ԵԿԴ/0044/01/12







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«4» հուլիսի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Վ.Միլիտոնյան
պաշտպաններ Հ.Հովհաննիսյան
Ն.Մեհրաբյան
թարգմանիչ Ռ.Շագինյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Իրակլի Գեորգիի Սեխնիաշվիլիի` ծնված 1983 թվականի փետրվարի 6-ին Վրաստանում, ազգությամբ վրացի, Վրաստանի քաղաքացի, բարձրագույն կրթությամբ, չամուսնացած, նախկինում չդատապարտված, չի աշխատում, հաշվառված է Վրաստանի Թբիլիսի քաղաքի Խիդի փողոցի 1-ին տանը, մեղադրանք է առաջադրվել ՀՀ քրեական օրենսգրքի 235-րդ հոդվածի 1-ին մասով, 235-րդ հոդվածի 4-րդ մասով, 268-րդ հոդվածի 1-ին մասով և 329-րդ հոդվածի 1-ին մասով, արգելանքի տակ է 2011 թվականի նոյեմբերի 20-ից,
Ռազմիկ Վահանի Թումանյանի` ծնված 1983 թվականի մարտի 31-ին Վանաձոր քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, նախկինում չդատապարտված, չի աշխատում, հաշվառված է Վանաձոր քաղաքի Ռ.Մելիքյան փողոցի 2-րդ տանը, բնակվել է Երևան քաղաքի Բակունցի փողոցի 18ա տանը, մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 1-ին մասով, արգելանքի տակ է 2011 թվականի նոյեմբերի 20-ից, և
Սամվել Ռաֆայելի Գասպարյանի` ծնված 1963 թվականի հուլիսի 28-ին Երևան քաղաքում, ազգությամբ հայ, ՀՀ քաղաքացի, միջին-մասնագիտական կրթությամբ, ամուսնացած, նախկինում չդատապարտված, չի աշխատում, հաշվառված է Երևան քաղաքի Բակունցի փողոցի 2-րդ շենքի 31-րդ բնակարանում, մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, խափանման միջոց է ընտրվել ստորագրություն չհեռանալու մասին:

1. Գործի դատավարական նախապատմությունը.
2011 թվականի նոյեմբերի 20-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ ՀՀ քրեական օրենսգրքի 268-րդ հոդվածի 1-ին մասով և 235-րդ հոդվածի 4-րդ մասով նախատեսված հանցագործությունների հատկանիշներով հարուցվել և վարույթ է ընդունվել թիվ 69107811 քրեական գործը:
2011 թվականի նոյեմբերի 23-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69107811 քրեական գործով Գեորգ Գեորգիի Գուգաձեին մեղադրանք է առաջադրվել ՀՀ քրեական օրենսգրքի 329-րդ հոդվածի 1-ին մասով, 268-րդ հոդվածի 1-ին մասով և 235-րդ հոդվածի 4-րդ մասով:
2011 թվականի նոյեմբերի 23-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69107811 քրեական գործով Ռազմիկ Վահանի Թումանյանին մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 1-ին մասով:
2011 թվականի նոյեմբերի 26-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69107811 քրեական գործով Սամվել Ռաֆայելի Գասպարյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով:
2012 թվականի հունվարի 11-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69107811 քրեական գործով Գեորգ Գուգաձեի կողմից ապօրինի թմրամիջոց ձեռք բերելու և պահելու մասով քրեական գործի մասը կարճվել է և նրա նկատմամբ քրեական հետապնդում չի իրականացվել` նրա արարքում հանցակազմի բացակայության պատճառաբանությամբ:
