ԵԿԴ/0040/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
04 հունիսի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ս.ՊԵՏՐՈՍՅԱՆԻ
մասնակցությամբ`
մեղադրող Ա.ՀԱԿՈԲՅԱՆԻ
ամբաստանյալ Ս.ԱՎԱԳՅԱՆԻ
պաշտպան Ռ.ՍԻՐԵԿԱՆՅԱՆԻ

դատարանում` դռնբաց դատական նիստում, քննեց գործն ըստ մեղադրանքի`
Սամվել Սավետի Ավագյանի` ծնված 22.04.1990թ. ք.Երևանում, ազգությամբ հայ, ՀՀ քաղաքացի, ամուրի, իր հայտարարությամբ` թերի բարձրագույն կրթությամբ` որպես շտապ օգնության բժշկի օգնական, աշխատել է ՙԱրմենիա՚ ԲԿ-ում, վատառողջ, չդատված, բնակվել է` Արմավիրի մարզ, ք.Արմավիր, Չարենցի փողոց, 8-րդ շենք, բնակարան հ. 1, հաշվառված է` Արմավիրի մարզ, գ. Խանջյան, արգելանքի տակ է 2011թ. դեկտեմբերիի 2-ից, մեղադրվում է ՀՀ քրե-ական օրենսգրքի 266-րդ հոդվածի 1-ին մասով, 268-րդ հոդվածի 1-ին մասով և 269-րդ հոդվածի 1-ին մասով:
Ամբաստանյալ Ս.Ավագյանին ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 1-ին մասով և 269-րդ հոդվածի 1-ին մասով մեղադրանք է առաջադրվել այն բանի համար, որ նա. ՙ2011թ. հոկտեմբեր ամսին հյուրընկալվելով իր ազգական` Արմավիրի մարզի Խանջյան գյուղի բնակիչ, Վարուժան Հակոբյանի տանը, նկատել է սեղանին դրված` Վ.Հակոբյանի դուստր Մերի Հակոբյանին բժշկի կողմից նշանակված ՙդիազեպամ՚ տեսակի հոգեմետ նյութ պարունակող դեղահաբերը, ապա նպատակադրվել է դրանից իր գործածաման համար հափշտակել: Ս.Ավագյանը հանցավոր մտադրությունն իրականացնելու նպատակով վերցրել է սեղանի վրա դրված դեղահաբի տուփը, ապա Վ.Հակոբյանից աննկատ տուփից առանձնացրել և գաղտնի հափշտակել է 0.005 գրամ ՙդիազեպամ՚ տեսակի հոգեմետ նյութ պարունակող 1 հատ դեղահաբ, որը հետագա գործածման համար պահել է հագուստի գրպանում: Այնուհետև Ս. Ավագյանը 2011թ. հոկտեմբերի 27-ին` ժամը 11:00-ի սահմաններում, Արմավիրի մարզի Լուկաշին գյուղի հարակից դաշտից քաղած կանեփի թուփը չորացնելու և մանրացնելու միջոցով ապօրինի պատրաստել և հագուստի գրպանում պահել է զգալի չափի` 2,25 գրամը գերազանցող ՙչորացված մարիխուանա՚ տեսակի թմրամիջոց: Ս.Ավագյանը նույն օրն իր կողմից ապօրինի պատրաստված և պահվող ՙչորացված մարիխուանա՚ տեսակի թմրամիջոցի մի մասը լցրել է ծխախոտի գլանակի մեջ և դրանից մի փոքր ծխելու միջոցով գործածել, ապա գլանակի մեջ մնացած ՙչորացված մարիխուանա՚ տեսակի թմրամիջոցը 2011թ. հոկտեմբերի 27-ին` ժամը 23:00-ի սահմաններում, Երևան քաղաքի Մաշտոցի պողոտայի հարակից տարածքում հյուրասիրելու միջոցով ապօրինի իրացրել է Մեծամոր քաղաքի բնակիչ Կարեն Եղիազարյանին, իսկ իր կողմից ապօրինի պատրաստած մնացած` 2,25 գրամ հաստատուն քաշով չորացված մարիխուանա տեսակի թմրամիջոցը և Վ.Հակոբյանի բնակարանից հափշտակած 0.005 գրամ ՙդիազեպամ՚ տեսակի հոգեմետ նյութ պարունակող 1 հատ դեղահաբը հետագա գործածման համար պահել է հագուստի գրպանում, որոնք 2011թ. հոկտեմբերի 28-ին` ժամը 02:45-ի սահմաններում, նրա մոտ հայտնաբերվել են Երևան քաղաքի Ազատության հրապարակի հարակից տարածքում ծառայություն կատարող ՀՀ ոստիկանության ՊՊԾ գնդի 3-րդ գումարտակի 1-ին վաշտի ոստիկանների կողմից՚:
Ամբաստանյալ Ս.Ավագյանը մինչև դատաքննությունն սկսվելը միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայացնում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանքները:
Դատարանի որոշմամբ ամբաստանյալի միջնորդությունը բավարարվել և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի համաձայն լինելու հանգամանքն ու հանգելով եզրակացության, որ մեղադրանքը, որի հետ համաձայնվեց ամբաստանյալը, հիմնավորված է և հաստատվում է քրեական գործով հավաքված ապացույցներով, գտնում է, որ ամբաստանյալ Ս.Ավագյանը կատարել է հանցանքներ` նախատես-ված ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 1-ին մասով և 269-րդ հոդվածի 1-ին մասով, որոնցով և նա պետք է պատասխանատվության ենթարկվի:
Ամբաստանյալի նկատմամբ պատիժ նշանակելիս` պատիժների տեսակն ու չափը որոշելիս, դատարանը հաշվի է առնում ինչպես նրա կատարած արարքների բնույթը և հանրության համար վտանգավորության աստիճանը, այնպես էլ արագացված կարգով անցկացված դատա-քննության ընթացքում ուսումնասիրված` նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանքները:
Որպես ամբաստանյալ Ս.Ավագյանի պատասխանատվությունն ու պատիժը մեղմացնող հանգամանքներ` դատարանը հաշվի է առնում, որ նա համաձայնվեց մեղադրանքի հետ և ան-կեղծորեն զղջաց կատարած հանցանքների համար:
Որպես ամբաստանյալ Ս.Ավագյանի անձը բնութագրող տվյալ` դատարանը հաշվի է առնում, որ նա բնութագրվում է դրական, գտնվել է նյարդահոգեբույժի հսկողության տակ և ստացել է համապատասխան բուժում` ՙԻրավիճակային պսիխոտիկ ռեակցիաներ շեշտված անձնավո-րության մոտ՚ ախտորոշմամբ հիվանդությունից:
Ամբաստանյալի պատասխանատվությունն ու պատիժը ծանրացնող հանգամանքներ դատական քննությամբ չարձանագրվեցին:
Դատարանը, հաշվի առնելով ամբաստանյալի` ՀՀ քրեական օրենսգրքի 268-րդ հոդվածի 1-ին մասով կատարած հանցագործության հանրության համար վտանգավորության աստիճանը, գտնում է, որ նշված հանցագործության համար նախատեսված պատիժներից նվազ խիստ տեսակը չի կարող ապահովել պատժի նպատակները և նա պետք է դատապարտվի ազատազրկման:
Միաժամանակ, նկատի ունենալով, որ ամբուլատոր դատահոգեբուժական փորձագիտական հանձնաժողովի 14.02.2012թ. հ. 31/12 եզրակացության համաձայն Ս.Ավագյանը հանդիսանում է փսիխոպաթ անձ և դատապարտվելու դեպքում կալանավայրում կարիք ունի նյարդահո-գեբույժի հսկողության, դատարանը գտնում է, որ Ս.Ավագյանի նկատմամբ` ըստ ազատազրկումը կրելու վայրի, պատժի կատարման հետ միացված պետք է նշանակվի նյարդահոգեբույժի հսկողություն և հարկադիր բուժում:
Քննության առնելով իրեղեն ապացույցների տնօրինման հարցը` դատարանը գտնում է, որ փորձաքննության կատարումից հետո մնացած` 2,15 գրամ քաշով ՙՉորացված մարիխուանա՚ տեսակի թմրամիջոցը և ՙԴիազեպամ՚ տեսակի հոգեմետ նյութի պարունակությամբ կես դե-ղահաբը պետք է ոչնչացվեն:
Դատարանը, քննության առնելով խափանման միջոցի հարցը, գտնում է, որ ամբաստանյալի նկատմամբ կիրառված խափանման միջոցը` կալանավորումը, պետք է թողնվի անփոփոխ` մինչև դատավճռի օրինական ուժի մեջ մտնելը:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 119, 357, 359, 360 ու 3753 հոդվածներով` դատարանը

