Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

15 մայիսի 2012թ. ք. Երևան

ԵԿԴ-0046/01/12

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Է. Մկրտչյան,

մասնակցությամբ`
մեղադրող,
Երևան քաղաքի դատախազության
դատախազ Գ. Սարգսյանի,

պաշտպան Վ. Ենգիբարյանի,

տուժող Ա. Աղբալյանի,



դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
Արմեն Ագրիկի Կարապետյանի`
ծնված 1963թ. փետրվարի 11-ին Երևան քաղաքում, հայ, Հայաստանի Հանրապետության /այսուհետ ՀՀ/ քաղաքացի, բարձրագույն կրթությամբ, ամուսնացած, այժմ չի աշխատում, նախկինում չդատված, բնութագրվում է դրական, 2012թ. փետրվարի 22-ին ձերբակալվել է, փետրվարի 24-ին ազատվել է արգելանքից` անազատության մեջ գտնվելով երկու օր, այժմ կալանքի տակ չէ, հաշվառված է և բնակվում է ք. Երևան, Լյուքսեմբուրգի 1-ին նրբանցքի թիվ 5 շենքի թիվ 14 բնակարանում, մեղադրվում է ՀՀ քրեական օրենսգրքի 178-րդ հոդվածի 2-րդ մասի 5-րդ կետով։

Գործի դատավարական նախապատմությունը

Թիվ 59100512 քրեական գործը ՀՀ ոստիկանության ՔԳՎ Երևան քաղաքի քննչական վարչության ծանր հանցագործությունների քննության բաժնում հարուցվել է 2012թ. փետրվարի 22-ին, ՀՀ քրեական օրենսգրքի 178-րդ հոդվածի 2-րդ մասի 5-րդ կետով, Արմեն Կարապետյանի կողմից կաշառք ստանալու պատրվակով խարդախություն կատարելու փաստի առթիվ։ Նույն օրը Ա. Կարապետյանը ձերբակալվել է։ Քննիչի 24.02.2012թ. որոշմամբ ազատվել է արգելանքից` անձին արգելանքի տակ պահելու անհրաժեշտությունը բացակայելու պատճառաբանությամբ։
Քննիչի 2012թ. մարտի 21-ի որոշմամբ, տուժող Արթուր Էդիկի Աղբալյանի նկատմամբ ՀՀ քրեական օրենսգրքի 312-րդ հոդվածի 1-ին մասով քրեական հետապնդում չի իրականացվել` հանցակազմի բացակայության պատճառաբանությամբ։
Ամբաստանյալ Արմեն Ագրիկի Կարապետյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 5-րդ կետով հետևյալ արարքի համար. «որ նա աշխատելով ՀՀ տրանսպորտի և կապի նախարարության աշխատակազմի տրանսպորտի վարչության փոխադրումների քաղաքականության բաժնում որպես գլխավոր մասնագետ, հանդիսանալով քաղաքացիական ծառայող, օգտագործելով իր դիրքը դիտավորությամբ ուրիշի գույքը խաբեությամբ և վստահությունը չարաշահելու եղանակով հափշտակելու նպատակով Արթուր Աղբալյանին իբրև որպես վարորդ աշխատանքի տեղավորելու համար կաշառք ստանալու պատրվակով 2012թ. փետրվարի 22-ին պահանջել և վերջինիցս ստացել է զգալի չափի հասնող 116.778 ՀՀ դրամին համարժեք 300 ԱՄՆ դոլար, որը խարդախությամբ հափշտակել է։»։
2012թ. մարտի 28-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Արագացված դատական քննություն

Ամբաստանյալ Արմեն Ագրիկի Կարապետյանը միջնորդեց դատական քննությունն անցկացնել արագացված կարգով։ Նա հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Մեղադրողը միջնորդության դեմ չառարկեց։
Տուժողը նույնպես միջնորդության դեմ չառարկեց և դատարանին հայտնեց, որ ամբաստանյալի նկատմամբ որևէ պահանջ չունի։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ Արմեն Ագրիկի Կարապետյանը կատարել է ՀՀ քրեական օրենսգրքի 178-րդ հոդվածի 2-րդ մասի 5-րդ կետով նախատեսված արարք։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվեց, որ ամբաստանյալ Արմեն Ագրիկի Կարապետյանը նախկինում դատված չի եղել, բնութագրվում է դրական, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ, դատարանում նույնպես հայտարարեց, որ իրեն լիովին մեղավոր է ճանաչում և անկեղծորեն զղջում է կատարածի համար։


Դատարանի իրավական վերլուծությունները

Առաջադրված մեղադրանքն ամբաստանյալ Արմեն Ագրիկի Կարապետյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ամբաստանյալ Արմեն Ագրիկի Կարապետյանի կողմից, նրա մեղավորությամբ, կաշառք ստանալու պատրվակով խարդախություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 2-րդ մասի 5-րդ կետով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Արմեն Ագրիկի Կարապետյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նախկինում դատված չի եղել, բնութագրվում է դրական, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ, դատարանում նույնպես հայտարարեց, որ իրեն լիովին մեղավոր է ճանաչում և անկեղծորեն զղջում է կատարածի համար։
Ամբաստանյալ Արմեն Ագրիկի Կարապետյանն իր կատարած` Հայաստանի Հանրապետության քրեական օրենսգրքի 178-րդ հոդվածի 2-րդ մասի 5-րդ կետով նախատեսված հանցագործության համար ենթակա է պատժի տուգանքի ձևով, որը նա պետք է կրի։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 19.03.2012թ. որոշմամբ իրեղեն ապացույցներ ճանաչված` 300 /երեք հարյուր/ ԱՄՆ դոլար գումարը պետք է վերադարձնել ՀՀ ոստիկանության ֆինանսաբյուջետային վարչությանը, իսկ Արմեն Կարապետյանի ձեռքերից վերցված, քիմիական նյութի հետքերով բամբակյա խծուծները պետք է ոչնչացնել։
Քննարկելով խափանման միջոցի հարցը` դատարանը գտնում է, որ ամբաստանյալ Արմեն Ագրիկի Կարապետյանի նկատմամբ որպես խափանման միջոց չհեռանալու մասին ստորագրությունն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 357-360-րդ, 364-366-րդ, 369-373-րդ, 3751-3754-րդ հոդվածներով, դատարանը`

Վ Ճ Ռ Ե Ց

Ամբաստանյալ Արմեն Ագրիկի Կարապետյանին մեղավոր ճանաչել Հայաստանի Հանրապետության քրեական օրենսգրքի 178-րդ հոդվածի 2-րդ մասի 5-րդ կետով նախատեսված հանցանքում և դատապարտել տուգանքի նվազագույն աշխատավարձի վեցհարյուրապատիկի` 600.000 /վեց հարյուր հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Դատավճռի օրինական ուժի մեջ մտնելուց հետո, 19.03.2012թ. որոշմամբ իրեղեն ապացույցներ ճանաչված, 300 /երեք հարյուր/ ԱՄՆ դոլար գումարը վերադարձնել ՀՀ ոստիկանության ֆինանսաբյուջետային վարչությանը, Արմեն Կարապետյանի ձեռքերից վերցված, քիմիական նյութի հետքերով բամբակյա խծուծները` ոչնչացնել։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։ Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։


ԴԱՏԱՎՈՐ` Մ. ՄԱՐՏԻՐՈՍՅԱՆ