2012 թվականի փետրվարի 20-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69107811 քրեական գործով Իրակլի Գեորգիի Սեխնիաշվիլիին (Գեորգ Գուգաձե) առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 329-րդ հոդվածի 1-ին մասով, 268-րդ հոդվածի 1-ին մասով և 235-րդ հոդվածի 1-ին և 4-րդ մասերով:
2012 թվականի մարտի 2-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69107811 քրեական գործից անջատվել է Իրակլի Սեխնիաշվիլիի, Ռազմիկ Թումանյանի և Սամվել Գասպարյանի վերաբերյալ մասը և նախաքննությունը շարունակվել է թիվ 69102112 համարով:
2012 թվականի մարտի 28-ին Իրակլի Գեորգիի Սեխնիաշվիլիի, Ռազմիկ Վահանի Թումանյանի և Սամվել Ռաֆայելի Գասպարյանի վերաբերյալ թիվ 69102112 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորվել է ԵԿԴ/0044/01/12 համարը:
Իրակլի Գեորգիի Սեխնիաշվիլիին մեղադրանք է առաջադրվել ՀՀ քրեական օրենսգրքի 235-րդ հոդվածի 1-ին մասով, 235-րդ հոդվածի 4-րդ մասով, 268-րդ հոդվածի 1-ին մասով և 329-րդ հոդվածի 1-ին մասով` այն արարքների համար, որ նա, քննությամբ չպարզված հանգամանքներում առանց սահմանված փաստաթղթերի և առանց պատշաճ թույլտվության հատելով Հայաստանի Հանրապետության պահպանվող պետական սահմանը, ապօրինի մուտք է գործել Հայաստան:
Դրանից հետո` ժամանակավորապես Երևան քաղաքում բնակվելու ընթացքում, Իրակլի Սեխնիաշվիլին 2011 թվականի սեպտեմբերի սկզբներին գործածման նպատակով ապօրինի թմրամիջոց ձեռք բերելու համար դիմել է Երևան քաղաքի բնակիչ Սամվել Գասպարյանին և առանց իրացնելու նպատակի, իրենց գործածման համար վերջինի միջոցով թմրամիջոց ձեռք բերելու շուրջ նախնական համաձայնության գալով նրա հետ, 2011 թվականի սեպտեմբերից նոյեմբերն ընկած ժամանակահատվածում, շուրջ 20 դեպքով, Երևան քաղաքի տարբեր վայրերում` Կոմիտաս-Կասյան փողոցների հատման խաչմերուկում, «Երևան» կինոթատրոնի մոտ, յուրաքանչյուր անգամ Սամվել Գասպարյանին տվել է 55.000-ական ՀՀ դրամ: Այնուհետև` մեկուկես ժամվա ընթացքում, պայմանավորվածության համաձայն` նույն վայրում հանդիպել է Սամվել Գասպարյանին, ում միջոցով իրենց գործածման համար ապօրինի ձեռք բերված` յուրաքանչյուր անգամ զգալի չափի` մոտ 0,008-ական գրամ, բուպրենորֆին տեսակի թմրամիջոց պարունակող մեկական դեղահաբը հավասարապես բաժանելուց հետո իր չափաբաժինը ստանալով` այն թորած ջրով լուծելու և ներարկվելու եղանակով գործածել է:
Ապօրինի ձեռք բերած 0,0077 գրամ բուպրենորֆին տեսակի թմրամիջոց պարունակող դեղահաբերից մեկը Իրակլի Սեխնիաշվիլին ապօրինի պահել է իր մոտ, որը 2011 թվականի նոյեմբերի 18-ին հայտնաբերվել է ՀՀ ոստիկանության ԿՀԴՊ գլխավոր վարչության աշխատակիցների կողմից վերջինին բերման ենթարկելուց հետո` նրա անձնական խուզարկությամբ, իսկ զգալի չափի` 0,0025 գրամ, բուպրենորֆին տեսակի թմրամիջոց պարունակող կես դեղահաբը 2011 թվականի նոյեմբերի 21-ին հայտնաբերվել է նրա ժամնակավոր բնակության վայրի խուզարկությամբ:
Բացի այդ, Իրակլի Սեխնիաշվիլին, գտնվելով Երևան քաղաքում, քննությամբ դեռևս չպարզված անձից և հանգամանքներում, ձեռք է բերել և իր մոտ ապօրինի կերպով կրել է սառը զենք հանդիսացող կռփազենք, որը հայտնաբերվել է նրա անձնական խուզարկությամբ, ինչպես նաև նույն ժամանակահատվածում վերջինը, գործով չպարզված եղանակով, ապօրինի ձեռք է բերել և իր ժամանակավոր բնակության վայրում պահել ռազմամթերք հանդիսացող 23 հատ 7,65 մմ տրամաչափի մարտական փամփուշտ, որոնք հայտնաբերվել և առգրավվել են 2011 թվականի նոյեմբերի 21-ին կատարված խուզարկությամբ:
Ռազմիկ Վահանի Թումանյանին մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 1-ին մասով` այն արարքների համար, որ նա 2011 թվականի սեպտեմբեր-նոյեմբեր ամիսներին` պարբերաբար` տարբեր օրերի` երեկոյան ժամերին` շուրջ 50 դեպքով, Երևան քաղաքի մետրոյի «Բարեկամություն» կայարանի մոտ պայմանավորվածության համաձայն հանդիպել է իր ծանոթ, Հարավ-արևմտյան թաղամասում բնակվող, գործով դեռևս չպարզված ոմն Արամին, որին յուրաքանչյուր անգամ վճարելով 55.000-ական ՀՀ դրամ, նրանից գնելու եղանակով, իրացնելու և իր գործածման նպատակով ապօրինի ձեռք է բերել յուրաքանչյուր անգամ զգալի չափի` մոտ 0,008-ական գրամ բուպրենորֆին տեսակի թմրամիջոց պարունակող մեկական հատ դեղահաբ: Ապօրինի ձեռք բերված դեղահաբերից շուրջ 30 հատը նշված ժամանակահատվածում Ռազմիկ Թումանյանը գործածել է ներարկվելու եղանակով, իսկ նույն ժամանակահատվածում` շուրջ 20 դեպքով, ձեռք բերված զգալի չափի` մոտ 0,008-ական գրամ, բուպրենորֆին տեսակի թմրամիջոց պարունակող մեկական հատ դեղահաբերը, նախապես ունեցած պայմանավորվածության համաձայն, Երևան քաղաքի Ա.Խաչատրյան փողոցի սկզբնամասում հանդիպելով իր ծանոթ Սամվել Գասպարյանին, նույն գնով վաճառելու եղանակով ապօրինի իրացրել է վերջինին:
Սամվել Ռաֆայելի Գասպարյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով` այն արարքի համար, որ նա 2011 թվականի սեպտեմբերի սկզբներին Երևանում ժամանակավորապես բնակվող Գեորգ Գուգաձեի հետ նախնական համաձայնության է եկել վերջինի գումարներով իրենց օգտագործման նպատակով թմրամիջոցներ ձեռք բերելու շուրջ, որից հետո` 2011 թվականի սեպտեմբերից նոյեմբեր ամիսներն ընկած ժամանակահատվածում` տարբեր օրերի` շուրջ 20 դեպքով, Երևան քաղաքի տարբեր վայրերում` Կոմիտաս-Կասյան փողոցների հատման խաչմերուկում, «Երևան» կինոթատրոնի մոտ, յուրաքանչյուր անգամ Գեորգ Գուգաձեից ստացել է 55.000-ական ՀՀ դրամ, ապա պայմանավորվածության համաձայն` Արամ Խաչատրյան փողոցի սկզբնամասում նշված գումարներն իր ծանոթ Ռազմիկ Թումանյանին փոխանցելուց հետո մոտ մեկ ժամվա ընթացքում նրանից, առանց իրացնելու նպատակի, իր և Գեորգ Գուգաձեի օգտագործման համար ապօրինի ձեռք է բերել յուրաքանչյուր դեպքով զգալի չափի` մոտ 0,008-ական գրամ բուպրենորֆին տեսակի թմրամիջոց պարունակող մեկական դեղահաբ: Նույն ժամանակ` դեղահաբը Գեորգ Գուգաձեի հետ միմյանց միջև բաժանելուց հետո թորած ջրով լուծելով` ներարկվելու եղանակով օգտագործել է:
2. Արագացված դատական քննություն.