Վ Ճ Ռ Ե Ց

Սամվել Սավետի Ավագյանին ճանաչել մեղավոր ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 1-ին մասով ու 269-րդ հոդվածի 1-ին մասով և ՀՀ քրեական օրենսգրքի 266-րդ հոդվածի 1-ին մասով նրան դատապարտել ազատազրկման 3 (երեք) տարի ժամկետով, 268-րդ հոդվածի 1-ին մասով` ազատազրկման 6 (վեց) ամիս ժամկետով, իսկ 269-րդ հոդվածի 1-ին մասով` ազատազրկման 3 (երեք) տարի ժամկետով:
ՀՀ քրեական օրենսգրքի 66-րդ հոդվածի 4-րդ մասի համաձայն` պատիժները մասնա-կիորեն գումարելու միջոցով, որպես վերջնական պատիժ` նշանակել ազատազրկում 3 (երեք) տարի 6 (վեց) ամիս ժամկետով, որպիսի պատիժը պետք է կրի ՀՀ ԱՆ համապատասխան քրեակատարողական հիմնարկում:
Իրեղեն ապացույցը` 2,15 գրամ քաշով ՙՉորացված մարիխուանա՚ տեսակի թմրամիջոցը և ՙԴիազեպամ՚ տեսակի հոգեմետ նյութի պարունակությամբ կես դեղահաբը ոչնչացնել:
Ս.Ավագյանի նկատմամբ` ըստ ազատազրկումը կրելու վայրի, պատժի կատարման հետ միացված նշանակել նյարդահոգեբույժի հսկողություն և հարկադիր բուժում:
Պատժի կրման սկիզբը հաշվել 2011թ. դեկտեմբերի 2-ից:
Ս.Ավագյանի նկատմամբ կիրառված խափանման միջոցը` կալանավորումը, թողնել ան-փոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