որ Մարիամ Բադալյանի պատասխանատվությունն ու պատիժը մեղմացնող հանգամանք պետք է դիտել նախկինում արատավորված` դատապարտված չլինելը:
Դատարանը միաժամանակ արձանագրում է, որ Մարիամ Բադալյանի պատախանատվությունն ու պատիժը ծանրացնող հանգամանքներ սույն քրեական գործում առկա չեն:
Կատարած արարքի համար ամբաստանյալ Մարիամ Բադալյանը ենթակա է քրեական պատասխանատվության և պատժի:
Դատարանը, հաշվի առնելով Մարիամ Բադալյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունը և պատիժը մեղմացնող հանգամանքը, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ պատիժ պետք է նշանակել տուգանքի ձևով:
Դատարանը, նկատի ունենալով, որ սույն քրեկան գործով Մարիամ Բադալյանի 2012 թվականի հունվարի 9-ից մինչև օգոստոսի 31-ը գտնվել է կալանքի տակ, գտնում է, որ նրա նկատմամբ տուգանքի ձևով նշանակվող պատժի չափը պետք է մեղմացնել:
ՀՀ քրեական դատավարության օրենսգրքի 374-րդ հոդվածի համաձայն` ամբաստանյալի նկատմամբ ազատությունից զրկելու հետ չկապված պատժի դատապարտելու դեպքում, եթե ամբաստանյալը կալանքի տակ է գտնվում, դատարանը նրան անհապաղ ազատում է կալանքից դատական նիստի դահլիճում:
Դատարանը, նկատի ունենալով, որ վերոգրյալ հիմնավորմամբ ամբաստանյալ Մարիամ Բադալյանի նկատմամբ պետք է նշանակվի պատիժ` տուգանքի ձևով, գտնում է, որ նրա նկատմամբ ընտրված խափանման միջոցը` կալանավորումը, պետք է վերացնել և նրան անհապաղ ազատ արձակել:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2012 թվականի հունվարի 11-ի և 2012 թվականի մարտի 20-ի որոշումներով իրեղեն ապացույց ճանաչված` համապատասխանաբար` «Դորադո 6700» տեսակի բջջային հեռախոսը և երկու շղթան պետք է վերադարձնել տուժող Հարություն Կարենի Այդինյանին:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալներ Արթուր Շահվերդյանից, Արման Սողոմոնյանից և Մարիամ Բադալյանից դատարանի նախաձեռնությամբ ենթակա չեն բռնագանձման, քանի որ տուժող Հարություն Այդինյանի կողմից իր գույքային շահերն անձամբ պաշտպանելու անհնարինության մասին տվյալները բացակայում են: Ավելին, վերոգրյալ հիմնավորմամբ իրեղեն ապացույց ճանաչված իրերը պետք է վերադարձվեն տուժողին: Ինչ վերաբերվում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Արթուր Գառնիկի Շահվերդյանին մեղավոր ճանաչել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով և պատիժ նշանակել ազատազրկում` 3 (երեք) տարի ժամկետով ժամկետով` պատժի կրման սկիզբը հաշվելով 2012 թվականի հունվարի 9-ից:
Արթուր Գառնիկի Շահվերդյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Արման Ռուբենի Սողոմոնյանին մեղավոր ճանաչել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով և պատիժ նշանակել ազատազրկում` 3 (երեք) տարի 4 (չորս) ամիս ժամկետով` պատժի կրման սկիզբը հաշվելով 2012 թվականի հունվարի 9-ից:
Արման Ռուբենի Սողոմոնյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Մարիամ Սարգսի Բադալյանին մեղավոր ճանաչել ՀՀ քրեական օրենսգրքի 34-176-րդ հոդվածի 2-րդ մասի 1-ին կետով և պատիժ նշանակել տուգանք` նվազագույն աշխատավարձի հինգհարյուրապատիկի չափով:
ՀՀ քրեական օրենսգրքի 69-րդ հոդվածի 5-րդ մասի կիրառմամբ Մարիամ Սարգսի Բադալյանի նկատմամբ նշանակված պատիժը մեղմացնել և վերջնական պատիժ նշանակել տուգանք` նվազագույն աշխատավարձի հարյուրապատիկի չափով:
Մարիամ Սարգսի Բադալյանի նկատմամբ ընտրված խափանման միջոցը` կալանավորումը, վերացնել և նրան անհապաղ ազատել դատական նիստերի դահլիճից:
Դատավճիռն օրինական ուժի մեջ մտնելուց հետո 2012 թվականի հունվարի 11-ի և 2012 թվականի մարտի 20-ի որոշումներով իրեղեն ապացույց ճանաչված` համապատասխանաբար` «Դորադո 6700» տեսակի բջջային հեռախոսը և երկու շղթան վերադարձնել տուժող Հարություն Կարենի Այդինյանին:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