Մինչ դատաքննությունն սկսելն ամբաստանյալներ Իրակլի Սեխնիաշվիլին, Ռազմիկ Թումանյանը և Սամվել Գասպարյանը միջնորդեցին դատական քննությունն անցկացնել արագացված կարգով և հայտնեցին, որ միջնորդությունը ներկայացրել են կամավոր, խորհրդակցել են իրենց պաշտպանների հետ, գիտակցում են արագացված կարգով դատական քննություն անցկացնելու հետևանքները, առաջադրված մեղադրանքներն իրեն պարզ են, համաձայն են մեղադրանքների հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Իրակլի Սեխնիաշվիլին կատարել է արարքներ` նախատեսված ՀՀ քրեական օրենսգրքի 235-րդ հոդվածի 1-ին մասով, 235-րդ հոդվածի 4-րդ մասով 268-րդ հոդվածի 1-ին մասով և 329-րդ հոդվածի 1-ին մասով, Ռազմիկ Թումանյանը` արարքներ` նախատեսված ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 1-ին մասով, իսկ Սամվել Գասպարյանը` արարք` նախատեսված ՀՀ քրեական օրենսգրքի 268-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագրերը, բնութագիրը, ամբուլատոր քարտի քաղվածքը, բժշկական տեղեկանքը, ծննդայան վկայականի պատճենը, եկավ հետևյալ եզրահանգման.
Իրակլի Գեորգիի Սեխնիաշվիլիի անձը դրականորեն բնութագրող հանգամանքներ են բարձրագույն ուսումնական հաստատությունում սովորելը, ինքնախոստովանական ցուցմունքներ տալը և կատարածի համար զղջալը:
Դատարանն արձանագրում է, որ Իրակլի Սեխնիաշվիլիի պատասխանատվությունն ու պատիժը մեղմացնող և ծանրացնող հանգամանքներ չկան:
Կատարած արարքների համար ամբաստանյալ Իրակլի Սեխնիաշվիլին ենթակա է քրեական պատասխանատվության և պատժի:
Դատարանը, հաշվի առնելով Իրակլի Սեխնիաշվիլիի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքների բացակայությունը, ինչպես նաև այն, որ Իրակլի Սեխնիաշվիլիի կողմից կատարված արարքների համար ՀՀ քրեական օրենսգրքի 235-րդ հոդվածի 1-ին մասի, 235-րդ հոդվածի 4-րդ մասի, 268-րդ հոդվածի 1-ին մասի և 329-րդ հոդվածի 1-ին մասի սանկցիաներով նախատեսված է պատիժ նաև ազատազրկման ձևով, գտնում է, որ նրա նկատմամբ կատարած արարքներից յուրաքանչյուրի համար պատիժ պետք է նշանակել ազատազրկման ձևով: Ընդ որում` Դատարանը գտնում է, որ Իրակլի Սեխնիաշվիլիի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Իրակլի Սեխնիաշվիլիի պատժի կրման սկիզբը պետք է հաշվել 2011 թվականի նոյեմբերի 20-ից, քանի որ նա այդ օրը ձերբակալվել է, իսկ 2011 թվականի նոյեմբերի 23-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Իրակլի Սեխնիաշվիլիի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Ռազմիկ Վահանի Թումանյանի անձը դրականորեն բնութագրող հանգամանքներ են բարձրագույն ուսումնական հաստատությունում սովորելը, ամուսնացած լինելը, ինքնախոստովանական ցուցմունքներ տալը և կատարածի համար զղջալը:
Ռազմիկ Թումանյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեխայի (Մայա Ռազմիկի Թումանյան՝ ծնված 2006 թվականի մայիսի 2-ին) առկայությունը:
Դատարանը գտնում է, որ Ռազմիկ Թումանյանի պատասխանատվությունն ու պատիժը մեղմացնող հանգամանք պետք է դիտել նախկինում արատավորված` դատապարտված չլինելը, դրականորեն բնութագրվելը, ինչպես նաև վատառողջ լինելը («Հեպատիտ «C» (Ցե)» ախտորոշում):
Դատարանը միաժամանակ արձանագրում է, որ Ռազմիկ Թումանյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Ռազմիկ Թումանյանն ենթակա է քրեական պատասխանատվության և պատժի:
Դատարանը, հաշվի առնելով Ռազմիկ Թումանյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ Ռազմիկ Թումանյանի կողմից կատարված արարքների համար ՀՀ քրեական օրենսգրքի 266-րդ հոդվածի 1-ին մասի և 268-րդ հոդվածի 1-ին մասի սանկցիաներով նախատեսված են պատիժներ ազատազրկման ձևով, գտնում է, որ նրա նկատմամբ կատարած արարքներից յուրաքանչյուրի համար պատիժ պետք է նշանակել ազատազրկման ձևով: Ընդ որում` Դատարանը գտնում է, որ Ռազմիկ Թումանյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները լրիվ գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Ռազմիկ Թումանյանի պատժի կրման սկիզբը պետք է հաշվել 2011 թվականի նոյեմբերի 20-ից, քանի որ նա այդ օրը ձերբակալվել է, իսկ 2011 թվականի նոյեմբերի 23-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Ռազմիկ Թումանյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 360-րդ հոդվածի 1-ին մասի 15-րդ կետի համաձայն` դատավճիռ կայացնելիս դատարանը լուծում է նաև այն հարցը, թե հանցանքը կատարելու մեջ մեղավոր ճանաչված ամբաստանյալի նկատմամբ անհրաժեշտ է արդյոք կիրառել հարկադրական բուժում:
Դատանարկոլոգիական հանձնաժողովային փորձաքննության 2012 թվականի փետրվարի 23-ի թիվ 43-12 եզրակացության համաձայն` Ռազմիկ Թումանյանը տառապում է «Ափիոնային թմրամոլություն» ախտորոշմամբ, ուստի հարկադիր բուժման կարիք ունի, որի համար հակացուցումներ չկան:
ՀՀ քրեական օրենսգրքի 97-րդ հոդվածի 1-ին մասի 4-րդ կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից և թմրամոլությունից բուժման կարիք ունեցող:
Քանի որ Ռազմիկ Թումանյանի վերաբերյալ դատանարկոլոգիական փորձաքննության եզրակացությունն ունի ավելի քանի չորս ամսվա վաղեմություն, իսկ այդ ժամանակահատվածի ընթացքում Ռազմիկ Թումանյանի նկատմամբ որպես խանփանման միջոց ընտրված է եղել կալանավորումը, ուստի Դատարանը չի կարող գալ այն եզրահանգման, որ նա ներկայում ունի հարկադիր բուժման կարիք: Բացի այդ, բժշկական բնույթի հարկադրանքի միջոցները մշտապես պայմանավորված են մարդու իրավունքնների և ազատությունների հարկադիր սահմանափակման հետ: Բժշկական բնույթի հարկադրանքի միջոցների կիրառման հիմնավորվածությունն այն անձնաց նկատմամբ, ովքեր ի վիճակի են գիտակցել իրենց գորոծողությունների (անգործության) բնույթն ու հանրության համար վտանգավորության աստիճանը հակասում է ծանր հոգեկան խանգարումով չտառապող անձանց բուժման հոժարակամության սկզբունքին, որն ամրագրված է «Հոգեբուժական օգնության մասին» 2004 թվականի մայիսի 25-ի և «Բնակչության բժշկական օգնության և սպասարկման մասին» 2006 թվականի մարտի 4-ի ՀՀ օրենքներով:
Սամվել Ռաֆայելի Գասպարյանի անձը դրականորեն բնութագրող հանգամանքներ են ամուսնացած լինելը, ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Սամվել Գասպարյանի պատասխանատվությունն ու պատիժը մեղմացնող հանգամանք պետք է դիտել նախկինում արատավորված` դատապարտված չլինելը, ինչպես նաև վատառողջ լինելը («Զարկերակային հիպերտենզիա՝ երկրորդ աստիճան, հիպերտոնիկ կրիզ» և «Հեպատիտ «C» (Ցե)» ախտորոշումներ):
Դատարանը միաժամանակ արձանագրում է, որ Սամվել Գասպարյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Սամվել Գասպարյանը ենթակա է քրեական պատասխանատվության և պատժի:
Դատարանը, հաշվի առնելով Սամվել Գասպարյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ Սամվել Գասպարյանի կողմից կատարված արարքի համար ՀՀ քրեական օրենսգրքի 268-րդ հոդվածի 1-ին մասի սանկցիայով նախատեսված է պատիժ նաև կալանքի ձևով, գտնում է, որ նրա նկատմամբ պատիժ պետք է նշանակել կալանքի ձևով:
Դատարանը գտնում է, որ Սամվել Գասպարյանի նկատմամբ նշանակվելիք պատժի ժամկետին պետք է հաշվակցել սույն քրեական գործով 2011 թվականի նոյեմբերի 20-ից մինչև 2011 թվականի նոյեմբերի 23-ն արգելանքի տակ գտնվելու ժամկետը` 3 (երեք) օրը:
Դատարանը գտնում է, որ Սամվել Գասպարյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատանարկոլոգիական հանձնաժողովային փորձաքննության 2012 թվականի փետրվարի 23-ի թիվ 41-12 եզրակացության համաձայն` Սամվել Գասպարյանը տառապում է «Ափիոնային թմրամոլություն» ախտորոշմամբ, ուստի հարկադիր բուժման կարիք ունի, որի համար հակացուցումներ չկան:
Քանի որ Սամվել Գասպարյանի վերաբերյալ դատանարկոլոգիական փորձաքննության եզրակացությունն ունի ավելի քանի չորս ամսվա վաղեմություն, ուստի Դատարանը վերոգրյալ հիմնավորումներով չի կարող գալ այն եզրահանգման, որ նա ներկայում ունի հարկադիր բուժման կարիք:
Դատարանը գտնում է, որ դատավճիռն օրինական ուժի մեջ մտնելուց հետո 2012 թվականի հունվարի 16-ի որոշմամբ իրեղեն ապացույց ճանաչված 23 հատ 7,65մմ տրամաչափի փամփուշտները, 2012 թվականի հունվարի 23-ի որոշմամբ իրեղեն ապացույց ճանաչված արհեստագործական եղանակով պատրաստված կռփազենքերի նմանողությամբ իրը և 2012 թվականի հունվարի 30-ի որոշմամբ իրեղեն ապացույց ճանաչված արհեստագործական եղանակով պատրաստված կռփազենքերի նմանողությամբ իրը և սառը զենք հանդիսացող որսորդական սևեռվող շեղբով ծալովի դանակը պետք է բռնագրավել և հանձնել ՀՀ ոստիկանությանը, 2012 թվականի հունվարի 16-ի որոշմամբ իրեղեն ապացույց ճանաչված մարդու արյան ու «բուպրենորֆին» տեսակի թմրամիջոցի պարունակությամբ ներարկիչները պետք է ոչնչացնել, իսկ 2012 թվականի հունվարի 16-ի որոշմամբ իրեղեն ապացույց ճանաչված 0,13 գրամ քաշով դեղահաբի կտորում հայտնաբերված 0,0025 գրամ «բուպրենորֆին» թմրամիջոցի, 0,16 գրամ քաշով չորացված մարիխուանա տեսակի թմրամիջոցի և 2012 թվականի հունվարի 23-ի որոշմամբ իրեղեն ապացույց ճանաչված 0,0077 գրամ բուպրենորֆին տեսակի թմրամիջոցի պարունակությամբ դեղահաբի հարցերը՝ թողնել լուծելու թիվ 69107811 քրեական գործով:
Դատարանը գտնում է, որ դատական ծախսերն ամբաստանյալներ Իրակլի Սեխնիաշվիլիից, Ռազմիկ Թումանյանից և Սամվել Գասպարյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Իրակլի Գեորգիի Սեխնիաշվիլիին մեղավոր ճանաչել ՀՀ քրեական օրենսգրքի 235-րդ հոդվածի 1-ին մասով, 235-րդ հոդվածի 4-րդ մասով, 268-րդ հոդվածի 1-ին մասով և 329-րդ հոդվածի 1-ին մասով:
ՀՀ քրեական օրենսգրքի 235-րդ հոդվածի 1-ին մասով Իրակլի Գեորգիի Սեխնիաշվիլիի նկատմամբ պատիժ նշանակել ազատազրկում` 1 (մեկ) տարի ժամկետով:
ՀՀ քրեական օրենսգրքի 235-րդ հոդվածի 4-րդ մասով Իրակլի Գեորգիի Սեխնիաշվիլիի նկատմամբ պատիժ նշանակել ազատազրկում` 6 (վեց) ամիս ժամկետով:
ՀՀ քրեական օրենսգրքի 268-րդ հոդվածի 1-ին մասով Իրակլի Գեորգիի Սեխնիաշվիլիի նկատմամբ պատիժ նշանակել ազատազրկում` 6 (վեց) ամիս ժամկետով:
ՀՀ քրեական օրենսգրքի 329-րդ հոդվածի 1-ին մասով Իրակլի Գեորգիի Սեխնիաշվիլիի նկատմամբ պատիժ նշանակել ազատազրկում` 1 (մեկ) տարի ժամկետով:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Իրակլի Գեորգիի Սեխնիաշվիլիի նկատմամբ վերջնական պատիժ նշանակել ազատազրկում` 2 (երկու) տարի 6 (վեց) ամիս ժամկետով` պատժի կրման սկիզբը հաշվելով 2011 թվականի նոյեմբերի 20-ից:
Իրակլի Գեորգիի Սեխնիաշվիլիի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Ռազմիկ Վահանի Թումանյանին մեղավոր ճանաչել ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 1-ին մասով:
ՀՀ քրեական օրենսգրքի 266-րդ հոդվածի 1-ին մասով Ռազմիկ Վահանի Թումանյանի նկատմամբ պատիժ նշանակել ազատազրկում` 3 (երեք) տարի ժամկետով:
ՀՀ քրեական օրենսգրքի 268-րդ հոդվածի 1-ին մասով Ռազմիկ Վահանի Թումանյանի նկատմամբ պատիժ նշանակել ազատազրկում` 6 (վեց) ամիս ժամկետով:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները լրիվ գումարելու միջոցով, Ռազմիկ Վահանի Թումանյանի նկատմամբ վերջնական պատիժ նշանակել ազատազրկում` 3 (երեք) տարի 6 (վեց) ամիս ժամկետով` պատժի կրման սկիզբը հաշվելով 2011 թվականի նոյեմբերի 20-ից:
Ռազմիկ Վահանի Թումանյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Սամվել Ռաֆայելի Գասպարյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով և պատիժ նշանակել կալանք` 2 (երկու) ամիս ժամկետով:
Սամվել Ռաֆայելի Գասպարյանի նկատմամբ նշանակված պատժի ժամկետին հաշվակցել սույն քրեական գործով 2011 թվականի նոյեմբերի 20-ից մինչև 2011 թվականի նոյեմբերի 23-ն արգելանքի տակ գտնվելու ժամկետը` 3 (երեք) օրը, և վերջնական պատիժ թողնել կրելու` կալանք` 1 (մեկ) ամիս 27 (քսանյոթ) օր ժամկետով:
Պատժի կրման սկիզբը հաշվել արգելանքի վերցնելու պահից:
Սամվել Ռաֆայելի Գասպարյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո 2012 թվականի հունվարի 16-ի որոշմամբ իրեղեն ապացույց ճանաչված 23 հատ 7,65մմ տրամաչափի փամփուշտները, 2012 թվականի հունվարի 23-ի որոշմամբ իրեղեն ապացույց ճանաչված արհեստագործական եղանակով պատրաստված կռփազենքերի նմանողությամբ իրը և 2012 թվականի հունվարի 30-ի որոշմամբ իրեղեն ապացույց ճանաչված արհեստագործական եղանակով պատրաստված կռփազենքերի նմանողությամբ իրը և սառը զենք հանդիսացող որսորդական սևեռվող շեղբով ծալովի դանակը բռնագրավել և հանձնել ՀՀ ոստիկանությանը, 2012 թվականի հունվարի 16-ի որոշմամբ իրեղեն ապացույց ճանաչված մարդու արյան ու «բուպրենորֆին» տեսակի թմրամիջոցի պարունակությամբ ներարկիչները ոչնչացնել, իսկ 2012 թվականի հունվարի 16-ի որոշմամբ իրեղեն ապացույց ճանաչված 0,13 գրամ քաշով դեղահաբի կտորում հայտնաբերված 0,0025 գրամ «բուպրենորֆին» թմրամիջոցի, 0,16 գրամ քաշով չորացված մարիխուանա տեսակի թմրամիջոցի և 2012 թվականի հունվարի 23-ի որոշմամբ իրեղեն ապացույց ճանաչված 0,0077 գրամ բուպրենորֆին տեսակի թմրամիջոցի պարունակությամբ դեղահաբի հարցերը թողնել լուծելու թիվ 69107811 քրեական գործով:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):

ԴԱՏԱՎՈՐ Մ.ՊԱՊՈՅԱՆ